زواج_سري سولييه_نصار سكريبت💖بقلم سولييه نصار💖 من الفصل الاول حتي الاخير كامله على مدونة عالم التقنيه والمعلومات

رواية حين تبكي الجدران الفصل الاول حتى الفصل السادس عشر بقلم الكاتب عادل عبدالله حصريه وجديده على مدونة أفكارنا 

 في احد الاحياء الشعبية  الساعة السابعة صباحا 

يدق جرس الهاتف ، و يفتح شريف عينيه بصعوبة ، يلتقط هاتفهه من جانبه و يرد .....

شريف " بنعاس "  : ايوه انا صحيت خلاص .

شروق : صباح الخير يا شريف ، يلا اصحي علشان تروح الامتحان .

شريف : حاضر يا حبيبتي انا صحيت  اهو .

شروق : هقوم اصلي وافضل ادعيلك لغاية لما تخلص امتحان وترجع .

شريف : اه والنبي ادعيلي ، نفسي اخلص وانجح علشان اتقدملك ونتجوز بقي .

شروق : نخلص الاول من الامتحان وتنجح ان شاء الله و بعدها نشوف هنقنع ابويا وابوك ازاي علشان نتجوز .

شريف : متخافيش انا هقنعهم .

شروق : ياريت يا شريف ، ياريت .

شريف : يا بت متخافيش هما الاتنين شركا  في الفرن يعني مصلحتهم واحدة مع بعض و من مصلحتهم اننا نتجوز و اكيد مش هيعارضوا .

شروق : ايوه هما صحيح شركا في الفرن لكن متنساش انهم علطول مختلفين !!!

شريف : متشليش هم يا حبيبيتي ، انا هتصرف واقنعهم ، يلا انا هقوم البس وانزل اروح الجامعة .

شروق : اوعي تنزل قبل ما تفطر يا شريف .

شريف " يضحك " : حاضر يا شوشو ، نهارك زي الفل .

شروق : نهارك نجاح وتوفيق بأذن الله يا حبيبي .

نهض شريف وارتدي ملابسه سريعا وهم بالخروج فيجد والده " ربيع " ووالدته امامه ...

شريف : صباح الخير يا بابا ، صباح الخير يا ماما .

الام : صباح الورد يا حبببي .

الاب " ربيع " : صباح الفل يا شريف ، رايح الامتحان دلوقتي ؟

شريف : ايوه يا بابا ، ادعيلي ربنا يوفقني وانجح واجيب تقدير كويس .

الاب " ربيع " : ربنا معاك يا شريف ، خد الخمسين جنية دي خليها معاك تجيب لك حاجة وانت ماشي .

شريف : ربنا يخليك ليا يا بابا ، والله انا باخد منك الفلوس وانا مكسوف .

الاب " يضحك " : لا يا حبيبي مفيش كسوف بين الاب وابنه ، واهي السنادي اخر سنة في الجامعة و هتخلص وتشتغل و تعتمد علي نفسك ، وبردو هتاخد مني مصروفك .

شريف يمسك يد ابيه ويقب.لها : ربنا يخليك لينا ويبارك في عمرك يارب .

في منزل المعلم رجب..

الام " شمس " : يلا يا بت يا شروق انزلي هاتلنا فطار .

شروق : حاضر يامه هدخل اصلي وانزل علطول ، اودي لابويا الفطار علي الفرن ولا هو فطر قبل ما ينزل ؟؟

الام " شمس " : ودي لابوكي الفطار وهاتي منه العيش بتاع النهاردة .

شروق : حاضر يامه .

في الشارع الصغير.......

بينما كانت بعض المحلات التجارية قد فتحت ابوابها وبعضها الاخر لم تفتح بعد  كان " جاسر " ابن المعلم " دياب " صاحب المقهي الشعبي الكبير بالشارع جالسا ممسكا بالشيشة واضعا قدما علي الاخري في كبر وغرور !!!

مرت شروق بجوار المقهي فاذا به ينهض ضاحكا 

ده احلي صباح ده ولا ايه !! والنعمة انا حظي حلو النهاردة اني اشوف القمر ده ع الصبح .

تتجاهله شروق تماما وتكمل في طريقها !!

يسير جاسر خلفها محاولا استمالتها بكلماته المعسولة : وربنا امي بتدعيلي كل يوم ، مش عارف ليه مش ناوية تحني عليا بنظرة واحدة من عيونك الحلوين !!

تظل شروق في تجاهله تماما وكأنها لم تسمعه !!!

جاسر " يضحك " : عارفك انك حلو عارفك انك شيك عارفك انك تقيل وده اللي مجنني بيك .

تكتم شروق ضحكتها حتي لا يفهم منها تجاوبها معه .

جاسر " يضحك " : والنعمة عايزة تضحكي ، انا شايف الضحكة في عيونك اهي ، اضحكي ، والنبي لتضحكي ، نفسي اشوف ضحكة شفايفك الحلوين .

شروق : عايز ايه يا جاسر ؟ عيب كده انا بنت حتتك !!

جاسر : والنعمة انا حبيت حتتي علشان خاطرك انتي يا شوشو .

شروق : انا اسمي شروق و ياريت بلاش تعاكسني كده تاني ، انا كل مرة اقول بلاش اقول لابويا علشان متحصلش مشكلة ، بعد كده هقول لابويا واللي يحصل يحصل .

جاسر : يا شوشو انا مش بعاكسك يا بت انا بحبك .

شروق : دي اخر مرة احذرك انك تعاكسني ، يلا بقي علشان الناس .

في الفرن

ربيع : صباح الخير يا رجاله .

: صباح النور يا معلم ربيع .

ثم يدخل ربيع ليتابع العمل في الفرن  فيجد ما يشعره بالغضب !!!

ربيع : ايه يا جمعة العيش ماله صغير ليه ؟؟

جمعة " احد العمال " : مش صغير يا معلم ، ده العجين ملحقش يخمر .

ربيع : كمان !!! ينفع كده يا جمعة ؟! يعني الناس تاكل العيش بالشكل ده !!!

جمعة : معلش يا معلم انا كلمت العجان يخلي العجين يخمر كويس .

ربيع : هات كام رغيف من عندك علشان اوزنهم .

ينهض شريكه " رجب " من مكانه في غضب : ايه يا معلم ربيع انت مش عامل حساب لوجودي ولا ايه ؟؟

ربيع : لا ازاي يا معلم رجب انت اد الدنيا .

رجب : ازاي بقي ؟!! انت داخل تعيب علي شغل الصنايعية و انا قاعد وسطهم ولا كأنك شايفني موجود !!!

ربيع : ما انت شايف يا معلم رجب العيش صغير و مش خمران صح !!!

رجب : قصدك ايه ؟؟ يعني انا قاعد زي قلتي والصنايعية مش عاملين حساب لوجودي ؟!!!!!

ربيع : لا يا معلم ، انا قصدي ان كل واحد يشوف شغله صح .

رجب : طيب كل الصنايعية النهاردة عندهم نص يوم خصم .

ربيع : ملوش لزوم تخصم من اجرتهم ، ده كل واحد بيشقي طول اليوم علشان يروح لعياله بجنيهين يصرفهم عليهم .

رجب : يعني ولا عجبك كده ولا عجبك كده !!! و مادام ده كلامك ياريت تبقي تنزل الفرن الساعة ستة الصبح زينا ، مش جاي الساعة تسعة وجاي تعيب علي الشغل و تتمريس علينا !!!

ربيع : ده مالي زي ماهو مالك واكل عيشنا ولازم نراعيه بما يرضي الله .

رجب : يبقي من بكره الصبح تنزل معانا كل يوم من بعد الفجر علطول .

ربيع : حاضر يا معلم رجب انا هنزل بعد كده افتح الفرن بنفسي .

في المقهي

يعود جاسر للجلوس علي مقعده ويمسك بالشيشة ويمني نفسه قائلا " اااه لو البت دي تكون من نصيبك ياض يا جاسر !! بت زي القشطة !! " .

ثم يري والده " المعلم دياب " يخرج من المنزل فيضع الشيشة جانبا حتي يصل اليه .

دياب : مطلعتش تنام ليه يا جاسر وانت سهران في القهوة طول الليل ؟؟

جاسر : لقيت الجو حلو ومش جايلي نوم قولت اقعد استناك علي ما تنزل .

دياب : الواد فتحي جه ولا لسه ؟؟

جاسر : جه يابا شغال جوه .

دياب : طيب قوله يجيب الشيشة بتاعتي واطلع انت نام علشان امك قلقانة عليك .

جاسر : حاضر يابا ، يلتفت ويقول :  ياض يا فتحي هات الشيشة بتاعت المعلم الكبير .

ثم يعود الي والده : كنت عايز اكلمك في موضوع يابا .

دياب : ارغي ، ما انت سهران طول الليل وفايق وهطلع فوقانك عليا .

جاسر : لا يابا ده انا كنت بفكر طول الليل في الموضوع اللي عايز اكلمك فيه .

دياب : طيب قول .

جاسر : انا عايز اتجوز يابا .

دياب : وماله !! اجوزك يا جاسر ، ده انت ابني الكبير ودراعي اليمين .

جاسر " يضحك " : ربنا يخليك ليا يابا .

دياب : وعايز تتجوز وخلاص ولا فيه واحدة في دماغك ؟؟

جاسر : ايوه يابا ، عايز اتجوز شروق بنت المعلم رجب .

يضع دياب الشيشة جانبا في غضب : مين ؟؟؟ وملقتش الا بنت رجب ؟!!

جاسر : القلب ومايريد يابا .

دياب : اوعي تجيب سيرة الموضوع ده تاني !! لو بنت رجب اخر بنت في الدنيا مش هجوزهالك واسيبك قاعد كده من غير جواز .

جاسر : ليه يابا ؟ انا بحب البت دي !!

دياب : من غير ليه ، وامشي مم قدامي دلوقتي يا جاسر .

في منزل المعلم دياب

يدخل جاسر وعلي وجهه غضب جم !!

الام " نجوي " : مالك يا جاسر ، ايه اللي حصل ؟؟

جاسر : مفيش يامه ، انا داخل انام .

الام " نجوي " : لا مش هسيبك تنام الا لما تقولي مالك ايه اللي حصل ؟

جاسر : ابويا .

الام : ماله ابوك ؟ ماهو لسه نازل زي الفل .

جاسر : بكلمه وبقوله عايز اتجوز ، طلع فيا و رمي الشيشة من ايده وقالي لو اخر بنت في الدنيا مش هجوزهالك .

الام " تضحك " : مين دي ياض اللي عايز تتجوزها وابوك رافض ؟؟

جاسر : شروق يامه بنت المعلم رجب .

الام : شروق بنت رجب !!! وملقتش الا بنت رجب اللي عايز تتجوزها ؟؟؟

جاسر : مالها شروق يامه ؟؟

الام : ابوك وابوها مش بيطيقوا بعض ومستحيل ابوك يوافق بجوزهالك و ابوها كمان مستحيل يوافق علي جوازكم .

الحلقة  ٢

جاسر : ليه يامه ؟!!

الام " نجوي " : من غير ليه ، هو كده .

جاسر : طيب اعملوا حسابكم انا هتجوز شروق يعني هتجوزها ، وافقوا ولا مش وافقتوا هتجوزها بمزاجكم ولا غ.صب عنكم هتجوزها .

تركها جاسر ودخل غرفته غا.ضبا ، وجلست نجوي يبدو عليها الهم والحزن !!

جلست تتذكر حين كانت في شبابها تربطها علاقة حب بجارها رجب الذي كان حينها فقيرا .....

** فلاش باااااااك **

في احدي الحدائق ... 

رجب " بحزن " : ابوكي رفضني تاني يا نجوي  !! انا مش عارف اعمل ايه ؟؟

نجوي : متزعلش يا رجب ، انا مش ممكن اكون لغيرك ابدا .

رجب : انا حاولت اقنع ابوكي بأي وسيلة اني في بداية طريقي وان جوازنا هيكون دافع ليا علشان احقق نفسي واعيشك عيشة مرتاحة ، لكن مفيش فايدة !! اللي فهمته ان ابوكي عايز يجوزك واحد غني من البداية .

نجوي : انا اتكلمت مع امي علشان تقنعه يوافق لكن ....

رجب : لكن ايه ؟؟ ايه اللي حصل اتكلمي .

نجوي : مش عايزة اقولك علشان متزعلش اكتر ما انت زعلان .

رجب " بعصبية " : اتكلمي يا نجوي ايه اللي حصل ؟؟

نجوي : امي قالتلي ان دياب اتقدم لابويا علشان يخطبني وابويا وافق .

رجب : بتقولي اييييه !! ابوكي وافق ؟؟

نجوي : ايوه لكن انا قولت لأمي اني مش هتجوز غيرك حتي لو اخر يوم في عمري .

رجب : ولو ابوكي صمم يجوزهولك هنعمل ايه ؟؟

نجوي : بردو هرفض ومش هوافق غير بيك يا حبيبي .

رجب : اوعديني يا نوجا انك عمرك ما تسبيني ابدا ولا تكوني لحد غيري .

نجوي : اوعدك يا حبيبي .

مشهد اخر بعد عدة شهور ...

ترتدي نجوي فستان الزفاف في حفل زفاف شعبي وسط الجيران والاقارب بينما تحبس دموعها كان دياب تملأ وجهه الفرحه و الضحك والسرور ويتراقص مع اصدقاؤه في سعادة !!

بعد ايام ...

دياب : انتي هتفضلي لويا بوزك كده علطول ؟؟

نجوي : عايزني اعمل ايه ؟؟

دياب : افردي وشك زي الناس ، احنا اللي يشوفنا مش ممكن يصدق اننا لسه عرسان جداد !!!

نجوي : هي دي طبيعتي ومعرفش اغيرها .

دياب : اوعي يا بت تكوني لسه بتفكري في الواد رجب .

نجوي : ايييه !!! ايه اللي انت بتقوله ده ؟؟ عيب كده !!

دياب : زي ما سمعتي ، لو حسيت في يوم انك لسه بتفكري في الواد ده هيكون اخر يوم في عمرك .

نجوي : انا بنت ناس ومسمحلكش تقولي كده .

دياب : ماشي يا بنت الناس ، بكره نشوف .

بعد شهور قليلة ...

في منزل اسرة نجوي 

نجوي : حرام عليكوا يامه انتي وابويا تجوزوني واحد مبحبوش ودلوقتي بقيت حامل منه !!!

الام : مع العشرة هتحبيه ، خصوصا لما تخلفي وابنكم تشوفيه بعينيكي وتشيليه في حضنك هتحبيه .

نجوي : احنا متجوزين من فترة اهو يامه ولسه مش طايقاه !!! 

الام : علشان لسه المنيل علي عينه رجب في دماغك .

نجوي : علشان بحبه يامه وهو بيحبني ، حرام عليكوا تفرقوا بينا .

الام : انتي خايبة يا بت يا نجوي ، حب ايه اللي بتتكلمي عنه !! الحب ده بييجي بعد الجواز ، واهو رجب اللي بتقولي بيحبك راح اتجوز وعاش حياته ونسيكي خلاص ، عيشي حياتك انتي كمان وانسيه ومتبقيش خايبة .

نجوي : مين اللي اتجوز ؟ رجب !!!

الام : ايوه يا خايبه .

نجوي : اتجوز مين يامه ؟؟

الام : اتجوز البت شمس .

نجوي : شمس !!! وازاي انا معرفتش لحد دلوقتي ؟!!

الام : علشان قاعدة حزينة في البيت و مش بتخرجي من البيت زي الاول .

** بااااااااااااك **

تستفيق نجوي علي صوت جاسر : اسمعي يامه انتي لازم تفهمي ابويا ان مكنش يوافق يجوزني شروق انا هسيب البيت وامشي .

الام " نجوي " : يا جاسر يا ابني انت بتقول كده علشان لسه في شبابك وطايش انما لما تكبر و تعقل هتعرف ان كل ده بيتنسي واللي هتفضل فاكره هو بيتك واولادك والانسانة اللي مكتوبالك .

جاسر : انا لو متجوزتش يامه شروق مش هتجوز خالص .

الام : كتير يا ابني قالوا كده قبلك و كانوا فاكرين ان الدنيا هتقف لما يفترقوا عن اللي بيحبوهم ، لكن الدنيا مشيت واتجوزوا وخلفوا وعاشوا حياتهم ونسيوا كل اللي فات .

جاسر : انا عايز اعرف ايه سر الكره والعد.اء بين ابويا والمعلم رجب ؟؟

الام : خلافات قديمة يا جاسر وبمرور الزمن كبرت ، ابوك يكون عايز يشتري بيت ، اول لما المعلم رجب يعرف يجري يشتريه قبله ، والعكس لو ابوك عرف ان رجب عايز يشتري محل يجري يشتريه قبله ، لدرجة ان ابوك فكر يعمل فرن  عيش علشان ينافس رجب في اكل عيشه !!! ورجب لو قدر يمشي ابوك من المنطقة والحي كله مش هيتردد لحظة واحدة .

جاسر : يبقي الحل الوحيد اني ابعد عن ابويا علشان اتجوز شروق .

الام " نجوي " : تبقي خايب !! ابوك اللي باقيلك يا خايب .

في اليوم التالي

في السادسة صباحا

شريف مازال مستيقظا يتحدث مع شروق عبر الهاتف واذ به يسمع صوت والده " ربيع " !!!

شريف : بقولك ايه يا شوشو .

شروق : نعم يا عيون شوشو .

شريف : انا هقفل علشان سامع صوت ابويا !! مش عارف صحي بدري ليه ؟!!

شروق : طيب يا حبيبي  انا كمان ابويا ده ميعاد صحيانه .

شريف : سلام يا قلبي ، هتوحشيني اوي .

شروق : وانت كمان يا حبيبي .

يغلق شريف هاتفهه ويخرج فيجد والده يستعد للخروج .

شريف : صباح الخير يا بابا .

ربيع : صباح النور يا شريف يا ابني ، ايه اللي مصحيك دلوقتي ؟؟

شريف : انا كنت نايم وصحيت علي صوتك ، خير رايح فين بدري كده ؟!!

ربيع : رايح الفرن .

شريف : ليه كده ؟؟ ما هو عم رجب هو اللي بيفتح الصبح بدري و انت علطول بتنزل الفرن علي الساعة تسعة !!!

ربيع : مش هخبي عليك يا شريف يا ابني احوال الفرن مش عجباني ولازم اكون موجود بنفسي طول الوقت .

شريف : عايزني اجي معاك ؟؟

ربيع : لأ ، خليك انت بعيد عن الفرن ووجع الدماغ .

الام " نبيلة " : ما تاخد شريف معاك يبقي جنبك .

ربيع : لا ملوش لزوم ، يلا روحوا ناموا انتوا .

الام : مش هتفطر قبل ما تنزل ؟؟

ربيع : لا انا هفطر هناك في الفرن .

ينصرف رببع خارجا من المنزل ، بينما يسألها شريف : فيه ايه يا ماما ؟ ابويا شكله متضايق .

الام : ما انت عارف ابوك بيحب كل حاجة تمشي زي ما هو عايز ، يمكن حصلت حاجة في الفرن وابوك عايز يكون موجود معاهم علطول .

شريف : انا كنت عايز افاتح ابويا في موضوع لكن شكله مش رايق دلوقتي .

الام : موضوع ايه ؟؟

شريف : عايز اخطب شروق بنت عم رجب .

الام : لااا ، مش وقته خالص .

شريف : ليه كده ؟؟

الام : الجو معكر دلوقتي بين ابوك وبين رجب ابوها ، ولو فاتحته في الموضوع ده دلوقتي ممكن يرفض ، وانت عارف ابوك لو قال كلمة مش ممكن يغيرها بعد كده ابدا .

شريف : معاكي حق يا ست الكل ، ربنا يروق الحال علشان اعرف اتكلم معاه .

الام " تضحك " : انت بتحب البت شروق يا شريف ؟؟

للكاتب عادل عبد الله 

شريف " يضحك " : اوي اوي يا يت الحبايب ، لكن مش اكتر منك طبعا .

الام " تضحك " : البت حلوة ، بنت حلال لكن امها وابوها يا ساااتر !!!

شريف : انا مالي ومال ابوها وامها !! انا عايز اتجوزها هي .

الام : عموما الكلام سابق لأوانه ، اصبر لما النتيجة تطلع وتاخد شهادتك يكون الجو راق بين ابوك وابوها وساعتها اللي فيه الخير يقدمه ربنا .

في الفرن 

يصل ربيع قبل رجب وباقي عمال المخبز ويفتح ابوابه ثم يصل رجب والعمال تباعا .

يبدأ سير العمل في المخبز كالمعتاد ويباشرهم ربيع ، بينما تظهر علي رجب علامات السخط والغضب !!!

ربيع : فطرت ولا لسه يا معلم رجب ؟؟

رجب : لأ انا مبفطرش دلوقتي .

ربيع : ليه ؟ ده احنا شركا شوف من كام سنة ولا عمرنا اكلنا عيش وملح مع بعض !!!

رجب : العيش والملح بالعشرة مش بالأكل يا ربيع .

ربيع : معاك حق ، طيب انا هجيب فطار ، اعمل حسابك معايا ؟؟

رجب : لأ انا لسه بدري علي ما افطر .

بعد قليل ...

يجلس ربيع لبعض الوقت يتناول افطاره ، وبعد ان ينتهي يعود لمتابعة العمل فيلاحظ ما يدعوه للغضب .....

ربيع : فين باقي الدقيق اللي كأن هنا ؟؟

احد العمال " جمعة " : اتعجن واتجبز يا معلم ربيع .

ربيع : لأ ، كان فيه هنا عشر اشولة دقيق اتعجن منهم والمفروض باقي منهم تمانية ، واللي موجودين هنا خمسة بس !!!

بقلم الكاتب عادل عبدالله 

جمعة : الدقيق اتعجن واتخبز يا معلم .

ربيع : انت شايفني نايم علي نفسي ومش شايف قدامي !!! اللي بقولك عليه هو الصح .

ينظر جمعة للمعلم رجب في توجس وحيرة !!!

رجب : فيه ايه يا ربيع ؟؟ الدقيق اتعجن واتخبز قدامك .

ربيع : لأ يا معلم رجب انا شايف اللي اتعجن واتخبز كويس ، كده الدقيق ناقص تلات اشولة !!!

رجب : انا بقولك مش ناقص ، انت بتسرقني انا كمان ولا ايه ؟؟؟

جاسر : ليه يامه ؟!!

الام : من غير ليه ، هو كده .

جاسر : طيب اعملوا حسابكم انا هتجوزها يعني هتجوزها ، وافقوا ولا مش وافقتوا هتجوزها بمزاجكم ولا غ.صب عنكم هتجوزها .

الحلقة  ٣

ربيع : لأ يا معلم رجب انا شايف اللي اتعجن واتخبز كويس ، كده الدقيق ناقص تلات اشولة !!!

رجب : انا بقولك مش ناقص ، انت بتسرقني انا كمان ولا ايه ؟؟؟

ربيع : لا يا رجب ده مالك زي ماهو مالي ، لكن انا متأكد ان الدقيق ناقص .

رجب : بقولك ايه يا ربيع لو هتوصل انك تسرقني يبقي بناقص منها و نفض الشركة بينا وكل واحد يروح لحاله .

رببع : اللي تشوفه يا معلم رجب .

يتركه ويسير نحو العمال ويقف بينهم حتي يغيب رجب عن الانظار فيأتي " اشرف " احد العمال ويقول : دي مش اول مرة يا معلم ربيع ، وكويس انك جيت بدري علشان فعلا الدقيق بيتسرق كل يوم .

رببع : مين اللي بيسرقه يا اشرف ؟

اشرف : الواد جمعة والمعلم رجب .

ربيع : هما اللي بيسرقوا الدقيق ؟؟؟

اشرف : ايوه يا معلم .

يدخل رجب فيلاحظ وجود اشرف بجوار ربيع !!

 يناديه غاضبا : واقف بتعمل ايه عندك ياض يا اشرف ؟؟

اشرف : بكلم المعلم ربيع .

رجب : سايب شغلك وواقف تتكلم !! عندك يومين خصم الاسبوع ده .

اشرف : المعلم رجب اللي ناداني .

رجب : امشي انجر من قدامي بدل ما اخصملك الاسبوع كله .

يمشي اشرف ساخطا يكاد يبكي !!!

ربيع : فيه ايه يا معلم رجب ؟ الواد قالك انه واقف معايا !!

رجب : ده عيل قليل الادب ، شوفت بيرد عليا ازاي !! ده يمكن يكون هو اللي بيسرق الدقيق واحنا مش واخدين بالنا !!! 

ربيع : لا يا معلم رجب اشرف صانيعي كويس وامين ومش ممكن يعمل كده ، انا مرضتش اكسر كلمتك قدامه ، ياريت انت تشيل الخصم من عليه ، الواد مغلطش و عيل غلبان بيصرف علي امه واخواته البنات .

رجب : بقولك ايه يا ربيع انت واقفلي زي اللقمة في الزور كده ليه ؟؟ خلي بالك اللي انت بتعمله ده غلط ، انا كده مش عارف اشتغل .

ربيع : انت هتعلمني الصح والغلط ولا ايه يا رجب ما تحاسب علي كلامك .

رجب : لأ احنا كده بقي نفضها شركة احسن .

ربيع : خلي بالك دي تاني مرة تقول الكلمة دي !!!

رجب : من عمايلك يا ربيع .

ربيع : عمايلي انا ولا عمايلك انت ؟!! ولو فاكر انك كده بتهد.دني تبقي غلطان يا رجب ، فضها شركة لو عايز .

رجب : النهاردة اخر النهار نروح للمحامي و نفضها .

في المقهي ...

المعلم دياب : خد ياض يا فتحي تعالي .

فتحي : نعم يا معلم .

المعلم دياب : البضاعة اللي معاك خلصت ولا لسه ؟

فتحي : خلصت .

المعلم دياب : و فين فلوسها ؟؟

فتحي : هدخل اجيبها من جوه .

يدخل فتحي داخل المقهي ثم يخرج ويعطي المعلم دياب كم كبير من المال .

المعلم دياب : هات الفلوس و خد البضاعة دي تشتغل بيها النهاردة بس علي الهادي علشان العين متبقاش عليك .

فتحي : حاضر يا معلم ، انا كنت لسه عايز اقولك اني النهاردة شايف ناس غريبة في الشارع وخايف يكونوا اللي بالي بالك !!

المعلم دياب : طيب اصحي لنفسك علشان انت لو وقعت انا معرفكش !! هقول ان البضاعة دي تخصك انت وانا  معرفش عنها حاجة !!

فتحي " يضحك " : يعني هتبيعني يا معلم ؟؟

المعلم دياب : وابيع اي حد ، دي فيها سجن يا حيلتها ، لو ابني نفسه اللي اتمسك هقول معرفش عنه حاجة !! يا روح ما بعدك روح .

في المساء ...

في منزل شريف 

نبيلة : اتصل بأبوك يا شريف شوفه فين ؟ اول مرة يتأخر كده !!!

شريف : الغايب حجته معاه .

نبيلة : لازم تتصل ، ده كان نازل الصبح بدري وباين عليه زعلان مع رجب شريكه !! لتكون حصلت بينهم حاجة .

شريف : حاضر يا امي هتصل به .

في مكتب المحامي ...

المعلم رجب : يعني فض الشركة دي هياخد منك وقت اد ايه ؟؟

المحامي : اسبوع بالكتير علشان اجيب سماسرة يتمنوا كل حاجة في الفرن .

المعلم رجب : ايوه تمنوا كل حاجة ونشوف نصيب المعلم ربيع كام وانا ادفعه .

المعلم ربيع : وليه انت اللي تدفع ؟

المعلم رجب : علشان انا اللي هاخد الفرن .

..... يدق جرس هاتف المعلم ربيع فيرد : ايوه يا شريف ، فيه ايه ؟؟

شريف : اتأخرت ليه يا بابا امي قلقانة عليك ؟!!!

المعلم ربيع : انا في مشوار دلوقتي .

شريف : يعني انت كويس ؟؟

المعلم ربيع : ايوه ، يلا بقي علشان قاعد مع ناس .

شريف : ناس مين يا بابا ؟؟

المعلم ربيع : مش وقته لما ارجع البيت نتكلم .

يغلق المعلم ربيع مكالمته ثم يتوجه بالحديث لشريكه ....

المعلم ربيع : لأ يا معلم رجب انا مش همشي من الفرن ، انت تاخد فلوسك وتسيب لي الفرن .

المعلم رجب : لأ ، انا اللي في الفرن ليل ونهار وعارف دبة النملة فيه و الصنايعية واحد واحد مربيهم علي ايدي واعرف اشغله وانا مغمض ، انما انت اكتر من نص وقتك مش في الفرن ولا بتابع حاجة يبقي انا اولي به منك .

المعلم ربيع : يكون في علمك يا معلم رجب لو انا اللي مشيت من الفرن هفتح واحد تاني جنبك علشان تكون عارف .

المعلم رجب : وماله براحتك ، كل واحد وله رزقه .

المحامي : معاكم اسبوع اتفقوا فيه مين اللي هيشتري من التاني علي ما اتمن كل حاجة واكتب العقود .

في منزل شريف

يعود والده " ربيع " ويبدو عليه الغضب !!

نبيلة : مالك يا ربيع ؟ كنت فين وشكلك متضايق كده ليه ؟

ربيع : مفيش حاجة .

شريف : مالك يا بابا ؟ فيه ايه ؟؟

ربيع : فضيت الشركة في الفرن مع رجب .

نبيلة : ليه كده كفانا الشر ؟

ربيع : شدينا قصاد بعض في الكلام وفضينا الشركة .

نبيلة : يمكن تروقوا بكره وتتصالحوا زي كل مرة .

ربيع : لأ احنا روحنا للمحامي علشان يفض الشراكة بينا .

شريف : ده الكلام بجد بقي المرادي ؟!!

ربيع : ايوه ، انا هاخد نصيبي وافتح فرن لنفسي .

نبيلة : طيب اهدي دلوقتي يا ربيع وبكره ولاد الحلال يتدخلوا ويصالحوكم علي بعض .

ربيع : لا خلاص مفيش صلح ، ده انا عرفت النهاردة كمان انه هو والواد جمعة بيسرقوا الدقيق .

نبيلة : مش معقول !!!

ربيع " بعصبية " : يعني انا كداب يا ولية ؟؟؟

نبيلة : لأ مقصدش .

ربيع : طيب يلا امشوا من قدامي الساعادي .

يدخل شريف غرفته يبدو عليه الحزن ثم تدخل خلفه والدته ...

نبيلة : معلش يا شريف ، ابوك بس متضايق دلوقتي .

شريف : انتي فاكرة اني زعلان علشان شخط فينا ؟ لا مش هو ده اللي مزعلني .

نبيلة : انا عارفة انك زعلان علشان موضوع شروق .

شريف : ايوه يا ماما ، ده بابا وعم رجب فضوا الشراكة بينهم وهما زعلانين بالشكل ده معناه ان مستحيل يوافقوا علي جوازنا !!!

نبيلة : متستعجلش يا شريف ، اللي فيه الخير يقدمه ربنا .

في منزل شروق

يعود رجب الي المنزل ويبدو عليه التفكير بعمق !!!

شمس : مالك يا رجب راجع متأخر ليه و سرحان في ايه ؟؟

رجب : مفيش حاجة ، روحي حضري العشا .

شمس : ما تقول مالك يا راجل فيه ايه ؟

رجب : امشي من قدامي دلوقتي وحضري العشا بقولك .

شمس : طيب بالراحة .

دخل رجب غرفته واغلقها بالمفتاح من الداخل ثم يفتح خزنته الكبيرة ليظهر بها كم هائل من الاموال !!!

يخرج رجب بعض الاوراق منها ليتفحصها ثم يبدأ في عد الاموال .

في المطبخ ...

تقف شمس تجهز الطعام لزوجها وتدخل خلفها ابنتها شروق وتسألها : ابويا ماله يامه ؟؟

شمس : وانا اعرف منين يا بت ؟! انا زيي زيك اهو .

شروق : باين كده فيه حاجة كبيرة بيفكر فيها .

شمس : انا هسيبه دلوقتي علشان هو مش طايق يكلم حد و بعد العشا هعرف منه فيه ايه .

بعد العشاء....

تدخل شروق غرفتها لتجد هاتفها عليه عدة مكالمات فائتة من شريف !!!

فتقوم بالاتصال به ...

شروق : معلش يا شريف كنت بتعشا مع ماما وبابا .

شريف : عرفتي اللي حصل ؟؟

شروق : فيه ايه ؟؟

شريف : ابويا وابوكي فضوا الشركة بينهم في الفرن .

شروق : ليه ؟؟

شريف : معرفش تفاصيل ، كل اللي اعرفه انهم اتخانقوا وراحوا للمحامي علشان يفضوا الشرك بينهم .

شروق : يبقي ده سبب ان ابويا راجع متضايق .

شريف : وابويا كمان راجع متضايق وزعلان ، بس المشكلة انهم فعلا لو فضوا الشرك بينهم مستحيل هيوافقوا علي جوازنا .

شروق : واحنا مالنا ومال الشغل اللي بينهم ؟!! 

شريف : انتي عب.يطة يا شوشو !! عايزاهم يناسبوا بعض ازاي بعد ما كانوا شركا واختلفوا ؟؟؟

تبكي شروق ويسمع شريف صوت بكاؤها !!!

شريف : لا لا بتعيطي ليه ؟؟ اوعي تعيطي او اشوف دموع في عيونك .

شروق : وانت عايزني اعمل ايه بعد اللي بتقوله ده !!! هو ده اللي انا كنت خايفة منه !!!

شريف : متخافيش يا حبيبتي طول ما انا موجود ، انا هعمل المستحيل علشان نتجوز و نكون لبعض .

في غرفة نوم رجب ...

ترتدي زوجته شمس ملابس نوم مثيرة وتأتي لتجلس بجانبه وتسأله في دلال : مالك بقي يا حبيبي ؟؟ راجع من بره متضايق ليه ؟؟

رجب : انا وربيع فضينا الشرك في الفرن .

شمس : و فيها ايه ؟! انت اصلا مش محتاج شريك ، انت معاك فلوس تشتري بدل الفرن عشرة .

رجب : يا وليه ربيع له معارف كتير وكان بيخلثلنا اي حاجة .

شمس : وانت فلوسك احسن من اي معارف وتخلصلك اي حاجة .

رجب : بمناسبة الفلوس بقي عايز منك فلوس علشان ادي لربيع حقه .

شمس : وفلوسك انت فين ؟؟

رجب : انا فلوسي كلها متجمدة في البيوت والمحلات .

شمس : يا راجل اطلع من دول ، ده انت علي قلبك اد كده !!!

رجب : وحياتك زي ما بقولك .

شمس : اومال الخزنة دي اللي مش بتفتحها الا وانت لوحدك وقافل عليك الباب مفيهاش فلوس ؟؟؟

رجب : وغلاوتك عندي كلها اوراق واخر فلوس كانت فيها اللي اشتريت بيها البيت اللي في اول الشارع .

شمس : ماشي يا رجب هعمل نفسي مصدقاك .

رجب : حبيبتي يا شوشو .

شمس : انا بس علشان بحبك بصدقك في اي حاجة حتي لو مش داخلة دماغي .

رجب : وانا بحبك اكتر ، قوليلي بقي هتجهزي الفلوس امتي ؟؟

شمس : قولي عايز كام وبعد يومين يكونوا جاهزين .

في اليوم التالي

يجلس دياب امام مقهاه ويجد ربيع يمر من امامه .

دياب : اتفضل يا معلم ربيع .

ربيع " بدهشة " : يزيد فضلك يا معلم دياب .

دياب : بقولك ايه يا معلم عايز اكلمك  كلمتين .

ربيع : خير يا معلم .

دياب : خير طبعا ،خير كتير اوي .

الحلقة  ٤

دياب : بقولك ايه يا معلم عايز اكلمك  كلمتين .

ربيع : خير يا معلم .

دياب : خير طبعا ،خير كتير اوي .

ربيع : ربنا يبشرك بكل خير .

دياب : اقعد الاول علشان نتكلم .

ربيع : اهو اقعدت يا معلم دياب .

دياب : بقي المثل بيقول عدو عدوي صديقي .

ربيع : ااه ، علشان كده رميت عليا السلام النهاردة وانت عمرك ما عملتها ؟!

دياب : ما انت عارف يا معلم ربيع ان انا ورجب طول عمرنا مش بنطيق بعض ، ومادام فضيتوا الشركة بينكم في الفرن وكل واحد راح لحاله يبقي مفيش بيني وبينك غير كل خير .

ربيع : وانت عرفت ازاي اننا فضينا الشراكة بينا ؟!

دياب : مفيش حاجة بتستخبي يا معلم ، و انا بقول مادام فضيتوا الشركة بينكم ايه رأيك تشاركني ؟؟

ربيع : اشاركك في ايه ؟ في القهوة ؟؟

دياب " يضحك " : لا يا معلم ربيع ، نتشارك ونفتح فرن .

ربيع : انت فاكرني مش معايا فلوس افتح فرن لوحدي ؟؟

دياب : لا يا معلم مقصدش ، انا عارف ان كلك فلوس ربنا يزيدك ، انا قصدي ان القفة اللي ليها ودنين يشيلوها اتنين ، و هم الفرن كبير ومحتاج اكتر من واحد .

ربيع : بص يا معلم دياب مادام نويت تفتح صفحة جديدة معايا انا فاتحلك ايديا الاتنين نبقي اصحاب وحبايب انما فكرة اننا نتشارك في الفرن دي بلاش منها لأني نويت مش اشارك حد بعد كده .

دياب : اللي تشوفه يا معلم ، انا كان غرضي نفتح فرن كبير يغطي المنطقة كلها ورجب بعد كده هيضطر يقفل الفرن علشان يعرف حجمه وغلطه ، وده لمصلحتي ومصلحتك ، وعموما فكر تاني ولو وافقت هتلاقيني جنبك في اي وقت  

يمر اليوم فيتصل دياب بزوجته .....

دياب : ابنك فين يا وليه ؟؟

نجوي : نزل من اكتر من ساعة .

دياب : اومال مجاش ليه القهوة زي كل يوم وسايبي قاعد كده مش عارف اطلع البيت اكل لقمة ؟؟

نجوي : معرفش يا اخويا .

دياب : طيب اقفلي انا هكلمه .

يغلق دياب المكالمة ثم يتصل بابنه ...

دياب : انت فين يا جاسر ؟؟

جاسر : ليه في ايه ؟؟

دياب : تعالي اقعد في القهوة زي كل يوم ولا فيه ايه النهاردة ؟!!

جاسر : يابا انت مش عايز تجوزني شروق اللي بحبها !! عايز مني ايه بقي ؟

دياب : يعني انت زعلان علشان كده مش عايز تنزل القهوة ؟؟

جاسر : ايوه .

دياب : طيب تعالي يا جاسر قهوة ابوك ونبقي نتكلم في الموضوع ده .

جاسر : بجد يابا يعني هتوافق ؟؟

دياب : بقولك تعالي دلوقتي ونبقي نتكلم .

جاسر : حاضر .

في المقهي ...

دياب : ايه يا جاسر عامل فيها زعلان ومش عايز تنزل القهوة مع ابوك ؟؟

جاسر : يابا ما انت عايز تكسر قلبي و مش عايز تجوزني البت اللي بحبها !!!

دياب : طيب اقعد في قهوتك وشوف شغلك وبكره نتكلم .

جاسر : حاضر يابا .

دياب : عملت ايه في البضاعة اللي معاك ؟؟

جاسر : لسه زي ما هيه .

دياب : طيب عايزك تخلصها علشان تاخد غيرها وخلي بالك خليك حريص النهاردة علشان فيه وشوش ناس غرببة في الحتة .

جاسر : بتخاف عليا يابا ؟؟

دياب : طببعا ده انت ابني .

جاسر : طيب جوزني شروق .

دياب : قولتلك شوف شغلك وبكره نتكلم .

بعد ايام .....

يعود ربيع الي منزله مساءا ومعه حقيبة صغيرة .

نبيلة : خلاص بعت لرجب نصيبك في الفرن ؟

ربيع : ايوه .

نبيلة : ونويت تعمل ايه بالفلوس دي ؟

ربيع : انا كلمت واحد في الشارع اشتري منه بيته واعمله فرن بلدي .

نبيلة : والفلوس اللي معاك هتكفي ؟

ربيع : ايوه الفلوس دي علي قرشين كانوا معايا هكفوا وزيادة .

نبيلة : وليه رفضت يا ربيع انك تشارك دياب ؟ علي الاقل كان هيريحك شوية .

ربيع : لا لا ، ما انتي عارفة ان دياب شغال في المخد..رات وانا مش عايز شبهة .

نبيلة : معاك حق .

ربيع : مالك يا نبيلة ؟ زي ما تكوني عايزة تتكلمي في حاجة ومترددة !!! 

نبيلة " تضحك " : طول عمرك يا ربيع بتفهمني من عينيا .

ربيع : دي عشرة سنين طويلة يا نبيلة ، اتكلمي عايزة تقولي ايه ؟؟

نبيلة : لا مش وقته خالص ، بعدين .

ربيع : اتكلمي بدل ما تسيبي دماغي تودي وتجيب .

نبيلة : شريف ابنك .

ربيع : ماله ؟ نتيجته ظهرت ؟؟

نبيلة : لسه الاسبوع الجاي .

ربيع : اومال ماله شريف فيه ايه ؟؟

نبيلة : شريف كان عايز يتجوز البت شروق .

ربيع " بدهشة " : شروق بنت رجب ؟؟؟

نبيلة : ايوه .

ربيع : ده من رابع المستحيلات انه يحصل .

نبيلة : ليه ؟ هما الاتنين بيحبوا بعض وملهومش في اللي حصل بينك وبين رجب !!

ربيع : عايزاني اروح لرجب اقوله عايز اجوز بنتك لابني ؟!!!! اكيد انتوا اتجننتوا !!!

نبيلة : علشان خاطر ابنك .

ربيع : مستحيييييل ، اقفلي كلام في الموضوع ده واوعي تتكلمي فيه تاني .

يشعر شريف بالصد.مة والاحبا.ط بمجرد ان يستمع لكلمات والده فيتصل بشروق مباشرة ...

شريف : عرفتي ان ابويا وابوكي فضوا الشركة خلاص النهاردة ؟؟

شروق : ايوه عرفت من امي ، انا كان عندي امل انهم يتراجعوا لغاية اخر لحظة .

شريف : المصيبة ان امي كلمت ابويا النهاردة في موضوعنا .

شروق : وده وقته !!! اكيد طبعا رفض .

شريف : ايوه رفض بشكل نهائي .

شروق : كانت لازم تأجل الكلام في الموضوع ده دلوقتي .

شريف : المهم دلوقتي نعمل ايه ؟؟

شروق : لازم نصبر شوية لغاية ما الجو يهدا بين ابويا وابوك .

شريف : نصبر يا شوشو ، ماشي نصبر شوية بس اوعديني انك مش هتكوني غير ليا .

شروق : عمري ما هكون غير ليك ، انا عايزاك انت توعدني انك متبعدش عني ابدا ومهما حصل متسبنيش .

شريف : اوعدك يا قلبي ، انا اصلا مقدرش اتخيل حياتي من غيرك ، و لو اهلنا فضلوا معاندين نهر.ب ونتجوز .

شروق : لأ ان شاء الله مش هتوصل للدرجادي .

بعد ايام ...

يجلس جاسر امام المقهي كالمعتاد ليشاهد شروق تمر من امامه فيدق قلبه بقوة و ينهض واقفا .....

جاسر : والنعمة اجمل وردة في بستان حيينا .

شروق : تاني انت !!! مش قولتلك بعد كده هقول لأبويا ؟؟

جاسر : نفسي تقوليله ان جاسر طالب منك القرب .

شروق : اعقل يا ابني كده وابعد عني احسنلك .

جاسر : والنعمة ما اقدر ابعد عنك ابدا ، ده حبك بيجري في دمي .

شروق : ايه اللي بتقوله ده !! هو انا فيه ايه بيني وبينك علشان تقول كده ؟

ثم تلاحظ اعين المارة بالشارع تترقبهم !!!

شروق : عجبك كده ؟؟ اهو الشارع كله بيتفرج علينا !!!

جاسر : انا مش هستحمل اكتر من كده ، النهاردة لازم الاقي حل مع ابويا علشان اجي اخطبك .

شروق : ابويا وابوك مش بيطيقوا بعض ، ولو انا قولت لابويا علي اللي انت بتعمله ده الد.م هيبقي للركب !!

في المساء ...

يجلس جاسر مع والده دياب ...

جاسر : قولت ايه يابا ؟؟

دياب : في ايه ؟؟

جاسر : هوفيه غيره يابا !! موضوع شروق .

دياب : بلاش يا جاسر انا سامع انها ماشية مع شريف ابن ربيع .

جاسر : لأ يابا دي اشاعات .

دياب : اشاعات ولا مش اشاعات ، انا كده كده مش هحط ايدي في ايد رجب ده ابدا .

جاسر : علشان كده يابا كل شوية كنت بتماطل انك ترد عليا !!! 

دياب : يا ابني انا مش عايزك تزعل مني ، شوف اي بنت غيرها وانا اجوزهالك النهاردة قبل بكره واعملك فرح الحتة كلها تفضل تتحاكي به طول العمر .

جاسر : وانا مش هتجوز غير اللي بحبها يابا .

دياب : هتتجوزها غ.صب عني ؟؟

جاسر : لو فضلت عند كلامك ده يبقي انت اللي هتخليني اعمل كده .

دياب : ساعتها مش هتكون ابني ولا اعرفك .

نهض جاسر غاضبا وترك والده وذهب ليجلس وحيدا بعيدا عن المنزل والمقهي ...

يقترب منه احد اصدقاؤه ليراه مهموما تكاد الدموع ان تسقط من عينيه !!!

الصديق : مالك يا جاسر فيه ايه ؟ انا اول مرة اشوفك كده !!!

جاسر : ابويا .

الصديق : عم دياب ، ماله ؟

جاسر : رافض يجوزني البت اللي بحبها .

الصديق : قصدك شروق بنت المعلم رجب ؟

جاسر : ايوه هيه .

الصديق : ما بلاش البت دي يا جاسر ، انا سامع انها والواد شريف ابن المعلم ربيع ماشيين مع بعض !!

جاسر : مفيش الكلام ده ، البت دي جدعة انا عارفها كويس مستحيل تعمل كده .

الصديق : خلاص زن علي ابوك مرة واتنين وتلاتة لحد ما يوافق .

جاسر : قولتله كتير ومفيش فايدة كل مرة يرفض .

الصديق : متزعلش مني يا جاسر له حق يرفض .

جاسر : ليه بقي ؟؟؟!!

الصديق : ما انت عارف المشاكل اللي بينه وبين ابوها ، ده الاتنين مش بيطيقوا بعض والعد.اوة بينهم من سنين !!

جاسر : وانا ذنبي ايه في كل ده ؟!!!

الصديق : انت كمان لك حق يا جاسر انت ملكش ذنب .

جاسر : مش عارف اعمل ايه ؟ انا هتجنن !!!

الصديق : معلش يا صحبي كل شئ قسمة ونصيب ، عارف يا جاسر لولا ابوك كان الموضوع يكون اسهل من كده شوية زن منك علي ابوها كان ممكن يوافق .

ينتبه جاسر لكلمته !!!

جاسر : لولا ابويا ؟؟!! صح ياض ، عارف ابويا لو مش موجود هتجوزها .

الصديق : ده لو مش موجود ، انما ابوك موجود اهو ربنا ربنا يخلهولك .

جاسر : يخلهولي علشان يحرمتي من حبيبتي !!! انا كده خلاص عرفت هتجوز البت دي ازاي .

الصديق : يعني ايه ؟؟

جاسر " يضحك " : لأ مفيش يا صحبي ، دي حاجة كده جات في دماغي .

الصديق : اوعي تكون ناوي تمو.ت ابوك ؟؟!!

يضحك جاسر : لأ مش للدرجادي ، هبعته مشوار بعيد شوية علشان ميوقفش في سكتي .

الحلقة  ٥

جاسر " يضحك " : لأ مفيش يا صحبي ، دي حاجة كده جات في دماغي .

الصديق : اوعي تكون ناوي تمو.ت ابوك ؟؟!!

يضحك جاسر : لأ مش للدرجادي ، هبعته مشوار بعيد شوية علشان ميوقفش في سكتي .

بعد ايام .....

شريف يدخل المنزل وعلي وجهه مظاهر السعادة والفرح .

شريف : باركيلي يا ماما ، باركلي يا بابا .

نبيلة : الف مبروك يا حبيبي .

ربيع : الف مبروك يا شريف خير يارب .

شريف : النتيجة ظهرت و نجحت .

ربيع : الف مبروك يا حبيبي .

تضمه والدته وتقب.له : الف الف مليون مبروك يا حبيبي .

ربيع : يلا بقي اتجدعن علشان تتوظف ويبقي معاك شغل ثابت بشهادتك .

شريف : انا عايز اسافر مع واحد صاحبي اكون مستقبلي وارجع .

نبيلة : تسافر فين يا ابني ؟

شريف : هنسافر ايطاليا .

ربيع : وليه الغربة !! انت مش محتاج تسافر وتتغرب ، انا الحمد لله مستورة معايا واللي انت عايزه تبدأ به حياتك هساعدك فيه .

شريف : لا يا بابا كتر خيرك انا عايز ابدأ انا حياتي بمجهودي بعد اذنك .

نبيلة : وليه تبعد عننا يا ابني ، ما تخليك هنا وسطنا .

شريف : معلش يا ماما انا نفسي احس اني عملت حاجة بنفسي .

ربيع : طيب فكر تاني و سواء عايزني اساعدك او عايز تسافر انا موافق .

شريف : انا بس عايز منك مصاريف السفر .

ربيع : حاضر يا شريف ، لما تقرر خلاص انك هتسافر قولي عايز كام .

تستغل نبيلة انفرادها بابنها شريف وتسأله : انت ازاي عايز تسافر وفي نفس الوقت عايز تتجوز شروق بنت رجب  ؟؟ انا مش فاهمة !!

شريف : مادام فيه خلافات دلوقتي بين ابويا وابوها ومش هيوافقوا علي جوازنا ، وكده كده لازم نستني الظروف تتغير يبقي اسافر وارجع بعد سنة تكون الاحوال هديت بين بابا وعم رجب وساعتها اخطبها ونتجوز .

نبيلة : يا خوفي يا شريف يكون تفكيرك غلط وترجع تلاقي البت اتجوزت !!

شريف : لا يا ماما ان شاء الله مش هيحصل خصوصا ان شروق مستحيل توافق علي حد غيري .

 

في المساء ...

عبر الهاتف ...

شروق : عايزة اعرف ايه اللي جاب فكرة السفر كده فجأة في تفكيرك ؟؟

شريف : الخلاف اللي حصل بين ابويا وابوكي وتأجيل الكلام في موضوع الجواز ، مع كلام صاحبي انه هيسافر . قولت يبقي وجودي هنا في وضع الانتظار ده هيعطلني ولازم اسافر اكون نفسي بسرعة .

شروق : وهترجع امتي يا شريف ؟؟

شريف : هرجع بعد سنة اخطبك و اسافر سنة كمان وارجع بعدها نتجوز علطول .

شروق : واهون عليك تبعد عني سنة كاملة ؟!!

شريف : اكيد لأ ، بس متخافيش هتكوني معايا علطول وانا صاحي في خيالي وانا نايم في احلامي .

شروق : اوعي بنات اوربا تحلو في عينيك وتنساني ؟!!

شريف " يضحك " : مستحيل يا شوشو ، يا بت انا مش بحبك بس ، ده انا بتنفس حبك في كل لحظة وكل نفس .

شروق : وانا بحبك يا شريف اكتر من نفسي .

بعد مرور شهر تقريبا ...

يفاجئ اهل الحي بخبر القبض علي المعلم دياب بتهمة الاتجا.ر في المخد.ر.ات !!!

نجوي : دلوقتي يا جاسر يا ابني ابوك دخل السجن وربنا وحده اللي يعلم هيخرج منه امتي .

جاسر : انا مش عارف هعمل ايه من غير ابويا !!!

نجوي : لأ انت لازم تقف مكان ابوك في القهوة وتبقي معلم اد الدنيا علشان الناس تعرف ان دياب خلف راجل .

جاسر : عندك حق ياما ، انا من النهاردة هقف في القهوة ليل ونهار علشان الكل يعرف اني موجود وسادد مكان ابويا .

نجوي : جدع يا جاسر ، كده اعرف اني خلفت راجل .

جاسر : لكن فيه حاجة تانية بفكر فيها وشغلاني .

نجوي : ايه هيه ؟؟

جاسر : موضوع شروق ياما ، خايف البت تروح مني .

نجوي : ما انت عارف رأي ابوك في الموضوع ده !!

جاسر : ياما ابويا دلوقتي في السجن والله اعلم هيخرج ولا لأ ، ده ممكن يفضل محبو.س لما يمو.ت جوه .

نجوي : حرام عليك متقولش علي ابوك كده .

جاسر : انا بقول الحقيقة ياما مش هنضحك علي نفسنا ، وعلشان اكون معلم ومالي مركزي في القهوة لازم اكون متجوز .

نجوي : اتجوز اي واحدة تانية علشان ابوك ميزعلش وهو في ضيقته !!

جاسر : ومين اللي هيقوله !! هو هيفضل جوه ومش هنقوله ولو خرج بالسلامة هيلاقيني اتجوزتها وممكن يكون معانا عيالنا كمان ، وساعتها هيرضي بالامر الواقع .

نجوي : طيب سيبني افكر في الموضوع ده ، المهم دلوقتي عايزاك اسد في القهوة مكان ابوك .

جاسر " يضحك " : حاضر يا ست الكل .

تمر ايام ثم يعود جاسر مرة اخري لطلب نفس الشئ من والدته .

جاسر : ياما انتي مش عايزة تخطبيلي شروق ليه ؟؟ انا وقفت في القهوة اهو مكان ابويا زي ما قولتي ، مش عايزاني اكون راجل ومالي مركزي بين الناس ؟؟

نجوي : اكيد طبعا عايزاك راجل وسيد الرجالة .

جاسر : يبقي تخطوبهالي ياما .

نجوي : مش عارفة اقولك ايه !! بس خا.يفة من ابوك يا جاسر .

جاسر : يدينا ويديله طول العمر علي ما يخرج من السجن .

نجوي : حاضر يا جاسر ، هروح اخطبهالك وامري لله .

تجلس نجوي في غرفتها لا تعرف كيف ستذهب الي رجب " الحبيب الاول " وزوجته لتطلب ابنته لابنها !!!

كيف ستكون تلك المواجهة ؟؟ وهل سيقابل طلبها بالقبول ام بالرفض ؟؟؟

داخلها شعور دفين بالحنين لذلك اللقاء ، ولكنها لا تدرك عواقبه !!!

ولكنها مغامرة غير محسوبة تريد خوضها !!!

يكفيها ان تتكلم مع رجب عن قرب !!! ذلك الامل المفقود الذي فقدته منذ سنوات طويلة .

في منزل شروق " مساءا " ...

تجلس شروق بين ابيها وامها واخوتها الصغار يتناولون الطعام .

شمس : عملت ايه يا رجب في الفرن ؟؟

رجب : الحمد لله بعد ما اشتريت البيت من الراجل اتفقت مع بنايين علشان ييجوا يجهزوا البيت يكون فرن .

شمس : ربنا يصلح الحال وبجعلها عتبة خير بأذن الله .

وفجأة يسمعون دقة جرس الباب !!!

تفتح شمس الباب لتجد نجوي امامها !!!

تتعجب شمس للحظات !!! فهي المرة الاولي التي تذهب فيها شمس الي منزلها !!

شمس " بتردد و دهشة " : يا مرحب اهلا وسهلا .

نجوي : اهلا بيكي يا حبيبتي .

ينادي رجب من الداخل : مين يا شمس ؟؟

شمس : دي ام جاسر مرات المعلم دياب .

ينتفض رجب و يقع الطعام من يده !!!

رجب : قوليلها تتفضل .

شمس : اتفضلي يا حبيبتي يا مرحب .

تدخل نجوي واعينها تتلفت بلهفة لتري رجب عن قرب !!!

يأتي رجب : يا اهلا وسهلا يا مرحب ، اتفضلي يا ست ام جاسر .

نجوي " وجهها محمرا " : يزيد فضلك يا معلم رجب . 

تترقب شمس نظرات رجب " المتلهفة " لنجوي ونظرات نجوي " الهاربة " من نظراته !!!

شمس : تشربي ايه يا اختي ؟؟

نجوي : ملوش لزوم يا حبيبتي ، نشرب في الفرح دايما .

شمس : لأ ميصحش لازم تشربي حاجة .

نجوي : اي حاجة من ايدك يا حبيبتي .

شمس : روحي يا شروق هاتي حاجة ساقعة لخالتك ام جاسر .

شروق " بتعجب " : حاضر .

رجب : متتخيليش احنا زعلنا اد ايه علي اللي حصل للمعلم دياب .

نجوي : والنبي يا اخويا هوه مبطل بيع الز.فت ده من زمان معرفش مين ابن حر.ام اللي وقعه في المصيب.ة دي !!

رجب : غمة وتتزاح بأذن الله ، وبأذن الله يرجع ينور بيته وقهوته تاني .

نجوي : يسمع منك ربنا يا اخويا .

شروق في المطبخ تقوم بأحضار المشروب المثلج بينما مازالت في حالة من الدهشة من تلك الزيارة الغريبة لتلك المرأة !!!

تقدم شروق المشروب للضيفة " نجوي " : تسلم ايدك يا عروستنا ، اشرب يارب شربات فرحك .

شمس : ربنا يخليكي يا ام جاسر عقبال ما نشرب شربات خروج المعلم بالسلامة .

نجوي : يسمع منك ربنا يا اختي ، انا جاية وليا طلب ومتعشمة متكسفونيش .

رجب : اؤمري يا ام جاسر ، طلباتك اوامر .

شمس : اؤمري يا حبيبتي تحت امرك ، انا اختك ورجب اخوكي ، ولا ايه ؟؟؟

نجوي : اااا ايوه طبعا ، وعلشان كده انا جاية اطلب ايد بنتكم شروق لابني جاسر .

رجب : يا نهار ابيض ، هو احنا هنلاقي زي جاسر ، شاب جدع ومحترم وراجل .

شمس : لكن يا حبيبتي انتي مش شايفة ان الوقت مش مناسب وخصوصا ان جوزك ابو جاسر لسه موضوع سجنه مش برد ؟!!

نجوي : المعلم دياب جوزي ربنا يفك ضيقته ، و جاسر ابني لازم يكون معلم ملو هدومه علشان يكون مكان ابوه .

رجب : ايوه طبعا .

نجوي : وعلشان يكون معلم اد الدنيا لازم يكون متجوز ، وانا لو لفيت الدنيا كلها مش الاقي بنت في ادب عروستنا ولا نسب احسن من نسبكم .

رجب : ده من ذوقك يا ام جاسر .

شمس : انتي الاحسن يا حبيبتي .

نجوي : قولتوا ايه بقي موافقين ولا هتكسفوني ؟؟

رجب : اااا

تقاطعه سريعا شمس : ادينا مهلة نشاور البنت ونرد عليكي .

نجوي : وماله يا حبيبتي ، خدوا  راحتكم وهنتظر منكم الرد ، استأذنكم انا بقي .

رجب : لسه بدري ما انتي قاعدة يا ام جاسر .

نجوي : بدري من عمرك يا اخويا ، هستني منكم الرد علي خير .

الحلقة  ٦

تنصرف نجوي " ام جاسر " وبمجرد ان تغلق شمس الباب ...

شمس " بغضب " : شوفت الولية قليلة الاصل يجيلها نفس ازاي تخطب لابنها و جوزها لسه داخل السجن .

رجب : الست اتكلمت في جواز يا شمس ، مش اتكلمت في حاجة غلط .

شمس : وهي ملقتش الا بنتنا ؟! عندها  البنات مالية الدنيا !! 

رجب : ما انتي عارفة ان بنتنا غير اي بنت ، جمال وادب واخلاق وتعليم  وتربية ، هما يلاقوا زي بنتنا فين !!

شمس : انا مش موافقة يا رجب ، بكره ارد عليها واقولها اننا مش موافقين وكل شئ قسمة ونصيب .

رجب : وليه نرفض ؟ جاسر شاب كويس مش وحش !!

شمس : يعني انت موافق ؟؟

رجب : وارفض ليه ؟ الولد كويس وهيقدر يعيش بنتنا عيشة مرتاحة .

شمس : واحنا مش ناقصين فلوس علشان نبص لفلوسه ، ولا انت حنيت لست الحسن والجمال ؟؟

رجب : قصدك مين ؟؟

شمس : قصدي ام العريس .

رجب : ايه الكلام اللي بتقوليه ده يا شمس ؟؟

شمس " بسخرية   : ايوه شكلك حنيت للحب القديم يا روميو .

رجب : عيب اللي بتقوليه ده يا شمس  !! دي ست محترمة وعلي ذمة راجل ، وانا كمان عيني مليانه وانتي عندي بالدنيا كلها ومش ممكن ابص لغيرك .

شمس : اللي هيجنني انك انت وجوزها طول عمركم بتكرهوا بعض ، ازاي الولية دي تيجي دلوقتي تخطب بنتك لابنه ؟؟ الا اذا كان فيه نية تانية !!

رجب : طيب ايه رأيك ان العداء بيني وبين جوزها هو السبب اني موافق .

شمس : ازاي ؟ ده لغز ولا عايز تضحك عليا بكلمتين ؟؟

رجب : يا حبيبتي افهمي ، انا ودياب اغني اتنين في المنطقة ودلوقتي هو في السجن ، يعني لو ابنه جاسر اتجوز بنتنا وانا قدرت اخد جاسر تحت جناحي هتبقي الحته كلها ملك ايديا .

 شمس : واحنا مش محتاجين اكتر من اللي عندنا .

رجب : يا خايبة انتي تكرهي لما جوزك يبقي كبير الحته وتبقي انتي مرات كبير الحته والكبير والصغير يعملك الف حساب ؟!!

شمس : اوعي تكون بتضحك عليا بالكلمتين دول يا رجب و يكون كل تفكيرك انك تقرب من الولية دي ؟؟

رجب : تبقي متعرفيش انتي ايه بالنسبالي ولا تعرفي حبي ليكي اد ايه يا شمس .

شمس : ماشي يا رجب هوافقك علي كلامك ، انما يكون في علمك يارجب لو عرفت في يوم من الايام انك بتستغفلني هتشوف شمس اللي عمرك ما عرفتها قبل كده وساعاتها اوعي تلوم الا علي نفسك .

 

في غرفة شروق 

شروق : ايه اللي انا سمعته ده يا ماما ؟

شمس : الست جاية تخطبك لابنها جاسر .

شروق : لا طبعا مستحيل .

شمس : ليه ؟ 

شروق : من غير ليه يا ماما ، انا مبحبش البني ادم ده  ، ده دايما بيعاكسني وانا مش بعبره .

شمس : اااه ، يعني جاسر عينه منك من زمان ؟؟

شروق : جاسر مين ده اللي ابص له !! هو عينه مني ولا معجب بيا دي حاجة تخصه ، انما انا مستحيل اوافق عليه .

شمس : ليه ؟ فيه حد في دماغك ؟؟

شروق " بارتباك " : هااا ، لا لا مفيش .

شمس : ولا حتي شريف ابن المعلم ربيع ؟؟

شروق : اااا 

شمس : يا بت انا امك وعارفاكي كويس .

شروق : الصراحة ايوه يا ماما انا بحب شريف ابن عم ربيع .

شمس : وهو بيحبك ؟؟

شروق : ايوه بيحبني .

شمس : لو كان بيحبك مكنش سابك وسافر .

شروق : يا ماما شريف سافر علشان يكون نفسه علي ما الزعل اللي بين ابويا وعم ربيع يتنسي .

شمس : وهو يضمن منين انه يرجع يلاقيكي لسه مستنياه ؟ اسمعي كلامي الواد شريف ده مش بيحبك .

شروق : لأ يا ماما شريف بيحبني اوي كمان .

شمس : حتي لو بيحبك مستحيل تتجوزوا بعد اللي حصل بين ابوكي وابوه .

شروق : واحنا مالنا ومال زعل الكبار ؟؟

شمس : الكبار دول هيحطوا ايديهم في ايدين بعض ازاي ؟؟ من بعد ما فضوا الشركة بينهم في الفرن مستحيل يرجعوا زي الاول يا بنتي او حتي يوافقوا علي جوازكم .

شروق : انا لو مش هتجوز شريف يا ماما عمري ما هتجوز ابدا .

شمس : اسمعي مني يا بنتي ، انا اكبر منك وفاهمة الدنيا عنك ، كل ده مسيره بتنسي بالايام ، وهقولك كلمة من امك شيلي شريف من تفكيرك نهائي لأن جوازكم دلوقتي بقي مستحيل ، واذا كنتي مش موافقة علي جاسر انتي حرة برحتك ، انما شريف انسيه .

تجلس شروق في غرفتها و ترسل عدة رسائل لشريف دون رد !!! تنساب دموعها علي وجنتيها حزنا وخوفا علي حبها الذي امسي في مهب الريح .

تمر اكثر من ساعة ودموعها مازالت لم تجف بعد حتي تأتيها رسالة منه ...

شروق : ايه كل ده يا شريف ؟!!! بعتلك رسايل كتير اوي مردتش ليه ؟

شريف : معلش يا شوشو كنت في الشغل و لسه مخلص حالا .

شروق : انا من ساعتها وانا بعيط .

شريف : لا اوعي تعيطي ابدا ، قولتلك مبت مرة مش عايز عينيكي تعرف الدموع ابدا ، خلاص بقي حقك عليا انا اسف .

شروق : خلاص سامحتك ، انا كنت عايزة اكلمك علشان اقولك حاجة ممكن تزعلك .

شريف : خير فيه ايه ؟؟ حصل ايه ؟؟

شروق : ام جاسر مرات عم دياب .

شريف : مالها ؟

شروق : كانت عندنا النهاردة وطلبت تخطبني لابنها .

شريف " بعصبية " : بتقولي ايه ؟؟  انتي اكيد بنهزري !!!

شروق : اهزر ازاي في حاجة زي كده ؟!

شريف : ازاي ؟؟ ده المعلم دياب وابوكي بيكرهوا بعض كره العما ، وكل الحته عارفين انهم بيكرهوا بعض وكل واحد بيتمني الشر للتاني !! ازاي مراته تيجي تخطبك لابنها ؟ انتي بتهزري ولا عايزة تجننيني ؟!!!

شروق : المعلم دياب اتقبض عليه  بمخد.رات واتحبس علشان كده مراته وابنه اتشجعوا وطلبوني للجواز .

شريف : اكيد طبعا عم رجب اتعصب عليها وطردها من البيت ؟؟

شروق : بالعكس ده ابويا موافق وبيقول لأمي انه لو جوزني لجاسر و قدر ياخده تحت جناحه هيبقي كبير الحته  خصوصا ان ابو جاسر مش هيطلع من السجن قريب .

شريف : يا نهار اسود !! يعني ايه ؟؟؟ وانتي هتوافقي ؟؟

شروق : لأ طبعا انا مستحيل اتجوز غيرك ، لكن بقولك حتي لو ابويا حاول يغصب عليا بردو مش هوافق !!

يدخل رجب فجأة لبجد ابنته تراسل شريف عبر الانترنت !!!

يأخذ منها هاتفها ويقرأ الرسائل المرسلة بينهما  .

ثم تأتي رسالة جديدة من شريف : " انا مكنتش اعرف ان ابوكي بتاع مصلحته بالشكل ده !!! لازم ترفضي يا حبيبتي وانا هرجع في اقرب وقت علشان اتقدملك و اتجوزك ،حتي لو ابويا وابوكي رفضوا هتجوزك " .

اغلق رجب الهاتف بعد قراءة تلك الرسالة ثم انهال عليها ضر.با مبرحا وامسكها . من. شعرها  قائلا : بتستغف.ليني يا بنت..ال... و بتكلمي شباب من ورايا ؟!!!

شروق " ببكاء " : لا والله يا بابا ده شريف ابن عم ربيع كان بيكلمني وعايز يخطبني . 

رجب : وماشية معاه من امتي يا .... ؟؟

شروق " ببكاء " : لا والله يا بابا ده بيكلمني بس .

رجب : عايزة تف.ضحيني في الحته يا بنت ال ...؟!!!

شروق " ببكاء " : يا بابا اسمعني .

رجب : انا مش هسمعك ، انا هجوزك جاسر الاسبوع الجاي سواء برضاكي او غص.ب عنك !!!

اخذ رجب هاتف ابنته ثم خرج من الغرفة واغلقها .

انها.رت شروق باكية لا تستطيع تجفيف دموعها حتي نامت ودموعها مازالت تجري علي وسادتها !!!

خرج رجب غاضبا قائلا : شوفتي بنتك بتعمل ايه يا ست هانم ؟؟؟ بنتك بتستغف.لني و بتكلم شباب وانتي نايمة علي ودانك !!!

شمس : اوعي تقول كده يا رجب ، انا بنتي متربية احسن تربية .

رجب : شوفي يا هانم الرسايل اللي بينها وبين ابن ربيع !!!

شمس : الولد بيكلمها علي انه عايز يخطبها مش اكتر .

رجب : بتكلمه من ورانا ولا لأ ؟؟؟

صمتت الام ولم تستطيع ان تجيبه !!!

رجب : اعملي حسابك انتي وهي لو ابن ربيع ده اخر واحد في الدنيا مستحيل اوافق انه يتجوز بنتي .

شمس : طيب اهدا الاول يا رجب و....

رجب : مفيش اهدا ، مفيش خروج للبت دي من البيت ، و اعملي حسابك بعد يومين هرد علي جاسر وامه واقولهم اننا موافقين و الجواز بعد شهر واحد .

في اليوم التالي

ينصرف رجب منذ الصباح الباكر الي المخبز ، وتدخل شمس غرفة ابنتها لتجدها نائمة وعلي ملامح وجهها اثر البكاء والحزن !!!

شمس : شروق .. شوشو .. اصحي يا بنتي .

تستيقظ شروق لتنساب دموعها سريعا وترتمي بين احضا.ن امها ...

شروق : انا معملتش حاجة غلط يا ماما .

شمس : انا عارفة يا حبيبة امك .

شروق : بابا بهد.لني اوي يا ماما .

شمس : معلش يا حبيبتي ، له حق  اي راجل مكانه لو عرف ان بنته بتكلم شاب هيعمل اكتر من كده كمان .

شروق : بجد يا ماما هو هيجوزني لجاسر غ.صب عني ؟؟

شمس : هقولك كلمة يا بنتي ، ان جالك الغ.صب خده بالرضا .

شروق : يعني ايه يا ماما ؟؟

شمس : يعني دلوقتي جوازك من شريف مستحيل وجوازك من جاسر اصبح امر واقع ولازم تقبليه و تعملي حسابك ان جاسر هو عريسك وهيكون جوزك بعد شهر بالكتير .

شروق : لا يا ماما ، مستحيل !!

شمس : المستحيل بعد اللي حصل ان ابوكي يغير رأيه .

شروق : يعني ايه ؟؟ هيجوزهولي غص.ب عني ؟!!

شمس : خليها برضاكي احسن علشان تقدري تعيشي حياتك في سعادة .

شروق : اعيش ايه !!! انا لازم امو.ت قبل ما اتجوز اللي بتقولوا عليه ده .

شمس : ليه بتقولي كده ؟!! جاسر شاب كويس ، وسيم وغني وبيحبك واي بنت تتمناه .

شروق : اي بنت غيري يا ماما ، فاهمة ؟ اي بنت غيري انا لأ .

شمس : مع الجواز والعشرة هتحبيه .

نهضت شروق مسرعة وارتدت ملابسها و ذهبت لتفتح الباب .

شمس : رايحة فين يا بنتي ؟؟

شروق : دقايق وراجعة يا ماما .

خرجت من منزلها تهرول حتي وجدت جاسر يجلس امام مقهاه ...

شروق : علفكرة انا بكرهك اوي .

جاسر : وانا بحبك اوي .

شروق : انت فاكر انك لما تبعت امك تخطبني انا هوافق ؟؟ ده مستحيل .

جاسر : ليه كل ده ؟! انا طالبك بالحلال !!!

شروق : وانا مش عايزاك يا اخي ، هو بالعا.فية !!!

جاسر : لأ بالحب ، انا بحبك وهسعدك ومتأكد انك لما تعشريني هتحبيني .

شروق : تصدق دمك تقيل اوي !!!

جاسر : وانتي دمك سكر ، صدقيني يا شوشو لما نتجوز هتحبيني .

شروق : ده بعدك ، عمرك ما هتتجوزني ولا تشوف ضافري .

جاسر : وانا علشان بحبك هسامحك علي كل الكلام ده ومتأكد انك في يوم قريب اوي هتحبيني وتعرفي انك كنتي غلطانة .

شروق : ده انت معندكش د.م بقي !! اعمل حسابك لو صممت انك تتجوزني وابويا جوزني لك بالعا.فية هتشوف معايا اسود ايام حياتك .

في المخبز ...

يجد رجب رسالة من شريف : قفلتي ليه فجأة البارح واحنا بنتكلم .

رد رجب " وكأنه ابنته " : بابا دخل الاوضة فجأة .

شريف : كلمك في حاجة علي موضوع الواد اللي جاي بخطبك ده ؟؟

رجب " وكأنه ابنته " : لأ خلاص قولت لبابا انا مش موافقة وهو قالي خلاص مادام مش موافقة هقولهم كل شئ قسمة ونصيب .

شريف : الحمد لله طمنتبني ، ده انا كنت هسافر وارجع مصر فورا .

رجب " وكأنه ابنته " : لا خلاص خليك في شغلك ، بس اعمل حسابك مش هعرف اكلمك الفترة دي .

شريف : ليه ؟؟؟

رجب " وكأنه ابنته " : خايفة بابا يعرف اننا بنتكلم ويغير رأيه .

شريف : معاكي حق يا شوشو .

وبتلك الحيلة استطاع رجب ابعاد فكرة العودة عن شريف !!!

بعد شهر تقريبا 

في قاعة الحفلات بالحي ... 

تجلس شروق بجوار عريسها بين الاهل والاصدقاء بينما الجميع تملأهم مشاعر الفرح والسعادة كانت هي تحاول اخفاء دموعها !!! حتي انتهي الحفل و اخذها جاسر الي جواره في سيارته ذهابا الي عش الزوجية ....

الرواية هتبدأ تسخن واحداثها مثيرة جدا 

الحلقة   ٧

انتهي الحفل و اخذها جاسر الي جواره في سيارته ذهابا الي عش الزوجية ...

جاسر : انا مش مصدق يا حبيبتي ان اخيرا حلمي اتحقق .

شروق " بحزن و توعد " : قصدك كابوسك هيبدأ .

جاسر " يضحك " : تعرفي انك عسل في كل حالاتك ، لما بتضحكي ، لما بتتعصبي ، حتي وانتي بتقولي كلام يزعل بيطلع منك زي العسل .

تقف سيارته امام منزله ويجد والدته  نجوي تقف في شرفة الطابق الثاني من المنزل ، وبمجرد رؤية ابنها مع عروسته يخرجون من سيارته تطلق الزغاريد العالية وسط تهاني الجيران والاحباب ، يقف جاسر وبحركة سربعة يحمل عروسته علي ذراعيه ويصعد سريعا الي شقته بعد ان سبقته والدته لتفتح له باب شقته فيدخل حاملا عروسته ويغلق الباب بقدمه .

كل ذلك بينما ترتفع صوت دقات قلب العروس سريعا و تتملكها رجفة وكأنها ستواجه المو.ت المحقق !!!

يدخلها الي غرفة النوم وبمجرد ان تري الفراش وعليه الورود المبعثرة في كل مكان تنساب دموعها و تدق علي صدره بكفيها : سيبني .سيبني انا عايزة امشي .

ينزل بها برفق الي الفراش ويقترب منها محاولا تقبيلها الا انها رفعت يدها ومنعته !!!

جاسر : لا بقي يا حبيبتي انا استحملت  كتير دلعك عليا علشان اللحظة دي ، وانا النهاردة عريس وعايز انبسط يعني الليلة دي مش بتتكرر كتير علشان اعوضها فياريت بقي تكوني حلوة معايا علشان اكون حلو معاكي وننبسط سوا احنا الاتنين .

شروق : لو متخيل ان اي حاجة من اللي في دماغك هتحصل الليلة دي يبقي اكيد أنت بتحلم .

جاسر " يضحك " : لا يا شوشو ، لو انتي فاكرة اني هسيبك الليلة تبقي انتي اللي بتحلمي ، تعالي قربي ودنك كده اقولك حاجة .

تنظر له في سخرية !!!

يقترب قليلا من اذنها ويقول " ضاحكا " : انا هقطعك الليلة ، ثم يطلق ضحكة عالية وينهض يخلع رابطة عنقه ويخلع قميصه و هم بخلع سرواله فابتعدت سريعا عنه قائلة : اخرج اقلع بره .

جاسر " يضحك بصوت عال " : انتي بتتكسفي ولا ايه يا عروسة ؟؟!! متخافيش بعد دقايق يا قلبي مش هتتكسفي مني تاني ابدا .

شروق : انت قليل. الادب وسا.فل .

جاسر " يضحك " : انتي لسه شوفتي حاجة من قلة ادبي !!! انا هخرج علشان تغيري القستان برحتك ولما ارجع هتشوفي قلة ادبي بجد .

خرج جاسر وجلس في " الريسبشن " واخرج من جيبه سيجارة ملفوفة و قبل ان يشعلها تناول قرص من العقاقير الطبية !!

بعد ان انتهي من سيجارته وقد بدأ يري كل شئ حوله جميل ورائع ذهب ليفتح غرفة النوم ولكنها كانت قد اغلقتها من الداخل !!!

ضحك جاسر ضحكة عالية قائلا : كنت عارف انك مجنونة وهتعملي كده .

ثم ذهب الي غرفة اخري واحضر نسخة اخري من المفاتيح لتفاجئ العروس به يفتح باب غرفة النوم ويدخل اليها !!!

لم تكن وقتها قد اتمت كامل ملابسها  فحاولت ان تفر منه الا انه سبقها واغلق الباب بالمفتاح !!!

شروق : لو فاكر انك علشان قفلت الباب يبقي لازم تنفذ اللي في دماغك تبقي غلطان ، انا ممكن ار.مي نفسي من الشباك !!

جاسر : ارمي نفسك في حضني احلي وألذ .

شروق : انت فاكر اني ممكن في يوم اني احبك ؟؟ تبقي غبي !!

جاسر : هتحببني ، وحياتك عندي هتحبيني لما تشوفي حبي ليكي ولما انفذلك كل اللي بتحلمي به .

شروق : بقولك عمري مش هحبك ، انت ايه يا اخي معندكش د.م ؟!!!

يقترب منها جاسر : عندي د.م و حبك بيجري في د.مي ، تعالي قربي كده علشان تسمعي دقات قلبي اللي بتقول بحبك .

يقترب منها فتحاول الفرار منه حتي يلحقها ويضمها اليه بقوة و يلقي بها الي الفراش ...

"" تم حذف التفاصيل القاسية التي عانتها العروس لأنها تحمل بعض الكلمات والاشارات الجريئة ""

بعد مرور بعض الوقت ...

نزع نفسه عنها والقي بجسده الي جوارها ثم ضحك : مبروك يا عروسة .

نظرت اليه في حسرة ودموعها تسيل علي وجنتيها !!!!!

اليوم التالي 

بعد الظهيرة ...

استيقظ جاسر ليجدها جالسة تضم ياقيها بذراعيها وتضع رأسها بينهما ومازالت تبكي !!!

جاسر : صباح الخير يا عروسة .

تنظر له ولم ترد عليه !!

جاسر : مالك ؟؟ لسه زعلانة يا قلبي ؟؟ خلاص حقك عليا ، معلش كنت عن.يف معاكي شوية بس صدقيني انتي اللي اضطرتيني لكده .

ازدادت دموعها فوضع يده عليها برفق : حقك عليا انا اسف ، اوعدك مش هكون معاكي بالشكل ده تاني .

مازالت دموعها تسيل بغزارة !!!

اعتدل جالسا وضمها اليه برفق ثم مرر اصابعه علي وجهها يمسح  دموعها بحنان محاولا تهدئتها حتي هدأت .

جاسر : خلاص بقي اوعدك هكون حنين معاكي بعد كده بس ياريت بلاش عناد علشان خاطري .

جفت دموعها تماما فقال لها : يلا بقي عايز احلي فطار من احلي عروسة ، ولا اقولك لأ ، انا اللي هقوم اجيبلك الفطار لحد عندك في سريرك .

بعد قليل ...

جاسر يدخل بمائدة طعام كبيرة ويضعها امامها علي الفراش .

جاسر " يضحك " : يلا يا قلبي بالهنا والشفا ، اظن مفيش دلع اكتر من كده !!

لم تستجيب شروق له وظلت كما هي !!

جاسر : ايه رأيك انا هأكلك بأيدي .

ثم يمرر اصابعه بين خصلات شعرها المبعثرة ويطعمها الطعام في فمها حتي استجابت له اخيرا .

انتهوا من الطعام ثم بدأ معها جولة جديدة لم تكن فيها بنفس عنادها السابق .

بعد مرور بعضا من الوقت يدق جرس الباب ينهض جاسر ذاهبا الي باب الشقة ويرد من خلفه : مين اللي بره ؟

نجوي : انا يا عريس ، انا امك يا حبيبي .

جاسر : ثواني يامه هلبس حاجة وافتحلك .

يأتي بعد ان ارتدي بعضا من ملابسه ويفتح لها الباب ...

تدخل نجوي وتطلق العديد من الزغاريد المرتفعة ثم تضم ابنها اليها : الف مبروك يا حبيبي .

جاسر : الله يبارك فيكي يامه .

نجوي " تبتسم " : مبسوط يا واد ؟؟

يضحك جاسر : طبعا يامه .

نجوي : ربنا يسعدك يا حبيبي ، اومال فين عروستنا ؟؟

جاسر : نايمة جوه يامه .

نجوي " تضحك " : شكلك خلصت. عليها يا واد .

تنهض نجوي ثم تدخل غرفة نومهما ، لتفاجئ بها شروق : ايه ده ؟؟ انتي ازاي تدخلي عليا كده ؟؟

نجوي : مكسوفة مني يا عروسة ؟!! ده انا زي امك .

شروق : بردو المفروض تستأذني قبل ما تدخلي !!

نجوي " بسخط " : لا يا حبيبتي ، ده بيت ابني وادخل واخرج براحتي في اي حتة .

تنهض شروق غاضبة وتخرج الي جاسر وتقول " في غضب " : بقولك ايه ، قول لمامتك لما تدخل بعد كده تستأذن .

جاسر : خلاص يا شوشو حصل خير .

شروق : لأ محصلش خير .

جاسر : خلاص طيب حقك عليا انا .

نجوي : مالك يا واد نخيت كده ليه ؟!!

جاسر : خلاص يا ماما مش عايز مشاكل من اولها .

فجأة يدق جرس الباب !!!!!

يذهب جاسر ليفتح الباب ليجد رجب و شمس امامه ...

جاسر : اهلا وسهلا اتفضلوا ، اتفضل يا عمي اتفضلي يا ست الكل .

يدخل رجب وزوجته شمس وبمجرد ان تراهما شروق تهرول الي امها لتحت.ضنها .

تضمها امها اليها في حنان وتقول : الف مبروك يا حبيبتي .

ثم تأخذها وتدخلان الي غرفة النوم ...

شمس : طمنيني يا بت حصل ايه ؟؟

شروق : ده حيوان .

شمس : ليه ايه اللي حصل ؟؟

شروق : بهدلني يا ماما .

شمس : ليه يا بت ؟ ضر.بك ؟؟

شروق : يا ريت يا ماما ، ده مسكني كت.فني يا ماما وو...

شمس " تضحك " : خلاص خلاص كفاية ، عادي يا بت ، ده عريس جديد وانتي تلاقيكي كنتي معاندة معاه ، اكيد مش هيعمل كده تاني .

شروق : ايوه انا مش هخليه يعمل كده تاني .

شمس : بلاش عناد معاه علشان يكون كويس معاك .

شروق : ولا امه !!!!

شمس : مالها ؟؟

شروق : من شوية لقيتها داخلة الاوضة عليا كده بدون استأذان ولما بكلمها قالتلي ده بيت ابني ادخل واخرج براحتي !!!

شمس : معلش بس علشان لسه في اول الجواز لسه مش اتطبعتوا بطبع بعض .

شروق : انا عايزة اتطلق يا ماما .

شمس : شششش ، اوعي تقولي كده تاني ، انتي عايزة الناس تقول ايه ؟!! اتجوزت واتطلقت تاني يوم !!! يبقي اكيد العروسة فيها حاجة !!

شروق : يا ماما ...

شمس : بس خالص اوعي اسمعك تقولي الكلمة دي تاني .

في الريسبشن 

يجلس جاسر بين صهره رجب و والدته نجوي يرحب بوجودهما وفي عينيه نظرات السعادة ،  بينما نظرات أخري حائرة بين رجب وحبه القديم !!! 

ابتسم رجب : تصدق يا جاسر اول مرة الاحظ انك فيك شبه من والدتك كبير !!

جاسر : فعلا ناس كتير قالولي كده .

نجوي : بيقولوا لو الولد طلع شبه ابوه تبقي امه بتحب ابوه ولو طلع شبه امه يبقي ابوه بيحب امه .

جاسر " يضحك " : فعلا يامه ابويا طول عمره بيحبك .

رجب : الصراحة والدتك ست كاملة و اي حد مكان ابوك لازم يحبها .

جاسر : اومال يا عمي شروق شبه مين فيكم ؟؟

رجب " يضحك " : شبه خالتها .

يضحكون جميعا بصوت عال في لحظة خروج شمس من غرفة ابنتها !!!

شمس : ماشاء الله ، ما تضحكوني معاكم !!

رجب : تعالي يا ام شروق اقعدي معانا ، ده جوز بنتك د.مه خفيف و زي العسل .

شمس : ما تناديني زي ما بتناديني في البيت وقولي يا شوشو ، خلاص الجماعة بقوا اهلنا مش غرب .

رجب " بحرج " : ايوه طبعا احنا بقينا اهل خلاص .

نجوي " بسخط " : ايوه طبعا ، خدوا راحتكم .

شمس : بمناسبة اننا بقينا اهل خلاص مش هتكسف منك بقي .

نجوي : ايوه يا حبيبتي متتكسفيش .

شمس : ياريت يا حبيبتي قبل ما تفحي باب ابقي خبطي الاول علشان بنتي متعودة علي كده في بيت ابوها ، ومهما كان دي عروسة جديدة والمفروض يكون لها خصوصيتها .

نجوي : وهو انا غريبة ؟؟ ده احنا لسه بنقول اننا بقينا اهل !!

شمس : اهل طبعا يا حبببتي بس بردو الاصول اصول .

نجوي : قصدك ايه ؟؟ يعني انا مبفهمش في الاصول ؟؟

جاسر : لا يا ماما هي متقصدش .

رجب : صلوا علي النبي يا جماعة ، انتوا ليه قفشتوا في الكلام كده ؟؟!!

نجوي : ما تشوف مراتك بتقول ايه ؟؟

رجب : شمس متقصدش اللي فهمتيه يا ام جاسر .

شمس : بردو المفروض تستأذن قبل ما تفتح الباب علي بنتي !!!

رجب : ايه يا جماعة هو احنا جايين نعكنن علي العرسان ولا ايه ؟!! احنا نقوم نمشي دلوقتي احسن ونسيب العرسان يتهنوا ببعض .

يأخذ رجب زوجته شمس وينصرفان ، بينما تترك نجوي ابنها وعروسته وتنزل الي شقتها .

في طريق العودة الي المنزل

شمس : كنت مبسوط اوي وانت قاعد معها وضحكتك جايبة اخر الشارع !!!

رجب : انا كنت قاعد مع جوز بنتي مش قاعد معها ، وبعدين بقولك ايه يا ولية مش عايزين جوازة بنتنا تبقي سبب خر.اب بيتنا .

شمس : والنعمة انا اللي شكلي طلعت مغفلة وضحكت عليا بكلمتين !!

رجب : يا ولية قولتلك مفيش ست تملي عيني غيرك انت يا بطة .

شمس : بطة !!!

رجب : ايوه بطتي ووزتي و الحتة الطرية بتاعتي .

تضحك شمس فيقترب من اذنها : يلا عايزين نروح البيت بسرعة .

شمس " تبتسم " : ليه ؟؟

رجب " يضحك " :  لما ندخل اوضتنا هتعرفي .

صباح اليوم التالي

يخرج رجب من منزله في موعده ويذهب الي عمله في الفرن و بعد انتظام العمل يتناول فطوره و قهوته وبعد تأكده من انتظام العمل جيدا ينادي علي احد العمال...

رجب : ياض يا جمعة .

جمعة : نعم يا معلم .

رجب : الساعة دلوقتي عشرة ، خلي بالك من الفرن كويس هروح مشوار ساعة بالكتير وارجع .

جمعة : ترجع بالسلامة يا معلم .

رجب : خلي بالك انا عادد الدقيق وعارف ايه االي اتعجن وايه لسه ، اوعي حاجة تنقص !! فاهم ؟؟؟

جمعة : حاضر يا معلم ،انت لاموأخذة رايح فين ؟؟

رجب : وانت مال أهلك ياض !! رايح اطمن علي بنتي .

جمعة : ربنا يهدي سرها وتفرح بأولادها .

رجب : عقبالك ياض يا جمعة .

ينصرف رجب ذاهبا الي منزل جاسر ووقف امام شقة نجوي ودق جرس الباب .

دق قلبها بقوة وهي تري رجب يقف امام بابها من فتحة الباب الخفية !!!

هرولت الي المراة و مسحت علي وجهها وعدلت من ملابسها جيدا ثم عادت لتفتح الباب وتظهر اندهاشها ....

نجوي : المعلم رجب ؟؟!!!

رجب : ممكن ادخل ولا هتسبيني واقف كده ع الباب ؟؟

نجوي : لا طبعا ، اتفضل .

دخل رجب وعينيه تجوب ارجاء المكان : هو ده البيت اللي عيشتي فيه بعيد عني طول السنين دي ؟؟؟

نجوي : قصدك اللي مو.تت فيه طول السنين دي !!

رجب : يعني مفيش يوم كنتي سعيدة فيه هنا وانتي بعيدة عني ؟؟

نجوي : اهي عيشة والسلام ، انما السعادة كلمة انا معرفش معناها .

رجب : اومال فين باقي اولادك ؟؟

نجوي : هاا ، قصدك نسمة وهاني ؟؟

رجب : ايوه ، هما فين ؟؟

نجوي : في المدرسة .

رجب : يعني احنا هنا دلوقتي لوحدنا ؟؟

الحلقة   ٨

نجوي : اهي عيشة والسلام ، انما السعادة كلمة انا معرفش معناها .

رجب : اومال فين باقي اولادك ؟؟

نجوي : هاا ، قصدك نسمة وهاني ؟؟

رجب : ايوه ، هما فين ؟؟

نجوي : في المدرسة .

رجب : يعني احنا هنا دلوقتي لوحدنا ؟

نجوي : ايوه ، ليه ؟

يقترب منها رجب فتبتعد عنه في الحال !!! ايه ده !! انت عايز ايه يا رجب ؟؟

يحاوطها بذراعيه : بعد كل السنين دي لسه مش عارفة انا عايز ايه ؟؟؟

نجوي : عيب كده !! احنا مش صغيرين يا رجب !!! 

رجب : علشان احنا مش صغيرين وعلشان عمرنا اللي ضاع واحنا بعاد عن بعض نفسي احس بيكي في حضني ولو للحظة واحدة .

نجوي : انت اتجننت يا رجب !!! ايه اللي بنقوله ده  ؟؟

رجب : انا ابقي مجنون لو اسيبك تضيعي مني تاني !!!

نجوي : انا متجوزة يا رجب !!! ميصحش كده !!

رجب : يعني بتحبي جوزك ؟؟

نجوي : عمري ما حبيته لحظة واحدة .

رجب : يعني لسه بتحبيني يا نوجا ؟؟ مش كنت دايما بقولك كده ؟؟

نجوي : احنا خلاص كبرنا علي الكلام ده يا رجب .

رجب : لكن انا لسه بحبك .

نجوي : طيب ابعد ، مينفعش تمسكني كده !!

رجب : انا بحبك يا نوجا بحبك بحبك بحبك ....

بعد مرور بعض الوقت ...

نجوي " تبكي " : انا معرفش ازاي طاوعتك علي كده !! حرام عليك .

رجب : اجمل لحظة في حياتي يا حبيبتي ، ولا عمري عرفت طعم الحب الا معاكي .

نجوي : حرام عليك منك لله خليتني اغلط لأول مرة في حياتي ، انا مش ممكن اعمل كده تاني ابدا .

رجب : انتي بعد كده مش هتبعدي عني لحظة واحدة ابدا .

نجوي : يعني ايه ؟ يعني هتتجوزني ؟؟

رجب : اطلقي من دياب و اتجوزك بعد العدة بيوم .

نجوي : لكن لما يطلع هيبهد.لني !!

رجب : ايه اللي بتقوليه ده ؟؟ انتي مش هتتجوزي راجل ولا ايه !!

نجوي : اوعدني انك مش هتخلي بيا .

رجب : اخلي بيكي ازاي وبنتي متجوزة ابنك وعايشة معاكي في نفس البيت ؟!!! اتطلقي من دياب وسيبي الباقي عليا .

نجوي : وانت هتطلق مراتك ؟؟

رجب : لأ ، مش هينفع اطلقها .

نجوي " بسخرية " : ليه ان شاء الله ؟ بتحبها ولا ايه ؟؟

رجب : اولا انا واخد منها فلوس كتير ولو طلقتها هتطالبني بالفلوس دي كلها .

نجوي : مش مهم الفلوس ، خير ربنا كتير .

 رجب : ثانيا انا لو طلقت شمس البت شروق هتزعل علشان امها وهتقوم الدنيا عليا وعليكي وهتعمل مشاكل مع جاسر ابنك .

نجوي : وجاسر ابني ؟ مش عارفة اواجهه ازاي اني اطلق من ابوه واتجوزك ؟

رجب : سيبي جاسر كمان عليا ، انا هقرب منه واصاحبه علشان يتقبل جوازنا ، و متنسيش ان ابنك بيحب بنتي ، يعني مش هيقدر يعترض علي جوازنا علي الاقل علشانها .

نجوي : انت شايف كده ؟؟

رجب : وابو كده كمان ، حاولي تخلصي اجراءات الطلاق في اقرب وقت وسيبي كل حاجة عليا ، انا هرتب كل حاجة .

نجوي : حاضر يا رجب ، بس يكون في علمك اللي حصل دلوقتي ده مش ممكن يحصل تاني الا بعد جوازنا .

رجب " يضحك " : رغم اني مش هقدر استحمل تلات شهور لكن علشان خاطرك موافق .

بعد ايام ...

شريف في ايطاليا

يعود شريف من عمله مساءا ويحاول الاتصال بشروق لكن هاتفها مازال مغلقا .

شريف " في خاطره " : انا مش عارف شروق قافلة تليفونها علطول ليه ؟!! مش معقول مش بتفتح تليفونها ابدا !!! ده حتي الرسايل اللي ببعتها مش بتوصلها !!!

ثم يقوم بالاتصال بوالدته ...

شريف : ازيك يا ماما اخبارك ايه ؟

نبيلة : الحمد لله يا حبيبي بخير .

شريف : عاملين ايه كلكم وحشتوني اوي .

نبيلة : انت اكتر يا حبيبي ،  هترجع امتي يا شريف ؟ انت وحشتني اوي .

شريف : زي ما اتفقنا يا ماما بعد سنة ان شاء اللهو.

نبيلة : ترجع بالسلامة يا حبيبي .

شريف : عايز اطلب منك طلب يا ماما .

نبيلة : اؤمر يا حبيبي .

شريف : بعد اذنك عايزك تكلمي شروق وتسأليها مش بتفتح التليفون ليه ؟! وتقوليلها تكلمني ضروري لأني بتصل بيها علطول تليفونها مقفول !!!

تصمت نبيلة وتمتلأ عيونها بالدموع ، لا تعرف كيف تواجه ابنها بحقيقة ما حدث !!

شريف : ماما ، انت سمعاني ؟؟

نبيلة : ايوه يا حبيبي سمعاك .

شريف : مش بتردي عليا ليه ؟؟

نبيلة : مش عارفة اقولك ايه يا شريف !!

شريف : فيه ايه يا ماما ؟؟ انتي مخبية عني حاجة ؟؟؟

نبيلة : الصراحة يا شريف ايوه .

شريف : فيه ايه يا ماما ؟ اتكلمي .

نبيلة : الجواز قسمة ونصيب يا حبيبي ، وبصراحة شروق اتجوزت .

شريف " بعصبية " : ايييييه !!! بتقولي ايه يا ماما ؟؟

نبيلة : متزعلش نفسك يا شريف ، ملكش نصيب فيها .

شريف : اتجوزت ولا قصدك اتخطبت ؟؟

نبيلة : اتجوزت يا شريف .

شريف " بعصبية " : ازاااي ؟؟ اتجوزت !!! ده كنا لسه بنتكلم مش شهر واحد !!

نبيلة : اتخطبت واتجوزت بسرعة ، خلاص متزعلش نفسك يا حبيبي ، الجواز قسمة ونصيب .

شريف : سلام يا ماما .

يغلق شريف المكالمة وينها.ر باكيا ويحط.م محتويات الغرفة في جنو.ن !!

تحاول نبيلة محاولة الاتصال به الا انه كان لا يسمع الا صوت غضبه !!!

دخل زملاؤه في السكن اليه وحاولوا تهدأته حتي بدأ يهدأ ويستوعب الصد.مة بعد مرور بعض الوقت .

عاودت نبيلة محاولة الاتصال به حتي اجابها ...

نبيلة : مالك يا شريف فيه ايه ؟

شريف " باكيا " : خلاص يا ماما انا هرجع في اول طيارة .

نبيلة : لأ خليك دلوقتي في شغلك يا ابني .

شريف : مش كنتي عايزاني ارجع يا امي ، انا فعلا هرجع .

نبيلة : انا فاهمة انت عايز ترجع علشان شروق اتجوز ، بس صدقني يا ابني رجوعك خلاص مش هيفيد بحاجة .

شريف : هي اتجوزت مين وامتي ؟

نبيلة : اتجوزت جاسر ابن المعلم دياب من ثلات ايام .

شريف : ازاااي ؟؟

نبيلة : النصيب يا حبيبي ، انساها يا شريف ، انساها يا ابني .

شريف : ازاي انساها بالسهولة دي بعد حب سنين !!!

نبيلة : لا انتوا اول ولا اخر اتنين حبوا بعض و انتهي حبهم بالفراق .

بعد ايام ...

يمر رجب من امام مقهي جاسر ثم يجلس الي جواره في جلسة ودية ويظهر له مشاعر قوية من الود .

تزداد رابطة المودة مع الايام بين رجب وجاسر شيئا فشئ .

في السجن ...

يفاجئ دياب بأخطار له بشأن طلب زوجته نجوي الطلاق منه !!!!!!

دياب : سيادتك متأكد ان مراتي نجوي طلبت الطلاق مني ؟؟

الضابط : ايوه يا دياب ، مكتوب قدامك اهو اسم زوجتك و مذكور طلبها الطلاق منك للضرر .

دياب : يا فندم ازاي ؟؟ انا علاقتي بمراتي كويسة جدا !! ليه تطلب الطلاق ؟

الضابط : متستغربش ، ده حال كتير من زمايلك لما بيدخلوا السجن ستاتهم بيطلبوا الطلاق ممكن بسبب طول فترة السجن او انها تكون محتاجة لراجل يحميها ويسترها مكانه .

دياب : ولو انا رفضت اطلقها ؟؟

الضابط : حتي لو انت رفضت القاضي هيحكملها بالطلاق للضرر .

دياب : بقي كده يا نجوي !!!!! ماشي لما اخرج من هنا لازم اعرف انتي عملتي كده ليه !!! اكيد فيه سر انا معرفوش .ووو

الحلقة   ٩

في شقة جاسر

يجلس جاسر علي مائدة الافطار وتبدو عليه علامات السخط !!!

جاسر : التكشيرة دي هتفضل في وشك كده لحد امتي ؟؟

شروق : وانت عايزني اضحك ليه ؟

جاسر : و هما الناس بيضحكوا ليه ؟

شروق : معرفش ابقي اسألهم .

جاسر : ايه الاسلوب ده !!! خلي بالك لولا عم رجب كان هيكون ليا كلام تاني معاكي .

شروق : وهو انا عملت ايه ؟!!

جاسر : يعني مش عارفة ؟؟

شروق : لأ ، معرفش ، انا معملتش حاجة .

جاسر : احنا متجوزين من اكتر من عشرين يوم ولحد دلوقتي مش لمستك الا ليلة الدخلة ويوم الصباحية الصبح   !! انتي شايفة ان ده طبيعي ؟؟

شروق : انا نفسيتي تعبانة و بلاش تجيب سيرة الموضوع ده .

جاسر : اذا كانت نفسيتك تعبانة انا كمان تعبان ومش هفضل اتحمل كتير .

شروق : وانا مفيش حاجة في ايدي .

جاسر : طيب اعملي حسابك انا النهاردة رايح زيارة لأبويا في السسجن وهرجع علي القهوة ، ابقي اتغدي انتي لوحدك  .

شروق : حاضر .

جاسر : وياريت ارجع بالليل الاقي ابتسامة حلوة علي وشك وجهزي نفسك .

شروق : اجهز نفسي لأيه مش فاهمة ؟؟؟

جاسر : يعني جهزي نفسك النهاردة الخميس ، عايزين نعوض الايام اللي فاتت .

نظرت اليه نظرة سخرية ثم نهضت و انصرفت بعيدا عنه .

خرج جاسر من شقته و دق جرس باب والدته ...

نجوي : صباح الخير يا جاسر ، نازل بدري كده ليه ؟؟

جاسر : انتي نسيتي ولا ايه ؟؟ ميعاد زيارة ابويا النهاردة ، انتي مش لابسة وجاهزة ليه علشان نروح مع بعض .

نجوي : لأ انا تعبانة مش هقدر اروح .

جاسر : سلامتك ، تحبي اطلبلك دكتور ؟؟

نجوي : لا لا ملوش لزوم .

جاسر : يعني مش هتروحي معايا ؟

نجوي : لا يا جاسر مش رايحة .

جاسر : طيب خلاص انا هروح لوحدي ، لو تعبتي في اي وقت كلميني ابعتلك دكتور علطول .

نجوي : حاضر يا جاسر ، متخافش عليا .

في السجن ...

بمجرد ان رأي والده هرول اليه ...

جاسر : وحشتني اوي يابا .

دياب : وانت كمان يا جاسر وحشتني اوي يا ابني .

جاسر : مالك يابا شكلك متضايق اوي ليه ؟؟ متزعلش ان شاء الله الحكم في القضية يكون خفيف .

دياب : مش ده اللي مضايقني .

جاسر : اومال مالك يابا فيه ايه ؟؟

--- " ظن جاسر ان والده قد علم بزواجه من شروق " ---

دياب : ينفع يا جاسر اللي امك عملته ؟؟ 

جاسر : أمي !!! مالها امي ؟ قصدك علشان مجتش معايا النهاردة ؟. معلش اصلها تعبانه شوية .

دياب : وهي تستجري تيجي هنا ولا توريني وشها بعد اللي عملته !!!

جاسر : ليه ؟ هي عملت ايه ؟؟ انا مش فاهم حاجة !!

دياب : ليه ؟ انت متعرفش ان امك رفعت عليا قضية طلاق ؟؟

جاسر " بذهول " : طلاق !!! كدب طبعا ، مين اللي قالك كده ؟

دياب : مش معقول تكون عايش معاها في نفس البيت ومتعرفش !!!

جاسر : لا يابا اكيد انت فاهم غلط .

دياب : انت اللي باين عليك نايم علي ودانك ، اوعي الصنايعية يضحكوا عليك ويسرقوا منك القهوة .

جاسر : عيب يابا اللي بنقوله ده !! ما انت عارف ابنك .

دياب : اومال ازاي عايش مع امك ومش عارف انها رفعت عليا قضية طلاق ؟؟

جاسر : اكيد يابا فيه حاجة غلط ، امي مش ممكن تعمل كده !! انا لما ارجع البيت هفهم منها فيه ايه .

دياب : مش انت تليفونك معاك دلوقتي  ؟

جاسر : ايوه .

دياب : اتصل بيها واتأكد .

جاسر يتصل بوالدته هاتفيا فترد عليه ..

نجوي : ايوه يا جاسر .

جاسر : ابويا عايز يكلمك .

تنتفض نجوي مر.تعبة وترمي هاتفها في الارض !!

يمسك دياب الهاتف : بقي كده يا نجوي !! هانت عليكي العشرة ؟؟

فلا يسمع منها اي رد !!!

دياب : مش قادرة طبعا تردي علبا ، ورحمة الغاليين لما اطلعلك يا نجوي .

يمسك منه جاسر الهاتف ويحاول الكلام مع والدته الا انها كانت قد انهت المكالمة !!!

تنهي نجوي المحادثة سريعا بمجرد سماع صوت دياب قبل ان تهد.يده ووعيده اياها .

تتصل برجب ...

نجوي : شوفت يا رجب اللي كنت عاملة حسابه حصل !!

رجب : فيه ايه ؟ ايه اللي حصل ؟؟

نجوي : جاسر كان عند ابوه في زيارة النهاردة واخد منه التليفون وكان عايز يكلمني !! انا حاسة انه لما يخرج هينت.قم مني !!

رجب : ميبقاش قلبك خفيف كده ، هو مش هيخرج من السجن دلوقتي خالص ، وحتي لما يخرج هيكون السجن هده مش هيقدر يعمل حاجة ، وبعدين يا وليه قولتلك انتي هتكوني مراتي ومفيش حد يقدر يبصلك بعنيه .

نجوي : انا خايفة اوي .

رجب : قولتلك متخافيش بقي ، ثم يضحك قائلا : اقولك حاجة انا هاجي اونسك علشان متحسيش بأي خوف .

نجوي : اوعي تعمل كده ، احنا متفقين .

رجب : حاضر يا نوجا ، اللي خلاني اصبر السنين دي كلها اصبر الشوية الباقيين .

نجوي : انا خايفة كمان اكيد دياب قال لجاسر علي موضوع الطلاق ولما جاسر ييجي مش عارفة اقوله ايه واواجهه ازاي ؟؟

رجب : قوليله اي حاجة ، المهم اوعي تعرفيه دلوقتي نيتنا اننا نتجوز ولا تجيبي سيرة الموضوع ده خالص .

نجوي : وبعدين ؟ ما هو مسيره هيعرف !!

رجب : هكون انا مهدت له الطريق علشان افاتحه في الموضوع ده بعيد عن اي مواجهة بينك وبينه .

نجوي : بجد يا رجب ؟؟

رجب : طبعا يا قلب رجب .

نجوي : يخليك ليا يارب .

تمر ساعات اليوم بطيئة كل ثانية تشعر بمزيد من الخو.ف حتي يعود جاسر في المساء الي المنزل ليصعد مسكن والدته ويدق بابها ...

نجوي : ايوه يا جاسر ، تعالي يا حبيبي اتفضل .

جاسر : ايه اللي ابويا قاله ده يامه ؟!!

نجوي : قالك ايه ؟؟

جاسر : انتي فعلا رفعتي قضية طلاق علي ابويا ؟؟

نجوي " بارتباك " : ااااايوه .

جاسر : ليه يامه ؟!!  ليه تعملي كده ؟؟

نجوي : الحقيقة يا ابني ابوك طول عمره كان مبهد.لني وانا تعبت معاه اوي وياما شوفت منه ، ودلوقتي هو كده كده بعيد عني يبقي ملوش لزوم افضل علي ذمته .

جاسر : ولزمته ايه الطلاق يامه ؟؟ هو انتي معقول تفكري تاني في الجواز ؟!!

نجوي : لا مش هفكر في الجواز ، رغم اني لسه صغيرة وده من حقي ، لكن مش هفكر في الجواز تاني .

جاسر : يبقي لزمته ايه موضوع الطلاق ده ؟؟

نجوي : لزمته اني احس اني حره ، كفاية الضغط اللي ابوك ضغطني به طول عمره ، ان الاوان اني ارتاح .

جاسر : لأ يامه انا مش معاكي في تفكيرك ده .

نجوي : وانت مالك يا جاسر ؟! انا حرة وزي ماهو ابوك انا امك .

جاسر : خلاص يامه انتي حرة لكن اعملي حسابك انا مش مبسوط من اللي عملتيه ده !!

نجوي : وانت بقي يا عين امك قولت لأبوك انك اتجوزت شروق ؟؟؟

جاسر " بارتباك " : ااانا ؟؟ لأ مقولتلوش . 

نجوي " بسخرية " : ليه ؟؟ مادام همك ابوك كده كنت قوله وعرفه .

جاسر : ييييه !!! خلاص يامه انا مليش دعوة بيكم اعملوا اللي تعملوه ، انا طالع انام .

تركها جاسر وصعد الي مسكنه وفتح الباب ليجد جوا من السكون التام !!!

يدخل حتي غرفة النوم ويفتح بابها ليجد شروق نائمة !!

يحاول ايقاظها ...

جاسر : شروق .. شوشو ..

شروق : نعم ؟؟

جاسر : نايمة ليه بدري كده ؟؟

شروق : تعبانة .

جاسر : مش قولتلك عايزين نتعشا مع بعض وجهزي نفسك ؟!

شروق : بقولك تعبانة ، انت مبتسمعش ؟؟

جاسر : بردو مركبة الوش الخشب ؟!!!

شروق : روح بقي اتعشا انت علشان عايزة اكمل نوم .

جاسر : وانا عايز حقي منك ، هو ده حقي ولا مش حقي ؟؟

شروق : يعني قولتلك مرة واتنين وتلاتة وانت مش عايز تفهم !!!

جاسر : وانا بقولك ده حقي !!

شروق : طيب ، حاضر اطفي النور وتعالي خد حقك علشان تسيبني انام .

جاسر : واخد حقي وانتي بالشكل ده ؟!!

شروق : هو ده اللي عندي .

جاسر : يعني انتي مصممة تنكدي عليا ؟؟

شروق : ما انا قولت خد حقك وخلصني علشان انام !!

جاسر : انتي صح ، معاكي حق ، اق.لعي علي ما اطفي النور .

بعد دقائق ...

شروق : اخدت حقك ؟! يلا بقي سيبني انام .

جاسر : انتي انسانة باردة !!! 

بعد مرور شهرين " لم يتبقي من عدة طلاق نجوي سوي اسبوعين " .....

في منزل رجب 

يجلس رجب مساء يفكر كيف سيخبر شمس بعزمه علي الزواج من نجوي ؟!!

تلاحظ شمس عليه شرود ذهنه !!!

شمس : مالك يا رجب ؟ سرحان في ايه ؟؟

رجب : بفكر في حاجة .

شمس : حاجة ايه اللي بتفكر فيها مخلياك مش حاسس باللي حواليك ؟!

رجب : مشروع العمر .

شمس : يا راجل سيب التفكير في الشغل والمشاريع دي للنهار ، الليل ده وقت الراحة .

رجب " يضحك " : عندك حق ، وانا عايز ارتاح .

شمس " تضحك بدلع " : ارتاح يا خويا ، فيه حد حايشك !!

رجب " يضحك " : تعالي ندخل نرتاح في اوضتنا .

يدخل رجب واضعا يده علي كتف شمس الي غرفة النوم .

بعد مرور بعضا من الوقت ...

اشعل رجب سيجارته ومازالت شمس تضع رأسها علي صدره ويدها علي كتفه ،بينما يأخذ رجب نفسا عميقا من دخان سيجا.رته ويظهر عليه الانشغال !!

شمس : مالك يا راجل ؟ رجعت سرحت في ايه تاني ؟؟! ما احنا كنا لسه مبسوطين !!

رجب : انا بحبك اوي يا شمس .

شمس : مش اكتر مني يا حبيبي .

رجب : ربنا يخليكي ليا ، وانتي في حض.ني نسيت المشروع وكل حاجة .

شمس : لكن رجعت تفكر تاني اهو !!!

رجب : اعمل ايه يا حبيبتي ، المشروع ده هينقلنا لدنيا تانية خالص ، بقولك ده مشروع العمر .

شمس : مشروع العمر  ايه ده اللي هينقلنا لدنيا تانية ؟؟

رجب : الولية ام جاسر .

شمس : مالها ؟؟

رجب : عايز اتجوزها ......

الحلقة   ١٠

رجب : اعمل ايه يا حبيبتي ، المشروع ده هينقلنا لدنيا تانية خالص ، بقولك ده مشروع العمر .

شمس : مشروع العمر  ايه ده اللي هينقلنا لدنيا تانية ؟؟

رجب : الولية ام جاسر .

شمس : مالها ؟؟

رجب : عايز اتجوزها .

تطلق شمس صرخة عالية !!!!!

رجب : مالك يا وليه ؟؟

شمس : مل علي جنابك انا كنت بقول من الاول انك وافقت علي جواز البت من ابنها علشان عينك من امه و الحب القديم .

رجب : حب ايه اللي بتتكلمي عنه !! ده انا بنسي اسمي وانتي معايا معقول افتكر حاجة من اكتر من عشرين سنة ؟!!

شمس " بصوت عال " : تنسي اسمك ازاي وانت معايا. بتفكر فيها ؟؟ انت بتستعبطني ؟!!

رجب : مفيش فايدة فيكي !! يا حبيبتي انا عايزك تتخيلي اني اتجوزت الست دي و فلوسهاوفلوس ابنها بقوا معايا عارفة وقتها هتلاقي الخير تحت رجليكي ملوش اخر ، واجيبلك عربية وتبقي هانم والكل يعملك الف حساب والكبير والصغير يتمني رضاكي .

شمس : وانت هتاخد منها الفلوس دي ازاي ؟؟ هتنيمها وتاخدهم منها ، ولا انت فاكر ابنها عيل صغير علشان تاخد فلوسه ؟؟

رجب : كل الامور دي سهله ومقدور عليها ، انا كل اللي يهمني انك تكوني فاهمة انا بعمل كده ليه .

شمس : ايوه فاهمة ، بتعمل كده علشان حنيت لحبك الاولاني .

رجب : بردو مفيش فايدة فيكي !! بقولك انتي وبنتك هتبقوا هوانم الحتة كلها ومفيش واحدة هتكون زيكم .

شمس : وابنها هيوافق انك تتجوز امه ؟؟

رجب : مش هيقدر يعترض لأنه بيحب بنتك .

شمس : لا لا يا رجب ، انا فاهماك كويس ، انت عايز تضحك عليا بكلمتين علشان تنفذ اللي في دماغك .

رجب : يا وليه انا لو مش بحبك وبحبها هي زي ما بتقولي كان سهل عليا اروح اتجوزها ولو رفضتي اطلقك وانفذ بردو اللي في دماغي ، واكون نفذت اللي انا عايزه ، انما انا كل تفكيري فيكي وفي بنتنا عايز اامنلكم مستقبلكم و اسيبكم من بعدي هوانم الكل يتمنالكم الرضا ترضوا .

شمس : وانت عايز تتجوزها علطول ولا لحد ما تنفذ اللي في دماغك وتطلقها ؟؟

رجب : لا طبعا هتجوزها كام شهر بس لحد ما احط ايدي علي كل حاجة و بعدها هطلقها علطول .

شمس : والنعمة يا رجب لو كنت بتتكلم كده علشان تضحك عليا لأف.ضحك وسط الناس كلها واقول انك متجوزها طمعان في فلوسها وفلوس ابنها واقول انك ضحكت علي ربيع واخدت منه الفرن ده غير اللي هعمله فيك .

رجب " يضحك " : هتعملي فيا ايه تاني ؟؟

شمس : وقتها هتعرف ، هخليك راجل بالاسم بس .

رجب : يعني هنعملي ايه ؟

شمس : انت عارف بقي انا هعمل ايه .

رجب " يضحك " : واهون عليكي .

شمس : اللي يخليني اهون عليك ساعتها هتهون عليا واعمل فيك اكتر من كده كمان .

في شقة جاسر

يعود جاسر بعد منتصف الليل ليجد شروق نائمة !!!

جاسر : شروق .. شروق ..

اصحي ، قومي .

شروق " بعصبية " : يخربيت شروق واهل شروق ، عايز ايه ؟؟

جاسر : مش عايز منك حاجة ،عايز اتعشا .

شروق : العشا عندك في التلاجة .

جاسر : قومي سخنيه .

شروق : اووووف ، حاضر .

نهضت من فراشها وذهبت لتجهيز الطعام له وفجأة تسقط علي الارض !!!

هرول اليها جاسر : مالك فيه ايه ؟

شروق : معرفش ، دوخت ووقعت .

حملها جاسر علي ذراعه واعادها الي فراشها .

جاسر : ده انتي تعبانة بجد بقي ؟؟

شروق : ايوه .

جاسر : انا هتصل بالدكتور حالا .

بعد كشف الطبيب عليها ...

الطبيب : الف مبروك يا معلم جاسر ، المدام حامل .

شروق " بسخط " : حامل !!!

جاسر : بجد يا دكتور ؟؟

الطبيب : بجد طبعا ، الف مبروك .

جاسر : الله يبارك فيك يا دكتور .

ينصرف الطبيب ويعود اليها جاسر فيجد علامات الحزن والسخط علي وجهها !!

جاسر : مالك ؟؟

شروق : مفيش .

جاسر : شوفي النصيب ؟!! تكوني حامل وانا مقربتش منك من يوم جوازنا الا تلات مرات بس !!!

شروق : انا ذات نفسي معرفش ده حصل ازاي !!

جاسر : بقولك النصيب !!

شروق : ايوه نصيب اسود .

جاسر : نصيب اسود !!! ليه ؟ هو انا معيشك معايا غصب عنك ؟؟

شروق : يعني انت متعرفش اني كنت مش موافقة وقولتلك كده قبل الجواز ، وانت قولتلي هتحبيني بعد الجواز ؟؟؟

جاسر : انتي اللي مش عايزة تحبيني ورافضة حياتك معايا حتي من قبل ما تبدأ !!

شروق : وانت كنت عارف كده كويس ، انا مش غشيتك ولا ضحكت عليك .

جاسر : هسألك سؤال وتجاوبيني بصراحة ، انتي لسه بتفكري في شريف ابن عم ربيع ؟؟

شروق " باستنكار " : ايه اللي انت بتقوله ده ؟!!! 

جاسر : انا كنت عارف من قبل جوازنا لكن قولت ده لعب عيال ، خصوصا بعد ما سابك وسافر قولت هتنسيه و تحبي الانسان اللي بيحبك بجد .

شروق " بارتباك " : انا مش عايزة كلام في الموضوع ده ، ده كان لعب عيال زي ما قولت و اتنسي خلاص .

جاسر : بصي يا بنت الناس غير اني بحبك انتي هتكوني ام ابني يعني لازم تتغيري لأن خلاص ابننا اللي جاي ده ربطنا ببعض للأبد .

في المقهي ...

رجب : ازيك يا جاسر يا ابني عامل ايه وشروق عاملة ايه ؟

جاسر : تعالي يا عم رجب باركلنا .

رجب : الف مبروك ، علي ايه ؟؟

جاسر : شروق حامل .

رجب : بجد ، الف الف مبروك .

جاسر : لسه الدكتور كان عندها واكدلنا انها حامل .

رجب : الف مبروك يا جاسر يا ابني ، ربنا يسعدكم .

جاسر : الله يبارك فيك يا عمي ، انت اللي مش بتيجي عندنا ولا تشرفنا بزيارتك .

رجب : بمناسبة كلامك ده كنت عايز اكلمك في موضوع .

جاسر : خير يا عمي ؟ موضوع ايه ؟

رجب : من الدوغري كده يا جاسر انا طالب الحلال .

جاسر : يعني ايه مش فاهم !!!

رجب : يعني عايز اتجوز الست والدتك .

جاسر : عايز تتجوز امي ؟؟؟!!

رجب : ايوه يا ابني علي سنة الله ورسوله .

جاسر : ايه اللي بتقوله ده يا عم رجب ؟ انت ازاي تفكر في حاجة زي كده ؟!! ده لو حد غيرك قالي كده كنت اتصرفت معاه تصرف تاني .

رجب : ليه يا جاسر ؟ هو انا فكرت في حاجة غلط او حرام ؟!!

جاسر : يا عمي امي ست كبيرة ومش معني انها اتطلقت من ابويا انها تتجوز واحد تاني !!

رجب : طيب حط نفسك انت مكاني ، بنتي متجوزة عندكم في البيت ولو انا عايز اطلع اشوفها بعد طلاق والدتك مش هقدر .

جاسر : ليه ؟ تعالي شرفنا في اي وقت .

رجب : هتكون العين عليا وكلام الناس ، ده طلع ده نزل وفيه ست مطلقة يعني ممكن دماغ الناس تروح لحاجات مش كويسة !!

جاسر : لكن انا امي كبرت علي الجواز او ان حد يفكر فيها بالطريقة دي !!!

رجب : الست والدتك كبيرة في نظرك انت علشان ابنها ، انما هي لسه مش كملت خمسة واربعين سنة يعني تعتبر لسه صغيرة وعادي جدا ان ست زيها تكون محتاجة لراجل جنبها .

جاسر : لا يا عمي انا مش اقدر اتخيل حد يكون مكان ابويا .

رجب : ابوك يا ابني في السجن .

جاسر : بردو يا عمي مقدرش .

رجب : طيب اعرض علي الست والدتك الفكرة وشوف رأيها ، ممكن ترفض او تقبل .

جاسر : لا لا يا عمي .

رجب : يبقي انا مش هقدر ادخل بيتكم ده ابدا .

جاسر : لأ انت تيجي تشرفنا زيارة لشروق بنتك .

رجب : وانا مش اقبل علي نفسي او علي الست والدتك اي كلمة مش كويسة .

جاسر : يعني ايه ؟؟

رجب : يعني الحل الوحيد اللي تخرس به اي لسان وتعيش انت ومراتك في سعادة وفي نفس الوقت تطمن ان الست والدة الست العاقلة المحترمة تعيش مرتاحة مع حد يصونها انك توافق اني اتجوزها ، غير كده مش هقدر ادخل بيتك و مراتك اكيد هتزعل ان ابوها مش بيزورها ، الموضوع كله دلوقتي بين ايديك شوف الصالح ايه لك ولمراتك واوالدتك ورد عليا .

في شقة نجوي ام جاسر ...

جاسر : عم رجب النهاردة كلمني في موضوع غريب اوي ، انا لحد دلوقتي مش قادر استوعبه !!!

نجوي : خير يا حبيبي ، حماك كلمك في ايه ؟؟

جاسر : الاول انتي عرفتي ان مراتي حامل ؟؟

نجوي : بجد " ثم تطلق الزغاريد " الف للف مبروك يا حبيبي .

جاسر : الله يبارك فيكي .

نجوي : موضوع ايه اللي حماك كلمك فيه ؟؟

جاسر : عم رجب عايز يتجوزك يامه !! تصدقي ؟؟!!

نجوي " بتمثيل " : يتجوزني !! ماهو متجوز ، عايز يتجوزني ليه ؟؟

جاسر : بيقولك علشان يقدر يدخل ويخرج من البيت براحته علشان كلام الناس علشان انتي مطلقة .

نجوي : تصدق عنده حق .

جاسر : عنده حق !!! يعني انتي مواققة يامه ؟؟

نجوي : انا بقول عنده حق وبيفهم في الاصول علشان مش عايز يدخل ويخرج من البيت و انا مطلقة ومش في عصمة راجل .

جاسر : شوفتي يامه !! كان لزومه ايه تطلقي بقي من ابويا ؟؟؟

نجوي : هنرجع نتكلم تاني في موضوع ابوك ؟!!! 

جاسر : يعني انتي عاجبك ان الراجل ده عايز يتجوزك ؟؟

نجوي : انا بالنسبالي مش فارقة ، شوف انت الصح واعمله .

جاسر : هو بيقولي ان الصح ليا وليكي ولمراتي انه يتجوزك .

نجوي : الصراحة معاه حق .

جاسر : انا مش مصدق نفسي !!! يعني انتي ممكن توافقي وتتجوزيه ؟؟

نجوي : وفيها ايه ده حلال ربنا .

جاسر : وتقبلي ان راجل تاني ينام في فرشتك غير ابويا ؟؟!!

نجوي : مادام في الحلال وهيراعي ربنا فيا انا معنديش مانع ، وبردو انا اهم حاجة عندي مصلحتك ، خصوصا لما حماك يكون دخوله وخروجه من بيتك شئ طبيعي .

بعد ايام ...

يرتدي رجب بذلته الانيقة ويقف يصفف ما تبقي من شعره امام المراة .

يتذكر ايام الشباب في ليلة زفاف نجوي علي دياب حينما كان يتمني ان يرتدي تلك البذلة الأنيقة ويجلس بجوارها في حفل الزفاف وحولهم الأهل والأصدقاء في سعادة حتي يقوموا بتوصيلهم الي عش الزوجية الهادئ .

ولكنه كان مجرد حلم ولكنه كان في الواقع كابوس مفزع حين وجد دياب مكانه !!!

 كان قلبه يعتصره الألم وظل يبكي طيلة ساعات الليل بينما كانت صورتها في احضا.ن دياب تطارد مخيلته !!!

تلاحظ شمس شروده اثناء تصفيف شعره في المراة !!

شمس : سرحان في ايه يا عريس ؟؟ كمان شوية اللي انت سرحان فيها هتبقي في حض.نك .

بنتبه رجب : هاا ، بتقولي ايه ؟؟

شمس : بقولك يا رجب بعد شوية الغندورة هتكون في حض.نك .

رجب " يضحك " : يا حبيبتي انتي اللي هتكوني في حض.ني .

شمس : ازاااي يا عريس ؟؟ هتكتب كتابك عليها وترجع تبات هنا معايا ؟؟

رجب " يضحك " : لا يا حبيبتي ، انا هبات هناك لكن هكون معاها بجسمي ومعاكي انتي بروحي وتفكيري وخيالي .

شمس : عارف يا رجب لو اي واحدة تانية كنت ممكن اصدقك انما نجوي الحب القديم بالذات مقدرش اصدق كلامك ده ، انا عارفة انك طول عمرك بتحبها وكنت بتكره جوزها علشان اخدها منك !!

رجب : دي حاجة من سنين طويلة واتنسيت من زمان ، من يوم ما اتجوزتك وحبك سكن قلبي نسيت كل ده .

شمس : مسيري اعرف واتأكد اذا كان معايا حق ولا انت اللي معاك حق ، لكن و حياة شرفي يا رجب لو عرفت انك بتضحك عليا لأنفذ اللي قولتلك عليه .

في شقة نجوي ...

انصرف المأذون والشهود بعد عقد القران وذهبت نجوي خلفهم لتغلق الباب ليلحقها رجب ملتصقا بها يحتضنها بقوة ...

الحلقة   ١١

بعد منتصف الليل ...

نجوي : مش هتنام بقي يا رجب ؟ انت عندك شغل الصبح بعد الفجر !!!

رجب : مش ممكن انام وانتي جنبي ، عايز اعوض كل لحظة كنتي بعيدة عني فيها طول السنين اللي فاتت .

نجوي : الايام جاية كتير و هنعوض كل اللي فاتنا ، بس قولي ازاي شمس مراتك وافقت بسهولة كده علي جوازنا ؟!

رجب : انا وهي اصلا مش متفقين وهي تلاقيها ما صدقت تخلص مني .

نجوي : مش معقول !! الست حتي لو مش بتحب جوزها عمرها ما توافق بسهولة انه يتجوز عليها .

رجب : هي فعلا رفضت في الاول واتكلمت كلمتين كده ملهومش لزوم لكن انا اقنعتها ان الغرض من جوازنا  اني ادخل عند بنتي في اي وقت مش اكتر ، خصوصا بعد طلاقك من جوزك .

نجوي : وهي اقتنعت بالكلام ده ؟؟

رجب : تقتنع ولا مش تقتنع مش مهم عندي ، انا المهم عندي ان انا وانتي نكون مع بعض يا حبيبتي .

نجوي : يا حبيبي يا رجب .

رجب : يا روح قلبي يا نوجا .

"" هكذا استطاع رجب ان يحصل علي كل ما يريد بأساليبه الملتوية وبأكاذيبه التي لا تنتهي علي كل من حوله ، ولكن هل تسير الامور كما خطط لها وحسب ارادته ؟؟؟ ""

بعدها استسلمت عينيه للنوم بينما ظلت نجوي بجانبه تنظر له غير مصدقة ان حبيب عمرها بعد كل تلك السنوات الطويلة اصبح زوجها .

بعد اذان الفجر بقليل ايقظت نجوي زوجها ليمسك يديها بين يديه ويقب.لها ثم دخل ليستحم وارتدي ملابس جديدة وخرج من المنزل متوجها الي الفرن .

في شقة شمس 

تبيت شمس ليلة هي الأصعب ، تسيطر عليها مشاعر الغيرة بلا حدود !!

حتي امسكت بهاتفها واتصلت برجب لتفاجئ بهاتفهه مغلق فيزداد غضبها .

ظلت هكذا حتي بعد الفجر بقليل فارتدت ملابسها وخرجت ذاهبة الي الفرن !!!

بمجرد رؤيته قالت بصوت عال : الف مبروك يا عريس ، ايه اللي نزلك يوم الصباحية ؟ االعروسة معجبتكش ولا انت مرفعتش راسنا ؟!!!

رجب : ايه يا ولية انتي العبط اللي بتقوليه ده ؟!! انتي اتهبلتي ؟!!! ايه اللي نزلك من البيت دلوقتي ؟؟

شمس : كنت قافل تليفوونك ليه ؟؟

رجب : وطي صوتك يا ولية هتف.ضحينا !!

شمس : عليا النعمة يا رجب لو كررتها وقفلت تليفونك تاني لتشوف انا هعمل فيك ايه .

رجب : انتي باين عليكي اتجننتي !!

شمس : انت لسه شوفت حاجة ، لسه هتشوف الجنان علي اصله .

رجب : عارفة يا شمس لو مش اختفيتي من قدامي دلوقتي وطلعتي البيت عليا النعمة ما تباتي علي ذمتي النهاردة .

شمس : حاضر يا عريس ، هطلع لكن تخلص شغلك وتجيلي علي البيت .

رجب : حاضر .

شمس : لو مجتش علي البيت هتشوف الجنان علي اصوله .

رجب : قولتلك خلاص هروح علي البيت بعد الشغل ، يلا اخفي من قدامي .

في شقة جاسر

جاسر طوال الليل يجلس يدخن سجا.ئر تباعا بينما يظهر عليه التوتر بوضوح .

شروق : انت هتفضل منور النور كده طول الليل ؟؟

جاسر : مش عارف انام .

شروق : ليه ؟؟

جاسر : انا مش عارف ازاي اوافق علي جواز امي !! انا مكنتش متخيل الموضوع صعب بالشكل ده !!!

شروق " بسخرية " :  اطمن علي امك ، انا ابويا حنين علي الاقل مش هيمسك ايديها ويكت.فها وياخدها غصب عنها !! واكيد مش هتكون في يوم تعبانة ويقولها مليش دعوة انا عايز حقي !!

جاسر : ياااه !! انتي شايلة في قلبك اوي مني !!!

شروق : فيه حاجات بتفضل معلمة  جوه الانسان مش ممكن تتمحي ابدا .

مر ما يزيد عن شهر و بدأت شمس تتقبل الواقع علي مضض !!

بالرغم من محاولات رجب ان يظهر لها عدم اكتراثه بوجود نجوي في حياته الا انه حينما كان يدخل مسكنه معها كان يشعر بسعادة لم تمر عليه في حياته !!!

ها هي حبيبته بجواره وفي منزل غريمه اللدود دياب وعلي فراشه !! ياله من شعور بالانتصار قد اعماه عما تخبؤه له الايام !!

يستيقظ رجب و يتناول افطاره مع نجوي ثم ينصرف الي عمله وتستكمل نجوي نومها حتي توقظها دقات جرس الباب ظهرا .

تستيقظ نجوي وتفتح الباب لتجد ولدها جاسر ...

نجوي : صباح الخير يا حبيبي ، تعالي ادخل .

جاسر : عم رجب هنا ولا نزل ؟؟

نجوي : نزل من بدري ، كان بيقولي انه عايزك ، ابقي عدي عليه في الفرن .

جاسر : حاضر هعدي عليه بعد شوية ، المهم انا جاي علشان اقولك ان ابويا المحكمة حكمت في قضيته النهاردة ؟؟

نجوي : حكمت بأيه ؟؟ اكيد مؤبد .

جاسر : لأ المحامي شاطر وقدر يخلي الحكم خمس سنين .

نجوي : وانت زعلان ولا فرحان ؟؟

جاسر : والله يامه مش عارف ، انا قولت اعرفك و بس .

نجوي : طيب ، ياتري مين هيعيش لبعد خمس سنين ، لما يخرج نشوف هنعمل ايه ، تعالي يا حبيبي ادخل افطر معايا .

جاسر : لأ انا نازل رايح القهوة وهعدي علي عم رجب اشوفه عايز ايه .

نجوي : طيب ، مراتك عاملة ايه في الحمل ؟؟ مش بشوفها خالص !!!

جاسر : الحمل تاعبها يامه .

نجوي : ربنا يقومها بالسلامة .

جاسر : اخواتي فين ؟؟

نجوي : في المدرسة ، زمانهم راجعين .

جاسر : وعاملين ايه مع عم رجب ؟ متضايقين من وجوده لما بييجي ؟؟

نجوي : لأ لما بيكون موجود بيدخلوا اواضهم يذاكروا عادي .

في الفرن ...

جاسر : ازيك يا عم رجب ، امي كانت بتقول انك عايزني .

رجب : ايوه يا جاسر يا ابني كنت عايزك في موضوع مهم ، ده انا حتي سألت عليك شروق وامك اكتر من مرة .

جاسر : خير يا عمي ؟؟

رجب : خير يا حبيبي ، انا هخلص شغل واجيلك القهوة نتكلم احسن .

جاسر : اللي تشوفه يا عمي ، انا هستناك .

في المقهي ...

جاسر : خير يا عمي ؟؟

رجب : كل خير يا ابني ، انت دلوقتي جوز بنتي و هتكون ابو حفيدي .

جاسر " يضحك " : ايوه طبعا .

رجب : علشان كده انا عايز اشوفك احسن واحد في الحتة كلها انما بصراحة حالك وحال القهوة مش عاجبني !!

جاسر : ليه ؟ القهوة شغالة كويس .

رجب : ايوه القهوة مفتوحة وشغالة لكن مش زي ايام ابوك ، زبون القهوة قل كتير ولو استمرت علي كده القهوة هتقع منك والناس تضحك عليك .

جاسر : وانا في ايدي ايه اعمله ؟؟

رجب : بص بقي انا عايز القهوة دي تبقي كافي شوب كبير مش قهوة بلدي صغيرة كده .

جاسر : ايوه لكن الموضوع ده عايز مصاريف كتير .

رجب : مش بس مصاريف ، دي محتاجه حد كبير زيي يكون جنبك كتفه في كتفك يقدر بخبرته وعلاقاته يخلي القهوة دي اكبر كافي شوب تشتغل اربعة وعشرين ساعة .

جاسر : وانت هتفضي نفسك ليا ؟؟ ده انت مشغول بالفرن ليل ونهار .

رجب : لأ انا اعرف اقسم وقتي كويس بين الاتنين متخافش من ده ، وبالنسبة للمصاريف لو مش معاك فلوس انا احطلك كل الفلوس اللي انت عايزها .

جاسر : لأ الفلوس كتير والحمد لله ، ده حتي ابويا ربنا يفك ضيقته كان عملي توكيل عام في اول يوم لما اتقبض عليه .

رجب " بسعادة بالغة " : حلو اوي ، يبقي هنكبر القهوة من وسع وانا كمان احطلك فلوس علشان نبقي شركا مع بعض .

جاسر : شركا !!!

رجب : ايوه شركا بالمال والمجهود .

جاسر : لكن ابويا لما يخرج من السجن اقوله ايه ؟؟؟

رجب : ابوك لما يخرج من السجن ويشوف القهوة الصغيرة بقيت كافي شوب كبير هيعرف انه ساب وراه راجل .

جاسر : لكن القهوة بعد ما كانت ملكه لوحده هيلاقي له شريك فيها !!!

رجب : يا سيدي لو خايف من رد فعل ابوك اول لما يخرج بالسلامة انا هاخد فلوسي اللي دفعتها واخرج من القهوة وانت هيكون جنبك ابوك قد الدنيا تشوفوا مالكم وحاجتكم مع بعض .

جاسر : لو كان كده ماشي ، علي الاقل يعرف انه ساب وراه راجل .

رجب : جدع يا جاسر ، انا كده يا ابني احس اني جوزت بنتي لراجل بجد ملو هدومه .

بعد اكثر من ثلاث سنوات ...

في منزل ربيع 

ربيع : مالك يا نبيلة ؟ شكلك متغير ليه ؟

نبيلة : ما انت عارف يا ربيع .

ربيع : علشان شريف بردو ؟؟

نبيلة : ايوه بترجاه يرجع وبردو بيرفض !!

ربيع : طيب خلاص متزعليش نفسك انا هكلمه النهارده واحاول اقنعه يرجع .

نبيلة : انا من تلات سنين مش شوفته !! انا هتجنن !!

ربيع : يا وليه ما انتي بتشوفيه علي النت .

نبيلة : مش كفاية يا ربيع ، مش كفاية ، انا نفسي اخد ابني في حض.ني .

ربيع : طيب خلاص روقي نفسك كده ، انا هكلمه واقوله يرجع ، هو خلاص بقي معاه فلوس مش قليلة وانا الحمد لله الفرن الجديد شغال زي الفل ، مفيش داعي انه يفضل هناك .

نبيلة : ابنك مش عايز يرجع علشان شروق بنت رجب مش علشان الفلوس .

ربيع : انا عارف يا نبيلة ، متخافيش انا هتصرف .

نبيلة : طمني الشغل عامل ايه ؟ 

ربيع : الحمد لله نعمة من ربنا ، اغلب العمال سابوا فرن رجب من عمايله ودلوقتي شغالين معايا .

نبيلة : ربنا يفتحها عليك ويسهلهالك .

ربيع : ما انتي عارفة يا نبيلة انا بتقي الله في شغلي و اهل الحتة كلهم بيشتروا من عندي العيش والصنايعية اللي بيطلب مني جنية بدفعله اتنين واهي ماشية ونعم ربنا مغرقانة .

نبيلة : الحمد لله ، من حمده زاده .

ربيع : اللهم لك الحمد والشكر يارب .

في ايطاليا

يجلس شريف مهموم فيشاهده احد اصدقاء الغربة فيسأله : مالك يا شريف ؟ فيه حد مزعلك ولا ايه ؟

شريف : لا ابدا ، عرفت من بابا ان امي تعبانة .

صديقه : الف سلامة عليها ، معلش بكره تخف وتكون كويسة .

شريف : الشكلة انه بيقولي انها تعبانة بسبب زعلها عليا !!!

صديقه : زعلانه عليك ليه ؟!! ما انت كويس وزي الفل اهو !! ولا عايزاك ترجع ؟

شريف : بالظبط كده ، عايزاني ارجع .

صديقه : طيب ما ترجع يا صحبي ، كفاية كده غربة ، انا كمان بفكر ارجع .

شريف : وانا الصراحة عايز ارجع كمان ، لكن مش عارف ازاي ممكن اشوف شروق بعد ما سبتها حبيبتي ومستنياني ارجع الاقيها متجوزة ومعها ابنها !!!

صديقه : انت لسه بتفكر في الموضوع ده ؟؟ يا جدع انسي ، زمانها نسيتك وكل تفكيرها في جوزها وابنها .

شريف : خايف ارجع واشوفها نفسيتي تتعب واندم اني رجعت .

صديقه : هقولك فكرة حلوة ، ظبط نفسك وخد اجازة من الشغل هنا وارجع ، لو ارتحت مترجعش هنا تاني ، ولو حسيت ان نفسيتك تعبتك زي ما بتقول تعالي تاني وكمل شغل .

شريف : صح ، انت معاك حق .

بعد شهر ...

ربيع " يضحك " : ايوه طبعا وشك منور والبيت زي الفل ، يا بختك بأمك يا شريف .

نبيلة : بطل يا راجل ، ايوه طبعا لازم افرح ان ابني راجع النهارده واخده في حض.ني بعد تلات سنين غياب .

ربيع : ربنا يخلهولك يا ستي و يفرح قلبك به .

نبيلة : يارب ، يسمع منك ربنا يا ربيع .

في مطار القاهرة

تهبط الطائرة علي ارض المطار وببدأ نزول ركابها ، وبمجرد خروج شريف من بابها يأخذ نفسا عميقا يملأ جنبات صدره ويبتسم ليجد والده ووالدته يلوحان اليه بذراع كليهما .

ينزل شريف من الطائرة سريعا ويرتمي بين احض.ان والدته لتضمه ضمة قوية حانية تلوها ذراعي والده تحاوطه وتضمه بقوة واشتياق ،ثم يضعان ذراعيهما علي كتفيه ليخرجا سويا من المطار عائدين الي المنزل .ووووو

الحلقة   ١٢

عاد شريف يدخل الحي الذي عاش فيه قبل غربته .

 بينما عيناه تتلهفان ان تري شروق .

ظل ينظر يمينا ويسارا حتي دخل منزله دون ان يراها .

في شقة ربيع ...

ربيع : نورت بيتك ومصر كلها يا شريف يا ابني .

شريف : بنورك يا بابا .

ربيع " يضحك " : يلا ادخل اوضتك ارتاح شوية علشان نسهر سوا تحكيلي علي بنات اوروبا .

يضحك شريف و ترد نبيلة : بنات ايه يا اخويا ، انا ابني متربي كويس ميعرفش الكلام ده .

ربيع : انا بضحك معاه و عارف انه متربي كويس ، لكن بردو ابنك شاب واكيد فيه بنات هناك عجبوه ، ولا ايه يا شريف ؟

نبيلة : سيبك من ابوك وكلامه يا شريف يا ابني ، بص بقي انا حطة عيني علي عروسة ليك زي القمر .

شريف : لا لا يا ماما مش وقته خالص الكلام ده .

نبيلة : ليه يا ابني ؟! ده انا عايزة افرح بيك النهاردة قبل بكره .

ربيع : وانا كمان عايز افرح بيك يا شريف .

شريف : يا بابا اناااا....

ربيع : متكملش انا عارف اللي في دماغك ، سيبك خلاص من اللي فات وبص قدامك لمستقبلك ، كل واحد يا ابني بياخد نصيبه .

في شقة جاسر 

يعود جاسر منزله ليلا ليجد زوجته تلعب مع طفلهما الصغير .

يهرول جاسر الي ابنه الصغير و يأخذه بين ذراعيه ويقب.له باشتياق بينما عيناه تترقبان ملامح شروق وتعبيرات وجهها !!!

جاسر : مساء الخير يا شوشو ، عاملة  ايه علي العشا ؟؟

شروق : انا قولت نتعشا عشا خفيف ، مجهزة جبن وبيض .

جاسر : طيب هاتي العشا علشان جعان اوي .

علي مائدة الطعام ..

يلاحظ جاسر ان شروق تبدو طبيعية !! يبتسم ويسألها : عرفتي يا شوشو مين رجع النهاردة ؟

شروق : مين اللي رجع ؟ ورجع منين ؟

جاسر : شريف ابن ربيع رجع النهاردة من ايطاليا .

ترتبك وتضطرب بقوة حتي ان الطعام سقط من بين اصابعها .

شروق " تبتسم بلا مبالاة " : وفيها ايه ، اي حد بيسافر مسيره يرجع .

جاسر : اكيد طبعا لازم يرجع لأهله وناسه وأحبااابه .

شروق : كلامك فيه تلميحات مش عجباني .

جاسر : لا يا حبيبتي مفيش اي تلميحات ، انا بس عايز افكرك اننا قعدنا اكتر من سنة مش حلوين مع بعض لحد ما ولدتي ابننا رجب الصغير بالسلامة ودلوقتي عايشين احسن من الاول مع بعض .

شروق : وانت بتقولي كده ليه دلوقتي ؟

جاسر : علشان عايز نفضل عايشين كويس ونربي ابننا في سعادة ومش عايز حاجة تخرب علينا حياتنا .

شروق : انا اللي عايزة اقولك مفيش اي حاجة تستدعي الكلام ده خالص ، ومش عايزة شك وغيرة ممكن تكون سبب في خراب بيتنا .

في شقة شمس

تغمر دموع شمس التي لا تجف وجهها ، فمنذ ان تزوج رجب نجوي تغيرت معاملته لها حتي ولو حاول اظهار غير ذلك ، الا ان حس الانثي داخلها مازال يؤكد لها ان رجب قد ذهب بعيدا بلا رجعة .

ومنذ ذلك الحين تحاول شمس مرارا تذكيره بوعده لها بطلاق نجوي الا انها دائم التسويف واامماطلة .

حتي قررت شمس ان تضع حدا فاصلا لكل ذلك مهما كانت النتيجة حتي وان كانت خسارتها حبها لرجب الي الابد !!!

 عاد رجب من عمله ليجد شمس تجلس باكية ...

رجب : ايه ده ؟ مالك فيه ايه ؟؟

شمس : تعالي اقعد عايزين نتكلم .

رجب : اتكلمي فيه ايه ؟؟

شمس : انت هتطلق نجوي امتي ؟؟

رجب : ييييه !! تاني ؟؟!!

شمس : وتالت ورابع كمان ، انت قولتلي انك هتتجوزها مصلحة لما تاخد فلوسها وفلوس ابنها .

رجب : ايوه حصل قولت كده .

شمس : وانت اخد كل حاجة خلاص من بدري !! ليه مش عايز تطلقها ؟؟

رجب : انا لسه مأخدتش حاجة .

شمس : مأخدتش !!! ده انت ضحكت علي الواد وشاركته من غير ما تدفع حاجة وبتسرق القهوة من وراه ولا عملت حتي حساب انه جوز بنتك !!!

رجب : مين اللي قالك كده ؟؟

شمس : انا عارفاك اكتر من نفسك يا رجب ، وعارفة كل حاجة بتعملها .

رجب : يا ولية الناس دي عندهم فلوس ملهاش عدد و لحد دلوقتي اللي اخدته نقطة من بحر الفلوس اللي عندهم .

شمس : كداب .

رجب : وحياتك عندي مش بكدب عليكي .

شمس : طيب كفاية علينا النقطة وخلي البحر لبنتك وابنها اللي اسمه علي اسمك .

رجب : لأ يا شمس لسه بدري اوي .

شمس " بعصبية " : طيب ايه رأيك يا رجب قدامك اسبوع من النهاردة لو مطلقتش الولية دي هتعرف انا هعمل فيك ايه .

رجب : انتي بتهد.ديني يا ولية ؟!!

شمس : لأ مش بهد.د انا بكلمك بجد ودي اخر مرة اقولك الكلام ده .

رجب : لأ انتي اللي اخر مرة تتكلمي معايا بالشكل ده ، وايه رأيك بقي انا مش هطلق نجوي ولو فتحتي كلام في الموضوع ده تاني هطلقك انتي .

شمس : هطلقني انا ؟؟ متقدرش تطلقني يا رجب ، عارف ليه ؟ علشان انت جبان .

رجب : طيب انتي طالق يا شمس .

شمس : طلقتني يا رجب ؟!!

رجب : واطلق اللي جابوكي كمان ، يلا بقي غوري من هنا علي بيت اهلك .

شمس : ده انت اللي تغور في داهية من هنا ، انت ناسي انك عايش في بيتي ومن خيري وخير اهلي ؟ ولا ناسي لما جيت تتجوزني علشان فلوسي وفلوس اهلي لما كنت جعان ومش لاقي تاكل .

رجب : انتي بتعايريني يا شمس ؟؟!!

شمس : واعاير اهلك كمان مادام طلعت ز.بالة وطلقتني ، يلا غور من هنا مشوفش وشك هنا تاني وفلوسي اللي اخدتها وعامل بيها معلم وسط الحتة لتجيبها بالذوق لاعرف انا هجيبها منك ازاي ، يلا غور من هنا يا ز.بالة .

ينصرف رجب بينما تجلس شمس بين جدران منزلها بعد ان اطلقت السراح لدموعها .

في شقة جاسر ...

يخلد جاسر الي النوم بينما مازالت شروق لم تلتقي جفونها بعد .

تذكرت ايام الحب الجميلة التي اغمرتها بالسعادة ، السعادة التي لم تعرف لها طريق بعد .

استعادت ذكرياتها بينما لم تشعر الا وقدانسابت دموعها علي وسادتها !!

حاولت تجفيف دموعها سريعا خوفا من ان يراها جاسر الذي ربما استيقظ في اي وقت .

مازالت تفكر في عودة شريف المفاجئة  ، هل مازال يتذكر حبهما الذي مضي ؟ هل مازال قلبه ينبض بحبها كما كان ؟ كيف كانت حالته حين علم بخبر زواجها ؟ هل يعدها الان خائنة لحبهما ؟ هل تحول حبه لها لكره شديد ام مازال يحبها كما كان وكأنه لم يبتعد عنها الا ليلة وضحاها ؟؟ وقبل كل ذلك كيف ستلتقي عينها بعينيه بعد ان اصبحت زوجة وأم ؟؟؟ هل تستطيع مواجهته الان ام ان عليها الابتعاد حتي عن رؤيته ؟؟

وظلت هكذا تستغرق في ذكرياتها وافكارها حتي اطلت أشعة الشمس عليها فلم تستطع الا ان تغمض عينيها .

في اليوم التالي ...

ينزل شريف مع والده ربيع ويجلس امام مخبره ومعه بعض الأصدقاء الذين تبدو عليهم السعادة والفرحة برجوعه .

يستقبل تهاني وترحيب الجيران وابناء الحي حتي يري جاسر يمر من أمامه يحمل طفله علي ذراعيه !!

ينظر شريف الي جاسر بسخط ثم نظر الي الطفل الصغير ودقق النظر فيه ليري ملامح حبيبته ترتسم علي وجه الصغير !!

يشعر بانقباض شديد يكاد يمزق قلبه اربا حتي ينتبه لكلمات اصدقاؤه بعدما ابتعد جاسر وطفله عنه واكمل طريقه .

وكأن عجلة الزمن قد دارت وعادت الي الوراء كثيرا حينما مر دياب وفي يده عروسته نجوي من أمام رجب " ذاك الشاب الفقير حينها " ليتباهي دياب امام غريمه رجب بفوزه بعروسته الجميلة بينما كان قلبه يعتصره الألم والحسرة !!!

هكذا هي عجلة الايام وسنتها التي تبدل الادوار بين البشر دائما وابدا ولا يفطن لحركتها الا كل ذي عقل فطن .

نعود الي شريف الذي يجلس بين اصدقاؤه بينما صورة الطفل مازالت في مخيلته و صورة حبيبته لم تفارق جنبات فؤاده .

اخيرا استعاد ادراكه ليستكمل مع اصدقاؤه حديثه عن غربته و حكاياته فيها حتي شعر مرة اخري بانقباض قلبه مرة اخري ولكنه لم يعلم السبب تلك المرة !!!

وما هي الا ثواني معدودة حتي اطلت عليه شروق بطلتها فلم يشعر الا و قلبه يكاد ان يتوقف عن النبض !!!

لم يشغله سبب ما يشعر به ان كان شوق وحنين ام غضبا و كراهية !! ولكن كل ما يشغله الان ان يقترب منها اكثر واكثر !!!

نهض واقفا : بعد اذنكم يا جماعة دقيقتين وراجع ، ثم ذهب في اتجاهها سريعا لعله يلحق بها .

يكاد قلبها ان يتوقف حبا وخوفا حينما رأته ينهض ويحاول اللحاق بها !!!

فبالرغم من خروجها من منزلها بعد خروج جاسر مباشرة حتي تراه عيناها بعد كل تلك السنين الا انها حينما رأته ورأت لهفته عليها شعرت بخوف شديد لم تعرف حقيقته هل هو خوف منه ام عليه ؟ هل خوفا علي نفسها ام خوفا علي طفلها الصغير ام هو خوفا من  مجهول ينتظرها وينتظره !!!!! 

الحلقة   ١٣

بمجرد رؤيتها لشريف ينهض من مكانه في اتجاهها اسرعت خطاها حتي لا يلحق بها ، حتي سمعت اوقفي يا شروق بتهربي ليه ؟؟

شروق : امشي ، مينفعش تكلمني كده ، حد يشوفنا .

شريف : عايز اكلمك ضروري .

شروق : حاضر .. حاضر بس امشي دلوقتي .

تركها وعاد ببطئ ونغمات صوتها مازال يسمعها .

نعم ان حبها مازال ينبض به قلبه بقوة الي الان !!!

في شقة جاسر ...

تجلس شروق ما بين ذكريات ماضي جميل تريد لو يعود يوما وبين واقع حاضر يرفضه قلبها قبل عقلها !!!

حتي عاد فجأة جاسر !!!

شروق " بدهشة " : رجعت بدري ليه ؟؟

جاسر : عندي خبر غريب جدا ، هتزعلي اوي لما تعرفيه .

شروق : خير يارب ، فيه ايه ؟ ربنا يستر .

جاسر : ابوكي وامك اتطلقوا .

شروق : ايييه !! بتقول ايه يا جاسر ؟؟

جاسر : بقولك اتطلقوا .

شروق : مش ممكن ، مستحيل .

جاسر : اتصلي بأمك واتأكدي بنفسك .

تتصل شروق بوالدتها ...

شروق : الو ايوه يا ماما ، صحيح اللي انا سمعته ده ؟؟

شمس " ببكاء " : ايوه انا وابوكي اتطلقنا .

شروق : بطلي عياط يا ماما ، انا جايالك حالا .

اغلقت شروق مكالمتها مع شمس ثم قالت لجاسر : انا نازلة رايحة لماما .

جاسر : هتروحي تعمليلها ايه ؟ يعني لما تروحلها هيرجعوا لبعض ؟!!

شروق : ماما بتعيط اوي ومنها.رة !! لازم اكون جنبها في الوقت ده واعرف منها ايه اللي حصل .

جاسر : روحيلها يا شروق وياريت متتأخريش .

في شقة شمس

تدخل شروق فتري شمس تبكي بأنهيا.ر !!

شروق : ايه اللي حصل يا ماما يا حبيبتي ؟ اهدي علشان خاطري .

شمس : شوفتي يا بنتي ، شوفتي اللي ابوكي عمله ؟؟

شروق : معلش ، قوليلي ايه اللي حصل وصلكم للطلاق ؟؟

شمس : حماتك السبب .

شروق : ليه يا ماما ؟ ما انتي عارفة بجوازهم وقبلتي به !!

شمس : ابوكي ضحك عليا زي عوايده وفهمني ان جوازه منها مصلحة علشان فلوسها وفلوس جاسر انما هو اتجوزها علشان يرجع الحب القديم .

شروق " بصد.مة " : ايه !!! ايه اللي بتقوليه ده يا ماما ؟؟!!!!!!

شمس : زي ما سمعتي يا بنتي ، ابوكي و نجوي كانوا بيحبوا بعض من زمان ، من ايام ما كان فقير مش لاقي ياكل وابوها رفضه بسبب فقره و اتجوزت هي دياب ، وهو اتجوزني طمع في فلوسي وفلوس اهلي .

شروق : يعني بابا و حماتي كان بينهم حب قديم ؟؟

شمس : ايوه .

شروق : وبابا قالك انه هيتجوزها بعد طلاقها من حمايا علشان فلوسها وفلوس جاسر وانتي وافقتي ؟؟

شمس : ايوه ، هو ده اللي حصل .

شروق : واكيد جوزتوني لجاسر طمع في فلوسه وفلوس اهله .

شمس : ابوكي اللي كان طمعان في جوزك اننا انا وافقت علشان كنت عايزاكي تعيشي حياة مريحة .

شروق : حرام عليكوا اللي عملتوه فيا ده ، منك لله يا بابا .

شمس : ده انسان قذ.ر .

شروق : انا كنت عارفه انه بيحب الفلوس لكن مكنتش اتوقع ان طمعه يوصله انه يبيع . بنته بالشكل ده !!!

شمس : ابوكي علشان الفلوس يعمل اكتر من كده .

شروق : وانتي يا ماما كنتي عارفة كل ده من البداية ، ايه اللي حصل يخليكوا تطلقوا دلوقتي ؟؟

شمس : انا طلبت من ابوكي بدل المرة عشرين مرة انه يطلقها زي ما وعدني وكل مرة كان بيتحجج بحجة غير التانية لغاية لما ملقاش حجة وواجهني انه مش هيطلقها وخيرته بين انه يطلقني او يطلقها راح مطلقني !!!

شروق : طيب اهدي يا ماما ، خلاص عياطك مش هيغير حاجة .

شمس : انا صعبانة عليا نفسي يحصلي كده بعد كل السنين دي .

شروق : طيب اهدي يا ماما مفيش حاجة تستاهل اللي انتي بتعممليه ده .

بعد ساعتين 

يتصل بها جاسر : رجعتي يا شوشو ولا لسه عند مامتك ؟

شروق : لأ انا هقعد مع ماما كام يوم احد اعصابها تهدا .

جاسر : كام يوم !!!

شروق : ايوه ، معلش اعصابها تعبانة اوي .

جاسر : مفيش داعي لكام يوم ، باتي معها النهاردة وبكره ارجعي .

شروق : هشوف يا جاسر ، يلا سلام علشان ماما قعدة بتعيط .

استمرت شروق مع والدتها تحاول مواساتها والتخفيف عنها حتي المساء ، الا انها كل تفكيرها معلق بشريف و ماذا كان يريد منها ، هل كان يريد عتابها ام كان يريد استعادة ذكريات الماضي الجميل ؟

تخرج كل حين الي الشرفة لعلها تراه !! جن جنو.نها فهو بالقرب منها ولكنها لا تستطيع رؤيته او مخاطبته !!!

بعد يومين 

يدق جرس هاتفها ليوقظها صباحا ...

جاسر : هترجعي النهاردة ولا ايه يا شوشو ؟ انتي وحشتيني ورجب الصغير وحشني اوي .

شروق : معلش ماما طول الليل والنهار بتعيط ولازم اكون جنبها .

جاسر " يضحك " : طيب انا كمان بعيط تعالي اقعدي جنبي .

شروق : طيب خلاص هرجع النهاردة اخر النهار .

جاسر : ماشي يا حبيبتي وانا هجيب عشا حلو من بره علشان نتعشا مع بعض .

تغلق المحادثة ثم توقظ امها ليجلسا سويا يتناولان الافطار وفجأة يدق جرس هاتفها مرة اخري .

شمس : قومي يا بت شوفي مين بيتصل بيكي .

شروق : ده اكيد جاسر ، كل شوية بيكلمني عايزني اروح البيت .

شمس : طيب روحي بيتك يا حبيبتي علشان جوزك ميزعلش .

شروق : انتي اللي بتقولي كده يا ماما ؟ رغم انك عارفة ان امه السبب في اللي حصلك !!!

شمس : انا اللي يهمني دلوقتي انتي وبيتك يا بنتي ، انما ابوكي ده انا هعرف اجيب حقي منه .

بعد الافطار تمسك شروق هاتفها لتجد ان المتصل كان رقم مجهول !!

تتعجب شروق فهذه هي المرة الاولي التي يصلها فيها اتصال من رقم هاتف غريب !!!

تتردد كثيرا ثم تقوم بالاتصال ...

شروق : لو سمحت الرقم ده رن عليا من شوية .

شريف : ايوه يا شروق انا شريف .

شروق " بأرتباك " : اااا ششششريف .

شريف : ايوه شريف يا شروق ، فاكراني ولا نسيتيني خلاص ؟

شروق : اززززيك يا شريف ؟

شريف : عايش زي ما شوفتيني .

شروق : حمد لله ع السلامة .

شريف : الله يسلمك ، انتي عاملة ايه واخبارك ايه ؟؟

شروق : اخباري اكيد انت عرفتها ، قولي انت جيبت رقمي ازاي ؟؟

شريف : اللي بيحب بيعمل اي حاجة علشان حبيبه .

شروق : ااااناااا... 

شريف : ابنك شبهك اوي علفكرة .

شروق : ااه ، بيقولوا ان اللي بيحب حد بيخلف اولاده شبهه .

شريف : قصدك ان جاسر هو اللي بيحبك مش انتي اللي بتحبيه ؟؟

شروق : يمكن .

شريف : بتحبيه ؟؟

شروق : ميين ؟؟

شريف : اكيد طبعا بتحبي ابنك ، انا بسألك عن ابوه ؟ بتحبي جاسر ؟؟

شروق : انت عايز ايه يا شريف ؟؟

شريف : عايز اعرف ازاي يطاوعك قلبك و تتجوزي غيري وانا مسافر ؟!!

شروق : ظروف يا شريف ، ابويا جوزني لجاسر غصب. عني .

" تدخل شمس اليها وتسألها : بتكلمي مين يا شروق ؟ ترد عليها : دي واحدة صحبتي ، انتي رايحة فين دلوقتي يا ماما ؟ رايحة مشوار و هرجع علطول . ثم تخرج شمس ، فتعود شروق لمحادثتها ....."

شروق : معلش ، دي ماما كانت بتكلمني .

شريف : ماشي يا شروق ، كنتي بتقولي ان ابوكي جوزك لجاسر غصب.عنك .

شروق : ايوه انا مكنتش موافقة ، وبعدين انت سيبتني وسافرت يا شريف ، فيه حد بيحب حد يسيبه ويسافر ؟!!!

شريف : انتي عارفة اني سافرت علشان اكون مستقبلي و مكنتش اقدر اتقدملك بسبب الخلافات بين بابا وعم رجب .

شروق : وكنت مسافر وضامن انك لما ترجع هتلاقيني مستنياك ؟؟؟

شريف : مش ده كان اتفاقنا ؟ ولا انا غلطان ؟؟

شروق : قصدك ايه يا شريف ؟ قصدك اني خو.نت اتفاقنا ؟؟

شريف : اللي انا عايز اعرفه دلوقتي انتي لسه بتحبيني ولا نسيتيني ؟؟

شروق : وهيفرق في ايه دلوقتي ؟؟

شريف : يفرق كتير اوي .

شروق : انت لسه بتحبني يا شريف ؟؟

شريف : عمري ما حبك فارق قلبي لحظة واحدة يا شروق ، المهم انا لازم اعرف انتي لسه بتحبيني ولا ؟؟؟

الحلقة   ١٤

شروق : انت لسه بتحبني يا شريف ؟؟

شريف : عمري ما حبك فارق قلبي لحظة واحدة يا شروق ، انا دلوقتي لازم اعرف انتي لسه بتحبيني ولا ... ؟؟؟

شروق : انا مستحيل دلوقتي اجاوبك علي السؤال ده .

شريف : ليه ؟؟

شروق : لأني علي ذمة رجل غيرك ، لو جاوبتك يبقي بخو.ن جوزي .

شريف : وانا كده عرفت الاجابة خلاص .

شروق : واتت يا شريف لازم بردو تتجوز .

شريف : انا ؟؟ لأ خلاص انا لغيت فكرة الجواز دي من تفكيري .

شروق : لا يا شريف ، لازم تتجوز وتعيش حياتك وتنساني .

شريف : انساكي ده مستحيل ، اعيش حياتي !!! ممكن اعيش اتنفس وانام واصحي واكل واشرب زي باقي الناس  لكن بدون احساس ولا مشاعر .

شروق : ارجوك يا شريف مش عايزة اسمع منك الكلام ده تاني .

شريف : انتي مش هتسمعي مني غير كلمة بحبك .

شروق : شريفففف!!!!!

شروق : نعم .

شروق : ارجوك لو بتحبني بجد متكلمنيش تاني ، انساني واعتبرتي زي اي واحدة عادية بتشوفها في حياتك واتجوز وخلف واعتبر اللي بينا كانت ذكري جميلة نبتسم لما نفتكرها ونرجع نكمل حياتنا عادي .

شريف : وانا مش هجبر.ك انك تضيعي.حياتك علشان ، عيشي حياتك انتي زي ما تحبي وسبيني انا لحياتي .

شروق " ببكاء،" : خلي بالك من نفسك يا شريف .

شريف : خلي بالك انتي من نفسك ، متخافيش مش هزعجك تاني ، هبقي اطمن عليكي من بعيد لبعيد ، لا اله الا الله .

شروق : محمدا رسول الله .

بمجرد انتهاء المحادثة ارتمرت شروق علي فراشها وظلت تبكي با.نهيا.ر !!

في شقة نجوي ...

تقوم نجوي بتنظيف وترتيب منزلها لتفاجئ بجرس الباب ، تفتح الباب لتجد شمس امامها مباشرة !!!

ترتبك قليلا قبل ان تقول لها : تعالي اتفضلي . 

تدخل شمس وعلي وجهها علامات الغ.ضب والحز.ن .

نجوي : تشربي ايه يا اختي ؟

شمس : لأ انا مش هشرب ، انتي طبعا عرفتي اني ان جوزك طلقني ؟

نجوي : ايوه عرفت وزعلت .

شمس : زعلتي !!! متزعليش علي غالي يا حبيبتي ، المهم انا جاية اقولك كلمتين كنت حبساهم جوايا وجا الوقت اني اقولهم .

نجوي : كلمتين ايه ؟

شمس : انا عارفة طبعا ومن زمان ان كان بينك وبين رجب قصة حب كبيرة وان اهلك رفضوه علشان فقير ، و رجب لما طلبك للجواز بعد طلاقك من المعلم دياب انتي ظنيتي انه عايز يتجوزك علشان يرجع الحب اللي كان .

نجوي : كل ده كلام معروف مفيش فيه حاجة جديدة !!!

شمس : الجديد بقي يا حبيبتي ان رجب اللي انتي كنتي بتحبيه زمان اتغير وبقي انسان تاني ، انسان كله كدب وغش وخد.اع ، بقي اهم حاجة عنده مصلحته والفلوس وده طبعا بسبب العقدة اللي عنده لما اتجوزتي غيره بسبب فقره .

نجوي : انا مشوفتش منه غير كل خير ، وكلامك ده احتفظي به لنفسك مش عايزة اعرفه .

شمس : انا قولت اعرفك علي رجب الحقيقي ، وحتي لما اتجوزك كان بيتجوزك علشان عينه علي فلوسك وفلوس ابنه وبيرد القلم لدياب اللي اخدك منه زمان ، انما حب والكلام الفارغ ده رجب خلاص مبقاش يعرفه من زمان .

نجوي : انا متشكرة علي النصيحة رغم اني مكنتش عايزاها ولا حتي هعمل بيها .

شمس : انتي حرة في نفسك ، بس اعملي حسابك لو مش مصدقة دلوقتي وبتقولي اني جاية اقولك الكلمتين دول علشان زعلانة علي طلاقي فأنتي غلطانة ، و مسير الايام تثبتلك ان كلامي كله صح مفيش فيه كلمة واحدة غلط .

 

خرجت شمس من منزل نجوي يكاد شرر الغضب ان يتطاير من اعينها .

سارت بين الشوارع والطرقات حتي دخلت منزل صغير .

جلست امام الرجل المريب الذي نادها باسمها بمجرد رؤيتها !!!!!

الرجل : ادخلي تعالي يا شمس يا بنت ...

شمس : انت عرفت اسمي ازاي يا سيدنا ؟؟

الرجل : انتي متسأليش ، انتي هنا تقعدي قدامي تتسألي وتجاوبي و بس .

شمس " بخو.ف " : حاضر .

الرجل : انتي جاية علشان جوزك اتجوز عليكي وطلقك ؟

شمس : ايوه صح ، عرفت منين ؟؟

الرجل : قولتلك متسأليش .

شمس : حاضر يا سيدنا .

الرجل : عيزاه يطلقها ويرجعلك ؟؟

شمس : مش بس كده يا سيدنا ، انا عايزة اكسره ، عايزاه مينفعش نفسه يا سيدنا .

الرجل : اااه ، عايزاه نفسه تتكسر قدام مراته .

شمس : ايوه يا سيدنا ينام جنبها زي اختها بالظبط ، بعد كده عايزاه يطلقها ويرجعلي ندمان .

الرجل : اعتبري ده كله حصل ، لكن الاسياد لها شروط وطلبات ولازم وحتما تتنفذ .

شمس : كل طلباتهم وشروطهم علي رقبتي يا سيدنا .

الرجل : مهما كانت ؟؟

شمس : مهما كانت كل طلباتهم مجابة .

الرجل : تدفعي دلوقتي خمسة الاف جنية وخمسة زيهم لما تيجي بعد يومين بالليل بعد العشا من غير ما يشوفك حد ولا تكلمي حد ويكون معاكي حاجة من اثر جوزك فيها عرقه او صورته .

شمس : وايه تاني يا سيدنا ؟

الرجل : كفاية كده دلوقتي ولما تجيلي بعد يومين هقولك باقي الطلبات .

في شقة نجوي 

بعد انصراف شمس ظلت نجوي تفكر في كلماتها حتي عاد رجب مساءا ...

رجب : مساء العسل يا عسل .

نجوي : مساء النور .

رجب : مالك يا نوجا ؟؟

نجوي : عارف مين كان هنا النهاردة ؟؟

رجب " يفكر قليلا " : اكيد شمس .

نجوي " بدهشة " : عرفت ازاي ؟؟

رجب : اكيد كانت جاية علشان توقعنا في بعض .

نجوي : ايوه قعدت وقالت ...

رجب : مش عايز اعرف اللي قالته ، المهم انتي صدقتي حاجة من كلامها ؟

نجوي : لأ .

رجب : نوجا ، اوعي تدي لأي حد فرصة يوقعنا في بعض او يبعدنا عن بعض ابدا ، كفاية اوي السنين اللي فاتت .

نجوي : متخافش ، من غير ما تقول يا حبيبي انا هعمل كده ، احضرلك الاكل دلوقتي ؟

يضحك  رجب و يضمها اليه : لأ مش دلوقتي ، تعالي الاول نرتاح شوية .

في شقة شمس

تعود شمس بعد تحذيراتها لنجوي ثم ذهابها الي الدجال تعود الي منزلها لتجد شروق تبكي !!!

شمس : كفانا الشر ، مالك يا بنتي ؟؟

شروق : مفيش حاجة يا ماما .

شمس : مفيش ازاي يا بنتي ؟ ده انتي دموعك علي وشك يا قلبي !!

شروق : مفيش يا ماما ، زعلانة من عمايل بابا .

شمس : منه لله ، ربنا ينتقم منه .

شروق تمسح دموعها : انتي كنتي فين كل ده ؟؟

شمس : روحت لحماتك وقولتلها ان ابوكي بيلعب عليها .

شروق : ليه يا ماما ؟! كنتي سببها علي عماها احسن .

شمس : انتي بتكرهيها يا شروق ؟ هي لسه بتضايقك ؟

شروق : في اول جوازي بس ، انما بعد جوازها من بابا بقيت كويسة معايا .

شمس : خليكي انتي بعيد عن المشاكل دي ، وخلي معاملتك معها عادية علشان جوزك وبيتك يا بنتي .

شروق : انا هتجنبها خالص وهبعد عنها وعن بابا نهائي ، انا عمري ما هكلمه تاني .

شمس : متزعليش يا بنتي ، ربنا هينتقم منه ونشوف فيه يوم قريب اوي .

شروق : خلاص يا ماما متضايقيش نفسك اكتر من كده علشان صحتك .

شمس : حاضر يا حبيبتي ، انتي هتروحي لجوزك النهاردة ؟؟

شروق : مش عارفة ، انا مش عايزة اسيبك وانتي زعلانة كده .

شمس : لأ يا حبيبتي ، خدي ابنك وروحي لجوزك .

في المساء

يتصل جاسر بها ...

جاسر : روحتي البيت يا شروق ولا لسه عند امك ؟؟

شروق : انا في البيت دلوقتي .

جاسر : حبيبي يا ناس ، طيب يلا يا قمر جهزي نفسك ونيمي رجب الصغير وانا هجيب العشا وجاي .

يعود جاسر الي المنزل وبمجرد دخوله يهرول اليها ويضمها اليه بقوة : وحشتيني اوي يا قلبي .

شروق : بالراحة طيب ، اقوم اجهز العشا .

جاسر : لا لا لا عشا ايه !! انا عايز الحلو قبل العشا .

شروق : لا انا جعانة و عايزة اكل .

جاسر : انا مش وحشتك ولا ايه ؟؟

شروق : ايوه .

جاسر : طيب يلا بينا .

في الفراش

جاسر : انتي مالك ؟ فيه ايه ؟

شروق : مفيش حاجة .

جاسر : حاسس انك مش معايا !!!

شروق : انا معاك .

جاسر : لأ مش معايا .

شروق : انا معاك اهو .

جاسر : انتي بتفكري في ايه ؟!!

شروق : في ماما .

جاسر : ده وقته ؟!! 

شروق : معلش .

جاسر : معلش ايه !! انتي فصلتيني !!

يعتدل جاسر ويجلس في غضب : طيب قومي جهزي العشا .

شروق : انت مش كنت عايز ...

جاسر : لأ خلاص مش عايز ، نفسي اتسدت .

بعد يومين

في المساء ترتدي شمس ملابسها وتذهب الي منزل الدجال .

الرجل : تعالي اتفضلي ، جيبتي المطلوب ؟؟

شمس : ايوه يا سيدنا ، اتفضل خمس الاف جنية وده ".... " جوزي فيه عرقه مش مغسول .

الرجل : انا دلوقتي هعمل لجوزك عمل بعده عمره ما يقدر يرفع راسه في وش واحده ست .

شمس : ايوه يا سيدنا ، انا عايزة اكسر.نفسه .

الرجل : انا هعمله سحر.اسود.سفلي.،مفيش حد غيري يقدر يفكه .

شمس : ايوه هو ده يا سيدنا ، ربنا يباركلك .

يطلق الرجل البخور ويظل يتمتم بكلمات غير مفهومه ويكتب في ورقة بحبر احمر عجيب عدة كلمات غريبة ونقوشات اغرب لمدة من الوقت بينما تجلس هي في خو.ف ورهبة !!

ثم يأخذ منها اثر زوجها ويضعه في اناء مع الورقة المكتوبة ثم يقول لها : كده اعتبري ان طليقك كراجل انتهي ومراته التانية هتشوفه قرد قدامها و قبل تلات ليالي هيكونوا اتطلقوا ويرجعلك بدموع الندم .

شمس : ربنا يباركلك يا سيدنا ، انا مش عارفة اشكرك ازاي .

الرجل : باقي خطوة واحدة بعدها تاخدي العمل وانتي مطمنة وبمجرد ما يخطي عليه طليقك هيحصل المراد .

شمس : خطوة ايه يا سيدنا ؟

الرجل : النجا.سة .

شمس : ايييه !! يعني ايه ؟؟

الرجل : يعني العمل لازم يتم بالنجا.سة .

شمس : وده ازاي ؟؟ مش فاهمة !!!

الرجل : تعالي معايا جوه وانا افهمك .

تدخل شمس مع الرجل داخل غرفة غريبة ذات اضاءة حمراء خافتة ورائحة غريبة !!!

شمس : احنا رايحين فين ؟؟

الرجل : اق.لعي .

شمس : اق.لع !!! انت بتقول ايه ؟؟

الرجل : بقولك لازم ...معاكي علشان العمل يتم .

شمس : لأ طبعا ، انت بتقول ايه ؟!!

الرجل : ده مش طلبي انا ، ده طلب الاسياد علشان ينفذولك طلباتك .

شمس : مستحيل !!!

الرجل : يبقي كل اللي عملناه ملوش اي لزوم و هيفضل طليقك مع مراته ويمكن كمان العمل يتعكس و يكون معها احسن من الاول ، انا عملت كل حاجة والباقي عليكي انتي .

شمس : اناااا !!

الرجل : لازم نرضي الاسياد وننفذ طلباتهم علشان ينفذولك كل طلباتك والا ممكن يغضبوا عليكي !!

شمس : مفيش حل تاني غير كده ؟؟

الرجل : لأ ، قولتي ايه ؟؟

الحلقة   ١٥

خرجت شمس من عند الرجل الدجال في اعينها دموع الندم ، ولكن رغبة الانتقا.م داخلها جعلتها تتماسك حتي ذهبت ووضعت السحر عند باب رجب !!

عادت الي المنزل وحيدة وجلست الي فراشها تبكي حالها !!

كيف وصل بها الحال الي مثل هذا الضياع ، زوجها وقد فارقها وها هي تعيش وحدتها منفردة ، حتي شرفها قد تنازلت عنه !! تسائل نفسها هل كانت مخطئة حينما وثقت في زوجها المخادع ام انها تدفع الان ثمن لطمعها في ثروة جاسر ووالدته ؟؟!! وظلت دموعها تنهمر حتي اسلمت اعينها الي النوم .

في منزل ربيع

ربيع : قولي بقي يا شريف يا ابني ناوي علي ايه في مستقبلك ؟

شريف : كل خير بأذن الله ، هعمل مشروع اعيش منه وربنا يكرمني واكبره واحدة واحدة مع الوقت .

ربيع " يبتسم " : وبالنسبة لجوازك ، عايزين نفرح بيك بقي .

شريف : مش وقته خاااالص يا بابا .

نبيلة " بعصبية " : لو مش وقته دلوقتي ، قولي وقته امتي يا شريف ؟

شريف : مش دلوقتي خالص ، و ياريت يا ماما بلاش كلام تاني في الموضوع ده ارجوكي .

ربيع : لا يا شريف ، انا بديلك الحرية في حياتك علشان بثق فيك وفي تفكيرك حتي لما حبيت تسافر وافقتك ،  انما في الموضوع ده لازم تسمع كلامي وكلام والدتك .

شريف : يعني اتجوز وانا مش عايز ؟؟!!

ربيع : قولتلك يا شريف انسي الموضوع القديم .

شريف " بعصبية " : نسيته يا بابا ، نسيته خلاص .

ربيع : ايه الاسلوب اللي بتكلمني بيه ده يا شريف ؟؟

شريف : انا اسف يا بابا مقصدش .

نبيلة : اسمع بقي يا شريف ، انت ابننا الكبير ولازم نفرح بيك .

شريف : ومينفعش حتي نأجل الموضوع ده سنة ولا سنتين ؟؟

ربيع : لأ مينفعش ، ومينفعش كمان تقعد كده وانت شايف شروق اللي انت عامل في نفسك كده علشانها رايحة وجاية قدامك مع جوزها وابنها وانت زي ما انت !! انت بتعمل في نفسك كده ليه يا ابني ؟؟!! وليه تعمل فينا كده احنا كمان ؟!!

شريف : خلاص يا بابا ، حاضر يا ماما هتجوز علشان ترتاحوا .

تنهض نبيله وتأخذه بين ذراعيها وتضمه اليها مبتسمة : فرحت قلبي يا حبيبي اللهي يارب يسعدك .

ربيع : ايوه كده يا شريف ، كده انت شريف ابني اللي طول عمري رافع راسي و شايفه احسن شاب في الحتة كلها .

 بعد يومين ...

في شقة نجوي

يعود رجب من عمله يتضح عليه وجهه علامات الهم والحزن بشدة !!!

نجوي : مالك يا رجب شكلك متغير ليه ؟

رجب " بعصبية " : فيه ايه ؟ مالي !! انا كويس اهو .

نجوي : انت بتزعق كده ليه ؟؟

رجب : ازعق زي ما انا عايز ، ومش عايز حد يكلمني .

نجوي : لأ انت تتكلم معايا باسلوب احسن من كده .

رجب : هو ده اسلوبي وده كلامي ومش واحدة زيك هتعلمني اتكلم ازاي .

تتركه نجوي وتدخل غرفتها تبكي بشدة .

يتركها رجب لبعض الوقت ثم يدخل غرفتها .....

رجب : معلش يا نجوي انا اسف .

نجوي : ملكش دعوة بيا خالص وسيبني لوحدي .

رجب : لأ مش هسيبك يا حبيبتي ، خلاص بقي حقك عليا .

نجوي : بقولك سيبني لوحدي بعد اذنك .

رجب : قولتلك حقك عليا بقي ، معلش انا معرفش انفعلت عليكي كده ليه !!

نجوي : يعني انا غلطانة اني قلقت لما شوفتك متغير وبسألك مالك ؟؟!!

رجب " يبتسم  " : لأ مش غلطانة انا اللي غلطان ، خلاص بقي .

نجوي : متزعقليش كده تاني ، انا عمري ما حد زعقلي كده .

رجب : حاضر ، تعالي بقي امسحلك دموعك .

نجوي : لأ انا همسحها .

يجلس بجوارها و يضمها اليه و يمسح باصابعه علي شعرها برقة ولطف ...

نجوي : انا هقوم اجهز العشا .

رجب " يضحك " : لأ نتعشا بعدين ، اطفي النور وتعالي .

بعد بعض الوقت ...

يعتدل رجب " بسخط " : فيه ايه !!!

نجوي : معرفش ، مالك ؟؟

رجب : انا مش عارف مالي !!! فيه حاجة مش طبيعية !!!

نجوي : اكيد الحاجة اللي مضيقاك مأثرة عليك .

رجب : يمكن !!!

نجوي : ايه اللي مضايقك يا رجب ؟ اتكلم .

رجب : الصنايعية كلهم طفشوا من الفرن وراحوا اشتغلوا مع ربيع .

نجوي : ارضيهم وزود اجرتهم وهما يرجعولك تاني .

رجب : لأ انا مبحبش حد يلوي دراعي .

نجوي : بلاش عند في اكل العيش .

رجب : عايزاني اروح اتحايل علي شوية عيال صنايعية عندي ؟؟!! انا بفكر اقلب الفرن وافتح فرن افرنجي .

نجوي : خليك في اللي بتفهم فيه احسن يا رجب .

رجب : انا بفهم في اي حاجة ، لكن الموضوع ده محتاج قرشين لزوم تغيير الفرن .

" حينئذ تتذكر كلمات شمس لها عن طمع رجب فيها وافعاله السابقة " 

نجوي : مادام انت مقتنع بكده اتوكل علي الله وربنا يوسع عليك .

رجب : ممكن احتاج منك يا حبيبتي مبلغ صغير اكمل علي اللي معايا .

نجوي : لأ .

رجب : لأ ؟ اول مرة تقوليلي لأ !!!

نجوي " بارتباك " : قصدي متعملش حسابك عليا علشان الفلوس اللي معايا خلصت .

رجب : اللي اعرفه انك لسه معاكي فلوس !!

نجوي : خلصت ، كل اللي معايا خلص .

رجب : كلمي جاسر خدي منه اي مبلغ و اكمل انا عليه .

نجوي : جاسر كمان مش معاه فلوس دلوقتي ، ده كان لسه عايز مني فلوس وقولتله مش معايا .

رجب : بقي كده ؟!!

نجوي : انت عارف يا رجب لو معايا مش هقولك لأ .

في شقة جاسر

جاسر : انا نفسي اعرف فيه ايه مغيرك من ناحيتي ؟؟

شروق : مفيش حاجة .

جاسر : يا تري فعلا زعلانة علشان امك اتطلقت ولا علشان الناس اللي رجعوا من السفر ؟؟؟

شروق " بعصبية " : قولتلك قبل كده مسمحلكش تتكلم معايا بالشكل ده !!

جاسر : من ساعة رجوع شريف وانتي متغيرة !!

شروق : قولتلك قبل كده الموضوع ده كان لعب عيال وانتهي !!

جاسر : ولما الموضوع كان لعب عيال و  انتهي اومال متغيرة ليه معايا ؟؟ بصي لابنك الصغير ده ، عايزينه يكبر بين ابوه وامه .

شروق : وانا روحت فين !! انا معاك اهو !!

جاسر : معايا ومش معايا .

شروق : قولتلك علشان ظروف ماما .

جاسر : ماشي يا شروق هصدقك لما اشوف اخرتها ايه معاكي .

شروق : انا عايزة اروح اقعد عند ماما يومين .

جاسر : تاني ؟؟؟

شروق : ما انت عارف الظروف .

جاسر : روحي ، روحي يا شروق اقعدي مع امك ، بس متخرجيش من البيت الا لما تتصلي وتقوليلي الاول .

شروق : من امتي بتقولي كده ؟

جاسر : من دلوقتي ، عايزة تروحي يبقي قبل ما تخرجي من عندها تكلميني وتقوليلي رايحة فين ومع مين  ولو مش عجبك خليكي وبلاش تروحي .

في منزل شمس

تجلس في حيرة و دموع لا تنتهي حتي تسمع دقات جرس الباب لتجد ابنتها شروق !!

شمس : تعالي يا حبيبتي ادخلي .

شروق : عاملة ايه دلوقتي يا ماما ؟

شمس : الحمد لله كويسة .

شروق : كويسة ازاي يا ماما !! عيونك حمرا من البكا والدموع !!!

شمس : طمنيني الاول يا بنتي انتي جاية كده فيه حاجة حصلت ؟؟

شروق : لأ مفيش حاجة ، انا قولت اجي اقعد معاكي يومين .

شمس : ابوكي و حماتك سمعتيهم بيتخانقوا او بيزعقوا مع بعض ؟؟

شروق : لأ انا مش بشوف بابا خالص ، و لما بيدخل البيت مبسمعش ولا صوته ولا صوت حماتي .

شمس : ابوكي كلمك في حاجة عليا ؟؟

شروق : لأ ، من يوم طلاقكم مشفتوش ، حتي طلع في يوم يسلم عليا ورن الجرس عملت نفسي مش موجودة ومفتحتش الباب .

شمس " في حيرة " : غريبة اوي !!!

شروق : ايه اللي غريبة يا ماما ؟؟

شمس : لأ مفيش حاجة ، دي حاجة في دماغي .

شروق : فيه ايه يا ماما اتكلمي .

شمس : مفيش حاجة ، خليكي قاعدة انتي وابنك وانا هنزل اروح مشوار ساعة وارجع .

شروق : اجي معاكي ؟؟

شمس : لاااا .

ترتدي شمس ملابسها وتذهب لمنزل الدجال وتدخل علي استحياء !!!

الرجل : يا اهلا وسهلا يا اهلا .

شمس : اهلا بيك يا سيدنا ، مفيش حاجة حصلت !!! وطليقي ومراته زي ما هما كويسين ولا حتي اتخانقوا مع بعض !!

الرجل : حظك وحش يا ست شمس .

شمس : ليه ؟؟

الرجل : الولية مرات طليقك دي معها خدام والاسياد لهم طلبات جديدة علشان يقدروا علي الخدام اللي معها .

شمس : يا مصيبتي !! طلبات جديدة !!

الرجل : ايوه .

شمس : طلبات ايه تاني ؟؟

الرجل : خمس الاف جنية ونعيد العمل من تاني .

شمس : يا لهوي !! خمس الاف جنية ونعيد العمل ؟؟

الرجل : ايوه ، كل اللي عملناه هنعمله تاني .

تنهض شمس و تصر.خ بانهيا.ر تام وتظل تطلق السبا.ب والشتا.ئم علي الرجل و طليقها وزوجته ثم تخرج من المنزل الي الشارع في بكاء مر.ير وصر.اخ وعو.يل !!!

تسير شمس بين الشوارع والطرقات تتذكر كل ما حدث وكيف تحملت ما حدث لعلها تدرك مرادها حتي اصبحت كأداة يست.غلها هذا الرجل الملعو.ن في تلبية احتياجاتة واشبا.ع غرا.ئزه !!!

في الكافي شوب ....

يجلس رجب  بجوار جاسر يحاول استمالته !!

رجب : واد يا جاسر .

جاسر : نعم يا عم رجب .

رجب : انت عارف انك جوز بنتي وبعتبرك زي ابني بالظبط .

جاسر : ايوه طبعا يا عمي .

رجب : واحنا شركا اهو في كل حاجة والخير بيعود عليا وعليك .

جاسر" بمكر "  : اكيد .

رجب : و يعود كمان علي امك علشان مراتي واللي في جيبي في جيبها .

جاسر  : ايوه .

رجب : انا نويت اقفل الفرن البلدي وافتح فرن افرنجي .

جاسر : وماله ، ربنا يزيدك يا عمي .

رجب : كنت عايز منك مبلغ كده علشاننننن......

يقاطعه جاسر : ممعيش .

رجب : انت لسه متعرفش انا عايز كام !!!

رجب : ممعيش فلوس دلوقتي خاااالص .

رجب : بقي كده ؟؟!

جاسر : ايوه ، وياريت يا عمي تكلم بنتك تقولها تقعد في بيتها بدل كل شوية رايحة عند امها .

رجب " بسخط " : حاضر ، هقولها .

في شقة شمس

تعود شمس وعلي وجهها علامات الغضب الشديد والحزن والالم !!!

شروق : يالهوي !! مالك يا ماما ؟؟

شمس : مفيش حاجة يا حبيبتي .

شروق : لا يا ماما شكلك كنتي بتتخانقي مع حد او بتعيطي اوي !!!

شمس : قابلت واحدة صحبتي وكنت بحكيلها علي اللي ابوكي عمله معايا .

شروق : خلاص يا ماما يا حبيبتي كفاية بكا علشان عينيكي .

ثم فجأة تعلو اصوات زغاريد عالية بالقرب من المكان !!!

تفتح شروق النافذة فتسمع الزغاريد من اتجاة منزل شريف !!!

شروق : سامعة يا ماما ؟ الزغاريد دي من ناحية بيت عم ربيع !!

شمس : ايوه انا لسه مقابله مراته وانا جاية كانت بتعزمني علي خطوبة ابنها شريف .

شروق : شريفففف ؟!!!

شمس : ايوه هيخطب يوم الجمعة الجاية .

شروق : لييييه ؟؟؟

شمس : يعني ايه ليه يا شروق ؟ هيخطب زي اي شاب بيخطب .

شروق : شريف ...

شمس : انتي لسه بتفكري فيه يا بت ؟؟

شروق : لااا .

شمس : اومال فيه ايه ؟؟ زعلانة ليه كده ؟؟

شروق " بارتباك تحاول كتمان دموعها "  : مش زعلانة يا ماما ، انا مستغربة بس مش اكتر .

شمس : اوعي يا شروق ، اوعي يا بت تكوني لسه بتفكري فيه ؟؟ دي تبقي مصيب.ة ووقعة سودة !!!

شروق : ايه اللي بتقوليه ده يا ماما ؟!

شمس : بت يا شروق انا امك واكتر واحدة فهماكي ، انتي لسه بتفكري في شريف ده .

شروق : لأ يا ماما مفيش حاجة من اللي بتقوليها دي .

شمس : هقولك كلمتين يا بنتي ، انتي دلوقتي علي ذمة راجل ومعاكي طفل صغير ، لو فكرتي في شريف تبقي بتد.مري حياتك وحياة ابنك الصغير ده .

شروق : يا ماما انتي مكبرة الموضوع ليه كده ؟!!

شمس : علشان عارفاكي وعارفة انك كنتي بتحبيه زمان ، لكن احنا في دلوقتي انتي ليكي بيت و زوج و طفل وهو ربنا يسعده بعيد عننا .

شروق " بدموع " : ايوه ، ايوه يا ماما .

شمس : انتي شكلك كده !!! انتي كلمتيه يا بت ؟؟

شروق " بارتباك " : لااااا .

شمس : كدابة ، انتي كلمتيه ، باين عليكي .

شروق : لا يا ماما .

شمس : ابعدي عنه يا شروق ، لو كلمتيه تاني رجلك هتيجي في الغلط وهتبقي مصيب.ة سودة علي دماغك .

تفقد شروق سيطرتها علي دموعها و تنها.ر باكية !!!

تضمها شمس اليها : معلش يا بنتي معلش يا حبيبتي ، احنا اللي عملنا فيكي كده .

تزداد دموعها بشدة وتحاول شمس تهدئتها بلا جدوي !!!

شمس : خلاص بقي يا حبيبتي ، معلش يا حبيبتي ده نصيب .

شروق " ببكاء " : انا لازم اتطلق النهاردة يا ماما .

شمس : لأ اوعي ، كده هتخربي بيتك وابنك ده ملوش ذنب !!

شروق : وانا مش هقدر اعيش مع جاسر وقلبي مع شريف .

شمس : ولو جاسر عرف انك هتطلقي منه علشان شريف هيبهدل الدنيا وممكن يعمل فيكي وفي شريف حاجة !!! انسي يا شروق انسي يا بنتي .

شروق : ....

الحلقة   ١٦

شمس : لأ اوعي ، كده هتخربي بيتك وابنك ده ملوش ذنب !!

شروق : وانا مش هقدر اعيش مع جاسر وقلبي مع شريف .

شمس : ولو جاسر عرف انك هتطلقي منه علشان شريف هيبهدل الدنيا وممكن يعمل فيكي وفي شريف حاجة !!! انسي يا شروق انسي يا بنتي .

شروق : مش هعرف يا ماما .

شمس : لازم تعرفي .

في شقة جاسر

تعود شروق وفي داخلها عزم اكيد علي الطلاق من جاسر .

بمجرد عودة جاسر الي المنزل يجد شروق في انتظاره .

جاسر : ايه ده انتي مقولتيش ليه انك هترجعي النهاردة ؟

شروق : نسيت .

جاسر : مالك ؟

شروق : احنا لازم نطلق يا جاسر .

جاسر : نعم ؟!!!!

شروق : زي ما سمعت كده .

جاسر : ليه ؟

شروق : من الاخر يا جاسر احنا مينفعش نعيش مع بعض وامك هي اللي خربت بيت ماما .

جاسر : ليه ؟ امك كانت عارفة وراضية وعارفة سبب جواز ابوكي وامي !!

شروق : اللي انت متعرفوش ان ابويا وامك كانوا بيحبوا بعض من زمان من قبل جواز امك وابوك ، فهمت بقي السبب الحقيقي اللي خلاهم اتجوزوا ؟

جاسر : انتي بتستعبطي ولا ايه ؟؟ انتي عارفة اللي بتتكلمي عليها دي تبقي مين ؟؟

شروق : لأ انا بقولك اللي امك مدارياه عنك ، ولو مش مصدقني روح اسألها .

جاسر : هسألها ، هسألها يا شروق ولو كنتي بتكدبي هدفعك تمن الكلام اللي قولتيه ده .

تركها جاسر و ذهب الي والدته ودق جرس بابها .

تفتح له بدهشة !!!

نجوي : جاسر !! تعالي اتفضل يا حبيبي .

يدخل ليجد رجب متكأ علي الاريكة  بملابس البيت يدخن سيجارته ويشاهد التلفاز .

جاسر : مساء الخير يا عمي ، بعد اذنك يامه كنت عايزك في كلمتين .

نجوي : خير يا حبيبي فيه ايه ؟

جاسر : تعالي نتكلم جوه .

نجوي : عمك رجب مش غريب ، اتكلم برحتك فيه ايه ؟؟

جاسر : انا هسأل سؤال وتجاوبيني بصراحة .

نجوي : فيه ايه يا جاسر ؟؟؟

جاسر : انتي وعم رجب كنتوا بتحبوا بعض من زمان ؟؟

تتفاجئ نجوي وترتبك ، ويعتدل رجب في ترقب !!!

جاسر : مبترديش ليه ؟؟

نجوي : مالنا احنا بزمان ، خلينا في دلوقتي يا حبيبي .

جاسر : لأ انا لازم افهم واعرف الكلام ده فعلا حقيقي ولا كدب ؟؟

يتدخل رجب مقاطعا ...

رجب : ايوه حقيقي ، وفيها ايه ؟؟

جاسر : يعني انتوا كنتوا بتضحكوا عليا لما قولتولي انكم هتتجوزا علشان دخولك وخروجك من البيت وزيارة بنتك !!!

رجب : انت عايز ايه دلوقتي يا ابني ؟؟

جاسر : يعني انتوا قرطسطوني واكيد كمان كنتوا مقرطسين ابويا قبل ما تطلقي منه .

نجوي : اخررررررس ، انا اشرف من الشرف واللي يجيب سيرتي اقطع لسانه .

رجب : لولا انك ابن الست المحترمة دي انا كان ليا معاك كلام تاني واحاسبك علي كلامك ده .

جاسر : روح حاسب نفسك الاول .

نجوي : انت جاي تحاسبنا يا جاسر ؟؟!

جاسر : لأ مش هحاسبك بس ياريتك كنتي عرفتيني بدل ما الاقي حد بيعايرني !!

رجب : ما عاش اللي يعايرك ، امك ست محترمة قطع لسان اي حد يجيب سيرتها .

جاسر : بنتك .

رجب : بنتك شروق هي اللي عايرتني وقالتلي كل حاجة وعايزة تطلق كمان .

شروق : لأ افصلوا حياتكم عن حياتنا ، انتوا بينكم رجب الصغير .

جاسر : شوفت يا عمي ، حتي انا سميت ابني علي اسمك علشان بحبكم ومرضتش اسمي اسم ابويا !! يكون ده جزائي ؟؟!!

رجب : اسمع يا جاسر يا ابني متاخدش علي كلام شروق دلوقتي واوعي تسمع كلامها ، هي ممكن متأثرة وزعلانة علشان امها مش اكتر .

جاسر : معاك حق .

 

في شقة جاسر

دخل جاسر وجد شروق في انتظاره ...

شروق : عرفت واتأكدت اني مش بكدب ؟؟

جاسر ' بحزن '  : خلينا في نفسنا ملناش دعوة بيهم .

شروق : حاضر ، يلا بقي من فضلك طلقني .

جاسر : شروق بلاش الكلمة دي ، انتي دلوقتي متأثرة بموضوع امك .

شروق : لأ ، انا فكرت كويس ولقيت مفيش حل غير كده .

جاسر : حاضر هطلقك بس بعدين  لما نهدا .

شروق : لأ انت لازم تطلقني النهاردة .

جاسر : مالك يا شروق ؟؟ انتي مش اول واحدة ابوها يتجوز علي امها ويطلقها !!

شروق : حتي لو بابا رجع لماما وطلق مامتك بردو لازم تطلقني .

جاسر : يبقي مش زعلك علي امك السبب !! فيه سبب تاني .

شروق : تاني ولا تالت ، طلقني يا جاسر .

جاسر " بغضب " : يبقي اللي في دماغي صح .

شروق : صح ولا غلط انا هطلق يعني هطلق .

جاسر : من اول ما الواد ده رجع من السفر وانتي اتغيرتي !! الحب القديم صحي في قلبك تاني وانا زي المغفل !!

شروق : احترم نفسك .

جاسر : انا محترم غ.صب عنك .

ثم امسكها من ذراعها قوة : يكون في علمك من النهاردة مش هتخرجي من البيت ده تاني .

شروق : يعني ايه ؟ هتحب.سني ؟!!

جاسر : ايوه احب.سك ، عايزة تخرجي علشان تشوفي حبيب القلب .

شروق : انت ز.بالة .

صف.عها بقوة علي وجهها : لو لسانك نطق كلمة تاني هتشوفي مني عذ.اب وايام اسود من شعر راسك .

شروق : انت مجنو.ن !!

جاسر : انتي مشوفتيش لسه حاجة ، بكره تشوفي جنا.ني بحق وهتشوفي هعمل ايه في حبيب القلب !!! تحبي تشوفي دلوقتي عينة من جنا.ني ؟

ثم يجذبها من ذراعها بقوة نحو غرفة النوم ويرمي بها الي الفراش ثم يخلع ملابسه سريعا : دلوقتي هتشوفي جنا.ني !!!

تبكي وتتو.سل اليه ان يبتعد ويتركها الا انه ازداد قسو.ة وع.نف معها !!!

بعد مرور بعضا من الوقت ...

ينهض ويتركها تبكي بحرارة وانهيااا.ر !!

ينصرف جاسر من المنزل في هذا الوقت المتأخر  ويتركها وحدها بعد احكم غلق الابواب !!!!!

تمسك بهاتفها وتتصل بشريف و دموعها وبكاؤها لا يتوقف !!!

صوت جرس الاتصال يستمر لنهايته بلا اجابة !! فتعاود الاتصال مرة اخري .

يستيقظ شريف علي صوت جرس هاتفهه ليجد المتصل شروق !!!

شريف " بنعاس " : خير ، فيه ايه يا شروق ؟؟

شروق " ببكاء شديد " : خلي بالك علي نفسك يا شريف ، جاسر عرف اني لسه بحبك .

شريف : انتي بتقولي ايه ؟؟!!!

شروق " ببكاء " : زي ما بقولك ، انا طلبت منه الطلاق وعرف اني عايزة اتطلق علشانك .

شريف : هتطلقي علشاني ؟؟!!

شروق : ايوه يا شريف ، انا لما عرفت انك هتخطب اتجن.نت و قولتله لازم يطلقني .

شريف : انا بحلم ولا ده حقيقة ؟؟

شروق : لأ مش حلم ، شريف اوعي تخطب يا شريف انا مقدرش اعيش بعيد عنك اكتر من كده ، انا هتطلق منه ونتجوز ، ماشي يا شريف ؟؟ رد عليا !!

شريف : حاضر خلاص مش هخطب ، بس اهدي شوية .

شروق : خلي بالك علي نفسك علشان هو عرف اني لسه بحبك وعايزة اتطلق علشانك وبهد.لني وهد.دني انه هيأ.ذيك ، خلي بالك علي نفسك اوي يا شريف .

شريف : حاضر ، المهم انتي كويسة ؟؟

شروق : متخافش عليا ، هو حب.سني في البيت ، اول لما اعرف اخرج من هنا هخرج ومش هرجعله تاني .

شريف : انا بكره هروح له واقعد اتفاهم معاه .

شروق : لأ اوعي تروح له ، ده بل.طجي ولو شافك هيعمل فيك حاجة .

شريف : متخافيش عليا ، انا اعرف اتصرف مع الاشكال دي كويس .

شروق : لاااا انت حد محترم ابعد عنه دلوقتي خالص انا خايفة عليك اوي .

شريف : حاضر ، المهم دلوقتي اهدي وخلي بالك علي نفسك ومتخافيش عليا .

شروق : انا هعمل المستحيل علشان نكون مع بعض يا شريف .

شريف : وانا هعمل اكتر من المستحيل علشان نرجع لبعض .

شروق : كمل نومك بقي وبكره خليك حذر منه .

شريف : حاضر يا حبيبتي .

شروق : لا اله الا الله .

شريف : محمدا رسول الله .

في الصباح

تشرق شمس الصباح ومازالت شروق دموعها تنهمر ولا يعرف النوم طريقا الي عيونها !!

تمسك بهاتفها وتتصل بوالدتها شمس ...

شروق " ببكاء " : شوفتي اللي حصل يا ماما ؟؟

شمس : فيه ايه يا بنتي ؟؟

شروق ... "  تحكي لها كل مادار وحدث بينها وبين جاسر " .

شمس : طيب اقفلي انا جايالك دلوقتي .

شروق : لأ يا ماما متجيش .

شمس : اقفلي .

بعد دقائق تسمع شروق دقات عالية علي باب نجوي !!! ثم تسمع صوت شجار امها مع حماتها نجوي !!!

تشعر شروق بخو.ف شديد فتقوم بالاتصال بوالدها ...

شروق : الحقنا يا بابا .

رجب : فيه ايه يا شروق ؟؟

شروق : جاسر حب.سني في الشقة وماما جات وبتتخانق مع حماتي !!!

رجب : بتقولي اييييه !!  انا جاي حالا .

يترك رجب عمله متجها الي المنزل في نفس لحظة وصول جاسر فيجدا شجارا عن.يفا بين شمس ونجوي !!!

يتطور الشجار ويحاول رجب تهدئة الأجواء حتي تقول شمس : افتح الباب لبنتي يا جاسر واياك تحب.سها تاني .

جاسر : لأ ، مش هفتحلها ، بنتك لو فتحتلها هتمشي وتدور.علي. حل.شعرها .

شمس : اخر.س قط.ع لسانك ، بنتي اشرف منك ومن اهلك .

جاسر : بنتك الشريفة بتحب شريف ابن ربيع وعايزة تطلق علشان تروحله .

رجب : اخر.س قط.ع لسانك اوعي .

جاسر : لو مش مصدقني اطلع اسألها ، ولا اقولك روح اسأل اي حد في الشارع هيقولك ان بنتك كانت ماشية مع شريف ابن شريكك ربيع وكانت مستغف.لاك .

يطيح به رجب بصف.عة قوية ازاحته بعيدا .

جاسر : انت بتضر.بني ، طيب انا علشان سنك وانك في مقام ابويا مش هرد عليك ، لو حد غيرك كنت قت.لته دلوقتي .

يقوم الجيران واهالي الحي بالتفريق بينهم وفض اشتبا.كهم بعد ان علم الجميع بحب شروق لشريف واصبحت ف.ضيحة علي الملأ !!!

يصعد جاسر الي شقته ويمسك شروق من ذراعها : انتي فاكرة انك لما تقولي لأمك وابوكي هينقذوكي مني ؟؟ تبقي بتحلمي !!! انتي مراتي غ.صب عنك وعن ابوكي وعن امك وعن حبيب القلب اللي هفرجك هعمل فيه ايه علشان سواد عيونك

تابعوووووووني 

رواية ملياردير الصعيد من هنا

رواية خلف كل باب من هنا

رواية حين تبكي الجدران من هنا

رواية نبضه صامته من هنا

رواية زيغة الشيطان من هنا

رواية معا تحلو الحياة من هنا

رواية حب في قلبي غرد

رواية نبض القلوب من هنا

رواية نبض في الظلام من هنا

رواية وتبقي لي كامله من هنا

رواية زوجة أخي من هنا

رواية عشق لايموت من هنا

رواية ديب كامله من هنا

رواية عشقني متوحش من هنا

رواية حوريه في الجحيم من هنا

رواية عاشق بدرجة مجنون كامله من هنا

رواية سر الشيطان الأسود كامله من هنا

رواية العنود كامله من هنا

رواية رحيل الهواري كامله من هنا

رواية دكتور قلبي كامله من هنا

رواية انكسار امرأه كامله من هنا

رواية عشق بلا رحمه كامله من هنا

رواية جرح يداويه العشق كامله من هنا

رواية ظل حب قديم كامله من هنا

رواية من أجل أبنائي تزوجتك من هنا

رواية زواج لدقائق معدودة كامله من هنا

رواية بسمه موجوعه كامله من هنا

رواية معشوقتي الصغيره كامله من هنا

رواية طلاق بلا تبرير كامله من هنا

رواية شهد حياتي كامله من هنا

رواية العاصفه كامله من هنا

رواية الفرار من الحب كامله من هنا

رواية توكيل زواج كامله من هنا

رواية شوق العمر كامله من هنا

رواية مستشفى بلا حياه كامله من هنا

رواية كيان الزين من هنا

نسيم العاصف من هنا

رواية فرقتنا الظروف وجمعنا القدر من هنا

نوفيلا الراهب كامله من هنا

رواية العشق الأخير من هنا

رواية زينه من هنا

غاردينيا من هنا

رواية الجميله والوحش من هنا

رواية دكتور نسا من هنا

رواية آصرة العزايزه من هنا

رواية رحلة قدر من هنا

رواية ليالي الغول من هنا

رواية لعنة الإرث من هنا

رواية متمرده عشقها الشيطان من هنا

رواية عذرا لقد نفذ رصيدكم من هنا

رواية لعبه بين يديه من هنا

رواية نار قلبي وانكسار فؤادي من هنا

رواية قاصره في قلب صعيدي من هنا

رواية ملياردير الصعيد من هنا

رواية وتبقي لي من هنا

رواية عشق الحور من هنا

رواية طلاق غيابي من هنا

رواية اغتصب روحي من هنا

رواية غصن من هنا

رواية بلا ذاكره من هنا

رواية عودة الذئاب من هنا

رواية الجامحه والبدوي من هنا

رواية الحب والخطيئه من هنا

رواية جبرونا عالزواج من هنا

رواية لعبة الحب من هنا

رواية لما القلب بحب من هنا

رواية إبن الصعيدي من هنا

رواية مالم تخبرنا به الحياه من هنا

رواية بائعة الخضار من هنا

رواية مشكله عائليه من هنا

رواية غريق علي البر من هنا

رواية اللعب مع الشياطين من هنا

رواية كم من قلوب احرقت

رواية جمعتهم الاقدار من هنا

رواية مشكله عائليه من هنا

رواية لي نصيب من إسمي من هنا

سكريبت بنت الشارع من هنا

رواية طريقي كامله من هنا

رواية أحببت مربية ابنتي كامله من هنا

❤️🌺❤️💙🌺❤️💙🌺❤️💙🌺❤️💙🌺❤️💙🌺

الروايات الكامله والحصريه من هنا

انضموا معنا على تليجرام ليصلكم اشعار بالروايات فور نزولها من هنا

🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇 

روايات جديده هتعجبكم من هنا

أجدد وأحدث الروايات من هنا

روايات كامله وحصريه من هنا

روايات ممتعه جداً من هنا

وكمان اروع الروايات هنا 👇

روايات جديده وكامله من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺

تعديل المقال