رواية حبيبي المدير الفصل الحادي والاربعون بقلم الكاتبه شيماء صبحي حصريه وجديده على مدونة أفكارنا
 |
رواية حبيبي المدير الفصل الحادي والاربعون بقلم الكاتبه شيماء صبحي حصريه وجديده على مدونة أفكارنا
قبل قراءة الفصل إعملوا متابعة لصفحتي دي بسرعه
في يوم جديد صحيت مريم ولقت إنها في حضن حسن وكانت هيا اللي ماسكه فيه جامد..استغربت انها ازاي نامت جمبه بالشكل دا وكانت هتقوم بسرعه ولاكن لفت نظرها شكل حسن الوسيم وهو نايم..
كان شعره نازل علي عيونه كتير وبيضايقه وهو نايم..لاحظت مريم انه بيضم حاجبه من الوقت للتاني علشان يبعد شعره من علي عيونه ..
فقررت تبعده هيا واول ما لمست جبهته ورجعت شعره لورا.. بصت لباقي وجهه بتركيز وكانت حاسه انها بدأت تحس بمشاعر ليه.. فـ أول مـا لقت انه بيتحرك وبيقرب منها جامد، نزلت ايديها بسرعه وهوا فضل يقرب منها لحدما مريم نامت وهوا سند براسه علي صدرها..
فضل قلبها يدق بقوه وكان وشها اتحول للون الأحمر من الخجل حسن كان نايم فعلا ومش بيمثل وهيا مكنتش عارفه تبعده عنها ازاي..فقررت تبعد عنه ببطئ ولاكنه حط ايدي حاوطها وسحبها اكتر عليه..
مريم باختناق.:حسن ..حسن؟
كان مكمل نوم ومش بيرد عليها فقربت اكتر من وشه ولمست شعره وقالت بصوت واضح:حسن..انت نايم فوق قوم!
مكنش بيرد عليها تاني وقرب رقبته من رقبتها جامد وهيا بسبب الحركة دي حست بغيرة في جسمها وغمضت عينيها باستمتاع..وبعد وقت قصير مريم حاولت تقوم تاني ولاكن مقدرتش للأن جسمة ضخم وأتقل منها بكتير فقررت انها تستلم وتنام وبالفعل مريم نامت تاني وكان حسن نايم وهوا حاضنها أكتر؟
________وفي القصر؟
صحيت احلام قبل ماهر وقررت انها تعمله فطار بنفسها علشان هيا حاسه انه لسا متصالحش معاها بنسبة١٠٠٪ واو لما نزلت للمطبخ كان الشيف المسؤول عن المطبخ بيعمل الفطار واول مشاف احلام ابتسم وقال:صباح الخير يا هانم؟
احلام بابتسامه:صباح النور يا شيف..انا كنت عاوزه اعمل الفطار لماهر النهارده ..ممكن؟
الشيف حرك راسه فورا وقال:طبعا تحت أمرك يا هانم اتفضلي..
احلام ابتسمت وشكرته وقربت من البوتجاز وقالت:في بيض؟
الشيف بموافقه:موجود يافندم..اي حاجه حضرتك محتجاها موجوده هنا؟
ابتسمت احلام وحركت راسها بالموافقه وقررت تعمل الفطار وكان بيساعدها الشيف..
وبعد وقت انتهي الفطار واحلام حطته علي صينيه كانت واحدة من الخدم هتشيله مكانها ولاكن احلام رفضت وقررت هيا اللي تشيل الصينيه..فـخرجت احلام من المطبخ واتجهت للغرفه وكان وقتها ماهر صاحي وكان متفاجئ انها مش موجوده ..
احلام دخلت للجناح وهيا شايله الصينيه واول مشافته قاعد علي السرير ابتسمت وقالت:صباح الخير يا حبيبي..أنا عملتلك الفطار؟
ماهر بص عليها واتفاجئ فقرب منها ياخد منها الصينيه وقال بتساؤل:بنفسك يا احلام!
ابتسمت احلام وهوا قرب من السرير وحط عليه الصينيه وهيا قربت منه وحضنته من ضهره وقالت:حسيت انك متصالحتش كفايا فقولت اعملك فطار واصالحك بيه!
حرك راسه بموافقه ولف بجسمه ليها وحضنها وقال:رغم اني اصلا اتصالحت امبارح وكفايه بس تسلم ايديك علي التقدير دا كله؟
ابتسمت بحب كبير وشاورت علي الفطار وقالت:خلينا نفطر مع بعض..لانك كل يوم بتروح الشركه من غير ما تاكل؟
ماهر حرك راسه بالموافقه والاتنين قربوا من السرير وقعدوا ياكلوا مع بعض؟
وفي غرفة حمزه كان صاحي علشان يروح الكليه لان النهارده اول يوم امتحان..فكان بيلبس وهو بيعدل لياقه قميصه والابتسامه مش مفارقه وشه..
افتكر كلام حنين وانها هترد عليه بعد امتحانها فدعي من قلبه انها تنجح وتجيب اعلي درجه علشان توافق بيه..
للمتعه والترفيه أدخلوا هنا 👇 ❤️ 👇بعدما خلص لبسه قرر ينزل ويفطر مع احلام وخاله قبل ما يروح الكليه وهو نازل قابله مرسي وقال:صباح الفل يا حمزه باشا حضرتك هتفطر هنا ولا في الجنينه؟
حمزه بابتسامه:صباحك فل وورد يا مرسي..انا هفطر ف يالجنينه علشان استنشق هواء نظيف'
ابتسم مرسي وحرك راسه بالموافقه وحمزه اتحرك للجنينه وهو بيدندن اغنيه ووقتها وبعد ثواني الخدم بدأوا يجيبوا الفطار ..
حمزه بصلهم وقالو بتساؤل:مش لما ماهر بيه واحلام هانم ينزلوا الاول؟
مرسي جه من ورا الخدم وقال:البيه والهانم هيفطروا في جناحهم النهارده..اصل احلام هانم نزلت وعملت الفطار بنفسها؟
حمزه بصله بدهشه وهو بيررد كلامه:بنفسها؟
مرسي حرك راسه بالموافقه وحمزه قال:طيب براحتهم ..قولي بق الفطار ايه؟
مرسي بدأ يشرحله مكونات الفطار النهارده وحمزه حرك راسه باستمتاع من اللي شايفه وبيسمعه فبص لمرسي وقال:تسلم ايديك وتسلم ايد الشيف وتسلم الايد اللي جاب الاكل!
مرسي والخدم ابتسموا لان حمزه الوحيد هنا في القصر اللي بيغازلهم علي طول.. فاتحركوا علشان يسبوه ياكل براحته وهو قرر يأكل بسرعه علشان يطلع يرخم علي عصافير الحب في عشهم؟
__________وبعد وقت في غرفة ماهر ؟
خبط حمزه علي الباب ولما قامت احلا تفتح قال وهو ضامم عينيه بمشاكسة : اذيكوا يا عصافير الحب.. احلام بصتله ورفعت حاجبها وهو قال وهوا بيعدل وقفته: احم فين خالي؟
احلام شاورت علي ماهر اللي كان بيظبت شعره قدام المرايه وهو قال وهو بيقرب منه:صباح الخير يا خالي..ايه الحلاوه دي!
ماهر بصله في المرايه وقال بتساؤل:صباح النور ..رايح فين ومتشيك كده؟
حمزه وهو بيعدل لياقه قميصه:الكليه ان شاء الله عندي امتحان النهارده ادعيلي بق؟
ماهر حرك راسه وقال بسخريه:هدعيلك رغم اني واثق انك هتعيد السنه!
حمزه بص حواليه بخجل وهوا قال:ايه اللي جايبك عندنا كده معقول بتسلم علينا قبل ما تمشي؟
اتكلمت احلام وهيا بتقرب من ماهر:شكله كده عاوز حاجه منك!
حمزه بصلها وابتسم وقال:مرات خالو اللي فهماني..صح يا خالو انا محتاج فلوس؟
ماهر بصله وقال باستغراب لانه متاكد انه معاه فلوس:مش معاك الفيزا وانا حاطتلك فيها فلوس؟
حمزه ضم حاجبه برفض وقال:لا ما هيا خلصت؟
ماهر بصله بصدمه وقال:خلصت..خلصت امتى وفي ايه ان شاء الله؟
حمزه قرب منه وهوا بيقول بمسكنه:يا حبيبي انا بصرف كتير وبعدين دول شويه فكه و…
ماهر بسخريه:فكه ايوا ما انت مش فارق معاك حاجه بتاخد علي الجاهز…احلام ضحكت علي كلام ماهر فبصلها ماهر وقال:بلاش انتي يا احلام واسكتي؟
حمزه بصلها وضحك وقال:شكلي مش لوحدي اللي بصرف في فلوسك يا خالي؟
احلام بصتلهم بضيق وضربة حمزه علي دراعه وقالت بضيق:اكيد عايز الفلوس دي علشان يصرفها علي المعجبات؟
ماهر بصله بجديه وقال:عاوز كام يا حمزه؟
حمزه بابتسامه:١٠٠؟
ماهر وهو بيطلع محفظته:١٠٠ جنيه؟
حمزه بمقاطعة:١٠٠الف!
ماهر بصله وهو ساكت وحمزه قرب منه مسك دراعه برجاء وقال:اوعدك اني هحل كويس وان شاء الله السنة الجايه هنجح فيها ..اوعدك!
احلام بصت لشكل حمزه وهو بيترجاه وضحكت وماهر بص لحمزه اللي قرب يعيط وقال:خلاص ابعد عني بوظتلي الهدوم!
حمزه عدل نفسه بسرعه وبعد عنه وقال:ها قولت ايه يا خالي؟
ماهر طلع موبايله من جيبه وكان بيبص للتيلفون وبيبص لحمزه وبعد ثواني قال:وصلتلك رساله بالمبلغ ؟
حمزه طلع تيلفونه بلهفه واول ملاقي ان اتحوله ١٠٠الف جنيه علي حسابه البنكي بص لماهر وابتسم وقال:حضن بق لخالي علشان مش بيزعلني؟
بعده ماهر بايديه وقال:لا خالك مش عايز هدومك تبوظ..انا راضي يلا شوف رايح فين؟
حمزه حرك راسه بالموافقه وقرب من احلام وهو بيفتح ايديه لاستقبال حضن وقال:حضن بق لمرات خالي؟
ماهر حدفه بفرشة الشعر علي جسمه وقال:بره يا حيوان؟
حمزه خرج بسرعه وقفل وراه الباب واحلام بصتله وضحكت وهوا ابتسم وقال:هيجنني الولد دا؟
احلام قربت منه وهيا بتعدل الكرافته بتاعه وبتقول:هترجع امتي النهارده..
ماهر بايجاب:عندي اجتماعين برا الشركة هخلصهم وارجع..يعني علي بعد الظهر؟
حركت احلام راسها بالموافقه وقربت من خدة باسته بحب وقالت:ترجعلي بالسلامه!
ردلها ماهر القبله وقال:انا مش عاوزك تتعبي نفسك في اي حاجه محتاجها..انتي بس شوف عاوزه ايه وهاتيلي الصورة وانا اجبهولك لحد عندك؟
احلام ابتسمت وحركت راسها بالموافقه وهو قال:ماشي يا حبيبتي خليكي شاطرة كدة واسمعي الكلام؟
احلام ضربته بخفه علي دراعه وقالت:انت شايفني طفله؟
ابتسم ماهر وخطف قبله من شفايفها وقال:احلي طفلة!
ابتسمت بخجل وهوا لف بجسمه عدل هدومه قدام المرايه وبعدها احلام قربت منه وقالت:خليني اوصلك للعربيه؟
حرك راسه بموافقه وهسا مسكت في ايديه ونزلوا الاتنين ..وكان وقتها حمزه واقف مع مرسي وبياكل صباع موز واو لما شاف خاله واحلام ابتسم وقال:علي مهلك لتتحسد يا باشا؟
ماهر بصله بغضب واحلام مردتش عليه وهو فضل باصصلهم وبيضحك عليهم ..ركب ماهر عربيته وودع احلام وخلاها تدخل تاني وبعدها العربيه بتاعته اتحركت وقال بجديه:هنروح الشركه؟
دخلت احلام تاني للقصر وقربت من حمزه اللي بيبصلها وبيضحك ومسكته من هدومه وقالت بتحذير:ولاااا انت نسيت انا كنت بعمل فيك ايه ولا خلاص الحنيه هتخليك تستظرف كتير؟
حمزه كان بياكل الموز وعاوز يضحك بسبب نظراتها ليه فحرك راسه باعتذار وهيا لما لقته هيتخنق بسبب الاكل سابته ودخلت للجنينه..
حمزه اخد نفسه بالعافيه وبص عليها وقال بهمس:اه يا مرات خالي يا مجنونه؟
بصتله بغيظ وهو قرر يهرب من قدامها بسرعه قبل ما تضربه ويروح للامتحان وهو سليم احسن..
__________وفي الجبل ؟
صحى حسن ومريم علي صوت خبط علي الباب..حسن قال بتساؤل:مين؟
العم سينا:انا عمك سينا يا ولدي..جبتلكوا الفطور؟
حسن حرك راسه وقال:حاضر يا عم سينا جايلك؟
حسن بص لمريم اللي بتبصله بخجل وقام من جمبها واتجه للباب وفتحه واول مشاف العم سينا ابتسم وقال بشكر: شكرا يا عم سينا تسلم ايدك منتحرمش منك !
سينا بابتسامه :الشكر لله يا ولدي..انا عاوزك تفطر انت وزوجتك وبعدها تيجي معانا علشان نشوف الحشرات اللي في بيتك دي ونطلعها مع بعض؟
حسن حرك راسه بالموافقه وسينا مشي وحسن قرب من مريم وقال وهو بيحط الصينيه علي الطرابيزه الصغيرة اللي في الغرفة :قومي علشان ناكل يا مريم !
مريم حركت راسها بهدوء وهو دخل للحمام الصغير اللي في الغرفه وغسل وشه وايديه ولما كان خارج كانت مريم واقفه وراه وبسبب انها قصيره عنه بكتير مشافهاش وخبط فيها ..ولما انتبه ليها انها هتقع لما صرخت لحقها بسرعه قبل ما تقع وسحبها بقوة علي صدره..
مريم قالت بخجل وهيا بتبص لصدرة:مش تحاـسب يا حسن ؟
حسن بص في عيونها بتوهان وقال:معلش ما اخدتش بالي؟
حركت مريم راسها بتوتر بسبب نظراته وعدلت نفسها بسرعه وقالت:هدخل اغسل وشي وايدي؟
حسن شال ايدي بسرعه من عليها وهيا دخلت للحمام وهو قرب من الصينيه وهو بيكشفها علشان يشوف محتواها ايه ؟
مريم كانت بتغسل ايديها بتوتر وخوف لانها مش عارفه ايه اللي مستنيها او هيحصلها من ادهم.. فلما خرجت وقربت منه قالت:هنعمل ايه النهارده هنفضل هنا؟
حسن بصلها بانتباه وحرك راسه وقال:انا هروح انا وعم سينا للبيت وهنظفه وبعدها هنروح نقعد فيه النهارده كمان وبكرة انا هسيبك وهرجع القاهره تاني علشان عندي مؤمريات متأجله؟
مريم بصتله بتوتر وخوف وهو قال علشان يطمنها:لما اجي امشي هطلب من عم سينا وحريمه ياخدوا بالهم منك ..ولو خايفه اوي خليكي هنا معاهم وانا هطلب من عم سينا يسيبك قاعده في بيته؟
مريم حركت راسها بالموافقه علي كلامه وبعدها قربت منه وقعدت جمبه وقالت: طيب وانا هترجع امتي يا حسن ؟
بصلها حسن بعدم علم وقال:مش عارف يا مريم بس هحاول متأخرش عليكي..المهم انتي خلي بالك من نفسك علشان برضوا هكون قلقان عليكي!
مريم حركت راسها وهو بص للاكل وقال:مش يلا علشان تاكلي ..مريم بصت للاكل وحركت راسها بموافقه واول ما اكلت من الجبنه طلعتها من فمها بسرعه وقالت بريأكشن نصدوم :دي اي دي ..طعمها وحش اوي؟
حسن اكل من الجبنه ولقي انها عاديه فقال:الجبنه حلوه اهي .. بصتله وحركت راسها برفض فكمل كلامة بتساؤل وقال:هو انتي اول مرة تاكلي جبنة معيز؟
مريم قالت بصدمة وهيا بتردد اخر كلمه قالها:معيز؟
حسن ابتسم علي شكلها وحرك راسه بالموافقه وهيا بصت لبقيت الاكل وشاورت علي طبق فيه نوع جبنه تانيه وقالت:طيب دي ايه..جبنة ايه دي؟
حسن وهو بيقرب الطبق منها:دا طبق جبنة قديمة بمش..اول مرة تجربيها ولا ايه؟
مريم بصت للطبق بتركيز ولما لاحظت حجات صغيرة بتتحرك علي الجبنه بعدت عنها وقالت بصدمه:دا اي دا دوود..؟
حسن بعد الطبق عنها ورجعه مكانه بضحكه وهيا قالت بتقزز:اي دا يا حسن هو مفيش حاجه في الجبل دا غير حشرات؟
ابتسم وهو بيقرب منها قرص مخبوزة وبيقول:خدي كلي دي من غير حشرات..قصدي يعني انها عاديه واللي فيها عجوة؟عارفه العجوة؟
حرمت مريم راسها و اخدت منه القرص وقالت بشك:متأكد من كلامك دا يعني مش هلاقي كوبرا خارجه منها دلوقت؟
مقدرش يكتم ضحكته لما سمع شرحها وهيا لما شافت جمال ضحكته ابتسمت وبعد ثواني الابتسامه قلبت بضحكه لانه مش قادر يبطل ضحك.. فلما لاحظ انها مش بتاكل وقف ضحك وقال:كُلي ومتقلقيش..دي كويسه مفيهاش حاجه؟
مريم حركت راسها بالموافقه وبدأت تاكل ولما لقته بياكل من الجبنة اللي فيها دوود قال برفض:لا متأكلش منها..حسن باعتراض:ليه انا متعود عليها ماقلقيش دا حتي الدوود فيه بروتين..
مريم بتقزز: يعني متعود تاكل القرف دا..
حسن شال الجبنة من الصينيه لما قلها هتستفرغ وقال:خلاص مش واكل حاجة هاكل قرص معاكي..
ابتسمت وحركت راسها بالموافقه وبدأوا ياكلوا مع بعض لحدما كانوا خلصوا بعد وقت قصير ..فوقفت مريم علشان تغير هدومها وهوا قال:انا هخرج انا اروح مع عم سينا نروق البيت وانتي خليكي هنا..
مريم حركت راسها بالموافقه وهو خرج من الغرفه وقابل عم سينا وبلغه انه جاهز يروح ينظف البيت ..وافق عم سينا علي كلامه واداله حجات للتنظيف واخدها حسن منه وخرج راح لبيته ووره سينا .
____________وفي نص اليوم!
..خرجت ناني من بيتها ولقت عربية غاليه مستنياها وفيها منعم..
ناني باستغراب وهي بتقرب منها:انت مستني حد هنا..
منعم كان لابس نظاره شمسية فـ أول مشال النظاره وبصلها ناني عرفته علي طول وقالت بلهفه: انت مو مساعد ديحة باشا مش كده؟
منعم حرك راسه بالموافقه وخرج من العربيه يفتحلها الباب علشان تركب وقال:ديحة بيه مستني حضرتك في الفيلا!
ابتسمت ناني بحماس وركبت في العربيه بسرعه ومنعم اتحرك في اتجاه الفيلا اللي فيها ممدوح ودي كانت في الطريق الصحراوي ..
وبعد وقت كبير وصلوا قدام الفيلا واول مشافتها ناني قالت بدهشه:دي الفيلا بتاع ديحة باشا؟
منعم حرك راسه وهو بينزل علشان يفتحلها الباب..!!!
وكانت ناني بتعاين الفيلا بعيونها بدهشه لان تصميمها كان مزهل واول مره تشوف التصميم دا في مصر.
"كانت الفيلا دي مِلك ماهر وكان مخصصها للاوقات اللي بيحس فيها انه عايز يهرب عن الدوشه فكان مكانها فعلا مميز للنه بعيد عن الدوشه والأصوات المزعجة اللي بيصدروها الناس والعربيات طول الوقت "
دخلت ناني مع منعم لجوه واول مشافهم ممدوح قام وقف وهوا بيبصلها بابتسامه.. فقبل ايديها بحب وقال:حمدلله علي سلامتك يا ناني هانم..نورتي الفيلا؟
ناني بابتسامه خجوله:دا نورك يا ديحة باشا..ولا اقول ديحة بس؟
ممدوح بتوهان:ياريت..انا نفسي اسمعها منك!
ابتسمت ناني وقالت وهيا بتقرب من شفايفه وبتهمس بدلع:ماشي يا ديحهـــ💃..
منعم كان واقف وحاسس انه هيستفرغ بسبب القر/ف اللي شايفه فقرر يسيبهم لوحدهم ويرح يعمل لنفسه حاجه يشربها بعدما سدوله نفسه خالص ..وهو واقف وبعيمل القهوه سمع صوت ممدوح واللي بيقول:جهزلنا الـ مشروب يا مو؟
منعم بغيض:جتك مو يا بعيد منك ليها؟
ممدوح كان بيبص لدراع ناني العار/ي وعايز يلمسه فبصلها وقال:هتلعبي النهارده؟
ناني حركت راسها بالموافقه وقالت بحماس:استعد يا ديحة للخسارة؟
ابتسم ممدوح ولمس دراعها بحجة انه بينصحها:استعدي انتي للهزيمة يا ناني.. ابتسمت ناني ورجعت بضهرها لورا وهيا بترفع رجليها وبتحط واحده فوق الاخري وممدوح اول مشاف رجليها العا/ريه حس انه مش قادر يمسك نفسه فضغط علي شفايفه بحرمان وقال:ناني هانم..انتي طالعه حلوة كده لمين؟
ناني ابتسمت بخجل وقالت بدلع:لمامي..اصلها كانت حلوه اوي؟
ممدوح بتوهان :وبنتها احلي..ضحكت ناني بصوت عالي وصل لمنعم واللي قال:حسبي الله ومنعم الوكيل تتحرقوا في نار والعه يا ُبعده؟
بعدما جهزلهم منعم المشروب وقرب منهم لقي ممدوح باصص لرجل ناني ومش فس وعيه فقرب منعم من رجل ممدوح وضغط عليها وقال علشان يفوقه :اتفضل يا ديحه باشا؟
ممدوح انتبه ليه وعدل نفسه بسرعه وقال:ايوا هات يا مو..تسلم ايديك؟
ناني بصت لممدوح وغمزلته وقالت بدلع :تسلم ايدك يا موووو💃 قالت الكلمه بدلع أوفر خلت منعم قرفان أكتر منها وقال:العفووو..قالها منهم بنفس طريقتها وقرب من ممدوح وقال:اجهز لحضرتك الطاوله يا بيه؟
ممدوح بص لناني وقال:اي رئيك نلعب جوله دلوقت؟
ناني حركت راسها بالموافقه وممدوح بص لمنعم وحرك راسه بالايجاب ومنعم اتحرك من قدامهم بسرعه وسابهم يكملوا العك اللي بيعملوه..
بعد دقايق رجع ممدوح وبلغهم ان الطاولة جهزت فقام ممدوح وناني واتحركوا في إتجاه الطاوله وقرروا يلعبوا جوله وكانت علي ٣٠ مليون ووقتها دي كانت اول مرة ناني تلعب علي الرقم دا في جوله واحده فكانت خايفه لتخسر ولكن لما بصت لممدوح ولقت انه سرحان في جمالها فكرت انه مستحيل يكون مركز وهتكسبه بسهوله ولاكن بعدما انتهت الجوله وهو كسبها استغربت ازاي ممكن يكون محترف بالشكل دا؟
ممدوح بصلها وقال:ها يا ناني هانم..انتي كويسه..دي ثالث مرة اكسبك فيها؟
ناني بضيق:مش عارفه خلينا نلعب جوله تانيه..
ممدوح حرك راسه بالموافقه وبصلها وقال:إدي الشيك لمو علشان لو كسبتيني يرجعهولك تاني؟
ناني حركت راسها وكتبت الشيك وايديها بترتعش وادته لمنعم وبعدها بصت لممدوح وقالت:هلعب علي٣٠ كمان لان دول اخر اللي معايا؟
ممدوح ابتسم وقال:يارب تكسبيني..
ناني حركت راسها وبدأوا جوله تانيه وبعدما انتهت كسبها ممدوح وقال:انا كده كسبت!
ناني بقلق:اكيد في حاجه غلط انا كنت مركزه وكان فاضلي حجات بسيطة واكسب؟
ممدوح قرب من دقنها ولمسه وقال وهو بيبص في عيونها:يا ناني هانم متندميش علي اي خساره لانك ممكن تعوضيها..بس انا للاسف مش هعرف العب تاني لاني عاوز حضرتك في حاجه مهمه؟
ناني بتساؤل:حاجة اي دي؟
ممدوح بص لمنعم وقال وهو بياخده كـ حجه:مش هينفع قدامه..ناني حركت راسها بتفهم وكتبت الشيك الاخير وادته لمنعم وهيا متوتره لانها معدش معاها اي فلوس في حسابها البنكي فبصت لممدوح اللي وقف فجأة وقالت بتساؤل :رايح فين يا ديحة؟
ممدوح وهو بيقرب ايديه منها:تعالي معايا يا ناني عندي ليكي مفجأة؟
ابتسمت ناني علي كلامه وقامت وهوا قرب من منعم وقال بهمس:كده خلاص؟
منعم هز راسه وممدوح قال برجاء :سيبني اخدها لفه بسرعه لحدما تخلص كل حاجه؟
منعم حرك راسه بالموافقه وممدوح مسك ايد ناني واتجه لغرفه من الغرف كانت مجهزه بالورود والشموع وكانت اجوائها هاديه فقال وهو بيفتح الاوضه:اتفضلي يا ناني..اي رئيك!
تاني بصت للاوضة بتوهان لان من وقت ما جوزها مات ومحدش اهتم فيها كده؟
فلفت بجسمها وقالت:تحفه يا ديحه انت اللي مجهزها كده؟
ممدوح حرك راسه بالموافقه وهو بيقفل وراه الباب وبيقول:ناني هانم في الحقيقه انا....انا معجب بيكي ..ومش قادر اتخطي فكرة انك معايا دلوقت.
ناني بصتله باستغراب وقالت بتساؤل:مش فاهمه يا ديحة باشا تقصد ايه بكلامك دا؟
ديحة بلهفه:اي رئيك نتجوز….قولتي ايه يا ناني ردي؟
ناني سكتت وهوا قرب منها ومسكها من وسطها وشدها عليه وقال وهو باصص لشفايفها:مترفضيش علشان خاطري انا مش هقدر استحمل فكرة انك ترفضيني!
ناني بصتله بضعف وقالت:ديحهـ ..
ديحة بتوهان:عيوون ديحهـ..قلب ديحهـ..شفايف ديحـ!
ناني بابتسانه:هو انت واقع اوي كده..
ممدوح وهو بيقلع التيشرت بسرعه: ايوا اوووووي؟
ناني اتخضت من اللي بيعمله وبصتله بصدمه وهوا قربها منه وقبلها برومانسيه واول ما لمس وشها بايديه ضعفت ناني واستسلمت ليه وهو قال:قولتي ايه موافقه اننا نتجوزعرفي؟
حركت ناني راسها وهوا ابتسم ومسك ايديها وقرب من السرير وقال:بحبك يا ناني..؟
_________في الاسفل وبعدما مانعم جهز كل الشيكات اللي معاه ..اتحرك بسرعه بالعربية في اتجاه البنك علشان يسحب الفلوس وطبعا ماهر كان مظبت مع مدير بنك ومبلغه ان الفتره دي هيبعت مساعدة يسحب فلوس من البنك وكانوا مستعدين لاي مبلغ هيجيلهم..
وبعد ما وصل منعم للبنك وسحب الفلوس اللي في الشيكات واتاكد ان حساب ناني اصبح فارغ طلب من مدير البنك يضيف الفلوس كلها للحساب الاخير اللي عمله ماهر باشا وبعدما اتواصل المدير فيديو مع ماهر وبلغه ماهر بالموافقه المدير بلغ ماهر انه هيجيله الشركه علشان يمضي علي وصل الايداع ومنعم خرج من البنك ورجع تاني للفيلا بعدما اتواصل مع ماهر وبلغه ان كل حاجه تمام ..وعرفه باللي ممدوح اقترحه بانه يخلي ناني هانم عندهم ويتجوزها عرفي لانها عجباه و فتره وهيطلقها..
ماهر رغم انه استغرب اللي ممدوح هيعمله ولاكن لقي ان ممدوح بيفكر حلو برغم ان جوازه مصلحه ليه بس هيكون في صالحهم ..فـ وافق ماهر وطلب من منعم يحرص ان ناني متتواصلش مع ياسر غير لما تبلغه انها مسافره اسبوعين فقط..منعم حرك راسه بالموافقه وقفل مع ماهر المكالمه..
وبعد وقت وصل منعم للفيلا ولقي ممدوح قاعد مستنيه ..
منعم قال:ماهر باشا وافق وبيقولنا منخليهاش تتواصل مع ابنها غير مرة واحده وهيا لما تبلغه انها مسافره اسبوعين بس!
ممدوح حرك راسه وقال:طيب وعقد الجواز العرفي جبته؟
منعم:هجبلك عقدين النهارده متقلقش بس اوعي تبوظ اي حاجه !
ممدوح بجديه:متقلقش..كل حاجه تحت السيطرة!
منعم حرك راسه بموافقه وقال:طيب اطلعلها بق وانا هروح علشان هخرج ما خطيبتي ..اشمعنا انت بس اللي تتدلع..
ضحم ممدوح وحرك راسه وطلع ومنعم خرج من الفيلا وقف الباب وبسرعه ركب العربية واتحرك.
____________وبالليل في الجبل !
انتهي حسن من تنظيف بيتهم ورجع لمريم وبلغها ان كل حاجه مظبوته وانهم هيرجعوا للبيت..
مريم برفم خوفها حركت راسها وخرجت من الغرفه اللي كانت قعده فيها ..حسن شكر عم سينا ووعده انه هيجبله سجاير من مصر بعدما يرجع تاني وعرفه انه هياسفر بكره وعاوزه ياخد باله من زوجته..
سينا وافق وقال:ما تخاف يا ولدي زوجتك في عيوني..
ابتسم حسن وقال:تعيش يا عم سينا..اهم حاجه خلي حريمك يهتموا فيها لانها هتكون لوحدها..
ابتسم سينا وقال:من عيني يا ولدي ان شاء الله ترجع انت بالسلامه..
ابتسم حسن ومسك ايد مريم ودخلوا للبيت ومريم فضلت تبص للمكان بعدما اتنظف باستغراب وقالت:هو دا نفس البيت اللي شوفناه انبارح؟
ابتسم حسن وحرك راسه بالموافقه وهيا قالت وهيا بتقرب من السرير اللي في الغرفه:دا سريرك مش كده
حسن باستغراب:ايوا صح هو انتي عرفتي ازاي؟
مريم وهيا بتبص لتفاصيل الغرفه:اصل الاوضة دي صغيره بس دافيه وكمان السرير فيها صغير يعني ميكفيش اتنين ..فطبيعي انه ليك؟
حسن حرك راسه بالموافقه وقال:عندك حق..قوليلي بق هتنامي فين النهارده!
مريم بخجل:مش عاوزه انام لواحدي ..
حسن ابتسم وقال بتساؤل:يعني عاوزاني انام جمبك؟
مريم بصتله وقالت بتوتر:مش قصدي كده بس ممكن تنقل اي سرير تاني وتنام في نفس الاوضه..علشان في اصوات بتظهر بالليل وانا بخاف منها اوي؟
ابتسم حسن وقال : ايوا انتي قصدك صوت الديابه لا متخافيش..مستحيل يجوا هنا؟
مريم قربت منه ومسكت في هدومه برعب وقالت بصدمت:يعني قصدك ان دا مش صوت كلاب.. ياني اللي بيظهر دا كان ديب؟
حسن ابتسم علي قربها منه وحرك راسه وقال:متخافيش طول ما انا معاكي وبعدين انا متربي هنا في الحبل ياعني اقدر اتعامل مع اي ديب يهجم علينا واحنا نايمين؟
مريم بصدمه:يعني بيهجموا اهو..يعني مش هيخافوا وهيدخلوا عادي ويهجموا علينا؟
حسن قال وهو قاصد يرعبها:ايوا اصل مره هجم ديب واكل رجل و..مريم وهيا بتغمض عينها:متكملش خلاص..نام جمبي انا مش هعرف انام لوحدي ابدا؟
ابتسم حسن وقال وهوا بيسألها بشك:متأكدة يا مريم؟
مريم حركت راسها وهيا بتبلع ريقها وهو ابتسم واول ما لقها قربت علي السرير ونامت قرب منها بسرعه ونام جمبها .
يتبع بقلمي شيماء صبحي شيماء صبحي
متنسوش متابعه لصفحتي الكاتبة شيماء صبحي - Shaimaa Sobhy
يا حبايبي حسن ليه دور كبير معاانا في الروايه ومريم كمان يعني وجودهم مش تطويل في الاحداث ولا حاجة..انا عن نفسي حاباهم جدا وكمان بق ليهم معجبين معانا🥰 وبالنسبة لحمزه وحنين انا مش نسياهم بس دلوقت احنا مركزين مع حاجه دلوقت ولازم ننهيها؟
تتوقعوا هيحصل ايه تاني مع حسن بعدما يسيب مريم لوحدها ويرجع القاهره..ممكن ادهم يكشف خطته ولا كل حاجه هتعدي بسلام🙄🥰
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺