رواية درة الغالب الحلقه السابعه والثامنه بقلم الكاتبه زهرة الربيع حصريه وجديده على مدونة أفكارنا

رواية درة الغالب الحلقه السابعه والثامنه بقلم الكاتبه زهرة الربيع حصريه وجديده على مدونة أفكارنا 

دره وقفت مكانها بصدمه لما شافتو قريب من اختها جدا وشبه حاضنها كانت هتقع من طولها وقربت عليهم بغضب وقالت..بتعمل ايه

غالب بعد وقال ...متفهميش غلط انا كنت بشوفلها الحلق بس

سهى قالت بتوتر...اه والله يا دره ده الحلق كان

دره قالت بعصبيه..انتي تخرسي خالص خدي الفلوس اهيه ومتجيش هنا تاني لما تعوزي حاجه رنيلي فاهمه

سهى هزت راسها بخوف ومشيت

دره بصت لغالب بعصبيه وغالب قال ببرود..ملكيش حق تضايقيها كده احنا معملناش حاجه لسه

دره قربت عليه وقالت بغضب رهيب...اسمع انا معنديش في الدنيا دي غير امي وسهى..وعملت حجات متوقعتش في يوم اني اعملها علشانهم..سهى خط احمر سامعني يا سياده الرائد لو خايف على نفسك متختبرنيش فيها ..

غالب كان بيبصلها بابتسامه وقال بهدوء...المفروض انك كده بتهدديني..صح ولادي تهيؤات من الجوع

دره قالت بغضب...اعتبرو تهديد يا باشا والاحسن ليك انو يفضل تهديد بس

غالب ابتسم باستهزاء ومشي من غير ما يرد وقال لواحد من الحرس..كلم المؤذون يجي بالليل عايزه

دره سمعتو وكانت بتبصلو باستغراب وغالب دخل القصر من غير ما يكلمها

دره دخلت وراه بعصبيه وقالت استنى هنا كلمني ..انا قولتلك مستحيل  اتجوزك متتعبش نفسك 

غالب قالوهو مكمل هيطلع اوضتو...وانا برضو قولتلك  ..انا مش باخد رأيك

دره لسه هترد حازم كان سامع كلامهم لانهم في الصالون وقال باندفاع....تتجوز مين تتجوز دي...وبعدين تتجوز ازاي اصلا والبنت الغلبانه الي رابطه حياتها بيك 

غالب وقف وبصلو باستهزاء وقال ...انت موعدتهاش بحاجه..وحتى لو وعدتها دي حاجه متخصكش وبعدين شلها من دماغك دي بنت اللوا اكيد مش هتبصلك انت  يا ابن الجنايني

ناريمان وقفت بغصب وقالت...كلم اخوك الكبير كويس ابوه الجنايني ده احسن من ابوك  الباشا ميت مره

بقلمي...زهرة الربيع

غالب ضحك بسخريه وقال...طبعا...لازم تقولي كده وكمل بوقاحه وقال..كان واخد بالو منك وبيعرف يبسطك ويريحك كويس

ناريمان بصتلو بغضب وفاجأت الجميع لما  ضربتو قلم قوي جدا وقالت بحقد..انا معرفتش اربيك ...معاك حق انا فشلت وانت اكبر فشل في حياتي 

غالب لمعت عيونه بالدموع ومسك اخوه من ايده وقال..اتفضلي..نجاحك وانجازك اهو...خليه في حضنك وياريت تلتهو ببعض وملكمش دعوه بيا خالص 

قال كده وطلع جري على اوضتو وحازم بقى ينادي ويقول..غالب...غالب استني.... وكان هيطلع وراه ناريمان نادتلو وقالت بغضب...سيبو...خليه يغور..يارب يموت حتى ملناش دعوه بيه

حازم قرب عليها وقعد عند رجلها وقال بحزن...ليه بس كده...مكنش يصح تمدي ايددك عليه

ناريمان نزلت دموعها وقالت ببكا...مسمعتوش بيكلمني ازاي

حازم شدها لحضنه وقال خلاص اهدي ...علشان خاطري اهدي

ناريمان حضنتو جامد وبقت تبكي اوي وحازم كان بيهديها بس  جات عيونه على دره الي كانت واقفه بزهول من كل الي بيحصل بصلها بغضب وقال...فيه ايه واقفه هنا ليه روحي شوفيه متسبهوش لوحدو

دره هزت راسها باستغراب وراحت ورا غالب وهيه مش فاهمه حاجه

اول ما دخلت الاوضه لقت غالب ماسك قزازه ويسكي وقاعد على الاض وبيشرب وفي قمه الغضب

قربت عليه وقالت...غالب بيه انت كويس

غالب بصلها وقال بغضب...وانتي مالك..روحي شوفي وراكي ايه اكيد مش هقعد اشكيلك همومي

دره اتنهدت وقعدت جمبو وقالت....هشكيلك انا

غالب بصلها باستغراب ودره قالت ...انا لما كان عمري ١٦ سنه...ابويا سابنا واختفى مشي على شغلوومرجعش دورنا عليه كتيرمن غير فايده...من يومها وانا حليت محلو بقيت زي ما بيقولو راجل البيت خلصت الثانويه ومدخلتش الجامعه مع اني كنت من الأوائل بس كان لازم اكمل مصاريف دراسه اختي بس مكنتش زعلانه قوي يعنب وكملت عادي لحد ما في يوم امي وقعت من بلكونه شقتنا في الدور الثالث وحصل لها مشكله في الضهر وبقت عاجزه على كرسي بعجل...مش بتقدر حتى تدخل الحمام لوحدها بس الدكاتره قالو انها محتاجه عمليه وهتبقى تمام صحيح تمن العمليه كبير بس انا هجمعو وهعملهالها

انا بشتغل من زمان مفيش حاجه مشتغلتش فيها ولما ذادت مصاريف علاج امي اضطريت اشتغل في البارات تعبت واتمرمطت لا كن مفيش ولا في يوم قعدت قعدتك دي...انت ممكن تكون مشاكلك اكبر..وحياتك اصعب..بس المفروض عليك تكمل وتبص لنص الكبايه المليان زي ما بيقولو...لازم تقاوم وتعيش حياتك انا متأكده ان الي حاصل معاك صعب واضح من شخصيتك ام مش اي حاجه تكسرك بسهوله بس كمان متأكده ان مهما كانت المشكله انت اقوي منها 

دره قالت كده ولسه هتقوم غالب شدها عليه وحضنها بقوه وقال بدموع...شكرا...شكرا بجد

دره بعدت عنو وقالت بحرج...احم....العفو عن اذنك لسه هتمشي غالب قال بقولك ايه ..انا هعملك عمليه والدتك 

دره بصتلو باستغراب وقالت...انت عارف المبلغ كام

غالب قال ...ميهمنيش هعملهالك..لو بمية مليون...المهم..هنتجوز انهارده قولتي ايه

دره بقت تبصلو بزهول وقالت..انا مش فاهمه اصرارك الغريب على الجواز مني...شوف انا هريحك..انا اقسم بالله ما فيه حد لمسني مش ده الي عايز تعرفو 

غالب ضحك وقال...كده صدقتك انا...شوفي انا لا مصدق انك بريئه كده ولا انك ملكيش،في المشي ده ولا حتى الفيلم الي قلتيه ده كلو صدقتو... الصراحه بحكم مهنتي اتعودت مصدقش حد مهما كان كلامو مقنع ..بس انا استجدعت وففتك جمبي....اصلا اول مره اتضايق والاقي حد جمبي...المهم علشان كده  لو فعلا عندك ام محتاجه عمليه موافق اعملهالك بس نكتب الكتاب انهارده

دره اتنهدت وقالت...وانا موافقه...بس هاخد الفلوس قبل كتب الكتاب ...كمان احم..هنكتب الكتاب بس مينفعش تجبرني على حاجه انا مش عيزاها فاهمني طبعا

غالب ضحك  وقرب منها جامد وقال قدام شفا،يفها...موافق..انا هعرف ازاي اخد الي انا عايزه وبرضاكي كمان

دره كانت بتبص في عيونه وتاهت فيهم وغالب بقى يمشي عيونه على ملامحها البريئه وعيونها الي بقو سر بالنسبالو بس قطع نظراتهم صوت تليفون غالب

دره بعدت بكسوف وقالت..تليفونك

غالب اتنهد باستغراب من حالتو لما بيكون قدامها  وراح رد علي تليفونه وكان اسر قال...ايوه يا غالب

غالي قال..ها يا اسر فيه اخبار

اسر قال...واحلى اخباركمان  رشدي طلع هنا في القاهره بس لسه مش عارفين نحدد مكانو

غالب قال بفرحه..انت متأكد ..متأكد انو هنا

اسر قال.. ايوه اكيد... المصادر موثوقه قلت اطمنك واول ما اعرف حاجه هقولك على طول

بقلمي...زهرة الربيع

غالب قال..المهم الملف معاك

اسر قال ..ايوه معايا انا على فكره حاسس ان مش امان يفضل هنا خليه عندك احسن

غالب قال...انا فعلا هعمل كده بكره هجيبو واخليه عندي ....و قفل معاه وهو فرحان جدا وقال..الظاهر ان الحكايه قربت قوي

دره استغربت فرحتو وقالت ...خير

غالب ابتسم وقال..خير...كل خير

عند سهى رجعت البيت وفيه حد مشي وراها وخدرها وحطها في عربيه وطلع بيها على مكان مجهول

باليل عند دره كان المؤذون في الصاله وبيكتب الكتاب وكانت دره متوتره جدا وهتموت من الخوف 

وفعلا تم كتب الكتاب وغالب شدها من ايدها وطلع بيها

ناريمان ابتسمت بسخريه وقالت....استنى عليا... وطلبت رقم وقالت..الو اذيك يا ملك يا حببتي اذيك واذي بابا...استغربت والله ان غالب معزمهوش

ملك قالت باستغرب..يعزمو على ايه يا طنط خير

ناريمان قالت بخبث.... انتي متعرفيش ولا ايه مش غالب كتب كتابو انهارده عقبالك

ملك فضلت ساكته مش بترد واتسعت عنيها بصدمه وحطت ايدها على قلبها بصدمه ودموع  وفجأه اغمى عليها

حازم قال بعصبيه...ليه كده ..قولتيلها ليه وسحب منها التليفون وبقى يقول بخوف...الو..الو كلم..ملك انتي سمعاني 

بس ملك  كانت غابت عن الوعي وحازم  قال بغضب ... غلطتي يا ماما غلطتي قوي وسحب مفاتيحو ولسه هيمشي ناريمان مسكت ايده وقالت...كل ده علشانك لازم تنساه وهجوزهالك اصلا البنت تستاهل حد يحبها بجد زيك

بس حازم نفض ايده وقال بدموع...بس انا كنت عايزها مبسوطه وبس مكنتش عايزها تتجرح كده و نزل جري وهو بيقول...والله حرام عليكي

ناريمان قعدت وابتسمت وقالت...بكره تعرف ان معايا حق في كل الي بعملو

عند غالب دخل الاوضه وقفل الباب وقال...مبروك يا عروسه...وقرب منها وشدها عليه جامد وقال...اخيرا وقرب هيبو،سها بس دره دفعتو وقالت...لا...لا مش عايزه..وانبي تسبني انت...انت  وعدتني

غالب بصلها بغضب..وقال..فيه ايه يا بت انتي مالك...جواز واتجوزنا عايزه ايه تاني...اهدي معايا علشان متتبهدليش فاهمه وشدها عليه وبا،سها بقوه وعمق

وبعد عنها شويه وقال وهو بينهج...عسل يا بت تجنني ولسه هيقرب تاني دره قالت بتوتر....لا ...مش هينفع...مش هينفع

غالب قال بضيق...ومش هينفع ليه بقى... 

دره فكرت شويه وابتسمت بمكر وقالت..اه اصل...اصل انهارده مش هينفع ابدا عندي عزر قهري

غالب بصلها بزهول وقال ..نعم يا اختي

عند حازم وصل فيله جميله على البحر ونزل ودخل جري وقال...نور باشا..نور باشا

نزلت سن جميله كده وانيقه دي رقيه ام ملك  قالت...نور مش موجود خير يا حازم يا ابني فيه ايه

حازم قال بارتباك...طيب اوضه ملك من فين

رقيه استغربت وقالت...فوق و

بس قبل ما تكمل حازم طلع جري على السلم ورقيه طلعت وراه وهيه بتقول..في ايه استني يا جدع انت ..انت رايح فين

بس حازم شاور على اول اوضه و قال...هيه دي الاوضه 

رقيه قالت بقلق...ايوه بس فيه ايه  و

بس حازم بقى يخبط على الباب بقوه ويقول...ملك ملك  انتي سمعاني 

رقيه استغربت جدا وقالت بعصبيه..البنت نايمه فيه ايه ..لو مقولتش فيه ايه هتصل على نور يجي يشوفلو صرفه معاك

بس حازم مكانش مهتم بالي بتقولو ورجع لورا وضرب الباب برجلو اتكسر ورقيه شهقت بخضه لما لقت ملك واقعه في الارض مغمى عليها  

في مكان غريب سهى فتحت عنيها باستغراب وبقت تبص حواليها بس اتفاجأت بالمكان الي هيه فيه كانت اوضه غريبه جدا وفيها اضويه حمره غريبه وفيه اصوات اغاني عاليه واصوات ضحكات اعلى

سهى  استغربت قوي ولسه هتقوم اتفاجأت لما  لقت نفسها بقميص نوم قصير وفيه واحد واقف بيبصلها بشه،وه  ووووووو8=الثامن /

سهى فتحت عنيها باستغراب لقت نفسها بقميص نوم قصير وفيه واحد واقف بيبصلها بشهو،ه 

اتخضت ورجعت لورا وهيه بتداري نفسها باي حاجه قدامها وقالت فيه ايه انا فين ...انت مين 

الشاب اتقدم عليها وهو بيبصلها بنظرات وقحه وقلع قميصه واتقدم عليها ببطأ

سهى اترعبت وبقت ترجع لورا بخوف بس فجأه سمعو صوت عربيه البوليس والشاب خرج جري والناس الي بره بقو يجرو وسهى مكانتش فاهمه حاجه ابدا وبصت من الباب شافت الظباط بيطلعو رجاله وستات مش لابسين هدوم وبياخدوهم معاهم وفجاه واحد منهم شدها من ايدها واخدها معاهم وهيه كانت بتصرخ وبتحاول تلبس حاجه بس اخدها زي ما هيه بقميص النوم

.....................................................

عند دره كانت قاعده على السرير بتفرك ايدها بتوتر وغالب  بصلها بابتسامه جانبيه وقال...عزر قهري....اممممم...عارفه لو كنتي بتكدبي عليا هعمل فيكي ايه

دره بلعت ريقها بخوف وقالت..ابدا هكدب ليه..احم ده الي حاصل هعملك ايه يعني

غالب قال بطريقه تخوف...براحتك...انهارده عندك عزر بكره هتتحججي بايه.. هتروحي مني فين انا وراكي والزمن طويل لحد ما اعرف اخرك 

دره قالت بتوتر...طيب..طيب مش جعان احضرلك تاكل ولا تنام احسن

غالب قعد على الاب بتاعو وقال...مش عايز اسمع صوتك احسن من الاتنين

.....................................................

اما حازم اول ما دخل وشاف ملك مغمى عليها شالها وحطها على السرير وطلب لها دكتور وكان بيحاول هو ووالدتها يفوقوها

رقيه قالت بدموع..ايه الي حصل ...انا مش فاهمه حاجه...كانت كويسه قوي ودخلت تنام  ..و..وبعدين انت عرفت ازاي

بقلمي..زهرة الربيع

حازم لسه هيرد الدكتوره دخلت وهو طلع وفضل مستني بره بتوتر لحد ماجيه اللوا نور وقال بقلق ..فيه ايه يا ابني ايه الي حصل

حازم قال....احم..هو..هو الي حصل كانت بتكلمنا في التليفون وفجأه مردتش انا قلقت عليها وبقيت ارن لحضرتك بيدي مغلق وهيه مش بترد اضطريت اجي ..ولقيناها مغمى عليها و

بس قطع كلامهم خروج الدكتوره وقالت...اطمنو هيه احسن دلوقت انفعال ذياده..انا مش قولت ان العصبيه والانفعال غلط عليها..يا نور بيه ملك عامله عمليه في القلب يعني المفروض متتوترش ولا تنفعل

نور قال بهدوء...اكيد هحاول متتكررش شكرا يا دكتوره الدكتوره خرجت ونور بص لحازم وقال..ايه الي حصل..كنتو بتتكلمو في ايه خلاها بالحاله دي

.......................................................

عند سهى كانت قاعده بتبكي جامد ودخل اسر بيبص على المتهمين وجات عينو عليها واتسعت بشده وزهول وبص للبسها وقال...احم..هاتلي البنت دي على مكتبي

سهى دخلت عند اسر وهيه منهاره وبتبكي جامد وحالتها صعبه مش لاقيه النفس 

اسر اتخض جدا عليها وشربها ميه بالعافيه مكانتش قادره تشرب وقال...اهدي..اهدي متخافيش انا جمبك تمام اهدي

سهى بصتلو بدموع وقالت بصوت متقطع..مل..مليش..دعوه...معم..معملتش..حاجه...والله..معملتش حاجه

اسر قال بهدوء. تمام..تمام اهدي الاول وهنعرف كل حاجه 

.....................................

عند دره قالت بتوتر....هو احنا هنطلق امتى

غالب رفع حاجبو بدهشه وقال بضيق...هو احنا اتجوزنا علشان نطلق 

دره قالت بارتباك.....طيب لو...لو يعني..... في حال انت... انت عملت الي انت عايزو يعني... هتسبني امشي

غالب قفل اللاب وقرب عليها وقال..انتي ليه حابه تمشي من هنا 

دره قالت ...ابدا بس انا شايفه ان مليش لزمه افضل هنا وبعدين امي واختي

غالب وقف وقال قاصد يضايقها..متقلقيش امك هتعمل العمليه بالفلوس الي اخدتيها واختك دي مزه متقلقيش عليها يعني من بكره هتشق طريقها في الكبريهات والبارات وهيبقالها مستقبل زي اختها متقلقيش عليها

دره وقفت وقالت بغضب...انا قولتلك اني اشتغلت هناك مضطره بس اختي مش مضطره ابدا والاماكن المقرفه دي سهى تتكسف ما تمشي قدام بابها  سهى دي قطه مغمضه  ملهاش في الحجات دي مش زي ما انت فاكر ابدا

غالب قال  باستهزاء...طب وانتي ليكي في الحجات دي...هسألك وتجاوبيني بصراحه...نمتي مع كام واحد

دره قامت وهيه بتقول بغيظ.... اللهم طولك يا روح يا رب صبرني على الغباء

غالب مشي وراها وكانت بتطلع هدوم وقف قدامها وقال...طب بلاش السؤال ده مش هنتفق فيه...طب كام واحد با،سك قبل كده ها قولي متتكسفيش انسي اننا  اتتجوزنا

دره راحت ناحيه الحمام وقالت بضيق...اصلا ناسيه

بس غالب وقف قدامها وقال..طب انا بو،ستك من شويه حستي بايه ...مين احلي انا ولا الي عرفتيهم قبلي قولي كده اجمل بو،سه اخدتيها كانت من مين قولي مش هزعل

دره بصتلو بغيظ وقالت...انت..بني ادم..مقرف..تمام مقرف ...ودخلت تستحمى 

غالب ابتسم وهو باصص لطيفها بتوهان  وقال...معقوله تكوني فعلا بريئه كده.. بس نفض اي افكار من دماغو وقال..مستحيل طبعا دي كانت بتقلع في البار لا لا مستحيل

.................................................

عند حازم حكى لنور ان ملك عرفت بجواز غالب وكان قاعد بحزن على بنتو لانو عارف هيه بتحبو قد ايه قال...مكانش يصح تقولها يا حازم انت عارف ان العمليه لسه في شهورها الاولي

حازم قال بحرج..احم.. انا اسف والله ...هيه امي الي قالت لها هيه مكانتش عارفه انها بتفكر في غالب اصلا يعني جات كده

رقيه قالت بفرحه..الحمد لله خلاص الي حصل حصل..شكرا يا ابني انا انهارده لولاك مكنتش هعرف انها تعبت اصلا

حازم ابتسم وقال..استأذن انا وهجيلها وقت تاني

حازم مشي ورقيه قالت بابتسامه....الحمد لله ربنا استجاب لدعايا اهو غار واتجوز

نور بصلها بعصبيه ورقيه قالت..متبصليش كده انا خايفه على بنتي ده بني ادم اخبارو لوحدها تشبه انا عارفه انك بتحبو وبتحب ابوه الله يرحمو بس انا مش بجامل ببنتي...وعندي احساس ان ربنا هيستجاب لدعوتي التانيه كمان

..................................................... 

عند غالب دره كانت بتنشف شعرها ولابسه بيجامه رقيقه وخفيفه وغالب كان بيبصلها باعجاب شديد 

دره خدت بالها من نظراتو واتوترت وقالت...احم..بتبصلي كده ليه

غالب ابتسم وقال...عجباني

دره اتكسفت واتوترت خصوصا لما وقف وقرب عليها وبقى يمشط شعرها بين صوابعو بهدوء 

دره بلعت ريقها باتباك وغالب بعد شعرها على جمب وباسها من رقبتها بهدوء مهلك للاعصاب ودره غمضت عنيها باستسلام 

غالب لفها ليه وعنيه بتلمع بانبهار بجمالها وقرب من شفايفها ببطأ بس قطع لحظتهم صوت التليفون 

دره زقتو ورجعت لورا بخضه وغالب مسح على وشو بضيق وبص للتليفون بغضب وفتح وقال بعصبيه...الو

وكان اسر استغرب عصبيتو وقال...ايوه يا ابني فيه ايه مالك

غالب اتنهد بضيق وقال..ايوه يا اسر خير

غالب سكت يسمعو  واتسعت عنيه بشده من الي بيسمعو وقال..طيب جاي ..جاي حالا وقفل معاه

دره قالت بقلق.... خير فيه حاجه ولا ايه

غالب قال بابتسامه سخريه..لا ابدت اختك القطه المغمضه قفشوها في شقه مفروشه للدعاره

بقلمي...زهرة الربيع

دره اتسعت عنيها بشده وكانت هتقع من طولها وغالب سندها وقال..اهدي...واجمدي علشان نعرف نخرجها

.......................................................

عند اسر قفل مع غالب وكانت سهى حكتلو الي حصل وكان نفسو يصدقها احساسو بيقوب انها صادقه بس الي حكاه غالب عن اختها والطريقه الي اتمسكت بيها بتخليه يشك 

رجع قعد قصادها وقال...احسن دلوقتي

سهى قالت بتوتر...دره جايه قولتلها

اسر قال ..ايوه زمانها على الطريق

سهى هزت راسها  وقالت بتوتر.... هو....هو انا هيحصلي ايه...هتسجن يعني

اسر ابتسم وقال...لو الي قولتيه حقيقي اكيد مش هنسمح تتسجني 

سهى قالت بحزن ودموع ..لسه بتقول لو حقيقي لعد كل الي حكيتهولك..معنى كده محدش هيصدقني ابدا 

اسر اتأثر جدا بدموعها بس مكانش متأكد وفجأه خطرت في بالو فكره غالب كان طبقها قبل كده مع واحده شكو فيها اتردد شويه بس اتشجع واصر ينفذها 

اسر قرب منها وحط ايده على رجلها وقال بطريقه وقحه...انا اقدر اخرجك من هنا...ومحدش هيعرف...ومشى ايده على رجلها وقال...انا ياما خرجت بنات زيك بس تسمعي الكلام

سهى بعدت رجلها وقالت احم..مش فاهمه اعمل ايه يعني

اسر وقف وشدها عليه وقال وهو بيبص في عيونها...محدش هيعرف بحاجه..وهمشيكي من هنا بس هنتسلى شويه وقرب يبو،سها بس سهى زقتو بقوه وقالت بخوف...ابعد عني...ابعد يا حيو،ان وراحت ناحيه الشباك وقالت... والله ارمي نفسي من هنا

اسر ابتسم لما افتكر مره غالب عمل كده مع بنت ووافقت على طول قال..اهدي يا سهى...اهدى انا بختبرك بس مش هقربلك متقلقيش

سهى قالت بخوف ...لا لا انا عايزه امشي طلعني من هنا هقف بره 

اسر شدها عليه وقال بابتسامه...متقلقيش مني...انا مستحيل اذيكي وهخرجك من هنا وقعدها على الكرسي وداها حاجه غطت نفسها بيها

 دره وصلت قسم الشرطه وهيه مرعوبه على اختها ودخلو عند اسر وسهى اول ما شافت اختها جريت عليها وحضنتها وبقت تبكي جامد

غالب بص على لبسها من فوق لتحت واتنهد و راح لاسر وقال..ايه النظام

اسر قال بثقه..البنت بريئه انا متأكد فيه حد قاصد يورطها كانت مخطوفه وصحيت لقت نفسها هناك

غالب ابتسم بسخريه وقال...وانت بقى صدقتها.... ولسه هيقرب يحقق معاها

اسى مسك ايده وقال..ايوه مصدقها ..لو سمحت يا غالب ملكش دعوه بيها اعتبرها من اهلي

غالب استغرب وقال...اهلك....لدرجادي...يا ابني انت شوفتها مرتين بس لحقت بلفتك

اسر قال بضيق...غالب..وبعدين

غالب قال بسرعه...خلاص ..سكت.. براحتك ...بس انت اكيد عارف اننا بناخد بالادله بس

اسر قال..عارف وهتصرف..بس المهم اخرجها انهارده قبل ما تترحل الصبح على النيابه

سهى كانت بتبكي وبتحكي لاختها الي حصل ودره كانت مصدقاها وزعلانه جدا عليها وقالت..اهدي يا حببتي هخرجك من هنا ارجوكي اهدي و

بس قطع كلامها صوت تليفونها بصت للمتصل بتوتر وخوف..وطلعت بره الاوضه وقالت... الو.

جالها صوت شخص بيقول...ايه درتي ان شاء الله هديتي عجبتك

دره قالت بارتباك ..سهى ملهاش ذمب ابوس ايدك بلاش تضيع مستقبلها

الشخص ده قال...انا بعتك عند الظابط ليه... علشان تروحي تتجوزيه يا روح امك ..اشربي بقى ووووو

تابعوووووووني 

الحلقه التاسعه والعاشره من هنا

بداية الروايه من هنا