سكريبت هاديه بقلم حماده هيكل حصريه وجديده وكامله جميع الفصول على مدونة أفكارنا
 |
سكريبت هاديه بقلم حماده هيكل حصريه وجديده وكامله جميع الفصول على مدونة أفكارنا
في ليلة حسيت بالجوع وانا سهران في البيت ولاني عايش لوحدي ..ومش هقدر احضر أكل وبكره اجازه من شغلي
وعشان لسه قابض المرتب ..فقررت اني ادلع نفسي وانزل اتعشى في اي مكان بره
كانت الساعه ١ صباحا ..قررت انزل ومطلبش دليفري
لاني كنت مخنوق وعاوز اغير جو ..
اتمشيت كتير وعديت على اكتر من مطعم ..جربتهم كلهم قبل كدا فيهم الكويس وفيهم اللي اكله تعبان
كملت مشي وخرجت بره المنطقه الي عايش فيها
اخدت تاكسي وع الطريق لمحت يافطة لمطعم
اول مره اخد بالي منه رغم اني بعدي من قدامه كل يوم
لف من فضلك يا اسطى وارجع ورا شويه
السواق استغرب وهو بيبص لي
و قالي تمام
وقف وحاسبته ووقفت قدام المطعم اللي كان
شكله شيك من بره رغم أنه شكله مطعم صغير
دخلت من الباب الازاز ..وكان المكان فيه كام ترابيزه
اخترت اللي جنب الشباك
كان المكان فاضي مفيش زباين
الديكورات حلوه والمكان شكله نضيف
وفي ريحة اكل حلوه تفتح النفس
ثواني ولقيت ست لابسه يونيفورم
جات وقالت
اهلا بيك يا فندم نورت المكان
اهلا ..هو المكان لسه جديد ؟
ايوه يا فندم ..بس دا تاني فرع لينا
والفرع الأول فين ؟
في أكتوبر
اها ..جميل
دا المنيو وفي خصم 10% عشان الافتتاح
بجد !!ا دا شي عظيم
اه وفي كمان مشروب هديه مني على حساب المحل
انا مش عارف اشكرك ازاي
لما تدوق الاكل يا فندم الاول ويعجبك
اكيد هيعجبني ...اكيد
وعلى فكرة انا صاحبت المطعم ..وبعمل الاكل بنفسي
بجد ؟
انا هادية
وانا حازم
تشرفنا
الشرف ليا
بصيت لها وهي بتتكلم .كانت ست جميله في أواخر التلاتينيات من عمرها ..قوامها مظبوط ..شعرها ناعم
عيونها حلوه وضحكتها اجمل
ابتسمت وانا بقول
هتختار ايه يا فندم
بصيت للمنيو وقولت ..اه نسيت
كان في أصناف كتيير ..فكرت شويه وقولت
مش عارف ..
ايه محتار ؟
اه
تحب اختار لك انا حاجه على ذوقي
ياريت
ضحكت برقة وقالت ..يبقى هتاكل حاجه هتعجبك اوي
وسابتني ومشيت
حسيت بإحساس غريب
المكان شكله شيك والست جميله وبتعمل الاكل بنفسها
رغم أنها صاحبة المكان
هو مش غريبة ؟
ردت وقالت من جوه
ايه اللي غريبة
انك صاحبة المطعم وشغاله بنفسك
اه دا عشان لسه المكان جديد والشغل خفيف
اول ما الدنيا تظبط اكيد هشغل ناس معايا
اها ..تمام
جابت السلطه وحطتها قدامي وقالت
مقولتليش انت شغال ايه يا حازم
شغال كاشير في محل حلويات
ومرتاح في شغلك
وهو في شغل مريح في الدنيا
اه في وموجود لو عاوز وبالمرتب اللي يعجبك
شغل ايه دا وفين ؟؟
قربت مني وقالت ....
2
شغل ايه دا
قربت من ودني وقالت
.
متستعجلش على رزقك
بعد مرور نص ساعه
ها ايه رأيك في الأكل
هايل ..حاجه عظمه بجد.. تسلم ايدك
ميرسي لذوقك
وقبل ما امشي ..طلبت مني رقم موبايلي
عشان نتواصل مع بعض أول ما يكون الشغل الجديد متاح
شكرتها ورجعت البيت وانا مبسوط
دخلت شقتي ورحت الاوضة رميت نفسي ع السرير
وانا مفيش في خيالي الا صورتها وهي بتضحك
ونبرة صوتها بتعزف في وداني
بس قولت لنفسي في ايه يا حازم فوق شويه ..اولا دي ست اكبر منك ب ٥ سنين ع الأقل وغالبا متجوزه ..رغم اني مشفتش اي دبله في أيدها ..بس معقول وحده بالجمال والرقه دي تكون لسه انسه ..لا ما اظنش
نمت وصحيت الصبح على منبه الفون ..قفلته
وقومت لقيتني بهدوم امبارح ..غيرت بسرعه ونزلت جري ع الشغل عشان متأخرش
فات اليوم عادي ..خلصت ورجعت ..اكلت وريحت شويه
وكل دقيقه ابص ع الفون ..مستني منها اتصال
رقمها مش عندي ..غبي اني مأخدتوش
يا ترى هتتصل امتى ؟
مش يمكن تكون مشغوله أو نسيت اصلا موضوعي
بس لا ..ما اعتقدش
الوقت مش راضي يفوت وانا مستني مكالمه منها
عيني غفلت كم دقيقه قبل المغرب ..وصحيت على جرس الفون ..قومت بلهفه مسكته وارد عليه
الو ..ازيك يا حازم
خيبة أمل
اهلا يا امي عامله ايه
مال صوتك يا واد ؟
لا مفيش بس كنت مريح شويه
طمني عليك عامل ايه ..صحتك وشغلك
كله تمام يا امي متقلقيش انا بخير
بتاكل كويس ولا لا ؟
اطمني انا بخير...المهم انتي واخواتي عاملين ايه
كلنا بخير مش ناقصنا غير شوفتك
قريب يا امي اول ما هاخد اجازه هنزلكم البلد
سلميلي ع كل اللي عندك ..
حاضر خلي بالك من نفسك
وانتوا كمان مع السلامه
اليوم فات وبرضو متصلتش
حسيت بأحباط
غدا يوم و ٢ وبرضو متكلمتش
معرفش في ايه هي نسيتني ولا لسه الموضوع مظبطش مش عارف ..
اليوم الرابع لقيتها بتكلمني بعد العشا ساعه
حازم ازيك انا هاديه
اهلا هاديه اخبارك
انا كويسه وانت
الحمدلله تمام ..تمام اوي
صوتها زي ما يكون رد فيا الروح
انت فاضي ولا مشغول
حتى لو مشغول افضالك
طيب عاوزه اشوفك دلوقت
فين في المطعم ؟
لا في كافيه هبعتلك اللوكيشن تجيلي عليه
بعد ساعه من دلوقت ؟
وصلت في المعاد ..دخلت عيوني بتدور عليها في كل مكان
لمحتني رفعت أيدها وشاورتلي
سلمت عليها ..لمست ايدها خلتني قشعرت
فضلت باصص لها في عيونها وسرحت
ابتسمت فأتلخبطت اكتر ..سلامي طول
وهي حست بخجل وانا لسه ماسك أيدها
سحبتها من بين صوابعي بلطف وقالت
اخبارك عامل ايه
قعدت انا بقول
احمممم ..انا كويس ..كويس جدا
وانتي ؟
اممم يعني
مالك في حاجه ..وليه متقابلناش في المطعم بتاعك
تشرب ايه الاول ؟
بصيت للمكان وانتبهت أن الكافيه شكله غالي جدا
معرفتش اقول ايه
قالت أنا اللي عازماك
لا طبعا ميصحش ..مش كل مره
يا سيدي متعملش تكليف
لا ابدا مش هينفع ..
طيب خلاص انا هشرب لمون
وانا كمان
ممكن تكلميني عنك شويه
انا معرفش عنك حاجه تقريبا
حابب تعرف ايه
كل حاجه
كل حاجه !!
لا مش قصدي ..بصي اه كل حاجه بقى
ابتسمت وقالت
انا يا سيدي هاديه ٣٨ سنه ..ليسانس اداب
..بداية حياتي كانت في اسرة متوسطة ..بابا موظف حكومي امي ست بيت ..عشنا حياة كويسه اهلي عملوا كل اللي يقدروا عليه عشاني انا واخواتي ..
احنا بنتين وولد اخويا الكبير اشتغل مهندس
وهو حاليا مهاجر استراليا متجوز ومستقر هناك
واختي الأصغر مني متجوزه وعايشه في اسكندريه
اها طب وبابا وماما
للأسف بابا توفى وانا في اخر سنه في الجامعه
وامي ماتت من سنتين
الله يرحمهم ..انا اسف ؟
وفجأة دموعها نزلت ..
معلش والله مش قصدي حقك عليا
انت مش متخيل يا حازم فراقهم اثر فيا ازاي
انا بقيت وحيده وكارهه الدنيا
ليه هو انتي مفيش حد في حياتك ..أقصد يعني مرتبطيش قبل كدا
لا طبعا أنا اتجوزت
حسيت بصدمه ساعتها وبصيت على ايديها
ابتسمت ابتسامه باهته وقالت
بس جوازي مستمرش كتير ..جوزي توفى بعد سنتين ونص
ومحصلش حمل
البقاء لله
زمانك بتقول عليا وش فقر مش كدا
لا ابدا معاذ الله ..
دا حصل امتى يعني من ٣ سنين تقريبا
وبعدها ؟
بعدها بسنة ابن عمه وصاحبه وشريكه في الشركة قرب مني ولف عليا واستغل حزني ووحدتي وعرف يخدعني واتجوزته
يخدعك ليه ايه اللي حصل ؟
بعد اول يوم جواز لينا ويا دوب دخلت شقتي
اللي ورثتها عن جوزي و ...
معلش هو انتي ليه اتجوزتي في شقتك مش شقته هو ؟
اه انا اتجوزت فيها من خيبتي
عشان هو قالي أنه بيجهز في فيلا نعيش فيها سوا
بس لسه قدامها شوية وقت على متخلص
ويادوب دخلنا اوضة النوم
قرب مني وقالي اخيرا بقيتي بتاعتي وبعدها عمل معايا
حاجه صدمتني فيه
ليه عمل ايه ؟
٣
وفي ليلة دخلتنا وبعد ما انتهى الفرح
ويادوب دخلنا اوضة النوم
وبعدها عمل حاجة معايا صدمتني فيه
عمل ايه ؟
شاف صورة المرحوم زوجي متعلقه فوق السرير
اتجنن وزعق وفضل يقول
هي الصورة دي بتعمل ايه هنا
ماهو بصراحه عنده حق
انا معاك ودي غلطتي اني نسيت اشيلها
بس مهما أن كان دا راجل متوفي
هيغير منه ليه
هو هيغير عليكي عشان بيحبك
بيحبني !! يمكن ..الهم أنه ساعتها مسك الصوره وكسر البرواز
ورماها بره الاوضة وقالي انا عمري متوقعت انك تعملي كدا
اعمل ايه ..دا صاحب البيت اصلا
وكمان كان صاحب عمرك وشريكك
وخلاص مات وانتهينا...
طيب خلاص روق دمك متزعلش
وبعدين
مفيش كانت دي البدايه ..بداية اللعنه
لعنة !!
اه اكتشفت أنه شخص غيور جدا
وشكاك ..بيحبني بجنون وعنده حب تملك
الحاجه اللي نفسه فيها لازم يوصلها مهما كان
وهو كان عينه عليا من زمان ..من اول يوم شافني فيه
وواضح انا كان مستكترني على جوزي
دا في مره كنا بنتعشى في مطعم
والجرسون وهو بياخد الاطباق بيقول اتمنى يكون الاكل عجبكم يا فندم . فابتسمت بس ليه
قام لبسه الطبق في وشه وضربه ..كسرله مناخيره
ولم الناس علينا ليلتها
معقول ؟
واكتر ..دا حول حياتي لجحيم حرفيا
قطعني عن كل صحابي ومعارفي
وبقى متحكم في كل حياتي ..وكان عاوز يلغي شخصيتي
بس انا متحملتش ..واطلقنا بصعوبه
وخلاص بعدته عنه وحاول كتير يصالحني عشان نرجع بس كنت برفض
ولكن فضل فترة طويله يبعتلي هدايا وورود
ورسائل حب وغرام
وقالي اديني فرصه وانا هثبتلك اني اتغيرت
وبعدين؟
شرط عليه اني ليا حياتي واني لازم اشتغل
وافتح بيزنس فوافق
رجعنا تاني ..وساعتها كان طاير من الفرحه
وجابلي مطعم اكتوبر وكتبه باسمي
فضلنا حبه حلوين مع بعض ومفيش كم شهر ورجع العن من الاول ..ودا أما اكتشفت بالصدفه أنه بيتعاطي كوك
ولما خيرته بيني ما بين القرف دا ..مد ايده عليا
وساعتها اصريت على الطلاق ...وقد كان
دا مش بني ادم طبيعي
دا مش بني ادم اصلا ..انا كرهته وكرهت حياتي بسببه
طيب معلش متزعليش نفسك
دموعك دي غاليه عندي ..
بصت لي وقالت
ايه ؟
اقصد دموعك غاليه يعني مفيش حد يستاهل
انا مش عارفه ليه بحكيلك اصلا كل دا
بس يمكن عشان حسيتك جدع
رغم اني لسه معرفش عنك حاجه
عرفتها بنفسي اني من الارياف ووالدي مات وانا اللي شايل مسئولية امي واخواتي ..وسند ليهم بعد ربنا
قالت أنا نظرتي فيك مخيبتش
قضينا سهره لطيفه وبعدها رجعت البيت
كانت ليله حلوه
بعد كام يوم عديت عليها في المطعم بالليل
كانت قاعده لوحدها سرحانه ولابسه نضاره شمس
ازيك
حازم عامل ايه
مال صوتك متغير ليه
مفيش ..
لا في ايه الي حصل
طارق كان هنا الضهر وكان بيحاول معايا عشان ارجع له من تاني ولما رفضت
لما رفضتي ايه
قلعت النضاره ولقيت كدمة تحت عنيها
هو اللي عمل كدا !!
عيطت
قومت قعدت جنبها وطبطبت عليها
وهي انهارت اكتر في البكا
محستش بنفسي الا وواخدها في حضني
وبمسح دموعها وبقولها
متزعليش دا كلب ولا يسوى
فجأة لقيت حد دخل المطعم والغضب باين في عيونه
وهو بيقول ..الله الله
مين دا يا هانم
هاديه اتخضت لثواني
لكنها تمالكت نفسها
فسألته وبحده انت اللي مين
ايه اللي جابك تاني
بقولك مين دا متخلنيش ارتكب جنايه
عيونها كانت فيها تحدي ومسكت ايدي وقالت
نسيت اعرفك ب حازم ...خطيبي !!
4
نسيت اعرفك ب حازم ..خطيبي
بصتلها وانا مندهش
فضغطت على أيدي
وقولت ..انا خطيبها انت بقى مين
انا جوز الهانم
ردت وقالت
جوزي سابقا ..وخلاص كل واحد راح لحاله
بصلي من فوق ل تحت وقال
وملقتيش الا دا اللي فاكراني هغير منه
طب كنتي استنضفي
قربت منه وقولتله
هي فعلا مستنضفتش يوم ما اتجوزتك
ساعتها الغضب زاد عليه وحاول يمسك رقبتي
فمسكت ايده وذقيته
ايدك دي لو اترفعت تانى عليها ..أو عليا هتوحشك
بقى كدا !
تحب تجرب
بصلها وقال
ماشي يا هاديه الكلام لسه مخلصش
وهقابلك تاني ..
واحنا مش عاوزين نشوفك تاني
حلوه يلا الجراة اللي انت فيها دي ..بس واضح انها معرفتكش كويس انا مين
لا انا عرفتك خلاص ..ما هو اللي يمد ايده على وحده ست
تدخلت هاديه وقالت
خلاص يا حازم ..وانت يا طارق احنا انتهينا خلاص
واللي بينا انتهى ولا يمكن يرجع تاني
قرب لودني وهمس وقال
ورحمة امي ما هسيبك
ولسه هيمشي ..شديته وقربت منه وهمست
الله يرحمها ..سلملي عليها
خرج من المطعم والشر ماليه
تفتكر هيعمل ايه
متخافيش انا جنبك
اوعى تسيبني ..انا مليش غيرك
بس حلوه حكاية خطيبك دي ..عجبتني
رغم اني اتفاجات ..طب مش كنتي تقولي عشان اعمل حسابي ..هههه
على فكره انا مبهزرش
يعني ايه !!
انت مش موافق
على ايه ؟
بصت الناحيه التانيه
مسكت كتفها ولفيتها ناحيتي
هاديه انتي بتتكلمي جد ؟
ودي فيها هزار ؟
مش عارف ..بس انا
انت ايه ؟
انا مش هسيبك ومعاكي وفي ضهرك .اطمني
ابتسمت وقالت
انا مطمنه بيك
كنت طاير من الفرحه ..وسهرت معاها في المطعم
وبعدها قفلنا المكان
وصممت أنها توصلني
ايوه بس انا ساكن في حاره و ..
متحاولش هوصلك يعني هوصلك
بس انا مش عاوز اتعبك..المشوار بعيد
لا متقلقش..تعبك راحه
ركبنا عربيتها وفي الطريق كانت مشغله اغاني رومانسيه
وكنا بنضحك ونهزر
ومخدتش بالي أن في عربيه متابعانه
وصلت ونزلت عند البيت ..وقولتلها معلش بقى الوقت اتاخر وانا لوحدي ..كان نفسي اقولك اتفضلي
معلش ..ملحوقه
ودعتها وطلعت الشقه ..
دخلت ولسه بغير هدومي...لقيت جرس الباب بيضرب
بفتح الباب اتصدمت لما لقيت طليقها في وشي
ومعاه ٢ بودي جارد شبه النيران واقفين وراه
ابتسم وقالي
أمي بتردلك السلام ..وطلع مسدس وحطه على دماغي و..
5
دخلت ولسه بغير هدومي...لقيت جرس الباب بيضرب
بفتح الباب اتصدمت لما لقيت طليقها في وشي
ومعاه ٢ بودي جارد شبه النيران واقفين وراه
ابتسم وقالي
أمي بعتالك السلام ..وطلع مسدس وحطه على دماغي وقالي ايه مفيش اتفضل ..
مديت ايدي بسرعه وطفيت نور الشقه اللي جنب الباب
وذقيته بالايد التانيه وقفلت الباب في وشه
سمعته بره بيقول
افتح يلا ..انا مش هسيبك الليلة
وفضل يخبط جامد عليا
انتوا واقفين تتفرجوا ..اكسروا الباب
جوز التيران اللي معاه ..كسروا الباب فعلا
وكنت أنا واقف في المطبخ ماسك سكين
ولعوا النور ..وشوفوه راح فين
دخلوا يدورا عليا
واحد مهم دخل المطبخ..وهو ماسك المسدس
ذقيته من ضهره ..وقع من أيده المسدس
هجم عليا عورته بالسكين في دراعه
ولسه هجري لقيت طارق والتاني في وشي
مسكني وكتفني وطارق نزل ضرب فيا
ذقيته برجلي في بطنه ..وقع ع الأرض
وقام وكمل ضرب بقسوة وغل اكبر
انت فاكر نفسك مين يلا ..عشان تتحداني
انت حتة حشرة افعصك برجلي
دا اخر تحذير ليك لو مبعدتش عن هاديه
انا هخلص عليك
وبعدها خبطني بالمسدس على دماغي
وفقدت الوعي
فوقت تاني يوم ..لقيت الممرضة واقفه جنبي
وشكلي في مستشفي شيك وفي أوضة لوحدي
انا فين ؟
حمدالله على سلامتك يا فندم
دقايق دوخل الدكتور كشف عليا وقال
عامل ايه النهارده
انا فين ومين جابني هنا
انا يا حازم
دخلت هاديه وهي شايله بوكيه ورد
حرام عليك نشفت دمي
ايه اللي حصل ؟
طمني يا دكتور
لا هو بخير ...شوية كدمات وفي كام غرزة في دماغه
احنا بلغنا الشرطة ولازم ياخدوا اقوالك
كمان ؟
عن اذنكم
اتفضل يا دكتور متشكرة لتعب حضرتك
العفو يا فندم
الف سلامه عليك
الله يسلمك ..انا مش فاهم جيت هنا ازاي
وانتي عرفتي منين
بعد مانا وصلت البيت ..اتصلت بيك اكتر من مره وانت مكنتش بترد ..وبعدها في حد من جيرانك رد عليا
وقالي أن في ناس دخلوا عليك الشقه وانك متعور وبتنزف
وفاقد الوعي ..طلبت منه ياخدك بسرعه على هنا
ايوه بس المستشفى دي شكلها غالي
سيبك من الكلام دا وقولي ايه اللي حصل
حكيتلها اللي حصل من ساعة ما سبتها
ولقيتها عيطت وقالت أنا اسفه بجد
اسفه على ايه
اني السبب في كل دا
بالعكس دي احلى حاجة حصلتلي
انت بتقول ايه
ايوه لاني اتاكدت فعلا اني غالي عليكي
بطل بقى
انت اتكسفتي ؟
خلاص يا حازم انت في ايه ولا في ايه
بعد يومين كنت رجعت البيت وعملت محضر في طليق هاديه
وقررت اني مش هستسلم وان الست دي مش هتخلى عنها
خصوصا واني لقيتها فعلا طيبه وشارياني
رغم ظروفي ووضعي
بعد كم يوم عرفت أنه خد إخلاء سبيل
وأنه عرف يجيب شهود زور واثباتات أنه كان في اسكندريه في ليلتها
بس دا كان متوقع من واحد زي دا
هاديه جات لي البيت تزورني وعرفتني بالي حصل
لما المحامي كلمها وعرفها
متزعلش
عادي مش هتفرق
حقك عليا انا السبب
متحمليش نفسك فوق طاقتها ..وبعدين انا زي الفل اهو قدامك والحمدلله ابتديت اتحسن
لحظة هرد ع الموبايل
ايوه يا امي ..عامله ايه
لا انا تمام ..مكنتش برد عشان كنت مشغول شويه
ايه اختي تعبانه ؟
مالها حصل ايه
حصل امتى الكلام دا ؟؟
وليه معرفتنيش
لا خلاص هركب النهارده وجايلكم
هاديه اتخضت وسألتني
ايه اللي حصل
اختي الصغيرة خبطتها عربيه امبارح وهي راجعه من المدرسه ومحتاجه عمليه في الحوض
انا هغير وانزل ع المحطة بسرعه الحق قطر الساعه ٨
قطر ايه انا توصلك بعربيتي
لا طبعا ..دا مشوار وتعب عليكي
وانا مش هسيبك
6 والأخير
اختي الصغيرة خبطتها عربيه امبارح وهي راجعه من المدرسه ومحتاجه عمليه في الحوض
انا هغير وانزل ع المحطة بسرعه الحق قطر الساعه ٨
قطر ايه انا توصلك بعربيتي
لا طبعا ..دا مشوار وتعب عليكي
وانا مش هسيبك
بعد ساعتين كنا وصلنا البلد
طلعنا اخدت اختي وامي وطلعنا على المستشفى
الدكتور طلب اشعه وقال دي لازم تدخل عمليات فورا
العملية هتتكلف 30 الف
المبلغ مش معايا ربعه حتى اعمل ايه
هاديه قالت متشيلش هم
انا هدفع
ازاي ..لا طبعا
مفيش وقت البنت لازم تدخل العمليات فورا
ساكت ليه؟
موافق بس بشرط
ايه هو ؟
دول سلف وهردهم ..
طيب مش وقته
هو دا شرطي
يا سيدي تمام يلا بقى
بعد ساعه ونص كانت اختي جرجت بالسلامه
والدكتور طمنا
هاديه أصرت تسافر ليلتها
رغم اني طلبت منها تبات عندنا ..بس قالت عندي شغل مهم
وهرجع تاني اطمن عليها
امي قالت أنا مش عارفه اشكرك ازاي يا هانم ع اللي عملتيه معانا
اولا لا شكر على واجب واخت حازم تبقي زي اختي بالظبط
وثانيا بلاش هانم دي
قوليلي هاديه
احلى اسم واحلى هاديه ..تعالي أما أبوسك
ماشاء الله عليكي ادب وجمال وشياكه
ضحكت والخجل بان عليها
امي غمزتني وقالت
وبتستحي كمان ..
خلاص يا اما ..خلاص سيبي هاديه تمشي دلوقت
عشان تلحق اللي وراها
هتوحشيني يا بنتي
وانتي كمان يا طنط ..ربنا يخرج داليا بالسلامه
ابقوا طمنوني
نزلت وصلتها وسلمت عليها
انا بجد متشكر جدا ..جميلك دا مش هنساه طول عمري
مفيش بينا شكر ولا جمايل
هتوحشيني
ايه؟
لا مفيش
قولها تاني بس ..مانت طلعت بتعرف تقول اهو
طب بقولك هتوحشيني
وانت كمان هتوحشني جدا
متغبيش عني كتير ..
حاضر يوم ولا اتنين بالكتير باذن الله وهكون عندك
وانا هافتح امي في موضوعنا
ابتسمت وقالت
خلي بالك من نفسك
فات يومين وحالة اختي اتحسنت..بس الغريبة أن هاديه لا جات ولا حتى اتصلت
كلمتها لقيت تليفونها مقفول ..
كلمتها اكتر من مره ..قلقت عليها
وحسيت أن في حاجه
استأذنت من امي ونزلت القاهره وطلعت ع المطعم بتاعها
لقيته مقفول ..ساعتها اتاكدت أنه في حاجه
بس للأسف انا معرفش عنوان بيتها ولا عنوان مطعم اكتوبر
كنت هتجنن من القلق عليها وانا مش عارف اوصلها
وكل ثانيه بتصل على رقمها وبرضو مقفول
ببعت رسايل ع الواتس ومش فاتحه
فات كام يوم معرفش مروا عليا ازاي
ووصلتني منها رساله ع الواتس
تعالى بسرعه ع العنوان دا متتأخرش يا حازم
وبعتتلي اللوكيشن
عملت تليفون ..وخرجت بسرعه وقفت تاكسي
وطلعت ع العنوان
كان في طريق سقارة ..وصلت كان بيت شكله قديم ومهجور
اول ما وقفت عنده لقيت الباب مفتوح
في حاجه غلط ..بتصل وببعت رسايل ومش بترد
هاديه !! انتي هنا ؟
دخلت كان في نور ضعيف جاي من بعيد
قربت عليه وسمعت صوت همهمه ..زي ما يكون حد مربوط وبيستغيث ..قلبي اتخلع جريت ع الصوت
لقيت باب مقفول ..اول ما فتحته لقيت هاديه ع كرسي مربوطه وفي لزق على بوقها وفي علامات تعذيب وكدمات على وشها وجسمها ..والدموع في عيونها
صرخت وانا بقول هاديه
اتخبطت على دماغي من ورا ..محستش بنفسي وفقدت الوعي ..معرفش فات اد ايه
وفوقت على جردل ميا اتكب على وشي
ولقيتني متعلق من ايديا في حبل في السقف
وهاديه جنبي..وجوز التيران اللي هجموا عليا في بيتي واقفين قدامي ..وصوت طارق بيقول
اهو حبيب القلب جالك ..مش كنتي بتقولي انك مش هتسبيه وهتتخلي عني عشانه ..خليه ينفعك بقى
صرخت وانا بقوله لو كنت راجل فكني
بس انت عارف نفسك واطي وجبان
قرب مني ولكمني في وشي الدم نزف
وقال انت ايه يلا لسه فيك نفس تقاوح
مش انا قولتلك اني مش هسيبك
وانا قولتلك لو لمستها مش هرحمك
ضحك بسخريه وقال
لا جدع وريني بقى هتنذقها ازاي دلوقت
فكني وانا هوريك
بس خلاص كفايه
بقى انا يا هاديه تبعيني وتخسري حبي عشان دا
قرب منها وشد اللزق من عليها
صرخت وقالت ..بكرهك ولآخر يوم في عمري هفضل اكرهك
ولو كنت اخر راجل في العالم برضو مش هرجعلك
ماهو دا فعلا اخر يوم في عمرك
طلع مسدسه وشد الأجزاء
صرخت وقولتله ..لا بلاش ارجوك
اقتلني انا..وسيبها تمشي
شايفه حبيب القلب ..متقلقش دورك جاي
ولا اقولك انا هبدأ بيك عشان احرق قلبها عليك
قرب المسدس مني وغمضت عيني
ولسه هيدوس الزناد
كانت الشرطة اقتحمت المكان وتم القبض عليه
...
الاسعاف نقلت هاديه للمستشفى ..وتاني يوم
دخلت عليها الاوضة وانا شايل بوكيه ورد
حمدالله على سلامتك
الله يسلمك يا حبيبي
هو ايه اللي حصل
اول ما وصلتني رساله منك ع الواتس حسيت أنك في خطر عشان كدا كلمت واحد صاحبي محامي
وعرفته الي حصل وبعتله اللوكيشن وهو اللي كلم الشرطه
والحمدلله جم في الوقت المناسب
انا اسفه على كل اللي حصلك بسب..
بس ولا كلمه ..مفيش وقت نضيعه اكتر من كدة
امي واخواتي حجزتلهم وجايين النهارده
يطمنوا عليكي ..وكمان عشان اطلب ايدك رسمي
وانا في الحاله دي
انتي زي القمر في كل حالاتك
بحبك يا هاديه
وانا كمان ..ربنا يخليك ليا وميحرمنيش منك
تمت
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺