رواية درة الغالب الحلقه التاسعه والعاشره بقلم الكاتبه زهرة الربيع حصريه وجديده على مدونة أفكارنا

رواية درة الغالب الحلقه التاسعه والعاشره بقلم الكاتبه زهرة الربيع حصريه وجديده على مدونة أفكارنا 

اختك خرجوها من بيت دعاره ملفوفه في ملايه مفيش دليل واحد يثبت انها كانت مخطوفه وكل الي اتمسكو معاها هيشهدو انها كانت بتشتغل معاهم بايرادتها اختك انتهت...وانتي السبب

دره قالت بخوف...لا لا وانبي..ارجوك با رشدي بيه..انا انا هعمل الي انت عايزه والله بس الملف مش في القصر والله اول ما يجيبو هاخدو على طول ارجوك اديني فرصه ابوس ايدك اهلي ملهمش ذمب كفايه الي عملتو في امي

رشدي قال بنبره مخيفه...انا هسيبك اسبوع كمان بس لو متصرفتيش ساعتها مش هتعرفي الضربات هتجيلك منين... وقفل

دره قالت بخوف..طب نتفاهم و... بس قطعت كلامها لما انقطع الخط بقت تقول..الو..الو 

بس سكتت على خبطات على كتفها بصت وراها بخضه وكان غالب اتسعت عنيها بخوف وبقت تبصلو برعب

غالب قال ....فيه ايه..بتكلمي مين

دره خدت نفسها بارتياح لما اتاكدت انو مسمعش حاجه وقالت...لا لا دي امي قلقانه على سهى 

غالب هز راسو بشك وسكت وفضلو في القسم لحد ما خدو اقوال الكل وخرجت سهى معاهم بعد ما كل الي معاها اعترفو انها مكانتش معاهم كمان صاحبه المكان اعترفت انها جات متخدره 

غالب رجع مع دره على القصر بعد ما اطمنت على سهى لان اسر اصر يوصلها بنفسو 

اول ما وصلو غالب وقف العربيه و قال...احم...انا اسف...يعني شكيت في اختك بس احنا بحكم شغلنا بالطبيعه مش بنصدق اي حد

دره كانت سرحانه وبتفكر في الكلام الي قالو السخص الي كلمها ومش سامعه غالب بيقول ايه اصلا

غالب خد بالو انها مش معاه قال بصوت اعلى ..دره...دررررره

دره بصتلو وقالت...بتقول حاجه

غالب اتنهد وقال.. لا ولا حاجه..بقول وصلنا يلا انزلي

ونزلو ودخلو سوا وكانت ناريمان قاعده هيه وحازم ومعاهم راجل في الخمسين 

غالب اول ما شافو اتجمد بشده واتحولت ملامحو لغضب رهيب وبقى يتنفس بقوه واتقدم عليه بعصبيه وقال بغضب...الحيوا،ن..ده بيعمل ايه هنا..اطلع من بيتي حالا واتقدم على الراحل ده وشدو من بدلتو وعايز يرميه برا القصر

بقلمي...زهرة الربيع

حازم وقف ما بينهم وبعدو عنو بغضب وقال...اهدى يا غالب....انت ناسي ان ده ابويا عيب كده

غالب قال بغضب...لا مش ناسي...وعلشان كده هيخرج حالا

ناريمان اتقدمت عليه بغضب وقالت...رؤوف ابو ابني يعني يزور ابنو في اي وقت وانت ميحقلكش تمشيه 

غالب بصلها بغضل وضم اديه بعصبه ولسه هينطق رؤوف قال بسرعه...انا..انا كده كده ماشي..احم...اشوفكم على خير...وسلم علي حازم وحضنو وقال...ابقى خليني اشوفك 

حازم هز راسو بحزن ورؤوف اتقدم على ناريمان وبصلها شويه وقال...اشوفك على خير

ناريمان كانت حابسه دموعها بالعافيه وهزت راسها بحزن ورؤوف بص لغالب وقال بسخريه...بقيت نسخه من ابوك...الي خلف مماتش

غالب قال بطريقه مرعبه..كويس انك عارف انو مماتش والقصر ده عتبتو متخطهاش برجلك الو،سخه علشان لو صدفت ولقيتك هنا مش هتخرج الا على نقاله

حازم قال بغضب...غالب

 بس رؤوف قال ...سيبو يا حازم...ملكش دعوه بيه يلا اشوفكم على خير وخرج من غير ما يرد بكلمه 

ناريمان بصت لغالب بغضب وقالت ...انا هنا وريثه في القصر ده وستو وليا الحق استضيف اي حد سامع ولا لا

غالب قال بغضب مرعب وسخريه...طبعا ليكي الحق..استضيفي الي انتي عيزاه..بس انا رأيي يعني مش ده المكان المناسب تقابلي فيه عشيقك....لو تسمعي مني اعرف واحد بيأجر شقق مفروشه انما ثقه يعني اكيد مش هودي امي عند اي حد

ناريمان حطت ايدها علي بقها وشهقت بصدمه وحازم قال بغضب...اطلع اوضتك يا غالب...اطلع حالا

غالب بصلو باستغراب وقال...ليه بقى..هتعمل ايه لو مطلعتش...يمكن هتضربني يا روح مامي

حازم اتقدم عليه بغضب بس دره اتدخلت وشدت غالب وبقت تزقو وتقول..يلا يا غالب...يلا كفايه كده يلا 

غالب طلع معاها وبقى يقول وهو طالع بغضب...القصر ده قصر ناصر الضاري واي حد مكانش مرحب بيه في حياتو عمرو ما هيبقى مرحب بيه دلوقتي والكلام للجميع ودخل اوضتو والغضب عاميه

حازم اتنهد بيأس وغضب وبص لامه واتملت عيونه دموع وقال...انتي تمام

ناريمان قالت بدموع....دخلني اوضتي تعبانه قوي 

حازم اخدها ودخلها اوضتها 

اما سهى كانت مع اسر بيوصلها بصلها وقال احم...انا..انا اسف على الي عملتو في القسم...انا 

بس سهي قاطعتو وقالت..مفيش داعي فهمت انت عملت كده ليه..سمعتك لما قولت لغالب يعتبرني من اهلك..شكرا

اسر قال... العفو..انا مش عارف اقولك ايه على اليوم الغريب ده بس حاولي تنسيه

سهى بصتلو شويه وسرحت في ملامحو  وقالت بتوهان ...مستحيل انساه

اسر خد بالو لنظراتها وابتسم وقال...انتي عندك كام سنه

سهى قالت بمراوغه....تديني كام سنه

اسر ضحك وقال...اديكي ١٦ بالكتير

سهى قالت بضيق ..ليه... انت شايفني صغيره قوي كده.... انا عندي ١٨ وماشيه في ١٩ بس انا بفهم كل حاجه

اسر ضحك وقال...دا انتي عروسه بقى...ايه رأيك اشوفلك عريس

سهى اتكسفت وسكتت واسر وقف العربيه  قال بابتسامه تجنن...السكوت علامه الرضا...هشوفك تاني امتي

سهى نزلت وقالت...لو زي ما شوفتك انهارده متشكره خالص 

اسر ضحك وقال...لا ان شاء الله اشوفك في كل خير 

سهى قالت... ان شاء الله وطلعت جري على بيتها وهيه مبسوطه جدا

اير بص لطيفها بابتسامه واتنهد وقال...اكيد هشوفك تاني

عند غالب دخل اوضتو وهو هيموت من الغضب بيزعق جامد  ويقول...الي ناقص كمان ..كنتي عشتيه..ولا دخلتو ريحتو ساعتين...الو،اطي..له عين يجي تاني بجاحه مفيش بعد كده

ورايح جاي بعصبيه وهو مش حاسس من كتر الغضب دره وقفت قدامو وقالت بهدوء...اهدى كفايه...اهدى وخد نفسك....العصبيه دي غلط 

غالب بصلها وعيونه لمعو بالدموع وكان  على اخره قال...همووووووت...مخنوق...لها عين تجبو بعد الي حصل هتجنن وقعد على السرير وحط اديه فوق دماغو

دره بقت تبصلو بشفقه وحزن وهيه مش عارفه ايه الي مضايقو من الشخص ده قربت منو وقالت..بلاش تعمل في نفسك كده ارجوك...مفيش حاجه تستاهل

غالب بصلها باستغراب وشاف الدموع في عيونها قال...زعلانه عليا ..ولا خايفه مني

دره قربت عليه وقالت..هخاف منك ليه...انا مبقتش اخاف منك ابدا بالعكس بقيت اخاف لو انت مش موجود

غالب اتفاجأ بردها وحط اديه على خدودها وقربها منو وسند جبينو على جبينها..ونزلت دمعه من عيونه على ايدها

دره اول مره تشوف دموعو قربت منو وحضنتو جامد وبقت تطبطب عليه وتقول..هتنسى هتعدي..كل حاجه بتعدي انت بس قول يا رب وكل حاجه هتتحل 

غالب استغرب دعمها الجميل ده حضنها بقوه وبقى يستمتع بقربها الي كان ليه شكل وطعم تاني خالص 

بعد لحظه طويله دره كانت في حضنو وكانت حاسه انها هيه الي محتجالو وهديت جدا جمبو بعدت عنو ببطأ وكسوف وقالت...احم..يلا علشان ننام تعبنا انهارده وراحت ناحيه الكنبه غالب مسك ايدها وقال...نامي جمبي انهارده

بقلمي..زهرة الربيع

دره بصتلو بتوتر وتردد وغالب قال برجاء...ارجوكي...هنام بس...انا محتاجلك جمبي

دره اتنهدت وهزت راسها بالموافقه وغيرو هدمهم وراحو نامو كل واحد على طرف

غالب ضحك من قلبو على الموقف ودره بصتلو  باستغراب وقالت...بتضحك على ايه

غالب قال بضحك...ابدا..اصل السرير ده اول مره يبقى فيه فاصل كده

دره ضربتو بالمخده وقالت..نام واياك تفكر تلغي الفاصل هقتلك 

بس غالب شدها عليه بقوه بقت في حضنو وقال...مقدرش... خليكي في حضني..علشان اعرف انام 

دره اتنهدت وقالت بتمتمه..طبعا انت متعرفش تنام الا لو فيه واحده في حضنك مبتنامش خفيف ابدا

غالب سمعها وضحك وقال...نامي..نامي علشان شكلك قمر وانتي متغاظه كده ... وانتي الي هتزعلي في الاخر

دره غمضت عيونها فورا وقالت..اصلا نمت.... وغالب فضل يتأمل ملامحها بابتسامه لحد ما نام

في صباح يوم جديد غالب كان بيفطر هو وحازم وناريمان ومش بيتكلمو سوا ودره كانت مع الخدم بيرصو الفطار

غالب شدها من ايدها وقعدها تفطر وقال..اقعدي افطري معايا 

دره اتفاجأت ولسه بتقعد بخوف منو ناريمان قالت بسخريه...هتقعد الخدامه على الفطار

غالب قال باستهزاء...عادي امبارح الجنايني كان بيشرب قهوه في الصالون

ناريمان ابتسمت وشدت كبايه الميه ورشتها في وشو بعصبيه وقالت...انا سكتالك من امبارح الي بتتكلم عليه ده كان جوزي وابو ابني

غالب نشف وشو بهدوء وقال...والي قاعده دي مراتي ..واحترامها من احترامي ومش هسمح بتجاوز معهاها بعد انهارده مفهوم

ناريمان لسه هترد اتفاجأو بدخول ملك 

حازم وقف بسرعه وقال...ملك انتي كويسه كنت لسه هاجيلك و

بس ملك قاطعتو وقالت... عيزاك يا حازم ممكن نتكلم انا وانت لوحدنا

حازم قال باستغراب...اه..طبعا..اكيد

ناريمان قالت افطري معانا الاول يا حببتي

ملك قالت..وقت تاني يا طنط

 ملك لسه هتخرج مع حازم وهيه متجاهله غالب تماما..بس هو قال...ملك انتي كويسه مسلمتيش عليا يعني

ملك بصتلو وبصت لدره بضيق وقالت....اه صحيح نسيت اباركلك..مبروك الجواز يا سياده المقدم عن اذنكو

ملك طلعت مع حازم تحت نظرات الاستغراب الي على وش غالب ونظرات الفرحه من ناريمان غالب بصلها وشافها مبسوطه قال...امممم قولتيلها...طبعا متقدريش تفضلي هاديه اا

ناريمان قالت ...وده يهمك في ايه مش اتجوزت ولا عايز تفضل رابطها جمبك لحد ما تاخد غرضك من  الغلبانه الي معاك وترجع لها

دره حست بالاهانه وعيونها اتملت دموع بس غالب قال...ملك عامله عمليه في القلب...هيه كده كده كانت هتعرف بجوازي بس على الاقل بعد ما تخف مقصدتش الي جيه في بالك ابدا سواء كملت مع دره اولا عمري ماكان فيه بيني وبنها اي حاجه ولا هيكون  علشان ترتاحي بس

دره فرحت بكلامو وابتسمت ابتسامه جميله 

اما حازم دخل هو وملك اوضه المكتب واول ما دخل قالت من غير مقدمات ....تتجوزني يا حازم  ووووو10= العاشر/

قالت بجمود من غير اي مشاعر...تتجوزني يا حازم

حازم اتسعت عنيه بزهول..وابتسم بفرحه..وقال انتي

 ..احم...انتي عايزه نتجوز مش كده...انا وانتي يعني..صح

ملك اتنهدت وقالت...ايوه بس لو مش موافق او

بس قطع كلامها وقال بسرعه موافق..موافق وحالا كمان 

ملك كانت حابسه دموعها بالعافيه وقالت...تعالي باليل وهات معاك المأذون هنكتب الكتاب وتاخدني مش عايزه حفلات

حازم قال باستغراب..طب...طب ونور باشا موفق على كده ولا ايه

ملك قالت بحزم..بابا اهم حاجه عندو موافقتي ...انا همشي دلوقتي وهستناك بالليل

ملك مشيت بحزن وحازم كان هيقع حرفيا من الفرحه جري على امو وحضنها جامد وقال...هنتجوز ...هنتجوز انهارده

ناريمان بصتلو بزهول وحضنتو وقالت..مبروك يا حبيبي مبروك

غالب فهم ملك عملت كده ليه بس شاف ان كده احسن بنسبالو انها تشيلو من دماغها وتبدأ من جديد قال بهدوء..احم...مبروك

حازم بصلو بدهشه وقال بابتسامه...الله يبارك فيك 

غالب طلع فوق ودره طلعت وراه 

واول ما دخلت لقتو قاعد سرحان كانت مضايفه ومش عارفه ليه قالت...احم...زعلت انها هتتجوز..على فكره تقدر تطلقني وترحلها عادي هيه كده كده عيزاك انت

غالب بصلها باستغراب وقرب عليها وقال ...دي غيره ولا انا بتهيألي

دره قالت بارتباك...لا..لا طبعا غيره ايه..واحنا ايه الي بنا علشان اغير

غالب قرب اكتر وقال وهو بيبص في عيونها...مش عارف

دره قالت باستغراب... مش عارف ايه

بقلمي...زهرة الربيع

غالب قال وهو مركذ في عيونها...مش عارف ايه الي بنا..ولا ايه الي هيكون..بس متأكد انك مش عاديه حاسس انك خطر وبقيت اقلق منك خصوصا من عيونك

دره نزلت عنيها بارتباك وبلعت ريقها بتوتر ...وقالت تقصد ايه ..خ *طر ايه مش فاهمه

غالب بعد عنها واتنهد وقال..انسي ..انا مش عارف مالي...الصح اني مقعدش معاكي في مكان واحد ...انا همشي ونزل بسرعه وهو بيهرب من افكارو وعنيها الي بتسحرو وبتقربو منها زي المغناطيس

دره ابتسمت بفرحه بس اختفت ابتسامتها لما افتكرت تهديد الراجل الي كلمها وخافت جدا على اهلها قالت ...انا لازم اتصرف لازم اخد الملف بأي طريقه يارب ساعدني

ونزلت لتحت وهيه بتفكر وشارده بس انتبهت على صوت بكا وشهقات عاليه راحت ناحيه الصوت وكانت ناريمان قاعده بتشوف البوم صور قديم وبتبكي جامد

دره جابت لها كبايه ميه ومدتها عليها وقالت...احم...خدي اشربي 

ناريمان بصت لها باستغراب ومسحت دموعها واتظاهرت القوه وقالت...مش عايزه اشرب...محدش طلب منك حاجه

دره ابتسمت وقالت...انتي انسانه كويسه ...انا متأكده انك مش زي ما غالب بيقول عليكي...هو بيحكم على الناس بالمظاهر ومش بيصدق الا الي تشوفو عنيه بس انا شايفه ان قلبك ابيض وحاسه انك موجوعه وربنا مش هيسيبك...متقلقيش

ناريمان كانت بتسمعها بدموع ودره لسه هتمشي ناريمان قالت...احم...شكرا...فعلا كنت عطشانه ...وشربت 

دره ابتسمت ورجعت على شغلها في القصر

باليل كان غالب راجع سكران زي العاده وكمان زي العاده معاه بنت وكانو بيضحكو وبيطوحو 

دره جريت عليه وقالت بضيق...ايه الي انت عاملو في نفسك ده ..تعالى معايا

وقربت علشان تسندو البنت الي معاه قالت..ايه ده مين دي يا بيبي

غالب ضحك وقال...دي دي مراتي تخيلي كده...القصيره دي مراتي...ومش راضيه بيا كمان

دره اتنهدت بضيق وقالت...لو سمحت اطلع معايا ووطي صوتك شويه

غالب بقى يضحك جامد وقال...ليه..ليه اوطي صوتي خايفه ناريمان هانم تسمع..انتي بالسرعه دي بقيتي تخافي منها ...بس انا مبخفش...يا نريمان هانم...انتي يا هانم ردي

ناريمان طلعت من اوضتها بيأس وقالت...اطلع اوضتك يا غالب ونتكلم الصبح ..الناس نايمه

غالب قال بغضب...لا..لا هنتكلم دلوقتي ...قوليلي..انا ابنك...ولا لا...قوليلي...لو انا ابنك...ازاي بتعامليني كده...ليه ...ليه بتكرهيني.....انا...انا ليه مش بتحضنيني...انا اقولك ليه...علشان انا مش ابن عشيقك...عشيقك الي بسببو   قت** 

لتي ابويا...ابويا الي كان بيمو**ت فيكي ...وو

بس غالب داخ وكان هيقع...ناريمان جريت عليه سندتو مع دره وبصت للبنت الي جايبها بحده وقالت...اطلعي من هنا يا بت انتي غوري يلا

بس غالب زقهم وقال...لا لا..مش هتخرج...هتفضل معايا..هتفضل جمبي..انتي اي حد يفضل جمبي بتكرهيه..وتحرميني منو زي ما عملتي مع ابويا

في الوقت ده حازم دخل مع ملك بعد ما كتبو الكتاب وجابها على القصر

ملك استغربت حاله غالب لانها مش بتشوفو كده ابدا وقالت..هو فيه ايه يا حازم مالو

حازم اتنهد وقال..زي العاده سكران..بس شكلو متقل شويه انهارده واتقدم على غالب وقال...تعالي معايا اطلعك اوضتك

غالب اول ما شافو حضنو جامد وقال...اوووووه العريس....مبروووووك يا عريس..كده متعزمش اخوك..على كتب كتابك

حازم قال بضيق...تعال معايا يا غالب يلا

غالب طلع معاه وهو بيقول...انا هفضل على قلبكم عارف انكم مش عايزيني بس انا قاعد لكم هجننك انت وامك

ناريمان اتنهدت ومشت البنت الي كانت معاه واتقدمت على ملك وقالت...اتفضلي يا حببتي معلش...غالب هو على طول كده

ملك دخلت باستغراب من كل الي سمعتو ومن المنظر الي اول مره تشوف غالب فيه

حازم ودره وصلو غالب ونيموه على السرير وكان بيهلوس جامد

حازم قال وهو طالع...احم..لو احتاجتيني ناديلي على طول...لو قام يعني ولا عمل حاجه

دره هزت راسها بالموافقه وقالت...شكرا

حازم قال بجمود...غالب اخويا حتى لو هو مش معترف بده...

حازم خرج من الاوضه وراح اوضتو وكانت ملك مستنياه هناك قال بحرج ....انا اسف على الاستقبال الظريف ده بس هو على طول كده

ملك قالت بحزن...انا اول مره اعرف انو بيسكر كده يعني كنت عارفه انو بيتردد على اماكن مشبوهه من الاخبار  وكده بس مكنتش اعرف انو بيوصل للحاله دي

حازم اتنهد وقال...هو كده من زمان من ايام مراهقتو..وقتها مات ابوه هو من يومها كل ليله كده

ملك قالت....احم..انا هنام فين

حازم قال بسرعه..هنا..ولو عايزه تغيري حاجه بكره اجبلك المهندس تعملي الي انتي عيزاه

ملك هزت راسها بالموافقه واخدت هدوم ودخلت الحمام 

بعد شويه خرجت وهيه منزله راسها بكسوف  ولابسه بيجامه خفيفه ورقيقه وشعرها البني مفرود على كتافها وكان شكلها يسحر 

حازم وقف وهو بيبصلها باعجاب وقرب منها ورفع وشها ليه وقال...لو تعرفي انا حلمت باللحظه دي قد ايه لو تعرفي دعيت قد ايه تكوني ليا ..انا كنت ممكن اموت لو كنتي لغيري ..انا ب

بس ملك حطت ايدها على سفايفو وقالت بدموع...انا اسفه...انا ....انا مقدرش ابادلك مشاعرك دي يا حازم لاني...احم...لاني .....وبقت تبكي ومقدرتش تكمل

عند غالب بص لدره وقال بسكر..تعالي اقعدي جمبي تعالي

دره اتنهدت وراحت جمبو وقالت...ايه الي انت عاملو في نفسك ده بس 

غالب حضنها وشدها ليه وجات عيونه على عيونها وقرب منها وقال بهمس قدام شفايفها..انتي حلوه قوي...هموت عليكي..وباسها بقوه وجنون...واديه بتتحرك على جسمها ولسه هيكمل

دره بعدت وقالت بدموع...لا لا يا غالب ارجوك..انا

غالب قرب عليها وقال ...انتي خايفه مني خايفه اني اسيبك صح...بس انا مبقتش اقدر ابعد عنك

دره قالت بدموع...انت سكران يا غالب مش عارف بتقول ايه

غالب قال ...لا عارف..عارف اني عايزك جمبي اناا محتاجلك قويييي ولسه هيقرب منها تاني دفعتو وقالت..لا قولتلك..لا لو سمحت

غالب  ولمعت عيونه بالدموع  وبعد وقال....عادي

طبيعي...

دره قربت منووقالت باستغراب..هو ايه الي طبيعي وعادي

بقلمي...زهرة الربيع

غالب بصلها بدموع وقال

..طبيعي متقبليش بيا...اصلا محدش عايزني في حياتو...انا مش بحس باي مشاعر من حد الا لما ادفع  فلوس انما حد يحب وجودي معاه ويشوفني استاهل قربو مبتحصلش..انا..انا حتى امي بتكرهني..مفيش حد طايقني ابدا ...زي ابويا ...هيه قالتلي..هتعيش وحيد وتموت وحيد زيو

دره نزلت دموعها بحزن عليه وغالب كمل وقال...ابويا كان بيحبني قوي بس في يوم كان راجع من شغلو وانا ...اناكان عمري وقتها ١٧ سنه كنت راجع من المدرسه و دخلت لقيت بابا واقف مصدوم مش قادر يتحرك كلمتو مردش عليا بصيت اشوف ايه الي مضايقو وياريتني ما شوفت...كانت ...ناريمان هانم ....امي كانت بتحضن طليقها الجنايني ...وبتبوسو كمان في الصالون تخيلي انتي قدام كل الخدم كانت بتحضنو بتقولو قد ايه وحشها وقد ايه حياتها جهنم من بعدو بابا فضل يبصلهم بدموع واستغربت جدا انو خرج من غير ولا كلمه طلع من القصر وركب عربيتو 

وكمل ببكا شديد ...انا...انا  غبي...غبي كان المفروض احصلو كان المفروض مسبهوش لوحدو مات لوحده في شقه من الي كان ديما يفضل فيها لوحدو.... الدكاتره قالو جلطه في القلب ومحدش لحقو كان لوحدو

انا كمان هعيش وحدي وهموت لوحدي عمري في يوم ما كان حد معايا من بعدو ١٠ سنين لوحدي وهفضل كده

غالب كان بيتكلم بوجع شديد ودموعو بتنزل على خدودو بطريقه رهيبه ودره كانت بتبكي وبتنزل دموعها بغزاره على الالم والوجع الي في عيونه قربت منو وحضنتو جامد وقالت بدموع...انت مش لوحدك ابدا انا...انا معاك ...انا مش هسيبك ابدا

غالب بص لعيونها بدموع وحضنها من وسطها وحط دماغو على رجلها وقال بتعب...ابويا..ابويا كان بيحبها قوي...فضلت الجنايني عليه...بتحب حازم..اكتر مني علشان هو ابنو ...وانا ابن الراجل الي قتلتو بخيانتها...انا بك..بكرها...بكر..بكره ابنها...وبكره..بكره حياتي ..انا بكره نفسي

دره كانت بتملس على شعرو بحنيه ودموعها مش قادره تسيطر عليها وغالب استسلم لنوم عميق ودموعو كانت على خدودو 

عند حازم كان واقف حابس دموعو بالعافيه وملك بعدت عنو وقالت بدموع..انا اسفه مش هقدر اكون ليك..انا بحب واحد تاني مش عارفه افكر غير فيه انا كنت فاكره لما اتجوزك هثبت لنفسي اني اقدر اعيش مع غيره عادي ..بس..بس لسه بفكر فيه..اسفه سامحني

حازم بلع ريقه بالم وقال...غالب مش كده وووو

تابعوووووووني 

الحلقه الحاديه عشر والثانية عشرة من هنا

بداية الروايه من هنا