رواية براء الحلقه الرابعه والخامسه حصريه وجديده على مدونة أفكارنا
 |
رواية براء الحلقه الرابعه والخامسه حصريه وجديده على مدونة أفكارنا
اني نشوف في تعليقات غير كملي براء براء اوكي هاهم حلقات بصح لوكان منلقاش بارطاج 50وتعليقات 800غير منكملش براء هو يلعب مع مريومة الصغيرة ويضحك و انا غايسة فيه وكانه ماشي نفس الانسان الي نهار كامل و هو عاقد حواجبو هز راسو شاف معايا زربت هبطت راسي ومت بالحشمة قلت في قلبي درك يحسبني نكحل عليه و لا حاجة اخرى فطني من افكاري سجاد قالي براء وقتاش تعمليلي الكيكة الي وعدتيني بيها قلتلو وقت ماتحب ادا كاين المكونات نعملهالك درك قالي و حتى ادا مكانش نخرج نشريللك واش تحبي قلتلو خلاص و دخلت معاه و هو يتبع فيا مع دخلت لقيت خالي يهدر في التليفون و يقولو وعلاش يا ابو محمد خليها تزيد تبات ليلة اخرى عرفتو يهدر مع بابا قالو في الاخير معليش المرة الجاية تخليها عندنا اكثر ان شاء الله نجو نجو ايا في امان الله و كوبا
قالتلو مريم مرتو واش غير الخير قالها غيث راجل نادية قالي اليوم جيبو براء و راكم معروضين عندنا انت و العايلة كاملة
قالها و الله محايب نثقل عليكم قلتلو بالعكس خالي تفرحونا بجيتكم
قرصتني مريم من خدي و قالتلي ربي يخفظك الزينة
ولا خالي قالهم رايح رتاح نوضوني العصر باه نروحو لدار عمتكم ولا راحو هو و مريم و حسن هز ممريومة الصغير و قال احنا تاني نروحو نقيلو شوية ولات هي تبكي و محاباش تروح معاه قالو يمان خليها تقد معايا و نحاهلو من يدو و يبوس فيها من وجها و رقبتها و هي غير تضحك
وانا غايسة في ه جمالو و الضحكة تاع النادرة الي شفتها وليت نبعد في عيني و نستغفر في ربي واش يجيب العصر باه نروح لدارنا و منزيدش نشوف هدا العبد
رحت للكوزينة عملت الكيكة لسجاد وهو ورايا يدور من بلاصة لبلاصة تحسبو طفل صغير كملت قعدت شوية مع نجمة جاء قالي قالنا جهزو رواحكم قالو يمان انا منروحش قالو عيب يا ولدي راجل عمتك عرضنا كامل و لازم نروحو كامل ولا سكت و هز راسو لباباها طلعنا انا و نجمة لبست قشي الي جيت بيه و هبطنا لقينا العايلة كامل التحت ركبانا مع خالتي ومرتو انا و نجمة و الباقي كامل بسياراتهم ورحنا لدارنا و ياريت مليت ولا رجعت يا ريت مت ومعشتش النهار هداك
وصلنا لدار استقبلونا بابا و محمد يسلمو و يعادو مع دخلنا لقيت البورت شوسير معمرة سبابيط عرفتهم تاع دار عمي دخلت انا مباشرة للكوزينة لقيتهم كامل ملمومين و معاهم روان و مرت حسين هي شافتني و قال اهلا و لا مرحبا قربت سلمت على ماما قلتلها بالشوية و هدو واش جابهم قالتلي باباك عرضهم
المشكلة الي صدمتني هالة الي متحبنيش قالتلي اهلاااا براء توحشتك ولات تبوس فيا و تعاود و انا مدهولة في تصرفها وليت رديت عليها قلتلها اهلا ممبعد قالتلي براء نطب منك طلب قلتلها تفضلي قالتلي سمعت بلي عندك مجموعة كتبب قصصية ياريت تسلفيي منهم كتاب نحب انا القصص قلتلها معليش المهم تحافظي عليه و ترجعيهولي قالتلي اوكي
ممبعد قالتلي وين نلقاهم قلتلها في الخزانة تاعي في الخانة الفوقانية قالتلي اوكي جيت نقولها نطلع نجيبلك لقيتها طلعت تجري كنت راح نطلع وراها حكمتني روان بالهدرة و هي تسقسي فيا على ولاد خالي جهاد وليت نسيت حكاية هالة ولينا حطينا العشاء و فرشنا في الارض لان مكانش طابلة تهز الغاشي هدا كامل وقعدو نساء و رجال احنا في العادة مموالفش نجمعو مع الرجال بصح اليوم حالة خاصة.... The Best Family
تعشينا و كل منهز عينيا لهالة نشوفها تخزر معايا شوفات معرفتهمش كملنا هزينا الماعن و قعدنا نشربو لتاي حتى لقيت هالة جاتني و قالتلي براء تليفونك راهو يصوني قلتلها تليفوني او عندي هدا ماشي تليفوني شوفي تاع من قالتلي لالا تاعك لقيتو في خزانتك يصوني
يتبع...
تابع 4
ضربت عيني لبابا الي لقيتو يتخنزر فيا بطريقة تخوف تحسبي عينيه راح خرجو من راسو ولا قالها بابا هاتيه نشوفو
داتهولو و لقاه بل كود فتحو ولا يفتش فيه ولا يشوف فيه وعينيه خرجو حتى وقف و عينيه حمارو من الاعصاب و الغضب الي راهو فيه جرا ليا و حكمني من يدي طرت عندو قالي تاع من التليفون هدا يهدر ومزير على سنانو قلتلو و الله ماعلابالي متاعيش قالي كيفاش ماشي تاعك و الصور تاعك معمرين فيه حليت عينيا على الطول حتى لقيت عطاني كف طيحنى في الارض ولاح يدو حكمني من الخمار ومعاه شعري وليت نحس غير في شعري كيفاش يتقطع بين يديه جرا ليه خالي جهاد قالو غيييث اطلق الطفلة واش دارتلك و التليفون قالتلك ماشي تاعها نطقت مع خالي و انا نبكي بالصوت قلتلو و اله ياخالي ماشي تاعي و الله نطق بابا و ووقفني من شعري وصلني لعندو وليت واقفة على روس صباعي قالي ماشي تاعك ااااااااااا وفات لليميساج الي في التليفون و دولي التليفون و قالي هدو ماشي تاعك ااااااااا و دخل للقالري تاع الصور و دورلي التليفون و قالي هده باين ماشي انت هدري يا خامجة يا قليلة لحيا و ترسلي في الصور تاعك للولد عمك و وغالطة معاه و تحللي فيه با يتزوج ... اجمل قصص وحكايات بقلم ليليابيهاااااااااااااااااااااا خالي تلاح نحاني من يدو و قالو اصبر يا غيت واش الحكاية و المور هدو ميتحلوش بالضرب و العصبية اقعد و اطلق الطفلة خلينا نعرفو واش كاين قالو بابا و هو يعيط وعاود جرني من شعري و يضرب فيا و حاول معاه خالي و عمي تاني جرا ليه وهو حاكمني محبش يطلقني و يلا يسب بسيف جبوني من بين يديه و ل يعيط و يقولهم بنتي متصورة عريانة بلا الميساجات الي يخزيو بنتي رخستني بنتي مرمدت الشرف تاعي في الطين و هو يهديو و يسكتو في وهو يقولي اليوم نقتلو و لوكان نعلم بلي يحكمو عليا اعدام مستحيل نخلي عارك في جبيني و انا و ليت غير نبكي ونقول و الله ماتاعي التليفون و الله وة الله صدقوني و الله انا معنديش تليفون اخر و مبعت لا حسين و لا لغيرو انا حتى الصور منحبش نتصور بالحجاب كيفاش نتصور الصور هدو الي يخزيو حتى لقيت حسين نطق و قالي خلاص يا براء لازم تعترفي تكشفت الحقيقة خلاص ولا دار لبابا قالو ايه يا عمي انا و براء بيناتنا علاقة ومن زماان و هدو الصور و المحادثات هوما الدليل والي صار بيناتنا كاي برضايتها
انا سمعت هدرتو و انا و ليت كي المهبولة انا جيت نهدر حتى لقيت بابا بسرعة هز النفاضة تاع السجائر و ضربني بيها للراس ممبعد محسيت بوالو ................................ يتبع
خلقة 5
الحلقة الخامسة
يمان
كي سمعت الاعتراف تاع حسين زدت حتقرتها اكثر يعني وحدة قد درعي تعمل العمايل هدو كامل المشكلة تعرف تمثل قريب امنتها و تقولهم نحلف على المصحف حسبتها لعب
هانت عليها كرامتها و مرغت شرف باباها في الطين اصلا واش تتوقع من وحدة راسلة الصورر تاعها عريانة لولد عمها الي متزوج و كبير عليها بضعف عمرها معلابالهاش بلي فعايلها راح يمرو العايلة كامل بصح الي صار ممبعد خلاني مخلوع باباها هز النفاظة تاع السجائر و ظربها بيها جاتها في الراس جريت انا الاول بلا وعي حاول نوضها كانت دايخة هزيتها بين يديا و جريت بيها للسبيطار و بباباها يعيط ورايا خلوها تموت باه يموت عارها معاها قلتلو اسكت علينا ماشي وقت الهبال تاعك
ولا قصي لحقني هو يسوق و انا ركبت معاها من الوراء و حاط راسها في صدري ونقول لقصي خف الطفلة راح تموت وصلنا للسبيطار هزيتها ودخلت بيها نجري تلاقاونا الفرمل حطوها في الشاريو و يجريو بيها مباشرة للغرفة العمليات وبقينا انا و قصي في الكولوار قصي حسيتو خاف عليها قرب ليا و قالي يعني ميصرالها والو قلتلو انت مهبول الطفلة صغيرة و الضرب في الراس ربي يستر قالي زين انت واش رايك يعني صح تكون دايرة علاقة مع ولد عمها و الله حسيتها متكدبش قلتلو انا ميهمنيش وراي ماشي مهم حتى لقينا بابا و خوتي ومعاهم خوها محمد كامل دخلو قالي خوها واش احوالها واش قالولها و باين عليه ميت بالخوف قتلو ببرود مزال مقالو والو وواحد فيهم ماخرج
قالو قصي وباباك وعلاش مجاش هبط محمد راسو و ساكت بقا يدور في هداك الكولوار و حاكم راسو بيديه
راح ليه بابا قالو ياخالي متقلقش روحك ان شاء الله سلامات شفت خوها يبكي و قالو بابا تبرا منها و قال داري متزيدش تدخلها للمامات
قالو بابا خلي تخرج منها بخير و لكل حادث حديث و عرفو الحكاية
قالو محمد ياخالي براء مستحيل تعملها حسين ولد عمي خطبها ثلاث مرات و هي رفضتو رفض قاطع وكي تشوفو جاء لدار تهرب و تغلق على روحها في البيت قالو بابا تفطن و نفهمو منها الحكاية
ساعة و خرج الطبيب جرا ليه محمد قالو واش احوالها قالو الطبيب و الله الضربة كانت واعرة بزاف و الجرح كانت معمر زجاج رقيق وبسيف سيطرنا على النزيف و انا راح نعمل سارتيفيكا و مكان لاه تقولولي طاحت هده مضروبة و الي عملها هكا لازم يتعاقب
قالو لؤي بابااااا The Best Family
قاطعو محمد و قالو كانت تنقي في التاقة وطاحت على الزجاجة تاعها
شاف معاه الطبيب شوفة تاع مانيش مامنك وقالو و انت واش تكون للمريضة هده قالو انا خوها الكبير قالو الطبيب ارواح معايا
راح معاه يعمل اجراءات المستشفى قال لؤي وعلاش مخلانيش نقول باباها الي ضربها
قالو بابا يا ولدي مراناش في لندن رانا في البلاد وهنا القانون ماشي كيما الهيه والطفلة كون تشكي بباها راح تولي سين و جيم و تتفضح و تولي سيرتها على كل لسان
ضحكت باستهزاء و قلتلو و هي يعني مدايرة والو
انا صح جبتها للسبيطار لانني طبيب و من واجبي منخليهاش تموت بصح املا متعملوهاش بلاك براسي قالي حسن اسكت او جاء محمد قالو بابا واش قالك الطبيب و نقدرو نشوفوها
قالو محمد راهم حطوها في شزمبرا و قالنا حتى تفطن من البنج تشوفوها و الحمد الله مابيها والو
براء ************
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
❤️💙🌺❤️💙🌺❤️💙🌺❤️💙🌺❤️💙🌺❤️💙🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺