رواية براء الحلقه الثالثه حصريه وجديده على مدونة أفكارنا
 |
رواية براء الحلقه الثالثه حصريه وجديده على مدونة أفكارنا
لبنات اني حطيتلكم زوج قصص درك حلقات من هذي القصة براء ومن قصة قات.ل مهم متبخلوش برك براء نضت من الرقاد لقيتها التسعة و نص تاع ليل وليت نوض في نجمة قلتلها نوضي راح الحال وراحت علينا الصلاة قالتلها اووو مزية فكرتيني
نضنا توضينا صلينا كملت نجمة الولى و انا وراها حتى لقينا الباب يطبطب فتحتو لقات قصي في وجها قالها وينكم مراحش تهبطو قالتلو نجمة هدا وين نضنا طل عليا و قالي و انت محاباش تتعرفي بينا و كانو عينيه ياكلو فيا ماكلة و يتبسم او روزمون كنت لابسة اللبسة تاع الصلاة مستورة و لا كون راني مت في بلاصتي ممبعد قالي ان شاء الله عجبتك الدار قلتلو بالشوية ايه
قالي انا بصراحة حاب نتعرف عليك اكثر وراني جيعان ياريت تطيبولنا حاجة بنينة ناكلها
قالتلو نجمة رانا هابطين و نديرو كاش حاجة ناكلوها ولات قالتلي نجمة هيا نهبطو قالها معليش نجي معاكم وليت قربت من نجمة قبل ماتهدر و قرصتها فهمتني قالتلو وعلاش تقعد معانا احنا بنات في بعضانا حبين نحكيو قالها ايه براحتكم راني رايح لبيتي كي تكملو طياب جيبولي نتعشا في بيتي ولات نجمة محبتش ترد عليه هزتلو غير راسها و هبطنا لقينا الدار كالم وكانو واحد مقاعد فيها دخلنا للكوزينة لقينا في الفريجيدار ماكلة من تاع الغدا سخنتها نجمة و انا درت فوشار قلتلها كملت قالتلي انا تاني كملت قالتلي اجبدي من الخزانة هديك المكسرات و الشيكولا للسهرة شفتها عاليا بزاااف قلتلها منقدرش ضحكت و قالتلي قزومة قلتلها و انا وعلاش خزانتكم عاليا ههههههههه
قالتلي اعترفي بلي انت قزومة ههههههقلتلها الي يسمعك يقول عارضة ازياء وولينا نضحكو ولات هي دات الماكلة لقصي و انا صدرت طابلة بالمكسرات و الفوشار و الشيكولا و حطيت تاي يطيب شفتها طولت طلعت نشوفها بصح معرفتش البيت تاع القصي وين جاية اصلا الدار كبير و ممكن نتودر فيها جات على عيني بيت في اجر الكولوار قلت بلاك هده هي لانها مفتوحة شوية
دخلت لقيتها معمرة لوحات مرسومة روعة بقيت ندور فيها ونمس فيهم اول مرة نشوف رسمات هكا و اغلبهم مرسومين اسود و رمادي و ابيض ورسمات تاع نساء اسغفر الله كيفاش عندو الجرئة الرسام هدا و يرسمهم بهدو الوضعيات عيبب
انا جيت راح نخرج حتى تضربت في جسم هزيت راسي سمعت غير صوتو خلعني قالي شكون انت و و شكون سمحلك تدخلي هنا انا دورت لقيتو ولد خالي الي جاء و من لندن... The Best Family
قلت اسم الله الرحمن الرحيم وبعدت عليه
قلتلو بصوت متقطع و قلتلو اناااااااا براااااااااء واسمحلي و الله ماعلابالي بلي البيت هده تاعك و جيت خارجة حبسني صوتو قالي شكون انت وبنت من قلتلو اناااااا
حتى لقيت نجمة دخلت و قالتلي راكي هنا عندي مدة و انا نحوس عليك قالها نجمة شكون هده قالتلو هده بنت عمتي نادية اسمها براء
قالها شوفيها معلاباليش واش بيها تخلعت و لا هي اصلا مخلوعة
قالتلو بلاك كي شافتك تخلعت لانها متعرفكش ولات دارت ليا قالتلي هدا هو خويا يمان الي كان في الخارج و جاء اليوم قلتلو اهلا بيك قالي اهلا و ببرود تحسو جبل جليدي ولات قالتلي نجمة هيا نهبطو انا تمشيت شوية حتى سمعتو قالي اييي اسمعي انا اليوم سامحتك على دخول المرسم تاعي المرة الجاية نكسرلك رجليك سمعتي و لا لالا سكت و هبطت راسي قالي بالصوت سمعتي هزيلو راسي بمعنى ايه بلا مانشوف معاه وهبطت نجري من الخوف منو لان صوتو و الوقفة تاعو تخوفني لان جاتني في بالي فكرة هدا كون يضربني غير بكف يقتلني
ولات لحقتني نجمة قلتلها اسمحيلي حطيتك في موقف و الله ماعلابالي كي شفتك طولتي طلعت نحوس عليك و لقيت روحي داخلة للمرسم تاعو قالتلي حبيبيتي متديري في بالك والو اصلا هدا خويا يمان هكا معقد و ميحبش يجامل... The Best Family
قلتلها ايه باين بصح و الله يخوف ضحكت و قالتلي هيا نروحو نتفرجو فيلم و نسهرو و انساي واش قالك متعمري راسك
رحنا
تعريف البطل **********
اسمو يمان عمرو ثلاثين سنة طولو 190 اسمر و جسمو رياضي دكتور جراح مقعد و كلمو قليل وضحكتو تشوفها مرة في الفال وكلامو كامل كلمة و قص واكره حاجة عندو البنات بصفة عامة طبعا الكره هدا عندو سبب ممبعد تعرفوه في القصة
وميحب يخالط حتى واحد غير ختو و يعمل الكل ببرود اما الزين فهو مثال للرجولة والوسامة يفرض وجودو في ي مكان يكون فيه
يمان *****************
تابع3
مع دخلت للدار ستقبلتني يما هي الاولى و بقات تبوس و تحض فيا و ليت حشمانة لان الدار معمرة بالعايلة الي الاغلبية الساحقة منعرفهمش مبعد سلمت على بابا و خوالي و عمومي و قلبي طالع من التسلام بزاف وهوما ماشي بوسة و لا زوج يسلمو و يعاودو و كانه يتعمدو فيها
حتى بناتهم تلاحو يسلمو وليت قلتلهم اسمحولي منسلمش على البنات وليت طلعت لبيتي وقلتلهم واحد ماينوضني راني عيان من الطيارة و السفر قالتلي يما براحتك حبيبي او مزال الوقت نحكيو طلعت لبيتي تدوش و بقيت غير بالشورت وطحت رقدت فطنت لقيتها قريب العشرة تاع الليل جيت خارج لقيت نجمة هازة سنيوة تاع ماكلة قلتلها واش العشاء قالتلي حميت دولمة و روز بالدجاج لقصي نوصلهولو و نجيبلك ليك قلتلها صحة رحت للبيت تاعي توضيت صليت و عوضت الي فاتني و رحت للمرسم نشوم ايه وصلو الوحات تاعي الي رسلهم مع دارنا كي جاو انا دخلت حتى لقيت وحدة قصيرة في المرسم بقيت نشوف معاها كيفاش تمس في الوحات تاعي الي رسمتهم للبنات تقريبا عريات بلاك ناس يحسبوهم عيب بصح ماشي عيب كي منوريهم لحتى واحد حتى لقيتها دارت وجات خارجة و مهبطة راسها ضربت فيا قلتلها شكون انت واش دخلك هنا لانني منحب حتى واحد يدخل لبيتي من غير يما و نجمة حسيتهاتخلعت قالتلي بخوف براء حتى لقيت نجمة جات و قالتلي بنت عمتي نادية تقلقت منها بصح مرة اخرى تتاسب وليت رجعت لبيتي حتى العشاء متعشيتش ووليت رقدت
براء **********
الصباح نضنا عطاتني نجمة غوب حمراء بصح طوييلة عليا لستها و درت خمار الصلاة و هبطت لقيتها تقريبا كامل ملومين غير ولدهم المتشنف مكانش سلمت عليهم قلتلهم نعاونكم قالولي لالا ارتاحي انا خرجت من الكوزينة لقيتو هابط و متشنف حتى صباح الخير مقالهاش ولينا قعدنا نفطرو و هوما غير ضحك و حكايات انا كليت شوية و نضت لانني حشمت ومموالفاش بيهم قالتلي مريم وين رايحة مكليتيش قلتلها بالشوية شبعت قالت نجمة انا تاني شبعت وجبدتني معاها قالتلي ارواح نوريلك الدار البارح مشفناهاش كاملة
كانت دارهم ثلاث طوابق و ستيلها ملكي حتى التصميم هايلة كل بيت تاع الاولاد ماشي بيت تحسبيها سويت فيهم صالون و بيت تاع الرقاد و بيت صغيرة تاع قشهم وكل واحد داير الستيل الخاص بيه حتى وصلنا للبيت تاع يمان قالتلي هده بيت يمان قلتلها ربي يعيشك مندخلهاش قالتلي اصلا هو ميحبش ولينا هبطنا لقينا مخزن و حداه صالة رياضية هدا وين عرفت وعلاش كامل اجسامهم رياضية هههه كملنا الدورة تاعنا رحت توضيت و صليت وقريت قران قالتلي نجمة هيا نهبطو راهو وصل وقت الغدا قلتلها هههه محسيتش للوقت وهبطنا دات للكوزينة قلت نعاونهم مع جميلة و شمس كملنا و بدينا نحطو في الغدا لقينا الاولاد كامل تم
يمان ولات الدنيا ظهر هبطت علابالي كامل يتلمو وقت الغدا هبطت لقيتهم يحطو في الطباسة و يجهزو في المايدة ومعاهم هديك الي اسمها براء قعدت حدا قصي هو شافها و هو قال اووووه وخيرا شفت طفلة هنا في البلاد مليح شوف لاطاي تاعها يااااااي قلتلو علا من راك تهدر قالي على من يعني على براء شوفها كيفاش بيضاها ناصع ولابسة لحمر و دبدوبة بلا كرش اوووف قلبي الصغير لايتحمل وووو... اجمل قصص وحكايات بقلم ليليا
قلتلو وانا مخرج عينيا فيه اتربى متحشمش انت شحال من مرة نبهتك تتفرج على اعراض الناس مرة اخرى الناس تشوف مع عرضك
قالي واش قلت انا
قلتلو نسقسيك انت تقبل واحد يشوف مع نجمة ويهدر عليها هكا قالي لالا اكيد منقبلش قلتلو املا بلع فمك و هبط عينيك قلت في قلبي من حقو يشوف ادا هي لابسة حوايج مزيرين عليها و الله البنات هدو مايحشمو يعرضو في رواحهم قدام الي يسوا و الي ميسواش
براء ***********
براء انا نسربي و شفت هداك الي اسمو يمان يتخنزر معايا و باين اعصابو نار قلت هدا واش بيه هدا كامل خاطر دخلت في المرسم تاعو نروح نطلب منو السماح ولا نقعد و نسكت
يتبع...
تابع 3
لالالالا نقعد و نسكت يعود يبهدلني قدامهم و انا دمعتي تسابب باه تطيح
وليت دخلت للكوزينة لانني حشمت نقعد معاهم حتى لقيت نجمة الحقيرة تقولي براء وينك ارواحي اقعدي معانا وليت رحت و قعدت حداها قربتللي الطبسي قدامي هدا الي زاد قهرني دايرين دولمة حتى لقيت خالي قالي واش احوالك براء عجبتك القعدة هنا يخي مقلقتيش
قلتلو ايه الحمد الله القعدة هنا عجبتني نهدر ومهبطة راسي قالي سجاد براء خلينا نحكيو في اهم حاجة واش الاكلة المفضلة عندك قلتلو ههه البرياني قالي مليح درك نروحو لسوال اخر مهم تاني تعرفي تطيبي قلتلو ايه ناض من بلاصتو جاء قعد حدايا قالي مدام تعرفي تيبي نوليو انا و انت اعز الاصدقاء وهز فلفلة من الدولمة وحطهالي قدامي قلتلو شكرا و تبسمت معاه
قالي لؤي عندك الزهر سجاد جامي يمد الماكلة تاعو لاي واحد.. The Best Family
قالو سجاد اسكت علينا ودار ليا قالي و انت واش تقدري تطيبيلي كعربون صداقة
قالتلو وانا نضحك عليه نديرلك كيكة بالشوكولا كعربون صداقة هزيت راسي شفت معاه لقيت عينيه من الفرحة ولاو يلمعو وقالي و الله انت احسن صديقة في العالم قالي لؤي جات دالتي نسقسيك واش الهويات تاعك قلتلو الطبخ و المطالعة ممبعد سقساني قصي قالي واش احب مادة ليك قلتلو الكيمياء قالي وااااو مادة العباقرة قالتلي نجمة اهلا بيك في نادي الاصدقاء قلتلها واش من نادي قالتلي جميلة و شمس و لؤي و يمان و حسن و قصي و سجاد عاملين شلة تاع خرجات و لازم تكون عندنا نفس الاهتمامات وانت عندك نفس الاهتمامات
وغير انطقي و قولي منقبلش ندبحك و لاو كامل يضحكو غير رجل الصقيع باقي غير يتخنزر فيا حسيت روحي قاتلو قتيل.. اجمل قصص وحكايات بقلم ليليا
كملنا العشاء وتحاتلي شوية الخنقة و الحشمة منهم هزينا الماكلة و شمس غسلت الماعن و جميلة دارت تاي و سنيوة تاع مكسرت و سقايط حتى تولهت لطفلة صغيرة وعرفتها مريومة راحت ليمان و بدا هو يعنق و يبوس فيها وو هي تدلل عليه و مزالها متعرفش تهدر مليح بصح معلاباليش علاش كي سمعت الضحكة تاعو حسيت بقشعريرة هزت كياني ........................... يتبع
من الحلقة الجية يبداو الاحداث الحلقات هدو حلقات تعريفية بالشخصيات
الحلقه الرابعه والخامسه من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
❤️💙🌺❤️💙🌺❤️💙🌺❤️💙🌺❤️💙🌺❤️💙🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺