رواية بليلة_الدخلة_اكتشفت_اني زوجة_ثانية البارت الثاني وسام الفراجي حصريه وجديده

 رواية بليلة_الدخلة_اكتشفت_اني زوجة_ثانية البارت الثاني وسام الفراجي حصريه وجديده 

هاي شنو شجابني هنا شوداني ..

اني بدلت واخذت الطفلة وغسلتلها وصعدت جان اشوف بنت شبعانة بجي عيونها مورمة .. اجت عليه ركض .. 

فتحت باب غرفتي وقفلته .. 

بصراحة خفت ليش الكذب .. كلت الها انتِ منو ؟ وليش هيج.قفلتي الباب 

كالت اني ضرتج مرت شهاب الاولى 💔

كتلها اها وشتريدين مني !!

كالت اريد اخنكج انتِ كسرتي ظهري وضيعتي تعبي..

كتلها هوب هوب .. تعرفيني اني شلون تزوجني شهاب ؟ 

كالت ادري .. كتلها لعد شنو ذنبي اني هنا مرته غصب عني وعن اهلي .. تزوجته دية عن اخوي من ابوي

كالتلي .. جان عنده اخوان غيره ليش الا شهاب يزوجوه ثانية .. 

كتلها واني شعليه روحي حاجي عيالج جايبيلي واحد راسه مجعمر شلون رضيتي بي ما ادري ..

.. ضرتي .. فوكاها تقلد ع شهاب يصحلج تاخذين مثله .. بس خشته ع امه تارسه وجهه !!

كتلها ..

 والله مدري اضحك مدري ابجي ع حظي هذا الي جابني هنا 

ضرتي .. اني راح اكلج السبب الي خلاهم يخلون شهاب ياخذج.. اني عندي 4 بنات تخيلي الكبيرة 18 سنة يعني بالغة وبنات مثل الاقمار يحبن ابوهن ومتعلقات بيهن 

وفجأة تجين انتِ تخربين بيتي .. 

لزمتني من شعري .. كالتلي .. والله والله اذا سمعتج حامل بولد الا اذبحج لو اذبحه ..

هم اهله زوجوه حتى يجيه ولد .. 

كتلها وخررري ايدج .. ابعدي ايدج اني زايدني قهر انوب هو اني وحدي مو متحملة هالعيشة عود اجيب طفل الكم خشته تصير مثل قلم جاف .. ومنو كلج اخلي يتقربلي اصلا

هو بيوم العرس عافني وراح هذا ما يريد يتزوجني انتم جايبيني هنا تذلوني تحطون راسي بالطين تريدون تطلعون خطأ اخوي من ابوي بية 

كالت كافي كافي تتمسكنين .. اني حذرتج .. 

طب وانفتح الباب .. شهاب فات .. شافني بهالمنظر .. اجه لمرته كاللها شجابج هنا .. 

جاوبته .. ها لازم خايف عليها لا اكلها .. كاللها بلا لغوة زايدة شجابج هنا ؟ 

كالت جابني قهري .. والله انتم زلم ما تملي عيونكم بس التراب .. سنين ولك سنين وياك ع حلوة والمرة وعلمود ماجبت ولد هيج تسوي 

يبوو شو هذا لزمها من جسع ايدها .. ويدفع بيها تدفع .. يكلها هنا اذا صعدتي احشيها لرجلج اكطعهن عوفيها مثل الجلب وحدها .. 

اني كعدت بالكاع .. بجي بجي من هذا الي يطيب الخاطر .. ماكو كم دقيقة وصعد شهاب .. 

فتح الباب .. ما دخل الغرفة .. بس راسه مده من الباب .. ويكلي .. ابجي ابجي حتى تعرفون زلم الناس مو لعبة بيدكم تكتلوهم بدم بارد .. 

والله الا اعيشج حياة ما تتمنيها لليهو ..د

سد الباب بقوة .. ياربي شمسوية بحياتي ودا اعيش هاي الحياة .. 

امه #بالحوش يعني بحديقة البيت.. 

تكله يول يشهاب اذا مو ادمية وعوبة ع اهلها عوفها 

واذا زينة بلكي تجيبلك ولد يشيل اسمك

والا انسى غدي هاي تجيبلك ولد لا تتقربلها يمعود خليها مشمورة هنا احسبوها خدامة فلبينية ..

شكد كسرت خاطري بس منو يسمعني ومنو يهمه امري .. خلصتها

 لبابة اغسلي المواعين انزلي 

.. لبابة نظفي البيت ..

 لبابة اغسلي ملابس .. 

والله الاكل ميخلوني اكل ويا احد اكل وحدي بالغرفة ومن انزل حتى اغسلهن يكولولي اغسليهن زين مرتين ولا تحطيلنا من الصحون الي تاكلين منهن .. 

ظلت هاي الحالة .. شهاب ما يجي يمي ابد .. اصلا كأنما اخته مو مرته ولا يدخل غرفتي  .. تعامل اهله شي كرهني حياتي ..

دا اسمع واحد ديصعد ع درج توقعت شهاب ..  

فتحت الباب طلعت ام شهاب .. 

ام شهاب ..

 هاج هذا فستان البسي والله يسواج انتِ واهلج بس مجبورة ..

كتلها ليش البسه شعندي من ايمت وجاي تهتمين للبسي ..

ام شهاب .. عوبة ترادد فوكاها ، البسي هاي باجر العصر عدنا مناسبة ولوما عيب من ناس احبسج بالغرفة بس مجبورة وهم مو بس هيج احتاج وحدة تخدمني , تجيب عصائر تاخذ كيك يعني خدامة لا تكيفين ...

كتلها تمام .. فستان احمر مدلع .. والله فد شي عجبني .. بس ما بينت لام شهاب عجبني هسة تكول مشايفه .. 

ردت افتهم شنو هالمناسبة بس مكدرت ، كلت شعليه فرصتي هاي وماراح تتكرر ..

صعدت ام شهاب عليه ، هاي بعدددج شكد فطيرة لخاطر الله ، البسي ساعة وهم هنا خلصيني لتفضحيني ، ولا تبينين الهم ملكوفة وماشايفة شي وتتحسرين ع العصير..

اني تدوس ببطني بالحجي بس شسوي اسمع منا واطلع منا اذا اهلي هم شمروني وسمعوني هيج حجي شعتب ع ذولي ،

كلت لنفسي هاي فرصتج يلبابة هي ساعة وهم رادوا ارتب نفسي خليني ارتب ع الاخر،

سبحت ولبست هالفستان الدلع .. مشطت شعري ونثرته، شحذت شوي ميك اب من بنت ضرتي، 

العطر الزين ، حمرة حطيت لونها احمر والفستان احمر بالمختصر رتبت نفسي بحيث الي يشوفني يكول صاروخ مو لبابة ..

اجوا الضيوف نسوان كبار صغار مشكل .. رحت للمطبخ اجيب عصير البارد والكيك ..

ضرتي .. ليش هالكد لابخة نفسج ترا محد شايفج الكل من يسال راح تكللهم عمتي هاي خدامتنا لو مبدلة ولابسة لبس ثكيل احسن ،

كتلها .. و انتِ ليش ضايجة ، ام شهاب هي طلبت هيج .. روحي منا احسن ما اصيح هسة واخلي ام شهاب تسوي بينا سواية ..

اسمع ام شهاب تصيحني ،لبابة ! ، رحت طبيت عليهم اول مرة ، الكل فاتح حلكه ، المرية الجبيرة البيهم كالت .. اللهم صل ع محمد و ال محمد منو هاي الكمر .. ام شهاب شاورتها .. اني استحيت الكل يباوعلي .. 

كالتلي ام شهاب .. روحي لبابة عطشانين نريد عصير شي .. طلعت للمطبخ فجأة شهاب دخل للبيت 

شافني .. فتح حلكه اني سوبت نفسي مغلسة 

فات للمطبخ ، كال هاي انتِ منو لبابة .. صار يفرك بعينه ع اساس ديشوف زين ، كال عندي مرة هيج حلوة واني عايفها ،اني اذا الحايط يحجي اني احجي، سكتت كل حيلي 

شهاب سحب نفسه وراح .. 

راحوا هالناس الي ماعرفت ليش جايين

رحت ابدل ، اجت ام شهاب ، كتلج البسي بس مو هيج يا بربوك ،مو صوجج صوج الي يخليج ادمية ويلبسج مثل الوادم بس انتِ مال تكفخ ورزايل

ضربتني ع كتفي وماسويت اي ردة فعل .. 

بدلت ولبست دشداشة .. وظل شعري ع نثرته .. 

كلت اتمدد وانام من وكت لان تعبانة قفلت باب غرفتي

غفيت بسرعة ماحسيت 

الا ع دك باب غرفتي ساعة 3 بالليل .. 

يبو قسما بالله فزيت مو واعية خاف حلم انتظرت شوي واذا دك باب خفيف يصيح لبابة...

صحت منو انت ؟ 

اني شهاب افتحي باب !

شهاب ؟ 

اي شهاب شبيج افتحي 

شعندك هسة بهالوكت شتريد ؟

افتحي اكلج شنو هالملحة الزايدة افتحي اكلج شبيج متسمعين..

لبست شالي .. عدلت نفسي .. فتحت الباب شو هذا هجم عليه لزم ايدي كتله شبيك شبيك وخر ايدك

يحجي بصوت خفيف كلش.. اليوم شطالعه كمر كمر .. كتله شهاب روح لا يكعد احد لا تسويلي مصيبة

كال اني زوجج لا تنسين حلالي ما مسوي شي حرام .. كتله اهاا هسة تذكرت 

وهو يتقرب واني ادفع 

جان اسمع صوت ام شهاب يبووو انفضحنا.. 

الفصل الثالث من هنا

بداية الرواية من هنا

🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹