رواية ملاك الادهم الحلقة الثامنة والتاسعة والعاشره والحادية عشر بقلم سما صابر حصريه وجديده على مدونة أفكارنا
![]() |
تمارا : مالك يا بنتي فيه ايه ع الصبح ؟
شيرين " تضحك " : يارا عز الدين .
تمارا : مين ؟؟
شيرين : بقولك يارا عز الدين .
تمارا : مين دي ؟؟
شيرين : مرات أدهم ابن عمك .
تمارا : يارا ؟!!!
شيرين : ايوه ملاك مرات ادهم اسمها الحقيقي يارا .
تمارا : أنتي عرفتي ازاي ؟
شيرين : فضلت ابحث بصورتها لحد ما وصلت لأكونت تبعها وعليه صورتها .
تمارا : أنتي متأكدة ؟
شيرين : عيب عليكي ، ده انا اختك شوشو اللي لما تحط حاجة في دماغها لازم توصلها .
تمارا : وناوية تعملي ايه يا ست شوشو ؟ هتقولي لأدهم ؟؟
شيرين : تؤ ، مش دلوقتي .
تمارا : أومال امتي يا شوشو ؟؟
شيرين : لما اعرف كل حاجة عنها الأول بعدين اقول لأدهم .
تمارا : ده أنتي طلعتي مش سهلة ابدا يا شيرين !!
شيرين : عايزاها تخطف مني ادهم واقف ساكته ؟!!
تمارا : ادهم كان قدامك ، كنتي ساكتة ليه ؟؟
شيرين : ادهم طول عمره مهتم بشغله وبس و عمره ما فكر في الحب والكلام ده ، وانا حاولت ألفت انتباهه كتير وكان في تفكيري أنه اول ما ينوي يتجوز أكيد أنا هكون العروسة المناسبة له ومش هيفكر في غيري .
تمارا : وحصل واتجوز واحدة تانية ، المفروض تشيليه بقي من تفكيرك و تنسيه .
شيرين : مستحيل ابدا ، ادهم ده ملكي لوحدي زي ما قولتلك قبل كده ومش هتنازل عنه ابدا .
في المستشفي
ذهبت هاجر وبصحبتها تمارا و شيرين ومعهم ملاك الي المستشفي .
بمجرد دخولهم غرفة ادهم جرت ملاك اليه ....
ملاك : وحشتني اوي يا ادهومتي .
ادهم " بصوت منخفض " : احم احم ، قولنا بلاش ادهومتي دي قدامهم .
ضحكت ملاك : وحشتني يا حبيبي معرفتش انام البارح وانا بعيدة عنك .
ادهم : وانتي كمان وحشتيني اوي .
ثم وجه كلامه لوالدته قائلا : ازيك يا ماما عاملة ايه ؟
هاجر : ازيك انت يا ادهم يا حبيبي عامل ايه دلوقتي ؟
ادهم : الحمد لله احسن ، تعبتي نفسك ليه ؟ ده انا خارج النهاردة من المستشفي .
هاجر : تنور بيتك يا حبيبي .
تمارا : حمدلله ع سلامتك يا ادهم يارب تكون بقيت احسن .
ادهم : الله يسلمك يا تمارا .
تمارا : ده نور اخوك كان هيجيلك النهاردة وهو راجع من الجامعة .
ادهم : لأ ، اتصلي بيه وطمنيه اني هخرج النهاردة واروح البيت .
شيرين : ايه يا ادهم مفيش ازيك يا شيرين ؟! ولا من لقي احبابه ؟!!!!
ادهم : ازيك يا شيرين ، ازاي تقولي كده !! ده انتي بنت عمي وزي اختي بالظبط .
تحترق شيرين غضبا ولكنها تحاول اخفاء ذلك فتبتسم ابتسامة خادعة وتقول : طبعا لما ترجع البيت لازم نقعد مع بعض كتير .
ادهم : باذن الله .
شيرين : فاكر يا ادهم زمان لما كنا نقعد نلعب مع بعض طول اليوم ؟
ادهم : ايوه .
شيرين ' تضحك ' : فاكر كنا بنلعب ايه ؟
ادهم : اكيد مش فاكر ، احنا اكيد كنا صغيرين اوي .
شيرين : بس انا فاكرة ، كنا بنلعب عروسة وعريس .
وقعت الكلمة عليهم جميعا كالصاعقة ووقفوا جميعا صامتين !!
بينما نظرت ملاك لأدهم بغيظ وتوعد !!
ادهم " يبتسم " : انا مش فاكر بس احنا كنا عيال صغيرين .
شيرين : مكناش صغيرين اوي .
ملاك " بسخرية " : طيب يلا نشوف الدكتور علشان ناخد منه اذن الخروج ولما نروح البيت تسترجعوا ذكريات الطفولة براحتكم !!
في فيلا عز الدين
جودي : ايه يا ماما الاعلانات اللي عملتيها دي كلها ؟!
نجلاء : علشان نلاقي اختك .
جودي : ده احنا اتفضحنا يا ماما !!
نجلاء : اتفضحنا ليه ؟ علشان مش ساكتين و بندور عليها ؟!! اللي فضحنا بجد اختك اللي هربت ليلة خطوبتها .
جودي : زمايلي كلهم بيتصلوا بيا ومش عارفة ارد عليهم اقولهم ايه !!
نجلاء : سيبك من لعب العيال ده ، تردي عليهم او مترديش انتي حرة ، المهم عندي ان اختك ترجع .
يدخل اليهم فجأة جاسر ....
جاسر : مالكم صوتكم عالي ليه ؟
نجلاء : الهانم اختك زعلانة علشان الاعلانات اللي عملناها وبتقول اتفضحنا .
جاسر : ازاي يا جودي ؟ انتي مش خايفة علي اختك و عايزاها ترجع ؟
جودي : وهو ده اللي هيرجعها ؟؟!
جاسر " بخبث " : انتي اكيد عارفة مكان يارا ؟؟
جودي : لأ طبعا وانا هعرف ازاي ؟
جاسر : تكون يارا اتصلت بيكي. مثلا !! او بعتتلك رسالة !!
جودي : ياريتها تتصل واطمن عليها .
نجلاء : لو يارا اتصلت بيكي وعرفتي مكانها وخبيتي عليا مش هقولك انا هعمل فيكي ايه !!!
جودي : يا ماما صدقيني انا معرفش اي حاجة عن يارا من الليلة اللي مشيت فيها من هنا ولحد دلوقت .
بعد يومين وقت الافطار صباحا
في قصر الفيومي
يجلس ادهم مع يارا في حديقة القصر بعد الأفطار ، ولكن يبدو علي ملاك الأنزعاج !!
ادهم : مالك يا ملوكة ؟ شكلك متضايقة من حاجة !!
ملاك : ويهمك اوي ؟؟
ادهم : طبعا انتي عارفة اني بحب اشوفك علطول سعيدة .
ملاك : لأ مش مهم بقي ، اهم حاجة الاستاذة شيرين بنت عمك تكون انت وهي مبسوطين ومش مهم ملاك !!
ادهم : ليه بتقولي كده يا قلبي ؟! ده شيرين دي زي اختي نانسي بالظبط .
ملاك : زي اختك !!! بأمارة ما هي لازقة جنبك ليل ونهار وبتفكرك لما كنتوا بتلعبوا عروسة وعريس ؟؟!!
ادهم : انا مش فاكر اي حاجة من اللي هي قالتها اكيد كنا عيال صغيرين !!
ملاك : علفكرة لو فيه مشاعر بينكوا وبتحبوا بعض يعني انا ممكن اختفي من حياتك خالص .
ادهم : انتي اتجننتي يا ملاك ؟! مستحيل ابدا يا ملاك ده انتي روحي وقلبي وعمري انتي اول واخر حب في حياتي .
ملاك : بجد يا ادهومتي ؟؟
ادهم : بجد يا روح ادهومتك .
وعلي الجانب الاخر يجلس الأب عامر مع الجد سليمان الفيومي الذي يوبخه ..
سليمان الفيومي : انا زعلان منك يا عامر .
عامر : ليه با حاج ؟ انا مقدرش علي زعلك ابدا وانت عارف .
سليمان : مش انت لوحدك ، انا زعلان منكم كلكم .
عامر : ياااه !! للدرجادي !! ليه يا حاج ؟ ايه اللي حصل !!
سليمان : معاملتكم لمرات ادهم مش عجباني .
عامر : ازاي يا حاج ؟
سليمان : كلكم بتعاملوها وكأنها واحدة غريبة وده اكيد مأثر عليها ، حتي ادهم لاحظت انه متضايق من كده بس لسه مش عايز يتكلم .
عامر : يا حاج اكيد جواز ادهم منها بالطريقة دي عامل فجوة بينا وكمان متنساش اننا منعرفش عنها حاجة ، هي مين وبنت مين وفين عيلتها ؟ كل الحاجات دي هي اللي مخليانا مش قادرين نتجاوب معها علشان نعاملها علي انها واحدة مننا .
سليمان : لا يا عامر انتوا معندكوش حق في كده ، البنت واضح عليها انها بنت ناس ومحترمة ومؤدبة وفوق كل ده بتحب ادهم وادهم بيحبها واحنا كأهل ادهم هنكون عايزين ايه اكتر من كده !!!
عامر : حاضر يا حاج هقولهم يغيروا معاملتهم معها .
سليمان : لازم يا عامر يغيروا معاملتهم مع البنت ، انت عارف ادهم غالي عندي ازاي ومينفعش اشوفه متضايق كده !!
عامر : حاضر يا حاج .
تأتي نانسي فجأة وتهرول الي ادهم وملاك ...
نانسي : صباح الخير يا ابيه ادهم ، صباح الخير يا ملوكة .
ادهم : صباح النور يا نانسي .
ملاك : صباح الفل يا حبيبتي .
نانسي : بعد اذنك يا ابيه ممكن اخد منك ملوكه شوية ؟؟
ادهم : فيه حاجة يا نانسي ؟
نانسي : أيه يا ابيه !! انت عايزها تفضل قاعدة جنبك كده علطول !! انا نفسي اقعد معها شوية .
ادهم " يضحك " : ماشي يا ننوسة خدوا راحتكم انا هروح اقعد مع بابا وجدي .
ملاك : طيب استني اسندك تروح تقعد معاهم .
ادهم : لأ ، انا هسند علي العكاز ده .
جلست نانسي مع ملاك يضحكون بينما يذهب ادهم الي جوار والده وجده .
نانسي : انتي حلوة اوي يا ملوكه .
ملاك : انتي اجمل يا ننوسة .
نانسي : انا اخت ابيه ادهم الصغيرة واصغر واحدة في العيلة وكلهم بيحبوني اوي بس بيقولوا عليا شقية .
ملاك " تضحك " : انتي لذيذة اوي وشقية فعلا .
نانسي : كلميني بقي عن نفسك يا ملوكه علشان نبقي اصحاب .
ملاك : انا مش فاكرة اي حاجة قبل الحادثة ، كل اللي اعرفه ادهم اللي قالي عليه اسمي واني مراته .
نانسي : وقالك ايه عن باباكي ومامتك وعيلتك ؟؟
ملاك : كل اللي عرفته ان بابا وماما ماتوا واخواتي مسافرين بره .
نانسي : يا حبيبتي !! انا من النهاردة اختك وصحبتك وكل حاجة.
داخل القصر
تأتي شيرين وتبدو علي وجهها سعادة بالغة !!
تمارا : صباح الخير يا شوشو .
شيرين : صباح الورد والفل والياسمين وكل حاجة حلوة .
تمارا : فيه ايه ؟ صاحية مبسوطة وفرحانة اوي النهاردة !!!
شيرين : صحيت من النوم علي اسعد خبر في حياتي .
تمارا : خير فيه ايه ؟
شيرين : مش هينفع اقول ، انا هخليكي تشوفي بنفسك !!!
الحلقة التاسعة
شيرين : صحيت من النوم علي اسعد خبر في حياتي .
تمارا : خير فيه ايه ؟
شيرين : مش هينفع اقول ، انا هخليكي تشوفي بنفسك !!!
ثم فتحت هاتفها واعطته لها وقالت : بصي شوفي الاعلان ده وانتي تعرفي .
تمسك تمارا الهاتف وتري صورة " ملاك " في اعلان وتقرأت احد الاعلانات التي اطلقتها نجلاء !!!
تمارا " تقرأ الاعلان " : " مكافأة مالية قدرها مائة ألف جنية لمن يدلي بأي معلومات عن مكان تواجد الانسة يارا عز الدين " .
شيرين : ايه رأيك في الخبر ده بقي ؟ من حقي افرح ولا لأ ؟!
تمارا : اكيد انتي فرحانه علشان هتعرفي توصلي لأهلها ؟
ثم ثضحك وتقول : ولا فرحانة علشان الميتألف جنية ؟
شيرين : لا طبعا أنا فرحانة علشان هوصل لأهلها وكل حاجة هتنكشف .
تمارا : لكن فيه حاجة اكيد مش لاحظتيها !!
شيربن : ايه هي ؟؟؟
تمارا : المكافأة الكبيرة دي معناها ان اهلها ناس اغنيا مش فقرا زي ما كنتي متوقعة !!
شيرين " تضحك بصوت عال " : وانتي يا حبيبتي مش لاحظتي الملحوظة الأهم .
تمارا : ايه هي ؟؟؟
شيرين : مكتوب في الأعلان " الانسسسسسة " يارا !! اخدتي بالك من كلمة الانسة دي ؟؟؟
تمارا : انسة !!!!
شيرين : ده معناه ان الانسة يارا او " ملاك " مش متجوزة ادهم بيه وهما الاتنين بيضحكوا علينا وبيستغفلونا .
تمارا : او يمكن يكون كلام ادهم حقيقي وبعد الحادثة فقدت الذاكرة وادهم اتجوزها فعلا وميعرفش حاجة عنها وعن اهلها .
شيرين : حتي لو متجوزين جوازتهم هيكون محكوم عليها بالفشل بمجرد اهلها يعرفوا مكانها و يوصلولها .
تمسك شيرين هاتفها وتبدأ في الأتصال بالرقم المذكور في الاعلان .
تمارا : انتي بتتصلي بيهم ؟؟؟
شيرين تضحك : أيوه .
تمارا : طيب افتحي الاسبيكر عايزة اسمع المكالمة ....
في احد النوادي الاجتماعية
تجلس نجلاء مع بعض صديقاتها ثم تسمع صوت نغمة هاتفها .
تنظر لشاشة الهاتف فتجد المتصل رقم غريب فتبدأ في الرد .....
نجلاء : الوو .
شيرين : الو ، انا بكلمك بخصوص الاعلان الموجود علي السوشيال ميديا .
نجلاء " بلهفة " : أيوه ، أنتي تعرفي مكان يارا ؟؟
شيرين : ايوه عارفة مكانها .
نجلاء : قوليلي بسرعة يارا فين ؟؟
شيرين : بالراحة عليا يا مدام هقولك بس لما نتكلم الاول .
نجلاء : من غير ما تتكلمي حقك محفوظ ولو عايزة اكتر من الفلوس المكتوبة في الاعلان معنديش مانع .
شيرين : مش قصدي ، انا اخر حاجة افكر فيها الفلوس .
نجلاء : اخر حاجة تفكري فيها !!!! اومال هنتكلم في ايه ؟
شيرين : قبل ما اقولك اي معلومة عنها لازم الأول اعرف انتي مين ومكانك فين وكل حاجة عنك وعن باقي اهلها .
نجلاء : وده يهمك في ايه ؟!! المفروض انك تدليني علي مكانها وتأخدي مكافأتك وانتهي الكلام .
شيرين : ما انا قولتلك يا مدام انا الفلوس بالنسبالي اخر حاجة اهتم بها .
نجلاء : وعايزة تعرفي كل حاجة عني ليه ؟
شيرين : مش يمكن تكونوا مش اهلها ، وانتي عارفة الحاجات اللي بنسمعها الايام دي ممكن تكونوا تجار اعضاء او اي حاجة من النوع ده .
نجلاء : واحنا لو تجار اعضاء هنعمل اعلان ليه ؟!! وعموما اطمني احنا اهلها وناس محترمين جدا ومعروفين كمان .
شيرين : بردو معلش لازم أتأكد الأول .
نجلاء : وهتتأكدي أزاي بقي ؟؟؟
شيرين : انتي تقوليلي عنوانك وأتأكد من شخصيتك وبعدها اقولك مكانها فين .
نجلاء : أنتي فعلا عندك معلومات عن يارا ولا بتتسلي وبتلعبي بأعصابنا ؟؟
شيرين : لا يا مدام متقلقيش انا عارفة مكانها وهقولك عليه لكن زي ما قولتلك لما أتأكد من شخصيتك الاول .
نجلاء : مفيش مشكلة هقولك العنوان لكن لو اكتشفت انك بتلعبي باعصابنا هيكون لينا رد فعل تاني .
في قصر الفيومي
تنتهي المكالمة وتنظر تمارا لشيرين بتعجب وتسألها : مين اللي رد عليكي ؟
شيرين : صوت واحدة كبيرة ممكن تكون مامتها .
تمارا : و ناوية تعملي ايه يا شوشو ؟
شيرين : متستعجليش هتشوفي اختك هتعمل ايه .
تمارا : لأ انا لازم افهم واعرف الأول هتعملي ايه .
شيرين : هتعرفي كل حاجة في وقتها .
تمارا : انا خايفة عليكي اوي يا شوشو .
شيرين : خايفة من ايه يا قلبي ؟؟
تمارا : خايفة عليكي تتورطي مع الناس دي ويسببولك مشكلة كبيرة .
شيرين : لأ متقلقيش علي اختك يا حبيبتي .
في مكان اخر داخل قصر الفيومي
عامر : اسمعي يا هاجر ياريت تغيري من معاملتك شوية مع ملاك
هاجر : ليه بتقول كده ؟ هي اشتكتلك ؟
عامر : لأ هي مش اشتكت لكن الحاج هو اللي كلمني وزعلان من معاملتنا للبنت وانتي عارفة الحاج اي حاجة تخص ادهم بيهتم بها ازاي !!
هاجر : يبقي اكيد البت دي اشتكت له .
عامر : لا لا متظلمهاش ، ولا ملاك ولا ادهم اتكلموا ، الحاج اللي لاحظ وكلمني ، وياريت تنبهي علي باقي العيلة كمان يحسنوا من معاملتهم لها .
هاجر : انا البت دي كل ما اشوفها ببقي هتجنن ازاي قدرت تضحك علي ابني وتتجوزه بالسهولة دي !!!
عامر : ادهم ابنك مفيش حد يقدر يضحك عليه وانتي عارفة كويس دماغه توزن بلد ، كل اللي حصل ان ادهم وقع في حبها وانتي عارفة الحب ملوش كبير !! وبعدين دي حياته يا هاجر وهو حر فيها ، ابنك مش صغير .
هاجر : حاضر يا عامر هعاملها كويس .
عامر : وتنبهي علي باقي العيلة بنفس الكلام ، انتي عارفة الحاج وزعله !!
هاجر : حاضر يا عامر ، خلاص فهمت .
في النادي
تنتهي المكالمة بين شيرين ونجلاء ثم تتصل نجلاء بعدها بأبنها جاسر ....
نجلاء : انت فين يا جاسر ؟
جاسر : انا في الشغل .
نجلاء : طيب تعالالي حالا انا مستنياك في النادي .
جاسر : ليه فيه ايه ؟
نجلاء : لما تيجي هتعرف ، متتأخرش يلا تعالي بسرعة انا مستنياك .
بعد قليل ...
جاسر : خير يا ماما جبتيني علي ملا وشي ليه ؟
نجلاء : فيه واحدة كلمتني وقالتلي انها تعرف مكان يارا .
جاسر " بلهفة " : بتتكلمي جد ؟؟
نجلاء : ايوه .
جاسر : وهي فين ؟؟
نجلاء : لسه مقلتش مكانها .
جاسر : ليه ؟؟؟
نجلاء : انا مش مرتاحة للبنت اللي كلمتني دي يا جاسر وحاسة انها وراها لعبة عايزة تلعبها علينا .
جاسر : ليه ؟
نجلاء : البنت مرضيتش تقول مكان يارا فين وفضلت تسألني عن عنوانا واذا كنا اهل يارا فعلا ولا لأ !! وكلام كله يقلق مش كلام واحدة عايزة توصلنا لمكان يارا وتاخد المكافأة !!!
جاسر : يبقي مترديش عليها تاني وكأنها متصلتش بيكي من الاساس .
نجلاء : ولو البنت دي طلعت فعلا تعرف مكان يارا اضيع فرصة أننا نوصلها من ايدينا ؟!!!
جاسر : انا كده احترت معاكي !! مادام قلقانة من البنت دي كده سبيهالي وانا هقابلها واتصرف معها .
نجلاء : هتعمل ايه معها ؟؟
جاسر : هاتي رقمها و أنا هتصرف .
في قصر الفيومي
تسمع شيرين نغمة هاتفها وتجد رقم غريب !!!
شيرين : الوو
جاسر : مساء الخير .
شيرين : مساء النور ، مين معايا ؟
جاسر : انا جاسر خطيب يارا .
شيرين " بذهول " : خطيبها !!!
جاسر : ايوه خطيبها .
شيرين " تحاول استيعاب الموقف " : اهلا وسهلا ، خير ؟
جاسر : انا عرفت انك بتقولي انك تعرفي مكان يارا .
شيرين : ايوه اعرف هي فين .
جاسر : ياريت تقوليلي يارا فين ومتقلقيش من ناحية المكافئة حقك محفوظ وبزيادة .
شيرين : تمام انا بس عايزة فرصة يومين وهقولكم هي فين .
جاسر : وليه نستني يومين ؟! احنا فيها قوليلي مكانها ومكافأتك تاخديها بعد نص ساعة من دلوقتي .
شيرين : لأ معلش اديني فرصة يومين مش أكتر .
جاسر : طيب ممكن نتقابل احسن ؟
شيرين : مين اللي يتقابل ؟
جاسر : انا وانتي .
شيرين : والسبب ؟؟
جاسر : علشان نعرف نتكلم احسن من كده .
شيرين : اوكي معنديش مانع .
جاسر : انتي منين ؟
شيرين : انا من اسكندرية .
جاسر : يبقي كمان ساعتين نتابل عندك في اسكندرية ؟؟
شيرين : اوكي .
بعد ساعتين ونصف في احد مطاعم الاسكندرية المطلة علي البحر ....
تصل شيرين للمطعم وتجد شاب وسيم تبدو عليه علامات الثراء الفاحش !!
شيرين : مساء الخير .
جاسر : مساء النور ، اتفضلي ارتاحي .
تجلس شيرين في مقابلته فيبتسم جاسر ويقول : واضح من مظهرك انك مرتاحة ماديا واهلك ناس اغنيا والموضوع بالنسبالك مش موضوع فلوس .
شيرين : واااااو ، برافو ، زي ما واضح عليك انت فعلا ذكي جدا .
جاسر : طيب نتكلم علطول واسمع طلباتك .
شيرين : انا عايزة اعرف كل حاجة عن ملاك سوري قصدي يارا .
جاسر : ملاك !!! ملاك مين ؟
شيرين : قصدي يارا .
جاسر : انتي قولتي الأول ملاك وبعدين قولتي يارا !!
شيرين : سوري اتلخبطت في الاسم .
جاسر : ويهمك في ايه تعرفي عنها اي حاجة ؟!!
شيرين : موضوع يخصني انا .
جاسر : وانا لازم اعرف انتي ليه مهتمة بيارا بالشكل ده !!
شيرين " تضحك بخبث " : عايزة اجوزها لأخويا .
جاسر " بسخرية " : الظاهر ان سمعك تقيل شوية !! انتي مش سمعتيني بقولك في التليفون ان يارا خطيبتي ؟!!
شيرين : سمعتك بتقول انها خطيبتك لكن مش مراتك !!
جاسر : تقدري تعتبريها مراتي .
شيرين : ياااه !! للدرجادي كنتوا بتحبوا بعض اوي كده ؟!!!
جاسر : بنحب بعض جدا جدا فوق ما عقلك يتخيل .
شيرين : للأسف انا عندي خبر هيصدمك .
جاسر : يارا حصلها حاجة ؟؟
شيرين : ايوه يارا اتجوزت .
يقف جاسر غاضبا : بتقولي ايه ؟؟؟ مش ممكن !!!
شيرين : هي دي الحقيقة ، يارا اتجوزت .
جاسر : انتي بتتكلمي جد ولا دي لعبة بتلعبيها علينا ؟؟
شيرين : وهلعب عليكم ليه !! الحقيقة انها فعلا اتجوزت .
جاسر " بعصبية " : هي فين ؟؟ واتجوزت مين ؟؟ اتكلمي .
شيرين : اهدا واقعد علشان نعرف نتكلم ونلاقي حل .
جاسر : حل ايه !!! انتي لازم تقوليلي يارا فين واتجوزت مين وازاي ؟؟
شيرين : بقولك اقعد علشان نعرف نتكلم .
جاسر : اهو قعدت ، انطقي بقي هي فين واتجوزت مين ؟
شيرين : يارا خطيبتك اتجوزت ادهم الفيومي ابن عمي .
جاسر : ادهم الفيومي رجل الاعمال ؟؟
شيرين : أيوه .
جاسر " بعصبية " : يارا اتجوزت ادهم الفبومي ؟؟
شيرين : بص يا استاذ جاسر زي ما يارا تهمك جوزها ادهم ابن عمي كمان يهمني جدا .
جاسر : قصدك انك بتحبي ادهم ابن عمك ويارا أخدته منك ؟؟
شيرين : انا قولت عليك من اول لحظة انك ذكي جدا .
جاسر : قصدك ان مصلحتنا واحدة ؟
شيرين : بالظبط كده .
جاسر : والمفروض هنعمل ايه دلوقتي ؟
شيرين : ده بقي اللي هنرتبه مع بعض علشان خطيبتك اللي بتحبها ترجعلك و ابن عمي حبيبي يرجعلي .
ملاك الأدهم
الحلقة ١٠
في قصر الفيومي
تعود شيرين الي القصر بعدما قررت البدء في تنفيذ خطتها !!
هاجر : كنتي فين يا شيرين ؟
شيرين : كنت في مشوار يا طنط .
هاجر : تعالي علشان عايزاكي في موضوع مهم .
شيرين : خير يا طنط ؟؟
هاجر : جدك زعلان من معاملتنا لملاك وكلم عمك عامر وعايزنا نعاملها كويس وانا نبهت علي كل اللي في البيت وانتي كنتي بره .
شيرين " تضحك " : حاضر يا طنط هعاملها حلو اووووي .
هاجر : يا شوشو ده انا اللي مربياكي !! وعارفة انك كنتي بتحبي ادهم .
شيرين " بسخرية " : كنت ؟؟!! قصدك كنت ومازلت .
هاجر : معلش يا شوشو الجواز نصيب وربنا يرزقك بعريس مش هقولك احسن من ادهم لأن مفيش حد احسن منه لكن يكون عريس كويس ويستاهلك .
شيرين " بخبث " : حاضر يا طنط هعاملها كويس زي ما انتوا عايزين ، بس بارب تطلع في الأخر تستاهل انها تشيل اسم ادهم الفيومي .
في جانب اخر من قصر الفيومي
تجلس ملاك وحيدة وتبدو علي ملامحها الحزن يلاحظها الجد سليمان الفيومي فيأتي اليها متعكزا علي عكازه ويسألها : مال عروستنا الحلوة زعلانة ليه ؟
ملاك : مفيش حاجة يا جدو .
سليمان : ازاي مفيش حاجة ، باين عليكي اوي انك زعلانة !! اوعي يكون ادهم زعلك ؟؟
ملاك : لا يا جدو مش زعلني .
سليمان : بس انا كده فهمت ، يبقي اكيد زعلانه علشان اهل ادهم لسه مش اخدوا عليكي وبيعاملوكي بحساسية شوية ؟!!! للكاتب عادل عبد الله
ملاك : لا يا جدو انا فاهمة ان جوازي من ادهم كان مفاجئة بالنسبة لأهل ادهم وعلشان كده هياخدوا وقت علي ما يستوعبوا المفاجئة .
سليمان : ما شاء الله عليكي ذكية ، اومال زعلانة ليه ؟؟
ابتسمت ملاك : حد يشوفك ويزعل يا جدو !! انا بس كنت سرحانة شوية .
سليمان : ادهم فين ؟
ملاك : نايم فوق يا جدو .
سليمان : عارفة انا نفسي في ايه يا بنتي ؟؟
ملاك : نفسك في ايه يا جدو ؟
سليمان : نفسي اشوف ابن ادهم .
ملاك " بارتباك " : ايييه ؟؟
سليمان : ايوه نفسي اشوف ابن ادهم قبل ما اموت .
ملاك : بعيد الشر عنك يا جدو .
سليمان : الموت مش شر يا بنتي ده كاس ومكتوب علي كل الناس بس انا بقولك علي اللي نفسي فيه ، نفسي اشوف سليمان الصغير ، انا عارف ان ادهم هيسمي ابنه علي اسمي .
ملاك : ربنا يطول في عمرك يا جدو وتشوف اولاد واحفاد ادهم كمان .
سليمان : ربنا يسعدك يا بنتي ، انا هطلع اوضتي بقي انام شوية .
ملاك : اتفضل يا جدو .
يتركها سليمان الفيومي ويصعد وبعد دقائق تأتي شيرين و تقترب من ملاك وتبتسم " بخبث " وتقول : قاعدة لوحدك ليه يا يويو !!!
ملاك " بدهشة " : اييييه ؟؟
شيرين : ايه مالك ؟؟ بدلعك ، مش عجبك اسم يويو ؟؟ اقولك يا يارو احسن ؟؟ حلو بردو اسم يارو .
ملاك " بتعجب " : مش فاهمة !!!
شيرين : انتي هتستعبطي عليا انا كمان ؟؟
ملاك : ايه ده !!!!! قصدك ايه ؟؟
شيرين : قصدي انتي فاهماه كويس يا يارا !!!
ملاك " تنظر لها بدهشة وتعجب " !!!!
شيرين : مالك مش قادرة تنطقي ليه ؟؟ المفاجئة شلت لسانك صح ؟؟
ملاك : اتكلمي دوغري وقولي عايزة نقولي ايه بدون ألغاز ؟؟
شيرين : انا عرفت انتي مين وعرفت اسمك الحقيقي وقابلت جاسر خطيبك .
ملاك " بارتباك " : انا مش فاهمة كلامك ومش عارفة بتتكلمي عن ايه ؟!!
شيرين " بخبث " : طيب يا قلبي مادام انتي مش فاهمة انا هتكلم مع ادهم وهو هيفهم ويبقي يفهمك .
همت شيرين بالقيام : عن اذنك يا قلبي انا طالعة لأدهم ...
ملاك : استني يا شيرين .
شيرين : نعم !! فيه حاجة ؟؟
ملاك : اقعدي عايزة اتكلم معاكي .
شيرين : ايوه كددددده ، نتكلم بس المهم نتكلم بصراحة .
ملاك : ماشي تعالي نخرج نقعد في الجنينة نتكلم براحتنا .
شيرين " بسخرية " : ايييييوه علشان محدش يسمعنا .
ذهبت ملاك وشيرين وجلستا في حديقة القصر ....
شيرين : ادينا قعدنا ومحدش سامعنا .
ملاك : نعم ، قوليلي بقي عايزة ايه ؟
شيرين : عايزة اعرف انتي ليه سيبتي خطيبك وخطفتي ادهم ومثلتي عليه وعلينا انك فاقدة الذاكرة ؟؟
ملاك : انا مش مثلت علي ادهم او عليكم انا فعلا كنت فاقدة الذاكرة من وقت الحادثة ولسه الذاكرة راجعة ليا من ايام .
شيرين : والله ؟؟ ولما الذاكرة رجعتلك مش لاحظتي انك في بيت راجل غريب ؟!! عايشة وسط ناس اول مرة تشوفيهم ؟!!! بتنامي جنب راجل غريب عنك !!!!!
ملاك : بس كفاية !!
شيرين : اييييه ؟؟ الحقيقة وجعتك اوي !! ولا كرامتك تعبتك ؟!!
ملاك : انا لما الذاكرة رجعتلي عرفت ان ادهم اتجوزني علي سنة الله ورسوله .
شيرين : قصدك اتجوز ملاك !!! اتجوز ملاك اللي ملهاش وجود من الاساس !! مش اتجوز يارا عز الدين !!
ملاك : يارا وملاك انسان واحد اللي هي انا ، ملاك هي يارا ويارا هي ملاك .
شيرين : انتي بتضحكي علي نفسك ولا عليا ولا بتضحكي علي ادهم ؟؟
ملاك : أنا مش ...
شيرين : وياتري ادهم عارف ان الذاكرة رجعتلك ؟؟
ملاك : قوليلي انتي عايزة توصلي لأيه من الاخر ؟
شيرين : عايزاكي زي ما دخلتي حياتنا تخرجي منها .
ملاك : أخرج منها ؟؟!! لكن انا وادهم متجوزين وبنحب بعض !!
شيرين : ادهم مش بيحبك !! كل الحكاية انك صعبتي عليه لما حس انه السبب في اللي حصلك ، ومادام رجعتلك الذاكرة يبقي لازم يعرف الحقيقة وترجعي لجاسر خطيبك اللي بتحبيه وبيحبك .
ملاك : مين اللي قالك ان جاسر بيحبني وبحبه او انه خطيبي زي ما بتقولي ؟؟؟
شيرين : جاسر نفسه هو اللي قالي وحكالي علي كل اللي بينكم .
ملاك : ده انسان كداب ، احنا مش اتخطبنا ولا فيه اي حب بينا .
شيرين : يبقي ادهم يشوف الموضوع ده بنفسه ويتأكد !!!
ملاك : انتي كل شوية تقولي ادهم ..ادهم !!! انتي بتهدديني ؟؟
شيرين : مش هو المفروض جوزك ؟ يبقي من حقة يعرف عنك كل حاجة !!
ملاك : ايوه طبعا جوزي ومن حقه يعرف كل الحقيقة بس اللي بتقوليه ده مش الحقيقة ولو جاسر قالك كده يبقي كداب .
شيرين : ما انا قولتلك ادهم بنفسه يقدر يعرف مين الكداب ومين الصادق !! ولا اقولك فكرة احسن من كده ؟؟
ملاك : قولي .
شيرين : مادام ادهم ميعرفش عنك حاجة لحد دلوقتي يبقي تخرجي من حياة ادهم وتختفي وبعدها هو مش هيقدر يوصلك وهيعرف ان رجعتلك الذاكرة ورجعتي لحياتك الاولانية تاني .
ملاك : لكن انا بحبه وهو بيحبني !!
شيرين " تضحك بسخرية " : ادهم بيحب ؟!! تبقي متعرفيش ادهم الفيومي لحد دلوقتي !! ادهم الفيومي ميعرفش الحب والكلام ده يا روحي .
ملاك : يعني ايه ؟؟ يعني ادهم كان بيخدعني ؟؟
شيرين : زي ما انا قولتلك انتي صعبتي عليه علشان الحادثة وتلاقيه قال يتسلي معاكي شوية لحد ما ترجعلك الذاكرة وكل واحد يروح لحاله .
ملاك : يتسلي !!! ادهم !!! مش ممكن !!
شيرين : لا يا حبيبتي زي ما بقولك كده ، انتي مش هتعرفي ادهم اكتر مني !! انا بنت عمه ومتربيين سوا مع بعض واعرف ادهم بيفكر ازاي ، ولو مش مصدقة جربي بنفسك قوليله ان ذاكرتك رجعتلك وهتشوفي بنفسك هيرميكي ازاي زي السيجارة اللي بيدوس عليها بعد ما ياخد مزاجه منها .
ملاك : لااا مش ممكن .
شيرين : نصيحة مني اخرجي من حياته وحياتنا كلنا بكرامتك .
ملاك : طيب انا بكره الصبح همشي واختفي من حياته للأبد .
شيرين : لو عملتي كده تبقي فعلا عندك كرامة .
في صباح اليوم التالي
يجلس ادهم وسط العائلة يتناول قهوته وبجواره زوجته ملاك التي تبدو شاردة الذهن !!!!
أدهم : فيه ايه يا ملاك ؟ سرحانة في ايه ؟
ملاك " بأبتسامة مصطنعة " : لا أبدا يا حبيبي مفيش حاجة .
أدهم : شكلك مش طبيعية النهاردة !!!
ملاك : لا ابدا معرفتش انام كويس .
أدهم : ليه ؟ كنتي تعبانة ؟؟
ملاك : لا لا مجرد أرق بدون سبب .
أدهم : تحبي نروح للدكتور ؟؟
شيرين " بسخرية " : روحوا للدكتور احسن ممكن تكون حامل !!!
تنظر ملاك لها ثم تبتسم لأدهم : متشغلش بالك يا حبيبي انا كويسة .
ادهم : طيب انا هروح للعلاج الطبيعي وبعدين اروح الشركة ، عايزة حاجة قبل ما امشي ؟؟
ملاك : لا يا حبيبي تروح وترجع باالسلامة .
ادهم : الله يسلمك .
ملاك : كنت عايزة اخرج اتمشي شوية .
ادهم : استني لما ارجع ونخرج بالليل مع بعض .
ملاك : لا انا هخرج لوحدي علشان اشتري شوية حاجات .
أدهم : وفيها ايه لما تستني نخرج مع بعض وتشتري اللي انتي عايزاه ؟
ملاك : لا يا حبيبي انا هخرج لوحدي عايزة اشتري حاجات حريمي .
أدهم : اااه ، طيب تمام ماشي .
الحلقة ١١
ملاك : لا انا هخرج لوحدي علشان اشتري شوية حاجات .
أدهم : وفيها ايه لما تستني نخرج مع بعض وتشتري اللي انتي عايزاه ؟
ملاك : لا يا حبيبي انا هخرج لوحدي عايزة اشتري حاجات حريمي .
أدهم : اااه ، طيب تمام ماشي .
خرج ادهم من القصر وخلفه ملاك وبجوارها شيرين التي تتابع الموقف عن بعد ، لحقته ملاك لتودعه في صمت دون ان تتكلم !!
تلألأت الدموع في عينيها بينما كانت تتابعها شيرين بحسد وغيرة شديدة !!
صعدت ملاك غرفتها واخذت بعض من ملابسها واوراقها وارتدت ملابس الخروج وغادرت القصر .
غمرت شيرين السعادة وهي تتابع مغادرة ملاك القصر وهي الوحيدة التي تعلم انها مغادرة بلا رجوع .
وبعد عدة ساعات عاد ادهم الي القصر قبيل المغرب بقليل ووجد والدته ووالده وبعض افراد الأسرة يتناولون الغداء .
ادهم : مساء الخير يا جماعة .
هاجر : مساء النور يا ادهم ، تعالي اتغدا معانا .
ادهم : اومال ملاك فين ؟
هاجر : مش عارفة ، من ساعة ما خرجت الصبح مشوفتهاش .
ادهم : تلاقيها رجعت من بره تعبانه ونامت ، انا هطلع اشوفها .
بعد قليل
ادهم : ملاك مش فوق وبتصل عليها تليفونها مقفول !!!!!
عامر : معقول !! دي كده اتأخرت اوي !!
ادهم : دي كده بره لوحدها من اكتر من ٧ ساعات !!! وكمان دي متعرفش اي حاجة في اسكندرية يعني المفروض كانت تشتري طلباتها وترجع في اقل من ساعة او ساعتين بالكتير !!!
هاجر : متقلقش يا ادهم زمانها جاية .
ادهم : لأ كده اكيد فيه حاجة حصلتلها .
شيرين " بسخرية " : يمكن تكون قابلت حد من اصحابها .
ادهم : انتي مبتسمعيش ؟؟؟ انا لسه بقول ملاك متعرفش حاجة او حد في اسكندرية !! وبعدين هي فاقدة الذاكرة يعني متعرفش اي حد من صحباتها !!
شيرين : انت متأكد انها لسه فاقدة الذاكرة ؟؟
ادهم : قصدك ايه ؟؟
شيرين : مش يمكن رجعتلها الذاكرة ورجعت لأهلها ؟؟
أدهم : أنتي تعرفي حاجة ؟؟ انطقي .
الجد سليمان الفيومي : بالراحة يا ادهم يا ابني .
أدهم : انا مش لاقي مراتي يا جدي !! عارف يعني ايه مش لاقي مراتي ؟؟؟
الجد : انا عارف ومقدر لكن عصبيتك مش هتفيد دلوقتي لازم تهدا علشان تعرف تفكر وبأذن الله ممكن تلاقيها داخلة علينا دلوقتي .
يمسك ادهم بهاتفهه ويتصل بها مرة اخري فيجد هاتفهها مغلق !!!
يتصل سريعا برقم هاتف اخر ....
أدهم : انت فين يا نادر ؟؟
...............
أدهم : سيب كل اللي في ايدك وتكون قدامي حالا .
................
أدهم : ملاك مراتي اتخط.فت ، خلال ساعة بالكتير لازم اعرف هي فين ؟؟؟
...............
يهم ادهم بالخروج من القصر فيسأله والده عامر : رايح فين يا ادهم ؟؟
أدهم : هلف اسكندرية كلها لغاية ما اوصلها .
عامر : مش هتلف لوحدك انا هتصل بنور وزياد اخواتك هيروحوا معاك .
أدهم : انا همشي يا بابا مش هستني اكتر من كده .
بعد منتصف الليل
يعود ادهم الي القصر وتبدو عليه اثار الحزن والهم !!! ويجد كل العائلة ينتتظرون بقلق !! بينما يجد اخته نانسي جالسة تبكي .
الجد : عملت ايه يا ادهم ؟؟
أدهم : مفيش لها اي اثر في اسكندرية !!
الجد : يعني ايه ؟
ادهم : معرفش يا جدي انا هتجنن !!
هاجر : يمكن تكون رجعت لأهلها .
أدهم : ازاي يا ماما ؟ وهي فاقدة الذاكرة ومتعرفش اهلها مين ولا مكانهم فين !!! انا خايف يكون حصلها حاجة .
نانسي : يعني ايه يا ابيه ادهم ؟ مش هنشوفها تاني ؟؟
ادهم : اسكتي يا نانسي اسكتي خالص ، اوعي تنطقي .
تزيد نانسي في بكائها فتحت.ضنها والدتها وتحاول تهدأتها : معلش يا حبيبتي اعذري ابيه ادهم هو مش في وعيه دلوقتي من خوفه عليها .
عامر : بص يا ادهم يا ابني غياب مراتك بالشكل ده ملوش الا تفسير واحد من اتنين اما انها تكون رجعتلها الذاكرة ورجعت لأهلها او أنها بعد الشر اتخط.فت !!
ادهم : هي اكيد اتخط.فت ، بس اوصله اللي خطفها وانا اكله باسناني .
شيرين : ياااه !! للدرجادي قلقان عليها ؟؟
ادهم : طبعا ، ملاك دي مراتي وحبيبتي
شيرين : للأسف هي مش بتحبك زي ما انت بتحبها وهتتجنن عليها كده .
ادهم : مين اللي قالك كده ؟؟
شيرين : انا اللي بقولك يا ادهم ، ملاك مشيت ومش راجعة هنا تاني .
أدهم : وعرفتي ازاي ؟؟
شيرين : مراتك رجعتلها الذاكرة .
ادهم : بتقولي ايه !! انتي متأكدة ؟؟
شيرين : ايوه هي بنفسها اللي قالتلي .
ادهم : مش ممكن !! تقولك انتي وتخبي عني انا ؟!! مستحيل !!!
شيرين : اهدا طيب يا ادهم وانا هفهمك كل حاجة .
ادهم " بعصبية شديدة " : متقوليش اهدا ، اتكلمي وقولي كل اللي تعرفيه .
شيرين : ملاك قصدي يارا...
أدهم : يارا ؟!!
شيرين : ايوه اسمها الحقيقي يارا عز الدين ، وهي رجعتلها الذاكرة وكلمتني بصراحة وقالتلي انها هترجع لأهلها وخطيبها .
ادهم : خطيبها ؟؟ انتي بتكدبي !!!
شيرين : لأ يا ادهم ، انا مش بكدب ، يارا مخطوبة وبتحب خطيبها وخطيبها بيحبها ورجعتله القاهرة .
ادهم : انتي بتكدبي علشان بتكر.هيها من يوم ما دخلت هنا معايا .
شيرين : لأ انا مش بكدب ولو مش مصدق انا هوريك بعينيك اسكرينات لاعلانات اهلها وهما بيدورا عليها ولمحادثاتي مع خطيبها !!
اظهرت شيرين الاسكرينات لأدهم الذي اشتاط غضبا .......
ادهم : انتي لازم توصليني بالحق.ير ده .
شيرين : انا معرفش عنه حاجة .
أدهم : هتتصلي به وتطلبي منه ميعاد تقابليه فيه وسيبي الباقي عليا .
شيرين " بخبث " : لا يا ادهم مش ادهم الفيومي اللي يجري ورا واحده سابته علشان واحد تاني .
ادهم : مين اللي بيقول كده !! انتي يا شيرين !! انتي باالذات عارفة ابن عمك ، مش انا اللي اجري ورا واحدة لكن بردو مش انا اللي حد ياخد مني حاجة غصب عني ، انتي فاهمة ؟ مش انا يا شيرين !!
الجد : ادهم ، انا عايزك .
أدهم : نعم يا جدي .
الجد : تعالي ورايا عايزك في كلمتين .
أدهم : أرجوك يا جدي مش دلوقتي .
الجد : انا بقول عايزك دلوقتي يبقي دلوقتي يا ادهم .
أدهم : حاضر يا جدي .
الجد : تعالي ورايا ، تعالي انت كمان يا عامر .
دخل ادهم ووالده عامر غرفة الجد ....
الجد : اقفل الباب يا ادهم وتعالي انت وابوك اقعدوا هنا قدامي .
عامر : نعم يا حاج خير فيه ايه ؟
الجد : خير يا عامر ، انا خايف علي ادهم ، خايف عليك يا ادهم تتسرع في اي تصرف ترجع تندم عليه .
أدهم : لا يا جدي متخافش عليا ، انت بالذات عارفني مش بتسرع وبفكر كويس اوي قبل ما اعمل اي خطوة .
الجد : انا شايف الغضب عاميك يا ادهم ، وخايف تظلم البنت .
أدهم : أظلمها ؟!! اظلمها ازاي يا جدي ؟
الجد : انت عارف يا ادهم ان جدك بيفهم الناس كويس اوي ومش ممكن حد يقدر يخدعني ، وانا من اللي شوفته من مراتك عرفت ان البنت دي طيبة جدا وبنت حلال .
أدهم : قصدك ايه يا جدي ؟ قصدك ان ملاك مرجعتش لأهلها وحصلها حاجة ؟؟
الجد : البنت دي يا ادهم بتحبك بجد وعلشان تمشي من هنا يبقي اكيد حصلت حاجة احنا لسه منعرفهاش .
عامر : حاجة زي ايه يا حاج ؟؟
الجد : ممكن يكون حد زعلها وعلشان كده مشيت .
أدهم : يا جدي انا شوفت الاسكرينات بين شيرين بنت عمي وبين اللي بتقول عليه كان خاطب ملاك !!!
الجد : مش مهم ، ممكن تكون خدعة .
أدهم : معقول شيرين بنت عمي تخدعني ؟؟
الجد : انت متعرفش اللي في ضماير الناس اللي حواليك ايه ، انا مقصدش ان بنت عمك عايزة تضرك او تأذيك لكن قصدي انك لازم بردو تتأكد الاول مراتك مشيت ليه من هنا وراحت فين علشان متظلمهاش .
أدهم : المفروض يا جدي انها دلوقتي عند اهلها اكيد .
الجد : الله اعلم يا حبيبي ، انا ذات نفسي قلقان عليها .
أدهم : انت كده قلقتني زيادة وحاسس اني اتلخبطت يا جدي .
الجد : اطلع نام يا ادهم والصبح نقعد مع بعض ونشوف هتعمل ايه .
ينصرف ادهم ويصعد غرفته ويظل متوترا .
ثم يفتح النافذة ويلقي نظرة علي حديقة القصر في نفس المكان حيث كان يجلس مع ملاك !!!
ثم ينزل الي الحديقة ويجلس يسترجع كلماتها له ......
فلاش بااااك
في غرفة ملاك في المستشفي ...
ملاك تبكي بشده والممرضات والطبيب حولها يحاولون تهدئتها وتبدو هي وكأنها منهارة !!!
يسرع نحوها أدهم ويسألها بقلق : في ايه ؟ مالك ؟
تتوقف ملاك عن البكاء قليلا ثم أشارت اليه أقترب ، أدهم أقترب نحوها بتعجب واذا بها ترتمي بين ذراعيه و تبكي كالأطفال !!!
تعجب أدهم ولكنه لم يشعر بنفسه الا وهو يضمھا و يمسح علي شعرها الناعم المسترسل كالأطفال حتي بدأت تهدأ .
أدهم : بقيتي كويسة ؟؟
تنظر ملاك إليه بعيناها الزرقاء المليئة بالدموع ...
ملاك " بطفولية " : أنا مش بحبك ، أنت وحش .
أدهم " بتعجب " : ليه ؟!!!
ملاك " ببراءة " : أنت ليه سبتني لوحدي هنا ؟ مش انت جوزي والمفروض تفضل جنبي !!! ليه مشيت وسبتني ؟؟؟
أدهم " متعجبا " : جوزك ؟!! مين اللي قالك كده ؟؟
ملاك " ببراءة " : الممرضة اللي قالتلي .
بااااااك
تترقرق عيناه بالدموع ويبتسم ثم يقول : هي فعلا ملاك ، طفلة بريئة زي الملايكة بالظبط ، انا بحبك اوي بحبك اوي يا ملاك ليه سبتيني ليه مشيتي وسبتيني يا حبيبتي .
فلاش باااااااك
ملاك : عايزه انام بقي .
أدهم : طيب يا حبيبتي نامي ، أنتي فعلا محتاجة تنامي علشان لسه تعبانة .
تمسك يده بكلتا يدها وتضغط عليها بقوة !!!
أدهم " باستغراب " : مالك يا حبيبتي ؟ فيه ايه ؟
ملاك : انا عايزاك جنبي وأنا نايمة اوعي تسيبني وتمشي ؟؟
أدهم : متخافيش مش همشي .
ملاك : خليك ماسك ايدي عشان انام وأنا مطمنة ومش خايفة .
باااااااك
ادهم : روحتي فين يا ملاك ؟ ليه مشيتي ؟ انا بحبك اوي !!! أنا هتجنن لو موصلتش لمكانها الليلة او بكره بالكتير .
يفاجأ أدهم بشيرين تأتي وتجلس بجواره وتضع يدها علي كتفه وتقول
تابعوووووووني
الحلقه الثانيه عشر والثالثة عشر والرابعة عشرة من هنا
رواية محبوبتي طفله كامله من هنا
رواية محبوبتي طفله كامله من هنا
رواية عاشق بدرجة مجنون كامله من هنا
رواية سر الشيطان الأسود كامله من هنا
رواية رحيل الهواري كامله من هنا
رواية انكسار امرأه كامله من هنا
رواية عشق بلا رحمه كامله من هنا
رواية جرح يداويه العشق كامله من هنا
رواية من أجل أبنائي تزوجتك من هنا
رواية زواج لدقائق معدودة كامله من هنا
رواية بسمه موجوعه كامله من هنا
رواية معشوقتي الصغيره كامله من هنا
رواية طلاق بلا تبرير كامله من هنا
رواية الفرار من الحب كامله من هنا
رواية مستشفى بلا حياه كامله من هنا
رواية فرقتنا الظروف وجمعنا القدر من هنا
رواية متمرده عشقها الشيطان من هنا
رواية عذرا لقد نفذ رصيدكم من هنا
رواية نار قلبي وانكسار فؤادي من هنا
رواية قاصره في قلب صعيدي من هنا
رواية مالم تخبرنا به الحياه من هنا
رواية اللعب مع الشياطين من هنا
رواية أحببت مربية ابنتي كامله من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق