رواية حبيبي المدير الفصل السادس والاربعون بقلم الكاتبه شيماء صبحي حصريه وجديده
 |
رواية حبيبي المدير الفصل السادس والاربعون بقلم الكاتبه شيماء صبحي حصريه وجديده
"قفل حسن المكالمه بسرعه وقام من علي السرير وقرر يروح للجبل علشان يحمي مريم من شر ادهم..واول ما خرج من بيته اتواصل مع عم سينا ولاكن التيلفون بتاعه كان خارج التغطيه فاتصدم حسن وقال بقلق:استر يارب ..
ركب حسن عربيته واتحرك بسرعه في طريق الجبل وكان من الوقت للتاني وهو سايق بيتصل علي رقم عم سينا
وعند ادهم كان اخد شاور وغير هدومه واتجه لغرفة مكتبة وحط سلاحه في جيبه واخد خنجر وحطه في استك مربوط في رجله وبعدها نزل البنطلون علشان يداريه
وبعدما خلص خرج من بيته وركب عربيته واتجه في طريقة للجبل.
وفي بيت مروة؟
وصل صابر وامه السيدة ميرفت واول ماشافتهم والدة مروة داخلين وفقت بسرعه علشان تستقبلهم واول ما قربوا من الباب فتحتلهم بسرعه وقالت بخجل :اهلا وسهلا نورتونا !
ابتسم صابر وردت والدته عليها وقالت بابتسامه لطيفه:دا نورك يا ست نادية امال فين عروستنا!
ناديه بابتسامه لطيفه:مروة جوا في اوضتها اتفضلوا ارتاحوا!
دخل صابر وهو ماسك في ايد والدته وقعدوا علي الكنبه اللي في الصالون .
واتحركت ناديه علشان تنادي لجوزها اللي قاعد في غرفته ومطلعش زي ما بلغها من شويه !!
اول ما دخلت اوضتهم وقفلت الباب بصتله ناديه بلوم وقالت بهمس: انت مجتش تسلم عليهم ليه يا ابو مروة كده تسيبني لواحدي!
سلطان والد مروه بضيق: انا قولتلك مش موافق علي العريس ده!ناديه بضيق:تاني يا سلطان مش احنا كنا خلصنا من الموضوع دا..بصلها جوزها وحرك راسه برفض وهيا قالت بزعل:حرام عليك يا سلطان البنت فرحانه بالشاب وهو مش وحش انا نزلت سألت عنه هو وامه والناس كلها بتشكر فيهم وهما ناس محترمين وسيرتهم زي الفل!
سلطان بإنكار:اهو كلام ناس ما الناس ياما بتتكلم ..انا بصراحه مش عاوز بنتي تتجوز دي لسا صغيره!
ناديه بصتله بصدمة وقالت بتوتر:انت بتقول ايه الناس برا مستنينك قوم يا سلطان وبطل تنشيف دماغ!
وقف سلطان وبصلها بغضب وقال:انا دماغي ناشفه يا وليه انتي اتجننتي في عقلك علشان تقوليلي كده !
ناديه حطت ايديها علي فمها وبصتله وقالت برجاء:والنبي وطي صوتك للناس يسمعونا وياخدوا عننا فكرة وحشه وبعدين بلاش تكسر فرحة بنتك دي بقالها كتير يا ضنايا مبيجلهاش عرسان علشان كبرت وانت دلوقت جاي تقولي صغيره!
كان سلطان بيفكر في مروه بطريقه ماديه وانه ازاي هيصرف علي البيت من غير وجودها بعدما تتلخم في جهازها فرد علي مراته وقال بضيق:قولت لا يعني لا!
في الوقت دا كانت احلام خارجه من الاوضه بتاعت مروة علشان تسأل نادية لو صابر وصل فأول ما لقتهم بيتخانقو
خبطت علي الباب واول ما فتحتلها ناديه اتكلمت احلام بتساؤل وقالت:في ايه يا خالتي ناديه بتتخانقوا ليه وهو صابر وصل ولا لسه؟
ناديه بصت لاحلام بتوتر وقالت:صابر وامه وصلوا يا بنتي روحي اقعدي معاهم علي ما اهدي والد مروة واجيبه واحي وراكي؟
احلام حركت راسها بالموافقه واتكلمت بشك:هو ماله يا خالتي وهتهديه ليه'
ناديه بحزن:اصله يا بنتي رافض يطلع يقابل العريس وانا بحاول اقنعه؟
احلام بصت لسلطان اللي نايم علي السرير وبيبصلهم بغضب وقالت:لا اطلعي انتي يا خالتي لضيوفك وسبيني انا اقنعهولك وعاوزاكي تبلغي الضيوف انه جاي وراكي؟
ناديه بصتلها بقلق واحلام طمنتها وقالت:خليكي واثقه فيا يا خالتي انا هقنعهولك متقلقيش..
ناديه حركت راسها ومشيت من قدامها واحلام دخلت للاوضه وقفلت وراها الباب واول ما لقته غير مبالي حتي لوجودها اتكلمت وقالت بتساؤل:يا تري بق يا عمي سلطان انت رافض العريس علشان مروة صغيره فعلا ولا علشان خايف لفلوسها تختفي وتبقي قاعد من غير ولا مليم؟
بصلها سلطان باستغراب وهيا ضمت ايديها الاتنين لصدرها وقالت:عاوز تكسر فرحة قلب بنتك علشان حاجة تافهه زي دي..
بصلها بضيق من تدخلها وهيا قالت:انا كنت بعتبرك زي والدي الله يرحمه وعلي ما اتذكر برضوا ان انت كنت صاحب بابا وياما شيلتني وانا صغيره وكنت بتحبني وبتعتبرني زي مروة..
بصلها تاني بانتباه وهيا كملت كلامها بلوم وقالت:لو تعرف بنتك بتفكر فيك ازاي هتزعل من نفسك!!
مروة يا عمي عارفه ظروف البيت دا كويس وعارفه قد ايه ان لولا الفلوس بتاع شغلها البيت دا هيقع فهي عمرها ما تسيب البيت يقع لان البيت دا بيتها والا عايش فيه ابوها وامها يعني عيلتها الوحيده..يعني اللي بتحبهم وعارفه انهم بيحبوها
تفتكر بق مروه بعدما فكرت فيك وفي والدتها بالشكل دا لما تعرف ان ابوها هيرفض عريسها لمجرد انه خايف لتمنع فلوسها اللي بتديهاله هتعمل ايه،،
وقف سلطان وقال بلهفه:بتقولي مروة بنفكر في ايه يعني مش هتمنع الفلوس اللي بتدهالي..
احلام بسخريه:لا ..مش هتمنعها بس طبعا في مقابل ولا هيا مقالتش عليه فانا هقوله بدالها..
سلطان قال بتساؤل :والمقابل دا ايه؟
احلام:انك تطلع تقابل العريس بابتسامه وتوافق عليه وكمان تشرف بنتك قدامه وتعملها قيمة لان انت ابوها ودا وجبك عليها !
كححرك راسه وقال:طيب لو وافقت عليه وهيا منفذتش كلامها وطلعت بتضحك عليا!
احلام بجديه:مش انا الا قولتلك كل الكلام دا يبق لما هي متدفعش الكلام هتوجهني انا ؟
ساطان وقف وهي ابتسمت وقالت:عزز بنتك يا عمي سلطان مروه بتحبك وانا عارفه انك بتحبها..حبها انت كمان وحب عريسها لان صابر دا انا اضمنه برقبتي وهو كمان بيحبها؟
سلطان وافق وهيا خرجت وهو وراها ووقتها كانت ناديه بتتكلم مع صابر وامه واول ماشافت جوزها وقفت وصاير ووالدته وقفوا وساموا عليه ..
وعند مروه في اوضتها دخلت احلام وقالت صابر وصل يا مروه استعدي بقا علشان دقايق وامك هتيجي تاخدك تخرجي تقابليه؟
مروة قلبها دق بخجل وقالت شكلي حلو يا احلام..تفتكري اني هعجبه؟
ضحكت احلام وحركت راسها وقالت:تعجبيه ايه يا مروه دا الولد دايب فيكي من سنين ..تقوليلي خايفه لما تعجبيهوش!
ابتسمت مروة وحضنتها وقالت بحب:متحرمش منك ولا من كلامك يا احلام نعرفي بق انا مستحيل اسيبك في
لما تكوني مكاني..
كلامها ضحك احلام وفكرها بكل مره بتقرب من ماهر وقالت يا روح قلبي انتي حنيتك مغرقاني دا كفايه عليكي بس ذنقتك في الحمام علشان انا وماهر نتصالح!!
ابتسمت مروه وهيا بتفتكر تفاصيل اليوم دا! وبتقول بحد كنت هموت،
احلام ردت بلهفه:بعد الشر يا قلبي..
في الوقت دا دخلت ناديه وبصت لبنتها بعيون حنونه وقالت بحب الف مبروك يا مروة عريسك زي القمر..ومتربي وابن حلال !!
ابتسمت مروه واحلام قالت:اوعي تكوني قدمتي العصيريا خالتي لازم مروة اللي تقدمة دي متدربه عليا لما كنت هموت منها .
صحكت ناديه وحركت راسها بالرفض واحلام قالت:طيب هروح اجيب العصير من المطبخ وانتي يا مروه يلا اجهزي بقا؟
مروه حركت راسها بتوتر واحلام خرجت وناديه قالت:وبنا يسعد قلبك يا روح قلبي من جوه انتي تستاهلي مروة بحب وقالت ؟ربنا مايحرمني منك ولا من وجودك ابدا يا ماما قوليلي بابا قابل صابر؟
حركت ناديه راسها بالموافقه واحلام دخلت وهيا شايل الصنيه اللي فيها العصير انكلمت احلام بابتسامه يلا يا عروسه عيشي لحظتك والحقينا بجمال خطوتك يا عروسه؟
قربت منها مروه وشالت الصينيه بدالها وقالت استرها معايا يارب دانا غلبانه!
ابتسمت احلام وناديه عليها وخرجوا وهيا وراهم بثواني
دخلوا للصالون وصابر ابتسم لما شاف احلام وهيا سلمت عليه وعلي والدته بابتسامه وقعدت جمب والدة صابر ووقتها دخلت مروة وهيا شايله الصينيه بخجل بصلها صابر وابتسم وهيا قربت من والدته وقدمتلها العصير واول ما شافتها ميرفت ابتسمت وهيا بتبصلها برضوا واخدت العصير وشكرتها وبعدها مروة قربت من صابر واللي كان حاسس بنبض قلبه واصل لمسمع الجميع ..اخد العصير وشكرها بلطف ومروه قدمت لوالدها ولوالدتها وبعدها احلام وقعدت في كرسي منفصل موجود في النص !!
اتكلمت والدة صابر بابتستمه احنا جايين نطلب إيد مروة لابني صابر ونبقي اسعد الناس لو وافقتو علي ابني؟
ابتسمت والدة مروة واحلام ومروه وسلطان بصلهم وسكت ولاكن لما عينيه جات في عين بنته اللي بتترجاه يوافق وهو اتكلم وقال طبعا يشرفنا اننا نناسب حضرتك ونكون عيلة واحده بأذن الله؟
ضحكت ميرفت وبصت لابنها بفرحه ووقتها مروه كانت هطير من الفرحه بصت لاحلام وبلغنها انها مبسوطه بعيونها واحلام ابتسمت وبلغتها انها كمان مبسوطه؟
صابر انكلم وقال:انا ياعمي عندي شقه ملكي في بيتنا انا مشطبها تشطيب نهائي وكل حاجه فيها انا مجهزها بنفسي وطبعا تقدروا تشفوها في اي وقت هيا بس واقفه علي العروسة؟
ابتسمت ناديه برضوا وسلطان حرك راسه وقال:كويس اوي وانت بقي بتشغل ايه؟
صابر بابتسامه:بشنغل في شركة كبيرة للحديد والصلب وشغال حاليا متدرب فيها ولكن باذن الله هتعين رسمي الاسبوع الجاي؟
سلطان حرك راسها بالموافقه وقال بتساؤل تاني ومرتبك كام علي مده!
خجلت مروة ووالدتها من سؤاله لصابر ولكن احلام كانت موافقه والد مروه علي سؤاله وكانت بتبص لصابر واللي اتكلم وقال:١٠٠٠٠ الاف يا عمي في الشهر؟
سلطان بصله بدهشه وهو ابتسم وقال ان شاء الله المرتب هيتضاعف اول ما اتعين رسمي؟
ابتسمت احلام برضا وبصت لمروه بابتسامه وسلطان قال وهو بيوجه كلامه لبنته اي رئيك في صابر يا بنتي..موافقه عليه؟
مروه بصت لصابر ونزلت عينيها بسرعه من شدة الخجل وقالت بهمس:موافقه يابابا!
احلام زغرطت بفرحه ومروة ابتسمت وبعدها سلطان قال: انا كمان موافق يابني!
والدة صابر بابتسامه:يبقي نقرأ الفتحه؟ سلطان بموافقه نقرأ الفاتحة بركة الله؟
صابر ابتسم ومروه بدات تضم ايديها لصدرها وتقرأ الفاتحة وكانت والدتها ووالدها وصابر ووالدته واحلام بيقرأو هما كمان الفاتحه وبعدما خلصوا سلطان قال :خلينا نكتفي بقرأة الفاتحه ونتكلم في ميعاد الفرح والاتفاق يوم تاني!
حرك صابر راسه بالموافقه ووقتها احلام دخلت هيا ومروة علشان يجهزوا الجاتوه وراحوا للمطبخ وسابوا اهلها وصابر يتكلموا وفي المطبخ ..مروة قالت بفرحه:شوفتي شكله يا احلام دا وسيم اوي!
احلام ابتسمت وقالت :ايوا يا مروة ربنا يسعدكوا ..هو خلاص بق خطيبك من النهاردة!
خجلت مروه وحركت راسها بالموافقه وقالت:هو اللي جايب الجاتوه دا مش كده!
احلام هزت رأسها بالايجاب وهيا قالت تصدقي يا بت ذوقة حلو اوي خلينا نخرج بقي عشان اشوفه تاني؟
ضحكت احلام عليها وشالت صينيه فيها فواكهه ومروه شالت صينيه فيها جاتوه وخرجوا هما الاتنين للصاله من تاني !!
وفي شركه الصياد ماهر كان خرج من الشركه واتجه لبيت مروة علشان يجيب احلام من هناك اول ما لقي الوقت هيتأخر وكان وقتها خرج صابر ووالدته بعدما سلم علي مروه وادالها بوكيه الورد وكانت بتودعهم ناديه وجودها واول ما ركبوا في عربية صابر دخلوا تاني للبيت وكان في الوقت دا وصل ماهر بعربيته ولما شاف صابر ماشي في العربيه اللي خارجه ابنسم لما شاف الفرحه علي وشه فدخل هوا للشارع ووصل قدام البيت واتصل علي احلام علشان يبلغها انه وصل؟
وفي البيت من الداخل كانت احلام بساعدة مروة ووالدتها يجهزوا الصاله وهيا في المطبخ لقت اتصال من ماهر فخرجت من البيت علشان ترد عليه لان الشبكة مش حلوة جوا واول ما فتحت الباب لقته في وشها فابتسمت وهوا لما شافها خرج من العربيه وقرب منها حضنته احلام بفرحه وقالت:مروة قرأت الفاتحه!
ابتسم ماهر وقال:الف مبروك يا احلام ..
ابتسمت احلام وقالت:لا انتي تدخل تبارك لمروة؟
ضحم ماهر وحرم راسه وهيا دخلت الاول علشان تبلغ مروة واهلها ان جوزها برا وعاوز يسلم عليهم خرجت ناديه وجوزها ووقتها دخل ماهر للبيت وسلم عليهم.!
ناديه بابتسامه:اذيك يا حبيبي نورت البيت ابتسم ماهر الله يبارك فيكي يا ام مروة ..الف مبروك.!!
ناديه بابتسامه:الله يبارك فيك..بصت لاحلام وقالت:انتي جبتي العريس الحلو دا منين؟.خجلت احلام وبصتله وهو ضحك وقال:صحيح فين مروه؟
اتكلمت مروه من ورا والدتها:انا هنا؟
ماهر بابتسامه:الف مبروك يا مروة،
سلمت مروة عليه بفرحه:الله يبارك فيك يا ماهر عقبال ليلة فرحكوا يارب؟
ماهر بابتسامه:يارب..بص لوالدها وقال:الف مبروك يا عمي سلطان؟
سلطان سلم عليه :الله يبارن فيك هو احنا اتقابلنا قبل كده!
ماهر بابتسامه:ايوا اتقابلنا بس من١٥سنه ايام لما كنت في نفس المدرسة انا و مروه؟
سلطان بقي يبص لناهرعلشان يفتكره وهي قالت:دا ماهر الصياد يابابا زميلي من وقت الابتدائيه؟ .
سلطان مفتكروش اوي بس حرك راسه بموافقه وقال:اتفضلوا نورتونا!
ماهر برفض:خليها مرة تانيه علشان مشوارنا طويل؟
سلطان حرك راسه واحلام بلغته انها هتدخل تجيب شنطتها وسلنت علي مروه وودعتها وبعدها سلمت علي ناديه وبصتله وهو سلم عليهم وخرجوا الاتنين من البيت بس فجاه وهي ٠احلام بتركب العربيه حست بقلبها وجعها فقالت بآلم:ااه؟
ماهر بصلها بقلق:احلام انتي كويسه!
احلام برعل مفاجئ :مش عارفه ياماهر قلبي وجعني فجأة حسيت بنغزة قويه مش عارفه مصدرها ايه؟
قرب منها وهو بيتفحصها وبيقول:خلينا نروح للمستشفى،
قالت برفض:لا ملوش لازمه انا خلاص بقيت كويسه!!حست تاني بوجع في قلبها قالت برفض ولا بقولك خليني اروح للمستشفي احسن؟
ماهر بقلق عليها:حاضر اركبي علي مهلك؟
وكبت احلام العربيه وهو جري بس عه ركب في مقعد السواقه واتحركوا بسرعه في اتجاه المستشفي.
وفي الجبل
في وقت ما كان الجو ساقه والدنيا ليل والناس كلها نايمه خبط حسن علي بيت عم سينا بقوة علشان يسمعوه !
صحي عم سينا بسرعه لان نومة خفيف فقرب من الباب بضيق بسبب الشخص اللي بيغبط واول ما فتح الباب ولساه هيغلط فيه لقي ان الا واقف قدامه حسن !!انكلم سينا بقلق من شكلة المتبهدل وقال:خير يا ولدي ايه اللي عمل فيك كده!
حسن وهو في الطريق عربيته اتعطلت فقرر ياخدها جري لحد بيت سينا وبسبب المجهود اللي بذله كان شكله متبهدل كذه فاتكلم ورد علي عم سينا وقال:انا كويس يا عم سينا بس هيا فين مريم!
سينا:نايمه مع البنات ياولدي؟
حسن:من فضلك صحيها يا عم سينا علشان راجعين للقاهره؟
سينا بتساؤل:انت بخير يا ولدي طمني عليك!
حسن:انا كويس يا عمي بس في شخص بيطاردني ولازم امشي من هنا مع مريم علشان ميأذيهاش؟
سينا قال بصدم:يأذيها..يأذيها ازاي يا ولدي وهيا في بيتي وفي حمايتي!
حسن بقلق:انا مش عايز اسببلك قلق يا عم سينا انا هاخدها وهمشي واشوف اي مكان تاني نستخبي فيه لحد ما احل المشكله دي!
سينا شد حسن ودخله للبيت وقفل الباب وقال بجديه:انت بتقول ايه يا ولدي يا حيوان انت ..مفكر اني مش هعرف احميك ولا ايه…ماسي انا ابقى مين!
حسن بخجل:ابن الجبل؟
سينا بجديه:فاهم ياعني ايه ابن الجبل يا حسن..ياعني محدش يقدر يهرب من الجبل بدون اذني ..انت مش هتمشي من هنا واللي حايلك دا احنا هنعلموه الأدب!!
حسن بقلق:بس دا مش سهل وممكن يتسبب في موت حد؟
سينا اتكلم وهو بيشد سلاحه من ورا حسن:لا تقلق انت خليك هنا وانا وبقيت الرحال هنعرف نحميك انت وزوجتك!
حسن قال برفض:مينفعش اللي بتقوله دا عم سينا انا لازم اجي معاك انا مستحيل افضل هنا مستخبي انا برضوا ظابط واقدر اليه بس انا خايف علي مريم لانه..سكت شويه وقال:لانه عاوز يقتلها !
اتصدم سينا والغضب ذاد في قلبه وقال:يبق خلص الكلام …بما انه جاي يغدر وناوي علي القتل يبق احنا نقتلوه ونخلص من شرة؟
حسن اتصدم ولكن لما فكر في انه مش هيعرف يخلص من ادهم غير بموته وافق وبلغه انه موافق وقال: خلينا في الاول نتناقش معاه ولو رفض يبق هوا اللي جنى علي نفسه!
سينا خرك راسه وقال:خليك هنا في يالبست لحدما اجمع الرجال وارجع!
حسن حرك رايه بالموافقه وقال:لا تقلق يا عم سينا؟
سينا حرك راسه وخرج وقفل الباب وحسن فضل واقف مكانه وحاسس انه اطمن شويه لان رجال الجبل معاه..
كانت مريم خرجت من غرفتها لما سمعت صوت جاي من برا وقبل ما تصرخ او تعمل اي رد فعل قفلت الباب وراها كويس فقربت من اللي واقف ومديها ظهره بخوف وقالت:انت مين؟
حسن لف بجسمه وهيا اول مشافته فرحت وقالت :حسن.
حسن كان نفسه يحضنها بس رفض واتكلم بجديه وقال:ادهم رمانه علي وصول للجبل كمل بضيق:جاي وناوي يقتلك؟
مريم اتصنمت مكانها من الصدمه وحسن قال:متخافيش مستحيل اسمحله يعمل كده!!
قاطعته مريم وقالت بحزن:عشان كده حيت؟
حرك راسه بالموافقه وهيا قالت:مش خايف؟
رد حسن:من ايه؟
مريم:ادهم..،مش خايف منه ليأذيك علشان ساعدتني؟
حسن بجديه:كل اللي خايف عليه دلوقت هوا انتي يا مريم..خايف عليكي ومش هسمحله يأذيكي حتي لو هتسبب في موتي؟
قربت منه ومسكت من هدومه بقلق وانت ليه بتعمل كده ليه تأذي نفسك علشاني..انا ..
قاطع كلامها حسن لما قال:قولتهالك وهقولهالك تاني يا مريم أنااا بحبك ومستحيل اسمع حد يأذيكي افهمي بق؟
ببكاء:بس انت مش قده دا واحد..
حضنها حسن بقوه لما لقها بتبكي وغمض عينيه بلوم عليها وقال:اوعي تبكي..مش عاوز اشوف دموعك دي غير وهي دموع الفرحه؟
مريم ببكاء:بس انا خايفه عليك انت ملكش ذنب؟
قال:وتخافي عليا ليه..انا بخاف عليكي علشان بحبك انتي بتخافي عليا ليه بقا؟
قالت بجديه:علشان..علشان انا كمان بحبك..مش عارفه امتي وازاي وفين بس انا كل ما اشوفك بكون مطمنه وحاسه بسعاده.مش دا اللس اسمه؟
حسن بحزن هو يا مريم..الحب؟
مريم بحزن علي حالها:هو الحب دا ..هو السبب في كل اللي انا فيه ..لو كنت بعدت عنه مكانش دا بق حالي،
اتكلم حسن وهو بيبعدها عنه وبيبص في عينيها:وبيه تظمي الحب يا مريم..الحب برئ بس البشر اللي سيئين ..ذنبه ايه الحب لما يقع مع واحد شراني وقاسي..قاسي حتي مع نفسه؟
مريم بصتله وحركت راسها:طيب لما هو بيرئ ليه بسخلينا نحب بالشكل دا..ليه لما كنت بشوفه كنت بكون اسعد انسانه..بس تعرف يا حسن علي قد ما حبيته زمان وضيعت نفسي علي قد ما انا دلوقتب بكره ومش طايقه اشوفه؟
حسن حس بالغيره من كلامها فقال بجديه:انا جيت علشان اخدك ونرجع القاهره بس عم سينا رفض قالي انه هيساعدني هو ورجال الجبل ومش هيسبوا ادهم يمشي من هنا حي؟
اتصدمت مريم وقالت:هتقتلوه؟
حسن:دا الخيار اللي في ايدينالا شر ادهم مش هينتهي غير بموت حد فينا؟مريم بتساؤل:تقصد ايه بـ فينا دي؟
حسن غمض عينيه بضيق وقال:يا أنا يا ادهم!
مريم برفض:انا مش هسمحلك تأيي نفسك علشاني..كتير خيرك انك ساعدتني وحميتي كل الفتره اللي فاتت بس الحرب دي بتاعي انا انت ملكش انك تنهيها بموت..لان موتك مش هيعمل اي حاجه ولا هيوقف الحرب..موتك يا حسن هيقتلني انا وبكده ادهم هيفوز بس موتي انا بس هينهي الحرب دي..خليني امشي واروحله او اقابله ولو عايز يعنل فيا ايه انا موافقه؟
كان بيسمعها وقلبه بيتقطع عليها مسك ايديها بيمنعها وقربها منه وقبلها وهو بيحاول يطلع في قبلته ليها كل غضبه اللي حاسس بيه!!مريم كانت مصدومه بقبلته بس كانت مرتاحه انه هو اللي معاها دلوقت .
بعدت حسن عنها وهوا بيبصلها وبيقول يبقي انا وانتي اللي لازم نقوز وادهم هيموت؟
حركت راسها بالموافقه وقالت:اوعدني انك مش هتتهور يا حسن صدقني لو حصلك حاجه هموت نفسي..انا خلاص مش هقدر اهرب تاني من حاجه .كفايه اني بسببه خسرت نفسي وخسرت اختي وابويا !!انا عايزه اعيش يا ادهم نفسي احس بالحياة نفسي احرب احساس الآمان ،الهروب عمرة مكان الحل في حل مشاكلي،الهروب كان السبب في تدمير حياتي!
حضنها حسن وهو بيمسح علي شعرها:اوعدك يا مريم انك هتعيشي وهتبدأي حياتك من جديد وعلشان برضوا تجربي الحب النظيف.؟
حركت راسها ووقتها سمعوا دوشه جايه من برا ففهم حسن ان عم سينا رجع فطلب منها تدخل الغرفه وتقفل علي نفسها الباب ومتخرجش مهما حصل وقبل ما هيا تدخل قربت منه تاني وباسته بسرعه من شفا/يفت وقالت بتهديد لو مرجعتليش عايش زي موعدتني انا..بصت حواليها وقالت:انا مش هدفنك وهسيبك للديابه يأكلوك!
ضحك علي كلامها وحرك راسه بالموافقه وقال:يعني اهون عليكي!
حركت راسها بجديه مزيفه وقالت:اهو انت حر بقى لو مش عاوز تكون وجبة الديابه النهارده ارجعلي عايش؟
ابتسم وخرج راسه وهيا دخلت للاوضه وقبل ما تقفل الباب بصتله بحزن وقالت:والنبي يا حسن ارجعلي تاني؟
حرك رايه ومشي من قدامها وهيا قفلت الباب واول ما لفت وشها لقت اللي واقفين ووشهم احمر وباصين في الارض؟
مريم بتساؤل:انتوا شوفتوا حاجه ولا ايه!
ليلة وقمر وبصوا ليعض وحركوا راسهم بالرفض وهي قالت قلبي بيقول غير كده؟
البنات ضحكوا وحركوا راسهم وهيا اتحركت من جمبهم بخجل ونامت علي السرير وهي بتغطي وشها؟
قمر قربت منها وقالت بتساؤل:هو في مصر بتبوسوا بعض كده!
مريم سحبت الغطا بسرعه وليلة قربت منها وقالت:انا اتجوزت بس جوزي مابسنيش كده هو انتي ازاي رومانسيه كده؟
مريم بصوت واضح:انا مبستش حد ولا رومانسيه؟
قمر ضحكت متكدبيش احنا شوفنكي وانتي بتبوسيه ؟
خجلت ووشها احمر وقعدت وبصت ف يوشهم وقالت بصراحه:ايوا بوسته !
البنات بخجل:اااي؟
ضحت مريم للحظة وبعدها افتكرت حسن وقالت بهمس:بارب اقف معاه.
في المستشفي!
خرجت احلام من غرفة الدكتور وهيا بتقول:الحمد لله اني بخير قالت كلامها وبصت لماهر الا واقف جمبها وساكت وقالت ؟خلاص يا ماهر متقلقش الدكتور قال ان دا اجهاد مني؟
قال بزعل مش انا طلبت منك ترتاحي وتبطلي اي مجود؟
ابتسمت وقالت برقه اي كلام الحوامل دا؟.دا كل الحكايه اني ماكلتش كويس النهارده وعملت حركه كتيره بس اوعدك اني هحافظ ومش هقلقك تاني؟
حرك راسه بالموافقه وهما ماشين خبطو في ست كبيره بالغلط ووقعت علي الاوض!!
قربت منها احلام وقالت باعتذار:انا اسفه مش قصدي اني بخير؟
رفعت الست وشها واول ما شافتها احلام قالت بصدمه ؟ماما؟
ماهر لما سمعها بتنده للست دي كده اتفاجئ ازاي دي امها وايه اللي عامل فيها كده!
ام احلام كانت لابسه عبايه ومتنكره في شكل ست عاجوزه علشان كانت جايه تطمن علي يوسف وعرفت انه مات ..
فلما شافت بنتها قدامها اتوترت وقامت بسرعه ومشيت ولكن احلام مسكتها من ايديها منعتها وكانت بتبص علي ماهر واللي مصدوم زيها وبتقول:انا مااكده انها ماما؟
ماهر قرب من الست دي ومنعها تمشي وبص في وشها بتركيز وقال:ايوا دي مدام فادية والدتك يا احلام!
احلام قربت من ولدتها اللي بتحاول تتجاهلها وقالت بتساؤل :انتي بتعملي ايه هنا يا ماما وليه عامله في نفسك كده! قالت احلام كلامها وهيا بتشاور علي لبس والدتها الغير منظم!
والدتها اتكلمت وقالت:انا كنت بطمن علي جوزي؟
احلام اتضايقت لما سمعت كلامها وقالت:بس بابا مات وانتي حضرتي العزاء !
فاديه باستغراب:ابوكي يبق طليقي انما انا بتكلم علي جوزي انا؟
احلام اتضايقت اكتر وقالت:طيب ما انتي حلوه اهو يماما وبتعرفي تطمني علي جوزك اشمعنا بق بابا!
فاديه بضيق من اسلوب بنتها:انا مانديش وقت اضيعه معاكي (تقصد بكلامها هنا انها عايزه تروح تدور علي مريم) كملت كلامها وقالت:كويس اني شوفتك وانك بخير!
كانت هتمشي ولكن احلام وقفتها تاني وقالت بتساؤل:جوزك دا عامل ايه؟
فاديه بتوتر:مات؟
اتصدمت احلام وماهر من كلامها وهيا قالت:انا لسا عارفه بس انا مش هقدر اكون معاه والمستشفي هتبلغ اخواته يجوا ياخدوه؟
احلام بفضول:وانتي بقي رايحه فين؟
فاديه بضيق من اسألتها هدور علي اختك.:اللي هربت بسبب انه.لله يرحمه ماطرح ما راح كانت عايز يأذيها؟
اتصدمت احلام اكتر وقالت هتدوري عليها فين هو انيت تعرفي مكانها؟
فاديه برفض:ارض الله واسعه وممكن تكون هنا ولا هنا ..اديني هشوف!
احلام بصت لماهر برجاء يساعدهم لاخر مره وهو اتكلم وقال :تعالي معانا وانا هبعت رجالتي يدوروا عليها؟
اديه بلهفه:بجد يا ماهر؟
ماهر بص لاحلام اللي بان علي ملامحها الحزن وقال:ايوا بجد تعالي معانا القصر؟
حركت فاديه راسها وقالت متشكرة انك هتساعديني؟
بصتلها احلام بحزن كبير وقالت:انتي مش غريبه انتي امي واللي هساعدها دي تبق اختي؟
فاديه سكتت للن بنتها جابتهم في وشها فقررت متتكلمش لحدما تشوفهم هيعملوا ايه!
وماهر خرج وسابهم يمشوا وراه واحلما بصت لوالدتها وقالت:تعالي معايا يا ماما؟
مشيت فاديه معاها وخرجوا الاتنين من المستشفي واتحركوا للقصر.
يتبع
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺