رواية بنت إبليس الفصل الرابع عشر والخامس عشر والسادس عشر بقلم الكاتبه حياة محمد حصريه وجديده على مدونة أفكارنا

زينب: لأ طبعا أصل زى ماهو عجباه لعبة العيل الهربان انا بقى زهقت منها.

أمانى: قصدك

زينب: قصدى كفايه عليه أوى كده يا يشهر جوازنا ونبطل لعب العيال ده يا اما ياخد استماره سته..

أمانى: هتعملى إيه ؟

زينب: أنا مش لسه هاعمل أنا عملت خلاص بس سيبك منى دلوقتي خلينا فيكى مالك يا بت أمك عمالة تشتكى ليا منك ليه

أمانى: انتى عارفه ماما بتأڤور

زينب: لأ خالتى عندها حق خامس عريس يتقدم لك وترفضيه من غير سبب ليه يا أمانى.

أمانى: مش عاجبني وخلاص مش لازم يكون فيه سبب

زينب: لأ لازم وبعدين ده دكتور ومحترم وسمعته حلوه غير اننا نعرفه من زمان ونعرف أصله وفصله حتى أمه ست طيبه فليه يترفض.

أمانى بتوتر: انا قلت كده وخلاص ودى حياتى وأنا حرة فيها ولا لازم يتحكموا في حياتي.

زينب: هو لسه مخك راكب شمال يابنتى دول أهلك واكتر ناس تهمها مصلحتك ده أنا ماصدقت انك خلصتى من فادى والحب الأهبل بتاع الجامعه وبطلتى تجيبى سيرته ألاقيكى بترجعى لنفس الكلام

أمانى: فادى مش هبل وكلام فاضي ده حب بجد بس انتى عشان ملاقيتيش حد يحبك فبتقولى كلامك ده..

زينب: لا والله طب ماتقدمش لك ليه لحد دلوقتي مادام حب بجد ولا تلاقيه اتجوز واحده تانيه وخلف منها كمان وانتى زى الهبله إللى متعلقه بحبال الهوا الدايبه

أمانى: مستنى على ظروفه تتح....

زينب: يادى ظروفه . ظروف إيه يا هبله ده متخرج قبلنا بيجى سنتين وبيشتغل في شركه استثماريه وبيقبض بالألاف ده غير الفلوس إللى بيبعتها أبوه من بره يعنى كل حاجه سهله

أمانى: هو عايز يكون نفسه الأول

زينب: أنا مش عارفه بتدافعى عنه ليه هو انت لسه بتقابليه

أمانى بتوتر شديد: لا لا لا انا اقابله لا ليه قاله هبله لا مابقابوش

زينب: أنا مش مخوفنى غير انك هبله

&&&&&&&&&&&&&&&&&&&

خرجت من مكتبها وراحت على مكتب سالم فلقت السكرتيرة في وشها.

زينب: سالم جوه؟

السكرتيرة: سالم بيه مش جوه

زينب: مش مهم وقبل ما تدخل كانت

السكرتيرة بتمنعها: لو سمحتى يا أنسه زينب مينفعش حد يدخل مكتب سالم بيه في غيابه

زينب: ده عليكى انتي. مش عليا مفيش حد هيقدر يمنع واحده تخش مكتب جوزها.

السكرتيرة:: نعم جوز...انتى..تبق...

في نفس الوقت دخل سالم: فيه إيه ؟ صوتكم عالي ليه .

السكرتيرة: أنسه زينب كانت عايزه تدخل المكتب

زينب: مكتب جوزى وأنا حره

سالم بقلق: اهدى يا أنسه زينب تعالى بس وأنا هشوف إيه إللى مزعلك تعالى

زينب بصوت عالي: أنا مش زعلانه ده حقى وأنا....

سالم: خلاص تعالى بس وأنا هتصرف أنا عارف أكيد سيد مزعلك تعالى بس.

وأخدها معاه للمكتب.

زينب بغضب: ساحبنى كده ليه خايف لحد يسمعنى وأنا بقول إنك جوزى.

سالم: يازينب انتى عارفه ظروفي.

زينب: أنا عرفه إنك تكون راجل قد كلامك.

ضربها سالم بالقلم: أنا راجل غصب عنك ومش انتى إللى هتيجى تفضحينى وسط الموظفين عندى وانتى عارفه كويس ان الكلام ده هيوصل لمراتى.

زينب: بتضربنى يا سالم بتضربنى انا

فسحبها سالم في حضنه،: متزعليش منى يا زينب حقك عليا بس انتى عارفه ظروفي ووضعى الحساس انت عارفه دريه من عيله واصله أوى وممكن يضرونى إذا عرفت انى متجوز عليها.

انا عارف إنى ظلمتك بس انتى عارفه انا بحبك قد إيه.ومقدرش أستغنى عنك. إدينى فرصه بس يا زينب وأنا هريحك.

زينب بدموع: فعلا كل واحد وله فرصه واحده عن إذنك وخرجت.

خرج سالم وراها وقال بصوت واضح: مع السلامه يا آنسه زينب ومتخافيش أنا هحل مشكلتك مع والدك.

بصت له زينب ومرضتش عليه ومشيت

$$$$$$$$$$$$$$$$$$$

سميحه: أيوه حاضر يا للى بتخبط ثانيه واحده (( وفتحت الباب)) مين زينب أهلا يا حبيبتي أخيرا جيتى تزورينى

زينب: إزيك يا خالتوا وحشتينى أوى أوى

سميحه: تعالى أقعدى ده انتى وحشتيني اوي وكل ما أقولك هاتى جوزك وتعالوا زورونى تطلعيلى بألف حجه وحجه.إلا جوزك ده عامل زى الممثلين إللى بنشوفهم في التلفزيون حلو كده وبيلمع زيهم.

ضحكت زينب: اشمعنى الممثلين.

سميحه: أصلك قلتى راجل أعمال كبير فبتخيله زى السقا كده ولا احمد عز

ضحكت زينب أكتر وقالت: أه هو شبه الممثلين بس يشبه محمود قابيل وتوفيق عبد الحميد.

كشرت سميحه وبان عليها الحزن وقالت في سرها: ((منك لله يا سيد ليه تعمل في بنتك العمله دى)).

وبعدها قالت بمرح؛: مش هتروحى إلا لما تتغدى معانا النهارده.

زينب: ماشى بس هتعملى لى ملوخية

سميحه: أحلى ملوخية عشان خاطرك.

زينب: هو فين الواد صلاح بقالى كتير مشفتوش

سميحه: قوطع الواد ده مغلبنى قال إيه عايز يغنى ويصور أغنيته في التلفزيون.

صلاح: أكيد بتجيبوا في سيرتى صح

زينب: إزيك يا صلاح إلا أيه الكلام ده

صلاح: إيه رأيك هو ڤيديوا كليب واحد يضرب ويكسر الدنيا.

سميحه: شفتى الهبل ده

زينب: واد يا صلاح إلا منفعش تاخدنى معاك موديل في الكليب أنا بعرف أرقص حلو

سميحه: انتى بتشجعيه بدل ماتعقاليه.لا انا اروح المطبخ بدل ما أدبحوا إنتوا الإتنين

سميحه: حرام عليكى يا خالتوا تدفنى موهبتى ده أنا تخصص رعشه وهزه وسط

سميحه: والله هتنقطينى انتى وهو

وبعد ما مشيت

صلاح: مالك يا زينب متهبليش في الكلام إلا لما تكونى متضايقه أوى.

زينب: صلاح انا محتاجاك جنبى هتقف معايا

صلاح: انتى شاكه في كده.

زينب: لأ

صلاح: يبقى احكى لى إيه إللى مضايقك.

زينب: ..........

&&&&&&&&&&&&ــــ

في الشركه

سالم: هى أنسه زينب لسه ماجاتش

السكرتيرة: لأ

سالم: غريبه دى بقالها تلات ايام مجتش الشركه.طيب خلاص أنا هتصل بسيد بيه وأسأله عنها إتفضلى.

وقبل ما يتصل كان التليفون بيرن

سالم: أيوه...... فيه إيه يا دريه.......ايه الكلام الفارغ ده..بطلى صريخ وفهمينى.....مين إللى قالك الكلام ده كدب كدب صدقينى .انتى فين دلوقتي وأنا هاجى........ ألو ...ألو.قفلت السكه

وبعدها اتصل بسرعه : ألو إدينى دريه هانم...بتقول خرجت.....طب متعرفش فين ؟.

إيه؟ طيب خلاص مع السلامه.

وخرج بسرعه وجرى على مكتب سيد: تعال معايا بسرعه.

سيد: على فين؟

سالم: انت لسه هتسأل تعال دريه عرفت انى متجوز عليها وأكيد هيا في الطريق لڤيلة زينب.تعال نلحقها لهتحصل مصيبه.

قام سيد بسرعه مع سالم.عشان يلحقوا زينب.

$$$$$$$$$$$$$$$$$$$$$$

دخلت دريه في الڤيلا وهى هتتجنن إزاى سالم يتجرأ ويعملها إزاى يفكر يتجوز عليها.

حاول الأمن منعها لكنها دخلت بالقوه دخلت في الصاله كانت زينب قاعده بتفطر وبتشرب

عصير.واتفاجأت بدخول دريه عليها.

دريه بغضب شديد: بقى انتى اللى سالم اتجوزها انتى

زينب ببرود: أهلا يا دريه هانم.حماتك بتحبك تعالى افطرى معايا.

دريه: بجحه وواطيه ومعندكيش أصل

هبت فيها زينب: احترمى نفسك وشوفى انتى بتكلمى مين

دريه: هاكلم مين غير واحده رخيصه أنا كان عندى حق انى مارتحتش لك من أول مره شفتك.عرفت انك وصوليه وبتاعة مصلحتك عشان كده لعبتى على سالم عشان يتجوزك

ضحكت زينب بصوت عالى وقالت: إيه الفيلم الهندي القديم ده تصدقى تنفعى مخرجه.

في نفس الوقت دخل سالم وسيد.

فصرخت فيه دريه: هيا دى هيا دى إللى خنتنى معاها.

زينب: خيانة إيه يا دودو هو أنا واحده لاقيها جنب عامود أنا مراته على سنة الله ورسوله.

بص سالم لزينب وكأنه بيترجاها تسكت.

دريه: بجد كلامها ده بجد رد عليا كلامها ده بجد انت اتجوزت عليا.عرفى ولا رسمى

سيد: عرفى إيه ده بعقد شرعى وعلى ايد مأذون

دريه: آه يا عصابه ياشويه نصابين رسمتها انت وبنتك علينا أنا هوديكم في ستين داهيه

سيد: بتهمة ايه انى جوزت بنتى

دريه بصريخ: انتوا نصابين حراميه لعبت على جوزى بحجة الشركه عشان ترسم عليه بس أنا مش هسكت.(( قربت من سالم)) طلقها.

بصت زينب لسالم في حين سالم كان بيبص لدريه.

دريه: طلقها يا سالم طلقها بالتلاته.

سكت سالم ثوانى ويعدها بص لزينب وقال: زينب انتى طالق..

دريه: بالتلاته

سالم بألم: انتى طالق طالق طالق بالتلاته

بصت دريه بشماته لزينب وقالت: أهو طلقك يالا لمى زبالتك واطلعى بره وخدى أبوكى معاكى.يالا بره

مسحت زينب دموعها (( الطلاق صعب أوى حتى لو مفيش حب لكن دى كلمه صعبة))

وبعدها قعدت على الكرسي وقالت بهدوء:

لما أخد حقى أبقى ألم زبالتى وأمشى.ومادام طلقتنى ياسالم يبقى تعال نتحاسب.أصلى مبتهاونش في حقى .

&&&&&&&&&&&&&&&&&&&&

ياترى هتعمل ايه زينب وهتاخد منهم إيه.وياترى هتقدر عليهم ولا دريه بنفوذها هتدمر زينب.كل ده هنعرفه أكيد البارت الجاي إن شاء الله بس برضو مستنيه الليك الحلو والتعليق المشجع وعشر بوسترات وشكرا لكل إللى بيدعمنى واشكر الجميع حياة محمد.

قعدت على الكرسي وقالت بهدوء:

لما أخد حقى أبقى ألم زبالتى وأمشى.ومادام طلقتنى ياسالم يبقى تعال نتحاسب.أصلى مبتهاونش في حقى .

دريه: هو مش طلقك.مالكيش حقوق عندى

زينب: عندك لأ عنده أه

سيد: طبعا مؤخرها خمسه مليون.

دريه: نااااااااااااااااااااعم خمسه مليون إيه وبإحتقار انتى يتكتب لك خمسه مليون على إيه

زينب: والله هو إللى كتب أما على إيه فاسأليه هو أدرى.

دريه: مالكيش عندنا ولا جنيه واحد وروحى اشتكينا وبرضوا مش هتاخدى حاجة يالا بره

(( شاورت زينب للخدامه))وقالت: أربعه عصير فريش. ولا تحبى تفطرى اصلى لسه ماخلصتش فطار

دريه بعصبيه: أما بجاحه انا مشفتش زيها في حياتي.

زينب: اهدى شويه وهدى أعصابك ده احنا لسه في اول المشوار.بس أنا عرفت دلوقتي ليه ابنك هيثم ده سياسي خايب.

دريه بعصبيه: ماتجبيش سيره ابنى على لسانك.

زينب: عصبى زيك مع انه رجل سياسه المفروض يكون بارد وأعصابه في تلاجه بس نعمل ايه ابن مامى بيتعصب بسرعه ولما بيتعصب مبيعرفش يفكر بعقله بيفكر بإيده

دريه بقلق: تقصدى إيه بكلامك ده

زينب: ولا حاجه أصل المكالمه إللى وصلتك وصلته بس كانت مبهره شويه يعنى قالوله ان أبوه على علاقه برقاصه وانه مخلص كل فلوسه عليها وان شركته غرقانه في الديون .وان سمعته هتبقى في التراب وساعتها هيضيع مستقبله السياسى.

وهو اول ما سمع الكلام ده سحب مسدسه من درج المكتب وجرى على هنا بسرعه

سالم: انتى بتقولى إيه ابنى هيثم مستحيل.

زينب: ده مش بس جه هنا ده كسر باب الڤيلا برجله وضرب الأمن وهددنى بالسلاح.

سالم: ابنى فين

زينب: انا معرفش عيلة إيه اللى مبيسألوش على بعض دى بقى ابنك بقالوا يومين مش بيروح بيته وعادى عندكم.طب انت راجل ومش فاضي الله يعينك.طب مامى مابتسألش على ابنها عادى طب بنت الوزير مابتقلقش على جوزها متصلتش عليكوا تقول لكم هيثم فين.

دريه بصريخ: ابنى فين هيثم ابنى فين قولى بدل ما أوديكى ورا الشمس.انطقى ابنى فين.

زينب ببرود: نتفق الأول

دريه بنفس الصريخ: انا اتفق معاكى انتى ليه مش عارفه انا بنت مين وممكن أعمل فيكى إيه؟

زينب: لأ ده انتى مش عارفه انا مين وبنت مين بصى يا حلوه دلوقتى وفي نفس اللحظه إللى وافقه معاكوا الوقفه اللطيفة ديه فيه واحد عند مكتب النائب العام معاه ڤيديوهات المحروس ابنك وهو بيقتحم المكان وهو بيهددنى بالسلاح.يعنى مستقبل ابنك السياسي بح.ولوهتحاولى تلمى الموضوع ودى من غير شوشره فبرضوا فيه شويه حبايب ليا معاهم نسخ من الڤيديوا ده وواقفين عند محطات القنوات إياها إللى بتحب الفضايح قنوات المعارضة وهتقدم لهم الشرايط هديه مجانيه. وبرضوا سمعت ابنك هتبقى في التراب ومستقبله السياسي برضوا بح.

فإختاروا اما أخد حقى وأما هفضح لكم ابنكوا والعيله كلها بالمرة اختارى دلوقتي.

سالم: عشان خاطري خرجى ابنى بره الكلام.

زينب: تصدق اتأثرت خلصونى قلتوا إيه؟

دريه: ماشى عايزه كام.

زينب: الشركه

دريه: نعم بتقولى إيه

زينب: إللى سمعتيه الشركه إيه كتير على ننوس عين أمه.

سالم: طب هكتب لك...

زينب: كل نصيبك في الشركه بيع وشرا..وحالا

سالم: الشركه هتخرب من غيرى

زينب: مايخصكش قلت إيه الشركه ولا ابنك.

دريه:انت لسه هتفكر اكتبها لها.وخلصنا من الأشكال دى.

سالم: بشرط تجيبى كل نسخ الڤيديوهات بتاعت ابنى.

زينب: اكيد.

وبعد فترة كانت زينب بتقرا عقد تنازل سالم عن نصيبه في الشركه

دريه: فين ابنى.

زينب: موجود يعنى هيروح فين.

دريه: هاتيلى ابنى أنا عايزه ابنى

زينب: اهدى يا دودى لسه ناقص تيكا صغنونه

سالم: ناقص ايه مش أخدتى الشركه

زينب: : ناقص الموأخر يا عنيا الخمسه مليون جنيه يا حبيبي.

دريه: وهى الشركه مش كفايه.

زينب: لا يا حلوه الشركه دى عشان مفضحش ابنك ومدمرش مستقبله لكن الخمسه مليون ده حقى وانا قلت انى مش بتنازل عن حقى.ولو حابه نلجأ للمحاكم معنديش أى مشكله بس انتى إللى هيبقى شكلك وحش وخاصه وسط المجتمع الراقى إللى هيعرف ان سالم بيه عمران اتجوز على مراته دريه هانم واحده وأكيد هتحصل مقارنه بينى وبينك وبالتأكيد مش هتكون في صالحك

دريه: انتى إيه شيطان.

زينب: سمعتها كتير لو عندك.جديد قولى.معندكيش يبقى تقررى

سالم: كده كتير اوى يا زينب. طب افتكرى لى حاجه حلوه عملتها معاكى.

زينب: الحياة فرص وأنا منساش فرصتك لما جت انت استغلتها فاكرها من سنه ونص لما هددت بابا وساعتها قعدتوا تخططوا وترسموا ازاى توقعونى ونجحتم.

(( وطى سيد راسه بخجل)).

وانت عارف كويس انى تلميذه شاطره وبسمع الكلام وبحفظ دروسى كويس.فعيب تيجى الفرصه لحد عندى ومستغلهاش

دريه: هكتب لك شيك ب

زينب: لأ مش عايزه شيك

دريه: عايزه إيه خلصينى

زينب: الڤيلا.

دريه: ڤيلة إيه

زينب: ڤيلتك أم خمسه مليون يا حلوه

&&&&&&&&&&&&&&&&&

الجزء ١٦

دريه: ڤيلة إيه

زينب: ڤيلتك أم خمسه مليون يا حلوه

دريه: انتى إتجننتى عايزه تاخدى ڤيلتى.

زينب: أنا مش عايزه حاجه انا مش محتاجه لكم بس انتوا إللى محتاجين ليا.

سالم: سيد قول حاجه عجبك إللى بنتك بتقولوا

سيد: أنا ساعدتك وجوزتها لك لكن مش هساعدك في طلاقها.

دريه بتقرب من زينب وهى بتصرخ: فين ابنى أنا عايزة ابنى(( وتشد زينب من لبسها)) عايزه ابنى

زينب ببرود: متخافيش عليه أنا أصلا محتاجه له. اصل بصراحه انا كنت عايز اعرف هل يا ترى هيقولى يا طنط عشان أنا يعنى مرات ابوه ولا هيقولى بعد تلات شهور يا زوزتى يا حبيبتي على اعتبار انى هبقى المدام وكده

قعدت دريه في الأرض وهى مزهوله.: مدام إيه وزوزتى إيه؟!

زينب: أصل بصراحه ابنك فرصه وعاجبنى بس كان قدامى عائق واحد وهو إنى مرات سالم بس خلاص بعد طلاقى منه خلاص.العائق راح

سالم: انتى اتجننتى ده حرام إللى بتفكرى فيه اتجننتى حرام تتجوزيه شرعا حرام

ضحكت زينب بصوت عالى وقالت: ماتخافش انا مليش في الحرام ده حتى هيثومتى حبيب قلب مامى زيزى عمره ماهيرفض لى طلب.

دريه: مامى زيزى!!انتى بتخرفى

زينب: مادام مش بخرف بس انا محتاجه ابنك وهيفيدنى كتير وخاصة لما اقوله انى كنت بحبه وأبوه خطفنى منه عشان حس بإعجابه بيا وهو السبب في حرمانا من بعض طول العمر. وده بتسليط من مامى يعنى انتوا الاتنين اتفقتوا عليه

دريه: هيثم مش هيصدقك

زينب: تتحدينى ا

دريه بدموع: انتى عايزة منى إيه حرام عليكى اطلعى من حياتى عايزه الڤيلا خديها عايزه فلوسى خديها خدى كل حاجه بس انسينى خرجينى من دماغك انسينى وانسى بيتى وحياتى.خلاص انا بعترف انا خسرانه خسرت كل حاجه .

قربت منها زينب وقالت بجديه: هو ده إللى أنا عايزاه منك انسينى يا دريه انسى وجودى خرجينى من حياتك وانا كمان هخرجك من حياتى بس لو فكرتى تضرينى أنا مش هرحمك.

دريه بضعف: فين ابنى أنا عايزة ابنى ؟

شاورت زينب للأمن وقالت: هاتوا هيثم بيه من جوه.

رجع الأمن بعد شويه وهيثم معاهم وأول ما شاف امه بتبكى جرى عليها وصرخ بعصبيه: عملتى ايه في أمى انا مش هرحمك أنا هوديكى ورا الشمس أنا هخليكى تتمنى الموت ومش هتلاقيه أنا...

زينب: خد أمك واخرج بره بيتى يا هيثم.

دريه: خدنى من هنا يا هيثم انا تعبانه أوى.

سند هيثم أمه وهى منهارة.فنادت عليهم زينب: هيثم انا لسه محتفظه بالسلاح إللى عليه بصماتك وإللى هددت بيه الأمن يعنى ان فكرت تأذينى هدمرك

دريه: انتى مفيش فى قلبك رحمه

زينب: لو نسانى هنساه بس لو أذانى فأنا مش هفتكر غيره..

مشيت دريه مع هيثم ووراهم سالم.فندهت عليهم زينب::.

إلتفتت دريه فقالت لها زينب: لو حابه تخلصى منه (( وشاورت على سالم)) قولى لى وأنا هخلصك منه ده لا هو سند ولا هو أمان ده مجرد اسم على الفاضي.

خرجت دريه فقال سيد بإنبهار: مش ممكن مش مصدق إيه العظمه دى.ده أنا كنت بظن اننا مش هناخد منهم مليون واحد اتاريكى كنتى مرقده لهم المقلب وأخدتى منهم كل حاجه بنت أبوكى بجد.

بصت له زينب نظره طويله وبعدها انسحبت وطلعت الدور التاني ودخلت أوضتها وقفلت الباب بالمفتاح وشغلت التلفزيون على أعلى صوت وبعدها بس قلعت قناع القوه إللى لبساه وانهارت على الأرض كانت بتبكى وبتصرخ وبتضرب الأرض بإيديها .إللى مرت بيه مهما كان صعب واحساسها إنها وحيده بالرغم من وجود أبوها جنبها احساس مر.

&&&&&&&&&&&&&&&&&&&

في الشركه بعد اسبوع

دخلت زينب الشركه وهي في قمه شياكتها واناقتها أصل النهارده أول يوم لها وهى صاحبة الشركه مش مجرد موظفه في الظاهر ومرات صاحب الشركه في السر.

دخلت مكتب رئيس مجلس الإدارة (( مكتب سالم سابقا)). لقت السكرتيرة نفسها.

فوقفت عندها وقالت: سالم بيه جوه؟

السكرتيرة: لا سالم بيه بقاله اسبوع مش بيجى

زينب ؛: كويس.ودخلت المكتب

فجريت السكرتيرة بسرعه توقفها: لو سمحتى يا أنسه زينب أخرجى بره مكتب سالم بيه

زينب: لأ

دخلت زينب المكتب وقعدت على الكرسي

السكرتيرة: أنا مضطرة أتصل بالأمن يخرجك

زينب: انتى عارفه انا مستنيه الموقف ده من امتى من أكتر من سنه ونص ومستحمله غلستك وتقل دمك عشان أجى دلوقتي وأقول لك اطلعى بره انتى مرفوده.

السكرتيرة: بصفتك إيه ؟سالم بيه بس هو إللى يرفدنى

زينب: بصفتى صاحبة الشركه يا حلوه سالم بيه اكلته القطه.يالا اطلعى بره

السكرتيرة: هاخد أوراقى وحاجاتى

زينب: مش هتاخدى ولا ورقه واحده وهيفتشك الأمن قبل ما تخرجى من هنا يالا مع السلامه عدى على الخازينه وخدى باقى مستحقاتك..يالا بره.بدل ما اجيب الأمن يخرجك بره

وبعدها قعدت على المكتب وهى منتعشه. شويه ودخل والدها.: اخيرا جيتى ماكنتش متوقع انك هتيجي النهارده.

زينب:: وماجيش ليه الدنيا مش بتقف على حد لازم تستمر وإللى فات مرحله وعدت.

سيد: متتخيليش أنا فرحان أد إيه إن الشركه كلها بقت بتاعتنا إلا هى راحت فين السكرتيرة

زينب: طردتها

سيد: ليه!

زينب: دى ولاءها لسالم يعنى كانت هتنقل كل كلمه بتنقال هنا له وانا عايزه ابدا الشغل على نضافه

سيد: يعنى مش عشان بتكرهيها.

زينب: عشان بكرهها طردتها وإلا كنت هتفنن في ذلها واهانتها وانا مبحبش كده مبحبش أسلوب الإهانات وكسر النفس ده.المهم سيبك منها وقولى هيبقى وضع الشركه دى إزاى

سيد: يعنى تقصدى مشروعاتنا ف

زينب: .لا انت عارف أنا أقصد إيه أقصد من الناحيه الإدارية.فى الشغل واحنا لازم نحدد لكل واحد موقعه من دلوقتي عشان متخربش الشركه.

سيد: الطبيعي انا ابقى رئيس مجلس الإدارة وانتى هتكونى النائب بتاعي

زينب: وليه الطبيعي بالعكس انت متنفعش تبقى مكان سالم لان سالم كان له علاقات ومعارف وخبرات كبيره بيمشى الشغل ويتعاقد على اشغال تانيه وانت مش عندك.

سيد: يعنى تقصدى...

زينب: انت هايل في الحسابات والشؤون المالية فأحسن أما مسائل الإدارة فده خليه عليا أنا انا كنت مع سالم خطوة بخطوه وهقدر أدير الشغل.

سيد: انتى عايزانى أشتغل عندك

زينب ': طبعا لأ بسانت عارف المركب إللى له ريسين بتغرق. واحنا لازم يكون فيه رأى واحد وقرار واحد. وانت متعرفش الأمور الإدارية

سيد: خلاص بس بصراحه كان نفسى ابقى رئيس مجلس الإدارة أوى

زينب: دى أمور شكليه انت بتمتلك نص الشركه يعنى مالك كل شيء.

سيد: مش خلصت تسجيل الڤيلا يعنى بقت ڤيلتك رسمي هما قالوا هيفضوها امتى

زينب: انا ادتهم مهله شهر على ما ينتهوا من النقل.

سيد ': بس إيه تهبل تجنن كبيرة أوى ولها جنينه كبيرة حاجه تهوس أنا مش قادر اصبر بس عمال افكر اعمل ايه بالشقه بفكر أبيعها وبعدين قلت بلاش أأجرها شقه مفروشه هتجيب كتير أوى في الشهر انتى عارفه الشقه حلوه وكبيره وموقعها حلو

زينب: وليه عايز تأجر الشقه وأساسا هتعيش فين لما تأجرها.

سيد: هاعيش معاكى فى الڤيلا

زينب: ومين قال انك هتعيش معايا في الڤيلا.

سيد : طبيعي يعنى هتعيشى لوحدك

زينب: طب ما أنا عايشه لواحدى من سنه ونص

سيد: لأ زمان حاجه ودلوقتي حاجه تانيه

زينب: مايفرقش زمان كنت عايشه لواحدى ودلوقتي هاعيش لواحدى.

سيد: لا زمان كنتى على زمة راجل ودلوقتي انتى مطلقه مينفعش تعيشى لواحدك الناس تقول عليكى إيه.

زينب: طظ في الناس وبعدين أنا كنت لواحدى ولا الحرامى إللى عايز يسرق كان بيقول لأ دى مش هسرقها عشان دى على زمة راجل ودلوقتي خلاص اتطلقت فهسرقها انا في كل الحالات كنت عايشه لواحدى كنت زوجه يادوب كام يوم لما سالم كان بيجيلوا مزاج وعايز يدلع نفسه.يعنى ايام.

سيد: خلاص الوضع اتغير

زينب: مافيش حاجه اتغيرت وبمجرد ما يسيبوا الڤيلا هروح أعيش فيها لواحدى.وانت خليك في شقتك احسن.

&&&&&&&&&&&&&&&&&&

أمانى: ماله أبوكى خارج من المكتب وحاله غير الحال.

زينب: سيبك منه

أمانى: بس ضربة معلم خدتى الشركه والڤيلا من سالم قولى لى حسيتى بإيه بعد ما أخدتى منه كل حاجه.

زينب: هتصدقينى لو قلت لك حسيت بالرخص

أمانى بدهشه: الرخص

زينب ' أيوه حسيت انى رخيصه بساومهم على تمنى.

أمانى: رخيصه إيه دى الشركه بملايين والڤيلا ب.....

زينب: مادام اتحطيتى في كفه واتحط في الكفه التانيه فلوس فانتى رخيصه حتى لو اتحط مليارات.أصل إللى شيفاه غالى غيرك هيشوفه رخيص وانا حسيت انى رخيصه أوى

أمانى: مش للدرجه دى

زينب: لأ للدرجه دى وأگتر كمان.تخيلى كده بيدفعوا ملايين عشان يخلصوا منى هل قربى مقرف أوى عشان يدفعوا الملايين بس عشان يخلصوا منى ويبعدوا عنى.

أمانى ' ماتفكريش بالصوره دى

زينب: لأ هافكر مادام اتحط قبالك فلوس لازم تحسى بكده

أمانى: انتى كده بتقولى الأهالى إللى بتطلب مهر وشبكة يبقوا بيبيعوا بناتهم

زينب: لأ هما كده بيعززوا بناتهم بيقولوا للعريس اتعب عشان توصل لبنتنا أصلها مش رخيصه لكن انا بابا كان بيساوم سالم عليا تدفع كده في الجواز وكده في الطلاق انا كنت صفقه كنت مجرد صفقه كنت بعيش أيام وليالي مرعوبه وانا نايمه لواحدى في الڤيلا خايفه من كل حاجه خايفه من البيت وخايفه من الخدم وخايفه من الأمن إللى مفروض يحرسونى انهم يقتلونى أو يسرقونى. انا كنت عايشه في خوف لحد ما اتعودت وأجبرت نفسى انى اتعود على العيشه لواحدى بس احساس وحش انك زوجه على الرف انك مجرد صفقه انك واحده رخيصه.

أمانى بهم: إنتى بتقولى على نفسك رخيصه بالرغم من الملايين دى كلها طب تقولى ايه على إللى باع نفسه ببلاش.

زينب: تقصدى مين

أمانى: مفيش انا راجعه شغلى

زينب: إترزعى هنا وفهمينى مالك حالك مش مزبوط بقالك فتره وكل ما أقولك مالك تقولى مفيش انطقى مالك.

أمانى: ........

زينب: إنطقى يا بت مالك

أمانى: انا في مصيبه يا زينب

زينب: ما تنطقى مالك قولى يمكن اقدر اساعدك

أمانى: انا مصيبتى كبيرة

زينب: إنطقى

أمانى: انا.....انا حامل

زينب بضحك: ألف مبروك

أمانى: انا مبهزرش انا حامل بجد ومش عارفه اعمل ايه ؟

زينب: حامل إزاى مش الحامل دى تكون متجوزة الأول....؟......أوع يكون إللى فهمته.....فادى

أمانى: ماتفهميش غلط إحنا متجوزين....بس عرفى

زينب: نعم يا روح امك عرفى إيه ؟ ايه الهبل ده

أمانى: غصب عنى كان زعلان عشان بيجى ليا عرسان كتير وكان عايز يضمن انى هكون له

زينب: كان زعلان وعايزك كان اتقدم لك مش يتجوزك عرفى قولى لى بقالم أد إيه متجوزاه

امانى: سنه

زينب: يعنى من أول ما اخرجنا صح

أمانى: ......

زينب: وانا بقول بطلت تجيب سيرته وعقلت اتاريها اتجننت بزيادة واتجوزته عرفى.طب وهيتقدم رسمى امتى.

أمانى: مش عارفه

زينب: مش عارفه ايه هو ده وقت هبل المفروض تتجوزوا حالا عشان إللى في بطنك

أمانى: قلت له بس هو مش فاضي

زينب: مش فاضي وإلا مش راضي بيتهرب منك طبعا.

أمانى: قولى لى اعمل ايه ؟

زينب: انتى تعملى المصيبه وتقولى أعمل إيه ؟

فين النسخه بتاعتك

أمانى: نسخة إيه

زينب: نسختك من العقد العرفى يازكيه

أمانى: بس أنا معنديش نسخه منه احنا عملنا نسخه واحده وهو اخدها

زينب: كمان لا براڤوا عليكى ده انتى لو متعمدة تبقى غبيه مش هتعملى كده.؟ انا حذرتك مش انا حذرتك وقلت لك انه مش كويس اشربى بقى.

أمانى: فادى مش كده انتى عارفه كويس انه بيحبنى بس انتى اللى بتكرهيه.

زينب: لا والله والكويس سابك ليه غير لانه انسان واطى ولعب بيكى

أمانى: لا مالعبش بيا هو هيتجوزنى بس مستنى ابوه يرجع من السفر عشان يقنعه بيا هو ابوه السبب ابوه رافض انه يجوزه واحده فقيره زيى هو بس هيقنع ابوه وهيتقدم لى

زينب: بس بطلى هبل وفوقى لنفسك فادى خلاص رماكى يا غبيه وبكره هتلاقيه ماشى مع واحده غيرك ويمكن يتجوزها ويرميكى

أمانى: لا متقوليش كده فادى بيحبنى انا انا عارفه انتى بتقولى كده ليه عايزانى اشك فيه صح انا عارفه من زمان انك غيرانه منى عشان فادى بيحبنى وانه فضلنى عليكى هو قالى انك حاولتى معاه زمان لكنه فضلنى عليكى وحبنى وانتى لأ عشان كده كنتى عايزانى أسيبه وكنتى دايما بتغلطى فيه هو قالى وقالى انك بتحقدى عليه عشان غنى وأمور وفضلنى عليكى صح.

زينب بغضب: تصدقى صح انا بحب فادى بتاعك ومش بنام ليل ولا نهار عشان بحلم بيه أصلك غبيه وهبله وكل واحد يضحك عليكى بكلمتين وبدل وانتى زى الهبله بتصدقى روحى تستاهلى كل إللى يجراى لك روحى شوفى سى فادى بوسى رجله يمكن يرضى يتجوزك.

امانى ببكا: أنا مقصدش انا مش عارفه قلت كده إزاى

زينب:كل واحد في غضبه بيطلع المستخبى جواه وهو ده اللى بتفكرى فيه فروحى اشبعى به

أمانى: انا أسفه اسمعيني يا...

زينب ،: بره اطلعى بره....

خرجت امانى ودموعها على خدها.فى حين حطت زينب إيديها على رأسها وقالت بضيق: غبيه غبيه غبيه وهتخسر كل حاجه بغبائها.

وقامت بضيق واخدت مفتاح عربيتها وخرجت وهى في الطرقه خبطت في واحد ووقع منه الملف فقال بغضب.: مش تفتحى يا عاميه

زينب: مش تاخد بالك يا غبى

ورفعت راسها وبصت له وقالت بدهشة مع ابتسامه: مين باشمهندس يوسف.

&&&&&&&&&&&&&&&&ـ&ـ

تابعوووووووني

بداية الروايه من هنا

رواية كيان الزين كامله من هنا