حبيبي المجهول الفصل الأول بقلم الكاتبه زهرة الربيع حصريه وجديده على مدونة أفكارنا
 |
حبيبي المجهول الفصل الأول بقلم الكاتبه زهرة الربيع حصريه وجديده على مدونة أفكارنا
انا خطيبة اخوك ازاي قدرت تعمل كده وتجبرني على الجواز منك وتجبني كده قدام عيونه عاجبك الللي حصلو بعد ما عرف انت ازاي قاسي كده
صفر ببرود وهو بيطلع البدله بتاعته وقال..على فكره من اول ما دخلنا الوضه وانتي بتتكلمي في نفس الموضوع وبتعدي وتزيدي فيه الظاهر انك ناسيه ان الليله دخلتك يلا يا شاطره ادخلي غيري ولبسي حاجه قالعه كده خلينا نعمل فيها عرسان وامرنا لله
بصتلو بغضب اكبر وقالت....بقولك ايه بطل سخافه ورد على اسألتي زي الخلق ... اتجوزتني ليه ...وازاي هان عليك اخوك تعمل فيه كده...عاجبك لما اغمى عليه ومش عارفين حالتو عامله ايه دلوقتي
قال بمنتهى البرود ...عادي زمانو قاعد في حضن امو ...وبتغنيلو الدنيا دارت والعروسه طارت
بصتلو بزهول من بروده وقالت ....انا مش فاهمه ..انت جايب البرود ده منين
قال بسرعه وضيق..من على اول الشارع ...هبقى اجبلك معايا المره الجايه
غمضت عيونها بغضب رهيب وقالت.. هنفضل كده لامتى يعني ومش راضي ترد على اي سؤال وعمال تستظرف وتستخف دمك اللي يجلط ده.. ومسكت طفايه قزاز كانت على الطاوله وحذفتها عليه بغضب وهيه بتقول...انا بكلمك رد عليا متجننيييش
نزل راسو بسرعه في اخر لحظه والطفايه خبطت في اقزاز الشباك كسرته
بصلها بزهول وقال...انتي هبله يا بت..افرض كانت جات فيا كنتي هتسلفيني دماغك
بقلم زهرة الربيع
قالت بغضب رهيب...ياريتها كانت جات في نص دماغك وجابت اجلك...رد عليا..اتجوزتني ليه..انا خطيبه اخوك ازاي تعمل كده
قرب منها وشدها عليه بغضب شديد وقال بطريقه ترعب..اول حاجه صوتك ميعلاش تاني ...ثاني حاجه يا حلوه لو قولتي خطيبة اخوك دي تاني هقطع لسانك انتي خلاص يا اميره هانم بقيتي على زمة مراد الجابري يعني حتى النفس بقالو حساب سمعتي
اميره كانت بتتألم من مسكتو و بصتلو بغضب ودموع وقالت....انا للاسف على زمة أحقر راجل على الارض ده لو كنت راجل اصلا
مراد غمض عنيه بغضب مكبوت بس سابها بهدوء وقال ببرود يحسد عليه ..كان بودي اتعصب واقولك اني ارجل من اللي خلفك ...بس انهارده دخلتنا وكلها ثواني وتعرفي لوحدك الكلام ملوش لزوم
...وصفر ببرود وراح على الحمام
اميره قعدت على السرير بزهول وهيه مش مصدقه اللي عملو وقلب حياتها في لمح البصر
بعد شويه خرج من الحمام
لقاها قاعده على السرير بضيق بصلها وقال باستغراب... ايه ده انتي لسه مقلعتيش الفستان...يا بنتي ده صلاحيته انتهت من ساعه
اميره بصتلو بضيق شديد وهو قرب منها وقال..انتي مش مصدقاني ولا ايه..طب اسألي اي حد هيقولك ان فساتين الفرح لها صلاحيه..يعني فيه اللي بتنتهى من على السلم...وفيه اللي بتنتهي جوه الوضه وفيه اللي بتنتهي على السرير ...وقرب منها جامد وقال بطريقه تخوف...وفستانك ده انتهت صلاحيته معايا دلوقتي فاقلعيه لو حابه تحتفظي بيه سليم...وزعق وقال اخلصيييي
اميره انتفضت بخوف من صوته ولسه هترد بس اتصدمت لما اتكسر الباب ودخل شاب في العشرينات بغضب شديد وقال....بس هيه للاسف هتفضل بيه....لانها هتترمل حالا...وميبقاش عندها وقت تقلعه ووووو
يلا لو حابين نكمل وروني التفاااااعل الجامد الرهيييب اللي جاي تحففففه مشاركات كتير يا عسلاتي لعيون زهرتكم
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺