رواية الشرف مشهد منفصل بقلم الكاتبه قسمة الشبيني حصريه وجديده على مدونة أفكارنا

رواية الشرف مشهد منفصل بقلم الكاتبه قسمة الشبيني حصريه وجديده على مدونة أفكارنا 

حتة كريز

الله اكبر الله اكبر الله اكبر لا اله إلا الله الله اكبر الله اكبر ولله الحمد الله اكبر كبيرا والحمد لله كثيرا وسبحان الله بكرة وأصيلا لا إله إلا الله وحده صدق وعده ونصر عبده واعز جنده وهزم الاحزاب وحده لا إله إلا الله ولا نعبد إلا إياه مخلصين له الدين ولو كره الكافرون اللهم صل على سيدنا محمد وعلى اصحاب سيدنا محمد وعلى أنصار سيدنا وعلى ازواج سيدنا محمد وعلى ذرية سيدنا محمد وسلم تسليما كثيرا الله اكبر الله اكبر الله اكبر

وهكذا علت تكبيرات العيد يجلس تاج على يمينه حمزة وولديه محمد ومحمود ويجلس رفاعى وولديه مهران وطايع وعلى مقربة حسان وابنه راشد

وعلا التكبير واقيمت الصلاة ثم جلس الجميع يستمعون إلى الخطبة ومالبث الجمع أن تفرق كل عائد الى منزله يتبادلون التهاني والتبريكات بمناسبة عيد الفطر المبارك

اقتربوا جميعا من منزل حمزة اولا ليستأذن فى الانصراف بينما يعترض صغيره محمد

محمد: خالوا تاج تعالى اطلع معانا

ينحنى تاج ليقبله ويقول: انا هاجى مع طنط غالية وليليان هنعدى عليكم ونروح الملاهى كلنا متفقين

محمد بسعادة: متفقين بس اوعى تتأخر

صعد حمزة وحازم إلى منزلهم ليسرع الاطفال بإتجاه جدهم

الحاج محمد: اهلا حبايبى

محمود: انا عاوز العيدية يا جدو انا الكبير

محمد: لا يا جدو هو كل مرة ياخد قبلى انا هاخد الاول

يضحك الجد ويقول: لا انت ولا هو جودى هتاخد الاول

محمد بغضب: يووووه كل حاجة جودى جودى وهى زنانة ووحشة

ماسة بحزم: ولد عيب تقول على بنت عمك كدة

يعقد محمد ذراعيه بغضب بينما يسرع محمود تجاه جودى المتمسكة ب الاء يربت عليها بحنان ويقول: ماتزعليش يا جودى انتى هتاخدى اول عيدية

ويمسك كفها لتتخلى عن كف امها وتسير معه لتقف أمام جدها الذى يقدم لها العيدية ولا يستطيع أن ينحنى ليقبلها فيسرع محمود بإحاطة خصرها بذراعيه الصغيرين ويحملها لمستوى جدها

يهمس حازم ل حمزة: جرى ايه ابنك ساق فيها اوى يا حمزة

يضحك حمزة : انت غيران من ابنى بردو بنتك بتحبه وروحها فيه

حازم بغضب مكتوم: حمزة لم ابنك لاضربه

حمزة: هههههه جرب ابنى راجل ماينضربش

كان الشقيقين محمد ومحمود قد حصلا على العيدية ايضا لتمسك جودى بكف محمود وتتجة لوالدها الذى يستشيط غضبا : بابا هنزل مع محمود اجيب ايس كريم

حازم بغضب : لا مفيش نزول

ويمد يده ليفك تشابك ايديهما الصغيرة وهو يحملها ليجلسها فوق ساقيه : وتعالى اقعدى هنا

محمود بغضب: عمى نزل جودى هتلعب معايا

حازم بعند: لا مش منزلها بنتى وانا حر فيها

تبكى جودى بصمت بينما ينظر محمود ل حازم بتحدى ويقول معنفا: مبسوط انت دلوقتى لما عيطت

ويمد كفيه أحدهما يمسح دموعها والآخر يربت على ظهرها بحنان: ماتزعليش يا جودى انا هروح اجيب لك ايس كريم من عديتى

جودى ببكاء: خلاص مش عاوزة

تقترب الاء من ابنتها وتقول بهدوء : حبيبتي بابا عاوز يقولك أنه ماينفعش تاكلى ايس كريم قبل الفطار بعد الفطار نجيب اللى انتى عاوزاه

وتنظر ل حازم وتقول بنبرة تهديدية : صح يا بابا

حازم بحرج : احممم أيوة انا بعد الفطار هاخدك ونروح نجيب اللى انتى عاوزاه

جودى ببراءة: لا انا عاوزة اروح مع محمود

يرفعها حازم بغضب ويضعها أرضا ويقول: والله ماانا سائل عنك

تسرع جودى تتمسك بكف محمود ويتوجها تجاه الجد يرفعها لتجلس ويجلس بجانبها

تخرج ماسة من المطبخ : الفطار جاهز ها اجيب

حمزة : اه يا ماسة انا واقع من الجوع

ويتحرك خلفها: انا جاى اساعدك

بينما تلحق الاء ب حازم الغاضب

**********

وصلوا لمنزل تاج ليقول رفاعى : سلم لنا على الغالية على ما ناچوا نعيدو عليها

تاج : يوصل إن شاء الله هنعدى عليكم بقا كمان ساعتين كدة نخرج الولاد

وهدان: هنستنوكو يا ابو نسب

وينصرف الأشقاء الثلاثة ويصعد تاج لشقته يفتح الباب لتنطلق صغيرته ليليان ذات الأربع أعوام : بابااااا

يتلقاها تاج بسعادة : قلب بابا

يقبل جبينها : كل عام وانت بخير يا حبيبتي

ليليان: كل عام وانت بخير من غير عيدية

يضحك تاج وتضحك غالية وهى مقبلة عليه: كل عام وانت بخير يا حبيبي

يقبل وجنتى غالية لتسرع ليليان وتحيط وجهه بكفيها الصغيرين : هو انت كل شوية تبوس ماما ومش بتبوسنى وكمان مش اخدت عيدية انا زعلانة

تاج: طب سيبى وشى

ليليان: لا هتبوسها تانى

تعلو ضحكة تاج وغالية بينما يقول تاج : خلاص مش هبوسها وهديكى عيدية

يخرج المال ويقدمه لها لتمسك به بسعادة وتقول ببراءة : قرأت الفاتحة لتيتة عواطف ؟

تاج بإبتسامة حزينه: أيوة يا قلبى

يضعها أرضا لتعدو بإتجاه غرفتها بينما تقترب غالية من تاج وتربت على ذراعه: الله يرحمها

فيتمتم : الله يرحمها

ينظر لها ويقول: وغاليتى مش هتاخد عيدية ولا ايه ؟؟

غالية بدلال: اممم اكيد هاخد

وتبسط كفها قائلة بمرح : ايدك يا بابا تاج

يضحك تاج ويخرج مبلغا كبيرا يضعه بكفها فتشهق بصدمة : ايه كل ده لا ا...

واسكتتها قبلته المفاجئة لتحيط رقبته بذراعيها وهى تتجاوب معه ليبتعد بعد قليل قائلا: ايه اللى انتى لبساه ده

غالية بقلق: ماله وحش؟؟

يجذبها برفق: وحش ايه بس !! ده يجنن حرام عليكى بقى لنا شهر صايمين ومحرومين من الدلع بتاع الصبح ده

اقتربت منه بشدة : طيب ممكن طلب

يخفض رأسه يداعب رقبتها بوجهه ولحيته وهو يهمس: انتى تتمنى بس ..تحلمى

غالية وهى تتعذب من مداعبته : ينفع اصوم بكرة الايام الست من شوال

يبتعد برأسه للخلف ويهمس: لا حرام عليكى..لما انزل الشغل ابقى صومى

ويعود ليقترب منها فتهمس: حبيبي دى سنة مؤكدة خلينى اصومهم علطول

يهمس تاج : عارف بس مقدرش ابعد عنك اكتر من كدة صيام الست من شوال سنة لكن حبك ليا فرض ابقى صومى اتنين وخميس

غالية بإستسلام : حاضر حبيبي..ابعد بقا بعدين ليليان تشوفنا

تاج: لا وانا مستغنى عن عمرى تعالى ندخل جوة

غالية: انا جهزت الفطار ...افطر الاول

يحملها تاج لتكف عن التذمر : هفطر بيكى وبعدين ليليان كبرت كفاية عليها وحدة كدة احنا نخاويها بقا

**********

لحقت الاء ب حازم إلى الغرفة رفعت نقابها وأغلقت الباب لتقترب منه

الاء: وبعدين يا حبيبي هتفضل عامل عقلك بعقل ابن اخوك

حازم بغضب: يعنى مش شايفة بيعملوا ايه؟؟ دة عيل سقيل وبنتك هبلة وماشية وراه

الاء: يا حازم دول اطفال ..ومتربيين مع بعض اخوات يعنى

حازم بغضب: يا سلام اقطع دراعى إن ماكان ابن حمزة يجى فى يوم يقول جوزهالى

ضحكت الاء: يا يا حازم ..انت دماغك راحت بعيد اوى وبعدين افرض يعنى ماله محمود من يومه راجل

حازم: بقولك ايه ماتعفرتنيش انا مش ناقص

الاء بإبتسامة : طيب خلاص ماتزعلش فك التكشيرة دى بقى النهاردة عيد

حازم بعتاب: يا سلام يا ختى واخدة بالك يعنى إن النهاردة عيد دا انتى حتى ماعبرتنيش بكلمة

هزت راسها بتفهم وهى تقترب: كل عام وانت بخير يا حبيبي انا كنت هعمل لك مفاجأة بعد الفطار

جذبها إليه: وليه نستنى بس احنا فيها

الاء بدلال: لا بعد الفطار حمزة وماسة هيخرجو هتبقى براحتنا

حازم: ما انتى مش راضية نطلع فوق

الاء : هنطلع بعد الفطار ..لسه زعلان !!

يبتسم حازم ويهز رأسه نفيا

**********

لحق حمزة ب ماسة ابتسمت له وقالت: كل عام وانت بخير يا قلبي

وقبلت خده ليقول بحزن مصطنع: وده من ايه يعنى ؟؟

ماسة: الله هو حبيبى زعلان ولا ايه؟؟

حمزة: زعلان وهطق كمان ما شوفتيش نفسك قلبتينى امبارح ازاى؟!!!!

تضحك ماسة: يا قلبي كنت بنضف البيت وتعبانة

اقترب منها: كنت هعمل لك مساچ وانتى يعنى تهونى عليا

ماسة: امممم هى الحكاية فيها مساچ يبقى عاوزين نتفرغ بقى

حمزة بلهفة: تعالى اعملهولك بعد الفطار

تستند على صدره وهى تقول بدلال: لا ماينفعش هنخرج ونلف وارجع اتعب خليها لما نرجع

يزيدها قربا : وعد يا ماستى

ماسة: وعد يا قلبى

اقترب منها يقبلها بشوق جارف ويستغل تلك الدقائق القليلة بالتمتع بدفء ذراعيها

*************

فى منزل راوية انتهى الأشقاء الثلاثة من تناول وجبة الإفطار بصحبة الام وتولت السيدات تنظيف المكان وغسل الصحون بينما جلس الرجال بصحبة الام التى تجمع حولها احفادها لتعطيهم العيدية

راوية : البنتة هتاخد الاول

مهران: ليه يا ستى الرجالة الاول

يقبل راشد مقدما شقيقته الصغرى روان عنه ويقول: ابويا قال الراجل حقيقى اللى يقدم البنت عن نفسه

طايع: أيوة عمى وهدان معاه حق

يشير ل سما ابنة خميس ويقول : تعالى يا سما انتى وروان الاول

راوية : أيوة اكدة لازمن يكون جلبكم على بعض والبنتة تشيلوهم فى عنيكم من چوة دول طريج الچنة

مهران بتذمر : علشان خاطر ستى بس

رفاعي: واد يا مهران بطل نشفان راس

تقبل زينب وصابحة وسعاد زوجة خميس لتصحب كل منهن أطفالها لشقتها ويلحق بهن رجالهن

دخل رفاعي ليقول: همو يا ولاد غيرو خلجاتكم عمتكم وچوزها زمانهم چايين

يتحرك الولدين لغرفتهما بينما يتجه هو لغرفته

يجد زينب قد خفت ملابسها وتسطحت بالفراش

رفاعي: واه احنا مش هنروحوا ويا غالية وچوزها

زينب: نروحوا يا رفاعي بس اريح ضهرى شوى

يقترب ليجلس بجوارها ويقول: لو ماجدراش بلاش نجعد

زينب : لاه انى زينة

تعتدل لتجلس أمامه وتقول: كنت عاوزة اطلب منك حاچة

رفاعي وهو يجذبها لتتكأ على صدره: اطلبى عنيى اديهملك بطيب خاطر

زينب: تسلم عيونك يا نضرى انا بس كنت يعنى ..

رفاعي: واه بتلجلجى ليه اتحدتى طوالى

زينب وهى تقترب منه : بدى اخلف كمان نوبة جلبى بيجولى ربنا هيدينى بنية

اعتدل لتصبح بمواجهته وهو يقول هامسا: بس اكدة خلفى إن شاء الله تخلفى عشر عيال كمان على جلبى زى العسل

تضحك زينب بدلالها الذى يذهب بعقله دائما

*************

تجمع الجميع وتأخر تاج اجتمعوا جميعا أمام منزله ليهبط بعد قليل تتعلق غالية بذراعه وتجلس ليليان على كتفيه وتتعلق برأسه

تشير روان لوالدها ليخفض رأسه فتقول : بابا شيلنى زى ما عمى تاج شايل ليليان

وهدان بحنان: بس اكدة حاضر يا جلب ابوكى تعالى

ويحملها على كتفيه ليبدأوا جميعا بالتحرك بإتجاه أحد المولات القريبة والتى تضم صالة مغطاة للالعاب فينطلق الأطفال بسعادة تحت رقابة ذويهم

حمزة وهو ينظر ل محمود الذى يصحب جودى : مش غريبة إن حازم يرضى ناخد بنته بسهولة كدة

ماسة بإبتسامة: عادى يا حمزة

حمزة: لا مش عادى هو بيسربها ولا ايه

تضحك ماسة : بص انا اتفقت مع الاء انا هاخد بنتها شوية وهى تاخد ولادى شوية

حمزة: وده من ايه يعنى؟؟

ماسة بدلال: عشان المساچ ولا انت غيرت رأيك

قالت اخر كلماتها وهى تقطب جبينها فأسرع يقول: لا غيرت ايه انا لو عليا اخدك من ايدك واروح دلوقتى بلاش دلع بقا خلى يومك يعدى

ينظر تاج لإبنته بسعادة وهى تنسجم مع الجميع: غالية شايفة ليليان عاملة ازاى

غالية: مالها يا تاج ؟؟

تاج: حتة كريز تتحط فى اى مكان تجمله

غالية: اكيد مش بنتك

تاج: هى بنتى لوحدى وبعدين دى شبهك بالظبط

غالية: انا حلوة كدة

همس تاج: انتى احلى يا قلبى

رفاعي: زينب جومى بينا بزيداهم تنطيط

زينب: واه هنمشو دلوك

يقترب منها برأسه: مش عاوزة تخلفى ..يبجا تسمعى الحديت من سكات

هبت واقفة وتتمتمت : انى بجول بزيداهم تنطيط يكملوا فى البيت

نهض رفاعي واستاذن وصحب أولاده وانصرف وما لبثوا أن تفرقوا جميعا

ليصحب تاج غالية الى ذلك المحل وما أن دلفو من الباب حتى أسرعت العاملة نحوهما : اهلا استاذ تاج..منورة مدام غالية

غالية: متشكرين جدا لذوقك

العاملة: انتو مش اى حد يا مدام انتو أصحاب مكان

ونظرت ل تاج وقالت: حضرتك تأمر بإيه ؟؟

تاج : شوفى غالية انا هدفع بس هاتى لها احلى حاجة بمناسبة العيد

اقتربت العاملة من غالية وهمست: بمناسبة العيد جالنا كولكشن لانجرى وهم

غالية: طب يلا فرجينى

وانصرفت غالية معها بينما تاج لا يزال يحمل ليليان على كتفيه لتضرب على رأسه وتقول : بابا عاوزة اشترى حاجة من هنا .. اشمعنا ماما

تاج: حبيبتي هنا حاجات الكبار لما تكبرى اشترى لك حاجات من هنا

تعود لتضرب على رأسه وتقول بإصرار: لا انا عاوزة دلوقتى

تاج: وعاوزة ايه دلوقتي؟؟

ليليان بثقة : عاوزة روچ

يرفع رأسه و ينظر لها تاج بفزع وهو يصيح

تابعوووووووني 

بداية الروايه من هنا