رواية بليلة_الدخلة_اكتشفت_إني زوجة_ثانية .. البارت الثالث بقلم وسام الفراجي حصريه وجديده

 رواية بليلة_الدخلة_اكتشفت_إني زوجة_ثانية .. البارت الثالث بقلم وسام الفراجي حصريه وجديده 

رواية بليلة_الدخلة_اكتشفت_إني زوجة_ثانية .. البارت الثالث بقلم وسام الفراجي حصريه وجديده 

شهاب ..  اني زوجج لا تنسين حلالي ما مسوي شي حرام 

لبابة .. اهاا هسة تذكرت 

(..وهو يتقرب واني ادفع 

جان اسمع صوت ام شهاب يبوو شيخلصنا .. 

طلعت بالحديقة دا تتوضه تصلي الفجر!!

 

هو ظل مثل الجاهل الخايف من ابوه .. واكف ع باب ديتابع امه خاف تكشفه .. 

تقربت من الدرج هذا كمز وختل جوة الجرباية !

اني كعدت اتابع هالفلم الاكشن ..) 

لبابة .. شجابك انت شجابك وهسة تضرب عضلات تكول مرتي وحلالي شبيك خايف من امك قابل سعلوة امك اذا انت زلمة اطلع بكل اريحية وكول جنت يم مرتي

مو يمي تصير عكيد ابو شهاب

ومن تسمع صوت امك تتحول لأبو بدر .

شهاب .. شبيج شبيج عود دا تقلد بايخة ترا .. اكلتيني اكل ع كيفج بوية اصلا اني ضميت نفسي حتى ميسوولج شي 

مو علمودي اني عادي 

لبابة ..اي صدكت.        

شهاب .. مو صوجج  صوجي اجيت اسويلج قيمة  

لبابة .. راحت امك روح بوية روح من تصير زلمة متخاف تعال عود وكول مرتي .

شهاب وهو نازل .. ضوجتني هاي بكلامها هسة صار عدها تصوير اني كل حياتي تديرها امي واني مالي كلمة لازم اثبتلها اني الي كلمتي هم تمشي .

( شهاب ثاني يوم بالليل اني نايمة متمددة غافية بسابع نومة واني من طبيعتي اقفل الباب خصوصا ورا ما شفت هذا شهاب هيج يتصرف بالليل كلت ابعد نفسي عن الشكوك خاف يصير شي ، اندك الباب فزيت فزة عبالك رعب مو دكة باب ..)

لبابة .. منو ؟ 

شهاب .. يعني منو ..؟ افتحي الباب لا يطلع احد

(صوت شهاب خفيف كوة ينسمع يحجي كإنما مسوي مصيبة )

لبابة .. ما افتح الباب روح لمرتك لا تجي تشوفك وتقوم القيامة 

شهاب .. افتحي لا اسوي سواية ما صايرة

( صار يعلي بصوته وخفت لا احد يكعد صحيح وابتلي فتحت الباب مجبورة صار يلزم ايدي يتقرب بوجهه واني ابعد بي اكله ابعد هناك لا احد يشوفنا يمعود وهو ولا يسمعني ، شمرني ع الفراش .. وصار ضوة موبايل ع الشباب  )

لبابة .. كوم يمعود مدري منو اجه 

(فز يسرعة وصار يعدل بنفسه وبهاي اللحظة طبت مرته ، شافتنا بهالمنظر )

ضرتي .. والله احساسي بمكانه ، من كم يوم حاس بيكم هيج تسوون ، تفو عليكم والله لاخلي البيت كلها يحجي بيكم ..

عممممة ، لج عممممة اكعدي شوفي ابنج وين ' 

شهاب ركض ايد ع حلكها و ايد ع ركبتها 

يكلها اسكتي فضحتينا بس افتهمي السالفة

ضرتي .. شفتهم انت تحسبني غبية ميحتاج تفهمني كلشي واضح يعني انت وياها بالليل وحاضنها 

صارت تصيح عمممة متكوليلي وين نايمة .. 

طلعت ام شهاب عين وعين مفتحة

ام شهاب .. شهالصياح شبيكم لخاطر الله .. 

وتضرب بخدودها شبيكم يولوا شبيكم 

( حجتلهم ضرتي كلشي .. وامه صارت تلطم ع وجهه و جان شهاب يكللهم .. هي صاحتني تكلي مريضة واجيت وصار الي صار اني هنا كتله يااا خاف الله بية خلي عندك ضمير .. جان يكول يمه هي سوت نفسها مريضة حتى اصعدلها .. ام شهاب كبل كالت هي هاي ادري بيها البربوك كلها سوالفها يورطن بالشباب ما ادري بشبابهم شمسويات وبنص الفجر ابتلشوا كتل بية عيني  صرت ما احس بيها لان ضربتني عليها وصارت تغوش هاي من غير باقي الضربات  )

اني ما بيدي شي ما ادافع عن نفسي لان اعرف محد يصدك ، وما كطع نفسه هذا شهاب قافل ..

كرر جياته بالليل بالبداية صرت امنعه بس بعدين استسلمت ماريد امنعه لا تتكرر  ذيج الليلة بية ويكتلوني 

صار ياخذ الي يريده ويروح لا من سمع ولا من شاف مع العلم اول مرة جنت مرعوبة بيها جنت بعدني بنية وعندي رجييف بيدي وبصدري بس الله يعلم بيها 

تكررت هالشغلة كثير مرات بس محد يدري يطلع خلسة وصرت مااقفل الباب ..

عليش اقفل وهو مايروح الا يطب ..

صرت افكر دام هو حاب علاقته وياي وماخذ الي يريده ماخذه غصب عني 

 وحاسبني مرته اريد اثبت نفسي اريد اخبله واعلقه بية بحيث ميكدر يتركني وهيج شوي شوي اسرقه من اهله ..

اجاني بليلة من ليالي .. كتله شهاب يعجبك يعني تجيني واني ما ارتب نفسي الك ؟ 

هو ما صدك كال شلون ؟

كتله اخذلي فستان اخذلي عطر لبس نوم دشداشة حتى بليلة الي تجيني بيها بلغني ارتب نفسي الك !!

كال منو هاي دتحجي هيج ؟

تقربت اله لزمت ايده .. كتله انت زوجي وتاج راسي بس اني لان اهلك مو منطيني راحتي مدا اسويلك شي يحسبوني فصلية 

ثاني يوم جايبلي فستان حلو بيجي وبدلة نوم وعطر وكالي هاي الج ضميهن لتشوفيهن لأحد  وتفضحينه وتشوفج ضرتج خليج ساكتة من اكلج 

اليوم عود انتِ بتالي الليل من ينامون رتبي 

كلت ممتاز نجحت بأول خطة ببالي بعد خطط هواي ..مر كم اسبوع نزلت صاحتني عمتي تعالي يالثولة اخبزي ع سريع ..

دا اخبز حسيت الدنيا تدور بية فتحت عيوني اني بالمشفى وكدامي ام شهاب وشهاب ..

جان تكول ام شهاب ..

كعدت المسعدة الي يشوفها يكول تشتغل 24 ساعة يخايبة اكعدي وعوفي هالسوالف سويناها قبلج ..

شهاب كاطعها لامه وكال امي عالم دتسمع كافي 

صراحة حسيته ضاج لان حجت عليه وهاي اول مرة هيج يسوي اول مرة احس بهالاحساس 

طلعت امه مدري وين واجه يمي كتله ليش كلت لامك هيج دافعت عني كال ها منو كالج دافعت ما دافعت بس كلت الها علمود العالم متسمع .. 

اجتني ممرضة وسألتني شنو تصيرين الهم ؟ جاوبتها جنتهم .. كالت علاقتج بيهم شلونها ؟ استغرب من سؤالها بس كلت دازتها ام شهاب اختبار 

كتلها فوول .. كالت اها يلا خير ان شاء الله هسة تطلع التحاليل وتشوفوها كلكم

شو اجت ام شهاب كالت يلا امشي نروح كتلها بعد ما حصلت التحليلات .. كالت شفتهن اني مبيهن شي فقر دم بيج !! صدكتها ورحت /قصة لحساب وسام الفراجي ..

رجعوني للبيت ع نفس الشغل ونفس التعب .. بس ع مر الايام صرت احس نفسي مو طبيعية ابدا .. 

وصرت اشك اكو شي .. 

بليلة من ليالي اجت ضرتي اول مرة تسويها حتى تفاجئت بيها شايلة كلاصين عصير .. 

كالت هاج اشربي 😏

كسرني كلبي عليج كلت خطية اجيبلها عصير تتحسر عليه 

لزمت الكلاص قدمته كدامي واخذت هي كلاص ..

كتلها شعجب سويتيها !

كالت والله هيج كلت خطية هالخدامة ما شايفة العصير كلت اضوكج اياه المعذرة القصة لحساب وسام الفراجي فقط والباقي سرقات

لزمت الكلاص وما كلت باطل جان اشربه .. 

وهي شربت كلاصها واعتيادي 

ماكو ربع ساعة صرت اشيل بنفسي وانلزك بالكاع من الوجع صيحت صياح لميت البيت حتى اسمع عمتي تكول 

 وثول هاي تعودت تطلع ع مشفيات مشايفة تعباليها مدينة العاب ..

فات شهاب بهاللحظة شكو ؟ 

الفليبينية تدور طلعات حلت بعينها المستشفيات

ركض ع سريع .. شالني واخذني .. كدام امه وضرتي .. لحكني ع المشفى 

فحوصات وابر وتحاليل .. 

النتيجة طلعت حامل وشربانة شي مال اجهاض طفل!!  تخبل شهاب خبال يتبع

الفصل الرابع من هنا

بداية الرواية من هنا

🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا

وكمان اروع الروايات هنا 👇

روايات كامله وحصريه من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺