رواية رحم للايجار (((عندما يعشق الرعد)))) الفصل الاول والثاني والثالث والرابع بقلم ريحانه الجنه حصريه وجديده على مدونة أفكارنا
 |
رواية رحم للايجار (((عندما يعشق الرعد)))) الفصل الاول والثاني والثالث والرابع بقلم ريحانه الجنه حصريه وجديده على مدونة أفكارنا
اولا اعرفكم علي ابطال قصتنا وهما رعد وهمس. اما باقي الابطال هنتعرف عليهم من خلال الحلقات والاحداث.
رعد:شاب في منتصف الثلاثين. شخصية قوية حاد الطباع شديد الغضب. يمتاز بملامح رجولية شديدة الجاذبية. ببشرة قمحي وعيون سوداء كسواد الليل وحادة كعيون الصقر. وطول يافع. وجسم قوي يدل علي شدته وصلابته. وحازم في حياته ومعاملاته. يكره الخطأ والضعف. وليس من النوع الذي تستهواه النساء ويكره العلاقات النسائية يشمأذ منها ويراها ضعف ومهانة. ولايعترف بالحب.
همس:فتاه في اوائل العشرينات هادئة وبسيطة. بملامح شرقية جذابة شعر اسود طويل وناعم وعيون سوداء جميلة ولكن حزينه. وبشرة بيضاء. هي فتاة رقيقة ولكن. تائهة متعبة من هموم الحياه. وظلم الناس لها حتي الاقرب لها يطمع بها.
تبدأ قصتنا في اول مشاهدها في ڤيلا عائلة الحديدي والتي يعيش بها رعد الحديدي وزوجته وابنة عمه في نفس الوقت مها الحديدي. وايضا جدهم وكبير عائلة الحديدي توفيق الحديدي
تنزل مها من اعلي للفطور مع جدها توفيق.
علي السفرة قاعد توفيق الحديدي وبيفطر كعادته.
مها:صباح الخير يا جدو. وباسته وقعدت تفطر
توفيق: ابتسم.صباح النور يا حبيبة جدو. هاه قوليلي عاملة ايه مع رعد
مها: بزهق هعمل ايه عادي مفيش جديد.
توفيق: اتنهد. انا بس نفسي اعرف انتوا طول عمركم عايشين مع بعض. وكمان متجوزين بقالكم 5 سنين ليه مش قادرين تحبه بعض وتتفقه انا عايز اتطمن عليكم.
مها: جدو انت عارف من الاول ان انا ورعد اتجوزنا بس علشان نرضي حضرتك لكن انا عمري ما حبيت رعد. وهو كمان عمره ماحبني رعد اصلا مبيعرفش يحب ولا عنده قلب يحب بيه. انسان قاسي ومغرور. انا لولا زعلك كنت اتطلقت منه من زمان.
توفيق: بغضب وصرامة. خبط بإيده علي الترابيزة بقوة. انا قولت مسمعش كلمة طلاق دي تاني. ولا منك ولا منه. والا انتي عارفة هعمل ايه لا انتي ولا هو هطوله جنيه واحد من ثروتي
مها:بخوف. خلاص يا جدو انا بس بقولك علي اللي انا حاسة بيه.
توفيق: بجدية. لا متقوليش. وانا عند وعدي اول لما تخلفه ولد انا هكتبله ثروتي كلها. بس المهم اشوف حفيد ليا. انا مش فاضلي من ولادي وولادهم غيركم انتم الاتنين
مها:اتنهدت. اعمل ايه بس يا جدو ما انت عارف كل حاجة كل شهر والتاني عملية وتعب وانا خلاص تعبت
توفيق:معلش استحملي. احنا بنتعب اوي علشان نقنع رعد بحكاية العملية دي كل شوية. ده ولد عنيد ومتعب
مها:حاضر يا جدو هستحمله. بس هو يخنق جدا كل مرة بيطلع روحي علشان يروح للدكتور هادي علشان ياخد منه العينة
توفيق: عارف المهم انتي ملكيش دعوة حضري نفسك انتي بس للعملية اللي بعد يومين. انا اصلا كلمته علشان يروح لهادي وهكلمه تاني وافكره
مها:اوك يا جدو. عن اذنك علشان اروح السنتر
توفيق: ماشي مع السلامة. طمنيني عليكي لما توصلي
مها:حاضر يا جدو. متقلقش ما هو البيه بيخلي السواق هو اللي يوصلني في كل حته ومبيخلنيش اسوق من يوم ما اتجوزته انسان معقد
توفيق: معلش خلينا نسايسه بس لحد لما تحملي. وانا وقتها هعرفه عنده وغروره ده هيوصله لفين
مها: تمام اشوفك بالليل باي.
(في مجموعة شركات رعد الحديدي)
في مكتب رعد
رعد قاعد علي مكتبه بيتابع بعض الاوراق ودخلت السكرتيرة نانسي.
نانسي:رعد بيه الفاكس ده جه لحضرتك من شركة تجميل في إيطاليا
رعد:بجدية.وشركة تجميل تبعتلي فاكس ليه
نانسي:بيقولوا ان مدام مها طلبت اجهزة وادوات تجميل للسنتر بتاعها من هناك وطلبت انهم يبعتوا فاكس الاستلام علي حضرتك
رعد: رجع ظهره علي الكرسي وابتسم بخبث. مها اه قولتيلي. تمام ابعتيلهم وقوليلهم ان احنا مطلبناش حاجة ومش هندفع وخلي الهانم تبقي تدفع هي
نانسي:ابتسمت وقربت من رعد وبرقة ودلع. واضح ان مدام مها مزعلاك. بس في ست في الدنيا تزعل رعد باشا تؤتؤ غلطانة
رعد:كان بيسمعها ببرود وثبات. وبعد كدة مسك ايديها وضغط عليها وبحزم.لو فكرتي تعيدي اللي عملتيه ده تاني هتشوفي مني معاملة متتوقعيهاش ده غير انك مش هتقعدي هنا يوم واحد. سامعة
نانسي:بتتألم من وجع ايديها. اي اي ححاضر انا اسفة مقصودش
رعد:وهو بيزيد في ضغط ايده. انا رعد الحديدي. غير اي حد هلاس وتافه اشتغلتي معاه انا مليش في جو السفالة ده انتي فاهمة
نانسي:عيطت من الالم والله خلاص اخر مرة بس سيب ايدي
في الوقت ده دخل عدي صاحب رعد من ايام الكلية وبيشتغل معاه كمان وعلاقتهم قوية جدا لتقارب افكارهم وطباعهم. مع اختلاف بسيط ان عدي لين شوية عن رعد وحساس وجرب الحب وعاشه غير رعد اللي عمره ما عرف الحب اصلا قبل كدة. نرجع للمشهد
عدي: اول ما دخل وشافهم كدة. ايه يا رعد في ايه
رعد:ساب ايد نانسي وزقها بعيد عنه.و بأرف امشي علي مكتبك ولسة حسابك معايا جاي اتفضلي
خرجت نانسي: وهي بتفرك ايديها من الوجع وبتعيط
عدي:في ايه بس هو انت كدة علي طول عصبي ومش طايق حد.عملتلك ايه بس البنت الغلابنة دي
رعد:بجدية هه غلبانة. دي بجحة انا بس مش عارف البنات دي بتجيب البجاحة والسفالة دي منين متربوش دول في بيت اهلهم
عدي:ليه بس عملت ايه
رعد:جاية تتمايص عليا وتقرب مني وشوية شوية كانت هتقعد علي رجلي. حاجة زفت وانت عارف انا بكره الاسلوب ده. فاكراني زي الزبالة اللي كانت شغالة معاهم
عدي:طيب اهدي بس وانا هتكلم معاها
رعد:ولا تتكلم ولا حاجة انا اصلا مش عايزها هنا.انقلها في اي حته وهاتلي راجل مكانها مفهوم
عدي: اتنهد.مفهوم بس روق كدة مالك اكيد مش نانسي هي اللي منرفزاك كدة
رعد: حط ايده في جيبه.ووقف قدام الشباك اللي مكتبه. هو فيه غيرهم بيعصبني ويحرق دمي ربنا يريحني منهم هما الاتنين واخلص بقي
عدي:تقصد جدك ومها
رعد: طبعا الاتنين نفس الفصيلة.حاجة زفت
عدي: هو توفيق بيه لسة مصر علي حكاية الخلفة دي ومن مها بالذات
رعد:ايوة.وهي اصلا شكلها ارض بور ولا ليها في الخلفة ولا نيلة وكل شوية عملية وعينة وحاجة تخنق.انا بس لولا انتقامي من توفيق اللي مش هعرف احققه الا لما الهانم دي تخلف كنت خليت ايامهم هما الاتنين اسود ايام.بس معلش خليني معاهم للاخر لما اشوف اخرتها ايه
عدي: انت لسة مصمم علي انتقامك ده انسي يا رعد بقي خلاص جدك كبر
رعد: بغضب. انسي انسي ايه انسي امي اللي زلها وعذبها لمجرد انها مش من عيلة الحديدي انسي انه بعد موت ايويا. اهنها وشغلها خدامة في الفيلا انسي انه كان بيخليها تنام في الارض في عز البرد زيها زي كلاب السكك. انسي ايه يا عدي انسي انها كانت راضيه بكل ده ومتحملاه علشان بس تكون جنبي وميطردهاش بره البيت وتفضل عايشة معايا انسي اني كنت كل يوم ابكي عليها وعلي حالها وانا طفل 10 سنين مش قادر اعملها حاجة . امي تعبت اوي يا عدي واتزلت واتبهدلت علي ايد توفيق 5 سنين شافتفيهم الذل والمرض من معاملته ليها وفي الاخر ماتت من التعب والشغل اللي كانت بتشتغله. وحتي رفض يومها يجبلها دكتور وانا كنت عندي 15 سنة ومش عارف اعمل ايه حاولت اتصل بالاسعاف ضربني وقفل التليفون وسابها تموت قصاد عيني. وجاي دلوقتي تقولي انسي مستحيل انا بس اول لما يكتب كل ما يملك لابني. هرميه زي الكلب في الشارع ححطه. في دار مسنين ولا حد هيسأل فيه.
عدي: طبطب علي رعد . انا عارف انت
اتعذبت قد ايه واللي شوفته مكنش سهل. بس هو كمان جدك حاول تسامحه.
رعد: بتحدي. ابدا مستحيل اسامحه ومتقولش جدك دي تاني ده توفيق الحديدي وبس. انا مليش اهل حتي بنت ابنه انا اتجوزتها بس علشان احقق انتقامي منه. ده غير شريكاته اللي بحاول اوقعهاله يوم ورا يوم. لازم اخسره كل حاجة.
عدي: والله انا مش عارف اقولك ايه انت حر. المهم احنا عندنا ورق مهم عايزين نرتجعه مع بعض بخصوص الثفقة الجديدة.
رعد: لا انا دماغي مش رايقة انا هنزل اتمشي شوية وبعدين اتغدا ولما ارجع نتكلم مش جاي معايا
عدي: لا انا عندي شغل كتير. واصلا مليش نفس .
رعد :خلاص انت حر سلام. واخد رعد مفاتيحه وتليفونه. ونزل
رعد اخد عربيته وماشي والشارع اللي فيه شركته هادي الي حادا ما فهو ماشي بسرعة شوية وتليفونه رن ... الو ايوة يا عدي في ايه
عدي: ايوة يا رعد حاول متتأخرش الشركة الالمانية باعتت فاكس ولازم تيجي علشان نشوف هنرد عليهم نقولهم ايه.
رعد: يا عدي ما انت عارف كل حاجة رد عليهم انت.
عدي: ما انت عارف انا مقدرش اقرر حاجة زي دي منغيرك
في الوقت ده طلعت واحدة قدام عربية رعد فاجأة رعد فرمل بسرعة بس كان خباطها خلاص.
رعد : اقفل يا عدي دلوقتي بسرعة هكلمك بعدين. وقفل تليفونه.
نزل رعد بسرعة يشوف البنت اللي خبطها. قرب منها كانت فاقدة الوعي. رفعها من الارض وحاول يفوقها.
رعد: يا انسه انتي ولا مدام فوقي وبيخط علي وشها علشان تفوق ابتدت همس تفتح عنيها. ولما فتحتها لقت نفسها في حضن رعد ومقربها منه وحاطت ايديه علي وشها
رعد: اول لما فتحت عنيها بصلها بإهتمام. اكنه مكنش مركز في ملامحها من قلقه عليها فضله شوية باصين لبعض من غير ماحد يتكلم بعد كدة رعد فاق لنفسه.
رعد: رسم الجدية علي وشه. انتي كويسة
همس: اه اه انا كويسة. واتألمت ومسكت رجلها. اه رجلي
رعد: بص علي رجلها لقاها اتجرحت وفيها دم. انتي رجلك اتجرحت تعالي انا هوديكي اقرب مستشفي. وقرب منها اكتر علشان يشيلها
همس: اتكسفت. اانت هتعمل ايه
رعد: هعمل ايه هشيلك
همس:لا لا ااانا هقوم. كفاية انك كنت عمال تفعص فيا اوعي متشكرة
رعد: بغضب؟؟ اه ايه. افعص فيكي ليه يعني. من قلة الستات ده انتي متسويش انا الحق عليا اني حاولت اساعد واحدة.زيك
همس: بغيظ. انا انا مسواش. شكرا ليك يا ابن الناس. ما انتوا علشان راكبين عربيات وبطونكوا مليانة. تدوسوا علي الغلابة
رعد: تملكه الغضب وخبط العربية بإيده. انتي بتقولي ايه يا بتاعة انتي انتي اللي طلعتي قدامي. فاجأة زي القضا.
همس: بصت في الارض وعيطت وافتكرت انها فعلا كانت ماشية سرحانه. عندك حق انا اللي غلطانة. انا اسفة. وحاولت تقوم وهي رجلها مش عارفة تدوس عليها
رعد: كان علي قد ما هو غضبان من كلامها. بس صعبت عليه لما عيطت وشافها مش قادرة تقف. بس حاول ميبينش ده. احمم طيب تعالي اوديكي مستشفي
همس: وهي بتمشي. شكرا متتعبش نفسك. واول ما جات تمشي كانت هتقع
رعد: لحقها وساندها. متبقيش عنيدة تعالي واسمعي الكلام. وشالها وقعدها في العربية. ولف وركب وساق العربية
رعد كان كل شوية يبصلها وهو سايق. وبيكلم نفسه. في ايه يا رعد من امتي قلبك حنين كدة ما كنت سيبتها وانت مالك. لا طبعا انا اللي خبطها يبقي لازم اساعدها. بس كدة ولا علشان عجبتك. لا لا طبعا انا مليش في السكة دي. اه بس هي حلوة اوي. يووووه اسكت بقي وركز في الطريق
همس: هو انا زوتها معاه في الكلام. ده شكله ابن ناس ومحترم. وكفاية انه مصمم يساعدني.
رعد فضل طول الطريق ساكت واخدها المستشفي وهناك كلهم طبعا عارفين رعد. وهمس شافت هما قد ايه بيحترموه وبيخافوا منه. عرفت انه اكيد راجل مهم وبعد ما اسعفوها وربطولها رجلها وهما خارجين
رعد: بحزم. تحبي اوصلك لاي مكان
همس: لا متشركة. كفاية اللي انت عملته معايا. وانا اسفة اني مكنتش مركزة
رعد: كان حاسس بحاجة غريبة. مش عايزها تمشي. لا مفيش داعي للشكر. انا كمان كنت بتكلم في التلفون ومش مركز
همس: طيب عن اذنك
رعد: مسك ايديها. استني. هوقفلك تاكسي تعالي
همس: هي اصلا معهاش فلوس للتاكسي. لا لا انا همشي واركب اي حاجة
رعد: فهم انها معهاش فلوس. لا مش هينفع انتي تعبانة ومش عايزاني اوصلك يبقي تركبي تاكسي. تعالي ووقفلها تاكسي. ودفع للتاكسي بزيادة. توصلها مكان ماهي عايزة وقدام بيتها مهما كان فين مفهوم
السواق: بص للفلوس وفرح. من عنيا يا باشا ده انا هوصلها لحدباب الشقة كمان.
همس ورعد كانوا باصين لبعض كأنهم بيودعوا بعض ومشيت همس بالتاكسي وفضل رعد واقف وباصص عليها.
رعد: مش ممكن انا ازاي حتي مسألتهاش عن اسمها. ايه بس الغباء ده. الله وانا عايز اسمها ليه انت يا رعد النهاردة غريب. انا لازم ارجع الشركة وانسي اللي حصل ده كله. لبس نظارته الشمس وركب عربيته ومش رجع الشركة
(((عندما يعشق الرعد))) بقلم ريحانة الجنة
(رحم للإيجار)
((الحلقة الثانية))#ريحانة
رجع رعد شركته ودخل مكتبه وقعد ودخل وراه عدي
عدي: هاه عامل ايه دلوقت هديت شوية واتغديت
رعد: سرحان مش بيرد
عدي: رعد.. رعد ايه مالك في حاجة حصلت
رعد: اتنبه. بتقول حاجة يا عدي
عدي: عقد حاجبه. كل ده وبقول حاجة مالك شكلك مش علي بعضك ليه
رعد: لا ابدا. بس انا اصلي خبط واحدة بالعربية وانا خارج من الشركة
عدي: مش ممكن. طيب وحصلها حاجة. احكيلي بسرعة ايه اللي حصل
رعد: انا حقولك...............
عدي: طيب الحمد لله بسيطة اهي اومال مالك بقي
رعد: قام من علي الكرسي وسند علي المكتب وربع ايده. مش عارف انا لما شوفت البنت دي حاسيت بحاجة غريبة.
عدي: غريبة ازاي مش فاهم.
رعد: مش عارف انا اول مرو تصعب عليا واحدة ولا احس اني خايف عليها. انا لحد دلوقتي مش مصدق اني شيلتها بإيدي. مع ان انا مش بحب كدة. بس مفكرتش وقتها في حاجة كنت قلقان عليها اوي ليه معرفش
عدي: هههههه. بس هي ادتهالك صح. قالتلك انت عمال تفعص فيا من الصبح شكلها بنت غلبانة
رعد: ابتسم. اه دي حرقت دمي لما قالت كدة والغريب بقي اني كان المفروض اديها قلم يعدلها بس معملتش كدة بالعكس شيلتها وودتها المستشفي
عدي: بخبث. بس واضح انها حلوة
رعد: بجدية. انت عارف اني مش من النوع ده متنرفزنيش
عدي: خلاص مقصدش. طيب هي اسمها ايه
رعد: ما هو ده اللي معصبني. معقول حتي مسألهاش عن اسمها ولا حتي لما ركبتها التاكسي. مسألتهاش عن العنوان.
عدي: عادي مش مهم وانت هتعوزها في ايه تاني.
رعد: تعرف انا كنت حاسس. اني من جوايا متعمد اني معرفش عنها حاجة. كنت حاسس اني بعاقب نفسي اني كنت حنين معاها وانها فعلا عجبتني
عدي:خلاص بقي يا عدي مكنتش حته بنت دي اللي هتعطلنا اليوم عايزين نشوف ورانا ايه
رعد: هز راسه. تمام يالا وريني الفاكس بتاع الشركة الالمانية
في احدي الاماكن الشعبية وقف التاكسي اللي فيه همس ونزلت
السواق: تلزم خدمة تانيه يا ابلة
همس: لا متشكرة. ومشيت بهدوء بسبب رجلها وهي طالعة البيت وقف قدمها. واحد زي الحيطة وشكله بلطجي وده يبقي ابراهيم ابن عمها
ابراهيم:بنظرات كلها خبث و رغبة. الجميل ماله الف سلامة
همس: بعدت عنه. اانا كويسة اوعي خليني اطلع. وزقته علشان تدخل البيت
دخل وراها وشدها وقربها منه. وبعدين يا بنت عمي انا صبري عليكي زاد انا خلاص مش مستحمل بعدك عايزك تبقي مراتي
همس: زقته بعيد عنها. ابراهيم ابعد عني انا مش عايزة اتجوز انا خلاص جربت نصيبي من الدنيا
ابراهيم: مسكها من دراعها جامد. ما هو بصي بقي يا تتجوزيني ورجلك فوق رقبتك. يا هاخد منك اللي انا عايزه ومن غير جواز وكمان غصب عنك. اختاري انتي بقي
همس: بتعيط. انا بس عايزة اعرف انت مش متجوز واتنين كمان عايز مني ايه سيبني في حالي بقي حرام عليك
ابراهيم:لا يا حلوة انتي الحب الاول. انا كنت عايزك من الاول من لما كنتي عيلة صغيرة وعمي بقي الله يرحمه. هو اللي مرديش يجوزك ليا. وجوزك الواد الملزق ده واهو مات وراح في ستين داهية. وعمي كمان مات ومبقلكيش حد في الدنيا غيري انا وهبة اختك وهي ان كان عليها عايزة تخلص منك النهاردة قبل بكرة. بصي يا بنت الناس اخرك معايا الشهر اللي جاي علشان انا عندي مصلحة كدة هخلصها واجيب قرشين حلوين علشان اظبتك بيهم. وانا كدة عداني العيب. حضري بقي نفسك علشان كتب كتابنا الشهر اللي جاي. سلام يا حتة.
همس: طلعت السلم وهي بتعيط. ومش عارفة هتعمل ايه في كل البلاوي اللي علي راسها دي وطلعت الشقة اللي قاعدة فيها مع هبة اختها الكبيرة و الوحيدة. وجوزها منصور دخلت همس وهي بتدور علي هبة اختها.
همس: هبة... هبة انتي هنا. شكلها نزلت السوق. قعدت علي اقرب كرسي وسندت راسها وغمضت عنيها وهي تعبانة من اللي هي فيه وبتفكر هتعمل ايه وكمان جسمها واجعها من الخبطة اللي اتخبطتها من عربية رعد.
وهي كدة لقت ايد مسكتها من دراعها الاتنين وبتملس عليها. اتنفضت همس وقامت بسرعة ولقت منصور جوز هبة اختها.
منصور: بلؤم. مالك انا كنت بطبط عليكي
همس: خايفة منه. هي هبة فين وانت مش في شغلك ليه
منصور:وهو بيقرب منها و نظراته كلها متطمنش. هبة مش هنا وكمان هتتأخر. بقولك ايه تعالي نقعد شوية مع بعض
همس: بتبعد عنه.و ابتلعت ريقها بخوف. منصور ربنا يهديك بلاش اللي بتعمله ده انت ليه مش عايز تفهم انا منفعلكش
منصور: هجم عليها وكتفها. وهو بيحاول يعتدي عليها. انا نفسي فيكي من زمان وانتي سايقة العوج وانا بقي جبت اخري وهاخد منك اللي انا عايزه . دلوقتي انا تعبت بقي
همس: بتحاول تبعده عنها. ابعد حرام عليك انت ايه مبتخفش ربنا حرام عليك. ابوس ايدك انت جوز اختي
منصور: لا مش هبعد بقولك انا عايزك خلص الكلام. وابتدي يقطع هدومها.
همس: لقت جنبها علي التليفزين. برواز في صورة. مسكته وخبطته بيه علي راسه.
منصور: بعد شوية. اه يا بنت ال..... وديني ما انا سايبك.
همس. جريت علي الباب. وفتحته ونزلت الدور اللي تحتهم. وخبطت وفتحتلها ام زينب جارتهم. وزينب دي تبقي صاحبة همس وبتشتغل ممرضة في مركز الدكتور هادي المحمدي للصحة والانجاب.
نرجع للمشهد
ام زينب: فتحت الباب لقت همس بتعيط وهدومها متبهدلة. شهقت. يا نهار اسود مالك يا همس ايه اللي حصل
همس: بتعدل هدومها. وبتعيط. ابوس ايدك دخليني عندك لحد ما هبة اختي ترجع
ام زينب: تعالي يا بنتي ادخلي.
دخلت همس وهي عمالة تعيط ومنهارة. ام زينب ندهت علي زينب.
ام زينب: زينب ... انتي يا بت تعالي اوام شوفي همس
زينب. خرجت من الاوضة وشافت همس كدة
زينب: يا نصبتي مالك مين اللي عمل فيكي كدة
همس: منصور . هبة مش في البيت وهو حاول يتهجم عليا. انا خلاص تعبت من الدنيا دي يا رب خدني بقي انامش قادرة تعبت والله تعبت
ام زينب : خديها جوا يا زينب واديها هدوم من عندك وخليها تغير وترتاح وانا هروح احضرلكم لقمة تكلوها
زينب اخدت همس وفعلا غيرت هدومها وقعدت بس مش قادر تاكل
زينب: يا بنتي كلي ده انتي شكلك تعبان
همس: بتعيط. مش قادرة مليش نفس
زينب: وبعدين ناوية علي ايه
همس: والله ما انا عارفة. هلاقيها منين ولا منين.
من منصور اللي عايشة معاه في بيت واحد وانا مرعوبة و مغصوبة. ولا ابراهيم اللي عايز يتجوزني غصب. ولا من ناجي صاحب المحل اللي بشتغل فيه كلهم كلاب عايزة تنهش فيا وانا خلاص مفيش حيل انهاد معاهم انا مش عارفة اعمل ايه والله ما عارفة.
زينب: و ماله ناجي ده كمان عايز منك ايه
همس: بحسرة. اصل انا لما اشتغلت عنده من كام شهر. مضاني علي وصل امانة. ب20 الف جنيه. وقالي انه بيعمل كدة مع كل اللي بيشتغله عنده. علشان اوقات بيمشي ويسيب المحل والمحل مليان لبس غالي والمخزن كمان. انا وقتها مضيت من غير كلام علشان كنت محتاجة الشغل ما انتي عارفة معاش بابا الله يرحمه. باخد منه كام مليم وهبة ومنصور بياخده الباقي وانا كنت محتاجة اي فلوس ده غير اني كان كل همي مقعدش في البيت الا اقل وقت علشان مقعدش مع منصور
زينب: وبعدين. ايه اللي حصل
همس: ابدا. البيه ابتدا بعد شهر كدة يحاول معايا وانا اصده. وفهمته اني مش البنات اياها بس هو ولا بيفهم ولا بييأس. فضل يحاول ويجبلي هدايا وانا ارفضها وماخدهاش.
لحد ما امبارح قالي لو ما طوعتنيش في اللي انا عايزه. هسجنك بالوصل اللي معايا وكمان زود علي 20 الف صفر كمان بقوا 200 الف. قوليلي انتي بقي اعمل ايه واروح فين وزاد عياط همس اكتر واكتر
زينب: لا اله الا الله. ايه بس الهم ده هما مالهم كلهم متسلطين عليكي ليه
همس: بتعيط.
زينب: طيب بقولك ايه. ايه رأيك انا عندي الحل
همس: مسحت دموعها. بجد ازاي
زينب: مش نفسك يبقي معاكي قرشين حلوين وتأجري بيهم شقة بعيد عن هبة ومنصور وكمان تسددي الوصل بتاع ناجي
همس: يا ريت ده يوم المني
زينب: انا هقولك. بصي انتي اصلا اتجوزتي وخلفتي قبل كدة صح
همس: افتكرت جوزها عماد وابنها محمد. وعيطت. الله يرحمهم
زينب: الله يرحمهم. بس انا اقصد انك ليكي في الخلفة وتقدري تستغلي الحكاية دي
همس: مش فاهمة. تقصدي ايه
زينب: بصي يا سيتي. الدكتور هادي اللي انا بشتغل معاه. بيجيلوا ستات ورجالة كتير عايزين يخلفه. واوقات الستات دول مبيبقوش قادرين اصلا. فهو بيخاد من ستات زيك كدة محتاجة فلوس البويضات بتاعتها ويلقحها بقي هو بمعرفته ويعملها العملية وهي تفتكر ان هي اللي خلفت مش واحدة تانية. كمان اوقات تانية. بتكون في ستات عندها اللي خليها تحمل بس رحمها ميشيليش. عيال . بيخاد منها البويضة ويلقحها ويعمل العملية لواحدة زيك كدة وهي اللي تحمل في العيل وتولده وتديه لأهله. وتاخدلها قرشين حلوين. ايه رايك تيجي معايا وتشتغلي مع الدكتور هادي
همس: اتصدمت. يا نهار مش فايت. ده كل اللي بتقولي عليه ده حرام . ده ميرضيش ربنا. وازاي في ناس بتقبل علي روحها كدة. لا لا انا مقدرش اعمل كدة. ده حرام. بقي انا بقول يارب نجيني من اللي انا فيه. اقوم اروح اغضبه بعملة زي دي لا انسي
زينب: يا ختي متحبيكهاش. وبعدين تقدري تقوليلي هتعملي ايه مع ناجي ولا ابراهيم ولا حتي منصور. انتي اصلا مش لاقيه تاكلي
همس: مش مهم. ان شاله اموت من الجوع اهون عليا من اني اعمل شئ يغضب ربنا.
زينب: انتي حرة بقي انا قولتلك وعملت اللي عليا خلاص. فكري مع نفسك وردي عليا
(في مكتب رعد )
رعد : كفاية كدة النهاردة يا عدي انا صدعت
عدي: من امتي رعد بيتعب من الشغل . مالك انت مش طبيعي النهاردة. فيك ايه
رعد: مش عارف. حاسس اني مش في المود. انا هروح ارتاح شوية
عدي: انت مش قولت انك هتعدي علي الدكتور هادي ده علشان العينة
رعد: اوففففف. بتفكرني ليه. دي حاجة زفت انا قرفت من ام الحوار ده . كل يوم والتاني وياريت بيجيب نتيجة الا كل مرة ست زفتة دي الحمل بتاعها ميكملش. انا مش عارف اعمل ايه تاني بجد زهقت
عدي: طيب ما تتجوز وتريح نفسك من الهم ده. حتي كمان تلاقي واحدة تدلعك بدل ما انت ومها مش طايقين بعض
رعد: ما انت عارف توفيق مصمم ان ابني يجي من ست مها هانم علشان يكون من عيلة الحديدي زي ما يكونوا . من فصيلة غير البشر. ده غير اني مش فارق معايا الجواز في حد ذاته. انت عارف انا اخر حاجة بفكر فيها هي الستات وانا اللي مصبرني عليهم انتقامي من توفيق
عدي: طيب ايه هتروح ولا هتروح لهادي ده
رعد:تؤتؤ هروح البيت مليش مزاج النهاردة
عدي:بخبث وهو مبتسم. مع انك النهاردة ممكن تكون مبسوط من البنت بتاعة الصبح
رعد: ابتسم. تصدق انك غلس وانا غلطان اني بحكيلك علي حاجة.
عدي: هههههههه. تبقي عجبتك. فك بقي حرام عليك ده انت عامل زي ما تكون حجر صوان مبيحوقش فيك حاجة.
رعد: اللي يسمعك كدة يقول انك عايشها بالطول وبالعرض. ما انت كمان من يوم موت حلا مرتك من 3 سنين وانت قافل علي نفسك. ومش راضي تبص لست غيرها
عدي: بان عليه الحزن. حلا وهو فيه زي حلا. واتنهد. حلا دي حب عمري ومستحيل. ست غيرها تاخد مكانها.
رعد: احمم. انا اسف يا عدي اني فكرتك
عدي: وهو انا كنت نسيت. حلا في بالي وفي خيالي مش ممكن انساها
رعد: طيب بقولك ايه تعالي معايا نروح ناكل اي حاجة مع بعض. احنا اصلا متغدناش. واهو نغير جو شوية
عدي:هز راسه بأسي. تمام يالا بينا
وخرج رعد وعدي واكله وروح كل واحد فيهم علي بيته.
في ڤيلا الحديدي
رعد دخل الڤيلا وطالع لفوق. وقفه صوت توفيق.
توفيق: استني عندك
رعد: وقف رعد ولف ببرود كعادته. نعم عايز ايه
توفيق: انت مش هتبطل اسلوبك ده
رعد: حط ايده في جيبه وقرب منه بخوات ثابتة. ماله اسلوبي
توفيق: يعني مش عارف. انت ليه ما روحتش للدكتور هادي مع اني مأكد عليك.
رعد: عادي مليش مزاج. وبعدين ما احنا عارفين النتيجة. اكيد حفيتك مش هتعرف تخلف. ماهي ارض بور
توفيق: بغضب. انت مستفز وبتتجاوز حدودك
رعد: بسخرية. ههههههه انا مستفز مفتكرش اكتر منك
توفيق: انت ولد قليل الادب ومتربتش. صحيح ما انت تربية شهيرة اللي كانت جاية من الشارع
رعد: غضب وثار زي الرعد. وهو بيقرب منه. لو جبت سيرة امي تاني علي لسانك هنسي انك جدي وانك راجل كبير انت فاهم. وكمل ببرود. ثم تربيتي اللي مش عجباك دي تبقي تربيتك انت وانا طالع زيك يعني لو انا قليل الادب فانا طالعلك.
توفيق: ماشي يا رعد حسابك معايا بعدين. بس الاول مها تحمل وبعد كدة اصفي حسابي معاك
رعد: بسخرية. هاه لما نشوف. انا طالع انام
راح توفيق مكتبه وقعد وهو متغاظ من رعد واتصل بدكتور هادي
توفيق:....... ايوة يا هادي
هادي: اهلا توفيق باشا. خير
توفيق: انا عيزك تعمل اللي انت قولتلو. مادامت مها مش هينفع تعمل العملية اللي جاية. خلاص دور علي واحدة تكون تعرفها كويس. وهنفهم رعد ان العينة هتكون منه ومن مها واوعي رعد يعرف حاجة انت فاهم.
هادي: تحت أمرك يا باشا بس اديني يومين كدة الموضوع مش سهل لازم الاقي واحدة كويسة وكمان اعملها التحاليل اللازمة وبعد كدة هبلغ حضرتك
توفيق: خلاص خد وقتك المهم رعد ميعرفش ان العينة هتكون منه هو و الست دي لازم يفتكر انها منه ومن مها مفهوم
هادي: فاهم فاهم . ساعتك متقلقش
توفيق: تمام سلام انت دلوقتي
(((عندما يعشق الرعد)))بقلم ريحانه الجنه
(رحم للإيجار)
(الحلقة الثالثة) #ريحانة
طلع رعد اوضته وقلع جاكت البدلة ورماه علي حرف السرير ونام علي السرير وهو حاطت ايده تحت راسه. وهو بيفتكر همس اللي هو اصلا ميعرفش اسمها.و افتكر كلمتها ليه (لا كفاية انك عمال تفعص فيا) ابتسم رعد.
رعد: بس انا فعلا كنت مبسوط وهي في حضني مع انها عمرها محصلت. بس هيا جملها مختلف عنيها تسحر. ولما شيلتها حسيت بحاجة غريبة. كنت نفسي... ايه ده لا ايه اللي انت بتفكر فيه ده انت رعد اللي عمر ما في ست دخلت حصونه. لا انسي يا رعد الستات مبيجيش من وراها غير التعب وخصوصا لو كانوا حلوين زيها وكمان هي حلوة اوي. انا هقوم اخد حمام وياريت انسها اصلا انا مشوفتهاش غير مرة واحدة.
وقام رعد ودخل الحمام علشان ياخد حمام
دخلت مها الڤيلا ولقت جدها شكله غضبان.
مها: ايه يا جدو مالك انت شكلك متضايق.
توفيق:بضيق. مفيش اسمعي انا عايزك اليومين اللي جاين دول تقربي من رعد علي قد ما تقدري ويا ريت تباتي معاه في اوضة واحدة بدل ما كل واحد في اوضة كدة انتوا متجوزين انا مشوفتش كدة ابدا
مها: اعمل ايه يعني هو من يوم جوازنا وهو مصمم ان كل وتحد ينام في اوضته وبيجيلي اوضتي كل فين وفين.
توفيق: اتصرفي انا عايزك تقربي منه بأي شكل الفترة دي اتفضلي بقي اطلعيلوا هو لسة جاي من شوية
مها:زفرت بضيق. حاضر عن اذنك
في اوضة رعد
رعد خرج من الحمام لقي مها قاعدة علي السرير ومبتسمة
مها: ايه يا حبيبي كل ده بتاخد حمام اتأخرت انا مستنياك بقالي كتير.
رعد: كنت محتاج استجم شويه عندك مانع. ثم انتي ايه اللي جابك هنا
مها: قامت وقربت منه وحاوطت رقبته بإيديها وبرقة.ايه وحشتني وانت بقالك كتير مجتش عندي فقلت اجيلك انا فيها حاجة
رعد:اه فيها انا قولتلك متجيش هنا انا لما اعوزك هجيلك. اتفضلي بقي روحي اوضتك
مها:بغضبوصوت عالي. وبعدين معاك انت مش هتتغير بقي انا عايزة احس اني متجوزة زي كل الستات. احنا من يوم جوازنا وانت بتنام لوحدك انا تعبت من الوضع ده
رعد: بغيظ مسك فكها بيإده وضغط بقوة. لو فكرتي انك تعلي صوتك عليا تاني هخرسك خالص انت سامعة
مها:هزت راسها بألم
رعد:زاد من ضغطه علي فكها. اوعي تنسي اني رعد الحديدي اللي بيعمل اللي علي مزاجه هو وبس ومفيش مخلوق يجبره علي حاجة. وسابها وبعد وادلها ظهره. اتفضلي علي أوضتك
مها: ماشي يا رعد همشي. بس افتكر انك هتندم علي اللي بتعمله معايا ده. انا كمان مها الحديدي
رعد: ابتسم بسخرية. هههه لا بجد والمفروض اني اخاف كدة واجي معاكي الاوضة واعملك اللي انتي عايزاه مش كدة. امشي يا مها بدل ما اتهور عليكي
مها: تمام همشي بس قولي انت هتروح امتي للدكتور هادي
رعد: بإستفزاز. لما يجيلي مزاجي هبقي اروح
مها: هي الحاجات دي فيها مزاج. انت لازم تروح في اقرب وقت
رعد: بصلها بغضب. انا لسة قايلك اني بعمل اللي انا عايزه ومحدش بيأمرني قولتلك انا هروح لما يجيلي مزاجي. خلصنا يالا انا عايز انام
خرجت مها وراحت اوضتها وهي بتضحك. اهو بس كدة اديني عملت اللي عليا. اروح بقي اكلم ميزو حبيبي. وقعدت علي السرير وفتحت الاب وكلمت معتز علي الشات صوت وصورة
معتز: حبيبتي وحشتيني الساعتين دول
مها: لا بجد لحقت اوحشك. ده حتي النهاردة بسببك مطلعتش السنتر. وفضلت معاك معاك في الشقة.
معتز: اعمل ايه بس ما انتي بصراحة بتوحشيني اوي. انا مش عارف امتي بس هتطلقي من رعد ونتجوز يا روحي
مها: قريب يا حبيبي. هو بس يجي البيبي وجدو يكتبلو كل ثروتوا وانا وقتها هكون من حقي اخدها وهتطلق من رعد ونتجوز ياحبيبي لا انا كمان مش قادرة ابعد عنك اكتر من كدة
معتز: اوعي تكوني بتنامي معاه في اوضة واحدة
مها: متخفش يا حبيبي كل واحد بينام في اوضته زي ما فهمتك.
معتز: طيب مش يالا بقي علشان نتكلم في اللي يخصنا ولا ايه
مها: ههههههه انت مبتشبعش. ما انا لسة كنت معاك
معتز : مستحيل اشبع منك يالا بقي
مها:.............
في اوضة رعد
رعد لبس بيجامته ونام في سريره. وغمض عنيه وراح في النوم. بس حلم حلم غريب. شاف نفسه واقف في مكان علي مرتفع جبل عالي. واستغرب انا ايه اللي جابني هنا. وفاجأة سمع صوت انثوي بينده عليه وبيستغيث بيه. راح في اتجاه الصوت لقي الصوت جاي عند حافة الجبل ولما قرب لقي همس متعلقة بيإيد واحدة وبتبكي وخايفة تقع وبتترجاه ينقذها
رعد: بلهفة انتي. انتي ايه اللي وقعك كدة
همس: بدموع ارجوك ساعدني انا مليش حد انا لو وقعت هموت. انا مليش غيرك
رعد: كان خايف عليها ومرعوب. طيب هاتي ايدك وانا هرفعك.
همس: بتحاول ترفع ايديها التانية لرعد. وهو بيحاول يقرب منها اكتر لحد ما مسك ايديها. بس رجلها فلتت. وكانت هتقع. بس رعد مسكها بإيده الاتنين. ورفعها ليه بحركة سريعة. واول ما قربها منه. حضنها بخوف.
رعد: وهو بيحضنها بقوة. كنتي هتروحي مني وانا مصدقت لقيتك
همس: متمسكه بحضنه. انا كمان مصدقت لقيتك. ارجوك اوعي تسيبني انا منغيرك هضيع
رعد:متخفيش انا عمري ما هسيبك. انتي الوحيدة اللي قلبي دق لما شوفتها. اوعدك هفضل جنبك
همس: انت اللي انا كنت مستنياه من زمان. انت حبيبي
رعد:ابتسم. وانتي حبيبتي. وقرب منها وباسها برقة وحب. وبعدين بعد عنها شوية وبص في عنيها. بس انا حتي معرفش اسمك
همس: متستعجلش ما انت اكيد هتعرفه
رعد: قربها ليه اكتر مش مهم اسمك انا عايزك انتي عايزك معايا وباسها تاني كتيييير........
وصحي رعد علي صوت جرس الفون بتاعه. قام مفزوع وقلبه بيدق.ومسك الفون وشاف مين لقي عدي.
رعد: بأنفاس سريعة. ايوة يا عدي في ايه
عدي: مالك انت بتنهج ليه
رعد: لا ابدا انا بس كنت نايم وبحلم حلم غريب كدة وصحيت علي فونك
عدي: حلم اه. ويتري كنت بتحلم بيأيه
رعد: وانت مالك اخلص قول كنت بتتصل ليه.
عدي: ابدا كنت عايز اقولك ان السكرتيرة بتاعة حازم رشدي. اتصلت بيا وشكلها بتجر ناعم
رعد: بضيق. هقول ايه واحدة سهلة ورخيصة. وسيادتك عملت ايه
عدي: ولا حاجة اختها علي قد عقلها لحد ما نعرف هنعمل ايه
رعد:انا بكره النوع ده من الستات
عدي:بقولك ايه احنا لازم نسايسها كدة شوية دي هي دي اللي هتسلمنا رقبة حازم. وتقولنا هو بيدبر ايه
رعد:خلاص شوفها عايزة كام
عدي: بس هي مش عايزة فلوس وبس
رعد:؟اومال عايزة ايه تاني
عدي: عايزاك
رعد:!! نعم يا خويا عايزة مين
عدي:هههههه انت يا باشا عايزة تطول رعد الحديدي قصاد انها تجبلك كل تفاصيل الثفقة الجديدة وتقولك هو ناوي علي ايه معاك
رعد: انت اكيد اتجننت انت وهي انت عارف انا مليش في جو الرخص ده ومش انا اللي واحدة زي دي تلوي دراعي. يولعوا كلهم. انا هعرف ازاي اجيب المعلومات اللي انا عايزها ومن غير مساعدتها
عدي:اسف يا رعد مش هتقدر المعلومات معاها هي وحازم بس.و انت عارف انا لو كان ينفع كنت عرضت عليا اني انا اللي اتعامل معاها بس انت عارف انا من بعد موت حلا وانا واخد عهد علي نفسي ملمسش واحدة غيرها لحد ما اموت
رعد:ولا انا ولا انت مش علي اخر الزمن حتة عيلة زبالة ووقحة زي دي حتجبرنا علي حاجة خدها انت علي قد عقلها زي ما بتقول وانا هعرف ازاي اظبطها
عدي: تمام اسيبك انا بقي تكمل حلمك الا قولي انت كنت بتحلم بأيه وكنت قايم بتنهج كدة
رعد: مرر ايده في خصلات شعره وابتسم. لا ابدا حلم كدة
عدي: قولي بس انا مفسر احلام وممكن افسرهولك
رعد:هقولك بس من غير خفة دم
عدي: بخبث. عيب عليك يابرنس
رعد: وهو مبتسم اوي. حلمت بيها
عدي: هي مين
رعد: البنت اللي خبطها بالعربية
عدي: انفجر من الضحك. هههههههههه
رعد: بخنقة مش انا قولتلك من غير خفة دم انا غلطان
عدي: بيحاول يتمالك نفسه من الضحك. خلاص والله هسكت بس قولي حلمت بأيه بالظبط
رعد: حلمت اني ...................
عدي: اوعي من مرة واحدة يا برنس تحلم بكل قلة الادب دي
رعد: انا عمري ما حلمت اصلا بواحدة غير امي مش عارف اشمعن دي بس. بس كنت في الحلم معجب بيها اوي يا عدي كنت هموتها
عدي: ده انا من النجمة هدور عليها واجبها لازم اجبلك البنت اللي خلت الحجر الصوان يلين
رعد: بضيق. تيجيبها منين بس انا حتي معرفش اسمها ولا عنوانها. مش عارف ليه قلقت عليها بعد الحلم ده حاسس انها في مشكلة. خصوصا اني لما شوفتها كان باين عليها الحزن وكمان واضح ان ظروفها المادية وحشة. اه لو فعلا يا عدي عرفت توصلها تبقي خدمتني
عدي: للدرجة دي. ده انت وقعت بقي
رعد: بعد ما حس انه اندفع زيادة. ايه اه ايه اللي انت بتقوله ده الموضوع مش كدة انا بس عايزها علشان اساعدها يمكن تكون كانت بتدور علي شغل ولا حاجة
عدي: طيب خلاص بكرة قولي انت بس خبطها فين بالظبط وانا هبتدي رحلة البحث. تصبح علي خير
رعد:وانت من اهله
قفل رعد مع عدي وهو بيفكر هو ليه لسة بيفكر فيها وليه هي الوحيدة اللي حلم بيها
رعد: اه يا رعد انت من امتي بتتعلق بأي ست ده انت طول عمرك علي رأي عدي حجر صوان ليه جاي تلين دلوقتي بس.
(في شقة همس )
همس: هبة انتي مصدقاني ولا لا والله هو اللي اتهجم عليا والله انا مش بكدب
هبة :بدموع. مصدقاكي وعارفة انها مش اول مرة انا من يوم ما جوزك وابنك ماتوا. من سنتين وجيتي عيشتي معانا وانا شايفة نظرات منصور ليكي وعارفة انه عايز يوصلك بأي شكل بس كنت بعمل نفسي مش واخدة بالي. علشان كنت خايفة يحس اني فاهمة يسوء فيها. همس انتي لازم تتجوزي ابراهيم. نار ابراهيم ولا جنة منصور.
همس: حرام عليكي. ما انتي عارفة ابراهيم ده مفتري وهيبهدلني معاه ده غير مراتته الاتنين. هعمل معاهم ايه انا فيا اللي مكفيني والله انا مش عارفة ليه الدنيا جاية عليا كدة اعمل ايه بس
هبة: بتعيط وصعبان عليها حالها وحال اختها. بس يا همس لازم تتجوزي بكل الاحوال وابرهيم ان كان وحش فهو مهما كان ابن عمنا وعرفينه. فكري فكري ورحمة ابوكي وامك.انا كمان مكدبش عليكي بحس بنار جوايا وانا شايفة منصور عينه منك ده مهما كان جوزي وبغير عليه
همس: غمضت عنيها بحزن والم. حاضر هفكر
هبة: حضنتها وفضله الاتنين يبكوا في حضن بعض.
هبة:همس انا خايفة يجي يوم ومنصور يعمل فيكي كدة وقصاد عيني وانا وقتها مش هقدر اعملك حاجة انت لازم تسيبي البيت ده في اقرب وقت. انا مش مطمنة
همس: هزت راسها بدموع من غير ما تتكلم
وسبحان الله اوقات الانسان بيكون في كرب ابتلاء شديد وبيحس ان الدنيا سودا في عنيه ومفيش ولا بصيص نور واحد بس ممكن السواد والضلمة دي تنور ومحدش عارف النور ده هيجي منين وازاي.
وعدي اسبوع علي ابطالنا رعد كان هيتجنن نفسه يلاقي همس كل يوم بيروح نفس المكان اللي خبطها فيه ويقف شوية يمكن يشوفها ولا حاجة وكمان مبتغبش عن باله لحظة وكل ليلة يحلم بنفس الحلم انها في ورطة وبتمدله ايديها ومستنياه ينقذها.
في مكتب رعد
رعد: رايح جاي ومتنرفز. وخبط الباب ودخل وليد السكرتير بتاعه
رعد: فيه ايه هو انا مش قولت مش عايز ازعاج.
وليد: حضرتك عندك اجتماع مع شركة حازم رشدي بعد ساعة وكمان في ميتينج كتير و حضرتك مأجلها
رعد: الغي كل المواعيد انا مش في المود ومش هقدر احضر اي اجتماعات ولا اتكلم مع حد
وليد: تحت امر حضرتك بس حازم بيه كدة ممكن يزعل حضرتك اللي حددت المعاد ده من اسبوع
رعد: يتفلق. اعمل اللي قولتلك عليه وانت ساكت يا لا اتفضل وابعتلي عدي بيه
وليد: حاضر عن اذن حضرتك
وبعد شوية دخل عدي
رعد: بغضب. انت فين من الصبح هاه وصلت لحاجة
عدي: قعد علي الكرسي . طيب اخد نفسي الاول
رعد: بغيظ. عدي
عدي: خلاص اهدي. لاسف موصلتش لحاجة المشكلة ان احنا حتي منعرفش اسمها ولا كانت بتعمل ايه في المكان ده
رعد: يعني ايه خلاص مش هعرف اوصلها
عدي: مش عارف بصراحة بس انا مستغرب ايه سر اصرارك. علي انك تلاقيها معقول رعد في واحدة ممكن تخليه بالشكل ده
رعد: فك الكارڤات بتاعته وقعد. وهو مخنوق مش عارف يا عدي مش عارف كل اللي اعرفه اني هتجنن عايز اشوفها بأي شكل احتلت تفكيري بشكل رهيب. بس انا مش هسكت انا لازم الاقيها.
(((عندما يعشق الرعد))) بقلم ريحانة الجنة
(رحم لإيجار)
(الحلقة الرابعة) #ريحانة
في شركة رعد
في مكتب رعد
وليد: خبط ودخل. رعد بيه حازم رشدي موجود برا ومنتظر حضرتك
رعد:عقد حاجبه هو واخد معاد
وليد: لا مش واخد. حضرتك تحب اعتذرله
رعد:ابتسم بخبث. تؤتؤ. بس خليه عندك شوية نص ساعة كدة ودخله
وليد:تحت امرك. عن اذنك
وخرج وليد وفعلا انتظر نص ساعة ودخل حازم رشدي
حازم رشدي طول عمره بيكره رعد وكانوا مع بعض في الجامعة ولما اتخرجو وكل واحد فتح شركته. وزادت العدواة بينهم ومبقتش غيره شباب وخلاص لا دي بقت تحدي ومنافسة طاحنة في سوق رجال الاعمال. وحازم بيكره رعد وعدي وبيحقد علي صداقتهم ووقفهم مع بعض من زمان وحاول كتير يوقع بينهم بس كان بيفشل. نرجع للمشهد
حازم: دخل وقعد وهو في قمة غضبه من اصرار رعد علي انه يعامله بإزدراء. هي دي المقابلة اللي بتاقبل بيها صديق الدراسة ومنافسك اللدود
رعد: رفع عنيه ليه ببرود وثقة. اولا احنا عمرنا ماكنا اصدقاء. ثانيا انت عمرك ما تقدر تنافسني لان ببساطة لسة بدري عليك علشان تنافس رعد الحديدي
حازم: بيحاول ميببينش غيظه من رعد. اممم افهم من كدة اننا مش بنتنافس علي ثفقة المعدات الثقيلة
رعد:بسخرية هههههههه. نتنافس ما قولتلك انت مش قدي. والثفقة دي هخدها زيها زي غيرها. من غير منافس
حازم: والاتفاق اللي كان بينا
رعد: انا اتفقت معاك علي حاجة. محصلش انت بتحلم
حازم: كدة ماشي يارعد انا هوريك مين هو حازم رشدي
وخرج حازم وهو في قمة غضبه.وبيتوعد رعد بكل دمار. رعد ابتسم ومسك الفون واتصل بغرام. سكرتيرة حازم....
غرام: مش ممكن رعد باشا بنفسه بيكلمني. لا كدة كتير عليا
رعد:بينه وبين نفسه. فعلا كتير اوي علي واحدة زيك اني ابصلها اصلا مش اكلها. احممم لا ولا كتير ولا حاجة انا بس عايز اقولك ان معادنا زي ما هو في الفندق. بس المهم اعرف تطورات حازم اول بأول
غرام: انا لما الفندق كلمني وقالي انك اكدت الحجز مصدقتش نفسي اخيرا عرفت اوقع رعد الحديدي
رعد: بيجز علي سنانه. بس بيحاول يهدي. اه شوفتي بقي. معجزة. المهم حازم كان عندي وخرج علي اخره لو فكر يعمل اي حاجة انا مستني منك تليفون
غرام: اوك يا باشا ولا هخليه يغيب عن عيني لحظة. الا انت يا حبيبي
رعد: بقرف. حبك عزرئيل يا شيخة. احمم طيب انا هقفل دلوقتي اي تطورات في الثفقة تكلميني والمبلغ اللي طلبتيه اتحول في حسابك خلاص
غرام: تمام يا باشا فاضل الاهم انت هكون موجودة في المعاد في الجناح مستنياك.
رعد: لا انا اللي هكون مستنيكي سلام
قفل رعد وهو يسب ولعن فيها وفي كل من هي علي شاكلتها. وفونه رن للاقاه توفيق الحديدي
رعد: نعم خير
توفيق: انت يا بني ادم بقالك اسبوعين لحد دلوقتي ولسة مروحتش للدكتور هادي انت ايه البرود اللي انت فيه ده
رعد: ببرود قولتلك انا هروح بمزاجي ملكوش دعوة لما احب اروح هروح وبعدين هو مين فينا اللي هيديله العينة. انا ولا انت
توفيق: انت فعلا عايز اللي يربيك.
رعد: انا هقغل علشان مخنوق. سلام
قفل رعد واخد مفاتيحه وتليفونه. ونزل وراح المكان اللي خبط فيه همس زي كل يوم يمكن يقابلها وهو واقف قصاد عربيته بيبص في كل الاتجاهات. فاجأة شافها خارجة من محل ملابس وبتجري ووراها شخص ثائر اكنه ثور في حلبة الثيران.
همس: بتجري بسرعة وبتبص وراها خايفة ناجي يحصلها فاجأة لقته بيقرب بس لقت نفسها خبطت في شئ صلب. وده كان صدر رعد. وهمس اول ما رفعت راسها مصدقتش انه رعد هو ده اللي خبطها قبل كدة ورعد كان بيبصلها بلهفة ومصدق لقاها. وفضله كل واحد باصص للتاني ومش مصدقين انهم اتقابله تاني. بس قطع اللحظة دي قبضة ناجي علي ايد همس علشان يشدها من حضن رعد.
ناجي: تعالي هنا ايه عجبك الحضن ما بتحايل عليكي. عملالي فيها شريفة يا بتاعة الشوارع.
وقبل ما ينهي كلمته لقي لكمة قويه في وشه من رعد رجعته خطوات لورا
رعد: شد همس ورا ظهره. وبغضب جامح. انت عايز منها ايه
ناجي: بيحط ايده علي وشه ويمسح الدم اللي نزل منه وبيبص لرعد بغيظ. وانت مين بقي زبون جديد ولا ايه
رعد: اتغاظ من كلمته. هو لسة ميعرفهاش ولا يعرف وراها ايه واذا كانت كويسة ولا لا.
همس: لناجي. انت واحد حقير وزبالة وان شاء الله ربنا مش هيسيبك. وهينتقم منك. زي ماانت بتتهمني بالباطل
رعد: نقل نظره الحاد والغاضب لهمس. انتي تعرفيه هو عايز منك ايه
همس: انا بشتغل عنده وهو مضيني علي وصل امانة وبيهددني بيه
ناجي: لا انتي حرمية وهسجنك ايه رأيك بقي او تيجي معايا بالزوق احسن وانا مبلغش عنك
همس: ده علي جثتي والله ما يحصل روح اشتكيني انا السجن عندي اهون من اني ابيع نفسي لواحد زيك حيوان وواطي وزبالة
ناجي : مين ده اللي حيوان وواطي يا بنت ال....
رعد: مسكه من هدومه ولكمه اكتر من لكمه. وبصوت كله غضب وتحذير. انت تبعد عنها وملكش دعوة بيها ولو فكرت تقرب منها انا اللي هقفلك انت فاهم.
ناجي: انت مين يا جدع انت وليه حاشر نفسك. مبينا غور من هنا بقي
رعد: لهمس. هو الوصل اللي بيهددك بيه ده بكام
همس: كان 20 الف وهو زود عليه صفر علشان يبقوا 200 وانا معيش المبلغ ده
رعد : طلع دفتر شيكاته. وكتب شيك ب200 الف. انت اسمك ايه
ناجي: بخبث. ايه هتدفعهولها ولا ايه.
رعد: ملكش فيه. قول اسمك وخلاص. والا ولا هتطول لا الفلوس ولا هي ها اخلص
ناجي: ملاه اسمه بالكامل
رعد: هات الايصال.
ناجي: بس ايه اللي يضمنلي ان الشيك برصيد
رعد: انا رعد الحديدي يا متخلف. تسمع عنه
ناجي: فتح عنيه بصدمة. رررعد الحديدي بتاع شركات الاسمت والحديد والهلومة دي
رعد: ايوة هو. اخلص بقي وهات الايصال.
ناجي: اتفضل اهو
رعد : اخد الايصال وقطعه. واداله الشيك. انا بحذرك تفكر بس تقرب منها هنسفك. واخد همس من ايديها وركبها العربية ومشي
همس: بتعيط.
رعد: وقف. بتعيطي ليه
همس: انا مش عارفة ازاي هردلك المبلغ ده والله هو اصلا اخده بدون وجه حق انا مش حرامية
رعد: طيب ليه عمل كدة
همس: انا اشتغلت عنده من كام شهر ومضاني علي الايصال الاول وبعدين ابتدا يعني يطلب مني حاجات. استغفر الله العظيم
رعد: بغيظ وبعدين
همس: فهمته اني مليش في السكة دي بس مفيش فايدة
فضل يحاول معايا كتير وانا وابعد لحد من اسبوعين لما كنت بشتغل عادي لقيته بيقرب مني وقالي انتي لسة مصممة علي اللي في دماغك. فقولتله اه ومش هغيره. طردني وشتمني وقالي قدامك اسبوعين لو ماجتيش ووافقتي حسجنك بإيصال الامانة وورهولي بعد ما زود عليه. ساعتها مشيت وانا مش شايفة قدامي ومش عارفة هعمل ايه
رعد: اليوم ده اللي انا خبطك فيه مش كدة
همس: بتعيط. اه هو
رعد: طيب ايه اللي حصل بعد كدة
همس: مفيش فضلت افكر ملقتش حل قولت اجي في المعاد اللي قالي عليه واترجاه يسيبني في حالي يارب حتي اشتغل خدامة عنده بس ينسي اللي في دماغه. بس هو لما روحت ضحك عليا وقالي خلاص مش مهم واشتغلي عادي فرحت واشتغلت وقولت الحمد لله. شوية ونده عليا اجيب بضاعة من المخزن روحت بس هو جه ورايا وقفل الباب وحاول.. حاول.... وعيطت بحرقة
رعد:شاورلها بإيده تسكت لانه فهم. وهو بيجز علي سنانه وبيضرب محرك العربية بغضب. ابن الكلب وبعدين عملتي ايه
همس: بتاخد نفسها. حاولت ابعده وفعلا زقيته وفتحت الباب واخدت شنطيتي وجريت منه وقابلتك وانت عارف الباقي. ووالله انا ما بكدب وربنا شاهد انا مش حراميه زي ما قال
رعد: كان متغاظ وفي قمة غضبه من ناجي وتوعده بالهلاك. تمام انا هعرف ازاي اربيه علي اللي عمله معاكي.
همس: اانا مش عارفة اشكرك ازاي. بس انا معنديش المبلغ ده ازاي هردهولك
رعد: كان من جواه نفسه يا خدها في حضنه. ويطمنها ويقلها انا بس عايزك انتي عايزك تكوني جنبي.
ههس: قلقت من سكوته. يارب ميكونش هو كمان بيفكر في حاجة وحشة انا خلاص تعبت. هو حضرتك سكت ليه.
رعد: انتبه ليها. ايه لا ابدا عموما انا مش عايز منك حاجة انتي مش مديونة بحاجة
همس: ازاي دول200 الف مش قليلين
رعد:ابتسم علي ساذجتها. لا قليلين هو انتي مسمعتيش انا مين ولا ايه. عادي ده مبلغ بسيط. قوليلي انتي اسمك ايه
همس: همس
رعد: بصلها بإعجاب.همس وانتي همس فعلا
همس:اتكسفت وسكتت. بس كان باين عليها الارهاق وعرقت وشكلها تعبان.
رعد: بقلق. مالك انتي تعبانة
همس: لا انا كويسة بس دايخة شوية
رعد: تحبي اوديكي المستشفي
همس:لا لا انا هبقي كويسة انا هنزل بقي عطلت حضرتك كتير. وبتفتح الباب
رعد: مسك ايديها. استني هنا انت شكلك تعبان لو نزلتي كدة ممكن تقعي. قوليلي انتي اخر مرة اكلتي امتي النهاردة
همس: بتردد. ايه اه الصبح فطرت
رعد: حس بألم للدرجة دي حلتها صعبة. صبح ايه بس الساعة 4 انتي ازاي تقعدي كل ده من غير اكل. بصي انا جعان تعالي نتغدا مع بعض
همس: بخوف. ايه لا لا شكرا انا هروح
رعد: حس بخوفها. متقلقيش انا مش عايزك تخافي مني. احنا هنقعد في مطعم عام مش في بيتي يعني ماشي
همس: خافت ترفض يغضب ويطلب منها الفلوس. ماشي
رعد: ابتسم واخدها علي مطعم فخم جدا ولما. وصله شدلها الكرسي وقعدها. وقعد
همس: كانت مش مصدقة انها قاعدة في مكان زي ده. وكمان طريقة رعد معاها كلها زوق وادب. وهي كل اللي قابلتهم كانوا واطين ومش رجالة اصلا. بس رعد حاجة تانية كانت بتبصله بإعجاب وبتحسد مراته عليه انها متجوزة راجل زيه لانها شافت دبلة في ايده
رعد: اخد باله انها بتبصله. ابتسم ايه بتبصيلي كدة ليه
همس: اتكسفت وبصت في الارض
لا ابدا انا بس تلاقيني سرحت مش قاصدي
رعد: ابتسم اكتر من خجلها. طيب قوليلي عجبك المكان
همس: ابتسمت. عجبني ايه بس انا كان اخري اني اشوف الاماكن دي في التليفزيون
رعد: ههههههه. طيب يا سيتي قديكي اهو قاعدة فيها. قوليلي بقي تحبي تاكلي ايه
همس: بإحراج. اي حاجة اللي تطلبه
رعد: همس قولي تحبي تاكلي ايه هو انا هأكلك علي مزاجي
همس: اصل بصراحة انا مفهمش في اكل المطاعم دي ولا عندهم ايه حضرتك اكيد عارف اكتر مني
رعد: طيب ماشي علي الاقل. عايزة ايه مثلا لحمة فراخ سمك وانا اختارلك
همس: والله اي حاجة مش هتفرق
رعد: ابتسم من بساطتها وقناعتها. طيب انا هطلب لحمة اطلبلك زي
همس: هزت راسها اه عادي اي حاجة
رعد : طلب ليه وليها. همس هو انتي عايزة تشتغلي
همس: ياريت. انا بعد ما مشيت من عند ناجي الزفت ده وانا مش عارفة هعمل ايه
رعد: طلع كارت خاص بيه. طيب ده الكارت بتاعي. في عنوان الشركة بتاعتي وارقامي كلها واستني . كتبلها رقمه الخاص. ده رقمي الخاص من بكرة تجيني الشركة وانا هشغلك عندي وبمرتب محترم اوك
همس: اخدت الكارت وهي خايفة. اه بس ممكن اسألك سؤال
رعد:عارف هي هتسأل ايه ومش عارف هيرد يقول ايه. احمم. اسألي
همس:بتردد. هو يعني حضرتك بتعمل معايا كدة ليه انت حتي متعرفنيش
رعد: احمم. عادي انتي كنتي في موقف محتاجة مساعدة وانا متعودتش اشوف حد محتاجني ومساعدوش
همس: ايوة بس..
رعد: مبسش خلاص الاكل جه. خلينا ناكل . وفعلا الاكل وصل وابتدي رعد ياكل بس لقي همس لسة مبتكلش. ايه مبتكليش ليه
همس:بإحراج. ايه اه هاكل اهو وابتدت تاكل. براحة
رعد: كان مستمتع من وجوده معاها وبيتأمل فيها وهو نفسها يخليها معاه وميسيبهاش تمشي . وابتسم لما لقاها بتاكل بهدوء. مع انه عارف انها جعانة. ومع ذالك مبنش عليها
همس: حاست انه بيلصلها بإهتمام. اتكسفت. هو حضرتك بتبصلي كدة ليه هو انا عملت حاجة غلط
رعد: لا ابدا مفيش بصي انا عايزك تاكلي راحتك ملكيش دعوة بحد كلي زي ما يعجبك اتفقنا
همس: ابتسمت. وهزت راسها حاضر
وكملوا اكل وخلصوا ورعد طلبلها فروت سلاد. بعد الاكل
رعد: علي فكرة هيعجبك جربيه
همس: هو فعلا شكله حلو بس انا مش قادرة اكلت كتير وبعدين الكاس ده كبير اوي هخلصه ازاي ده
رعد: ضحك بصوت عالي. علي غير عادته هههههههههه. هو فعلا كبير بس كلي علي قد ما تقدري وسيبي الباقي
همس: ههههه حاضر. واكلت بس مش كتير. فعلا طعمه جميل بس مش هقدر اكمله كفايه كدة. وكمان انا اتأخرت وعايزة امشي
رعد: اصلا مش عايزها تمشي بس لازم علي الاقل دلوقتي . طيب انا ححاسب وهنمشي علي طول
وحاسب رعد وركبه العربية ومشيه
رعد: قوليلي بقي ساكنة فين علشان اوصلك.
همس: ايه لا مش هينفع حضرتك وصلني اقرب ميدان وانا هتصرف.
رعد: ليه بس خليني اوصلك احسن من بهدلة المواصلات
همس: حضرتك انا ساكنة في مكان شعبي ولو دخلت هناك وانا معاك في العربية الشارع كله هيتكلم عليا.
رعد: بضيق. طيب قوليلي انتي ساكنة فين حتي ابقي عارف
همس: خافت تقوله. اااابكرة لما اجي لحضرتك ابقي اقولك كل بياناتي
رعد:هز راسه تمام . بس اوعي متجيش انا هستناكي
همس: لا ان شاء الله هاجي عن اذنك
رعد: مسك ايدها. همس استتي وادالها مبلغ مش قليل
همس:؟؟ ايه دول
رعد: ده مبلغ كدة تخليه معاكي لحد بكرة واعتبريه من مرتبك اللي هتخديه
همس: بس حضرتك حتي متعرفش انا معايا مؤهلات ايه علشان تحدد مرتبي
رعد: مش مهم المؤهل المهم انك هتشتغلي معايا وخلاص خديهم بس وبكرة نتكلم.
همس: اسفة مش هقدر لما ابقي اشتغل ابقي اخدهم. انا عارفة ان انت دفعتلي اكتر منهم. بس والله لو كان معايا كنت ادتهملك. لكن دول مش هينفع اخدهم . عن اذنك . ونزلت
رعد: مرر ايده في شعره. عنيدة. وبعدين ابتسم . بس عفيفة ومش طماعة اه اه يا همس بقي انتي تعملي كدة في رعد الحديدي. هتجننيني انا كويس اوي انك وانتي معايا ما قطتكيش من كتر ما انتي مجنناني ومطيرة النوم من عيني. بس هانت انتي بس تشتغلي معايا وانا هعرف وقتها انتي هتكملي معايا ازاي
تكملة الرواية حتى الفصل السادس عشر من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺