رواية فتيات من جحيم البارت الثامن والتاسع بقلم الكاتبه أميره عمرو حصريه وجديده على مدونة أفكارنا
انا الجحيم .....انا الدمار ....انا النار الحارقة.....انا من ستذِل ولا تُذَل .....من سيركع لي الشيطان لذكائي......انا من اتخذت من الاسود الحياة ......من كنت ذليلة في يوم....الآن انا من سأذِل.....انا من وهبت حياتي للانتقام ........انتقام أعمي
✨✨✨✨✨✨✨✨✨✨✨✨✨✨ صدمة....ألجمت الجميع ماذا تقول تلك الفتاة كيف هي جحيم العائلة ليشعر الجميع بالخوف من كلامها فكانت باردة عندها ما هو سر العداواة التي لم عنه فماذا تريد لقولها هذا ام هناك سر وراء هذا ليعلم الجميع ان الخطرقادم وسيكون هناك حرب ستكون بقصر الراوي فصر الافاعي والشياطين فهل سينجو احد من لعبة الانتقام
 |
أريام بخبث وفحيح أفعي : جحيم ....وجحيمك....وجحيم عيلة الراوي ........
الجد عاصم: اانت بتقولي ايه..... وانت مين علشان تكلمي عاصم الراوي بالطريقةدي
أريام ببرود : انا قولتلك اني جحيمك وجحيم عيلة الراوي وخاف يا عاصم يا راوي علي امبراطوريتك يا عالم الايام مخبية ليك ايه في لعبة الانتقام
ومن ثم تتجه الي الحقائب الموضوعة لتأخذ حقيبتها لتفعل المثل شعاع وجويرية لتصعد اولي درجات السلم ومن ثم تتجه بنظرها للفتيات لتقول ببرود :
في أربع أوض جنب بعضهم ألوانها بينك وبييج وبنفسج و أسود هتختاروا ايه ابعدوا عن البينك لان محدش هيجيي ناحيتها
شعاع ببرود : انا هاخد البييج
جويرية ببرود: انا هختار البنفسج
شهيرة بغضب: هو كان بيت أبوكم علشان تطلعو كده وبتختاروا هتناموا فين
ناهد : ايه البجاحة دي بنات قليلة أدب انا هطلب ليهم البوليس
شعاع : ايوا بيت أبونا واللي تحبي نفتح في القديم وساعتها مفيش حد هيرحمك يا شهيرة هانم قالتها بسخرية ..
شهيرة بتوتر: تقصدي ايه ....
شعاع ببرود: مقصدش ويلا انا تعبانة اوي
جويرية : ومين سمعك انا عايزة انام وصحيح يا ناهد هانم مش ناهد بردك البوليس اللي بتتكلمي عنوا ببلاغ واحد مني اخليكي تاخدي اعدام مش مؤبد
حازم بسخرية : لا وفيكم الخير بجد إعدام وكمان بتختاروا هتناموا فين وبتختاروا لون الأوضة بتاعتكم دا انتم عارفين القصر من مداخل ومخارج كمان
أريام ببرود : تحب اقولك ايه اللي موجود تحتك والبلاطة كمان تحب اقولك رقم كان ونوعها وكام متر يا حازم
حازم بذهول: انت مش طبيعية بجد ..
أريام ببرود : ايه يا عاصم بيه هي دي الطريقة اللي بترحبوا بيها ضيوفكم انا سمعت انكم بتستقبلوهم استقبال ملوكي بس انا مش شايفة الاستقبال ده
حمزة بسخرية: لما يبقي في ضيوف مش ناس داخلة تحتل القصر وتنام فيه بكل بجاحة يا اسمك ايه انت
لتتجاهله أريام لتقول شعاع بحنان: غزالي هتنامي فين
أريام : انت قولت البينك محدش يختارها فاضل أوضة من الاربعة وهي الاسود هنام في الاوضة اللي لونها أسود
لتقول شعاع: لا خدي البييج وانا اخد الاسود
أريام بحدة: انا اخترت وخلاص ومش بحب أهيد كلامي مرتين شعاعي
جويرية بضحك: هي دي غزال اللي محدش يقدر عليها
لتصعد الفتيات كل واحدة الي غرفتها بينما الجميع في حالة صدمة ذهول مما يحدث فهناك ثلاث فتيات اقتحمن حياتهم بكل برود وكبرياء لتقول رحمة بعدم تصديق : انا مش مصدقة اللي حصل دلوقتي
سميرة : حتي انا مش مصدقة انا لسه مصدومة من اللي حصل ازاي شعاع وجويرية عايشين ومين اللي معاهم دي دي أسوأ منهم بمراحل مقلتش خاجة بالعكس قالت انها هتبقي جحيم العيلة
رحمة: انا اول ما قالت انها تبقي جحيم خفت منها اوي لدرجة اني مش قادرة استوعب كمية الجبروت والغرور وهالة الرعب اللي عملوها لينا
الجد عادل لرائد ابنه: ازاي شعاع عايشة يا رائد مش ماتت من ١٧ سنة والا نسيت
رائد بتوتر: هي ماتت وبعدين دول نصابين ،ايوا يا بابا دول نصابين وبعدين هتصدق كلام واحدة زي دي وتكذب ابنك
عادل: انا مش مستوعب ازاي بنت هشام لسه عايشة
الجد عمران : جاسر فهمني ازاي بنت بعد السنين دي كلها تيجي وتقولي انها جويرية بنت يوسف الله في سماه لو كانت هي لكون قاتلها بإيدي
جاسر بخوف ان يفتضح امره فهو يعلم مدي غضب أبيه اذا علم بالحقيقة: يا بابا اهدي اكيد دي نصابةزى اللي معاها وبعدين لو هي جويرية والتانية شعاع كانوا فين السنين اللي فاتت دي كلها
الجد عاصم بهدوء: فعلا معاك لو دول بنات العيلة كانوا فين طول السنين دي
ناهد بحقد: احنا لازم نشوف حل للبنات دي
شهيرة: الصحافة لو عرفت ممكن نخسر سمعتنا دا غير المشاريع اللي داخلينها مع الشركات
إياس ببرود: جدو عادل هما دول فعلا بنات العيلة دي
وازاي جويرية وشعاع عايشين
يوجد هناك أذنان لأشخاص يريدون معرفة اذا كانوا هم ام لا فهم سيعودون لهم الحياة مرة أخري لأشخاص كانوا أجساد بدون روح كانت حية بدون ذلك القلب الذي ينبض القلب الذي يعطي للحياة اتجاه
الجد عادل بتوتر أخفاه: ايوا جويرية وشعاع ماتوا من زمان
زين : طالما ماتوا ليه منعرفش هما ماتوا ازاي وكمان من غير عزاء ولاحتي نعرف ليهم مقابرة نزورهم فيها
الجد عمران بغضب: انتم بتكدبونا والا ايه وبعدين متنسوش ان دول أحفادنا وان اللي ماتت بنت ابني يوسف الله يرحمه واللي فاضله ليا من بعده
دارين بحقد : احنا دلوقتي مش في موضوع عايشينوالا ميتين احنا في موضوع ازاي نخلص منهم قبل الصحافة ما تعرف لانهم لو طلعوا شعاع وجويرية يبقي امبراطورية الراوي انتهت
لتقول ناهد فجأة : انا عندي الحل اللي يخلصنا منهم
جاسر بسرعة ولهفة: ايه هو قويلي بسرعة
لتنظر الي كبار العائلة ليومأوا لها
ناهد بخبث : *************وبس دا اللي هنعمله
حمزة: بس ممكن يرجعوا تاني ويبتزونا
ناهد: مستحيل لأنهم ممكن ينحبسوا بس الخطة تتنفذ
الجد عاصم : برافو يا ناهد بس أهم حاجة محدش فيهم يغضب لازم اوامرهم وطلباتهم تتنفذ لحد اما نخلص منهم انتم فاهمين معني كلامي كويس
ليومأ له الجميع ليصعد الي غرفهم يفكرون الي تلك المشكلة ااتي حلت عليهم
☆☆☆☆☆☆☆☆☆☆☆
☆☆☆☆☆☆☆☆☆☆☆☆☆☆☆☆☆☆☆☆
عند الفتيات نجدهم جالسين بغرفة أريام يتحدثون عما حدث لتقول جويرية بضحك :
شوفتي كانوا شكلهم عامل ازاي من الصدمة
شعاع بضحك: معاكي حق وبالاخص عادل الراوي لما قولت اني شعاع حفيدته هههه كان حد دلق عليه مايه ساقعة
جويرية بشر: ورحمة أبويا لأندمهم علي كل اللي عملوه
شعاع بحقد: صدقيني ما هرحم واحد فيهم مبقاش شعاع الراوي الثعبان لو مخلتهمش يدفعوا التمن
أريام ببرود: بس اهم حاجة اننا نكون حاسبين خطواتنا مظبوط ونضمن ان الكرة في ملعبنا احنا ونتحكم في اللعبة بطريقتنا
جويرية: ودا المطلوب بس انت ليه مقولتيش اسمك وعرفتيهم انت مين
شعاع: ايوا غزالي انت ليه معملتيش كده
أريام ببرود: حابة اني ألاعبهم بطريقتي، وانت عارفة جحيم بتحب تلعب بالاعصاب الاول ،علشان وقتها يغلط وتاخد الكورة منه وتبقي في ملعبها بسهولة،ويبقي الفوز من نصيبنا
شعاع بضحك: انا ابتديت اخاف منك ،لتكوني مافيا وانا معرفش
جويرية بمزاح: شكلها مافيا ومخبية عننا ،قولي ،اعترفي انت من المافيا صح
أريام : لا مش من المافيا بس....،من فتيات من جحيم
☆☆☆☆☆☆☆☆☆☆☆☆
☆☆☆☆☆☆☆☆☆☆☆☆☆☆☆☆☆☆☆☆
ليضحكوا ويظلوا يتحدثوا سويا لفترة من الوقت لتعود كل فتاة الي غرفتها بينما في الاسفل نجد عاصم الراوي وعادل وعمران الراوي جالسين بغرفة المكتب
الجد عادل بتوتر: احنا هنعمل ايه دلوقتي شكلهم شعاع وجويرية بجد
الجد عمران بغضب: صدقني لو طلعت هي جويرية بنت يوسف لاكون قاتلها بإيدي وزي معرفتش اموتها زمان هموتها دلوقتي
الجد عاصم بهدوء: البنتين دول جويرية وشعاع
الجد عادل وعمران: ايه...يعني دي حفيدتي
ليومأ لهم عاصم ليقول عادل بتوتر: ازاي لسه عايشة انا مش فاهم حاجة
الجد عاصم ببرود: انتم عارفين اللي حصل للبنات زمان ولما اختفوا فرحتوا وقولتو ماتوا من غير ما تتأكدو ولا تشوفوا ليهم جثة وانت يا عمران احنا دلوقتي معروفين في البلد ومن اكبر العائلات وشكلهم مش ساهلين واقوياء كمان بس نبعد عن القتل علشان ميحصلش مشاكل
الجد عمران بغضب: ازاي عايزني اسيبها عايشة بعد اللي عملته ،دي ضيعت شرفي وشرف العيلة ،اسيبها ازاي
الجد عاصم : مش وقت الكلام ،دلوقتي لازم ننفذ الفكرة اللي قالت عليها ناهد وكده نخلص من البنات دي ،وانت يا عمران متعملش حاجة من اللي انت بتفكر فيها نخلص منهم وبعدها اعمل اللي انت عايزه
الجد عادل: تمام ونخلص منهم ...بس البنت التالتة دي انا قلقان منها باين انها اسوأ منهم
الجد عمران: حتي منعرفش هي مين ،بس فيها حاجة غريبة ،
الجد عاصم بهدوء مريب: انها شبه كاميليا ،بس كاميليا ماتت من زمان ،وبنتها ماتت من ١٨ سنة لو ناسيين ،بس اللي حصل زمان محدش من احفادنا يعرف بيه ،وخصوصا موضوع كاميليا لو انفتح هنفتح بحور دم ودا اللي انا مش عايزه
الجد عاصم في نفسه: يا تري انت مين يا صاحبة العيون الغامضة ،حاسس انك مني بس ازاي، بس شكلك مش سهلة وواضح انك قوية ،ناوية علي ايه مش عارف،لأول مرة في حياة عاصم الراوي ميقدرش يعرف الشخص بيفكر في ايه،يا تري بتفكري في ايه
☆☆☆☆☆☆☆☆☆☆☆
☆☆☆☆☆☆☆☆☆☆☆☆☆☆☆☆☆☆☆☆
عند حمزة الراوي نجده واقف بالشرفة يفكر في تلك الفتاة فهي شغلت تفكيره فهي تشبهها كثيرا كأنها هي، لكنها ماتت نعم ماتت منذ سنين ماتت علي يدي انا ،انا من قتلتها ،نعم قتلتها فهي خائنة ،خانت ثقتي وحبي ،أحببتها ولكنها خانتني ،كنت سأضحي من أجلها ،لكني احسست بشعور غريب تجاه تلك الفتاة ،كأنها قطعة صغيرة مني،لا أعلم ولكني أحسست انها مني ،احسست انها مسئولة مني، لما أشعر تجاهها بهذا الشعور الذي شعرت به عندما حملت تلك الطفلة اللعينة ،ولكنه عاد مرة أخري
ليتنهد ويغلق الي النافذة ويعود الي الغرفة وينام ومازال ذلك الشعور يراوده منذ ان رأي تلك الفتاة
☆☆☆☆☆☆☆☆☆
عند إياس وراسل وزين نجدهم جالسين شاردين بهؤلاء الفتيات فكل شخص في عالمه فكانوا شاردين بتلك الحوريات الجميلات
فكان زين شارد بصاحبة العين البنية فهي سلبت عقله وقلبه بجمال تلك العيون الرائعة فهي غاية في الجمال والابتسامة الجميلة التي تزينها فجعلت ذلك القلب الاحمق يدق بسرعة
اما راسل فسرح في جمال تلك العيون البندقية فهي تشبه حبات البندق الجميلة وكيف تلك العيون لها سحر فتسلب القلب قبل العقل
اما إياس فأصبح قلبه ينبض بطريقة غريبة فهذه المرة الثانية التي ينبض بها هكذا في يوم واحد ليشرد في جمال تلك العيون الغامضة التي تأسرك من نظرة واحدة لتستشعر ان في تلك العيون الحزن والغموضوالبرود والخبث والقوة تلك العيون تحمل في داخلها أشياء كثيرة ليحاول تمييز لونها لكن لم يستطع ليتنهد بعمق وفي نفس الوقت يتنهد زين وراسل
ليبدأ زين الحديث : هما فعلا جويرية وشعاع
راسل بتوتر : مش عارف ،بس....قلبي بيقلي انها جويرية
إياس ببرود: ايه اللي خلاك متأكد انها جويرية بنت عمك يوسف
ليتنهد راسل ويقول بهدوء: عينها فيها حاجة بتشدني وقلبي دق بطريقة غريبة وقلبي مكنش بيدق بالطريقة دي الا لما كان بيشوف العيون البندقية وانا متأكد انها جويرية لأني عمري ما حسيت بالشعور ده الا مع جويرية
إياس ببرود: متنساش اننا كنا لسه صغيرين وقتها
راسل: انا مقدرش انكر اننا كنا صغيرين بس متقدرش تمنع قلب يدق او يحب حد بالعكس انت بتلاقي نفسك بشكل تلقائي بتفكر في الشخص اللي امتلك قلبك وعقلك وكيانك وجويرية هي اللي امتلكت القلب ده
إياس: انتم عارفين وجهة نظري ان الحب شئ سخيف وممل
زين : بالعكس الحب شئ مش سخيف مش كل اللي يحب بيتخان بالعكس في اللي بيبقي صادق في حبه وانا طول عمري بحاول انسي شعاع بس مقدرتش كنت اول ما أشوفها بحس اني مبسوط وانها هي اللي مليت عليا حياتي وفرحة قلبي و حسيت ان قلبي مات من اليوم اللي اختفت فيه شعاع وقالولي انها ماتت بس اول ما شوفتها انهاردة فجأة قلبي دق بفرحة ولقيت نفسي بقول ان هي دي شعاع اللي حبيتها
إياس ببرود: وانتم متأكدين كده ليه انهم شعاع وجويرية مش يمكن يكونوا نصابين
زين: انا متأكد انها شعاع وقلبي بيقولي كده
إياس بسخرية: طب ماشي يا أبو قلب حنين والله وشفت ان انت عندك قلب
راسل : إياس انت عمرك جربت انك تحب ..
إياس ببرود: لأ
زين: وحتي مش بتفكر انك تحب
وهنا يتذكر إياس صاحبة عيون الموج والبحر لتلمع عيناه ويشرد بها لدقائق ومن ثم يستفيق لنفسه ويقف متجها الي الخارج ويقول : لأ وعمري ما هحب وصحيح بكره هنشوف اذا كان هما شعاع وجويرية والا بنات نصابين
راسل بتوتر: هنشوف ونعرف ...
إياس ببرود: تصبحوا علي خير
زين وراسل : وانت من أهله
ليقول زين : ابتدي يحب
راسل بعدم فهم: مين دا اللي ابتدي يحب؟؟
زين: أخوك ابتدي يحب ...
راسل : ما توضح كلامك ياعم مين فيهم نائل والا إياس لو اللي ابتدي يبقي نائل
زين: بالعكس إياس هو اللي ابتدي يحب...
ليضحك راسل بشدة و: انت بتهظر يا زين والا ايه مين دا اللي ابتدي يحب إياس دا إياس والحب أعداء يا عم
زين بهدوء: بكره الأيام هتثبت كلامي
ويتركه ويذهب ليقول راسل بصدمة: شكل كلام زين بجد والا ايه انا مش فاهم حاجة ايه دا انا اتجننت انا بكلم نفسي
ليذهب الي غرفته ويبتسم بسعادة ويقول : يا رب تكوني هي ومتكنيش واحدة نصابة زي ما بيقولوا وتثبتي للكل عكس كلامهم وتهزيمهم
*********************
في صباح يوم جديد يحمل في طياته مفاجآت وصدمة ستغير الكثير في هذه العائلة فيبدو ان هذا اليوم سيجعل الجميع ييقن انهم في حرب مع فتيات من جحيم وليسوا فتيات تريد المال لتفتح صاحبة تلك العيون الجميلة لون البحر وتقوم بنشاط لتتجه الي المرحاض وتأخذ شاور وترتدي ملابس بيتية جميلة جدا وتنزل الي أسفل ولم تجد أحد لتسأل الخادمة وتعلم انهم مازالوا نائمين ولن يستيقظوا الآن لتقول أريام بخبث:
اممم لسه نايمين ومالوا نتسلي شوية الصبح
وتتجه ناحية غرفة الطعام وهي تفكر في شئ ما بينما بعد قليل نجد أفراد العائلة قد استيقظوا واتجهوا الي أسفل لتقول رحمة وهي تنظر حولها:
اومال في شعاع وجويرية لسه مصحيوش من النوم والا ايه
ناهد بسخرية: حالا بقوا شعاع وجويرية دلوقتي هنعرف انهم بنات نصابة ومش شعاع وجويرية
شهيرة بغضب: مش بيت أبوهم هما علشان يقوموا براحتهم هنا في مواعيد و انضباط
لتقول تلك الواقفة بالخلف وبجانبها تلك الجميلة شعاع: ما هو بيت أبونا فعلا والا انت عندك شك يا شهيرة هانم
شهيرة: هههه ضحكتيني وبعدين انت مفكرة نفسك انك ممكن تبقي واحدة من أحفاد عيلة الراوي والا ايه وشكلكم مش هتنولوا الشرف ده
جويرية بسخرية: حفيدات عيلة الراوي ويحصلنا الشرف هههه تبقي غلطانة دا احنا حصلنا القرف
ناهد بغضب: انت بنت قليلة الادب ازاي تقولي الكلام ده
جويرية ببرود: قديمة ايه الجديد يعني
الجد عاصم ببرود: يلا بينا دلوقتي معاد الفطار
حمزة ببرود نجح في إظهاره: اومال فين صاحبتكم التالتة مش شايفنها
شعاع ببرود: منعرفش
دارين متدخلة في الحوار: يا بابي شكلها كده راحت تعمل بأكلها أصل شكلها يوحي بالخدامين
بينما هناك من شعر بالغضب من كلامها ذلك لتقول جويرية بحدة: بقولك يا بنت انت كلمة زيادة غلط عنها صدقيني هتندمي دي أحسن منك ومن عشرة زيك يا بتاعة بابي ومامي
شعاع ببرود: جوري سيبك منها احنا واخدين علي الحقد والغيرة دي من الكل
جويرية : معاك حق
الجد عاصم: يلا بينا نفطر وبعدها نبقي نتكلم ليومأ الجميع ويتجهوا ناحية غرفة الطعام ليصدموا مما رأوا فقد وجدوا أريام تجلس علي كرسي المخصص للجد عاصم وتضع قدميها علي الطاولة ليصدم الجميع من جرأتها لتفتح أريام عينيها فهي كانت مغمضة العين وتقول ببرود:
علي حد علمي الفطار هنا الساعة تمانية الا ربع دلوقتي الساعة تمانية ايه غيرتو المواعيد والا ايه
بينما الجميع مصدوم من جرأتها ووقاحتها وكمية البرود التي تتحدث بها اما جويرية وشعاع تبتسمان بانتصار فهم فهموا ما تنوي أريام فعلا
الجد عمران بغضب: انت مين اللي سمحلك تقعدي علي الكرسي ده
أريام ببرود: أنا عندك مانع ...ويلا علشان جعانة
إياس بغضب: انت أكيد واحدة مجنونة انت أزاي تكلمي جدي كده وازاي أصلا تجيلك الجرأة انك تقعدي علي كرسي جدو عاصم انت متعرفيش ان ده الكرسي بتاعه
لتقوم أريام وهي تتصنع انها تبحث عن شئ في الكرسي لتتحدث بسخرية: انا مش شايفة اسم حد مكتوب علي الكرسي وبعدين السفرة كبيرة يقعد علي أي واحد منهم وتجلس مرة أخري عليه مما يجعلهم يغتاظون من تلك الوقحة ليقول نائل بغضب : انت شكلك عايزة تتربي وتتعلمي الادب
أريام ببرود: وانا بقي عايزة اتربي واتعلم الادب وريني بقي هتعلمني الادب ازاي يا شاطر
ليغضب نائل منها ويرفع يده ليصفعها ليجد من يمسك بيده لينظر الي ذلك الشخص ولم تكن سوي جويرية لتقول جويرية: شكلك كده انت اللي عايز تتعلم الادب وتتربي
نائل: لا بجد وانت بقي اللي هتعلمهوني
جويرية بابتسامة شر: ايوا انا اللي هعلمك الأدب تحب تشوف
نائل : نشوف ولم يكمل كلامه ففجأة قد صفعته جويرية علي وجهه ليرجع الي الخلف ويضع يده علي وجهه مكان الصفعة و يرفعها ليجد دم فقد جرحت جويرية وجهه لييقول جاسر بغضب:
انت ازاي تعملي كده انت عارفة عملتي ايه
جويرية للعائلة : انا ضربته بالقلم علي وشه بس مش علشان الكلمتين اللي قالهم أصل الكلمتين دول بايخين وملهمش لازمة انا ضربته لأنو غلط في أختي وهي خط أحمر وعلشان بس حاول انه يرفع ايده عليها بس اقسم بالله اللي هيفكر بس مجرد تفكير انه يإذيها او يغلط فيها يبقي يستحمل اللي هيتعمل فيه
بينما الجميع متعجب من قوة تلك الفتيات ليتحدث الجد عاصم حتي لا يتأزم الامر ويقول ببرود: خلاص مش كرسي انا هقعد علي واحد تاني
ليصدم الجميع كيف لعاصم الراوي ان يهزم في لعبة وخصوصا اذا كان الخصم فتاة ليقول الجد عادل : انت بتقول ايه دا مكانك انت كبير العيلة دي
لينظر له عاصم بحدة ليصمت عادل ويذهب ليجلس علي كرسي آخر ليجلس الجميع بينما تجلس جويرية وشعاع في آخر الطاولة ليأتي الخدم ليضعوا الطعام لتقوم أريام ببرود من علي كرسي عاصم وتجلس بجانب شعاع وجويرية ليبتسموا لها بينما الجميع غاضب من تلك الحركة ليقول حمزة بغضب:
طالما انت مش هتقعدي عليه إيه لازمته الحركات البايخة دي وتخلي بابا يقعد علي كرسي تاني
أريام ببرود: مزاجي ...اعمل ايه
بينما الجميع غاضب من تلك الفتيات ولكنهم يظنون انهم سيتخلصوا منهم بسهولة بينما هم يتناولوا طعاهم ليجدوا جويرية وشعاع يضعان الطعام لأريام بطبقها كأنها ابنتهم وليست صديقتهم لينتهي الجميع من تناول طعامه ويذهبوا الي غرفة الجلوس ويجلس الجميع فيجلس الجد عاصم الراوي وبجانبة عادل الرواي وجانبه الايسر عمران الراوي وفي المقابل لهم نجد أريام وبجانبها الايمن جويرية والجانب الايسر شعاع والنظرات هي سيدة الموقف
ليقول الجد عاصم ببرود: انتم خريجين ايه يعني واضح انكم مخلصين تعليمكم
لتتحدث هايدي بسخرية: اكيد متعلموش او حتي كملوا تعليمهم
شعاع بسخرية : بلاش انت اللي تتكلمي دا احنا عارفين مين اللي مكملش تعليمه
دارين بغضب: بقي انتم يا بنات الشوارع هتقارنوا نفسكم بينا
جويرية ببرود: براحة أعصابك يا سردين هانم لتضحك عليها وتغمز لها
لتغضب دارين بينما سيرين تنظر الي تلك الفتيات بتمعن لتقول : انا حاسة اني شوفتكم قبل كده مش عارفة ليه شكلكم مألوف ليا
شعاع بسخرية : يعني شكلنا مألوف ليكي ومعلقتيش علي سردين هانم يا سلمون هانم
لتقول الفتيات بصدمة: هو انتم
ليومأ لها الفتيات بينما الجميع يريد معرفة من أين لهم المعرفة
لتومأ لهن الفتيات لتقول رحمة باستغراب: هو انتم تعرفوا بعض
شعاع : عز المعرفة
سارة بغيظ: دول بنات الميتم اللي كل شوية بتتكلموا عنهم
دارين بحقد: اللي خربوا الحفلة الخيرية من ست سنين
لينظر الجميع اليهم بصدمة بينما الجد عاصم وعادل وعمران فهموا معني تلك النظرات اما الجد عاصم نظر الي أريام يحاول فهمها ولكن لم يعلم ماذا تفكر ليقول الجد عاصم ببرود: مقلتوش انتم خريجين ايه
جويرية ببرود : خريجين كلية هندسة انا خريجة هندسة كمبيوتر مهندسة كمبيوتر
شعاع ببرود: وانا خريجة هندسة ديكور مهندسة ديكور
الجد عادل وهو يشاور علي أريام: وصاحبتكم لسه بتدرس
شعاع: لا مش بتدرس وعلي فكرة هي أصغر واحدة فينا ومتخرجة من كلية هندسة هي كمان وقدرت تخلص تعليمها وهي في سن صغير جدا
جويرية: هي خريجةهندسة مباني يعني هي مهندسة معمارية واحنا بنكمل بعض
ليقول الجد عاصم ببرود: امم بم انكم خريجين كلية هندسة عايزين كام وتفضوا اللعبة دي
لتقف جويرية وتقول بغضب: انت بتقول انت مفكرنا بتوع فلوس والكلام الفاضي ده والا ايه
ا
الجد عمران: صوتك ميعلاش يا بنت انت وبعدين دا عرض كويس ليكم
شعاع بغضب : انتم مفكرنا اننا هنتخلي عن انتقامنا علشان شوية فلوس والا ايه
الجد عادل: دي فرصتكم تبنوا مستقبلكم وكتير بيتمني فرصة زي دي
لينظر زين وراسل الي إياس بمعني (الم اقل لك انهم هم جويرية وشعاع ) لينظر لهم ببرود ويتابع ما يحدث
لتقول أريام : اممم عرض مغري جدا هتدفع كام
لتنظر لها شعاع وجويرية بصدمة لتنظر لهم نظرة فهموها ليجلسوا بهدوء بينما إياس ينظر الي زين وراسل بسخرية ليحزن الاثنان
الجد عاصم: خمس مليون حلو اوي
أريام: تؤ تؤ يعني عايزنا نمشي بخمسة مليون
الجد عادل: عشرة مليون وحلو اوي وزياده الضعف
أريام: لا لا انت كده بتستقل بينا مينفعش
الجد عمران بغضب مكتوم: خمستاشر مليون أظن كده تقدروا تكونوا مرضيين
أريام ببرود: عشرين مليون ودا اللي عندي
رائد: انت مجنونة يا بنت انت عايزة عشرين مليون
الجد عاصم بهدوء: إياس هاتلي دفتر الشيكات من المكتب
ليومأ له إياس ويذهب الي الداخل ويحضر دفتر الشيكات ويعطيه لعاصم الراوي ليقوم بكتابة المبلغ وينظر الي أريام لتقوم أريام والتوجه ناحيته وتأخذ الشيك وتنظر الي الفتيات وتقول ببرود:
بنات الفلوس دي هتنسيكم الماضي اللي عشتوه والعذاب اللي شوفتوه
شعاع : عمره ما هينسينا اللي عشناه
أريام ببرود : تمام انا كده اخدت الجواب
لتلتفت أريام الي الجد عاصم وتنظر ليه بحقد وتقول:
ولا هينسيني اللي عشته
وتقوم فجأة بقطع الشيك وتقوم برميه في وجه عاصم الراوي ليشهق الجميع بصدمة فلم يتجرأ أحد علي فعل ذلك بينما الجد عاصم كان في قمة غضبه لتقول أريام :
يعني عايزني أضحي بسنين العذاب بعشرين مليون وانا ليا أكتر من كده أضعاف المبلغ ده في الامبراطورية دي
الجد عادل: انت بتقولي ليكي ايه في الامبراطورية دي انا يمكن اصدق ان دول شعاع وجويرية بس انت بقي هتقولي ايه
الجد عاصم بغموض: انت مين !!
لتبتسم له أريام ومن ثم تتحول الي برود وتقول: هو انا مش بفكرك بحد يا عاصم يا راوي
بينما الجميع يتابع ما يحدق بلهفة فهم يريدون معرفة من تلك الفتاة التي تجرأت وقامت بذلك ويريدون معرفة من تلك الفتاة الغامضة
الجد عاصم بتوتر وخوف : انت مين !!
أريام بنظرة حقد : اقولك انا مين....أريام ....أريام حمزة عاصم الراوي حفيدتك بنت حمزة الراوي وكاميليا عادل الراوي.....
✨✨✨✨✨✨✨✨✨✨✨✨✨✨ رد فعل العيلة هيكون ايه علي كلام أريام؟؟....
عاصم الراوي هيعمل ايه بعد الصدمة الجميلة دي؟؟.
البنات بيفكروا في إيه ؟؟
9 =فتيات من جحيم - ✨البارت التاسع✨
سُقيت المر والعذاب......سنين أعيش في حزن وآلام....قلبي تحطم💔💔 .....لأصبح فتاة بقلب كالصخور🖤🖤.....سأمحي الماضي من الحياة.....وأكتب الحاضر بقلمي......لأعيش الحياة بدون الوهن والآلام ......انا من ستكتب الحاضر بيدي ...فاحذرني💔
✨✨✨✨✨✨✨✨✨✨✨✨✨✨
صدمة .....ماضي ....انتقام....لعبة جديدة.....وحرب العائلة .....
أريام ببرود: اقولك انا مين.....أريام....أريام حمزة عاصم الراوي حفيدتك بنت حمزة الراوي وكاميليا عادل الراوي.....
ليصدم الجميع مما قالت فهذه كانت آخر توقعاتهم ان تكون تلك القتاة هي ابنة كاميليا بينما الجد عاصم نظر لها بصدمة كيف هي لقد رميت في الميتم منذ ان كانت بعمر شهور اما الجميع كان مصدوم مما حدث اما حمزة فقد وقعت تلك الكلمات عليه كالصاعقة كمن سكب عليه دلو ماء ليفيق من صدمته ويقول بغضب
:
انت واحدة كدابة بنتي ازاي ....انا معنديش بنات غير اتنين دارين وسيرين...
أريام ببرود: اممم بنتك ازاي اقولك انا ،كاميليا الزوجة التانية اللي اتجوزتها واتهمتها بالخيانة ،رغم ان انت عارف ان هي مستحيل تخون، أخدت بنتها طفلة صغيرة عمرها تلات شهور ورميتها بميتم، انت وأبوك الفاضل عاصم الراوي ومكتفتوش بده لا قتلتوها قتلتوا كاميليا ....
ناهد بغضب: لاا..دا انتم زودتوها اوي واحدة تقولي انا جويرية بنت يوسف والتانية تقولي انا شعاع بنت هشام طب دول ممكن يتصدقوا اما انت بقي جاية ترمي بلاكي علينا وتقولي ان انت بنت كاميليا وحمزة بنت كاميليا الخاينة
لتنظر لها أريام نظرة حادة دبت الرعب في قلبها : اسمع بس منك حرف واحد عن أمي والا تقولي عليها خاينة صدقيني أقل حاجة ممكن اعملها فيكي ان اقتلك وبلاش نفتح في اللي فات علشان انت أكتر واحدة هتضري يا ناهد هانم
راسل بغضب: انت ازاي تكلمي أمي كده
جويرية بتهكم : أمك ...امممم تحب اعرف حضرتك علي ماضي والدتك العزيز وبطولاتها ومن ثم تغمز لناهد التي توترت وخافت منهم
حمزة بغضب: اسمعي يا بنت انت ،مش حمزة الراوي اللي يتلعب معاه لعبة وسخة زي دي، وتيجي علي آخر الزمن بنت إمبارح وتلعب علينا
أريام ببرود : أعصابك يا حاج ،أصل شكل الصدمة لسه مأثرة عليك ، علي العموم انا مش هقول أكتر من كده، لأني لو فتحت في القديم صدقني هتضر أوي يا ...حمزة بيه... كانت تقول هذا الكلام وهي تنظر الي الجد عاصم ااذي بدوره ينظر لها بتوتر فهو كان آخر توقعاته ان تكون تلك الفتاة ابنة كاميليا وحمزة او تكون هي حفيدته
دارين بغضب: يعني انتم عايزين تفهموني ان البنت البيئة دي أختي .... حد يفهمني انا مستحيل اقبل ان تكون بنت زي دي أختي
لتنظر لها أريام برفع حاجب ومن ثم تنظر الي جويرية وشعاع لتجد ملامح وجههم باردة وتحمل السخرية من تلك العائلة لينظروا لها وعلامات السخرية من تلك العائلة علي وجههم
سيرين بغضب : بابي انا مش فاهمة حاجة ، ايه اللي بيحصل ،فجأة كده يطلعوا لينا تلات بنات ويقولوا انهم بنات العيلة دي ، لأ وايه واحدة تقولي انها أختي من الست الخاينة اللي كنت متجوزها
عند سماع أريام تلك الكلمات أغمضت عينيها بغضب حتي لا تفتك بتلك الفتاة فهي تكره ان يقول احد علي كاميليا هذا الكلام وتكور يدها بغضب ليلاحظ كل من شعاع وجويرية ذلك ليضعوا أيديهم علي كتف أريام لتفتح أريام عينها وتنظر لهم ببرود ليفهموا انها الآن هادئة ولكن من الداخل براكين من الغضب علي وشك الانفجار ولكنها تحكمت بها
لتقف رحمة وتتجه علي ناحية أريام وتقول بسعادة:
انت بجد بنت كاميليا
لتومأ لها أريام لتحتضنها رحمة بسعادة وفرحة كبيرة لتقول بسعادة: انا مش مصدقة ان بنت كاميليا واقفة دلوقتي اودام عنيا ، حاسة ان شايفة كاميليا ،نسخة من كاميليا نفس لون العيون والشعر وكل حاجة تقولي ان انت كاميليا مش بنتها
أريام بابتسامة خفيفة: وانت رحمة كاميليا كتبت عنك انك قد ايه كنت كويسة معاها وبتحبيها وكنتم أصحاب ومع بعض وعمركم ما اتخانقتوا زي ما الكل بيعمل بالعكس كنتم زي الاخوات بالظبط
رحمة بابتسامة: كاميليا كانت أختي وصحبتي وعمرها ما عاملتني وحش بالعكس كانت هي اللي بتقف جنبي وقت ما كان الكل بيعاملني وحش علشان كده كنا دايما بنقف في ضهر بعض
دارين بغضب : انت مصدقة البنت دي يا مامي..
رحمة : ايوا كفايا انها شبه كاميليا وحتة منها ودا اللي يخليني اصدقها
جاسر : انت بتقولي ، انا مستحيل اوافق علي اللي بيحصل ده ،انا هطلب ليهم البوليس ،ياخدوا الاشكال دي ، ويعملوا ليهم محضر نصب
أريام ببرود: حلو و انا كمان عندي بدل المحضر اتنين، الاول جريمة قتل والقاتل عيلة الراوي، والمحضر التاني بقي الصفقة الجديدة بتاعة لندن
لينظر لها بصدمة كيف علمت بها ان أيقن الجميع ان نهايتهم علي ايدي هؤلاء الفتيات ليصبح دمار العائلة علي أيدي حفيدات وبنات عائلة الراوي
جويرية بخبث: ما تتصل علي الشرطة ...
شعاع بسخرية: مش شايفة يعني حد رفع سماعة التليفون وطلب البوليس
أريام ببرود: متخافيش لأنهم عرفوا اللي ممكن يحصل لهم لو طلبوا البوليس .... شعاع ، جويرية يلا بينا
جويرية بعدم فهم: هو احنا رايحين فين ...
شعاع وهي تضربها علي مقدمة رأسها: نسيتي اننا ورانا شغل والا حابة تقعدي كده
وتتركها وتصعد خلف أريام لتنظر لهم جويرية بصدمة وتقول : حرام....شغل تاني ....ليه يارب خليت يبقي عندي أختين قلبهم حجر ....مهو علشان انا الرقيقة فيهم يعملوا فيا كده...حسبي الله ونعم الوكيل
شعاع من فوق: انت هتفضلي عندك....يلا يا رقيقة هانم بلاش تأخير وانت عارفة المدير بيكره التأخير أوي
جويرية بعدم فهم: المدير ...مدير مين ...يا نهار أسود المدير
لتصعد خلفهم بسرعة وتتجه الي غرفتها بينما الجميع جالس و يشغل تفكيرهم تلك الفتيات لنجد حمزة جالس يفكر في كلامها أيعقل ان تكون ابنته!! كيف تكون ابنته ؟؟ أيعقل ان تكون ابنته بحق !! لكنها تشبهها كثيرا نعم تشبهها وتمتلك عيونها، التي لا تعرف ما لونها الحقيقي وعيون والده وغموضه ،كيف تكون ابنته من تلك الخائنة؟؟ ليتنهد بغضب من كثرة التفكير .....
بينما علي الجانب الاخر نجد الجد عاصم جالس يفكر في كلامها نعم هي تلك الصغيرة التي رماها بالميتم ولكن كيف هي علي قيد الحياة فلقد ماتت يبدو ان ورائها شئ غامض ويجب معرفته
بينما الجميع صامت يفكر في قالته ليسمعوا صوت كعب عالي لفتاتان ليصدموا عندما رأوا شعاع وجويرية فكانوا يرتدون ملابس توحي بأنهم فتيات من مجتمع راقي وماركات عالمية فكانوا في قمة الجمال والاناقة ليسحر بهم الجميع من جمالهم فهم يمتلكون جمال مميز أما هناك عاشقان تاها في جمالهم وسحرهم ليفيقوا فجأة من شرودهم لينظروا تجاههم بغضب وغيرة من أن يراهم أحد بتلك الملابس فالذي ترتديه الفتيات جعلهم يبدون كالاميرات فكانت فتياتنا ترتدي هذا
اما علي الجانب الاخر نجد من ينظر تجاههم بكره وحقد منهم فهم يمتلكون جمال يجعل الجميع يتهاتف عليهم لتقف رحمة فجأة وتتجه ناحيتهم وتقول بصدمة :
أنتم هتخرجوا كده !!...
شعاع ببرود : آه ...في حاجة...ومالوا لبسنا جميل.. وشيك وعلي الموضة....
سميرة بصدمة هي الاخري: فين اللبس ده انتم عارفين انتم فين؟؟
جويرية بلا مبالاة : Egypt ....ايه نسيتي بلدك والا ايه
رحمة: منسناش بس اللبس ده مينفعش هنا ...
شعاع ببرود: ليه بقي ....احنا طول عمرنا بنلبس كده ومفيش حد اعترض والا اتكلم .....وبعدين احنا كنا بنلبس كده في روسيا عادي يعني...
سميرة بسخرية : انتي قولتي روسيا مش مصر احنا في بلد شرقي علي فكرة لو ناسيين...
جويرية : هو في إيه ماله اللبس يعني وبعدين بدل ما تقولي لينا الكلام ده قوليه لبناتكم شوفي لبسهم عامل ازاي علي الأقل أهلهم موجدين ومعاهم ومترموش في الشارع زينا واتقال عليهم بنات ميتم وهما ليهم أهل وعايشين في قصور واحنا في ميتم زينا زي أي واحد من غير أهل
لتصمت كل من رحمة وسميرة فيبدوا ان الفتيات عانت الكثير في حياتهم وهم ليس لهم ذنب أن يروأ هذا العذاب لتقطع هذا السؤال رحمة وهي تقول بحرج:
احم ....هو انا ممكن اسأل سؤال...
شعاع : اتفضلي ...واسألي بدل جو الاستاذ والتلميذ دا احنا مش في حضانة..
رحمة : هي أريام بتلبس زيكم كده
جويرية: بتسألي ليه السؤال ده
رحمة: أصلها من ساعة ما شوفناها وهي بتلبس لبس شبه الشباب تقريبا يعني مش زيكم ...وباين عليها انها مش بتحب اللبس ده وغيركم خالص
لتنفجر الفتاتان من الضحك لينظر لهم الجميع بعدم فهم فهم لأول مرة يروهم يضحكوا بتلك الطريقة لتعقد رحمة حاجبيها وتقول بعدم فهم:
هو انا قولت حاجة تضحك مش فاهمة...
جويرية بضحك: هههههه...أريام مش بتحب البس ده....ههههههههه...هي بتتكلم عن مين
شعاع بضحك هي الاخري: شكلك غلطي في العنوان...هههههه
سميرة: ما تفهمونا ايه اللي بيضحك يعني في الموضوع
شعاع بهدوء بعدما هدأت : أصلكم انتم بتتكلموا عن أريام...لبس ايه اللي بتتكلموا عنه علشان انها بتلبس لبس قفل شويه...شكلك كده فهمتي غلط
لتكمل جويرية بضحك: اعذريها يا شعاعي أصلها شافت أريام في مود العشق الاسود وهي متعرفش من أساسه انها هي بتلبس أسود من اللي احنا لبسينه
شعاع بضحك: شكلك كده جيتي في الميعاد الغلط جيتي في وقت الاعتكاف بتاع أريام
رحمة بعدم فهم: ما توضحوا كلامكم شوية
شعاع ببرود: بصي يا حاجة
رحمة باستنكار: حاجة ...
جويرية : بصي يا زميلي انا هقولك فكك من شعاع وخليكي معايا انا
سميرة: حاجة وزميلي انتم متأكدين انكم خريجات كليات هندسة
لتقول جويرية بسخرية: وحياتك متخرجين من جامعات في روسيا كمان
رحمة : روسيا...كمان
جويرية ببرود: محدش يقاطعني بصي بقي يا كبير أريام عندها كده حالة لوحدها
همس :حالة هي مريضة نفسية والا ايه
شعاع : لأ مش مريضة والا حاجة
جويرية بحدة: قولت محدش يقاطعني وانا بتكلم
همس: آسفين ..كملي
جويرية: مش مريضة نفسية والا حاجة احنا التلاتة مع بعض في كل حاجة لما اختارنا ندخل كلية اختارنا نفس الكلية بس مجالاتها متنوعة علشان نفضل طول عمرنا نكمل بعض بس أريام بتيجي فترة كده وتقلب وتغير من لبسها وحياتها وتقلبها كده أسود
حازم بعدم فهم: اسود إزاي
جويرية بغضب: انا قولت محدش يقاطعني مش فاهمة بيفهموا دول منين مفيش عقل بيفكر
راسل بحدة: احترمي نفسك واتكلمي عدل
جويرية بتأفف: يا عم اقعد كده وانت شبه الاهبل مش عارفة والله
شعاع: بصي من الآخر أريام دخلت في مود الاعتكاف والعشق الاسود علشان كده هتلاقيها بتلبس بناطيل وكله أسود في أسود
رحمة: يعني دلوقتي في مود العشق الاسود
لتومأ لها الفتاتان جويرية: استني بس هتلاقيها نازلة لابسة أسود كليا ومفيش للالوان مكان
ومالبثت ان انهت جملتها حتي وجدوا أريام تنزل من علي الدرج وهي ترتدي ملابس أظهرت جمالها بحرافية وكانت باللون الاسود لتنطبق عليها مقولة الأسود لا يليق سوا بك لتنظر لي جويرية وشعاع تجدهم
يكتمون الضحك لتنظر الي الباقي لتجدهم ينظرون لها بصدمة لتقول وهي تعقد من بين حاجبيها :
هو في ايه ....شايفني تليفزيون او تحفة فنية الكل بيبص عليها
إياس في نفسه : فعلا ....تحفة فنية أبدع الرسام في تفنينها بس انت ملاك من إبداع الخالق
رحمة بصدمة: ايه كمية الأسود ده مفيش ألوان
سميرة : مفيش حاجة او منفذ للالوان كله أسود
همس: مين اللي مات
لتنظر لهم أريام برفع حاجب وتتجه ببصرها الي جويرية وشعاع اللتان انفجرتا في الضحك ولتنظر الي لبسها وتنظر لهم مرة أخري:
ماله لبسي ما هو مفيش حاجة
حازم : يا حاجة انت رايحة عزاء والا ايه دا مفيش لون مع الأسود يوحد ربنا
أريام ببرود وقد فهمت ما يحدث : هو دا لبسي وانا حرة ودا شئ يخصني أنا وبس
رحمة: بس انت ليه لبسك أسود كده يا بنتي انت لسه صغيرة مفروض تلبسي ألوان
سميرة : طب بالعقل واحدة في سنك تلبس كده مفروض ألوان قوليلي انت عندك كام سنة
أريام بلامبالاة: اتنين وعشرين سنة
حازم وهو يضع يده علي قلبه: يا صغيرة علي الحزن يا أختي
أريام ببرود ومع وجود حدة في صوتها: رحمة سميرة مش تحقيق انا حرة ألبس اللي انا عايزاه ومحدش يدخل في حياتي لأني بكره التحكمات دي
دارين : انت ازاي تقولي لمامي كده وتناديها باسمها
هايدي: انت ازاي تعلي صوتك علي مامي
أريام وهي تنظر الي جويرية بمعني اتكلمي معاهم انا صدعت منهم لتقول جويرية بسخرية:
في إيه يا سردين هو انت لسه زي ما انتي بارده وبتدخلي في اللي ملكيش فيه مش عارفة
دارين بغضب : ايه سردين دي ما تحترمي نفسك انتم بنات ولا راحت ولا جات وممكن بإشارة مني أمحيها
شعاع ببرود: جويرية متشغليش بالك بيها احنا أصلا مش بنتكلم مع أغبية وهي باين علي وشها الغباء من وهي في الثانوية متغيرتش
دارين : أنت...
جويرية بغضب: صوتك يا حلوة ....شكلك نسيتي زمان وإلا تحبي تفتكري
انضمت دارين بخوف فهي لم تنسي ما فعلوه بها في الثانوية
لتهم البنات بالذهاب لتوقفهم همس وهي تقول بابتسامة بريئة:
يعني انتم بجد بنات العيلة دي وانت جويرية بنت عمو يوسف
لتقول شعاع بسخرية: يعني انت لسه بتسألي اومال احنا كنا بنقول ايه
همس وهي تمد يدها لهم وتقول ببراءة: ممكن نبقي أصحاب ....
لينظر لها الفتيات باستغراب منها أما أريام كانت تنظر لها بتدقيق لمعرفة إذا كانت صادقة أم لا لتقول أريام وهي تنظر إلي ناهد :
هي مامي اللي بعتاكي والا ايه
همس بسرعة: لا ماما مش بعتاني بس أنتم بنات كيوت وحلوين وانا حابة ابقي صديقتكم
جويرية بسخرية: ابقي خدي الإذن الاول من بابي ومامي علشان تصاحبينا لأن احنا تلاتة وبس ومفيش رابع لينا
همس وهي تسحب يدها بحزن فهي أحببتهم رغم ما يحدث وهمت انت تضع يدها بجانبها لتجد من يسحب يدها ويقول :
مفيش مشكلة اننا نبقي أصحاب
قالتها وذهبت وهي معها الفتيات التي استغربت من تصرفها هذا ليخرجن بغرور وكبرياء
*^_______________^*
في المكتب عند عاصم الراوي نجد الجميع جالس بالمكتب وهم عاصم وعمران وعادل وجاسم وناهد ورائد وشهيرة ونائل ابن جاسم والجميع جالس يحاولون استيعاب ما يحدث
جاسم بغضب: انا مش فاهم هي ازاي عايشة مش ماتت من سنين وارتحنا منها ومن قرأها
ناهد : بنت كاميليا مش هتسكت وباين عليها انها قوية وذكية اوي ومش هتسكت
رائد : التلاتة اتجمعوا سوا وبقوا قوة واحدة البنات دي لازم نخلص منها
نائل: معاك حق يا عمي لازم يموتوا بأسرع وقت
عمران: انا مش فارق معايا غير اني اشرب من دم بنت يوسف واخلص عليها بإيدي وانهي اللي معملتهوش زمان
عادل: انت قاعدين تتكلموا وصوتكم عالي اوي مش بتفكروا في حل مناسب نخلص من البنات دي من غير شوشرة ولا حد ياخد باله
عاصم ببرود: الكل يسكت عادل معاه حق احنا لازم نخلص منهم بس مش دلوقتي
جاسم: ليه يا عمي دول ناويين علي الشر
شهيرة بحنق: ازاي بنت كاميليا اللي اترمت في الميتم وهي بعمر شهور عرفت كل ده احنا لازم نتأكد انها بنت كاميليا بجد
رائد بسخرية : دا علي أساس أنها مش بنت كاميليا انت مش شايفة الشبه اللي بينهم نفس لون العيون احنا أول ما شفناها قولنا انها كاميليا
عاصم ببرود: البنات دي وراهم سر كبير أوي انهم يعرفوا بشغلنا مع المافيا يبقي عارفين عننا كل حاجة لازم نعرف عنهم كل حاجة علشان نقدر نلاعبهم
نائل بغضب: ما احنا نخلص منهم ونموتهم وبعدين محدش هيسأل عليهم لأنهم شوية بنات اتربوا في ميتم
عاصم بحدة: تبقوا أغبية لو فكرتوا في كده لأن ساعتها في اللي شاف اللي حصل وبعدين هما مش بالغباء اللي يخليهم يرموا نفسهم بين الأفاعي من غير ما يكونوا مأمنين نفسهم كويس وهما تحت حماية شخص والشخص دا واصل أوي يبقي توصله ونخلص منه وساعتها نخلص من البنات دي بس الاول نعرف هما بيفكروا في إيه والخطوة اللي ناويين عليها ايه
عادل بهدوء واستيعاب: فعلا معاك حق دايما بنحسب الأمور من برا ومن غير تفكير ولازم نحسب الأمور كويس جدا
عاصم : بس أهم حاجة نقلل من لقائتنا شوية لأن ممكن حد يشك في اللي بيحصل وخصوصا الشباب لأنهم لو عرفوا ممكن تحصل مشاكل كتير وأهم شخص لازم ميعرفش هو حمزة لأنه مش هيسكت موضوع كاميليا لو انفتح اعتبروا أن أبواب جهنم انفتحت علينا لأن ساعتها هيبقي عامل زي الطير المجروح وساعتها محدش فينا هيقدر يمسكه بعد ما يشفي الجرح ده لأنه هيقلبها جحيم علينا
ليومأ له الجميع ويخرج الخمسة ويتبقي الثلاثة عاصم وعمران وعادل
عادل: ناوي علي ايه يا عاصم
ليتنهد عاصم ويقول وهو متلخبط: مش عارف خالص، حاسس ان كل الابواب متقفلة في وشي، ولأول مرة مش ألاقي مفتاح للباب ده، الماضي اللي كنت قتلته برصاصة و دفنته حاسس اني مدفنتوش كويس لدرجة أنه قدر يعيش والرصاصة دي تخرج ويعيش من جديد جويرية وشعاع صحيح اتظلموا مننا كتير وبس ضحينا بيهم علشان الإمبراطورية دي
عمران بغضب: احنا يمكن ضحينا بشعاع وكاميليا بس جويرية محدش ضحي بيها لأنها بنت لا بالعكس دي هموتها بإيديا علي شرفي اللي ضيعته الزبالة دي
عاصم : عمران مش عايز تهورات منك لأنك ممكن توصلنا للجحيم احنا بنفكر علشان نلاقي حل مع بعض مش كل واحد علشان يقدر يمحي اللي عمله في الماضي يروح يقتل احنا هنفكر إزاي نخلص منهم من غير ما الصحافة تعرف بوجودهم ساعتها تقدر تقول نهاية إمبراطورية الراوي مفهوم
عمران : تمام يا عاصم
عادل باستفهام: طب بنت كاميليا عايشة إزاي مش ماتت من زمان أوي
عاصم بحيرة: هو دا اللي محيرني أنها لما راحت الميتم كانت عمرها شهور بس دلوقتي رجعت وعارفة كل حاجة عننا وعن الماضي بس إزاي عايشة دا اللغز اللي محيرني وراها لغز كبير أوي أنها عارفة عيلتنا وكل حاجة عننا واللي عملناه في كاميليا وناوية علي الانتقام ومش هتسيب حد فينا اللي لما تنتقم منه
عادل بابتسامة ومرح: بس شبهك يا عاصم قوية وجبارة وغامضة وباردة حتي عيونك اللي انت تمنيت يجي حد من أحفادك تبقي زيها وتشوفه بيكبر اودام عينك ويبقي نسخة منك بنت كاميليا اللي رميناها في الميتم خدت كل ده وجبارة وقوية زيك يا عاصم رغم أنها ما شافتك قبل كده
عمران بضحك: بس قمر الصراحة
عاصم بمرح هو الآخر : بس منك ليه محدش ليه دعوة بحفيدتي هي حفيدة الراوي ولازم تبقي قوية وجبارة حتي لو معاشتش في قصور
هم من كانوا يدبرون المكائد لتخلص منهم وكانوا شياطين لا يعرفون الرحمة ويقتلون بدم بارد يمزحون ويضحكون بمرح وكأنهم نسوا ما كانوا يريدون فعله عجبا لكم أيها البشر كيف تتغير أحوالكم وأفعالكم وتصرفاتكم في ثواني
*^______________^*
عند الشباب نجدهم جالسين وعلي وجوه البعض الغضب والصغيرة ويتأكلهم الغيظ بينما ذلك جالس ولا يبدو علي ملامحه سوا البرود وينظر لهذان الجاليات
زين بغضب وغيرة : هي إزاي تخرج كده
راسل بغيرة وحنق هو الآخر: فرحانة أوي أنها لابسة كده وعلي الموضة ولما آجي أكلمها تقولي اسكت انا راسل الراوي الجوكر بنت تقولي اسكت والله لأوريكي يا جويرية مبقاش انا راسل
زين : دلوقتي تلاقي كل اللي رايح واللي جاي بيبص عليهم وهما ولا علي بالهم
راسل: صدقيني يا جويرية لهربيكي من جديد وإذا كان انت اتربيتي في الميتم تربيتك هتنعاد بس علي إيد راسل الراوي
زين : والله يا شعاع لكون معلمك إزاي تكلميني كده تاني
ليتأفف ذلك الجالس ويقول بحدة : بس منك ليه إيه من ساعة ما مشيو وانتم نازلين كلام ما خلاص يا عم روميو انت وهو يعني اللي خلق دول مخلقش غيرهم
زين :ما انت هنتكلم وتبقي كده لو كانت لبست زيهم
إياس وهو يرفع إحدي حاجبيه ويقول بسخرية : هي مين بقي دي
راسل: أريام هيكون مين غيرها انت مشفتش نفسك كنت متنح إزاي لما نزلت وشوفت لبسها وجمالها
إياس ببرود برع في إظهاه : اممم لا بجد أذكية وبتاخدو بالكم وتفكيركم لابسين ايه بس انكم تعرفوا هما بيفكروا في إيه لاء وإيه سبب الانتقام برضو لاء وازاي جويرية وشعاع عايشين برضوا لاء وازاي البنت التالتة دي تبقي بنت عمي حمزة برضوا لاء كل التفكير في اللبس وأنهم إزاي يكلموكم كده
زين وهو يجلس بجانبه ويقول : فعلا إزاي تاهت عنا بالنا الحاجات دي بس في حلقة مفقودة ولازم توصلها
راسل : احنا لازم نعرف ايه اللي حصل زمان للبنات دي
إياس بهدوء: احنا لو قدرنا نعرف إيه اللي حصل لكاميليا وهل فعلا ماتت هي وبنتها والا دي بنتها بجد
راسل: احنا لو قدرنا نعرف اذا كانت كاميليا خاينة والا دي ....ليبتر كلمته وينظر الي إياس وزين اللذان نظرا له نفس النظرة ليقول زين بتكملة :
لعبة معقولة في حد كان عايز يوقع بين كاميليا وعمي حمزة وتكون الضحية عمتو كاميليا بس إزاى وهما شافوا كل حاجة بعينهم وهي بتخون عمو حمزة
بس هتعرف من مين جدك هيقول اللي احنا نعرفه
إياس بهدوء: احنا لو عايزين نعرف اللي حصل زمان واختفاء البنات و خيانة كاميليا يبقي من البنات هم اللي بيقولوا لينا وساعتها هنعرف .....سر الانتقام
تابعوووووووني
رواية عاشق بدرجة مجنون كامله من هنا
رواية سر الشيطان الأسود كامله من هنا
رواية رحيل الهواري كامله من هنا
رواية انكسار امرأه كامله من هنا
رواية عشق بلا رحمه كامله من هنا
رواية جرح يداويه العشق كامله من هنا
رواية من أجل أبنائي تزوجتك من هنا
رواية زواج لدقائق معدودة كامله من هنا
رواية بسمه موجوعه كامله من هنا
رواية معشوقتي الصغيره كامله من هنا
رواية طلاق بلا تبرير كامله من هنا
رواية الفرار من الحب كامله من هنا
رواية مستشفى بلا حياه كامله من هنا
رواية فرقتنا الظروف وجمعنا القدر من هنا
رواية متمرده عشقها الشيطان من هنا
رواية عذرا لقد نفذ رصيدكم من هنا
رواية نار قلبي وانكسار فؤادي من هنا
رواية قاصره في قلب صعيدي من هنا
رواية مالم تخبرنا به الحياه من هنا
رواية اللعب مع الشياطين من هنا
رواية أحببت مربية ابنتي كامله من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺