رواية ورد البارت الخامس والسادس والسابع بقلم الكاتبه إسراء ابراهيم حصريه وجديده على مدونة أفكارنا

 رواية ورد البارت الخامس والسادس والسابع بقلم الكاتبه إسراء ابراهيم حصريه وجديده على مدونة أفكارنا 

سالم وهو بيقرب / بتتحدتي كانك صادجة،، مش خايفة اياك  

ورد بقوة/ وهخاف من ايه يا واد عمي،، اني اشرف بت في الكفر كله،، واني هج*طع لسان كل اللي اتحدت عني عفش وجال اني معيو*بة 

سالم حس بصدقها،، فاتنهد بحيرة،، وقعد علي حرف السرير  وهو مش عارف يعمل ايه،، وهو قاعد شاف الورقة اللي حطتها رباب فاستغرب وقام جابها،، واول ما فتحها وقرأها،، عينه احمرت وعروق رقبته برزت من الغضب،، 

ورد بقلق / فيها ايه الورجة دي 

سالم قرب منها،، ومسك شعرها بعن*ف،، وبقت ورد تت*ألم جامد،،  

ورد بو*جع/ اااه همل شعري يا سالم،،  وجولي حوصل ايه عاد 

سالم بغضب/ في انك كدابة ورخ*يصة،، اني  محجوج اني اتأثرت بحديتك اللي كنتي بتاكلي عجلي بيه،، عشان اهملك واداري عليكي،، خدي شوفي عشيجك باعتلك چواب،، رايدك تهربي معاه وتهملي عريس الغفلة 

ورد بصدمة /  چواب ايه وعشيج مين،،  كدب اني معرفش حد،، ده كدب يا سالم صدجني 

سالم  سابها وفتح الدولاب وبقي يدور في هدومها زي المجنون لحد ما لقي الجوابين وقراهم وبان عليه الغضب اكتر،،  كل ده وورد متابعاه بخوف وهيا منهارة ومش عارفه الجوابات دي جت منين ومين االي حطها في هدومها كانت حاسة ان عقلها اتشل  ومش عارفة تفكر

سالم بغضب /  ودول برضك مش بتوعك،،  انطجي والا هجت*لك ،، مين هو الكل*ب ده ،  انطجيييي 

ورد وهيا بتوطي علي رجله/ والله مخابرش يا سالم،،  صدجني ولو لمرة واحدة في حياتك،، اني مظلومة يا سالم،، صدجني معرفش حد 

سالم  بقس*وة /مفكراني عيل اياك،، لا يا ورد،، مش هتضحكي عليا،، اني اللي هثبتلك دلوك  انك  رخ*يصة 

ورد مسحت دموعها وقامت وهيا بتقؤله بجمود وقوة 

ورد / صوح،، انت صوح يا واد عمي،،  بس وغلاوة امي وابوي،، لادفعك التمن غالي جوي يا سالم 

سالم وهو بيقرب منها / هنشوف مين فينا اللي هيدفع التمن يا ورد 

...................................... 

كانت حنين واقفة في المطبخ بتعب بتغسل مواعين الفرح  لحد ما دخلت عليها شهد وهيا شايلة اطباق

حنين بابتسامة / وه،، بتعملي ايه يا شهد،، عيب يا خيتي تبجي ضيفة عندينا ونتعبوكي اكده

شهد بحب / لا طبعا،، متقوليش كدة،، مفيش تعب ولا حاجة،، وبعدين انا بجد حبيتكم اوي،، وبحس وانا وسطيكم،، ان انتو اهلي 

حنين / طبعا يا خيتي،، ده انتي اهنه وسط اهلك وناسك  ،، عنك انتي بجي  دول وتعالي اجفي چاري اعمليلنا كوبايتين شاي  ،، واهو نتسلو سوا ونتحدت 

شهد /من عيوني،، بس قوليلي يا حنين،، هو يعني انا مش شايفة سلفتك دي بتساعدك ليه،، بعد الفرح سابتك وطلعت  

حنين / عادي،، انا اخدت علي اكده،، رباب من يوم ماچت الدار وهيا شايفة حالها،، بس اني مهرميش ودني للشيطان،، طالما هبجي مرتاحة خلاص،، مرايدهاش تعمل معايا،،  بس تعرفي،، الشهادة لله،، البت ورد هيا اللي كانت يدها بيدي،، بحس انها خيتي والله 

شهد / فعلا انا حبيتها اوي،، مع اني مشوفتهاش غير مرة لما خدتيني اوضتها تعرفيني عليها ،، بس طريقتها كدة تخليكي تحبيها غصب عنك ،، اما بصراحة رباب دي محبتش نظراتها خالص ومرتاحتلهاش،، حتي انهاردة لما شوفتها خارجة من اوضة ورد واتخبطنا في بعض  ،، لقيتها بتكلمني بطريقة غريبة كدة 

حنين بصدمة / شهد،، عيدي اللي جولتيه اكده تاني،،  انتي شوفتي رباب خارچة من اوضة ورد انهاردة،، متوكدة يا شهد

شهد باستغراب /اه والله،، حتي اتأسفتلها عشان اتخبط فيها من غير ما اقصد وو

حنين بقلق/ يا مرك يا ورد،، الله يسترها عليكي يا خيتي،، يا خوفي لتكون رباب عملت  للبت عمل 

شهد بقلق/ تعملها عمل،،  ايه اللي بتقؤليه ده يا حنين  

حنين كانت لسة هترد سمعت زغاريط بهية حماتها فخرجت ولقتها واقفة سالم ومنصور حماها 

منصور /ريحت جلبي يا ولدي،، الحمد لله،، البنتة طلعت زينة 

سالم  بهدوء /اني طالع لمرتي،، بعد اذنك يا ابوي وسابهم وطلع وبهية بتزغرط وحنين حاسة ان سالم فيه حاجة وخافت علي ورد اكتر 

.................................................. 

في بيت ابرهيم ابو شهد كان واقف ابرهيم قدام اخوه احمد اللي باين عليه الغضب 

احمد بغضب/  فين شهد يا ابرهيم،، خبتها فين 

ابرهيم بحدة/ الزم حدودك يا احمد،، انا لحد دلوقتي  مراعي صلة الرحم وانك اخويا الكبير ،،  بس لحد  بنتي ومش هسكت وان كنت سكت قبل كدة علي عملة ابنك المهببة،، فده عشان صعب عليا مستقبله يضيع  

احمد / والله وصوتك طلع يا ابرهيم،،  اياك تكون فاكر اني مش هعرف اوصلها،، البت هتتجوز ابني هشام غصب عنها عشان انا حكمت بده،، وانا هوريك يا ابرهيم ان كلامي هو اللي هيمشي  ،، اصلا تحمد ربنا ان ابني فكر فيها 

ابرهيم بجمود/  وابنك لو اخر راجل في الدنيا، انا مش هجوزه لبنتي،، واصلا ريحو نفسكو،،  لان البت اتجوزت وسافرت خلاص 

احمد بغضب / انت بتقؤل ايه،،  اتجوزت ازاي وامتي ومين ده اللي جوزتهولها 

ابرهيم ببرود/حاجة متخصكش يا احمد،، ولو معندكش حاجة تقؤلها  ،، يلا بالسلامة،، وياريت بقي مشوفش وش حد فيكم تاني،، سواء انت او ابنك 

احمد بتحدي/ ماشي يا ابرهيم،،  هعرف صدقني الحقيقة،،  وسعتها هوريك انت وبنتك،، وهخليك تتحايل عليا عشان أنا اللي اوافق علي جوازها منه،، اظن انت فاهم قصدي 

ابرهيم بحزن / ربنا عالظالم 

.................................................. 

 كانت قاعدة بدور مهمومة وبتفكر في ماهر ومخنوقة عشان من ساعت ما مشيت وهو مسألش عليها 

جمال بحنان  /كيفك يا خيتي 

بدور بابتسامة حزينة/ الحمد لله زينة يا خوي 

جمال بحب /اسمعيني زين يا بدور،، الحديت اللي هجولهولك ده،، رايدك تفكري فيه زين جوي 

بدور بتفهم /خير يا خوي،، اني سامعاك 

جمال بعقل/ الراچل مننا لما بيعشج،، بيحس كانه مالك الدنيا ويا سلام لما تبجي مرته بيحاوط عليها برموش عنيه ،،  ومفيش ست تملي عينه غيرها ،، ومهما كانت عيوبها،، دايما يخترعلها الف حچة عشان يسامح ويعدي،، الراچل اللي بجد،، ميهينش مرته جدام اي مخلوج  ولما يتعب ويفارج  ،، يبجي بالمعروف،،  ماهر انتي اكتر  واحدة خابراه زين وانتي اللي تقرري تكملي معاه ولا لا،، صدجيني محدش هيغصبك علي حاچة واصل،،  وبرضه هنربيه وهنخليه يعرف جيمتك ولو قررتي ترچعي هتبجي راسك مرفوعة وسط الخلج وجدام اهله كمان  

بدور / تسلملي ويخليك ليا يا خوي 

جمال بابتسامة /  اوعاكي تخافي طول ما اني چارك،، اني سندك يا بدور ولحد ما اموت،، واللي يدوسلك علي  طرف،، ادوس علي رجابته 

،، فكري يا خيتي واللي  ترسي عليه هيتنفذ 

.................................................

كانت قاعدة ورد عالسرير  وضامة رجلها لحضنها وبتعيط بصمت،، بتفكر في كل اللي بيحصلها من ساعة ما اتولدت،، معاملة الكل ليها بقس*وة واولهم سالم،، اللي دب*حها بقس*وة ومفكرش حتي في مشاعرها،، بس قررت انها مش هتخلي خد يد*بحها تاني،، هتقف قصاد الكل وتندمهم علي كل اللي عملوه معاها،،  مسحت دموعها بعن*ف وقامت وهيا مقررة تبقي ورد تانية غير ورد الضعيفة المكس*ورة،، عمرها ما هتبين ضعفها ابدا لحد،،  ولاحتي لنفسها،، 

 دخل سالم ووقف قدامها وحاول يبص في عنيها بس مقدرش احساس الذنب مسيطر عليه

سالم /  احنا لازمن نتحدت يا ورد 

ورد بجمود/ خلص الحديت بينا يا سالم،،  ومبجاش فيه غير الانتجام،، مش اتوكدت اني بنتة وبريئة  ،، خلاص اكده اللي ليك عندي خلص 

سالم بتردد /حطي نفسك مكاني يا ورد،،  احنا صعايدة،،  وانتي اللي جولتيلي انك حبلة،، وكمان الاجي چوابات مرمية كلها حديت حب ومسخرة،، كنت اعمل ايه عاد 

ورد بقوة /تسألني،،تحكم عجلك،، تبجي واثق في مرتك اللي شايلة اسمك،، بلاش مرتك،، بت عمك اللي متربية في دارك،، بس هتصدج كيف 

وانت اساسا بتكر*هني،،  كانك كنت مستنيني اغلط يا سالم عشان تجت*لني،، للدرچادي كلياتكم  بتكر*هوني،،  محدش فيكم يشوفني بتظلم ويدافع عني  

ورد بهدوء/الحديت ممنوش عاذة،، لانه مش هيطيب چرحي منكم يا سالم،، بس اني رايدة اجولك حاچة بسيطة جوي انت ناسيها ،،  اني مبعرفش اجرا واكتب،، اني امية يا سالم،، بس زي ما جولتلك،، انت كنت  مستنيني اغلط 

سابته ورد  ودخلت الحمام بهدوء اما سالم فقعد علي حرف السرير بصدمة وحط وشه بين ايديه 

سالم لنفسه  / كيف فاتني ان ورد مبتعرفش تقرا وتكتب،، غبي يا سالم غبي

.............................................. 

تاني يوم في بيت عيلة الاسواني كانت قاعدة كريمة وجمبها ماهر ابنها واتفاجأو بمنصور ومعاه سالم وجمال  ويوسف  داخلين عليهم  

ماهر قام بتوتر وقلق

ماهر /اهلا يا حچ منصور،، اتفضلو 

منصور بحدة /ما احناش چاين نضايفو يا بن كريمة  

كريمة بضيق/وليه الغلط يا حچ منصور بتك اللي غلطانة 

منصور بحدة/ اكتمي،، مسمعش حسك،، بتنا تعرف الاصول زين واللي عملتيه معاها مش هيعدي بالساهل يا ام ماهر،، وانت،، اني كنت فاكرك راچل هتحافظ علي بتي وتصونها،،  بس للاسف طلعت تربية حريم  ،، هيا كلمة يا ماهر بتي يچيلها دار لحالها،، مهتجعدتش ويا امك تاني واصل،، ويا اكده،، ياتطلجها 

كريمة بخبث/ هو هيچيب دار چديدة يا ابو سالم،، بس دي تبجي للعروسة الچديدة اللي هتچيب لولدي اللي هيشيل اسمه واسم عيلة الاسواني 

جمال بغضب / انت اتخبلت اياك،، رايد تتچوز علي  خيتي يا ك*لب 

ماهر بحدة /شرع ربنا يا چمال،، حجي،، اني نفسي في حتة عيل يشيل اسمي 

سالم كان هيض*ربه بس وقفه منصور بصوته

منصور بحدة/  سااالم،، كفايا اكده،، وانت ماهر،، حجك مجولناش حاچة،، بس مش بت منصور السوالمي اللي تجبل بضرة،، عشية تجيني وفي يدك المأذون تطلج بتي وابجي سعتها اعمل ما بدالك،،  يلا بينا يا رچالة 

ماهر قعد بصدمة واتأكد انه ضيع بدور من ايده،، هو كان فاكر ان لما يقؤل كدة هما  هيرجعوها،، بس كل حاجة اتعقدت اكتر

..............................................

في اوضة ورد

بهية بغضب/ كانك مفكرة حالك عروسة اياك،، يلا  ياختي انزلي اشتغلي في الدار  وساعدي مرت ولدي 

ورد بصتلها بش*ر و....... 

البارت السادس 

ورد 

بصتلها ورد بش*ر وبعدين ضحكت بصوت عالي  

ورد بسخرية/  ده كان زمان يا مرت عمي،، لما كنت بعمل بلوجمتي،،  انما دلوك انا مرت سالم  كبير الدار وولدك  ،، واني لما احب اعمل حاچة،، هعملها بمزاچي،، مش غصبانية من حد 

بهية بغيظ / كانك بجيتي بج*حة يا بت فاتن 

ورد بقوة / اديكي جولتيها،، بت فاتن،، اللي كانت مسوياكي عالچنبين، ومخلياكي كيف الفولة في النا*ر،، اكمنك غيرانة منيها  

بهية قربت منها بغيظ ولسة هتضر*بها ورد مسكت ايديها جامد 

ورد / اوعاكي يدك تترفع عليا مرة تانية،،  يمين بالله اكسر*هالك،،  اني كنت بسكت زمان عشان خاطر كنت مچبورة  ،، بس دلوجتي اني مخليش حد يتحكم فيا تاني،، واعية لحديتي ولا لا 

في نفس الوقت كان داخل سالم واول ما لمحته ورد سابت ايد بهية وهيا بتبصلها بخبث وبقت تعيط وتصوت 

سالم /في ايه يا ورد،، بتبكي ليه اكده 

ورد بحزن / مرت عمي يا سالم  ،، عمالة تضر*بني وتزعجلي عشان انزل اروج الدار واني لسة عروسة،، رايدة تك*سر فرحتي 

بهية بصدمة/ شوفي كهن البنتة،، بجي انا بت ضر*بتك 

سالم بضيق/ تنزل تروح فين ياما وهيا لسة عروسة

بهية بغضب/ وه،، كانك مفكرها چوازة بحج وحجيجي يا سالم ولا ايه 

سالم بثقة/  وحتي لو مش اكده ياما،، ورد بجت مرتي  ومش هسمح ان حد يضايجها او يچي عليها 

ورد كانت بتبصله بجمود ومن جواها بتسخر من كلامه،، وانتبهت لبهية وهيا بتزعق فيه 

بهية / من اولها يا ولدي خلتك تدافع عنها،، اومال لو خلتك تعشجها هتعمل ايه،، هتض*رب امك يا سالم،، مش اكده 

سالم بهدوء/ ياما  متجوليش اكده،، تتج*طع يدي جبل ما يحصل،، بس اني راچل ومرضاش ان مرتي تتهان وفي داري 

بهية بتوعد /ماشي يا بت فاتن،، اني وانتي والزمن طويل 

وسابتهم ونزلت وسالم اتنهد وبص لورد اللي اول ما لقيته بيبصلها سابته وقعدت عالكنبة كأنها قاصدة تتجاهله

..........................................

حنين كانت ماشية مع شهد في البلد  وهيا متوترة وقلقانة 

شهد باستغراب/ايه يا حنين،، هو انا خاطفاكي يا بنتي،، مالك خايفة كدة ليه 

حنين بتوتر/ دي اول مرة اخرج من يچي شهرين  ،، حتي يوسف مكنش موافج،، لولا اني اتحايلت عليه اني اخرچ واشم هوا وافرچك علي  بلدنا 

شهد بغمزة/  بس واضح انكم بتحبو بعض اوي 

حنين بخجل /  يوسف ده حب عمري كيف ما بتجوله في مصر  ،،  وعيت عالدنيا لجيتني بعشجه،، مخبرش كيف وامتي 

شهد بحب/ربنا يخليكم لبعض

حنين /ويخليكي يا جلبي 

شهد /تعرفي انا كنت خايفة اوي منك في الاول،، خوفت لتغيري مني وتفتكري ان عيني منه او حاجة،، بس والله عمري ما فكرت فيه كدة،، انا استجدعته لما وقف جمبي،، واتمنيت لو كان ليا اخ يقف لعمي كدة ويحميني منه 

حنين /  اني واثجة في يوسف اكتر من روحي يا شهد  ،، وثانيا بجي  انتي اول ما شوفتك دخلتي جلبي وحسيتك طيبة اكده،، اما بجي بالنسبة لموضوعك ده فاعتبرينا اهلك ويوسف وسالم وچمال خواتك،، وان شاء الله كل حاچة هتتحل 

شهد /هو انتي عارفة احنا كدة فين  يا حنين اوعي نكون توهنا 

حنين اتلفتت حواليها شوية وحست انها مش فاكرة المكان 

حنين /الحديت خدنا يا شهد واني مش خابرة احنا بجينا فين 

شهد بقلق / طب وهنعمل ايه يا حنين 

حنين / متجلجيش يا خيتي،، اهنه البلد كلها خابرة بعضيها،، ودلوك نلاجي حد يدلنا 

................................................. 

رباب / چمال هتفضل مبوز اكده 

جمال / حلي عني السعادي يا رباب ،، اني مش طايج حالي 

رباب بتكشيرة/ وه،، واني مالي،، بتزعجلي ليه اكده 

جمال بتنهيدة/ معلش يا حبيبتي،، اني بس مخنوج شوية 

رباب بدلع/ طب ما تجولي فيك ايه،، چايز اعرف اساعدك 

جمال بحيرة/  ماهر چوز بدور خيتي رايد يتچوز ،،  امه جالت انه بيبني دار عشان مرته الچديدة 

رحمة بخبث/ وه،، كيف يعمل اكده،،  وانت هتسكتلو يا چمال  

جمال بضيق / لا طبعا،،  احنا جولناله يجي عشية عشان يطلج بدور،، رباب اني مش رايد بدور تعرف حاچة من الحديت ده،، 

رحمة بببراءة/ لا طبعا يا راچلي،، كيف يعني اك*سر جلبها واجولها  ان چوزها رايد يتچوز عليها،،لا طبعا  

خالد / ايوة اكده، لحد ما اشوف هنعمل ايه في المصيبة دي 

ابتسمت رباب بخبث وهيا بتبطب علي جمال ومن جواها بتفكر في الخبطة الجديدة 

.................................. 

كانت قاعدة ورد عالكنبة وسرحانة وبتفكر هتعمل ايه في حياتها مع سالم 

سالم بهدوء/ ورد هتفضلي اكده  سرحانة

ورد بتنهيدة/خير يا واد عمي،، بتشك اني بفكر في عشيجي تاني ولا ايه 

سالم بحدة / بلاش الحديت ده عاد يا ورد بيعصبني،، وانسي بجي اللي حوصل 

ورد بسخرية / وه اتعصبت عشان كلمة،، طب واني مسألتش نفسك كنت حاسة بأيه وانتو كلكم بتتهموني في شر*في واني عشجانة حد،، لا وكمان رايدني انسي بالبساطة دي،، 

سالم  قرب منها/ خابر ان احنا چر*حناكي،،  واني هعوضك،،  وهخلي الكل ينسي اللي حوصل

ورد بغضب/بس اني مش هنسي يا سالم،،  مهما عملت مش هنسي اللي حوصل،، ولا هنسي اما جولتلي انك بتكر*هني عشان خليتك تهمل البنتة اللي كنت عاشجها  ،، ولا انسي لما جولتي اني رخ*يصة 

قالت كدة وسابته وجريت عالحمام وقفلت الباب وبقت تعيط بحرقة،، اما سالم فقام بغضب وخرج من القوضة ونزل تحت

............................................ 

كانت واقفة بدور بتغسل المواعين وبتفكر في  ماهر وقررت انها ترجعله،، هتكلم ابوها واخوها ويرجعوها ليه،، وهيا هتحاول تكسب امه عشان تبطل توقع بينهم،،  عشان بتحبه قررت تتنازل وترجع 

رباب / وه،، انتي اللي بتغسلي المواعين يا عمه،، دي حتي عيبة،، اومال فينها حنين،، مهملاكي تعملي لوحدك ليه 

بدور بسخرية/ طب ولما انتي لماحة اكده وعندك د*م،، يبجي تيچي تكملي بدالي  بجي  ،، احسن ما انتي عمالة تتمألتي علي حنين اللي شايلة الدار كلياته علي راسها ومبتتحدتش ولا تشتكي 

رباب بتردد/ هه،، لا مجصدش يا عمه بس يعني انا مستغربة انها مش اهنه 

بدور بسخرية/ والله البنية كتر خيرها مكنتش رايدة تهملني،، بس اني بجي اللي صممت وجولتلها تخرج تشم هوا وترتاح شوية،، لا وهيا زينة البنتة وتستاهل الخير كله والله،، عشان اكده ربنا كارمها بزين الرچال يوسف اخوي 

رباب بغيظ / اه علي جولك،، دي حتي لو مكنتش خلفت  كان لايمكن يوسف هيتچوز عليها كيف ما چوزك هيعمل 

بدور بصدمة / بتجولي ايه يا خرفانة انتي

رباب بشماتة /وه،، هو انتي مكنتيش تعرفي يا عمة،، حجك عليا،، فكرتك خابرة ان چوزك بيحضر لچوازته الچديدة وانه چاي عشية عشان يطلجك،، يووه،، يج*طعني عمالة اخربط بالحديت  

بدور الطبق وقع من ايديها اتك*سر وكانت مصدومة ومش قادرة تنطق 

رباب ببراءة مصطنعة/حجك عليا يا عمة،، مكنتش اعرف انك مش خابرة

بدور بدموع/ مش جولتي اللي عندك،، يلا غوري من وشي،، غوووري 

جريت رباب وهيا بتبتسم بمكر وبدور سابت االي في ايدها وقعدت عالترابيزة وهيا مش متخيلة ان ماهر فكر يتجوز عليها وقطع شرودها صوت عالي برة فقامت بسرعة تشوف في ايه

.............................................. 

صالح كان ماشي في الشارع وشاف شهد ومعاها  حنين مرات يوسف واقفين لوحديهم في الشارع  فاستغرب وقرب عليهم بسرعة

صالح /السلام عليكم،، خير يا مرت اخوي  في حاچة   

حنين بلهفة/ الحمد لله انك لجيتنا يا صالح،، عاودنا الدار احسن توهنا في الطريج واحنا ماشين 

صالح / وايه بس اللي چايبكم النواحيدي  ،، انتو جربته علي اخر البلد 

حنين بصدمة/يا مري،، اخر البلد،،  طب روحنا بسرعة الله يرضي عنيك يوسف زمانه مستعوجنا  حاكم احنا اتأخرنا چوي 

صالح بطاعة/  ماشي،، بس متخرچوش لحالكم اكده مرة تانية،، محدش خابر لو كان الليل حل كان ايه اللي حوصل 

شهد بنفاد صبر / ما خلاص يا اخينا  بقي،، ما قالتلك روحنا،، هتفضل ترغي كدة لحد ما الليل يدخل علينا 

صالح بغضب/ لمي لسانك يا بت انتي والا يمين بالله الطشك جلم يعلمك الادب حاكم انتي مشوفتهوش في داركم 

لسة شهد هترد قاطعتها حنين وهيا بتمسك ايديها عشان تسكت

حنين /خلاص يا شهد عيب اكده،، وبعدين هو مغلطش،، هو بيوعينا يا خيتي،، الناس بجت متضمنش 

شهد بغيظ/ يعني انتي مش شايفة بيزعقلي ازاي،،  

صالح ببرود/  لا انا اكده بتحدت،، انتي لسة متعرفيش بزعج كيف فبلاش تچربي،، حاكم انتي طفلة ومش هتستحملي 

شهد مردتش عليه وطلعتله لسانها وهو بصلها بصدمة وابتسم علي طفولتها وبعد شوية  لما  قربو من البيت شهد اتصدمت اول ما شافت عمها وابنه واقفين وبيزعقو مع منصور وسالم  فرجعت كام خطوة لورا واستخبت ورا ضهر صالح اللي استغرب رد فعلها وبص لحنين اللي اتأكدت ان الناس دول قرايبها

............................................... 

في بيت عيلة الاسواني

كريمة /بتلبس ورايح فين يا ماهر 

ماهر بضيق/ رايح ارچع مرتي ياما 

كريمة بجمود/ماشي،، بس برضك هتتچوز مريم بت خالتك،،  دي اللي هتچيبلك الواد يا ولدي،، واوعاك يا ماهر تبينلهم انك ضعيف،، ولا توافج ان بت السوالمي تعيش في دار لحالها 

ماهر بحيرة /  انا مهطلجش بدور ياما،، ولو حكمت هچبلها دار لحالها  

كريمة بولولة / يبجي عليه العوض في تبيتي ليك يا بن بطني،، رايدهم يشمتو في امك يا ماهر  ،، 

ماهر بهدوء/ياما،، انتي خابرة ان بدور زينة وكانت شايلاكي وعمرها ما اشتكت،، اني اللي غلطت فيها،، وكمان هنتها جدام الكل،، وهيا متستاهلش مني اكده 

كريمة بغضب/وه،، كلت عجلك بت بهية،، ماشي يا ماهر،، بس اعرف لو عملت اللي راسك،، لا انت ابني ولا اعرفك ولا رايداك تچيبهالي اهنه انت فاهم 

ماهر بحزن/ماشي ياما،، اني ماشي  

................................. 

في بيت السوالمي 

احمد بغضب / مش عيب تبقي كبير البلد،، وتخلي بنت غريبة تقعد معاكم  ،، وانت عندك رجالة في البيت 

منصور بغضب/ الزم حدودك يا راچل انت،، واعرف بتتحدت مع مين 

سالم بحدة/ مالكوش حد اهنه ويلا بالسلامة والا هخلي الغفر  يجومو معاكم بالواچب

هشام ببرود/ تمام احنا هنمشي بس هنرجع والبوليس في ايدينا بتهمة خطف بنت عمي وسعتها هنرجع وشهد معانا  

كان سامع صالح كل الكلام  فمسك ايد شهد وراح ناحيتهم وشهد خافت وبصتله برجاء 

صالح /متخافيش طول ما اني چارك،، صدجيني مش هخلي حد فيهم يلمسك،، بس تعالي ويايا 

شهد كانت مرعوبة،، بس مفيش في ايدها حاجة غير انها تمشي معاه  ،، لحد ما وقف قدامهم و......... يتبع

بشكر كل  شخص كتب كومنت جميل زيه بجد كلامكم فرحني جدا وشجعني اني اكمل بشكركم من قلبي 

تفاعل جامد بقي عشان البارت السادس نااار 

#ورد 

#بقلمي_اسراء_ابراهيمالبارت السابع 

ورد

صالح بخبث/ خير يا سالم،،  ايه اللمة دي،، ومين دول 

احمد بغضب/ والله عال،، ابوكي هربك  مننا عشان تدوري علي حل شعرك عند ناس غريبة ،، مش كدة يا شهد هانم  ،، 

شهد بغضب/  انا مسمحلكش تتكلم  عني كدة،، بابا خلاني اهرب عشانك،، عشان انت انسان جاحد واناني بدل ما تحميني وتخاف علي عرض اخوك،،  سيبت ابنك يحاول يع*تدي عليا وكمان عايز تجبرني اتجوزه،،  والناس الغريبة اللي بتتكلم عنهم دول هما اللي حموني وحافظو عليا،، وحسيت معاهم بالامان اللي مشفتوش معاك،، يا يا عمي 

صالح كان سامع كلامها وعقله وقف عند جملة ان ابن عمها حاول يع*تدي عليها وسعتها حس بنا*ر في قلبه و حاول يتحكم فيها بس للاسف هشام  كان مصمم انه يخلي نا*ر صالح تحر*قه 

هشام بحدة / انتي هترجعي معانا،، وسعتها بقي نبقي نشوف موضوع الامان ده  ،، يلا 

قرب منها هشام بس ايد صالح كانت اسرع، ضر*به بالبوكس في وشه وبعدها،، مسكه من لياقة قميصه ونزل فيه ضر*ب قدام شهد اللي كانت مفزوعة 

سالم / خلاص يا صالح،، كفاية اكده 

احمد بغضب/انا هوديكم في داهية،،  ابني يتعمل فيه كدة،، انا هحبسكم،، هتهمك يا هم*جي انت بالت*عدي علي ابني وخطف بنت اخويا 

صالح بصله بغضب ولسة هيقرب،، مسكته شهد بسرعة وعياط 

شهد بدموع/ صالح،، كفايا لو سمحت 

صالح قلبه دق اول ما نطقت اسمه وبصلها وحاول يتحكم في نفسه وحرك راسه بايجابية عشان يطمنها،، وبعدين بص لعمها بحدة

صالح بحدة/  رايد تبلغ الحَكُومة روح يلا الباب مفتوح،، بس هتجولهم ايه،، اتهجمت علي الناس في دارهم وكنت رايد اخد بت اخوي المتچوزة من چوزها،، لو منك افكر زين جبل ما اعمل حاچة زي دي،، 

شهد اتصدمت من كلام صالح،، وكمان  كل اللي موجود بما فيهم ورد اللي نزلت علي صوتهم العالي والخناق وخرجت بسرعة من غير ما تلبس طرحتها،، اما سالم فابتسم ابتسامة مكر وهو باصص لصالح،، كأنه عارف صاحبه بيفكر في ايه بس ابتسامته ااختفت وملامحه بقت كلها غضب اول ما شاف ورد بتقرب من شهد وطالعة من غير طرحتها وكمان شعرها الطويل نازل علي ضهرها بحرية 

منصور بحدة/ اظن معدتش في حديت تاني يتجال،، يلا من غير مطرود واللي هيفكر يجرب من شهد ولا چوزها،،  مهيلاجيش غير الد*م 

هشام بوجع/يلا يا بابا،، نتأكد بس وبعدين نتصرف،، وهنتقابل تاني يا اسمك ايه واعتبر ده وعد  

 وفعلا اخد هشام ابوه ومشي  اما سالم فقرب علي ورد ومسكها من ايديها بعن*ف وجرها وراه علي جوة وبهية بتبتسم بشماتة وهيا شايفاهم 

........................................... 

في اوضة ورد،، دخل سالم وهو بيجر ورد وراه ورماها عالكنبة بغضب وهو بيتكلم بعصبية

سالم/ كانك مالكيش راچل اياك،، كيف تخرچي اكده بشعرك،، انطجي

ورد بتوتر / ااني مجصدش،، اني اول ما سمعت الخناج والصوت العالي چريت علي تحت ومخدتش بالي اني ملبستش الطرحة 

سالم بغضب/لا يا ورد،، انتي كنتي جاصدة تعملي اكده،، رايدة تضايجيني وتخليني اتعصب،، مفكرة حالك اكده بتنتجمي مني،، مش اكده

ورد بضحك/لا يا سالم،، اني لو رايدة احرج جلبك واقهرك هعمل اكده بس بطريجة تانية متتخيلهاش ابدا 

سالم بصلها بغضب وقرب منها ومسك ايديها بعصبية 

سالم/جصدك ايه هه، انطجي ،، طريجة ايه دي هه،، هتهربي مع عشيجك مش اكده 

ورد بدموع/ كنت خابرة انك كداب يا سالم،، حتي بعد ما اتوكدت اني نضيفة،، لسة بتشك فيا،، كانك جاصد توكدلي جد ايه اني غ*بية لما..... وسكتت مكملتش 

سالم بحدة / طب ريحيني وجوليلي مين هو يا ورد،، مين اللي ابوي سمعك وانتي بتجولي انك عاشجاه 

ورد بخزلان/  مش من حجك تحاسبني يا سالم 

سالم بغضب/ لا من حجي،، انتي مرتي،، ولا ناسية اياك 

ورد بقوة/ لا مش من حجك،، زي ما اديت لنفسك الحج تعشج  كيف ما جولتلي ،، اني كمان من حجي اعشج طالما مكنتش علي اسمك،، وحتي دلوك انت جوزي  بس بالغصب،، ابجي لسة حرة يا سالم،،اعمل ما بدالي 

سالم بغيرة / لا يا ورد،، انتي مش حرة،، انتي مرتي وعلي اسمي،، ولو فكرتي بس في راچل تاني غيري هج*تلك يا ورد 

ورد بحزن/ييبجي الموت اهون وارحملي من العيشة وياك يا سالم 

سالم حس بنغزة جامدة في قلبه فغمض عينه  بوجع ورجع خطوة لورا،، واول ما شافت ورد شكله كدة قربت منه بلهفة 

ورد بلهفة/ سالم،، انت زين،، فيك حاچة 

سالم بتعب/ هاتيلي شوية ماية يا ورد 

جريت ورد بخوف وجابتله كوباية مية وشرب منها سالم وبعدين حطتها جمبها ورجعت بصتله بخوف 

ورد بخوف/سالم اتسند عليا،، اوديك السرير تريح جتتك شوية 

سالم متكلمش بس حاول يقوم معاها و ورد سندته علي قد ما تقدر بس هو كان محمل عليها   وفجأة ورد اتكعبلت بيه فوقع سالم عالسرير و ورد وقعت عليه و كانو قريبين من بعض اوي و عيونهم في عيون بعض وبيبصو  لبعض هما الاتنين بنظرة كلها عتاب ولوم  

............................................ 

تحت كانت شهد رايحة جاية بغضب 

شهد بغضب /اانت بأي حق تقؤل اني مراتك  

بهية بجدية/اهدي يا بتي مش اكده،،  وبعدين الراچل معملش حاچة لكل ده،، ده نقذك من الرجالة العجارب دول،،  غير اكده مكنوش هيهملوكي ويمشو غير ورچلك علي رچليهم 

شهد كانت عارفة ان بهية عندها حق  ،، بس هيا خايفة الكلام يوصل لابوها ويفتكر عنها حاجة وحشة وخصوصا ان عمها اكيد هيقؤل حجات كدب 

منصور بهدوء/ اعجلي يا بتي،، صالح راچل زين وميعبوش حاچة،، وهو اللي طلبك اهه 

شهد بغضب/ وانا مش عايزاه،، انا اصلا مبطيقهوش،، اتجوزه ازاي بس،، ثم بابا لو عرف ممكن يحصلو حاجة،، انا عارفة ان عمي هيروح يقؤله الكلام الوحش اللي قاله عني لما جه،،ده بابا ممكن يروح فيها 

صالح بهدوء/ بصرف النظر عن لسانك الطويل اللي بيهلفط بالحديت ده وهحاسبك عليه بعدين،،  بس وافجي دلوجتي ونكتب الكتاب  وسعتها اني بنفسي هاخدك ونروح لابوكي  ونحكيله اللي حوصل ونوعيه عالحجيجة ولو رايدة نچيبه ويانا كمان هعمل اكده 

شهد بعياط / واني ليه اضيع مستقبلي واتجبر اني اتجوز راجل مبحبوش لمجرد وضع اتحطيت فيه وعشان كلام الناس ليه 

صالح حس ان كرامته اتجر*حت فقام بهدوء 

صالح/ اني ماشي يا عم منصور ولما تجررو ايه اللي هيتم بلغوني واني هنفذ،،  ورايدك تبجي خابرة يا شهد،، اني معملتش ولا جولت اكده،، الا لما لجيتك بتتحامي فيا  ،، ومكنش جدامي غير الحل ده 

منصور بهدوء/ اللي عملته عين العجل يا صالح يا ولدي،، ومتاخدش علي خاطرك منيها،، هيا بس صعبان عليها نفسها من اللي حوصل ،، وچوازك منها لابد انه يتم  عشان الناس  اكيد وصلها اللي حوصل،، ولازم نجطع لسان اي حد جبل ما يتحدت 

شهد اول ما سمعت كدة بقت تعيط بحرقة و

حنين كانت قاعدة معاهم وشايفة اللي حصل فقامت بسرعة و طلعت لسالم عشان ينقذ الموقف  وفي نفس الوقت دخل الغفير وقال ان ماهر عايز  يقابل منصور 

........................................... 

سالم قلبه كان بيدق جامد،، حاجة جواه كانت بتقؤله انه يخلي ورد تفضل قريبة منه كدة،،  مد ايده وحطها علي وشها بحنان و ورد ابتسمت بخجل 

ورد بخفوت/سالم  انت زين طمني عليك 

سالم ببحة/ زين يا ورد....خايفة عليا؟ 

ورد بحزن/ بخاف عليك اكتر من روحي يا سالم 

سالم بهدوء /  بتخافي عليا كيف وانتي بتكر*هيني يا ورد 

ورد بلهفة/ عمري ما كر*هتك يا سالم كيف ما انت بتكر*هني،،  اني طول عمري بتمني تعاملني زين وتدافع عني جدامهم،، كنت شايفاك سندي بعد ابوي وامي،، حتي وانت بتعاملني عفش يا سالم  ،، كنت بعند جصاد عمي ومرت عمي لاجل ما اخليهم يشوفوني،، يحسسوني اني بتهم و يعاملوني كيف بدور،، بس  للاسف كانو بيكر*هوني اكتر،، اني مش عفشة يا سالم،، اني اتحرمت من كل اللي بحبهم عشت وسط اهلي ومشوفتش حنية فيهم،، كاني بتعامل بلوجمتي 

اتفاجأت ورد بسالم بيقرب شفايفه من جبينها وبيبوسها بحنان،، قلبها دق جامد وخصوصا لما مسح بايديه دموعها اللي خانتها 

سالم بأسف/ حجك عليا يا ورد،، اني كنت فاكر عِندك مع امي وابوي غلط،، وانه دلع ماسخ،، بس اوعدك هعوضك عن كل اللي فات

ورد ابتسمت وكانت هترد بس قاطع كلامها صوت الباب فشهقت بخضة وكانت هتبعد بس ايد سالم كانت اسرع وفضل محاوطها بايديه

ورد بتوتر/ ههملني يا سالم،، خليني اجوم 

سالم بمكر /  له،، انا عاچبني اكده 

ورد بخجل / يا سالم عيب اكده،، الباب بيخبط 

سالم بضحك/طب خلاص متتكسفيش عاد،، هشوف مين وارچعلك نكمل حديتنا 

فتح سالم الباب وكانت حنين مرات اخوه 

حنين باحراج/حجك عليا يا سالم  ،، بس  شهد عمالة تبكي وابوك جرر يچوزها صالح بعد ما جال جدام الكل  انها مرته،، والبنية صعبانة عليا  ،، عشان اكده طلعت اجولك تتصرف 

سالم بجدية/ متجلجيش يا مرت اخوي انا هتحدت مع ابوي،، مع اني رأي من رأيه بس هشوف  هعمل ايه،، وانتي برضك هشيعلك ورد واتحدتو مع شهد انها توافج لان في مصلحتها انها تتچوز صالح

حنين بطاعة/ماشي يا اخوي،، ههملك بجي،، بالاذن اني

................................................... 

في المنضرة كان قاعد ماهر  لحد ما دخل عليه 

منصور وجمال 

منصور بهدوء/ خير يا ماهر،، چاي لحالك ليه،، وفين المأذون  اللي اتفجنا عليه 

ماهر قام بتردد /  انا چاي ارچع مرتي يا حچ منصور،، مش اطلجها 

جمال بغضب/ والراچل اللي يمشي بشورة امه يا ماهر  ميستهلش تبجي معاه بت اصول،، خيتي رغم اللي حوصل مجلتش عنك حاچة عفشة،، كل اللي جالته  ان كرامتها اتهانت جدام امك والغريبة اللي كانت جاعدة 

ماهر بندم/  واني محجوجلها،، ومستعد احب علي راسها بس ترچع ويايا  

منصور بحدة /بتي مهترچعش علي درة يا ماهر،، حجك تتچوز،، بس من حج بتي انها تطلج منك،، وبرضه هيچيلها اللي يصونها ويعرف جيمتها 

ماهر بغيرة /ملوش عاذة الحديت ده يا عم منصور،، اني مهطلجش بدور  ،، لو ايه اللي حوصل،، وهتفضل مرتي لحدما اموت 

جمال بغضب/ واني خيتي لو جالت انها مش رايدة ترچعلك،، هخليك تطلجها ورچلك فوج رجبتك 

ماهر برجاء/طب اني رايد اجعد وياها مرة واحدة  بس،، ولو صممت تطلج هنفذ رغبتها،، بس اجابلها واتحدت معاها واسمعها منيها يا چمال 

منصور بهدوء/شيع لخيتك يا چمال خليها تيچي  ،،  واللي هتجوله هيتنفذ 

جمال راح جاب بدور وحكالها اللي حصل واللي قاله ماهر واتصدمو كلهم من ردها اما قالت بهدوء...... 

الثامن والتاسع من هنا