رواية الشرف الفصل الخامس والعشرون والسادس والعشرون بقلم الكاتبه قسمة الشبيني حصريه وجديده على مدونة أفكارنا

رواية الشرف الفصل الخامس والعشرون والسادس والعشرون بقلم الكاتبه قسمة الشبيني حصريه وجديده على مدونة أفكارنا 

صدح أذان المغرب فقال تاج: الوقت جرى بسرعة هى القعدة الحلوة كدة

رفاعى: اه والله أنى هروح زينب بالعچل لاچل ما ألحج الچماعة

تاج: طيب ما تخليها مع الغالية وننزل نصلى سوا ونروح مشوار مع بعض وإنت راجع تاخدها

زمانها محبوسة فى البيت علطول

رفاعى: هى من چهة محبوسة فهى محبوسة.اعمل ايه بغير عليها ؟

تاج: يا سيدى ربنا يبارك لك فيها بس انتقبت اهيه فكها شوية يا رفاعى..تعالى بس نتكلم في الطريق علشان الاقامة

وغادر تاج ورفاعى بإتجاه المسجد ليقول تاج: انا هصلى المغرب واروح اجيب هدية للغالية

رفاعى: هدية!! صدج هتهادى مرتك !!

تاج: طبعا . الرسول عليه الصلاه والسلام قال( تهادوا تحابوا) يعنى لما تهادى حد غريب هيحبك .ما بالك بمراتك اللى هى اهم حد فى حياتك

رفاعى: والله كلامك زين .طب واللى فجير على كد حاله يسوى كيه طيب؟؟

تاج: ولا حاجة مش لازم الهدية تكون غالية ومش لازم هدية كمان يكلمها كويس ويقول لها

كلام حلو ( الكلمة الطيبة صدقة) يبتسم لها بحنان وحب( تبسمك فى وجه اخيك صدقة) وده اخيك فما بالك بزوجتك اللى هى اولى لانها مسئولة منك( كلكم راع وكلكم مسؤول عن رعيته)

رفاعى: انت هتجول كلام زين جوى أنى معرفوش مع أنى واخد الدبلوم

تاج: وصلنا بعد الصلاة نكمل كلام

ودلف كلاهما للمسجد

*************

وصل حازم ووالده لمنزل آلاء ليقول حازم بخجل من نفسه: بابا انا هستنى هنا وعرفها أنى مش هقعد فى الشقة علشان ماتخافش منى

محمد: امال هتبات فين يا بنى

حازم: اى مكان ابات انا هنا وهى تروح مع حضرتك المهم نبقى مطمنين عليها اطلع حضرتك وانا هرجع اقعد مع محمود فى العربية

ليصعد الحاج محمد ويعود حازم: مدوخينك معانا يا محمود

محمود: يا حازم ماتقولش كدة احنا اخوات وبعدين دى شغلتى اصلا والحاج بيحاسبنى

حازم: كفاية انك بتسيب اللى وراك وتفضى نفسك لينا

وصل الحاج محمد لباب الاء ليلاحظ فورا المفتاح العالق بالباب والذي لم ينتبه له ابراهيم

طرق الباب ثلاث بلا اجابة فأدار المفتاح بحرص ونظر للداخل ليجد الاء قرب الباب ترقد وسط بركة من الدماء فيسرع بإخراج هاتفه وطلب حازم ليصعد حازم فورا

نظر حازم ل الاء ليسرع إليها غير عابئ بالدماء التى لطخته من كل جانب ليرفع رأسها عن

الارض: الاء ..الاء ردى عليا .انا اسف سامحينى ردى عليا

ليسرع والده للغرفة فيحضر غطاء ثقيل وينهره بشدة: قوم ننقلها المستشفى دمها هيتصفى

ليحملها حازم ويضع عليها والده الغطاء ويهرول نزولا وما أن رأه محمود يحملها حتى اسرع يفتح له باب السيارة ويساعده على ادخالها وينطلق الى المشفى سريعا

****************

خرج تاج ورفاعى من الصلاة ليقول رفاعى: انا هاچى معاك اچيب حاچة ل زينب لاچل ما تفرح هى مهمومة لحالها

تاج: مهمومة ليه لا سمح الله؟انت مزعلها

رفاعى: لا والله هى مهمومة نفسها تخلف وربنا مااذنش

تاج: ربنا يرزقنا جميعا

رفاعى: يارب ..جولى بجا بجى النفر منينا يبجا عايش مع مرته يضحك لها بحسنة ويكلمها زين بحسنة مع أن دية مفروض عليه

تاج: طبعا وبعدين احنا بناخد ثواب على كل الفروض الصلاة والصيام وغيره .طيب تعرف كمان أن معاشرة الزوجة بأجر

نظر له رفاعى بدهشة: ديه كمانى ؟؟

تاج : طبعا تسمع عن صحابى اسمه أباذر

رفاعى: الامام بيجول اسمه سواعى فى خطبة الچمعة

تاج: الصحابى ده نقل حديث بيقول

أبي ذر : " أن ناسا من أصحاب النبي صلى الله عليه وسلم قالوا للنبي صلى الله عليه وسلم يا رسول الله ذهب أهل الدثور بالأجور يصلون كما نصلي ويصومون كما نصوم ويتصدقون بفضول أموالهم ، قال : أو ليس قد جعل الله لكم ما تصدقون ، إن بكل تسبيحة صدقة ، وكل تكبيرة صدقة ، وكل تحميدة صدقة ، وكل تهليله صدقة ، وأمر بالمعروف صدقة ، ونهي عن منكر صدقة ، وفي بُضع أحدكم صدقة ، قالوا : يا رسول الله أيأتي أحدُنا شهوتَه ويكون له فيها أجر ؟ قال : أرأيتم لو وضعها في حرام أكان عليه فيها وزر ؟ فكذلك إذا وضعها في الحلال كان له أجر " .

مسلم ( 1674 ) .

رفاعى: أنى مافهمش حاچة واصل

تاج: ده لما الفقراء زعلوا لان الاغنياء بياخدوا اجر زيهم فى الصلاة والصوم وزيادة أن عندهم اموال بيتصدقوا بيها فالرسول عليه الصلاه والسلام قال أن كل حاجة يعملها الإنسان ممكن تبقى صدقة حتى انه يأتى اهله يعنى يا رفاعى لو واحد راح دور على شهوته مع واحدة مش حلاله مش يشيل ذنب

رفاعى: معلوم

تاج: زيها بالظبط بقى لما تبقى الشهوة دى فى الحلال سواء نيتك تعف نفسك او زوجتك او مجرد تديها حقها وتراعى ربنا فيها او علشان تخلف الذرية الصالحة ..اظن مفيش اسباب اكتر من كدة

رفاعى: ياالله دينا چميل صدج كيه ما يجولوا

تاج: وصلنا المحل اهو

دخل تاج ورفاعى لينتقى تاج ل غالية بعض الاغراض النسائية وتساعد العاملة رفاعى فى اختيار ما يناسب زينب ليعود كليهما سويا فيصليا العشاء ثم يتوجها مرة اخرى فيصحب رفاعى زينب ويصعد تاج لزوجته

************

وصل حازم للمشفى وهو يحمل الاء بين ذراعيه فيخرج والده ما معه من اموال ويتم ادخال

الاء لغرفة العمليات فورا ويطول الانتظار

يخرج الطبيب بعد فترة طويلة وملامحه لا تبشر بالخير يسرع إليه حازم ووالده

الحاج محمد: خير يابنى طمنا

الطبيب: مش خير دى جريمة انا لازم ابلغ البوليس

حازم: بلغ زى ما انت عاوز بس طمنا عليها

الطبيب: حالتها خطيرة جدا وفقدت الجنين .. بصعوبة سيطرنا على النزيف ولو رجع هنضطر نستأصل الرحم ..ده غير انها دخلت فى غيبوبة

كان الطبيب يتحدث ونصال حادة تمزق قلب حازم...هو السبب في كل ما حدث ..لقد قتلها ..قتلها حين صدق ابراهيم..قتلها حين اغتال براءتها .... ابراهيم لم يفعل سوى انه نفذ ما حكم هو عليها به ...هو دفعها بهذا الطريق...هو وضعها بهذا الموقف...هو اوصلها لهذا الفراش البارد الذى ترقد عليه لا حول لها ولا قوة

بعد نصف ساعة كان رجال الشرطة بالمشفى وقدم الطبيب اقواله ثم توجه الضابط لسؤال الحاج محمد وحازم

الضابط: انتو اللى جبتوها المستشفى؟

محمد: ايوة يابنى

وبعد الاسئلة الروتينية للتحقيق

الضابط: خطيبة ابنك ازاى وهى كانت حامل ؟؟

حازم بسرعة: ابنى ...كان ابنى وكنا هنكتب كتابنا بكرة

الضابط: يبقى انت المشتبه به الوحيد لانك هتستفيد انك تتخلص من الجنين

حازم: لا طبعا انا بحبها وهتجوزها سواء بالجنين او من غيره وعرضت عليها الجواز قبل ما اعرف انها حامل مش انا

الضابط: امال مين ؟؟ هى ليها اعداء !؟

حازم: ايوة ابراهيم

الضابط: مين ابراهيم؟؟ وبينه وبينها ايه ؟؟

حازم: من فضلك أنا هحكى لك كل حاجة فى الطريق بس نلحقه قبل ما يهرب

ونظر ل والده برجاء: بابا ارجوك خليك جمبها

وانصرف مع الضابط ليخبره من هو ابراهيم..وماذا اراد ..ولما قد يؤذى الاء

*****************

دخل تاج لشقته ليجد غالية وقد رقدت بالفراش وتدثرت ويبدو عليها الالم

تاج: حبيبتي مالك حصل ايه ؟؟

غالية: ابدا يا تاج تعبانة شوية

تاج بخوف: حاسة بإيه ؟؟ قومى اوديكى للدكتورة

غالية: لا انا كويسة عادى يعنى

تاج: اجهاد يعنى طب قومى بطلى دلع شوفى جبت لك ايه

تعتدل جالسة لكن الالم يخفى سعادتها : تانى يا تاج ما انت لسه جايب لى

تاج: يا سلام تانى وتالت وعاشر هو انا عندى اهم منك

وبدأ يعرض عليها ما احضره لها : حبيبتي لو مش عاجبك حاجة اغيرها

غالية: لا والله حلوين اوي

تاج بقلق: غالية انتى شكلك تعبان اوى ..قومى معايا من غير كلام لازم نروح للدكتورة

****************

قص حازم على الضابط كل شيء لتثور رجولته : الحقير بس ده لازم ناخد منه اعتراف صريح والاول نجيب اذن نيابة علشان يتعفن فى السجن طول عمره ..

وبالفعل غير وجهته ليعرض على وكيل النيابة كل ما توصل اليه ليأمر وكيل النيابة بضبط واحضار ابراهيم وتسجيل اعترافا صوتيا

كانت ملابس حازم لا تزال تحمل دماء الاء وتشهد على مقتل جنين لم يرى الحياة ليقسم حازم على الثأر لكليهما

وصل حازم لباب ابراهيم وطرق الباب وانتظر قليلا حتى جاءه صوت ابراهيم؟ مين برة

حازم

نطقها بكل الالم الذى يعتصر قلبه ليفتح ابراهيم الباب بلهفة ويضم حازم بشوق : حازم حبيبي اخيرا جيت انا مستنيك من بدرى اوى

عاد للخلف ليقول بذعر : ايه الدم ده ؟؟ حازم انت كويس ؟؟

حازم: كويس ..انا كويس

ابراهيم: ادخل يا قلبى

يدخلا ويغلق الباب ليقول ابراهيم: تعالى معايا خد دش وغير

حازم: مش قادر نقعد شوية

ابراهيم: حاضر زى ما تحب تعالى يا حبيبي اقعد

حازم: انت اللى عملت فى الاء كدة ؟؟

صمت ابراهيم فقال حازم بحنان مصطنع وهو يضع يده على خد ابراهيم: للدرجة دى بتحبنى يا هيمة

ابراهيم بلهفة: واكتر من كده انا بحبك اوى يا حازم عمرى ما حبيت راجل زى ما حبيتك من اول مرة شوفتك هى ما تستاهلكش يا حازم ..مفيش ست فى الدنيا هتحبك زى ما انا بحبك ولا فى حد ممكن يبقى حنين عليك اكتر منى

حازم وهو يقترب قليلا ليشجعه على الحديث: يعنى انت اللى ضربتها ..ضربتها علشان بتحبنى

ابراهيم: ايوة انا ..انا اللى ضربتها فضلت اضرب فيها لحد ما غرقت في دمها واتأكدت انها سقطت

احاط وجه حازم بكفيه وقال: كان لازم يا حازم علشان ترجع لي.واديك رجعت لى .اوعدك هتبقى اسعد راجل فى الدنيا

اطبق حازم على رقبته بغل: وانا مش هستنى البوليس انا هخلص عليك بإيدى اللى زيك مايستاهلش يعيش .انت وباء ..انا بكرهك يا ابراهيم بكرهك ..عمرى ما كرهت حد زى ما كرهتك

طرقات عنيفة على باب الشقة اعقبها دفعة قوية من رجال الشرطة اسقطت الباب ليرفع حازم من فوق ابراهيم الذى كاد يختنق ويتم القبض عليه فى هدوء غريب

****************

وصل رفاعى وزينب للمنزل ليجدا وهدان وراوية يشاهدان التلفاز فيقص رفاعى على امه حديثه مع تاج بخصوص السفر

راوية: صدج يا ولدى يعنى الغالية وچوزها هيدلوا معانا للنجع

رفاعى: صدج يا اما وانى هأچر عربية خصوصى لاچل ما يبجو مرتاحين

راوية: الله يريح جلبك يا ولدى

لينظر لاخاه ويقول: ربنا يتمم بخير يا عريس

وهدان: يارب كتر خيرك ياخوى لولاك ماكنتش جدرت اعمل حاچة البركة فيك

رفاعى: البركة في ربنا .عايزينش حاچة ولا نطلعوا

راوية: لاه يا ولدى خد مرتك واطلع ارتاح

ليصحب رفاعى زينب لشقتهما بين صمتها القاتل

رفاعى: فيكى ايه يا زينب ؟؟

زينب: أنى مليحة اهه صعبانة عليا البنية اتاريها حبلة يا نضرى كانت هتروح هى واللى ف بطنها

رفاعى: ربنا يجومها بالسلامة.عجبالك يا زينب

زينب بسعادة: يارب .انت وعدتني.

رفاعى: وانى عند جولى نعاودوا من النچع واوديكى للدكتورة

زينب: تسلم لى من كل رضى

رفاعى وهو يخرج ما يخفيه فى عباءته: تعى اتفرچى شوفى چبت لك ايه

زينب بسعادة غامرة: چبت لى أنى ؟؟؟

وتقبل عليه بسرعة لتأخذ الهدية وتبدأ فى فتحها بسعادة

استخدمت بنفس الليلة احمر الشفاه الذى احضره ووضعت بقدمها البض ذلك الخلخال الفضى الذى انتقاه لها

كان رفاعى ينظر لسعادتها ليسعد قلبه يالها من سعادة لاجل اشياء بسيطة جدا لم تكلفه الكثير

لكن عنت لها اكثر مما يتخيل ليقسم بينه وبين نفسه أن تدوم هذة السعادة بقلبها ما دام بين ضلوعه قلب ينبض

السادس والعشرون

خرجت عواطف من باب الغرفة لتنادى حمزة

عواطف بحنان فقد غفا حمزة جالسا على الكرسى : حمزة .قوم يابنى

انتفض حمزة: نعم انا صاحى.صاحى ..خير يا حجة ماسة كويسة؟؟

عواطف: كويسة يابنى الحمد لله بس عاوزاك جوة

حمزة: حاضر قايم اهو

ودلف حمزة للغرفة ليجد حبيبته لاتزال شاحبة: ماسة ..

ماسة: حمزة تعالى

اقترب ليجلس بالقرب منها فتقول: وحشتنى

يمسك حمزة كفها يقبله بحب: وانتى اكتر يا قلبى

ماسة: لو بتحبنى قوم روح .. ماتخافش عليا ماما معايا ولو عوزنا حاجة هنطلبك

ابتسم حمزة بألم: مستكترة عليا قربك مش كفاية اتوجعتى لوحدك عاوزانى امشى واسيبك ليه بقيتى قاسية كدة ؟

ماسة: انا يا حمزة قاسية !أنا خايفة عليك انت مابتنمش

حمزة: الدقايق اللى اغفلها وانا جمب باب اوضتك ومطمن عليكى اريح من الساعات اللى عينى مش هتغمض فيها وانا مش عارف فيكى ايه انسى أنى اتحرك من هنا غير ورجلى على رجلك

عاوزانى ارتاح خفى بسرعة

ماسة بحب: ربنا ما يحرمني منك يا حمزة

حمزة: ولا يحرمنى منك يا قلب حمزة

وبات حمزة ليلته على المقعد قرب بابها يكفيه انه بالقرب منها فهذة الراحة كما يراها

**************

شاهدت غالية ما احضره لها تاج من هدايا ثم قالت: حلوين اوي يا حبيبي تعيش وتجيب لى

تاج بقلق: غالية قومى من غير مناقشة نروح للدكتورة

شحب وجهها: لايا تاج ده تعب عادى صدقنى الصبح هبقى كويسة

نظر لها تاج واحتقن وجهه وهو يقول: انتى ...انا اسف .اسف نسيت الحكاية دى معلش

غالية بخجل: لا مفيش داعي للاسف

تاج بتلعثم: طيب اجيب لك مسكن او اى حاجة من تحت

غالية: لا شكرا انا بس هرتاح شوية

ربت عليها بحنان: ارتاحى حبيبتى بس ماتناميش هعمل لك نعناع حالا

وتوجه للمطبخ ليعود بعد قليل يحمل كوبا من النعناع الدافئ ويجلس بجوارها حتى انهته ثم سطحها بالفراش وهو يدثرها جيدا ليبدل ملابسه وينام بجوار حبيبته يحيطها بحنانه وضع كفه على موضع الالم ببطنها وهو يدعو الله: اللهم اذهب البأس

************* *****

ينظر رفاعى لسعادة زينب ليزداد سعادة ويقسم الا يحرمها هذة السعادة مطلقا

نهض ليتوجه للخارج لتسرع إليه: انت رايح فين ؟؟

نظر لها بشوق جارف فهى كالملاك ببراءتها لا يصدق انه كان يعاملها بهذة القسوة ينقبض قلبه كلما تذكر ما كان يفعله بها

رفاعي بصوت خافت: چتتى فايرة هأتسبح جبل ما انعس

وغادر رفاعى لتسرع زينب الى دزينة الملابس الخاصة بالنوم والتى لم تستعمل معظمها مطلقا فتنتقى رداء يصل لقدميها فتح جانبيا ليظهر خلخاله وتتزين وتنتظر عودته

عاد ليجد الاضاءة خافتة وزينب بكامل زينتها تقترب منه بدلال: چتتك بردت

يحملق فيها رفاعى برغبة شديدة ليجد قلبه شديد الخفقان فيقول بصوت مبحوح: بردت ايه ؟؟ دى جادت اكتر ...

تمسك بكف يده وتقول: تعا اجعد

يجلس مسلوب الارادة ليجدها تحكم ربط الطرحة على خصرها فيمسك كفها ويقربها منه

رفاعى: هتعملى ايه يا حبة الجلب

زينب: هرجص لك يا ضى عنيى

رفاعى: برضاكى ماهتستحيش مني

زينب: لاه برضاى وشوجى كمانى وماهستحيش منك واصل انت سترى وغطاى

واتجهت الى المسجل لتشغله وتبدأ بالتمايل على انغام الموسيقى برقة زادته لهيبا ودلالا اعتصره شوقا

بضع دقائق ولم يعد يحتمل المزيد من دلالها لينهض فيقترب منها وعينيه تصرخ رغبة يضمها بقوة ويقبلها بجنون ثم يقول ببقايا صوته: رايدك يا حبة الجلب

تنظر زينب بعينيه لتجد ملاذها فتقول: وانى ريداك يا ضى عنيى

تعلمه كل ليلة درسا في فنون العشق ويعلمها كل ليلة درسا من دروس الشوق فيجتمعان

ويكتملان

*******************

يوم جديد

تعجب حمزة من عدم ظهور والده بينما قضى الاب ليلته بالمشفى على امل أن تفيق من غيبوبتها لكن ذاب الليل واثبت النهار وجوده ولم تفق ولم يعد حازم بينما قضى حازم الليلة فى التحقيقات وكانت مواجهته الاخيرة ب ابراهيم صباحا

الضابط : ابراهيم..حازم بيتهمك إنك ضربت المدعوة الاء....بهدف احهاض الجنين ايه اقولك؟

ينظر ابراهيم الى حازم بألم: ايوة ضربتها

الضابط: وضربتها ليه؟؟

ابراهيم: علشان تموت هى واللى فى بطنها ؟؟

الضابط: وايه سبب الجريمة ؟؟ فى بينك و بينها عداوة؟؟

ابراهيم وعينيه متعلقة ب حازم: بنا حازم

الضابط: يعنى ايه بينكم حازم؟؟

ابراهيم: انا بحب حازم وهو كان هيسبنى علشان يتجوزها

الضابط: وتقتل واحدة علشان صاحبك هيتجوزها؟! مش شايف الدافع غريب

ابراهيم بغضب: مش صاحبى ..حازم حبيبى أنا بحبه وهو كان هيسبنى..كان لازم تموت

نظر له كل من بالغرفة بصدمة والضابط لا يصدق جرأته فى التعبير عن شذوذه بينما عادت عينيه تتعلق بحازم

الضابط: يعنى انت بينك وبين المدعى علاقة محرمة !!

ابراهيم: لا انا بحبه الحب مش حرام

الضابط بإنفعال: انت هتستعبط يالا لما راجل يحب راجل يبقى حرام هتفتى كمان ؟

نظر ل حازم : ايه رأيك يا استاذ حازم فى اقوال المتهم؟؟

حازم: ده مجنون انا كنت بعامله على انه صاحبى لما كان بيحضنى او يقولى يا حبيبي كنت بقول عادى كلام كل الناس بتقولوا لبعض لحد ما اتخانقت مع والدى وقالى تعالى بات عندى قلت عادى صاحبى وعايش لوحده ايه المشكلة جاب لى مخدرات وخمرة وقالى نعمل دماغ شربت وانا فاكر انه بيشرب معايا قمت الصبح لقتنى ....

الضابط: ها كمل لقيت ايه؟؟

حازم: لقتنى معاه في السرير اتخانقت معاه وسيبته ومشيت لما اتأكدت انه مش طبيعى وكلمة بحبك عنده ليها معنى تانى اخر النهار كلمنى وقال لى مش هتلاقيهم فى حياتك هترجع لى خفت على الاء اخدت والدى وروحنا نطمن عليها لقيناها غرقانة فى دمها وهو اعترف انه عمل كدة قدامى

ابراهيم: ايوة عملت كدة علشانك... علشان بحبك

حازم بغضب: وانا بكرهك .بكرهك

الضابط وهو يضرب المكتب بقبضته: خلاص..انت يا ابراهيم معترف بإرتكاب الواقعة

ابراهيم وهو ينظر ل حازم: ايوة معترف

الضابط: هتواجه عقوبة شروع فى قتل يا ابراهيم

ابراهيم: عارف

وهكذا تم حبس ابراهيم وسمح ل حازم بالمغادرة ليتوجه من فوره الى المشفى مرة اخرى املا فى استعادتها لوعيها ليذهب امله ادراج الرياح بمجرد أن يجد والده يجلس بصمت قاتل يسند رأسه بكفيه فى اسى

******************

كان مستيقظا منذ فترة لكنه مستمتع بالنظر لملامحها البريئة انها حقا فاتنة ينظر لها بحب وشوق بات لا يرتوى لم يكن يعلم أن طريق السعادة قريب الى هذة الدرجة ويقوده مباشرة الى الجنة بين ذراعيها

زينب ..زينب:نطقها بشوق جارف لتفتح عينيها بتثاقل وتبتسم فتزداد جمالا واشراقا

زينب: اصباح الخير

رفاعى: اصباح الهنا يا حبة جلبى

زينب: أنى جايمة

تكاد تعتدل ليمسك بذراعها: لاه النهاردة انتى فى حضنى وبس ماتفكريش فى حاچة واصل

تقترب زينب من صدره بدلال: كيف ديه ومين يعمل الوكل ويشوف مصالحنا

رفاعى وهو يحيطها: امى هتدبر حالها ماتخافيش

زينب: لاه مجدرش اهملها لحالها

رفاعى بعتاب: وتجدرى تهملينى أنى ؟؟

تقترب لتهمس: اهملك كيف وانت جوايا !!

رفاعى: أنى عاشجك يا زينب..كنت بخانجك من غيرتى عليكى وشوجى ليكى كنتى بتبجى فى حضنى ومش معاى لكن دلوك خلاص انا متوكد أنى فى جلبك ومطمن انك فى حضنى علطول

زينب: رفاعى على مهلك على أنى مجدراش لكل ديه ومامصدجاش أن انت رفاعى ذاته اللى كنت بترعب لما اسمع صوته كنت هبجى فى حضنك كيف وانى خايفة منيك ؟؟

يقبل رأسها: خلاص يا زينب مفيش بعد إكدة الا رفاعى اللى هيحبك ويعشجك ويتمنى رضاكى

رضاكى غالى جوى يا زينب

زينب: بزيداك هملنى اجوم لعمتى

تدفعه وتنهض فيقول: تجومى لعمتك.طيب وواد عمتك يولع يعنى

لا ترد وتدلف للحمام فيتبعها قائلا: يابت أنى راچلك

بعد ساعتين

استعدت زينب للنزول وارتدت نقابها بينما كان رفاعى يصلى فوقفت تنتظره لتقول : أنى هسبجك

وتحركت ليقول بغضب: رايحة وين وجفى مكانك!

تسمرت قدميها فيتجه لها مسرعا غاضبا : عجلك وين انتى ؟؟

تتعجب ماذا فعلت !! فيسرع ليحملها ويضعها بالفراش ليقترب من قدمها ينزع عنها الخلخال ويقول بصوت غاضب: ديه فى الشجة بس فاهمة؟؟

زينب بحزن واضح من غضبه: فاهمة حاضر.كنت هفرجة لعمتى اول مرة تجيب لي حاچة

شعر بالاسف من نفسه فأمسك كفها ووضعه داخله: فرچيها بس ما يتلبسش الا اهنه

زينب بسعادة: حاضر .تسلم لى وهبت لتقبله بخده وتجرى

********************

استيقظت غالية على صوت تاج لتهب جالسة : ايه ده احنا امته؟؟

تاج: مالك مخضوضة ليه كدة قومى اغسلى وشك علشان نفطر ونروح ل ماسة هتخرج النهاردة

تحركت بتثاقل معه وبلا حماس

تاج: حبيبتي انتى لسه تعبانة؟

غالية: لا احسن الحمد لله

قبل جبينها بحنان وهو يقول: يارب دايما بس لو تعبانة ارتاحى وانا اروح

غالية بإبتسامة شاحبة : لا مقدرش اسيب ماسة وهى تعبانة وانا الحمدلله كويسة

كانا جاهزين للتحرك بعد ساعة وما أن هبطا للاسفل حتى امسك كفها وهو يتوجه لمنزل حمزة

تاج: حبيبتى هنعدى نشوف عم محمد حمزة بيرن عليه تليفونه مقفول

غالية: ماشى حبيبي مفيش مشكلة

يصعد تاج ويطرق الباب بلا فائدة

غالية: يمكن اتحرك من شوية ملحقش يوصل هناك

تاج: جايز ربنا يستر يلا كل حاجة هتبان

تحركت ليصلا للمشفى وما أن دلفا حتى قال حمزة بلهفة: بابا جه معاكم

تاج: هو ما وصلش هنا احنا مالقناش حد فى البيت مع انه كان هو وحازم هناك امبارح

حمزة: يكونش حازم تعبان ولا حاجة

تاج: خير إن شاء الله نروح ماسة وندور عليهم

وما هى إلا دقائق حتى طرق الباب ودلف الحاج محمد ليبدو كأن عمره زاد عشر اعوام

حمزة بلهفة: بابا كنت فين؟؟ حصل ايه؟؟ مالك يا بابا؟؟

ماسة : بالراحة يا حمزة عمى شكله تعبان

تاج: تعالى يا عمى اتفضل ارتاح

ماسة: خير يا عمى؟؟

الحاج محمد: الاء خطيبة حازم خبطتها عربية امبارح

الجميع: لا حول ولا قوة إلا بالله

ماسة بفزع فهى الوحيدة التي تعلم بحمل الاء: وجرى لها ايه يا عمى ؟؟

محمد بحزن: فى غيبوبة من امبارح..من فضلكم سيبونى مع ماسة شوية

حمزة: خير يا بابا

محمد بإرهاق: وبعدين يا حمزة هو تحقيق

حمزة: اسف يا بابا مش قصدى

تاج: يلا يا جماعة نستنى برة

خرجوا جميعا لينظر لها بحزن: انا جاى يا بنتى طالب السماح

*******.

جلسوا خارجا لتقول عواطف: لا حول ولا قوة إلا بالله هو ايه اللي بيحصل ده؟

غالية: معلش يا ماما ربنا يعافيها

اقترب حمزة من تاج: تاج أنا مش فاهم حاجه انت مش بتقول كانوا في البيت

تاج: ايوة الكلام ده بعد العصر يمكن الحادثة حصلت بعد كدة ..خير إن شاء الله ربنا يعافيها

حمزة: امين يارب شكلها اصلا طيب اوى .

تابعوووووووني 

الفصل السابع والعشرين والثامن والعشرون من هنا

بداية الروايه من هنا