رواية حبيبي المدير الفصل الثاني والأربعون بقلم الكاتبه شيماء صبحي حصريه وجديده على مدونة أفكارنا
 |
رواية حبيبي المدير الفصل الثاني والأربعون بقلم الكاتبه شيماء صبحي حصريه وجديده على مدونة أفكارنا
"رجع ماهر للقصر وكانت احلام قاعده في الصالون وقدامها اللابتوب بتاعها وبتلعب عليه..اول ما قرب ماهر منها علشان يسلم عليها قامت احلام بعدما قفلت اللاب بتوب وقالت بزهق:أنا زهقت يا ماهر،عاوزه انزل شغل لان قعدة البيت دي انا مش متعودة عليها..
ماهر قرب منها وباسها من خدها وقال وهو بيقعد جمبها:اولا وحشتيني اوي..ثانيا انتي عروسه ومينفعش العروسه تشتغل وهيا المفروض مشغوله في تجهيزاتها؟
احلام بصتله وقالت وهيا بتقعد جمبه وبتمسك إيديه:أنا مش شايفه ان في حاجه نقصاني..ممكن بس الفستان؟
ماهر حرك راسه بالرفض وقال:لا يا حبيبتي تجهزياتنا كتير..اولا الاوضة بتاعنا اللي انا أجلت تجديدها اول ما انتي جيتي تعيشي معايا .
بس خلاص انا اتواصلت مع مهندس الديكور وهيبدأ يفرشها ويجهزها وانا وانتي بق هنعيش اوضة تانيه لحدما بتاعنا تجهز وندخل فيها واحنا عريسان.
ثانيا بق والاهم..انك هتختاري الفستان بتاع الفرح وهتختاريلي البدله انا كمان وطبعا اي عروسه بتحتاج تشتري هدوم للنوم علشان تدلع جوزها و..
أحلام حطت إيديها علي فمه بسرعه وقالت بخجل:ماهر انت بتقول ايه..؟
ماهر ضحك وحرك راسه بتفهم وقال:انا بس بفكرك انك وراكي حجات كتير تفكري فيها دلوقت بدل الشغل..يعني انا يا احلام عريس وعايز اتدلع..وطبعا عروستي حبيبتي عارفه هتدلعني ازاي ولا انتي يعني عاوزاني اروح اتجوز واحده تانيه تدلعني؟
احلام فتحت عينيها من الصدمه وهوا ابتسم وقال:ها قولتي ايه..هتدلعيني!
حركت راسها بخجل شديد وهوا قرب من خدها باسها تاني وقال:انا مقدرش اعيش مع واحده غيرك ياروح قلبي ..بصتله احلام بزعل وهوا قال برومانسية :مقدرش انام في حضن واحده غير احلام..احلام حبيبتي ومراتي وبس؟
ابتسمت علي كلامه ورفعت صوباعها قدام عينه وقالت بتحذير:يبق متقولش اتجوز واحده تاني دي خالص..علشان لو عملت كده انا هق...
قاطع كلامها بضحكه جميله وقال:وانا مقدرش استحمل تعملي فيا حاجه..اوعدك اني هلتزم اي قواعد تقوليلي عليها ؟
ابتسمت وقربت منه حضنته وقالت بحب:حمدلله علي سلامتك يا حبيبي وانت كمان وحشتني اوي؟
ابتسم وهوا بيمسح علي ضهره بحنيه وبيقول: ايوا صحيح هناكل ايه النهارده..أصل انا جعان اوي،
بعدت عنه وهيا بتمسك ايديه وبتقول:الشيف النهاردة عامل أكلة تجنن ،تعرف أنا ساعدته فيها.
ماهر بفضول:ايوا بق حمستيني ،اي هيا الأكلة دي!
للمتعه والترفيه أدخلوا هنا 👇 ❤️ 👇احلام غمضت عينيها بتذكر وقالت:هيا أكلة إيطالية بس مش فاكرة إسمها..استني اروح أسأل الشيف..
كانت هتمشي ولاكن هوا مسك ايديها وقال :لا خلاص متتعبيش نفسك ..مدام انتي ساعدتي الشيف فيها يبق أكيد هتعجبني.
ابتسمت وحركت راسها بالموافقه ووقتها حمزه كان وصل وقال:هناكل ايه انا جعان؟
ماهر لف بجسمه وقال بضيق:علي أيامي كانوا بيقولوا وهما داخلين من البيت الاسلام عليكم ..انما هناكل ايه أنا جعان دي جديدة الحقيقه ؟
حمزه ضحك وقال علشان يراضيه:طيب السلام عليكم ورحمة الله وبركاته هناكل ايه انا جعان،
ضحك ماهر علي كلامه ووقتها احلام بصت لحمزه وقالت:عاملين اكل حلو بس مش هينفع تأكل منه!
حمزه قرب منهم وقال بتساؤل:ليه ايه الي فيه يمنعني اكل منه؟
احلام :فيه خفه واحنا خايفين عليك يعني تاكلها والخفه تعلي عندك وتنفجر واحنا مشغولين ومش فاضين نعمل عمليات دلوقت،
حمزه رفع حاجبه وقال بمشاكسه:اي دا اي دا دي دا مرات خالو بتعرف تقلش اهو.
احلام قالت وهيا بتحط ايديها في وسطها:لا متقلقش دا انا اعجبك اوي.
حمزه قرب من خاله وحط دراعه علي كتفه وقال وهو بيبصلها بتحدي وبيغمز بعينه :طيب اي رئيك بق اني هنام جمب خالي النهارده وانتي شوفيلك دروة ونامي فيها..
احلام سحبت ماهر عليها وقالت وهيا بتبصله بتحدي أكبر :دا انت خيالك واسع بق علي كده..انسي يا قلبي دا جوزي ومش هينام غير في حضني.
حمزه مسك دراع ماهر وقال بغيظ:لا خالي هينام معايا انا ..دا انتي من وقت ما جيتي وانا مش عارف اتلم انا وهو علي بعض،،
ماهر بصله بصدمه وقال وهو بيردد كلامه :نتلم علي بعض.
حمزه حرك راسه وبصلها وقال:بصي يا احلام خالي اللي هيحكم ..قال كلامه وبص لماهر وقال :انت هتنام جمب مين فينا يا خالي؟
رد ماهر عليه وقال وهو بيبص لاحلام بابتسامي :مراتي؟
حمزه بصلها وقال علشان يغيظها :سمعتي قال ايه اهو قال حمزه؟
احلام ضحكت وقربت منه بعدته عن ماهر وقالت:يا كداب دا قال مراتي..انت بتسمع اللي علي مزاجك بس..
حمزه بص لماهر بصدمه وقال:بق بعد العشرة دي كلها وقعدت تقولي انا زي بابا انا زي بابا لحدما بقيت ماشي وراها ؟دي اللي هتبوظ علاقتنا علي فكره؟
ماهر اتصدم من كلامه وقال :انت شكلك كده وحشك علق زمان اي رئيك نرجع تاني واديلك علقه حلوه تظبتك!
حمزه اتعدل بسرعه في وقفته وقال وهو بيتحرك من جمبهم ببطئ:لا ولا علي ايه انا هروح اشوف الشيف عامل اكل ايه..
مشي من قدامهم بسرعه واحلام بصت لماهر وغمزتله وقالت:عارف لو كنت اختارت حمزه كنت هعمل فيك ايه.يا زوجي العزيز؟
ماهر بصلها وسكت وهيا قالت:كنت هعمل كده..باسته من خده وجريت ورا حمزه اللي دخل المطبخ علشان تشوف الشيف خلص الاكل ولا لسا ؟
فضل ماهر واقف مصدوم وهو باصص عليهم مش عارف مين فيهم اللي عاقل .. وبعد تفكير اكتشف ماهر انه عايش مع مجانيين فبص لنفسه وضرب كف بكف وقال:انا استاهل علشان انا اللي جبته لنفسي يا ولاد المجانيين ؟
______________
في يوم جديد استعد حسن علشان هيرجع تاني للقاهره كانت مريم صحيت علي صوته وهوا بيستعد فقالت بتساؤل:انت ماشي يا حسن؟
حرك حسن راسه بالايجاب وقال:انا هطلع اكلم العم سينا علشان تفضلي معاهم لحدما انا ارجع؟
مريم حركت راسها بالموافقه وقربت منه ومسكت ايديه وقالت بقلق: هو انت هترجعلي تاني يا حسن!
بصلها وحرك راسه بابتسامه:متقلقيش يا مريم كلها كام يوم وهرجع تاني بس علشان اكون مطمن عليكي خلي بالك علي نفسك ومتقلقيش ادهم مستحيل يعرف مكانك هنا ؟
مريم بموافقه:حاضر يا حسن بس ممكن تجبلي حاجه صغيرة كده معاك وانت جاي..
حسن حرك راسه بانتباه وهيا قربت من ودنه وهمست بخجل :عاوزة فوط صحيه ..هيا بتتجاب من الصيديله ..بما اني يعني هفضل هنا فحتاجها وهيا مش متوفره هنا؟
ابتسم علي كلامها وحرك راسه بالموافقه وهيا لفت وشها بخجل منه وقالت:خلي بالك علي نفسك وانت سايق علشان الطريق هيكون طويل وصعب عليك!
رد عليها بصوت واضح:حاضر متقلقيش هسوق بالراحه.... كمل كلامه وقال:انا خارج دلوقت علشان اروح لعم سينا..
حركت راسها بخجل وهوا خرج من البيت وراح لبيت عم سينا واللي كان صاحي واول مشاف حسن قال:كيف الحال يا ولدي ..عرفت تنام زين ولا في حاجه طلعت عليكوا ؟
حسن بإبتسامه:تسلم يا عم سينا بصراحه الخلطه اللي عملتها نظفت البيتمن كل الحشرات ..وانا الحمدلله نمت كويس انا ومراتي!
ابتسم سينا وحسن قال برجاء :معلش يا عم سينا انا عارف اني بتقل عليك بس انا راجع القاهرة دلوقت وعاوز زي ما قولتلك يعني ان مريم مراتي تفضل معاكوا في البيت لانها خايفه تفصل لوحدها في البيت ؟
سينا حرك راسه بالموافقه وقال بموافقه:لا تقلق يا ولدي عليها زوجتك في عيوني لحدما ترجع بالسلامه ..روح جيبها وخليها تيجي تنور مع اخواتها؟
ابتسم حسن وقال بحب:تسلم ياعم سينا والله جميلك دا انا مش هنساه ابدا!
سينا خبط علي كتف حسن وقال:تعيش يا ولدي..انت ابن اجدع صاحب ليا ..ابتسم حسن وسينا كمل بتساؤل:هو نت أكلت ياولدي انت مراتك!
حسن حرك راسه وقال:لا انا هجيب اي حاجه اكلها في طريقي بس مريم هيا اللي مأكلتش ف..قاطع سينا كلامه وقال:لا تقلق يا ولدي عليها ..اطمن !
ابتسم حسن وحرك راسه ومشي علشان يجيب مريم لبيته علشان يمشي بدري ..
والعم سينا دخل يبلغ اهل بيته ان في ضيفه هتفضل معاهم فتره وبلغهم انها تبق زوجة حسن ابن جارهم الله يرحمه وانها تبقي من مصر.
"كان العم سينا عنده بنتين واحدة متزوجة والتانيه عازبه ولان زوج بنته المتزوجه مسافر فهيا عايشه مع والدها بدل ما تفضل لوحدها .."
بنات العم سينا وزوجته لما عرفوا ان في بنت من مصر هتفضل معاهم كانوا متحمسين يشوفها ويقعدوا معاها ..
وعند حسن ومريم اول ما حسن دخل وقرب منها قال:انا عرفت العم سينا وعاوزك تروحي البيت علشان انا همشي كمان شويه.
مريم حركت راسها بالموافقه وقربت منه مسكت إيديه وخرجت معاه من البيت وراحوا مع بعض لبيت سينا واول ما شافوها بناته من ورا الباب كانو متحمسين ليها وفرحانين وهيا بصت عليهم لانها سمعت اصواتهم فابتسمت ليهم وهما بصوا لبعض بفرحه ..
حسن بص لمريم وقال:انا ماشي يا مريم خلي بالك علي نفسك؟
مريم حست ان قلبها وجعها لانها اتعودت عليه فبصتله بحزن وعيونها مدمعه وقالت:استني شويه يا حسن!
حسن ابتسم وقال وهو بيلمس علي ايديها بحنيه: متخافيش يا مريم انتي هنا في امان ..بس انا لازم امشي علشان ورايا حجات كتير لازم اعملها.
مريم بخوف من فكرة انه هيسيبها لوحدها فقالت وهيا بتقرب منه وتحضنه وبتبكي:خلي بالك علي نفسك..حسن ضمها أكتر لصدره وكان حاسس ان روحه بتهرب منه لما سمع بكاءها فقال بحب:خلاص يا حبيبتي بق علشان عم سينا واقف قدامنا؟
مريم بصت لعم سينا واللي باصصلهم بخجل فبعدت عن حسن بسرعه وقالت:طيب روح انت علشان تلحق الطريق وهو رايق كده.
حسن ضحك علي كلامها وحرك راسه بالموافقه وبص لعم سينا ولما لقاه بيطمنه بعيونه سابها معاهم وخرج وهيا بصت لعم سينا والي وقتها نده علي بناته وقال:اخرجوا يبنات ..البنات خرجوا بعد ثواني بس من نداء والدهم عليهن وكانوا باصين للارضه ووشهم احمر لانهم شافوا حسن ومريم وهما حاضنين بعض وكانت ديلحظة رومانسيه مش بيشوفوها غير علي التيلفزيون بس!
سينا وهو بيبص لبناته:سلموا علي مريم يا بنات؟
بنات العم سينا قربوا من مريم وقالت البنت الكبيرة :كيفك يا مريم انا ليلة ودي اختي قمر؟
مريم بصتلهم وابتسمت وقالت:عاشت الاسامي'
كان حد من اصحاب العم سينا بيقرب من البت ولما نده علي سينا وقال:هيا يا سينا هيا؟
سينا بص لبناته ياخدوا مريم ويدخلوا بسرعه ومريم في لحظة لقت نفسها جوا غرفه مليانه بالزي النسائي البدوي فقالت بابتسامه:الله دي اوضتكوا؟
حركوا البنات راسهم وقربت منها البنت الصغيرة وقالت:انتي من مصر صح!
مريم ابتسمت وحركت راسها وقالت :ايوا انا من القاهره!
ابتسمت البنت وقالت:وانتي بق كام عمرك يا مريم.
مريم بابتسامه عندي ٣٥ سنه يا قمر..وانتي بق عندك كام سنه !
البنت:عمري١٥سنة بس!!
ابتسمت مريم لان البنت فيها شبه من اختها احلام لما كانت في نفس عمرها فبصت للبنت الكبيرة وقالت:وانتي بق عندك كام سنه..
البنت ردت وهيا بتحط ايدها علي بطنها وبتقول:عمري٢٢ سنه وانا متزوجة وحامل !
بصت مريم لبطنها وقالت بابتسامه:ما شاء الله.
البنات ابتسموا وبدأوا يوروا لمريم لبسهم وياخدوا رأيها فيه وقالوا :هادا البس من عمايل يدنا!
مريم بانبهار:دا حلو اوي ..انتو موهبين بجد!
البنت الكبيرة "ليلي" قربت طقم منها وقالت:البسي هادا علشان تيجي معانا زواج صديقتنا..
مريم باستغراب: زواج ..زواج مين دا؟
قمر بابتسامه علشان تشرح لمريم اكتد :دا فرح لبنت من الحي هنا ..ما تقلقي هيعجبك اوي..احنا فرحنا غير عكس مصر؟
ابتسمت مريم وحركت راسها بالموافقه وبدوا الاختين يساعدوها تلبس الطقم البدوي الحريمي وكانت طالعه فيه زي القمر..
وعند حسن كان قفل البيت كويس وبص علي بيت العم سينا قبل ما يمشي وكان حاسس انه سايب قلبه في البيت دا فأخد نفس طويل وقرر يتحرك علشان يلحق يروح القسم بدري لان اجازته لحد دلوقت ملهاش مبرر وعلشان برضوا ادهم ميشكش فيه..
_______وبعد وقت كبير وفي قسم الشرطة!
كان ادهم قاعد علي مكتبه واللي كان مكتوب عليه:المقدم أدهم سليمان؟
كان موجود قدام ادهم فريق حسن واللي كانوا باصين عليه ولما بصلهم رجعوا راسهم في الارض بسرعه لانه كان متعصب وبيقول وهوا فاتح اللابتوب علي صورة مريم:هي دي البنت اللي جابهالكم حسن واغتصبتوها؟
الرجاله رفعوا راسهم وبصوا لصورة البنت وبصوا لبعض وحركوا راسهم وقالوا:احنا مشوفناش وشها يباشا اصلا!
ادهم باستغراب:ازاي يعني مشوفتوش وشها ..هيا كانت من غير وش ولا ايه ان شاء الله!
واحد رد عليه وقال:لا يباشا مش قصدنا احنا نقصد انها كانت منزله شعرها علي وشها طول الوقت واحنا فعلا مشوفناش وشها؟
ادهم بعصبيه:وهيا يعني كانت في وعيها وانتوا كلكم كده بتغ/تصبوها علشان تفضل منزله شعرها ومتخلكوش تشوفوها؟
رد الراجل وقال:يا فندم احنا بنقول الحقيقيه هيا فعلا مكانتش في وعيها اوي بس كانت مغطيه وشها بشعرها منعرفش بق كانت لازقاه ولا ايه..بس الرائد حسن مقربش منها قدامنا؟
ادهم باستغراب:ازاي؟
رد الراجل:يعني بعدما خلصنا يا فندم هوا اخدها ودخلها اوضه تانيه وقال انه هيخلص معاها وهيحبسها زي ما حضرتك طلبت منه؟
ادهم شك في اللحظة دي في حسن فحرك راسه ليهم وقال:وهو فين حسن دلوقت!
رد واحد وقال:بيدور علي البنت سيادتك لانها هربت منه؟
ادهم خبط بقوه علي المكتب وقال:اتصلوا عليه وخلوه يجيلي هنا بسرعه ..انتو فاهمين!
حركوا راسهم بالموافقه وهوا طلب منهم يخرجوا وفي دقايق كانوا خرجوا..
ادهم بص لصوره مريم والغضب مسيطر عليه وبيقول:هقت/لك يا مريم..مش هسيبك عايشه علشان انتي تستحقي الموت؟
وصل حسن للقاهره بعدما ساق بسرعه عاليه علشان يلحق يروح القسم ويقابل فريقه واللي اول ما شافوه بلغوه بكل اللي حصل معاهم وبلغوه ان أدهم باشا عاوزه في مكتبه وانه متعصب جدا!
حسن بلع ريقه وحرك راسه بالموافقه وطلب منهم يكملوا شغلهم وبلغهم انه هيروحله.. الرجاله مشيوا واتحرك حسن في اتجاه مكتب ادهم واول ما وصل حسن لمكتب ادهم ودخل ادهم بصله وقال:حمدلله علي سلامتك يا حسن طمني لقيت مريم ولا لسا؟
حسن حرك راسه بالرفض وقال:لا يا فندم البنت كأنها فصل ملح وداب ملهاش اي أثر من وقت ما هربت!
ادهم حرك راه بشك وقال:قولتلي..طيب يا حسن انا عاوزك تسيبها و متدورش عليها وكمل شغلك وانا اللي هدور عليها بنفسي!
حسن بصله بصدمه وقال:ليه حضرتك ..هو انا قصرت في حاجة؟
ادهم برفض:لا بس انت وراك شغل كتير وانا مش عاوز اعطلك اكتر من كده!!
حرك حسن راسه بالموافقه وادهم ابتسم بخبث وقال:الا يا حسن صحيح انت عايش لسا لوحدك في بيتكوا اللي في اكتوبر دا ولا فس حد عايش معاك!
حسن حرك راسه وقال : لا عايش لواحدي يباشا حضرتك بتسأل ليه؟
ادهم بجديه:بسألك عادي يا حسن اصلي مستغرب شاب زيك وحلو متجوزش ليه لحد دلوقت؟
حسن بابتسامه مزيفه:النصيب يا فندم..لسا ملفتش بنت الحلا وان شاء الله ولقيتها ليه لأ حضرتك'
ادهم حرك راسه وقال:خلاص يا حسن اتفضل انت روح علي مكتبك واحنا اسفين علي الازعاج'
حسن :ازاعاج اي بس يا فندم حضرتك تؤمر..ابتسم ادهم وحسن حرك راسه بالموافقه وخرج من المكتب وهو مستغرب أسألة ادهم الغريبه واللي اول مره يسألهاله ودا غير نظراته اللي كانت مخيفه فحس ان الخطر بدأ يحاوطه فقرر يفضل هنا كام يوم لحدما يلاقي فرصه مناسبه ويرجع لمريم تاني..
________وفي الفيلا اللي عايش فيها ممدوح وناني..اول ما صحيت ناني استغربت ازاي انها نامت هنا..فبصت حواليها لاقت ديحه نايم جمبها فبصتله وابتسمت لانها بدأت تفتكر كل اللي حصل امبارح ..فافتكرت ياسر ابنها وقالت بلهفه:دا زمانه قالب عليا الدنيا..مسكت تيلفونها بسرعه عشان تتصل عليه ولاكنها لقت الموبايل فاصل..
فبصت حواليها بضيق وقالت:انا متاكده اني كنت شحناه للاخر هو فصل امتي دا؟
ممدوح صحي علي حركتها الكتير فبصلها وقال بابتسامه:الجميل متضايق ليه!
ناني قالت بخجل من نظراته :الموبايل فصل وانا عاوزه اتصل بابني علشان اعرفه اني مسافره علشان ميقلفش عليا !
ممدوح رفع حاجبه وقال:طيب متزعليش نفسك وكلميه من عندي….حركت راسها وهو قال بمغازه:صحيح يا ناني انتي كنت تجنني امبارح!
ناني بصتله بخجل وقالت:يعني عجبتك بجد يا ديحه باشا..ولا دي مجرد مجاملة علشان مزعلش؟
ممدوح بلهفه:مجامله ايه بس دا انتي عجبتيني ونص.. انا مبسوط جداا اننا اتجوزنا لاني فعلا كان هيحصلي حاجه بو مكنتش اتجوزتك؟
ابتسمت ناني ولمست خده بلطف وقالت:طيب هات الموبايل يا حبيبي علشان اتصل علي ابني وبعد ما اخلص معاه عاوزاك في موضوع مهم ..
ابتسم ديحه وحرك راسه وهو بيديلها التيلفون واول ما اتصلت علي ابنها ياسر وسمعت صوته اللي بيزعق قالت بقلق:مالك بس يا حبيبي بتزعق ليه..انا مسافره اسبوع بس ومش هتاخر؟
ياسر بضيق:براحتك يا ماما انا مش بزعق علشان كده انا بزعق علشان كنت بتصل بيكي ومش بتردي.. وهو رقم مين دا!
ناني بصت لديحه وقالت بتوتر:دا موبايل واحده صحبتي ..المهم دلوقت قولي مالك متضايق ليه؟
ياسر بتوتر:انا محتاج فلوس منك ضروري يا ماما..وهرجعهملك تاني متقلقيش بس انا محتاجهم دلوقت ضروري؟
ناني باستغراب:محتاج فلوس ليه هو حصل حاجه معاك في شغلك!
ممدوح ركز في كلامها وهيا قالت :انا مش هعرف احولك اي حاجه دلوقت يا ياسر خد من اي بنك قرد مشي نفسك بيه لحدما ارجع!
ياسر بضيق:المبلغ كبير ياماما..انا محتاج١٠٠ مليون!
ناني بصدمه:بتقول كام!
ياسر وهو بيردد كلامه بغضب:١٠٠ مليون..لو روحت اخدت قرض هضمن الفيلا بتاعنا عليه!
ناني بصت لممدوح بخوف علي فيلتها وقالت بتوتر:بلاش الفيلا يا ياسر اضمن شركتك!
ياسر اتفاجئ وقال:يعني ايه ياعني اضمن شركتي مينفعش..افردي حصلت مشكله الشركه تروح مني..لا يا ماما انتي لازم تساعديني وانا هضمن الفيلا ..اوك!
ناني حركت راسها بموافقه وقالت:طيب طيب يا ياسر اعمل اللي انت عايزه بس لو محلتش مشكلتك دي في اقرب وقت انا مش هسكت علي فكرة!
ياسر بضيق :ماشي يا ماما يلا سلام!
قال كلامه وقفل المكالمه وهيا اتفجأت وبصت لممدوح وقالت:شوف الولد قليل الادب..
ممدوح قرب منها وهو بيمثل القلق وبيقول:خير ياناني حصل ايه مع ابنك!
ناني وهيا بتغمض عينها بتعبعلشان تهدي:بيقول محتاج ١٠٠ مليون جنيه..مش عارفه في ايه بس بس بيقول انه عاوزهم ضروري:.
ديحه وهو بيعده عليها:طيب انا ممكن اساعده..
ناني برفض:لا خلاص هو هيتصرف متحرمش منك يا حبيبي!
ابتسم ممدوح وبصلها بحب وقال:طيب ايه مش هتظبتينا بق .
ضحكت بطريقه خليعه وحركت راسها بموافقه وقالت:عيوني يا قلبي استني بس خمس دقايق وهكون جاهزة!
ابتسم وحرك راسه وهيا قامت بسرعه تجهز نفسها وهو وقتها اتصل بمنعم وبلغه باللي سمعه من ناني ومنعم لما عرف اتفاجئ وقفل معاه بسرعه علشان يبلفغ ماهر وفي خلال ثواني كان اتواصل مع ماهر وبلغه بكل اللي عرفوه ولما ماهر سمع ان ياسر محتاج فلوس ابتسم لان خطته بدات تتنفذ وقال وهو بيوجه كلامه بمنعم:كويس اوي ..قريب اوي ياسر غنيم هيتنهي خالص من السوق.. يتبع بقلمي شيماء صبحي
*******تفاعلوا علي البارت يا حلوين ومتنسوش
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺