رواية حبيبي المدير الفصل السابع والاربعون بقلم الكاتبه شيماء صبحي حصريه وجديده على مدونة أفكارنا
 |
رواية حبيبي المدير الفصل السابع والاربعون بقلم الكاتبه شيماء صبحي حصريه وجديده على مدونة أفكارنا
_____________في الجبل"
اول ما خرج حسن لعم سينا إتفاجئ من كمية الرجالة اللي معاها أسلحة ومستنياه '' ارتاح حسن اول ماشافهم وإتأكد خلاص إنه مش لوحده وانه هيكون كسبان غصب عن أدهم..
إتكلم حسن وقال :انتوا كده محتاجين تشوفوا أدهم علشان تعرفوه؟
سينا رد برفض:لا متقلقش احنا عارفين بعض وكمان دا هيكون غريب عننا فهنعرفه بسهولة ..
حسن خرج موبايله علشان هو مش واثق أدهم هيبق لابس ايه واكيد هوا عامل حسابه انه جاي الجبل فإحتمال كبير يكون لابس لبس بدوي !
فكان حسن معاه صور كتير لأدهم فقرب التيلفون من عم سينا وقال:دي برضوا صورته يا عم سينا هو ظابط،
سينا شاف الصوره ودقق في ملامح ادهم وحرك راسه بالموافقه وبعدها بدأ يوزع التيلفون علي كل الرجالة علشان يعرفوا ادهم وبعدما خلصوا رجعوا التيلفون لحسن ووقتها سمعوا صوت جاي من بيت عم سينا وكآن حد بيستغيث..
القلق زاد في قلب حسن واتحرك فورا لبيت عم سينا واول ما دخل لقي أدهم ماسك مريم وحاططت السلاح علي وشها.. اتصدم انه ازاي قدر يدخل البيت وهما موجودين فاول ما حس انه هيقتل مريم قال بصوت واضح:سيبها يا ادهم انت حسابك معايا انا!
ادهم بصله بغضب وضغط اكتر علي اسنانه واتكلم بغيظ:انا هقتلها مش علشان انتقامي لأ علشان احرق قلبك عليها يا خاين !
حسن قفل وراه الباب ورفع ايديه وهو بيشاورله يهدي وبيقول:نزل السلاح دا يا ادهم واهدي،،مشكلتك مش هتتحل بقت/لها !
أدهم بص لمريم اللي كان بيخنقها بايديه وهيا بتحاول تفك نفسها منه بضيق وقال بغضب:انتي مستحيل تكوني بني ادمه انتي شيطانه..بعد كل اللي عملتيه دا وعايزه تعيشي!
بدأت مريم تحس بالاختناق وكانت ضامة حاجبها وساكته للانها مش عارفه تتكلم ،فـ حسن استغل انه مركز معاها وقرب من ادهم علشان ينفذها من تحت ايديه ، ولاكن ادهم كان اتعصب لما لقاه لسا عاوز يحميها فـ زق مريم ورماها علي الارض ورفع المسدس في وش حسن وقال بتهديد :عايز تموت بدالها،حلو اوي،انا بق هقت/لك وبعدما اخلص عليك بصلها وقال بغضب شديد هقت/لها هيا كمان!
حسن :اهدي يا أدهم انت كده هتودي نفسك في داهيه ،انا مش عايز أذيك؟
ادهم ضحك بسخريه وحرك راسه بالرفض وحسن كان بيحاول معاه في الكلام علشان يخليه يهدي وينزل سلاحه ولاكن مريم اتحركت من مكانها بسرعه و مسكت حديده وقربت علي ادهم علشان تضربه بيها ولاكن كان ادهم أسرع منها وكان لف بجسمه ليها وضربها طلقه في بطنها .
وقفت مريم وهيا مش مستوعبه ايه اللي حصلها..،،كانت واقفه وكأنها صنم..كانت بتبص علي ادهم وهيا بتدمع لحدما استوعبت انها اخدت طلقه فوقعت علي الارض واول ما شافها حسن صرخ باسمها وجري عليها بخوف..وهو مش مستوعب اللي حصل؟
واما ادهم كان مش مصدق انها فعلا هتموت ..فكان عاوز يشوفها ويطمن عليها ولاكن حسن كان وقف ومسكه من هدومه وبدأ يصفعه في وشه وهو بيقول بصراخ:لييه ،ضربتها بالنار لييه،ذنبها اييه انك حيواان؟
ادهم كان بيبصله وهومصدوم فأول ما سمع اصوات جايه كتيرة من برا قرر يهرب بسرعه فـ زق حسن بسرعه وقعه علي مريم ونط من الشباك اللي دخل منه وفضل يجري بكل قوته؟
وعند عم سينا والرجاله كانوا كسروا الباب لان حسن كان قافله علشان ميتسببش في اذي حد منهم واول ما فتحوا الباب وشافوا حسن اللي مقرب من مريم وبيحاول يشيلها لان كانت مريم كل جسمها كله باللون الاحمر بسبب الدم اللي نزفته ،بصلهم حسن وقال بدموع:مريم هتموت!
سينا قرب منه وقال بتساؤل:فين الكلب دا ؟
حسن وهو بياشور علي الشباك المفتوح:هرب من هنا؟
سينا شاور لمجموعه من الرجال وقال:هاتولي الكلب دا يا رجالة بسرعه قبل ما يطلع من الجبل!
اول ما قال كلامه كل الرجاله اللي شاورلهم نطوا من الشباك بسرعه وجروا في نفس الطريق اللي ادهم جري منه ..
واول ما سينا شاف حالة مريم قرب منها وهوا بيتفحص مكان الطلقه وبيقول:للاسف يا ولدي الطلقه في مكان حساس جدا وهنا مش هتعرف ننقذها للن المستشفي بعيده والطبيب مش جراح فـخدها بسرعه وروح علي اقرب مستشفي في المدينة..
شاور لواحد وقال:هات العربيه بسرعه يازين يا ولدي؟
الشاب جري وحسن بص لمريم وقال:امسكي نفسك يا مريم ارجوكي!
مريم بصتله بدموع وقالت بضعف:حـ..سن انا حاسة إني همووت متتعبش نفسك انا خلاص مش عاوزه اي حاجه غير انك تكون بخير..انا مش هنفعلك يا حسن ..بلعت ريقها واخدت نفسها بصعوبه وكملت:انت..انت تستاهل واحده احسن وانظف مني؟
حسن كان بيسمع كلامها وحاسس ان قلبه هيخرج من مكانه فقرب منها ولمس وشها وقال :لا يا مريم انا مش عاوز غيرك لانك انظف بنت انا عرفتها ومتقوليش كده علي نفسك!
الشاب جاب العربيه وسينا قال:يلا يا ولدي اتحركوا علشان تلحقها؟
حسن شالها بسرعه وكان سينا هيروح معاه بس حسن رفض وقال بعضب:انا عاوزه حي يا عم سينا انا لازم انتقم منه علي اللي عمله دا. '
سينا حرك راسه بالموافقه وحسن خرج بسرعه وحط مريم في العربيه واخد شال من الشاب اللي جاب العربيه ولف علي بطنها بقوه علشان يوقف النزيف وقال وهو بيبصلها برجاء:استحملي علشان خاطري..اوعدك اني هوصل بسرعه بس امسكي نفسك!
مريم حركت راسها وهو ركب العربيه وربط الحزام وبعدها اتحرك بالعربيه بسرعه عاليه وكان من الوقت للتاني وهو سايق يبصلها علشان يطمن عليها؟
وفي الجبل كان رجالة سينا مسكوا ادهم بعدما لاقوه مستخبي في كهف صغير واول ما مسكوه كان بيقول:ابعد ايدك انت مش عارف انا ابق مين،كمل بصوت عالي:انا المقدم ادهم العمري؟
كانوا ماسكينه ولا كأنهم سامعين هو بيقول ايه وفضلوا مكتفينه كده لحدما وصلوا قدام عم سينا واللي كان باصص عليه بغضب وبيقول:انت بق الحيوان اللي دخل الجبل بدون اذننا؟
ادهم بصله بضيق:انا هوديكوا في داهيه يا شوية حوش؟
سينا اتضايق وضربه علي وشه وقال بتحذير:تفتكر مين فينا المجرم يا حضرت الظابط'
ادهم بصله بكره وقال:هيا اللي انا قتلتها هيا المجرمة اللي فينا..عارف انا مبسوط اني قتلتها..ضحك بعدما قال كلامه ووقتها سينا صفعه تاني بغضب وادهم نزف من عند فمة بقوة؟
سينا وهو بيبص لرجالته:كتفوه وحطوه في الزريبه لحدما ولدي حسن يرجع لانه طالبه يكون حي؟
الرجالة حركوا راسهم بالموافقة واخدوا ادهم ووقتها سينا دخل وطلب من اهل بيته ينظفوا دم مريم من علي الارض واول ما ليلة وقمر سمعوا ان مريم هيا اللي اتضربت بالنار اتصدموا وبدأوا يبكوا ويسألوا والدهم لو كانت بخير؟
سينا حرك راسه وقال:ماحدش فينا يعرف حالتها بس دلوقت نظفوا الارض لحدما حسن يوصل المستشفي وانا هتصل عليه واعرف منه الاخبار؟
قمر وليله حركوا راسهم بالموافقه وبصوا لوالدهم بحزن وبدأوا ينضفوا الارض..
____________وفي القصر
عند ماهر واحلام !!!!
كانت فاديه والدة احلام قاعده في الصالون وهيا مش مصدقة نفسها وبتبص لتفاصيل القصر باندهاش ولما لاحظت احلام نظراتها قربت منها وقالت:هو جوزك دا مات ازاي؟
فاديه انتبهت لسؤالها وردت عليهابتوتر: مات بـ جلطة دماغية..
احلام بتساؤل :هو كان تعبان!
فاديه:لا كان مويس بس اللي حصله دا بسبب انه كان بيتعاطى مخدرات.
احلام ضمت حاجبها بزعل وقالت:ماهر بعت رجالته يدوروا علي مريم في كل المستشفيات والاقسام وممكن في خلال يومين ولا حاجه يعرفوا مكانها لان البلد زحمة اليومين دول؟
فادية بصتلها وحركت راسها بالموافقه وقالت:يعني انا همشي دلوقت؟
احلام بتساؤل :انتي بيتك قريب من هنا؟
افتكرت فادية الشقه اللي ماهر كتبها باسمها وقالت:لا شقتنا بعيده عن هنا..
احلام بصتلها باشتياق كبير وكان نفسها والدتها تطيب بخاطرها بكلمة او تعتذر منها او تقول اي حاجه تحسسها انها بتحبها فقالت :ممكن تفضلي هنا لحدما نلاقي مريم!
فاديه بلهفه:بتتكلمي بجد؟
احلام حركت راسها وقالت:ايوا بتكلم بجد تعالي معايا.. احلام مشيت وفادية وراها ووصلوا الاتنين قدام الغرفة اللي كانت عايشه فيها سيلين قبل ما تمشي واحلام قالت:الاوضة دي هتقعدي فيها..اهم حاجه حافظي عليها زي ما هيا بلاش استهتار بعد اذنك!
فادية اتضايقت من كلام بنتها ودخلت للاوضه واحلام وقتها اخدت نفس طويل وقالت:جوزك كان عاوز يعمل ايه في مريم خلاها تهرب وتسيبك كده؟
فاديه كانت قعدت علي السرير ولما سمعت سؤالها قالت بتوتر:معملش معاها حاجه هو قالي كده؟
احلام بفضول:امال انتي اتها هربت بسبب الله ريحمه وكنتي تقصدي جوزك يبق أكيد يعني عمل فيها حاجه، كملت بشك:ولا انتي بق خايفه تقولليلي انه مش كويس ولا ايه؟
فادية بضيق:انتي اسألتك كتير ليه..انا قولتلك اهو انا معرفش حاجه واللي هوا قاله انه مقربش منها!
احلام حركت راسها وقالت:ماشي يا ماما براحتك المهم انا هسيبك علشان ترتاحي !
فاديه حركت راسها واحلام خرجت من الاوضه وقفلت الباب وقربت بسرعه من الاوضة اللي قاعده فيها مع ماهر وقالت:انا اسفه علشان بغصبك تعمل حجات كتير علشاني؟
استغرب ماهر كلامها وهيا قالت بقلق:تفتكر مريم جرالها حاجه؟
ماهر رد عليها وقال بتساؤل:خايفه عليها؟
احلام حركت راسها بكبرياء وقالت:لا انا بس بسأل؟
ماهر حرك راسه وقال وهو بيمثل الجديه:اكيد يا احلام حصلها حاجه يعني واحده زيها لما تكون في الشارع تفتكري الناس هتسيبها في حالها؟
احلام امتلكها القلق وقالت بخوف علي مريم:يعني ايه زمانهم أذوها؟
حرك راسه بعدم علم وقال:انا بس بخمن يعني معرفش؟
احلام قربت منه واتكلمت بقلق:ارجوك متخمنش حاجه علشان انت كده بتقلقني؟
قال بفضول:يعني انتي خايفه عليها؟
حركت احلام راسها بخوف علي اختها فعلا وقالت:ايوا خايفه عليها وحاسه ان حصل معاها حاجه ،هو انت بلغت رجالتك وقولتهم علي اسمها؟
ماهر حرك راسه وقال:متقلقيش كلها كام ساعه وهيجبولي عنوانها ،هو صحيح انتي قولتي لوالدتك ايه!
احلام بخجل:قولتلها يومين وهيلاقوها ؟
ماهر رفع حاجيه وقال:بس يومين دول كتير..قالت بتردد:ممكن يتأخروا فـ اهي هتبقي قاعده معانا!
ماهر فهم هيا ليه قالت لوالدتها كده فقرب منها وحضنها وقال:مش عارفه تقسي عليهم انتي؟
اتكلمت بدموع:برغم كل اللي عملوه فيا بس دول عيلتي ومش عارفه اكون قاسيه عليهم ..يمكن هما قاسين عليا بس انا مستحيل ابق قاسيه!
مسح علي طرحتها بحنان وقال علشان يطيب بخاطرها:اللي انتي عملتيه دا هو الصح .،انا فخور بيكي ان عندك قلب حنين زي دا ..
احلام دفنت راسها جوا صدره وقالت بحب:ربنا ما يحرمني منك ابدا..انت بقيت كل عيلتي يعني مش عارفه من غيرك هعمل ايه!
ابتسم وقال:هتعملي مراتي اهي بسيطة اهي"
ضحكت وحركت راسها وقالت:بس انا مراتك'
قال بمفاجاة:بجد دانا كنت فاكر انك خطيبتي..بص لشفايفها وقال:منشفاها عليا انتي ومش مخلياني عارف اخد حقوقي!
خجلت احلام وبعدت عنه وقالت:مش انا قولت تبطل تحرش وسع كده..حاولت تقوم وهو ضحك علي شكلها وقال:خلاص خلاص بهزر !
ابتسمت وقالت:طيب ماشي بس اوعي تخليني نايمه وتضحك عليا؟
ماهر بابتسامه:عيب عليكي يا احلام انا برضوا مش بتاع الحركات دي'
حركت راسها باطمئنان وقامت علشان تغير هدومها وهو قام وراها،واول مالقاها قلعت هدومها قال وهو واقف وراها:محتاجا مساعده ياقلبي؟
صرخت احلام وجريت من قدامه وقالت بصراخ:يا كداااب،يا قلييل الادب؟
ضحك ماهر بقوة علي شكلها وهيا دخلت للحمام وقعدت فيه وقت طويل وهو من خوفه عليها قرب علشان يطمن واول ما خبط علي الباب قالت بغضب:امشي من هنا يا ماهر يا متحرش!
ابتسم وقال:انا جوزك يا هبله اطلعي متخافيش!
بلعت ريقها بتوتر وقالت:لا مش هخرج!
ماهر بتهديد مزيف:اطلعي يا احلام بدل ما اكسر الباب!
فتحت احلام الباب وقالت بسرعه:اكسره..قالت كلامها وقفلت الباب وهو ضحك عليها وقال بضحكة :طيب علشان خاطري طيب!
سكتت شويه وفتحت الباب وقالت:هتبطل تحر/ش ولا هبلغ عنك البوليس؟
حرك راسه بضحك:لا خلاص هبطل بس افتحي الباب بق!
حركت راسها وفتحت الباب وهو كان واقف باصصلها وساكت واول ما لقاها مشيت وخلاص هتنام علي السرير قرب منها وقال:واللا ووقعتي تحت ايدي يا احلام!
بخجل:ماااهر..وهو بيقرب منها قال:روح وقلب وعقل وعيون ماهر من جوا؟
بلعت ريقها وقالت بخجل:انت وعدتني معقول كنت بتكدب عليا '
ماهر:دي كانت كدبه بيضا؟
اتوترت اكتر وقالت:بس انت كده هتخليني..قرب اكتر وهيا قالت بتوتر:هتخليني اعيط والله؟
ضحك علي شكلها وهيا ضمه ايديها علي صدرها ومغمضه عينيها وهيا بتقول بتوتر شديد من قربه :ماهر..رد عليها:نعم يا حبيبتي!
احلام بخجل:ممكن تبعد عني شويه؟
حرك راسه وفرد جسمه علي السرير جمبها وهيا لما لقته وافق كده بسهوله استغربت ولما لاقته بيطفي النور وبينام فكرت انه زعل منهافقربت منه وقالت بتساؤل :هو انت زعلت مني ولا ايه يا ماهر؟
كان مغمض عينيه كأنه نايم ولما لقاها بتقرب منه اكتر باسها بسرعه وهيا بعدت بخجل..انت بتضحك عليا تاني !
لفلها وقال بإبتسامه:لما بتكوني شقية البوسه بتبقي حلوه..
لفت وشها بسرعه وهيا بتقول باعتراض علي كلامه اللي قاله :لا البوسه بتبق حلوه علي طول؟
ضمها لحضنه وقال بحب كبي ليها :حصل،علشان كده انا واقع ودايب فيها!
ابتسمت علي كلامه وهوا طفالها النور وقال بهمس:خلاص انا هنام من غير اي تحرش تاني وانتي كمان نامي!
حركت راسها وغمضت عيونها براحه وهو دقايق ونام هو كمان؟
_________وعند حسن
في العربية كانت مريم لسة بتنزف فكان قاعد حسن وهو متوتر ومش عارف يعمل ايه ولا يتصرف ازاي لانه لو وقف بالعربيه فهيا حالتها حرجه وممكن تموت ولو سرا أكتر فالحركه بتتعبها وبتسبب في نزيفها فكان سايق وهو مرعوب عليها وحاول يزود سرعته من غير ما يأذيها وبعد وقت قصير وصلوا قدام مستشفى قريبة منهم ..خرج حسن من العربيه وهو شايل مريم ودخل بسرعة للمستشفي وهو بيصرخ ويقول :ترولي هنا بسرعة معايا مريضة هتموت..
اول ما قال كده قربوا منه كل الممرضين والدكاتره علشان يلحقوا المريضه الي كان شايلها وحطوها علي الترولي وجريوا بيها بسرعه و دخلوها فورا لغرفة العمليات !
اتحرك حسن وراهم ولما لقاها دخلت لغرفه العمليات كان واقف هوا قدام الباب وكان مش على بعض ومتوتر ومش عارف يعمل ايه وكان عايز يطمن عليها بلهفه ..
وعدي نص ساعه وهوا واقف مكانه ومفيش حد خرج يطمنه..
فأول ما خرجتدكتوره من الغرفه علشان تشوف اهل المريضه قرب منها حسن وسألها بلهفه علي مريم وقال: هي عاملة ايه طمنيني عليها والنبي !
الدكتوره بصت علي حالته وقالت بحزن :للأسف يا أستاذ الطلقة موجوده في مكان حساس جدا واحنا دلوقت محتاجين دم لآنها نزفت دم كتير فاحنا محتاجين حد يكون نفس فصيلتها يتبرعلها بسرعه هي فصلتها AB- فلو حضرتك تتبرع لها اتفضل معايا!
حسن فكر مع نفسه هو فصيلة دمه ايه ولما لقي انه ناسيها قال بتساؤل:انا ناسي نوع فصيلة دمي فلو ينفع اعمل تحليل دلوقت لاني مش عارف،
الدكتورة بايجاب:تمام يا أستاذ روح غرفة التحاليل وهناك بلغهم يعملولك تحليل ولو دمك نفس الفصيله اتبرع هناك وهما هيحولولنا الدم علي هنا ؟
حسن حرك راسه بـ الموافقة وتحرك بسرعة وراح لغرفة التحاليل وأول ما وصل لقي إن في طابور كبير ..فاتضايق حسن ومبقاش عارف هيعمل ايه..
فضل واقف لثواني ولما لقاهم مش بيتحركوا قرب من الممرضة الموجودة وقال بلهفه: لوسمحتي أنا عايز أعرف فصلة دمي ايه علشان في مريضة في غرفه العمليات دلوقتي ومحتاجين دم !
الممرضة بصلته وقالت بجديه :طيب أقف في الطابور وإستني دورك؟
حسن بضيق:طابور ايه اللي هقف فيه أنا بقول لك المريضة دلوقتي في العمليات ومحتاجين دم فعرفيني فصلتي ايه بسرعه!
الممرضة بصتله بضيق:انت بتعلي صوتك عليا يا استاذ انت ؟
حسن اتعصب وطلع كارنيه الشغل وحطه قدام عينيها وقال:انا الرائد حسن نعمان ولو منفذتيش اللي بقولك عليه انتي حره؟ صرخ في وشها وهيا خافت وحركت راسها بالموافقه وطلبت منه يقعد قدامها ويشمر دراعه وبدأت تاخد منه عينة دم وقالت:خمس دقايق وهتطلع النتيجة..
حرك راسه وفضل واقف وكانو الخمس دقايق بيعدوا عليه كأنهم خمس ساعات..
وبعد خمس دقايق اتكلمت الممرضة وقالت:فصيلة دمك o+ يا استاذ..
اتفاجئ حسن لان فصيلته مختلفه تماما عن مريم فخرج من الاوضه وجري علشان يشوف متبرع لمريم وبدأ يسأل الناس ولاكن محدش كان عارف نوع فصيلته ايه ومنهم اللي كان خايف وبيرفض فـ حس حسن بفقدان امل ولاكن اللي خلاه يقوم بلهفه هما الشباب اللي كانوا لابسين بِدل رسمية وبيسألوا في الاستقبال عن اسم مريم وبيقولوا:في مريضة هنا إسمها مريم محمد السباعي!
اول ماقالوا اسمها قرب حسن منهم بلهفه وقال:بتسألوا عن البنت دي ليه؟
الشباب بصولوا وقالوا:انت تعرفها.
حسن بجديه:ردوا علي سؤالي؟
اتكلم واحد وقال:ماهر بيه الصياد هو اللي بيدور عليها؟
حسن كان سمع الاسم دا قبل كده فسالهم تاني:وماهر بيه دا بيدور عليها ليه؟
اتكلم واحد وقال:اصل الاستاذه مريم تبق اخت مرات الباشا؟
حسن ابتسم وقال بلهفه:ممكن توصلوني بماهر باشا دا بسرعه؟
الشاب حرك راسه وخرج هاتفه واتصل علي رقم ماهر ودقايق وكان ماهر صحى ورد علي التيلفون وقال بنوم:في ايه؟
الشاب بتوتر:ماهر باشا في حد يعرف عن مكان الاستاذة مريم!
ماهر فتح عينيه وقال بجديه:مين دا ؟
الشاب:هوا واقف قدامي وعاوز يكلم حضرتك!
وافق ماهر وقال:خليه يكلمني بسرعه
اتكلم حسن وقال:انا الرائد حسن نعمان ومريم معايا في المستشفي دلوقت وهيا في غرفة العمليات ومحتاجين دم ضروري فصيلة AB- فلو المدام زوجت حضرت نفس الفصيلة ارجوك خليها تيجي وتتبرع لاختها بسرعه لانها بتموت؟
كل الكلام اللي قاله حسن خلي ماهر مصدوم وبيصحي في احلام وهو بيقول :قومي يا احلام اختك محتجاكي؟
حسن كان سامع كلامه وحس ان مريم عندها فرصه تانيه انها تعيش ولما ماهر رد وقال:دقايق وهنكون عندك!
حسن قفل المكالمه وبص للرجاله وقال:انا بسببكوا روحي رجعتلي شكرا اوي؟
الشباب ابتسموا وهو رجع لغرفة العمليات ووقتها كانت الدكتوره واقفه ولما شافته قالت بحزن:للاسف المريضة توفت البقاء لله؟
حسن بصلها بصدمه وهو مش مستوعب ايه الكلام اللي هيا قالته فقال بتوتر:لا..انتي اكيد غلطانه يا دكتوره ..مريم عايشة وهيا وعدتني بكدة..مستحيل انها تموت؟
الدكتوره بحزن:ربنا يصبرك يا استاذ ..قالت كلامها وكانت هتمشي ولاكن هوا وقفها وصرخ في وشها:ادخلي تاني حاولي تخليها تعيش مريم مستحيل تموت دي وعدتني بكده..كمل بقهر:مريم تستحق انها تعيش..مريم تستحق فرصه تانيه؟
الدكتوره زعلت جدا علي حالته ودخلت للغرفه تاني ولقت ان الدكاتره بيشيلوا الاجهزه من علي جسم مريم فقالت باعتراض:استنوا ..لو سمحت يا دكتور حميدة انا هحاول معاها تاني؟
حميدة باعتراض:بس دي قلبها وقف يا دكتوره؟
الدكتوره باعتراض:اسمحلي يا دكتور علشان خاطري .
الدكتور وافق وهيا بدات هيا والمساعدين بتوعها يعملوا اسعافات تانيه لقلب مريم وبعد محاولات كتيره مريم قلبها مكانش بيستجاب فصرخت الممرضه وقالت:مستحيل تموتي ..دا واقف برا هيتجنن عليكي ساعدينييي ارجوكيي؟
قالت كلامها وهيا بتعملها اخر محاوله ومريم قلبها استجاب فعلا وكانت دي معجزه في حق ذاتها لانهم لاول مره يقابلوا حالة زي حالة مريم؟فبصوا كلهم لبعض وابتسموا وبدأوا يكملوا علاجها!
وبرا كان حسن قاعد علي الارض ومنهار واول ما لقي ايد بتتحط علي كتفه رفع عينيه ولقي احمد زميله وهو بيقول بحزن :قتلها يا صحبي؟
حسن بصله بحزن وقرب منه وقال بغضب :ليييه يا احمد قولتلوا علي مكان الجبل لييه؟
احمد حضنه وقال بحزن:اسف يا صاحبي انا مكنتش اعرف غرضة بس صدقني انا عملت اللي عليا بس هوا كان هيقتلني فعلا وكان ضاغطني؟
حسن بصله وسكت وقال:انت عرفت منين انه قتلها؟
احمد:المستشفي قدمت بلاغ علي ان في مريضة جات واخده طالقه فانا قلبي حس بيك؟
حسن حرك راسه وقال:مريم اخدت طلقه في بطنها وادهم في الجبل زمانه محبوس انا مش هسيبه يا احمد لازم انتقم منه؟
احمد اتكلم وقال:انا بلغت اللوا باللي عمله ادهم معايا وهوا تحت المراقبه دلوقت وانا هاجي معاك انا وبقيت الفريق للجبل علشان نقبض عليه ..في وسط كلامهم سمع حسن صوت عالي جاي من وراه وكانت دي احلام واللي كانت بتبكي وبتقول بلهفه:اختي..مريم؟
اول مشافها حسن وقف وقال:مريم محتاجه دم ..احلام حركت راسها وقالت بلهفه: اتبرع منين واروح فين؟
الدكتوره خرجت تاني وبلغتهم ان مريم استعادت النبض ولاكن محتاجين دم ..وقالت نوا الفصيله واحلام قالت بسرعه:انا اختها ونفس فصيلتها؟
الدكتوره حركت راسها وقالت روحي بسرعه غرفة التحاليل واتبرعي هناك بالدم..
حسن قال باعتراض:الغرفه هناك زحمه با دكتوره مش ممكن حضرتك اللي تسحبي منها؟
الدكتوره قالت:ثواني ..وجايه ..فدخلت تاني لغرفة العمليات وخرجت ممرضة وبلغتها تسحب الدم من اخت المريضه واول ما الممرضه خرجت اخدت احلام لغرفه جانبيه وبدات تاخد منها كيسين دم ووقتها كان ماهر قلقان عليها لان دي تاني مره احلام تتبرع بكمية دم كبيره فبصتله لما لقته خزين عليها وقالت:سامحني يا ماهر بس دي اختي!
ماهر قرب منها وقال:اهم حاجه انتي بخير؟
احلام بخوف:اهم حاجة عندي هيا مريم!
ضمها لحضنه وطمنها ان اختها هتكون بخير بس كان بيفكر في الشاب اللي كان برا وقال:انتي تعرفي مين الشاب دا؟
احلام:دا نفس الشاب اللي كان معاها في العربيه يوم الاشاره؟
اتكلم ماهر وقال:بس دا ظابط يا احلام!
احلام باستغراب:بجد ..بس انت عرفت ازاي؟
ماهر:رجالتي بلغوني لانه من شويه كان بيهدد الممرضات في غرفة التحاليل؟
بصت احلام لحسن من بعيد وقالت:بس دا خايف عليها بطريقه غريبه..تفتكر يا ماهر انه بيحبها؟
ماهر ابتسم علي شكل حسن وقال:لا دا باين عليه انه بيموت فيها؟
بصتله احلام وابتسمت علي كلامه وبعدها خرجت من الغرفه مع ماهر وقربت من حسن وقالت. : هتبقي بخير مريم قويه وياما استحملت؟
بصلها حسن وقال:يارب تقوم بالسلامه؟
ابتسمت احلام بهدوء ووقتها خرجت نفس الممرضه وبلغتهم انهم لحقوا مريم وخلاص كلها ساعه وهينقلوها غرفه عاديه؟
احلام من فرحتها حضنت ماهر وحسن حضن احمد وكانوا كلهم باصين لبعض بفرحه ووقتها كانت مريم في عالم اخر؟
(كان المشهد دا وكانه موجود في شاشه معروضه في إحدي السينمات..بيظهرلنا مريم وهيا لابسه أبيض وكانت موجوده في قلب دائرة ضخمه وماشيه علي ازاز شفاف كان كاشف ليها كل اللي تحتها، وبرغم ان تحتها بحر غامض بس مكانتش خايفه منه لانها محميه علي الازاز اللي كامت ماشيه عليه ،فكانت شايفه في البر حسن واختها ووالدها وكانوا كلهم باصين عليها وبيشجعوها تخرج من الدائرة دي ،وكانت مريم بتحاول تخرج بكل قوة ولاكن وقفت علي صوت ادهم واللي كان جاي من البحر الغامض دا وبيقولها بتهديد:مش هسيبك با مريم!
قال حسن بصوت عالي علشان تسمعه:متخافيش يا مريم انا هحميكي..بصتله مريم باطمئنان وجت تمشي تاني علشان تقرب من حسن لقت ادهم بيهددها تاني:مش هيقدر عليا يا مريم انا هقتله مكانك!
خافت مريم وقالت بقلق علي حسن:بلاش تأذيه انا مش عايزاه يموت؟
ادهم:خلاص خليكي زي ما انتي علشان هو يعيش.
مريم بصت لحسن اللي باصص عليها وبيترجاها تخرج وقالت ببكاء:بس انا بحبه ..بحبه يا أدهم وعايزه اكون معاه ..
ادهم بتهديد:مفيش حاجه اسمها حب انتي مينفعش تحبي يا مريم انتي تستاهلي الموت؟
مريم ببكاء:عاوزه اعيش نفسي في فرصه تانيه؟
ادهم بصراخ :مينفعش انتي لازم تموتي!
حسن :تعالي يا مريم سيبك منه دا مجنون وانا هاخدلك حقك صدقيني بس اخرجي؟
مريم بصت لحسن بخوف من ادهم وكانت هتسيب نفسها تقع من الدائرة ولاكن صوت أحلام منعها.. انا معاكي يا مريم سيبك منه واخرجي انا محتجاكي معايا..انتي كويسه وتستحقي فرصة تانيه؟
فرحت مريم وبكت لانها عارفه انها اذت اختها جامد فقالت بحزن:معقوله هتسامحيني يا احلام بعد كل اللي عملته معاكي؟
احلام ببكاء:ياما الدنيا عملت فيا يا مريم فانتي كنتي احن منها ..انا مسمحاكي بس انتي اخرجي الاول؟
مريم ابتسمت وكان صوت ادهم بيتضاعف وهو بيهدددها لو خرجت هيأذيها وهيأذي اللي حواليها فبصتلهم بحزن وقالت:بس موتي هيخليكم في امان؟
كلهم صرخوا برفض :وجودك هيخلينا نعيش بوجودك هنبقي أقوي ونخلصك منه بلاش تسمعيله؟
بكت وحركت راسها علشان تخرج ووقتها ادهم مد ايديه القويه وكسر ازاز الدائره علشان تقع معاه في البحر الغامض ولاكن هيا صرخت برفض:انا عايزاهم ايعد عني..كان ادهم هيشدها ولاكن والدها منعه لانه كان قادر انه يمشي علي المايه ولما لقاه هيأذيها لحقها بسرعه وبعد ادهم عن بنته وشالها في حضنه وخرجها من الظلام للنور ووقفها جمب حسن واحلام وقال بتوصيه:انا مسامحها وانتوا كمان سامحهوها وادولها فرصه تانيه ..
احلام وحسن بكوا وقالوا:هيا تفوق واحنا هنشيلها في عيونا ..والدها بصلها وقال:شيلي النقطة السودا اللي في قلبك وابدأي حياة جديده بلاش ترجعي للماضي تاني ولا تفكري فيه؟
مريم باعتذار:انا اسفه علشان سيبتك زمان؟
والدها باعتراض.:الاهل من واجبهم انهم يستحملوا غلطات عيالهم ويعلموهم من جديد فانا عايزك تكوني كويسه وتحبي اختك وامك وبلاش قسوه تاني؟
مريم وافقت وطلبت تحضنه وهو وافق واول ما قربت منه ضمها لحضنه بقوة وقال:انتي كويسه يا مريم متلوميش نفسك تاني خلاص يا حبيبتي الماضي انتهي ودلوقت فكري وصلحي اخطاءة بدل ما تلوميه وتفضلي متأثره بيه!
مريم حركت راسها بالموافقه وهو وقتها سابها ومشي واحلام وحسن قربوا منها وقالوا:فوقي يا مريم احنا بنحبك ومسمحينك)
يتبع
تفتكروا بق هيحصل ايه تاني..مفضلش كتير علي فكرة 🙄🥲بس عاوزه تفااعل قوي 😁❤️🔥
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺