قصة يوسف الديب الفصل الثاني بقلم محمد منصور حصريه وجديده على مدونة أفكارنا
 |
قصة يوسف الديب الفصل الثاني بقلم محمد منصور حصريه وجديده على مدونة أفكارنا
ابتسمت سرينا وقالت
بداية عظيمة. احب بقي اعرف اية العلاقة اللي بينك وبين نرمين واللي بسببها انتم الاثنين كنتم في الفندق دة
يوسف
نرمين تبقي عشيقتي
اتصدمت سرينا وكتبت قصاد منها اللي اتقال وبعد ما كتبت سرينا اللي انا قاله يوسف في سؤال خطر علي بال يوسف اللي قال ل سرينا
بس انتي ازاي عرفتي اني بكذب
سابت القلم و بصت ليوسف وقالت
هقول لك
★يوسف الديب★
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
سرينا بصت ل يوسف وقالت
لو في حد قاصد انه يلبسك جريمة قتل لية اختار نرمين بالذات الا لو انت علي علاقة بيها ودة يخليك تروح لها ولو في اخر الدنيا وماروحتلهاش في اي مكان دة انت روحت فندق في اخر اسبانيا فوق اعلي قمة جبل وبيكون مقفول طول السنه وما بيفتحش الا تلت شهور الشتاء وقت ما الجليد بيغطي الجبل اللي الفندق مبني فوق قمته. وصعب جدا ان حد يخطط ل جريمة قتل في فندق زي دة وخصوصا ان تفريغ الكاميرات اثبت ان ما حدش دخل
او خرج من الغرفة قبل دخول نرمين الا انت
يوسف
لية ما يكنش القاتل. دخل و خرج من شباك الاوضة
سرينا
شبابيك الفندق دة مستحيل تتفتح الا من الداخل لان الثلج يمنع فتحها من الخارج مهما حصل و المقابض من الداخل مش موجودة الا مع عمال النظافة اللي شغالين في الفندق
و بيتم فتح الشبابيك دي بعد زوال الجليد للتنظيف والصيانة. عرفت لية بقي ان اللي انت قولته مستحيل حد يصدقة. ودلوقتي خلينا نبدا من جديد ومن عند نقطة ان نرمين عشيقتك.
للمتعه والترفيه أدخلوا هنا 👇 ❤️ 👇يوسف
اتمني ان المعلومة دي ما يعرفهاش حد لاني ما ينفعش بعد كل اللي عملته معايا شيماء يكون رد الجميل ليها انها تعرف اني بخونها وانا اقسم لك ان علاقتي بنرمين علاقة تمت في لحظة ضعف ونرمين هي السبب فيها
سرينا
مفهوم. اية اللي حصل بينك وبين نرمين واية اللي عند شاهد الاثبات اللي ظهر جديد في القضية ممكن يقوله
يوسف رجع يسكت تاني وهنا سرينا قالت
افتكر اننا عدينا مرحلة السكوت والافضل انك تتكلم علشان اقدر ابني دفاعي ليك علي ادلة تثبت برائتك واي كلام يقوله شاهد الاثبات اقدر انفي بسهوله
يوسف اتنهد وقال
الحكاية بدات لما قررت نرمين تاخدني بعربيتي في رحلة جوة غابة من غابات اسبانيا غابة تعتبر محمية طبيعية للغزلان الناردة كانت الرحلة جميلة جدا لكن نرمين قررت تتكلم معايا في امر جوازنا ومن هنا كانت المصيبة
و تعالو اخدكم ونروح للغابة ويوسف جوة عربيته وجنب منه نرمين
و ماشين في الطريق الاسفلت اللي بين غابتين والطريق رغم انه حارة واحدة لكنه رايح جاي ودة محتاج تركيز من اي سواق بيمشي في لكن يوسف كان باصص ل نرمين وبيقول بعصبية
انسي اننا نتجوز دلوقتي خالص انا بحب شيماء واللي عملته معايا دة طوق حوالين رقبتي ومستحيل اجرحها
نرمين
خايف تجرحها هي لكن عادي لو عيشت في حضني ليالي في الحرام
يوسف
انا ما ضربتكيش علي ايدك ولو ناسية مين اللي بدا عندي استعداد افكرك
نرمين
عايز تقول اية اني انا اللي، ،،،
في الوقت دة طلعت غزالة من الغابة اللي ناحية اليمين وكانت بتعدي الطريق في حاول يوسف يتفادها لكنه فقد السيطرة علي العربية ودخل في عربية تانية كانت جاية في وشة والعربية دي سواقها قدر ينحرف بالعربية في اخر لحظة لكنه هو كمان فقد السيطرة علي عربيته ودخل في شجرة كبيرة من اشجار الغابة
و اتكسر وش العربية بتاعه وعربية يوسف اتقلبت اكتر من مرة لغاية ما رجعت ووقفت علي الكاوتشات بتاعتها. لكن جوة الغابة وراء اشجار كتير وما صدقش يوسف انه لسة عايش و بص لمنظر العربية التانية
و اتخض من شكلها وقال
ل نرمين اللي كانت مصابه في حاجبها و جيبنها و بتجيب دم بسيط وقال بعصبية
عجبك كدة
قالت نرمين وهي بتبص علي الاصابات اللي في وشها
بتزعق لي بدل ما تطمئن عليه
يوسف بعصبية
اطمئن علي مين دي في مصيبة حصلت بسبب رغي معاكي
ونزل يوسف من العربية مع انه كان دايخ وراح ناحية العربية اللي عملت الحادثة وبص من ازاز العربية المكسور لقي جوة العربية شاب مصاب ورقبته بتجيب دم و ذراعة مكسور و دماغة مفتوحة. وقاطع النفس قرب منه وحاول يفوقه لكن ما كنش في اي استجابة مسك ايدة يشوف النبض لكن هنا وقفت وراء منه نرمين وهي بتكتم الدم اللي نازل منها بمنديل وقالت
دة شكله مات ولا اية
يوسف بص لها وقال
انا عارف بس منظرة ما يقولش انه عايش وكمان انا مش حاسس باي نبض في ايدة
وطلع يوسف موبيله و لسة هيطلب الاسعاف مسكته منه نرمين وقالت
انت هتعمل اية
يوسف
هطلب الاسعاف
نرمين
ويتعرف اننا كنا مع بعض
و الدنيا تخرب علينا مش كدة
يوسف
ومين بس اللي هيعرف احنا مش في مصر
نرمين
احنا في الاصعب من مصر انت ما تعرفش القانون الاسباني انت بمجرد ما هتتصل بالاسعاف. هيتعرف كل بياناتك المسجلة علي فيزا الدخول
ل اسبانيا و مش هيسبونا نرجع مصر بالساهل وممكن يتحكم علينا بالسجن المؤبد
يوسف
لية دة كله. دي الحادثة كان السبب فيها خروج غزاله من الغابة
نرمين
هي القوانين هنا كدة دي بالنسبة لهم جريمة قتل وانت السبب فيها
واحنا مش جائيين هنا علشان نضيع وقت في ملف قضية زي دي احنا جائيين علشان مصل الكورونا اللي احنا شركاء في ولا انت نسيت الاتفاق اللي ما بينا يعني تتصل ببوليس لا
ونرجع هنا للمحامية سرينا اللي كانت بتقول
قبل ما تكمل حكايتك ممكن اعرف اية الاتفاق اللي بينك وبينها
يوسف
اتفقت معها علي تقسيم ارباح بيع المصل
سرينا
يعني قررت تخون الشركة اللي انت صاحبها
يوسف
مش خيانه علي قد ماهي صفقة الغرض منها اني اسكت نرمين
و اخليها تنسي حوار جوازي منها
سرينا
وتفتكر ان في ست تنسي الجواز في مقابل مبلغ من المال
يوسف
انتي ما تعرفيش نرمين الفلوس عندها كانت ابوها وامها
سرينا
بس هي المفروض انها بتحبك مش كدة دة انت خنت مراتك معها
يوسف
علاقتي بنرمين ما كنش الحب هو الاساس فيها
سرينا
اومال اية
يوسف
لحظة ضعف ونزوة ما قدرتش اتخلص منها وفضلت خنقاني
هنا سرينا مسكت القلم تاني وجهزته للكتابة وقالت ل يوسف
طيب كمل وبعدين اية اللي حصل
و نرجع تاني ل نرمين وهي بتقول
ل يوسف
ما فيش قدامنا غير اننا نمشي ونسيب العربية دي كدة
يوسف
نهرب تقصدي
نرمين
عندك حل تاني
يوسف بص ل اخر مرة للشاب اللي جوة العربية ومشي وراح ركب عربيتة وراحت وراء منه نرمين وركبت العربية وهو حاول يدورها لكنها ما دارتش حاول كمان مرة لكن العربية برضو ما دارتش فقالت نرمين
اية اللي حصل
يوسف وهو لسة بيحاول قال
مش عايزا تدور
نرمين
يبقي انت لازم وبسرعة تنزل تخفي العربية التانية
يوسف
ودي اعملها ازاي
نرمين فكرت للحظات وبعدها طلعت خريطة من تبلاو العربية للمنطقة بالظبط وشاورت علي بحيرة كبيرو تبعد عن المكان اللي هما في بحوالي 4 كيلو وحطت صباعها علي البحيرة وقالت
ترميها هنا
يوسف
انتي مجنونه
نرمين
ما فيش وقت للرغي لازم تعمل كدة وبسرعة قبل ما عربية تانية تعدي علينا ويتعرف بامر الحادثة دي
يوسف
انا مستحيل اعمل كدة
نرمين
يبقي خلاص خلينا احنا هنا لغاية ما يجي اللي يشوف العربية كدة ويعرف بالحادثة وتخرب الدنيا علينا وتضيع مننا صفقة مصل الكورونا
يوسف
انتي عايزاني بمنتهي البساطة ارمي بني ادم في بحيرة
نرمين
هو انت هترمي حي دة ميت
يوسف
ما احنا السبب في موته
نرمين
دة قضاء ربنا
يوسف
هو انتي تعرفي ربنا
نرمين باستهزاء
لا انت اللي تعرفه يا خاين العيش والملح وناكر لجميل شيماء الا قولي تفتكر هي هتعمل اية لما اي حد يعدي ويكتشف الحادثة ويتعرف اننا كنا مع بعض
يوسف
كفاية تهديد ليا من تحت ل تحت
نرمين
انا مش بهدد انا لغاية دلوقتي بنصح
يوسف
طيب ما نسيب العربية ونمشي
نرمين
العربية مكتوبه باسمك في السجلات ولا انت ناسي
يوسف
يعني قفلت
لكنهم هنا يسمعوا صوت كلكس عربية وشكله جاي من بعيد نزلت بسرعة نرمين ووراء منها يوسف وبصو ناحية صوت الكلكس لقو عربية بتقرب منهم ببطئ و هنا الاثنين بصو لبعض ومابقوش عارفين يعملو اية،،،،،
خلصت الحلقة لكن ما خلصتش الحكاية استنوني بكرة باذن الله والحلقة الجديدة و مش محتاج اقول اني محتاج اعرف رايكم في الحلقة وتوقعاتكم للي جاي دة لو الحلقة عجبتكم سلام
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺