4=فتيات من جحيم - ✨البارت الرابع ✨
خدعة جميلة .....فانت المخادعة الصغيرة....اصبحت النار الحارقة.....من جحيم ماضي ناره....مازالت باقية...تركت الاثر فيك....وطبع معه الحقد....عودي البريئة لأصبح انا المعشوق ......فيا صغيرتي أين براءة الطفولة
 |
✨✨✨✨✨✨✨✨✨✨✨✨✨✨
في شركة الراوي حيث الهندسة المعمارية نجد هؤلاء الاربعة يدخلون الشركة بكل غرور وكبرياء ليجدن نظرات الاعجاب بهؤلاء الشباب شباب عائلة الراوي ليتجهن جميعا ناحية المكنب ليجلسن مع بعضهم ليقول حازم :
الكل منزلش عينه من علينا وخصوصا انا البنات كانت هتموت عليا من كتر حلاوتي وجمالي
باسل بسخرية: يا عم اقعد كده وانت شبه حمدي الوزير كده قال أمور
زين: مش عارف هما غلطوا في العنوان لما ولدوك في المستشفي
باسل : انا بقول كده بردك أكيد اتبدل مع حفيد العيلة هو فين يلا وديته فين انطق
حازم بخضة: ايه انت بتقول ايه ماتتكلم يا عم إياس هو مفيش غيري
إياس : فين ابن عيلتنا أكلته ازاي والا بلعته الا انت طفس
حازم ببكاء مصطنع: حرام عليكم انا مأكلتش حاجة دا انا يدوب هما خمس مرات في اليوم اللي بأكلهم وبعدين دا مش أكل دي تهيئة للأكل
زين : كل ده وتهيئة اومال لو كنت بتأكل بجد كنت أكلتني
حازم : قرو قرو شكلي هرجع تعبان ومفيش حيل
إياس ببرود: ها مش هنخلص من حازم خالص دلوقتي خلونا نعرف ايه اللي حصل ومين ربح المناقصة انتم عارفين اننا لازم نكسب المناقصة دي لانها هتنقلنا نقلة تانية وهنبقي المركز الاول في السوق
زين: اكيد هنربحها لان مفيش في عرض شركتنا والكل لما عرف العرض بتاعنا اتأكدوا ان احنا اللي هنكسب المناقصة دي
راسل: بس متنساش ان فتيات من جحيم داخلين معانا المناقصة شركة A.S.G والبنات دي أذكية جدا وخصوصا جحيم
إياس: اذا كانت هي جحيم فأنا غول المعمار لو ناسي إياس الراوي مفيش بقاموسه كلمة خسارة او هزيمة دايما الفوز حليفه
راسل بسخرية: طب بلاش النفخة الكدابة دي لأحسن تقع علي وشك وبعدين انا مش بقلل مننا انا بقول اللي سمعته عنهم ودول في فترة صغيرة كلوا السوق وبقوا منافسين لينا بعد مكنش في حد يقدر يدخل مناقصة إمبراطورية الراوي داخلينها
زين: فعلا احنا لازم ناخد بالنا منهم دول مش مجال واحد تلاته معمار وديكور وكمبيوتر وتكنولوجيا يعني من الاخر يتخاف منهم
إياس : مش انا اللي اخاف وبعدين انتم ناسيين اننا اللي كبرنا الامبراطورية دي وخلينها قوة وباتحادنا وذكائنا يبقي مفيش لينا منافس اصلا
راسل: خلاص سيبك منهم بس قولولي هنسهر فين انهارده
حازم: انا بقول نروح ....سمعت انه لسه فاتح جديد وايه هتبقي سهرة حلوة
زين بغمزة: احبك وانت فاهمنا كده
راسل: يبقي السهرة هتبقي عسل
إياس بضحك: عمركم ما هتتغيروا
الشباب: تربيتك يا كبير
إياس: تربية وسخة يلا يا كلب منك ليه علي المكتب ورانا شغل
ليهرول الثلاثة كل منهم الي مكتبه
ليبقي إياس وفجأة تأتي في مخيلته تلك الحورية التي أسرته بعيونها فهو لم ينساها بل كان دائما يتذكرها ويقول لنفسه:
امتي الاقيكي يا ملاكي ....سنين وبدور عليكي ومعرفش انت فين يا تري لسه زي مانتي جميلة وعيونك زي ما هي حاولت انساكي بس....مقدرتش من اول ما مرة شوفتك فيها وانت سرقتي قلبي ...بس هنساكي ..لتتحول نبرته الي الغضب والكره....لانكم كلكم خاينين ....كلكم كاميليا....كاميليا.
بعد يومان في قصر الجحيم نجد بطلاتنا جالسات امام التلفاز يشاهدن الاخبار لمعرفة النتيجة ومن ربح المناقصة لتجد خبر علي التلفاز يعلن عن النتيجة وربح شركةA.S.G المناقصة ليفرحن الفتيات بانتصارعم لتقول جويرية بانتصار:
ربحنا المناقصة ...وكمان ايه ضد شركة الراوي
شعاع : ادفع عمري واشوف شكلهم لما يعرفوا اننا اللي كسبنا المناقصة
غزال: دى البداية بس الدمار جاي ورا
شعاع: هههه شكلكم ناوية ليهم علي نية سودة
جويرية: بس لازم يبقي الدمار قوي علشان يبقي مدمر
غزال: احنا هننزل مصر بعد يومين بس مش علي الانتقام هيبقي في خطوة قبلها لازم نعملها
لتنصدم جويرية وشعاع لتقول جويرية بصدمة: احنا هننزل مصر بجد
شعاع بنفس الصدمة: و كمان مش هنبدأ الانتقام علطول هنستني فترة
جويرية بغضب يعني مش هنبدأ الانتقام اول ما ننزل مصر نسيتي اننا قولنا هننزل مصر علي الانتقام علطول ايه اللي حصل
غزال ببرود: يعني كل اللي همكم مش هنبدأ الانتقام علطول ومسألتوش ايه هي الخطوة دي
جويرية بغضب: يخربيت ام برودك يا شيخة انا مش عارفة ايه البرود ده جايباه منين
شعاع بهدوء: ايه هي الخطوة دي
غزال: اننا.........وبس دا اللي هنعمله و باسل هينفذه بس الخطوة الاهم لما نرجع مصر
جويرية : تصدقي انا لو قعدت عمر كله افكر في اللي انت بتقوليه مش هعرف انت شيطان بجد
شعاع: فعلا بتأكديلي كل يوم انك جحيم هيدمر الكل
غزال: مش وقت الكلام ده دلوقتي لازم نحضر نفسنا
علشان نزولنا مصر بس أهم حاجة الملكة متعرفش لانها هتمنعنا بأي وسيلة
شعاع: هو ده اللي خايفة منه انها ممكن في لحظة تدمر اللي بنخططله
غزال: هي مش لازم تعرف وكمان انا هزود الحراسة عليها هي وكريم علشان لو حصل حاجة
جويرية: تصدقوا كريم وحشني اوي
شعاع: فعلا بقالنا كتير مشفنهوش ولا حتي روحنا ليه
غزال ببرود: هو كويس وهو لازم يبعد عننا علشان لو حصل حاجة يقدر يعتمد علي نفسه هو معتش الطفل الصغير اللي بنهتم بيه في اليتم بالعكس كريم كبر وبقي راجل عنده١٤ سنة ويقدر يعتمد علي نفسه وانا مش عايزاه يشغل نفسه عن مذاكرته ومستقبله
جويرية بحنان: تعرفي انا كل يوم بحمد ربنا اننا عندنا اخت زيك لولاكي مش عارفين هيحصل ايه
شعاع بحب: رغم اني انا الكبيرة بس انت بتصرفاتك واهتمامك بالكل الصغيرة قبل الكبيرة بحس اني انا الصغيرة وانت الكبيرة أحيانا بحسك امي بحنيتها وحبها لينا
غزال بحنان: انتم حياتي ومن غيركم مش عارفة الحياة هتبقي عاملة ازاي انا من غيركم ولا حاجة انتم عيلتي انتم وكريم اهم ناس في حياتي انا بحبكم اوي
ليحتضنها الفتيات وهم يبتسمون بحنان فهم السند والقوة لبعضهم والحنان والحب والاب والام والاخ والصديق والعائلة .......
في قصر الراوي يجلس الجميع يتابع الاخبار ويجلسون بغرور وكبرياء ومنهم المتشوق للنتيجة ومنهم من ينظر بحزن علي تلك العائلة وهؤلاء الشباب الضائعين لتتبدل ملامحهم الي الغضب الدهشة والصدمة ليقول إياس بغضب:
ازاي ...ازاي دا حصل
زين بتهدئة : إياس اهدي مش وقت عصبية
إياس: اهدي ازاي المناقصة كانت هترسي علينا وفي لحظة اللي يفوز بيها شوية بنات ملهمش لازمة
راسل بعصبية: ازاي انا مش فاهم احنا اشتغلنا علي المناقصة دي احنا قد ايه سهرنا عليها
الجد عاصم: فهموني ازاي خسرنا المناقصة دي ؟؟
الجد عمران:ازاي بعد السنين دي كلها نخسر فهموني ازاي
الجد عادل: شكلنا غلطنا لما وثقنا انكم هتمسكوا الشركات
الجد عاصم : فهموني ...انا عايز اعرف ازاي احنا نخسر مناقصة كبيرة زي دي ... شكلي ثقتي فيكم نزلت الارض
إياس بهدوء وهو حزين علي خسارة تلك الثقة:
احنا جهزنا كل الاوراق والعرض بتاعنا كان الافضل بس فجأة شوية بنات ملهمش لازمة فازوا بالصفقة دس
الجد عاصم : مين دول اللي خلوكم تخسروا صفقة كبيرة زي دي شوية بنات يعملوا كده ازاي
زين : منعرفش اللي نعرفوا انهم تلات بنات محدش شافهم ولا يعرف عنهم حاجة ولا سن ولا شكل حتي الاسم مش معروف
الجد عادل بسخرية : اومال تعرفوا عنهم ايه
راسل: اللي نعرفه ألقابهم في السوق الافعي والثعبان والتالتة دي اسمها غريب كده اسمها ....جحيم ..جحيم المعمار
ليستغرب الجميع من ذلك الاسم حتي الجد عاصم ليقول باستغراب : جحيم اسمها غريب
زين : والغريب انهم شركاتهم عالمية المقر الرئيسي روسيا وليها فروع في لندن وفرنسا والمانيا وأمريكا وكندا ومصر يعني من الاخر شركات عالميه في مجالات مختلفة معمارية شركات معمار وديكور وكمبيوتر وتكنولوجيا وغير سمعتهم انهم مش بيرحموا حد وعمرهم ما خسروا واللي بقف قصادهم بيخسر مفيش حد ربح او كسب مناقصة داخلين فيها ولقبهم فتيات من جحيم
ليدهش الجميع من ما سمعوا أيعقل انه يوجد مثل هؤلاء فهم لم يسمعوا عنهم من قبل الجد عادل:فتيات من جحيم ودول مفيش اي حاجة توصلنا ليهم
راسل : مفيش أمل اننا نعرف عنهم حاجة حتي شكلهم محدش شافوا دول للصحافة هنا وخارج البلاد اللغز المجهول
الجد عاصم : انا عايز أعرف كل حاجة عنهم باي وسيلة
ليتركهم ويصعد وخلفه عادل وعمران ليجلس الشباب لايجاد حل ولكنهم فشلوا ليصعدوا الي غرفهم وهم مازالوا يفكرون لييأسوا ويناموا ليأتي الصباح ويذهب الجميع الي عمله لنجد الشباب متجمعين في شركة الراوي في مكتب إياس ليتنهد زين بغيظ:
انا مش فاهم يعني هنوصلهم ازاي
راسل بغضب: يعني صفقة وخسرناها ذنبنا ايه ان في حد فاز انا دماغي من كتر التفكير ورمت
إياس ببرود: لازم نتصرف ونرجع ثقة كبار عيلة الراوي فينا لازم نلاقي حل
حازم بسخرية : لو كان في حل كان زمانا لقيناه بس مفيش كانك بدور علي إبرة في كوم قش
إياس: انا تعبت من كتر التفكير مش لاقي حل للمشكلة دي
ليتنهد الجميع بغيظ وغضب وحزن وتعب ليسمعوا طرق علي الباب ليسمحوا للطارق بالدخول لتدلف السكرتيرة : في شخص عايز حضرتك برا يا فندم
إياس باستغراب : مقالش مين
السكرتيرة: لا مقالش قال محتاج حضرتك في حاجة مهمة
زين: خليه يدخل
لتذهب السكرتيرة وتسمح للشخص بالدخول بينما الاربعة جالسين يريدون معرفة ذلك الشخص المجهول ليجدوا شاب وسيم وغاية في الجمال يدلف عليهم ليقول الشاب : اظن انكم حابين تعرفوا انا مين او مين المجهول ده
حازم: طبعا اول مرة نشوف حضرتك يعني بالنسبة لينا واحد منعرفوش
الشاب: اعرفكم بنفسي انا ...باسل المحمدي ...مدير شركات A.S.G للمعمار
ليقع فاه الجميع في الارض فتلك آخر توقعاتهم فهم كانوا يبحثون عن طريقة او فرصة للوصول الي هؤلاء ولكهم اتوا اليهم كانهم يعلمون بما يفكرون ليقول راسل بغضب:
ايه جايين تشمتوا فينا علشان خسرنا المناقصة بس احب اقول ليكم انها غلطة ومش هتتكرر
باسل ببرود: علي ما اعتقد ان دي الطريقة اللي بتقابلوا بيها ضيوفكم علي العموم انتم اللي خسرانين
إياس ببرود: لا مش دي طريقتنا احب اعرف حضرتك جاي ليه
ليجلس باسل ببرود وغرور وكبرياء مما جعلهم يستشيطون غضبا والغيظ يتآكلهم بينما إياس كان بارد جدا فهذه فرصته لمعرفة من هؤلاء باسل ببرود :
الحقيقة شركتنا هتبني قرية سياحية وحابين انكم تكونوا شركاء معانا
زين بسخرية: دا علي أساس انكم مش هتقدروا تعملوا المشروع ده من غير شريك
باسل: لا بس احنا بنعرض ده عليكم كمصالحة بالنسبة للمناقصة اللي خسرتوها وكمان كسمعة انكم من الشركات الناجحة في البلد فحابين تبقوا شركاء
إياس ببرود: وايه حكاية المصالحة دي لان مفيش بنا عداوة علشان يبقي في مصالحة وكمان انتم مش محتاجين شركتنا كسمعة وانتم سمعتكم كويسة وكمان شركة عالمية
باسل : هيبقي فيه عداوة وخصوصا انكم بتحاولوا تعرفوا مين هما فتيات من جحيم وكمان جحيم مش بتحب تبني عداوات فبتهدمها قبل ما تتبني ودي فرصة كويسة وتعويض حلو اوي علشان المناقصة
إياس: سيبنا فترة وهنرد عليك
باسل: دي اوراق المشروع والشروط والبنود وكل حاجة خاصة بيها ونتمني نسمع الرد قريب وانا متأكد انكم هتوافقوا عليه
ليتركهم ويخرج بغرور وكبرياء بينما هم أخذو يفكروا فيما حدث ولكنهم لم يصلوا الي نتيجة الي ما يحدث فيعودوا الي القصر ويحكوا للجد ما حدث لينصدم الجميع من ذلك فهم سبقوهم بخطوة
عادل: انا مش مصدق ان اللي كنا بندور عليهم هما اللي وصلوا لينا وكمان عارفين بنفكر في ايه
عمران : شكل عدونا المرة دي مش قليل لا دا ذكي جدا
إياس : المشروع حلو جدا وعروضه والبنود كويسة بس في بند الشرط الجزائي ان احنا هنبقي المسئولين عن الادارة واي خطأ او حادثة تحصل او هنفض الشراكة بعد ما نمضي العقد هندفع شرط جزائي كبير جدا
عادل : قد ايه الشرط الجزائي
إياس : خمسة مليون
عمران: شرط تافه جدا خمسة مليون جنيه مبلغ تافه
حازم بسخرية: هههه لا مش خمسة مليون جنيه دول خمسة مليون دولار
ليقع فم الجميع من الصدمة ليقول جاسم: كام
حازم بأعادة : بقول خ.م.س.ة. ..م.ل.ي.و.ن. د.و.ل.ا.ر
إياس وهو ينظر الي جده الهادئ منذ ان حكي لهم عن تلك الصفقة: ايه رأيك في المشروع يا جدو نبلغهم اننا رافضين العرض
الجد عاصم : بلغهم اننا....مواففين
✨✨✨✨✨✨✨✨✨✨✨✨✨✨
ايه اللي هيحصل ويا تري الصفقة دي وراها ايه
فتيات من جحيم ناويين علي ايه ؟؟
جحيم بتخطط لأيه وناوية علي ايه للعيلة؟؟
آسفة اني اتاخرت عليكم بس مكنش في نت وكمان شكرا ليكم علي تعليقتكم الجميلة عن الرواية وصحيح المواعيد هيبقي الاتنين والاربع
الأميرة 👑😍😍
رواية عاشق بدرجة مجنون كامله من هنا
رواية سر الشيطان الأسود كامله من هنا
رواية رحيل الهواري كامله من هنا
رواية انكسار امرأه كامله من هنا
رواية عشق بلا رحمه كامله من هنا
رواية جرح يداويه العشق كامله من هنا
رواية من أجل أبنائي تزوجتك من هنا
رواية زواج لدقائق معدودة كامله من هنا
رواية بسمه موجوعه كامله من هنا
رواية معشوقتي الصغيره كامله من هنا
رواية طلاق بلا تبرير كامله من هنا
رواية الفرار من الحب كامله من هنا
رواية مستشفى بلا حياه كامله من هنا
رواية فرقتنا الظروف وجمعنا القدر من هنا
رواية متمرده عشقها الشيطان من هنا
رواية عذرا لقد نفذ رصيدكم من هنا
رواية نار قلبي وانكسار فؤادي من هنا
رواية قاصره في قلب صعيدي من هنا
رواية مالم تخبرنا به الحياه من هنا
رواية اللعب مع الشياطين من هنا
رواية أحببت مربية ابنتي كامله من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺