رواية بليلة_الدخلة_اكتشفت_اني زوجة_ثانية بقلم وسام الفراجي الفصل الاول حصريه وجديده

رواية بليلة_الدخلة_اكتشفت_اني زوجة_ثانية بقلم وسام الفراجي الفصل الاول حصريه وجديده 

رواية بليلة_الدخلة_اكتشفت_اني زوجة_ثانية بقلم وسام الفراجي الفصل الاول حصريه وجديده 

اني لبابة من البصرة .. 

قصتي حقيقية بس اسمي مستعار ..

امي ماتت من جابتني وابوي تزوج ثانية بس من وعيت ع الدنيا وزوجته الي اسمها #سهام تكرهني كره مو طبيعي وقست عليه قساوة للعدو لو جانت هالقساوة هم تستذنب 

مرارة الحياة بدون ام لوحدها عبارة عن جحيم مو انوب فوكاها ضرة امك هي تربيك .. بعنف وقسوة وكلام وغلط .. 

والي يزيد القسوة ابوي يشوف وميكدر يسوي شي اصلا ومغلس ..

جابت لابوية ولد اسمه #سلام .. طبعا اني اكبر منه اكيد بس من الدلال الزايد وعدم التربية صار يخالط ناس واصدقاء سوء شوي شوي 

ومن كلت لابوية عليه .. وسمعت سهام مرت ابوي .. شبعت تكفخ راشديات وضرب وين المكان اليوجع بحيث طبع صار بجسمي من وراها .. 

يوم عن يوم سلام يطلع عن الطريق .. وطبعا كل الدلال اله كلشي يريده يجي .. عكسي تماما .. 

موبايل اخر اصدار .. لبس اشكال الوان .. واني صدرية المدرسة مالتي صار بيها 3 سنين .. حتى صرت اسمع بعض البنات يكولن دبدليها لازكة بيها شهالوساخة هاي ههه

ليلة من ليالي صارت شغلة غيرت مجرى حياتنا بالكامل!! هسة احجيلكم شلون 

طلع #سلام ويا جماعته #بالليل .. 

يلعبون قمار .. واحد من اصدقائه .. شارب وفاقد .. وخسر وسلام كدامه صار يفشر ع سلام

سلام ما كال باطل.. شيل البطل واضربه براسه وكام ينزف .. اشرد سلام .. روح مدري وين .. 

الولد بمكانه .. لا حركة ولا نفس ..

شالوه للمشفى .. مالحكوا عليه .. مات ..

انكلبت الدنيا ع راسنا .. بالليل ..

سيارات ناس تجي ناس تروح ..

واحد من اصدقاء سلام اجه لبيتنا يصيح وفات كبل بدون دك الباب .. الله يستر شبي هذا .. 

طلع ابوية مرعوب .. شبيك شبيك شصاير

كاله سلام ابتلش .. 

شلون ؟ 

ضرب واحد ومات ديروا بالكم !!

سلام وين ؟ .. كاله شرد ماكو وما راح يجي ع البيت هسة اني جيت انطيكم خبر .. 

ساعة 4 الفجر .. البيت رشوه رش طلقات .. 

صياح ورعب بالبيت اني ومرت ابوية 

وابوي راد يطلع وماخليناه 

ظلينا كاعدين بالرعب .. للصبح 

طلع ابوية .. لكاهم كاتبين ع حايط بيتنا مطلوب دم ..

شنو هالمصيبة شنو هالشغلة الي لاصتنا..

ابوي خلصها يخابر شيخنا  شيوخ يعرفهم يريد بس يتفاهم وياهم ويسوون كعدة وبس يبرد دمهم 

لأن هسة دمهم فاير والشباب طايشة نريد يدخلون الكبار ..

واتصالات وحجي طولت ايام .. 

اتفقوا يقتلون سلام الثار مالهم بس ..

تخبل ابوي ما خله سادة وشيخ وناس الها بخت ما وسطهم .. 

اخر شي جابلهم زلمة اله بخت وحوبة معروف بالبصرة .. وشوي هدأ الوضع .. وبالبداية طلبوا فصل 550 مليون فصل .. 

طبعا ابوية ارتاح لو يببع كلشي يملكه عادي اقل شي اهون من القتل .. 

بعدين تناقشوا وكعدات اني مااعرف شدا يصير .. 

اجاني ابوي بالليل .. كاعد هو ومرته ..  

اباوعلهم اول مرة يصيحوني ويكعدوني وياهم 

كالي بنيتي #لبابة .. شفتي مصيبة هاي الي سواها سلام .. وفصلهم اخر شي صار 

هو .. فلوس وبنت فصلية .. لان اذا بس فلوس يطلبون قيمة كبيرة ماعدنا .. 

فصارت بنت فصلية وكم مليون ونشيل من المنطقة.. 

وتعرفين ما عدنا بس انتِ نقدمها فصلية!! 

كتله يعني شنو مافهمت .. ؟ كال ننطيج الهم فصل علمود اخوج.سلام ما يكتلوه 

ضحكت كتلهم هسة صار اخوية مو ؟

من ايمت وجاي تحسبوني بنتكم ؟

عشت عمري كله حارميني من ابسط الاشياء وهسة صرت بنتكم مو 

اني ما اقبل اصير فصلية اريد اكمل دراستي 

حيروا بنفسكم .. 

شو ابوي كمز عليه سحلني سحل ورمني اريد اشهك نفس كوة هيج دفرات وشعري من كثر ما سحلني صار يهلس بيده !!

المهم انجبرت اقبل غصب عني .. 

اريد او ما اريد .. اتفقوا وسددوا الهم الفلوس وكالوا بعد الاربعين ناخذ البنت نحددلكم يا يوم .. 

اجه يوم العرس اخذوني لا زفة ولا صفكة .. عبالك فاتحة .. سيارة وحدة فقط .. اني والولد 

وطبعا الولد بس اسمه اعرفه مشايفته اصلا .. اسمه #شهاب 

اخذوني كلها مغنتبة .. وصلت للبيت .. اخذني لغرفتي طابق ثاني .. كالي اني رجلج اسمي شهاب انتِ هنا فصلية حاولي تعرفين ..

طلع من الغرفة نزل جوة اسم صياح وحدة.. 

تكول .. ماغزرت بيك 4 بنات مثل الاقمار الا تدور ولد  

مااعرف شسالفة اني 

ظليت وحدي شهاب ما اجه مرت ساعة ساعتين ثلاثة وماكو شي

اجت امه مبينة امه فتحت باب غرفتي .. كالتلي اسمعي فصلية .. انتِ هنانة خدامة بالبيت .. صوتج ماريد اسمعه .. تغسلين تنظفين تطبخين بدون صوت .. كتله ليش عمة .. كالت عمة التعميج لتصيحين عمة ميشرفني .. امشي يلا اخذي هاي البنت نظفيها .. طبعا بنت عمرها سنتين ماعرفتها .. 

هاي شنو شجابني هنا شوداني ..

اني بدلت واخذت الطفلة وغسلتلها وصعدت جان اشوف بنت شبعانة بجي عيونها مورمة .. اجت عليه ركض .. 

فتحت باب غرفتي وقفلته .. 

بصراحة خفت ليش الكذب .. كلت الها انتِ منو ؟ وليش هيج.قفلتي الباب 

كالت اني ضرتج مرت شهاب الاولى 💔

الفصل الثاني من هنا

🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹