رواية إذا هذا هو الحب الفصل الثالث والرابع بقلم زهرة الربيع حصريه وجديده على مدونة أفكارنا
 |
رواية إذا هذا هو الحب الفصل الثالث والرابع بقلم زهرة الربيع حصريه وجديده على مدونة أفكارنا
ما هو احتمال تبقى في مشكله...شاهيناز مش موافقه على وجودك هنا اصلا
اماني شهقت بردح وقالت.... نعم دخلها ايه ان شاء الله انت جوزي زي زيها بالظبط
ايهاب اتنهد بخنقه وقال.... اماني انتي اكتر واحده عارفه انك مش زيها انا ما اتجوزتكيش لاني عاشق عيونك... انا قدمت لك خدمه وكان المفروض تشكريني عليها ...مش تيجي تعملي لي بلوه مع مراتي
اماني ضحكت جامد وقعدت و هيه بتلعب بالمكياج وبتجرب منه وقالت.... والنبي ايه ...قدمتلي خدمه ما اخذتش قصادها حاجه
ايهاب حمحم وقال...احم اللي اخذته ده حقي انا كتبت عليكي وخلاص بقيتي مراتي وحقي
اماني قالت بسرعه ....بالظبط... انا كمان حقي اني احمل واجي هنا بيت جوزي لانك كتبت عليا خلاص
بقى اسمع يا ايهاب بيه انا مش جايه هنا علشان سواد عيونك وكملت بدال وقالت...ولو انهم قم...ر واللي ما يعشقهمش ما عندوش نظر
ايهاب ضحك بخفه على كلامها وقال ...انتي اصلا مش طبيعيه والله مجنونه عشان كده انا مستحملك ليس على المريض حرج
اماني ابتسمت وقالت.... انا قصدت اقول لك يعني ان انا مش قاصده اخرب لك حياتك ولا حاجه انا كنت بجد ناويه اطلع من حياتك نهائي بس من ايام تعبت جدا ورحت اكشف وعرفت اني حامل و طبعا انت عارف ظروفي واني قاعده لوحدي وانت اكيد مترضاش افضل قاعده لوحدي كده ويمكن بالليل تجرالي حاجه ...هو ده مش ابنك ولا انت مش عايزه
ايهاب بص على بطنها وقال ....لا طبعا اكيد ابني عايزه هو ولد ولا بنت
اماني ضحكت وقالت.... لا لسه ما يبانش دلوقتي بس اول ما يجي الوقت هاخدك ونروح سوا ونعرف ...انت عايز ايه ولد ولا بنت
ايهاب ابتسم وبص لملامحها باعجاب شديد وتاه في جمال عيونها وقال ...عايز حاجه كده تشبهك مش مهم بقى ولد ولا بنت
اماني ابتسمت بكسوف ونزلت عيونها وهو خد باله لكلامه و بعد عنها وقال..... قصدي يعني المهم يبقى شكله جميل كده على العموم سيبك من ده كله يلا نامي عشان ما تتعبيش كفايه عليكي المواصلات النهارده
بقلم...زهرة الربيع
اماني ابتسمت وقربت منه من خده برقه وقالت.... تصبح على خير
لسه هتبعد جذبها بين ايديه بقوه شديده وقرب منها جامد وقال بهمس.... بقول لك ايه انا مش قادر انسى الوقت اللي قضيتو معاكي في الاوتيل....خلينا نعيده انتي كده كده لسه على زمتي ..بجد انا نفسي فيكي قوي
اماني بعدت عنه بخفه وقالت....تؤتؤ... انا عايزه انام يا باشا تعبانه جدا تصبح على خير
قالت كده وراحت نامت على السرير هو بقى يحاول ياخد نفسه وبيبص لها باعجاب شديد لحد ما نامت
راح نام جنبها وبقى يفتكر كلامها وخفه دمها مشي ايده على بطنها بالراحه وابتسم وشدها لحضنه ونام هو كمان بارتياح
في صباح يوم جديد قاموا من النوم هم الاثنين بخضه على صوت زعيق وصرخه جامده
بصو قدامهم لقوا شاهيناز واقفه بتبص لهم بغضب وقالت بزعيق...و كمان نايم في حضنها انت يومك مش معدي النهارده
اتنهدو بارتياح وايهاب قال ...حد يعمل كده يا شاهيناز خضتيني حرام عليكي
اماني وقفت بغضب وقالت ....سيبك من الخضه اصلا هي ازاي تدخل علينا الاوضه كده
ايهاب قال...صحيح كنتي خبطي الاول لو مصحناش تدخلي تصحينا بهدوء ده انا قطعت الخلف
اماني بصتلو بغيظ وقالت.... اسكت انت
شاهيناز قالت بغضب شديد...وانتي بقى شايفه نفسك مين علشان اخبط واستاذنك
اماني قالت بوقاحه ....شايفه نفسي واحده نايمه مع جوزها ده احنا لابسين الهدوم قبل الفجر على طول يعني لو كنا نسينا كنتي تدخلي كده تلاقينا متقشرين
شاهيناز شهقت بزهول وطلعت جري على اوضتها
ايهاب وقف بدهشه وقال بسرعه.... لا لا لا استني شاهيناز والله ما اتقشرنا انا لسه بقشرتي اهوه ....و لسه هيجري وراها اماني مسكت ايده وقالت بغضب..... تعالي انت رايحه وراها ليه..ولعدين حد يتجوز واحده اسمها بوتاجاز هيه ناقصه حرايق
ايهاب قال بغضب شديد.... بوتاجاز يولع فيك يا بعيده اشوفك يوم ...استني عليها دقايق بس وهرجع اقشرك مظبوط
وجري وراها بسرعه
زماني قعدت على السرير وضحكت وقالت.... لا ولسه
ايهاب راح ورا شاهيناز وقال ...شاهي حبيبتي برده تصدقي واحده زي دي قاصده توقع بينا
شاهيناز قالت بغضب وزعيق ...انا شوفتك نايم في حضنها
ايهاب قال بسرعه لا ابدا دي هيه اللي كانت في حضني وبعدين انت اللي مشيتيني من هنا اروح فين يعني....والله دي كانت غلطه وانا ما خنتكيش انا اتجوزتها
شاهيناز قالت بغضب....لما تتجوز من ورايا تبقى برضو بتخوني
ايهاب قال بسرعه...ماشي معاكي حق تزعلي بس انا والله اتجوزتها علشان اساعدها كان معاها حوار كده وكنت بساعدها فيه والله انت عارفه ان انا بحبك قوي.....ده انا حتى كنت عاملك مفاجأه فاكره الشاليه اللي انتي كان نفسك فيه وقلت لك مش وقته كنت بخلص لك الورق بتاعه
شاهيناز التفتتلو و لمعت عيونها وقالت ب...جد ولا بتحايلني
ايهاب قال....انا امتى كذبت عليكي كلها ايام ويبقى باسمك
شاهيناز قالت بسرعه.... يومين اتنين لو ما بقاش باسمي واثبت لي فعلا انك عايزني مش هقعد هنا ابدا
ايهاب ابتسم بتوتر وقال.... اكيد هخلصه ... هي صحيح الشركه حاليا مش احسن حاجه يعني للمبلغ ده هيأثر عليها .بس مش مشكله ما يغلاش على عيونك المهم متبعديش عني تاني
شاهيناز ابتسمت و قربت منه وقالت.... انت كده فعلا بتثبت اني غاليه عندك وان البنت دي مجرد غلطه وهتطلع من حياتنا مش كده
ايهاب ابتسم وقال... اكيد غلطه وهصلحها و...بس قطع كلامه لما سمع صوت صراخ شديد من اماني اتنهد وقال ....وبعدين في اليوم ده ...ثانيه واحده بس يا روحي
قال كده و راح يشوف اماني وهي قفلت الباب وابتسمت بخبث و قالت... برافو عليا
وعند اماني كانت قاعده على السرير بتبكي وحاطه ايدها على بطنها
ايهاب قرب منها وقال بقلق ....في ايه مالك يا اماني
اماني قالت بدموع بطني بطني وجعاني قوي يا ايهاب اااه
ايهاب قعد جنبها بسرعه وحط ايده على بطنها وقال بلهفه ...ليه حاسه بايه فين بالظبط بيوجعك
اماني ثبتت ايده على بطنها وقالت....هنا هو
ايهاب لسه هيتكلم رفعت ايده وحطتها على قلبها وقالت بدلال.... وهنا كمان
ايهاب بص لها بدهشه وهي بصت لعيونه جامد وقالت... تسمع عن الحب من اول عشوه
ايهاب ضحك بخفه وقال ....لا ده جديد عليا كانوا بيقولوا في حب من اول نظره
اماني قالت بدلال اكبر....تؤ... اول عشوه ...فاكره لما كنت في المطعم بعيط وقعدت معايا واتعشينا سوا ودفعتلي حساب المطعم عشان مش معايا فلوس
ايهاب ابتسم وقال ... دي حاجه تتنسي هو الواحد كل يوم هيقابل واحده مجنونه يكون معاها مشكله تروح تطلب اكل مش معاها تمنه ويبقو مشكلتين
اماني ضحكت وقالت.... اهو انا وقتها حسيت احساس حلو قويييي
ايهاب قربها ليه اكتر وبص لعيونها وقال ...حسيتي بايه
اماني قربت منه جامد وقالت... حسيت بمغص شكلك ما كنتش مسامح في ثمن العشوه
ايهاب اتقلبت ملامحه لدهشه وهيه ضحكت جامد عليه وقالت
...عارف عيبك الوحيد ايه انك بتصدق اي حاجه تتقالك
ايهاب قال بغيظ....انا الحق عليا اللي قلقت عليكي وجيت اساسا
اماني ابتسمت وقالت.... بس انا مش بتكلم عن قلقك عليا انا اقصد انك بجد غلبان وبتصدق اي حاجه يعني مثلا جريت ورا مراتك وصدقت انها مجروحه مع ان لو اي ست مكانها وفي الوضع اللي هي فيه ده اول حاجه هتعملها انها تمشي ومتقعدش دقيقه واحده مش تفضل مستنياك تصالحها
ايهاب قال بضيق....انتي اصلا متعرفيهاش شاهيناز دي حساسه و طيبه جدا جدا
اماني اتنهدت وقالت.....والله ما حد طيب واهبل غيرك... شغل دماغك دي بدل ما انت نايم في ميه البطيخ كده ...لو كانت بتحبك كا....
ولسه هتكمل جاله تليفون وطلع في البلكونه وقال....ايوه يا ماما.... انا كنت لسه هكلمك بخصوص الموضوع ده لان عارف ان جواسيسك هنا في البيت هيقولوا لك
بقلم...زهرة الربيع
وسمعها شويه وقال....ما فيش حربايه تانيه ولا اي حاجه الحكايه ان دي بنت غلبانه جدا ويتيمه واهل والدها من الصعيد كانوا عايزين ياخدوها على هناك علشان متفضلش لوحدها وهيه كانت حابه تكمل تعليمها وتفضل هنا في بيت ابوها فقالت لهم انها متجوزه ...وانا لقيتها بتعيط في مطعم وحكتلي اللي حصل وطلبت مني اتجوزها ليوم واحد لحد ما يجوا يتاكدوا ويمشوا بس فضلنا يوم في الاوتيل ومشينا
ايهاب سمعها شويه وحمحم بحرج وقال.... يا ماما ده نصيب هي طلعت حامل اعمل ايه يعني...احنا بيتنا ليله واحده في الاوتيل كانت نفسيتي وحشه قوي كنت منفصل عن شاهيناز وقتها وهنتطلق ما كانش عندي امل ترجع لي... اللي حصل حصل بقى
وسمعها شويه وضحك وبص لاماني اللي كانت قاعده على السرير بملل وقال ....اه حلوه ....حلوه ومجنونه
طيب يا ماما هكلمك بعدين
ودخل بص لها وقال ....حماتك حابه تشوفك بتسأل عنك
اماني قالت ..بجد والله ده انا اشرف طبعا
ايهاب ابتسم وقرب منها وقال.... طب ايه بقى هتسيبيني اروح اقعد مع ضرتك شويه ولا هتتشاقي وتجيبيني تاني على ملى وشي لو مش هتعقلي قولي علشان قطعت الخلف انهارده
اماني قربت منه قوي وبقت في حضنه وقالت.... لا فطرني الاول مش هتفطرني عشان النونو ياكل ولا هتسيبه جعان
ايهاب ابتسم وشدها لي بقوه وبص لعيونها وقال... لو هتردي على سؤالي هفطرك
اماني ابتسمت وقالت... اتفضل
ايهاب قرب منها قوي وقال... جيتي هنا ليه... اوعي تقولي لي علشان الطفل اللي في بطنك و مش هعرف اقعد لوحدي والكلام ده مش مصدق اي حاجه منه
اماني نزلت عيونها بعيد عنه وقالت.... جيت عشان حبيتك ووو
#الرابع اماني نزلت عيونها بعيد عنه وقالت.... جيت عشان حبيتك
ايهاب بصلها بزهول شديد و هيه قربت اكتر وقالت.... حبيتك من اول نظره... من اول ما تكلمنا و لما تعشينا ولما اتجوزنا وسهرنا سوا وفضلت تحكي لي عن حياتك..و لما قربت لي كل حاجه حصلت يومها فكراها بالحرف
ايهاب اتصدم قوي بكلامها وكان بيبص لها بدهشه
بس اماني ضحكه جامد ضحكه مصطنعه وقالت....مش بقول لك بتصدق اي حاجه
ولسه هتقوم شدها بقوه بقت بين ايديها وبص لعيونها وقال... في حاجات لازم تتصدق بتبقى طالعه من القلب وباينه في العيون مهما حاولنا نكدبها
اماني بصتلو بارتباك شديد وبعدت عنه وقالت بحزن...فيه حاجات حلوه كتير في حياتنا بس مش شرط تكون من نصيبنا ....يلا نفطر
ايهاب ابتسم ومسك كفة ايدها باسها الحنيه وقال ....بس في حاجات حتى لو مش من نصيبنا بتفضل اجمل حاجه حصلت في حياتنا ...وانتي من الحجات دي يا اماني...وحتى لو مشيتي من هنا بعد الولاده هتفضلي في بالي...وهفضل اجي على طول عشان اشوفك انتي و ابننا اكيد
اماني ايتسمت ودموعها بتلمع في عيونها وقالت... انا بتمنى تكون مبسوط في اي مكان يا ايهاب ..مش شرط معايا خالص المهم تبقى مرتاح
ايهاب قرب عليها ومشى ايده على شعرها بحنيه وقال...لحد ما ظهرتي في حياتي كنت فاكر اني مبسوط ...كنت فاكره اني مرتب اموري وكنت فاكر اني بحب....بس اذا انا فعلا كنت بحب امال ايه اللي انا حاسه معاكي ده
اماني حاوطت خدوده بايديها وقالت.... لو كنت اعرف كنت جاوبت نفسي
ايهاب ابتسم وهو بيبص لعيونها وقرب منها قوي في لحظه جميله جمعتهم سوا ومشاعر متبادله نسيوا فيها الدنيا كلها
بعدو عن بعض وهي كانت مكسوفه ومنزله عيونها رفع وشها ليه وقال ...مش لايقلك الكسوف ابدا يا مجنونه
وقرصها من خدها وقال.... العيون دول مش بيليقلهم غير الشقاوه مظبوطه على عيونك بالملي
اماني ابتسمت وقالت بدلال..... انتي لسه ما شوفتش حاجه من الشقاوه يا بقلاوه.... يلا عشان تفطر
ايهاب ضحك واخذها ونزل بيها بالراحه علشان حملها
عدى اسبوع وزياده كل يوم بيقرب منها اكثر خصوصا ان شاهيناز رافضه تنو يروح عندها او يكلمها الا لما يمشي اماني
فكان بيقضي اغلب وقته معاها وطلعو اكتر من مره واشتروا مستلزمات للبيبي وحاجات كتير اولادي وبناتي... وراح معاها عند الدكتور وكانت اجمل لحظه عدت عليه يوم ما شاف صوره البيبي على الجهاز
كانت اوقات جميله جدا قضوها سوا واماني كانت مبسوطه جدا جدا انه معاها ومبسوط بالطفل
في يوم كانت اماني في الاوضه ومستنياه يرجع من الشغل زي العاده وجاتلها مكالمه ردت وقالت... ايوه يا مدام عزه اخبارك ايه
وسمعتها شويه وقالت...لا هو لسه في الشغل
بقلم زهرة الربيع
وسمعتها شويه واتنهدت بحزن وقالت.... زي ما احنا بيهتم بيا زياده وبيقرب لي وامورنا تمام... بس انا مش عارفه اذا كان الاهتمام ده عشاني ولا عشان الطفل....و بالنسبه لها زي العاده اي حاجه بتقولها بيعملها ...كان لازم تسمعي كلامي من الاول لازم نقولو انها بتضحك عليه وبتسرق الشركه من وراه
وسمعتها شويه وقالت....طيب بصي انا هحاول المحله للموضوع النهارده ومتقلقيش عليه مش هيكون لوحدو انا معاه وهعمل اللي اقدر عليه عشان ابعدها عن حياته واخليه يصدق انها بتخونه وبتسرقه ده اللي انا جيت علشانه اصل
بس سمعت صوته بره قفلت معاها بسرعه
ايهاب دخل بسعاده وقال ...ايمي...شوفي جبت لك معايا ايه وطلع فستان جميل جدا ليها وقال..... اول ما شوفته متعلق حسيته كانه اتصنع ليكي انتي بالذات هو ده اللي هيليق قوي ...على التفاح المستوي
اماني ضحكت بسعاده ومسكته منه كان باللون الاحمر قربته منه وكان شكله جميل وقالت.... تسلم لي بجد جميل والله مش مصدقه انك افتكرتني وجبت لي فستان
ايهاب ابتسم وقال..طبعا فاكرك وكل دقيقه كمان....وقريب هجبلك حجات احسن واغلى معلش انا بس الفتره دي عندي مشاكل ماديه في الشركه
اماني ابتسمت وحطت الفستان على السرير بالراحه وقربت منه وقالت.... انت عندي اغلى من اي حاجه انت متعرفش انا مبسوطه قد ايه الفتره دي اننا يعني سوا وقريبين
ايهاب شدها ليه بقوه وقال.... انا مبسوط اكتر منك بقربك ...قربك حلو قوي يا اماني انا خلاص قررت مش هطلقك ابدا هنفضل سوا حتى بعد ما تولدي هنربي ابننا سوا
اماني ابتسمت بسعاده وقالت.... طب وشاهيناز
ايهاب ابتسم وقال... و فيها ايه البيت واسع ولو رفضت وجودكم في نفس البيت قعد كل واحده في مكان
اماني اتنهدت بضيق وبعدت وقالت ...انا كنت عايزه اكلمك بخصوص حاجه كده في موضوع شاهيناز انا عارفه طبعا انها مراتك واول حب ليك بس.... بس في حاجات لازم تعرفها
ايهاب قرب منها قوي وقال..... انا بجد مش عايزك تقلقي بخصوصها انا مستحيل استغنى عنك انا بحس معاكي باحساس لا يمكن استغنى عنه... اي كلمه وايه لمسه منك بتعيشني في دنيا حلوه قوي دنيا بسيطه خاليه من التعقيدات والشغل والفلوس عمري ما عشتها قبل كده ولا هعيشها غير في حضنك وبس ضميني بقى
امانيىفتحت ايديها وعيونها بتلمع بالسعاده وقلبها بيدق جامد من كلامه الجميل وهي بتحس انه طفل جدا ومكانه الحقيقي فعلا بين ايديها ...حضنته جامد وقالت... انا ربنا رضي عني وعوضني بيك انا جاهزه افضل معاك عمري كله في اي مكان بس...
لكن قطعت كلامها لما الباب خبط
ايهاب اتنهد وبعد عنها بالعافيه وراحت فتحت وكانت شاهيناز وقالت بضيق.... ممكن تنزل ثواني عايزاك في موضوع مهم
ايهاب قال...تمام هاجي وراكي
و بص لاماني وقال...دقيقه بس راجعلك على طول
ونزل ورا شاهيناز
واملني ضربت رجلها في الارض بغضب وقالت....وبعدين بقى في الحاله دي اقوله ازاي الله يسامحك يا مدام عزه
بس اتنهدت وقالت...هو انا هقعد هنا واسيبيها تستفرد بيه ده انا هتشل لحد ما يطلع
وجريت اخدت الفستان اللي جابهولها ودخلت تلبسه وطلعت شكلها جميل قوي نزلت عشان تشوفوا راح فين ويشوف الفستان عليها
لقيته قاعد على الكنبه وحاطط ايده على دماغه قربت منه وقالت باستغراب ....ايهاب...في ايه
ايهاب رفع عيونه ليها وكانوا بيلمعوا بالدموع وفتح التليفون بتاعه وحطو على الطاوله قدامها
اماني لسه هتتكلم سمعت تسجيل ليها من التليفون بيقول... ما تقلقيش يا مدام عزه انا هعمل اللي اقدر عليه علشان اكرهه فيها واخليه يصدق انها بتسرقه ده اللي انا جايه علشانه اصلا
اماني اتجمدت مكانها بصدمه من اللي سمعته
وهو وقف قدامها وووو
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺