رواية زيغة الشيطان أضواء مبعثره الفصل السادس والسابع والثامن بقلم فاطمة محمد & فاطمة طه سلطان حصريه وجديده على مدونة أفكارنا

 رواية زيغة الشيطان أضواء مبعثره الفصل السادس والسابع والثامن بقلم فاطمة محمد & فاطمة طه سلطان حصريه وجديده على مدونة أفكارنا 

اذكروا الله

الغيرة في الحب كالماء للوردة، قليلها ينعش وكثيرها يقتل.

مقتبس

وصل شهاب أمامهم، وخرج صوته متلهفًا خائفًا وهو يوجه سؤاله لها: 

-بتول أنتِ كويسة ؟؟؟

أنهى كلماته محولًا أنظاره تجاه أمجد قائلًا بقوة وهو يرفع يديه حتى يتشاجر معه فلقد اجتمع أغلب الناس حولهم ولم يكن شهاب الوحيد الذي اندفع ناحيتها ….

-أنتَ أتجننت ولا إيه نظامك بضبط بتمد أيدك عليها ازاي أنت اتجننت ؟؟؟؟

اكفهر وجه أمجد ما أن استمع لصوته مجيبًا إياه بسخرية لاذعة وغضب شديد: 

-مراتي ومحدش له حق يدخل ولا يفتح بقه بكلمة واحدة.. 

قال الأخيرة وهو يرمقها مشيرًا لها برأسه وأعين تحمل من التهديد والوعيد ما يكفي: 

-يلا امشي قدامي.. 

صاحت داليا الواقفة بجوار ابنتها متحدثة بقلق وقلب منكسر لرؤيتها تصفع أمامها: 

-حبيبتي أنتِ كويسة!؟ 

ترقرقت العبرات بأعين بتول وارتجف ثغرها محاولة التمسك أمام الجميع…

لم يترك أمجد أي فرصة لها للأيجاب...متجاهلًا الحضور وتساؤلات وخوف الجميع عليها وجذبها عنوة أمام الجميع، فتحركت معه كالمغيبة لا تريد أن يحدث ما هو أسوء.. 

لحقت بهم داليا التي طوال سيرها خلفهم تتوعد له، وكذلك حاول شهاب الذي جن جنونه اللحاق بها لكن يد فهمي منعته متمتم من بين أسنانه فهو لم يعجبه الوضع أيضًا وتتضايق مما حدث : 

-رايح فين، خليك مع عروستك، ده راجل ومراته ومحدش يقدر يتكلم أمها مشيت وراهم… 

كاد فهمي أن يعتذر للحاضرين عما حدث ويسترسل العرس كي لا تحزن ريما، فأقتربت منه ريما الواقفة بجوار والدها و والدتها وصديقتها بملامح باردة متمتمة بهدوء رغم ما يعتريها من آلم بين ثنايا قلبها: 

-لو سمحت يا عمي، اعتذر للناس، الفرح خلاص باظ، ارجوك مشيهم…..

زم فهمي شفتاه بأسف وحزن لرؤية الحزن البادي على وجهها، فما كان منه سوى أنه اماء لها وفعل لها ما شاءت. 

أما هى فأضطرت لرسم بسمة على وجهها حتى لا تحزن والدتها بذلك اليوم، وعيناها كانت لا تفارق شهاب التي اكتشفت مشاعره اليوم تجاه بتول فكم كانت حمقاء وساذجة… 

وبعد دقائق، كان غادر الجميع، وذهبت لجناحها برفقة والدتها التي ظلت تحاول التهوين عليها وأخبارها بمدى جمالها تلك الليلة، وأن شهاب لم يخفض عيناه عنها للحظة …

ابتسمت على سخافة تلك الكلمات، وظلت محافظة على بسمتها وهى ترى والدتها تغادر حتى تسمح لشهاب بولوج الغرفة والانفراد بها… 

_____________ 

-يوووه بقى يا ياسمين قولتلك مش بحبه...مش بحبه..

صاحت غرام كلماتها بعصبية واضحة عاقدة ذراعيها أمام صدرها....

دوت ضحكة عالية من ياسمين بالغرفة جالسة جوارها على الفراش....متمتمة:

-يا بت على عمتك برضو..ده أنتِ مفضوحة على الآخر..ده حتى وأنتِ بتتقلي عليه برضو مدلوقة... الا قوليلي يا بت يا روما نجم ابن اخويا عمل ايه خلاكي بتحاولي تتقلي وتصدريله الوش الخشب كدة...

تحركت غرام بجلستها والتقطت الوسادة وقامت بقذفها بوجه ياسمين متمتمة:

-عمتك في عينك...ده اللي بينا كام شهر...أنتِ هتعيشي الدور..وبعدين إيه مفضوحة دي...على فكرة بجد بجد مش بحب نجم...

-يا ولا يا جامد طب عيني في عينك كدة....

رددتها ياسمين بمرح....فتأففت غرام بصوت مسموع وهى تهب واقفة على قدميها معترفة لها:

-طيب يا ستي بحبه...ومتنيلة على عيني مفضوحة قدامه بس اعمل ايه غصب عني..وبعدين الكلام ده قبل ما اقلب عليه و اديله الوش الخشب...اصله شاف وش غرام المدلوقة..بس مشفش وش غرام التقيلة...اصبري بس انا هورية النجوم في عز الضهر...

هتفت توعدها لا تدري بأستماعه لكل شيء....أثناء مروره من أمام الغرفة قاصدًا حجرة ابنته سندس...وجذب انتباهه صوت غرام معترفة بعدم حبها لشخص  ما...فأعترته رغبة كي يتابع حديثها....

فمنذ أن جاءت له بذلك البرواز واخبرها بأنها لا تزال طفلة وهى تتجاهله تمامًا مما اغضبه وجعله يتساءل عن سبب هذا التغيير...والآن فقط أدركه...فتلك الطفلة عاشقة له….

_____________

تقبع على المقعد الصغير الموضوع أمام المرآة بعد أن ازاحت طرحتها وحررت خصلاتها حتى قامت بأفساد تصفيفه المرتب والأنيق...ليصبح مبعثرًا...متناثرًا حول وجهها….

منغمسة في البكاء تبكي كما لم تبكي يومًا...فقد حاولت بقدر الإمكان حبس دموعها أمام والدتها حتى لا تحزن...على يقينًا تام أن والدتها إذا علمت بما ينتابها ستتأثر أكثر منها وقد يصيبها شيء…..

سقط بصرها من خلال المرآة على تلك الزهور الحمراء و(روب الاستحمام) من اللون الوردي الخاص بها والابيض الخاص بشهاب موضوعان على طرف الفراش ومطرزين بأسمائهم، وتلك المنامة الحريرية التي كانت سترتديها... 

كل تلك الأشياء أصابتها بالجنون فأندفعت من مجلسها وأخذت تبعثر الورود وتلقي بكل شيء أرضًا ودموعها لا تتوقف بل كانت تزداد شيء فـ شيء…. كانت حمقاء بالفعل بسبب ظنها بأنه لا يحب بتول ويعتبرها شقيقه له….

- غبية...غبية..غبية …

ظلت تلعن نفسها بسبب سذاجتها وحماقتها وتمنت أن يعود بها الوقت حتى لا توافق عليه... أو تقع في عشقه !!!

دخل شهاب الجناح وخلع جاكت بدلته بغضب شديد، أهانها أمام الجميع وذهبت معه، هل أصبحت عديمة الكرامة لتلك الدرجة صفعها وذهبت معه !!! 

لا يعلم سبب ما فعله لكن فعلته تكفي كي تتركه..  

كذلك لم يخبره فهمي بشيء سوى أن يهتم بعروسته فهى ليلة عُمره ولا يدع أحد يفسدها والقى عليه الكثير من التحذيرات والتوصيات أن يصالح ريما فما حدث ليس بشيء هينًا فقط أنقلب حفل زفافها وليلة عمرها إلى فضيحة صفع بتول الحناوي….

غير أن الكثير من الشخصيات العامة والممثلون وأشخاص ذوي مكانة هامة كانوا بالزفاف….

وجد زجاجة نبيذ فكاد أن يأخذها ويتجرع منها لكنه تراجع لا يريد العودة لتلك العادة السيئة الذي تركها بصعوبة بالغة….

تركها وانتشل زجاجة مياه بدلًا منها وارتشف حتى روى جوفه، لا يعتقد أن هناك شيء يمكن أن يهدئه…

فتح كف يده وأمال الزجاجة ونثر بعضًا منها على وجهه لعل نيرانه تهدأ..

وما أن انتهى حتى انتبه لـ غياب ريما من الجناح وغلقها لـ باب الغرفة فاقترب وطرق على الباب بعد أن أخذ نفس طويل فظن أنها تبدل ملابسها :

- ريما.. ريما 

لم يأتي منها رد فلا يعلم أنها منهارة في الداخل، فأعاد سؤاله بقلق أن تكن فاقده وعيها أو هناك شيء…

حاول فتح الباب لكنه لم يفتح فعلم أنها تغلقه من الداخل….

- ريما انتِ كويسة؟؟ ريما ردي عليا.

ردت ريما بنبرة صارخة ومتألمة من الداخل:

- سبني متتكلمش، اسكت احسن مش عايزة اسمع صوتك…

كانت نبرتها مريبة بالنسبة له وجعلته يخشى عليها... فقد تمكنت منها حالة لم يتوقعها نعم ظن أنها عابسة وغاضبة 

سيأخذ وقت في مصالحتها لكن ما حدث بها؟!! 

علق شهاب بنبرة حاول جعلها هادئة 

- ريما افتحي...في إيه ؟؟؟

حاول كثيرا فتح الباب وهو ينادي عليها وأخيرا استجابت لندائه وقامت بفتح الباب دافعة إياه في صدره بقبضتها ليعود إلى الخلف خطوتين تقريبًا وعيناه تجوب على وجهها متفحصًا هيئتها المبعثرة وعيناها المتورمة.. 

أجابت على تساؤلاته بغضب شديد وسخرية واضحة:

- في إيه..بجد والله يعني انتَ لسه مش عارف في إيه !!!

اقترب منها شهاب محاولًا أن يضع يده على أكتافها ويضمها له علها تهدأ .. فابتعدت محذره إياه حتى من لمسها صارخة به وهى ترفع سبابتها أمام وجهه:

- إياك تقرب مني...إياك.

استنكر كلماتها وصاح مدهوشًا:

- في إيه يا ريما، أهدي شوية مش كده، اللي حصل كان خارج عن ارادتي انا عارف أن الفرح يعتبر باظ وانتِ زعلتي بس انا كان في أيدي إيه أعمله ومعملتوش؟؟

شعرت بألم يختلج ثنايا قلبها فمازال لا يشعر بما ينتابها، غضبت وبشدة وأجابته بصراخ شديد بل هستيري:

- ينحرق الفرح وتنحرق الناس يا شهاب انا فعلا زعلانة بس من نفسي...عشان كنت غبية...غبية لدرجة أني وافقت اتجوزك، غبية أني..اني ... 

صمتت ولم تكمل حديثها وتركته ناقصا .. كادت أن تقولها صريحة أنها عاشقة له ومُتيمة به لا تريد أن تفقد كرامتها أكثر من ذلك فكانت ستعترف له بأنه أن طاف العالم بأكمله لن تحبه امرأة بقدرها .. كانت تظن أنها ستعيش ليلة سعيدة بل ستكن الأسعد في حياتها حينما تكن زوجته، وحينما يُقبلها لاول مرة…

كانت تخطط بالاعتراف له بحبها بين ذراعيه... 

لكنه حطم آمالها، حطم قلبها وكسره حينما علمت أن لديه قلب وتمتلكه غيرها، كانت تظن أن عقله اختارها وستجعله يعشقها مع الوقت فهو إنسان لديه قلب ليس مثلما يدعي أنه يقيس كل شيء بعقله….ومن المؤكد أنه كان سيعشقها عندما يدري بمدى حبها له..

حاول شهاب أن يسيطر على غضبه قائلا:

- حبيبتي اهدي انا مقدر.. 

قاطعته بنبرة صارخة :

- متقولش حبيبتي متكدبش ..انا مش حبيبتك يا شهاب….

رددتها وهى تصرخ بشدة حتى أنها جرحت أحبالها الصوتية من أنهيارها لكن قلبها كان يصرخ أكثر منها وينزف وبشدة لانه لاول مرة أحب بصدق وشعر بالخذلان:

- متقولش حبيبتك، حبيبتك هى بتول اللي سبتني وروحت تمسك في جوزها…

ابتلع شهاب ريقه بتوتر شديد؛ وحاول أن يكذب حديثها متهربًا بعيناه منها:

- ايه اللي بتقوليه ده يا ريما انتِ اتجننتي ولا إيه، بتول زي اختي و ... 

قاطعته ريما وهى تضع يديها على اذنيها حتى لا تسمع المزيد من أكاذيبه:

- اسكت اسكت متقولش أختك متقولهاش .. كفاية كدب بقى كفاية…

- ريما الناس كلها راحت تحوشهم عن بعض وانا اتحركت بدافع اني زي اخوها ومتربية معايا صعب اشوف جوزها بيمد ايده عليها وأفضل مكاني …

صرخت به تلك المرة وهى تدفعه ثانية في صدره...ودموعها تأخذ مجراها فلاول مرة تشعر بأنها ستموت من فرط صدمتها :

- لو الناس كلها مصدقة اللي بتقوله انا مش هصدق ومش هنسى نظرتك ولهفتك وانتَ بتجري عليها، انتَ نسيتني ونسيت الدنيا يا شهاب، شوفت نظرة حب ولهفة في عينك مشفتهاش قبل كدة….

انا كنت بكدب نفسي لكرهك اللي ملوش سبب لامجد وانتقادك له ولكل حاجة بيعملها بس خلاص عرفت...ولو عديت كأني مشوفتش ولا فهمت ابقى معنديش لا دم ولا كرامة….

تقدم منها وحاوط كتفيها وحاول أن يتحدث بنبرة حانية حتى يبعد تلك الأفكار عن عقلها فهو لا يريد أن يجرحها أو يشعرها بشيء لاعنًا قلبه على ما يفعله به والذي فضحه أمامها..فهو تحرك مثلما تحرك الجميع ولم يكن الوحيد الذي اندفع ناحية بتول:

- ريما متبوظيش ليلة دخلتنا كفاية الفرح كل دي اوهام في دماغك، انتِ مراتي واللي اختارتها تكون شريكة حياتي…

امسكت يده الموضوعة على اكتافها باعدة إياها بغضب .. قائلة 

-قولتلك ابعد عني..إياك تلمسني تاني يا شهاب ولا تفكر أني هكون مراتك …. انهاردة انتَ نهيت ريما الغبية ..انهاردة انتَ كسرت ريما اللي كانت هتقبل بلمستك وكدبك .. انتَ قليت من كرامتي واستحالة هسامحك..

كان شهاب يسمعها والدموع في عينه يحاول كبحها، لأول مرة في حياته يشعر بهذا الضعف بسبب انهيارها حتى أنه لم يشعر أنه على وشك البكاء في يوم زواج بتول الذي ظن أنه اصعب يوم مر عليه 

فاليوم شُعر بالألم الحقيقي تحديدًا بانكسارها…

استكملت ريما حديثها وهى تنظر في عينه بعتاب حقيقي :

- غضبك وعصبيتك مطلعوش على واحدة بتعتبرها اخت..على واحدة حبتها سنين...وانا طلعت الضحية .. أنا مش بديل يا شهاب ولا هقبل أني اكون مراتك وانتَ بتحبها ..انتَ دبحتني النهاردة عارف يعني إيه دبحتني ؟؟؟؟ 

لولا أمي وبابا اللي كان ممكن يجرالهم حاجة لو عرفوا بانهياري وبالكسرة اللي انا فيها مكنتش حتى فضلت هنا دقيقة واحدة….

ابتعدت عنه راكضة إلى الغرفة غالقة الباب خلفها لتبكي بانهيار رغم محاولتها البائسة والفاشلة في التماسك…

تشعر بأن قلبها سيقتلع من مكانه فلم تجد نفسها سوى أنها جاءت بحقيبتها المتواجد بها ملابسها الخاصة بسفرهم…

ثم أخذت تخرج أي ملابس من الممكن أن تنفعها الأن، وأخيرا وجدت ذلك المقص الصغير وسط اغراضها

لتمسكه وأخذت تمزق فستانها بحرقة شديدة وعشوائية كي لا تطلب منه المساعدة كأي عروس لفتح سحابها .. 

افسدته بشدة أصبح لا يصلح أن يُسمي فستان زفاف .. 

أما بالخارج فكان لا يزال واقفًا حانقًا من نفسه قبل الجميع فألمته نبرتها وشعرته بمدى جرم أفعاله التي خرجت منه دون قصد: 

- افتحي يا ريما انتِ فاهمة الموضوع غلط افتحي طيب نتكلم…

أتاه صوتها من الداخل وهى تحاول لمام شتات خصلاتها المبعثرة بعدما ارتدت بنطال چينز وسترة قطنية :

-متتكلمش ….اخررس خالص…

خرجت بعد دقائق وهى تجر حقيبتها خلفها فرمقها شهاب بقلق وتمتم بنبرة مترقبة:

- انتِ رايحة فين ان شاء الله ؟

علقت ريما بسخرية شديدة ومرارة:

- في داهية .. في أي حته متكنش أنت فيها…

- ريما أحنا مسافرين الصبح انتِ مجنونة هتروحي فين دلوقتي …

أضافت ريما بغضب شديد وبنبرة اكثر تماسكًا من قبل:

- سافر انتَ لوحدك يا شهاب .. انتَ لسه في دماغك أن في شهر عسل .. فوق يا شهاب .. هي خلصت من قبل ما تبدأ ... وأروح في أي داهية….بس على جثتي افضل هنا…

- قولت مش هتروحي في حته …

قال كلماته وهو يجز على أسنانه، فصرخت به قائلة وهى تتوجه ناحية باب الجناح لا تأبي بحديثه ورفضه:

- همشي يعني همشي .. قسما بالله مش قاعدة معاك في مكان واحد.. حتى صوت نفسك مش قابله أسمعه ولا طيقاك…

تنهد شهاب بانزعاج شديد وتحدث بنبرة حاول جعلها حكيمة فكل شيء أنقلب في ثانية واحدة:

- ماشي .. سيبي الشنط طيب وأنا هاخدك ونرجع البيت عند بابا اكيد مش بتفكري تروحي عند أهلك دلوقتي!!! 

كان هذا الحل الذي وجده أمامه لتترك الحقائب قائلة بنبرة غامضة قبل أن تفتح الباب 

- انا موافقة عشان معنديش استعداد اوري أهلي اللي انا فيه... بس هركب تاكسي ومش همشي معاك وإياك تحاول تغصبني لاني هصوت وهعملك فضيحة ..

قالت كلماتها ثم فتحت الباب وخرجت على الفور .. ليغضب شهاب من تجاهلها ومن كل شيء ليدخل مرة أخري ويأخذ هاتفه وميدالية المفاتيح الخاصة به 

.. غالقًا الباب خلفه تاركًا كل شيء يخصهم ويحاول اللحاق بها …

________

توقفت السيارة أمام منزلهم مصدرة صوتًا وضجيجًا عاليًا أثر احتكاكها القوي بالأرضية الصلبة …

ألتفت نحوها، متحدثًا بزمجرة جاء بها من أعماق الجحيم على استعداد تام للهبوط هو الآخر: 

-انزلـــــي يلا..

ترجل متحركًا تجاه تلك المصدومة لاتفقه شيء.. 

ماذا فعلت؟ وماسبب غضبه بتلك الطريقة بل والأسوء تطاولة عليها الذي وصل لصفعها أمام العديد وتسببه لها بفضيحة…

فتحت باب السيارة بأصابع ترتجف خوفًا، رغم ما تحاول إظهاره من قوة زائفة وقناع من الجليد. 

هبطت من السيارة فلم يترك لها فرصة حتى تغلق الباب، ساحبًا إياها بقوة وخطوات سريعة كانت ستسقطها عدة مرات لولا يداه التي كانت تلحق بها.. 

ظل يسحبها معه لا يستمع لشيء من أنينها أو تألمها من قبضته القوية..حتى ولجوا إلى الفيلا صاعدين على الدرج حتى

وصلا أمام الحجرة فدفع الباب بيد والأخرى قامت بدفعها داخلها تحديدًا على الفراش، تاركًا باب الغرفة مفتوحًا على مصراعيه مزمجرًا بها كثور هائج: 

-من امتى... من امتى... وأنتِ بتخدعيني، من امتى وأنا المغفل اللي مكنتش فاهم سبب كرهه ليا، من امتى وهو بيحبك ها، انطقي…

قال الأخيرة وهو يحكم قبضته حول خصلاتها غير مباليًا بملامحها المذعورة وشفتيها التي باتت ترتعش بشدة.. 

-انطقي يا بتول، اتكملي قوليلي شهاب بيحبك من امتى..ويا ترى حبه ده كان من طرف واحد ولا متبادل، اتكلمي.. 

ألجمتها الصدمة لا تصدق بأن هذا هو زوجها والرجل الذي يعشقها، فقسماته الوحشية ترعبها لأقصى درجه،

نظرت له في هلع، بينما تابع هو صرخاته وهو يهزها من خصلاتها بعنف: 

-ساكتة ليه، أنا مش عايزك تسكتي….

أجابته بصعوبة وأعين زائغة تتهرب منه، متمتمة بتقطع: 

-انتَ بتقول أيه ؟ وعرفت ازاي!!!

لا يدرى ماذا فعلت به كلماتها، كل ما يدركه هو تكاظم غضبه وحنقه، غير متحكمًا في ذاته هاتفًا بغضب :

-أنا اللي بسأل وتجاوبيني….يلا قوليلي بقى أعترفلك امتى، قبل ما تجوز ولا وأنتِ على ذمتي اتكلمي… 

حدقتة بنظرات ساحقة، قبل أن تجيبة بقوة مؤقته، نافضة يداه فأنصاع لما تريد: 

-لا يا أمجد من قبل ما نتجوز، من زمان أوي ..من زمان لدرجة اني نسيت وافتكرته نسي وأن معاملته معاك غيرة منك بس مش حبًا فيا لا كرهًا فيك انت عشان خدت منه اللي معرفش يملكه…. انا عُمري ما حبيت شهاب، أنا محبتش في حياتي غيرك، حبيتك عشان حنيتك وحبك ليا، أنتَ أنهاردة مسحت بكرامتي الأرض….

توحشت عيناه مقاطعًا أياها وهو يميل عليها ثانية، هامسًا أمام وجهها: 

-عارفة أنتِ يعني إيه اسمع أمك اللي عُمرها ما بلت ريقي بكلمة عدلة .. بتتكلم عن حبه ليكي وأن بنتها غبية عشان سابته وضيعته من أيدها عشان خاطر واحد زيي .. 

ردد الأخيرة مبتعدًا عنها ببطء، في ذات الوقت التي جاءت به والدتها واندفعت داخل الحجرة مقتربة منه تدفعه بقبضتها تدافع عن ابنتها وهى تصيح بوجهه: 

-ابعد عن بنتي يا ابن الشيمي .. ده أنا هبيتك في القسم يا أمجد ... دي بتول الحناوي ... ده انا مش هسيبك لا عاش ولا كان اللي يمد أيده على بنتي وأنا عايشة.. 

تملكه الحنق والمقط من حديثها، نظر لها شزرًا قبل أن يرد عليها، قائلًا: 

-بنتك دي تبقى مراتي، وبعدين مش عيب عليكي بنتك تبقى متجوزة، وتقولي كلام زي ده مع راجل غريب، إيه للدرجة دي مفيش دم، كل الوقت ده ساكتلك واقول معلش يا أمجد بكرة تحبك لما تعرف قد ايه بتحب بنتها وبتقدرها، إيه بكرا ده مش ناوي يجي ولا إيه… 

أجابته داليا بنبرة يملؤها الكره: 

-لا مش هيجي، عارف لية عشان أنتَ متستهلش ظفر بنتي وانهاردة اكدتلي ده بأسلوبك الهمجي المتخلف ده .. لان مفيش راجل بيحب مراته يمد ايده عليها ويفضحها بالطريقة دي.. وبنتي هاخدها…

إلتوى فمه ببسمة ساخرة وقال قبل أن يغادر الغرفة صافعًا الباب من خلفه بقوة نفضتهم: 

-طب همجية بهمجية بقى، مدام الذوق والأدب مش نافعين… مراتي مش هتخرج من بيتي اذا كان عاجبك...لو عايزة تقعدي معاها اهلا وسهلا مش هتقعدي الباب يفوت ميت جمل ….

دنت داليا من ابنتها سريعًا تطمئن عليها، ممسدة على وجهها وعيناها تجوب على جسدها بخوف: 

-أنتِ كويسة يا بتول .. قومي نمشي .. مش هسيبك….

رفضت بتول وهزت رأسها بأعين تجمعت بها العبرات…..

_______ 

يجري فهمي بعض المكالمات في حديقه منزله يتأكد من أن ذلك الخبر لن ينتشر وأكد على بعض المدعويين بالتزام الصمت وعدم تسريب أي شيء فهذا الخبر سيضر بسمعه عملهم وسمعة بتول…

وجد بوابة الفيلا قد فُتحت لتدخل سيارة أجرة وتهبط منها ريما وتخرج بعض النقود من جيبها وخلفها مباشرًا دخل شهاب بسيارته وهبط منها ومازال يرتدي بدلة زفافه عدا الجاكت وهيئتهم كانت مبعثرة اذا كان هو أو ريما….

نهض فهمي واقترب منهم بصدمة، مرددًا بقلق:

- في ايه يا ريما حصل إيه؟؟؟ .. ايه اللي جابكم دلوقتي ده الفجر قرب يأذن وجاية في تاكسي ليه….

- ارجوك انا مش عايزة اتكلم…

قالتها ريما بوجع شديد وكلمات منقطعة بسبب شهقاتها فلم تتوقف عن البكاء بعد:

- خلاص اهدي يا بنتي اهدي…

كانت سعاد مُربية شهاب منذ الصغر جاءت بعد استماعها لأصوات السيارات منتظرة آذان الفجر، فأردف فهمي أمرًا إياها:

- خديها يا سعاد على أوضتها …

وبالفعل ذهبت سعاد استجابة لاوامره مع ريما وولجوا إلى الفيلا…

حدق فهمى بابنه الملتزم بالصمت بغضب وصاح به:

-هببت ايه في البت خلتها منهارة كده..

هتف شهاب بألم شديد: 

- ريما عرفت اني بحب بتول وأصرت انها تمشي مش عايزة تسمع مني حتى كلمة اقنعتها بالعافية أننا نيجي هنا ... وبعدين الحيوان ده السبب مش عارف ازاي سبتوه يمشي كده لا وكمان.. 

قاطعه فهمي بسخرية: 

-  عايزك تفكر في امجد وبتول كمان وكمان... وحب بتول اكتر .. واقهر اللي حبتك…

انهيار ريما انهيار واحدة مش بس مضايقة أن جوزها اللي متقدملها صالونات بيحب غيرها لا ده انهيار واحدة بتعشق، اقعد مع نفسك شوف هتهبب إيه معاها بدل ما انتَ شاغل دماغك بأمجد…

قال فهمي كلماته بغضب وانزعاج شديد فما ينقصه هو حزن ريما الذي سيسبب له الحرج مع صديقه وزوجته، صديقه الذي أعطاه كنزه وكل ما لديه وهي ابنته …

_____________ 

فى الصباح...

ظل بهم يذرع حجرة المكتب ذهابًا وإيابًا، فالندم كان له كالمرصاد، لا يتركه، يكره ذاته ويداه التي تمدت وتجرأت عليها… 

فقد أعمته غيرته..وحب آخر لها..

أغمض عيناه بقوة ضاممًا قبضته كارهًا تلك الفكرة، نافيًا إياها من رأسه 

فهى لن ولم تُكن سوى له.. هو بمفرده، لن يشاركه أحد بها. 

مسح على وجهه، وفتح عيناه بتلك اللحظة، وقادته قدماه خارج الحجرة قاصدًا غرفتهم، فلن يتركها بتلك الحالة وسيفعل أي شيء حتى تسامحه وتعفو عنه.. 

"أما بالأعلى"

كانت تفترش الفراش بجوار ابنتها ملقية على أذنيها كلماتها السامة: 

-مش قولتلك أنه مش هو ده البني آدم اللي يستحقك، شوفتي ضربك ازاي قدام الناس ومسح بكرامتك الأرض .. قوليلي هتوري وشك ازاي للناس بعد كدة..ومصيبة لو حد سرب الخبر او حتى صور اللي حصل…خلينا نمشي متخافيش منه ولا يقدر يعمل حاجة ..

على اخر الزمن بنت محمد الحناوي جوزها بيضربها وبيهنها… 

هنا وكفى..فاض بها الكيل من كلماتها.. صاحت عليها بهدر جابرة إياها على الصموت وابتلاع باقي كلماتها في جوفها: 

-بس يا ماما كفاية بتزوديها عليا ليه، فكرك أنا مش مضايقة وكرامتي ناقحة عليا، بس تعالِ كدة نفكر مين السبب في اللي أنا فيه ده، فكري كدة معايا شوفي مين اللي اتكلم في موضوع شهاب وخلى أمجد يعرف كل حاجة، ها مين.. 

استطردت داليا حديثها بسخط: 

-وأنا هعرف منين يعني أن البيه واقف ورانا وبيتصنت على كلامنا، كنت بشم على ظهر ايدي، وبعدين أنا مكدبتش وشهاب اللي مش عجبك ده برقبته، على الأقل مش همجي وعديم الذوق زي المهزق ده..

احتدت عين بتول حنقًا، فشعرت هنا داليا بخطأها الفادح، فأبتلعت ريقها وحاولت الحديث مرة أخرى، فأوقفتها يد بتول، قائلة بحدة وقوة: 

-كفاية مش عايزة اسمع اكتر من كدة، لو سمحتي سبيني لوحدي مش عايزة اشوف حد ولا اتكلم مع حد …

كادت تتحدث، رافضة حديثها ذلك، فأعادت بتول تكرار كلماتها على مسامعها بحدة: 

-لو سمحتي يا ماما… 

اماءت لها داليا، متمتمة: 

-ماشي يا بتول.. 

خرجت من الغرفة وخطت تجاه الدرج الرخامي فوجدت أمجد قبالتها يصعد درجات السلم فوقفت امامه، تمنعه من استرسال خطواته، هاتفة بتهديد ووعيد: 

-مش هيحصل طيب يا أمجد بنتي مصدومة بس هتفوق واعرف أنك هتدفع تمن اللي عملته النهاردة غالي أوي يا أمجد يا شيمي…وحذاري تمد ايدك عليها تاني..

رددت الأخيرة هابطة درجات الدرج، فظل واقفًا مكانه محافظًا على ملامحه النادمة، ثم استرسل طريقه حتى وصل أمام باب غرفتها… 

دق على الباب بهدوء، صاحبه ولوجه الغرفة.. 

جابت عيناه بالغرفة فوجدها تقف أمام المرآة تتأمل وجهها خاصة مكان الصفعة.. 

أغلق باب الحجرة بهدوء، واقترب ببطء شديد وحروف اسمها تخرج من بين شفتيه: 

-بتول… 

لم تلتفت له، فقط اكتفت برمق وجهها شاعرة بالذل والخزى، لا تتذكر بتعرضها لتلك الأهانة من قبل.. 

وقف خلفها يمعن النظر بصورتها المنعكسة بالمرآة، ثم رفع يداه راغبًا بلمس ذراعيها وأخذها داخل أحضانه عله يهون فعلته..

كادت أناملة تتلمسها لولا صوتها الذي خرج معنفًا، تحسه على عدم لمسها: 

-متلمسنيش يا أمجد، أيدك اللي ضربتني انهاردة قدام الكل وهانتني متتحطش عليا…

تلفظت الأخيرة وهى تلتفت له تناظر عيناه التي سرعان ما تهربت منها، وتحاشت النظر بها.. تابعت حديثها متمتمة بوجع وعبرات حبيسة داخل مقلتيها: 

- انا مش مصدقة اللي عملته ... كأني في كابوس لغايت دلوقتي.. ازاي عملت فيا كده ازاي..أنتَ عارف أنهاردة عملت فيا إيه، مفيش راجل يستقوى على واحدة يا امجد، وده اللي انت عملته انهاردة…

صمتت قليلًا تتابع ندمه وحزنه، ثم أكملت: 

- قولي أنا ذنبي إيه أنه شهاب بيحبني ها، شايفني ميته فيه، لو كنت بحبه مكنتش اتجوزتك، وكنت هبقى معاه هو لاني اعرفه من يوم ما وعيت على الدنيا ..بس أنا حبيتك أنتَ واختارتك أنتَ.. 

علطول كنت بدافع عنك قدام ماما، بس أنهاردة مكنتش عارفة ادافع عنك يا أمجد.. لان انتَ كسرت كل حاجة 

أدمعت عيناه، وقال بنبرة يغلفها الترجي : 

-سامحيني يا بتول، حبي وغيرتي عليكي هى اللي خلتني اتهورت، مكنتش قادر اسمع الكلام ده واسكت، مكنش ينفع افهم سبب كرهه ليا ومتجننش، عارفة يعني إيه واحد يبقى بيحبك وعايزك غيري، انا مبستحملش نظرات أي راجل ليكي، ما بالك بقى بواحد بيحبك… 

احتدت ملامحه قائلا بتملك:

- مش من حق حد يحبك غيري يا بتول، أنتِ مراتي أنا، أنا اللي من حقي ابصلك واحبك واغير عليكي، سامحيني عارف اني مكنش ينفع اتهور كدة بس أنتِ اللي استفزتيني، أنا آسف يا بتول عشان مديت أيدي عليكي..

حاوط ذراعيها مع نطقه لتلك الكلمات، فدفعت يداه وعبراتها تتسابق على وجهها، قائلة بوجع: 

-آسفك مش مقبول يا أمجد، ولو سمحت سبني مش طايقة اشوفك قدامي، كل ما اشوفك افتكر اللي عملته، ارجوك امشي… 

انكمش وجهه ضيقًا ثم تحدث بصوت مبحوح: 

-همشي يا بتول، بس كلامنا مخلصش وهنكلم تاني وتالت ورابع لحد ما تسامحيني…. 

الفصل السابع من #زيغه_الشيطان

#أضواء_مبعثرة

بقلم فاطمة طه سلطان & فاطمة محمد.

________

اذكروا الله.

________

"‏الحُب هو ألا تهون، وألا يصبح كسر خاطرِك أمرًا قابلاً للتجاوز."

#مقتبس.

________

تنكمش في جلستها أعلى الفراش تحتضن جسدها وعيناها لا تكف عن سيل الدموع...وهى ترى فستانها الممزق نتيجة لانهيارها...وصبها جام حنقها به….

فقد عاد شهاب إلى الفندق وآتى بحقائبهم التي تم وضعها أمامها من خلال العاملة لديهم…

انفرج باب الغرفة وطل شهاب من خلفه…...والجًا الحجرة مغلقًا الباب من خلفه وعيناه ترتكز عليها…..

تبدلت تعابير وجه ريما إلى أخرى قوية...مجبرة ذاتها على التوقف عن البكاء...منتفضة من جلستها...واقفة في قبالته..متحدثة بعصبية مفرطة:

- انتَ ايه اللي جابك مش قولتلك مش عايزة اشوفك…

- ريما احنا مش عيال صغيرة ولازم نتكلم مفيش حاجة اسمها مش عايزة اشوفك انتِ مراتي يا ريما وانا جوزك مينفعش تتجاهلي ده او تنسيه..عشان شوية تخاريف في دماغك…أنتِ عايزة تهدي حياتنا من قبل حتى ما نبدأها...

قالها بنبرة حانية...هادئه….

بينما عقبت هى بنبرة متوسلة لا تتحمل رؤيته...او الاستماع لصوته...فقد سقط قناع القوة عنها ما أن تفوه بتلك النبرة:

- شهاب أرجوك ابعد عني صدقني مش مستحملة اني اشوفك حتى قدامي….

اعتصر عيناه وعلق بهدوء:

- ريما لو سمحتي خلينا نتكلم..

- مفيش حاجة نتكلم فيها يا شهاب انتَ هطلقني بعد شهر بعد اتنين وانا أهلي مش هيتكلموا في حاجة، لمجرد اني اقولهم ده قراري….

- ريما بطلي جنان يعني إيه نطلق هو أنا لحقت اتجوزك عشان اطلقك؟؟؟

صاح بها ساخرًا...فتنهدت هى وقالت بهدوء زائف:

-انا مش مجنونة يا شهاب...اللي بعمله ده عين العقل...لان الجنان الحقيقي أني أكمل معاك وانتَ قلبك متعلق بواحدة متجوزه…..قلبك مش معايا...ولا عُمره هيبقى معايا..طول ما هى قدامك..وانت بتفكر فيها….

برزت عروقه وجز على أسنانه فها هى تنجح في استثاره أعصابه، مغمغم بتشنج: 

- ريما حاسبي على كلامك متجننيش مش علشان عايز أصالحك ونهدي الدنيا يبقى اسيبك تتكلمي كلام زي ده..

- ايه هتمد أيدك عليا ولا إيه...هتكرر اللي امجد عمله وتضربني زي ما بتول اضربت…. مضايق اوي كدة ليه...مش دي الحقيقة يا شهاب...ها…

تنهد ومسح وجهه وحاول أن يتحدث بنبرة هادئة وهو يضع يده على ذراعيها: 

- ريما متقارنيش بيني وبين حد انا عمري ما أمد أيدي عليكي لو إيه اللي حصل، بتول من يوم ما اتولدنا أنا وهى واحنا في المدارس سوا في الجامعة سوا حتى النادي سوا..خروجاتنا سوا...صحابنا هما هما…

ساد صمت ثقيل..ابتعد خلاله عنها….ساحبًا نفسًا عميقًا قبل أن يعترف لها:

-كنت مراهق ولسه داخل الجامعة وكنت بحبها….قررت أني اتقدملها وساعتها هى رفضت……

انا طول الليل بفكر….و عرفت اني غلطت ومقدرتش افهم نفسي صح..

مقدرتش افهم أن في فرق بين التعود وفرق بين الحب….وبتول انا اتعودت على وجودها...وده اللي خلاني فهمت مشاعري غلط….

عاد واقفًا أمامها...و وضع يده على رأسها برفق ثم مرر أصابعه على وجنتيها ليدق قلبها عنوة عنها، ثم أستكمل حديثه وهو ينظر في عينيها الحزينة:

- ريما انا اختارتك انتِ، لهفتي على بتول كانت لهفة على واحدة اتربت معايا اتعودت أني احافظ عليها كأنها من عيلتي…

تنهدت ريما وحاولت ألا تنخدع بكلماته فهو لم ولن يحبها يومًا فقد أصبحت ترى في عينه بتول فقط…

لن تحاول التفكير أو الشعور بشيء غير ذلك وستحاول كبت تلك المشاعر التي دبت في أوصالها أثر نبرته الهادئة ولمسته لبشرتها…

أردفت ريما بنبرة حاولت جعلها جامدة وتظهر له أنه لم يؤثر عليها أي من كلماته أو حروفه الكاذبة:

- شهاب مبقاش ينفع، ياريت اللي بتقوله كان صح انا طول عمري ماشية بقلبي وعُمره ما كدب عليا، كان نفسي أصدقك بس مش عارفة أصدقك لاني مش حساك بتقول الحقيقة، أنا عند قراري انا مش هكمل معاك ولا هيجمعني بيك حاجة أبدا….

صمتت ثوانِ ثم تابعت بتهديد:

- لو مش هتستحمل الشهرين دول... أو مش هتعرف تعدي الفترة دي من غير ما تخليني اشوفك..يبقى ارجع البيت أحسن..وماما وبابا يعرفوا وكدة كدة خربانة….

- يعني ده اخر كلام عندك يا ريما ؟؟؟

قالها بانزعاج ملتهمًا المسافة الفاصلة بينهم…. لتدفعه بعيدًا عنها مزمجرة به:

- اه اخر كلام يا شهاب، ومفيش كلام بعده وياريت متدخلش الاوضة دي من غير ما تستأذن…

- الاوضة دي اوضتي انا وانتِ على فكرة!!

- ده كان في الأول يا شهاب، وماشاء الله البيت مليان أوض... وأنا مجرد شوفتك بتعصبني…

فـ متنتظرش أني هتقبل أنك جوزي وهتعايش معاك عادي...لا أنت تشيل الفكرة دي من دماغك….

- ريما انتِ بتبوظي كل حاجة بعندك ده …

أردفت ريما بنبرة ساخرة: 

- كل حاجة باظت يا شهاب كل حاجة باظت واتكسرت اللي اتكسر في قلبي مش هينفع يتصلح…

اقترب منها مرة أخرى ليتحدث بتلك النبرة الحنونة..ويداه تلمسها من جديد:

- اديني فرصة واحدة…

- متلمسنيش يا شهاب ومتحاولش تقرب مني، كلام في الموضوع ده تاني لا، بينك وبيني الف حيطة...أرجوك متضغطش عليا ..

أبعدت يده مرة أخرى عنها وابتعدت عنه، فأردف شهاب معلنًا عدم استسلامه:

- طيب يا ريما هسيبك دلوقتي وهاجي اتكلم معاكي مرة تانية تكوني هديتي عن كدة….

- انا مش مجنونة على فكرة…

- وانا مش هطلقك على فكرة وهاجي اتكلم معاكي تاني... كل اللي قولتيه انا مش موافق عليه علشان يكون في علمك..

تصبحي على خير. 

قال كلماته الأخيرة بانزعاج شديد وهو يجز على أسنانه ويتجه ناحية الباب مفارقًا الحجرة صافعًا الباب بقوة جامحة…..

_________

طريحة الفراش…  إحدى ذراعيها و بطنها مغطيان بالقطن و (الشاش الطبي)، ومُعلق لها بعض المحاليل .. 

زوجها جوارها ممسكًا لها هاتفها ويُقربه من فمها بعدما جاء برقم شهاب وقام بتفعيل مكبر الصوت.. فليس باستطاعتها إمساكه..فالالم يسيطر عليها….

رمقها رأفت بنظرة محذرة منتظرًا اجابه شهاب حتى تملي عليه ما آمرها به….

أجاب شهاب أخيرا عليها بنبرة غاضبة من اتصالها في هذا الوقت….فكان ذهنه منشغل بزوجته…

- ايه يا رزان حد يتصل الوقت ده ..لو في حاجة في الشغل كلمي بابا بتكلميني انا ليه…

تحدثت رزان بعد أن ابتلعت ريقها حادقة رأفت بنظرات خائفة وزائغة: 

- لا يا شهاب .. هو للشغل ومش علشان الشغل ..

جاءها صوت شهاب الغاضب قائلا: 

- هي فزورة يا رزان أنا على أخري في إيه ؟؟

رمقها رأفت وهو يجز على أسنانه مما تفعله... 

وصل لها مغزى نظراته... ألا وهى أن تسرع وتخبره ما القاه عليها وتنفذ أوامره: 

- انا مردتش اتصل على بتول...اديك شوفت اللي حصل امبارح...وحبه اعرفكم اني هسافر لندن مع رأفت شهر عسل جديد وكده فقولت اقولك .. تقول لعمي فهمي وبتول .. وعلى فكرة انا كلمت هدير وهتمسك مكاني الفترة دي…

أردف شهاب بحنق واستغراب: 

- لندن ايه ومن امتى انتِ بتسافري مرة واحدة كده…

- مفيش وقت اشرحلك... انا في المطار يا شهاب بس اقدر اقولك ان رأفت كان عاملها مفاجأة ليا من بليل…

تفوهت بخوف شديد من نظرات زوجها حتى جاءها صوت رأفت الذي هتف بنبرة عالية قاصدًا وصولها لشهاب: 

- يلا يا رزان الطيارة هتفوتنا يا حبيبتي….

علق شهاب بلا مبالاة فهو يكفيه ما به لن يشغل نفسه باصدقائه فلقد اشغل نفسه بالكثير حتى اليوم والآن يجب أن يتفرغ لنفسه: 

- ماشي .. مدام كلمتي هدير وهتمسك مكانك .. يبقي ربنا يرجعك بالسلامة .. سلام..

اغلق شهاب المكالمة ليهتف رأفت ببسمة شيطانية ممسدًا بكف يداه على خصلاتها وعيناه تمسح على مناطق جسدها المغطاه والذي قام بإحراقها عمدًا ليلة أمس….

- جدعة يا روح أمك .. احبك وانتِ بتسمعي كلام جوزك .. وبخصوص الحرق معلش كنت متعصب أمبارح وجت فيكي .. صفقة بسبب ابن **** .. ضاعت مني..

انتهى ضاغطًا بيده موضع الحرق...فـ انطلقت منها صرخة بسبب الألم الذي سببه لها: 

-ااااااااه... ابعد عني يا حيوان..

بمجرد أهانتها له صفعها صفعه قوية تعودت عليها قائلا بفحيح وغضب: 

- بقولك ايه يا رزان .. متفتكريش علشان في مستشفى وفي حالتك دي هطولي لسانك وهسكتلك..لا..يختي... وبعدين ده انا لسه ردك لعصمتي يا قلبي .. بلاش نخليها الطلقة الثالثة مع اني مستغناش عنك…

نظرت له بغضب وسُخط فهي تعيش في جحيم لا تدري كيف تتخلص منه فـ أسلوبه عنيف… ولا يستطع الإنجاب .. 

بل تطور الأمر و أكتشفت مؤخرًا أنه يتاجر في الأسلحة والمخدرات ..

وسلسلة المطاعم والمقاهي الخاصة به ما هي إلا غطاء فوق أعماله الآخري 

ليس لها أحدًا سوى بتول وشهاب وساهر اصدقائها منذ سنوات ولكن ليس بوسعهم إنقاذها فـ معها رجل يستطيع الفتك بهم وجلب الضرر لهم معها…..

__________

بعد مرور يومان…

وحيدة في غرفتهما، أو بالاصح ما كانت ستصبح غرفتهما.. لا تفتح الشرفة أبدًا ترفض محادثة أي شخص فقط تكتفي بإرسال رسالة لوالدتها من خلال موقع التواصل الأجتماعي (الفيس بوك) تخبرها بأنها سافرت مع شهاب وأنها بخير..كما أنها حاولت تسجيل رسالة صوتية ونجحت بذلك بعد محاولات عديدة باءت جميعها بالفشل…مجيدة زيف سعادتها... 

دق الباب فنهضت ريما من مكانها أعلى الفراش، وفتحته بلا مبالاة فظنت أنها سعاد وتأتي لها بالطعام كعادتها…

لكنها وجدت فهمي هو الواقف أمامها…

ابتسم في وجهها وقال بحنو: 

- صباح الخير يا ريما.

أجابت بنبرة خافتة وضعيفة شاحبة كهيئتها:

- صباح النور.

- اليومين اللي فاتوا كنت سايبك علشان عارف أنك مش حابة تشوفي حد او تسمعي حاجة من حد، بس جاي اجرب حظي إيه رأيك لو تنزلي تقعدي معايا في الجنينة نشرب حاجة قبل ما أروح الشغل ؟؟ 

لم يجد منها رد فأستكمل حديثه بنبرة هادئة وكأنه قرأ أفكارها: 

- على فكرة شهاب مش هنا، انا عايز اتكلم معاكي لوحدنا…

اومأت برأسها موافقة ليبتسم لها فهمي ويهبط وتهبط من خلفه بخطوات هادئة تمامًا حتى خرجت واخذت أنفاسها في الهواء النقي سامحة له بأن يلفح بشرتها... فقد اكتفت من الظلام والبكاء حتى أنها كانت ترفض رفع الستائر لرؤية الأضواء….

جاءت الخادمة ووضعت كوب من الشاي لفهمي، وعصير برتقال لريما ثم ذهبت…

حمحم فهمي، وقال: 

- قولت عصير البرتقال احسنلك من الشاي…

لم يآتيه أجابه مرة أخرى... فتنهد مغمغم:

- أنا مقدر اللي انتِ فيه، وعارف انتِ حاسة بإيه…

- عُمر ما حد هيحس باللي انا فيه يا عمو…

قالتها بألم شديد يعتصر صدرها تحاول كبح دموعها، فأردف فهمي: 

- انا هكلمك بصفتي عمك فهمي مش ابو شهاب ولا حماكي، ربنا يعلم غلاوتك عندي قد إيه انتِ وياسر…

تنهدت ريما ومسحت الدمعة الفارة من عيناها وعلقت: 

- انا مش واحدة بعيط ومقهورة أن فرحي باظ واتحول لبتول الحناوي اللي جوزها ضربها صدقني لو هتواسيني بسبب كده مش دي مشكلتي ولا يفرق معايا انا نفسي كنت اتمنى ان فرحي انا وشهاب يكون هاديء ومش مبالغ فيه، اللي قاهرني اني اتجوزت واحد لسه متعلق بواحدة متجوزة…

سحبت نفسًا عميقًا زفرته دفعة واحدة ثم أستكملت باقي حديثها وهى تنظر إلى فهمي لعلها تجد منه رد فعل بالايجاب او السلب: 

- شهاب بيحب بتول واكيد انتَ عارف مش كدة؟ 

سخر فهمي وتحدث بأستهزاء واضح:

- هاتيلي راجل ملهوش ماضي قبل ما يتجوز، مش بس حب مراهقة، انا مش هكدب عليكي يا ريما... اه شهاب كان بيحب بتول واه عرض عليها انهم يتخطبوا وبتول رفضت لأنها شيفاه أخوها تحبي اقولك ايه تاني…

امسك كوب الشاي، وأرتشف منه بهدوء ثم تابع:

- لو كل واحدة اكتشفت ان جوزها كان بيحب قبلها هتعمل في نفسها كده صدقيني مفيش بيت هيكمل اومال لو كان حب بعدك؟

- حضرتك واخد الموضوع بمنتهى السهولة ومش مقدر اللي انا حاسة بيه شهاب لسه بيحب بتول ومحدش يقنعني بعكس كده عشان أنا مش عامية...

قالتها بنبرة غاضبة وعنيدة عاقدة ساعديها…

فـ عقب فهمي: 

- شهاب متعلق ببتول زيه زي اي واحد شاف حاجة قصاده وكان نفسه فيها ومطلهاش وجه واحد خدها منه...كل ده تعلق.. تعود..عند...حاجة زي كده، شهاب محبش بتول وبأكدلك ان بتول لو أطلقت مش هتفرق مع شهاب، شهاب من ساعة الفرح وهو قاعد هنا في البيت مستني بس طريقة يفتح معاكي بيها كلام…

حاولت الا تظهر أنها مقتنعة فهو ابنه ومن المؤكد أنه يلتمس له الأعذار ويجمل صورته أمامها...زفر فهمي وقال:

- شهاب عيط امبارح قدامي، شهاب عمره ما عملها آخر مرة وصل انه يعيط من زعله كان وهو في اعدادي لما امه ماتت الله يرحمها، كان زعلان وعمال يقهر في نفسه بسبب حالتك واللي وصلك ليه….

- حاسس بالذنب مش اكتر…

- بصي يا بنتي انا قولتلك اللي يخلص ضميري، انتِ اتخطبتي لشهاب وانتِ عارفة انه جواز صالونات ومش من حقك تسألي عن حياته قبل ما يتجوزك، شهاب علاقته محدودة ببتول وأخره يسلم عليها في إطار الشغل...

صمت ثم استكمل حديثه وهو ينظر لها: 

- محدش بيجبر حد يكمل في علاقة مش حاببها، وبقولهالك لو شهاب طلقك ده مش معناه انه هيروح لبتول لا هتيجي اللي هتعرف تربطه بيها

وتنسيه بتول والدنيا... بتول مراهقة لشهاب وعقله بيقنعه بحاجات مش حقيقة انتِ تقدري تخليه ليكي وتحافظي عليه، وتقدري تسبيه وبرضو شهاب مش هيكون لبتول سواء في وجودك أو عدمه يا بنتي…

- لو كنت انا اللي بنتك هتقبل بكسرتي؟؟

-أنتِ بنتي فعلًا عشان كدة هقولك فوقي واعرفي مصلحتك لو بتحبي شهاب فهو جوزك وهو حقك وانتِ حقه، تقدري تحاكميه من يوم جوازكم كلمت مين وعملت ايه، مش تحاكميه انه جري زي ما الناس جريت، اعملي اللي يريحك بس افتكري اني عايز مصلحتك...

نهض من مكانه مغلقًا زر بدلته مكرر كلماته على مسامعها علها تصدقه: 

- شهاب مش هيكون لبتول ولا عمره كان إلا مشاعر مراهقة ولعب عيال، شهاب لو هيكون ليه مستقبل هيكون معاكي او مع حد غيرك لو انتِ سبتيه…..

________

تضع رشا الافطار على طاولة الطعام، نظرًا لغياب المرأة التي تساعدها اليوم لاصابة زوجها بحادث سير...

جاء ياسر من خلفها وتلفظ بهدوء مستعدًا لتناول الطعام ومن بعدها يذهب إلى المستشفى...

- صباح الخير يا رشا.

- صباح النور يا ياسر.

جلست رشا على المقعد وشرعوا في تناول الطعام ولكن لاحظ ياسر شرود زوجته فهى تعبث في الطعام ولا تتناول شيء.... 

- مالك يا رشا في حاجة !!

تركت رشا الملعقة التي كانت تمسكها  وهتفت بنبرة متوترة بسبب ذلك الشعور الذي ينتابها:

- بصراحة بقى انا قلقانة على ريما ومش مطمنة...

رفع ياسر حاجبيه قائلا بنبرة قلقة ومندهشة:

- مش كانت لسه بتكلمك امبارح بليل!! 

قالتلك حاجة قلقتك طيب؟ 

تنهدت رشا بضيق فهو لا يشعر بما تشعر به: 

- يا ياسر مقالتش، انا مبقولش انها قالت حاجة انا حاسة ان صوتها غريب، مش طبيعي كأن فيها حاجة...

- لا انتِ اللي قلبك رُهيف يا رشا، البنت مع جوزها هيكون مالها يعني، ومدام مقالتش يبقي مفيش حاجة هى بنتك من امتى بتخبي عليكي حاجة...

قال ياسر كلماته في البداية بسخرية وأنهاها وهو يحاول بث الطمأنينة بها، فتحدثت رشا بقلق شديد :

- معرفش يا ياسر، انا حاسة انها مخبية حاجة عليا، معقول لسه زعلانة بسبب اللي حصل يوم الفرح أكيد طبعا زعلانة فرحتها نقصت والفرح يعتبر مكملش...

هز ياسر رأسه برفض لحديثها وأردف بنبرة هادئة: 

- أكيد شهاب كلمها والموضوع خلص محدش عارف الدنيا فيها ايه ممكن موقف واحد يبوظ ترتيباتك وبعدين الموضوع كان يعتبر في أخر الفرح وخلاص اليوم عدى مش هنفضل نعمل حوار....

- بنتك مجنونة بالتصوير ده لو شهاب كان جه البيت تتصور معاه، وانا في المطبخ الاقيها جت واتصورت معايا، وتنزلهم بنتك منزلتش صورة واحدة حتى يا ياسر يعني في شهر عسلها واول مرة تسافر دبي ولا ليها ظهور...

نهض ياسر قائلا بنبرة هادئة وساخرة: 

- روحي اقعدي مع اختك يا رشا، شكلك هتقعدي تفكري كتير ومش هنخلص، بنتك عروسة مع عريسها يا ام مفهومية يعني مش فاضية انها تكلمك اربعة وعشرين ساعة دي عروسة يا رشا، اتقبلي حقيقة أن بنتنا كبرت هى مش في رحلة مع صحابها وهتكلمك لغايت ما ترجع، ولو كان في حاجة كانت قالت...

رمقته رشا بغضب وهتفت بنبرة حانقة:

- ماشي يا ياسر اتريق عليا براحتك، انا ام ومش مرتاحة، طب استني نكلمها ...

قاطعها ياسر قائلا بنبرة معترضة، فهو يستخف بشعورها ويعلم أن ذلك من تعلقها بابنتهما الوحيدة:

- رشا انتِ اتجننتي الساعة لسه مجاتش تسعة الصبح، هو إيه اللي هيصحيهم دلوقتى، انا رايح المستشفى ورايا مرضى محتاجيني وانا مش ناوي اتجنن جنبك ولو هتروحي حته اتصلي بيا مع السلامة....

__________

ولج أمجد الحجرة دون استئذان حاملًا بين يداه صينية معبأة بالعديد من الأطعمة الشهية، جالت عيناه بالغرفة بحثًا عنها بعدما وجد الفراش خالي، ادرك وجودها داخل الشرفة الملاحقة لغرفتها عندما التقطت أنظاره الزجاج المفتوح على مصراعيه، وتطاير الستائر البيضاء…

دنا من الفراش وترك صينيه الطعام من يده، لاحقًا بها….

وقف خلفها مباشرة، ويداه تعرف طريقها، مطوقًا خصرها بأشتياق ولوع، دافنًا وجهه في عنقها الطويل، مستنشقًا رائحة جسدها التي طالما عشقها…

هامسًا بندم:

أنا آسف، سامحيني يا بتول.

ما كان منها سوى أنها فتحت عيناها التي أغلقتها ما أن لمسها واستشعرت جسده الذي تلاصق بها مما جعل قشعريره طفيفة تسرى بجسدها.

رفعت أناملها ودفعت يداه عنوة، ملتفته له لتقف قبالته وجهًا لوجه، متمتمة أمام وجهه:

-مش عارفة أسامحك يا أمجد، أو بمعنى أصح مش عايزة اسامحك، أنت صدمتني فيك، لحد دلوقتي مش قادرة استوعب اللي أنت عملته، وازاي مديت ايدك عليا..وسط الناس..

أطرق رأسه خجلًا مغمضًا جفونة لوهله وهو يعتصر قبضته التي تطاولت عليها فلو كان الأمر بيده لقطع تلك اليد التي أهانتها وقلت من كرامتها أمام الجميع.

كادت تغادر لا تتحمل رؤيته أمامها، فكلما رأته تذكرت تلك الليلة المشؤمة.

تحركت خطوة واحدة وما كادت تخطي الثانية حتى وجدته يقبض على ذراعيها، قائلًا بقوة:

-قوليلي اعملك إيه عشان تسامحيني، اللي هتقولي عليه هعمله، أنا مش قادر اتحمل زعلك مني، أنا عندي الموت أهون من أنك متكلمنيش، أو أن وجودي يبقى زي عدمه في حياتك يا بتول..

بللت شفتيها الجافة وقالت مبتلعة غصتها المريرة:

-مفيش حاجة تقدر تعملها، ومفيش حاجة تخليني اسامحك، غير أن الذكرى دي تتلغي من دماغي، ومظنش أنه ينفع يا أمجد، فمتحاولش.. أنت اللي عملت فينا كدة، وأنت اللي حكمت على علاقتنا و وصلتها لطريق مسدود... فمتجيش تسألني تعمل إيه..

قالت الأخيرة مغادرة الشرفة، فظل متسمرًا مكانه يستوعب مغزى حديثها الذي لم يستنتج منه سوى أنها تريد مفارقته والابتعاد عنه…

فارت الدماء لرأسه وتشنجت عروقه حتى ظهرت بوضوح في رقبته ويداه، مندفعًا خلفها، مرددًا تلك الكلمات وهو يقف في مواجهتها يعيق حركتها:

-قصدك إيه يا بتول، أنتِ عايزة تسبيني، عايزة تطلقي مني، أنتِ لو بتفكري في كدة يبقى أتجننتي أنا مستحيل اسيبك أنتِ فاهمة مستحيل…

قال الأخيرة هاجمًا على شفتيها ملتهمًا إياها بعنف وقوة، كأنه يخبرها بتلك الفعله أنها ملكه، ولن يدعها بتلك السهولة…..

طوق خصرها، موزعًا قبلاته على أنحاء وجها، شاعرًا بمشاعر متأججة تجاهها، فشعوره بأنها ستتركه جعله يچن…

كانت مستسلمة له، لا تعلم اتسعد لتمسكه بها، ام تبعده وتنهره عما صدر منه….

وبالنهاية قررت ألا تستلم له ولـ لمساته وقبلاته…

دفعته بقبضتها وكأنها قد استعادت وعيها، صارخة بهدر:

-متلمسنيش يا أمجد، مش طيقاك، اطلع برة مش عايزة اشوفك، أطلع بقولك….

صرخت وهى تردد الأخيرة مما صدمه وجعله يستسلم لها رافعًا يديه أمام مرأى عيناها، متمتم بخنوع مجبر:

-طيب طيب خارج اهدي…

خرج من الحجرة، فأزدادت وتيرة تنفسها وبكائها كارهه ضعفها واستسلامها له منذ لحظات، فكان عليها إبعاده على الفور وعدم السماح له بلمسها وتقبيلها بتلك الطريقة التي كانت ستجعلها ترضخ له.....

___________

في مكان أشبه بالعتمة عدا تلك السماء التي امتلأت وتزينت بالنجوم المنيرة...

كان يقف في حجرة المكتب تحديدًا خلف النافذة الزجاجية...رافعًا رأسه للأعلى يتأمل النجوم بهيام وابتسامة أخذت مسارها على ثغره الكبير…

فكم يعشق تلك النجوم، وذلك الظلام الذي يشبه حياته…

عبس وجهه وتبخرت بسمته عند تذكره ما حدث ليلة أمس من حديث بينه وبين جده....متمنيًا بتلك اللحظة أن يصبح نجمًا مثل تلك التي يراها....

فكلمات جده تتردد بأذنيه....دون توقف...

"لازم تتچوز غرام يا نچم دي وصية عمك قبل ما يموت....وصاني وهو بين الحياة والموت بأن غرام تبجى من نصيبك...مكنتش أنت ساعتها تعرف حسناء...ولما جيت وصارحتني بأنك عايز تتچوز حسناء ممنعتكش وقولت لسة بدري على غرام..وقولت لما تكبر نبجى نتكلم...ودلوجت أنت لازم تتچوز غرام....."

زفر بعنف يطرد تلك الكلمات.... وسريعًا ما تناهى لمسمعه صوت طرقات خفيفة على الباب...

التفت برأسه تزامنًا مع خروج صوته الرجولي أذنًا للطارق بالدخول…

ولجت الخادمة مطرقة الرأس متمتمة بتوتر طفيف، فالجميع يهابه، فكيف هى لا تفعل:

-سي رضوان طالب چنابك..

-طيب همليني أنتِ وأني هروحله..

قالها بصوت أجش، فما كان منها سوى اماءه بسيطة مغادرة الغرفة مغلقة الباب من خلفها بهدوء تام.

أما هو فحبس نفسًا عميقًا داخل صدره ثم زفره بعنف، فليس باليد حيلة وعليه الرضوخ له...وتنفيذ وصية عمه...

خرج من الغرفة بعبائته الداكنة، وبين يداه النابوت الخاص به....

تقدم من غرفة "رضوان" وطرق طرقات متتالية، آتاه على أثرها صوت رضوان يسمح له بالولوج...

أطل بجسده من خلف الباب، فوجد رضوان يجلس على مقعده القابع بحجرته، وعصاه الخاصة بين يداه، يستند بذقنه عليها..

ثم رفع رأسه يطالع حفيده الذي لبى طلبه وآتى، مستفسرًا منه:

-ها يا نچم احب اسمع قرارك....

تنهد نجم وأجابه بأحترام جلي:

-موافق يا چدي...مدام دي وصية عمي الله يرحمه….

الفصل الثامن من #زيغه_الشيطان

#أضواء_مبعثرة

بقلم فاطمة محمد & فاطمة طه سلطان

_______

اذكروا الله

_______

الناس يحبون ليسعدوا.. لا ليجعلوا من حياتهم نادرة يتندر بها.

نجيب محفوظ.

_______

تسللت رقية خارج الدوار دون علم أحد...ضاربة بتحذيرات صفية والتي حستها بها على عدم الخروج دون علمهم عرض الحائط....محذرة العاملة لديهم على عدم ترك ابنها الصغير وحيدًا حتى تعود وعدم أخبار أحد بخروجها…

تاركة العنان لقدميها...تسير وسط الأراضي الزراعية..العائدة لهم....مغمضة جفونها... تستمتع بالهواء الذي يلفح وجهها....

وعلى الرغم من حرارته إلا أنها أحبت ذلك الشعور...فقد ملت من الجلوس بالمنزل....

فلا تخرج كثيرًا من المنزل.....تنفيذًا لأوامر صفية.. وأمجد...

فتحت جفونها والبسمة الواسعة تشق ثغرها....

بسمة لم تدم طويلًا...فقد رأته...يقترب منها....ممتطيا جواده الخاص به.....

لا تتوهم..او تتخيل رؤيته...بل كانت حقيقة....

ازدردت ريقها واولته ظهرها تريد الفرار...من أمامه.....

وبالفعل فعلتها...وعجلت من خطواتها...نادمة على خروجها ذلك الذي جعلها تتعرض لذلك الموقف..و رؤيه ذلك النچم.....

أعاق نجم طريقها....واقفًا بـ الجواد.. أمامها...ثم هبط من اعلاه....واقفًا قبالتها.....

رفعت عيناها تختطف نظره له...وليتها لم تفعل…

ابتسم نجم على فعلتها التلقائية....وصاح ببرود اعتادت عليه:

-لا مش مصدق عينيا...وانك خرچتي من الدوار... إيه مش خايفين عليكي ولا إيه....

استدعت رقية قوة لا تتواجد بها بالوقت الحالي..لكنها اجادت تزيفها:

-ابعد عن طريجي يا بن الحلال....أنت عايز مننا ايه...مش خلاص...!!!

ابعد عن أهلي احسنلك يا نچم...

تعمد نجم اظهار غلاظته...وتمتم ساخرًا بلهجة صعيدية...

-يم يم خاف يا نچم....بجولك إيه م

قاطعته بتوتر وعيناها تتهرب منه:

-متجولش...مفيش بينا كلام....

انتهت متحركة من مكانها....مما جعل غيظه يتكاظم...وظل يتابعها بعيناه حتى ابتعدت تمامًا.....

مستقلًا جواده مرة أخرى....وركض به بسرعة فائقة...عله غضبه يهدأ... ويزول....

بينما عادت هى للدوار...لتجد أمامها صفية تنتظرها كاشفة خروجها دون علمها…

التهمت صفية المسافة بينهم...صارخة بوجهها:

-كنتي فين يا بت...مش جولنالك مفيش خروج...كلامنا معادش يتسمع ولا إيه....

تلجلجت رقية واعتذرت قبل أن تفر من أمامها:

-معلش ياما ..اتخنقت وخرجت شميت هوا....

رحلت...متجهة لغرفة ابنها....فتحت الباب وسرعان ما أمرت العاملة بالخروج....

انصاعت لها العاملة...وما أن أغلقت الباب حتى دنت من صغيرها محتضنه إياه بقوة وذكرى لقائها مع نچم تتكرر أمام عيناها..مما يجعلها تزيد من احتضان ابنها...

_________

أهلًا فهمي بيه نورت المكتب. 

تلفظ أمجد بتلك الكلمات مرحبًا بـ فهمي ببسمة بسيطة مكلفة لم تصل لعيناه مشيرًا له تجاه المقعد القابع أمامه حتى يجلس، فهو لم يتناسى ما سمعه من داليا بل لا يذهب من عقله... 

جلس فهمي قبالته واضعًا قدم فوق الأخرى متحدثًا بعملية والبسمة لا تغادر ثغره: 

-المكتب منور بصحابه يا أمجد، بس الحقيقة أنا زعلان منك من اللي حصل في فرح شهاب وفي نفس الوقت عذرك، داليا قالتلي أنك سمعت كلامنا… 

سحب أمجد نفسًا عميقًا حبسة داخل صدره لثوانِ ثم زفره بهدوء، محاولًا التحدث بهدوء ينافي تمامًا مشاعره الثائرة..

وأخيرًا خرج صوته الرجولي متمتم بنظرات قاسية توحي بما يكنه: 

-هو أنا مش حابب نكلم في الموضوع ده أحسن ولا إيه .. وبعدين كله كان في الماضي.. وانا عارف أن حماتي مش حابة جوازنا…

هتف فهمي وهو يحاول انهاء هذا الخلاف: 

-وأنا مش قصدي اضايقك يا أمجد ..انا قولتلك في بداية الكلام اني مضايق وعذرك ..بس مهما حصل مكنش ينفع تمد أيدك على بتول سواء بقى قدامنا او من ورانا…

أما بقى أني عذرك فده لأني حطيت نفسي مكانك .. بس اللي عايزك تعرفه أن شهاب ابني ملوش علاقة ببتول من زمان ... اتقدملها ورفضته وكان موضوع قديم دلوقتي هما شركاء مش أكتر..

صمت فهمي بضعه لحظات يتابع قسمات أمجد التي احتدت وكأنه على وشك القتال، فـ تابع فهمي حديثه مجددًا: 

-انا مش حابب ادخل في خصوصياتك انتَ وبتول .. بس بتول غالية عندي أوي يا أمجد مش بس عشان بنت صاحب عُمري، لا لأني كمان يعتبر ربيتها ومحمد لو كان عايش مكنش هيعجبه اللي حصل لبنته وانك ترفع ايدك عليها…

-واكيد انا مش مبسوط باللي انا عملته. 

نظر له فهمي بهدوء، ثم هتف بعملية 

- انا بس جيت عشان اوضح الصورة وداليا أنا ليا كلام معاها متقلقش… 

أنهى كلماته ناهضًا عن مقعده، فكز أمجد على أسنانه وهو ينهض هو الأخر متحدثًا بهدوء مفتعل معقبًا على حديثه: 

-حضرتك قمت ليه طيب دلوقتي، استنى اطلبك قهوة ت

كاد يكمل، فمنعه حديث فهمي موضحًا: 

-القهوة دي للناس الغرب انا مش غريب يا امجد، وزي ما قولتلك حاول تصلح امورك مع بتول عشان هى فعلا بتحبك… 

ابتسم له أمجد بخنوع، مودعًا إياه…. 

ثم جلس على مقعده مرة أخرى شاردًا بحديثه، فقطع شروده ذلك تلك الطرقات الخافتة على الباب، آذن للطارق بالدلوف والتي لم تكن سوى فرح مرددة: 

-ملف القضية اللي حضرتك كنت طلبه..

اماء لها مشيرًا لها بالأقتراب والملل يليح على قسماته…

__________

تجفف ريما خصلاتها أمام المرآة فقد انتهت لتوها من حمامها، لا شيء جديد في تلك الأيام فقط ترسل رسائل نصية إلى والدتها تخبرها أنها بخير، وتسجل لها تسجيلات صوتية محاولة بث المرح والسعادة بهم….

ثم تجلس طوال اليوم بمفردها تمتنع حتى عن الطعام معهم، وتأتي لها سعاد بالطعام من حين لآخر..

جلست على الفراش بعدما انتهت منتشلة هاتفها كي تراسل والدتها…

دق الباب فهتفت ريما بهدوء:

- اتفضلي يا طنط..

انفرج الباب و ولج شهاب وهو يحمل الطعام غالقًا الباب بقدمه، راسمًا بسمة على شفتيه، قائلًا:

- ينفع أنا، اصل طنط لسه ماشية وراحت تجيب حاجات فقالتلي اقوم انا بالمهمة دي لان مفيش غيري في البيت...

تركت الهاتف...ونهضت بغضب شديد أثناء وضعه للطعام على الفراش جوارها…

مغمغمة بحنق فكلما تراه تتذكر قلبها العاشق له ومازال يعشقه وهذا هو ما يُغضبها...

- مش قولتلك مش عايزة اشوفك؟

- وانا قولتلك هنتكلم.. سواء النهاردة..بكرا..بعده…كدة كدة لازم هنكلم...

- وانا مش رايقه ولا حابه اتكلم معاك…

قالتها بسخرية شديدة وهى تعقد ساعديها بتحدي، فأردف شهاب وهو يقترب منها لتعود إلى الخلف تلقائيًا: 

- اديني ميعاد تكوني رايقة فيه يا استاذة ريما علشان اجي اكلمك فيه….

صمت قليلًا ثم عاد مُصرًا:

-هنتكلم وهتسمعيني…

- مش عايزة أسمع .. مش عايزه أسمع منك اي حاجة مفيش حاجة هتقولها هتهديني يا شهاب مفيش حاجة ممكن تقولها هتريحني..

كانت ريما تتحدث بوجع شديد تحاول أن تتماسك قدر الإمكان حتى لا تظهر له أنها مُتيمة به ولا تفقد كرامتها أكثر من ذلك، نعم فهمي يتحدث في بعض النقاط المنطقية التي يتقبلها عقلها كون أن بتول مراهقة في حياة شهاب ويوافقه عقلها على ذلك ولا تعترض.

ولكن ماذا عن قلبها؟!! 

لم يتحدث أحد فيما تشعر به لا أحد يشعر بالندوب المتواجدة في قلبها؛ كان أهون عليها تقبل حقيقة كونه إنسان لا يستطيع التعبير عن مشاعره ويستعمل عقله غالبية الوقت…

فلا تستطيع نسيان نظرته وتركه لها ولا تستطيع أيضًا محو نظراته لامجد من مخيلتها، طوال تلك الليالي حاولت ربط الأحداث ببعضها مدركة مدى غبائها…. لتصيبها نوبة هستيرية من البكاء…

عاد شهاب يتفوه من جديد بنبرة شبه متوسلة: 

- ريما تعالي نبدأ من أول وجديد، ارجوكي انا مش عارف ازاي ارضيكي مش متحمل زعلك وشكلك كده علشان خاطري ....

يؤلمها توسله فاللعنة على قلبها الذي يحاول الإشفاق عليه….

محاولة إقناع ذاتها بأن والده من يُحركه، او يريد اتمام زواجه بها، أو حتى يشعر بالشفقة وتأنيب الضمير تجاهها، وفي تلك الاحتمالات لا تجد الاحتمال التي تريده، لا تجد مقابل الحُب والعشق التي تكنه له…

- شهاب لو سمحت الموضوع خلص .. ارجوك سبني لوحدي…

قالت كلماتها وهى تتوجه ناحية ( التسريحة)، فأردف شهاب باستفزاز ونبرة اغضبتها لدرجة لم يتوقعها أبدًا:

- مفيش حاجة خلصت، كفايا دلع ولعب عيال انا مش هسيبك، انتِ مراتي قدام الناس، وهتبقي مراتي انتِ سمعاني..

- هو بالغصب ان شاء الله ولا ايه انتَ فاكرني هسكتلك ولا ايه؟؟؟ 

قالتها بغضب جحيمي وهى تلوح بيدها في الهواء بانفعال؛ فأجاب شهاب بنبرة هادئة ولكنها صارمة وعالية:

- اه بالغصب يا ريما مش هطلقك... ويا تسبيني أصلح غلطي ونبدأ من الأول... يا خليكي كده قاعدة مع نفسك في الأوضة لغاية ما تقتنعي، وبعدين مش تقولي أنك بتحبيني اصل ده عِند وإصرار واحدة ميتة فيا وكل دي غيرة عليا…

أنتشلت الزجاجة المتواجدة فوق التسريحة وصوبتها تجاهه دون تفكير أبدًا….

ليتفادها وتأتي في الحائط ويصدع صوت انكسارها؛ فأردف شهاب  بنبرة مندهشة من فعلتها..فهى تحتاج إلى مستشفى أمراض عقلية فأين ذهبت ريما الهادئة التي يعرفها: 

- يا بنت المجنونة هتفتحي دماغي الله يخرب بيتك..

- ولسه هوريك الجنان يا شهاب، متحاولش تستفزني انا مبحبكش وزي ما انا جوازة صالونات بالنسبالك انت كمان مكنتش اكتر من عريس صالونات يعني ولا  بحبك ولا تفرق معايا ببصلة من اصله…

قالتها بغضب وقد نفرت عروق رقبتها وهى تحاول أن تخفي حقيقة تظهر في عيناها مهما قالت…

فقد فاقم حنقها حينما ذكرها بعشقها له، فأردف بتحدي:

- لا بتحبيني وتصرفاتك دي من غيرتك...

صرخت بانفعال وغضب شديد من استنزافه لمشاعرها وضغطه على قلبها لتذهب ناحية الحقائب وتفتح الحقيبة وتخرج لوحة عليها صورته تحت استغرابه، فأردفت ريما بسخرية وهى تنظر في عيناه:

- كنت ناوية اقدمهالك لما اكون مراتك بجد في شهر العسل .. وقعدت كتير اوي أرسم فيها وكانت أغلى حاجة عندي .. بس خلاص مبقاش في حاجة غالية يا شهاب انتَ متفرقش معايا ..وهثبتلك انك ولا حاجة…

ذهبت ناحية الشرفة وهى تنوي أن تلقيها بغضب شديد فليحترق كما تحترق هى ستقوم بإلقاء اللوحة من الشرفة أما هذا الوقح..الغليظ ستخرجه من فؤادها

وما لبثت أن ترفع يدها لتهوي بها لتجده حملها من الخلف على كتفيه... لتصرخ بشده فلم يبالي لها... وادخلها الغرفة مرة اخرى والقى بها على الفراش لتسقط اللوحة على الأرض، لم يمهلها فرصة حتى للحركة كان فوقها على الفراش يحتجز نصفها الأسفل بقدمه ويحتجزها من الأعلى مكبلًا ذراعيها: 

- انتَ بتعمل إيه .. لا بقولك إيه .. اياك تفكر أنك

قالتها بخوف جلي على ملامحها، ليهتف شهاب مقاطعًا حديثها بحدة أجاد صُنعها: 

- لو انتِ مجنونة، أنا معايا شهادة معاملة أطفال صويتك وكل تصرفاتك المجنونة اللي انتِ بتعمليها دليل أنك بتحبيني وارمي صورتي ولا اقولك ابقي احرقيها حتى، اصلك لو عملتي كدة مش هيغير حقيقة أنك بتحبيني. 

كادت أن تتحدث وتخرج حنقها وتخفي خجلها من اقترابه ولكن لم يعطيها الفرصة مستكملًا حديثه: 

- انا اسف.. اسف... آسف مليون مرة أني وجعتك .. واني غلطت في حقك .. اسف على كل حاجة.. اديني فرصة انا استاهل حبك…

كان يتحدث وهو ينظر في عيناها وقريب منها لدرجة عجيبة فلا تستطع فعل شيء سوى النظر له وكأن الكلمات قد تبخرت وصوتها قد سافر بعيدًا، فأستكمل شهاب حديثه قائلا بمرح قاصد مشاكستها: 

- ها قولتي ايه .. ولا اقولك ده مش وقت كلام أصلا…

قالها بخبث وهو يمد يده ليمسك طرف سترتها 

فأمسكت معصمه قائلة بخجل وتوتر مانعه إياه 

- خلاص خلاص ... هديك فرصة أبعد يا شهاب دلوقتي..

- بتكدبي عليا ولما أبعد هترجعي تتجنني…

كان يتحدث بمرح بينما هى على وشك الأنهيار من فرط خجلها، ودقات قلبها، فكان يستغل قربه منها لاكثر درجة: 

- مش بكدب أبعد عني بس و هديك فرصة والله..

قالتها بتوتر وخجل شديد، فتخشى حتى أن يخونها قلبها التي لابد أنه استمع لخفقاته.. 

أبتعد عنها لتنهض فورًا فهو سيقتلها بسبب قُربه المُهلك منها، فأردف شهاب وهو يتجه ناحية الباب

- اياكي ارجع ملاقكيش واكله ... ومفيش أكل تاني لوحدك انتِ مش في حبس انفرادي، ابقي انزلي كلي مع المساجين اللي برا عادي…

خرج قبل أن يسمع منها شيء، تريد صفعه ذلك الوقح الذي تسبب في إصابة قلبها بتلك المشاعر، قام ببعثرتها دون مجهود منه أخذت اللوحة من فوق الأرض لتنظر في تفاصيلها فكم سهرت حتى تخرجها بهذا الشكل لا تظن أنها كانت ترسمها بيدها، لا فقد رسمتها بقلبها العاشق له ولكن قلبها العنيد الذي لا  يريد منه عقل أو جسد، يريده كله بعقله وقلبه وكل ما به ليكن لها ..

__________

كانت تجلس على فراشها لا تخرج من حجرتها إلا للضرورة القصوى، راغبة بالأختلاء بنفسها حتى تناجيها أحزانها والآمها… 

كارهة إياه… وربما تكون كارهه ذاتها لمكوثها معه واستمرارها بتلك الزيجة حتى الآن… 

لم تتقبل أن يهينها أحد يومًا… لكنه فعلها… وإذا صمتت سيكرر فعلته مرة آخرى ولن يكف عن إهانتها…

بل لم يهينها فقط بل أيضًا..خذلها...إجرم في حقها عندما صفعها بقلب بارد…كتمت أنفاسها عندما شعرت بنصل حاد بفؤادها الذي يتمزق أربًا…فتلك الليلة تعاد أمامها طوال الوقت، تأبى تركها!! 

كذلك قرارها الذي تفكر به منذ أن غادر غرفتها أمس مطالبًا العفو عنه… 

ابتسمت بسخرية على ندمه الذي لن يفيد بشيء، فعقارب الساعة لا تعود كذلك هى لا تسامح… 

رفعت أناملها والتقطت هاتفها من على الكومود القابع جوارها، مقررة مهاتفته تلك المرة بعدما تجاهلت اتصالاته طيلة اليوم حتى تخبره بقرارها الذي لا رجعة فيه، فقد اتخذته وحسم الأمر.. 

عبثت بالهاتف حتى تأتي برقمه، لكنها توقفت عندما تناهى لأذنيها صوت سيارته فعلمت بمجيئه.. 

تركت الهاتف من يديها، وانتظرت صعوده، فهى على يقين بأنه سيلج حجرتها عاجلًا أم أجلًا.. 

صدق حدسها، عندما وجدته يطرق الباب بهدوء طالبًا الدخول تلك المرة.. 

-بتول ممكن ادخل.. 

ابتلعت ريقها وكادت تجيبه فوجدته يلج قبل أن ترد وتمنحه الآذن ..تسلل الحجرة مغلقًا الباب بيد، والآخرى كان يحمل بها الورود المحبة لقلبها دائمًا.. لم تحرك مقلتيها، فظلت ثابتة كالصنم.. منتظرة اقترابه.

تقدم جالسًا جوارها واضعًا الورود بين يداها وعلى قدميها، مقبلًا جبهتها بحب وندم لاح بنبرته العذبة: 

-وحشتيني يا بتول، عشان كدة سبت المكتب وكل حاجة ورايا وقولت اجي اشوفك، أنا مش عارف اشتغل، مش عارف اعمل أي حاجة، حاسس أني تايهه وأنتِ زعلانه مني، أنا مش متعود على كدة يا بتول، متقسيش عليا اكتر من كدة ارجوكي… 

خرج صوتها جامدًا كملامحها، متجنبة النظر له، مزيحة الورود الحمراء من على قدميها واضعة إياها جوارها بلا مبالاة: 

-أنتَ اللي قسيت يا أمجد مش أنا، أنتَ اللي مديت ايدك عليا، أنتَ اللي هنتني قدام الناس بسبب حاجة مليش ذنب فيها، عشان كدة متجيش تعاتبني على رد فعلي اللي هو رد على فعلك أنتَ يا أمجد. 

التقط يداها بين يديه بتملك متمتم بترجي ونبرة متوسلة: 

-فعلي كان مبرر لغيرتي يا بتول، انا بحبك، معترف اني غلطان، بس احنا بني آدمين واكيد بنغلط وهنغلط محدش معصوم من الغلط، ومش هنمسك لبعض على الغلطة يا بتول، كدة الحياة مش هتمشي. 

-تمشي بقى متمشيش مش موضوعي انا وصلت لقرار هيريحني ويريحك. 

قالتها وهى تنتشل يديها من بين قبضته، ناهضة عن الفراش موالية إياه ظهرها كمحاولة منها في مقاومته والتغاطي عن عشقها وولعها به ..انكمش وجهه ضيقًا، ناهضًا خلفها، خائفًا من قرارها فردود أفعالها توحي بأن القادم ليس مبشرًا: 

-قرار إيه يا بتول؟! 

أجابته بهدوء عاقدة ذراعيها أمام صدرها، رغم ما يواجهها من صعوبة لاستعدادها بنطق ما لا تحب: 

-قرار بفكر فيه من امبارح يا أمجد، أنا مش عايزة اكمل معاك، لازم ننفص 

كادت تكمل لولا ذراعيه التي جذبتها يجبرها على مطالعته والنظر داخل عيناه رافضًا ما يتلفظ به لسانها، مقاطعًا إياها بجنون وهستيريا: 

-متكمليهاش، عشان ده مستحيل يحصل، أنتِ مراتي وهتفضلي مراتي لأخر يوم في عُمري، اللي بتقوليه مرفوض، عايزاني اسيبك يوم يومين تلاته إن شاء الله سنه لحد ما تهدي انا موافق، بس شيلي أني اسيبك من دماغك لأنه مستحيل…. 

صمت يبتلع ريقه بصعوبة، ثم تابع وعيناه تجوب على وجهها، والدموع تترقرق بعيناه للمرة الأولى: 

-عارف أني جرحتك، بس متفكريش أنه سهل عليا، لو عايزة تقطعي ايدي اللي اتمدت عليكي وتسامحيني انا موافق اعملها… 

لم تجيبه فقط تطالعه بدهشة مريبة، توقعت رفضة وإصراره على عدم الانفصال…لكنها لم تتوقع أن يبكي أمامها مثل طفل صغير، يترجى والدته بعدم الابتعاد عنه أو مفارقته.. 

استطرد أمجد وهو يجثو على ركبتيه أمامها، رافعًا رأسه يطالعها بعيناه التي تنهمر منها العبرات ملتقطًا يدها ثانية مقربًا إياها من وجهه يحثها على صفعه: 

-لو عايزة ترديلي القلم اعمليها، اضربيني زي ما ضربتك، بس بلاش تسبيني يا بتول انا ممكن اموت من غيرك، سامحيني، سامحيني ومش هتكرر تاني... 

قال الأخيرة محضتنًا خصرها بقوة، متشبتًا بها يهاب ضياعها من بين يداه…انحنت قليلًا تساعده على النهوض والصدمة لاتزال تعتريها، مطوقة وجهه براحة يديها، ماسحة عبراته بنعومة قائلة بضيق من ذاتها لتوصيلها إياه لتلك الحالة: 

-كفاية يا أمجد متعيطش، انا قبل انهاردة كنت عارفة أنك بتحبني، بس انهارده اتاكدت أنك بتعشقني وأبقى عبيطة لو مسامحتكش.. 

انهت حديثها محتضنة إياه، فـ اسرع بمبادلتها عناقها بشوق ولهفة متمتم بصوت متحشرج: 

-أنا اللي عبيط عشان مديت أيدي عليكي يا بتول، انا آسف يا حبيبتي، آسف… 

أنهى حديثه مخرجًا إياها من أحضانه مقبلًا ثغرها بخوف بادلته إياها بعشق وهيام فلن تجد رجلًا يعشقها كما يعشقها هو.. 

_________

"بعد مرور أسبوع" 

وقفت غرام أمام المرآة بجسدها الممشوق، خصلاتها تنساب على ظهرها محاوطًا وجهها الجميل، رفعت يديها معيدة تلك الخصلة المتمردة خلف أذنيها، متفحصة هيئتها وفستانها المحتشم التي اختارته بعناية شديدة ليناسب ذلك اليوم الذي انتظرته كثيرًا، بأعجاب شديد.. 

-إيه رأيكم تفتكروا الفستان هيعجب نجم!؟ 

أجابتها ياسمين وهى تقترب منها وعيناها تجوب عليها بتفحص: 

-هيعجبوا بس، ده يهبل، مش بعيد يقول لـ چدي يقلبها كتب كتاب ودخلة مع بعض… 

رفعت راضية الشقيقة الكبرى لـ ياسمين عيناها رامقة إياها بضيق، متحدثة بحدة: 

-ياسمين احترمي نفسك، إيه الكلام الماسخ ده، لو حد سمعك مش هيحصل طيب، فـ يبقى لزمته إيه يا بنت الحلال خلينا كويسين.

امتعضت ملامح ياسمين، قائلة بتذمر عاقدة يديها أمام صدرها: 

-وأنا قولت إيه يعني يا راضية، متبقيش حماقية أكدة.. 

كادت تجيبها راضية وتنهرها، لولا صوت غرام الذي خرج مرحًا محاولًا تخفيف حدة الوضع بينهم: 

-خلاص خلاص أنتِ وهى هتتخانقوا يوم كتب كتابي على ابن اخوكم ولا إيه، وأنتِ يا راضية مجراش حاجة لما نهزر دي قاعدة بنات مفيهاش حاجة يعني.. 

أنهت حديثها ملتفتة تجاه المرآة مرة أخرى ولكن تلك المرة كانت تطالع انعكاسها ذلك بحالمية… 

وأخيرًا ستصبح زوجتة، ستسطيع تمضية الكثير من الوقت معه..بل سيخصص وقت خصيصًا لها.. 

أغمضت عيناها تتخيل حالها بين أحضانه يبثها حبًا وشوقًا، فمنذ أن نضجت وهى تتمناه زوجًا لها وها هى أحلامها بأن يكن زوجها باتت حقيقة بعدما أصدر چده قراره بتزويجهم.. 

واليوم كتب كتابهم وزواجهم سيحدث عقب انتهائها من دراستها الجامعية…. 

زفرت بحرارة لا تدرك كيف ستتحمل تلك المدة المتبقية لتبقى معه بذات الغرفة…. 

بعد مرور بعض الوقت… 

دوى صوت( الزغاريط) عاليًا بجميع أركان الدوار، فقد تم كتب كتاب نجم على ابنه عمه المتوفي، وباتت زوجته رسميًا… 

اتسعت عين غرام وخفقاتها تفاقمت سعادة، منتفضة من جلستها كمن لسعها عقرب متمتمة بعدم تصديق: 

-سامعين، اللي أنا سمعاه سامعين…

اتسعت ابتسامة ياسمين ونهضت هى الأخرى مقتربة منها مهنئة إياها: 

-مبروك يا حبيبتي، ألف مبروك عقبال الفرح الكبير بقى. 

ولج الجد رفقة والدة غرام، مقتربًا من حفيدته، مقبلًا أعلى جبهتها، قائلًا بلهجته الصعيدية: 

-مبروك يا بنت ابني، هاتي القسيمة يا نوال عشان غرام تمضيها…

وهكذا باتت زوجته، متلقية التهاني من والدتها وعماتها... 

خرج صوت رضوان متنهدًا بسعادة: 

ودلوجتي لو جاهزة يلا عشان تتعشي ويا عريسك وتتحدثوا شوي.. 

هزت رأسها بلهفة عدة مرات متتالية، وقلبها يكاد يغادر جسدها ملتقطة غطاء رأسها واضعة إياه على رأسها، متحدثة وهى تناظر جدها: 

-جاهزة يا جدي.. 

خرجت برفقة جدها لا تشعر بشيء من حولها ولا لـ باقي التهنئات الصادرة من الخدم، فكل ما يشغلها بأنهم سيبقيان سويًا بمفردهم للمرة الأولى، انتاب جسدها قشعريرة ورجفة طفيفة عند تخيلها لعيناه التي بأستطاعتها الآن التحديق بها دون خوف أو خجل…. 

ولجت الحجرة فوجدتها فارغة، ابتسم لها رضوان مغادرًا الحجرة مخبرًا إياها بأنه سيحضر الآن..

تحركت جالسة على الأريكة أمام مائدة الطعام الصغيرة التي أعدتها والدتها و توحيدة…. 

ثوانِ وكان يلج بهيئته و وسامته الرجولية الخاطفة لفؤادها صافعًا الباب من خلفه بهدوء. 

رفعت عيناها ما أن وصلها عطره الرجولي الذي تعلمه جيدًا… 

تخضبت بحمرة الخجل وهى تراه يطالعها وعيناه تقابل عيناها، بل شعرت بحرارة جسدها تدريجيًا مع اقترابه المميت هذا بل وجلوسه جوارها محافظًا على وجود بعض المسافة بينهم. 

ازدردت ريقها، فخرج صوته هو أولًا متمتم بطريقة تسمعها تخرج من فوه للمرة الأولى بطريقته الصعيدية المحبة لقلبها: 

-مبروك يا غرام، بقيتي مراتي رسمي… 

بللت شفتيها واجابته بنعومة ودلال محدقة بعيناه نافضة خجلها مستغلة تلك الفرصة: 

-الله يبارك فيك يا نجم، اظن دلوقتي أقدر أقول حروف اسمك من غير اي خوف منك…

ابتسم بخفة، مجيبًا إياها بصدق: 

-أنتِ تجولي اللي تحبيه، كنتِ دائما تجولي أنك غرام النجم وأنا مكنتش بصدق، كنت شايفك عيلة صغيرة، بس شوفي القدر … 

خلاكي مراتي يا غرام.. 

أغمضت جفونها لوهلة مستمعة لتلك الكلمات التي كانت كالسحر، ثم فتحت مقلتيها وقالت بحب: 

-مش بس مراتك يا نجم، أنا غرامك، أنا بعشق اسمي عشان أنت اخترته وسمتني بيه….وبحب عيونك اللي مشفتش زيها….

__________

في الصباح الباكر..

كانت ياسمين تبكي بحرقة في غرفتها لا تصدق ما فعلته حتى، منكمشة على فراشها الصغير والدموع تنهمر منها دون توقف…

باغتها أحدهما بفتح الباب، لتغطي وجهها بالغطاء فورًا كي لا يري أحد هيئتها...وعيناها المنتفخة الحمراء…

دخلت راضية وكالعادة وجدتها نائمة، فـ اشعلت الضوء قائلة: 

- ياست هانم، ياست هانم الكلية مش في محاضرات؟ كل يوم مخموده كده!

حاولت ياسمين أن تتصنع النعاس، فأردفت وهى لا تكشف وجهها محاولة اخراج صوتها:

- جرا ايه يا راضية، اتكلي على الله روحي المستشفى ملكيش دعوة بيا انا مش رايحة الجامعة النهاردة…

- يعني ايه مش رايحة الجامعة ما انتِ بقالك يومين عماله تغيبي علشان كتب كتاب غرام ونجم وتتحججي…

صاحت ياسمين بحنق شديد ونبرة أخرجتها طبيعية قدر الإمكان:

- راضية سبيني في حالي انا نعسانة ومش عايزة أروح بقولك، انا مش عيلة أمشي بقى عايزة انام..

هتفت راضية بحنق وغضب شديد مستنكرة فعلتها:

- الحق عليا اني عبرتك اصلا، غوري اتخمدي بإذن الله تعيدي السنة مفيش فايدة فيكي أصلا اسلوبك زبالة، لما ارجع هوريكي مش عايزة اتاخر..

قالت كلماتها الأخيرة بغضب وهي تذهب صافعة الباب خلفها بغضب، لتعلو شهقات ياسمين التي تكتمها وتنهض من الفراش بفستانها والفوضى المتواجدة بها…

نهضت لتغلق الباب بالمفتاح، وتنظر في المرآة وتتذكر ما حدث ليلة أمس عقب انتهاء كتب كتاب غرام ونجم...لتسقط أرضًا باكية وهى تضع يدها على فمها حتى لا يشعر أحد بها.. 

"عودة بالذاكرة"

- يخربيتك يا أيمن، هتودينا في داهية…

قالت كلماتها وهى تجلس على فراشها وتمسك هاتفها، فقد ذهب الجميع حتى يخلد إلى النوم عدا غرام التي تجلس مع نجم وعلى ما يبدو لن تتركه الليلة…

- انزلي بقى قبل ما اتقفش لازم اشوف الفستان عليكي ده انا لو حد عتر فيا هروح في حديد علشانك ..انزلي بقى وحياة أمك.

- أيمن هشوف كده لو الدنيا هادية هنزل لو مش هادية بقى شوفلك أي طريقة تخرج بيها قبل ما حد يشوفك..مش فاهمة إزاي دخلت اوضة نجم يخربيتك بجد .. هنروح في داهية…

قالت تلك الكلمات بخوف شديد فهتف أيمن مشجعًا إياها 

- انزلي يا بومة بقى، بطلي فقر هشوفك وهمشي وبعدين مش قولتي الاوضة بقت فاضية ونجم نقل لأوضته القديمة تاني يلا…

- طيب طيب أقفل..

لفت حجابها بطريقة عشوائية وتأكدت من هيئتها الانثوية في المرآة ووضعت عطرها النفاذ ثم خرجت من غرفتها بهدوء شديد لتهبط إلى الأسفل فلم تجد أحد فبعد انتهاء كتب الكتاب أمرهم والدها بألا يزعجوا غرام ونجم يتركوهم يجلسوا بحرية ويتناولوا العشاء بمفردهم…

فتحت باب المنزل بهدوء شديد، وسارت على أطراف أصابعها وعيناها تزوغ خوفًا حتى وصلت ناحية الغرفة 

المتواجدة في الحديقة فقد كان يقيم بها نجم الفترة الماضية لكون غرام غريبة عليه، ولكنه نقل اغراض لغرفته القديمة…

كان يراها من النافذة وما أن اقتربت من الباب وهى تنظر خلفها حتى قام بجذبها إلى الداخل غالقًا الباب بتهور شديد، فأردف أيمن بسخرية: 

- ساعة علشان تيجي..

- انتَ اللي مجنون يخربيتك بجد ازاي جالك قلب تفضل هنا من ساعة كتب الكتاب..

كانت تقف وخلفها الباب، ليحتجزها قائلا بخبث وهو بالقرب منها 

- علشانك، أرمي نفسي في النار وأخلي نجم يعلقني كنت هموت واشوفك بالفستان يخربيت جمالك..

قالها وهو يتفحص جسدها بطريقة مُريبة جعلتها تشعر بالخجل الشديد، فهتفت ياسمين بتوتر شديد وخجل 

- خلاص يا أيمن اديك شوفتني أهو، يلا امشي أبوس ايدك..

- يابت بقولك قمر ويخربيت جمالك هتجننيني وتقوليلي امشي والله عيب عليكي…

قالها وهو يمرر يده على ذراعيها ارتعشت أثر فعلته، فمد يده وازاح حجابها بسهولة فكانت تضعه دون تثبيت او شيء يعيقه، لتهتف وهى تحاول أن تمنعه مما يفعله:

- أيمن أنتَ بتعمل إيه أبعد ايدك…

- بحبك يا ياسمين، النهاردة كان نفسي يكون كتب كتابي انا وانتِ وتكون ليلة دخلتنا مش قادر استنى سنتين لغاية ما تخلصي جامعة أبوكي محكم رأيه وكمان عنده امل ان اختك تتجوز قبلك…

كانت خفقاتها تزداد بجنون، فأردفت ياسمين بخوف شديد: 

- خلاص هانت يا حبيبي أن شاء الله يعدي بسرعة الوقت ده هنعمل ايه بقى…

- نعمل كدة..

قال كلمته قبل أن يجذبها من خصرها ويهجم على شفتيها لاثمًا إياها بشغف عجيب كان يقيد معصميها وهى لم تحاول حتى أن تقاومه، لصدمتها وثانيا لقوة جسده عنها…

ابتعد عنها بعد وقت حينما شعر بحاجته لاخذ أنفاسه، فكانت تحاول أن تبتعد عنه، فقالت ياسمين بحنق رغم أنها ذابت معه… 

- انتَ اتجننت ... 

قاطعها واضعا يده على شفتيها فتحدث بنبرة هامسة: 

- وطي صوتك يخربيتك...بعشقك يا ياسمين مش قادر أمسك نفسي، بموت فيكي ونفسي تبقي ليا، مش قادر أستني، انتِ مش بتحبيني ولا عايزاني ؟؟؟ 

كان يحادثها وهو يفتح سحاب فستانها، شاعرًا بأنها على وشك الاستسلام له، فهتف أيمن مطاوعًا شيطانه..

- بحبك، وعايزك ليا عايز اصبر نفسي بحاجة بسيطة….

خارت قواها أمامه واستسلمت له بجميع حواسها، فلم تكن هذه هى المرة الأولى التي يحدثها بها بتلك الطريقة ليُدرك مدي تأثيره عليها، ليست المرة الأولى لتسمح له بالحديث بتلك الجرأة وقول ما يروق له.. 

- وانا بعشقك يا أيمن….

بعد مضي بعض الوقت 

ابتعد عنها غير مُصدقًا ما حدث وكيف فعلها، فلم يكفيه شيء ظل يطمح في المزيد والمزيد حتى أمتلكها بالكامل مطاوعين شيطانهم…

كان يرتدي ملابسه بغضب شديد وهو يتمتم بكلمات غير مفهومة لا يصدق انها استسلمت له وأنه غاب عن وعيه بتلك الطريقة، أما هى لا تتوقف عن البكاء فهتف أيمن: 

- بطلي عياط بطلي…

كانت نبرته قاسية عليها لم تتوقع انه سيحدثها بتلك الطريقة لم يحاول حتى تهدئتها بل على العكس تمامًا يُبث بها الخوف، خرج من الغرفة ليرى البوابة خالية ولا يتواجد الغفير فليترك المنزل بأكمله.... 

"عودة"

ضربت وجهها صافعة ذاتها على حماقتها واستسلامها له…

- غبية يا ياسمين حتى مفكرش يطمني…

تنهدت بخوف ثم أردفت: 

- أيمن بيحبني هو أكيد لام نفسه بس ساعتها وهيكلمني اكيد..

قالت كلماتها الاخيرة وهي تحاول أن تطمئن ذاتها بأنه لن يتخلى عنها. 

__________

كانت ريما تقف في غرفة الملابس بعد أن ارتدت ذلك الفستان من اللون العسلي يصل طولة إلى بعد ركبتيها ذو أكمام طويلة وواسعة ويأخذ شكل جسدها، أرتدت تلك السلسلة الذهبية التي تتواجد بها ثلاثة قلوب صغيرة مجتمعة في حلقة واحدة لتعبر عن عائلتها الصغيرة، تذكرت قولها في يوم ما أنها ستجعل الصائغ يضع لها قلب اخر ليُعبر عن شهاب الذي أصبح من عائلتها…

والآن بقى شيء واحد وهو أغلاق ذلك السحاب الخاص بالفستان، أخرجت حذاء بكعب عالي لا تفضله كثيرًا ولكن تريد أن تظهر في مظهر عروس لا تريد أن تزعج والدتها ووالدها فهى تعرف قيمتها جيدًا لديهم، وأخبرتهم بعودتها من السفر 

أخذت تخرج بعض مستحضرات التجميل

لتخفي شحوب وجهها، خرجت من غرفة الملابس وفتحت الباب وصاحت ريما بنبرة مُرتفعة ليصل صوتها إلى مسامعهم:

- طنط سعاد، طنط سعاد

- أيه يا ريما هانم..

جاء صوت سعاد من الأسفل، فأردفت ريما مرة أخرى لرُبما يغلق لها احد سحاب الفستان فاللعنة على تلك الفساتين التي لا تناسبها.. 

- معلش ممكن تطلعي عايزاكي دقيقة..

- حاضر هدي القهوة لشهاب وهطلعلك…

ولجت ريما إلى الغرفة مرة أخرى لتستكمل وضع مستحضرات تجميلها، كانت تدندن 

وانا وانا وانا انا مش عايزاك زعلان 

وانا وانا وانا وانا بحكى ليالى زمان 

مالك؟ وشك ماله جايب تلات الوان 

وانا وانا وانا مش هحكي عليك ده لانك 

وانا انا وانا يا صغير انا اكبر منك 

ما انا اتعودت اضحي علشان الغلبان 

مانتش اد النار م الاول طيب متعديها 

واوعى تأمن ليها بتحرق اللي بيلعب بيها 

وانا عندي من النار ديه زيادة لوعايز تأمر سداده 

خد منها وعليها براحتك

- بقينا نغني ولابسين فساتين ده ايه التطور ده..

سقطت الفرشة التي كانت تداعب بها وجهها بمجرد سماعها صوته، لترمقه بدهشة وغيظ من تواجده، فمتى دخل ولم تشعر؟؟؟ 

فهي غافلة أنه يُراقبها منذ أن نادت على سعاد وتركت الباب مفتوحًا، فظن أن هناك شيء عاجل فهي لا تنادي ولا تخرج من غرفتها ولا تريد التحدث معه..

كان يُراقب هيئتها الانثوية العجيبة!! 

فهي أصبحت في الأونة الأخيرة تظهر له بشكل عجيب عليه فهي في السابق كانت ترتدي ملابس رياضية وتحمل لوح ويجدها مبعثرة أغلب الأوقات وقد ترسم بعض الاشكال على وجهها بأدوات الزينة فهي عاشقة للفانتازيا، كانت طفلة دائما ولكنها الآن امرأة كاملة وناضجة تستطيع أن يُنطق الحجر بمجرد رؤيتها، فهتفت ريما بغضب وخجل حينما وجدته يحملق بها:

- انتَ خلاص اتعودت تدخل من غير ما تخبط ده إيه ده..

- هو انتِ ايه يعني علشان اخبط؟؟ 

قالها بمشاكسة، فهتفت بعدم فهم 

- انا ايه .. يعني ايه..

أجابها شهاب وهو يقترب قليلا لتعود خطوات إلى الخلف: 

- مراتي ..معتقدش أني محتاج اخبط الباب كنتي عايزة ايه صحيح .. مش مصدق اني سمعت صوتك…

أردفت ريما بحدة محاولة التغلب على خجلها وتلعثمها وغضبها أيضًا 

- وانتَ مالك انا ناديت عليك يا بني آدم…

- انا وماما سعاد واحد عايزة ايه؟؟

قالها بنبرة مرحة وهو يتفحصها من أسفلها لأعلاها بطريقة جعلت الحمرة تتسلل إلى وجنتيها وتحدثت ريما أخيرًا:

- لا مش واحد يا شهاب اخرج لو سمحت .. انا مش عايزة أتكلم معاك 

كانت تتعمد أن تخفي سحاب فستانها مفتوح، ولكنها أخطأت حينما كانت تقف موريه ظهرها إلى المرآة فابتسم شهاب بخبث قائلا  

- خلاص يا قلبي انا عرفت لفي كده اساعدك..

رفع أصابعه على كتفيها، فوجهت سبابتها له قائلة بتحذير وهى تدفعه 

- شهاب متعصبنيش ومتقوليش يا قلبي..

- ليه يا قلبي !

هتفت بنبرة عالية وحاولت جعلها غاضبة ولكن كانت ملامح وجهها تفصح عن خجلها: 

- انتَ مستفز جدا وهجيب أخري.. امشي بقى..

قاطعها قائلا بنبرة هامسة، فهي باتت تشغل عقله ليلًا ونهارًا يسعى أن يراضيها: 

- لفي اساعدك وأمشي..

هتفت بنبرة خافته لا تدري لما تخونها عباراتها وكلماتها ودقات قلبها العالية التي تخفق بقوة تظن أنه يسمعها:

- مش هلف ابعد يا شهاب بقولك وبعدين انا قولت هديك فرصة بس مقولتش علشان تستفزني

- مهوا انا في أول طريقي لاستغلال الفرصة.. مهوا الحياة الزوجية ايه غير مشاركة ومساعدة .. يا قلبي 

قالها وهو يقترب منها تحت محاولتها لدفعه، فهو يتعمد أن يشعل قلبها وتخشى هى الأستسلام ... 

انقذها حينما دخلت سعاد وتنحنحت قائلة باحراج:

- كنتي عايزة ايه يا بنتي ..آسفة أني دخلت كده بس الباب كان مفتوح .. 

- مفيش حاجة يا ماما انتِ عارفة بقى ريما بتكبر المواضيع..

قال شهاب تلك الكلمات الذي ابتعد عنها قليلا، حينما رأي سعاد ولكن مد يده ليغلق سحابها مرة واحدة فنظرت له بغضب وخجل فأردف شهاب بابتسامة مستفزة:

- شفتي الموضوع أبسط من البساطة تخيلي يا ماما سعاد مطلعاكي وقرفاكي علشان سوسته…

- هقتلك...

قالتها بخفوت وهمس وخجل شديد ليسمعها ويبتسم بخبث، فعلقت سعاد وهى تبتسم لهم وتدعي أن تنتهي الخلافات بينهم…

- عايزة حاجة تانية يا ريما يا بنتي طيب قبل ما انزل..

- لا شكرا 

قالتها ريما بخجل شديد فمازال يقف بجانبها، تركتهم سعاد وأغلقت الباب، وبمجرد خروجها صرخت بانفعال مبالغ به تحاول اخفاء خجلها: 

- انزل يا شهاب بدل ما أقتلك

كان على وشك أن يمرح ويعبث معها قليلًا ولكن ركضت ريما إلى الغرفة تاركه القسم الخاص بالملابس، حينما سمعت صوت هاتفها وكان المتصل هو والدها. 

- الو يا بابا نزلتم ولا لسه ..

- ................ 

- يعني ايه مش هتيجوا في حاجة يا بابا ؟؟ 

- ............ 

- لا صوتك مش عاجبني في حاجة ماما فين ؟؟ 

- ............. 

-  ازاي تخبي عليا يعني أنا هاجي حالا 

أغلقت ريما المكالمة فهتف شهاب بقلق 

- في أيه يا ريما؟

هتفت ريما بقلق وهى تبتلع ريقها 

- ماما اغمى عليها بليل وسكرها علي ومش هيجوا انا لازم اروح 

- اكيد 

_________ 

هبط شهاب وريما متوجهين إلى بيت عائلتها، وكانت طوال الطريق تشعر بالقلق الشديد حتى وصلوا، وصعدت ريما وجدت والدتها تجلس على الأريكة أخذتها في أحضانها وحمدت ربها على سلامتها فتحدث هذه الحالة كل فترة..

فهتف ياسر بنبرة مرحة وسعيد برؤية ابنته: 

- أمك زي الفل .. سكرها علي شوية انتِ اللي اتخضيتي قولتلك متجيش وأحنا كنا هنيجي على بكرة

هتف شهاب بنبرة هادئة 

- ازاي يعني يا دكتور متقلقش، الحمدلله حضرتك كويسة يا طنط اهو..

هزت رشا رأسها بهدوء وهى تأخذ ريما في أحضانها وكأن روحها قد عادت

تابعوووووووني 

الفصل التاسع والعاشر من هنا

بداية الروايه من هنا