رواية حبيبي المجهول الفصل الثاني بقلم الكاتبه زهرة الربيع حصريه وجديده على مدونة أفكارنا
 |
رواية حبيبي المجهول الفصل الثاني بقلم الكاتبه زهرة الربيع حصريه وجديده على مدونة أفكارنا
بس هيه للاسف هتفضل بيه....لانها هتتترمل حالا...وميبقاش عندها وقت تقلعه
مراد ابتسم وقرب منه وقال بسخريه... ايه ده مش معقول زيزو انت لسه عايش ده لما اغمى عليك فجاه كده افتكرت جالك هبوط في الدوره الدمويه ولا نوبه سكر ولا حاجه على العموم الحمد لله طمنتنا عليك.... انا لو في العادي يعني كنت فضلت جنبك بس انت عارف يعني اكيد عازرني النهارده دخلتي وكده وورايا حاجات اهم
قرب منه ومسكو من هدومه بغضب شديد وقال... ايه اللي عملته ده يا وسخ يا حيوان يا حقير ازاي تعمل كده ازاي تعمل فيا كده
نفض ايده بغضب وقال.... لا لا لا لا لا نهدى كده احسن تتعب تاني لا قدر الله وبعدين انت متضايق ليه الجواز قسمه ونصيب خليك مؤمن
قرب منه ولسه هيشتبكوا اميره جريت عليهم وقالت بدموع وغضب.... بس بقى انت وهو بس كفايه فضايح النهارده و بصت للشاب وقالت ...زياد.. زياد انت فاهم ايه اللي بيحصل عارف هو ليه عمل كده علشان هو مش راضي يرد عليا خالص اتكلم انت ارجوك هو في ايه
زياد بص لها بغضب شديد وقال....انتي االي لازم تردي عليا ليه وافقتي على اللي عمله ده ازاي ترضى بحاجه زي دي
اميره لسه هترد عليه بس قاطعها مراد لما قال بهدوء مستفز
..لا متخافش هي كانت مضطره اصلي استضفت حماتي حبيبتي عندي لحد ما نكتب الكتاب
زياده اتصدم وبصله بغضب وقال... والمطلوب عايز ايه وتطلقها
مراد ضحك جامد و وقال... ما فيش حاجه ممكن تعملها انت عارف اني مش هطلق
ذياد مسكه تاني بغضب وقال ..ما تختبرش صبري يا مراد احسن لك
مراد نفخ بضيق شديد وقال بزهق...يا ابني انا اللي صبري خلص هتضرب ولا لا في يومك اللي مش معدي ده مش كل شويه هتمسك التيشرت وتسيبه... معلش خليك راجل كده وخد موقف يعني شوف انا كده مثلا ...وضربو بوكس قوي وقعه على الارض وقال... شوفت سهله ازاي
اميره جريت عليه وبقت تقوموا بدموع وقالت... انت كويس على مهلك
ذياد وقف وحط ايده على فكه وبصله بغضب ولسه هيتكلم دخلت ست في الخمسين وجريت على ذياد ومسكته من ايده وقالت بغضب ... انت بتعمل ايه ازاي تضربه كده....يلا يا حبيبي ما تتكلمش معاه مش هتستفيد حاجه ده واحد حقود بيكرهك وبيغير منك يلا اطلع معايا
مراد ابتسم باستفزاز وقال..... اسمع كلام مامي يا ذياد مامي ادرى بمصلحتك
ذياد بصله بحقد وقال.... انا همشي بس مش هتخلص مني بالسهوله دي يا مراد وبكره تشوف بعينك وتقول زياد قال
مراد قال بسرعه.... بكره على الساعه كام كده عشان اعرف مواعيدي يعني... انا افضالك في اي وقت على فكره ده انت حبيبي يا زيزو
زياد بصله بغضب وبص لاميره بدموع ومشي مع والدته
مراد قال بصوت عالي مع السلامه يا مرات ابويا ابقي غطيه كويس عشان باين عليه مخضوض يعني
اول ما مشيو قفل الباب ونفخ بضيق شديد وقال..ايه اليوم المقرف ده...... واترمى على السرير بتعب و بص لاميره بطرف عينه وقال .....يلا انتي كمان ادخلي غيري الفستان ده خلي الليله دي تعدي على خير
اميره اتنهدت بتعب وما كانتش قادره تتناقش ولا تتكلم معاه اخذت هدوم وراحت على الحمام وقفلت الباب وقعدت بحزن وهي مش مستوعبه اللي حصل معاها
اما مراد فكان بيشرب سيجاره على السرير برواق ومرتاح جدا باللي حصل وقال...ماشي يا ذياد انا هعرف اذاي تطاول على حاجه مش ليك
بعد شويه اميره خرجت وكانت لابسه بيجامه رقيقه فضل باصص لها باعجاب ومتابعها بعيونه مع كل حركه وهي بتسرح شعرها
للمتعه والترفيه أدخلوا هنا 👇 ❤️ 👇طفى السيجاره وقعد على طرف السرير وقال..... اميره ....تعالي هنا
اميره لسه هتتكلم
سبقها وقال بسرعه .....من غير كلام دماغي وجعاني تعالي وهاتي المشط معاكي
اميره اتنهدت بضيق و راحت و اخذت المشط وقالت بضيق ..اتفضل
اول ما اخد منها المشط كانت هتمشي بس مسك ايدها وقال بسخريه.... تصدقي فعلا ان كنت محتاج المشط... لازم اسرح شعري قبل ما انام لانه هيقابل المخده ولازم يبقى مظبوط... وكمل بضيق وقال.... اقعدي يا اميره متخنقنيش
اميره بصتلو باستغراب وقالت.... اقعد ليه يعني
مراد اتنهد بضيق وقال... انا اكثر حاجه بكرهها الغباء يعني ماسك المشط وبقول لك اقعدي هيكون ليه يعني
اميره ابتسمت بسخريه وقالت....اكيد اي حاجه غير انك مثلا هتبقى حنين وتسرح لي شعري مش مصدقه
مراد ابتسم وقال.... ليه... انتي تعرفي ايه عن حنيتي... تعرفي ايه عني اصلا
بقلم...زهرة الربيع
اميره قالت بخنقه...معرفش حاجه و مش عايزه اعرف...ولا عايزه اسرح اصلا
ولسه هتمشي شدها بقوه قعدها عند رجليه ولسه هتزعق مسك شعرها وفال عند ودنها....اششش اهدي عشان شعرك الحلو ده ما يوجعكيش
اميره اتألمت من مسكته وهزت راسها بالموافقه بسرعه
مراد ساب شعرها وقال بابتسامه.....ايوه كده شطوره يا ميرو
وبدا يمشط شعرها بحنيه شديده وقال باعجاي....شعرك حلوه قوي.... الصراحه تتقال كل حاجه فيكي حلوه
اميره اتنهدت بضيق وقالت ....مش ناوي تقول لي عملت كده ليه
مراد قال بضيق.... ده موضوع بيني وبين زياد ما اعتقدش يهمك
اميره التفتتلو باستغراب وقالت.... ما يهمنيش ازاي طالما موضوع بينك وبين اخوك تدخلني انا فيه ليه
مراد قال بسرعه....لان انتي الموضوع كله
اميره اتسعت عنيها جامد بدهشه وهي تاه في نظراتها وبقى يبصلها باعجاب شديد
اميره ارتبكت قصاد نظراته الغريبه وقالت ...انا الموضوع كله ازاي.... انت تقصد ايه
مراد ابتسم بسخريه وقال.... قصدي ما فيش حاجه هتضايقه اكتر من كده....و يلا كفايه شعرك بقى حلو كده
اميره حمحمت و وقفت وراحت تاخد مخده عشان تنام على الكنبه
بس مراد ضحك وقال..... اميره بلاش تشوفي هندي كتير تعالي هنا نامي جنبي يلا حبيبتي ما تتعبينيش معاكي
اميره قالت بضيق .....لا مش عايزه انام جنبك انا حره يا ريت كل واحد يخليه في حاله
ذياد اتنهد بخنقه وقال.... الصبر من عندك يا رب ....اميره تعالي يا بابا ما تستفزنيش اكتر من كده
اميره بصتلو بطرف عينها وقالت.... وانا قلت لك لا ...انا مش هنام جمبك....ونامت على الكنبه وغمضت عينيها وهي خايفه منه بس بتصطنع القوه
مراد ابتسم بخبث وقال...براحتك
اميره اتنهدت بارتياح وهيه مغمضه بس اتصدمت بشده لما نام جنبها على الكنبه وكانت ضيقه وبالعافيه شايلاهم سوا كان جنبها قوي وبيبص لعيونها وقال ...على راحتك يا مراتي يا حبيبتي ننام سوا هنا انا اجيلك لاخر الدنيا
اميره قالت بارتباك...انت بتعمل ايه .. ننام هنا ازاي انت مجنون اصلا بالعافيه شايلاني لوحدي قوم بقى
مراد مشى ايده على شعرها وبص لعيونها وقال ...بس انا شايف انها حلوه قوي كده بتقرب المسافات.... انت جميله قوي من قريب كل حاجه فيكي ناعمه وتجنن
اميره بصتلو بارتباك شديد وقالت... طيب ...احم طيب يا مراد هنروح على السرير زي ما انت عايز ممكن تقوم بقى
مراد ضحك بخفه وقال.... لا انا مبسوط كده
اميره اتنهدت بخنقه وقالت..... بس انا مش مرتاحه كده.... و انت كده ممكن تقع اصلا
مراد ابتسم وقال.....أقع اكثر من كده ما اعتقدش
اميره بصتلو باستغراب وبلعت ريقها بارتباك من قربه
مراد ابتسم و قرب اكتر وقال..... قربك ليه سحر خاص هموت واعيشه يا اميرتي
اميره ارتبكت قوي ولسه هتتكلم قرب منها بدون تردد في لحظه جميله رغم مقاومتها الضعيفه اللي جننته
بعد عنها بالعافيه وقال بهمس .....مش بقول لك سحر حتى نهر شفايفك مسحور اللي يشرب منه عطشان... ولا يبعد عنه غرقان
اميره ابتسمت غصب عنها على كلامه الرقيق
بس فاقت لنفسها وقالت بتوتر.... انت..انت ايه اللي عملتو ده..احم اياك تعمل اللي كده تاني عيب عليك .....وابعد بقى عايزه انام بلاش جنان
مراد ابتسم ووقف وشالها وقال ...شكلك عجبتك النومه هنا ...والصراحه عجبتني انا كمان بس القرب للدرجه دي متعب اوي..اوي اوي بصراحه
انيره بقت تضربوا في صدره علشان ينزلها وقالت.... انت بتعمل ايه بقول لك انا عايزه انام هنا سيبني
مراد نيمها على السرير ونام جنبها وقال.... اهمدي ما تتعبنيش معاكي واتخمدي بقى
اميره قالت بغضب.... انا اتخمد ....طب ايه رايك مش هتخمد جنبك لو عملت ايه
مراد بص لها بغضب وقال.... طب ايه رأيك لو متخمدتيش مش هعتقك وهعمل دخلتنا وانا اصلا هموت واعملها...انا اجلتها بس عشان مقدر وضعك النهارده قلتي ايه
اميره بلعت ريقها بتوتر شديد وقالت...احم انا مش خايفه بس هنام ..لان عليا النوم انا ما نمتش طول النهار اصلا...نبقى نتكلم الصبح ....وغمضت عيونها فورا
مراد ابتسم على شكلها كان واضح انها خايفه وشدها عليه بقوه بقت في حضنه ومشى ايده على شعرها بحنيه
اميره فضلت ساكته من خوفها لحد ما راحت في النوم بين ايديه
بص على ملامحها باعجاب واتنهد وقال...احلى من ما اتوقع بكتير يا اميرتي ...واحلى من اللي رسمتو في خيالي كلو...وفضل يضمها بارتياح لحد ما راح في النوم هو كمان
في صباح يوم جديد اميره قامت من النوم لقت نفسها في حضنه فضلت تبص لملامحه وكانت مستغربه قوي مش فاهمه عمل كده ليه خصوصا انه لا اذاها ولا قرب لها غصب عنها اتنهدت وقالت ......انت حكايتك ايه يا ترى... حاسه انك لغز كبير مش قادره افهمو ..ليه عملت كل ده حيرتني اوي
واتنهدت و وقفه بس افتكرت حاجه واخذت هدوم وراحت على الحمام بسرعه... استحمت وخرجت على اطراف صوابعها قبل ما يصحى
اول ما طلعت سألت واحده من الخدامات على اوضة زياد وراحت له بسرعه
عند زياد كان صاحي ومنامش طول الليل من الغضب اول ما سمع الخبط على الباب قال بضيق شديد ....يا ماما مش عايز افطر لو سمحتي
بس اتفاجئ بصوت اميره قالت ...ده انا اميره يا زياد
زياده اتصدم ووقف راح فتح بسرعه وقال بسعاده...اميره حبيبتي انا كنت متاكد انك مش هتسيبيني وهتيجي علشاني و
بس قاطعته بسرعه وقالت ....زياد لو سمحت قبل ما تفهمني غلط انا جيت لك عشان عندي شويه اسئله اجاباتهم مش موجوده غير عندك لو سمحت انا دماغي هتتفرتك من التفكير
ذياد اتنهد وقال....تمام... اتفضلي ادخلي وانا هفهمك على كل حاجه ووووو
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺