رواية الشرف الفصل التاسع والعاشر بقلم الكاتبه قسمة الشبيني حصريه وجديده على مدونة أفكارنا
 |
طرقت عواطف باب تاج وانتظرت قليلا حتى فتح الباب بوجهه البشوش : اتفضلى يا ماما
حمل عنها صينية الطعام وهو يقول: ليه بس يا حبيبتي تعبتى نفسك الاكل جوة كتير
عواطف: تعب ايه يا تاج يابنى ده يوم المنى لما اشوفك مرتاح ومتهنى
وضع تاج الصينية على الطاوله : تعالى يا ماما واقفة ليه ؟؟
اقتربت عواطف وهى تقول بصوت خافت: يابنى عاوزاك تخلى بالك من مراتك كفاية عليها غلب اهلها
تاج: والله يا ماما فى عنيا انا كنت هموت لو عملو فيها حاجة انا مش مصدق إن لسه فى ناس بتفكر كدة
عواطف: ربنا يهديهم قول لمراتك بقى أنى عاوزة اطمن عليها قبل ما امشى
اسرع تاج للغرفة يقول ل غالية: حبيبتي ماما جاية تطمن عليكى
ثم نظر لامه وقال: اتفضلى يا ماما
همت غالية للقاء عواطف التى اوقفتها : رايحة فين يا بنتى خليكى فى السرير
واسرعت تضمها وتقبلها بحنان: انتى عاملة ايه دلوقتي؟؟
غالية بخجل: الحمد لله كويسة ..انا اسفة على اللى حصل الصبح
عواطف بحنان: اسفة على ايه ؟؟ وانتى ذمبك ايه بس!؛ المهم دلوقتي خلى بالك من نفسك وماتزعليش نفسك
وانتى رايحة للدكتورة ابقى دفى نفسك كويس
ونظرت ل تاج: تاج سخن لها لبن واكلها كويس
تاج بإبتسامة: حاضر يا ماما
ربتت على ظهرها بحنان: مش عاوزة منى حاجة يا حبيبتي؟؟
غالية بحزن: متشكرة اوى
عواطف بحنان: عموما انا فى الشقة قصادك لو عوزتى حاجة ابعتى لى تاج
حنان عواطف ادمى قلب غالية فقسوة امها تقتلها دمعت عيونها لتسرع عواطف تضمها بحزن: انا لسه بقولك ماتزعليش نفسك تقومى تعيطى ..استهدى بالله كدة وقومى افطرى اوعى الواد ده يكون نيمك من غير عشا
ضحك تاج وابتسمت غالية رغما عنها : لا والله اتعشينا
وقفت عواطف: يلا خلو بالكو من بعض وان عوزتو حاجة انا جوة
وحين اقتربت من تاج همست: لما ترجعو يابنى من برة عرفنى
تاج : حاضر يا ماما
************
عصرا بعيادة الطبيبة
دلف تاج بصحبة غالية ليجد رفاعى وامه ينتظران
تاج: السلام عليكم
رفاعى: وعليكم السلام
اقترب تاج من الممرضة: لو سمحتى عندنا معاد مع الدكتورة
الممرضة: مدام غالية مش كدة ؟؟
تاج: ايوة تمام
الممرضة: الحساب ....واتفضبوا الدكتورة مستنياكم
انتظر رفاعى خارجا بينما دلف ثلاثتهم الى مكتب الدكتورة التى نظرت بإبتسامتها المريحة ووجهها البشوش: اهلا يا غالية تعالى
لتضغط غالية على ذراع تاج وهى تهمس: انا خايفة
بينما رأت اسماء الخوف بعينيها فقالت: انتى خايفة؟؟ ماتخافيش مش هتحسى بحاجة خالص
ودقت الجرس لتدخل الممرضة فتشير إليها: روحى معاها يا غالية ماتخافيش
ثم نظرت للممرضة : سيبى الباب مفتوح
تحركت غالية مع الممرضة لغرفة ملحقة وصحبت معها قلب تاج الذى يدق بعنف
عادت الممرضة بعد دقائق: اتفضلى يا دكتورة جاهزيين
نهضت اسماء عن مكتبها وهى تنظر ل تاج: لو حضرتك عاوز تدخل مفيش مشكلة
اخفض تاج رأسه بخجل: لا انا هستنى هنا بس ارجوكى بالراحة عليها
ابتسمت اسماء بينما تحركت معها راوية للداخل اقتربت من رأس غالية التى تتمدد فوق الفراش المعدنى لتشيح غالية وجهها عنها وتبدأ تبكى
اسماء: وبعدين يا غالية بطلى عياط نفضة جسمك دى غلط
تحاول غالية السيطرة على نفسها لتقول اسماء بعد دقائق: خلاص خلصنا
كانت راوية هى اول من غادر الغرفة وهى تضع يدها بجيبها وقفت لحظة امام تاج ونظرت له نظرة لم يفهمها قط ثم غادرت
خرجت اسماء بعدها لتقول ل تاج الذى يبدو عليه انفعاله: من فضلك ادخل هديها وتعالوا علشان عاوزة اتكلم معاكم في امر ضروري
اسرع تاج للداخل ليجد غالية تتكأ على طرف الفراش والممرضة تهندم ملابسها ليضع يده بجيبه ويقدم لها مبلغا ماليا فتشكره وهى تتأسف لحال غالية وتغادر
اقترب سريعا من الفراش ليضمها بحنان: الغالية موجوعة؟؟؟
ألقت رأسها على صدره وهى تقول ببكاء: قلبى يا تاج ...قلبى موجوع
قبل جبينها وهو يقول بألم: سلامة قلبك يا قلبى معلش حقك عليا
مسح دموعها بحنان وهو يهمس: تعالى يا قلبى نشوف الدكتورة عاوزانا فى ايه ونروح
خرجا ليجلسا متجاورين امام الطبيبة التى قالت: امانتى العلمية تحتم عليا أنى اصارحكم بالحقيقة مادمت عرفتها حتى لو انتو ماسألتوش
ونظرت مباشرة ل تاج وقالت: انا شايفة يا استاذ تاج انك راجل محترم علشان كده عاوزاك تساعد مراتك
بدا القلق على وجه تاج: غالية مالها يا دكتورة ؟؟؟
نظرت اسماء ل غالية بإشفاق: هى للاسف اتعمل لها عملية الختان بأسلوب بدائى جدا تقدر تقول أقرب للتشويه
مسح تاج على وجهه بألم وهو يقول: كمان
ثم مد يده فورا لكف غالية ليضغط عليه بقوة وهو ينظر لها بحنان وألم
اسماء: دلوقتي أنت لازم تعذرها وتطول بالك لان العملية دى بالشكل ده تأثر على الشهوة وتسبب البرود ده غير الاثار النفسية اللى بتعمل رهبة من العلاقة كلها
اغمض تاج عقله للحظة يسترجع مرات قربه منها ...نفورها ....انتفاضة جسدها ....عدم تجاوبها ...لقد عده خجل لكنه غير ذلك هى لم تكن تريده ...لم تمنحه نفسها برضا..شعر بغصة بقلبه حين وصل لهنا
ايقظه صوت غالية التى تقول: والحل يا دكتورة أنا هفضل كدة ؟؟؟
اسماء : لا طبعا
رفع رأسه وهو ينظر لها يكفيه انها تحاول لاجله نعم يكفيه
اسماء: استاذ تاج
رفع عينيه إليها فقالت: حضرتك لازم تعرف ان نفورها منك مش معناه انها بتكرهك اطلاقا هى جسمها مش شغال الجزء اللى تم استأصاله فيه خلايا حسية وعصبية كتيرة جدا والخلايا دى بتنقل الرغبة من الاعضاء للمخ وده مبيحصلش معاها الاتصال مفقود ده غصب عنها ..ممكن أسألك سؤال؟؟
تاج: اتفضلى
اسماء: حضرتك من امبارح للنهاردة بمعدل كام حسيت بتجاوب غالية؟؟
اخفض عينيه وهو يقول: تقريبا خمسين فى المية
اسماء: هايل وده بناءا على عدد المرات ولا التجاوب كل مرة ؟؟
تاج: احممم لا عدد المرات حضرتك من الاول للاخر يا فى تجاوب يامفيش
نظرت ل غالية وقالت: طبعا يا غالية حسيتى بالفرق زى ما جوزك حس بيه !!
هزت غالية رأسها فقالت اسماء: والفرق ده يستحق انك تحاولى علشان توصلى للاحساس تانى
غالية بجرأة لم يتوقعها تاج: أنا اعمل اى حاجة علشان ابقى مع تاج بكل كياني
ابتسم تاج بسعادة كذلك اسماء ثم قالت: هايل رغبتك في العلاج شئ محفز جدا انتى هتمشى على كورس علاج وبمساعدة الاستاذ تاج هتتحسنى قريب
تاج: والعلاج ده مالوش اضرار عليها بعد كدة
اسماء: لا اطلاقا ده حاجة محفزة للرغبة مش اكتر بس احب اشرح لكم الاول ..لازم تعرفوا أن المرأة غير الرجل نهائى فى العلاقة الرجل ممكن يوصل للاكتفاء اسهل من المرأة بكتير واسرع كمان وفى حالة زى غالية حضرتك لازم توصل ل جى سبوت لان عندنا مشكلة فى التواصل الخارجى
فتحت درج مكتبها لتخرج كتابا وتمد يدها له وتقول: اتفضل الكتاب ده طبى هتفهم منه كويس وتقدر تساعد مراتك احسن ودلوقتي اشرح لكم العلاج
غالية: هو انا هبدأ النهارده؟؟
اسماء: هتاخدى من النهاردة مفيش مشكلة والاقراص اللى بعد الغدا اهم حاجة لكن ممنوع اى علاقة كاملة لمدة يومين
غالية: ليه يا دكتورة
اسماء: غشاء Hymen اللى اتفض عبارة عن نسيج رقيق جزء منك وفضه بيسبب جرح والجرح ده محتاج وقت للالتئام حسب نوعه العلاج اللى فى ضهر الروشتة لمدة تلت ايام والباقى مستمر لحد ما اشوفكم المرة الجاية كمان اسبوعين
شكر تاج الطبيبة وغادر بصحبة زوجته ليعيدها للمنزل فيتركها بعناية امه ويذهب لشراء الادوية
*********
عاد رفاعى وراوية الى منزلهم حيث كان بإنتظارهما حشد من الأقارب ليعلن رفاعى عن شرف اخته باستخدام المنديل الملطخ بدماءها فيبدأ الرجال بإطلاق الاعيرة النارية والنساء في
اطلاق الزغاريد بينما تتوجه راوية لغرفتها بصمت فتتبعها زينب زوجة رفاعى
زينب: مالك يا عمة فيكى ايه؟؟
نظرت لها راوية فهذة المسكينة لازالت تهتم لامرها رغم قسوتها وقسوة ابنها
راوية: أنى زينة يابنيتى
اتسعت عينا زينب بدهشة من لهجة راوية الحانية
راوية: أنى بدى ابجى لحالى خبريهم أنى نعست وهملينى لحالى
زينب بتوجس: غالية مليحة يا عمة؟؟
راوية: مليحة ...مليحة جوى روحى وهملينى
خرجت زينب متعجبة من راوية التى تبدوا وكأنها تبدلت بشخص اخر ليقابلها زوجها
رفاعى: انتى يا حزينة
زينب بخوف: نعم يا خوى أنى اهه
رفاعى بحزم: خلصتى الوكل ..الناس لازمن ياكلوا جبل ما يدلوا
زينب: اه يا خوى من عنيا هبابة والوكل ينغرف
رفاعى بغضب: لساكى يا حزينة ماخلصتيش كنتى بتعملى ايه طول النهار؟؟
زينب وهى تهرول من امامه خوفا: دجيجة هغرف بس الوكل خلص والله
وتقول لنفسها: أنى فعلا حزينة من يوم مااتچوزتك كان يوم اغبر
*******
فى شقة حمزة
انهى حمزة صلاة العصر فتوجه لايقاظ ماسة
حمزة بحنان: ماسة قومى يا قلبى
ماسة بكسل: فى ايه ياحمزة؟؟
حمزة: قومى علشان تصلى العصر
تتقلب ماسة بالفراش: ااااه..ااااه
حمزة بفزع: سلامتك من الاه يا ماسة مالك؟
ماسة بألم: مش عارفة كل جسمى بيوجعنى اوى مش قادرة اتحرك
حمزة بحزن: شوفتى مش قلت لك هتتعبى
جلس بالفراش ليحمل رأسها ويضمه لصدره بحنان وهو يدلك اكتافها فتعلو تأوهاتها التى تؤلم القلب
حمزة: للدرجة دى يا قلبى
تشبثت به وقالت: مش قادرة يا حمزة كل جسمى بيوجعنى اوى
صمت لحظة ثم قال: طب هنزل المحل اعمل لك تركيبة زيوت هتريحك اوى بس خدى دش دافى على ما ارجع
ماسة بألم: حاضر
حمزة بحزم: اوعى المية الساقعة يا ماسة ..اقولك استنى انا هملى لك البانيو قبل ما امشى وخليكى فيه لحد ما ارجع
ماسة بلا مقاومة: حاضر
توجه من فوره الحمام ليملأ المغطس بالماء الدافئ ثم يعود للحجرة ويحملها للحمام نزع عنها ملابسها ووضعها داخل المغطس برفق ثم قبل جبينها وهو يقول: مش هتأخر عليكى عشر دقايق
هزت راسها بوهن فتوجه ليغير ملابسه ويتوجه للمحل
********
لم يأبه اى من حمزة او تاج بنظرات اهل الحارة المتفرسة لكليهما حين خروجهما فى اليوم التالى للزواج حيث تقابلا فى الحارة اثناء عودة تاج محملا بالدواء الخاص بزوجته
حمزة: شيخ تاج صباحية مباركة يا ابو نسب
تاج بإبتسامة: الله يبارك فيك يا حمزة ويبارك لك فى ماسة ويبارك لها فيك
وقفا سويا يطمئن تاج على حال شقيقته ويطمئن حمزة على حال صديقه بينما ينظر لهما الجميع بتفرس ابتسامتهما المشرقة محت عن عقول اهل الحى الوساوس السيئة ثم ما لبثا أن ذهبا كل فى طريقه
وصل تاج لشقته ليجد امه
تاج: ماما غالية فين ؟؟
عواطف: فى الحمام انا داخلة لها
استوقفها تاج: استنى يا امى داخلة لها ازاى يعنى!!! المرأة للمرأة عورة يا امى
عواطف بحنان: ماتخافش يا تاج بس هى محتاجة اعلمها حاجات لازم تعملها وانا قلت لها هتعمل ايه وخرجت هخبط واشوفها اطمن عليها مش هدخل عليها الحمام يعنى
تاج: انا اسف يا ماما مش قصدي
عواطف: عارفة يا حبيبي
*********
دخل حمزة لمحل العطارة ليجد حازم يجلس برفقة ابراهيم
حمزة: السلام عليكم
وإنتفض حازم حين وجد حمزة امامه: حمزة فى ايه ؟؟ انت نزلت ليه النهارده؟؟
حمزة: مالك يا حازم وشك اصفر كدة ليه ؟؟ مين الاستاذ؟؟
حازم: ده ابراهيم صاحبى بيساعدنى فى الحسابات انت انشغلت الشهر اللى فات وانا ملخبط الدنيا وفى عجز مش عارف حصل ازاى
وجدها حازم فرصة رائعة لاعطاء ثمن فرش الحشيش الذى راهن عليه ابراهيم له وفرصة للحصول على المال
حمزة: عجز قد ايه يعني؟؟
حازم: خمس الاف جنيه
حمزة: ياه مبلغ فعلا ..طيب قيدهم على حسابى اكيد خرجوا معايا مصاريف مفيش حد هياخد حاجة يعنى
تعجب ابراهيم لشدة ثقة حمزة بشقيقه
حمزة: المهم انت عاوز فلوس دلوقتي؟؟
حازم: ايوة عاوز مبلغ ادفعه تحت الحساب لتاجر الجملة
اقترب حمزة سريعا ليخرج مفاتيحه ويفتح الخزينة ليخرج رزمة من المال يقدمها ل حازم ويعيد اغلاق الخزينة بينما ينظر ابراهيم لكليهما بتعحب
حمزة بطيبة شديدة: لو تحب خلى معاك مفاتيح الخزنة
ابتسم كل من حازم وابراهيم لكن سرعان ما اختفت الابتسامة حين قال الحاج محمد: لا
واقترب ليأخذ المفاتيح من يد حمزة: المفاتيح هتبقى معايا
حمزة: بابا!!!
حازم: ومن امتى حضرتك بتنزل المحل؟؟
محمد: مش هنسيبك انا واخوك لما اخوك ينزل ابقى انا اقعد ..انت معندكش خبرة فى السوق
قالها وهو ينظر له بشك ثم نظر ل حمزة: انت ايه نزلك؟؟
حمزة: ابدا يا بابا هاخد خلطة زيوت واروح علطول
حازم: طيب عن اذنكم بقى نقعد انا وابراهيم على القهوة شوية
وانصرف حازم وابراهيم فورا بينما قال محمد: اقعد يا حمزة انا هعمل لك الخلطة
وتوجه للمخزن ليعود بعد قليل ويقدم له زجاجة ملفوفة بعد أن وضعها بكيس بلاستيكي
حمزة بخجل: بس حضرتك مش عارف انا عاوز ايه؟؟
محمد: هههههه..عيب على شعرى الابيض قوم روح لعروستك وخليها تدفى نفسها بعد ما تدهن الزيت وقبله دش دافى بردو
حمزة بخجل: حاضر يا بابا عارف ..عن اذنك
وهم بالانصراف فأوقفه والده: حمزة
إلتفت إليه حمزة فقال: ماتخليش لهفتك على مراتك تأذيها لسه قدامكم العمر طويل الإفراط فى اى حاجة يضر
هز حمزة رأسه بحياء وانصرف عائدا لزوجته
وهكذا مر اليوم التالى لزواجهما وقد كانت ليلته شديدة الصعوبة على حمزة وتاج على حد سواء فكليهما مشتاق وغير قادر على اطفاء شوقه من حبيبته
ليكتفى كل منهما في النهايه بضم حبيبته لصدره واغداقها بحنانه دون الالتفات لرغبته او محاولة
العاشر
استيقظت غالية لتجد نفسها وحيدة بالغرفة توجهت للخارج لتجد تاج وقد جلس يطالع بتركيز هذا الكتاب الذى اعطته له الطبيبة اقتربت بهدوء ليرفع رأسه ويبتسم لها : صح النوم يا قمر
غالية: صباح الخير ماصحتنيش ليه بدرى
رفع ذراعه لتقترب وتجلس بقربه : اصحيكى بدرى تعملى ايه ..ارتاحى ماورناش حاجة
غالية: احضر الفطار اعمل اى حاجة
تاج: الفطار ماما جابته من نص ساعة وكنت مستنيكي علشان نفطر سوا قومى صلى الضحى وبعدين نفطر
توجهت بالفعل للصلاة ثم بدلت ملابسها بعباءة وربطت شعرها واحضرت الطعام جلسا يتناولان الطعام دون أن يعقب تاج على ملابسها وهو يمنى نفسه انها ستتغير قريبا
*********
استيقظ حمزة ليجد ماسة وقد اعدت طعام الافطار وهى ترتدى بيجامة من الستان المتناغم مع نعومتها ووضعت القليل من مساحيق التجميل بالاضافة لعطر رقيق ليعلن عن وجودها
حمزة: ماسة ليه كدة انتى تعبانة
ماسة بإبتسامة مشرقة: لا انا النهاردة احسن كتير الحمدلله الزيت اللى انت جبته ده سحر
حمزة بإبتسامة: الخلطة دى بعملها بإيدى بيخدوها اكبر محلات البيوتى سنتر وبتوع السبا كمان
ماسة: حقيقي تسلم ايدك
حمزة بخجل: لا بس امبارح مش انا اللى عملتها بابا اللى عملها بإيده
بدأ الخجل على وجهها: ياخبر عمى بنفسه ليه كدة يا حمزة؟؟
حمزة: المهم انك احسن
اقترب سريعا يقبل وجنتيها هامسا: هدهنلك لك النهارده كمان
ماسة وهى تتعلق برقبته: ياريت يا حبيبي
حمزة بصوت مبحوح : بلاش الرقة دى الله يرضى عليكي
ماسة وهى تلتصق به: ليه يا حبيبي انا مش عجباك
حمزة: مش عجباني!! دا انتى مجننانى بس حرام انا مشتاق ...رقتك ونعومتك وجمالك كل حاجه فيكى حتى نفسك بيقيد جوايا النار
شد ذراعيه حولها : ااااه يا ماسة انا مش مصدق انك فى حضنى ..ليا
ماسة بدلال: انا كلى ليك يا حبيبي انت الراجل الوحيد اللى قلبى دق له وحلمت بيه واتمنيته
عاد برأسه للخلف فورا: انا يا ماسة !!انتى اتمنيتينى انا !!!
هزت راسها ايجابيا ليفقد حمزة اخر ما يملك من سيطرة ويطبق على شفتيها يقبلها برقة قبلات متتالية دافئة اشعلت رغبتها إلا انه عاد يبتعد بأسف : تعالى يا قلبى افطرى انتى لازم تاكلى كويس
*********
فى منزل راوية حيث جلس ابناءها لتناول الطعام تخرج زينب من غرفة راوية ليقول رفاعى: مارضياش تاكل بردك
زينب: مارضياش بتجول مالهاش نفس ..ماداجتش الزاد من امبارح وغصب كمانى
وهدان: ياترى فيكى ايه يا اما
خميس: يمكن مجصوفة الرجبة عملت حاچة عفشة وامكم بتدارى عليها
نهره رفاعى: بلا حديت ماسخ يا خميس امك ماتداريش ع الغلط واصل ..يلا افطروا وروحوا على اشغالكم ..
ثم نظر ل زينب وقال: وانتى يا حزينة لو غفلتى عن امى هچيب خبرك
زينب بخوف: وانا اجدر اغفل عنيها دى عمتى وحماتى كمانى
********
عاد تاج بعد صلاة الظهر فجلس يرتل آيات القرآن بصوته الرخيم العذب لتخرج غالية من الغرفة وهى تقترب بهدوء لتستمع له وتتمتع بحلاوة صوته
شعر بقربها فصدق وابتسم لها : تحبى نقرأ سوا
غالية بسعادة: بجد
مد يده لتتمسك بكفه وهى تقترب لتجلس امامه: صوتك حلو اوى يا تاج بابا الله يرحمه كان صوته حلو اوى بردوا
تاج: الله يرحمه...ايه رأيك بقى نبدأ من اول فاتحة الكتاب وكل واحد يقرأ صفحة
اشرق وجهها فهذا ما كان يفعله معها والدها الحبيب
بدأت غالية تقرأ وقد اعجب تاج بحسن تلاوتها وفقهها لكل احكام التجويد ليمر عليهما الوقت بسرعة
*********
مرت ثلاثة ايام على الزواج وها هو اليوم الرابع يأتى حاملا شوق تاج الذى ارهق قلبه
نهض باكرا كعادته ليصلى الضحى ثم جلس يرتل آيات القرآن الكريم لتنهض غالية تتحرك حوله بخفة فهى لا تريد ان تقاطع قراءته بل تتمنى الا يتوقف عن القراءة لتستمتع بصوته
انهت هى ايضا صلاتها لتقترب منه وتجلس جواره يبتسم تاج دون أن يرفع عينيه عن المصحف وجلسا سويا يقرأن حتى طرق الباب بعد ساعة ليجد تاج والدته الحبيبة وقد اعدت لهما الافطار
غالية: يا ماما بالله عليكى بلاش تتعبى نفسك تانى
سعدت عواطف وكذلك تاج بقول ماما الذى خرج من بين شفتيها بتلقائية لتقترب عواطف تربت على ظهرها: يا حبيبتي ممنوع تدخلى المطبخ قبل السبوع انتى تتهنى انتى وجوزك بس
شعرت غالية بالخجل ف تاج لم يعش الهناء الذى تتمناه له امه معها
تاج: تعالى يا ماما افطرى معانا النهارده
عواطف: انا فطرت يا حبيبي كل انت ومراتك بألف هنا
وغادرت عواطف لتضع غالية الطعام ارضا بتلقائية
تاج: والله القعدة على الارض احسن
واسرع يجلس ويجذبها لتجلس
تاج: ماما بتزغطنا بط ومحشى على الفطار هههههه ياترى هتدبحنا امتى هههههه
ضحكت غالية فنظر لها بسعادة: الله اكبر...ضحكتك بتور وشك ياريت تفضلى تضحكى علطول
خجلت غالية وهو يرفع الطعام لفمها واحتقن وجهها بينما تاج يبتسم بسعادة: بسم الله
فتحت فمها ليضع به الطعام ولم يسترد كفه بل بدأ يملس على شفتيها بإصبعه وهو ينظر لها بشوق واضح وراغبة لا تخبت ..امسك فوطة الطعام ومسح مكان إصبعه من اثر الطعام وقد بدأ وجهه يحتقن من شدة رغبته ازاح صينية الطعام قليلا للخلف ليقرب غالية منه
تاج: الغالية لسه خايفة منى؟؟
غالية بهمس: مش منك انت يا تاج
تاج بصوت مبحوح: من قربى
اخفضت وجهها ليرفعه ويتظر لها بشوق ويقول هامسا : تحبى ابعد دلوقتي؟؟
ما كانت لتزيده عذابا فهزت رأسها نفيا ليسرع مقبلا شفتيها بنهم ولهفة
********
تقترب ماسة على اطراف اصابعها من حمزة النائم تسكب بكفها بضع قطرات من الماء وتقذفها بوجهه ليهب فزعا
حمزة وهو يشهق بفزع: فى ايه!!!
تعالت ضحكاتها وهى تنظر إليه ضيق عينيه بغضب مصطنع : والله لاوريكى
انطلقت تعدو وهو خلفها تدور حول الطاولة ليسقط احد الكراسى فيقفز حمزة من فوقه ويكاد يمسك بها صرخت بدلال وهى تبتعد عن كفه ليلحق بها وقد اثارت جنونه
حاصرها بأحد الاركان وقفت تلهث فهو ممسك بها لا محالة بينما يقترب وهو يشير لوجهه: ينفع كدة تغرقينى كدة !!!
ماسة: هههههه اعمل ايه بصحيك ما انت كل يوم تصحى بدرى ويوم ما اصحى انا انت تنام
حاصرها بذراعيه واخفض رأسه يمسح وجهه بملابسها لتدفعه للخلف : حمزة اوعى كدة
حمزة: عقابا ليكى مش انتى اللى غرقتينى
غضب طفولى على ملامح ماسة جعله يرغب بزيادة القرب منها فيقترب ليحيط وجهها بكفيه
حمزة: هو فى حد بيحلو حتى وهو زعلان كدة ...انتى معمولة من ايه !! كل حاجة فيكى تجنن
ماسة بغضب: انا زعلانة منك لسه لابسة البيچامة دى
حمزة : بسيطة اقلعيها ..تحبى اساعدك
تهز رأسها نفيا فيقترب: مش كفاية حظر كدة ونفكها شوية
عقدت حاجبيها: حظر ايه!!!
حمزة: حظر حب مش حبيبي كان تعبان
فهمت مقصده لتقترب بدلال: وانا قلت لك ابعد عنى
حمزة: وهو انتى بعدتى !!؟؟دا انتى جننتينى ...وكله هيطلع عليكى حالا
قال جملته الاخيرة وهو يرفعها ويتوجه بها للغرفة ليعيش كل منهما بين ذراعى الاخر امتع
اللحظات
*******
يجلس الحاج محمد بعد الانتهاء من صلاة الضحى ومسبحته بيده ليجد حازم قادما نحوه
محمد: الله انت جيت وسبت المحل لوحده ازاى
حازم: قفلته
محمد بتعجب: قفلته ليه كدة يابنى حد يقفل باب الرزق فى وقت زى ده
حازم: اعمل ايه يعنى مفيش زباين لازم اقعد مرهون طول اليوم ...كل اللى بيجى بيسأل على حمزة ويمشى
نظر حازم للسقف واصوات هرولة حمزة وماسة تصل إليه يتبعها سقوط الكرسى ثم مزيدا من الهرولة ليحتقن وجهه غضبا بينما يخفض والده رأسه وهو يبتسم بسعادة
حازم: وبعدين فى الجنان ده محدش اتجوز غيرهم يعنى!!
محمد: عقبالك ما تتجنن زيهم
حازم: ليه وانا اتجننت مفيش ست ليها امان
محمد: ليه يابنى بتقول كدة بنات الناس الطيبين كتير عندك مرات اخوك اهيه ماشاء الله عليها حسب ونسب وجمال وادب
حازم بحسرة: هى ماسة ليها زى ؟؟
محمد بغضب: جرى ايه يا حازم دى مرات اخوك
حازم وهو يتجه للخارج: عارف يا بابا عارف
محمد: رايح فين يابنى ؟؟
حازم: هفتح المحل احسن من حرقة الدم
وغادر حازم ليهز محمد رأسه بأسف على حال ابنه
********
استلقى تاج وهو يضع ساعده فوق عينيه ليخفى حزنه وهمه ف غالية لا تستجيب له بل تتصنع الاستجابة وهذا يؤلمه بشدة
تقترب غالية بخجل تتوسد كتفه : تاج انت زعلان مني!؟
تاج: لا ابدا يا حبيبتي ازعل ازاى وانتى جمبى !!
غالية: انا اسفة يا تاج
قبل رأسها بحنان: مفيش داعى للاسف ارتاحى حبيبتى
اغمض عينيه ليخفى صراعه عنها انه يحاول لكن يبدو أن طريقه طويل عليه أن يتحلى بالصبر
*********
اليوم السابع للزواج فى منزل راوية
استيقظت راوية باكرة وخرجت من غرفتها بنشاط افتقدته منذ ايام لتجد خميس ووهدان يجلسان سويا يحتسيان الشاى
راوية: اصباح الخير يا ولاد
وهدان وخميس: اصباح الخير يا اما
وهدان: اخيرا خرچتى من الأوضة يااما فيكى ايه؟
راوية وهى تبتسم له : أنى زينة يا ولدى متخافش
خميس: چرى ايه بتطلعى لوهدان كدة ليه يا اما !!
راوية: بأملى عينى منيه الوحيد اللى شبه الغالى الله يرحمه
نظر الشابان لبعضهما وقال خميس: جصدك مين يا اما؟؟
راوية بحزن: جصدى ابوك الغالى معنديش غالى غيره
عاد الشابان يتبادلان النظرات المندهشة فهى للمرة الاولى تتحدث عنه منذ وفاته لقد كان وكأنه لم يكن بالنسبة لها ...لقد حدث لامهما امر جلل
راوية: هى زينب ما ادلتش من شجتها ؟؟
وهدان: لسه يا اما مش عوايدها زمانها نازلة
راوية: اطلع يا خميس نادم على خوك ومرته
نهض خميس ليعود بعد قليل وعلى وجهه ابتسامة شامته تتبعه زينب ومن خلفها رفاعى
نظرت راوية لوجه زينب لتشهق بفزع وهى تضرب على صدرها: ياحزنى چرى لك ايه لبستى فى جطر
خميس بوقاحة: لاه لبست فى رفاعى
نهره وهدان: وبعدهالك يا خميس سك خشمك خالص
ليصمت خميس بينما تندفع راوية بإتجاه رفاعى وتدفعه امامها بإتجاه غرفتها وتغلق الباب بينما تجلس زينب تبكى بصمت
راوية: چرى لنافوخك حاچة كيف تضرب مرتك اكده ؟؟
رفاعى: چرى ايه يا اما هى اول مرة اضربها ولا اخر مرة؟؟ هى ناجصة رباية
نهرته راوية: انكتم وليك عين تتكلم اللى ناجصة رباية دى هى اللى متحملاك ومتحملة غباوتك وانت وياك حج مش اول مرة اضربها لكن هتبجى اخر مرة بزيداك غباوة
رفاعى: أنى يا اما غبى
راوية: معلوم لما تضرب مرتك بالشكل ديه تبجى غبى ..عملت لك ايه علشان تضربها؟؟
لم يجب فوكزته: انطج جولى عملت لك ايه؟؟
رفاعى بخجل: كنت رايدها عشية واتمنعت جال تعبانة
راوية: كمانى يعنى تخدمك انت وخواتك ومتفتحش خشمها وماتشتكيش واصل وتحرم عليها الراحة كمان وتغصبها ايه البچاحة دى
رفاعى بغضب: واه يا اما حجى اخده وجت ما أنى رايد
راوية بحزم: وادبا ليك علشان حجك ديه زينب ماطلعاش معاك فوج طول السبوع هتنام هنا معاى
رفاعى: بتجولى ايه يا اما؟؟
راوية بحزم: بجول اللى هيحوصل وجسما عظما تمد يدك عليها تانى لاضربك كيه ما هتضربها
بزيدانا بجا سنين عايشين في جسوة الجلوب بزيدانا
رفاعى: انتى يا ام رفاعى اللى بتجولى إكدة؟؟
راوية بحسرة: معلوم ياولدى كانت عينى مغمية لكن كانى نضرت
وأولته ظهرها واتجهت للخارج وهو ينظر بإندهاش ماذا اصاب امه؟؟
*******
فى الخارج
اغلقت راوية الباب بعد أن أدخلت رفاعى بينما جلست زينب تبكى بصمت فصب وهدان كوبا من الشاى واقترب يقدمه لها
وهدان: حجك عليا يابت خالى ..اشربى الشاى
زينب بحزن: معيزاش يا خيي هملنى فى حالى الله يرضى عنيك
وهدان: وحدى الله امال ومدى يدك واشربى الشاى أنى اللى عامله بيدى
مدت يدها تلتقط الكوب وهى تقول: تسلم يدك يا خوى
ارتشفت منه رشفتين قبل أن يفتح الباب فتنتفض واقفة ويسقط الكوب من يدها
انحنت بسرعة تلتقط شظايا الزجاج وهى تأنب نفسها بينما اقبلت راوية بغضب
راوية: زينب
هبت زينب واقفة مرة اخرى : حجك عليا يا عمة وجعت غصب عني والله
راوية بحزن: وجعت فى داهية ايه يعنى كباية انكسرت
نظر لها الجميع بدهشة لقد ضربت هى نفسها زينب ذات مرة لكسرها كوبا دون قصد
راوية: اعملى حسابك من الليلة هتباتى فى اوضتى وماهتطلعيش فوج طول السبوع فاهمة
ابتسمت زينب دون وعى: فاهمة
راوية: واياك ياچى رفاعى يتحدت وياكى وتردى عليه ولا يأمرك بحاچة وتعمليها فاهمة
يحملق الابناء ب راوية بتعجب بينما هرولت زينب تضمها بسعادة دون وعى : ربنا يخليكى ليا يا عمتى
للمرة الاولى منذ تزوجت رفاعى منذ ما يقرب من العام تشعر بان لها قيمة وان هناك من يدافع عنها وعن حقوقها
ربتت راوية على ظهرها وقالت: دارى وشك بطرحة وتعالى هندلوا السوج نچيب سبوع الغالية
وكانت هذة صدمة اخرى للابناء فأمهم تنطق هذا الاسم للمرة الاولى بحياتها على الاطلاق
تابعوووووووني
الفصل الحادي عشر والثاني عشر من هنا
رواية عاشق بدرجة مجنون كامله من هنا
رواية سر الشيطان الأسود كامله من هنا
رواية رحيل الهواري كامله من هنا
رواية انكسار امرأه كامله من هنا
رواية عشق بلا رحمه كامله من هنا
رواية جرح يداويه العشق كامله من هنا
رواية من أجل أبنائي تزوجتك من هنا
رواية زواج لدقائق معدودة كامله من هنا
رواية بسمه موجوعه كامله من هنا
رواية معشوقتي الصغيره كامله من هنا
رواية طلاق بلا تبرير كامله من هنا
رواية الفرار من الحب كامله من هنا
رواية مستشفى بلا حياه كامله من هنا
رواية فرقتنا الظروف وجمعنا القدر من هنا
رواية متمرده عشقها الشيطان من هنا
رواية عذرا لقد نفذ رصيدكم من هنا
رواية نار قلبي وانكسار فؤادي من هنا
رواية قاصره في قلب صعيدي من هنا
رواية مالم تخبرنا به الحياه من هنا
رواية اللعب مع الشياطين من هنا
رواية أحببت مربية ابنتي كامله من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق