رواية أمواج قاسيه الحلقة 50 حتى 59 حصريه وجديده
 |
بعدتو عليا بكل قوتي لي عطاهالي ربي و نضت نعيط و دموعي كي الشلال ( نحمل كلش يسبني يهددني بصح لبنات لا بلاك أنا أكثر طفلة فالدنيا هاذي غيارة مستحيل نشارك حاجتي مع اي واحد فمابالك راجلي و أول حب في حياتي ) بقلم آية أميرة _ كي راك خاطبها علاه تزوجتني أنا فهمني برك وش درتلك حتى راك تعدبي فيا هك الغلطة الوحيدة لي غلطها معاك كي قبلت ب وليد و هاذي الحاجة درتها في لحظة ضعف و غضب و غدوة بعد بطلت عليه ، انا جامي رفضتك كيما راك حاسب افهم راهم تا دارنا ماكانوش حابين نزوج خافو عليا ننضر في وسط عايلتي لي من لحمي و دمي و لكن فالخر صح كان عندهم حق نعللو النهار لي وقفت في وجه والديا على جالك نعلبو النهار لي حبيتك فيه نعلبو النهار لي شفتك فيه، عشت معاك يومين شربتني فيهم لمرار عايلتك السم لي يطيشولي فالهدرة من جيهة و نتا من جيهة خلاف حسبي الله فيكم كامل و درك ربي يعيشك على وجه ربي لكان طلقني و أديني عند دارنا خليني نتهنا ، نصبر على كلش بصح باه تزوج عليا لا مستحييل هنا و سيبو أولد الناس يزي بلاما تقيس فيا راني ولية و تتحاسب عليا خاف ربي فيا و رجعني لدارنا كيشعل ماعرفتك ماعرفتني , قرب ليا _ كلش ساهل عندك نتي سيبو ولينا فالطلاق ا نور _ ايه ولينا فيه بغسك الله غالب علاقتنا باينة مش راح تصلح و حتى و نحبو نكملو مش راح تخلاص على خير ، حنا حتى الحوار معدوم بيناتنا نتا جامي تسمعني دير طول لي في راسك و نوليو فالمشاكل _ علاه نتي كاش نهار حاولتي تفهميني، صح أسلوبي صعيب بصح حتى نتي ماتعرفيش تتعاملي معايا ياك كي نكون قلقان تزيدي عليا ماشي تخفي عليا _ هيه اني انا لي مانصلحش سيبو خلاصت طلقني و روح زوج بعد ماتبطاش عليها مسكينة و لكان تحب نمدلها شوي من لحوايج لي شريتهم تقولي راني ماعندي ماندير بيهم ( نهدر برك والله نحرقهم و ماتلبسهمش ) ديديكاس ل ڨروب حكايات و قصص أميرة نحبكم كامل بالبن و حبيت نقول ل سراقة لي تحط في حكايتي و تقول راهي تاعي تربحي وش يربح الحفاف حبيبتي , حكمني من يدي و زير عليا و مشاني هبطني التحت يكركر فيا كيما يمشو الكبش كي يعودو راح يدبحوه مافقتش حتى لقيت روحي فالصالون في وسطهم و هو معايا كي الثور الهايج ولا كامل أحمر تحسب سبغوه ، هوما كي شافوه هكاك تخلعو كامل عمتي نطقت قاتلي _ يا لفعة وش درتيلو راني قتلك ا عادل ولدي ماتديش بنت القاتل هذاك راهي باينة كيفاه راح تخرج ، انا سيبو رايحة ليها نضربها أقسم بالله مانحتارم لاعمرها لا صلة الدم لي نكرها لا شكوبي حتى حسيتو جبدني و حطني وراه و راحلها هو قرب ليها قالها _ أطلبي منها السماح _ وشي أوليدي كيفاه نطلب السماح راني نخمم فيك انا و ماحكيت والو غالط ا بني اك تعرفني نحبك و مانحبش لي يزعفك _ راكي في دارها و تقللي من احترامها و انا لي يقيسلي مرتي لوكان بكلمة مانستعرفش بيه و نمحيه من حياتي فهمتو و دار ليهم كامل هبطو ريسانهم و درك تفضلي أخرجي من داري و رجلك مابقاتش تتحط هنا _ صار عليك ا ولد خويا لكبير تسحتني من دارك و بدات دمع والله ماننسالك هذا الجاست طول حياتي ، ......
الحلقة 51💕
نطقت جدة قاتلو _ عادل وليدي وش راه صاريلك كيفاه تخرج عمتك لكبيرة من دارك على جال كلمة برك قالتها لمرتك _ قلتها أطلبي السماح على الكلمة مابغاتش تسما تتفضل من دارها مدامها مش حاملتها علاه جاية عندها _ راهي جاية على وجهك ماشي ليها _ و انا لي مايديرش وجه لمرتي مكلاه يجيني و يعتب باب داري ملخر ( انا سيبو تقريب نخرا على روحي من الفخر ههه) و هاذي في خاطر حباباتي و صحاباتي لي في ڨروب حكايات و قصص أميرة كنبغييكم بزااف بلهجة السرارقة ، قتلو عمتي معليش ا عادل عابالي غلط و درك نطلب السماح قربت ليا و قاتلي _ سمحيلي ماقصدتش و راحت قعدت قدام بنتها خزر فيا عادل قالي _ سامحتيها ! درتلو براسي ايه ، ستغفر قلهم نسيتوني حتى علاه كنت جاي مباعد زاد دار ليا قالي _ شكون لي قتلك بلي أنا راني خاطب تسنيم _ كفاه _ شكون منهم قاتلك راني خاطب وش الحاجة لي مافهمتيهاش في هدرتي فهميني برك ، انا خزرت طول في إنصاف دارتلي براسها تا لا ماتقوليش انا كي شفتها خايفة كاك ماحبيتش نهدر بصح هذاك شكون يقدرلو يفيقلها و هيا طايرة شافني كيفاه خزرت ليها راحلها طول قلها _ تسما نتي رباوك على لكذب ولا كيفاه _ لالا خويا والله غير قلتلها كان خاطب تسنيم قبل و بطل _ تسما تكذب عليك هي _ لالا قلت بلاك فهمتني بالغالط برك انا ماقصدت والو والله _ آخر مرة تاعك ا إنصاف ياك أختي و تعرفيني كيفاه داير و مانحب حتى واحد يحكي في حاجة تخصني حتى مع مرتي هذي الحاجة انا لي نخبرها بيها ماشي نتي دااكور _ هيه سامحني والله مابقيت نعاودها ا خويا _ السمااح ( تهدر و ترجف انا والله غاضتني يبان بلي جاف معاهم كامل يعني مهما يكون تبقا أختو و مش من حقو يقلها رباوك على لكذب و يعيط عليها قدامهم حتى على جالي ، هيا من بكري تكرهني زيد يا بعد الجاست هذا تولي تتمنالي الموت ) بقلم آية أميرة ، كي كمل التحقيق معاها تخنزر فيا و قالي هيا نتي معايا تبعتو و طلعنا الفوق ملي دخلنا و هو يخبط فالدنيا لي يلقاها قدامو يكسرها انا خفت على روحي الحق قعدت فالدوش زيد نعدي قدامو يكسرني كيف حوايجو لي مارحمهمش ، مهم مخلا فالدار والو غاضوني لحواايج والله غير حبيتهم سيغتو وحد التمثال جاي على شكل أرنب و أرنوبة محضنين بعض يهبل كي كسرو تحسب كسرلي قلبي غاضني خلاااه بصح فهمت بلي مهبول و نبصم عليه بالعشرة ماهوش فايق وش راهو يدير تحسب شاارب ، هاج ضربة وحدة بصح الحق مهبول على روحو المهم دارلي قيمة قدامهم كامل و درك علابالي وحدة ماتتجرأ تهدر معايا حتى كلمة كامل يخافوه ،قبيل أختو والله الدموع و هبطتهم كي راهي تحكي معاه و أمو مانطقت حتى حرف ساكتة و تتفرج وحاطة يدها على فمها و فراات ، شوي و سكت حسو خرجت مالدوش لقيتو قاعد على السرير و حاكم راسو و الشومبرة بلاما نقلكم عليها مابقا فيها والو يصلح ( لقدر و مكانش ههه ) بقلم آية أميرة و السراق لوخرة راكي تدي فالفضلة يا لابوبال تفووه حاشة الناس لكبار المثقفين الهايلين لي راها تقرا سمحولي ، رحت قعدت بجنبو و قتلو _ عادل صفا وشبيك راسك يووجع فييك ، طلع راسو و شاف فيا _ أخطيني و بعدي عليا درك نرتاح و نولي صفا و هاايل خلاه _ تسما كرهت مني و حابني نبعد علييك هيه كيما تحب سمحلي انا الغالطة كي خفت عليك و جيت نسقسي عليك وجيت واقفة حكمني حضني ودفن راسو عندي و قالي _ يااا نور راني عيااان و بزااف و دوايا راهو غير عندك افهميني برك .....
الحلقة 52💕
ماهدرت معاه حتى كلمة بقيت محضنتو و فرات حسيت بالراحة معاه و قلبي راح يخرج من بلاصتو شوي و طلع راسو شاف فيا و حط راسو على راسي و هو يلهث حسيت النفس راح تتقطعلو حتى مالسخانة سخن خلاااه انا غمضت عينيا و بقيت نسمع في صوت قلبي و قلبو و نشم في ريحتو لي راح دوخني ريحة رجولة مع بارفان و دخان دبت خلااه حتى همسلي قالي _ نحبك ا نور من أول نهار شفتك فيه و نتي صغيرة ونتي في بالي والله مافارقتي تخمامي ولا دقيقة كنت نتمنى فالنهار لي يجمعني فيه ربي معاك و تولي حلالي و ليا وحدي و بدا يمس فيا كلش فيك راهو تاعي عينيك خشمك فمك شعرك ( كل حاجة يقول عليها يمسها بيدو ) نعشق في كل تفصيلة فيك ا نور مباعد قرب لودني و قالي بشوي "زوجتي الجميلة إسمحي لي أن أقبل يديك فأنا الأن خاشع متعبد في محراب حبك بل عاشق زاهد عن كل نساء الأرض دعيني أقبل يديك وأنظر إلي تلك العيون المملوءة عشق وحب، أحببت كل مافيك ياعشقي الجميل و يا نوري المضيء ،الروح والجسد الخجل وحمرة الوجنتين عندما تخجلي وإبتسامتك الرقيقة فإن تبسمتي تفتحت الزهور وغردت البلابل وأصبح الليل الدامس نهارا و عندما تتبسم شفاهك اصبح عاشق زاهد في حبك " تبسمت معاه و فتحت عينيا قتلو _ مين تجيب فيه لكلام الحلو هذا _ من أعماق قلبي ا عينياااا ماتتصورش شحال نعشقك و نعشق الأرض لي تحطي رجلك عليها مباعد قربلي باسني من شواربي بوساات خفاف مباعد ماولاوش خفاف ، عديت معاه أجمل نهار في حياتي كان حنين معايااا بزاااف و سايسني على قد ما يقدر بصح حسيت بيه قاعد يحكم في روحو عليا باه مايضرنيش كي عدة أول مرة .... الصباح نضت على لمسات حنينة و خفيفة في وجهي فتحت عينيا قابلني محضني عندو و مزير عليا تقول راح نهرب و يتفرج فيا و عينيه يلمعو قتلو _ صباح الخير ، هبط راسو عندي باسني _ صباح النور و العسل كيفاه صبحتي حبيبتي _ هايلة الحمد لله ، ودرك اطلقني خليني نوض نوجد نفطرو راح نموت بالجوع ملي جيت عندك و أنا ناقصة ماكلة _ ههههه هذا فاه تخمي نتي _ هلا فاه راح نخمم زعما فيك انا كي نكون جيعانة روحي و ننساها هيا بعد عليا خليني نروح نفطر راك خنقتني اوخدي ( والله غامني بكل ثقلو النفس راحتلي ) _ نفطر انا لول و مباعد نتي _ هيه بعدلي نروح نوجد و كول نتا لول على روحك _ فطوري راه واجد بعد _ كيفاه ، هجم عليا بالبوس و العض مخلا فيا حتى بلاصة تصلح انا غير نعيط ( جاب ربي ساكنة الفوق وحدي كون راني تبهدلت صح هههه منعرف بلاك حتى سمعوني ) كي كمل قالي يابن عمي ماتسكتييش خلااه لاه راكي تعيطي _ والله والو غير واحد الثور هايج طلع فوقي وهو يوزن قنطار و انا زوج كيلو و حابني مانعيطش الحمد لله كي ماطلعتش عند ربي برك _ ها والله انا ثور ا رخيسة _ هيه هلا نكذب عليك و انا مسكينة نزعبط تحتك و نتا مش سامع بيا حنا نشبهو للريشة و الشجرة _ ههههه زيدي ا نور زيدي مرة مكلوب مرة ثور و درك شجرة وش مزال ماعيطيليش _ موالفة نقلك عزرائيل تانا _ ناض يضحك بصوت و يبوس فيا _ تسما نتا تضحك تبوسني تقلق تبوسني تجوع تبوسني بزااف عليااا و درك مش راح يهديك ربي تخليني نوض ناكل أصلن كون جات الدنيا دنيا كون راك وجدتلي فطوري جبتهولي للسرير مي الله غالب حيط و ماتفهمش _ نوضي نوضي اك بديتي داصريني , وقفت وهو رجع غطا على راسو شفت حالة الشومبرة كيفاه قتلو الرجال ليلة لولة تفرش ل نساها الورد فالأرض و انا مفرشلي لڨزاز حسبي الله _ هههه نحا لغطاء و قالي أنا كلش تاعي سبيسيال ا عينيا و غمزلي 😉.....
الحلقة 53💕
نضت وجدت لفطور عيطلو يجي ياكل قالي _ جيبي للشومبرة _ والله ماني حابة نتجرح الشومبرة رانا نمشيو فيها بسيف خص غير نجيب الفطور لتم هيا هنا , جا فطرنا أقسم بالله كليت حق 10 عباد تشوكا فيا قالي تحسب عندك عام ماكليتيش قتلو لالا يومين برك ، مهم كملنا هو خرج و أنا رحت للزريبة هاذيك نفرز فيهاا أقسم بالله حرت مين نبداها كسر كلش حتى من لمرايات كامل مخلا والو الحمد لله كي خلانا السرير برك ، مي انا مافهمتش هذا كل علااه وعلاه يديير هكذا ،عييت نعرف كيفاه راه يخمم ، و انا نفرز و نلملم شفت الغوب لي كنت لابستها البارح لقيت فيها المارة ضحكت تفكرت هدرة عمتي كون مش خايفة من عادل يفلڨ بينا الدار كون راني حكيتلو وش قاتلي باه نقطعها مابقاتش تجي هيا و اللفعة تا بنتها مي معلييش مزال ليام و علابالي بيها راح تزيد تغلط معايا حتى لو حدرها عادل ، المهم فاتو ليام و انا و عادل كي العسل هو فيه فمو يهدر مي أنا ساكتتلو و فرات مانحبش نعاندو نخليه يهدر و يكسر كيما يبغي مباعد كي يتنحالو شوي الغش نروح نحكي معاه و نخليه يفهم الغلطة تاعو و يجي يصالحني ودايما هو لي يطلب السماح ، الحاجة الوحيدة لي كانت تقلقني هي علاقتي معاه فالفراش صح ليام لولة كان معايا حنين و يسايسني مي مباعد ولا بزاااف همجي و دايما يطلبني ولازم دايما نكون واجدة و مانقولش لا ولا راح يغضب و يبدا يكسر و أنا والله ماوليت نحمل الحس و العياط راسي نحسو راح يطرطق كي يدير هكذاك تسما ولييت نمدلو و نسكت سيغتو نهار لي يكون فيه متقلق من كاش حاجة فالخدمة ولا الداار يهبل عليا انا ، يفرغ غشو كامل فيا ولازم مانهدر والو والله ساعات نحسو مهووس ، المهم بعد ايام من زواجنا روحنا فواياج ل تركيا ( زعما زعما شهر عسل ) ، لبلاصة الله يبارك تهبل بصح كنت المكان لي نروحلو نكره فيه حياتي لازم نلصق فيه مانبعدش علييه و نخزر فالأرض كون نطلع عينيا برك يشاليني بأي حاجة تكون قدامو وكون يلقا واحد يخزر فيا ولو غلطة ياكلو مرة ضرب واحد كي شافو غمزلي أقسم بالله تقريب قتلو و هذاك السيد تركي و حنا نهدرو كي جينا هنا بالإنجليزي وفرات تلاحو في بعضاهم عادل يسب فيه بالعربي و لوخر بالتركي مي الوحش لي بلاني بيه ربي هجم عليه مخلا فيه والو حتى جاو لابوليس باه فكوهم و الراجل لي تضرب شكا بيه دخلوه للحبس متت بالخلعة من جيهة عليه خفت وش يديرولو و من جيهة على روحي بقيت وحدي في بلاد غريبة وهو زاد هددني قالي تخرجي من الدار ( كونا كاريينها ) نكسرك ، جاب ربي عندو لمعاف في تركيا و خرج في 3 أيام ( و انا نقول علاه ماحبش يديني دولة خلاف و أصر يا تركيا يا المغرب يا تونس قالي خيري كان علابالو بروحو تا مشاكل و يزبلها ) ، بعد ماخرج شربني لمرار حبسني فالدار مانخرجش قتلو شهر لبصل أدا لي راك تعيشني فيه كون قالي مالول راح نزيرك والله مانعتبها معاه نتبهدل في بلادي و بلاد الناس ( جاب ربي راح نقعدو غير 13 يوم ) ، عيطت رغيت ندبت بكيتلو تعريتلو درتهملو كل باه يخرجني شوي نشم هواء مابغااش يقعد يقعد و يجبدلي على هذاك السيد يقولي عجبك كي غمزلك مهم هبلني و فرات ، كملنا هاذووك ليام بسييف سمانة لولة فاتت هايلة الثانية جحيم قاعدة غير فالدار ، روحنا لدزاير ( بلادي حبيبتي نتغبن فيها خير من الغربة) ، وصلنا ستقبلتنا أمو و خاوتو لفعات حاشة منال ( أختو الصغيرة مشاء الله عاقلة و رزينة وواعية و زهوانية حتى عادل يموت عليها يقولي نحسها بنتي و صح علاقتهم هاايلة و مام أنا و هيا ولينا حبابات ).....
الحلقة 54💕💕
المهم بعد رجوعنا بيومين كان لازم على عادل يساافر مع أمو على عمليتها راح ديرها في أمريكا ، بصح ماحبش يخليني نروح ل دارنا في فترت غيابو قالي تعتبي باب الدار يسموك مطلقة و في نفس الوقت مابغاش يخلينا وحدنا حنا لبنات اقتارح على بابا و ماما و خاوتي يجو يقعدو معانا حتى يرجع لكن ماما رفضت رفض قاطع قاتلو بنتي تجيبها ليا ماشي أنا لي نجيهاا ( أصلن عادل يخمم فيا و في خاوتو لبنات بغسك ماحبوش يروحو لدار جدهم قلك فيها المشاكل ) مباعد عمتي اللفعة قتارحت عليه تجي تقعد معانا مع بنتها بحكم مام هياا راهي وحدها و راجلها سافر على خدمة انا رفضت لكن عادل قبل قالي ماعندي حتى حل و قنعني بلي ماهيش راح تقيسني على خاطر وصاها عليا و قالها تقيسيها راكي قستيني انا ، مهم جا اليوم لي راح يروحو فيه طيارتهم فاليل ، نضت الصباح بكري قبل ماينوض وجدتلو قشو لي يديه و حوايجو ستفتهم فالفاليزات وجدتلو الفطور كي ناض لقاني فالكوزينة حضني مالوراء و يبوس فيا انا تحسب كنت نستنا فيه يمسني برك طرطقت بالبكاء و درت ليه تعنڨشت فيه و عنقتو قالي _ وشبيها حبيبي زعفانة ، بعدت عليه و خزرت في عينيه قتلو _ راح نتوحشك أصلن من درك راني متوحشاتك هفف وش راح يصبرني عليك شهر كاامل والله كشما يصرالي بلا بيك , غلقلي فمي بيدو و قالي _ اششش ماتهدريش هك مايصرالك والو حبيبي و راني مام أنا مانيش حاب نفارقك كون ليا راني معاك الليل مع النهار ياو أنا معاك و نتوحشك بعد مي الله غالب حبيبي لازم عليا نروح مع ميمتي أدعيلها برك _ علابالي ا حبيبي مانيش لايمتك و خالتي راهي معزتها من معزة ماما راك علابالك والله دايما ندعيلها و بربي نشاله مايصرالها والو و ترجع كيف قبل و أحسن _ نشاله ياربي ، مهم أرواحي معايا حبيبي كشما نشبع منك شوي وش راح يصبرني عليك شهر _ هههه أصبر نفطرو سح _ نعلبو الماكلة و الفطور و هزني داني للشومبرة .....
فليل جا الوقت لي روحو فيه هبطنا التحت يدي في يدو والله ماني قادرة نفارقو والفني فيه هذا الشهر و نص حتى ولات الحياة بلا بيه معدومة ، سلمت على خالتي ودعيتلها بشفاء مسكينة تبان من وجها خايفة مي مش حابة تبين سلمتلها على راسها و قتلها بربي نشاله مايكون غير الخير وربي معااك و ترجعييلنا ونتي بكامل صحتك و عافيتك ماتتقلقيش برك و أدعي ا خالتي لعزيزة ، عنقتني مام هيا و قاتلي الدار راهي أمانة عندك يا الحبيبة عمتي كي سمعتها وجها تقلب والله مليحة بلاك تخلي الدار أمانة لوحدة لفعة كيفك ( جات الصباح بعد مزروبة علابالها بلي يروحو فليل ) ، مهم ودعت حبيبي و روح قلبي عادل و دعيتلو من كل قلبي يرجع مع خالتي على خير و عافية ( مخلانيش نروح معاه للمطار أصلن مخلا حتى واحد يروح معاهم ) خرج حبيبي و ركب فالطونوبيل ودعتو حتى غابت الطونوبيل على عينيا و هو باقي يشاورلي بيديه باه ندخل ، راح حبيبي وخلاني وحدي شهر ( هو قال شهر مي المكتوب لا ) راح و ماعلابالوش وش راح يصرا و بلي راهو دا عمري و حياتي معاه و بلي راح نعيش اسوء أياامي بلا بيه ......
ديري لايك يا المسمومة 😘امواج قاسية
الحلقة 55 حتى 59
غير راحو طلعت لداري و درت حالة بالبكاء والله ماقدرت نرقد ريحتو في كل بلاصة وش راح يصبرني علييه ياربي ،بسييف لارقدت اللية هاذيك لغدوة نضت على صوت الباب يطبطب حرت شكون جا ليا ( لبنات جامي طلعولي قبل حتى منال تطلع غير كي نقلها انا هيا معايا ) ، نضت فتحت الباب لقيتها تسنيم قاتلي _ ماتقوليليش مازلتي راقدة لدرك برك _ هيه علاه _ اووو وش رقاد هذا كاامل هيا نوضي برك _ وش دخلك فيا علاه راقدة في دارك ولا على سريرك روحي قيليني صباح ربي _ وشبيك نتي تعيطي عليا والله مليحة هاذي مدايرين فيكم مزية و جايين نقعدو معاكم و زيد تعيطي عليا _ هههه ضحكتيني والله كون ليا مانشوف وجوهكم حياتي كاملة و لكان مش عاجبك الحال الباب قدامك و برا من داري و ماتنسايش ميمتك الغالية و درك روحي منا و دزيتها و غلقت الباب ، على الصباح لعبد أصلن كاره مانيش نااقصتها رحت للشومبرة نفرز فيها و نسمع فالحس التحت و عمتي تعيط عليا أهبطي واجهيني و اهدري معايا وليتي تسحتي فيا من دار ولد خويا ستغفرت و قلت خلي تهدر مانديرش عليها راهي باينة تحوس على المشاكل و انا فمي مانكموش و ماشي حابة نتعارك مالنهار لول راهو شهر طويل و عريض ، مباعد سمعتها تقول اهبطي يا بنت الكلب يا بنت الملعون هيا هنا الڨاز طلعلي لراس انا تقيسولي الناس كل و أهدرولي على الناس كل الا بابا و نور عينيا لا ، فتحت الباب و هبطلها نجري قتلها _ قبل ما تحكي على بابا اغسلي فمك بالماء و الصابون و مدابيك تسكتي راني لدرك مقادرتك ماشي كي عدتي عمتي هاذي الحاجة ماتشرفنيش مي على وجه عادل و ربي من فوق ، ناضت تعيط هيا و بنتها ماكش متربية و عمتي تخبط في صدرها يا وخدي على ولد خويا جاب لفعة لدار والله كون مانطلقكش من عندو مانتسماش رقية _ لي عندك ديريه و راجلي يموت عليا يطيشكم ڨاع علجالي و درك ياتحكمو قدركم يا برا من داري ، تلاحت ليا إنصاف قاتلي دار خويا و ماعندكش الحق تخرجي عمتي منها انتي لي تقودي ماشي هيا _ بعدتها عليا بصبعي و قتلها خوك راهو راجلي و دارو داري و مذابيك نتي تانا مادوريش بيا لا تقودي معاها و راكي تعرفي خوك مليح كون يسمع قلتيلي قودي منا وش يدير فيك تسما ماتخلينيش نقولو و نخبرو عليك خلينا في عمتي برك و غمزتها سكتت كي الحجرة ( بغسك تعرف عادل مايرحمهاش كون تهدر معايا دايما يقلها حتى و تغلط فيك خليني أنا نحاسبها مانسحقكش تهدري معاها حتى كلمة ولا تمسي شعرة منها يحب يعدبني هو برك 🙂) جات ليا منال قاتلي أطلعي ا نور بلا مشاكل حبيبتي خليهم يهدرو برك و يسكتو وحدهم خديت رايها و طلعت بصح باينة مانيش راح نسكتلهم عليها هزيت تيليفون باه نعيطلو لقيتو أصلن باعثلي ميساج فالمسنجر عندو ساعة قالي فيه بلي راهو وصل عيطلو زوج مرات باه هز _ الو حبيبي ( جاني صوتو ناعس باينة كان راقد و انا نوضتو) _ نوضتك ا حبيبي باينة روح كمل رقادك مباعد نشاله _ لالا راني درك وين دخلت للشومبرة حطيت راسي برك مانيش راح نرقد بقشي بعد _ هااا مالا وصلتو بخير و خالتي ماعياتش فطريق _ عياات شوي و درك راهي راقدة بغسك هيا طلعتها قبيل ل شمبرتها كي وصلنا بعد و انا هبطتت كملت لوراقي ، مهم ونتي لاباس حبيبي وش مع لي لتحت ياخي ماداروش بيك _ تنهدت قتلو راك خليتني مع عقارب الله يسامحك برك _ علاه وش دارولك , حكيتلو كلش بالتفصيل و حتى وش قلتلهم انا ( علابالي فمي مشرك مي حتى هو يعرفني انا مانقيس حتى واحد فالدنيا هاذي بصح لي يغلط معايا ولا مع واحد من عايلتي و خصوصا بابا ناكلو بسنيا ) ......
الحلقة 56💕
كي كملت قالي كوبي درك شوي و نعاودلك ، كوبيت و علابالي راح يعيطلهم التحت خلي مليحة فييهم ، شوي و عاودلي حكينا شوي و كوبيت خليتو يريح و انا هبط لتحت نقعد مع منال شوي بغسك قلقت ، كي دخلت لقيتهم متلمين كامل فالصالون تخنزرت فيهم و هوما تانا كيف كيف بصح وحدة فيهم ماهدرت معايا ولا حتى تجرأة تتنفس قداامي هههه باينة عزرهم مليح مليح ( هذا وش نحب في عادل فيه لعيوب تا الدنيا كل يسبني يعنفني في علاقتنا يحبسني يدير فيا المكرة يهددني يديرهم كل بصح مايخلا حتى واحد فالدنيا هاذي يتجرأ و يقيسني واقفلهم كي الحيط كامل يخافوه والله غير نحسو كتاافي و تاع الصح سندي ) عيطت ل منار قتلها تطلع معايا نقعدو الفوق ديتها و طلعت .
فاتو لياام و انا كل يوم يزيد وحشي و شوقي ل عاادل بوغتو كنا دايما نحكيو أبال، ميساج ، كام بصح ماتجيش كيما الصح و الواقع نمسو و نشم ريحتو و نشوف شعرو هذاك لي هابط على وجهو ، مهم ليام هاذوك تاع الصح كرهت فييهم حياااتي داايما نتعارك مع عمتي و بنتها و خواتت عادل لكبار أقسم فالنهار نتعارك معاهم ألف مرة فالنهاار بصح غير بالفم و تعايير و عادل ماوليتش نحكيلو بغسك كرهتو بمشاكلنا و هو ربي لي عالم بيه مع ماماه يجري عليها و دايما بليزاناليز و الدواء و زادو أجلولها العملية المهم تخربيطة كبيرة و خالتي مسكينة كل يوم يزيد الخوف عندها بغسك نص الطبة يقولولها عمليتك خطيرة عمليتك و.... ( لازملها كلية و عادل لي راح يتبرعلها و تانا كي شافو بليزاناليز و راديوات لقاو قلبها ضعيف خافو عليها تموت فوق الطابلة نهار العملية ) ، المهم انا باه نتجنبهم هاذوك اللفعات وليت مانهبطش بزاف و منال كانت تجي ترقد معايا مسكينة كنت نحكيلها دايما على عادل ندوخها بحكايتنا هههه وليت نحسها كيف أختي والله خاوتي و ماكنتش نحكيلهم كيما نحكيلها هيا كنت مدايرة فيها ثقة عميااء أسراري كامل عندها ( أصلن كان لازملي عبد نحكي معاه و نفضفضلو ولا نتخنق ) ، فات شهر و عادل ماروحش بغسك تأجلت عملية أمو الى أجل غير محدد انا تاع الصح كرهت حيااتي و زيد فاليامات لخرة وليت دايما فاشلة و نتقيا و دوخة دايما عليا و هاذوك اللفعات زادو عليا وليت مالفشلة و العياء لي طايح عليا مانقدرش حتى نردلهم الهدرة و نريكلامي على حقي مانقدر ندير والو و هوما لقاوها من الجنات و الناس ولاو حتى يطلعو لداري يسمعوني لكلاام و يدو وش يحبو و يهبطو و أنا غير نشوف بعينيا و نسكت ، مرة داروها مكرة كي جاو خلاو العين تا الدوش الثاني مفتوحة ولاتلي الدنيا كاملة ماء وأنا كنت نهار هذاك في حالة و الدوخة قوات عليا خلاااه والله نسيق و نبكي بصح حرت وش صرالي ووش بيا علاه ولات حالتي هكذا حتى النوم وليت مانرقدش بزاف و نحلم بحوايج ماشي ملاح و أنا جامي صراتلي من قبل ، دارنا مارحتلهمش و ماشفتهمش تقريب شهر و نص ملي راح عادل ( حتى هوما مايجوش بسبت الخرا لي فالدار ) توحشتهم ڨراااف بصح ماحبيتش نروح لولة باه مانخليش هاذوك اللفعات ياخدو راحتهم فالدار و الزاوجة بغسك عادل حلف عليا كون نعتب بابا الدار يسموني مطلقة و انا حقيقة مانقدرش نجازف بزواجي و نفرط في حبيبي لي واقف في وجه الدنيا كاملة على جالي تسما هو مدايرلي قيمة و قدر قدام الناس و انا نعفس على كلمتو لا مستحيل نفضل نعاني مع اللفعات و مانوصلش روحي للمشاكل مع عادل نحمل و نسكت الله غالب خطاتني صحتي هاذي ليام هادي ليام كون راني نعتلهم الزنباع وان يتبااع الكلبات ( يا الصحة يا الصحة يا عدوت مولاها و كي تروح الصحة وين راح نلقاها ).....
ديري لايك يا المسمومة 😘.
الحلقة 57 💕
فاتو شهرين ونص مالنهار راح عادل و خالتي للخارج انا رحت فيها خلااص شوي من شوقي ل عادل و شوي من الهم لي التحت و شوي من المرض نقصت بزاف فالميزان هذاك الوقت و حرت وشبيا بصح مارحت لطبيب لاوالو كنت نشرب في واحد الخلطات بالاعشاب قالتلي عليهم ماما و دواء عرب و فرات ، حتى في مرة كنت قاعدة مع منال و نحكيلها على الأعراض لي فيا و كيفاه راني نوم في مناماات ماشي ملاح حتى قاتلي _ نور أختي شكيت في حاجة و نشاله تكون صح ، ماتكونيش بالحمل ، ضحكت _ مين يجيني الحمل و خوك تقريب 3 شهر ماجا ماشفتو نحمل مالكام هههه _ بلاك عندك اكثر من شهرين ونتي مش فايقة لروحك برك _ لالا حبيبتي malheureusement مكان والو بغسك جاتني العادة مرتين مالنهار راح خوك _ هاااا معليش مالا من غدوة يسموك تروحي لطبيب و غير ماتناقشينيش هاذوك الاعشاب لي راكي تشربي فيهم ماعندهم مايديرولك _ هيه نشاله ، غدوة مين داك نضنا صباح بكري بغسك حكمتلي منال رونديفو عند صاحبتها طبيبة و قاتلها تجي بكري و صايمة ، المهم كي فتت عندها سقساتني شويا على حالتي و حكيتلها كيفاه ندوخ و نرقد بزاف و نحلم حلمات ماشي ملاح و الدوخة و العيا لي يطيح عليا دايما مام هيا راح بالها للحمل هههه مباعد قاتلي لازم نديرو ليزاناليز و نشوفو وش عندك داتني نحاتلي الدم ( اوخدي على جطعة تا الدم لي بقات فيا زاد نحاتها ) دارتلي ليزاناليز تا البولة ( حشاكم ) و قاتلي روحي و غدوة أرجعيلي درك مانقدر نمدلك حتى دواء حتى يخرجو ليزاناليز و قاتلي بالنسبة للمنامات لي راكي تشوفي فيهم كون جيتي ترقي بلاك بيك حاجة ماتغفليش على روحك ، كلامها فطني كيشغل قلت صح كيفاه ماخممتش في حاجة كيما هكذا و هاذوك الكلبات لي معايا داخلين خارجين عليا زيد كاشما يديرولي والله أعلم ان بعد الضن اثم و حتى منال قاتلي أرقي صح باه نحيو كل الشكوك قبلت و قلت كي يجي عادل و نرقي بغسك درك مستحيل راح ندخل راجل للدار حتى و راقي لازم كلش بحضور راجلي ، روحنا مي قبلها خرجنا شوي درنا شريت شوي حوايج كلينا برا لعبنا ( بنات صغار و فرات هههه ) والله حسيت روحي قبالة تنحاتلي شوي الغمة لي كنت فيها أصلن كي ماهبلتش اني نهبل دايما قاعدة بين 4 حيطان و تحتي هاذوك اللفعات و كل مين يشوفوني يرمولي الهدرة سيغتو كي شافوني ماوليتش نحكي ل عادل باه مانزيدش عليه ( مسكين راهو حاطني هانية معاهم ) ، روحنا مع أذان العشاء جبنا عشانا لزوج من برا و فرات كي دخلنا مالباب قابلتني عمتي قاتلنا _ كون بتو برا خييير أدا كل كي غاب وليد خويا من هنا راكم ديرو في رايكم والله ماتحشمو مي راني خبرتو و هو لي يتفاهم معاكم انا ماقدرتلكمش و راحت و خلاتنا انا حكمتني الخلعة بغسك ماقلتش ل عادل بلي راني خارجة و رايحة لطبيب ماحبيتش نخوفو عليا اليوم يشبع فيا سبان أصلن راهو باينة حرق عليا التيليفون بالعياط و انا برا ماعنديش كونكسيو ، خليت منال تروح تبدل و تجيني و طلعت نجري هزيت التيليفون شعلت الويفي و يوصلوني ليميساج و ليزبال مايتحسبوش انا حكمت قلبي و دخلت راح نقرا ليميساج و هو عيط بعد تقول حس بيا تنهدت و هزيت ماحطيتش حتى التيليفون في ودني قد قد و هو طاح عليا بالسبان و التعايير لكلام تا الدنيا كل قالهولي ربي هبطو النهار أداك قلي هدرات أقسم بالله الق.... و يحشمو يقولوهملها انا خليتو يهدر وش يحب مانطقت حتى كلمة و تجرأ حتى و سب بابا و ماهدرتش نبكي و فرات بغسك علابالي كون نهدر نسمعو وسخ ودنيه و نربحلو العيب وفرات كي كمل كلامو الخامج قالي _ راني قريب نجي و اڨسم برب العزة و الكعبة الشريفة ماتروحلك الخرجة تاع اليوم كاك و كوبا عليا ، حسيت براسي راح يطرطق و الدوخة لعبت عليا حكمت فالحيط و طحت فالأرض و بديت نعدد تحسب شكون ماتلي بصح بكيت على كلش عندي بزاف و انا حاملة ياربي لعزيز قاعدة وحدي مغمومة مالدار الهم المرض و جايبلي لفعات معايا و محرم عليا دار بابا و زيد فوق الشي هذا كامل يسبني و يقولي كلام يقولوه لوحدة رخيسة هذا كل كي ماقتلوش اني خارجة و رايحة للطبيبة و مانخلعوش عليا همالا والله كي تروح انا لي نحاسبك ماشي نتا و مانتسماش نور كون ماجرجرتك يا ولد فاطمة ......
الحلقة 58 💕
رقدت النهار أداك بغصتي لا تعشيت لا كليت عياات فيا منال والو ( تقول ماني نور تا بكري لي كانت تنحيها من فم لعباد و تاكلها ) ، نضت غدوة فطرت برك و رجعت للطبيبة و ماقتلوش تانا يروح يقود خلي زيد تخبرو عمتو لعزيزة ، و منال كانت عندها شغالات رحت وحدي وصلت دخلتلها قاتلي كنت نستنا فيك بعد راني درك وين شفت résultat _ خير برك ا مدام مكان والو يخي _ بربي خير حاجة قليلة برك ، عندك لانيمي طالعة و السكر تاعك لقيتو هابط بزااف ، باينة من نقص الماكلة و القلقة _ لقلقة وي بصح الماكلة كنت ناكل علكييف بصح مالنهار مرضت الماء بسييف نفوتو كرهت الماكلة و ريحتها نعافها _ شوفي درك نمدلك دواء داومي عليه مي لازملك ماكلة سبيسيال نقلك عليها كوليها حتى و بسييف داكور حبيبتي _ نشاله نشاله ندير لي نقدر عليه المهم ترجع صحتي كيما كانت راني ضعت بلا بيها _ نشاله ياربي و كيما قتلك قبل أرقي باه ترتاحي حتى نفسيا _ اني معولة يروح راجلي برك و نرقي بربي بوغتو مداومة على صلاتي و دائما نرقي نفسي قبل ما نرقد مي وسوستني ، خرجت من عندها حكمت طاكسي و ديراكت للدار دخلت لقيتهم كامل في وجهي ( يالاطيف منهم و فرات عندهم نفس لخليقة يعيفو كل على بعضاهم ) تخنزرت فيهم و طلعت لداري و كالعادة كي شعلت التيليفون لقيتو معيطلي شحال من خطرة و باعثلي ميساجات بزااف بصح حلفت و الله مانهز عليه و نعلبوها انا نخمم فيه و في مورالو و هو مدايرني آخر همو يصدق في عمتو و يجي يسب فيا حتى ليميساج ماقريتهمش خليقتهم معلقين و نحيت حوايجي و حطيت ناكل شوي و طحت رقدت نحيي لعيااء .. فاتو واحد 15 يوم عادل مانحكي معاه ما والو هو دايما يعيط و يبعث فليميسااج والو مانريبونديش وليت نطفي التيليفون ب النهارين و نخليه هكاك ، نشعلو غير كي نحب نعيط ل ماما ولا نتفرج فيه شوي ، هو حكاتلو منال بلي رحت ل طبيب برك و بلي راني مريضة و ماحبيتش نقولو باه مانقلقوش و نزيد عليه ولا يبعث فليميسااج تاع السماح و الحب و التمعشييق أيا كي لقاني مانريبونديش عليه زاد دورها سب و تهديد ( لي فيه نڨة ما تتنڨا ) المهم هبلني و فرات منال دايما تحاولني نهدر معاه مي انا والو بردت من جيهتو وليت نقلها ماتجبدليش عليه خلاه حارت فياا قاتلي نتي لي كنتي تموتي عليه وليتي تقولي هكذا ، أصلن انا وليت غير نخمم في روحي و صحتي و الحمد لله كي داومت على دواء و رجعت ناكل و الڨرآن مايتنحاش من الدار رجعت صحتي شوي كيما قبل و هو نقطعت أخبارو عني غير في مرة سمعت من عند منال بلي راهي خالتي دارت العملية و نجحتلها كي فاتو يومين عيطلها عندها سقسيت عليها و على حوالها و هو والله ماحوست عليه سمعتو غير كي هدر ملهيه و قالي القلب لبارد لي عليك راجلك مداير عملية و منع من الموت و نتي ماتعيطي ماتسقسي ماتقوليلو كلام حلو تفرحيه بيه كوبيت ديرااكت ، كي سقسيت منال وش يقصد ب منع من الموت قاتلي _ كي كان يتبرع ل خالتي ب كلية صراولو مضاعفات تقريب مات ربي سطرو و كتبلو عمر جديد انا كيشغل فقت مع روحي كي قاتلي هكاك طلعت لشومبرتي و درت حالة بالبكاء تخيلت كون مات و خلاني و انا مانحكيش معاه و هازة روحي عليه والله نقتل روحي وراه مانقدرش بلا بيه مجرد تخيل الموقف برك تقريب هبلت ، لتم عرفت بلي أنا جامي يبرد قلبي من جيهة عادل .....
الحلقة 59 💕
في يوم كنت نسيق فالدار جبدت كلش الدار كاملة فرغتها نسيق و نفرز و نبكي ندمت وش داني جاتني لفحولة و درك مسلاني راح يتكسر سمعت منال تعيط عليا من تحت قتلها مانجيش أصبري نكمل اني حاصلة تغميت صح ، داري كبيرة و انا مانيش قدها حكمت وحد الكرسي جاني فالطريق مالغمة و الدمار طيشتو على الارض بكل طاقتي ( كون خرجت الطاقة هاذي فالنتواياج تا الدار خير ) و نضت نعيط يا الخرا علاه راك حاكملي الطريق ، سمعت عادل من ورايا قالي _ وش ا المهبولة خلصتي من لعباد رجعتي على الكرااسة ، تشوكيت درت طول ورايا شفتو واقف على الباب ياخوتي صيد و فرات تقول انا لي مديت كلية ماشي هو اللحية و النظافة و الروايح مافقتش مع روحي و نسيت بلي راني متعاركة معااه رحت نجري عندو عنقتو و نضت نبكي هو هزني من الأرض و يبوس فيا ( من بكري مكلوب و هايج زيد يا ماشافنيش عندو بزاف علابالي يخلص فيا لقديم و الجديد ) مباعد كي شبعت منو تفكرت وش دارلي قبل بعدت وجهي عليه و قتلو بعدني و نزلني طلع حاجبو و قالي _ وشبييك _ والو هبطني برك ، نزلني و خزر في حالتي من فوق للتحت قالي _ تباني متشردة علابالك و بلاك المتشردين خير عليك هههه أيوما عندي 4 شهر و انا نستنا نشوفك مي كي شفتك ندمت على وقتي لي ضيعتو و انا نخمم فيك , ( يعني عندو حق كنت لابسة بلوزة جدة أم ماما عريضة و مقطعة حتى على جنبها و رابطة راسي باه كي نطيب مايطيحش الشعر فالماكلة والله نبان كي كناين الدوار حشاهم مساكن هههه ) تخنزرت فيه قتلو _ والفتي ببنات الخارج علاه مدبرتيش وحدة من تم وجيت انا مانصلحلكش _ شكون قلك مادبرتش و ماشي وحدة بزاف _ الله يسهل عليك دبر حتى 100 مهم أنا أبعدني و طلقني و فرات ( و في قلبي راني نغلي ) _ ستغفر الله يا ربي من الباب بعد ماقلتش حتى بسم الله و دخلت للدار بديتيني بحكاية الطلاق ، دزني و دخل للشومبرة شوي و ناض يعيط _ ربك نتي وش عندك حتى راكي جابدة الشومبرة كاملة حتى من ليستر تاع الضو جابدتو وشبيك جاك فالطريق ، رحت ليه قتلو _ نضفلك في دارك مانيش معفونة كي لبنات لي تعرفهم _ نعرف وحدة برك في حياتي و هيا ماشي معفونة متشردة برك ، درت ضحكت و كملت نفرز على زهري الكلب و عادل كي لقاني شايطة جا يفرز معايا و يخرجلي فالماء و كي طلعت عمتي عندنا وشافتو هكاك ناضت تعيط و تعدد ياه نندب ماعندكش 10 ايام مين درتي العملية و درك وين وصلتي و خليها تخدم وحدها و .. انا ماهدرتش معاها نطق هو قالها _ عمتي كون جيتي لاهية بروحك و حياتك كيما لاهية بيا انا و مرتي كون راكي عايشة la belle vie ، هبطت راسها وسكتت ( أيوما خويتي راهو جا السبع تاعي لي يجيبلي حقي ) انا كملت بدلت قشي لميت شعري و هبط لتحت ل خالتي فاطمة سلمت عليها حمدتلها بالسلامة و طلبت منها السماح كي بطيت باه هبطت قتلها والله غير الماء كان فالدنيا كل كان لازم عليا نلمو باه نجي _ معليش بنتي مام أنا مانيش لايمة عليك ، قعدت معاها و جبتلها تاكل شوي ، عادل أقسم بالله تقريب سبني قدامهم قلي و انا بلاك ناكل من روحي بعد اوقفي جيبيلي ، نطقت تسنيم قتلو درك نجيبلك راني طيبة شوربة جات زي لعسل قبل ماتوقف حبستها قتلها _ بلاما تشقي روحك عادل مايكولش ماكلة الناس كل و درت ليه قتلو هيا تطلع تاكل الفوق خيير ، طلعت و هو جا ورايا ضربني على راسي قالي نحي شوي صحانية الوجه مع الناس راني كاش نهار نقصلك لسانك قتلو _ ايه شفتني غير كي هدرت معاها درك برك ماشفتيش هوما وش كانو دايرين فيا _ وش دارولك علاه ماتقوليليش _ والو والو هيا برك دخلنا للكوزينة حطيتلو كلا شبع و انا غير نتفرج فيه توحشتو بزااف والله ، كي كمل خزر فيا لقاني نشوف فيه انا هبط عينيا و جيت واقفة حبسني و جبدني حطني على حجرو و قالي ماتتصوريش شحااال راني متوحشك ا عينيا _ اممم باينة عليك و جيت نبعدو زيرني و قالي _ " يا حبيبتي و يا قرة عيني اعشقك إلى حد الجنون و لم تعقل فعشقك رغم عذاب الشوق اجمل و ان فارقني هواك أذبل فأنت بذاخلي الأكمل و انا في أحضانك أثمل و نبض قلبي دائما عنك يسأل فلولا صبري لصارت الأيام أثقل فالقلب قد باح بالحب و لم يخجل " انا سيبو دبت خزرت فيه و دبلت عينيا ماقدرتش حتى نهدر كلمة كي شافني هكاك ناض يضحك قالي _ أدا مايصلحلك نتي و أصلن نوضي نوضي مبقاش عنا وقت راهو تقريب الصباح _ علاااه هذا العشاء و مزال مادنش _ يابنتي ياربي نعوض ليام لي فاتو _ ياخي علابالي مداير عملية فالحق تفشل شوي _ شكون قالهالك أدي ارواحي ارواحي وشوفي بنفسك لكان فشلت ولا لاء .....
تكملة الرواية حتى الفصل التاسع والستون من هنا