رواية الاشقياء_الثلاثة بقلم_فيلوفوبيا الجزء_الثالث حصريه وجديده على مدونة أفكارنا
 |
رواية الاشقياء_الثلاثة بقلم_فيلوفوبيا الجزء_الثالث حصريه وجديده على مدونة أفكارنا
عصام/همسة بالشهر التامن.....مبارح خبرتني رزان انها بلشت تتواصل معها و بلشت تحكي
انا كتير متفائل بهالشي...ومتفائل انو همسة ترجع متل ماكانت...وعوضها عن كل شي صار/
عصام:حبيبتي...شو رأيك نفطر سوا اليوم
همسة:______
_قربت منها ومسحت على شعرها وحكيت بنبرة حنونة_
عصام:حبيبتي....همسة..انا عصام زوجك...يلا ياعمري تعالي نفطر سوا
همسة(بصوت واطي)ظالم
عصام:قلتي شي حبيبتي
همسة(صرخت)ظااااالم...عصام ظالم...عصام ظالم..عصام ظالم
عصام:اهدي...اهدي همسة اهدي
همسة:بعد عني!!!.....لك بعد عنييي...بعد عني
_صار ترجف كلها من فوق لتحت....عيونها جحظو و بلش العرق يتصبب منها...ماعرفت شوبدي اعمل..رفعت جوالي وطلبت رزان_
_بعد ساعة_
رزان:انا عطيتها ابرة مهدئ رح تنام عليها
عصام:مابعرف شو صرلا عنجد
رزان:انا طلبت منك تبعد عنها هالفترة واضح انك ستفزيتها
عصام:انا بس قلتلا تفطر معي وزكرتا بحالي..صارت تقول عصام ظالم عصام ظالم
رزان:اوووف....لاتحاول تتقرب منها كرمال ماتزيد الامور تعقيد...انا ماصدقت وصلت لهون
عصام:طيب(تنهد)رح حاول
رزان:انت ماحكيتلي كيف تعرفت على همسة...انا بعرف انك كنت تحب بنت تانية وقت طلعت من بيت اهلك
عصام:اي....كان عمري 20 سنة وقت حبيت روعة ولانو بدي اتزوجها اهلي عارضو
حاولت اقنعهن كتير بس بقيو على موقفهن...قمت هربت انا وياها وتزوجنا بالسر...بقينا مع بعض شي 3شهور ونفصلنا...ههههه تاري الزواج مو لعبة واكبر من ماكنا متخيلين
رزان:ليش نفصلتو؟؟
عصام:اااه...اجو اهلها اخدوها غصب عنها و هددوني اذا مابطلقها رح يتهموني باني خاطفها ومعتدي عليها مع انو ورقة كتاب الشيخ كانت معي بس ماستفدت شي و انجبرت طلقها وبقيت عايش لحالي و اخد موقف من اهلي لانهم لو وافقوني كنت هلأ معها و مبسوط بحياتي و اكيد عندي اطفال
رزان:يعني بتندم على زواجك من همسة؟
عصام:لا...مابندم...انا بحبا لهمسة بس حياتي معها متعبة
رزان:هالشي من ايدك ولا شو رأيك انت؟
عصام:ايه...صار عمري 35 سنة و ماعندي طفل يناديني بابا زواجي من همسة متسرع و غلط..اخدتها طفلة و مابعرف عنها شي وليكني عم عض اصابعي ندامة لاني تزوجتا
رزان:كيف تعرفت عليها
عصام:كانت عم تمشي بالشارع وهيه عم تبكي...لفتت نظري بجمالها...مالقيت حالي غير موقف سيارتي وعم حاكيها......
___________
عصام:خير يا انسة شبكي
همسة(تبكي)مشان الله ساعدني
عصام:شوصاير معك خير
همسة:انا هربانة من دار الايتام ومابعرف حدا ومالي حدا
ساعدني الله يخليك
عصام:طيب شوفيني اعملك؟
همسة:مابعرف...ماعندي قرايب ولا اهل...ساعدني الله يخليك ساعدني!!!
_____________
عصام:اخدتا معي وستأجرتلا غرفة بفندق...بقيت فيها فترة....حاولت دورلا عن قرايب ماقدرت اوصل لشي
ومالقيت حالي الا شوي شوي عم حبا و اتعلق فيها
طلبت منها الزواج لما يئست اني لاقيلا قرايب وهيه وافقت فورا و تزوجنا وعملنا عرس صغير على قدنا كوني انا وحيد و هيه وحيدة
رزان:انت تسرعت بهالزواج
عصام:ما انا كنت يابدي اتزوجها يابدي اغلط معها...انتي شفتيها كيف جمالها بيسحر...بوقتها كانت احلا وعم تشع متل الشمس...خفت عليها من حالي لهيك تزوجتا
و قلت لحالي وحدة متلا مارح يفرق معها خلافي مع اهلي...بس ااااه...طلعت اهبل...وماعرفت انها كانت تحب حدا قبلي
رزان:قمت حكمت عليها باقسى حكم و عاقبتها اقسى عقوبة
عصام:انا مابقبل حدا يقرب من الشي الي بيخصني كان لازم حط حد لهالشي
رزان(هزت براسها)طيب...رح امشي هلأ وبكرا جيبها لعندي
عصام:طيب..الله معك
رزان:لحظة.....عصام!
عصام:نعم؟؟
رزان:انت اديش بقيت عايش بييتك لوحدك؟
عصام:موكتير...اجا رفيقي وعاش معي لانو هو التاني هرب من اهلو
رزان:اها...طيب سلام
رزان/في نقاط جديدة بلشت تظهر...عصام و باسل كانو اصدقاء!...مومعقول يطبق كلام باسل وعصام صدفة!
بس ليش اختلفو و انتهت صداقتهن؟؟
شو الخلاف الكبير الي ممكن يخلي صداقة بهالعمق هاد تنتهي بهالشكل
لازم اوصل للحقيقة بأي شكل...ولازم اعرف ليش بعدو عن بعض
حاولت فتش بتاريخ باسل قبل ما اعرفو...بس ماوصلت لشي....بس انا مارح استسلم لاعرف الحقيقة كاملة/
_بعد فترة_
رزان:اي همسة...حكيلي...
همسة:كنت بحبو كتير...بس هو تركني
رزان:اي
همسة:مابعرف ليش تركني...بس خلاني وحيدة مرة تانية
رزان:شو اسمو؟؟
_طلعت فيني همسة بنظرة جامدة...بدون ماترمش او نظرها يرف..مابعرف ليش هالنظرة خوفتني منها_
همسة:نسيت!
رزان:معقول حدا بينسى اسم حبيبو؟
همسة:انا
رزان:طيب....بعد ماتركك تعرفتي على عصام؟
همسة:اي...وتزوجتو...بس
رزان:بس شو؟؟
همسة:صدقيني...انا ماخنت عصام...انا ماحبيتو يمكن بس حاولت كتير اني حبو...حاولت اقنع حالي بانو هو نصيبي من الحياة و لازم اقبل...كنت منيحة وكان كل شي زابط لحد ما اتصل فيني......
_بحبك!
همسة:عفوا...مين عالخط!
_اشتقتلك!
همسة(بارتباك)مين معي!!
_معقول تنسي صوتي؟!
همسة:(رجف قلبي...و ايديي بردو....حسيت كأنو الدنيا دارت فيني..بلعت ريقي بصعوبة بس حتى اكتم دمعاتي..بس رجفة صوتي غلبتني!)
_شو؟...تزكرتي!
همسة(بصوت عم يرجف)ليش انا ايمتا نسيت!
_(تنهد)بحبك....بحبك اد كل شي...و اد الدنيا كلها
همسة:الله يخليك لاتقولها و تفتح جروحي....انا متزوجة
وعصام منيح معي لاتخربطلي حياتي بترجاك
_مابيهمني عصام ولا وجودو....انتي الي بتهميني وبس
همسة:ليش تركتني!
_غلطة...اكبر غلطة بحياتي...فكرت حالي رح اقدر عغيابك بس ماقدرت...انجبرت اتركك...كرمال كل شي
همسة:انا حامل!بالشهر السادس
_(غص و اختنق بانفاسو)هه...مبروك
همسة:متل مابعدت خليك بعيد...وخليني مع عيلتي..عم ادعي السعادة...انا بحبك...صدقني لهلأ بحبك
بس انت مو نصيبي..ساعدني انساك و ارضى بنصيبي
_انا ندمان كتير....ندمان لاني ضيعتك من ايدي...وندمان لاني سمحت انك تتزوجي غيري
همسة:انت ضيعتني....دمرتني....(تبكي)لك انا تزوجتو غصب عني...انا تعبت و انا عم مثل اني بحبو...وانا بكل دقيقة عم حبك الك...ومابعرف كيف بدي اوصلك!!!ولا وين بدي شوفك
_بترجاكي لاتبكي
همسة:مافي شي مصبرني غير الولد الي ببطني...عم انطر جيتو بالدقيقة...كرمال انسى عذابي .....و بدي سميه على اسمك كرمال ناديلك براحتي
_رح يجي يوم و اقدر رجعك لحضني...ومارح تفارقيني بعدها ابدا.....انا بحبك....بحبك...بحبك
همسة:(تبكي)و انا بحبك كمان..تعال خدني من هون بسرعة
__________________
همسة:بعدها اجا عصام....و حكا عالتلفون معو وهددو
و بلش فيني ضرب....ما اعرف من وين عم يجيني الضرب...بايديه و برجليه...حتى اخر شي فك حزام بنطلونو و صار يضربني فيه...ماعاد فيني قوة قاوم
حسيت اني ارتخيت وماعاد شفت شي بعيوني
صحيت...لقيت ابني رايح!! وجسمي مكسر
مابعرف اديش بقيت غايبة....بس اسمعهن عم يقولو ارتجاج بالدماغ!
كنت بدي احكي بس ماقدرت....ومابعرف...شوكان فيني قبل ما اتعرف عليكي...كل اللي بعرفو انو شريط حياتي انعاد الاف المرات بخيالي...وشريط ضرب عصام الي
هاد الي بعرفو
رزان:(تنهدت)ااااه....طيب والحمل ماكنتي حاسة فيه!
همسة:ابدا...حتى اجيتي انتي وساعدتيني وطالعتيني من الشي الي كان حابسني
رزان:طيب....بيكفي اليوم...منكمل بكرا
همسة:انا بدي اتطلق من عصام
رزان:بس انتي ولادتك قريبة!
همسة:بدي اتركو وربي ابني لوحدي....وبدي احبسو كمان
رزان:ليش!!
همسة:حقي!....انتي قلتي انو صرلي 4سنين بحالة جمود
وبسبب مين...بسبب عصام..انا بدي اشتكي عليه و بدي مساعدتك
رزان:وكيف!
همسة:بدي ياكي تخليه يحكيلك كيف ضربني و تسجلي صوتو...وبدي ملفات المشفى الي اسعفني عليها
رزان:امممم....وكيف رح تربي ابنك!
همسة:متل اي ام...بتربي ابنها لوحدها....بشتغل وبصرف عليه
رزان:شوبتعرفي تعملي
همسة:(ابتسمت)بعرف اطبخ!
رزان/مافيني اوصف حجم صدمتي بكلام همسة!
بتعرف تطبخ؟...معقول تكون هيه حبيبة باسل القديمة!
بس هو قال انها ماتت!....مومعقول تكون مجرد صدفة
بعد ماراحت همسة...قررت فتش عن الحقيقة
رحت على مطاعم باسل واحد واحد....وشفت المدير بكل مطعم و استفسرت عن بنت كانت تشتغل تحت ايد باسل
و بعد جهد كبير قدرت اوصل للحقيقة البدي ياها
وبعد كم يوم طلبت همسة لعندي/
رزان:تفضلي....تسجيل صوت عصام وهو عم يعترف كيف ضربك
همسة:عنجد شكرا كتير
رزان:وملفات المشفى قدرت جبلك ياهن عن طريق علاقاتي مع الاطباء
همسة:انا مابعرف كيف بدي اوفيكي حقك عنجد
رزان:انا عطيتك البدك ياه....وبدي ياكي تعطيني البدي ياه
همسة:كيف يعني!
رزان:حكيلي....كيف تعرفتي على باسل!
همسة:(حاولت تدارك صدمتها و عملت حالها مابتعرف عن شو عم احكي)باسل؟؟؟
رزان:حكيلي همسة...وثقي فيني...انا مارح خبر عصام بشي...خبريني كيف تعرفتي عليه!
همسة:كيف عرفتيه؟
رزان:ههه....قوليلي...بقلك كيف بعرفو
همسة:انا هربت من الميتم بعمر 17....لانو كنت كتير اتعذب هنيك....ماكنت بعرف حدا...ولابعرف مكان روح عليه....وصلت لجنب مطعم...وكنت جوعانة
بقيت واقفة حتى شوف حدا..ممكن يساعدني
بس بعدين قررت ادخل....سألت عن مدير المطعم و رحت لمكتبو....
همسة:الله يخليك شغلني عندك...بعمل اي شي...بكنس بمسح طاولات بنضف..بعمل اي شي بس شغلني والله مالي حدا
ربيع:يابنتي والله ماعندي شاغر حطك فيه
همسة:(تبكي)مشان الله عم قلك
_وفجأة مالقيت الا شب فتح الباب و دخل....كان كتير حلو...الرجال الي كان عم يحكي معي قام من مكانو ورا المكتب وخلاه يقعد..._
باسل:تفضلي يا انسة
همسة:اناا.....انااا بدي اشتغل عندكن بالمطعم...بعمل اي شي بس شغلوني انا كتير بحاجة هالشغل صدقني
باسل:شو اسمك؟
همسة:اسمي همسة وعمري 17
باسل:شوبتعرفي تعملي؟
همسة:بكنس وبمسح و بجلي و بنضف الي بدك ياه
باسل:امممم....مارح تعملي شي من هدول...رح تشتغلي ويترس....يعني غرسونة
همسة:اي...اي كتير منيح بشتغل هي الي قلت عليها
باسل:ههههههه....طيب قعدي...يا ربيع من بعد اذنك جيب للانسة شي تشربو و اليونيفورم تبع المطعم
ربيع:حاضر
باسل:اي ياهمسة...حكيلي قصتك وبوعدك ساعدك
_كان لما يطلع يطلع فيني يخليني احكي كل شي جواتي بدون ارادة
حكيتلو قصتي...و امنلي مكان نام فيه....غرفة صغيرة جنب المطعم
صار كل يوم يجي...ويسلم عليي و يطمن عني
نظراتو الي كانت غير...غير عن نظرات كل البشر
وبيوم......
باسل:همسة...سلمي الي بأيدك وتعالي عمكتبي
همسة:حاضر!
_بالمكتب_
همسة:خير استاذ
باسل:لاحظت نظرات الناس الك بالمطعم
همسة:اي؟
باسل:اي..رح تنتقلي للمطبخ وتتعلمي الطبخ مني
همسة:بس.....
باسل:بدون بس....رح تصيري وين مابروح بتروحي معي
انا عندي 4 مطاعم و كل يوم بطبخ بمطعم....ف انتي كل يوم رح تكوني معي وتشتغلي تحت ايدي
همسة:بس انا رح لبكك لاني مابعرف شي بالطبخ
باسل:وانا رح علمك كل شي....المهم تبعدي عند نظرات الشباب الك
همسة:حاضر.
باسل:روحي سلمي اللباس و بدلي تيابك لنطلع سوا
همسة:طيب...بالاذن
باسل:لحظة....همسة!
همسة:نعم
باسل:انتبهي...و ديري بالك....لاني عم بلش حبك!
____________________
من هون بلشت قصتنا....صرت اتعلم منو الطبخ...و اشتغل تحت ايدو...ياخدني معو وين ماراح
(ابتسمت)بعترف اني جننتو حتى تعلمت...بس هو كان بالو طويل...وكان الحب مبين من عيونو
رغم عصبيتو عالكل...الا معي كان يبقى مبتسم
كان يستغل اي فرصة نكون فيها لوحدنا...حتى يعبرلي عن حبو الي...بس انا كنت اخجل كتير وماعترفتلو بمشاعري حتى مرة كان عنا قالب كيك لعرس
بوقتها اختارني انا حتى ساعدو...وطلب من الكل يروحو لبيوتهن....كانت الدنيا ليل ومافي غيرنا بالمطبخ
عجنا الكيك سوا....و زيناه سوا.....
باسل:يلا همسة...جيبي وردات السكر لنحطهن بأماكنهن
همسة:حاضر....باسل!!
باسل:عيونو
همسة:خليني انا وزع الوردات
باسل:تكرمي....تفضلي
_وزعت الوردات بعناية...وكنت كتير حذرة لاخرب شغل باسل....ولما خلصت...كان القالب كتير حلو..ومنظرو بيشهي...من فرحتي صرت نط....وحضنت باسل!_
همسة:انا شوعملت!!
باسل:ههههههه....خليكي بين ايديي لاتبعدي
همسة:مابيصير هيك!
باسل(همس)بحبك
همسة:و انا بحبك....بحبك كتييييير كتير
(بعد وجهي عنو وطلع بعيوني وعيونو عم يلمعو)
باسل:ايمتا بدك نتزوج!
همسة:نتزوج؟
باسل:طبعا
همسة(بخجل)مابعرف!!
باسل:على اول السنة منيح؟ليلة راس السنة...كرمال نبدا سنة جديدة ونحنا سوا
همسة:اي..منيح
_بس ماصار شي من هاد....اخر ليلة كنا فيها سوا هيه ليلة عرس رفيق باسل...يلي هو كان صاحب الكيك
بوقتها طلبو من باسل يقطع الكيك مابعرف ليش ندهلي ساعدو....قطع الكيك و حطو بالصحون...و انا ساعدتو
ماحسيت بشي موطبيعي ابدا و ليلتها وصلني على بيتي
وحسيت كأن عم يودعني!_
همسة:يلا حبيبي تصبح على خير
_مسك ايدي و شدني لجوا السيارة_
باسل:لحظة همسة
همسة:شوفي؟
باسل:انا كتير بحبك...من كل قلبي بحبك
همسة(ابتسمت)و انا كمان
باسل:انتي عوضتيني عن كل المر الي دقتو بحياتي
همسة:باسل شو في؟
باسل:بدي احضنك بتسمحيلي؟
همسة:انا....
باسل:او قلك مارح انطرك لتسمحيلي
_حضني بكل قوتو...مابعرف ليش حسيتو كتير حزين
بوقتها.....بعد ماحضني...باس خدي...وسمحلي انزل من السيارة....رحت لغرفتي الي ورا المطعم ونمت و انا عم احلم بزواجنا
بس مرق بعدها اول يوم....و تاني يوم و اسبوع وباسل مابين....سألت عنو بالمطعم قالو ماعم يجي
حاولت اتصل فيه خطو مسكر ومابعرف رقم بيتو
نطرتو كتير...وشتقتلو كتير
وبعد 15 يوم....وصلني منو مبلغ مالي...ورسالة بيعتذر مني فيها عن انو يكمل معي...وطلب مني فضي الغرفة بأسرع وقت
ماستوعب عقلي اللي صار....و انهرت وبكيت كتير
حملت غراضي....وطلعت من الغرفة...و انا ماشية بالشارع لقيت عصام بوجهي...مابعرف كيف القدر جمعني فيه...وباقي قصتنا بتعرفيه_
همسة:دورك هلأ....حكيلي من وين بتعرفي باسل؟
رزان:بس يصير الوقت رح تعرفي
همسة:طيب....بالاذن
_____________
رزان/بحكاية همسة و باسل...شفت الجانب الي مابعرفو بشخصية باسل....الجانب العاشق و الرومنسي...كتير تصرفات الو حكتها همسة....بينتلي انو باسل مابيحبني
او هو يمكن تغير عندو مفهوم الحب من بعد همسة
بس لسا في شي مو واضح
شو هو الشي الي ممكن يخلي باسل يتخلا عن همسة بهالبساطة....اكيد شي جوهري و كبير
وانا لازم اعرفو.....بس كيف!!
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق