6=فتيات من جحيم - ✨البارت السادس✨ -
انا الطفلة الصغيرة......انا الانثي الكبيرة.....انا المراهقة الطائشة ......انا الجدة الحكيمة......انا للشر عنوان .....انا للانتقام طريق....انا من الثائرة المتوحشة...فاحذر مني....
 |
✨✨✨✨✨✨✨✨✨✨✨✨✨✨
في شركة الرواي للمعمار يجلس الجميع بانتظار باسل المحمدي من أجل المشروع وكان الحاضرين كبار عائلة الراوي عاصم وعادل وعمران والأحفاد الاربعة إياس وراسل وزين وحازم ومعهم حمزة ورائد وجاسم فتلك الصفقة مربحة لهم فهي ستكون مع شركة فتيات من جحيم لتدلف السكرتيرة لتعلمهم بوصول باسل
ليدلف بكل ثقة وغرور ليجلس معهم ليتحدث بعملية
:
إياس بيه اتصل بيا وأخبرني بموافقتم علي المشروع ودي فرصة كويسة اوي للشركتين
جاسم بغرور: وشرف ليكم انكم هتشاركوا عيلة الراوي في مشروع ودي فرصة كويسة ليكم
باسل ببرود وغرور: الشرف ليكم ان شركة A.S.G العالمية هتشاركم في في مشروع ودي فرصة ذهيبة ليكم لان الكل عارف قد ايه احنا ملتزمين وجادين في أي موضوع يخص شغلنا
زين ببرود: برده احنا مش قليلين احنا من أكبر شركات المعمار ومشاريعنا ناجحة جدا
باسل ببرود مماثل: متنساش ان فتيات من جحيم قوة ويقدروا علي اي حد وكمان اذكية جدا واكيد كلكم شوفتو المشاريع اللي اقمناه والقري السياحية والفنادق قد ايه غاية في الجمال والرقة والديكور غير الحماية الالكترونية لو مكناش بارعين في شغلنا او نكون متميزين عن الباقي وقتها عمرنا ما هنوصل للقمة في وقت صغير والفترة القليلة دي
الجد عادل : بس احنا مش شايفين فتيات من جحيم اللي بتقولوا عليهم ايه مش حابين يظهروا لينا
باسل: اولا هما بيديروا أعمالهم اللي في مصر عن طريقي وكذلك في الفروع التانية اما الفرع الرئيسى اللي في روسيا فهما اللي بيديروه واحتمال الفترة الجاية يظهروا للكل لانهم مش حابين ان الكل يتكلم عليهم ويحلوا اللغز بتاع الصحافة واحتمال الملكة تظهر معاهم
الجد عاصم ببرود : عايز أعرف سبب المشروع ده ايه وكمان انتم لسه مخسرنا في المناقصة وربحتوها ايه اللي يخليكم تعرضوا مشروع زي ده علينا
باسل: علي ما اعتقد احفاد حضرتك قالولك ان احنا بنهدم اي عداوة قبل ما تتبني علشان سمعتنا في السوق ومحدش يقف في وشنا ونشتغل براحة ونبعد عن المشاكل لاننا مش بنحب المشاكل وبناء عداوات ودي اوامر الفتيات بعد اي مناقصة نربحها ننهي اي عداواة قبل ما تتولد
الجد عمران بإعجاب : فعلا بنات اذكية وواضح انهم مش من السهل خداعهم وبيحلوا المشاكل قبل ما تتولد ويمحوا اي أثر للكره اللي بيتولد
الجد عاصم : احنا اخدنا فكرة عن المشروع والبنود بس التصاميم مشفنهاش والا دي بردك من مسؤوليتنا احنا بس مفيش بند بيقول كده
باسل ببرود: احنا من عاداتنا اول ما نعرض مشروع علي اي شركة بنعرض البنود وفكرة المشروع بس التصاميم بتبقي وقت الامضاء بتشوف التصاميم والديكور وكمان نظام الحماية الالكترونية
حمزة: نقدر نشوف التصاميم دلوقتي بما اننا هنمضي العقود
باسل: اوك ودا حقكم
ليخرج لهم باسل التصاميم لينبهر الجميع من روعة التصاميم والديكورات وانظمة الحماية الالكترونيه
وكيف كانت التصاميم بسيطة وجميلة وليس بها اي أخطاء ويصبح لديهم الفضول الاكبر من رؤية هؤلاء الفتيات
ليقول حازم بعدم تصديق: واو انا اول مرة اشوف تصميم بالروعة دي دقيق في الرسم والبساطة والرقي مع بعض انا لو فضلت ١٠٠سنة مش هعرف اصمم زيه
الجد عاصم : فعلا التصاميم روعة شكل هيبقي في مشاريع كتير بينا
باسل : شكرا ليك
إياس ببرود وقد لاحظ شئ صغير في التصميم : ممكن نعرف ايه الرسمة الصغيرة دي
باسل : قصدك دي ليوما له إياس ليقول باسل:
دا غزال لان جحيم بتحب الغزلان فهي دي رمزها ودايما تحت كل تصميم بترسم الغزال ده كامضاء ليها
ودي بتوضح ان التصاميم من ايد جحيم والتصاميم ١٠٠في ١٠٠
ليأخذ الجميع من إياس التصاميم لينظروا الي تلك الرسمة الصغيرة التي لم ينتبه لها اي منهم فكيف لم ينتبه لها احد
ليقول الجد عاصم: نقدر نمضي العقود بما ان احنا متفقين علي كل حاجة
ليمضوا العقود سويا ليهنئ الجميع بعضهم لذلك المشروع
بينما باسل ليسأله الجد عادل: انت شوفت البنات دي
باسل : تقصد الفتيات اه شوفتهم لان يبقي في اجتماعات للمدراء الفروع كل شهر للمناقشة اهم المشاريع والقرارت المهمة
حمزة : طب وهما عاملين ازاي اكيد انت شوفتهم من تعاملك معاهم فاحنا حابين نعرف عنهم اي حاجة علشان نبقي ضامنين اننا مغلطناش وشاركنا الشركة الصح
باسل ببرود: اولا مش مسموح أقول اكتر من كده او اعرفكم حاجة لان دي اوامرهم بتحديد المعلومات اللي لازم الكل يعرفها وبعدين لو مكنتوش واثقين في شركتنا عارفين سمعة الشركة الكويسة مش هيبقي في بينا شراكة دلوقتي
ليقول لهم وهو يتجه الي الخارج: مبروك عليكم الشراكة والمشروع الجديد ومبروك عليكم فتيات من جحيم
ليتركهم ويذهب وسط حيرتهم من غموض هؤلاء فهم يريدون حل ذلك اللغز فكيف للتلك القوة ان تختبئ عن أعين الجميع فيبدو ان ورائهم سر غامض ويجب اكتشافه
ليعودوا جميعا الي القصر ليعلموا الجميع بأمر ذلك المشروع ليفرح البعض منهم فهذا جيد لهم
لنجد الجميع جالس يتحدثون بخصوص ذلك المشروع ويري الجميع صور التصاميم لينبهر الجميع من جمال القرية لتقول دارين بدلع:
جدو اول ما تتم القرية نقدر نقضي فيها الاجازة
هايدي: ايوا يا جدو بجد القرية تحفة فخلينا نقضي فيها اجازة الصيف السنة دي
الجد عاصم بضحك: اللي تؤمر بيه أميراتي يتنفذ من غير نقاش بس ننتهي من بناءها
ليضحك الجميع لتقول ناهد بخبث يغلفه الحزن المصطنع : طب همس ملهاش من الحب جانب والا ايه
الجد عمران بضحك: لأ ليها اللي تطلبه هيتنفذ فورا
همس بسعادة : بجد يا جدو
عمران: بجد يا قلب جدو
همس: عايزة اعمل المعرض الخاص بيا اعرض فيه اللوحات بتاعتي
ليصمت الجد قليلا وينظر الي أخويه اللذان تبدلا ملاحهما الي الغضب و توجه ببصره الي حمزة رأي بركان علي وشك الانفجار من شدة الغضب لتزول ابتسامة همس ويصبح محلها الحزن ليقول الجد عاصم: اللي عايزاه همس يتنفذ
همس بسعادة : بجد يا جدو
عاصم: ايوا شوفي امتي واحنا نعرض لوحاتك بس أنت بقي تورينا الفن الاصلي
لتسعد همس بذلك كثيرا لتحتضن جدها بسعادة لتقول
همس بسعادة:
انت احلي جد في الدنياا ..دي كلها بحبك اوي يا جدو
الجد عمران : طب وانا يا ست همس ايه مش ليه نصيب من الحب ده
همس وهي تحتضن جدها عمران : لا طبعا انت حبيبي ومن ثم تقول بعفوية : بس ابو عيون لون البحر دا اكتر مش عارفة ليه مفيش حد عيونه جميلة زيه كده في العيلة دي يعني العيون الجميلة دي تنقرض من العيلة
ليصمت الجميع فهي ذكرتهم بصاحبة نفس لون العيون ولكنها الان لم تعد موجودة تتحاسب علي أخطائها التي ارتكبتها ليصمت الجميع فهم لا يريدون التحدث بذلك الموضوع ليصمت الجد عاصم ويقول في نفسه:
عيوني كان في منها تلاتة بس خلاص ماتوا بنتي وحفيدتي ....دفعوا تمن ان الامبراطورية دي تفضل موجودة ....بس هما دلوقتي ملهمش وجود خلاص ...ياه يا كاميليا ضحينا بيكي انت وبنتك علشان الامبراطورية دي ...جوزتك ابني لأجل تجيبي الحفيد اللي يشيل اسمي بس واللي اتمنيته اوي من الدنيا يبقي من صلبي انا فشلت في الكبير وكان أملي في الصغير بس فشلت ....الظاهر مكتوب ليك يا حمزة خلفت البنات علشان يجيلك بدل البنت تلاتة ونضحي بالصغيرة وامها اللي اخدو لون عيوني اللي مفيش حد في العيلة اخدها غيرهم بس انت لازم متكتشفش السر اللي بقالنا سنين بنداريه عليه لانه لو خرج هتقلب الدنيا دي وهتحولها لدمار وكل اللي عملناه هيتهدم ويدمر فوقينا ....
ليتنهد بضيق ويصعد وخلفه الجميع ليتبقي همس وامها. لتقول ناهد بغضب:
انت غبية خلاص مفيش مخ بيفكر ...ايه الغباء ده
همس بحزن: أنا آسفة مكنتش اقصد
ناهد بغضب: انا الظاهر دلعتك اوي بس لسه في وقت طالعة لسميرة ورحمة مش عارفة مصلحتك فين
همس: يا ماما انا مرتاحة وسعيدة باللي عندي ومبسوطة بالكلية اللي اختارتها
ناهد بسخرية: فنون جميلة..عايزة تبقي زي كاميليا
همس بدموع: بس انا مش زيها
ناهد: اومال اخترتي نفس مجالها وفي الاخر طلعت واحدة خاينة حابة تبقي زيها يا همس
بينما ذلك الواقف يتابع ما يحدث ليقول بغضب: همس مش ذي اي حد واذا كان في خاينين فهمس مش ذيهم يا ناهد هانم
ناهد بخوف ان يكون إياس استمع الي حديثها فهو لا يحب ان يزعج احد همس ولو بالكلام لتقول بخوف :
إاايياس انا
إياس بغضب: بس مش عايز اسمع حاجة وانا منبه علي الكل ان محدش يزعل همس بس واضح ان كلامي مش بيتسمع و ايه بتشبيهها بالخاينة انا وانت عارفين مين الخاين اللي بجد
ناهد وهي تبتلع ريقها بصعوبة وتقول بتوتر: قصدك ايه ..باللي انت بتقوله ده
إياس بفحيح أفعي: كل بأوانه و هنعرف مين الخاين ومين المظلوم
لتذهب ناهد وهي خائفة منه فهو عاصم الراوي القادم فكيف لا تهابه اذا الجميع يخافه حتي كبار العائلة بينما همس تبكي في أحضان أخيها لتقول من بين دموعها:
هي ليه دايما بتعاملني كده مش علشان دخلت فنون جميلة واخترت المجال اللي بحبه تفضل تشبهني بعمتو كاميليا ذنبي ايه انها خاينة
إياس بحنان: بس انت مش شبهها انت أحسن منها بكتير اذا كانت هي خاينة فانت مش كده يا قلبي وبعدين احنا مش لازم نبكي لا نحضر نفسنا ولوحاتنا علشان المعرض
همس بابتسامة : استني وانت تشوف لوحات همس الراوي هتكسر الدنيا
إياس بابتسامة: لا تكسر الدنيا كده طب براحة شوية عايزين مكان بسيط نقعد فيه
لتضربه همس علي صدره ليحتضنها ويضحك وهي كذلك
☆☆☆☆☆☆☆☆☆
في قصر فتيات من جحيم تجلس الفتيات وهم صامتين لتقول جويرية بحنق :
الخطوة الجاية ايه ...انا عايزة انتقم منهم ادمرهم زي ما دمروني
شعاع بحزن: يمكن انت اترحمتي شوية بس انا كنت بتعذب وبضرب وبتحرم من الاكل لاسبوع وبتحبس في أوضة ضلمة بعد ما كنت الاميرة بقيت الخدامة الذليلة ليهم وفي الاخر كانوا عايزبن يبعوني تجارة اعضاء هههه بعد قتلوا اهلي ههه
لتحتضنها جويرية وتقول بدموع : بس احنا مش البنات الضعيفة دلوقتي نفدر ننتقم منهم وهناخد حقنا من كل اللي آذانا واتسبب في عذابنا
شعاع بابتسامة باهتة : في عز الشدة والحزن بلاقيكم جنبي وفي ضهري بتكونوا سندي في حزني
جويرية: احنا سند بعض ومصدر القوة لبعض بس والله ما هرحم واحد فيهم
شعاع بشر: صدقيني هيشوفوا العذاب اللي احنا شوفناه وهيكون اضعافه
لينظروا الي أريام ليجدونها تنظر الي إليهم وساكتة لتقول ببرود : حان الوقت
لتقول الفتاتان بعدم فهم : حان الوقت لايه
أريام: حان الوقت ........للانتقام
✨✨✨✨✨✨✨✨✨✨✨✨✨✨ يا تري ايه ناويين عليه البنات ؟؟
أريام بتفكر في ايه وايه اللي بتخططله؟؟
تابعوووووووني
رواية عاشق بدرجة مجنون كامله من هنا
رواية سر الشيطان الأسود كامله من هنا
رواية رحيل الهواري كامله من هنا
رواية انكسار امرأه كامله من هنا
رواية عشق بلا رحمه كامله من هنا
رواية جرح يداويه العشق كامله من هنا
رواية من أجل أبنائي تزوجتك من هنا
رواية زواج لدقائق معدودة كامله من هنا
رواية بسمه موجوعه كامله من هنا
رواية معشوقتي الصغيره كامله من هنا
رواية طلاق بلا تبرير كامله من هنا
رواية الفرار من الحب كامله من هنا
رواية مستشفى بلا حياه كامله من هنا
رواية فرقتنا الظروف وجمعنا القدر من هنا
رواية متمرده عشقها الشيطان من هنا
رواية عذرا لقد نفذ رصيدكم من هنا
رواية نار قلبي وانكسار فؤادي من هنا
رواية قاصره في قلب صعيدي من هنا
رواية مالم تخبرنا به الحياه من هنا
رواية اللعب مع الشياطين من هنا
رواية أحببت مربية ابنتي كامله من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺