رواية نجمه القاسم بقلم رنا احمد عماد البارت الثامن حتى البارت الثالث عشر والاخير حصريه وجديده على مدونة أفكارنا
 |
رواية نجمه القاسم بقلم رنا احمد عماد البارت الثامن حتى البارت الثالث عشر والاخير حصريه وجديده على مدونة أفكارنا
في فيلا زهران .
في غرفه قاسم ونجمه..
كانت تنظر إلي شاشه الهاتف بصدمه قاتله هل تراه بالفعل أمامها هل زوجها عايش زوجها تلك اللقب الذي قد انتقل منه الي اخيه الان كيف حدث ذلك ما هذا الكابوس لتتحدث بدموع وانهيار .
/انا اكيد بحلم مش ممكن تكون عايش ي طاهر .
طاهر بضحكه شيطانيه /ههههه لا ي روحي ده مش حلم دي حقيقه انا فعلا عايش وهكون عملك الاسود في حياتك جحيمك الي هتشوفيه علي الارض مش انتي وبس لا وكمان حماتي المصونه الي نهايتها هتكون علي ايدي انا .
نجمه بصدمه وصراخ /امي مالها ومالك وانت ازي تخبئ عني وتبعد كل ده وتزور موتك كده انت مين بالظبط .
طاهر بضحكه عاليه ووعيد/قولتلك انا عزرائيل الي هيقبض أرواحكم خاينه زي امك بالظبط علطول اتجوزتي قاسم بس احب اقولك مبروك عليكم الزنا لانك لسه علي ذمتي ي حرمي المصون ي عني جوازك من قاسم باطل سلام ي نجمتي هههههههه.
*****************.
في غرفه نور ...
كان يقف قاسم بصدمه قاتله مما يسمع هل تزوجه بالفعل كيف ذلك حدث .
قاسم بحده /انت الي بتقوله ده صحيح ولا بتهزر .
صالح وهو يحتضن نور بتملك/انت خابر زين اني ماليش في الهزار ي اخوي .
قاسم وهو يمسكه بحده وغضب /وازي ده يحصل من ورانا ازي عملت كده ي اخويا ي كبير .
صالح بحده /انا عملت مره واحده في حياتي الحاجه الي بحبها واتجوزت علي سنه الله ورسوله ايه الغلط الي عملته .
قاسم بعصبيه /من ورانا ي صالح .
صالح بحده /وايه المشكله ي قاسم لا أنا ولا هي صغيرين ي ولد ابوي .
قاسم بضيق /انا مش عارف اقولكم ايه وانتي مصدوم فيكي لاني للاسف كنت دائما بشوفك زي اختي ومسؤؤله مني بس للاسف طلعت غلطان انا دلوقتي ميشرفنيش انك تكوني اختي اختي شريفه وعفيفه متتجوزش من وراء أهلها.
صالح بحده /قااااااسم قفل علي الحديد ده ومتنساش انها مرائتي وانا مش هقبل باي اهانه ليها وطلب من اخ لأخوه أن محدش يعرف حاجه دلوقتي لحد ماظبط انا كل حاجه اظن واضح ي قاسم .
قاسم بضيق وقرف /انا مش هجيب سيره لحد لأن فرحه متستهلش الي انت عملته ولا انتي ووالدتك ولا اختك يستاهلوا مصيبتكم وانتوا احرار فيها .
ليخرج قاسم لتجلس نور وهي تبكي بشده وحرقه .
صالح بحزن شديد/ايه ي نور عاد لدرجه دي مش مبسوطه بجوازك مني .
نور بدموع والم /انا نزلت من نظر قاسم ولما الموضوع يتعرف هنزل من نظر كل الناس انا مش عارفه انا عملت كده ازي مش عارفه.
صالح وهو يحتضنها بعشق /انتي معملتيش حاجه غلط تخافي منها انتي مرائتي علي سنه الله ورسوله وميهمكيش من اي حد طول مانتي معايا فاهمه .
نور وهي ترتاح داخل أحضانه /فاهمه فاهمه .
********************.
في غرفه نجمه وقاسم ...
كان يسير قاسم بضيق لينصدم من تلك التي تجلس أرضا بدموع وارتجاف ليسرع إليها قاسم بفزع
/نجمه حبيبتي مالك فيه ايه.
نجمه بانهيار ودموع /طاهر طاهر عايش ي قاسم .
قاسم بدهشه /انتي بتقولي ايه ي نجمه طاهر ايه الي عايش ي حبيبتي.
نجمه بدموع وصراخ /الي سمعته اقسم بالله طاهر عايش احنا كده عايشين في الحرام ي قاسم .
قاسم بعنف /متقوليش كده انتي فاهمه ولا لا انتي مرائتي وحبيبتي وطاهر مات فاهمه مات .
نجمه بدموع وصراخ /لا ممتش ممتش طاهر هينتقم مني طاهر اختفاء علشان ينتقم مني انا وامي بس مش عارفه ايه السبب انا هاخد امي واختي ونمشي من هنا .
قاسم وهو يحتضنها بحنان/اهدي ي روحي اهدي ايه الي انتي بتقوليه ده ي روحي ده اكيد كابوس وبعدين عايزه تمشي وتسبيني وانا مش فارق معاكي أخص عليكي .
نجمه في أحضانه بدموع وخوف /نفسي اصدق أنه كابوس ي قاسم نفسي.
لتغفا نجمه في أحضانه ليحتضنها وهو يفكر بشرود في القادم ..
******************.
في فيلا جعفر ...
في غرفه هشام...
كان يقف وهو ينظر إلي القمر بهدوء وشرود ليسير مالك الي الداخل باستغراب .
/الي يشوفك كده يقول انك عاشق وسرحان .
هشام باستغراب شديد من نفسه /تفتكر ي واد ي مالك هو الي زي ممكن يحب .
مالك بسخريه /مستحيل طبعا انت معندكش قلب ي هشام مبتستعملش قلبك غير في الشر وبس الحب مش سكتك ي اخويا سلام انا رايح العياده .
هشام بشرود وهمس /عندك حق ي مالك الي زي مش ممكن يحب .
*********************.
في فيلا طاهر .
في روما ...
كان يجلس طاهر وعلي وجه ابتسامه خبيثه واستماع بما حدث لتجلس بجانبه لارا .
/عملت الي في دماغك وكلمتها مش كده .
طاهر بابتسامه خبيثه/طبعا كان لازم اعمل كده علشان أبرجلهم الدنيا ولسه هما لسه شافوا حاجه انتي مالك قلقانه ليه .
لارا بارتباك شديد/مفيش حاجه.
طاهر بحده /لارا فيه ايه.
لارا بدموع /البوص كلمني وقالي أنه جاي اخر الاسبوع وفيه عمليه كبيره .
طاهر بجديه/وده يقلقك في ايه كده .
لارا وهي تقبل يده بدموع وخوف /انا بحبك ي طاهر ارجوك تعال نهرب وسيبك من اللعبه دي انا مش هستحمل اخسرك ابدا .
طاهر بغيظ شديد/لارا انتي عارفه أن الحركات دي بتستفزني انتي مجرد جاريه هنا لمتعتي وبس متتدخليش في الي ملكيش فيه فاهمه .
لارا بدموع ووجع/فاهمه .
*********************.
في فيلا زهران ..
في غرفه قاسم ...
كان ينظر إليها بحزن شديد علي ماصابها لتصرخ بفزع طاهر طاهر .
قاسم وهو يحتضنها بعشق /اهدي ي روحي طاهر مات وشبع موت ده كان كابوس ي روحي انتي هنا في حضني ومعايا مع قاسم حبيبك .
نجمه بدموع وخوف /خايفه اوي ي قاسم اوي .
قاسم وهو يقبل رأسها بعشق /اوعي تخافي وانا معاكي ي نجمه حياتي كلها انسي الكابوس ده وقومي يلا ناخد شور مع بعض .
نجمه بخجل /لا طبعا انا هدخل لوحدي .
قاسم وهو يحملها بمكر /وربنا ابدا ده عيبه في حقي تعالي دي هتبقى ليله عنب باذن الله.
***********************.
في غرفه صالح ...
كان يجلس بسعاده وهو لا يصدق ماذا حدث فبسرعه البرق قد عثر علي العشق الحقيقي وأصبحت زوجته لتقترب منه فرحه بضيق .
/كنت عايزه اتحدد معاك في موضوع .
صالح بزهق /عايزه ايه ي وش البومه .
فرحه بفيظ شديد /طلقني ي صالح .
صالح بسخرية/والله روحي للي جوزك ليا وأساليه لو وفق يبقا خير وبركه .
فرحه بحده /عمي مستحيل يوافق ابدا انا عايزك تتطلقني دلوقتي حالا .
صالح باستغراب /واشمعنا ي عني دلوقتي مانتي طول عمرك تقوليلي لو موتني هفضل تحت رجلك ومش هزعل عمي واصل ايه الي اتغير .
فرحه بضيق وانفجار /الي اتغير اني كرهت عيشتي معاك نسيت اصلا اني ست وليا احتياجات بتعملني دايما بجفا وكره حتي أقل حاجه قادر عليها انك تخليني ام حرمني منها انت عمرك محبتني ي صالح وجه الوقت اني اعيش حياتي مع الي يستهلني .
صالح بخبث ومكر/لا ي شيخه وانتي مين الي هيبصلك بشكلك ده ي كركوبه .
فرحه بغيظ ورد كرامه /طب لعملك بقا فيه فيه الي بيحبني وبحبه فيه الي يتمنالي الرضا ودخل نور حياتي الي انت ضلمتها ي صالح .
صالح وهو يمسكها بعنف وغضب /وقعتي بالكلام ي بنت المحروق ده انا هولع فيكي بتخونيني انا ي بنت الكلب ده انا هحرقك بجاز وسخ .
فرحه بدموع وصراخ /انا مش واحده من الشارع وعمري مخونتك انا بكرهك ي صالح بكرهك .
صالح وهو يدفعها ارضا بغل وغضب /تصدقي بالله كنت حاسس فعلا انك مظلومه بس مدام بقت كده قسما بالله لخليكي كده زي البيت الوقف ومش هتخرجي بره البيت واصل .
فرحه بدموع وصراخ /بكرهك ي صالح بكرهك .
***********************.
في غرفه قاسم .
كان يجلس خلفها بكل حنان وهو يمشط شعرها ويقبلها في ظهرها العاري بحنان .
نجمه بابتسامه وسعاده /ربنا يخليك ليا ي قاسم .
قاسم بعشق /ويخليكي ليا ي روح قاسم احسن دلوقتي .
نجمه بابتسامه/احسن الحمد لله انت دخلت حياتي نورتها ي قاسم .
قاسم وهو يقبلها بخبث /علي فكره انتي بتجري رجلي وانا بصراحه هموت عليكي وانتي وحشاني جوي جوي .
نجمه بخجل شديد/قاسم .
قاسم وهو يأخذها في أحضانه بمكر /اسكتي ولا كلمه انتي لازم تتعاقبي علي انك خوفتيني عليكي امنبارح .
**********************.
في الجنينه ..
كانت تقف ورده بدموع وخوف فهي تحاول الوصول ل مالك من لحظه مكالمته معاها وفي لحظه انقطع الخط ليقترب منها والدها بحده .
/ايه ي بت مالك واقفه كده ليه .
ورده بارتباك شديد/ابدا ي ابوي بشم هواء .
زهران بسخرية/ولا قلقانه علي حبيب القلب ساعه واحده وهتسمعي خبره في المستشفي بعد مارجتلي خلصوا عليه .
ورده بصدمه /اييييه .
***********************.
الحلقة التاسعة
في جنينه زهران…
كانت تقف ورده أمام ابيها ودموعها تهطل كالمطر لتتحدث بصوت مبحوح .
/انت بتقول ايه ي ابوي اكيد انا سمعت غلط .
زهران بقوه /لا ي روح امك سمعني صوح انا محدش يقدر يتحداني واصل انا روحتله وقلتوله يبعد عنك واصل لو باقي علي حياته بس هو بقا الي اختار واتحداني وده كان ردي .
ورده بدموع وصراخ /تقوم تقتله علشان اتمسك بيا انا اب ظالم انا بكرهك ي أبا بكرهك .
زهران وهو يصفعها بحده /اخرسي ي بنت الكلب انا معرفتش اربي بس هسيبك كده تبكي بدل الدموع دم لما يوصلك خبر موت حبيب القلب اه نسيت اقولك أن كتب كتابك علي جابر ابن شريكي اخر الاسبوع.
ليتركها وهي تبكي بشده وحرقه لتهتف باسم معشوقها مالك ..
*****************.
في غرفه قاسم ونجمه…
كانت تغفا داخل أحضانه بسعاده ورضا ليقبل هو رأسها بعشق.
/ياه ي نجمه مش عايز حاجه غير انك تفضلي في حضني وبس بحبك ي نجمه بحبك .
نجمه بابتسامه صافيه/وانا بعشقك ي روح نجمه .
قاسم بصدمه وسعاده /بتقويلي ايه طب احلفي كده احلفي.
نجمه بضحك /هههههه ايه ي مجنون اهدا كده امال لو قولتلك علي الخبر تاني هتعمل ايه.
قاسم بابتسامه/لا علشان خاطري لو خبر حلو خفي عليا قلبي مش هيتحمل كل ده مره واحده .
عشق وهي تحتضن وجه بحنان /لدرجه دي ي حبيبي كل الحب ده كان جواك .
قاسم بعشق /ياااااه ي نجمه يااااه ده انا كنت بموت لما بشوفك مع طاهر بحس أن روحي هتتطلع مني بس خلاص دلوقتي بقيتي معايا وفي حضني ربنا حققلي حلمي وبقينا احنا الاتنين سواء .
نجمه وهي تتضع يده على بطنها لتهمس بابتسامه /قصدك احنا التلاته انا حامل ي قاسم .
قاسم بفرحه وصراخ وهو يحتضنها /ايه حامل بجد ي أبا ي أما ي كل الي في البيت انا هبقا اب .
نجمه بضحك وخجل /اسكت ي مجنون في ايه .
قاسم بعشق ودموع فرحه/فيه ايه كل ده وفيه ايه هخلف منك من الوحيده الي حبتها في حياتي ياااه ي نجمه ياه بحبك ي نجمه بحبك .
نجمه في أحضانه بعشق /وانا بعشقك ي روح نجمه .
*********************.
في المستشفي ..
في غرفه مالك .
كان يقف جعفر وبجانبه هشام أمام سرير مالك .
جعفر بحده /هتفضل ساكت كده مين الي عمل فيك كده انطق .
مالك بتعب شديد/قولتلك خناقه بسيطه ي ابوي وخلصنا .
هشام بضيق /خناقه ايه ي ابني انت مش شايف نفسك ده انت مفكش حته سليمه ده كانوا ناقصين يموتوك .
جعفر بحده وغيظ/قوله ي هشام قوله فاكرني هصددق حديده الماسخ ده دي حركات زهران هو الي زق العيال دي عليك علشان يموتوك ويبقا اسمها خناقه بس قسما بالله لندمه ندم عمره .
مالك بتعب شديد/ارجوك ي أبا من فضلك مفيش دليل علي كلامك ده مش عاوزين مشاكل .
جعفر بغضب /شايف ي هشام الباشا خايف علي الست واهلها طب اسمع بقا انا هرد علي الموضوع ده وردي هيكون واعر جوي وهتشوف .
ليسير جعفر الي الخارج ليغلق مالك عيناه بتعب ليسرح هشام فمن تسلل الي قلبه رويدا رويدا .
****************.
في فيلا طاهر …
كان يقف طاهر في غرفته وهو يرتدي الكرفات لاستقبال البوص لتقترب منه لارا بوجه يظهر عليه الخوف والقلق .
طاهر بجديه /اول مره متجيش معايا وانا بلبس من الاول .
لارا بدموع ووجع/انا خايفه عليك اوي ي طاهر حاسه ان الموضوع ده نهايته مش هتكون خير ابدا .
طاهر بجديه /قولتلك قبل كده مليون مره متخافيش ماشي انا قدها وقدود يلا علشان منتاخرش .
لارا بقلق بالغ/حاضر .
في الاسفل …
كان يجلس البوص بعدما ألقوا عليه التحيه لينظر البوص بنظره خبيثه لارا .
/مساعدتك حلوه اوي ي طاهر .
طاهر بجديه /مش بس مساعدتي هي شريكتي في كل حتي السرير اظن انت فاهمني طبعا .
البوص بضحكه صفراء /اه فهمت نتكلم في الشغل فيه شحنه كبيره من المخدرات جايه من اوبرص اخر الاسبوع الشحنه دي هنكسب منها ملايين ي طاهر .
طاهر بجديه /انت عارفني اكتر حاجه احبها الفلوس المهم المكسب .
البوص وهو ينظر إلي لارا بخبث ومكر/كل المعلومات هتوصلك بكره ي طاهر .
*********************.
في فيلا زهران …
كان الجميع يجتمع بفرحه بعد خبر حمل نجمه.
وداد بابتسامه وسعاده /الف مبروك ي قاسم مبروك ي نجمه ي بتي .
قاسم بفرحه /الله يبارك فيكي ي ست الكل.
صالح بجديه /مبروك ي قاسم مبروك ي نجمه .
زهران بحده /عقبال مستعمل زيه ي اخوي وتجبلنا ولي العهد برضك مش عايز تقولي ايه الي بينك وبين فرحه حرام عليك ي ابني كرهت البت في عيشتها .
صالح بضيق /والله هي الي كرهتني في عيشتي كانت جوازه الهم البت دي هتفضل محبوسه كده .
زهران بحده /هو انت محدش مالي عينك ولا ايه ياض انت .
صالح بغيظ /العفو ي ابوي بس البت دي لازما تتربا .
نور بارتباك شديد/حد عايز مني حاجه انا مسافره القاهره عندي محاضرات مهمه النهارده .
سعاد بابتسامه/خالي بالك من نفسك ي حبيبتي.
زهران بجديه /ربنا معاكي ي بتي علي العموم السواق بره هيكون معاكي .
صالح بابتسامه خبيثه/ي محاسن الصدف ده انا كمان نازل القاهره هجيب بضاعه اني هوصلها .
قاسم بغيظ وسخريه /وصلها ي اخويا وصلها .
زهران بتنهيده /ربنا معاكم انا هروح اطلع للبيت الي فوق دي .
نجمه بابتسامه/هتفضل سرحان فيا كده كتير .
قاسم وهو يقبل يدها بعشق /مش قادر اصدق ي نجمه بجد فرحان اوي اوعي تبعدي عني فاهمه مهما حصل اوعي .
نجمه بعشق /مبقتش اقدر ابعد عنك خالص ي جوزي وحبيبي وأبو ابني .
ورده بدموع ووجع/قاسم الحقني .
نجمه بفزع /مالك ي ورده فيه ايه.
ورده بدموع /مالك في المستشفي ابويا زق عليه رجاله ضربوه علقه موت ابوس ايدك ي قاسم خليني اشوفه ده نفد من الموت بمعجزه .
نجمه بضيق /ي ساتر يارب معقول عمي يعمل كده .
ورده بدموع ووجع/مش بس كده ي قاسم ده عايز يجوزني جابر ابنه شريكه اخر الاسبوع انا لو متجوزتش مالك هموت نفسي صوح ي قاسم .
قاسم وهو يمسك يدها بقوه /انا هجوزك مالك والنهارده .
نجمه بابتسامه/بجد ي قاسم .
ورده بدموع /كيف ي قاسم وأبوي .
قاسم وهو يحتضنها بحنان /انا اخوكي الكبير وبعدين انتي بتي ي بت انا مقدرش اشوافك زعلانه ولا تتوجعي كده وبعدين انا اتاكدت أن مالك بيحبك علشان كده جهزي نفسك ي عروسه وشر ابوي انا هستحمله انا عشقت وعارف ي عني ايه عشق .
******************.
في غرفه فرحه .
زهران بحده /جرا ايه ي بت انتي انتي اتجننتي ولا ايه طلاق ايه ده .
فرحه بدموع وضيق/ابوس ايدك ي عمي توافق انا وصالح جوازنا من الاول كان غلطه ارجوك ي عمي انا وصالح مش هينفع نكمل مع بعض واصل انا من حقي اتجوز انسان يحبني ويحس بيا ده حقي.
زهران بغضب شديد/جاك كسر حقك ي بت انتي اعقلي احسالك فاهمه ولا لا .
ليسير زهران الي الخارج فرحه بدموع وحده .
/انا كده عملت الي عليا بس انتوا انانين محدش حاسس بيا بس انا بقا مش هبقي علي حد منكم .
لتمسك هاتفها لتتصل ب هشام لياتيها الرد سريعا .
/هشام استناني وراء الفيلا حالا لازم اشوفك ضروري ي حبيبي .
*******************.
من أمام أحدا اللوتيلات الفاخمه .
كانت تنظر نور إليها باستغراب شديد.
/انت جايبني هنا ليه ي صالح انا كده هتاخر علي الجامعه .
صالح بعشق /جامعه ايه عاد بلا محضرات بلا هم انتي هتيجي معايا اظن كفايه كده انا هموت عليكي انتي مرائتي حلالي .
نور بارتباك شديد/قصدك ايه ي صالح .
صالح وهو يقبل يدها بعشق /قصدي أننا واحشين بعض والصراحه أنا هموت عليكي ولا انتي مش عايزه تكوني في حضن جوزك حبيبك .
******************.
في المستشفي ..
في غرفه مالك ..
كانت تجلس بجانبه وهي تمسك يده بعشق بعدما تم كتب كتابهم .
مالك بابتسامه وسعاده /مش عارف اقولك ي قاسم انت رديت فيا روحي ووعد احميها بروحي.
قاسم بابتسامه/انا متاكد ي قاسم بس انا عملت كده علشان تتضمنوا أن خلاص مبقاش فيه حاجه تنفع تفرقكم بس طبعا ورده هترجع معايا لحد مالامور كلها تتحل .
ورده بابتسامه وسعاده /الف سلامه عليك ي حبيبي .
نجمه بابتسامه/الف مبروك ي ورده ربنا يتمملكم علي خير ايه ي قاسم مين الي بيرن عليك .
قاسم بارتباك شديد/دي مكالمه شغل هرد عليها وارجع علطول ليسير قاسم الي الخارج ليرد بحده وغيظ .
/ايوه ي طاهر …
الحلقة العاشرة
كان يقف قاسم وهو ينظر يمينا ويسارا ليتحدث بحده .
/عايز ايه ي طاهر .
طاهر بابتسامه وسخريه /اخويا وحبيبي وعم عيالي عامل ايه ي عريس هايص طبعا مش كده .
قاسم بغيظ شديد /اه هايص ولسه لما اشوف خلقتك هربيك من اول وجديد ي طاهر .
طاهر بجديه /انا عارف انت زعلان ليه بس انا عملت ليك خاطر ومردتش اخليها تترعب بجد .
قاسم بغيظ شديد/ساعتها كنت خدت روحك ي طاهر أنت جرالك ايه ولا نسيت اتفاقنا اتفاقنا كان أننا ندفع امها تمن الي عملته في ابن عمنا لكن نجمه ذنبها ايه ي طاهر .
طاهر بحده /ذنبها امها بنتها ي قاسم انا عارف انك بتحبها ومجنون بيها كنت عارف اني بعد ماسافر انك هتتجوزها بس مقولتش بالسرعه دي لدرجه دي بتعشقها ي قاسم .
قاسم بتصميم وعشق يخترق قلبه /ايوه بحبها ي طاهر بعشقها ومش عايز غيرها من الدنيا دي والي يفكر يقرب منها همحيه من علي وش الأرض ي طاهر حتي لو كنت انت فاهم .
طاهر بجديه /بالراحه ي اخويا مش كده ده العشق بيذل بصحيح بس خليك فاكر أنها بنت سعاد ي عني ممكن تكون شاربه منها وتبيعك عند أول ملف ي اخويا .
قاسم بغيظ /بلاش كلامك الي زي السم ده انت راجع امتا .
طاهر وهو ينظر إلي لارا التي تجلس بعيدا /قريب ي قاسم قريب سلام .
قاسم بغيظ /عيل غتت اووف .
نجمه بابتسامه/بتكلم مين ي قاسم .
قاسم بابتسامه /ها ابدا ي روحي دي مكالمه شغل بس بصراحه حاجه تقرف الواحد ميعرفش يستفرد بنجمته شويه ولا ايه.
نجمه بضحك /ههههه هو انت مشبعتش مني ايه مزهقتش .
قاسم وهو يحتضنها بعشق /فيه حد برضه يزهق من روحه ده انتي روحي بقولك ايه تعالي نروح محل الدهب الي بتعامل معاه تنقي هديتك بمناسبه حملك ي حبيبتي ولو عليا انا والله كنت جبتلك الدنيا بحالها لأن فرحتي متتقدرش بتمن ابدا .
نجمه وهي تحتضنه بسعاده لتهمس /هو انا قولتلك بحبك النهارده .
قاسم بعشق وهو يقبل يدها/حتي لو مقولتيش قلبي بيسمعها طول الوقت يلا ي نبض قلبي.
**********************.
في غرفه مالك …
كانت تجلس بجانبه وهي تنظر إليه بعشق عقلها وقلبها لم يصدقوا بأنها أصبحت زوجته زوجه من مالك القلب .
مالك بعشق وسعاده /مش قادر اصدق ي ورده معقول بقيتي مرائتي حاسس اني بحلم .
ورده بابتسامه وعشق/لا صدق ي روحي خلاص بقيت ملك ايديك ورهن اشارتك ي ريت الي فيك يجي فيا ي مالك روحي .
مالك وهو يقبل يدها بعشق /بعد الشر عليكي ي روحي ده الي حصلي ده احلا حاجه في حياتي كفايه أنه خلاكي علي ذمتي بقولك ايه متجيبي بوسه بلي ريقي باي حاجه .
ورده بارتباك شديد/مالك انت بتقول ايه لا طبعا .
ليمسكها مالك بيده السليمه لينظر الي شفايفها باشتياق .
/حرام عليكي بقالي سنين محروم منها بس دلوقتي لا .
ليقبلها قبله يبث بها اشتياق لسنوات …
*******************.
في فيلا طاهر …
كانت تجلس لارا ودموعها تهبط بغزاره ليقترب منها طاهر بجديه.
/الدموع دي ليه.
لارا وهي تنظر إليه بدموع /علشان صدقت الوهم وعيشت فيه وحلمت باكتر من كده وانا مش اكتر من عشيقه وبس لدرجه دي انا رخيصه عندك كده .
طاهر بجديه/انا اسف علي الي قولته لاني حسيت من بصاته وفهمته الي هو عوزه قصدت اني اعرفه انك ملكي وأنه مهما عمل مش هيطول شعره منك حتي في أحلامه انتي مش رخيصه فاهمه .
لارا بابتسامه امل /فاهمه فاهمه هحضرلك احلا عشاء ي اجمل راجل في الوجود .
طاهر بجديه /لارا .
لارا بابتسامه /نعم .
طاهر بقوه وثبات/تتجوزيني .
لارا بصدمه /ايييه .
********************.
في أحدا المطاعم الفاخمه ..
كانوا يسيرون الي الداخل لتنصدم نجمه من ذلك المكان المزين بحرافيه خصيصا لها واسمها الذي يزخرف كل مكان .
نجمه بابتسامه وسعاده /ايه ده ي قاسم كل ده علشاني .
قاسم وهو يحتضنها بحنان/طبعا كل ده علشان الملكه الي منوره حياتي ملكه قلبي نجمه حياتي كلها تسمحلي بالرقصه دي .
بترقص معاه بابتسامه ساحره وهي ترا أن الله عوضها ب قاسم عن كل مامرت به في حياتها من تعب والم ب رجل فريد من نوعه .
/انت عوضتني عن أي وجع والم شوفتهم ي قاسم بحبك بحبك اوي .
قاسم وهو يقبل يدها بعشق /وانا كمان ي روحي .
نجمه بغيظ /كداب والبنت الي بتحبها .
قاسم بضحكه عاليه/انا محبتش غيرك ي نجمتي انتي الي سرقتي قلب قاسم مش حد غيرك .
*********************.
في فيلا جعفر …
كان يسير هشام لكي يذهب الي فرحه ليوقفوه جعفر بجديه .
/إنا سمعت المكالمه الي بينك وبين البت مرات صالح ودي بقا فرصتنا أننا تنتقم لاخوك .
هشام باستغراب /قصدك ايه ي ابوي .
جعفر بحده /انت تروح تجيب البت دي وتيجي هنا وبعدين هتعرف الباقي لازم أزل زهران واكسره واخيرا جاتلنا الفرصه ي هشام نفذ بس الي قولتلك عليه .
هشام بضيق /حاضر ي ابوي حاضر .
*********************.
في أحدا اللوتيلات الفاخمه.
كانت تجلس نور بدموع وضيق ليقترب منها صالح بضيق .
/في ايه عاد ي نور انتي مرائتي ي بت الناس ليه الدموع دي كلها .
نور بدموع وضيق /انا رخيصه ي صالح وانت السبب انا حاسه اني واحده جايبها من الشارع انت لازم تقول للدنيا كلها أني مرائتك سامع .
صالح بزهق/ي ادي الغم والهم جرا ايه ي نور هي دي الليله الحلوه الي هنقضيها سواء .
نور بحده /انت اتجوزتني ليه ي صالح علشان صغيره مش كده علشان ارضي غرورك وتمتع بيا وتثبت لنفسك انك مطلوب مش كده .
صالح بحده وغيظ/اسمعي ي بت انتي انا بعشقك اه لكن قلبي ده لو هيزلني ادوس عليه برجليا فاهمه ولا لا هتخرفي في الكلام هتشوفي الي عمرك مشوفتيه .
لترا نور هاتفه الذي يرن باسم سوزي لتمسك لتتحدث بحده .
/موزتك ده ايه القرف ده ومين الست سوزي دي كمان انت حقير وواطي عايزاني انا وفرحه وسوزي عايز تثبت لنفسك انك راجل مش كده .
صالح وهو يدفعها علي السرير بغضب وتوعد /انا راجل غصبن عن عين اهلك وهدفعك تمن كل حرف غالي اوي .
ليغتصبها ببشاعه جعلت تشعر بكره له ليس له مثيل .
******************.
من خلف فيلا زهران …
كانت تقف فرحه تنتظر هشام ليسرع إليها لتسرع داخل أحضانه ليضمها بشده .
/مالك ي حبيبتي فيه ايه .
فرحه بدموع ووجع /انا هاجي معاك ي هشام انا خلاص مش طايقه البيت ده ولا الي فيه خدني معاك في أي حته انا مش عايزه غيرك ي هشام .
هشام وهو يحتضنها بابتسامه /طب تعالي .
************************.
في فيلا طاهر …
بارك الله لكم وبارك عليكم وجمع بينهما في خير.
طاهر بابتسامه /مبروك ي عروسه .
لارا بدموع فرحه لا تتوقف /الله يبارك فيك انا مش مصدقه ي طاهر معقول اتجوزتك بجد .
طاهر بابتسامه ساحره /طبعا بجد انا لو كنت لفيت عمري كله مش هلاقي واحده تحبني قدك ي لارا .
لارا بدموع وفرح /كفايه ي طاهر قلبي مش هيتحمل .
طاهر وهو يحملها بابتسامه /لا جمدي قلبك كده ده الي لسه الي جاي .
*******************.
في فيلا زهران .
في غرفه قاسم ونجمه…
كانت تجلس وهي تاكل الرنجه وتنظر ل قاسم الذي يجلس بعيدا بضيق من رائحتها لتتضحك بسعاده .
/ايه ي قاسم مش هتاكل معايا برضه .
قاسم بضيق /اكل لا مش عاوز وخلصي بقا خليني ارميها بره قرفت من رائحتها .
نجمه بدلع ودلال/الله ي عني اجوع انا وابنك نهون عليك .
قاسم بغمزه وابتسامه/يلهووي علي الحلاوه هو فيه حامل مزه كده بس برضه بحبك حتي لو عملتي ايه.
نجمه بابتسامه/انا عارفه انها مضياقك بس معلش نفسي رحتلها ي قاسم .
قاسم وهو يحتضنها بعشق/كل الي نفسك فيه يبقا في لحظه بين ايديكي ي ام ولي العهد.
نجمه بضيق /والله زعلانه أن ماما سبتني وسافرت ده وقته كان لازم ي عني خالي دلوقتي .
قاسم وهو يقبل يدها بعشق/معلش ي روحي مش انتي بتقويلي انها متعوده تروحله كل فتره بس لما هي ليها اخ غني كده ليه حالتكم كانت كده انا مقصدتش حاجه والله قطع لساني ده مجرد استفسار .
نجمه وهي تقبل يده بعشق /بعد الشر عليك ي نور عيني بابا الله يرحمه كانت نفسه عزيزه اوي فاحنا اتعودنا علي كده وماما كمان يلا انا كلت .
قاسم وهو يحملها بعشق /الف هنا ي مولاتي .
نجمه بضحك /انت رايح فين .
قاسم بخبث /بعد الرنجه والفسيخ والزفاره دي علي البانيو عدل وننبسط سواء ي روحي .
******************.
في روما …
في فيلا هاشم السيد /البوص .
سعاد بفزع /بتقول ايه ي هاشم طاهر لسه عايش ازي .
هاشم بحده /هو ده الي حصل طاهر بيخطط لكتير ازي انتي عارفه أنه مستحيل هينسا حكايه ابن عمه ومش بعيد يكون عارف انك انتي الي وراء الي حصله واتجوز نجمه علشان كده .
سعادبحده/مش دي النهايه ي هاشم طاهر لازم يموت وكده وكده هو ميت انا مش هستنا لما نهايتي تكون السجن انت مش قولتلي أن فيه بنت شغاله معاه وعارفه كل أسراره انا عايزه البنت دي حالا .
**********************.
في فيلا جعفر …
كان يسير هشام وهو يحمل فرحه الفاقده للوعي تماما ليبتسم جعفر بانتصار طلعها فوق وتعال اقولك هنعمل ايه ي سيد الرجاله .
هشام بمراره /امرك ي ابوي .
الحلقة الحادية عشر
في فيلا جعفر .
في غرفه مكتبه .
كان يقف هشام بصدمه مما يسمع ليتحدث بحده .
/انت بتقول ايه ي ابوي .
جعفر بحده /الي سمعته ي واد الكاميرا موجوده في اوضتك وكله تمام عايز فضيحه تشهد عليها البلد كلها ل زهران وابنه .
هشام بغضب /طب وانا مفكرتش فيا ولا في فضيحتي .
جعفر بنظره خبيثه/ودي تيجي برضك ي ولدي انت هتظبطها بحيث انت متبنش في الصوره خالص فاهمني .
هشام بحده /الموضوع ميوصلش ل كده ي ابوي احنا كده بنغدر بالبت ودي وليه برضه .
جعفر بشك وحده /جرا ايه يالا وانت من امتا الحنيه دي بتنزل عليك اسمع كلامي ده زين البت دي مش هتخرج من هنه غير لما مبرد ناري سمعني ولا لا .
هشام بضيق واحتقار لذاته /الي تشوفوه ي ابوي .
جعفر بحده /وريني همتك .
********************.
في الشارع ….
كانت تسير ورده لترا ام احمد بائعه الخضار وهي تحمل ابنها بدموع لتسرع إليها .
/مالك ي ام احمد فيه ايه.
ام احمد بدموع /احمد تعبان جوي ي ست ورده روحت للدكتور مالك العياده لقيتها لسه مقفوله روحت البيت أبوه طردتني والواد هيروح مني .
ورده وهي تحمل الطفل بطيبه /هاتيه انا هروح انا ل مالك البيت يكشف عليه .
ام احمد بقلق /انا خايفه عليكي ي ضنايا .
ورده بابتسامه/متخافيش ي ست الكل ارتاحي انتي وان شاء الله خير .
******************.
في غرفه قاسم ونجمه ..
كانت تغفا داخل أحضانه لينظر إليها بعشق وهو يقبل رأسها ليحدث ذاته بحزن شديد عليها .
/اه ي نبض قلبي ي ترا هيكون رد فعلك ايه لما تعرفي حقيقه امك بس اوعدك اني هدافع عنك بروحي وعمري مش هسيبك تتاذي مهما حصل ليسرح فيما حدث بينه وبين طاهر قبل سفره روما بأيام ….
*******.
فلاش باك …
في جنينه فيلا زهران .
قاسم بصدمه /بتقول ايه مش ممكن ي عني انت عمرك محبيت نجمه اتجوزتها علشان كده بس ي طاهر .
طاهر بغل وغيظ/نجمه دي اخر واحده في الدنيا ممكن احبها دي بنت الحيه الي ضيعت ابن عمنا مكنش عندي حل اني اقرب منهم غير كده كان لازم انتقم منها واحسرها علي بنتها .
قاسم بحده وغيظ/ونجمه ذنبها ايه ها ذنبها ايه تتدخلها في لعبه حقيره زي دي حرام عليكي يا شيخ مش كفايه حقيقه امها .
طاهر بغضب /واحمد كان ذنبه ايه ي قاسم لما لفت عليه واحده حيه زي سعاد وعملته يشم مخدرات وقضت عليه وبعدين في ايه ي قاسم انا مش مرتاح ل كلامك مالك محموق عليها كده ليه .
قاسم بارتباك شديد/هتحمق ليه ي عني نجمه زي اختي ورده وصعبانه عليه .
طاهر بشك /والله يمكن برضه .
قاسم بحده /وبعدين افرض أنها حملت كنت هتعمل ايه بقا .
طاهر بجديه /اخوك ناصح متخافش انا كنت مستحيل اخلف منها ابدا كنت بديها حبوب منع الحمل بس خلاص كده كده هطلقها لاني هسافر روما ل اهم مهمه في حياتي هقبض علي سعاد وهاشم اخوها اكبر تجار مخدرات في الشرق الأوسط .
قاسم برعب عليه /نعم ي اخويا وانت فاكرني هسيبك تروح هناك لوحدك وتقبض عليهم علي كلامك ده اسمع انا من زمان نفذت الي انت عايزه وساعدتك تتدخل كليه الشرطه وخبينا علي الكل لكن انت كده بتتضيع نفسك ي طاهر .
طاهر بابتسامه /متخافش عليا ي قاسم اخوك راجل بس انا لازما ازور موتي وانت لازما تساعدني دي مهمه عمري ي قاسم ارجوك ي اخويا أقف جنبي وادعيلي .
باك ….
قاسم بابتسامه وهمس /ربنا يحميك ي اخويا وترجع بالسلامه دي ويسترها عليكي ي نجمتي لما تعرفي الحقيقه وتسمحيني .
نجمه بنعاس /حبيبي لسه منمش لحد دلوقتي .
قاسم وهو يقبلها بعشق /معقول انام وانا حاضن القمر كده امال مين الي يتغزل فيكي ي مولاتي .
نجمه بابتسامه وعشق /وبعدين معاك ي قاسم مصمم توقف قلبي بكلامك الحلو ده .
قاسم وهو يحتضنها بعشق وخوف /اعمل ايه بس ي نجمتي عايز افضل معاكي كده علطول مش عايز غيرك من الدنيا دي .
نجمه وهي تقبل يده بعشق /وانا وعد هفضل معاك طول عمري ي روحي.
قاسم بابتسامه ساحره /وعد .
نجمه بعشق /وعد ي قاسم ممكن تحضني بقا علشان ننام انا وابنك حبيبك .
قاسم وهو يحتضنها بعشق /نام ي نور عيني علشان بكره عندي ليكي فسحه جامده جدا .
نجمه بابتسامه وسعاده /ربنا يخليك ليا يا حبيبي.
*****************.
من أمام فيلا زهران …
كان يقف صالح بسيارته ومعه نور .
صالح بوجع شديد /هتفضلي ساكته كده ي نور قوليلي حاجه.
نور بوجع شديد وثبات /طلقني ي صالح طلقني مش خدت الي انت عايزه سبني في حالي .
صالح بحزن شديد/نور انا عارف اني غلطت بس ارجوكي بلاش كده انا بحبك والله العظيم بحبك .
نور بدموع وصراخ /وانا بكرهك ي صالح بكرهك كفايه اني كل مابشوفك هفتكر كسرتك ليا علاماتك الي علي جسمي طلقني ي صالح بالزوق لتسرع الي الاعلي بدموع ليشعر هو بالندم الشديد علي مافعل .
**************.
داخل الفيلا ..
كانوا يسيرون قاسم ونجمه الي الأسفل بابتسامه وضحك لتفزع نجمه من منظر نور .
/نور حبيبتي مالك فيه ايه .
نور بدموع ووجع /مفيش ي نجمه سقطت في ماده انا هرجع شقتنا ي نجمه هنا مش عارفه اركز خالص عايزه اسيب كل حاجه هنا .
قاسم بسخرية /معقول زهقتي علطول كده ي نور .
نور بقوه وثبات /ايوه ي قاسم خلاص زهقت عن اذنكم .
نجمه بدموع ووجع/اختي فيها ايه ي قاسم .
قاسم بحنان وخوف/ايه ي روح قلبي بالراحه علي نفسك ي غاليه لتتعبي بلاش دموعك ي نجمه دي بتقتلني .
نجمه بدموع وخوف /اختي مش كويسه ي قاسم انا حاسه بيها .
قاسم بشرود وضيق /ي ترا عملت ايه ي صالح .
********************.
من داخل فيلا جعفر ..
كانت تقف ورده وهي تحمل الطفل في انتظار نزول مالك .
جعفر بحده /جرا ايه ي بنت زهران هو مفيش فايده فيكم ايه الي جابك هنه مش كفايه الي ابوكي عمله في ابني .
ورده بضيق /انا جايه ل مالك احمد تعبان اوي .
جعفر بضيق /كنتي روحتي بيه اي مستشفي ي اختي ولا هي تلزقه وخلاص يلا اتكلي علي الله من هنه بدل ماخلي ابوكي يشيلك علي نقله .
ورده بضيق وهمس /نقاله تشيلك ي بعيد .
مالك بابتسامه واشتياق /اهلا ي ورده عمري نورتي الدنيا بحالها .
جعفر بسخريه وغيظ/ يا سلام عليك ي ابن الاهبل انا طالع فوق .
مالك بضيق /نيميه الولد هنا خليني اكشف عليه ي ورده .
بعد الكشف .
مالك بابتسامه ساحره /متخافيش ي قلبي دور برد بسيط انا كتبتلك كل حاجه في ورقه والادويه كمان اهيه.
ورده بابتسامه عشق /ربنا يخليك ليا ي مالك .
مالك وهو يحتضنها بعشق /طب بوسه بقا تحت الحساب .
ورده بارتباك شديد/انت بتقول ايه ي مجنون بطل جنان .
مالك بعشق واشتياق /وربنا ابدا ده انا هموت عليكي حسي بيا حرام عليكي .
لتتوه ورده بين يديه ولم يعايروا بمن يصورهم بكل خبث وانتقام ليتحدث بخبث ومكر.
/ههههه حتي بتك كمان ي زهران هههه .
لينفزعوا الجميع من صوت صراخ فرحه .
ورده بفزع /ده صوت فرحه مرات اخويا صالح .
جعفر بخبث ومكر/ايوه هي بس احسالك متتطلعيش فوق المنظر مش هيعجبك خالص ده شرف اخوكي برضك .
لتسرع ورده الي الاعلي ووراها مالك لينصدموا مما رأوه .
تفتكروا شافوا ايه 🤔🤔🤔🤔 .
*******************.
في روما …
في أحدا المطاعم الفاخمه ..
كانوا يجلسون طاهر ولارا مع بعضهم البعض.
لارا بسعاده وعشق /مش مصدقه اني معاك في المكان التحفه ده ي طاهر .
طاهر بابتسامه ساحره /لا خودي من ده كتير اصلي رومانسي اوي وبصراحه بحس بالأمان معاكي ي لارا .
لارا بعشق /روح لارا انت ي حبيبي اوعدك اعيش عمري كله بس علشان اسعدك .
طاهر بابتسامه ساحره/وانا كمان اوعدك اسعدك مهما حصل ي لارا ثواني هعمل مكالمه تليفون واجيللك.
ليقترب منها ذلك النادل ليعطيها تلك الورقه لتفتحها لتنصدم مما تراه ..
ي ترا الورقه فيها ايه 🤔🤔🤔🤔.
نجمه القاسم ❤️❤️❤️❤️.
رنا احمد عماد ❤️❤️❤️.
بارت 12...
******.
في روما في أحدا المطاعم الفاخمه .
كانت تجلس لارا وهي تقرأ تلك الورقه بصدمه ورعب.
/ي ترا مين الي باعت الورقه دي وعرف موضوعي وعرف اهلي منين وعايز مني ايه استرها يارب .
لتخبي الورقه سريعا عندما رأت طاهر يقترب منها .
طاهر بابتسامه /ايه ي روحي مبتاكليش ليه .
لارا بابتسامه باهته /باكل اهوه ي حبيبي طاهر أنت وعدتني قبل كده أن عمرك مهتسبني مش كده .
طاهر وهو يقبل يدها بعشق/اكيد ي عمري عمري مهسيبك مهما حصل بقولك ايه متيجي ترقصي معايا .
لارا بابتسامه باهته /امرك ي حبيبي .
********************.
في فيلا جعفر .
في غرفه هشام ..
كانوا يقفون مالك ورده بصدمه من هشام المرمي علي الارض غارق في دمائه وفرحه التي تنظر إلي مظهره بدموع وصراخ ولا تفهم ماذا يحدث .
ورده بدموع وصراخ وهي تمسكها بعنف /هو ايه الي حصل ي فرحه ايه الي جابك هنه ي مرات اخوي ي فضيحتك ي صالح ي فضيحتك .
فرحه بدموع وتوهان /انا مش فاكره حاجه واصل انا فتحت عيني لقيت هشام واقف قدامي بيبكي وبيترجاني اسامحه وبعدين ضرب نفسه بالنار .
جعفر بحده وغيظ/اه دي كدبك عاد بعد ما مشيتي معاه في الحرام جايه دلوقتي تعملي فيها شريفه مش كده .
مالك بجنون وصراخ /انت عايز تجنني عايز تموتني انت في ايه ولا في ايه أنا طلبت الإسعاف وجاين دلوقتي هشام بيموت ي بابا .
فرحه بدموع وهمس /هشام .
*******************.
في المستشفي ..
كانوا يقفون جميعهم أمام غرفه العمليات ليقترب منهم مالك بتعب وخوف .
/كفايه عليكم كده روحي ي ورده انتي وفرحه .
جعفر بحده وشراسه /يروحوا فين مش قبل ماعرف الحيه دي عملت ايه في ابني وفضيحتها هي واهلها تكون علي لسان واعرف هي كانت في اوضه ابني بتعمل ايه.
مالك بحده وغضب/ابووووي كفايه جوي لحد كده كفايه انا متاكد انك وراء كل الي حصل ده وكفايه اخويا الي بينا الحياه والموت ضيعتنا ودمرت حياتنا كفايه اوي لحد كده روحوا انتوا ي بنات ومتقلقوش محدش هيعرف بالي حصل واصل .
ليسيروا الي الخارج بدموع وخوف من القادم .
بعد مرور الوقت يخرج الطبيب ليسرعوا إليه .
مالك بخوف /خير ي دكتور طمني ابوس ايدك.
الدكتور بأسف /للاسف الرصاصه اخترقت العمود الفقري بشكل مباشر أدت إلي شلل في الجزء السفلي انا اسف ي دكتور مالك عن اذنك .
جعفر وهو يقع أرضا بدموع ووجع.
/شلل انا السبب ي ولدي انا الي ضيعتك انا سمحني ي ضنايا سمحني .
مالك بدموع ووجع/بتعيط دلوقتي ارتحت كده حتي لو هو سمحك انا مستحيل هسمحك لأن حتي كلمه بابا متستهلهاش ابدا .
********************.
في جنينه فيلا زهران ..
كان يجلس صالح بحزن شديد ليجلس بجانبه قاسم بسخرية .
/تصدق كنت بدأت اتعاطف معاك وأصدق انك مظلوم واتظلمت لما اتجوزت فرحه وانت مبتحبهاش وعلشان كده كنت بتعمل كل ده بس اكتشف ان انت الي فيك حاجه غلط بدليل نور البنت الي انت حبتها علي كلامك مكملتش حاجه وكسرتها ووجعتها انت مريض ي صالح .
صالح بحزن شديد/انا مش مريض ي قاسم علي رايك نور هي الوحيده الي انا حبتها بجد بقا عندي جنون انها تروح مني انا بحبها اوي ي قاسم اوي .
قاسم وهو يحتضنه بابتسامه /خلاص يبقا لازما تصالحها وتقربها منك وتترجاها تسامحك ولازما قبل كل ده الكل يعرف بجوازكم .
صالح بابتسامه/عندك حق يا قاسم .
ليصعق قاسم من مظهر ورده وفرحه المنهار .
قاسم بقلق /مالكم فيه ايه.
ورده بدموع وارتباك /مفيش حاجه.
صالح بحده/مفيش حاجه كيف انتي وهي مش شايفين شكلكم .
ورده بارتباك شديد/اصل اصل فرحه كانت هتخبطها عربيه واحنا خارجين من المدرسه فمن ساعتها وهي منهاره كده .
قاسم بشك /عربيه طيب اطلعوا علي فوق .
صالح بغيظ شديد/اهي ي سيدي عامله زي العيال الصغيره علشان عربيه كانت هتخبطها هتفضل عملايلك مناحه كده .
قاسم بغيظ شديد/ي شيخ انت ايه ده بدل ماتتطمن عليها ده انت مقولتهاش كلمه واحده حتي عدله طلقها ي صالح طلقها وسيبها تعيش حياتها .
صالح بشرود وهمس /عندك حق يا قاسم لازما أطلقها .
*****************.
في غرفه ورده ...
كانت تلطم علي وجهها بعدما استمعت لحديث فرحه .
/ي مرارك ي فرحه ي مرارك ي عني كنتي ماشيه معاه كيف مقال أبوه ي فرحه هي دي آخره تربيتك ي بنت عمي .
فرحه بدموع ووجع /انا معملتش حاجه غلط انا حبيت صدقيني ي ورده مفيش حاجه حصلت واصل بيني وبين هشام انتي عرفاني زين بس الكل مسبليش مخرج تاني محدش حاس بيا عمي وصالح شيفاني لعبه يحركوها علي كيفهم نسوا أني ست وعندي مشاعر انا بحب هشام ي ورده بحبه اوي .
ورده بشراسه وغيظ /حتي بعد الي عمله معاكي وأنه اخدك علي فيلتهم وي عالم كان ناوي يعمل فيكي ايه ده ابن جعفر ي عني شارب منه سمه ي فرحه .
فرحه بدموع والم /لو كنت شفتي شكله وهو بيطلب مني اسامحه وبعدها ضرب نفسه تعرفي ساعتها أنه حبني زي مانا حبيته ويمكن اكتر كمان اقفي جنبي ي ورده انتي بتحبي وعارفه ي عني ايه الواحده بتحب .
ورده بدموع وهي تحتضنها /قوينا يارب قوينا .
*****************.
في غرفه نور ..
كانت تقف نجمه بدموع وضيق .
/هتسبيني وتمشي ي نور .
نور بابتسامه باهته /معلش ي نور عيني مانتي معاكي قاسم اهوه مالي حياتك وانا هبقا اجي ازوك كل اسبوع ي حبيبتي.
نجمه ببراءه/خلاص براحتك انا نازله .
نور وهي تحتضنها بالم /متزعليش مني ي نجمه صدقيني غصبن عني مش بعد كل الي عملته في الكليه هاجي دلوقتي وافشل فيها ماشي ي حبيبتي.
نجمه بابتسامه/ماشي ي روحي انا هخرج مشوار انا وقاسم وهرجع اوعي تمشي من غير ماشوفك سلام ي روحي .
من داخل اليخت ..
كان يجلس قاسم وهو يحتضن نجمه وهو يطعمها بيده .
نجمه بابتسامه وسعاده/كفايه ي حبيبي انا شبعت .
قاسم بابتسامه ساحره/لا بقولك ايه انا مش عايز ابني يطلع اي كلام كده عايزه يطلع قوي كده زي .
نجمه وهي تلمس علي خده بعشق /انت مفيش حد زيك ولا شبهك ي حبيبي بس افرض طلعت بنت هتزعل .
قاسم بعشق /ازعل ده انا مش مصدق نفسي اصلا اني هخلف منك بتمناها لو بنت تكون شبهك ي حبيبتي ونسخه منك انا اهم حاجه عندي انك تقومي بالسلامه بس .
نجمه بخوف وقلق /تفتكر احنا هنفضل مع بعض كده ي قاسم مفيش حاجه هتفرقنا .
قاسم بحده /مين ده الي يقدر يفرقنا ده الي يقرب منك انا اخد روحه بيدي ده انتي العشق كله ي قلبي .
نجمه وهي تحتضنه بسعاده/وانت حبيبي ي قاسم .
قاسم وهو يحملها بغمزه /تعالي ندخل جوه وانا هدلعك علي طريقتي الخاصه .
*********************.
من ام اليخت .
كانت تقف نجمه بابتسامه عريضه لذلك الذلك اليخت المزخرف عليه اسمها بحروف من ذهب .
نجمه بدموع الفرح/ايه ده ي قاسم .
قاسم وهو يقبل يدها بعشق /طبعا علشانك علشان نجمه قلبي نجمه حياتي كلها دي اقل حاجه تعالي بقا معايا جوه علشان محضرلك برنامج وهم هيعجبك اوي ي حبيبتي يلا .
نجمه بعشق /يلا ي روحي .
******************.
في فيلا هاشم وسعاد .
كانت تسير لارا الي الداخل بخطواط مرتجفه لتقف سعاد أمامها بجديه وثقه .
/كنت عارفه انك ذكيه وهتقدري تفهمي وتكسبي نفسك صح .
لارا بضيق شديد/حضرتك عايزه ايه مني وعرفتي اهلي منين .
سعاد بحده /اسمعي ي بت انتي انا ميتقاليش عرفتي منين ولا الكلام الفاضي ده افهمي كلامي كويس لافعصك تحت رجلي انا عارفه انك هربتي من أهلك من سوهاج اصول الصعيد ي عني لو بعت لسعادتك فيديو واحد وانتي مع طاهر باشا فضيحه اهلك هتكون بجلاجل وأخواتك البنات هتقضي عليهم ومش بس كده هديهم عنوانك هنا يجوا يخلصوا عليكي انا مش هوسخ ايدي .
لارا بدموع وصراخ/انتي مين وعايزه مني ايه .
سعاد وهي تجلس بغرور /مليون جنيه وهتعيشي ملكه المقابل بسيط تقدري عليه .
لارا بصراخ /ايه هو .
سعاد بثقه /تقتلي طاهر .
نجمه القاسم ❤️❤️❤️.
رنا احمد عماد ❤️❤️❤️❤️.
بارت 13..
في روما .
في فيلا طاهر .
كانت تقف لارا بصدمه من حديث تلك المراه وايضا رعبا يدب في قلبها من ثقتها ياالله ماهذا الاختيار الصعب من بين من ستختار أهلها وسمعتها ولا من ملك الروح والقلب وأصبح زوجها.
سعاد بحده /ساكته كده ليه هتاخدي مبلغ معتبر يقضيكي بقيه حياتك عايشه ملكه وكل ماضيكي هيدفن .
لارا بدموع لا تتوقف /يمكن لو عملت الي انتي عايزاه هاخد فلوس كتير وماضيه هيدفن بس روحي وعمري ومستقبلي وقلبي وانا شخصيا هدفن بموت طاهر انتي اكيد فاكره اني مجرد عشيقه في السر لكن لا وضعي انا وطاهر غير كده خالص ده رجلي ده الوحيد الي خلاني احس اني بنادمه انا اسفه ي هانم انا مش هقدر انفذ الي انتي عايزاه واعملي برضه الي تشوفيه طول ماهو معايا انا مش خايفه من حاجه عن اذنك .
سعاد بحده وغضب /اعملي حسابك اني كان ممكن ادفنك هنا حيه بس لا ي سندريلا انا بقا الي هخلص عليه قدام عنيكي واحسرك عليه بقيه عمرك .
******************.
في غرفه نور ...
كانت تقف نور وهي تعد شنتطتها ليسرع إليها صالح بفزع لفقدانها .
/بتعملي ايه ي نور انتي مش هتمشي من هنه .
نور بدموع وحده /أخرج من هنا ي صالح لحد يسمعنا وانا قولتلك الي عندي طلقني ي صالح لاني مستحيل اعيش معاك بعد الي عملته انت اناني ومبتفكرش الا في نفسك روح ي صالح ل للرقصات هو ده اخرك .
صالح بعشق وغيظ /حرام عليكي عاد انا بشيل فوق طاقتي عمال اعتزرلك واتاسفلك وانا قسما بالله عمري معملت كده مع حد واصل سمحيني ي نور سمحيني ميبقاش قلبك قاسي كده ومين قالك اني هسيبك تبعدي عني واصل انا بعشقك ي نور بعشقك .
نور بوجع والم /خلاص خلصت سبني بقا علشان مش عايزه اتاخر .
صالح بغيظ شديد/ماشي بس متفتكريش اني هسيبك تبعدي عني واصل والكل لازما يعرف انك مرائتي خلاص كفايه اوي كده وانا هتغير اوعدك .
ليسير الي الخارج تحت ابتسامتها العاشقه ..
*********************.
في غرفه فرحه ..
كانت تجلس أرضا بدموع والم ليقترب منها صالح بجديه .
/لسه بتبكي قد كده كنتي خايفه .
فرحه بارتباك شديد/ايوه خوفت جوي .
صالح وهو يقف أمامها بثبات /بس انا دلوقتي هقولك خبر يفرحك جوي هينسيكي كل الخوف والحزن الي انتي فيه .
فرحه باستغراب /ايه هو .
صالح بجديه /انتي طالق ي فرحه رصاصه الرحمه دي كان لازم اضربك بيها من زمان انا اسف ي فرحه عارف اني ظلمتك كتير اوي انا اسف ي بنت عمي بتمنالك كل السعاده وتعرفي اني دايما هفضل اخوكي وفي ضهرك ي فرحه عن اذنك .
لتسقط فرحه أرضا بدموع الفرح واخيرا قد تحررت من ذلك السجن .
*****************.
في غرفه قاسم ونجمه ..
كان ينام قاسم أرضا بحنق شديد فهو يريد دائما أن يغفا داخل أحضانها لكن هي من صممت أن تغفا لوحدها علي السرير وهو ما عليه غير تنفيذ أوامر نجمته المدلله.
قاسم بضيق /نجمه انتي نمتي .
نجمه وهي تكتم ضحكاتها بصعوبه /هنام اهوه ي قاسم فيه حاجه.
قاسم بضيق /اووف يخربيت العشق فعلا بيذل انا مش عارف انام من غير حضنك اهون عليكي .
نجمه بابتسامه عاشقه /متهونش ي روحي بحبك ي قاسم بحبك وبعمل كل ده علشان اسمعها منك طول الوقت .
قاسم وهو يحتضنها بعشق /وانا بعشقك ي روحي ي نجمتي الجميله .
*********************.
في المستشفي .
في غرفه هشام ..
كان يجلس علي السرير ممتد كالجثه الهامده فقد خسرا كل شي .
مالك بجديه/عامل ايه دلوقتي ي هشام.
هشام بدموع ووجع/هكون عامل ايه ي مالك بتعاقب علي الي عملته .
مالك بجديه /ليه عملت كده ي هشام ليه ضربت نفسك بالنار ليه .
هشام بدموع ووجع/علشان حبيتها بجد ي مالك علشان تعرف حقيقتي كنت عايزها تكرهني وتبعد عني ملاك زيها مينفعش يكون مع شيطان زي .
فرحه وهي تسير للداخل بابتسامه وعشق /بس انا بحبك ومش عايزه غيرك من الدنيا دي ي هشام .
هشام بصدمه /فرحه انتي ايه الي جابك هنا مش خايفه .
فرحه وهي تنظر إليه بعشق /لا مش خايفه انا من النهارده مش هخاف تاني انا أطلقت من صالح سبت الدنيا كلها ومش عايزه غيرك انت وبس ي هشام.
هشام بدموع وندم/حتي بعد كل الي انتي عرفتيه حتي بعد مابقيت مشلول .
فرحه وهي تمسك يده بتصميم وعشق /بعشقك ي هشام انت الراجل الوحيد الي دخل قلبي وملكه من اول نظره .
هشام بعشق/وانتي والله العظيم الست الوحيده الي عشقتها اوعدك اني هكون انسان جديد ي فرحتي وهعوضك عن كل الي شوفتيه .
*******************.
في فيلا زهران...
كان يقف صالح وهو يمسك يد نور بتملك وثبات لمواجهة أي شي من أجلها .
نجمه بحده وغيظ/ايه مرائتك ازي ي عني اتجوزتها من غير ما نعرف ازي ايه ملهاش أهل وانتي ازي توافقي علي كده ده انا همسح بيكي البلاط .
صالح بحده /قاسم عرف مرائتك اني مش هقبل أن حد ياذي مرائتي ولا بكلمه واحده انا مخطفتهاش ي نجمه انا حبيتها واتجوزتها علي سنه الله ورسوله.
زهران بحده /أكده بمزاجك من غير ماتخبر حد .
صالح بثبات وقوه /اول مره ي ابوي اعمل حاجه نفسي فيها وعلي كيفي اول مره انا عارف يمكن الطريقه مش عجباكم الي قدامكم دي أغلا شي في حياتي مش رخيصه ابدا انا هعملها فرح الصعيد كله يتحدد عنه اما فرحه فأنا خرجتها من سجني تشوف حياتها مع الي يستهلها كفايه عليها الي شافته .
زهران بجديه /وانتي ي نور ي بتي موافقه علي جوازك منه مرتاحه .
نور بابتسامه وسعاده /مرتاحه ي عمي انا اسفه ي نجمه ارجوكي متزعليش مني ده انا اختك الصغيره .
نجمه بحنان وطيبه وهي تحتضنها /هو انا بعرف ازعل منك ي هبله ربنا يتمملكم علي خير ي روحي بس صالح خود بالك منها .
صالح بابتسامه وعشق /بتوصيني علي ايه دي روحي والنفس الي بيطلع مني .
قاسم بعشق وهمس /شوفتي حتي صالح بقا رومانسي انتي واختك جننوتوا الي خلفونا .
نجمه بعشق /بعشقك ي قاسم بحبك اوي .
قاسم وهو يحتضنها ويلمس علي بطنها الصغير /وانا بعشقك انتي و ابن الكلب ده .
نجمه بعشق ودلع /اوعوا تشتم أبوه لان أبوه حبيبي .
قاسم بغيره وغيظ /بس اوعي ياخدك مني ده انا ارميه في الشارع .
نجمه بضحكه ساحره/انا محدش يقدر ياخدني منك انا نجمه القاسم وبس .
********************.
في عياده مالك ..
كانت تجلس ورده بشرود .
مالك وهو يمسك يدها بعشق/ايه ي روحي مالك
ساكته ليه كده .
ورده بابتسامه/سرحانه في كل الي حصلنا ده ولا الاحلام ي مالك .
مالك وهو يقبل يدها بعشق/كله خير ي حبيبتي كله نصيب ونصيبنا احنا من الفرحه جاي أن شاء الله.
ورده بخوف شديد/خايفه اوي ي مالك لما ابويا يعرف أننا متجوزين .
مالك بابتسامه عاشقه /متخافيش ي حبيبتي احنا معملناش حاجه غلط ومتنسيش أن اخوكي قاسم عارف وشاهد علي جوازنا بس خلاص لازما الكل يعرف انا مبقتش قادر علي بعدك اكتر من كده ي عني مرائتي ومتحرمه عليا كده .
ورده بنظره خبيثه /طب مانا مرائتك ولا ايه.
مالك بابتسامه/انا حرمتك علي نفسي لحد مالكل يعرف انك مرائتي مش هلمس منك شعره الا لما تكوني في بيتي .
ورده بعشق /بعشقك ي سيد الرجاله كلهم
مالك وهو يقبل يدها بعشق /وانا بعشقك ي ست البنات كلهم .
*********************.
في أحدا المطاعم الفاخمه .
في روما ...
كانت تجلس لارا بحزن شديد ليقبل طاهر يدها .
/في ايه ي لارا انت بقالك فتره مش مظبوطه فيه حاجه اتكلمي متسكتيش .
لارا وهي تحبس الدموع بقوه/ابدا ي روحي مفيش حاجه ي غالي .
طاهر بشك /متاكده.
لارا بابتسامه باهته /متاكده .
كان يضع النادل اكواب العصير لتشعر بشي غريب في كأس طاهر كانت لتتحدث لترا ذلك القناص الذي يصوب من بعيد علي طاهر ويشير إليها بنظره مرعبه لتتاكد بأن ذلك الكاس به شي لتحتضن طاهر ببراعه لتبدل الاكواب سريعا لتشرب هي ذلك الكاس لتنظر إليه بدمع ووجع .
/سمحني ي طاهر سمحني ....
نجمه القاسم ❤️❤️❤️❤️.
رنا احمد عماد ❤️❤️❤️.
بارت 14..
**********.
في روما .
في أحدا المطاعم الفاخمه.
كان يمسكها طاهر بين يديه وهي تنظر له بدموع ووجع والم شديد ليصرخ هو بفزع وخوف .
/لارا مالك فيه ايه اتكلمي في ايه .
لارا بدموع وهي تلتقط أنفاسها /بحبك ي طاهر كل الي عايز تعرفه هتلاقيه في فلاشه في درجك المفضل بس وحياه أغلا حاجه عندك لتسمحني .
لتغفا لارا بين يديه ليصرخ بدموع وصراخ.
/لارررررررررا .
********************.
في المستشفي .
كان يمسك يدها وينظر أمامه بدموع بعدما علم كل شي وأنها ضحت بحياتها من أجله ولكن يتوعد لكل من اذاها .
/ماشي ي فاتن انتي والكلب بتاعك حسابكم عده معايا كل الحدود ونهايتكم خلاص اتكتبت .
الدكتور بأسف /أن شاء الله تفوق قريب وربنا يطمنك عليها .
طاهر بدموع لا تتوقف /هي حالتها ايه بالظبط طمني عليها .
الدكتور بأسف /مخبيش عليك السم كان شديد اوي اثر علي خلايا المخ بشكل سريع جدا وهي دلوقتي دخلت في غيبوبه ادعيلها عن اذنك .
طاهر وهو يمسك يدها يقبلها بعشق ودموع وندم /اوعي تسبيني ي لارا اوعي انا مصدقت لقيتك لدرجه دي بتحبيني ي روحي وانا بعشقك والله العظيم اوعدك أن هاخد حقك والنهارده مش بكره .
ليمسك هاتفه ويتصل بالقوات الخاصة به ليحقق هدفه الذي فعل كل ذلك من أجله وهو القبض على فاتن وهاشم تلك العصابه الذي تسببت في تدمير الكثير من الشباب بسبب تجاره المخدرات .
******************.
في المستشفي .
في غرفه هشام .
كانت تجلس فرحه وهي تتطعم هشام بابتسامه وسعاده.
هشام بابتسامه عاشقه /هتفضلي تتدعليني كده كتير ي فرحه حياتي .
فرحه بابتسامه ساحره/طبعا ده أنت حبيب قلبي ي هشام وان شاء الله هتخف وتبقا زي الفل .
هشام بابتسامه وسعاده/مش قادر اصدق ي فرحه انتي فعلا فرحه حياتي كلها غيرتي حياتي وخلتيني انسان جديد بحبك اوي ي فرحه اوي.
فرحه بابتسامه وسعاده /وانا بعشقك ي روح قلبي.
مالك بابتسامه/ايوه ي عم ماشيه معاك حلاوه ي بختك .
فرحه بابتسامه/عقبال لما تتجمع انت وروده ي مالك .
مالك بابتسامه/امين يارب ي فرحه يسمع من بوقك ربنا انا خلاص مش قادر علي بعدها اكتر من كده مرائتي ومحروم منها .
هشام بابتسامه/ربنا يجمعكم مع بعض عن قريب .
جعفر بابتسامه وندم /دي بقا سيبها عليا انا ي ولدي انا الي بوظت وانا برضك الي هصلح كل حاجه.
********************.
في فيلا زهران ..
كان يقف زهران بصدمه من وجود جعفر ليتحدث بحده .
/انت واعي للي بتعمله دلوقتي وانك هنه في بيتي ي جعفر .
جعفر بندم وانكسار /ايوه واعي جوي ي زهران وجاي ندمان وعايز ننسي كل الي بينا ونرحم عيالنا من الوجع ده وكفايه جوي الي شافوه بسببنا الدنيا دي متستهلش حاجه واصل والله متستاهل .
زهران بجديه /معقول الي حصل ل ابنك هشام كسرك كده .
زهران بندم وحزن /مش بس كسرني ده فوقني من الضلمه الي كنت عايش فيها ارجوك ي زهران جوز ورده ل مالك وفرحه ل هشام وكفايه كده ظلم ونار بينا .
قاسم بابتسامه ساحره /عمي جعفر عنده حق ي ابوي وعلي فكره ورده ومالك مكتوب كتابهم سمحني ي ابوي اني عملت كده من وراك بس غصبن عني مكنتش اقدر اتحمل اني اختي تعمل في نفسها حاجه سمحني ي ابوي بس والله مالك راجل.
زهران بابتسامه وسعاده/انا واثق فيك ي قاسم يبقا خلاص فرح مالك وورده وفرحه وهشام مع نور وصالح بس لازما نستنا لما عده فرحه تخلص .
قاسم بسعاده /طبعا ي ابوي طبعا ربنا يخليك لينا .
جعفر بابتسامه رضا /الحمد لله كده الواحد هيرتاح صافي ي لبن .
زهران بابتسامه /حليب ي قشطه .
قاسم بابتسامه وارتياح /الحمد لله .
**********************.
في غرفه نجمه .
كانوا يجتمعون جميع الفتيات بفرحه لا توصف .
ورده بسعاده /مش قادره اصدق اني خلاص هكون مع مالك حبيب قلبي انا حاسه اني بحلم .
فرحه بابتسامه/وانا واخيرا لقيت نصي التاني الي نور حياتي كلها .
نور بابتسامه/مسمحاني ي فرحه من قلبك .
فرحه بابتسامه حنونه/يمكن لو مكنتش حبيت مكنتش عزرتك ولا فهمتك ربنا يهنيكم يا نور .
نجمه بابتسامه وعشق /مهما هتعملوا مش هيكونوا زي قاسم حبيبي ابدا اه بموت فيه .
قاسم وهو يحملها بعشق /وانا بعشقك ي موزتي تعالي بقا معايا محضرلك مفاجاه تجنن .
ورده بابتسامه وغمزه /الله يسهله ي عم .
قاسم بغيظ /خليكي في حالك ي مرات دكتور البهائم انتي .
******************.
في غرفه نجمه ...
كانت تنظر إلي الغرفه بانبهار لتلك الورود الحمراء والشموع التي تزين المكان .
نجمه بابتسامه وسعاده/ايه كل ده ي قاسم .
قاسم وهو يقبلها بعشق /احتفالا ب روحي وحبيبتي كل لحظه بتعدي وانتي معايا بحسها لحظه لازم اشكر ربنا عليها كل شويه .
نجمه بابتسامه وسعاده/وبعدين معاك ي قاسم قلبي مبيتحملش كلامك ده .
قاسم وهو يقبل يدها بعشق/امال لما تسمعي الي جاي هتقويلي امسكي ده ورق مكتب المحاماه بتاعك ي اجمل محاميه علي وجه الارض .
نجمه بدموع الفرحه /بجد ي قاسم مش مصدقه .
قاسم بابتسامه ساحره/لا صدقي ي حبيبتي قولتلك احلامك كلها هحققهالك ي نجمه القاسم .
نجمه وهي تحتضنه بعشق /ربنا يخليك ي قاسم .
قاسم بابتسامه وغمزه /طب مفيش كده مكافاه .
نجمه بعشق /امرك ي مالك قلبي نجمتك ملك ايديك ورهن اشارتك .
********************.
في فيلا سعاد وهاشم .
كانوا يقفون سريعا وهم يستعدون للرحيل ليقف أمامهم طاهر بثقه وثبات ورغبه قويه في الانتقام .
طاهر بحده /علي فين ايه فاكرينها ساهله كده انا خاطرت بحياتي علشان اللحظه دي ازيك ي حماتي وحشتيني اوي بس هلبسك دلوقتي الكلابشات في ايديكي الحلوين دول .
سعاد بحده /مفيش حاجه تقدر تمسكها علينا ي حضره الظابط .
طاهر بكره /لا فيه دورو في كل حته لحد ماتلاقوه المخدرات .
ليتفرقوا القوات في كل مكان ليقترب منها طاهر بقوه وثبات .
/واخيررا موتي احمد واتسببتي أن مرائتي تموت نفسها وتشرب السم مكاني انتي اكتر واحده انا كرهتها في حياتي زورت موتي اتغربت عن اهلي بس علشان اوصلك ودلوقتي هدخلك السجن عمرك كله انتي و العره اخوكي .
أحدا الظباط /لقينا كميه مهوله من المخدرات ي طاهر باشا .
طاهر بابتسامه انتصار /واخيرا ي حماتي وقعتي في ايديا هبعتلك بنفسي عيش وحلاوه متخافيش اقبضوا عليهم يلا .
ليتم القبض عليهم لتاتي مكالمه ل طاهر من دكتور لارا يخبرها بأنها آفاقت .
*******************.
في غرفه لارا ...
كان يحتضنها طاهر بعشق وسعاده لا توصف .
/كده ي يروحي عايزه تروحي مني هونت عليكي ي لارا .
لارا بدموع /اسفه ي روح لارا اسفه حياتك عندي أغلا من روحي بحبك ي طاهر بحبك .
طاهر بابتسامه وعشق /وانا بعشقك ي روحي وخلاص الكابوس انتهاء وهنرجع مصر وانتي مرائتي وبين ايديا .
نجمه القاسم ❤️❤️❤️
رنا احمد عماد ❤️❤️❤️.
البارت الاخير ❤️❤️❤️❤️.
في فيلا زهران ...
كان الجميع يجلس بصدمه بعد عوده طاهر ومعرفه تلك الحقيقه المره كانت تبكي نجمه بين يدي قاسم بوجع ومراره لا يختلف حالها عن نور ليتحدث طاهر بجديه وثبات .
/انا اسف جوي بس هو ده الي كان لازما يحصل الحقيقه كان لازم تبان والي عمل حاجه يدفع تمنها.
نجمه بدموع ووجع/طلقني ي قاسم طلقني .
قاسم بدموع وضياع /بتقويلي ايه نجمه ابوس ايدك اعملي فيا الي انتي عايزاه بس كده تبقي بترميني في جهنم متعمليش فيا كده ي حبيبتي .
نجمه بدموع وصراخ/انا منفعكش ي قاسم منفعكش امي تاجره مخدرات وقتاله قتله ي قاسم انا مشرفكش ي قاسم طلقني .
ليغما عليها ليسرع بها قاسم الي الاعلي .
صالح بغيظ شديد/طب اقولك ايه دلوقتي خليت الليله هم جبر يلمك طول عمرك عيل غتت .
طاهر بابتسامه ساحره واستفزاز /كتير خيرك ي اخوي بعد اذنك هطلع ل عروستي .
صالح بغيظ شديد/روح ي اخويا روح ده انت بجح منك الله ي طاهر .
****************.
في غرفه قاسم ونجمه .
كان يحتضنها بعشق وتملك ليتحدث قاسم بحنان .
/نجمه ابوس ايدك انا مقدرش اشوفك كده ده انا اموت لو جرالك حاجه.
نجمه بدموع واحتياج /متسبنيش ي قاسم انا ماليش غيرك دلوقتي اديك شوفت الي بينا فيه انا واختي .
قاسم بابتسامه ساحره/انا عايزكي تنسي كل حاجه والدتك ميتبكيش عليها الي متفكرش في بناتها وتعمل كده يبقا مستحيل تكون ام اهدي ي روحي علشان البيبي المفعوص الي في بطنك وبعدين ده بكره الفرح وضرب النار وهدلع حبيبتي بقا .
نجمه بضحكه مخلوطه بالدموع /والله انت فائق ورايق بس برضه بحبك .
قاسم وهو يضمها بعشق /وانا بموت فيكي ي غاليتي بحبك ي نجمتي بحبك .
نجمه بعشق /وانا بعشقك ي روح قلبي.
وهكذا اجتمع كل العشاق ❤️❤️❤️.
❤️❤️❤️❤️❤️❤️❤️❤️❤️.
ليلا .
في فيلا زهران ..
كانت الانوار الزاهيه تتلألأ في جميع أنحاء الفيلا والفرحه تملأ المكان.
كان كلا من الفرسان ينتظر معشوقته لتاتي اللاميرات بشكلهم الساخر الجميل ليأخذ كل فارس معشوقته .
قاسم وهو يرقص مع نجمه/مش قادر اصدق ي نجمه أن كل الكوابيس الي في حياتنا انتهت وبقيتي مرائتي وبتحبيني كمان انا مش قادر اصدق ي نجمتي .
نجمه وهي تقبل يده بعشق وحنان /صدق ي قلبى صدق اني بقيت ملك ايديك ورهن اشارتك ي سيد الرجاله.
******************.
صالح بعشق وابتسامه/مبروك ي نور حياتي كلها .
نور بابتسامه وسعاده /الله يبارك فيك ي حبيبي مبروك عليا أنت انا بحبك اوي ي صالح اوي .
صالح بابتسامه وهو يغمز لها /هنتطلع فوق دلوقتي وتقولك انا بحبك قد ايه .
نور بارتباك وخجل /سافل .
صالح بضحكه عاليه/هههههه عارف بحبك .
نور بعشق /بعشقك .
***************.
مالك بابتسامه/مبروك ي ورده حياتي كلها ايه الجمال ده بس .
ورده بابتسامه/انت الي عيونك حلوه ي حبيبي بعشقك .
مالك بعشق /انا بموت فيكي
*****************.
كان يجلس هشام بجانب فرحه التي كانت لاول مره تشعر بالفرحه .
فرحه بابتسامه وسعاده /ايه ي هشام هتفضل ساكت كده ي حبيبي .
هشام بحزن شديد/كان نفسي ارقص معاكي قدام الناس دي كلها واخليكي فرحانه بجوزك زي باقي البنات .
فرحه وهي تمسك يده بعشق /انا فرحانه فوق ماتتخيل مش قادره اصدق اني اخيرا لقيت الحب الي بجد بعشقك ي هشام .
هشام وهو يقبل يدها بعشق /وانا بعشقك ي فرحه حياتي فرحه انتي حياتي انتي خرجتيني من الضلمه للنور اوعدك اني هعمل المستحيل علشان اخليكي اسعد ست في الوجود .
***************.
طاهر بضحك /هههههه هتفضل مكتومه كده كتير .
لارا بغيظ شديد/بقا معقول ابقا معاك ده كله وتتطلع ظابط ي طاهر وبتسغفلني .
طاهر باستغراب /انا مش قادر افهمك بصراحه انتي المفروض تكوني مبسوطه انتي كنت بتحبيني وانتي عارفه اني تاجر مخدرات ودلوقتي لما عرفتي اني ظابط زعلانه .
لارا بخوف شديد/خايفه ي طاهر خايفه لتسبني في اي لحظه خايفه يجي عليك وقت تحس اني غلطه تندم عليها ساعتها والله هموت انا بحبك ي طاهر بحبك .
طاهر وهو يقبل يدها بحنان /وانا بعشقك ي روح طاهر عمري مهسيبك ي لارا عمري .
*******************.
بعد مرور 9 اشهر ..
في المستشفي .
كان يقف زهران ووداد وهم يحملون توام قاسم ونجمه .
زهران بابتسامه/الواد شكله عصبي زيك ي قاسم .
وداد بابتسامه/والبت شكلها هتطلع رقيقه وجميله زي نجمه ربنا يخليهم ليكم ي ولاد .
قاسم وهو يقبل راس نجمه بعشق وسعاده /الف حمد علي سلامتك ي نجمه قلبي .
نجمه بابتسامه وعشق /مبسوط ي قاسم .
قاسم بسعاده لا توصف /مبسوط دي كلمه قليله اوي علي الي انا فيه بقيتي مرائتي وبقا عندي منك اجمل طفلين في الدنيا انا كده مش عايز حاجه من الدنيا عشقي ليك ي نجمه كان بيتخطا كل الحدود عنيت كتير جوي من رفضك ليا بس ربنا عوضني خير ي حبيبتي.
نجمه بدمع /اسفه ي روحي اسفه ي قاسم كنت غبيه ومش فاهمه حاجه بس خلاص بقيت ملك ورهن اشارتك بحبك ي قاسم بحبك .
قاسم وهو يحتضنها بعشق /وانا بعشقك ي نجمه القاسم ❤️❤️❤️❤️.
تمت بحمد الله...
هستنا رايكم في الروايه بحبكم قد الدنيا دمتم بخير وعافية ❤️❤️❤️❤️. ❤️❤️❤️. ❤️❤️
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺