رواية الاشقياء_الثلاثة بقلم_فيلوفوبيا الفصل الاول حصريه وجديده على مدونة أفكارنا
 |
رواية الاشقياء_الثلاثة بقلم_فيلوفوبيا الفصل الاول حصريه وجديده على مدونة أفكارنا
المقدمة
همسة......باسل......وعصام
3 أشخاص... بــ 3 قصص مختلفة ... ومنعطفات كتير مشتركة
الحياة مابتعطينا الي منتمناه.....بتعطينا الي منستحقو!
بس ياترى ابطال قصتنا استحقو الاشياء الي صارت معهن؟
ياترى ممكن الشمس تولد من رحم الظلام؟
والعدل يتحقق وسط الظلم؟
ياترى بعد كل الظلم اللي دقناه رح ينصفنا القدر لو شوي؟!
الجزء_الآۆلْ
كنت قاعد معها بالمقهى....متل العادة شاردة و عيونها مافيهن غير الفراغ...متمني كتير لوفيني شوف ضحكتها
بعرف اني قسيت كتير عليها بالفترة الاخيرة...بس هي سبب كل شي عم يصير معها...انا ماعملت شي غير اني عاقبتها على غلط كبير ارتكبتو معي
بس هلأ انا مسامحها وبدي ياها ترجع متل ماكانت و أحسن
عصام:يلا حبيبتي كلي من ايدي هاللقمة......ايوااا صحة و هنا
همسة______
عصام:(بضحكة مصطنعة)كلهن كم شهر و بيجي البيبي و بيملي حياتنا
همسة:______
عصام:حلو هالمطعم موهيك!
_سكوت سكوت سكوت كل الوقت....كيف عايشة مابعرف!!
تحولت من زوج....لجليس لزوجتي....كل امورها انا برعاها
حتى الامور الشخصية....انا بلبسا و انا بحمما و انا بطعميها...انا بمشط شعرا...و انا بنيمها...وكأنها طفلة
بتفتقر لأبسط قدرة تخليها تعرف تعيش
و كأنها اختارت الطريقة الاصعب لتعاقبني عاللي عملتو فيها...لانها بتعرف تمام المعرفة اني مابقدر اتخلا عنها ولا بأي شكل و انا عم طعميها سمعت صوت ناعم عم يناديني_
رزان:عصام!....هاد انت؟
عصام(باستغراب)اي انا مين حضرتك
رزان:لك انا بنت جيرانكن رزان شبك!!
عصام:رزان؟؟ااااه....قصدك جيران بيت اهلي؟
رزان:لك اي....كيفك انت...مومعقول شو متغير
عصام:الحمدلله تمام....تفضلي تفضلي قعدي معنا
رزان:لامابدي ازعجكن
عصام:لا مافيها ازعاج...همسة مابتدايق
_مدت ايدها رزان لتصافح همسة_
رزان:مرحبا....انا رزان
عصام:لاتعزبي حالك...قعدي
رزان:(باستغراب)...فيها شي رفيقتك؟
عصام:هه....لا.....هيه هيك على طول
رزان:مريضة نفسية
عصام:شوعرفك!
رزان:هههه ما انت تركت كل شي ومشيت...انا كبرت و درست علم نفس و صرت طبيبة نفسية كمان
عصام:كل هاد!
رزان:شايف...(ابتسمت)مرتك؟
عصام:اي
رزان:ماعرضتها على طبيب نفسي؟
عصام:لاوالله
رزان:بتخاف يحرموك منها
عصام:انتي من وين اجيتيني وبتعرفي كل شي!!
رزان:هههههه.....من عيونك واضح
عصام:هيه ماكانت هيك....صار معها حادث و غيرها كتير
رزان:طيب....بتسمحلي عالجها....وبوعدك انو هالسر مايطلع لبرا...ويكون علاج سري
عصام:ما....مابعرف
رزان:انت بتحبا....حرام تتركها حبيسة هالمرض هاد
عصام:خليني فكر....حكيلي...شواخبارك انتي....اهلي كيفهن
رزان:تمام....اهلك مناح و طبعا مشتاقينلك كتير...
و انا مخطوبة لرجل اعمال..وعرسي الصيف الجاية
عصام:برافو...فرحتلك عنجد
رزان:امك قلبها ناطف عليك
عصام:غيري هالموضوع اذا سمحتي
رزان:مارح غيرو....لان الي عملتو غلط كبير
عصام:هنه خلوني اعمل هيك هنه جبروني انا مالي ذنب
رزان:ااااه....ايمتا رح تجيب مرتك لعندي لنبدا بعلاجها
عصام:شوو اخدتي القرار عني؟
رزان:وضعها صعب...مبين هالشي...ولازم تعرف انها ضروري تكون راجعة لوعيها قبل موعد ولادتها
عصام:بس هيه لسا بالشهر الخامس
رزان:اي....فكرك 4 شهور ممكن ينعمل فيهن شغل كتير؟يادوب تستعيد وعيها فيهن مو اكتر
عصام:و اذا مااستعادت وعيها
رزان:احتمال تخسرها...او تخسر ابنك
عصام:بس انا رح ولدها قيصرية
رزان:ولو كان....يمكن ماتتحمل تشوف البيبي ادامها و تحاول تقتلو
عصام:معقول!!
رزان:كتير
عصام:طيب..عطيني رقمك لاتواصل معك و شوف كيف رح نسق جلسات العلاج
رزان:سجل عندك
_ماكنت بعرف معنى كلمة متل القضاء المستعجل قبل ماشوف رزان....كتير كانت مصرة على علاج همسة
ومندفعة لهالشي
وقت رجعت عالبيت...بدلت تياب همسة و نيمتها
وقت بتنام بحس كأنها رجعت همسة القديمة...اللي مافيها شي...واللي مملية عليي حياتي و بيتي
تلمست بطنها بايدي...عم يكبر بسرعة...والجنين جواتو عم يتحرك...الفرحة اللي بحسها لما شوفو عم يتحرك مابتنوصف
قربت من بطنها و طبعت بوسة عليه...وتخيلت اني عم بوس ابني و ابتسمت من قلبي_
_ببيت رزان_
رزان:بتعرف اليوم قابلت صديق قديم...كان ابن جيرانا بالحارة القديمة
باسل:والله؟...اكيد انبسطتي
رزان:اي...موهون المهم
باسل:لكن وين المهم؟
رزان:المهم....انو مرتو مريضة نفسية....بظن اكتئاب حاد
مظهرها كتير غريب و بيخوف اذا بدك
باسل:اممممم
رزان:على ما اعتقد اسمها همسة
_سكر باسل اللاب توب وطلع برزان باهتمام_
باسل:اي؟
رزان:رح تجي تتعالج عندي...بعد ما اصريت على عصام
باسل:عصام؟
رزان:لك اي زوجها...ابن جيرانا اسمو عصام
باسل:و انتي شوبدك فيهن!
رزان:حابة عالجها...و رح استفيد كتير من علاجها برسالة الماجستير
باسل:يعني لمصلحة
رزان:عصفورين بحجر...بفيد و بستفيد
باسل:مخك تجاري والله
رزان:اي نعم.....مو حابب تحكيلي شي اليوم!
باسل:لا حبيبتي....مافي شي جديد...بدي روح على بيتي و ارتاح تعبان كتير من الشغل
رزان:نام عندي طيب
باسل:(بنبرة هادية)بيصير نام عند خطيبتي و لسا ماتزوجنا بشكل رسمي؟...(مسح على خد رزان)مارح اسمح للناس تحكي عليكي لو حرف واحد....بكرا بس نتزوج رح تملي مني
رزان:(مبتسمة)بحبك
باسل:و انا كمان....يلا حبيبتي...خليني امشي
رزان:مع السلامة
_بتقدر ترصد مشاعر الكل....بتقدر تعرف شو عم يدور براس كل واحد بتعرفو...هالشي حلو و متعب...قدرت ترصد ارتباك باسل المفاجئ و بدون ماتعرف ليش
نظرات عيونو اللي هربو منها بدون ماينتبه
راحت لغرفتها و فتحت ملف باسل و قرئتو
باسل اللي كان مريض عندها بيوم من الايام و عالجتو
و حبو بعض و خطبو_
_بعد ايام بعيادة رزان_
رزان:تفضلو....اهلا و سهلا
عصام:شكرا.....قعدي هون حبيبتي
رزان:(مبتسمة)فرحت كتير بجيتكن
عصام:تسلمي....شوبعمل انا هلأ؟بروح و بس تخلصو برجع؟
رزان:لا....بدك تعطيني شوية تفاصيل لابدأ منها....تفضل معي عالغرفة جوا
عصام:طيب
_بغرفة المعالجة_
رزان:تمدد على هالكنبة و استرخي
عصام(تنهد)استرخيت
رزان:غمض عيونك و حكيلي ليش هيك صار مع همسة
عصام:اووووف.....همسة يتيمة و مالها حدا بالدنيا غيري
تعرفت عليها صدفة و حبيتا و تزوجتا
كانت صغيرة..كان عمرها 17 سنة....تزوجنا وبعد سنة حملت...و كان كل شي طبيعي...لحد ما اجيت من شغلي بيوم و سمعتها عم تحكي عالتلفون.....كانت عم تبكي و تحكي بنفس الوقت....مع مين عم تحكي و هيه مالها رفقات و لا جيران و لابتعرف حدا
تجرأت و رفعت السماعة بغرفة الضيوف....لاكتشف انها عم تحكي مع شب!!!!!!
هاد الشب.....كانت بتحبو من قبل ماتتزوجني و كان عم يقلها.......
_انا ندمان كتير....ندمان لاني ضيعتك من ايدي...وندمان لاني سمحت انك تتزوجي غيري
همسة:انت ضيعتني....دمرتني....(تبكي)لك انا تزوجتو غصب عني...انا تعبت و انا عم مثل اني بحبو...وانا بكل دقيقة عم حبك الك...ومابعرف كيف بدي اوصلك!!!ولا وين بدي شوفك
_بترجاكي لاتبكي
همسة:مافي شي مصبرني غير الولد الي ببطني...عم انطر جيتو بالدقيقة...كرمال انسى عذابي .....و بدي سميه على اسمك كرمال ناديلك براحتي
_رح يجي يوم و اقدر رجعك لحضني...ومارح تفارقيني بعدها ابدا.....انا بحبك....بحبك...بحبك
همسة:(تبكي)و انا بحبك كمان..تعال خدني من هون بسرعة
_عقلي ماتحمل....جنيت...طلع الدم لراسي و رحت باقصى سرعتي للغرفة اللي عم تحكي منها...كانت لساتها عم تحكي معو و دموعها على عرض خدودها_
همسة:عصام!!!انت هون؟
عصام:هون.....اي انا هون..هاتي هالتلفون من ايدك
همسة:عصام....عصام حبيبي هدي بترجاك
عصام:(صرخت عليها)بعدي هييييك!!!!
_دفشتها و وقعت و اجا ضهرها على الطاولة الخشب وبعدها ارتمت عالارض وهيه عم تتلوى من وجعها_
عصام:(بغضب و بانفاس سريعة)الو.....معك عصام ياواطي.....همسة مرتي و رح تبقى مرتي عم تفهم!!!!!!
والله....واللي اسمو الله لخليك تحلم بضفرها....و خليك تكوبس فيني ليل و نهار يا ابن الكلب!!!
_سكرت التلفون والتفتت لهمسة لفرغ كل غضبي فيها
ضربتها بكل قوتي....بايديي و رجلي....فكيت حزام بنطلوني و ضربتها فيه...مسكت راسها و ضربتو بالارض اكتر من مرة....و رفستها على ضهرها و بطنها...كل هاد وانا معمي على عيوني....ونسيان انها حامل!!
(يبكي)بلحظة....ارتخت بين ايديي وماعادت تحركت ولاحركة....حتى النفس ماعاد طلع منها
وكأني كنت غايب عن الوعي و صحيت لحالي....وللي عملتو فيها...كانت غرقانة بدمها...وساكنة ماعم تتحرك
حملتها و ركدت فيها على اقرب مشفى
هنيك خبروني انو الجنين مات و حياتها بخطر كبير
جسمها مكسر و معها ارتجاج بالدماغ و من يومها و هيه بهالحالة_
رزان(اخدت نفس و فتحت عيونها على وسعهن من هول الي سمعتو وكانت دقات قلبها متسارعة كتير)
الي عملتو اسمو جريمة!!!
عصام:فكرتها عم تخونني....بس طلعت ماعم تخون...طلع اول مرة بيتصل وبيحكي معها
رزان:طالعت كشف بالمكالمات؟
عصام:اي....ومافي اي سجل لرقمو غير بهالمرة هي
(يبكي)بس هيه مااااحبتني....ماااااحبتني كانت عم تمثل عليي و انا عاقبتها
رزان:وهلأ انت مبسوط هيك!
عصام:لا....بس هاد الي صار
رزان:وكيف هيه هلأ
حامل؟
عصام:(بلع ريقو)عادي...متل اي امرأة حامل
رزان:كيف وهيه بهالحالة بدي افهم!
عصام:شبكي رزان ماهيه زوجتي
رزان:بفهم انك كل هالسنين كنت عم تجبرها عالعلاقة الزوجية!!!
عصام:موهيك....هيه مالها حاسة بشي و مالها واعية لشي...فيكي تقولي جماد...و انا بدي ولد...بدي ولد يغير حياتي...بدي ولد يرجعلي مرتي متل ماكانت...قلت لحالي بيجوز الحمل يرجعها
رزان:اووووف....طيب بكفي لهون...شو اسمو الشخص الي كانت بتحبو؟
عصام:مابعرف
رزان:طيب...ارتاح شوي و طلاع...تركلي ياها عندي و انا بس انتهي بتصل فيك تجي تاخدها
عصام:ماشي الحال
رزان/عصام هو المريض...هو الي بحاجة علاج نفسي مو همسة....الكلام اللي سمعتو من عصام كان بمثابة حجر و نضربت فيه على راسي....ماتخيلتو بهالقسوة هي ابدا
مهمتي مع همسة صعبة....بس عالاكيد مو اصعب من مهمتي مع عصام...بعد ماراح عصام...قعدت مقابل همسة وابتسمتلا...اللي بيشوفها...بيقول مو معقول هالجمال هاد..متحول لشي اقرب للجماد...خالي من اي حياة/
رزان:همسة....بعرف انك عم تسمعيني...انا رزان...و انا هون لساعدك
همسة____
رزان:(مبتسمة)شايفة ادامي...بنت حلوة....بالعشرينات
شعرها مكزبر و لونو بني....و عيونها متل لون السما
بشرتها بيضا كتير....وتمها احمر
هالبنت الحلوة حاملة جواتها جنين...عن قريب رح يجي على الدنيا ويشوف امو
_مسكت ايد همسة و مررتها على بطنها...خليتها تحس بحركة الجنين..و بوجودو جواتها....يمكن عصام معو حق
وجود هالجنين رح يكون مفتاح لحل عقدة همسة_
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق