رواية الخادمه وفرعون الصعيد الفصل الاول بقلم نوران أحمد مليجي حصريه وجديده على مدونة أفكارنا
 |
رواية الخادمه وفرعون الصعيد الفصل الاول بقلم نوران أحمد مليجي حصريه وجديده على مدونة أفكارنا
في اكبر بيت في الصعيد بيت الغول اكبر العائلات والمسؤول عن أراضي الصعيد وكبير البلد
جاسر الغول كبير العيله بعمر ال 30
الفلاح : يا جاسر بيه الحجني يا جاسر بيه اللهي يعمر بيتك
جاسر : حصل اي بس يا حسنين مالك
حسنين : العمده العمده يا جاسر بيه خد الأرض اللي حالاتي اللي بتوكلني انا والعيال اعمل اي اعمل اي دلوجتي
جاسر : سبيلي الموضوع ده ارض زي ما هي اتحرك براحتك فيها واللي يكلمك خليه يجيني
دخلت ست كبيره بتعيط : انصفني يا ولدي
جاسر : مالك بس يا امي بتعيطي ليه
الست : الجاموسه اللي حيلتي يا ولدي خدها العمده هي اللي بتاكلني محلتيش غيرها سايج عليك النبي ترجعهالي يا ولدي
جاسر : حاضر يا امي النهارده عتكون عنديكي
دخلو الناس وري بعض كل واحد يحكي مشكلته وجاسر يساعدهم ويحلها لحد ما خلصو والناس مشيت وبقا لوحده
جاسر : اي جري للعمده زاد طمعه وظلمه واني معسكتش ابدا علي الحال المايل
وفي الملجا
كانت بتجري بكل سرعتها بخوف معقول اخيرا اخيرا هربت منهم هربت من ظلمهم واذاهم فضلت اجري لحد ما لقيت محطه قطر والقطر اللي كان واقف وقبل ما يمشي نطيت فيه وركبت اول قطر قابلته
انا رنا عشت يتيمه يعني لا ام ولا اب بس اعرف ان عمي اللي رماني في الملجا وانا صغيره اتظلمت واتاذيت كتير اوي وآخره المتامه الي بيكبرو في الملجا ومحدش بياخدهم بيشغلوهم وياخدو فلوسهم ولو منفعوش بيبوعوهم للرجاله وانا عمري ما هسمح بده يحصلي عشان كدا هربت في اول قطر وقف قدامي بدأت اهدي واطمن وارتاح ونمت
عدت ساعات وصحيت علي ايد حد اتفزعت
ست : اسم الله عليكي يا بتي جومي يا بنيني دي اخر امحطه
رنا : ها هو هو انا فين
الست : جومي يا بنيتي انتي بالصعيد معتعرفيش انتي راكبه جطر اي عاد
نزلت معاها وانا ببص لكل حاجه باستغراب اول مره اشوف العالم
الست : جايه لمين يا بنيتي ولا اي حكايتك شكلك من البندر
رنا بتوتر وقلق قالت : مش لحد مليش مكان لسه مش عارفه اروح فين انا مش من هنا اول مره اجي البلد دي فعلا
الست : وه كييف أكده يا بنيتي كانك هربانه من حاجه ولا اي احكيلي حوصل اي معاكي عشان اساعدك معطمنش لاي حد أكده واساعده
بدأت رنا تحكي قصتها للست سميه
سميه : وه ليش أكده يا بنيتي معجول الناس بقاش في جلوبهم رحمه
رنا : انا مش عارفه اعمل اي وخايفه حد يوصلي ومش عارفه هعيش ازاي هنا
سميه : بصي يا بنيتي والله لو بيدي خدتك معايا بس عندي ولاد ربنا يستر علي ولايانا بس اجدر اجولك تروحي لمين يفيدك في البلد روحي اسالي علي عيله الغول وبالتحديد جاسر بيه عيساعدك والله ده راجل زين جوي يا بنيتي
رنا : تسلميلي يا حجه سميه حاضر شكرا جميلك ده في رقبتي وان شاء الله هردهولك
في الميتم
سعد : انا مشغل معايا شويه بهايم حته بت مش عارفين تجيبوهالي
الراجل : يا باشا معرفش بت العفاريت دي هربت مننا ازاي
سعد : البت داخله دماغي وعجباني لو مجتش هتطير فيها رقاب انتم فاهمين
الرجاله : حاضر يا باشا حاضر
سعد : قدامكم اسبوع بالكتير وتكون عندي مفهوم
الرجاله : حاضر يا باشا قبل اسبوع هتكون عندك
وفي فيلا جاسر الغول كانت واقفه رنا بقلق
الغفر : اي اللي موجفك أهني يا بت معتعرفيش أن ممنوع الوجفه اهنه
رنا بقلق : جايه اقابل جاسر بيه موجود ممكن أقابله لو سمحت معنديش مكان تاني اروحه
الغفر : كانك مش من البلد حدانا شكلك غريب انتي من البندر مش أكده
رنا : اه انا من مصر وكنت عايزه اقابل جاسر بيه ضروري ممكن حضرتك تساعدني وتقوله
الغفر : طب يا ستي جاسر بيه مش موجود راح حدي العمده وهيعاود وممكن يتأخر تعالي مره تانيه
رنا : لا حضرتك ما هو مش هينفع مليش مكان تروحه ولا اعرف حاجه في البلد غير المكان ده انا هقعد استناه ممكن
الغفير : ابهواكي يا بنيتي معرفش كيف اهلك يسيبوكي أكده مفيش في جلوبهم رحمه
فضلت رنا مستنيه لحد ما نامت علي نفسها
في دوار العمده
كان العمده بيترعش من الخوف : ده زارنا النبي اتفضل اتفضل نفرش الارض ورد ولا ياسمين يا ولاد اتفضل يا جاسر بيه واني بجول الدوار منور أكده ليه
جاسر : بجولك اي يا عمده هما كلمتين مفيهمش تالت مصايبك كترت جوي جوي يا عمده وانت عارف زين اني ممكن اعمل فيك اي خاف علي منصبك يا عمده ورجع الحاجه لصاحبها وجدامك بس لبكرا ومن بعدها هجلبها عليك عليها وطيها وانت معتعرفش جلبتي كيف معوزش اوريلك العين الحمره وده اخر تحذير
نزلت بنت العمده بدلع نرجس : جري اي يا جاسر داخل معصب أكده ليه تعالا اجعد ويانا شويه نتحدثو ونصالحك
جاسر : بعدي عني وجولت اللي عندي ومن غير سلام
ركب جاسر عربيته ومشي
العمده : مش عارفه توجعيه في شباكك كتك ستين خيبه
نرجس : الواد تجيل يا بوي هو بيحبني بس بيكتبر اني عارفه
العمده : لو بيحبك هييجي يتقدملك وده ميتي يحصول يا بنتي
نرجس بخبث : متجلجش يابا هييجي جريب جوي وكل أملاكه هتكون لينا ومش هيقدر يتحدث في اي حاجه معاك مره تانيه
وصلت لباب القصر
جاسر : لفت انتباهي بنت كيف الجمر جاعده جدام الدوار بيضه زي اللبن القشطه فضولي خلاني اسال
جاسر : مين دي يا عوض وعتعمول اي جدام دواري ازاي تسيبوها أكده
الغفير عوض : دي دي بت جايالك من البندر عايزاك في حاجه مهمه جوي حسب جولها
قرب الغفير عشان يلمسها يصحيها
جاسر بضيق وصوت عالي افزع اللي نايمه : متمدش يدك عليها وانتي تعالي ورايا بسرعه معنديش وجت
بصتله رنا بخوف مشيت وراه وهي منبهره من المكان الواسع والورود الحلوه ومبتسمه كانت عيونه عليها وابتسم دخل مكتبه وهي وراه
جاسر : خير عايزاني في اي بت البندر جايه مخصوص بخصوص اي اتحدثي
رنا بتوتر : كنت كنت عايزه حضرتك في خدمه يعني لو تقدر تساعدني
جاسر : اتفضلي لو بجدر معتاخرش علي حدي واصل اتحدثي بسرعه
رنا : لو ممكن حضرتك تشوفلي شغل ومكان ابات فيه ابقا مشكوره جدا لحضرتك حتي لو خدامه
جاسر : اني معشغلش حد عندي معرفش أصله وفاصله
رنا : حضرتك انا انا كنت في القاهره في ملجأ هناك وتعبت من ظلمهم ف ف قررت اسيب المكان واشتغل واعيش هما اكيد بيدورو عليا بس بس انا عايزه افضل هنا
جاسر : هربانه جولتيلي كلامك في الغاز كتير بس جولتيلي اسمك اي
رنا : اسمي رنا حضرتك وانا ممكن احلف ليك أن دي الحقيقه واني مش وحشه والله ابدا
جاسر : طيب يا رنا عتشتغلي عندي بس لحد ما اتاكد من معلوماتك دي صوح ولا لاع وفتره وجودك عندي هتكوني متراجبه من الخدم وعيعلموكي تشتغلي كيف
ونادي علي اللي ماسكه الخدم خبطت ودخلت
سميه : ايوه يا جاسر بيه تؤمرني بحاجه يا ولدي
جاسر : خدي رنا وريها اوضتها فين وهتبدا معاكم من بكرا في الشغل وعتكون تحت مراجبتك تجيبيلي كل اخبارها
سميه : من عيوني يا جاسر بيه حاضر اي أوامر تانيه تحب احضرلك الوكل
شاور ليها بمعني لا وخرجت مع رنا
رنا : حضرتك طلعتي شغاله هنا طيب ليه شاورتي ليا مش اقول اني اعرفك
سميه : جاسر بيه واعر جوي ولازم يطمن ويجيب حد وراكي واني عارفه انك طيبه وعلي نياتك بدل ما وحده تيجي تطلع عينك وتخليكي تعملي أخطاء ويطردك كلي عيش ومتثقيش في حدي يا بتي
رنا : حاضر يا طنط سميه مش عارفه اشكر حضرتك بجد ازاي بس هحاول ارفع راسك وهشتغل بجد
عرفتني الحجه سميه علي زميلاتي الخدم وخدتني اوضتي
سميه : عايزه حاجه يا بتي اني هعروح علي دواري خلي بالك من نفسك واجفلي بابك عليكي زين عايزه حاجه جبل ما امشي
شاورت رنا علي بطنها وبقها
سميه بضحك : جوعانه يعني مجولتيش ليه يا بتي من الصبح الاكل كتير والخير كتير تعالي ورايا
رنا بكسوف : كلك نظر حضرتك .... الحمدلله كلت وشبعت شكرا يا حجه سميه
صحيت تاني يوم مرتاحه من بدري ورحت علي سميه
سميه : هعرفك علي القصر خلي بالك انتي عتكوني تحت التدريب وهكون مرجباكي بس انتي هتراجبي كل حاجه بتحصل لمده يومين وبعدها هتبدئي شغل فهمتي كل حاجه يا بنتي
رنا : اه بس انا شاطره في شغل البيت ملوش لازمه يومين تدريب كنت بشتغل كتير في الملجا
سميه : انتي لسه واصله ارتاحي شويه وعرفي نظام الجصر أهنه الغلطه بفوره يا بنيتي ولو حد من الخدم احتاجك ساعديه بردو هروع اعمل الفطور
رنا : حاضر ماشي جايه وراكي اهو هساعدك ولو غلطت عرفيني
دخلت ساره بابتسامه خبيثه : عامله اي يا جلبي في الشغل الجديد
رنا بابتسامه رقيقه : اه الحمدلله تمام لحد دلوقتي بس انا متفائله خير ان شاء الله
ساره : طب كويس ممكن تروحي تصحي جاسر بيه علي ما الفطور يخلص
رنا بابتسامه : اه حاضر حالا اي حاجه تانيه عايزاني اساعدك فيها
ساره بتبتسم بخبث : لع كفايه عليكي أكده اما نشوف من بعدها عتعمري معانا ولا لع يا بت البندر
خبطت رنا علي الباب وفضلت تنادي ومفيش صوت فتحت الباب بهدوء ودخلت
رنا : استاذ جاسر اصحي فوق الوقت اتاخر يلا الفطار جاهز
فتح عينه وفجاه اتحولت للون اسود وبدأ يزعق حاسيت بالخوف بدأت اترعش وفجاه
بقلم نوران احمد مليجي
وكدا تكون خلصت حلقتنا استنونا في بارت جديد وهستنا رايكم مع السلامه
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺