رواية إذا هذا هو الحب الفصل الثاني بقلم زهرة الربيع حصريه وجديده على مدونة أفكارنا
 |
رواية إذا هذا هو الحب الفصل الثاني بقلم زهرة الربيع حصريه وجديده على مدونة أفكارنا
قالت بزهول...يتربى في عز مين...مين دي يا ايهابايهاب بلع ريقه بارتباك شديد وقال.... شاهيناز انتي اطلعي يا حبيبتي ده موضوع تافه كده وهحله
شاهيناز قالت بزهول ...اطلع ده ايه مين دي... هيه قالت حامل صح حامل انا سمعت صح
حسين هز راسه بالموافقه
وايهاب بصله بحده
رجع هز راسه بالرفض بخوف منه
بس اماني قالت بسرعه... لا سمعتي صح انا مرات ايهاب وحامل في ابنه هجيب له بيبي
شاهيناز حطت ايدها على بقها بصدمه شديده
وايهاب قال بسرعه ما تصدقيهاش دي كذابه وبتوقع بينا انا هحكي لك اللي حصل بالظبط بس ارجوك اهدي
شاهيناز قالت بغضب شديد.... اهدى ازاي انت سامع نفسك بتقول ايه...انت اتجوزت عليا ومراتك حامل وعايزني اهدى ..طبايه رايك بقى انا مش قعدالك فيها اشبع بالهانم
و طلعت بسرعه على اوضتها لسه هيحصلها بس اماني مسكت ايده وقالت بسرعه... استنى هنا رايح فين احنا لسه ما تكلمناش
ايهاب سحب ايده بغضب وقال... اسمعي يا بت انتي عشان انا روحي بقت في مناخيري خلاص لو جايه عشان تقلبي لك قرشين وتمشي قولي دغري انا ما عنديش مشكله لان انا مش هصدقك ولا هصدق ان اللي في بطنك ده ابني حتى لو كنتي حامل بجد
اماني قالت بحزن مصطنع... كده برده ده جزاتي اني باقيه على الحب اللي بينا
ايهاب قال بغضب ونفاذ صبر ....حب ايه وهباب ايه ده انا عرفتك المغرب اتجوزتك العشاء سبتك ومشيت الصبح
اماني قالت بسرعه.... طب وايه الغريب انا حبيتك على الساعه 12:00 كده
ايهاب بص لها بغيظ شديد وغضب وطلع على اوضتو ورا شاهيناز وهي قالت بصوت عالي عشان تسمعه... طيب انا هستناك هنا بقى عشان ابنك عايز ابوه
وقعدت على الكنبه تستناه وبصت لحسين اللي كان واقف بزهول من اللي سمعه
وقالت وانت واقف متنح ليه دي امور عائليه ولا عائليه قريبتك من ناحية الام
حسين قال بسرعه ...لا ما اعرفهاش
اماني قالت بضيق.... طب يلا يلا اتفضل امشي مش ناقصه بلاوي على الصبح
حسين مشي بسرعه و هو مستغرب قوي ان ايهاب اتجوز على مراته
عند ايهاب كان بيحاول يمنع شاهيناز انها تمشي وبيقول يا حبيبتي انتي تسيبي بيتك ليه انا همشيها حالا والله انا ما اعرف حاجه عن اللي بتقوله ده ولا اعرف انها حامل
شاهيناز قالت بغضب شديد... اتجوزتها ولا لا
بقلم...زهرة الرببع
ايهاب حمحم وقال .....اتجوزتها ماشي ..بس بس الموضوع كان حوار كده ولو تهدي احكيه لك ما فيش بينا اي حاجه
شهيناز قالت بغضب.... انا مش هسمع اي حاجه وهمشي حالا ومش هرجع هنا الا لما تطلق البنت دي وتمشيها فهمت
ايهاب قال بسرعه.... طب انت خليكي هنا وانا همشيها فورا اديني فرصه هروح اطلقها وامشيها
شاهيناز قالت بضيق.... طيب نص ساعه بالكتير وتطلقها والا هاسيب لك البيت وامشي
ايهاب اتنهد بارتاح وقال ....تمام.... ونزل بسرعه عند اماني اللي كانت بتشرب شاي وقدامها طبق فيه سندوتشات كثير و قالت اول ما شافته ....تعالى بسم الله.... على فكره الخدامه عندكم بخيله قوي قولتلها تعمل لي سندوتشين مع الشاي عملتهم جبنه قال انا سيباها في البيت علشان الاقيها هنا ..كل ما يكون الواحد غني كل ما يكون بخيل سبحان الله
ايهاب بصلها بغضب وقال... قومي معايا يلا هنروح على اقرب علشان اطلقك يلا
اماني بصتلو بدهشه وقالت... لا والله طب ليه مقولتليش كنت عزمت صحابي.. انت بتستعبط ...انا مش هينفع اتطلق منك بقول لك انا حامل
ايهاب قال بغضب.... لا والله انا ايه اللي يضمنلي انك حامل وايه اللي يضمنلي انه ابني اصلا
اماني قالت بسرعه وغضب.... لا احترم نفسك واتكلم عدل فتحت الشنطه طلعت منها تقرير يثبت حملها وديته له وقالت ده اللي يثبت لك اني حامل اما بالنسبه للي يثبت لك اني حامل منك فانت المفروض تعرفها لوحدك يا باشا ولا انت ناس انك اول واحد يقرب لي وكمان الحمل من ثلاث شهور يعني من نفس الليله اللي كنت معايا فيها ومع ذلك لما يوصل البيبي تقدر تحلله وتتأكد مش همنعك
ايهاب مسك الورق بزهول كان متخيل انها كذابه ومش حامل اصلا وجايه علشان تساومو على فلوس قعد الكنبه بصدمه وقال.... يا نهار مش باين له ملامح.... طب وبعدين في الورطه دي
وبصلها وحمحم وقال....مدام اماني انا قولتلك لما كنا سوا يعني اني متجوز وبحب مراتي مش هينفع استغنى عنها ومكنتش احب اتجوز عليها ابدا يعني اللي حصل بينا ده كانت لحظه ضعف مش اكتر
اماني ضحكت جامد وقعدت جنبه وقالت... انت خلاص اتجوزت عليها واللي حصل حصل وبعدين يا سيدي مدام بتحبها كده انا ما عنديش مانع من وجودها مش هقول لك طلقها علشاني ولا علشان ابنك... يلا بقى قول لي انا هقعد فين
ايهاب بص لها بتعب وقال.... انتي اتحذفتي عليا منين ...بقول لك مش هينفع مراتي مش قابله بيكي خالص هنا
اماني بصت لو بضيق وقالت... والمطلوب يعني عايز ترميني انا وابنك في الشارع علشان ما تزعلش ست الحسن
ايهاب مسح على وشه بضيق منها وقال ....اكيد مش هرميكي في الشارع انتي ارجعي على الاوتيل اللي كنا فيه ليلتها وانا هاجي لك هناك ونتفاهم
اماني ضحكت جامد وقالت.... اه فهمتك وفهمت التفاهم كمان ..اسمع بقى انت عارف ان انا ما ليش اي حد هنا مش هقدر افضل لوحدي وانا حامل يمكن تحصلي مشاكل في اي وقت... انا هقعد هنا لو مراتك بتحبك وسامحتك واتقبلت وجودي هنفضل سوا في نفس البيت ما عجبهاش الوضع هيه حره تمشي هيا بقى انا مراتك زيي زيها وليا حق عليك ولا الحق عليا يعني اني جيت لك كده بالزوق من غير ما اطلبك في بيت الطاعه
ايهاب بصلها بزهول وقال....بيت الطاعه
اماني قالت بسرعه ....اه بيت الطاعه دول ثلاث شهور ما سالتش عليا فيهم ممكن اجيبك على ايد محضر على فكره
ايهاب رغم غضبو لكن كان عايز يضحك على كلامها وقال...طيب يا اماني انتي جايه ناويه على مشاكل اصلا واضح جدا.... تمام اطلعي فوق الاوضه اللي على الشمال وانا هحاول احل الموضوع
اماني اخذت شنطتها وقالت..... تمام الشمال مش كده
ايهاب قال بضيق... ايوه اتفضلي
اماني غمزت وقالت ...حاضر ...تموت انت في الشمال
ايهاب لطيفها بدهشه وظهرت ابتسامه على شفايفه من كلامها وقال ...ايه البت المجنونه دي.... ربنا يستر الايام الجايه
وبلع ريقه وقال... هطلع اقول لها ايه بس دلوقتي يا رب استرها معايا انا اي نعم زباله لكن انت رؤف بعبادك
وطلع على اوضة شاهيناز بس ما كملش 10 دقائق وخرج جري من الاوضه وقفل الباب بسرعه وهيه بتزعق وبتشتم وبتحذف حاجات كتير على الباب وقف جنب الباب بتوتر وقلق وقال... يا شاهي اعقلي الحاجات اللي بتكسريها دي غاليه عيب عليكي
شاهيناز قالت بصراخ وغضب من جوه.... مش عايزه المحك مش طايقه اشوف وشك يا خاين يا حيوان
ايهاب اتنهد وقال.... طيب يا قلبي انا هرجع لما تكوني هديتي شويه علشان نعرف نتكلم
شاهيناز قالت بغضب وصريخ.... بقول لك غور من هنا مش عايزه اشوفك ولا اسمع صوتك
ايهاب اتنهد بيأس وراح على اوضه اماني بضيق شديد دخل وما لقهاش في الاوضه وسمع صوت الميه في الحمام...اتنهد وقعد على السرير وهو حاطط ايديه على دماغه ومش مصدق اللي حصل معاه
بعد شوبه خرجت اماني من الحمام وهي بتغني وتدندن بس شهقت بخضه لما لقيته في وشها وحطيت ايدها على صدرها وقالت ...بسم الله الرحمن الرحيم
ايهاب وقف وهو بيبصلها باعجاب شديد طانت لابسه لبس نوم خفيف وشكلها قمر بس اتحولت نظراته لاشمئزاز لما قالت....يخربيتك خضتني ...مش تكح ولا تعطس ولا ترجع حتى
ايهاب اتنهد بخنقه وقال... انا فعلا عايز ارجع....بصي عارفه من غير اي حاجه ومن غير كلامك الجميل ده مش طايقك وهاين عليا بجد في اللحظه دي اخنقك بايدي اجيب اجلك ...فتوزني كلامك كده وتراجعيه وتحلليه حتى تقوليه مفهوم
اماني رفعت شفتها بضيق وقالت...وعلى ايه يا غالي روح عند مراتك الثانيه هيه تحلل لك ...انا تخصص اشعه مش تحاليل
ايهاب بصلها بخنقه وقال...لا مهو البركه فيكي جننتيها على الاخر ومش طايقه تشوفني يا رب ترتاحي
بقلم....زهرة الربيع
اماني ضحكت جامد وقالت وهي بتمشط شعرها
....ااااااه بقى هي طردتك وجاي تقرفني انا
ايهاب قرب منها وشدها من دراعها بغضب وقال..... ايه يا بت طردتك وتقرفني دي ما تتكلمي عدل انت ليه قليله الادب
اماني قربت منه وحاوطت رقبتو بايديها وقالت بدلال ..اصل في واحد قبل كده قال لي احلى حاجه فيكي قله ادبك
ظهرت ابتسامه على شفايف لان هو اللي قال لها الجمله دي قربها ليه اكتر وبص لعيونها وقال بارتباك..... اه ما هو انتي حلوه وقمر وكل حاجه بس لسانك عايز قصه... سيبي لي انا الطلعه دي ...وقرب منها اوي
بس دفعته وبعدت بسرعه وقالت وهي بتضحك.... امسك نفسك يا باشا ولا نسيت اننا هنتطلق انا هفضل هنا لحد ما اولد وامشي ....يعني تقدر تعتبرني مش موجوده
ايهاب قعد على طرف السرير وقال ....ما هو احتمال تبقى في مشكله...شاهيناز مش موافقه على وجودك هنا اصلا
اماني شهقت وووووو
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺