رواية براء قصة واقعية الحلقه الأولي حصريه وجديده على مدونة أفكارنا
 |
رواية براء قصة واقعية الحلقه الأولي حصريه وجديده على مدونة أفكارنا
لبنات لكان هذا تعليقاتكم وبارطاجاتكم نحبس لقصص خير والله نحبسهم صح ... وعلاش براء واحد ميهدر معاها انا نقولك علاه خاطر محترمة و لبسها محتشم ماشي كيما انت لاسبتلي لبسة تاع بنات الشوارع قالتلو يما خليها راح تمموت في يدك و قالتلها انت بلعي فمك حسك مسمعوش
قالتلو علابالك وعلاش ميهدروش مع بلاء خاطر سمينة و تعيف وواحد مايشوف معاها بصح هي تلعب من تحت لتحت هو سمعها هدرت هكا هز كف و عطاهولها حتى طاحت في الارض قالها مزالك تشركي في فمك على اختك الي اشرف منك ومن الشلة الي تضلي تبعي فيهم انت ظفرها تاع براء محترم عليك انت
وكمل قالها من غدوة انا الي نديك و نجيبك و الا و الله نهدر مع بابا يبطلك و نحبسك في الدار انت ماشي وجه نعمة ولا خرج و خلاها دوؤت و جهي لقيتها تتخنزر فيا و كانني انا الي قلتلها روحي تملعبي
ولات قالتلي نكرهك الله يهزك علينا و يهنيني منك ومن وجهك
تشوكيت فيها هي دارت مشكل و حابة تحصلها فيا معلاباليش وعلاش حاقدة عليا للدرجة هده
في مكان اخر خارج البلاد ************************
دخلت عليا السكريتيرة و قالتلي بانجليزية دكتور ام كانت تعيطلك في التليفون تهدر و تتمايع
قلتلها ببرود و انت كيفاش تدخلي عليا بدون استئدان
وديجا قلت واحد مايدخل عليا و لا يقلقني وثانيا لبستك هده متزيديش تبسيها مراناش في كاباري و لا حفلة تعري
صفحة ريمية فيها جميع قصص The Best Family
هده شكرة محترمة وهده المرة هدرتلك المرة الجاية نلقا الاستقالة تاعك فوق البيرو تاعي فهمتي ولا لالا قالتلي اسمحلي دكتور قلتلها حوليلي المكالمة تاع يما للتليفون تاعي قالتلي اوكي و خرجت ووجها صفر
شفت مع الساعة لقيتها الوحدة وانا نستني غير وقتاش تخلاص الخدمة الي قدامي و نروح للعيادة تاعي حولتلي السكريتيرة المكالمة قالتلي يما واش احوالك يا ولدي توحشتك قلتلها الحمد الله راني بخير قالتلي وقتاش تجي قلتيلنا منطولش و نلحقكم قلتلها يما نكمل اشغالي الي هنا و نجي بلاك السمانة الجاية قالتلي ان شاء الله حبيبي ربي يجيبك على خير قلتلها ان شاء الله كاش ماتوصي نجيبلك قالتلي لالا حبيبي ارواح انت برك و الله توحشناك انا و باباك
كملت معاها و كملت الخدمة الي قدامي و رحت للعيادة
في بيت براء
بعد ماكملنا الغداء خرجت للحديقة تاعنا فيها الهدوء و كانت عندي حفيظة بقيت ساعتين الحمد الله حفظت الي عندي مع دخلت للالون لقيت العايلة كاملة قاعدين يشربو في لاتاي قعدت حدا محمد و هو قاعد يتخنزر في روان ممبعد قال لبابا
من غدوة نبدا انا نوصل روان للمدرسة تاعها قالو بابا وعلاش خليها تروح مع بنات خوالك و عمك كيما موالف وهي تتخنزر معاه بصح نظراتها باينة تاع وحدة خايفة لا محمد يخبر بابا بفعايلة و لا قال محمد لبابا لالا انا نديها بنات الجيران و بنات عمي و خوالي معجبتنيش مشيتهم ولا قالها بابا اسمعي كلام خوك انت عاقلة و انا تاني نخاف عليك منهم
ولات هبطت راسها وكنها صح عاقلة و هدا علاه بابا يحبها اكثر مني لانها تعرف تتستت وليت نضت ورحت ليما الي تطيب في العشاء قلتلها واش راح تعمليلنا قالتلي حبيبتي راح نعملكم دولمة قلتلها ااااوه يا ماما علابالك منحبهاش قالتلي العالم كامل يحبها غير انت قلتلها الله غالب منحبهاش
قالتلي و الله باباك سخف عليها او تعرفيه طلبتو لازم تتنفد وليت عاونتها و انا طيبت مقارونة ليا حتى ادن المغرب رحت توضيت و صليت
في الخارج يتبع
تابع حلقة 1
رجعت للدار ميت بالتعب رحت لبيتي نتدوش و نرتاح تدوشت توضيت صليت انا خرجت من الدوش حتى لقيت الخدامة لابسة لبسة تخزي و قربت ليا قالتلي كاشما تحتاج و تلاحت تمسلي في صدري دزيتها قلتلها ردي بالك تزيدي تحطي يدك عليا قالتلي نحبك و من زمان حكمتها من دراعها و خرجتها من البيت قلتلها غدوة الصباح كي نوض منلقاكش قدامي وليت قعدت على سرير و انا نتنفس بالقاوي و نقول في قلبي هدا الي يخليني نكره جنس حواء حاشا يما و اختي اااف طار عليا الرقاد رحت للمرسم تاعي نرسم و هو المتنفس الوحيد الي نقدر فيه نحي الغضب و القلق و تاني نهار هبطت و بالفعل لقيتها راحت واخيرا تهنيت منها كملت شغلي في الايامات الي بقاو و حتى العمليات الي كانو مزالو في الجدول تاعي و حجزت تدكرة باه نرجع لبلادي عند مالية
في منزل براء
تحطينا نتعشاو ولات ماما التلها غدوة ادا كتب ربي راح نعرض دار خويا جهاد لان باباكم عرضو و عندهم مدة من الي جاو من بلاد برا
براء تاني نهار كانت نهار عطلة نضتش بالبكري بدلت قشي و هبطت لقيتهم كملو فطورهم درت فطور لقيت روان في وجهي قالتلي راكي مبكرة اليوم كون بقيتي خير راقدة و هنيتيني من شوفت وجهك
قلتلها انت واش دخلك فيا و ديجا اليوم عطلة قالتلي نسيتي بلي اليوم عندنا ضياف قلتلها علابالي انت تعاوني يما في التسياق و انا نعاونها في الطياب كيما موالف
صفحة ثانية اجمل قصص وحكايات بقلم ليليا
ولات تتافاف عليا و تخبط في روحها عيطتله يما سيقت و فرز الصالون و انا دخلت للكوزينة قلت ليما واش رايك ندير تحلية قالتلي انا ندير دجاج محمر و باباك راح يجيبلنا كفتة نديروها كباب مشوي قلتلها ايه و انا ندير معاها مملحات بدينا انا و يما نجهزو كملنا كلشي وليت طلعت للبيت تدوشت لان ريحتي ولات كاملة طياب و بدلت و درت خماري لان خالي عندو اولاد رجال
وهبطت تلاقيت امير و محمد قالي امير براء جيتي تهبل واش الزين هدا ههههههههه قالو محمد واقيلا كبرتي ووليتي تعرف الزين قالو امير انا اجمل وحدة نشوفها هي يما و براء ومشكيتش كاين اجمل منهم قرصتو منخدودو و قلتلو ربي يعيشك انت هو الزين قالو محمد هدا كامل خاطر براء تشبهلك ههههههههههههههههه
انا نحكيو حتى لقينا روان هابط كي شفناها تخلعنا هده واش لابسة سيرفات غوز بيبي و مزيرة عليها ومكياج و شعرها مسشور و مطلوق على طولو شفت مع محمد لقيتو راح يطرطق من الزعاف و انا قلت في قلبي هده وقتاش كبرت حتى تدير مكياج قلت اليوم واش يفكها من يد محمد
حتى لقيتو طار ليها و حكمها من الشعر و قالها و هو مزير على سنانو واش لابسة يا مصيبة ياقليلة التربية كون متمشيش درك قدامي و نحيتي الفضيحة الي لابستها والله اليوم ندبحك ولات تعيط و تقولو واش درتلك اتا نهار كامل جايبها مورايا روح عس اختك البقرة قالها انت من نيتك تقارني في روحك مع براء دورلها راسها و هو حاكمها قالها شوفي لالاك واش لابسة ومزالك تقارني روحك بيها
ولا دزها جيهة الدروج قاله امشي بدلي ولات تخبط في روحها و طلعت و هي تلغدن من تحت خشمها
هي طلعت و بابا طبطب فتح محمدالباب لقاهم دار عمي باين بابا عرضهم مع دار خالي دخلو و باتو مكياج لدرجة اني معرفتهمش هدا كامل لانهم سمعو بلي خالي عندو بزاف دكور و كمل قاريين و حامين مشاريع هنا و في الخارج سلمت عليهم كي وصلت لود عمي حسين غير هزيتلو راسي وهو كلاني بعين مالقري مرتو قاعدة وليت درت اليبة باه نعاون يما و هربت للكوزينة
حتى لقيت البنات كامل داو عندنا قالتلي صفا بنت عمي اهلا براء اووو زدتي سمنتي وتضحك و كانها تتمسخر بيا وردت عليها اختها هالة قالتلي وعلاش متديريش ريجيم ويضحكو رديت عليهم ببرود و قلتلهم عاجبتني روحي هكا محاباش نضعف حتى لقيت اختي دخلت و قالتهم وين تضعف و هي تاكل ليل مع النهار حتى الليل نلقاها تاكل في الشيكولا ولات نطقت مرت حسين ود عمي يوووو براء هكا مستحيل تعجبي كاش واحد الرجال يحبو لاطاي فين يا عمري جاء محمد خويا يدي في الصحونة للطالة و لقاهم يحكيو عليا و يضحكو و انا عاطيتهم بالظهر و نديكوري في السلاطة قالهم اوووو راكم على براء شكون الي زينة و مليحة و بيضاء كي براء كامل كون نعجنكم متجوش في يدها بيضاء و دبدوبة و هز يدي بايها وليت نتبسم لانه دافع عليا ولاو ساكتين و يشوفو معايا لانهم ميقدروش يردو عليه ولاو يبدلو في الهدرة و قالو ليا نعاونوكم قالتلو روحو ارتاحو رانا كملنا كلشي اصلا درك يوصلو دار خويا جهاد
ولاو هوما كامل راحو حتي لقت هالة الشرانية فيهم كامل جات حكمتني من دراعي و قالتلي وقتاش انت تحبسي من التمسكين و لاعبتها عليها مربية و تقيلة
وليت تجهالتها و جبدت يدي منها ومحبيتش نرد عليها ليس خوفا و لكن راهم ضياف عندنا و نخاف من بابا
ولات قالتلي ابقاي اتجاهليني بصح و الله تخلصيها غاليا خاصة انو وحدة كيما انت متسوش فرنك في سوق النساء ترقض خويا للمرة الثالثة و هو يخطب ففيك
قلتلها انا منسواش وشايفيني منصلحش و نعلب فيها مربية وعلاش خوك قاتل روحو عليا قالتلي من زهرو لمنحوس معلاباليش واش عجو فيك
شوية و جاو دار خالي تلهينا معاهم و انا محبيتش نقصر معاهم بزاف لان ولادو رجال رغم انهم محترمين و مربيين بزااف عينيهم ميهزوهمش و بنات عمي و روان عملو المستحيل باه يلفتو الانتباه لكن محاولاتهم كامل فشلت الوحيدة الي تفاهمت معاها و عجبتني هي نجمة بنت خالي .
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
❤️💙🌺❤️💙🌺❤️💙🌺❤️💙🌺❤️💙🌺❤️💙🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺