رواية درة الغالب الحلقه الحاديه عشره والثانية عشرة بقلم الكاتبه زهرة الربيع حصريه وجديده على مدونة أفكارنا

رواية درة الغالب الحلقه الحاديه عشره والثانية عشرة بقلم الكاتبه زهرة الربيع حصريه وجديده على مدونة أفكارنا 

انهارده ليله دخلتنا وانتي بتقوليلي بتحبي غالب...بتحبي اخويا ..المفروض اعمل ايه دلوقتي محستيش ان المفروض تقوليلي قبل ما نكتب كتابنا...محستبش ان من حقي انك حتى تديني خبر ..انا عارف يا ملك..عارف انك بتحبيه من زمان بس كنت اتمنى انك تقوليلي صدقيني مكنش هيغير قراري

ملك بصتلو بزهول وقالت...عارف ووافقت

حازم اتنهد وقال...زي ما انتي بتحبيه ...انا بحبك..ومش قادر اتخطاكي ..انا فكرت انك عرفتي ان غالب مش بيحبك وقررتي تعيشي حياتك وكنت مبسوط حتى لو هكون مجرد طريق علشان تنسيه ..فكرت ان ممكن يجي يوم وتحبيني ..بس كنت غلطان

ملك قالت بدموع...حازم انا

حازم فاطعها وقال..انتي مش مجبره على اي حاجه ولا حتى التبرير ..انا كنت عارف انا اتحمل ده ...ولو ..احم ندمتي

وعايزه ترجعي في قرارك..هنفضل سوا فتره علشان منظرك قدام الناس ونطلق عادي جدا

ملك كانت بتسمعو بدموع وحازم اخد مخده وغطا وبقى يجهز الكنبه وبيقول....انتي نامي على السرير انا هنام هنا..ومش عايزك تفكري في حاجه وكفايه عياط علشام متتعبيسش و

بس قطع كلامو لما جريت عليه وحضنتو من ضهره وقالت ببكا..انا اسفه..اسفه بجد

حازم اتنهد وحاول يتماسك وبصلها بابتسامه وقال...انا قولتلك انا تمام ارجوكي متضغطيش على نفسك اكتر  الانفعال غلط عليكي ارجوكي ..وكمل بمرح وقال..طب كفايه عياط علشان شكلك بقى قمر قوي وانا مش حمل الجمال ده كلو والله يغمي عليا

حصريا لصفحتنا عالم الروايات

ملك ضحكت وسط دموعها وحازم حط ايده على قلبو وقال.يخربيت كده روحي نامي يا ملك روحي

ملك ضحكت وراحت تنام وهيه بتقول..تصبح على خير

حازم قال... وانتي من اهل الخير ونام على الكنبه بحزن وقال في نفسو...كنت متوقع ايه يا غبي...امتى هتفوق لنفسك بقى

في صباح يوم جديد غالب قام من النوم واتفاجأ بدره نايمه في حضنو وحضناه جامد

استغرب وحاول يبعد بس دره صحيت على حركتو فعمل نفسو نايم بسرعه

دره قامت وبصتلو شويه وافتكرت الي قالو بالليل وزعلت عليه جدا بقت تبص لملامحو قد ايه فيه برائه الاطفال وهو نايم قربت منو اكتر وحطت ايدها على وشو بنعومه وقربت جامد وباستو من خدو برقه

ولسه هتقوم غالب شدها بحركه سريعه بقت تحتو وبقى يبص لملامحها كأنو بيحفظها وقال...كنتي بتعملي ايه

دره ارتبكت واتكسفت وقالت..هعمل..ايه يعني..احم ولا حاجه

غالب قرب منها وقال بهمس...طب كملي جميلك بقى

دره قالت باستغراب... جميل ايه

غالب قال وهو تايه في عيونها..شفايفي غارو من خدي يرضيكي كده

دره ضحكت وقربت منو وغمضت عيونها وباستو من شفايفو برقه وسرعه وكانت هتبعد بس غالب سبت راسها بايده وباسها بقوه وعمق وبعد عنها بالعافيه وقال..واحده كمان...وانبي... وقرب تاني

بس دره زقتو بخفه وقامت بسرعه وقالت..انت طماع اوي ..يلا قوم تليفونك صدعني في شخص مزعج رنلك كتير

غالب اتنهد ومسك تليفوتو وقال..ده اسر انا اتأخرت على الشغل وشكلي هتنفخ

دره قالت بغيره ...طبعا الي كان بيسندك بنتو اتجوزت

بقلمي...زهرة  الربيع

غالب بصلها باستغراب وقال...انتي جايبه الكلام ده منين ده كلام حازم

دره قالت ..مش المهم انو صح

غالب قال بضيق ..لا طبعا مش صح ابدا..انا مسنود بسبب كفائتي وتساهل اللو معايا بسب انو صديق لبابا الله يرحمو مش علشان بنتو اصلا انا قولتلو ان مشاعر ملك من طرفها هيه بس وهو كان عارف متسمعيش لحازم وامو دول كلامهم عليا كتير

دره قالت بفرجه..بجد يا غالب يعني مش بتحبها ابدا

غالب ابتسم ورفع حاجبو وقال..يهمك اوي يعني

دره قالت قربت منو وقالت بدلال..يعني

غالب شدها عليه جامد وقال...وحياتك القلب ده عمره ما حب...ولا عرف يعني ايه حب...بس شكلو كده هيتعب قوي الايام الي جايه

دره ضحكت ضحكه تجنن وغالب قرب منها وقال ...اوووووف..مش بقولك هيتعب

دره زقتو وقالت بضحك...يلا كفايه رغي علشان تلحق شغلك

غالب اتنهد وقال ....الامر لله وقام ياخد هدومو

دره قالت بتوتر...انت هتروح القسم

غالب قال ..اه هستحمي وانزل على طول فيه ملف مهم لازم اجيبو

وحمحم بحرج وقال .... على فكره مفيش داعي انبهك الكلام الي قلتو امبارح يفضل بنا ...انا كنت سكران و

بس دره ابتسمت ومسكت ايده وقالت..اكيد بنا وتقدر تثق فيا وتقول الي انت عايزه...

غالب باسها من خدها وقال..ما هي المصيبه اني بقيت اثق فيكي...ربنا يستر

غالب قال كده بعفويه ودخل الحمام ودره نزلت دموعها لما افتكرت انها لازم تخون ثقتو لثواني حست انها المفروض تقولو بس افتكرت اختها والموقف الي اتحطت فيه وامها والي حصلها اتنهدت بحزن ومسحت دموعها وحاولت تتماسك علشان تطلع باقل الخساير

عند حازم قام من النوم وكانت ملك نايمه اتنهد بحزن لما افتكر كلامها احساسو انها بتحب غيرو صعب بس اعترافها بكده قدامو اصعب بكتير اتنهد ونفض اي افكار من دماغو ولسه هيقوم شافها بتقوم عمل نفسو نايم تاني

ملك صحيت وافتكرتو نايم وقامت لبست روبها وطلعت تتسحب واول ما طلعت كان غالب هينزل وشافتو وقفت وقالت بسخريه..مش هتقولي صباحيه مباركه

غالب وقف باستغراب وبصلها وقال...صباح الخير يا ملك...انتي تمام مش كده

ملك اتغاظت جدا من هدوءو وقالت..جدا مبسوطه جدا متجوزه وبحب جوزي ..اكيد انت مش هيعجبك الكلام ده بس دي الحقيقه

غالب ضحك وهو عارف ان كل ده كلام وقال...انا اتمنالك سعاده الدنيا كلها يا ملك انتي عارفه انتي بنسبالي ايه

ملك قربت عليه وقالت بدموع..لا لا مش عارفه يا غالب..بس عارفه انت ايه بالنسبالي..انت كل حاجه والهوا الي بتنفسو... ليه...ليه عملت معايا كده معقوله مصعبتش عليك...معقوله محبتنيش ابدا...بس انا حبيتك يا غالب واوي كمان

غالب اتنهد بحزن ولسه هيرد اتصدم بالي واقف يسمعهم بدموع وكان حازم خرح يدور عليها ويا ريتو ما خرج

غالب بلع ريقه بحزن عليه لاول مره..هو لسه فاكر وجع ابوه لما سمعها بتعلن حبها لواحد غيره وميتمناش يشوف اي حد في الموقف ده

حاول يتكلم او يقلو حاجه مقدرش فضل باصصلو باسف وبس

ملك استغربت نظراتو التفتت مكان ما بيبص واتجمدت بصدمه لما شافت حازم

غالب نزل بسرعه من غير ما يقول حاجه وملك اتقدمت على حازم بكسوف شديد وقالت بدموع...حازم انا

بس حازم قاطعها وحاول يحبس دموعو وقال بحزم...متطلعيش من الاوضه بلبسك ده تاني..طول ما انتي على زمتي...ممنوع تطلعي كده...ويا ريت زي ما انا بحترمك يبقى فيه احترام ليا

قال كده ودخل الاوضه بغضب وملك مسحت دموعها ودخلت وراه

عند غالب كان في القسم قاعد بيتكرر قدامو صوره حازم ودموعو الي بالعافيه حايشهم وقال بضيق..اوووووف..انا مضايق ليه مايولعو هما الاتنين من امتي بيهمني حازم اصلا

وحاول يهدي وبقى يشتغل بس الباب خبط قال.. ادخل

دخل اسر وقال...عندي ليك خبرين التنين احلى من بعض

غالب قال بضيق..قول انا محتاج اخبار كويسه انهارده

اسر خد بالو انو مضايق قال..ليه فيه حاجه حصلت ولا اي والدتك تاني

غالب قال...لا متشغلش بالك موضوع كده المهم ايه الاخبار الي عايز تقولها

اسر قال اول خبر اللوا وافق انك تحتفظ بملف رشدي النمر عندك هو شايف انك اهل ثقه

غالب ابتسم وقال..مممتاز كده عندنا ادله كافيه تدينو ناقص بس نحدد مكانو وهنقبض عليه على طول

بقلمي....زهرة الربيع

اسر قال بابتسامه..ان شاء الله قربت ..مش عايز تعرف الخبر التاني

غالب قال  وهو بيبص للملف بفرحه..انت دلوقتي قول الي انت عايزه

اسر قال بفرحه..بحب بنت وهخطبها الفتره دي

غالب بصلو بانتباه وصفر وقال...الله الله من ورايا

اسر  بفرحه..لا مهو كل حاجه حصلت  بسرعه

غالب قال بابتسامه..الف مبروك بس مين سعيده الحظ بقى هيه ولا حد تاني...اكيد هيه

اسر قال باستغراب ...تقصد مين

غالب قال ...اخت دره مش كده

اسر ضحك وقال..فعلا بس عرفت ازاي

غالب ضحك وقال..ياض انت صاحبي من عشرين سنه..اصلا من اول ما قولتلي اعتبرها من اهلي وانا اتوغوشت عليك

اسر ضحك وقال..معاك حق البنت لطيفه اوي واتعلقت بيها اوي اوي ..احم..وهيه كمان يعني موافقه

وشكلها كده بتحبني

غالب قال...يا سيدي ربنا يهنيك وانا هعملك احلى خطوبه باذن الله

اسر قال باذن الله طب انت ايه جدولك بقى انهارده ...يعني بقول نطلع نتعشى سوا احنا الاربعه واهو نتعرف

غالب قال باستغراب..مين الاربعه دول ..لااااا انا هقضيها في البيت...انا صدقت ما رضيت عني وشكلها الايام الي جايه هتبقى اخر دلع ...عن اذنك

اسر ضحك وقال...يا سيدي ربنا يهنيك

غالب اخد الملف ورجع على القصر بفرحه بس اتفاجأ باللوا نور قاعد مع ناريمان وبيقول...شوفت رءوف من يومين امتى رجع

ناريمان قالت بابتسامه...لسه من كام يوم راجع

نور قال ..احم..جيه هنا شاف ابنو

ناريمان قالت بحزن..جيه وغالب طردو ..

نور قال بحزن..ما انتي الي غلطانه يا ناريمان...كان لازم تحكيلو لازم بعرف الي ابوه عملو معاكي..ولازم يفهم انتي تعبتي قد ايه

ناريمان لسه هترد دخل غالب زي الاعصار وقال...الله الله يعني مش كفايه الي عملتيه فيه وانك قتلتيه كمان مفهمه الناس انك ضحيه

نور قال بزعيف..غالب كلم امك كويس عيب كده

غالب قال بمنتهى العصبيه..دي  متعرفش معني الكلمه دي اصلا ..معندهاش فكره يعني ايه عيب..احكيلو..احكيلو عن خيانتك للراجل الي معذبك وتعبتي بسببو قوليلو

ناريمان اتنهدت وقالت اشوفك مره تانيه يا نور باشا عن اذنك هطلع انام شويه

غالب مسكها من دراعهابعصبيه وقال... لا مش هتروحي مكان بقولك قوليلو...قوليلو عن خيانتك لابويا قوليلو انو مات بسببك يلا احكيلو

ناريمان قالت بغضب...سيب ايدي..احترم اني امك

غالب ضحك جامد وقال..امي...لا والله انتي امي معلش مكانش عندي خبر لسه عارف منك والله ..وانتي من امتى كنتي امي

نور قال بضيق..انا مش هقدر اسمع الغباء ده انت يا بيه لازم تعرف ان

بس ناريمان قالت بغضب...نور..لو سمحت

نور سكت وغالب بصلهم باستغراب وقال..لا برافو..لا والله برافو..قدرتي تخليه مقتنع انك بريئه ممتاز ميتخافش عليكي والله

نور اتنهد بحزن وخرج من القصر بعصبيه ناريمان قالت بغضب..عاجبك كده..مشيت الراجل

غالب قال بمنتهى الغضب..انا اسف..نسيت انك بتموتي في قعدة الرجاله

ناريمان بصتلوبزهول وغالب قال بعصبيه وزعيق...حالا...هتقوليلي..حكيتيلو ايه عن بابا حالا  يلا انطقييييييييي

ناريمان بقت على اخرها منو وقالت بقوه..عندك استعداد تسمع ..هو يعرف ايه عن ابوك..

انا معنديش مانع اقولك تحب نبتدي من فين

غالب قال باستهزاء..ابتدي من يوم ما خنتيه وجلطتيه لما دخل جوزك وابنك وشافوكي في احضن عشيقك

ناريمان قالت بمنتهى القوه والغصب...تمام...براحتك...رؤوف عشيقي

..عشيقى وحبيبي اوبو ابني وجوزي قدام ربنا ليوم الدين... جوزي الي ابوك الظالم طلقني منو بتهديد السلاح كفايه ولا تسمع اكتر وووووو12= الثانى عشر /

اطلقي منو ونتجوز والا ابنك مس هتشوفيه تاني حالا ارمي عليها اليمين والا ابنك هتلمو في اكياس وبرضوهتجوزها 

غالب سمع كده من امو والارض لفت بيه..قال بصدمه..لا..لا مستحيل يعمل كده انتي بتكدبي عليا لا

ناريمان اتنهدت بالم وشريط ذكرياتها الاليم بيمر قدام عيونها  قالت بدموع..لا دي الحقيقه..الحقيقه الي ضاع عمري فيها..انا اتجوزت رؤوف وانا صغيره جدا كنت بحبو قوي كان كل حياتي وكل اهلي هو كان شغال هنا في قصر ابوك جنايني..ومن اليوم الي فضلت معاه هنا وابوك بيضايقني وبيتعرضلي وبيعرض عليا فلوس مقابل اني افضل معاه في الحرام وانا كنت برفض لحد في يوم قلت لرؤوف وهو اصر نمشي من هنا وارض الله واسعه وفعلا جهزنا حالنا ونوينا نمشي من صباحيه ربنا بس الي حصل بوظ كل حياتنا

غالب كان بيسمع باهتمام وناريمان قالت بوجع..يوم ..يوم مش هنساه ابدا من الفجر كسرو علينا الباب كانو كتير قوي  ونزلو ضرب في رؤوف قدامي كان هيموت ومكنتش قادره اعملو حاجه..وساعتها دخل ابوك وقالو ارمي عليها اليمين انا عايزها

رؤوف وقتها رفض وانا بقيت ابكي واترجاه ميوافقش...بس حصل الي خلاني اترجاه علشاه يوافق..لما ابوك  سحب حازم وكان مكملش سنه وحط السلاح في دماغو ياريتو كان في دماغي كنت اخترت الموت وانا مبسوطه.. قلو هموتو طلقها..ساعتها انا ..انا بنفسي اترجيتو يطلقني كان يا قلبي مكسور ومش عارف يعمل ايه نطقها  وكأن قلبي وقف وقتها ابوك اخدني ورما ابني لرؤوف وقلو مش عايز اشوفك في البلد كلها لوشفتك هقت.  -لك واق * تلو

وكملت بدموع وصراخ اخد مني ابني وجوزى اخد حياتي اتجوزني وعيشني في جحيم كل ما كنت ارفضو كان يضربني ويزلني..ويروح بجيب واحده من الشارع قدام عنيا هنا منتهى الزل بس انا عمري ما غرت عليه ولا قبلتو ..مكانش ليا ذمب في اني بقيت هوسو مكنتش عايزه اعيش معاه ولا كنت عايزه اخلفك ..كانت مصيبه حياتي يوم حملي بيك..حاولت انزلك قالولي خطر عليكي وهو عرف بحملي وفضل يحميك من وانت في بطني

بقلمي...زهرة الربيع

غالب كان هيقع من طولو من الي بيسمعو والالم والوجع ودموع امو كانو بيقتلوه لاول مره يحس بصدقها وبوجعها نزلو دموعو زي المطر وهي كملت وقالت بحزن ودموع..عدو عليا ١٧ سنه وانا معرفش حاجه عن رؤوف ولا ابني ..ابني الي اتاخد من حضني من غير ذمب لحد ما في يوم ابوك كان في الشغل و جيه رؤوف وشفتو بعد كل المده دي.. غصب عني ..غصب عني نسيت كل حاجه..نسيت اني اتطلقت ونسيت ان مش من حقي اقربلو حضنتو وبقيت اعيط في حضنو وانا بتمنى ميبعدش عني تاني وساعتها دخل ابوك 

كملت بسخريه وقالت ابوك مزعلش لانو بيحبني زعل لان غرورو اتجرح الي اثر فيه وقتها اني لسه منستوش رغم كل الي عملو انت كنت كبرت وكمان شوفتنا ..معرفتش وقتها اشرحلك انا مريت بايه ولا بحس بايه وكنت كل ماتعدي سنه افكر اشرحلك الاقيك بتكرهني وبتتعلق بذكري ابوك اكتر محبتش ابوظ صورتو الي في خيالك  ولا حبيت انك تعرف انو ظالم اناني ..بس مش ندمانه مش ندمانه على حاجه..انا متجوزتش غير رؤوف ومحبتش غيرو وطلاقي منو ميرضيش ربنا والي ابوك شافو مش خيانه بالعكس لو كنت حبيت ابوك وقتها تبقى خيانه

انا عارفه ان انت ملكش ذمب بس انا مكنتش بكرهك يا غالب انا كنت بكره صوره ابوك في عيونك انت نسخه منة في كلامو في جبروتو وغرورو وحتي في وسا،ختو وقرفو صحيح ملكش ذمب في الي حصل بس انا كمان مليش ذمب فيه

ناريمان قالت كده بمنتهى الوجع ووقفت ولسه هتمشي غالب مسك ايدها وبصلها بدموع وحضنها فجأه بقوه كانت اول مره يحضنها من اكتر من عشر سنين كان بيبكي بالم ووجع وقال..انا..انا اسف...اسف..سامحيني ..ابوس ايدك سامحيني

ناريمان بقت تبكي قوي وحضنتو وقالت بدموع..انتي ابني يا غالب..ابني يا حبيبي..مهماا حصل 

غالب بعد عنها وقال بدموع..حازم...حازم عارف كده..عارف ان ده الي حصل..عارف ابويا عمل ايه فيه وفي ابوه 

ناريمان هزت راسها بحزن وقالت..ايوه يعرف..عارف كل حاجه..رؤوف اضطر يحكيلو لانو كان فاكر ذيك اني اتخليت عنو علشان فلوس ابوك نور كمان يعرف كان هو وابوك اصحاب ومكانش بيخبي عنو حاجه قلو على كل الي عملو معانا لو حابب تتأكد منو و

بس قطع كلامها وقال بدموع..مش محتاج..لو كنتي حكيتيلي من زمان كنت صدقتك لو كنتي حتي بينتيلي الوجع ده كلو..انا بجد اسف على كل كلمه جرحتك بيها ابوس ايدك تسامحيني ووطى على ايدها بس ناريمان سحبت ايدها وباست جبينه وقالت..انت اجمل حاجه حصلت في علاقتي بابوك رغم اني عمري ما بينتلك ده بس انا كنت ديما فخوره انك ابني يا غالب

غالب قال بحزن...انا بعد الي عرفتو..مش فخور بنفسي ابدا بس اكيد فخور انك امي حاولي تسامحيه هو كمان علشان خاطري

ناريمان اتنهدت وقالت..ربنا يسامحو يا بني متجوزش عليه غير الرحمه 

غالب قال.تعالي معايا هطلعك اوضتك

ناريمان قامت معاه وهيه مبسوطه جدا بمعاملتو الطيبه ليها الي كانت بتتمناها وغالب اخدها على اوضتها وطالع عند دره شاف حازم 

حازم اول ما شافو اافتكر الكلام الي سمعو الصبح واضايق جدا ولسه هيمشي غالب اتقدم عليه وحضنو بدون مقدمات وقال بدموع..انا اسف..انت كمان تستاهل اعتذار 

حازم استغرب جدا وقال ..احم..انت ملكش دعوه انا كنت عارف انها مبتحبنيش و

بس غالب قاطعو وقال...امي حكيتلي كل حاجه قالتلي على الي حصلك انت وابوك بسبب بابا ...انا اسف على غلطي في حقكم حقيقي اسف

حازم اتنهد وقال ..غريبه مكانتش عايزه تقولك ..بس على العموم كويس انك عرفت يمكن ترحمها شويه

غالب اتنهد بحزن وقال...انا هعوضها وهخليها ترضى عني بس انت كمان مش عايزك تفضل شايل مني وبالنسبه لملك انا مفيش من ناحيتي حاجه ليها كمان متأكد انها مش بتحبني ولا حاجه هيه بس متعلقه بيا مش اكتر

حازم اتنهد وقال بحزن..متفرقش يا غالب...في النهايه عمري ما هغصبها تتقبلني عن اذنك 

غالب مشي بحزن على اوضتو وحازم كمان راح اوضتو وهو مخنوق جدا..واول ما دخل اتفاجأ بملك خارجه من الحمام لافه الفوطه بس

ملك شهقت بكسوف وحازم فضل باصص لها باعجاب وبلع ريقه بتوتر وقال...احم..خدي راحتك انا نازل

ولسه هيخرج ملك مسكت ايده وقالت بدموع...انا ...انا اسفه..

حازم قال بضيق...مفيش داعي تتأسفي اصلا مفيش بنا حاجه علشان تتأسفي

ملك قالت ..بسرعه ....حازم والله ما عرف ليه طلعت وليه كنت حابه اتكلم معاه...انا كنت مخنوقه من الي عملو كنت عايزه اعرف فيها ايه ذياده عني سامحني يا حازم انا اسفه انك اضطريت تسمع كده

بقلمي...زهرة الربيع

حازم غمض عيونه بوجع وبصلها وقال...انا مقدر الي انتي فيه يا ملك بس انا  كمان بني ادم..بحس وبتعب..وبتجرح وفوق كل ده ..بحبك...و...وبغير عليكي انا حسيت بنار جوايا لما شوفتك واقفه معاه بلبس النوم بتقوليلو انك بتحبيه عارفه وقتها احساسي كان عامل ازاي 

ملك نزلت دمعه من عيونها من الوجع الي في صوتو وقالت..انا مش عارفه انا ممكن اعمل ايه علشانك يا حازم انا حاسه بيك بس ..بس مش بايدي

حازم اتنهد وقال...متعمليش حاجه يا ملك..متعمليش حاجه غير انك تقدري اني مش هقدر استحمل المنظر ده تاني ولا الكلام ده تاني تمام

ملك هزت راسها بالموافقه وقالت...مش هتتكررر 

حازم قال ..تمام كملي لبس وانا نازل

ملك قالت بكسوف..تقدر تفضل..انا هلبس في الحمام واخدت هدومها ودخلت الحمام

حازم اتنهد بحزن وقعد على السرير وقال...ياريتك ليا يا ملك... عايزه تعرفي فيها ايه ذياده عنك...نفس الي فيه هو ذياده عني... حكم القلب وبس

عند دره كانت بتكلم اختها وقالت...يا بنتي هتجننيني جواز ايه وهباب ايه يامفعوصه انتي..

سهى قالت بفرحه..وفيها ايه يا دره ما انا كملت ١٨ وبعدين انا بحبو اوي

دره قالت .يا بنتي انتي لسه صغيره وبعدين ..امتي امتي يعني عرفتيه علشان تحبيه وعايزه تتخطبيلو كمان

سهي قالت بزهق.. وبعدين يا دره انتي كمان هلاقيها منك ولا من امك يعني

دره قالت باستغراب...ايه...ماما مالها مش موافقه ولا ايه

سهي قالت بضحك ..لا يختي مش موافقه تجوز الصغيره قبل الكبيره وعيزاكي تتجوزي انتي الاول وخدي التقيله بقى...جيبالك عريس لقطه

دره برقت بزهول وقالت بارتباك..جيبالي ايه..عريس ايه الي  لا لا لا طبعا..مش هينفع خالص

سهى قالت باستغراب..وليه لا بقى هتترهبني ..ده شب كويس قوي وعندو معرض عربيات كمان

درخ قالت بحزم..اهو مش هينفع والسلام بقولك ايه اقفلي دلوقتي جاتك نيله

سهى قالت بسرعه..لا بقولك ايه مليش دعوه لازم توافقي جوازتي واقفه عليكي 

دره ضحكت وقالت..بقولك ايه خلاص متزنيش انا هاجيلها واقنعها اني مش عايزه اتجوز وان انتي ملكيش دعوه 

سهى لسه بتكلمها ...دره جات لها مكالمه تانيه وارتبكت جامد وقالت ...سهى بقولك ايه اقفلي دلوقتي جاتلي مكالمه مهمه...وقبل ما تقفل فتحت بسرعه على المتصل وردت بخوف وقالت..ايوه..ايوه يا رشدي بيه

رشدي قال ..ها عملتي ايه الملف وصل عندك ولا لسه

دره قالت بارتباك يا رشدي بيه ارجوك اديني وقتي هواكيد هيجيب الملف انهارده ويومين بالكتير وهيكون تحت ايدك اصلا هو مطمنلي على الاخر و

بس قطعت كلامها لما دخل غالب وبصلها بطريقه مريبه واتقدم عليها وووووو

تابعوووووووني 

بداية الروايه من هنا