رواية أحبك بصمت الحلقه التاسعه حصريه وجديده على مدونة أفكارنا
 |
رواية أحبك بصمت الحلقه التاسعه حصريه وجديده على مدونة أفكارنا
في منزل زياد
رفعت /اهلا اهلا بعريس الغفله اللي مرجعش البيت من امبارح
زياد /لو سمحت يابابا انا عملت اللي انت عايزه وخطبت اللي انت اخترتها في ايه تاني
رفعت /كنت فين من امبارح يابيه
اشرف/ما انا قولتلك يابابا انه....
رفعت مقاطعا /انه بساله هو يااشرف
زياد /كنت عند جدو مصطفي عشان... (وقص زياد كل ما حدث منذ للامس حتي الان )
سلوي /ياحبيبتي يابنتي..طب هي عامله ايه يازياد
زياد /الحمد لله ياماما .. انا هقوم انام مش قادر
سلوي /قوم ياحبيبي وانا هاخد اختك هدي ونروح نزورها ونطمن عليها
زياد /ياريت ... عن اذنكوا
وبالفعل ذهبت ام زياد واخته لروز للاطمئنان عليها
كما علم باسم وملك وسارة وذهبوا جميعا لروز للاطمئنان عليها وفي هذه الاثناء جاء مازن ووالده
مازن /ازيك ياانسه روز عامله ايه ؟؟
روز /الحمد لله يامازن بس بلاش انسه دي
ملهاش لزوم
مازن بابتسامه صافيه /حاضر المهم طمنيني عليكي
روز /الحمد لله متشكرة جدااا ع عملته معايا امبارح
مازن /متقوليش كده انتي متعرفيش غلاوتك عندي
يعني اقصد ان عمو مصطفي مش اي حد يعني
روز بابتسامه /اه طبعا يامازن
مازن /طب اسيبك تستريحي واقعد مع عمو شويه
ملك /احم احم ايه بقي يازوزو
مين المز ده اعترفي قوام
سارة /هههههه يخرب عقلك يالوكه
روز /اتلمي يابت ده مازن ما انتي عارفاه
جارنا وابن انكل سامي
ملك /ممممم قولتيلي
باسم /طب ايه ياجماعه احنا هنبات هنا ولا ايه
سارة /امشوا انتوا وانا هاروح لوحدي عشان عايزه روز ف موضوع
ملك بنصف عين /موضوع
لالالا انا شاكه فيكوا واكيد هاقعد معاكوا
باسم /طب انا هاروح لزياد وهاسيبكوا شويه وارجع عشان اروحكوا
وما ان سمعت روز هذا الاسم حتي انتفض قلبها وكادت عبرة تخرج من عيناها الرقيقتين والتي اهلكتها الدموع ولكنها تماسكت
سارة /ايه اللي حصل ياروز
روز ....(قصت كل شئ لصديقاتها واعز البشر الي قلبها واخذت ف البكاء الشديد الذي لا ينقطع)
ملك /اسمعيني كويس يازوزو
قدامك حلين 1:انك تتمسكي بزياد وترجعيه تاني ليكي ودي سهله لانك غاليه اوي عنده
2:هاترضي ياللي حصل وساعتها لازم تبعدي عنه عشان هاتتعبي طول ما انتي شايفاهم قدامك
سارة مقاطعه لهم /لا ياملك زياد لازم يحس بيها ومش هايحس الا لما تضيع منه وتبقي مع حد تاني
روز بحده /اسمعوا
الموضوع ده اتقفل ومحدش يتكلم معايا فيه تاني
زياد اخويا وبس
وربنا يهنيه يارب وانا هكمل وهعيش والحياه مش هاتفق عليه
سارة /بس...
روز /خلاااااااص خلصت
عند زياد ...
زياد /اييييييييه يعني مازن كان هناك
باسم /اه وانت مالك يبقي هناك ولا لا
زياد بغضب/هو فاكر نفسه ايه عشان يفضل رايح جاي وداخل خارج
باسم /طب وانت كمان ايه عشان تفضل قاعد جمبها وعينك متشوفش النوم الا لنا تطمن عليها
زياد ........
باسم /يعني سكت
زياد /انااا..انا
باسم /بس بس
رد ع تليفونك تلاقيها خطيبتك
زياد بتافف /ايوه
يارا /ازيك يابيبي
زياد /ايه بيبي دي مش حلوة
يارا /خلاص متزعلش يازوز ممكن نخرج بقي
زياد /هاشوف يايارا هاشوف
هاروح اطمن ع روز واكلمك سلام
يارا في نفسها (يووووو روز روز انا لازم اشوف حل ف الموضوع ده حاضر ياروز حاضر)
ذهب باسم وزياد لروز
زياد ببرود /احم ازيك يامازن
مازن /الحمد لله يازياد
امشي انا ياعمو واكلمك بعدين
مصطفي /مع السلامه ياحبيبي
اطلعوا انتوا ياولاد البنات فوق
زياد /مساء الخير
روز ملك سارة /يامساء النور
زياد /اللي يشوفك امبارح ميشوفكيش النهارده بسم الله ما شاء الله بتضحكي اهو
روز وقد فهمت ما يرمي اليه /الحمد لله يازيزو
باسم /انا عايز امشي بقي يلا سارة وملك
زياد /لا خليكوا معاها انا خارج اصلا
روز /مع السلامه يازياد
زياد وقد اشتعلت راسه من الغضب/لا واللهي بجد
طيب الله يسلمك
خرج زياد ولا يعرف ما ذا اصابه وما الذي يضايقه من وجود مازن او عدم وجوده
وصار بسيارته بسرعه حتي وصل ليارا دون ان يشعر
بالوقت والطريق ورسم ع وجهه ابتسامه مزيفه
يارا /ازيك ياحبيبي
زياد /الحمد لله اركبي
وصار الاثنان حتي وصل بها للملاهي كما رسمت لهم روز
يارا /الله زياد عايزه اركب دي بليز
زياد /لا بلاش اللعبه دي هاتتعبك
يارا /لا دي حلوة قوي تعالي بس
زياد /يابنتي واللهي صعبه عليكي دي روز لما ركبتها معايا اغمي عليها
يارا بضيق /لا بجد.. طيب مش عايزة اركب
اتفضل انت اختار بقي
زياد /ممممم تعالي اركبي دي
وفضلوا يلعبوا كتير قوي
وكانت يارا مبسوطه جدا في حين ان زياد رسم ابتسامته المزيفه وكأنه فرحا بوجوده معها
يارا /ااااااه انا تعبت بجد مش قادرة
زياد /طب تعالي نشرب حاجه
لو سمحت اتنين ايس شوكلت
يارا /ايه ده انت مسألتنيش حتي هاشرب ايه
افرض مش عايزه ايس شوكلت
زياد /لا واللهي
ممم متاسف اصلي متعود دايما اطلب طلبين زي بعض عشان روز دايما زؤها زي(متعمدا مضايقتها)
يارا بغضب /نعم !!!وانا مالي بزفته
وبعدين انا يارا .. يارا مش روز
زياد بغضب /انتي اتجننتي ولا ايه
انتي بتعلي صوتك عليا وبعدين ملكيش دعوة بروز ابدا ولا تجيبيها ع لسانك بطريقه وحشه انتي فاهمه
يارا وقد بدات تشعر بالخوف من نبرة زياد وملامحه التي تبدلت سريعا وكأنه وحش مفترس وسوف ينقض عليها فقررت السكوت
اما زياد فلغي الطلب وقرر الذهاب
يارا /خلاص بقي يازياد بقالي نص ساعه من ساعه ما ركبنا وانا بعتزرلك خلاص مكنتش كلمه دي
زياد /وانا قولتلك خلاص
يلا عشان وصلنا اتفضلي اطلعي
يارا /هتعدي عليا بكرة عشان نروح الجامعه سوا
زياد متسرعا لكي يفلت منها /حاضر حاضر يلا سلام
وانصرف ولكنه تذكر روز وانها تذهب معه يوميا
فخبط بيديه علي راسه قائلا /يااااااخبر ده الاتنين مينفعش يجتمعوا ف مكان ابدا طب وبعدين بقي ياربي اعمل ايه......
في منزل روز......
روز /ايوة ياجدو بس انا مش بفكر في الجواز دلوقتي
مصطفي /مازن شاب كويس اوي ياروز انا متاكد انك هاتحبيه لما تعرفيه
روز /انا عارفاه كويس وهو انسان لقطه بس معلش ياجدو انا مش هقدر ع الاقل دلوقتي (بدموع)
مصطفي /اهدي ياحبيبة جدو
انا عارف وحاسس بيكي عشان كده عايزك تبعدي عنه لازم ياروز انتي غاليه.. غاليه اوي يابنتي
روز بدموعها /عندك حق وانا كمان قررت اني لازم اتغير واعيش لانه مينفعش افضل ضعيفه
مصطفي /انا هاسيبك تفكري كويس اوي
عشان الفرصه بتيجي مرة واحده ياحبيبتي
روز /حاضر ياجدو
في هذه الاثناء سمعت روز صوت ليس بغريب عليها
فدخلت البلكونه لتجد زياد وما ارأها حتي امعن النظر لها ليجدها تنظر اليه نظرة العتاب والتي لايعرف ما تحمل هذه النظرة من معاني
روز /ازيك يازيزو
زياد /الحمد لله انتي عامله ايه دلوقتي
روز /الحمد لله كويسه جدو فضل يأكل فيا لحد ما اتنفخت ههههه
زياد بدهشه /تدوم ضحكتك الحلوة دي يارب
ز
روز /احم طب عايزاك ف موضوع
انا بكرة هاروح الجامعه مع سارة
زياد /هه ليه بقي ان شاء الله
روز /عادي يعني اصلي هاروح بدري شويه عشان في محاضرة مهمه فاتتني الاسبوع اللي فات والامتحانات قربت بقي انت عارف
زياد /ممم بجد
روز متجاهله لاسلوبه /اه بجد انا رأي تدخل تنام بدري عشان شكلك تعبان وانا كمان هاموت وانام
تصبح ع خير
ودخلت روز وظلت تقف خلف الستارة تنظر اليه ونزلت دمعه ساخنه ع جبينها قائله /سامحني
بس لازم ابعد اهدي ياروز اهدي اوعي تبقي ضعيفه
اليوم التالي تجلس روز وسارة وملك ويتبادلوا اطراف الحديث حتي ان روز تضحك ع اقل الاشياء بهستريا وكأنها تنفث عن حزنها وتبدل دموعها بضحكات حتي جاء عليهم ....
...../حمد الله ع سلامتك ياروز
روز /واو انت بتعمل ايه هنا يامازن
مازن /انا بعمل الماجيستير هنا
روز /يااااه طب كويس اتفضل اقعد واقف ليه
اندهشت ملك وسارة من اسلوبها وطريقتها
وقرروا انهم يقوموا
مازن /هما قاموا بسببي
روز /لا خالص كدا كدا كانوا قايمين
وظلوا يتكلمون في الموضوعات المختلفه حتي ان مازن ظل يروي لها الكثير من القصص والمواقف الطريفه التي تحدث معه
روز /ههههههههععهه مازن كفايه واللهي مش قادرة
(ويقطع عليها جملتها وجود زياد وجهه الذي يبدو وكأن كارثه ما قد حدثت)
زياد /لا بجد
طب هدي نفسك احسن تفطسي من كتر الضحك
ازيك يامازن انت جاي ليه
يارا/في حد يقول لحد كلمه زي دي يازياد
وبعدين سيبهم براحتهم ويلا نمشي
زياد /اسكتي انتي
مازن /انا بعمل الماجيستير بتاعي هنا يازياد
يلا بقي هامشي ونكمل كلامنا بعدين
زياد /لا لسه بدري اقعدوا وكملو ضحك عادي
روز /خلاص يازياد ما قالك هايمشي
مع السلامه يامازن
زياد /من امتي وانتي بتقعدي مع حد وبعدين فين سارة اللي انتي جايه معها ولا جايه مع البيه ده
روز ببرود /لا ابدا سارة وملك لسه ماشين
زياد /ليه بيفضوا الجو ولا ايه
يارا /وانت مالك يازياد مضايق وبتزعق ليه
هي حرة
زياد بغضب شديد /قولتلك انتي ....
باسم /بس بس بس
اهدي في ايه اول نرة اشوفك كده ازيكوا ياجماعه
انا هاخد زياد سيكه وجاي
وتركوا روز ويارا
يارا التي تنظر لروز نظرات ناريه وتود لو انها تخنقها بيديها وروز التي لا تطيق الجلوس معها وهي التي تدعي خطيبته
حتي نظرت يارا للقلاده التي ترتديها روز بتمعن وكأنها تذكرت شئ
يارا /حلوووووة قوي السلسله دي
جيباها منين
زياد /انا اللي جايبها ليها
وقد جاء زياد ف اللحظه المناسبه لانها شعرت بالخوف والتردد ولم تعرف ما ذا تقول ولكنها تنهدت عندا وصل زياد ورد عليها
يارا /ممم يعني مقولتليش انها لروز لما جيبتها
زياد /انتي مهتمتيش تسالي عشان اقولك
ويلا عشان انا هاوصلك واروح
وانتي ياروز باسم هايوصلك انتي وسااااارة لما تخلصوا.. عن اذنك.
وانصرفوا ولكن ظلت يارا مصممه ان تاخذه لاي مكان لكي تزيل عنه هذا الضيق الذي يعتريه
حتي وافقها وذهب بها الي مطعم فاخر ليتناولو الغداء
يارا /حلو اووووووي المكان ده
زياد /........
النادل /اهلا وسهلا اهلا يازياد بيه
امال فين استاذ باسم وانسه روز
زياد بابتسامه /مش معايا النهارده ياحسن
هاتيلنا......
يارا بغضب /هو انت بتجيب روز هنا كتير ولا ايه
زياد /يعني كنا بنجي مع اصحابنا ع طول
بقولك ايه ياروز انا.....
يارا مقاطعه /اييييييه
انت قولت ايه
زياد /اا ا ....
يارا /انت غلطت ف اسمي
انا مش روز انا يارا يارا
واخذت حقيبتها وانصرفت مسرعه من امامه دون النظر اليه حتي
ولم تشعر بنفسها الا وهي تمسك بهاتفها وتطلب رقم....
روز /الو مين معايا
يارا /انتي عايزه ايه بالضبط
روز / ايه ده انتي مين وازاي تكلميني كده
يارا/انا يارا ياست هانم
ابعدي عن خطيبي انا بقولك بالزوق اهو
لو مبعدتيش عنه انا هايبقي ليا تصرف تاني معاكي
انتي ايه لزقه ليه ع طول خلي عندك دم بقي وحسي
وابعدي عنه نهائي انتي سامعه
روز ..............
❤️💙🌺❤️💙🌺❤️💙🌺❤️💙🌺❤️💙🌺❤️💙🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺