رواية يوسف الديب الفصل الاول بقلم محمد منصور حصريه وجديده على مدونة أفكارنا
 |
رواية يوسف الديب الفصل الاول بقلم محمد منصور حصريه وجديده على مدونة أفكارنا
انا ما قتلتهاش
اومال اية العلاقة بينك وبينها مع انها بنت صاحب شركة الادوية المنافسة ليك في السوق
للمتعه والترفيه أدخلوا هنا 👇 ❤️ 👇ما فيش بيني وبينها اي علاقة
انت كدة مش عايز تساعدني ولا تساعد نفسك لانك مصمم تكدب
لوسمحتي انا مش كذاب دة انا يوسف الديب صاحب اكبر شركة ادوية في مصر والشرق الاوسط
وانا سرينا اكبر محامية في اسبانيا والمفروض اني هنا علشان اساعدك تخرج براءة من جريمة القتل اللي انت متهم فيها وترجع بلدك بسلام
انا هرجع مصر يعني هرجع وانا دفعت كتير ل دنيال علشان تكوني المحامية بتاعتي ف مش من المعقول بعد كل الفلوس اللي خديها تقولي اني مش هرجع مصر
لو ما ساعدنيش مش هترجع مصر و هتعيش هنا في السجن مدي الحياة ودي عقوبه القتل العمد
تاني هتقولي قتل عمد. اقسم لك اني ما قتلتهاش
وانا تاني هقول لك ساعدني وقول اللي حصل بالتفصيل. علشان اقدر اخرجك براءة
اهلا وسهلا بيكم واقتباس جديد من احلي الافلام والمرة دي الفيلم اسباني بوليسي لكن انا خليته مصري بوليسي وسميته
★يوسف الديب★
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
الحوار اللي انتم سمعتو في المقدمة دة حوار دار بين يوسف الديب رئيس مجلس ادارة اكبر شركة ادوية في مصر والشرق الاوسط. وبين اكبر محامية في اسبانيا سرينا راموس. اية بقي اللي خلي صاحب شركة ادوية زي يوسف يتهم في قضية قتل في اسبانيا ولية اصلا هو راح اسبانيا. هتعرفو من يوسف نفسه صاحب الحكاية
انا يوسف الديب و حابب قبل ما ندخل في الجد اعرفكم مين انا.
للمتعه والترفيه أدخلوا هنا 👇 ❤️ 👇انا كنت موظف بسيط في شركة ادوية كبيرة صاحبة رافت عزيز والشركة دي مجرد شركة من شركات كتير يمتلكها رافت عزيز وهي في الاصل باسم بنته شيماء وانا اول ما عرفت كدة قررت استغل وسامتي و بدات اكون زي الظل ل شيماء وكان الغرض من دة اني اترقي في شغلي واكون مدير حسابات الشركة مثلا. لكني ما اتوقعتش اني ابقي جوزها وصاحب الشركة والراجل الاول مش بعد رافت عزيز ابوها لا. قبله ودة عمل مشاكل كتير وبنها وبين ابوها
بس انا كنت بعيد وهي كانت قاصدة اي شركة باسمها اكون فيها الراجل الاول وصاحب الكلمة الاولي و الاخيرة وفضلت عايش في الجنه معاها فلوس وحب لكن
ما فيش اطفال اصلها ما بتخلفش ودة ما سببش ليا انا اي مشكلة لا. عادي انا اصلا فكرة اني اكون اب دة ما كنتش علي بالي وجت الكورونا وكان لازم كاي شركة ادوية صاحبها شاطر زي يوسف الديب اني استغل الموقف واعمل من وراء مليارات وعرفت باتصالاتي بان في شركة ادوية اسبنانية قدرت توصل ل عقار مفيد جدا في حالات الكورونا دة حتي يقدر يشفي كبار السن. سافرت اسبانيا ودي ما كنتش اول مرة اسافر فيها اسبانيا دة انا حتي ليا هناك علاقات كتير مع رجال سياسة في اسبانيا و بتكلم اسباني زي اهل البلد الاصليين بالظبط و اتعرفت هناك علي راجل سياسة تبع العيلة المالكة في اسبانيا. اسمه دنيال كان بيسهل لي كل حاجة انا عايزها
وفي اخر سفرية اتقلبت عليه الدنيا
و اديتني ظهرها لما جالي جواب من شخص غامض بيعرفني ان نرمين فايز بنت المنافس الاول لي شركة الادوية في مصر موجودة في اسبانيا علشان تخلص صفقة العقار المضاد لفيرس كورونا واداني عنوان فندق ما بيشتغلش في اسبانيا الا شهور الشتاء بس لانه مبني وسط الجليد علي قمة جبل وروحت الاوضة دي جوة الفندق واتقفل عليه الباب واضربت في دماغي و اغمي عليه وفوقت لقيت جثة نرمين في الاوضة دي مرمية في الحمام غرقانه في دمها وفوق منها فلوس كتير والبوليس الاسباني علي الباب بيخبط ولما انا ما فتحتش دخلو وقبضو عليه بتهمة قتل نرمين
قدر دنيال يخرجني من السجن ولكني بقيت ممنوع من السفر والرجوع لمصر لغاية ما المحكمة تحكم الحكم النهائي اما البراءة او ان اعيش مدي الحياة في السجن الاسباني الاقوي و الاشرس علي مستوي اوروبا كلها وعيشت جوة شقة في مبني تحت حراسة البوليس الاسباني
وهنا كان لازم دنيال يساعدني ورشح لي اقوي واشهر محامية في اسبانيا. سرينا راموس اللي ما خسرتش
الا قضية واحدة في حياتها من 500 قضية. اترفعت فيهم وعلشان انا ممنوع من الخروج من المبني اللي عايش في سرينا جت لغاية عندي وفتحت لها وهي كانت ست في اواخر الخمسينات شعرها قصير وابيض كله باين عليها ذكية جدا و بتهتم بادق التفاصبل. وبعد ما تم بينا الترحيب قالت لي
قتلتها لية
يوسف
انا ما قتلتهاش
سرينا
اومال اية العلاقة بينك وبينها مع انها بنت صاحب شركة الادوية المنافسة ليك في السوق
يوسف
ما فيش بيني وبينها اي علاقة
سرينا
انت كدة مش عايز تساعدني ولا تساعد نفسك لانك مصمم تكدب
بوسف
لوسمحتي انا مش كذاب دة انا يوسف الديب صاحب اكبر شركة ادوية في مصر والشرق الاوسط
سرينا
وانا سرينا اكبر محامية في اسبانيا والمفروض اني هنا علشان اساعدك تخرج براءة من جريمة القتل اللي انت متهم فيها وترجع بلدك بسلام
يوسف
انا هرجع مصر يعني هرجع وانا دفعت كتير ل دنيال علشان تكوني المحامية بتاعتي ف مش من المعقول بعد كل الفلوس اللي خديها تقولي اني مش هرجع مصر
سرينا
لو ما ساعدنيش مش هترجع مصر و هتعيش هنا في السجن مدي الحياة ودي عقوبه القتل العمد
يوسف بعصبية
تاني هتقولي قتل عمد. اقسم لك اني ما قتلتهاش
سرينا
وانا تاني هقول لك ساعدني وقول اللي حصل بالتفصيل. علشان اقدر اخرجك براءة
يوسف
انا حكيت ل دنيال كل اللي حصل
سرينا
الجواب اللي جالك من شخص غامض بيقول لك ان المنافس ليك في السوق هياخد منك العقار المضاد لفيرس كورونا وروحت الفندق وبعدها حد ضربك صحيت لقيت نرمين مقتوله في الحمام
يوسف
بالظبط دة اللي حصل
سرينا بحدة
دة كله من تاليفك و سامحني استاذ يوسف انت مؤلف فاشل والحكم عليك بالسجن مدي الحياة دة هيكون اقل شئ يتحكم عليك بي بعد اللي انت بتقوله دة
يوسف ارتبك وبان عليه اوي وسرينا بصت في عيونه وقالت بحدة
احب اعرفك ان قبل ما اجي لك هنا ظهر في القضية شاهد اثبات ممكن يقلب كل اسباب الدفاع عندنا
و ينسفها نهائي ولو دة حصل انا مش هقبل القضية دي لاني خسرت قضية مرة وما عنديش اي استعداد اخسر القضية التانية
ووقفت سرينا اللي كانت قاعدة قصاد يوسف ووسطهم تربيزا عليها اوراق ملف قضية يوسف وقالت
و فلوسك هترجع لك في اقرب وقت
ولمت سرينا ملف القضية اللي كان قصاد منها وهنا يوسف قال
رايحة فين مدام سرينا
سرينا
ما عنديش استعداد اضيع وقتي معاك
مسكت ايدها وقولت لها
طيب ممكن تقعدي
سرينا
هقعد لو عندك استعداد تقول الحقيقية
يوسف
هقول الحقيقية بس اقعدي من فضلك
قعدت سرينا و بصت في عيون يوسف وقالت
وانا مستعدة اسمع الحقيقية وبس
يوسف بعد تفكير للحظات قال
انا فعلا كنت بكذب
ابتسمت سرينا وقالت
بداية عظيمة. احب بقي اعرف اية العلاقة اللي بينك وبين نرمين واللي بسببها انتم الاثنين كنتم في الفندق دة
يوسف
نرمين تبقي عشيقتي
اتصدمت سرينا وكتبت قصاد منها اللي اتقال، ،،،،،
ما تنسوش الدعاء ل امي
وصلنا لنهاية الحلقة الاولي من حكايتنا اللي يارب تكون عجبتكم سلام
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺