رواية جنة الجبل الجزء الثاني الفصل الاول والثاني والثالث والرابع بقلم ايلا إبراهيم حصريه وجديده على مدونة أفكارنا

بعد مرور اربع سنوات

امسك عز جبل بسرعه هاتفا كفايه ياجبل الراجل هيموت بين اديك...ابعد عز جبل عن الشاب وأمره أن يغادر بسرعه وفعلا غادر يركض بخوف

عز لحد امتى هتفضل كده روحك براس منخيرك ومش طايق حد

جبل سيبني فحالي ياعز

عز جبل اخويا انت عارف معزتك عند قد ايه..اللي بتعمله بنفسك ده مش صح

جبل وانا عملت ايه ال**** اتأخر بوصول الحموله عايزني اسقفله مثلا

عز انت عمرك ماكنت كده اهدي ياجبل كده هتخسر كل اللي حوليك

جبل يوووه خلاص بقى هنبدأ نعيد ونزيد بنفس الحكايه

عز انت عارف ايه الحل عشان تنسى وترجع زي الأول واحسن

نظر إليه جبل بضيق

ليكمل عز حديثه انك تتجوز ..اتجوز ياجبل اللي خلقها خلق مليون غيرها

جبل بنظرات قاتله وحقد مش بالسهوله دي هرتاح ياعز..مش هرتاح لحد ما دفعها تمن اللي عشته بسببها ..اليوم في بعادها سنه فما بالك بأربع سنين ازاي ازاي قدرت تبعدهم. تاخد ابني معاها تحرمني منه

عز جبل صدقني أما تتجوز هتنساها ومصيرك هتلاقيها وتوقع بين ايديك ابن جبل الصعيد مش هيتوه عن أبوه انت فاهم مقصدي

جبل لااه وحياتها عندي هذوقها المر اللي ذوقته فبعادها وهلاقيها ياعز هلاقيها ووقتها لينا كلام تاني هشوفها ايام اسود من اللي عاشتها زمان ليغادر ويترك صديقه يراقبه بقلق

*******-*****-*******

في القاهره في إحدى الحارات الشعبيه

جنة عم عطيه ياعمي

ايوه يابنتي

انا نازله الشغل عاوز حاجه

سلامتك خدي بالك من نفسك ومن حسن ولو عوزتي حاجه كلميني..هو حسن فين مش معاكي ليه

جنة أصله نزل يلعب مع الولاد تحت

يابنتي مش قلنا هو لسا صغير على نزول الشارع

والله حاولت امنعه بس هو فضل يعطيك انت عارف ميهونش عليا ابكيه

بلاش تدلعيه عشان يطلع راجل..

متخفش ده هيطلع سيد الرجاله انت نسيت ان جده محمود وأبوه جبل الصعيد هيخيب يطلع لمين يعني..

بابتسامه على سيرت أبوه مش كفايه بعد لحد كده يابنتي ..

جبة اختفت الابتسامه التي كانت على وجهها لتقول لحقت تزهق مننا ياعمي

لاه متقوليش كده دنتي فعنيا انتي وابنك انتي نسيتي انك وصيت ابوكي هو اللي بلغني قبل موته وقالي بنتي لو جتلك فيوم محتجالك اوقف معاها ومتسيبهاش عايزاني اتخالى عنك انا راضع من نفس حليب ابوكي انا ابقى عمك ومستحيل اتخلى عنك ..بس انا شايف أن العيل يتربى بحضن ابوها بدل مايكبر زي اليتيم..كده

انا ابوه وأمه. مش هسمح له يربي ابني عالظلم والجور

عطيه ي..

جنة بمقاطعه بعد اذنك انا اتأخرت...

نزلت لتجد طفلها يلعب مع اصدقائه اقتربت منه ونظفت ثيابه التي اتسخت بسبب اللعب لتقبله بحنانا تأخذ بيده إلى العمل لتسمع صوت ذلك القذر ال*****

سالم بنظرات وقحه صباح الفل ياست الكل

جنة صباح الخير ياعم سالم

لا كده ازعل عم ايه انتي مش شايفه انا لسا شباب..

ربنا يكملك بصحتك بعد اذنك.

متعبتيش من الشننشطه بالشغل مقولتلك اتجوزك واستتك واعيشك ست الستات

طريقك اخضر ياعم سالم لتمشي وتتجاهله لتسمعه يقول مصيرك ياحلو تلين وتجري لحجري..بقى مش هتبطل يا راجل يا ناقص..

التفت جنة ترتسم على وجهها ابتسامه شماته عندما وجدت زوجته تجره خلفها ووو

******-*****-******

جنة عارفه اني اتأخرت بس انتي عارفه الموصلات بقى

سناء بجديه قلتلك مليون مره بلاش تأخير وهيتخصملك ياجنة عشان دي مش اول مره

جنة بضيق منا متأخرتش كتير

سناء والله ده اللي عندي .لتشعر سناء بمن يمسك بثوبها ويشدها لترا الصغير يطالعها بنظرات ساخطه ويقول. بضيق انتي بتزعقي لامي كده ليه .

جنة بتحذير حسن

سناء نظرت إليه بصدمه لتجلس القرفصاء مرردده والله وكبرت ياحسن باشا دنتا لما جتلنا كنت حتته لحمه صغيره قد كده هوو..

حسن بطفوله منا عارف اني كبير ولو سمحتي متزعقيش لامي تاني

بضحكه حاضر وعلى شان خاطرك مش هخصملها النهارده..بس بشرط تديني بوسه..

حسن بس كده دي سهله ليحتضن عنقها ويقبلها بطفوله

مسحت شعره بحنان وهي تنهض النهارده اشترى الحضانه شخص تاني وكمان شويه هيوصل مش عايزاه يشوف اي حاجه غل...قاطعهم دخول شاب في اوئل الثلاثين وسيم جدا بملامح حاده وذقن خيفيف. جسد رياضي ممشوق وطول فارع..

الشاب صباح الخير..

سناء اهلا علاء بيه نورت الحضانه .احب اعرفك جنة مساعدتي بالحضانه هنا..

استدار لينظر إليها وقف لوهلة يتأملها سبحان الخالق هل

هي بشرية حقا ام انها حورية من حور العين ام انها نجمة مضيئه سقطت بالخطأ من السماء

جنة بحرج من نظراته المصوبه نحوها بعد أن طالت احم..اهلا وسهلا

استفاق من شروده ليمد يده بحرج يصافحها لكن...

رواية جنة الجبل الجزء الثاني الفصل الثاني

منى بابتسامه ايووا ياحبيبي

********

منى ببرائه لا مينفعش والله

*******

منى جبل لو عرف هيزعل مني جامد

********

منى منا عارفه انك خطيبي وهتبقى جوزي بس صدقني مينفعش

******

منى طيب خلاص خلاص متتعصبش .. اشوفك كمان شويه بالكليه سلام

لتغلق الهاتف بابتسامه وهي تشعر بأن الله عوضها بأ أحمد خطيبها عن حبها لعز

***-***-***-***

رفع كفه ليصافحها لتضع يدها يدها على صدرها معلش يا علاء بيه انا مبسلمش

ارتسمت ابتسامه اعجاب على وجهها ولم يرفع عينه من عليها

لتتكلم سناء لتفادي الحرج

سناء علاء بيه دلوقتي هتاخدك جنة وتوريك ألحضانه وهتشوف الشغل ماشي ازاي ولو فيه اي تغييرات حابب تعملها ياريت تبلغنا..

هز رأسه بأيجاب

لتنظر جنة لطفلها بقلق سناء وانا هودي حسن الفصل بتاعه لتهز رأسها بأمتنان وترافق ذلك الشاب بهدوء

مر وقت وقد مرت بجميع الفصول وخبرته بمستلزمات الحضانه لكنه كان مركز بعينها فقط لم يستمع لكلامها ابدا وهي منشغله باخباره أساسيات العمل..

جنة انا خلصت ياعلاء بيه في حاجه تانيه

علاء بتيه هااا

جنة حضرتك عاوز ح..ليقاطعهم رنين هاتفه ليستأذن ويجيب بسرعه ايوووا ياروح بابا عامله ايه

*******

حاضر هجبلك كل اللي انتي عايزاه في حاجه تانيه

*******

طب انا لازم اقفل دلوقتي هجيلك كمان ساعتين

******

حبيبتي هتوجشيني انتي كمان

اغلق الهاتف ليرى جنة تراقبه بإعجاب ووبداخلها غيره كم كانت ترغب بأن يحظى طفلها بهذا الاهتمام من جبل لكن هذا لن يحدث هو من سابع المستحيلات

جنة همست عندما اغلق هاتفه دي بنتك

علاء بابتسامه اه هي شقيه شويه لما بغيب بتتعبهم هناك

جنة واضح انها قريبه منك اكتر من مامتها

علاء بانزعاج عشان مشفتش مامته

جنة بحرج انا اسفه ربنا يرحمه

علاء احنا أطلقنا مش ميته

جنة وقد شعرت بالحرج لأنها تدخلت أكثر من اللازم لتقوم بتغيير مجرى الحديث احم حضرتك عاوز تعرف حاجه تانيه

لا كفايه لحد كده النهارده وكل اللوازم ابعتيلهالي علموبايل بتاعي عديكي نمرتي

جنة معلش هبعتهملك مع الست سناء بعد اذنك

لتغادر وتتركه يراقبها بإعجاب ...

*****-*****-******-******

عز احنا بكرى لازم ننزل القاهره ياجبل

ليه حصل حاجه هناك

المخازن بتاعتنا لازمها صيانه. انت عارف لازم نوقف عالشغل والعمال

جبل ماشي ياعز انت شوف امتى ممكن نروح وهنروح

عز ماشي هضبطها. أبلغكم بكرى.. انا هروح دلوقتي وهاخد سليم معايا

جبل وعايز ايه من سليم

عز بضحكه اخته عزماه عالغدا ايه رأيك

جبل اه ومراتك بدأت تمشيك بمزاجها

عز بضحكه واعمل ايه يعني مهي تستاهل امي العيال بقى وحبيبتي

جبل ربنا يديمها يابن عمي

عز بضيق من نفسه جبل انا مكنش قصدي والله

جبل مكنش قصدك ايه امشي يابني بلاش تبقى عيل روح انت عارف جبل الصعيد ايه

عز ربت على كتفه ليقول بمسانده انا اللي عارفك يابن عمي ...انا اللي عارفك

*****-*****-*******

عز ايه ياسليم يعني لو مش هنعزمك مش هتفتكر أن ليك اخ..

سليم يابني انت عارف الشغل وانا والله ارجع البيت أنام طوالي

عز بابتسامه طبعا لازم تشتغل عشان تفرحنا بيك.

سليم بابتسامه أن شاء الله قريب

ليوقف عز السياره بصدمه عندما رأى منى تنزل من السياره برفقة خطيبها وتدخل عماره وقف عز لثواني ليستوعب مايراه حتى أتاه صوت سليم وقفت ليه ياعز

عز نزل من سيارته بسرعه دون أن يجيبه ليتبعه الآخر بقلق عندما لاحظ تغير ملامحه

وقف أمام العماره ليسأل البواب مين دول اللي دخلو الشقه من شويه

البواب بضحكه خبيثه ده سامر بيه كل فتره بيجبله مزه يقضي معاها وقت جميله انت فاهم. صدم عز ليركض بهلع دون أن يشعر حتى انه لم يستمع لنداء

سليم خلفه الذي تبعه بسرعه وزادت سرعه عز عندما سمع صراخ منى من الداخل وووو

#رواية_جنة_الجبل

#الجزء_الثاني الفصل الثالث

كسر عز الباب ليصدم بمنى ترتجف خوفا تحاول المقاومه والآخر يعتليها يحاول **** انتشله عز بغضب الدنيا كلها بدأ يضرب به بكل غل. حقد.متناسي حال منى الصعب

التي بدأت تلملم نفسها وتشد ثيابها الممزقه بمحاولة مسحيله لتغطية جسدها العاري برعب وهي بتترعش وبحالة انهيار..

أما سليم بقي ينظر إليها بانبهار سبحان الخالق كيف لفتاه انت تكون بهذا الجمال استفاق من شروده على شهقاتها لينتزع معطفه ويغطي جسدها بسرعه لتبتعد عنه برعب..

سليم اسرع لأبعاد عز عن ذلك ال**** الذي سقط على الارض غارقا بدمائه..

سليم عز سيبه وشوف البنت عامله ازاي هي واضح انها مرعوبه...

عز بغضب مرعوبه دي لسا شافت رعب دنا هندمها عاليوم الللي ولدت فيه ..وقبل أن يقترب منها أغمي عليها من الخوف ونظرات عز القاتله...

اسرع عز اليها ليحملها ويخرج بها إلى السياره ومن خلفه سليم الذي يسترق النظر إليها بين الحين والآخر

نغم اعدت الغداء وهي تنتظر زوجها واخيها ابتسمت عندما سمعت طرقات الباب أسرعت بحماس لتفتح الباب لتصدم بعز يحمل منى ويتجه بها للداخل

منى ايه اللي حصل هي كويسه..

عز دخل غرقتهم وووضعها على السرير..

نغم سليم اتكلم ايه اللي حصل البنت مالها..

سليم ...

عز اطلب دكتور ياسليم بسرعه..وفعلا طلبوا الطبيب ليأتي على عجل...

بقي عز بقلق يضرب الصالة ذهابا. إيابا ونغم مع منى تساعد الطبيب لفحصها..

خرج الطبيب وعيانا سليم مصوبه نحوه..

عز اسرع إليه بقلق طمني يادكتور هي كويسه محدش عملها حاجه مش كده طمني .

اهدي ياعز باشا الانسه كويسه هي اتعرضت للعنف والضرب وكمان حصل معاها انهيار عصبي ودي حاجه متقلقش اطمن..

عز براحه يعني هي كويسه مش كده..

اه كويسه بس اديتها حقنه ومش هتصحى لحد بكرى استأذن انا ليغادر الطبيب..

ويجلس عز على الاريكه بارتياح وهو يمسح وجهه مرددا الحمد لله الحمد لله عالستر

أما سليم شعر بالسعاده لا يعلم لما لكنه اطمئن بأنها بخير واستطاعت الحفاظ على نفسها ..

خرجت نغم لتنظر إلى عز بقلق دلوقتي بتقول ايه لجبل..البنت مش هتعرف تروح لأهلها كده..

عز انت هتصرف مع جبل متقلقيش وهعدي على مرات عمي وابلغها أن منى عتبات عندك عشان انا وحبل مسافرين..

نغم بضيق هو انت بجد هتسافر..

عز بكرى الصبح ومش هتأخر ياحبيبتي..

سليم احم .. احم...

عز بغيظ تصدق نسيتك اصلا

سليم بضحكه ربنا يكرمك

نغم تحتضن أخيها بحب اخص عليك ياعز حبيب اخته يتنسي برضو

سليم قبل رأسها بحنو والله عارف ماليش غيرك ..

عز ايوووا بقى هتتخلي عني عشان اخوكي..

وانا اعرف اعمل كده انت عنيا ياعز..

سليم احم احم.

عز بغيظ مخلاص يابني فهمنى انك.هناا

سليم بضحكه شكلي لو فضلت شويه كمان هتطرد .انا هامشي..

نغم على فين انت لسا اتغديت..ثواني اسخن الاكل. واجيبه.

******-*******-******

في اليوم التالي

في الحضانه في مكتب علاء

علاء انتي من زمان بتشتغلي هنااا

جنة اه بقالي تقريبا سنتين..

علاء ومبسوطه بالشغل بالمكان ده.

جنة الحمد لله

علاء يراقبها بإعجاب وهي مركزه بالعمل احم طب ممكن تشتغلي مربيه بالبيت..

نظرت إليه بضيق لا حضرتك انا شغل هناا عاجبني اوووي

علاء هو أبو حسن فين

جنة حضرتك مش شايف انك بتتدخل بحاجات خاصه

علاء بحرج احم انا بس عندي فضول اعرف..

جنة أبو حسن مسافر

علاء ازاي يسافر ويسيبكم كده

نظرت إليه جنة بتمعن ثم تحدثت طب ينفع اعرف انتي ليه جايب بنتك الحضانه هنا..

علاء بابتسامه عشان مفضلش لوحده .

جنة طيب وامها فين

تغيرت ملامحها للضيق ليردد بجديه مش قلت أطلقنا..

بابتسامه بارده طب مش المفروض البنت تفضل مع امها وهي لسا عيله مكملتش اربع سنين..

دي حجات خاصه..

طب كويس انك عرفت انها حجات خاصه..

علاء مسح وجهه بحرج على فكره انا مظلمتهاش لما خدت بنتي هيا اختارت تعلمها ودراستها على حياتها معانا..

هي قالتلك أنها هتتخلى عنك وعن بنتها أو انت إلى يخيرتها..

علاء..

علاء بيه واضح جدا حبك لامراتك وتعليقك بيها

انا بمحبهاش..

بابتسامه تصدق كلامك ده وانفعالك يثبت انك بتحبها انك تاخد بنتها الوحيدها وتمنعها أنها تشوفها دي عشان تعاقبها بس لانها عاوزه تدرس ةتحقق حلمها انما انت عايزها متشفش بالدنيا دي غيرك..خدت الطفله عشان تفضل تفتكرك طول العمر..

بابتسامه غيظ هو انتي شيفاني وحش لدرجادي..

انا مقولتش كده بس بقولك الحب بيغيرنا بيخلينا نتقبل حجات مستحيل نتقبلها ولو هنجي على نفسنا وندوس على قلبنا هنتعذب حامد زي محضرتك عايش كده...لتنهض من مكانها انا خلصت اظن معدش فيه لزوم للقائنا تاني..

علاء انا اسف لو ضغطت عليك أو اتدخلت..

ولا يهمك محصلش حاجه بعد اذنك لتغادر وتتركه يتخبط بأفكاره..هي حقا كل تحليلها حقيقه لكنه يحاول جاهدا التهرب منها...

*****-*****-*****

في القاهر

جبل يراقب العمال الذين يعملون على تجديد المخازن.

ليلاحظ طفلا يلعب في الشارع وكادت أن تدهسه سياره لكن جبل تدخل بسرعه لينتشل الطفل من أمام السياره ويتقذه بسرعه ..

انت ازاي تلعب في الشارع كده قالها جبل بغضب..

حسن وانت بتزعقلي كده ليه هااا محترم نفسك

جبل فتح عينه بصدمه من طولل لسان ذلك الطفل ليقول مش تحاسب يابني كنت هتموت

حسن متخفش انا اعرف اعدي الشارع لوحدي بس اقول ايه ليك وحده عندي وانا مبحبش اللي يفضل عليا

جبل بضحكه والله ليسعل عدت مرات ليقول بسخريه اه مهو باين بتعرف تعدي لوحدك..

حسن هو انت واخد برد..

جبل لا متخدش ببالك انا كويس .

حسن بتوبيخ منتا مش لابس حاجه عشان كده مرضت هشوف امي لما تجي تديك من الدوى بتاعي

جبل بضحكه ماشي ياسيد ... انت اسمك ايه ياجميل..

حسن بضيق اسمى حسن ومتقولش جميل دي.

جبل ليه بقى ياسي حسن..

حسن عشان دي تتقال العيال وانا مش عيل..

جبل اومال عايزني اقولك ايه .

حسن بطفوله قولي ياحسن باشا زي ماما بتقولي..

جبل بضحكه ماشي ياحسن باشا بس قولي امك و ابوك فين سيبينك في الشارع لوحدك

ابوي مسافر ومش هيرجع دلوقتي..وامي بتشتغل هناا وانا بيني. بينك كده بس متقولش لحد...

جبل بابتسامه عيب عليك هقول لمين يعني..

حسن بصراحه زهقت من الحضانه ولما شفت العمال قلت اجي اتفرج عليهم ...

جبل باستمتاع يازين ماعملت... ايه رأيك نبقى صحاب..

حسن مممممم

جبل كل ده تفكير ايه مش عايز صحبتي..

حسن بصراحه هي امي قالتلي مكلمش حد غريب بس انت خلاص مبقتش غريب..

جبل بضحكه طب كويس والله ... يبقى نبقى صحاب..

حسن ماشي انت اسمك ايه بقى..

جبل انا ج....قاطعهم صوت ....

#جنة_الجبل_الجزء_الثاني

#بقلم_إيلا_إبراهيم الفصل الثالث

نغم انت رجعت ياحبيبي

عز وهو يحتضنها بحب ويقبل عنقها ايووا عشان وحشتيني ..

نغم بضحكه والله هصدق انا ملحقتش الصبح سافرت القاهره.

عز بغمزه منتي بتوحشني دايما

نغم ممممم هعمل روحي مصدقه..

عز باس جبينها وهمس هي منى فين.

نغم بنفس الهمس بالأوضه وقبل أن يدخل عليها أمسكت نغم يده برجاء..

نغم عز حبيبي بالراحه عليها .. هي مش ناقصه وال،"*** ضحك عليها واوهمها أنه هيوريها شقتهم اللي هيسكنوها بعد الجواز..

عز........

نغم برجاء مسحت لحيته بكفها وهمست عشان خاطري متضغطش عليها ياعز ماشي..

هز برأسه ماشي يانغم ماشي انا بس هكلمها وافهمها أن اللي العملته غلط..

نغم بدفاع ياحبيبي مهيأ عارفه و..

خلاص يانغم خلاص ياحبيبتي سيبيني اتصرف برحتي بقى..

نغم ماشي ياعز اللي تشوفه..بس بالراحه عليها..

*******-*******-*******

سناء ياحسن تعالى بسرعه امك قالبه عليك الدنيا..

حسن اووووف دلوقتي مش هخلص منها مش راضيه تفهم اني خلاص بقيت راجل..

جبل ينظر اليه ويكتم ضحكته..

حسن اشوفك بكرى ياا هو انت اسمك ايه ...

جبل بابتسامه حانيه اسمي جبل..ياحسن باشا

سناء ياحسن تعالى بسرعه...

حسن طب يلاا ياجبل سلام دلوقتي هتبهدل بسببك ليسرع الصغير اللى سناء التي أخذت بيده ودخلت الحضانه..

جنة بغضب ينفع كده تخرج من غير ما تقولي ياحسن انا زعلانه منك اوووي..ومخصماك..

حسن ببرائه ياامي انا كنت بلعب مع صاحبي..

جنة صحبك مين مش صحابك كلهم في الحاضنه ..

وبعدين تعالى هنا انت هدومك متبهدله كده ليه وبقت كلها تراب ينفع كده ..

حسن ببرائه مانا كنت بلعب ياامي وقابلت جبل.. صحبي وووو

.لتصمت ويترعش جسدها برعب عندما سمعت اسمه جبل ووصلتوتلك الرائحه الفريده لأنفها... أنها رأئحة عطره المفضل أنه جبل..حقا لن تنسى عطره ابدا خلطه خاصه به لا يستخدمها أحد غيره تملئ ثياب صغيرها هل احتضنه صغيرها الأن هل علم بإمكانهم ..هل عاد ليعيدها إلى تلك الحياة البائسه.. مالذي سيفعله بها الأن ولما ترك الصغير يعود إليها ..ولما لم يظهر حتى الأن...

امتلئت عيناها بالدموع وهي تحتضن صغيرها تستنشق تلك الرائحه التي أيقضت بداخلها ذكريات أردت دفنها الى الابد..لتتأكد بأنه هوووو...

...

سناء مالك ياجنة .انتي كويسه ..

جنة بقلق ككنت فين ياحسن ومع مين..

حسن ببرائه كنت مع جبل صاحبي..ما انا قلتلك

جنة صحبك مين بغضب لتنظر إلى سناء..وتتسائل انتي شفتيه مع مين..يأسناء ..

سناء بقلق كان واقف مع راجل قدام المخازن اللي قريبه من هنا ..

جنة بتوتر جذبت يد صغيرها بتوتر يلااا ياحسن احنا هنمشي ياسناء معلش..

طب في ايه ياجنة طمنيني انتي كويسه ..

مفيش مفيش انا لازم امشي بعد اذنك...

غادرت بسرعه من الباب الخلفي للحضانه هاربة منه لكي لا يراها...

*******-*******-*******

عز انا عارف انك مش نايمه..يامنى

خرجت شهقاتها بضعف لتهمس بحرج وخوف انا اسفه والله اسفه مكنتش اعرف ان...لتعود لبكائها...

عز بجديه انا مش هنا عشان الومك يامنى عشان انا عارف انتي متربيه على ايه .. ومتأكد انك مستحيل تعملي كده بدليل انك فضلتي تقوميه لأخر لحظه لكن..

منى والله عارفه عارفه اني غلطت والله بس متقولش لجبل ياعز بالله عليك متقولش لجبل.

منا هنا عشان الحكايه دي ..

بصت فعنيه بدموع..

عز انا عاوز الغي الخطوبه دي وجبل مايلحظش حاجه الا لو حابه تكلمي سأل بتسائل

منى انت لسا هتسألني لو عاوزه اكمل ده لو اخر واحد بالدنيا دي مش هكمل معاه..

عز بجديه يعني هتصرف برحتي..

منى بقلق هتعمل ايه..

متخافيش بس انا مش عايزك تلغي الخطوبه وانتي لسا عايزاه

منى انت بتسأل ياعز

عز بابتسامه ماشي يابنتي و نبطل عياط وهبل واطلعي مع مرات اخوكي عشان لوحدها بالشقه

ححاضر..

عز بتحذير متفضليش لوحدك بالأوضه وانسي كل اللي حصلك دي تجربه ناخد منها الفائده ونرمي الوحش ماشي ياروحي..

هزت راسها بدموع..

عز بتحذير مش عايز اشوف دموعك ابدا.تاني .ه

هزت رأسها بأيجاب

عز .انا مضطر امشي اشوفك بالليل..

********-********-*******

جنة ببكاء مش عارفه ..مش عارفه هو عرف مكانا منين ياعم عطيه..

عطيه اهدي يابنتي اهدي .هتخوفي الود كده..حسن لونه مخطوف من ساعت مارجعتوو.

جنة انا هامشي ياعمي مش لازم افضل هنا مش هتحمل يرجعني للذل تاني ولا هتحمل ياخد ابني مني..

ازايك ياست البنات

ارتعش جسدها بالكامل قلبها يكاد يخرج من مكانه عندما سمعت صوته لتلتفت برعب ووقفت بصدمه عندما وجدته يقف أمامها بابتسامه بارده لحيته الكثيفه هيئته الجديده كليا لقد تغير كثيرا لكنه يمتلك نفس التأثير المهلك لروحها التقت عيناهما مطولا كان يفترسها بعينيه كغزال هاربا من صيادا متمرس و و

الفصل الخامس من هنا

الجزء الاول كامل من هنا

🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇

روايات كامله وحصريه من هنا

وكمان اروع الروايات هنا 👇

روايات جديده وكامله من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺