إذا هذا هو الحب البارت الخامس والأخير بقلم زهرة الربيع حصريه وجديده على مدونة أفكارنا
 |
إذا هذا هو الحب البارت الخامس والأخير بقلم زهرة الربيع حصريه وجديده على مدونة أفكارنا
هعمل اللي اقدر عليه علشان اكرهه فيها واخليه يصدق انها بتسرقه ده اللي انا جايه علشانه اصلا
اماني اتجمدت مكانها بصدمه من اللي سمعته
وهو وقف قدامها وقال وجع وصدمه..... ايه ده يا اماني..ها ايه ده... قولي ان الكلام ده كدب قولي انك ما قولتيش كده صح اكيد مش كل اللي بينا ده كدب...اكيد معملتيش كل ده لان امي بعتاكي عشان تفرقيني عن مراتي وبس ده اللي جيتي علشانه...ده انا ..انا افتكرت انك جيتي علشاني فعلا وحقيقي حبتيني يعني كل ده كدب
اماني نزلت دموعها و قربت منه وقالت.... انا فعلا قولت كده بس ده اخر المكالمه الفديو ده مقصوص... فيه ليه بدايه البنت دي بتضحك عليك انا جيت علشانك وبس والله ...انا ووالدتك عملنا كده لان البنت دي بتأذيك وتخدعك
شاهيناز ضحكت جامد وقالت.... اهبل هو بقى علشان تضحكوا عليه انتي ومامته ليه شايفينو طفل قدامكو ما هو ادرى بصلحته ولا هي مدياكي مبلغ حلو
اماني قالت بسرعه ودموع....ابدا والله ما تصدقهاش يا ايهاب انا ما اخذتش اي حاجه انا اصلا رفضت الاول ولما عرفت ان انا حامل حسيت ان ربنا اراد يجمعنا فعلا لاني من وقت ما مشيت و انا بفكر فيك لو ليا غلاوه عندك اسمعني حتى
ايهاب بص لها بوجع شديد وقال... يا ريت ما كانش ليكي غلاوه عندي يا ريت.... كنت رميتك زي ما برمي الزباله بره اتفضلي ارجعي للي اجرتك وخدي منها بقية حسابك وقوللها ابنك بيقول لك انو كمل ال 27 سنه واتفطم خلاص كفايه كده بقى ...ومش عايز اشوف وشك هنا تاني
ا ماني نزلت دموعها وقالت.... ما تعملش كده ارجوك اسمعني...
ايهاب قاطعها وقال بغضب...انا كاره نفسي اني سمحت لواحده زيك تلعب بيها وبقلبي.... وابني ده انا هعرف اخده منك ازاي واحرق قلبك عليه اتهني بيه وهو في بطنك دلوقتي.... اطلعي بره يلااا
اماني نزلت دموعها ومشيت لحزن ودموعها بتنزل وهي وطالعه دخلت والدته
اماني بصتلها بدموع وطلعت جري
والدته بقت تناديلها و قالت بسرعه ....اماني استني اماني اماني
بس اماني طلعت وما استنتش تسمع اي حاجه
ايهاب اول ما شاف والدته ابتسم بدموع وقال.... اهلا وسهلا كويس انك جيتي عشان تتفرجي على ابنك وعلى حالته يا ماما....ابنك اللي كنتي خايفه عليه من الغلبانه دي ورايحه تجيبي لو واحده تضحك عليه
امه قعدت وبصيت له بضيق وقالت ....خلصت.... انا ابني لو عارفه ان عقله مكتمل وبيفهم ما كنتش تعبت نفسي ده كله كام سنه النهارده وانا اقول لك البنت دي حربايه وبتضحك عليك وهتبيعك اللي وراك واللي قدامك وحتى الشركه قربت تأفلس غلطتي ان انا ما فضحتهاش من الاول بالدليل.... بس لازم تعرف اني عملت كده عشان انا ام.. لاني شوفت لما بعدت عنها اتدمرت ازاي لانك متعلق بيها وما حبتش اصدمك فيها واسيبك لوحدك ....فكرت في البنت الغلبانه اللي اتجوزتها يوم ورمتها قولت تساعدني وهيه كثر خيرها ما شوفتش اطيب من قلبها ومقبلتش تاخد مني مليم واحد كان واضح انها مستعده تبيع الدنيا بس تكون معاك ...بس اقول ايه لغبائك
بقلم زهرة الربيع
ايهاب كان بيسمعها بضيق
وشاهيناز كانت خايفه ومتوتره
امه ابتسمت وطلعت التليفون بتاعها فتحت اول فيديو قالت ده الفيديو اللي الهانم قصته ووريتهولك
ايهاب سمع المكالمه كامله وسمع اماني وهيه بتقول لها انا خايفه عليه لما يعرف الحقيقه ويعرف ان مراته كذابه وبتسرق من الشركه من وراه
بص لشاهيناز بزهول وهو مش مصدق بس اتيقن لما سمعتو فيديو تاني وكان لشاهيناز وهيه بتتفق مع واحد من الشركه على الاختلاس وان بعض من الفلوس تتحول على حسابها الخاص
شاهيناز قالت بسرعه وخوف.. ما تصدقهاش دي كذابه ده فوتوشوب دي بتكذب عليك
ايهاب قال بغضب شديد... اخرسييييييي...اوعي تقلي ادبك وتنسي نفسك ...الللي قدامك دي والدتي
وكمل بصدمه وقال.... انا قصرت معاكي في ايه عايز افهم ايه اللي كان ناقصك عشان تعملي كده ده انتي منفضاني اول باول ده انا لسه من اسبوع كاتب لك شاليه بملاين
امه حطت ايدها على راسها بزهول وقالت.... ده انا اللي هتشل والمصحف
ايهاب قال بغضب شديد ....عارفه من اول ما تعرفت على اماني وانا اتاكدت اني ما كنتش بحبك اصلا بقيت اشوف عيوبك كلها وطمعك قصاد برائتها وبساطتها بس قلت لا حرام لاني حبيت واحده غيرها استغنى عنها بس الظاهر ان انتي اصلا ما كنتيش عايزه تكوني معايا من الاساس عايزه تطلعي لك مني بمصلحه والسلام....انتي طالق يا شاهيناز
شاهيناز ابتسمت بسخريه وقالت...طالق طالق...وبعدين يا حبيبي كان لازم تفهم انك متهمنيش من اول ما جبت لي دره وما اهتمتش..انا خلاص اللي عزاه اخدته... وبصت لامه بشماته وقالت قاصده تغيظها...انا اصلا اللي بقى عندي كفايه اوي هطلع اخد حاجتي وانت اشبع بالهانم البسيطه اللي عجبتك
وطلعت تاخد هدومها وامه بصتلو بغيظ شديد وقالت. مبسوط انت كده.... مرتاح
ايهاب قرب منها وباس ايدها وقال بحرج من نفسو. .. اسفه يا ماما كان لازم اسمع كلامك من الاول
امه اتنهدت وقالت....انا امك وعمري ما ازعل منك....بس روح الحق البنت الغلبانه دي لانك مش هتلاقي ضفرها لو لفيت الدنيا كلها البنت بتحبك...بتحبك بمعنى الكلمه يا ايهاب
ايهاب ابتسم بسعاده وقال....اكيد حلحقها...هيه اجمل حاجه حصلت في الموضوع اصلا
امه ابتسمت وحطيت ايدها على خدته وقالت.... ربنا يهنيكم سوا واشوف ابنك وافرح بيه... انا هطلع ورا الحربايه دي لاحسن تاخد حاجه مش بتاعتها وانت روح رجع مراتك
ايهاب ابتسم وطلع جري ولسه هيركب العربيه اتصدم لما لقاها عند البحر قاعده وما مشيتش
اببتسم بسعاده وهو مش مصدق نفسو وجري عليها
اماني كانت باصه للبحر وقالت ....قلت اوفر عليك المشوار اكيد والدتك هتحكيلك اللي حصل وهتيجي ترجعني قلت نختصر
ايهاب ابتسم وشدها لحضنه بقوه وقال بامتنان شديد .....حقك عليا .....بجد كلمه اسف مش هتكفي ومستعد افضل اقولها عمري كله ...بس تكوني معايا
اماني قالت بضيق...لا مش هارجع معاك مش انا واحده كدابه مش جايه ابدا
ايهاب ضحك وقال.... يا بنت خلاص بقى انا بعتذر اهوه...وبعدين انتي كمان غلطانه كان لازم تثقي فيا اكثر من كده وتقولي لي الحكايه
اماني قالت بدهشه... يا سلام ده على اساس لو كنت قلت لك كنت صدقت...ده انت والدتك مصدقتهاش....و كملت بتقلده وقالت ...شاهيناز دي ما بتكتبش شاهيناز حساسه وطيبه
ايهاب ضحك جامد على شكلها وهي بتقلدوا وقال....هيه كانت طيبه لاني ما كنتش اعرف يعني ايه طيبه ..لحد ما قابلتك يا اماني ...وعشت الطيبه في عيونك في كل كلمه وكل حركه شوفت حب من غير مقابل من غير اسباب من غير ما اكون استاهله اصلا ...ممكن تسامحيني بقى انا عارف اني مش ههون عليكي ابدا مش انتي عارفه اني عبيط سامحيني بقى
اماني قربت منه وضحكت و قالت ....اه دي متاكده منها
ايهتب ابتسم وباس كفة ايدها وقال.. . انا قلت لك قبل كده ان انا حبيت
اماني ابتسمت وقالت.... لا ما قلتش بس انا مش ورايا حاجه لو حابب تقول
ايهاب ضحك وضمها وقال.... بحبك بعشقك يا بت...خليكي في حضني كده العمر كله وما تبعديش عني دقيقه واحده
اماني ابتسمت وقالت بحب....و انا كمان بحبك بحبك من اول يوم شوفتك فيه ربنا اكرمني من قلب محنتي باحلى حاجه في حياتي
ايهاب ابتسم بحب وقال...انا كمان رغم اني خسرت كتير الفتره دي لاكن مبسوط قوي اني كسبتك ربنا يخليكي ليا وميبعدكش عن قلبي يا اجمل الاماني يا حب مفيش زيه تاني❤️🥹
كنتم مع اذا هذا هو الحب بقلم زهرة الربيع زهرتكم تحيكم دمتم في امان الله مع من تحبون❤️
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺