رواية_انتقامي_مختلف للكاتب_عادل_عبد_الله الفصل الاول والثاني والثالث حصريه وجديده على مدونة أفكارنا

 رواية_انتقامي_مختلف للكاتب_عادل_عبد_الله الفصل الاول والثاني والثالث حصريه وجديده على مدونة أفكارنا 

رواية_انتقامي_مختلف للكاتب_عادل_عبد_الله الفصل الاول والثاني والثالث حصريه وجديده على مدونة أفكارنا 

قبل  ما احكي حكايتي عارفة كويس اوي ان كتير منكم ممكن يهاجمني او انه يتصور اني انسانه مش كويسة لكن صدقوني انا مش عارفة عملت كده ازاي ولا عارفة اتصرف دلوقتي ازاي !!! 

الحلقة الاولي 

حكايتي بدأت يوم لما مدحت جاء في يوم لأخويا علشان يخرجوا مع بعض ، طلع مدحت ورن جرس الباب وخرجت اختي هند تفتح له الباب ودي كانت اول مرة يدخل مدحت بيتنا .

فتحت هند الباب وجريت علطول تنادي احمد اخويا علشان يكلم صاحبه .

مدحت اول ما شافها اعجب بها جدا وقرر يخطبها .

وفعلا بعدها بكام يوم اتفاجئنا بمدحت بيطلب انه يقابل بابا .

مدحت قعد مع بابا وطلب منه ايد اختي رغم انه ميعرفش عنها حتي اسمها!!

لما مدحت مشي بابا نادي علي اختي وقالها ان مدحت صاحب اخوها طلب ايديها للجواز .

ورغم ان كلنا كنا فرحانين الا ان هند كانت الوحيدة اللي مش فرحانه .

وانا بس كنت عارفة السبب !!!!!

هند طول عمرها من ساعة موت ماما وكانت مش بتخبي عني حاجة وكل اسرارها بتحكيلي عنها . وكنت عارفة انها بتحب علاء زميلها في الكلية  ومستنيين يخلصوا دراسة علشان يتقدملها .

بابا حس بأن ملامح هند مش مبسوطة !!!

سألها : ها يا هند قولتي ايه ؟؟

هند : انا معرفوش يا بابا .

: اومال هما عملوا الخطوبة ليه !! علشان الاتنين يتعرفوا علي بعض .

: يابابا مش وقت الخطوبة دلوقتي لما اخلص الكلية الاول .

: ازاي مش وقتها يا هند !! ده هو ده الوقت المناسب للخطوبة يادوب علي ما تخلصي الكلية تتجوزوا وافرح بيكي .

: طيب بلاش دلوقتي انا مش مستعجلة .

: بصراحة انا شايف انه شاب ممتاز وظيفة محترمة وعنده شقة تمليك ووسيم جدا وواضح ان اخلاقه عالية جدا .

بعدها ضحك بابا اوي وكمل : يعني عريس لقطة من الاخر الولد ده مش هيخرج من البيت الا و هو متجوز .

خرج باب و قعد يتفرج علي التلفزيون وانا قفلت الباب وقعدت جنب هند وقولتلها : 

: رفضتي ليه يا هند ؟

: ما انتي عارفة اني بحب علاء و هنتخطب اول لما نخلص جامعة .

: ايوه عارفة بس علاء لسه قدامه كتير اوي انما العريس ده بصراحة ميترفضش ابدا .

ضحكت هند وقالتلي : يبقي خلاص ما دام عجبك كده يبقي من نصيبك انتي ، خديه انتي ، الف مبروك عليكي الف ومبروك يا قلبي .

: انتي اتجننتي يا هند ؟؟ اخد مين ؟ ده هو عاوزك انتي !!! 

: ولا اتجننت ولا حاجة اسمعيني بس الاول ، اولا انا وانتي فرق العمر بينا سنة واحدة وتقريبا شبه بعض اوي اوي واللي ميعرفوناش اوي بيتلخبطوا بينا ، صح ؟؟

: ايوه صح .

: وهو ملحقش يتحقق من شكلي ده انا مش وقفت قدامه دقيقة علي بعضها يعني لو وقفنا قدامه احنا الاتنين ممكن ميعرفش مين فينا اللي شافها علي الباب وعاوز يخطبها .

: قومت وقولتلها انتي باين عليكي اتجننتي بجد.

: ليه يا بنتي ؟؟ انتي مش مرتبطة ولا قلبك مشغول بحد يبقي اي المانع ؟

: انا هسيبك و اروح  اقعد في اوضتي وفكري تاني في كلام بابا .

قالتلي : فكري انتي في كلامي يا ولاء وصدقيني ده في مصلحتنا كلنا .

دخلت اوضتي وقعدت افكر في كلام هند .... بصراحة انا شوفت العريس من بعيد فعلا شكله شيك ووسيم وفوق كل ده عنده شغل وسكن مستقر يعني مفيش بنت عاقلة هترفضه .

يعني ممكن فعلا يكون العريس ده ليا انا ؟؟؟!!! طيب نفترض انه عرف ان مش انا العروسة اللي شافها الاول موقفي هيبقي ايه ساعتها ؟؟!!! يالهوي ده انا كنت اموت قبل ما يحصل كده !!!

يبقي خلاص بلاش الاقتراح ده احسن ، رغم ان الفكرة كانت هتبقي ممتازة لنا كلنا فعلا .

خرجت من اوضتي لقيت بابا قاعد مع هند بيحاول يقنعها انها توافق .

بابا ناداني وقالي : 

تعالي يا ولاء كلمي اختك رغم انك اصغر منها بس انتي العاقلة تعالي قوليلها ان العريس ده لقطة ومناسب ليها .

وفجأة اتسحبت هند من لسانها وقالتله :

ايه رأيك يا بابا انا متنازلة عن العريس ده لولاء اختي .

بابا بصلها باستغراب وقالها : بس العريس شافك وعايزك انتي .

هند : يا بابا انا وولاء شبه بعض اوي والناس بتتلخبط احيانا بينا والعريس ملحقش يدقق فيا علشان يقدر يميزنا عن بعض .

بابا بصلها وهو بيفكر وسألها : ده رأيك النهائي ؟

قالتله : ايوه 

بص لي وقالي : ايه رأيك يا ولاء ؟ انتي فعلا طيبة وتستاهلي كل خير .

قولتله : انتوا بتتكلموا بجد ؟

: ايوه ، العريس بصراحة كل حاجة فيه ممتازة ولما كلمته بان عليه ان شخصيته ممتازة ده غير شكله وظروفه ، يلا حلال عليكي انتي اختك دي مش وش نعمة .

: وهو يعني لازم يتجوز واحدة مننا ؟ 

: يا حبيبتي انا نفسي اطمن عليكوا قبل ما اموت وخصوصا بعد موت امكم .

: طيب ولو عرف ان مش انا اللي هو شافها ؟؟ هيبقي موقفي انا اي ؟؟ 

ردت هند : مستحيل يعرف مش ممكن .

بعدها بابا قال : ولو افترضنا انه حصل وعرف ساعتها هقوله ان انا اللي فهمته غلط علشان بالنسبالك ميكونش في اي احراج .

: طيب سيبوني افكر .

: قدامك يومين تفكري وتردي عليا وتقوليلي انك وافقتي .

وطول اليومين وانا بفكر ومش قادرة اخد قرار لأني بصراحة العريس عجبني بس كنت خايفة الموضوع ينكشف .

ومع الضغوط من بابا وهند كمان اللي حاولت تقنعني بكل الطرق وافقت وقولت لبابا اني موافقة .

بابا وهند كانوا فرحانين اوي واحمد اخويا كمان فرح رغم انه كان علي الحياد و قالي لو انتي رفضتي فكرة بابا وهند انا مش هزعل علشان انه صحبي ولا حاجة ، الجواز قسمة ونصيب واهم حاجة عندي سعادتكم .

وبابا اتصل بمدحت اللي جاب باباه   ومامته علشان الاتفاق وقراءة الفاتحة ، ويومها اول لما مدحت واهله دخلوا البيت كنت حاسة اني هقع وهيغمي عليا من الخوف وفي نفس الوقت من الفرح .

بابا و اخويا قعدوا معاهم الاول وبعدها انا دخلت وانا خايفة موت من الموقف اللي ممكن يحصل .

واول لما دخلت بابا قدمني لهم ( العروسة ) مامته اخدتني بالحضن وباباه سلم عليا وقالي ماشاء الله ابني عرف يختار بعدها سلمت علي مدحت اللي كان بيدقق النظر فيا اوي ومتلخبط !!!

لكن اول لما هند اختي دخلت وضح الارتباك اوي علي مدحت وساعتها انا فهمت انه فهم وبدأت استعد لأصعب موقف ممكن يحصل لبنت في الدنيا .

#رواية_انتقامي_مختلف

#للكاتب_عادل_عبد_الله

الحلقة ٢

لكن اول لما هند اختي دخلت وضح الارتباك اوي علي مدحت وساعتها انا فهمت انه فهم وبدأت استعد لأصعب موقف ممكن يحصل لبنت في الدنيا .

لكن بعد لحظات وانا ببص لمدحت ومستنيه رد فعله اتفاجئت به ابتسم ابتسامة طمننتي .

فهمت من ابتسامته انه فهم الملعوب اللي عملناه بس فهمت برضو انه اعجب بيا ووافق عليا .

لما اتخطبنا فكرت كتير اني اواجهه وأسأله هو ليه وافق بعد ما عرف ؟ لكن في اخر لحظة كنت بتراجع واقنع نفسي انه معرفش يميز بينا ،  خصوصا لما قربت منه و حبيته فعلا كأني كنت اعرفه وبحبه من زمان .

قولت لنفسي متخربيش علي نفسك بايديكي ومادام مش اتكلم في حاجة خلي كل حاجة تمشي طبيعي .

وبالفعل عدت فترة الخطوبة بسرعة وقبل فرحي بشهرين هند اختي اتقدملها حبيبها علاء بعد ما خلصوا جامعة وهو كان بيشتغل من ايام الدراسة وببيستعد للخطوبة .

وبعد خطوبتهم بشهرين كان فرحي انا ومدحت .

مدحت عملنا فرح كبير اوي وكان فرحان اوي اوي وانا كنت حاسة اني اسعد انسانه في الدنيا .

و قضينا اجمل ايام حياتنا في شهر العسل و حبيت مدحت اكتر واكتر .

و مدحت كمان ظهر اوي انه حبني اوي .

وعلي عكس المتوقع ظهرت مشاكل كتير بين اختي هند وجوزها رغم الحب الكبير اللي كان بينهم قبل الجواز ، خصوصا لما عرفت انه بدأ يشرب خمرة ويتغير كتير عن قبل الجواز .

ممكن كتر الفلوس في ايده هو اللي خلاه يشرب ويتغير !! خاصة انه كان بيشتغل بمرتب كبير وعايش هو واختي حياة مرفهة الي حد كبير .

ورغم كل ده لكن اختي كانت بتحبه بجنون ومش ممكن تبعد عنه !! 

اخويا احمد اتجوز وعروسته في البداية ايام الخطوبة كانت كويسة معنا جدا لكن بعد الجواز بدأت معاملتها معانا تتغير كتير وبدأت تبعد عنا وبدأت تأثر علي اخويا وقدرت تبعده عننا خصوصا بعد وفاة بابا .

اما انا ومدحت خلفنا بنتين تؤام كانوا اجمل حاجة في حياتنا .

ومدحت كان زوج طيب واب حنون ، وفضلنا علي كده اكتر من ٣ سنين لغاية لما بدأ يتغير معايا انا بالذات وحبه ليا بدأت احس انه قل كتير ولهفته عليا راحت !! وكل يوم يتأخر  وهو راجع من الشغل بالساعتين واحيانا اكتر .

وبقيت بفكر ليل ونهار عن سبب تغييره معايا بالشكل ده ؟!!!

وعملت كل حاجة علشان يرجع زي الاول اهتميت بنفسي وبقيت اقرب منه اكتر وادلع عليه اكتر وبردو مفيش فايدة .

وفضل متغير بالشكل ده شهور وانا مش عارفه ماله لغاية ما في يوم قولت مفيش فايدة لازم اواجهه وافهم في ايه !!

واستنيته لما رجع متأخر زي عوايده وبعد ما اكل وشرب قهوته قعدت جنبه وسألته 

: مالك يا مدحت ؟

: مالي ازاي يعني مش فاهم ؟      بقلمي/عادل عبدالله 

: بتتأخر كل يوم وانت راجع من الشغل ومتغير معايا مش عارفه ليه ؟

: ما انا قولتلك قبل كده اني احيانا بقعد وقت اضافي في الشغل علشان عندنا شغل كتير .

: وانا صدقتك لكن ده ممكن يكون يوم او اتنين اسبوع او اتنين انما انت علي الحال ده من شهور !!!

: يعني قصدك ان انا بكدب ؟

: مش قصدي يا حبيبي بس حاسة ان في حاجة مخبيها عني .

: لا انا مش بخبي عنك حاجة واللي انا قولتهولك قبل كده هو الحقيقة .

: طيب ممكن اعرف متغير معايا انا بالذات ليه ؟ 

؛ مش متغير معاكي ولا حاجة ؟

: لأ ، متغير معايا اوي كمان ومش بقيت تحبني زي الاول .

: ده بيتهيألك بس .

: لأ مش بيتهيألي .

: صدقيني يا حبيبتي بيتهيألك ، يمكن علشان برجع من الشغل تعبان الايام دي علشان الشغل كتير .

سكت لكن مش صدقت كلامه خصوصا انه كان واضح عليه الارتباك وهو بيكدب .

وفضلت فترة علي كده وانا مش قادرة اعرف سبب تغييره لحد ما في يوم قدرت اراقبه واعرف باسوورد تليفونه واستنيت لحد لما نام وبدأت ابحث في تليفونه عن اي حاجة تفهمني ماله !!

شوفت حاجات مكنتش مصدقة نفسي !!! رسايل حب وغرام بينه وبين رقم مش متسجل علي تليفونه !! 

لكن كان في رسايل كتير اوي ومكالمات كتير اوي بينهم !!

وعرفت وقتها ان مدحت بيخوني !!!

قررت اني لازم اراقبه واعرف بيخوني مع مين واظبطه متلبس بالخيانه واواجهه .

و قررت استناه عند الشغل وقت خروجه واراقبه بيروح فين ومع مين ؟!

وروحت عند شغله وقت خروجه وراقبته لحد ما خرج من الشغل ومشي لوحده !!! لكن الغريب انه مش ركب اي مواصلات ومشي لوحده فترة وانا ماشية وراه من بعيد لكن لاحظت انه ماشي ووراه واحدة ست كانت خارجة معاه من الشغل حسيت انها زميلته في الشغل  !!

وبعد مسافة من الشغل قربت زميلته له ومشيوا مع بعض وركبوا ميكروباص سوا !!

وانا راقبتهم لحد لما نزلوا من الميكروباص وهي مشيت لوحدها وهو مشي وراها لحد لما هي دخلت عمارة وهو دخل نفس العمارة بعدها بدقايق !!!

ووقفت وانا قلبي كان هيقف من الخوف وضربات قلبي سريعة جدا .

لازم اطلع اظبطهم متلبسين وبعدين افضحه واخليه يطلقني .

لكن المشكلة اني مش عارفة اطلع اي شقة في العمارة ؟؟ 

واضح ان العمارة فيها شقق كتير !!         بقلمي/عادل عبدالله

لاحظت ان مفيش حد دخل او خرج من العمارة وانا واقفة .

دخلت علي المصعد وشوفت اخر دور متسجل عليه كان الدور السابع .

طلعت الدور السابع لقيت قدامي ٣ شقق .

اكيد هما دلوقتي بيخنوني مع بعض في شقة من التلاته ، لكن هعرف اي شقة فيهم ازاي ؟؟

خرجت من الشنطة تليفوني ورنيت علي رقم مدحت وسمعت صوته خارج من شقة من التلاتة .

وقفت قدام الشقة وانا بجمع اعصابي واخدت نفس طويل ورنيت الجرس .

الحلقة ٣

اكيد هما دلوقتي بيخنوني مع بعض في شقة من التلاته ، لكن هعرف اي شقة فيهم ازاي ؟؟

خرجت من الشنطة تليفوني ورنيت علي رقم مدحت وسمعت صوته خارج من شقة من التلاتة .

وقفت قدام الشقة وانا بجمع اعصابي واخدت نفس طويل ورنيت الجرس .

اتأخروا في فتح الباب ، رنيت الجرس تاني وبدأت اخبط علي الباب بايديا بقوة وبصوت عالي !!

بعدها فتحت الست اللي كانت معاه دخلت انا زي المجنونة وشوفته واقف قدامي !!

وبمنتهي الجرأة اتفاجئت بمدحت بيقولي انتي ازاي تدخلي بيوت الناس بالشكل ده ؟؟!!!!!!!

: ايه البجاحة دي !!! انت كمان ليك عين تتكلم ؟

: طيب بعد اذنك وطي صوتك علشان الجيران .

: ده انا لازم اعلي صوتي كمان كمان علشان افضحكم وافرج عليكوا الناس .

: طيب يلا انزلي وروحي البيت وانا جاي معاكي ونتكلم هناك .

: انا عايزة اعرف دي احسن مني في ايه علشان تعرفها عليا ؟؟

وهنا اتدخلت الست وقالتلي               بقلمي/عادل عبد الله 

: طيب اهدي يا حبيبتي وانا هفهمك كل حاجة .

: هتفهميني ايه ؟؟ هتقولي ايه وهتدافعي عن نفسك ازاي ؟؟ هتقولي ايه ؟؟ متجوزين يعني ؟؟؟ فاكراني هسكت لو عرفت انه اتجوزك انتي عليا ؟؟!!

: طيب اقعدي وتفهمي الاول وبعدين نتفق .

: افهم ايه واسمع ايه ونتفق علي ايه مع واحدة زيك ؟

: انا هتكلم معاكي اتفاق هيرضيكي ، انا مش عاوزة اخد جوزك منك لأ ابدا لكن في نفس الوقت محتاجاه في حياتي .

: انتي بتقولي ايه ؟     بقلمي/عادل عبدالله

: ببساطة انا بلاقي مع جوزك الحاجة اللي انا محتجاها و مش لقياها مع جوزي ، وجوزك ماشاء الله عليه ممكن يتجوز واحدة واتنين وتلاته ، علشان كده انا عااوزاه في حياتي وفي نفس الوقت مش هاخده منك .

: ايه الست دي !!! انتي اكيد مجنونة !!!

: لأ مش مجنونة لكن انا معايا فلوس كتير وكل الفلوس اللي انتوا الاتنين عاوزنها هتكون تحت امركم .

بصيت لمدحت وسألته : انا سامع الكلام اللي بتقوله الست دي !! وانت يا استاذ راضي عن الكلام ده ؟؟

مدحت بص ليا وقالي : تعالي نحسبها بالعقل .

: انتو خليتوا فيها عقل منكم لله .

ونزلت جري وحاول مدحت يلحقني لكني كنت مشيت .

مشيت وانا مش عارفة اروح فين ولا اعمل ايه ؟؟

روحت البيت بسرعة اخدت بناتي ودهبي وهدومي و مشيت بسرعة .

وانا ماشية بفكر اروح فين مش عارفة !!

اروح عند اخويا مراته العقربه هتقابلني وحش ولا اروح عند اختي بردو هيبقي موقفي وحش وهحرجها مع جوزها !!! ولا اروح عند حد من قرايبي ؟؟

قولت في نفسي اخويا هو اكتر واحد انا مسئولة منه والمفروض يتحملني .

روحت عند اخويا واول لما شافني ملامحه اتغيرت !! دخلت وقعدت وبكيت قالي : طيب اهدي الاول وبعدبن احكيلي ايه اللي حصل .

بعدها بدقايق مراته جت سلمت عليا وبعدها نادت عليه ودخلوا الاوضة وسمعت صوتهم بيتخانقوا !!

اضطريت اني اخد بناتي وامشي .

نزلت من عند اخويا وقررت اروح عند هند اختي .

اول لما دخلت عند هند استقبلتني كويس اوي وكان جوزها علاء مش موجود !! وبعد ما قعدنا وهديت خالص وحكيت لها عن اللي حصل قالتلي : ولا يهمك اهم حاجة انتي وبناتك كويسين وبخير ،  وهو لازم يعرف قيمتك وميفكرش يعمل كده تاني .

: انا مش عاوزة ارجعله تاني يا هند .

: علي راحتك ، اللي انتي عاوزاه هو اللي هيحصل ، هتفعدي معايا هنا لحد ما تشوفي هتعملي ايه .

: خايفة اضايقك واضايق علاء جوزك .

: لا يا حبيبتي مفيش مضايقة ولا حاجة ،  وعلاء سيبك منه ده يا دوب بييجي البيت علي النوم بس .

: معقول ؟!!

: ايوه يا حبيبتي ده البيت بالنسباله لوكانده بييجي ينام ويمشي .

: وانتي مبسوطة كده ؟

: علاء احواله اتغيرت وبقي بيشرب خمرة .

: ياااه للدرجادي ؟؟

: ايوه يا حبيبتي ، ادعيله ربنا يهديه .

: يارب . بس انتي لسه بتحبيه زي الاول يا هند ؟

: واكتر من الاول كمان .

: ربنا يخليكوا لبعض ويهديه ويصلح حاله .

: يارب .

: طيب انا هنزل اشتري حاجة للبنات من تحت .

: ماشي يا لولو متتأخريش علشان الليل .

نزلت اشتريت حاجات للبنتين وطلعت بعد حوالي نص ساعة رنيت جرس الباب فتحت هند ودخلت .

: يااه انتي نمتي يا هند ؟

:ايوه نمت والبنات ناموا كمان واحنا قاعدين في الريسبشن لما اتأخرتي .

: انا مش كملت نص ساعة .

: طيب المهم ادخلي نامي انتي جوه .

: انام جوه ازاي ولما جوزك يرجع ؟

: علاء اتصل وقال انه مش جاي الليلة وهيبات في الشغل .

: لا با هند نامي انتي علي سريرك وانا هنام مع البنات هنا .

: والله ابدا ، دا انتي اعصابك تعبانه من اللي حصل ومحتاجة تنامي وترتاحي .

: طيب انتي متأكدة ان علاء مش جاي النهاردة ؟

: ايوه يا بنتي بقولك اتصل عليا علشان يقولي مخصوص .

: طيب شيلي معايا البنات ندخلهم يناموا جنبي .

: حاضر .

وجينا نشيل البنات علشان ندخلهم معايا صحيت واحدة منهم وصرخت  التانية لسه نايمة ، هند قالتلي : سيبيهم نايمين هنا علشان مش يتفزعوا .

وفعلا سبت البنات ودخلت نمت علي سرير هند ، ومن تعب اعصابي نمت علطول وكانت الساعة حوالي ١١ بالليل .

وبعد وقت طويل معرفش اد ايه حسيت برجل حد خبطت فيا !!!!!

خوفت اوي ولفيت بجسمي اتفاجئت بعلاء جوز اختي نايم جنبي وريحة الخمرة طالعة منه بصورة رهيبة !!! 

خوفت اوي وبقيت عاوزة اقوم لكن خوفت يحس بيا ويعرف اني نمت علي سريرهم ويزعل مع هند بسببي !!! 

قولت في نفسي استني لما يروح في النوم اوي علشان اقوم بدون ما يحس بيا وتحصل مشكلة .

لكن المصيبة انه حط ايده عليا و لأنه  كان سكران افتكرني هند اختي وقرب مني اوي عاوز يحضني وساعتها افتكرت خيانة مدحت ليا وفكرت في أني ارد الخيانة بخيانة ...

يتبع 

رواية كيان الزين كامله من هنا

رواية انتقامي مختلف من هنا

رواية المتعه الحرام من هنا

رواية بنت إبليس من هنا