رواية براء الحلقه السادسه حصريه وجديده على مدونة أفكارنا
 |
رواية براء الحلقه السادسه حصريه وجديده على مدونة أفكارنا
بعد ماضربني بابا فطنت لقيت روحي بسيف نفتح في عينيا شفت حولي عرفت روحي في السبيطار و تفكرت واش صار و ليت نبكي شوية وجات الممرضة تبدلي السيروم خرجت و حتى لقيت الباب تفتح و دخلو ولاد خالي كامل و خالي و محمد خويا
قرب ليا خالي و قالي الحمد الله على سلامتك قلتلو الله يسلمك خالي
قالي سجاد الحمد لله على سلامتك براء تبسمت معاه وقلتلو الله يسلمك
قالي خالي ارتاحي و ممبعد نحكيو لان نحتاج تبريرات للشي الي سمعناه
حطيت يديا على وجهيي ووليت نبكي قلتلو الله يا خالي راني بريئة والتليفون و الله ماتاعي و علاباليش واش جاب الصور تاعي فيه انا اصلا منتصورش حتى الرقم تاع حسين منعرفوش و الله جيبولي المصحف نحلف عليه والله يجيبها في صحتي ادا كدبت باي حرف خرج من لساني و الله و نبكي بالصوت قال يمان بصوت تاع واحد ممامنيش ويستهزء بيا قالي بصح ولد عمك قال بلي عندكم علاقة و الصور و المحادثات هوما الدليل على كلامو
زدت في البكاء قلتلو والله كداب كداااب مبعتلو حتى صورة ول هدرت معاه ولا عندي معاه علاقة لا من قريب و لا من بعيد وعلاش مراكمش تامنو فيا زالله يتبلا عليا و الله
يمان
ولات تهدر و تبكي حتى ولات كي المهبولة تخبش في روحها ووجها وتعيط و الله و الله مظلومة حسبي الله و نعمة الوكيل حسبي الله و نعمة الوكيل ياربي بين حقي ياربي نموت ولا يشوهو السمعة تاعي
وليت عيطت للفرملية جات دارتلها برا تاع مهدئ
ولا بابا يقولي واش بيها قلتلو و انا حاط يديا في الجيب كاين زوج احتاملت يا دارلها انهيار عصبي يا راهي تمثل عليها انا نميل للاحتمال انها ثمثل و خرجت و خليتهم
جهاد درت للاولاد قلتلهم ارجعو للدار نادية عمتكم و رجعو النساء كامل للدار وانا راح نبقا معاها قالي سجاد واش بيه ولدك الطفلة روحها راح تخرج وهو يقولك تمثل استغفر الله قلتلو خليك منو هدا مهبول روحو اعملو واش قلتلكم قالي قصي نقعد معاك قلتلو لالا انا نبقى وحدي معاها روحو برك.. The Best Family
قالي محمد لالا نبقا مع اختي قلتلو وجودك معندو مايعملها راهي راقدة درك وروح تطمن على امك اي باينة حالتها حالة روح طمنها و انا كي تفطن نعيطلكم ولاو راحو كامل و انا بقيت معاها
قعدت شوية حتى لقيت زين جابلي قرعة ماء و كاس تاي وقالي وين راحو الاولاد قلتلو انا بعتهم يروحو للدار و محمد راح يطمن عمتك على بنتها
وانا راسي راح يتطرطق من جهة الطفلة تحلف و تقول لا علاقة ليا بيه وولد عمها و التليفون يقولو غير شي لازم حل للمشكل هدا
قلتلو واش من حل يزوجوهالو و خلاص و يسترها هو ولد عمها و راهي غالطة معاه
قلتلو يمان الله يسترك يا ولديي و الله ماقادر نتناقش اكثر تنهد يمان و سكت وليت حطيت راسي في الفوتاي الي في الشومبرا مع حطيت راسي رقدت
يتبع....
تابع 5
يمان
بابا مع حط راسو رقد باين تعب بزاف اليوم بسبت ست الحسن وانا رحت قعدت على الكرسي الي حداها وهي راقدة معلابالهاش في الدنيا بقيت نشوف مع الملامح تاعها
كانت بيضاء بزاااف حتى في اوروبا قليل تلقا وحدة ببياض هدا و كانت باينة معتنيا بصحتها لان خدودها منفوخين بشكل مثير ووشوارب صغار وفيها نفخ بسيط يعني كانو شكل مثالي و شكها و هي راقدة تقول ملاك حتى ووجها مزال مبلول بالدموع كانت مغرية بشكل ااااف وليت دورت وجهب و استغفرت قلت انا نعيب على قصي و انا اكثر منو و نشوف في عرض الناس وليت مسحت وجهي و بعدت عينيا منها انا صح كبرت و تربيت في الخارج بصح الله موجود في كل بلاصة و منحبش نغضب ربي عليا
براء
نضت الصباح حسيت روحي احسن وحتى الوجع قل شفت حولي لقيت يمان راقد فوق الكرسي و مسند راهو للحيط و خالي راقد في الفوتاي الي عند رجليا
حيت فمي ناشف حبيت نشرب وخفت نوض يمان وليت قعدت بصعوبة بصح كي تحركت السرير عمل صوت فطن يمان قلتلو صباح الخير عقد حواجبو و محب يرد عليا قلتلو ربي يعيشك اعطيني نشرب هز راسو و جابلي نشرب انا حركت راسي و انا حسيت بوجع في راسي قلت اااااه راسي خرج عينيه فيا و قالي صوتك اسكتي ومتتحركيش
قلتلو حباب اعطيني نشرب و الله راح نموت بالعطش
يمان كي قلتلها متترحكيش و نقصي صوتك برطمت كي الاولاد الصغار قلتلها درك نشربك عمرتلها كاس وقربت ليها شربتها تشرب و كانها عام مداقتش الماء قالتلي زيدني زدتها قالتلي لالا شكرا سكت محبيتش نرد عليها بصح قلتلها ارجعي اعدلي روحك في بلاصتك هزتلي راها بمعنى ايه قلتلها مترقديش خلي نعيط للطبيب يعملك راديو عاودت هزتلي راسها رحت و خليتها عيطت للطبيب كي رجعت لقيت بابا فاطن ويهدر معاها هز راسو قالي صباح الخير قلتلو صباح النور قالي من وقتاش و انت فاطن قلتلو بلاك وحد الساعة ورحت عيطت للطبيب يعملها الراديو نشوفو حجم الضرر
براء لاحضت يمان يهدر عليا مع خالي بصغة الغايب ومينطقش اسمي خلاص
حتى دخل الطبيب و قال صباح الخير ردينا عليه و قالي هيا نروحو لقسم الاشعة حتى نشوفو بلي مكانش اضرار قست الخلايا العصبية لان الزجاج تاع التاقة كان مفتت في راسك قلتلو واش من تاقة شفت مع يمان لقيتو يخزر فيا و مخرجلي عينيه
رحت ندير الاشعة و انا حاسة روحي وحدي حتى يما مجاتش تطمن عليا دارولي الراديو و انا غايضتني عمري خاصة من يما يا يما كيفاش عطاها قلبها و متطمش عليا كملت لاراديو و رجعوني جابوليالماكلة مقدرتش ناكل قالي خالي كولي يا بننتي باه تشربي الدواء وليت ناكل و بسيف نبلع في القمة حتى لقيت محمد وولاد خالي كامل دخلو تبسمت و فرحت كي شفت محمد خويا بصح حسيتو يشوف معايا بنظرات كره و حقد ولا قرب ليا و قالي وقتاش كنتي ناوية تنحي القناع هدا يا اختي الشريفة... اجمل قصص وحكايات بقلم ليليا
بقيت غير نشوف قلتلو محمد عليا انا تهدر الهدرة هده عليا انا قالي متعمليش روحك معلابالكش و بريئة و انت مخليتي حتى حاجة مدرتيهاش كنت نحبك و نحتارمكودرك كل مانشوف وجهك يدور قلبي و نحشم باه نقول هده اختي علابالك شحال راني ندمان على كل مرة كنت ندابز فيها روان وبابا بسبتك
بصح انت متستاهليش لانك متسوايش
قلتلو انا نبكي و صوتي يرعش محمددددد متقوليش انت تاني امنتيهم و الله يتبلاو عليا و الله انت تعرفني من الي كمنت صغيرة خلاص قاطعني و قالي اسكتيييييييييي حبسي من الكدب كلشي تكشف الله ياخدك ان شاء الله الدار مقلوبة بسبت فعايلك عمامك كامل سمعو و قالو هده هي الي كنتو تقولو مكانش كيفها في القراية و التدين و الحشمة و التربية و في الاخير ظهرت لاعبة لعبها من وراكم كيفاش خلاك قلبك و تعملي قاع الحوايج هدو و مع من مع حسين الرخيس الي كنتي تمثلي علينا بلي متحبيش تشوفيه وعلاش مشفتيش في حالتي خليتي روسنا في الارض و ديريها في بالك مليح مع تخرجي من هنا راح تلقاي الشيخ باه يفتحلك على حسين و تتزوجيه بالسيف عليك حبيبتي و لا كرهتي و حرف مانزيد نسمعو من فمك و خرج و خلاني حطام انسان ............................ يتبع
حلقة 6
الحلقة السادسة
براء وليت نبكي بالصوت محمد خويا الي طول عمري نحسبو سند و امان كدبني و اامن الي تبلاو عليا جاء ليا خالي حضني يقولي اسكتي حبيبتي خلي نفهمو واش صار البارح محمد قال بلي اختي مستحيل تكون كيما قالو و اليوم تبدل عليك اسكتي و الله قلبي تقطع عليك
قال حسن البارح كي رجعنا للدار تاعهم محمد مع دخل راح يجري خنق هالة و يقولها منين جبتي التليفون اهدري قالتلو لقيتو في خزانة براء تحت قشها وانا وعلاش تلوموني لقيتو يصوني هبطتهولها قالها و انت واش عندك في بيت براء قالتلو قلتلها تسلفلي كتاب وطلعت وادا مامنتينيش سقسي روان اختك
دار محمد لروان و قالها اهدري قبل ما اليوم نقتل وحدة فيكم قالتلو روان ايه انا طلعت مع هالة و لقينا التليفون في خزانة براء وهالة معندها حتى علاقة
ولا محمد يعيط و يقول مستحيل براء نشك في روحي و منشكش فيها بصح اختها و شهدت عليها راح نموت عقلي ميصدقش ولات قالت صفا محمد امن احنا كامل علابالنا بلي من زمان براء عندها علاقة مع حسين وغير كنا ساكتين خاطر براء عرضنا و كون نهدرو نتبهدلو كامل واحنا علاش نتبلاو عليها واش راح نستفادو
ولا خوها محمد يقتل في روحو ويبكي بالصوت صوت بكاه يوجع في القلب و كانو عندو عزيز وماتلو
ولا باباها قال اسكت يا ولدي خلاص من اليوم براء متبري منها لاهي بنتي و لا نعرفها راني متبري منها ليوم الدين و الدار هده متزيدش تدخلها ولا نطق حسين ولد عمها قالهم انا براء عرضي و حاولت نقولها نتزوجو و هي كانت رافضة مالقري عندنا علاقة معرفتش وعلاش كانت متقبلش بصح براء انا رايدها و راح نسترها مع تخرج من السبيطار نقعد و نفتح عليها ولا باباها سكت و قالو ربي يحفظك لانك مخليتيش شرفنا يتمرمد و يسمعو بينا الناس حسن كمل هدرتو و انا و ليت نبكي بالصوت و نقطع في شعري و نقول و اله يكدبو كيفاش روان اختي تشهد عليا انا اختها كيفاش خلاها قلبها تتبلا عليا ياربي كون معايا ياربي متخلييش يا ريت نموت حابة نموت ياربي وعلاش انا هكا يخونوني اغلا الناس على قلبي بقيت لا اب لا ام لاخ لا اخت... The Best Family
ولا خهالي يحاول يسيطر عليا و يقولي خلاص يا بنتي متعمليش هكا
ووليت نقولو و الله يا خالي و الله مدرت حاجة و الله حياتي كاملة و انا كافية خيري و شري والله يا خالي ولا جاء سجاد عندي و هو تاني يبكي ويقولي و الله امنتك يا براء و الله غير اسكتي و الله واحد ميستاهل تبكي على جالو قلتلو يا سجاد هدا شرفي و السمعة تاعي تبلاوني ووقفو ضدد اقرب الناس حتى يما مجاتنيش دبحونيييييييييي يا سجاد دبحوني بالحياة ولا خالي حكملي وجهي بيديه في زوج و قالي خلاص يا بنتي انا مامنك و نعل والديه الي يقربلك و لا يمسك المهم كالمي روحك راح تموتي اهدي يا بنتي وبقها بمسحلي على راسي و يبوس فيه وحضني وهدا واش كنت محتاجة حضنة و كلمة مامنك كنت محتاجة الامان ومحتاجة انسان يامني ولا رقدني في فراشي و حاكملي يدي حتى رقدت حسيتو كي غطاني
**********************
قصي يا بابا و الله محمد عندو الحق كل الي سمعو و الي شافو وانت مكنتيش تم يا بابا خواتات حسين قالو حتى لدار موالفة تجي عندهم كي تولي مرتو مكانش و تطلع ليه للبيت تاعو و انت فهمك كافي متخلينيش نهدر اكثر من هكا
جهاد ردو بالكم واحد يهدر واش صار قدام براء والله الطفلة قادرة يا تهبل و يا يحبس قلبها و لا تقتل روحها يتبع....
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
❤️💙🌺❤️💙🌺❤️💙🌺❤️💙🌺❤️💙🌺❤️💙🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺