رواية ورد البارت الثالث والرابع بقلم الكاتبه إسراء ابراهيم حصريه وجديده على مدونة أفكارنا

رواية ورد البارت الثالث والرابع بقلم الكاتبه إسراء ابراهيم حصريه وجديده على مدونة أفكارنا 

شهد بعياط / انا شوفت فار يا عم محمد ولما صرخت جه مهاب علي صوتي 

مهاب بتوتر /اه يا بابا هو ده اللي حصل 

ام مهاب / خلاص يا بنتي حصل خير يلا تعالي معايا،،  وانت يا مهاب دور عالفار ده وموته عشان البنية تعرف تنام في القوضة 

محمد بص لابنه بشك وعليا برضه لانها عارفة اخلاق اخوها بس هما الاتنين سكتو وسابو مهاب وخرجو 

...........................................  

في اوضة ورد 

 ورد بعد ما عرفت انهم لسة مصممين يجوزوها سالم  وانهم حددو الفرح كمان مع كتب الكتاب قررت تهرب وكانت بتحط هدومها في شنطة صغيرة وهيا مقررة تسيب البيت والبلد كلها ومترجعش تاني ابداً اتفزعت اول ما سمعت الباب بيخبط فحطت الشنطة تحت السرير بسرعة وقفلت الدولاب وراحت تفتح 

حنين بابتسامة /  كيفك انهاردة يا ورد؟ 

ورد بكسرة /  خشي يا حنين  ،،  اني مكس*ورة يا حنين،،  اهلي وناسي هما اللي كس*روني

حنين بعتاب /انتي اللي غلطانة يا خيتي،، ايه اللي خلاكي تسكتي ومتدافعيش عن نفسك،، 

ورد بحزن /وهما ادوني فرصة اتحدت،،  ما كان علي يدك كل حاچة،، اتهموني في شرفي،، وصدجو اني عشجانة حد،،  ومحدش دافع عني،، كانهم شايفيني ر*خيصة واعمل اكده 

حنين بحزن / تجومي تزودي الطين بلة،، وتجولي انك حبلة،،  اتچننتي يا خيتي،،  دي كان فيها موتك 

ورد بسخرية / والله الموت يبجي ارحملي،، وبعدين انا جولت اكده لاجل مقهر سالم اللي صدج حديتهم عني ومد يده عليا وكان مفكرني  عفشة ور*خصت نفسي ،، سالم يا حنين اللي انتي خابرة اني عاشجاه اكتر من روحي 

حنين / اعذريه يا ورد،، صعب عليه انه يسمع انك عشجانة حد  ،،  ويتصرف عادي،،  احنا صعايدة،، والرچالة اهنه دمها حامي،، وغضبها واعر جوي 

ورد بغضب/ علي اساس ان چمال ويوسف اخواته مش رچالة،، ده محدش منهم اتحدت معايا بكلمة،،  اشمعني هو اللي يصدج ويعاملني اكده

حنين /عشان هو الكَبير،،  ودراع عمي اليمين،، والعيلة كلها بمشاكلها وهمها محدش شايلها غيره،، يبجي اعذريه يا خيتي،، واتحدتي معاه وجوليله الحجيجة،، وسعتها شوفي هيجف چارك ولا لا 

ورد بجمود /  معدش ينفع يا حنين،، انا ههمل البلد وههرب

حنين بخضة /يا مري،، تهربي تروحي فين،، اوعي يا ورد تعملي اكده،، متفكريش بجلبك،، فكري بعجلك،، اللي بتعمليه ده هيخلي الكل يتحدت عليكي عفش سيرتك هتبجي علي كل لسان 

ورد بحزن / وايه الفرج،،  ما اهلي وناسي بيجوله عني يا حنين وبيتحدتو  ،، ده عِندي اسوأ من حديت الناس  

حنين /وسالم يا ورد،، هتهمليه،، ده حب عمرك اللي دايما تجولي هو اللي مصبرني علي معاملة مرت عمي ليا 

ورد بسخرية /سالم هو اول واحد دب*حني،،  رغم انه كان بيعاملني بجسوة،، بس كنت عاشجاه،، واصبر نفسي واجول بكرة يعشجني كيف منا عاشجاه،، بس يا خسارة هو اول واحد چه عليا وصدج حديت امه،، بس خلاص ملوش عاذة الحديت

كانت واقفة رباب علي باب القوضة بتتصنت عليهم وسمعت كل كلامهم بس اتفاجأت بجمال بيشدها من ايديها وبيجرها وراه لاوضتهم

رباب بتوتر /استني بس يا چمال هفهمك 

جمال مخلهاش كملت كلامها وضر*بها بالقلم علي وشها  

جمال بغضب / اني ياما نصحتك وجولتلك  ملكيش صالح بحد وخليكي في حالك  يا رباب،، بس انتي متجدريش،، عشان طبعك اكده حشرية 

رباب بغضب/انت بتضر*وبني يا چمال 

جمال بغضب /واكس*ر دماغك كمان،، ويمين بالله يا رباب لو شوفتك بتتصنتي علي حد تاني،، ولا بتدخلي في اللي ملكيش فيه  ،، لاكون مغضبك وموديكي بيت ابوكي،، واجوله يعيد ربايتك من اول وچديد،،  وسابها وخرج ورزع الباب وراه 

رباب بغيظ /ماشي يا چمال،، انا هوريك انا اجدر اعمل ايه  وخرجت وراه تدور علي سالم

............................................... 

كان واقف يوسف مع العمال في المصنع  بيتابع الشغل وبيشوف لو في اي مشاكل وشوية وفونه رن فرد  واول ما سمع صوت شهد بعد بعيد عن العمال  والدوشة عشان يعرف يكلمها 

يوسف /انسة شهد،،  كيفك 

شهد حزن /الحمد لله يا استاذ يوسف انت عامل ايه،، واسفة لو ازعجتك 

يوسف بسرعة / لا طبعا ازعاچ ايه،، خير انتي زينة والناس اللي جاعدة عنديهم،، عاملين معاكي  ايه؟ 

شهد بدموع / انا اسفة بس ممكن  تاخدني معاك،، انا مش بثق في حد غيرك لانك انسان كويس واثبتلي انك محترم 

يوسف استغرب وحس ان في حاجة حصلت بس محبش يضغط عليها 

يوسف / خلاص تمام،، هفوت عليكي بليل،، اچهزي وهرن عليكي تنزلي 

شهد باندفاع/ متشكرة اوي بجد،،  اانا هستني مكالمتك،،  بص هفضل جمب التلفون،،  اوعي تنساني والنبي 

يوسف بقلق/انتي زينة،، اچيلك دلوك اخدك 

شهد بحزن / لا شوف شغلك  ،، وانا هستناك وواثقة انك هتيجي،،  مع السلامة  ،، 

قفلت شهد وهيا بتعيط وخايفة  يوسف ميجيش وتفضل قاعدة مع اللي اسمه مهاب ده في مكان واحد ودعت الوقت يعدي بسرعة وقامت تلم حاجتها وتبلغ عم محمد انها هتمشي 

.............................................. 

كان قاعد سالم علي مكتبه بيتكلم في التلفون 

ملك/ وحشتني يا سالم  ،،  اوعي تكون نسيتني

سالم بابتسامة / مجدرش انساكي يا ملك،،  المهم انتي كيفك،، زينة 

ملك بحب/مستنياك،، لسة عندي امل اننا نكون لبعض 

سالم بتنهيدة / جولتلك يا ملك شوفي حياتك،، لاني مش ليكي ولا انتي ليا،، متوجفيش حياتك وكملي  

ملك بحيرة /متوقعتش انك تقؤلي كدة،، افتكرتك هتفرح،، اني مستنياك،،

سالم بتنهيدة / فرحي بعد يومين 

ملك بصدمة /هتتجوز؟ 

سالم بيأس/اه يا ملك،، هتچوز بت عمي 

ملك بهدوء/ بتحبها يا سالم 

سالم سكت وهو بيفكر في ورد واللي قالته اخر مرة وغمض عينه بغضب 

سالم /سلام يا ملك،، اعتقد دي اخر مرة هحدتك فيها  ،،  قفل الخط وهو مخنوق ومضايق كان خلاص مقرر انه هيقف قدام ابوه ويتجوز ملك حتي لو مكنش ده القرار الصح ،، بس جه موضوع ورد واللي عملته خليته ينهي كل حاجة،،  قاطعه خبط الباب ودخول رحمة

رحمة بخبث/فاضي يا سالم،، كنت رايدة اجولك علي حاچة 

سالم باستغراب / تعالي يا مرت اخوي،، جولي في ايه 

............................................... 

في بيت عيلة الاسواني كان الكل متجمع عالسفرة

 كريمة بود/  انتي مبتاكليش ليه يا مريم،، كلي يا حبيبتي 

مريم بخبث /باكل يا خالتي،،  بس الوكل ناجصه شوية ملح  

كريمة بضيق/مسمعتيش يا بدور مريم،،  يلا جومي هاتي الملح،، الوكل عادم خالص 

بصت بدور لماهر وكأنها مستنية يتكلم لكنه اتجاهلها وكمل اكل فقامت بدور بحزن تجيب الملح 

كريمة بمكر / شوفت يا ماهر،، مش بدور چالها  عريسين ورفضتهم،،  كانها مستنية 

مريم بخجل /وه،، متكسفنيش يا خالتي اومال 

ماهر / ده نصيب ياما،، ومحدش خابر نصيبه فين 

كريمة /يابني نفسي اشوفلك حتة عيل  يشيل اسمك  جيل ما اموت 

ماهر بلهفة /بعدالشر عنك يا ما،، متجوليش اكده 

كريمة بزن / مريم اهي،، بت اصول وموافجة تتچوز علي ضرة  ،،  وهتچيبلك الواد اللي نفسك فيه،،  ومرتك خليها علي زمتك مهتظلمهاش 

كانت خارجة بدور وسمعت كلام كريمة حماتها واضايقت وجابت اخرها من تصرفاتها 

بدور بضيق/ ده بدل ما تجوليله حاجي علي مرتك وبيتك،،  رايدة تچوزيه،، وچايبتله العروسة يشوفها جدامي  

كريمة بحدة/ والله الچواز ماهوش عيب وبعدين هو هيتچوز عشان يخلف ومحدش يجدر يلومه،،  مش كفاية مخليكي علي زمته وانتي ارض بور 

بدور بغضب/ شايفاك ساكت يا ماهر،، كانه الحديت عاچبك وعلي هواك 

ماهر بغضب /بدور اتحدتي زين،، ومتعليش صوتك  جدامي،،  امي مش جصدها حاچة،، هيا نفسها تشوفلي خلف 

بدور بعتاب/ ده بدل ما تجولها اني هحب مرتي،، ومش هتچوز عليها،،  ده چزاتي بعد اللي استحملته عشانك منها،، ده اني كنت بتعامل بجسوة وكنت راضية عشانك لاجل ما اكون چارك يا ماهر 

كريمة /عيب اتعلي صوتك علي چوزك اكده،، ايه محدش علمك  تتحدتي مع  جوزك كيف  ،، تربية ايه دي 

بدور بغضب / اني متربية زين واهلي خابرين الاصول زين  ،، الاصول اللي كنت بعاملك بيها يا ام ماهر 

قل*م نزل علي وشها من ماهر قدامهم 

ماهر بغضب/ازاي تتحدتي مع امي اكده،، اتچنيتي عاد 

بدور بصتله بصدمة ودموعها نازلة دي لول مرة يمد ايده عليها وقدام اهله 

بدور بهدوء/ اني رايحة بيت ابوي،، وهو يچيبلي حجي منك يا ماهر،،  وسابتهم وطلعت

ماهر بغضب /لو خرچتي من البيت ده يا بدور مهترچعهوش  تاني 

بدور بابتسامة /  مبجاش في حاچة اهنه اجعد عشانها يا ماهر،،  اللي كنت بستحمل عشانه هاني جدام اهله،، وميستاهلش اجعد جاره ثانية واحدة،،  وسابته وجريت علي فوق 

ماهر اتأثر بكلامها وقعد وهو حاسس بالندم من تسرعه 

كريمة /عين العجل اللي عملته يا ولدي،،  اكده هتتربي،،  عشان متفكرش تعلي حسها عليك مرة تانية،، بس انت اتجل ومتعبرهاش 

............................................

في مكتب سالم

رحمة بخبث/ اني جولت اعدي علي ورد اطمن عليها يعني،،  ولما چيت اخبط،، لجيتها بتتحدت مع حنين سلفتي،، وبتجول انها هتهرب مع عشيجها 

سالم بغضب /انتي بجولي ايه 

رحمة /زي ما بجولك يا خوي،  حنين حاولت تقنعها،، تجعد وتهمل الفكرة العفشة دي،،  بس هيا كانت مصممة،، وبتجول انها مش هتهمل عشيجها وتتچوز راچل تاني 

سالم قام من مكانه وكان  هيخرج بس رحمة وقفته بصوتها وهيا بتترجاه

رحمة /احب علي يدك يا خوي،،  اخوك لو جاله خبر اني جولت حاچة هيطلجني 

سالم بهدوء جحيمي / متخافيش يا مرت اخوي،،  اخوي مهيعرفش حاچة،،  قال كدة وخرج  بغضب وراح لورد 

................................................ 

كان يوسف واقف تحت البيت عند شهد  ،، صوتها قلقه فقرر ميستناش  فظبط شغله وراحلها علطول ورن عليها 

يوسف / انا واجف تحت البيت 

شهد بفرحة / بجد،، انا نازلة حالا،، ثواني بس،،  وقفلت 

محمد بعتاب / برضه مصممة تمشي يا بنتي 

شهد بابتسامة / معلش يا عم محمد،، بابا كلمني وقالي ارجع،، بعد اذنكم 

ام مهاب / خدي بالك من نفسك يا بنتي،،  وابقي طمنينا عليكي 

شهد / حاضر،، سلام،، وسابتهم ونزلت واول ما شافت يوسف،، دموعها  نزلت وحست انها دلوقتي مطمنة  

يوسف /بتبكي ليه عاد،، حد ضايجك،، جوليلي وانا اطلع اجيبلك حجك 

شهد بحزن/ لا،، محدش ضايقني،، بس يلا نمشي من هنا لو سمحت،،  وفعلا ركبو ومشيو سوا 

يوسف /صوتك في التلفون مريحنيش،، عشان اكده چيتلك 

شهد / متشكرة اوي،، انا كنت خايفة احسن متجيش 

يوسف / طب ممكن تحكيلي ايه اللي حوصل،، وضايجك،، وخلاكي تمشي

شهد  عيطت،، وحكتله اللي مهاب عمله والكلام اللي قالهولها 

يوسف بغضب/ ابن ال...  ،، طيب ومجولتليش ليه،، وانا كنت طلعت علمته الادب

شهد بحزن /ملوش داعي،، عم محمد راجل طيب،، وانا مش عايزة اسببله مشكلة في بيته مع ابنه 

يوسف بغيظ/ ده عيل جليل الرباية 

شهد بتردد / هو احنا كدة رايحين فين 

يوسف بحيرة / هنعاود الصعيد،، بيت اهلي 

شهد /طب وهتقؤلهم ايه عني؟ 

يوسف بسرحان /متجلجيش،، انا هحلها 

.............................................. 

دخل  سالم اوضة ورد من غير ما يخبط وبص لحنين وقال بهدوء

سالم/ حنين همليني انا و ورد هبابة 

حنين بصت لورد بقلق وكانت خايفة عليها  ،، بس في الاخر سمعت كلام  سالم  وخرجت،، وسالم قفل الباب وقرب من ورد و........ يتبع

رأيكم يهمني جدااا 

تفاعل جامد بقي عشان انزل الرابع بسرعة 

#ورد 

#بقلمي_اسراء_ابراهيمالبارت الرابع

ورد

ورد بخوف / رايد ايه مني يا سالم 

سالم بغضب/ بجي رايدة تهربي مع عشيجك يا بت عمي،، مش اكده 

ورد بصدمة / عشيجي؟  انت بتجول ايه عاد 

سالم / رايدة تهربي،، وتچيبلنا العار مش اكده 

ورد بخوف /مين اللي چالك اكده،، انا مههربش مع حد يا سالم 

سالم اداها بالقل*م فوقعت عالارض وبصتله برعب وهيا بتقؤل بعياط

ورد / صدجني يا سالم،، اني مش عشجانة حد صدجني،، ولا اعرف حد  واصل  

سالم قرب منها ومسكها من شعر*ها بغضب

سالم/ اني طول عمري بكر*هك بسبب لسانك الطويل ده،، ودلوجتي بكر*هك اكتر يا ورد،، عشان خلتيني هملت البنتة الوحيدة اللي كنت هتچوزها ،  صدجيني هدفعك تمن كل اللي عملتيه ده غالي جوي يا بت عمي،، انا هخلي عيشتك جح*يم،، هخليكي تكر*هي اليوم اللي غلطي فيه وحطيتي شرفنا كلياتنا في الطين،،  ودلوجتي من اهنه لحد الفرح مش رايد اشوف خلجتك،، هتتحبسي اهنه في الجوضة،، وابجي اسمع ان حد فتحلك يا ورد،، 

ساب شعرها بع*نف وخرج وقفل عليها من برة وورد قاعدة في الارض وكلامه بيتردد في ودنها وبقت تل*طم علي وشها وتعيط بقهرة 

..........................................

بليل كان الكل متجمع تحت ما عدا ورد وكانت حنين بتعمل شاي وخارجة بيه من المطبخ 

وفي نفس الوقت دخل يوسف ومعاه شهد 

يوسف / السلام عليكم يا اهل البيت 

الكل رد السلام وفي نفس الوقت بيبصو لشهد باستغراب 

منصور / عليكم السلام يا ولدي،، مين دي يا يوسف

يوسف بابتسامة / دي بنتة محتاچة مساعدة،، فمرضيتش اهملها لحالها يا بوي،، احنا متربناش علي اكده،،  ولا ايه 

منصور بهدوء /عداك العيب يا ولدي،،  تعالي يا بتي اجعدي 

دخلت شهد وباحراج وقعدت معاهم تحت نظرات رحمة الشمتانة وهيا بتبص لحنين  

اما حنين فبصت ليوسف بحزن مش عشان شهد عشان اول مرة يجي من برة ومياخدش باله من وجودها وتشوف لهفته عليها  فقربت منهم وحطت الشاي وقعدت بهدوء 

بهية بهيبة / وانتي ايه حكايتك يا بتي،،  جولي متخافيش كلنا  اهنه اهلك وناسك 

شهد ابتسمت بتوتر وحكت كل اللي حصل معاها واللي عملو يوسف معاها 

شهد /  انا بس محتاجة لمكان اقعد فيه فترة لحد ما بابا يكلمني ويقؤلي انه حل المشكلة دي مع عمي وسعتها همشي علطول 

رحمة بخبث / وماله يا عروسة،، بس مش هينفع تجعدي لحالك اكده،، ده انتي بنتة وكيف الجمر والناس مبتسيبش حد في حاله 

بهية بحدة / ومين جالك انها هتجعد لحالها يا رحمة،،  البنتة هتجعد اهنه وسطينا لحد ما مشكلتها تتحل  

رحمة بمكر / وماله يا عمة،، اهو تونس حنين وتساعدها برضك،،  مش اكده يا حنين

يوسف بص لحنين اللي قامت بهدوء وطلعت علي فوق،، فحس انها زعلت  منه فاستأذن منهم وطلع وراها ورحمة بتبتسم بخبث وهيا بتبص عليهم،، في نفس الوقت دخلت بدور وهيا بتعيط وشايله شنطة هدومها واول ما شافتها بهية اتخضت 

بهية /يا مري،، مالك يا بتي،، بتبكي ليه اكده 

اترمت بدور في حضنها وهيا بتعيط 

بدور بعياط/ ضر*بني ياما،، مد يده عليا جدام امه وبت اختها،،  

بهية بغضب/تتج*طع يده ماهر بن كريمة،،  منه لله هو وامه 

منصور بهدوء/ بطلي بكا يا بدور وجوليلي،،  غلطتي يا بتي  عشان يمد يده عليكي 

خالد بغضب /وه،، وحتي لو غلطت يا بوي،، يرد علي اهلها مش يمد يده عليها الناج*ص ده  ،، يمين بالله العظيم،، لاروحله واكون مربيه الك*لب ده 

منصور بحدة/ خااالد،، احترمني عالاجل ومتعليش صوتك في وجودي يابن منصور 

خالد بأدب/حجك عليا يا بوي،، اني مرايدش  ابن الاسواني يفتكرنا جليلين،، وانه عادي يمد يده علي حريمنا 

منصور بهدوء/جوليلي يا بدور اللي حوصل،، ولو مطلعتيش غلطانة،، حجك هيچيلك لحد عندك،، احكي يا بتي

............................................. 

كان قاعد سالم مع صالح صاحبه الانتيم من وهما صغيرين 

صالح /ايوة انا بدي افهم،، هتتجوز بت عمك كيف يا سالم وانت كنت ناوي تتچوز المصراوية 

سالم بتنهيدة / مخبرش يا صالح،،  انا ابوي حكم اني اتچوز ورد،، واني لازمن انفذ حديته،،حتي لو مش بخوطري  

صالح بخبث /طب و ورد،،  موافجة يا سالم 

سالم بغضب /وهيا تجدر تجول لا،، طب ده انا كمت جتلتها،، 

صالح باستغراب/ والله يا سالم،، اني حاسس ان في حاچة تانية،، بس مش هضغط عليك يا صاحبي،، بس رايدك تعرف انك طالما وافجت،، يبجي خلاص تهمل المصراوية دي،، وتتجبل ورد و انها هتبجي  مرتك  

سالم بضيق/ما هو ده اللي مضايجني يا صالح،،  اني مرايدش ورد،، اني بكر*هها،، لانها بت عمي اللي كان السبب في موت چدي الله يرحمه و فرج بينه وبين ابوي 

صالح / اللي فات مات يا سالم،، واللي حوصل زمان،، متعاقبش ورد عليه دلوك،، البنتة ملهاش ذنب يا صاحبي ياريت تراجع حساباتك وتعجل اكده وتفكر زين 

سالم  بتنهيدة / اني هجوم اعاود عشان ابوي،، واوعاك متچيش الفرح بكرة يا صالح،، هك*سر عضمك 

صالح بضحك/ لا،، متخافش،، اني هاچي عشان اشمت فيك 

سالم بضحك / متجلجش،، بكرة تلاجي بت الحلال،، اللي تخطف جلبك،، وتخليك تخش برچليك السجن  ،، يلا سلام عاد.. 

........................................... 

في اوضة حنين ويوسف 

يوسف بحب/ شكل الجمر واخد علي خاطره مني،، 

حنين بصتله بعتاب ودورت وشها فقرب يوسف وقعد جمبها 

يوسف/ وه ده بجد بجي،،  مالك يا حنيني  محارباني ليه عاد 

حنين بعتاب/ يعني مش خابر يا يوسف،،  

يوسف / والله ما في نيتي حاچة من ناحية البنتة دي،،  انتي خابرة انك في جلبي يا حنين ومحدش هيجدر ياخد مكانك واصل 

حنين ابتسمت  / واني مجصدش عالبنتة يا يوسف،، اني واثجة فيك اكتر من روحي،،  وخابرة انك مهتشوفش حد غيري واصل ،،  اني خدت علي خوطري لما لجيتك دخلت وكأنك مش شايفني،، مشوفتش لهفتك عليا كيف ما بيحصل كل مرة،، جلبي وچعني جوي يا يوسف

يوسف كان بيسمعها وقلبه بينبض بحبها فابتسم بعشق ومسك ايديها وباسها 

يوسف /حجك عليا يا روح وجلب يوسف،، بس موضوع البنتة ده كان شاغلني،، وخفت احسن ابوي ميوافجش انها تجعد اهنه،، والبنتة غلبانة وملهاش حد 

حنين بحب / واني مسامحاك يا يوسف،، بس معدتش تعملها تاني،، عشان اني كيف العيلة الصغيرة اللي متعلجة بابوها ،، لما تحس انه اتشغل عنها ،، ولا حد شاغله غيرها،، بتزعل وبتاخد علي خوطرها ونفسها بتتك*سر 

يوسف اخدها في حضنه وتبت فيها اوي 

يوسف / يخليكي ليا يا حنين،، انتي نعمة كبيرة،، بحمد ربنا عليها كل يوم  

..............................................

تاني يوم كانت البلد كلها بتحضر لفرح سالم منصور السوالمي وده من حب الناس فيه وبليل اتكتب الكتاب وسمعت ورد صوت الزغاريط فعرفت انها خلاص بقت مراته 

وكانت قاعدة وسط الحريم وحاسة انها من غير روح نفسها لو تقوم تهرب بس للاسف مفيش كانت بترد الكلام بالعافية وحنين قاعدة جمبها بتواسيها 

حنين / ورد،، ابتسمي يا خيتي،، الحريم بتبص عليكي،، باين عليكي انك مغصوبة واكده الناس هتتحدت 

ورد بحزن / سالم مفكرني كنت ههرب مع عشيجي يا حنين،، شوفتي بيفكر فيا كيف،، للدرچادي اني رخ*يصة،، ولا عشان مليش حد يدافع عني 

حنين بحزن /خلاص يا ورد،، وانتي مبجتيش لحالك،، انتي بجيتي مرت سالم كبير الدار والبلد كلها،، انتي بس حاولي جربي منه،، ولازمن تخبريه الحجيجة يا ورد،، عشان صورتك تتغير جدامه

ابتسمت ورد بسخرية / تفتكري حتي لو جولتله،،  هيصدجني،، ولا هيكر*هني اكتر 

حنين / مش مهم،، المهم انه يعرف الحجيجة،، وانك اشرف بت في الدنيا يا جلبي 

ورد سرحت في كلام حنين وبقت تفكر في حياتها مع سالم ،، 

اما برة فكانت واقفة قدام البيت شهد بتتفرج عالخيل وهو بيرقص بانبهار لانها حاجة جديدة عليها وكانت بتبتسم  بسرحان في حلاوة الفرح الصعيدي  وانتبهت بفزع علي صوت صالح اللي بيزعقلها 

صالح / انتي مين يا بت انتي،،  وكيف تجفي اهنه عند الرچالة،، ايه مفيش حيا 

شهد بصتله بغضب / انت مين عشان تزعقلي كدة،، ثم انا واقفة في بيتك عشان تقؤلي اقف ومقفش 

يوسف شافهم وقرب بسرعة عليهم 

يوسف / شهد بتعملي ايه اهنه،،  وانت يا صالح بتزعجلها ليه عاد 

صالح بغضب/ انت تعرف البنتة دي يا يوسف،،  انا فچأة لجيتها اكده اهنه،، وواجفة ناحية الرچالة،،  ولا حتي مختشية منهم 

يوسف بعتاب/ايه اللي خرچك يا شهد،، مش الحريم كلهم چوة

شهد ببراءة / انا سمعت صوت الاحصنة،، فطلعت اتفرج عليهم،، وفجأة لقيت الشخص ده بيزعقلي  وانا مكلمتوش اصلا 

صالح بنفاد صبر /اللهم طولك يا روح 

يوسف بهدوء/خلاص يا شهد،، حصل خير،، بس اهنه في البلد،، ممنوع الحريم تخرج لحالها اكده،، يلا ادخلي چوة 

شهد حركت دماغها بأه وبصت لصالح بغضب  

شهد /انا اسفة يا يوسف،، بس انا مكنتش اعرف عوايدكم هنا،، بعد اذنك 

يوسف بابتسامة / ايه يا صالح،، خوفت البنتة منك،، في حد يتحدت مع حريم اكده 

صالح باحراج/ اني مجصدش،،  اني افتكرتها بنتة من البلد اهنه،، مكنتش خابر انها مش من اهنه ومتعرفش عاداتنا وتجاليدنا 

يوسف بضحك/ حصل خير،، يلا نشوف سالم،، حاكم اني حاسس انه علي اخره،، وشوية وهين*فجر فينا 

.......................................... 

كانت داخلة رباب قوضة سالم و ورد وهيا بتتسحب  وطلعت من جيبها  ورقة وحطتها فيها طوبة وكرمشتها بايدها ورمتها في الارض تحت الشباك  وطلعت جوابين تاني وراحت عند الدولاب وفتحت ضرفة ورد  ودفنت الجوابين بين هدوم ورد وقفلت الدولاب تاني 

واتنهدت بشماتة  وخرجت من القوضة براحة وقفلت وراها الباب  بس خبطت في شهد اللي كانت معدية من قدام القوضة فاتصدمت رباب واتوترت وشهد استغربتها 

شهد /انا اسفة،، مخدتش بالي منك،، عشان كدة خبطت فيكي 

رباب بتوتر/ هه طيب ،،  بس ابجي خدي بالك بعد اكده يا عروسة،، وسابتها وجريت علي تحت وشهد استغربت تصرفاتها،، بس كملت طريقها لاوضتها 

رباب نزلت تاني مع الحريم وكانت بتبص لورد بخبث وشماتة من اللي هيحصلها 

خلص الفرح ودخلت ورد الاوضة وهيا مرعوبة من سالم وكانت متوترة اوي وشوية ودخل سالم  ورزع الباب فاتنفضت ورد 

سالم بسخرية / كانك بتخافي زي البنتة مش اكده 

ورد / ومخافش منك ليه يا سالم،، كانك ممدتش يدك عليا جبل سابج 

سالم قرب منها ومسكها من وشها واتكلم وهو مقرب وعينه في عنيها  

سالم / صدجيني،، اللي شوفتيه مني جبل سابج،، غير اللي هتعشيه معايا وانتي مرتي  ،،  اني هخليكي تجولي حجي برجبتي 

ورد زقته بغضب بعيد عنها 

ورد/  واني طول منا مظلومة،، هفضل اجف جصادك،،  ومهضعفش ابدا يا سالم حتي لو بموتي 

سالم سمع صوت ابوه وهو بينده عليه  فابتسم بسخرية

سالم /ابوي مستني،، مفكرك بنت بنوت،، ميعرفش انك رخي*صة و

ورد بغضب/اخرررس،، اني اشرف منك ومن الف بنتة تعرفهم،، كانك فاكرني هسكتلك،، لا اني بنت عزيز السوالمي يا سالم،، اوعاك تنسي نفسك،، ودلوك هسيبك تجربلي،، بس لما تعرف اني بريئة ونضيفة،، سعتها هاخد حجي منكم نفر نفر  

سالم باستغراب/انتي بتجولي ايه،، وجصدك ايه بحديتك ده عاد

ورد بصوت مهزوز/ جصدي انكم دوستم علي عر*ضي وشر*في،، انت وامك وحتي الراچل اللي كنت بجول عليه حنين عليا،،  داس علي شر*في كيف ما انتو عملتو،، وصدج عني الحديت العفش،، بس لا،، اني هثبت للكل اني انضف واطهر بنتة في البلد بس سعتها،، نا*ري هتحر*جكم يا سالم وانت اولهم 

سالم بصلها ومتكلمش كان عقله متشتت ومش عارف يصدقها ولا يصدق كلام امه واللي هيا قالته بلسانها بس حسم قراره وقرب منها و......... 

البارت الخامس والسادس من هنا