رواية فستان زفاف البارت السادس عشر حتى البارت العشرون بقلم الكاتبه نورا عبد العزيز حصريه وجديده
 |
لايعلم هل ستقبل زوجته الشرسة هذا الخبر فهى تظهر شراسته امامهم وكأنها تجاربهم بكل ما اوتيها من قوة ...
يدخل غرفته ليراها تجلس على سريرها تلعب على التابلت ويسمع صوت الكيبورد ليعلم بانها تحدث ندي كعادتها
ادم: السلام عليكم
حياة وهى تنظر التابلت: وعليكم السلام
يجلس على طرف السرير الأخرى ويضع نبوته ويخلع عمته
ادم: حياة
لتترك التابلت وتنظر له اممم
ادم :اهلك جايين فنهار
لتنظر له بصمت: يوصلوا بالسلامة
ينظر لها يريد أن يقرأ عيونها ونظرتها ليرى بها هدوء على عكس ما تفعل ليقف ليدخل الحمام لتوقفه بصوتها
حياة بهدوء :ادم
ادم: نعم
حياة :انتصار جاتلى النهاردة
ادم: واااا انا مش جولتلك متجعدش مع الحرباية دي
حياة بملل وبرود: مش الحرباية دى ريحتها كانت فهدومك
لينظر لها بصدمة ويتذكر حين استنشقته
ادم :اولا ريحتها مكنتش فخلجاتى ..ثانيا دي جت الارض تعيط وعايزنى اوفج على جواز اخوها من خيتى وعملت شغل الحريم وان غشي عليها اضطرت الفحها بس
حياة بغضب وغيرة: غمي عليها وشلتها ...مخدتهاش فحضنك ليه بالمرة
ادم :هههه انتى غيرانة واااااا
حياة بسخرية: انا بغير من رجلي ..قولها متجيليش تانى عشان لو جت واستفزتنى تانى هجبها من شعرها
ادم: حاضر هجولها
حياة بغضب: لا متقولهاش انت انا هخلى سارة تتصرف
ليبتسم ويتركها ويدخل لتفكر بحدثه ومجي اهلها ولم لا تشعر بألم كما فالسابق هل اعتدت على سجنها هذا لتنسي ألمها ..هل حين اتصلت به ليس لأنها غضبت منهم بل لأنها اشتاقت لسجنها واسرها لساعات إما أنها كانت اشتاقت لفارسها الهادي رغم قسوته على الجميع
__________________
يجلس يتأملها وهى تصفف شعرها الطويل بحنان وهناك ابتسامة على شفتيها ولمعة فعيناك اهى اشتاقت لأهلها اخير وتتجهز لاستقبالهم فبيتها لأول مرة .... وهى ترتدي عباية استقبال فصلت من أجلها لا تعلم لما دائما يفصل لها ملابسها ولا يشترى لها كما يفعل لأخته هذا ليجعلها مميزة بأسلوب أخرى ..عباية لون نبتى فراشه لم تظهر من ذراعها شئ غير تلك الاساورة فعمصمها لم تظهر من جسدها اى شئ حتى نحافتها لم تظهر وهناك توج كبير الى حد ما اسفل صدر ليحدد أحد كسور العباية ترفع شعرها للاعلى لتلف حجابها ليوقفها
ادم: حياة
حياة :امممم
ادم: ممكن تنزلى بشعرك ..مفيش رجالة بتدخل السراية غيري..
لتنظر له بصمت وابتسامة خجل فهى تعشق اسدال شعرها فحرية لتبتسم له :..بجد ينفع
ادم وهو يقترب: ينفع
ليمسك طرحة شفاف خفيف خاصة بعبايتها ليضعها حول عنقها ويرفع شعرها ليسدله فوقها وهى تتأمله وقلبها يدق بقوة وكأنه سيخرج من صدرها ينتفض كما ينتفض كل مرة تراه فيها وكأنه يخبرها بأن الحب يدق على بابه وهو يستقبله بترحب وسعادة
ادم وهو ينظر لجمالها فعبايتها :خلي وياكى الحجاب ده لطؤاري يمكن الحاجة تطلب سعيد ولا حاجه
حياة: حاضر
لتسمع صوت السيارة وسعيد ينادي بصوت عالى عليه ليخبره بوصول اهلها لتركض بسعادة وذهبها الذي ترتدي يطلق نغمات وانين سعادتها ليبتسم ويقف يلف عمته بسرعة يريد أن لا يفوته مشهد استقبالها لهم
_______________
تنزل نيهال من السيارة برجل ثقيله تخشي ان تهينها اختها امامهم أو تطردها من البيت لتراه يقف فانتظارهم وعلى باب السراية الداخلى تقف خديجة
ادم بسعادة: نورت السراية والنجع كلته ياعمى
عبدالرحمن: منور بناس يابنى
ادم: اتفضلوا طلع الشنط لام السعد ياسعيد
يدخل بهم تستقبلها خديجة وسارة بالقبلات والعناق تبحث فاتن عن ابنتها ولم تراه ليبتسم فداخله عليها فهى ذهبت لوالده كعادتها تفطره اولا قبل نزولها يخرج سعيد من السراية بعد أن صعد بالشنط
فاتن بقلق من أن تخشي ابنتها تستقبلهم: امال حياة فين
ادم: بتفطر الحاج هبابه وتجى.....
لم يكمل كلمته حين يسمع صوت ذهبها الذي يصدر صوته مع حركاتها ليراها تنزل تركض بسعادة وابتسامة ...تراها نيهال تركض بسعادة تأبي أن لا تعلم اختها بحضورهم وتختفي سعادتها ...يراها عبدالرحمن تركض على درجات السلم وهى تمسك أطراف عبايتها كما تبدو جميلة ابنته حين تبتسم ليصدم حين تعانقه بقوة ..وصدمة نيهال وفاتن لا تقل عن صدمته
حياة بسعادة :واحشتنى اووووى يابابا
لتبتعد عنه بغضب: كل ده تاخير ياست ماما اكيد انتى والبت دى اللى اخرته فلبسكم انا عارفكم
فاتن بدهشة من تحويل ابنتها هكذا :ده هو اللي اخرنا
نيهال بدون إرادة تعود لشجارهم: بت فعينك متحترمى نفسك ياست موت انتى ده انا الكبيرة
حياة وهى تنكز كتفها بقوة: موت فعيناك ياكلبة
لتمسكها نيهال من اذنها وتقرصها بغضب كعادتهم: عيب تشتمى اختك الكبيرة يابت
لتصرخ بألم من قرصها يقف الجميع يشاهدها هو أولهم لا يعلم أن زوجته طفلة هكذا رغم شرستها دائما ما يكتشف بها جانب اجمل يجعله يتعلق بها أكثر
فاتن وهى تمسك راسها: بطلوا مناقرة فبعض هتموتونى
حياة وهى تفلت نفسها من يد اختها :اوعي يابت هتخلعى ودنى فايدك
نيهال :ايه يابت الذهب ده كله تعالى نخطفها ياماما ونقتلها وتبقى ريا وسكينه
حياة وهى تغيظها وتخرج لسانها لها :تخطفينى ايه ياحقودة انتى
فاتن باحراج من أفعال بناتها: معلش ياحاجة هم كده على طول والله انا مرتاحة من غيرها
حياة بحزن مصطنع: شايفه ياحاجة بيقولوا عليا ايه
خديجة :ده حياة بتى نوارة الدار والنجع كلته
لتخرج منها ضحكة خفيفة تجعله ينظر لها بحب يجلسوا معا ويدخل هو وعمه المضيفة تظل تمسك هاتفها وترسل له (انتوا بتعملوا ايه ..وبتقولوا ايه)
ليرسل لها وهو يجلس مع والدها ( بنتحدد عن حياتى )
لتبتسم بخجل لتجلس نيهال بجانب امها وتنظر لها
نيهال: بنتك مالها
فاتن: ربنا يهديها
______________
يجلس بجوار والدها وهو يرسل لها الكثير وهو يبتسم ..ليبتسم والدها عليه فهو يعلم بأنه يحدث ابنته كالمراهقين ويرسل لها رغم وجودهم في بيت واحد
عبدالرحمن. بابتسامة: انا هطلع اطمن على ابوك
ليترك هاتفه بخجل ويقف
عبدالرحمن: خليك مرتاح يابنى
ويخرج لهم وهو خلفه لتراه وتقف بوجهه احمر ليعلم عبدالرحمن بأن ابنته لم يغير شرستها معهم غير الحب الذي وقعت بيه مع ذلك الرجل الذي كانت تكره حد الموت وحرمته منها لم يغيرها ويطفي عاصفتها غير الحب الذي يفيض من تصرفاتها ولمعة عيونها العاشقه له وخجلها منه كفتاة بالمدرسة تحدث جارها وتأبي أن يراها والدها ويغضب ليبتسم عليها
تنكزها نيهال فذراعها لتبعد نظرها عنه بخجل: ايه
نيهاال: انا شايفة عصافير الحب وفراشته بتطير حولنا
حياة بخجل وهى تضربها بقبضتها فبطنها بقوة لتجعل نيهال تنحنى بألم :اتلمي ياكلبة
__________________
تخرج حياة من المطبخ وهى تحمل كاس عصير لتراه يدخل من الخارج لتقترب منه بأبتسامة كما فعل هو
حياة :انت خلصت الشغل
ادم :لا طالع اجيب جرشنات لسعيد
حياة بابتسامة :جرشنات كل الفلوس دى وجرشنات
ادم :انتى بتنجى عليا ولا ايه
حياة: لا ياسيدى مبنقش ولا حاجه ربنا يزيدك
ليقترب لاول مرة ويضع قبلة على جبينتها رغم رقته بها إلا انها شعرت أن شفتيه التحمت بجبينتها من التصقهم بها ..شعرت بقلبها يتطاير من حولها ويديه خلف راسها لتثبتها على شفتيه شعرت بفراشات وقلوب الحب تخرج من العدم حولهم ...أهذا هو شعور الحب حين يقترب حبيبها منها احساس غريب جديد عليها وعلى قلبها كل ما تعرفه عن ذلك الاحساس أنه قوي ينبع من داخل قلبها بسعادة ... لترفع يديها بتردد وتضعها على صدره لتخبره كما أحبت تلك القبلة وعشقتها تراهم فاتن وهى تخرج من المطبخ مع خديجة لتسعد فهى اخبرتها بأنها ستحب الحياة هنا ولكنها أسرت على أنه سجن والان أحبت السجن كما قالت امها ليبتعد عنها لتنظر له بخجل ووجهها زادت حمرته عن كل مرة
ادم بحنان :اشربي عصيرك ياحياتى
ليمسك يديها الماسكة بالكأس ويرفع ليرتشف منها قليل لتبتسم وترتشف خلفها بسعادة بعد أن صعد وتركها تشعر بأن العالم توقف بها هنا كما تريد أن يتوقف بها وهى بجانبه هو
لتاخذ نفسها بحب وتلف حجابها البسيط وتخرج لسارة ونيهال فالخارج تجلس معاهم فالجنينة
نيهال بشك :ايه يابت مالك حمرة كده ليه
سارة بمرح :مستحية ياخيتى
حياة :متبطلوا بقا ايه الرخامة دى
لتاتى لهم انتصار لتتذكر حديث زوجها وبأنه حذرها من الحديث معاها .....
#فستان_زفاف
البارت السابع عشر
نيهال وهى تلاحظ غضب اختها :مالك يايويو
حياة: مفيش
سارة: كيفك ياخيتى
انتصار وهى تجلس: زينه يابت عمى..كيفك يا داكتورة
نيهال: بخير
ترسل له وتخبره بوصول انتصار وأنها على وشك قتلها بعد أن تحدثت عنه ولم تكفي عن ذكره وعن شهامته وكيف حملها حين أغمي عليها ولم تخجل من زوجته..يعلم بأن زوجته الشرسة قد تقتل فعلا حين تغضب يتذكر كيف سحبته حين حديثه اختها بغضب ورمقتها نظرة قاتلة
انتصار: ادم واد عمى زينة شباب النجع كلته
سارة بغضب :استحي على حالك ياانكسار مرات ادم جاعدة
حياة بكبرياء :انا عارفة أن جوزى زينه شباب النجع ياانتصار مش محتاجة تعرفينى
انتصار: واااااا انا مبعرفكيش انا بتحدد ويا الداكتورة
نيهال بحدة: انا عارفة متنسيش أنه ابن عمر وجوز اختى
لتسمعه وهو يتنحنح خلفهم لتبتسم بخبث وتنظر لانتصار وتقف وتذهب امامه
حياة بهمس وغضب: ايه اللى جابك هنا انت عايزنى اموتهالك دلوقتى
انتصار: كيفك ياواد عمى
ادم: زين ....تعالى ياحياة عايزك هبابة
حياة بغضب منه لأنه رد عليها: انا قاعدة مع البنات
ادم بأحراج :بعد اذنكم هتهملكم هبابة
نيهال: اتفضلوا
لياخذها من يديها ويذهب لتتوقف على بعد منهم وتسحب يديها
حياة بغضب: انت عايزنى اعلى صوتى يعنى
ادم :واااا صار ايه بس يابت الناس
حياة بعصبية برود :هيقولى بت الناس انت عايز تنطقتنى وبترد على ست انكسار دى ليه ها
ليبتسم على غيرتها ونظرتها القاتلة يعلم بأنها كاللبوة الشرسة تكاد تفترس فريسة تقترب من زوجها الأسد لتسرقه منها
ادم بهدوء :حجك عليا ياحياتى وادي راسك ابوسها
ليقترب ليقبل جبينتها تحت أنظارهم ..لتبتسم بسعادة بالغة لو تعلم بأن عندما تغضب سيترك لها تلك القبلة القاتلة لقلبها العاشقة لغضبته منه على اى سبب لتنال تلك القبلة ...يثبت شفتيه على جبينتها بحنان يريد أن يخطفها وحدها ويذهب بها بعيدا عن الجميع لتبقي هى فقط من معه وعلى أرضه تبقى هى ملكه الذي لن يتنازل عنها يومآ يريد أن يضمها لصدره ليعلم كيف سيكون عناقها وماهو شعوره بعناق قلبه لمحبوبته وهل سيتوقف من السعادة حينها .....
تراهم انتصار من بعد وكيف استغرق كل تلك الدقائق لوضع قبلة على جبينتها لتغضب وترحل من السراية بأكملها بغضب وحقد من حياة تلك التي سرقت حبيبها
لتبتسم نيهال وسارة على سعادتهم ..
_________________
تدخل غرفتها بسعادة وتلاقى بجسدها على السرير بسعادة لم تشعر بها من قبل وتتذكر كيف حصلت اليوم على قبلتين منه وانتفض قلبها لتخجل وهى تضحك لتخفي وجهها فالوسادة بخجل ليرن هاتفها لتسرع وتمسكه لترى اسمه
حياة :سلام عليكم
ادم وهو يقود جواده داغر: وعليكم السلام نمتى
حياة وهى تلعب بخصلات شعرها برقة: لا مستنياك
ادم :انا هتاخر هبابة
حياة بحزن: ليه
ادم :عندى مصالح
حياة :شغل دلوقتى
ادم :معلش ياست البنات ضرورى
حياة بخجل من حديثه :ماشي متتاخرش اووى عشان الليل
ادم: انا متعود على العتمة متجلجيش عليا
حياة بنرة هادئة ومحذرة: متتأخرش عشان الليل
ادم وهو يضحك: حاضر
لتسمع صوت ضحكته لتبتسم: ادم
ادم :حياتى
لتخجل لما دائما يخجلها بحديثه ليربكها اكثر: خلى بالك من نفسك
ادم :حاضر
ويغلق معاها لتجلس فملل لتخرج وتذهب لعمها لتقضي وقتها معه
__________________
تفتح حياة عيونها بتعب لتراه يقف أمام المرأة يلف عمته لتعتدل فجلستها
حياة بصوت نائم :انت خارج
ادم: عندي مصالح ياحياة
حياة :هتتاخر زى امبارح
ادم وهو يتجه نحو الدولاب لياخذ عبايته ويرتديها :لا مهتاخرش هعاود مع اذان العصر
حياة وهى تمسك نبوته لتعطيه لها: يعنى هتتغدا معانا
لياخذ نبوته منها: اه استنينى هبابه مهتاخرش عليكى
حياة: ماشي
ليطبع قبلة على يديها بحب بعد أن أخذ نبوته منها وقبلة اخرى على حبينتها لتضع شعرها خلف اذنها بخجل تعلم بأنها عشقت تلك القبلات منه ويعلم هو أنه عشق قبلته لها التى تجعله قريب منها ليشم رائحتها الفريدة ولا يعلم لما دائما ينبع منها رائحة لا يعلم لماذا اهى ورد أما عطر
ادم: لا اله الا الله
حياة وهى تعدل له عبايته: محمدآ رسول الله
ويخرج ليدخل حمامها لتاخذ دوشها
_________________
ينزل ليجدهم يجلسوا يفطروا معا
خديجه :الفطار ياولدى
ادم: هفطر ويا سعيد ياحاجة حياة نازلةتفطر وياكم
ويرحل ويتركهم
نيهال :يلا
حياة: يلا
ويخرجوا مع سارة ليروا نيهال أرضهم وهى ترسل لها كعادتهم وتخبره اينما ذهبت ليجلسوا يأكلوا الفاكهه
نيهال :انتوا بتيجوا هنا كل يوم
سارة: اه
نيهال: المكان تحفة يريح الاعصاب و القلب
حياة بمرح :ويملي البطن
نيهال: هههههههههه افرضوا صاحب الأرض جه
سارة :دى ارضنا ياخيتى هبابة وهتلاجى ادم جاي مع الفلاحين
نيهال :اه ويويو بتاكل بمزاج بقا
حياة :متبطلي يابت انتى والله هضربك
نيهال: ده انا اللى هديكي بالشبشب
وتقف لتضربهم لتركض حياة منها وهى تضحك لتصدم بشخص ويحاوطها بيديه لتنظر وتجد حسام لتنتفض من يديه ليعترض قدمها وهى تعود للخلف لتسقط وهو فوقها ...هناك عيون كالصقر تراهم وتراه وهو فوق زوجته التى حتى الآن هو لم يكن بالقرب هذا منها ليذهب لهم ....تفزع سارة من ذلك ومن أن يراهم أحد أما نيهال تفزع فهى تعلم جيدا كيف سيكون رد اختها على فعلته ذلك..حتى وإن كان بدون قصد ...
تدفعه حياة بغضب وقوة ليسقط بجانبها على الارض لتقف وهى تنفض عبايتها من العشب والغضب يأكل وجهها وملامحها
حياة بغضب وعصبية: انت اتجننت انت ازاى تلمسنى ولا تقرب منى انت حيوان
ليقف حسام وهو يرى ادم قادم من خلفها ليبتسم بخبث: ده جزاتى انى ساعدتك يابت عمى
ليصدم حين تصفعه بكل ما اؤتها من قوة صفعة حملت كل غضبها لتترك اثر أصابعها الصغيرة على وجهه...يتوقف بصدمة من فعلت زوجته وبداخله سعادة لأنها فعلت ذلك معه حتى لا يقترب منها مرة أخرى ليعلم بانها تستطيع جلب حقها من اى شخص فهى كما اعتاد أن يقول زوجته الشرسة...
حسام بصدمة: واااااا انتى جنتى يابت.....
ليوقفه صوت قوي يحمل غضب ظاهر
ادم بغضب :حساام
لينظر له بصمت وخوف وهو يعلم من ادم وكيف يكون غضبه ليقترب منهم ليجذبها من بينهم ويجعلها خلفه
ادم بغضب: من ميتى وحسك بيعلى على حرمة
حسام: ومن ميتى ياادم بيه حرمة بتمد يدها على راجل
ادم بتحذير قوي: دى مرتى ياحسام
لينظر له بغضب وكأنه يعلمه بأن زوجته تفعل ما تشاء مادامت على حق وأن لا يتجرأ على الاقتراب منها حتى لا يتهدمه ناره هو
ليرحل من امامه تنظر له بسعادة ورجولته الحادة التى تعشقها لينظر لها
حياة بهمس وهى تنظر لسارة ونيهال :بقالك ساعة بتقولى خمس دقائق وجاي
ادم: معلش اتاخرت عليكى هبابه
حياة برقة: ههههههههه هبابه بس قولت هبابتين ثلاثة
ادم وهو ينظر لرقتها وجمالها تحت ضوء الشمس الذهبية الساطع على وجهها وعيونها حجك عليا ياحياتى
حياة: اممممم هتروح معانا ولا لسه شوية
ادم :لا ماهعاودش وياكى
حياة بحزن وهى تقوس شفتيها للاسفل: ماشي
لتاتى سارة ونيهال
سارة :احنا هنعاود للسراية
ادم: استنى خدي حياة وياكى
نيهال :خليها قاعدة أصلها ماكلتيش فاكهه كانت بتاكل بنى ادمين
لتضحك سارة عليها ويرحلوا ليجلس مع التجار اسفل شجرة وسعيد يحضر لهم الشاي ..بين الحين والآخر يسرق نظرة عليها وهى تجلس اسفل شجرة أخرى على العشب الاخضر تأكل فاكهه بشراسة وحب وهى تنظر عليه لتخجل من نظراته وتضع أطراف أصابعها على شفتيها وهى تاكل بخجل ليبتسم
___________________
تجلس فاتن. خديجة يتحدثوا عن حياة وادم
خديجة: نفسي والله ياحاجة اشيل عيالهم
فاتن باحراج فهى تعلم بأن ابنتها مازالت عذراء: أن شاء الله ياحاجة قريب
خديجة: انا جلجانه ليكون في بنتهم مشاكل فكرت نوديهم لحكيمة تكشف عليهم
فاتن بفزع: لالا اكيد مفيش حاجه من دى أن شاء الله خير وقريب نفرح بعيالهم
خديجه: يارب ياحاجة
تفكر فاتن فحديثها وان يجب أن تتحدث مع ابنتها بأن تقبل به وخصوصا انها ترى سعادتها ولكنها تخف من ابنتها في موضوع كهذا قد يشعل عاصفتها مرة أخرى
تدخل حياة عليهم وهى تخلع حجابها: سلام عليكم
خديجه :وعليكم السلام يابتى فين ادم عاود وياكى
حياة: اه مع بابا برا
خديجة: ماشي
___________________
ينام في سريره بتعب من ارهاقه وتلك المسئوليات التى تزيد عليه يومآ بعد يوم ليشعر بيديها الصغيرة على راسها تختلط بخصلات شعره ليفتح عيونه
ادم بتعب :حياتى
حياة برقة: مالك ياادم شكلك تعبان
ادم: لا انا زين اتعودت على ده
حياة وهى تلعب بخصلات شعره بحنان: سلامتك ياادم سلامتك
ادم بتعب:حياتى عايز انام بهدوء مش جادر
لتنام بجانبه بهدوء وتضم راسه لصدرها :طب نام انا مش هزعجك خالص
ليبعد راسه عن صدرها ليضمها هى لصدره بشغف وحب: انتى مش ازعاجي ياحياتى انتى راحة بالى
لتلف ذراعيها حول خصره بأشتاق وحب :تصبح على خير ياادم
لتنام فحضنه لأول مرة تشعر بدقات قلبها القوية لتعلم بأنها تريد أن تبقى فحضنه باقي عمرها
_________________
يجلس يرتشف الشاي مع والدها ليصدم حين يراها تدخل من الخارج تبكي لاول مره يري دموعها بعد أن ابتسمت ليفزع هو وعبد الرحمن .......
#فستان_زفاف
البارت الثامن عشر
ليقف وهو يترك كوب الشاي ويمسك نبوته
ادم :حياة
لم تجيب عليه وتصعد لغرفتها
عبدالرحمن بصوت عالى: حياة
لم تجيب على أحد لتدخل نيهال وسارة خلفها
عبدالرحمن: حصل ايه يابنات حياة مالها
نيهال بغضب: بابا والله لو مسكت الزفته دى هموتها هى مالها ومال حياة
ادم :هى مين
سارة :ست وفاة انكسار
عبدالرحمن: مالها عملت ايه لحياة
نيهال بسخرية: قال أيه قال مرات عمى هتخلى ادم يتجوز عشان يخلف عشان هى مبتخلفش
ليصدم وينظر لها
سارة بغضب: ادم انت لازم توجفها المحروجة دي بجيت بترمي حديد ماسخ زيها
ادم بهدوء :عن اذنكم
ويصعد فهو الآن لم يستطيع فعل شئ ومحبوبته تبكى فالاعلى وقلبه ينبض أو بمعنى أدق ينزف دموع عليها يدخل لغرفته ليراها تجلس على السرير تبكي وتشهق ..لتضع يديها على وجهها تخفي دموعها ليضع نبوته ويجلس بجانبها
ادم بحنان :حياتى
حياة ببكاء كالطفل :ادم انا مش ارض بور ولا عقيمة
ادم وهو يمسح دموعها بأنامله بحنان: انا خابر ياحياتى ..وحجك هجبهولك وهكتملك حسها ده للابد
حياة بضعف: ادم
ليضمها له وهو يرجع شعرها خلفها ظهرها بيديه وهى تتمسك بيه بحب وحنان
ليترك لها تلك القبله التى عشقتها لكن يضعها الان فوق شعرها وهى فحضنه لتنبض قلبها
___________________
يجلس ادم مع عمه ورجال العائلة صفوان بأكملها
حسام: يعنى ايه
ادم: جولت ايه ياعمى
عبدالرحمن: على خير الله
ادم: يبقى هنجراا الفاتحه الخميس الجاي وانا هحدد كبير عيلة الدهشوري واكيد عليه المعاد
حسام: مهتاخدش راي العروس ولا ايه
ادم بحدة :من ميتى وفى حريم بيجولوا رأيهم
ليوافق الجميع ويعود حسام لمنزله ليري اخته
انتصار بفزع: ها كان عوزك ليه
حسام ببرود :ادم حدد معاد جرايت فاتحتك وكتب كتابك يوم الخميس الجاي
لتنظر له بصدمة: ايه
حسام بعصبية :جولتلك بعدي عن مرته ده نابه ازرق مصدجتنيش استحملى بجا
ويدخل لغرفته ويتركها فصدمتها
___________________
تجلس فغرفتها تسمع اغنية #ملكة_الاحساس_لاليسا
(وانت معايا وانت قصادي بنسي كل الناس ..الكلام يطلع من قلبى مش كلام وخلاص..وانت معايا وانت قصادي بنسي كل الناس .. الكلام يطلع من قلبى مش كلام وخلاص...
قلبى بيفرح عينى بتسرح حاسة بمليون حاجه جميلة حاسة معاك انك خليتنى ملكة الاحساس...انا حبيبى انا عايشه بحسك انا بفتح اغمض احسك ولما تجبلى شوية ورد يبقى طايرة ومش على الارض ...وانت معايا نفسي حبيبي اخدك واجري بعيد الضحكة الحلوة اللى فوشي انت سببها اكيد......قلبى بيفرح عينى بتسرح حاسة بمليون حاجه جميلة حاسة معاك انك خليتنى ملكة الاحساس........)
ليدخل عليها الغرفة ليراها تجلس تندد مع الأغنية وهى تبتسم يعلم أن والده لم يخفي عنها الأمر كما أخبره
ادم :سلام عليكم
حياة: وعليكم السلام ورحمه الله وبركاته
ادم باستغراب: واااااا شكلك فرحانة
حياة: انت تكره
ادم: لا ياست البنات ده انا اتمنى
لتقترب منه وهو يتأملها وهى ترتدي عبايتها الصفراء وشعرها على ظهرها و احدي الضفيرتين الصغار على شعرها المفروض
حياة برقة :اتاخرت ليه كل ده مع الرجال
ادم: معلش ياحياتى حسام كان معارض هبابه
لتنظر لساعة يديها :بابا جه من نص ساعه كنت فين
ليضحك عليها وعلى دقتها لتنظر بابتسامته بحب لترفع يديها للحيته ليتشنج جسده من لمستها له
لتنظر له وهى تريه يديها
حياة :انت كلت درة
ادم بأبتسامة: انتى ميستخباش عنيك حاجه واصل
حياة وهو تنظف لحيته برقه: متوسخش نفسك تانى وانا يستخبي عنى
ادم بحب وهو يتاملها ويديها تتحرك على لحيته بحنان :انا هعفن حالي على طول
حياة :يبقى مش هيستخبي عنى حاجه
ادم وهو يمسك يديها بيديه: لا مشان انتى تنضفينى بحالك وبيدك
لتنظر له بخجل ووجهها تورد باللون الاحمر ولمعت عيونها وقلبها يدق ..ينحنى ادم ليطبع قبلة على يديها لترفع يديها الأخرى لتضعها على كتفه الايسر بحب وابتسامة
حياة بابتسامة وحب :هم هبابه مشان تتسبح امال
لينظر لها ولهجتها ليبتسم بحب لها ويدخل للحمام
________________
تنزل حياة صباحا وهى تمسك طرف عبايتها التركواز لترى انتصار تتشاجر مع خديجة
انتصار: انا ماهتجوزهوش ياحاجة
خديجه :هتكسري كلام ادم ورجاله العيلة كلتها
حياة بكبرياء وابتسامة :صباح الخير ياحاجة
خديجة: صباح النور يابتى
انتصار :اااااه جولى كده بجا انتى اللى خلتيه يعمل كده صوح
حياة :من امتى وادم بياخد أوامر من حد ...ثم انا هعمل كده ليه
انتصار: مشان عارفه انى .....
لتصمت
حياة بغرور :انك ايه عيناك على جوزى
انتصار بغضب: ماشي ماشي ياحياة
وتخرج بغضب لتبتسم حياة ليرن هاتفها لتنظر لخديجة بخجل
حياة: عن اذنك ياحاجه
وتذهب بعيد لترد عليه
حياة :ادم
ادم: اتوحشتك جوى
حياة بخجل: احم وانت كمان
ادم: اتوحشتك
حياة :اه هترجع امتى
ادم :مخابرش بس لو اتاخرت اجهزى انتى واطلعى مع الحريم
حياة :ماشي
ادم :انا بعتلك خلجاتك ودهباتك
حياة بفرحة :وانا ناقصة دهب ولا هدوم
ادم: اتحلي بيهم معايزش حد من الحريم يشوفك اتحليتى بحاجة مرتين
حياة بهمس :ربنا يخليك ليا
ادم بدهشة: وااااه جولتى ايه
حياة بخجل: بقول خد بالك من نفسك
ادم بابتسامة :ماشي بس مستحيش جدام حد مشان بتكونى كيف البدر المنور
حياة: ههههه حاضر
ويغلق معاها وبدون وعي تقبل الهاتف بحنان
__________________
يعود للسراية ليخبره سعيد برحيل النساء ومعهم زوجته ليزفر بضيق أراد أن يراها بعد أن تزينت يعلم بأنها ستكون الاميرة اليوم يصعد لغرفته ليجد ملابسه على السرير وعليهم ورقه يقرأ ( البس دول هتكون كيف البدر ...ههههه هيبقوا حلوين عليك ومتتاخرش عليا ..حياتك) ليبتسم عليها بسعادة ويدخل حمامه لياخذ دوشه ويرتدى ملابسه بحب فهو من جهزتهم بيديها يشم رائحة عطرها بيهم ليبتسم ويذهب يقف مع والدها يستقبل اهل العريس ليرحبوا به ومن حين لآخر يرسل لها ولكنها لم تجيب ليشعر بضيق لم تتجاهله هكذا لأول مرة ...
__________________
تقترب من انتصار بابتسامة وتعطيها عقد ذهب كبير مميز
حياة :مبروك ياعروسة
انتصار بغضب: شكرا
تريد أن تقتلها الان فهى سرقت حبيبها وبسببها تزوجت من اخر
__________________
يرحلوا أهل النجع ويدخل الدار وهو يتنحنح مع عمه
ادم وهو ينظر للارض: احم احم سلام عليكم
خديجة: ادخل ياولدى
ليدخل بعد أن وضعت كل منهم حجابها ماعدا زوجته ليراها تقف بجوار سمر لينظر لها بصدمة ودهشة من جمالها وهى ترتدى عبابتها ذات اللون الاوف وايت بتطريز ذهبي من اسفل الصدر وفراشه وكأنه و يخشي أن يرى احد جسدها ولا حتى تفاصيل ذراعيها وتلك العقد الضخم الذهبي الموضوع على صدرها وسلسلة كبيرة طويلة تصل بتطريز العباية على شكل مصحف واساور يدها التى تحمل فكل يد ما لا يقل عن عشرة اساور سميكة وسلسلة صغيرة بالكاد تلتف حول عنقها النحيف على شكل قلب وحلق اذنها الكبير الذي يأخذ شكل زهرة طويل يصل لاقرب اكتافها وشعرها المسدول على ظهرها وكتفها الأيمن ...يظل يحقد بها بنظره وهى تتفحصه فهى اخترت له عباية بيضاء فوق أكتافه وجلابيه سوده وعمته ونبوته ولحته كم يبدو وسيم زوجها
ليشير لها بعينه لتفهم قصده وتغطي راسها ليدخل حسام ووالدها
انتصار بغضب وهى تراه يتفحص حياة: خلاص ارتحته أكده
حسام بحدة: همي ياانتصار امال عريسك مستناكي
انتصار بغضب: ماشي
وتخرج معه ليخرج الجميع خلفها لتركب مع عريسها سيارته والجميع خلفها ليوصلوها لبيت زوجها ويعودوا للسراية
فاتن: كان يوم جميل
عبدالرحمن :فعلا ربنا يسعدها
يصعد الجميع لغرفهم أما هو يقف مع سعيد يخبره ببعض الأعمال ويصعد لها ليراها تجلس أمام التسريحة تخلع ذهبها
ادم :سلام عليكم
حياة وهى تقف :وعليكم السلام
ادم وهو يضع نبوته: عجبك العرس ..حد ضايجك
حياة: اه كان جميل ..لامحدش ضايقنى لو كان حد ضايقنى عارف كنت هعمل ايه
ادم وهو يقترب منها: هتعملى ايه خبرينى..هتاكليه
حياة :ليه مسعورة قدامك
ادم: لاااااا هتعمل ايه
حياة برقه :كنت هصوت وألم الناس وانت بقا تجبلى حقي
ادم بحنان: وحجك على راسي من فوج واجبهولك لو فبطن الحوت بنفسه
حياة برقة :ربنا يخليك ..عجبتك الهدوم
ادم وهو ينظر لملابسه :احلى خلجات لبستها فىحياتى من حياتى
حياة :شكلك حلو فيهم شوفت لما دخلت علينا الستات كانت بتبصلك ازاى
ادم وهو ينظر لها بحب: لا مخابرش مطلعتش فيهم اطلعت على حياتى بس كانت كيف البدر تماما
حياة برقه وهى تنظر له: بجد يعنى شكلى كان حلو
ادم وهو يقرب راسه منها ولم يفصل بينهما شئ :جد الجد .ما تجيبي هبابه
لتنظر له بخجل ويتورد وجهها لتدير نفسها وتعطيه ظهرها :سي ادم انا بستحي
ليديرها له وهو ينظر لها :سي ادم من ميتى
حياة: الحاجة قالتلى اقولك كده عشان عيب اقولك ادم حاف قدام الناس
ادم بحب :لاااااا انا عايزها ادم وبس على الأجل بينتنا وبين الخلق خليها سي ادم
حياة :امرك
ادم بابتسامة: وواااااا انتى اتعلمت كتير بجا
حياة :امال ايه
ليقترب منها ليقبل جبينتها بحب لتضع يديها على صدره باستسلام لينظر لها ويجدها مغمضة عيونها لينحنى وهو ينظر لشفتيها يريد أن يتذوقهم وتلذذ طعمهم ..ولكن مازال القدر لا يريد ذلك ليبتعد عنها قبل أن يفعل حين يسمع صراخ امه فالخارج ..........
#فستان_زفاف
البارت التاسع عشر
يخرج يركض بفزع وهى خلفه ومازالت بملابسها وعبابتها
ادم بفزع :وااااا صار ايه ياحاجة
ليرى والده يأخذ نفسه بصعوبة وشهيقه وزفيره يخرجان ويدخلان بصعوبة ليخرج بسرعه
ادم بعصبية من الاعلى: يام السعد انتى يام الزفت
ام السعد: امرك يابيه
ادم :ابعتى سعيد يجيب داكتور بسرعه همي امال
ليدخل لوالده ويحاول أن يداك له صدره بحنان تقف هى بخوف بعيدا وتمسك فاختها كما تخاف ان ترى امامها أحد مرضي وعلى وشك الرحيل
عبدالرحمن بخوف :الدكتور اتاخر ليه
ادم: مخابرش
فاتن :اهدي ياحاجة خير ان.......
لم تكمل جملتها حين تسقط حياة مغمي عليها من نيهال ليفزع الجميع اهم ينقصهم خضه عليها ليركضوا لها ليحملها ويدخلها غرفته
نيهال :روح انت يادم هى هتبقى كويس
ادم بقلق وحيرة بين والده وحبيبته :هتبجى زينة
نيهال: اه متقلقش
ليذهب وقلبه يؤلمه بخوف عليها ياتى الدكتور ويكشف عليه
ادم :خير يا داكتور
الدكتور: انا حذرت من كده انا قولت أن لازم يروح المستشفى وقولتوا لا لو مكنتش لحقته كان هيجيله سكته قلبية ويموت بعد الشر
عبدالرحمن: أن شاء خير وهناخد بالنا منه
الدكتور :عن اذنكم
ويرحل ومعه سعيد يجلب له الدواء ليدخل غرفته مع اذان الفجر ليراها تجلس على السرير تنتظره وهى ترتدي بيجامة قطن بنص وشعرها على ظهرها
حياة بلهفه :ادم عمه كويس
ادم بتعب: بجي زين ادعيله
حياة :ربنا يشفيه
يجلس على السرير بهدوء ويعود براسه للخلف بتعب ويغمض عيونه بتعب ليشعر بيديها وهى تخلع له حذاءه ليفتح عيونه وينظر لها وهى جالسه على الارض اسفل قدمه
ادم: انتى بتعملى ايه
حياة: خليك مرتاح شكلك تعبان وانا هجبلك هدوم
لتقف لتذهب ليمسك معصمها لتنظر له ليجذبها لها لتجلس على السرير بجانبه
ادم بتعب: لو عايزنى ارتاح صوح خليكى جارى
حياة :انا جنبك اهو هجيلك هدوم بس عشان تغير هدومك
لينام وياخذها فحضنه بقوة
حياة :ادم هتنام بهدومك
ادم وهو يغمض عيونه :مجادرش اتحرك ياحياة خلينى انام وارتاح
لتستسلم لرغبته وتنام فحضنه بتعب
__________________
يجلس مع أمه فغرفتها
خديجه بصدمة :يعنى ايه ...يعنى ايه لازم بت
ادم: يعنى ياحاجة متتحددش فموضوع الحكيمة ده تانى انا لسه ملمستهاش
خديجه بعصبية: وطبعا هى اللى مانعك مش أكده
ادم: لا مش اكدة انا اللى بعاود كل نهار متاخر وتعبان بتسبح ونام
خديجة بغضب: وناوي تدخل عليها ميتى ياولدى لما تشب
ادم :جريب ياحاجة جريب
خديجة: النهاردة
ليخرج وهو يحدث: لا جولت جريب لكن ميتى مخابرش
ويغلق الباب خلفه لتزفر بضيق منه
___________________
تجلس مع سارة فغرفتها
سارة :انا جرات الرواية جميلة
حياة: تحبي تاخدى واحدة تانيه
سارة: ياريت
حياة وهى تعطيها روايه: دى هتعجبك
سارة: انا عايزة اطلب منيكى طلب ومستحية
حياة :لا متكسفيش اطلبى
سارة: انا عاوزة أجرا مجالات عن الحرمة
حياة باستغراب: مقالاتى متنفعش ليكى
سارة: انا ماهعملش بيها انا هجراها بس
حياة :ماشي
وتعطيها بعض المقالات لتقراها لتخرج ويرن هاتفها
حياة: ادم ولا اقول سي ادم
ادم: التنين منيكى شهد
حياة :هههههه انت فين
ادم :فالمركز
حياة بفزع :يالهههوى بتعمل ايه فالقسم ياادم .. وقبضوا عليك ليه عملت ايه
ادم: ههههه واااااا براحة هبابة عليا ..ده جبضوا على اللى ضرب نار على حياة
حياة بدون فهم: انا محدش ضرب عليا نار
ادم بغضب: واااااا حد يستجرا يعملها ده انا اشرب من دمه ابن المحروج قبل مايعملها محدش يعملها وااصل طول ما فيا نفس
حياة برقة :ربنا ما يحرمني منك
ادم بهدوء :ده الفرسة بنت سلطانة.
حياة: اااااه وهتتاخر على كده
ادم :مخابرش ياحياتى
حياة: متتاخرش انا اخترت رواية نقرأها سوا
ادم بحب: مهتاخرش مسافة الطريج واكون حداكى
حياة: ههههه ماشي
وتغلق معه
__________________
عشقت ما لا تحب تؤمن هى بأن لا محبة الا بعد عداوة لكنها لم تعلم بأنها ستعشقه هكذا
تفتح عيونها بتعب لتراه يخرج من الحمام بعد ان أخذ دوشه
ادم :صباح الخير
حياة وهى تفرك عيونها بتعب: صباح النور
ادم :همي امال مشان الفطار
حياة :انت مش خارج
ادم :لا جاعد
حياة :اممممم قولتلى
ادم :همي الفطار جهز
وينزل للاسفل وتنزل هى بعده بدقائق
خديجة بهمس: دخلت ياولدى ولا لسه
ادم: ياحاجة لما ادخل هجولك بكفياكى حديد
خديجة: بكفياكى حديد ياولدى انت داخل على ٤ شهور جواز
ادم: مبسوط ياحاجة
ويتركها ويخرج يجلس فالخارج مع سعيد
وتجلس هى فغرفة سارة معاها هى واختها
سارة :يعنى هتعاودوا بكرة
نيهال: اه
حياة: احسن هنرتاح
نيهال :اه ياكلبة بدل ما تقوليلى خليكى شوية
حياة: خليكى ايه ده انا لو طولت اطردك هطردك
نيهال: كده كده ماشي ياجميل مصيرك تندم
حياة وهى تخرج: مهندمش ياخيتى
لتضحك على اختها ولهجتها
_________________
يصعد لمعرفتها ويدخل ليجد الاضواء مغلقه والتلفزيون شغل وهى تجلس على الأريكة تشاهده وتبكي ليذهب اتجاهه وهو يترك نبوته ليجلس بجانبها
ادم: وااا الجمر بيبكي ليه
حياة ببكاء :اصل الين ماتت
ادم وهو يمسح دموعها بحنان :الين مين
حياة وهى تشير على التلفزيون: مراته
لينظر ليراها تشاهد كرتون اب وتبكي كطفل صغير ليضمها لصدره وهو يضحك على طفولتها
ادم: خلاص متبكيش تانى واصل
ليرفع راسها فوق صدره لتتقابل عيونهم ليمسح دموعها بحنان بأنامله لتنظر له بحب وحنان وهو يتأمل دموعها وعيونها ليضع قبلة على جبينتها بحنان
حياة برقة وصوت منبوح: ادم
ادم بهدوء :امممم
حياة: انت هتفضل جنبك لحد ما اكبر زى الين وفريد
ليبتسم عليها: انا هفضل جارك العمر كلته ياحياتى حتى بعد ما اموت هتفضل روحي حولك وجارك
حياة بغضب وهى تنكزه فكتفه :بعد الشر عليك ياحبيبى.....
لتصمت بدهشة وخجل وكيف نطقتها لتحنى راسها فوق صدره بخجل ينظر لها بحب وقلبه ينبض بقوة وينتفض من كلمتها كما أراد أن يسمعها منها من قبل انتظرها طويلا
ليرفع راسها له وهى تساندها على صدره لتنظر له بخجل لتصدم حين تشعر بشفتيه تحتضن شفتيها بحنان ورقه لتفتح عيونها على اخرهم بصدمة وينبض قلبها بقوة لدرجه انها شعرت أنه سمع صوت دقاته ...ينتفض وكأنه يخترق صدرها ليخرج لحبيبه ...تغمض عيونها باستسلام لتبادله القبله بخجل لينحنى قليلا وهو لم يفصل قبلته لتشعر بيديه أسفل قدميها ليحملها على ذراعيه ويقف ليبتعد عنها
لتنظر له بخجل
ادم بحب وعيونه تكاد تدمع من السعادة :حياتى
حياة برقه وهى تمسح تلك الدمعه الهاربة منه لتدل على سعادته بها :عيون حياتك
لا يعلم كيف ينطقها أو يسألها إذا كانت تريده لا يريد ان يفعل شئ يفضلها ويبعدها عنه
ادم باحراج وقد احمرت وجنته الاول مرة :تجبلى تكونى مرتى
حياة بابتسامة: هههههه امال انا ايه مانا مراتك
ادم بحزم :حياة
لتفهم بانها تزيد من احراجه وخجله الذي تراه لأول مرة
حياة وهى تنظر لسرير بخجل :هتفضل واقف كتير متعبتش انا تقيلة
لينظر لها باحراج ليفهم بأنها تتهرب من سؤاله لأنها لا تريده ليذهب تجاه السرير ويجلس على ركبته على الارض ويضعها على السرير بحنان ويكاد أن يقف لتمسك يديه
حياة: ادم انت هتجوزنى من غير دبلة
ادم: حداكى خاتم عرسك
حياة :طب مش هتلبسهولى
ادم بحنان وهى يجلس على طرف السرير بجانبها :كان نفسي بس شكلك محباش تلبسيه دلوجتى
لتبتسم له بحب وتمد يديها له
ادم: ايه ده
حياة بحب وخجل: لبسهولى
ادم وهو ينظر لعيونها بهمس: حياة
حياة بخجل وهى تنظر للاسفل: وبعدان ياسي ادم متطلعش فيا كده انا بستحي
ليبتسم بسعادة ويقبل جبينها لتمسك فذراعه بقوة وخجل ...........
____________________
تجلس خديجة ترتشف الشاي الاخضر مع اذان الظهر ليرن هاتفها باسم ابنها الذي لم ينزل من غرفته اليوم على عكس عادته يصلى الفجر فالمسجد ويذهب للمزرعة
خديجه بلهفة: خير ياولدى منزلتش ليه لحد دلوجتى انت مرضان
ينام بجوارها وهى فحضنه ورأسها على صدره العاري وشعرها مفرود بجانبها على الوسادة وذراعه.الاسفل راسها غارقه فنومهاوعلى جسدها الغطاء الحرير لم يظهر منها غير راسها فقط
ادم بسعادة :انا زين ياحاجه ابعتلى فطار متين بس
خديجة: ليه ياولدى انت مرضان ومهتنزلش
ادم :لا ياحاجة انا زين خلى بس ام السعد تحط صنية الفطرة على الباب وانا هبجي اخدها
خديجة وهى تنظر حولها :انت دخلت ياولدى
ادم: اه ياحاجة ومتفضحنيش الله يخليكى .....
ليسمع صوت زغاريط امه من الاسفل من قوتها بعد أن أغلق الهاتف ليبتسم وكأنه لم يخبرها بشئ لينظر لها بحب ويبعد تلك الخلصة المتمردة دائما من فوق جبينتها لتفتح عيونها بتعب وهى تحرك راسها بهدوء بالغ
ادم :صباحية مباركة ياحياتى
حياة بخجل وهى تخرج ذراعها العارى من الغطاء لتمسك به الغطاء بقوة: الله يبارك فيك
ليبتسم على خجلها الزائد ليدير جسده ومازال ذراعه اسفل راسها ليمد ذراعه الآخر ليحضر دبلتها من الكمودينو ليمسك يديها بحنان ويضع الدبلة فخنصرها ويضع عليها قبله لتتأمل الدبله بسعادة وكأنها اخيرا تزوجت من حبيبها ونضجت وخرجت من حياة الفتاة المراهقه التى تعشق زميلها من خلف الناس والان اصبحت زوجته ...لتمسك دبلته وتضعها فخنصره لتقبل جبيبنته بحنان ليبتسم بسعادة
_________________
فاتن: بتزغرطى ليه ياحاجة فرحينى معاكى
خديجة :يام السعد انتى يام السعد
لتاتى لهم
خديجة :عايزكى تحضرى فطار ملوكى فطار عرايس ياولية من كل حاجه فطير وعسل وجبن ولبن ومربي وكل اللى خيرات وتطلعلى تحطي جدام اوضة سيدك ادم على الباب وتنزلى فاهمه
ام السعد: امرك ياحاجه
خديجه: همي يامرة
فاتن بشك: هو فى حاجه عند ادم
خديجه: واااااا هى بتك مجالتلكيش ولا ايه
فاتن :قالتلى ايه
خديجة :تعالى جربى الحيط له ودان جربى افهمك
___________________
تخرج من الحمام وهى ترتدي روب الاستحمام لتسمع صوت زغاريط امها وأمه ومعهم سارة ولم يتوقفوا عنها
حياة باستغراب :هو في ايه كل ده عشان ماشيين
ادم وهو يعانقها من الخلف بسعادة :لا مشانك ياعروسة
حياة وهى تبتعد عنه بتذمر :انت قولتهم ايه كده هنزل ازاى بقا
ادم :واااااا هو حرام ولا ايه ده حلالك ياحياتى مستحيش ياست البنات
حياة :ازاى بقا بعد اللى هم عاملينه تحت ده المعرفش عرف
ادم وهو يملك وجهها بيديه: متجلجيش انتى مهتنزليش النهارده واصل هتضلى ويايا
حياة بخجل: انا كده مش هنزل خالص
ادم: هههههههه
__________________
ينزل عبد الرحمن من الاعلى على صوتهم
عبدالرحمن :خير
فاتن :انا مش هروح النهاردة خلينى اسبوع كمان
عبدالرحمن :ليه
فاتن: بعدان ياعبده
ليدخل عليهم .......
#فستان_زفاف
البارت العشرين
ليدخل عليهم سعيد يحمل الكثير من الشنط وخلفه سمر
وهى تطلق زغاريط بسعادة
سمر :فين عروستنا الحلوة
خديجه :هههههه تعالى يابتى اجعدى
وتجلس معاهم
___________________
يضع صنية الفطار على السرير امامها
ادم: يلا مشان تتغذى
حياة :ايه كل ده
ادم وهو يقطع الفطيرة ويغمسه فالعسل ويطعمها بيديه :عشان تاكلى وتشبعى
حياة وهى تضع يديها على فمها: ههههههههه طعمه حلو
ادم: الف هنا على جلبك ياحياتى
حياة: انت هتفضل تاكلينى كده مش هتاكل انت
ادم :لما انتى تاكلنى اكنى كلت وزيادة هبابة
حياة: طب كل طيب
وتطعم بيديها لينظر لها بحب وياكل منها ليفطروا معا وتجلس تقرا له رواية ورأسه على فخدها كالعادة
حياة: ادم
ادم: امممم
حياة :مش هتنزل لشغلك
ادم :فى عريس ينزل ويهمل عروسته يوم صباحيتها
حياة بابتسامة: يوم صباحيتى روحت تولد سلطانة
ادم :هههههه النهاردة صباحيتك وادينى جارك اهو
لتترك الكتاب وتلعب بخصلات شعره الناعم
حياة :ادم انت ليه اتجوزتنى
ادم بهدوء: عشان عوايدنا هنا البت لابن عمها
حياة: كان عندك انتصار بت عمك بردو
ادم :عايزنى اتجوز واحدة طمعانة فمالى وارضي وعارف انها مهتصنيش
حياة :طب مانت اتجوزت واحدة متعرفهاش
ادم :بس خابر ان عمي ربها زين ومهتطمعش فمالي وارضي
حياة :ادم انت ازاى كده
ليعتدل فجلسته وينظر لها: يعنى ايه
حياة بحب: يعنى ازاى كده ازاى خلتنى اقبل المكان هنا واتنازل عن كل حاجة بحبها ..ازاى خلتنى اول ماخرجت من هنا اتصلت بيك ترجعنى لمكان المفروض انى كارهه
ادم بحب: انا معملتش حاجه تستاهل تجوليلى انت ازاى كده انا معملتش حاجة غير انى حبتك بكل مافيكى عيوبك قبل مميزاتك حبتك بكل جوتى اللى عندي لدرجتى انى بجيت احس انى جلبي بيدج فصدرك انتى مش صدرى انا
لتبتسم له بحب وشغف وتقف لتقبل جبيبنته بحنان ليمسكها من خصرها ويجعلها تجلس على قدمه لتبعد شفتيها الصغير عن جبينته وتسند جبينتها على جبينته ويديها تتحسس لحيته بحنان تريد أن تحفرها فذاكرها
حياة وهى تسند جبينتها على جبينته: انا بحبك اوووى ياادم خليك معايا متسبنيش
ادم وهو يمسك وجهها بيديه: انا مهملكيش وااصل ياحياتى ..انا بحبك اكتر من حالى واكتر من اى حاجه فالعالم مهملكيش وااصل انتى حياتى ياحياتى
لتبتعد عن جبينته وتعانقه بقوة وتلف يديها حول عنقه ليلف يديه على خصرها ويبادلها العناق وهو يغمض عيونه بحب
___________________
ينزل من الاعلى وهو يرتدى عمته وعبايته ويمسك نبوته بيد ويمسكها بيديه الأخري وهى تنظر للارض بخجل منهم منذ ثلاث ايام وهى لم تنزل من غرفتها
خديجة :واااااا الدار نورت يابتى .جربى اجعدى جاري
لتنظر له بخجل
ادم: براحة هبابة عليها ياحاجة دى مستحية من حالها
لتنكزه فذراعه بخفه
لتترك يديه وتذهب لتجلس بجانبها
ادم :انا طالع هبابه ياحاجة
خديجة: زين ياولدي
ويخرج لتنظر خديجة لها
خديجة وهى تطبطب على كتفها :واااااا ليه يابتى الاستحياء ده مجلجيش مهنتحددش فاللى صار يابتى
حياة بخجل: ماما مشيت
خديجه :هههه لا لسه مطلعتش من اوضتها
حياة: ماشي
__________________
يجلس فالارض مع عبدالرحمن لياتى له الفلاح
الفلاح: المحاصيل يابيه
ادم: زين وزعها على التجار بس هاتلى هبابة مانجا زينه وحلوة
الفلاح: امرك
عبدالرحمن: حياة بتحب المانجا
ادم بهدوء :مانا هخدهم ليها
عبدالرحمن بحنان :ربنا يسعدكم يابنى ورزقكم بالذرية الصالحة
ادم بحب وهو يتذكرها ويتذكر ملامحها :امييييين ياعمى
لياتى لهم حسام وكعادتهم يتشاجره
عبدالرحمن :هو بتكلم على حق ايه
ادم بتعب :حجه فالارض اللى انا شريها بحر مالى بتعبى ياعمى ...كل مرة يجول ان له فيها
عبدالرحمن: ربنا يهدي يابني
ادم :ده شايف ان له حج فالسراية كمان ....مع انك خابر زين ياعمي أن الحاج دفع لك ولعمي مهران تمنها
عبدالرحمن: سيبك يابنى منه ده الغل والحقد يابنى
ادم: ربنا يهدي
___________________
يعود لسراية ليستقبله سعيد وهو يسرع له ويحمل منه الشنط ...ويدخلها من الباب الخلفي للمطبخ ..ليري حياة تجلس تحت إحدى اشجار الحديقة وتقرا احدي كتبها ليذهب لها
ادم: حياتى
لتسمع صوته وتقف وهى تنفض عبايتها الزرقاء من العشب
حياة بابتسامة عشقها بجنون :حمدلله على سلامتك
ادم :الله يسلمك ياحياتى
حياة :رجعت بدري النهاردة
ادم: وجبتلك حاجه بتحبيها
حياة :جبتلي ايه
ادم: تعالى شوفيها
وتذهب معه
ادم: بتجري من غيري
حياة بأبتسامة: هبقى احكيلك ونكملها سوا
ادم :زين زين
وتدخل معه لتصدم.........
الفصل الحادي والعشرين والثاني والعشرون والثالث والعشرون من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
❤️💙🌺❤️💙🌺❤️💙🌺❤️💙🌺❤️💙🌺❤️💙🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺