رواية فتيات من جحيم الفصل السابع بقلم الكاتبه أميره عمرو حصريه وجديده على مدونة أفكارنا

7=فتيات من جحيم - ✨البارت السابع✨

احذر من حواء عند الغضب....فلا تتوقع منها شئ...سوا الدمار .....لتعود تلك الطفلة البريئة...للانتقام ممن كانوا السبب.....في تدمير سعادتها.....لتعود بنار حارقة ....ستحرق الجميع.......ليبدأ جحيم .....جحيم فتيات الراوي

✨✨✨✨✨✨✨✨✨✨✨✨✨✨

في صباح يوم جديد سيكون مشرق للبعض ومظلم علي البعض فهذا اليوم الذي سيهدم آمال الكثيرين ويبدأ الإنتقام وهذا اليوم سيكون ملمحمة فستنبض قلوب رافعة راية العشق وسيولد كره وحقد وعناد وستكتشف أسرار كانت مخبأة منذ سنين ستبدأ حرب الفتيات فتيات ذاقت جميع أنواع العذاب علي ايدي اقرب الاشخاص اليهم أناس كانت يجب ان تكون السند والحماية لا الغدر والطعن فماذا يخبأ القدر لهؤلاء الفتيات حزن ام فرح بعد عذاب ومشقة تحملته تلك الفتيات وقسوة الحياة عليهم فهل يستحقون العذاب من جديد ام القدر سيكتب لهم السعادة التي افتقروها من سنين

في قصر الراوي علي طاولة الطعام يجلس الجميع لنجد الهدوء و الصمت هو عنوان تلك الطاولة ليقطع ذلك الهدوء كلام جاسر وهو يقول:

احم بابا نائل راجع من السفر انهارده

ناهد بفرحة: بجد نائل هيرجع انهارده

ليومأ لها ليقول عمران بهدوء: وايه أخبار الشغل تمام

جاسر: ايوا ودلوقتي ترتاح

شهيرة: طيارته امتي

جاسر: الساعة ٤ هتكون طيارته وصلت بس مين هيقابله انا مشغول

الجد عاصم: إياس هتروح انت وزين تقابلوا نائل في المطار

إياس: حاضر يا جدو

زين بتأفف: حاضر

لينتهي الجميع من الافطار ويتجه الجميع الي عمله والذي يذهب الي جامعته فهؤلاء الاناس لا تهتم بأولادها لا تهتم سوا بمصالحها الشخصية والعمل واخلاق ابنأئها ورعايتهم لا يفقهون بها شئ

الساعة الرابعة مساءً في مطار القاهرة يقف إياس وبجانبه زين الذي يتأفق كل دقيقتين ليقول إياس بانزعاج : ما تبطل نفخ شوية ايه راعي اني موجود

زين بغيظ: يعني مفيش غير زين اللي يستقبل اسي زفت نائل ما كان بعت غيري مش فاهم انا اشمعنا انا

إياس ببرود: دي اوامر جدك واحنا منقدرش نغيرها انت عارف جدك كويس بيكره ان حد يعصي اوامره

زين: يعني علشان مبيبحبش حد يعصي اوامره يورطني في استقبال الاستاذ نائل

إياس: انا مش فاهم انت بتكره كده ليه هو صحيح بارد ومزعج بس اخويا ومستحمله علشان صلة الرحم

زين: حوش الواد بيصل رحمه اوي وبعدين ايه قلبت شيخ جامع فجأة يعني انت ذات نفسك مش متقبله انا ذنبي ايه اجي معاك

إياس : تعرف تسكت شوية انا صدعت منك

زين: اووف هو اتاخر كده ليه بقالنا ساعة مستنين الأستاذ

إياس: زمانه بيشوف الاجراءات والشنط ويجيي

بعد قليل يخرج الكثيرين من المسافرين لنجد شخص يبدو عليه ملامح الخبث والحقد والحقارة في عمر الرابعة والثلاثون ومعه شنطه وذو هالة مرعبة ليتجه ناحية إياس وزين بينما عند إياس وزين يجدوا شخص مقبل عليهم ليقول إياس ببرود:

حمدلله علي السلامة

نائل : الله يسلمك ويحتضن أخيه

زين بتأفف: حمدلله علي سلامتك يا ...نائل

نائل بتهكم: شكرا يا...زين

إياس: طب يلا بينا الكل مستنيك في القصر

نائل: اخيرا .... انا تعبان من السفر اوي

زين بسخرية: سلامتك

ليذهب وخلفه كل من إياس ونائل ليتجهو الي القصر حيث الجميع فهم بانتظاره ليعلموا ماذا حدث وكيف أخبار اعمالهم خارج البلاد

في قصر فتيات من جحيم نجد الجميع جالس ومعهم باسل ليقول باسل بخوف :

انا قلقان من الخطوة دي .....ما تتراجعو عن اللي في دماغكم ده

شعاع : متقلقش علينا احنا فتيات من جحيم .....وعمرنا ما هنتراجع عن اللي في دماغنا

باسل : انا خايف عليكم ...انتم اهم حاجة في حياتي

جويرية : وانا مقدرة خوفك بس جه وقت العقاب لازم يتعذبوا زي ما احنا اتعذبنا

باسل : طب ما تفكروا في حل تاني تاخدوا بيه حقكم وتنتقموا منهم

شعاع بغل: مفيش حل غير كده

أريام ببرود : يلا بينا دلوقتي علشان نبتدي انتقامنا ....جاهزين يا ثعبان وانت يا افعي

جويرية وشعاع: جاهزين جحيم

باسل بحنان: ابقوا طمنوني عليكم

أريام ببرود: متقلقش واهم حاجة ان ....الملكة متعرفش حاجة عن اللي بنعمله وتزود الحراسة عليها هي وكريم

باسل: تمام ...

في قصر الراوي

نجد الجميع متجمع ليدخل نائل وهو يفتح ذراعيه :

يا أهل هذا البيت نائل رجع

لتجري عليه ناهد وتحتضنه بسعادة لتقول : وحشتني

نائل: وانت كمان يا ماما

ليسلم عليه الجميع ويجلس ليقول الجد عاصم : ايه اخبار الشغل كله تمام

نائل : متقلقش كله تمام و كل حاجة اتنفذت زي ما انت امرت

عاصم : برافو عليك طلعت قد المسئولية

نائل : طبعا حفيد الراوي ميهزمش

سميرة بحنان: انت اكيد تعبان وجعان انا قولتلهم يجهزوا السفرة يلا بينا

ليتجه الجميع الي طاولة الطعام ليشرعوا في الاكل وسط فرحة الجميع برجوع نائل وغضب البعض بوجوده ليتأفف زين واحتقانه من وجود نائل فهم دائما هكذا لتأتي اليهم الخادمة

الخادمة: عاصم بيه في ضيوف في انتظارك

عاصم : متعرفيش مين

الخادمة: لا مقلوش مين يا فندم قالولي اعرفك بوجود هم وانهم مستنين حضرتك

الجد عاصم : روحي انت

لتومأ الخادمة وتذهب ليقول حمزة باستغراب: ضيوف مين دول اللي جايين من غير معاد وفجأة كده

ليزداد فضول الجميع ليخرج الجميع الي الخارج ليجدوا ثلاث فتيات معطين لهم ظهورهم ولم يروا اي احد منهم

ليقول حازم بمزاح: ايه يا جدو انت متجوز من ورانا والا ايه

لتضربه سميرة في كتفه ليسكت بينما الجميع اصبحوا يريدون معرفة من هؤلاء ليقول الجد عادل:

انتم مين ....وعايزين ايه

لتلتفت اليه الفتيات لتخلع شعاع وجويرية النظارات لينصدم الجميع من كتل الجمال التي امامهم فقد كانت الفتيات ترتدي هذا

ليجلس كلا من الجد عاصم وعادل وعمران وتجلس العائلة جميعها لتجلس أريام في المقابل وكل فتاة امام جدها فكانت أريام في المنتصف تقابل عاصم الراوي وشعاع بالجانب الايمن تقابل عادل الراوي وجويرية في الشمال تقابل عمران الراوي بينما الجميع يريد معرفة من تلك الجميلات لييقول نائل الواقف بجانب الفتيان :

اوبا البنات صورايخ بس التالتة دي تخلع نظاراتها ونشوفها حلو

ليشعر إياس بالغضب ولكن لا يعلم مصدره فمنذ ان اخبرتهم الخادمة أصبح قلبه ينبض بطريقة غريبة ليستعجب هو من ذلك ولكنه يريد رؤية تلك الفتاة المجهولة له

بينما زين أخذ ينظر لصاحبة تلك العيون البنية الجميلة

ليسحر من جمالهم ليشعر بشعور غريب يحتله فقد احس انه رأي تلك العيون من قبل ولكن اين لا يتذكر

راسل تاه في بحور القهوة فهي تشبه القهوة يالله كم عيناها جميلة جدا ليعلن القلب بداية عشق

بينما دارين وسارة وهايدي نظروا الي إياس وزين وراسل لتجد انظارهم معلقة بتلك الفتيات ليستشيطوا غضبا فهم رأوا كم هن اجمل منهم بكثير

ليعيد الجد عمران السؤال من جديد : انتم مين وايه سر الزيارة دي

لتقول دارين بتكبر: تلاقيهم يا جدو الشغلات الجداد

سارة بغرور: فعلا انت شايفهم عاملين ازاي اخرهم خدامات في القصر

هايدي: فعلا دول أخرهم خدامين في قصر الراوي يعني يخدموا أسيادهم

لترد عليها شعاع ببرود : اممم خدامين هو في برده حد يكون الخدام في القصر بتاعه

صدمة..... ذهول....خوف ....غضب...دهشة...ألجمت الجميع ماذا تقول تلك الفتاة كيف يمكن ان تكون صاحبة القصر

لتقول شهيرة بغضب: دول اكيد نصابين لازم نطلب ليهم البوليس

ناهد بتأييد: معاك حق فعلا خليهم يجوا ياخدوا الاشكال الزبالة دي

ليقول الجد عمران بغضب: انتم مين وعايزين ايه

جويرية ببرود : براحة شوية علي نفسك يا عمران بيه اصل شكلك مصدوم ولازم تبقي قوي وصحتك تبقي تمام لأن دي بداية الصدمات

جاسر بغضب : انت مين علشان تكلمي أسيادك كده

شعاع ببرود : هههه أسيادي امممم طب بلاش انت اللي تتكلم يا ...جاسر الراوي

الجد عادل بغضب: انا مش فاهم انتم مستنين ايه نادوا للحرس يخدوا الاشكال الزبالة دي ويرموها برا

شعاع : هتخلي الحرس يرمي حفيدتك برا القصر يا عادل بيه

صدمة أخري تتأتي اليهم فيبدوا ان هذا اللقاء حامل للصدمات فيبدوا ان العقاب حان وقته والانتقام سيدمر الكثير

الجد عادل بصدمة: انت كدابة انا معنديش حفيدات غير سارة بس

شعاع : اممم تحب اعيد تاني انا ابقي شعاع هشام عادل الراوي بنت هشام ابنك يا عادل بيه

رائد بصدمة فقد توقع ان لا يكشف السر الذي هدمه منذ سنين ان يبني من جديد: انت كدابة بنت هشام ماتت من سنين

شعاع بسخرية: يعني هكون مت ورجعت من جديد والا تكون انت اللي بتخترع الكلام ده

شهيرة بتوتر: البنت دي كدابة شعاع بنت هشام ماتت من حوال ١٧ سنة

جويرية بسخرية : ايه العيلة المتخلفة دي هو الميت بيصحي تاني مش عارفة شعاعي هما دول اللي مفيش في ذكائهم

شعاع: عندك حق واضح اوي انهم معدومين التفكير

زين بغضب : احترمي نفسك انتم مين علشان تتكلموا كده عن عيلتنا واضح اوي انكم نصابين وجايين تنصبوا علينا

جويرية بغضب : حابين تعرفوا احنا مين احنا بنات العيلة دي احنا اللي شوفنا العذاب علي ايدكم مرحمتوش ولا واحدة فينا ذل اهانة ضرب كل حاجة وحشة حرمان من الاكل استغليتوا اننا أيتام وان اهلنا ماتوا محدش فكر مرة ايه شعور ابنه لما يلاقي بنته بتتعذب علي ايد ابوه واخوه ها مترد عليا يا عمران يا راوي ساكت ليه مش فاكر حفيدتك اللي رميتها في أوضة ضلمة من غير اكل وشرب وضرب واهانة عاقبتني علي ذنب مش ذنبي حابب تعرف انا مين انا هقولك انا ابقي جويرية يوسف عمران الراوي بنت يوسف ابنك لو كنت فاكره

شعاع ببرود: جوري اهدي يا روحي متعصبيش روحك علشان شوية ناس مفيش في قلوبهم رحمة

عمران بغضب: انا حفيدتي ماتت من ١٧ سنة وانت واحدة كدابة

جويرية ببرود: انا مش كدابة لان جويرية مش بتكدب ومش بتسيب حقها

راسل بغضب : حق مين اللي بتتكلمي عنو يا شاطرة روحوا اعملوا الفيلم الهندي دا في حد تاني مش تيجوا تعملوه علي عيلة الراوي

جويرية ببرود تحسد عليه فهو ليس من طباعها: حقي وهاخده حتي لو في بطن الحوت ميهمنيش واركن علي جنب

شعاع ببرود : ايه يا عادل بيه والا اقول يا جدو مش انت جدو بردك والا انا غلطانة احب اقولك واقول لكل الموجودين ان انتم دلوقتي ضحايا انتقام بنات الراوي وبنات الراوي مش بيسبوا حقهم حتي لو بين أسنان الاسد وموتهم التمن

رائد بغضب : لا دا انتم زودتوها اوي انتم فاكرين نفسكم مين وانتقام ايه اللي بتتكلموا عنه ما تقول حاجة يا بابا

الجد عادل : معاك حق ومن ثم ينظر الي أخيه الجد عاصم الجالس ينظر الي تلك القابعة بكل برود ولم تتبين ملامح وجهها حتي الان ليقول : عاصم

لينظر الجميع الي الجد عاصم ليجدوه ينظر الي أريام الجالسة ببرود لينظر الجميع اليها ليود الجميع معرفة من تلك الفتاة التي لم تتبين ملامح وجهها بينما شعاع وجويرية ينظروا لبعض ويبتسموا بخبث ليجلسوا بكل برود بجانب أريام التي مازال ساكتة واتخذت من الصمت عنوان ليقول الجد عاصم بتوتر ولكن أخفاه:

انت مين وهي يشاور بيده هلي أريام التي لم تهتز ولم تخف منهم

لتميل أريام الي الامام قليلا وتقوم بخلع نظاراتها لينصدم الجميع ليقول الجميع بصوت واحد :

كاميليا ......

لتقول شعاع بسخرية : كاميليا مين ....

جويرية بخبث: انا سمعت الاسم ده قبل كده بس فين....

بينما أريام تبتسم بخبث فهي ستحقق غايتها وبكن بعد تعذيب نفسي ليصدم الجميع فهي نسخة طبق الاصل من كاميليا نفس العيون الجد وكاميليا والشعر الاسود والانف المستقيم ليقول الجد عاصم بتوتر لم يستطع اخفائه مرة أخرى:

انت مين....

لتقول أريام : انا جحيم .....وجحيمك ....جحيم عيلة الراوي

✨✨✨✨✨✨✨✨✨✨✨✨✨✨ يا تري أريام هتكشف عن هويتها ؟؟

ردة فعل الكل ايه علي كلام أريام؟؟

الحب اللي التدي يتولد هينهدم والا هيكبر؟ز

البنات ناويين علي ايه؟؟

من سينتصر في تلك المعركة ؟؟

تابعوووووووني

البارت الثامن والتاسع من هنا

بداية الروايه من هنا

رواية وتبقي لي كامله من هنا

رواية هنا الأمير من هنا