رواية رحم للايجار (((عندما يعشق الرعد))) بقلم ريحانة الجنه الحلقه الخامسه حتى الحلقه السادسه عشر حصريه وجديده على مدونة أفكارنا

byكاتب مميز •
0

 رواية رحم للايجار (((عندما يعشق الرعد))) بقلم ريحانة الجنه الحلقه الخامسه حتى الحلقه السادسه عشر حصريه وجديده على مدونة أفكارنا 


رواية رحم للايجار (((عندما يعشق الرعد))) بقلم ريحانة الجنه الحلقه الخامسه حتى الحلقه السادسه عشر حصريه وجديده على مدونة أفكارنا 


في مكتب رعد 

رعد دخل مكتبه وهو في قمه سعادته ودي مش من عاداته انه يكون مبسوط كدة. في العادي كان من الصعب جدا اي حاجة ترضيه او تفرحه. لكن بظهور همس في حياته كل شئ في طريقه للتغير. رعد دخل مكتبه وقعد وسند ظهره علي كرسيه وهو مبتسم ومغمض عنيه وبيفتكر همس وكل حركة من حركاتها وكل كلمة قالتها وكل ابتسامة ابتسامتها واسرت قلبه بيها. وبيفكر لما تيجي وتشتغل معاه هيعمل معاها ايه. 

وليد: خبط ودخل. رعد بيه 

رعد: زي ماهو علي وضعه متحركش ولا فتح عنيه. اممم

وليد: حضرتك الشركة الالمانية بعتت فاكس 

رعد: اها عايزين ايه

وليد: بيبلغوا حضرتك بعرض شركة حازم رشدي

رعد:انا عارف عرضه اصلا. في حاجة تاني 

وليد: اه في اوراق مهمة حضرتك لازم تمضيها. وكمان في مينتنج بعد ساعة 

رعد:سيب الورق انا همضيه. قولي عدي رجع ولا لسة

وليد: لا حضرتك لسة مارجعش

رعد: طيب اتفضل انت وابقي ابعتهولي اول لما يرجع 

وليد: تحت امرك يا فندم. عن اذنك


في شقة فخمة جدا اسفل سنتر التجميل الخاص بمها الحديدي. 


مها: حبيبي انا لازم اتطلع السنتر دلوقتي وهبقي انزلك تاني اوك 

معتز: لا يا روحي خليكي شوية انتي ملحقتيش تقعدي 

مها: معلش لازم اتطلع انت عارف اوقات رعد بيعملي زيارات مفجأة. وانا لازم اكون موجودة 

معتز: طيب حضرتيلي المبلغ اللي طلبته منك

مها: اه يا ميزو ياحبيبي طبعا اهو اتفضل. وطلعت من شنتطها مبلغ وادتهوله

معتز: بفرحة. حبيبة قلب ميزو وحضنها وباسها. انا مش عارف من غيرك كنت هعمل ايه

مها: حبيبي انت تؤمر. يالا سلام بقي وهكلمك تاني 

معتز:طيب قبل لما تروحي عدي عليا نصيا كدة. اصل مش هقدر استني لحد بكرة. 

مها:هحاول 

معتز: بغضب. لا هتيجي اومال احنا اخدنا الشقة هنا جنب السنتر ليه مش علشان نكون قريبين من بعض

مها: خلاص يا حبيبي متزعلش هعدي عليك يالا باي. سي يو


وبعد خروج مها ابتسم معتز بمكر. وطلع تليفونه واتصل برقم شخص ....

معتز: باشا اخبارك ايه

الشخص: الاخبار كلها عندك. طمني عملت ايه

معتز: تمام يا باشا. الڤيديو اتسجل والصور كمان

الشخص: تعجبني جمعه بقي مع اخواته اللي قبله لحد لما نكمل الالبوم

معتز: هههههه من عنيا يا باشا بس عايزك تشوفني بأي حاجة 

الشخص: عدي عليا وانا اكتبلك شيك 

معتز: تسلم يا كبير اسيبك انا بقي. علشان اسيڤ الڤيديو سلام يا باشا


في مكتب رعد 

عدي: دخل وقعد . ازيك يا رعد 

رعد: اهلا كنت فين كل ده 

عدي: هكون فين بدور علي حبيبة القلب اللي صدعتني بيها بقالك اسبوعين

رعد:ههههههه. قوام عملتها حبيبة قلبي

عدي: واكتر ده انت سودت ايامنا الفترة اللي فاتت. بس قولي انت بتضحك خير

رعد:اممم. اصلي لقيتها

عدي:!! لا بجد لقتها ازاي

رعد: انا هقولك وانا واقف بدور عليها في المكان اللي خبطها فيه لقيتها........

عدي: ايوة بقي وغدا وحركات يا بن اللذين مبتضيعش وقت انت 

رعد:ابتسم. غريبة اوي البنت دي يا عدي فيها حاجة بتشدني مع اني بحاول اتماسك بس بحس اني بضعف لما بشوفها. متعرفش اول لما شوفتها النهاردة. كنت حاسس اني نفسي اخدها في حضني واكسر ضلوعها علي بعدها الفترة دي مع انها اصلا متعرفش اني كنت بدور عليها. بس مش عارف بتجنن اول لما بتبعد عني

عدي: متنح وفاتح بقه. 

رعد: مالك متنح ليه كدة

عدي: بيهز راسه بعدم تصديق. لا انت مش رعد. رعد ميقولش كدة. انت مين 

رعد: بخنقة. بطل استظراف.واتعدل بدل ما اعدلك. 

عدي:ههههههه اعمل ايه بس انت اول مرة تتكلم عن الاحاسيس والمشاعر والحاجات دي انت مش انت يا صاحبي

رعد: بضيق عارف. انا حاسس بنفسي بس اعمل ايه مش بإيدي

عدي: طيب انت ناوي تشغلها هنا فعلا

رعد: اه طبعا. اول لما تيجي بكرة هتشتغل علي طول

عدي: طيب هتشغلها ايه. هي اسمها ايه صحيح

رعد: همس اسمها همس. ولسة مش عارف هشغلها ايه انت رأيك ايه

عدي: جميل اسم همس. هي معاها مؤهلات ايه

رعد: معرفش. لما تيجي بكرة هنعرف

عدي: اممم طيب عموما ممكن نحطها في اي مكان متقلقش 

رعد: اي مكان ايه لا طبعا انا عايزها جنبي

عدي: ازاي مش فاهم جنبك ازاي 

رعد: ايوة عايزها جنبي. بص ايه رأيك انا هخليها السكرتيرة بتاعتي

عدي: بس دي لازم تكون بتعرف لغات والشغلانة دي مش سهلة. وبعدين وليد هتعمل فيه ايه 

رعد: وليد زي ماهو ولو عليها تتعلم انا اصلا مش عايزها لشغل انا عايزها معايا وقصاد عيني

عدي: رعد انت من امتي ليك في الشمال. 

عدي: انت اتهبلت وانا قولت ايه انا بقولك عايزها قصاد عيني مقولتش حاجة غلط

عدي: ما انا خايف الغلط يجي بعدين

رعد: بغضب وجدية. عدي 

عدي: خلاص يا عم انت حر المهم تكون مبسوط. ده انا مشوفتكش بتضحك من سنين الا بسببها. المهم خلاص انا بكرة لما تيجي هخلي وليد يعلمها الشغل واحدة واحدة 

رعد: بحزم. لا وليد لا. شوف واحدة تعلمها

عدي: ضحك بصوت عالي. هههههههه انت بتغير عليها يا رعد ده انت مشوفتهاش غير مرتين بس

رعد: تعرف تلم نفسك وتحط لسانك في بوقك. وتعمل اللي قولت عليه من سكات

عدي: بيحاول يكتم ضحكتة. وبإستفزاز. طيب ايه رأيك اعلمها انا

رعد: غضب وعنيه بتطق شرار. عدي خاف علي نفسك هكسرك

عدي: ههههههههههه. والله فرحان فيك اصلك طول عمرك مفتري. واهو ربنا بعتلك اللي تهدك. 

رعد: عدي امشي من قدامي

عدي: طيب بص نتكلم جد. انت بتحبها

رعد: قعد علي كرسيه ومرر ايده في شعره بحيرة. مش عارف شكلي كدة ابتديت احبها

عدي: اممم. بس انت لسة متعرفش عنها حاجة وبعدين مش يمكن تكون فعلا زي ما قال عليها صاحب المحل ده اللي اسمه ناجي 

رعد: لا طبعا انا حاسس انها هي اللي صح

عدي: اتنهد. خلاص ما دومت شايف كدة. 

رعد: اسمعني بقي. الزفت ده اللي اسمه ناجي انا عايزه متكتف في مخزن العاشر النهاردة بالليل. ومحله ده عايزه كوم تراب 

عدي: اوك من عنيا بس هو كدة هبأ بال200 الف 

رعد: بسخرية هههههههه. حبيبي انا بعد ما سيبته اتصلت بالبنك ووقفت صرف الشيك. يبله ويشرب ميته

عدي: ههههههههه والله جدع خسارة في اهله. طيب انا هروح بقي اخلص في موضوعه واشوفك بالليل في العاشر

رعد: اوك سلام. ورجع رعد يفتكر همس. الوحيدة اللي دخلت حصون الرعد وزلزلته

في بيت همس. همس بتخبط علي زينب صاحبتها. وهي مبسوطة وفرحانة

زينب: فتحت الباب. همس تعالي ادخلي

همس: بفرحة. كويس ان انا لحقتك قبل ما تنزلي

زينب: هههه فعلا انا كنت خلاص بلبس ونازلة. بس قوليلي وشك منور وبيضحك علي غير العادة. ايه منصور مات

همس:هههههههه. ياريت. بس انا مبسوطة علشان حاجة اهم. مش انا خلاص خلصت من دين ناجي الله يحرقه مطرح ماهو قاعد

زينب:!! ازاي تعالي قوليلي بسرعة

همس: بصي يا سيتي. انا لما روحتلوا النهاردة............... 

زينب: بتصنع القلق. وانتي بقي فرحانة مش كدة

همس: اه ومفرحش ليه. اخيرا ربنا رحمني من ناجي. ولقيت شغل عند راجل مهم زي ده ومحترم وابن ناسي وكلها شهر ولا اتنين واعرف اخد شقة ايجار جديد. ان شالة يارب اوضة وصالة.المهم اقفل بابي عليا ومخفش من حد

زينب:اممم. ده علي اساس انك صدقتي انه راجل محترم. ومش هيطلبك بالفلوس او حاجة قصاد الفلوس

همس: بقلق. انتي تقصدي ايه

زينب: اقصد انك هبلة ودخل عليكي الشوية اللي عملهم. هو تلقيه عينه منك. وحكاية الشغل دي علشان يعرف يجيبك ولما بقي تروحيله هيعرف عنك كل حاجة اسمك بالكامل وساكنة فين وظروفك ايه وساعتها بقي يا حلوة هيعرف يلاعبك زي ناجي تمام. ويقولك يا كدة يا وريكي النجوم في عز الظهر. وده زي ما بتقولي شكله واصل يعني مش هتعرفي تحكي معاه

همس: يا نهار لا انا مفكرتش في كدة. بس شكله ميقولش كدة هو اه شكله كدة شديد وهيبة في نفسه بس كان محترم اوي وما شوفتش منه حاجة تقلق

زينب: يا غبية وهو يعني هيبان عليه من اول يوم لا ده هيسويكي علي نار هادية لحد ما تخدي الامان. ده ممكن يعمل كدة في شركته ومحدش ينجدك منه. حتي اللي شاغلين عنه هيخافه منه. الناس دي ايديها طايلة وبعدين مفيش راجل يدفع لواحدة ميعرفهاش مبلغ زي ده لله في لله كدة

همس: بلعت ريقها بصعوبة. ده لو زي ما بتقولي كدة. ابقي انا ضعت خلاص

زينب:بمكر. لا لسة مش انتي مقولتلوش عنوانك. 

همس: لا انا خفت اقوله علشان يعني المكان هنا مش اللي هو وقولت لو قولتله ممكن يرفض يشغلني ماجاش في بالي كل اللي قولتيه ده. 

زينب: تمام كدة. يبقي مش هيعرف يوصلك. انتي كدة مقدمكيش غير الموضوع اللي قولتلك عليه. انك تيجي تشتغلي مع الدكتور هادي

همس: لا كله الا كدة. قولتلك ده حرام وانا معملش كدة

زينب: انتي حرة. بس لوفكرتي تروحيله. هتندمي لما الفاس تقع في الراس. ساعتها تقولي يا ريتني سمعت كلام زينب

همس: اتنهدت بحزن. يعني ياربي انا مليش نصيب افرح. كدة مقدميش غير اني اوافق علي جوازي من ابراهيم. اهو علي الاقل لو حتي حصل بالغصب. لاني مش طايقاه. اهو اسمه حلال. بدل ما اروح هناك وهو يغصبني علي حاجة تغضب ربنا

زينب: انتي اتجننتي رسمي. ابراهيم. ده بلطجي وبيتاجر في الممنوعات وكل يوم والتاني الحكومة ماسكاه. 

اسمعي كلامي وطوعيني والله هتخدي قرشين حلوين ينفعوكي

همس: ربك يحلها انا هقوم بقي زمان هبة رجعت . سلام 


في شقة همس وهبة

همس: دخلت الشقة وهي مهمومة. من كلام زينب

هبة: انتي جيتي يا همس. حمد لله علي السلامة. قوليلي لقيتي شغل 

همس:هزت راسها. لا ملقتش

هبة: وناوية علي ايه. 

همس: انا موافقة اتجوز ابراهيم

هبة: بفرحة انتي بتتكلمي جد الف مبروك. بس تعرفي ده واد فقري ده لسة نازل من شوية وكان بيسأل عليكي وكان عايز يسلم عليكي علشان مسافر يومين كدة في شغل اكيد هيفرح ازي بموافقتك

همس: اه ما انا عارفة.معلش يا هبة انا هدخل انام شوية تعبانة

هبة: وماله يا حبيبتي روحي نامي شوية. 


في المساء في مخزن رعد في العاشر


ناجي مضروب وحالته صعب. ورعد قاعد قدامه وحاطط رجل علي رجل

ناجي: ابوس ايدك يا رعد. بيه اعتقني بقي انا هموت كدة

رعد: بغضب. وانت مكنتش هتموتها باللي كنت عايزه منها. وتهجمك عليها يا كلب

ناجي: وزة شيطان. وبعدين انا والله مكنتش اعرف انها تخصك

رعد: اديك قولتها تخصني. ورعد الحديدي. محدش يجرأ انه يبص بس لحاجة تخصه مش كمان يحاول يلمسها ويعتدي عليها. 

ناجي: طيب ايه اللي يرضيك وانا اعمله

رعد: انت من بكرة تيجي الشركة عندي وهتشوفها وتعتذرلها وتبوس رجلها كمان 

ناجي: موافق موافق. بس مشيني من هنا

رعد: بص للحرس. فكوه

ناجي: بس حضرتك ساويت المحل والمخزن بالارض والشيك معرفتش اصرفه. انا كدة بيتي اتخرب

رعد: تستاهل ما هو من عاميلك. ما انت شوف بقي كام واحدة عملت فيها كدة. خليك تتربي وتعرف ان الله حق. انت هتمشي دلوقتي وبكرة تيجي الشركة زي ما قولتلك والا انت عارف الحرس هيجبوك. فاهم

ناجي: فاهم . فاهم. 


ومشي ناجي ورعد رجع بيته. وعدي تاني يوم لحد بالليل ورعد كان طول اليوم منتظر همس وهي مجتش. 


رعد: انا هتجنن يا عدي ليه مجتش بس ليه

عدي: اهدي بس. انت متعرفش ظروفها ايه. مش يمكن تعبانة

رعد: رايح جاي بتوتر

انا اللي غبي كمان المرة دي سيبتها من غير ما اعرف عنوانها. انا ازاي بس سيبتها تمشي كدة

عدي: خلاص يا رعد اهدي اكيد هتيجي او هتكلمك ما هو بصراحة مفيش واحدة في ظروفها وترفض العرض اللي انت عرضته عليها 

رعد: قلبي مش متطمن. حاسس انها فيها حاجة. طيب حتي تتصل تكلمني. انا ادتها رقمي وكل ارقام المكتب ليه بس ما اتصلتيش ليه

عدي: طيب خلينا نصبر يومين كمان ونشوف هنعمل ايه

رعد: بفزع. ناجي فين ناجي 

عدي: وانت عايز ناجي ليه

رعد: ما هو اكيد عارف عنوانها مش كانت شغالة عنده

عدي:للاسف ناجي امبارح وهو ماشي عمل حادثة وهو دلوقتي في

المستشفي وفي غيبوبة. انا مكنتش عايز اقولك لاني شايفك قلقان علي همس

رعد: بغضب. خبط المكتب بإيده. يعني انا لازم استني لحد لما تظهر لوحدها ده اذا ظهرت اصلا. 


وعدي يومين علي نفس الحال رعد كل يوم يستني همس تروحله او تكلمه. وهي قاعدة تعيط. علي حظها وانها خلاص هتتجوز ابراهيم. لحد ما جه يوم رعد قرر يروح فيه للدكتور هادي علشان العينة لانه زهق من زن جده توفيق ومها مراته. 


في مستشفي الدكتور هادي المحمدي


في غرفة العمليات 

زينب: لا بقي يا دكتور وهو انا كل مرة يكون ده نصيبي احنا اتفقنا. انك تزودني المرة دي

هادي: زينب بلاش طمع واحمدي ربك. هو ده نصيبك . وان سوقتي العوج من بكرة امشيكي واجيب الف غيرك

زينب: كدة. ده انا اللي جايبالك نص الستات اللي بتحتجلهم في العمليات. ده جزاتي

هادي: اه ولو طولتي في الكلام. همشيكي واوعي تفتكري انك ممكن تلوي دراعي. انا هادي المحمدي.قوليلي لقيتي واحدة جديدة زي ما قولتلك. انا مستعجل علي العملية

زينب: بحاول اجبها ان شاء الله يومين لو ماجتش هشوف غيرها

هادي:طيب روحي يالا انا خلاص قربت اخلص العملية دي. 

زينب: هستناك في المكتب


خرجت زينب. وهي متغاظة من هادي كل مرة يديها مالاليم وهو ياخد الالفات وكانت بتفكر تنتقم منه بس خايفة منه. في الوقت ده شافت رعد رايح مكتب هادي

زينب: رعد بيه اهلا وسهلا. 

رعد:بصلها بررود وهز راسه. 

زينب: هو حضرتك عايز الدكتور هادي

رعد: ايوة هو موجود

زينب: ايوة هو خلاص بيخلص العملية اللي معاه وجاي حالا اتفضل حضرتك استناه في المكتب

رعد: دخل المكتب وقعد 

زينب: فكرت شوية وبعدين اتكلمت. رعد باشا في حاجة مهمة عايزة اقولك عليها

رعد:عقد حاجبه. حاجة ايه

زينب: بس اوعدني انك حضرتك متقولش للدكتور هادي ولا لتوفيق بيه ان انا اللي قولتلك. 

رعد: قلق. اتكلمي علي طول انا معنديش صبر في ايه

زينب: حضرتك عارف طبعا العمليات اللي كانت بتعملها مها هانم هنا. 

رعد: ايوة مالها بقي

زينب: للاسف مدام مها عندها ضعف في التبوبض جامد ودكتور هادي كان بيجبلها بويضات من ستات تانيه وتتلقح من حضرتك وبعدين كان بيعمل العملية لمها هانم

رعد: الدم غلي في دماغه وبصوت يرعب. انتي بتقولي ايه الكلام ده بجد

زينب: بخوف. اه والله بس لان مها هانم الرحم عندها ضعيف كمان مكنتش بتتحمل الحمل للاخر. والحمل بينزل في اوله. بس المشكلة بقي في الجديد

رعد:بغضب. ليه وهو فيه جديد

زينب: ايوة. العملية الجاية هتكون واحدة تانية هي اللي هتحمل وهما هيفهموك ان العينة منك انت ومدام مها. وان الست دي هتشيل العيل بس

رعد: بقي كدة. يعني توفيق ومها مظبطين مع هادي وانا بيستغفلوني

زينب: انا بصراحة قولت لازم اقولك علشان اخلص ضميري. بس ابوس ايدك اوعي حد منهم يعرف اني قولتلك

رعد:لا متخفيش. وطلع دفتر شيكاته. وكتب شيك ب10 الف جنيه. خدي دول كويسين 

زينب: خطفت الشيك بفرحة. الا كويسين تسلم ايدك يا باشا

رعد: بس انا عايزك اي حاجة تعرفيها بتحصل بين توفيق ومها وهادي تبلغيني بيها بسرعة

زينب:من عنيا يا باشا

رعد: انا ماشي ولو هادي سألك قوليلو جاله تليفون ونزل

زينب: زي ما تحب حاضر انت تؤمر


في بيت همس 

همس قاعدة لوحدها في البيت والباب خبط. همس فتحت واتصدمت لقت سماح ومنيرة اللي متجوزهم ابراهيم

همس: بخوف. اهلا سماح ازيك يا منيرة اتفضله

منيرة وسماح دخله وقفله الباب. وراهم وعنيهم كلها شر

منيرة: بقي انتي عايزة تخطفي الراجل اللي حيلتنا. ده ليلة اهلك سودا

همس: برعب. انتوا عايزين ايه. والله اصوت ولم عليكم الناس

سماح: صوتي بس هنكون جبنا اجلك يا روح امك

وانقضوا الاتنين علي همس زي وحوش كاسرة ضرب وبهدلة. بغل وغضب وهمس تصوت وتستغيث ومحدش سمعها وفضله يضربوها لحد ما اغمي عليهاا


(((عندما يعشق الرعد)))بقلم ريحانة الجنة 

      (رحم للإيجار)


       (الحلقة السادسة)#ريحانة 


بعد ما همس اغمي عليها منيرة وسماح سبوها ونزلوا وسابو الباب مفتوح وبعد شوية دخلت هبة وشافت  الباب مفتوح اتخضت ودخلت لقت همس مضروبة ومتبهدلة.صرخت 

هبة: بدموع. همس همس حبيبتي فيكي ايه مين اللي عمل فيكي كدة. ولما همس مردتش ولا فاقت اتصلت بمنصور وجه واخد همس المستشفي وكانت عندها جروح وكدمات. كتير وكسر في الايد اليمين. ولما فاقت روحت البيت. بس طبعا كانت حالتها النفسية صعبة وصعبان عليها نفسها. 

همس:قاعدة في اوضتها بتعيط. يارب لامتي هتبهدل كدة. لامتي مش هلاقي راحة. انا تعبت ده حتي رضيت بالهم والهم مرضيش بيا. اعمل ايه تاني. انا خلاص مقدميش غير حل من الاتنين. يا اما اروح للراجل صاحب الشغل ده والله اعلم نيته ايه من ناحيتي. او اروح مع زينب. والاتنين انا مش عارفة اخرهم ايه. يارب الهمني الصح انا خلاص مش فاهمة ولا عارفة اعمل ايه

هبة : دخلت. وقعدت جنب همس وطبطبت عليها. حبيبتي عاملة ايه النهاردة 

همس:بإنكسار هكون عاملة ايه يعني اهو الحمد لله. 

هبة: بتردد. هو انتي خلاص كدة. صرفتي نظر عن جوازك من ابراهيم. هو يعني ملوش ذنب في اللي حصل

همس:!! انتي لسة بتسأليني. يا شيخة حرام عليكي. حتي بعد اللي عملوه فيا ده كله ولسة عايزاني اتجوزه. علشان يموتوني بقي مش كدة. انتي للدرجة دي مش خايفة عليا للدرجة دي عايزة تخلصي مني. انا والله مش مصدقة

هبة : والله ده قاعد برا. وقالي انه ضربهم علقة موت ووعدني انه مش هيخليهم يقربوا منك تاني

همس:لا والله في الخير. والمرة الجاية لما اموت هينفعني ضربهم بأيه. اسمعي انتي عايزة تخلصي مني مش كدة. خلاص انا هريحك مني وهمشي واسيبلك البيت ده خالص.مع انه اصلا بيت ابويا. بس واضح اني خلاص مليش مكان فيه.  

هبة: ازاي هتروحي فين يعني

همس: زينب هتشوفلي شغل معاها. واشتغل ممرضة عند ناس وهقعد عندهم. 

هبة: وانتي بتفهمي في حكاية التمريض دي

همس: زينب هتعلمني. المهم اني في ظرف يومين مش هكون هنا. وسيبيني بقي انا تعبانة وعايزة انام

هبة: حاضر هسيبك اللي يريحك. 


في مكتب رعد 


عدي: لسة مقررتش هتعمل ايه. في موضوع مها والعملية

رعد: بغضب وغيظ. انا لحد دلوقتي مش عارف انا ازاي مسكت نفسي عنهم اذا كان توفيق ومها ولا الحيوان هادي ده. انا يستغفلوني كل الفترة دي. بس معلش هما اللي جابوه لنفسهم. 

عدي: قصدك ايه. انت هتوافق. وتديهم العينة

رعد: اه. هوافق بس بشروطي. 

عدي: اللي هي ايه بقي

رعد: بعدين هقولك. المهم دلوقتي همس اللي معرفش عنها حاجة بقالها كام يوم ولا عرفنا نوصلها. انا قلقان عليها اوي يا عدي

عدي: والله انا مش عارف اقولك ايه. اللي انت فيه ده ملوش غير اسم واحد بس. الحب انت حبيتها بسرعة جدا وكمان بطريقة تخوف

رعد: ايه اللي يخوف مش فاهم

عدي: يعني حاسس. انك مش هتقدر تنساها بسهولة

رعد:بحدة. انساها؟ انساها ازاي بعد ما لقيتها. انا عمري ما في واحدة شغلت بالي كدة. ولا اتمنتها زيها. وتقولي انساها مستحيل انا مش هرتاح الا لما الاقيها 

عدي: وهتلقيها فين بس. فكر بالعقل يا رعد هي لو كانت عايزة كانت جاتلك. لكن واضح انك مش في دماغها اصلا

رعد: بغضب. عدي خلص الكلام. انا مش هسيبها ولازم الاقيها فاهم ولا لا

عدي:طيب افرض لقيتها. وهي مش عايزاك هتعمل ايه

رعد:بغرور. مش مهم المهم ان انا عايزها وبحبها.وهجيلها بأي طريقة

عدي: تمام براحتك. المهم دلوقتي هتروح المعاد بتاع غرام سكرتيرة حازم رشدي

رعد:بضيق. كنت ناقصها هي كمان. مش كفاية اللي انا فيه. 

عدي: يعني هتروح ولا لا المعاد بعد ساعتين 

رعد: اخد مفاتيحه وتليفونه وبأرف. خلاص رايح 

عدي: رعد كنت عايز اقولك اني اجازة يومين

رعد: ليه. 

عدي: مسافر اسكندرية

رعد: بحزن علي صاحبه. اه فهمت. هو بكرة زكري حلا مش كدة

عدي:بأسي. اه الله يرحمها

رعد: طبطب عليه وحضنه. حاول تنسي يا عدي كدة كتير

عدي: بدموع. مستحيل انسي حلا. حلا هتفضل معايا وعمري ماهنساها

رعد: وهو مفيش في ايده حاجة يعملها. اللي يريحك يا عدي سلام انا دلوقتي. اشوفك لما ترجع ابقي طمني عليك لما توصل

عدي:حاضر.  انت كمان ابقي طمني عملت ايه مع غرام

رعد: متقلقش. انا هعرف ازاي اربيها.  هي واللي مشغلها. سلام 


في بيت زينب


زينب: بفرحة يعني خلاص وافقتي . 

همس: بدموع وحزن. اه وفقت وربنا يسامحني بقي

زينب: ان شاء الله هيسمحك. ده انتي حتي بتعملي خير بتساعدي الناس 

همس: اساعد الناس واغضب ربنا. بس اعمل ايه. مفيش في ايدي حل تاني. 

زينب: متقلقيش ولا بتغضبيه ولا حاجة. ربنا غفور رحيم

همس: هزت راسها. ونعم بالله


وسبحان الله. هي الدنيا كدة. فيها ناس بيكونوا من شياطين الانس. اللي بتزين للإنسان الحرام وتقنعه بيه. وتحلله كمان. ولضعفنا في الاوقات دي  لاسف. بنروح وراهم ونسمعهم. 


في فندق شهير 


رعد قاعد في الجناح منتظر غرام. وفعلا جات غرام ودخلت لرعد


غرام:قربت من رعد بدلع. وابتدت تحاول تخليه ينجذب ليها

رعد: وهو بيحاول يداري ضيقه من حركتها وغضبه من وجودها اصلا. قام وسابها. مستعجلة علي ايه. ادخلي غيري هدومك الاول. 

غرام: اممم. ماشي بس انت كمان مستعجل اهو

رعد:بسخرية. هه اه اوي يالا ادخلي وانا مستنيكي

ودخلت غرام. وبعد شوية خرجت وهي طبعا بشكل مفتكرش ينفع يتوصف. المهم رعد شافها. وهو من جواه عايز يشيلها ويرميها من بلكونة الجناح.. وقربت تاني من رعد. وهو سابها تتمادي شوية وبعدين سبها وقام

غرام: مالك في ايه. ايه اللي حصل. انا عملت حاجة زعلتك

رعد:جرها مش شعرها وبصوت شبيه بإسمه زي الرعد. انتي وجودك اصلا هنا وبشكلك ده خناقني مش بس مزعلني

غرام: بتتألم. اانا مش فاهمة حاجة ايه اللي حصل بس. ما احنا كنا كويسين

رعد:بغيظ. احنا عمرنا ما كنا كويسين. انا اصلا أرفان منك من اول يوم شوفتك فيه وشوفت سفالتك يا زبالة. اسمعي بقي يا روح امك. انتي متصورة من وقت ما دخلتي الجناح. ولحد ما دخلتي جودة وانتي بتغيري. لحد اللي عملتيه من شوية. اعتبريه فيلم قصير كدة. 

غرام: فتحت. عنيها بصدمة. انت كنت بتصورني. ليه ده سلمتك رقبة حازم واخت منه. الصفقة كمان. تقوم تعمل فيا كدة

ماهو لو كنتي خليتي الاتفاق بينا زي ماكان. فلوس وبس هات وخد. كان ماشي مكنتش عملت كدة. لكن انتي غبية طمعتي في حاجة عمرك ما تحلمي تطوليها. مشكلتك ان وحدة رخيصة زيك. افتكرت انها ممكن تلوي دراع رعد الحديدي. بس لانك غبية. مقدرتيش تفهمي مين هو رعد. انا لايمكن اخليكي تعملي اللي في دماغك. علشان. ده شرف خسارة تنولوا واحدة زيك. انها تكون مع رعد. اسمعي. الفيلم اللي اتصور ده هيتقطع مقاطع صغيرة. وانتي هتجبيلي كل المعلومات اللي ممكن احتاجها من حازم. وكل نفس بيتنفسه. ولو حصل وحازم عمل حاجة من غير ما اكون عارف منك. هنزل مقطع من الفيلم ده. وقصاد كل غلطة مقطع فهمتي يا حلوة. 

غرام: انت هتفضح نفسك. وانت رعد الحديدي

رعد:هههههه. لا متقلقيش. انا هعرف ازاي اخليكي انتي بس اللي تظهري. وهيفتكروكي كنتي مع اي واحد زبالة من اللي بتعملي معاهم الارف ده كل يوم. 

غرام: كدة يا رعد والله تستاهل اللي بيحصل لمراتك. خليك تدوق من نفس الكاس

رعد: ساكتة ليه بلعتي لسانك. 

غرام: لا ابدا. بس انت لازم تفهم ان حازم حويط شوية ممكن يعمل حاجة من ورايا من غير ما اعرف

رعد: ميخصنيش. انا قولتلك علي اللي هيحصل سواء بقي كنتي عارفة او لا . دي مشكلتك. ومهمتك انه ميغبش عن عنيكي لحظة. 

غرام:ماشي وانا موافقة. اقدر امشي

رعد: في ستين داهية. 


تاني يوم في الاسكندرية 

اسكندرية وجمالها وبحرها وشقوتها وكمان بنات اسكندرية اللي مفيش احلي منهم ولا في خفة دمهم. في بيت عائلة  ميسورة الحال بتفتح بنوته جميلة بملامح شقية عنيها خضرا وشعرها بني وبيضاء ملامحها تجنن . ودي( هنا فوزي الحضري)

هنا: تفتح شباك أوضتها اللي بتطل علي احلي بحر في الدنيا بحر اسكندرية. وهوا البحر الجميل يحرك شعرها بحرية وهي مبتسمة ليوم جديد رغم انها عارفة ان الابتسامة دي مش هدوم كتير. وفعلا جه صوت هي بتكره اكتر من اي حاجة في حياتها وهو صوت ( ماجدة مرات بباها المفترية اللي مزهقاها في عيشيتها)

ماجدة: هنا. انتي يا هانم هتفضلي واقفة في الشباك كتير . ولا ايه

هنا:بيتجز علي سنانها. يا فتاح يا عليم علي الصبح. نعم يا طنت عايزة ايه 

ماجدة: تاني طنت. ما قولنا قولي ماجدة احسن. وهو انا بيني وبينك كام سنة. هما تقريبا يعني ... 

هنا: ايوة هما تقريبا يجي 20. 30 سنة كدة

ماجدة: كتك قطع لسانك. ليه شايفاني. من ايام الملك. 

هنا:بتبرطم. لا من ايام ما بنوا الهرم

ماجدة: بتبرطمي تقولي ايه

هنا:بإبتسامة صفراء. ابدا ما بقلش. ممكن بقي توقفي الحوار بتاع كل يوم ده علشان انا عندي شغل. وعايزة الحقه

ماجدة: روحي يا ختي لما نشوف اخرت شغلك ده ايه. ده ابوكي بيديكي مصروف اكتر من مرتبك

هنا: ماهو انا مش بشتغل علشان الفلوس وبس انا بشتغل علشان احقق ذاتي. 

ماجدة:ذاتك؟ ودي تطلع ايه بقي ان شاء الله.

هنا: خبطت راسها بإيديها. يارب اروح فين بس. بصي يا ست ماجدة الذات دي حاجة كدة زي اممم اه زي الطحال والفشة تعرفيهم

ماجدة: طبعا دول ابوكي بيموت فيهم. بس هو انتي بتشتغلي في شركة ولا في مسمط

هنا: عادي متدوقيش اهو كله شغل. اسيبك انا بقي واروح البس. علشان هتنفخ لو روحت متأخرة. 

وراحت هنا لبست وجهزت وهي نازلة لقت صوت تاني وقفها وده تاني اكتر صوت بتكره وهو ميتخيرش عن الصوت الاول في الغلاسة والتناحة علي راي هنا. وده توتي قصدي تامر ابن ماجدة مرات ابو هنا. 

تامر: هنون صباح الخير

هنا: يارب انا عندي مرارة واحدة مفيش غيرها. لو اتفقعت هعيش من غير مرارة

تامر: قرب منها. ايه يا هنون بنده عليكي مش بتردي ليه

هنا: اصلي وقعت علي ودني وانا صغيرة. 

تامر: هنون انتي مش ملاحظة انك بتعامليني وحش

هنا: يا راجل هو انت لسة واخد بالك. تصدق ده تقريبا اسكندرية كلها عرفت. 

تامر: ليه يا هنون انا كدة والله هزعل وهشتكيكي لماما

هنا: يا روح امك. تشتكيني لماما. لا تصدق اترعبت. فكك مني يا عم الحج انا خلقي في منخبري علي الصبح. كفاية اني اصطبحت بوش امك. ووراها انت ده شكله يوم منيل. اوعي بقي من وشي بدل ما اشلفتك علي الصبح. ومشيت هنا. 

تامر : راح لماجدة. ماما .. ماما

ماجدة: توتي يا حبيبب ماما. صباح الفل علي احلي شاب في اسكندرية كلها. 

تامر: صحيح يا ماما. 

ماجدة: صحيح. ياروح ماما 

تامر: اصل هنا مش بتحبني. وانا بحبها اوي. وعايز اتجوزها. وهي مش بتديني ريق حلو. 

ماجدة: متقلقش يا حبيبي. هجوزهالك غصب عنها. ولا هي ولا ابوها يقدروا يرفوضولي طلب

تامر: بجد طيب لو رفضت. 

ماجدة: ترفض ده ايه. ده انت تامر توتي حبيب ماما كل بنات اسكندرية يتمنه ظفرك

تامر: بس انا عايز هنا 

ماجدة: متقلقش. انا النهاردة ححدد مع فوزي معاد خطوبتكم وكتب كتابكم

تامر: ياريت يبقي يوم الخميس وحياتي يا ماما

ماجدة: بس كدة. من عنيا يا حبيب قلب ماما. حبيبي بقي يجي يفطر. 

تامر: اه ياريت ده انتي فتحتي نفسي اوي يا ماما

ماجدة: دايما يا توتي نفسك مفتوحة


في شقة عدي في الاسكندرية علي البحر. 

دخل عدي البلكونة وبص للبحر بنظرة كلها حب وشوق ولهفة. وعلي قد ما هو بيحب البحر علشان حبيبتة وزوجته حلا كانت بتحبه لا دي كمان كانت بتعشقه. علي قد ما كان بيلومه وزعلان منه لانه هو اللي اخد منه حبيبته. كان بيلوم عليه انه غدر بيها وغرقها في امواجه وهي كانت مأمنة ليه. واتنهد عدي بمرارة ودموعه نزلت.وهو بيفتكر شقوتها وضحكها ولعبها. وهزارها. كانت مرحة كل اللي يشوفها بحبها. كانت بتجبر اي حد يقعد معاها انه يضحك. ومن قلبه. وابتسم عدي وهو بيفتكر اول يوم شافها فيه. 


فلاش بااااك

عدي اصلا ولدته اسكندرانية ولما ماتت هو مكنش ليه غير خالته ثريا وبناتها علا وليلي. وكانوا عايشين في اسكندرية. وكان عدي لازم كل شهر يسافر اسكندرية لخالته ثريا وبناتها ويقضي معاهم يومين وفي مرة عدي كان لسة واصل عند عمارة خالتو ونزل من العربية ودخل العمارة واول ما وصل عند الاسانسير لقي باب الاسانسير اتفتح وخرجت منه بنت غاية في الجمال والرقة. سرح عدي في عنيها الخضرا الجميلة. وشعرها البني الجميل كانت فعلا تخطف العين

حلا:حاولت تمشي من جنب عدي وكل ما واحد فيهم يجي يعدي التاني يقف قصاده كأنهم متفقين يروحه في نفس الاتجاه

حلا:بنرفزة وبعدين معاك يا جدع انت ما ترسالك علي بر. خلينا نعدي 

عدي: رفع حجبه. جدع!!  اللي يشوفك وانتي ساكته ميسمعكيش لما اتكلمتي ياريتك فضلتي ساكته 

حلا: نعم يا خفيف انت. حد جه جنبك

عدي: جدع وخفيف. لا ده انتي مصيبة

حلا: لا بقولك ايه انت شكلك مصراوي وهتقرفني وانا اسكندانيه وخلقي في منخيري. اوعي بقي من طريقي

عدي: بإستفزاز. اولا انا اسكندراني انا كمان مش مصراوي. ثانيا لو معدتكيش هتعملي ايه

حلا: لا ده انا ممكن اعورك

عدي: ضحك بصوت عالي. انتي يا أوزعة تعوريني انا. اتكلمي علي قدك يا شاطرة

حلا: شاطرة دي تقولها لصاحبتك في المدرسة مش انا. وواعي بقي لارتكب فيك جناية النهاردة. وجات تمشي

عدي: استني. انتي اسمك ايه وساكنة فين انا عارف كل اللي في العمارة انا اول مرة اشوفك

حلا: لا والله. ليه شخ حارة حضرتك. ابعد عن طريقي يا ابني احسن ليك. ومشيت حلا

عدي: هههههههه. مش ممكن فظيعة عليها لسان عايز قصه. بس عسل يخربيت كدة يا جدعان. 

 طلع عدي لخالتوا ورن الجرس. وفتحت ثريا

عدي: ريري حبيبتي وحشتيني

ثريا: حضنته. حبيبي يا عدي وحشتني  تعالي يا نور عيني ادخل

عدي: دخل وقعد. وحشتيني يا خالتوا قوي عاملة ايه وعلا وليلي عاملين ايه

ثريا: الحمد لله كلنا زي الفل. هما زمانهم جاين انا قولتلهم انك جاي بس انت بقي الحق خد حمام والبس وتعالي نتغدا قبل ما يجوا التتار. لحسن هما واجوازهم وعيالهم مش هيخلولك حاجة لو جم 

عدي: ههههههه ماشي هقوم اهو لحسن اناوحشني الاكل من ايديكي يا ريري. 

ثريا: يا قلب ريري. ده بقي عاملالك. اكلة سمك اللي هيا سمك وجمبري واستكوزا. وسبيط وصيادية وايه اكله علي مزاكك

عدي:  انا داخل اغير هوا لحقيني انتي بس بالاكل 

ودخل عدي اخد حمام ولبس بيجامته وقعد اتغدا مع خالتوا ثريا. وبعد الغدا غسل ايده وكان بيساعد خالتوا في تنضيف السفرة

ثريا: يا حبيبي اقعد انت ارتاح ده انت جاي من سفر. 

عدي: باس ايدها. وانا اطول لما اساعد ست الكل انا هسعدك وكمان هغسلك الاطباق

ثريا: لا كله الا كدة. بص انا هروح اصب الشاي. وانت حط دول في المطبخ لما البنات تيجي يبقوا يغسلوهم. وتعالي نشرب الشاي

وفعلا خلصوا شيل الاطباق وقعدوا يشربوا الشاي 

عدي: عاملة ايه يا خالتوا. لوحدك

ثريا: الحمد لله انا خلاص اتعودت. من يوم عمك الله يرحمه مامات. والبنات اتجوزه. وانا اتعودت علي الوحدة. بس تعرف جه من يجي شهر كدة. سكان جداد ناس زي العسل. راجل ومراته وبنتهم الوحيدة. بنت ايه في الجمال والرقة والادب حته سكرة. من وقت ماجت وبقينا صحاب تجيني ونقعد نتكلم ونضحك. دمها شربات

عدي: لا والله. امم واسمها ايه

ثريا: حلا 

عدي: اكيد هي اللي قابلتها عند الاسانسير. دي شكلها هتحلو

ثريا: بتقول حاجة يا عدي

عدي: سلامتك يا خالتوا. 

ثريا: طيب شوف مين اللي بيرن الجرس انا مش قادرة اقوم

عدي: حاضر. وفتح عدي. وابتسم انتي

حلا: بنرفزة. انت


(((عندما يعشق الرعد)))

      (رحم للإيجار) بقلم ريحانة 


       ((الحلقة السابعة))#ريحانة


حلا :انت بتعمل ايه هنا يا جدع انت 

عدي:ههههههه. والله انا ماشوفت بجاحة كدة. انتي يا امورة اللي بتخبطي عليا. يبقي انا اللي اسألك. جاية هنا ليه

حلا:اولا يا خفيف. انا مش بجحة ولو قولتها تاني هخلي لسانك يوحشك. ثانيا بقي. انا اجي زي ما يعجبني. قولي طنط ريري فين. اوعي تكون حرامي وخنقتها وسرقت فلوسها

عدي: هههههههههه. لا ده انتي حكاية ربنا يهدك. 

ثريا: بصوت عالي. مين يا عدي

عدي: مش عارف يا خلتوا. دي واحدة كدة غلسة ولسانها طويل

حلا:يا ابني اتقي شري احسنلك. واوعي بقي من سكتي. ودخلت لثريا

ثريا: حلا حبيبتي. تعالي يا عسسل عاملة ايه

حلا: برقة. الحمد لله يا طنط انتي صحتك عاملة ايه 

ثريا: انا بخير. اعرفك بقي ده عدي ابن اختي. ودي حلا يا عدي  اللي حكتلك عنها. 

حلا: برقة وهدوء.مدت ايديها. اهلا استاذ عدي فرصة سعيدة

عدي: رفع حاجبه بصدمة. لا وربنا من امتي الرقة دي

ثريا: في يا عدي هو انتوا تعرفوا بعض

عدي: اصل 

حلا: قاطعته. ابدا وهنعرف بعض منين انا اول مرة اشوف استاذ عدي

عدي: تنح لا بجد يمكن 

ثريا: انا بقي هقوم اجبلك الرز باللبن اللي بتحبيه يا حلا ثواني. وقامت ثريا

عدي:افهم بقي التحول السريع ده. ده انتي من دقيقة كنتي عبده موته في ثواني كدة تقلبي لقطة سيامي 

حلا: عبده موته دي مع الناس الغلسة اللي زي حلاتك. لكن انا اصلا رقيقة وكيوت

عدي: بإستفزاز. بس تعرفي مش لايق عليكي جو الرقة ده. هو انتي شكلك بلطجي 

حلا:مسكت السكينة اللي علي طبق الفاكهة. وقربتها من عدي تحب دلوقتي اوريك. البلطجية دي ممكن تعمل ايه

عدي: متصنع الخوف. لا ابوس ايدك انا لسة صغير ومدخلتش دنيا

حلا: بإنتصار. يبقي تلم نفسك احسنلك

عدي: بحركة سريعة. مسك ايديها الاتنين وكتفها وزقها علي الكنبة. وهو مقرب منها. وبخبث. انا دلوقتي اللي ممكن اوريكي انا ممكن اعمل فيكي ايه. 

حلا: اتكسفت من اللي عمله. اااانت ازاي تعمل كدة ابعد عني. 

عدي:بنظرة إعجاب. تؤتؤ انا مبسوط كدة اصلك بصراحة حلوة اوي. وعنيكي حلوة وشعرك يجنن. وشفايفك.. 

حلا: زقته. وبعدت وهي متلخبطة. علي فكرة انت قليل الادب 

عدي: قام ووقف قصدها. انا ممكن اوريكي قلة الادب علي حق بس متبقيش تعيطي. 

حلا: ااانا

ثريا: جات وقاطعتهم. اتفضلي يا حلا وانت يا حبيبي عملتلك قهوتك. اتفضل

عدي: وهو بيبص لحلا. تسلم ايدك يا حبيبتي. جات في وقتها اصلي. صدعت من الرغي

حلا: مش عارفة ايه اللي حصلها. هي اول مرة تعجب بحد كدة. بس موز ربنا يهده لا وعصب. وكتمت ضحكتها

عدي: واخد باله منها وعارف انها بتفكر فيه. ابتسم احمم ايه يا حلا ساكته ليه صوتك وحشنا

حلا: متصنعة الغضب احمم مفيش انا كويسة. انا همشي يا طنط ولما البنات تيجي خليهم يندهولي 

ثريا: ابدا انتي قاعدة معانا لحد لما يجوا. 

حلا: لا انا

عدي: خلاص بقي يا حلا اسمعي الكلام. 

وفضلت حلا وعدي قاعدين وابتدوا يتكلموا من غير. مشاغبة واخدوا علي بعض شوية. وجم علا وليلي وازواجهم واولادهم وسهرا وهزروا وعدي وحلا اخدوا تليفونات بعض وبقوا يتكلموا طول الوقت حتي لما عدي رجع القاهرة. وفضلوا كدة 3شهور لحد ما حبوا بعض جدا وعدي رجع اسكندرية واتقدملها واتجوزا وحلا صممت انه يجبلها شقة في اسكندرية علي البحر. غير شقة القاهرة. ووافق وعمله الفرح في اسكندرية. ويوم الفرح بعد لما رجعوا البيت 

عدي: روح قلبي الشقية اللي جننتني معاها. اخيرا اتجوزتك يا ام لسان طويل

حلا: ههههههه. شوفت بقي اهو انت اللي عرفت توصل لليڤل النهائي وقابلت الوحش. 

عدي: هههههههه. طيب تعالالي يا وحش

حلا: جريت ورا الكنبة. لا يا دودي محبكش وانت كدة اركز واعقل

عدي: وربنا انا اصلا مجنون تعالي هنا. ونطلها ورا الكنبة. 

حلا: جريت منه تاني ووقفت علي الكرسي. طيب بص هقولك ايه رأيك نغير هدومنا وننزل البحر شوية. 

عدي: نعم يا ختي بحر مين يا مجنونة انت عارفة الساعة كام. ثم ان النهاردة دخلتنا. في عريس وعروسة ينزلوا البحر ليلة دخلتهم. اتهدي يا مجنونة في ليلتك دي 

حلا: بس انا عايزة انزل البحر

عدي: مسكها من رجلها ونزلها وشالها.ودخل بيها الاوضة.  انا بقي دلوقتي هنزلك المحيط مش البحر.....


فاق عدي من شروده. وهو بيبتسم لما افتكر كل اللحظات الحلوة دي واتنهد. 

عدي: ااااه يا حلا وحششتيني. وحششتيني اوي اوي. ليه بس سيبتيني ليه ودوعه نزلت. 


في مكتب رعد 

رعد قاعد ودخل مروان. وده رجل الهمات الصعبة اللي بيشتغل مع رعد بيخلصله كل حاجة بيطلبها منه. 


رعد: تعالي يا مروان. قولي عملت ايه

مروان. : تمام سيادتك. الشركة اعتبرها في خبر كان. وقريب اوي باقي الشركات. 

رعد: براڤوا عليك يا مروان. وهما عرفه مين اللي وراها

مروان: عيب يا باشا. محدش يقدر يعرف الا اذا انت أمرت بكدة

رعد: بإبتسامة نصر. لا لسة شوية لما اوصل لهدفي وقتها انا اللي هقوله اني انا اللي وراه كل اللي بيحصله. 

مروان: بس المرة دي الوقعة مش سهلة. دي من اكبر شركات المجموعة بتاعته. اكيد دلوقتي هيتجنن. 

رعد: يا ريت خليني ارتاح منه. روح انت دلوقتي واتفضل الشيك بتاعك

مروان: متشكر اوي يا باشا عن اذنك

رعد: مروان. لسة ملقتش البنت اللي قولتلك عليها

مروان: للاسف يا باشا مش عارف اوصلها معنديش المعلومات الكافية اللي تساعدني. واللي اسمه ناجي ده لسة في غيبوبة من الحادثة. مش عارفين نتكلم معاه

رعد: بضيق. طيب خلاص روح انت دلوقتي. وخرج مروان

رعد: سند راسه علي الكرسي. ايه بس اللي مخلكيش تيجي يا همس. ليه بس. ده انا مصدقت يومها الاقيكي. تقومي تختفي تاني كدة. ليه بس. اااه وحشتيني اوي. وجز علي سنانه انا بس المرة دي الاقيكي والله ما هسيبك تروحي مني تاني بس الاقيكي


في ڤيلا الحديدي 

توفيق : بعصبية. انت بتقول ايه ازاي الكلام ده يعني ايه الاسهم كلها خسرت

أمين مساعد توفيق: هو ده اللي حصل يا باشا. صدقني انا مش عارف مين اللي بيلعب من ورانا 

توفيق: لا كدة الحكاية فيها حاجة غلط. انا مش مطمن. ده حد بيعرف كل التفاصيل بتاعت الشغل مين ده اللي يجرأ. علشان يلعب مع توفيق الحديدي

أمين: صدقني انا كمان لازم اعرفه وأقرب وقت

توفيق: بتعب وارهاق. أمين. انا لازم اعرف مين اللي بيعمل كدة انت فاهم. 

أمين: حاضر يا باشا بس ارجوك اهدي انت صحتك مبقتش زي الاول. 

توفيق: مسك قلبه. انا مش هرتاح الا لما اجيبه تحت جزمتي. واتالم اااه امين الحقني

امين: جري عليه. توفيق باشا مالك. انا لازم اتصل بالمستشفي حالا. 


واتصل أمين بالمستشفي وبعته عربيه ونقلوا فيها توفيق. 


في. الشقة اللي بتتقابل فيها مها ومعتز. 

مها في الحمام. بتاخد حمام. وتليفونها رن. وكان رعد 

معتز: مها. حبيبتي تليفونك بيرن 

مها: خرجت من الحمام وبتنشف شعرها. مين يا حبيبي

معتز: رعد 

مها: قلبها وقع وخافت لمجرد ما سمعت اسمه. رررعد وبيتصل ليه ده قليل اوي لما بيتصل بيا

معتز: طيب كلميه. وانتي تعرفي

مها: لا لا لا ااانا هستني لما اروح انا خايفة يبان عليا حاجة وانا بكلمه

معتز: حبيبتي جمدي قلبك بس وكلميه

مها: مسكت التليفون وايديها بتترعش. واتصلت برعد..... 

رعد: بغضب وصوت عالي. انتي فين 

مها: ابتلعت ريقها بصعوبة. اااانا هههكون فين ففي السنتر

رعد: وانا موجود في السنتر. انت فين بقي

مها: التليفون وقع منها. واغمي عليها

معتز: مسك التليفون وقفله. مها مها مالك الله يخربيتك هتوديني في داهية. وجاب ميه وفوقها. 

مها: فاقت وهي بتترعش وخايفة. ررعد يا معتز. رعد فوق في السنتر. ده لو عرف ممكن يقتلني 

معتز: اهدي كدة واسمعيني كويس متخفيش. شكلك وخوفك ده هو اللي هيخليه يشك فيكي. انتي تلبسي بسرعة واطلعي عادي. ولو سألك انا هقولك تقوليلو ايه. يالا بسرعة


في السنتر بتاع مها. وفي مكتبها تحديدا.  رعد رايح جاي زي البرق. وفي قمة غضبه منها لانه مفهمها انها متخرجش لوحدها من غير السواق. 


مها: دخلت مكتبها وهي بتحاول تتماسك.

رعد: اول لما شافها. راح قدمها بسرعة ومسكها من دراعها بقوة. وبغضب. انا كام مرة منبه عليكي. وقولت مفيش خروج من غير السواق. كنتي فين يا هانم

مها: بدموع. ابعد عني ايه وانا عملت ايه. كنت مخنوقة وعايزة اتمشي لوحدي ومش عايزة اركب مع السواق عايزة اشم هوا. ايه كفرت

رعد: شدها تاني من ايديها. وايه يا بنت الحديدي اللي خانقك هو في حد عايش زيك مش تحمدي ربنا

مها: زقت ايده. وانهارت بدموع. انت انت اللي خنقتني. انا مش حاسة اني متجوزة. مش حاسة اني ست زي كل الستات. مش حاسة اني زي صحباتي اللي كل واحدة جوزها مدلعها وبيحبها وانا جوزي متجوزني غصب. وياريت بتداري ولا حتي بتضحك عليا لا بتقولها في وشي. بتتجهالني ولا اكني موجودة في حياتك. كان ممكن تمثل عليا حتي. او تعاملني احسن من كدة. انت السبب في كل اللي بيحصلي انت السبب اني اني.. وقعدت علي الارض وهي بتعيط. 


وانفعال مها مكنش تمثيل. زي ما طلب منها معتز لا كانت فعلا حاسة انها خاينة بس هي مش لوحدها اللي غلطانة رعد كمان غلطان لانه ظلمها. وانتقامه من جده خلاه يستخدمها وسيلة لكدة من غير ما يفكر انها ملهاش ذنب. وهو اللي خلاها تقع فريسة سهلة لمعتز واللي وراه. بس هي كمان غلطت مهما كانت الاسباب. ده ميديهاش الحق في ارتكاب اعظم الذنوب. كانت ممكن تقرب من ربنا وتشتكي ليه وربنا قادر انه يساعدها. ويغيرلها حياتها للاحسن 

رعد: حس انه فعلا جه عليها كتير وانه محبهاش وظلمها. قرب منها وخدها في حضنه. خلاص يا مها اهدي. كفاية عياط

مها: لا مش كفاية. انا تعبانة يا رعد ومحدش حاسس بيا. انت ليه بتعمل فيا كدة ليه انا عارفة اننا مكناش بنحب بعض. بس كان ممكن نحاول نقرب من بعض. يمكن كنت تحبني. 


رعد: سابها وقام.وادالها ظهره. مها انا عارف اني ظلمتك. وعاملتك وحش بس ده مش بإيدي. انا مش هقدر احبك

مها: ليه بس ايدي نفسك فرصة. وانا ححاول اخليك تحبني

رعد: صعب يا مها صعب. بصي انا هتفق معاكي اتفاق. احنا بعد العملية اللي جاية ونخلف. وتوفيق يكتب ثروته لابني انا هطلقك.و اسيبك تشوفي حياتك. اتفقنا

مها: وليه منتطلقش دلوقتي

رعد: علشان توفيق لو عرف مش هناخد منه حاجة. فهمتي

مها: انا عايزة اعرف انت محتاج فلوس جدو ليه. ما انت معاك قدها

رعد: انا مش عايز الفلوس علشان الفلوس نفسها. 

مها: اومال علشان ايه

رعد: ميخصكيش. المهم نتفق خلاص

مها: خلاص. بس ممكن اطلب منك طلب. 

رعد: طلب ايه 

مها: نتعامل اكننا زوج وزوجة لحد ما نتطلق. وتيجي تقعد معايا في اوضتي  ومتحرمنيش من حقي فيك ممكن

رعد: مسح وشه بإيده. مش عارف يا مها. مش هقدر 

مها: ليه بس علشان خاطري يارعد

رعد: صعبت عليه وحس انه اول مرة يشوفها كدة. خلاص يا مها موافق

مها: فرحت وحضنته. حبيبي يا رعد 

رعد: طبطب عليها. وهو بيفكر في همس وحبه ليها وانه كان بيتمني انها هي اللي تكون في حضنه. 

علي فكرة انا كنت جاي اقولك ان توفيق في المستشفي

مها: اتخضت. جدو مقولتش ليه من الصبح. 

رعد : ما انتي مدتنيش فرصة 

مها: طيب يالا بينا بسرعة نروحله

رعد :يالا اتفضلي. وهو بيجز علي سنانه. ربنا يخده 


في المستشفي 

في اوضة توفيق الحديدي


مها: الف سلامة عليك يا جدو كدة تخضني عليك 

توفيق: الله يسلمك دي حاجة بسيطة. وانا بقيت كويس الحمد لله

رعد: تعرف ربنا اوي. ده انت شيطان 

توفيق: ساكت ليه يا رعد مفيش سلامتك يا جدو

رعد: سلامتك. بس ايه اللي وقعك كدة. الدكتور قال كانت جلطة ولحقوها. 

توفيق: لا ابدا. كنت بتكلم مع امين في الشغل واتعصبت شوية. علشان كدة تعبت فجأة

مها: لا بقي قوم كدة وفوق انا عندي ليك خبر هيفرحك اوي

توفيق: خير خبر ايه

مها: مش انا ورعد اتصالحنا واتفقنا نفتح صفحة جديدة. 

توفيق: بفرحة. صحيح الكلام ده يا رعد

رعد: ببرود. اه صحيح. علي فكرة انا عايز اقولكم اني عرفت انكم كنتم بتضحكم عليا في موضوع العمليات ده. 

مها وتوفيق: تنحوا

توفيق: ازاي تقصد ايه

رعد: مش هنلف وندور علي بعض انت فاهمني كويس. وكمان عرفت موضوع. العملية الجديدة. وان اللي هتحمل مش مها

مها: انت بتقول ايه مين اللي قال الكلام ده

توفيق: ايوة يا مها انا مكنتش عايز اقولك دلوقتي. انتي مش هتقدري تخلفي الرحم عندك. خلاص مينفعش يتحمل الحمل ولو عملتي العملية الجنين هينزل زي اللي قابله

بس انا عايز اعرف انت عرفت ازاي ومين اللي قالك

رعد: لا مش لازم المهم اني عرفت وخلاص ازاي مش قصتك

توفيق: بتحذير. رعد انت لازم تدي هادي العينة. انا عايز الحفيد ده بأي شكل انت سامع

رعد: قام وحط ايده في جيبه وببرود. اممم اولا انت مش هتقدر تجبرني. لو انا مش عايز بس انا ممكن اوافق بس بشرط. 

توفيق: شرط ايه. 

رعد: تتنازلي عن نص املاكك. قبل العمليه. والنص التاني تكتبه لابني لما يجي ان شاء الله

توفيق: انت بتلوي دراعي يا رعد

رعد: والله انا قولت اللي عندي وانت حر. مش عايز براحتك

توفيق: ماشي يا رعد هكتب نصهم ليك والنص لمها

رعد: لا ليا انا وبس. 

توفيق: بغضب. ماشي يا رعد انا لولا اني مش عايز اسم عيلة الحديدي. ينتهي كنت عرفت ازاي اوريك شغلك بس معلش انت مهما كان مش هتقدر تقف قصاد توفيق الحديدي

رعد: بسخرية. ههههه لا هقدر علشان انا رعد الحديدي يا ريت متنساش. 

توفيق: خلاص كلم  هادي وحدد معاه معاد. 


في اسكندرية علي البحر

عدي: بيتمشي علي البحر. ولفت نظره بنت قاعده علي البحر كان بيشبه عليها قلع نظارته الشمس وقرب منها بس فونه رن. طلع الفون... الو

رعد: ايه يا عم مفيش حد راح اسكندرية غيرك ولا ايه

عدي: ههههههه اه مفيش. قولي ايه الاخبار عندك. 

رعد: تمام. غرام اتظبطت علي الاخر. وكله تمام

عدي: وهمس وصلتلها 

رعد: بحزن لا لسة انا هموت عليها يا عدي عايزها مش عارف الاقيها ازاي بس. 

عدي: ان شاء الله تلاقيها. بقولك ايه ما تيجي تقضي معايا يومين هنا الجو يجنن

رعد: لا انا ورايا حاجات كتير عايز اخلصها. خد راحتك انت وانبسط. 

عدي: تمام اشوفك علي خير

رعد: اوك بس ابقي كلمني. متنسانيش كدة

عدي: وانا اقدر انت حبيبي يا رعد يالا سلام

وقفل عدي ورجع بص علي البنت اللي شافها ملقهاش. 

عدي: اكيد كان بيتهيألي. اه ما انا خلاص اتجننت. اوفففف


في شقة هنا 

في اوضة فوزي ابو هنا. قاعد بيتكلم مع ماجدة مراته

ماجدة: فوزي اللي قولته هو اللي هيمشي. يوم الخميس كتب كتاب هنا وتامر

فوزي: بس البنت مش عايزة. خليه يشوف غيرها

ماجدة: لا هنا يعني هنا. انا ابني بيحبها وانا مش هكسر قلب ابني علشان دلع بنتك. مش انت قولتلها

فوزي: اه قولتلها ومن ساعتها وهي برا ولسة مرجعتش. 

ماجدة: بقولك ايه تحمد ربنا اوي ان انا هجوزها ابني وهي .......... 

فوزي: اسكتي يا ماجدة  ومسمعكيش تجيبي سيرة الكلام ده تاني فاهمة

ماجدة: ماشي المهم كتب الكتاب يكون يوم الخميس

فوزي: خلاص رتبي كل حاجة


هنا كانت وهي راجعة من برا سمعت صوتهم العالي وقربت من الباب وسمعت كل اللي اتقال. 

هنا: عيطت. كدة يا بابا هنت عليك تسيبني ليها تبيع وتشتري فيا ماشي متزعلش بقي من اللي هعمله. يا بابا


في مستشفي دكتور هادي المحمدي


في مكتب هادي. 

هادي: اهلا اهلا. يا رعد باشا. نورت والله اهلا يا مها هانم

مها: اهلا بيك يا دكتور هادي

رعد: بحدة. احنا هنقضيها سلامات ولا ايه فين الست اللي هتعمل العملية اخلص وابعت هاتها

هادي: حاضر ثواني. ورفع الانتر كم... زينب هاتي الست اللي عندك


الباب خبط وفتحت زينب. ودخلت ومعاها الست اللي هتعمل العملية واول ما رعد شافها. 

رعد: قام وقف. وهو مش مصدق. وجز علي سنانه وهو في قمة غضبه. لان ده كان اخر مكان يتوقع يشوفها فيه

همس: اول ما شافته.خافت ودموعها نزلت.وحاست انها عايزة تمشي من قدامه بسرعة. 


يا تري ايه اللي هيحصل رعد هيعمل ايه في همس وهيظن فيها ايه بعد لما عرف انها هتعمل كدة. 😔😔


(((عندما يعشق الرعد))) بقلم ريحانة 

      (رحم للإيجار)


        (الحلقة الثامنة) #ريحانة


رعد كان مصدوم وبيسأل نفسه. معقول يا همس انتي كدة وكنتي بتضحكي عليا. وكان نفسه يخنقها بيإيده ويسألها ليه عملتي كدة. بس كان في نفس الوقت قلقان عليها لما شاف عليها اثار الضرب اللي اتضربته وكمان دراعها المتجبس. مكنش فاهم حاجة. 


همس كان حالها حال حاست انها اتعرت قصاده. وانه هيفهمها غلط. وندمت علي انها ضعفت وسمعت كلام زينب. 


مها:لما شافت همس بالكدمات اللي وشها والجبس اتضايقت وبأرف. ايه ده يا هادي ملقتش غير دي دي شكلها خارجة من حادثة. وشكلها ميطمنش

هادي: لا انتي بيتهيألك. دي حاجة بسيطة مش هتأثر علي العملية والجبس ده كلها اسبوعين ثلاثة ويتفك. وبعدين تحاليلها كلها نضيفة وتمام. 

مها: بس انا مش عايزاها غيارها. 

هادي: يا مدام مها صدقيني. ده هي دي المطلوبة. التحاليل بتاعتها والسونار والاشعة كمان زي الفل. مش هنلاقي زيها بسرعة وهنتعب

مها: قولت لا شوف غيرها. 

هادي: امري لله. خديها يا زينب. 

زينب: اخدت همس ولسة هتمشي. 

رعد: استني عندك. 

همس. وزينب: لفوا الاتنين تاني

رعد: راح وقف قدام همس وبيبصلها بحدة. وغضب. انا موافق عليها هي اللي هتعمل العملية

مها: بس يا رعد انت مش شايف شكلها احنا مش ناقصين وجع دماغ

رعد: انا قولت هي اللي هتعمل العملية. خلصنا

مها: بس.. 

رعد: بصوت عالي. قولت خلاص مش عايز كلام كتير. 

هادي: زينب خدي همس وروحي انتي دلوقتي 

خرجت زينب وهمس اللي كانت لسة بتعيط. 

مها: انا بجد مش فاهمة دي شكلها كأيب اوي وكمان بتعيط. محسساني انها مغصوبة مش شغلانتها اصلا

رعد: كان متغاظ من كلام مها وحاسس انه بيوجعه. هادي هي البنت دي بتشتغل معاك من امتي

هادي: لا هي لسة جديدة اول مرة المرة دي. بس متقلقش انا عارفها كويس. مفيش مخلوق هيعرف حاجة انا مفهمها كل التفاصيل

رعد : تمام. يالا يا مها انا عندي شغل

مها: تمام. يالا بينا


خرج رعد ومها وقصاد المستشفي. 

رعد: يالا يا مها اركبي مع السواق. وروحي انتي

مها: ليه يا حبيبي. ما نروح سوا بعربيتك. 

رعد: اولا بقي كفياكي. حبيبي حبيبي اللي مسكاها دي. وبعدين انا عندي مشاوير كتير مش مروح دلوقتي

مها: رعد مش احنا اتفقنا .. 

رعد: قاطعها. مها مش وقته الكلام ده امشي علي البيت وبعدين نتكلم. 

مها: ماشي هروح. بس هستناك مش هنام. وركبت مها مع السواق ومشيت

رعد: ركب عربيته وفضل واقف مستني همس. ولقاها خارجة وماشية وكانت بتعيط. قرب منها بالعربية براحة. وهي شافته وخافت

رعد:بحزم. فتحلها الباب اركبي

همس: خايفة. ااااانا. 

رعد: بيجز علي سنانه. قولت اركبي انا مش طايق نفسي. وبصوت عالي. اركبي 

همس: ركبت. وهي بتعيط. 

رعد: مش كفاية بقي دموع التماسيح دي ولا ايه. فاكرة انك هتضحكي عليا زي المرة اللي فاتت. اتاري بقي ناجي كان عنده حق. وبسخرية. ده انتي طلعتي مدوراها

همس: لو سامحت كفاية انا مش ناقصة. انت متعرفش حاجة يبقي متحكمش عليا

رعد: مسكها من دراعها وضغط عليه. معرفش ايه هاه. المرة اللي فاتت تنصبي علي ناجي وتسرقيه وتعملي بريئة وشريفة. والمرة دي انا شايفك بعيني . انتي عارفة انا قابلتك فين ولا لا. انتي جاية تأجري رحمك. فاهمه يعني ايه. بتبعي نفسك ليه يا همس ليه

همس: كانت بتتألم من وجع دراعها. وكمان من كلامه اللي وجعها اكتر. 

همس: عيطت زيادة. قولتلك انت  متعرفش حاجة  متعرفش حاجة سيبني في حالي حرام عليك. انا ربنا اللي عالم بيا

رعد: لا مش هسيبك. ولازم اعرف وافهم انتي ايه حكايتك اتكلمي

همس: انا هقولك. انا بعد ما خلصت ثانوي. كان بابا الله يرحمه لسة عايش وماما ماتت وانا صغيره. وليا اخت وحيدة اسمها هبة هي اكبر مني. من وانا في المدرسة وكان بيجيلي عرسان كتير وكمان ابراهيم ابن عمي كان منهم. بس بابا مكنش موافق وقال عليه صايع وملوش شغلانة. ودخلت الجامعة سنة واحدة. واتقدملي عماد جوزي الله يرحمه. كان شاب محترم خريج حقوق. وبيتضرب في مكتب محامي. وبابا حبه اوي وانا كمان اعجبت بيه واتجوزنا. وفي السنة الاولي حملت في محمد ابني وطبعا مكنتش بروح الكليه. وراحت عليا السنة. وبعدها ولدت وكنت عايشة ومبسوطة وحمدا ربنا. وهبة اختي كمان اتجوزت منصور وعاشه مع بابا في شقته. وبابا مات بعد ما انا ولدت بشهرين. وزعلت عليه اوي. وبعد ما عدي حاوالي سنتين. كنت انا وعماد وابني محمد في الملاهي. واحنا راجعين عملنا حادثة. وجوزي وابني ماتوا قصاد عيني مكنتش عارفة انا ببكي علي مين علي جوزي اللي مشوفتش منه غير كل خير . ولا ابني اللي لسة مكملش سنتين. عشت اسود ايام كلها حزن ووجع. ربنا وحده اللي عالم عدت عليا ازاي. وفي. خلال كام شهر.صاحب الشقة كان عايزها. لان انا وعماد كنا متجوزين في ايجار جديد. وانت عارف الايجار الجديد. علي مزاج صاحب الشقة. خلصت الفلوس اللي معايا. وصاحب الشقة مشاني. وبعت هفشي ورجعت عيشت مع هبة ومنصور جوزها. في بيت بابا. ومن اول يوم وانا حاسة وشايفة نظرات منصور ليا. كنت في الاول بقول يمكن صعبانة عليه. من اللي انا فيه. بس بعد كدة اتضح انه طمعان فيا وابتدي يعاكسني. كنت علي طول خايفة ومرعوبة. عمرك ما هتحس احساسي. عارف يا عني ايه اني كنت بنام وعيني مفتحة من الخوف. عارف يعني ايه كل لما اروح في النوم اقوم مفزوعة لحسن الاقيه جنبي. عارف يعني ايه معرفش اخد حمام زي كل الناس.وابقي قافلة علي نفسي وكمان مرعوبة منه. انا كنت بقعد عند الجيران لحد ما هبة اختي ترجع. وعلشان كدة كنت برضي بأي شغل المهم مقعدش معاه في البيت.. انهارت من العياط اكتر

رعد: حس انها مش ممكن تكون بتمثل. مسك ايديها. اهدي يا همس اهدي. 

همس: لا مش ههدي مش انت عايز تسمع انا هسمعك. لما روحت لناجي  علشان اشتغل انا حكتلك اللي حصل. وهي دي الحقيقة لكن انا مش حرامية ولا نصابة زي ما قولت عليا. انا كل اللي يشوفني يطمع فيا حتي ابن عمي قالهالي بصراحة. لو متجوزتهوش هيخدني غصب. حتي ده رضيت بيه وقولت اتجوزه وانا مش طايقاه. بس مكنش فإيدي حاجة هو ولا منصور اللي مش عارفة هخلص منه ازاي خصوصا بعد ما اتهجم عليا. وهبة مش موجودة

رعد: انتي بتقولي ايه هي ايه الحكاية .

دول شوية كلاب وعايزين يتربوا. وانتي هتتجوزي ابن عمك ده فعلا وانتي مش عايزاه. ازاي

همس: كنت. قبل ما الاتنين اللي متجوزهم مايجوني ويضربوني ويبهدلوني كدة. اصل البيه متجوز اتنين.  

رعد: ؟هما اللي عملوا فيكي كدة انا افتكرتها حادثة. ستات دي ولا وحوش

همس: بعدها قولت لا انا مش ممكن اعمل كدة ووافقت علي الشغل مع دكتور هادي وزينب هي اللي اقنعتني مكنش قدامي حل تاني كان لازم امشي واسيب البيت مكنش ينفع اقعد مع منصور اكتر من كدة ولا ابراهيم اللي اكيد هو كمان مش هيسيبني في حالي بعد ما رفضت اتجوزه. 

رعد: طيب مش انا قولتلك هشغلك وكان ممكن اجبلك مكان تقعدي فيه. ليه مجتيش يا همس

همس: بتعيط وساكته.

رعد: ردي يا همس ليه مجتيش وقولتيلي وانا كنت هساعدك. بصوت عالي . ردي ليه مجتيش

همس: بخوف. كنت خايفة منك

رعد:!! خايفة مني. خايفة ليه 

همس: كنت خايفة تكون. زيهم وتستغل ظروفي. 

رعد: ليه يا همس شوفتي مني ايه يخليكي تفكري كدة. 

همس: بصريخ. مشوفتش بس كل اللي قابلتهم كدة كلهم طمعانين كلهم زبالة انا خلاص تعبت والله انا بتمني الموت كل يوم ومبيجيش. مبيجيش . 

رعد: كان قلبه بيتعصر من الالم عليها وهو شايفها كدة. وحتي مش قادر يخدها في حضنه. مسك ايديها. كفاية يا همس لو سمحتي انا مش عايز اشوفك كدة

همس: لا انا خلاص زهقت من كل اللي انا فيه سيبني يارب اموت وارتاح. وفتحت باب العربية ونزلت بسرعة وبتجري وكان فيه عربية جاية عليها و همس اغمي عليها 

رعد: اول ما نزلت. نزل وراها ولما وقعت من الخوف والعربية بتقرب. جري عليها وشالها. وحطها في العربية. همس. همس فوقي 

همس: مفقتش. ولسة غايبة عن الوعي

رعد: اخدها وطلع علي الفندق. وجابلها دكتور. 


في الجناح في الفندق

رعد: خير يا دكتور. مالها 

الدكتور: لا ابدا هي واضح انها كانت زعلانة شويه. وكمان شكلها مأكلتش من فترة. هي محتاجة راحة جسدية ونفسية. 

رعد: هز راسه. حاضر متشكر اوي

ومشي الدكتور. ورعد راح قعد جنب همس  اللي لسة غايبة عن الوعي علي السرير. وهو حزين عليها. وكان بيملس علي شعرها. وعلي الكدمات اللي في وشها. 

رعد: معقول كل ده حصلك. وانتي لوحدك يا رتني كنت قابلتك من زمان مكنتش هخلي كلب منهم يقرب منك. ومسك ايديها وباسها. اوعدك مش هخليكي ترجعلهم تاني وهتفضلي معايا. مش هسيبك تاني يا حبيبتي هتفضلي في حضني

همس: ابتدت تفوق بس عنيها مش واضح ليها الرؤية. وبتعب. اانا فين هو ايه اللي حصل

رعد: ابتسم. انتي كويسة متقلقيش

همس: فتحت عنيها. لقت نفسها في اوضة وكمان في  السرير ورعد قاعد قصادها. خافت علي نفسها. اانت عملت ايه ليه كدة ده انا كنت فكراك محترم

رعد: اهدي لو سامحتي.اولا انا محترم مفهاش كلام. ثانيا انا معملتش حاجة انتي كويسة انتي اغمي عليكي وانا جبتك هنا وجبتلك دكتور. ولسة ماشي حالا. 

همس: يعني بالله عليك معملتش فيا حاجة. 

رعد: صعبان عليه الرعب اللي هي فيه من اللي شافته. لا والله ماجيت جنبك. انا مقدر خوفك وقلقك بس صدقيني والله ما لمستك. 

همس: طيب ليه جبتني هنا ومودتنيش مستشفي

رعد: علشان انتي هتقعدي هنا

همس: هنا فين

رعد: هنا في الجناح ده في الفندق

همس: فندق. اانا مش فاهمة حاجة

رعد: همس انتي مش هترجعي لاختك وجوزها دول تاني. وهتقعدي هنا لحد ما تعملي العملية

همس: عيطت. لا انا خلاص مش هعمل العملية. يمكن اللي حصل ده انذار علشان ربنا يرجعني عن الذنب ده. انا اصلا مكنتش مرتاحة

رعد: لا هتعمليها. بس مش بنفس الطريقة. اللي كنتي هتعمليها بيها

همس:؟ مش فاهمة ازاي

رعد: همس انا هتجوزك

همس:😳 انت بتتكلم جد

رعد: ايوة هتجوزك

همس: اغمي عليها تاني

رعد: همس همس. مالك بس ياربي. ورفعها وسندها علي كتفه. وفوقها تاني همس فوقي بقي حرام عليكي. 

همس: فاقت. وبصتله. انت قولت ايه من شوية

رعد: ابتسم.بس والله لو اغمي عليكي تاني انتي حرة. 

همس: هزت راسها. 

 رعد: قولت هتجوزك.يا همس. بصي انا كمان بصراحة كان عندي شك من الموضوع ده علشان حرام. وانتي كمان مش هينفع تعملي كدة. فا احنا لازم نتجوز. وانتي تعملي العملية وانتي مراتي

همس: بس ده كمان حرام. لانه جواز. علشان الخلفة مش طبيعي 

رعد: كان بيلصلها وفي نفسه. مين قال كدة انا هتجوزك علشان بحبك والحكاية دي جاتلي نجدة

همس: مش بترد ليه

رعد: ايه لا. بس اصل مفيش قدامنا حل تاني

همس: بس مرات حضرتك هتوافق

رعد: توافق ولا لا. انا محدش يقدر يعارضني المهم انتي موافقة

همس: مش عارفة. هو حضرتك هتطلقني بعد العملية مش كدة

رعد: في نفسه. عملية مين انا مش هطلقك ابدا ده انا مصدقت

همس: رعد بيه

رعد: اولا مفيش بيه دي قوليلي رعد وبس ممكن

همس: ازاي بس ميصحش

رعد: لا يصح. وبعدين سيبك من حكاية الطلاق دي سيبيها لظروفها انا لازم اكون جنبك لحد ما تولدي. بعدها يبقي ربنا يحلها

همس: ان شاء الله. انا لازم امشي اتأخرت

رعد: هو انا مش قولتلك. انك مش هترجعي هناك تاني. 

همس: ازاي بس. مش هينفع

رعد: لا هينفع. انتي هتقعدي هنا في الفندق. لحد ما نتجوز. وبعدين هخدلك شقة تقعدي فيها. براحتك 

همس: بس ازاي هبات هنا مع حضرتك

رعد: انا لو عليا مسيبكيش. وانام جنبك هنا بس معلش هستني

همس: هو حضرتك ساكت ليه. 

رعد: ابتسم. متخفيش يا همس انتي هتباتي هنا لوحدك. وانا في الجناح اللي جنبك. المهم اوعي تفكري تمشي فاهمة. انتي من هنا ورايح ملزمة مني . واياك تختفي تاني اظن انا طمنتك خلاص ماشي يا همس

همس: هزت راسها. ماشي

رعد: ومتفتحيش باب الجناح لمخلوق. لو عايزة حاجة تكلميني. رقم جناحي اهو لو مين علي الباب. متفتحيش وكلميني فاهمة

همس :  حاضر فاهمة

رعد: كان بيبصلها بإعجاب. مش ممكن حتي الكدمات اللي وشك. مقدرتش تخبي جمالك. اه يا همس نفسي اخدك في حضني

همس: قلقت من نظراته. احمم. هو انا ممكن انام. 

رعد:ااه اه طبعا. خلاص انا اتطمنت عليكي. وهروح اوضتي بس زي ما اتفقنا. متفتحيش لحد غيري

همس: والله مش هفتح لحد

رعد: خرج ومشي

همس: قعدت. علي السرير وابتسمت. يااااه يا همس معقول هترتاحي من وجع القلب اللي كنتي عايشة فيه. بس  هو انا ليه بحس ان رعد بيه ده. حد قريب مني مش حساه غريب. بس هو علي قد ماهو عصبي وبيزعق.

بس حساه حنين اوي. وابتسمت بخجل وكمان امور قوي. ورجولة كدة راجل مفيش منه كتير. ااه لو كان يتجوزني علشاني مش علشان الخلفة. منك لله يا زينب. انتي اللي خوفتيني منه كان زماني روحت واشتغلت معاه. ده طلع ابن ناس ومحترم. بس لوكنت روحت اشتغلت معاه. مكنتش هتجوزه. تؤ وبعدين يا همس وهو يعني كان جواز بجد. ما هو شوية ويطلقك. بس انا ليه حاسة بحاجة غريبة ناحيته. كنت مبسوطة وهو جنبي. يمكن علشان حاسسيني بالامان وكان بيطمني. اصل انا عمري ماحسيت اني مطمنة كدة. من يوم ما عماد مات الله يرحمه. من يومها وانا في قلق وخوف. لحد ما شوفت رعد. يالا الحمد لله ربنا يسترها بقي 

وبعد شوية وهي قاعدة. باب الجناح خبط. همس سألت مين لقته رعد

همس: فتحت. خير حضرتك عايز حاجة

رعد: ابتسم. لا انا بس جايبلك الحاجات دي. وادلها شنط كتير

همس: اخدتهم. ايه دول

رعد: انتي جيتي من غير مايكون معاكي حاجة. فا انا اشترتلك شوية هدوم وحاجات اكيد هتحتاجيهم علشان تغيري هدومك وتنامي. وكمان في لبس خروج. و بيرفيوم وكل حاجة ولو في حاجة ناقصة قوليلي وانا اجبهالك

همس: ابتسمت. متشكرة اوي. انا بجد مش عارفة اقولك ايه. حضرتك انسان عمري ما قابلت زيك. يا بخت مراتك بيك

رعد: سند علي الباب وابتسم. ما انتي كمان هتبقي مراتي. يبقي يباختك انتي كمان

همس: وشها احمر واتكسفت. احمم طيب عن اذنك 

رعد: ابتسم اكتر من كسوفها. اوك انا همشي . اه ثانية واحدة. العشاء جاي بعد شوية. ممكن نتعشا سوا وبعدين ارجع جناحي. 

همس: اااه طبعا ممكن. بس اغير هدومي الاول

رعد: اوك. انا في الجناح و منتظر منك تليفون


في الاسكندرية 


عدي: قاعد علي البحر وطبعا الوقت اتأخر جدا. وبعدين سمع صوت صريخ  بص حاواليه. لقي شوية شباب بيجروا ورا بنت وهي بتصرخ. قام بسرعة وراهم بس لقي واحد منهم بيشدها والثاني بيشممها مخدر 

عدي: طلع مسدسه. وضرب طلقة في الهوا. 

الشباب اتخضوا. وواحد منهم قرب يضرب عدي. بس عدي ضربوا والاتنين التانين شالوا البنت وبيجروا. عدي جري وراهم ومسكهم.  والولد اللي شايل البنت رماها في الارض. 

عدي: طلع المسدس. والله يا كلب منك ليه لو لمحت حد فيكم واقف بعد دقيقة واحدة. لهضربه بالنار 

الشباب جريوا ومشيوا

عدي: شال مسدسه وقرب من البنت اللي خدروها. واول ما رفعها وشال شعرها من علي وشها. اتصدم😳😳😳 حلا..


(((عندما يعشق الرعد)))

     (رحم للإيجار)


     (الحلقة التاسعة)


عدي كان مش مصدق اللي شايفه. البنت دي شبه حلا بالظبط. نفس الشكل واللون والملامح والشعر..كان يبصلها ويحقق فيها خايف يكون بيتهيألو. وبعدين فاق لنفسه. 

عدي: طيب انا اعمل ايه دلوقتي. لو اختها المستشفي. حدخل في س وج ومين دي وجبتها ازاي. لا انا هخدها البيت عندي. 

وشالها عدي وراح علي شقته. ودخلها الاوضة ونيمها في السرير. وحاول يفوقها. بس هي واخدة مخدر . ومش هتفوق بسهولة. 

عدي فضل قاعد قصاها. بيبصلها وبيبتسم. مش ممكن في شبه كدة. اكني شايف حلا قصاد عيني. بس يتري مين دي وكانت بتعمل ايه علي البحر في الوقت ده. 

وقام وقف قصاد الشباك واهو بيفكر في حلا وبعد شوية. سمع صوتها بتأن وابتدت تفوق. قرب منها وقعد علي الكرسي اللي قصادها. 

هنا: بتحاول تقوم وماسكة راسها. وبتتألم. ااه يا دماغي. انا فين انت مين

عدي: اول لما فتحت عنيها. تنح وسرح. مش ممكن ازاي نفس لون العين كمان. دي عنين حلا 

هنا: قعدت تبص علي نفسها وعلي عدي اللي متنح ليها. انت يا جدع انت انت عملت فيا ايه وقامت مسكته من هدومه. 

عدي: اهدي. اهدي يا أنسة انا معملتش حاجة. انتي مش كان في شباب عايزة تخطفك. فاكرة ولا لا

هنا: عقدت حاجبها. اه صحيح. انت اه . مش انت كنت جاي تجري من بعيد

عدي: الله ينور عليكي كويس. ان الذاكرة لسة شغالة. ممكن بقي تسيبي هدومي 

هنا: بصت لإيديها. علشان كانت ماسكة فيه اكنها. كانت هضربه. احمم وسابت ايديها. وانا فين بقي كدة ان شاء الله 

عدي: في بيتي

هنا: نعم يا عم الظريف. وجبتني بيتك ليه انت اتهبلت

عدي: اللهم طولك يا روح. انت بالعة ايه اتهدي بقي كدة واسمعي. كنت هعمل ايه وانتي متخدرة ومغمي عليكي. جبتك هنا لحد ما تفوقي.والحمد لله اني كنت موجود كان زمانهم خطفوكي والله اعلم كانوا عملوا فيكي ايه

هنا: لا عندك حاسب. انا اصلا كنت هخلص عليهم. اه انا 100راجل. 

عدي: هههههههه. لا بجد ده انتي كنتي عاملة في ايديهم زي الكتكوت المبلول

هنا: ما تحسن الفاظك. يا جدع انت. وبكبرياء هما بس اللي خدوني علي خوانا. لكن انا كنت ممكن اشلفتهم

عدي: ههههههههه. اه ما انا عارف

هنا: انت مش مصدق. لا انا محدش يقدر عليا 

عدي: ماشي يا عم فندام. ممكن بقي تقوليلي انتي مين وايه اللي نزلك في وقت متأخر زي ده لوحدك. 

هنا: بان عليها الحزن. لا مش ممكن دي حاجة خاصة ومش عايزة اتكلم فيها

عدي: بس كدة اهلك ممكن يقلقوا عليكي. تحبي اوصلك ليهم 

هنا:انتهدت. لا متقلقش محدش هيقلق. وانا متشكرة ليك. انا همشي عن اذنك. وجات تقوم

عدي: وقف قصادها. انتي مش هترجعي لاهلك

هنا:دموعها نزلت. ومسحتها. لا انا هشوف مكان اقعد فيه. 

عدي: حس ان وراها حاجة. بس مش عايزة تتكلم. طيب لو تحبي خليكي هنا الليلة وامشي الصبح

هنا: بصتله بغضب. قصدك ايه يا جدع انت لا مش علشان ساعتني. وعرفت اني ماليش اهل هتسوق فيها وتفتكر اني سهلة. لا انا ممكن اكلك بسناني

عدي: يخربيتك. اقفلي البوتجاز اللي اتفتح في بوقك ده. انا مقصدش حاجة من اللي جات في دماغك. انا قصدي تباتي لوحدك هنا. وانا في اوضة تانية. وكمان الباب ليه مفتاح اقفلي علي نفسك. لو خايفة مني. 

هنا:حكت شعرها وهي بتفكر وبتعض شفيفها. 

عدي: ابتسم. لان حلا كانت بتعمل نفس الحركة وهي بتفكر 

هنا: مالك يا جدع انت مسهوك كدة ليه

عدي: يخربيت فصلانك. انتي يا بنتي لسانك ده ايه. فظيعة. 

هنا: اصلك بصراحة بصاتك مش عجباني. مش مرتحالك

عدي: اتنهد. اسف لو انا نظراتي ضايقتك. بس لما تعرفي سببها هتعزريني. وعموما زي ما قولتلك. اقفلي علي نفسك. وعلي فكرة انا مش حد وحش لا انا راجل ومش من النوع اللي في دماغك. اسيبك دلوقتي ترتاحي... اه المفتاح في الباب عن اذنك.. وخرج عدي وقفل الباب وراه

هنا: انتي غبية يعني الراجل بيساعدك. وكمان شكله محترم وانتي عمالة تديله فوق دماغه. ده كويس انه مطردنيش. اوففف لا انا هخرج اقوله كلمتين عدلين. 

وخرجت هنا تدور علي عدي لقته قاعد في الريسبشن. وماسك صورة وعنيه فيها دموع. هنا بصت حاوليها لقت صور ليها في كل حته وكمان صورة. بالحجم الطبيعي. تنحت وقربت من عدي وقعدت جنبه. 

هنا: صور مين دي 

عدي: بحزن. دي تبقي حلا مراتي الله يرحمها. عرفتي ليه انا كنت ببصلك بإهتمام. مش لاني عنيني زايغة ولا وحش. لا لاني مكنتش مصدق الشبه اللي بينكم

هنا: بتضرب كف علي كف. لا اله الا الله. هو في كدة ده انا حاسة اني باصة لنفسي في المرايا. الله يرحمها

عدي: الله يرحمها. كانت احلي حاجة في حياتي. او بمعني اصح كانت حياتي كلها

هنا: زعلت علشانه. قامت وقعدت جنبه. معلش ربنا يصبرك

عدي: تعرفي النهاردة ذكري وفاتها الثلاثة. زي النهاردة من 3 سنين. عشت يوم من اسوأ ايام حياتي. يوم صعب صعب اوي وانا شايلها بين ايديها وهي ميتة. ودموعه نزلت ومكنش قادر يسيطر عليها

هنا: عيطت علشانه وعلي حالها هي كمان. وافتكرت مرفت مامتها وانها مش فاضل ليها حد غير ابوها اللي سايبها لمراته تبهدلها

عدي: مسح دموعه. وقام. الاكل عنك في المطبخ لو جعانة كلي وادخلي اقفلي علي نفسك. تصبحي علي خير. ودخل اوضته ومسك صورة حلا وبكي اكتر واكتر

عدي: ليه ليه سبتيني. انا مش عارف هي طلعتلي منين. ظهرت في حياتي ليه علشان تجدد وجعي. انا اول ما شوفتها يا حلا حسيت انها انتي كنت عايز اخدها في حضني. بس مش علشانها لا علشانك انا عايزك انتي يا حلا عايزك انتي يا حبيبتي. 


في القاهرة في الفندق وفي جناح همس. الباب خبط. وهمس سألت مين رعد رد عليها. فتحتله

رعد: اول لما شافها. ابتسم من جمالها. لانها اخدت حمام وغيرت هدومها ولبست من الهدوم اللي اشتراها رعد ليها وشعرها كان لسة مبلول وكان شكلها يجنن. 

همس: اتفضل. ادخل

دخل رعد و بعديه جه العشاء

رعد: تعالي اقعدي واقفة ليه

همس: بإحراج حاضر بس هو احنا ممكن نسيب الباب مفتوح

رعد: بغضب لا مش ممكن. وبعدين هو انا مش قولتلك متخفيش مني انا مش هأذيكي. اقعدي علشان ناكل

همس: بخوف. حاضر وقعدت علشان تاكل

رعد: مرر ايده في شعره. وبيحاول ميتعصبش. همس

همس: نعم 

رعد: ممكن تثقي فيا. انا مش زي ناجي ولا منصور ولا ابرهيم.

انا رعد الحديدي فاهمة.  يعني مش من النوع الزبالة ده. فهماني يا همس

همس: هزت راسها. فاهمة. اسفة بس اعذرني انا مشفتش حد بيعمل كدة. يعني كل  اللي قابلتهم. كانوا.. 

رعد: قاطعها. انسي يا همس. انسي كل اللي شوفتيه. من هنا ورايح اللي هيفكر يبصلك بس هنسفه. انتي هتبقي مراتي. عارفة يعني ايه 

همس: بس انا خايفة تحصل مشاكل لما يعرفوا اني هتجوز بالشكل ده. خايفة يعملولك فضايح

رعد: قولتلك متخافيش. طول ما انتي معايا. وبعدين انتي مش هتقولي اننا هنتجوز علشان العملية. هتقوليلهم. اني عايز اتجوزك عادي 

همس: بس هما اكيد هيستغربوا. من جوازنا. اصل انا فين يعني وحضرتك فين. مش معقول انك تتجوز واحدة زي كدة عادي من غير سبب

رعد: بص في عنيها بحب. لا في اني بحبك ومن اول نظرة

همس: تنحت😳😳 ايه 

رعد: احمم. قصدي يعني تقوليلهم كدة. اني بحبك. علشان محدش يضايقك باي كلمة

همس: هزت راسها وهي قلبها بيدق. مش مصدقة انه قال كدة. حتي لو مجرد كلام. كانت فرحانة من جواها. ونفسها ان ده يكون حقيقة

رعد: اه يا همس كان نفسي اقولهالك. بجد. من غير لف ودوران. بس معلش لسة وقتها مجاش. لما اتجوزك. واتأكد انك بتحبيني. همس ممكن اطلب منك طلب. 

همس: اه طبعا اتفضل. 

رعد: انا عايزك تتحجبي. مش عايزك تخرجي بشعرك تاني

همس: اتكسفت. انا اصلا كنت بفكر في كدة. بس مكنتش متشجعة

رعد: خلاص. من هنا ورايح مش هتخرجي بشعرك. اتفقنا

همس: اتفقنا. 

رعد : ابتسم. ممكن بقي تاكلي.انا جوعت

همس: ابتسمت. حاضر اتفضل

وخلص رعد وهمس العشاء. 

رعد: انا هروح انام واسيبك تنامي تصبحي علي خير. خالي بالك اوعي تفتحي لاي حد. تكلميني سامعة

همس: سامعة. مش هفتح متقلقش. 

رعد :خرج من عندها ودخل جناحه. وطلع تليفونه...... ايوة يا مروان اسمع. انا هديك شوية بينات  لناس وعايزك تجبلي كل المعلومات دي الصبح. مفهوم

مروان: تحت امرك. يا رعد باشا. قولي البيانات

رعد: اسمع.........  تمام كدة فهمت هتعمل ايه. وكمان الصبح تجبلي المعلومات دي وتجيني الفندق انا نازل في فندق.... عارفه

مروان: ايوة حضرتك عارفه. وان شاء الله انا مش هنام غير لما اجمع لحضرتك اللي انت عايزه

رعد: تمام سلام انت دلوقتي

وقام رعد واخد حمام ورجع علشان ينام. او بمعني اصح. يفكر في همس. بس تليفونه رن... مها

رعد: يوووه. عايزة ايه يا مها. تؤ اوففف. الو ايه يا مها في حاجة

مها: انت فين يا رعد انا مستنياك من بدري. اتأخرت ليه

رعد: انا مش راجع الڤيلا النهاردة

مها: ليه في حاجة حصلت

رعد: لا عادي ورايا شغل هخلصه وهبات برا

مها: طيب هتبات فين

رعد: مها متنسيش نفسك. انتي مش هتحققي معايا

مها: انا بس بطمن عليك

رعد: لا اتطمني. انا كويس يالا تصبحي علي خير. وقفل الفون

طيب اكلم همس دلوقتي ولا الاقيها نايمة. هجرب. واتصل رعد علي اوضتها. 

همس: كانت ابتدت تنام.. بصوت ناعس. الو

رعد: ابتسم. انا صحيتك. 

همس: عرفت صوته. وقامت قعدت. وابتسمت. ايه لا انا لسة كنت هنام. خير في حاجة 

رعد:ايه لا انا بس كنت بشوفك لو محتاجة حاجة قبل ما تنامي

همس: متشكرة. انت جبتلي كل حاجة. 

رعد: تمام. خلي بالك من نفسك. تصبحي علي خير

همس: ابتسمت. وانت من اهله

وقفلت همس. وكانت مبسوطة. يااااه. ده انت ورا جبروتك ده. قلب حنين بجد. واتنهدت يا بخت مراتك اللي متجوزة احسن راجل انا اقبلته في حياتي. تلاقيك مدلعها اوي


رعد: ااه يا همس. انا مكنتش اتخيل اني هحبك اوي كدة. انا عايز اتجوزك دلوقتي. مش بعد يومين. بس يا رعد هتعمل ايه مع توفيق. اكيد هيرفض. بس لو رفض. انا هعرف ازاي اخليه يوافق. تصبحي علي خير يا همستي


في صباح جديد علي رعد وهمس وعدي وهنا. 


في الاسكندرية في شقة عدي 

هنا صحيت من النوم وقامت فتحت الاوضة وخرجت. ودورت علي عدي لقته في المطبخ. بيحضر الفطار

عدي: شافها ابتسم. صباح الخير

هنا: بتتاوب. وشعرها ملخبط. وخدودها حمرا من النوم. صباح النور

عدي: اتعلق نظره. عليها لان حلا كانت بتبقي في نفس هيأتها وهي صاحية من النوم. وسرح شوية


فلااااش باك

عدي قاعد بيتفرج علي TV  وحلا كانت لسة صاحية. 

حلا: بتتاوب. وشعرها منكوش. وخدودها حمرا. صباح الخير يا دودي

عدي: ابتسم. وشدها وقعدها علي رجله. وباسها من خدها. صباح النور يا قلب دودي

حلا: ههههههه. بتعمل ايه علي الصبح. حد يتفرج علي الكورة وهو لسة صاحي من النوم

عدي: قرصها من خدها. علشان في بنت شقية جننتني امبارح وخبت مني الريموت. ومخلتنيش اتفرج علي الماتش. 

هنا: هههههههه ما انا كنت عايزة اتفرج علي المسلسل التركي

عدي: الله يخربيت التركي اللي لحس دماغكم ده. دول كادبين والله هو في زي المصري يا بنتي

حلا: لا عندك يا معلم. دول عندهم شوية رجالة تلوح

عدي: شالها ورماها علي الكنبة. وبيزغزغها. كدة ماشي انا هوريكي الرجالة اللي تلوح يا ام لسان طويل

حلا: هتموت من الضحك. هههههههههه خلاص يا دودي والله مش هغيظك تاني

عدي: تغيظي مين انا بعون الله احلي من الممثلين بتوعم دول. انا دودي يا قلبي

حلا: انت هتقولي ما انا عارفة ده انت مصيبة

عدي: قرب منها بحب. بس تعرفي. بموت فيكي وانتي لسة صاحية خدودك بتبقي عايزة تتاكل اكل

حلا: بدلع. امممم خدودي بس

عدي: تؤتؤ كلك علي بعضك عايزة تتاكلي

حلا: طيب اقوم انا بقي احسن اتاكل 

عدي: انا بقول ندخل جوا نشوف هتتاكلي ازاي

حلا: اتعلقت في رقبته. شيلني

عدي: هههههه والله ماحد وجعلي ظهري غيرك 

حلا: براحتك مفيش اكل

عدي: لا ده انااشيلك واشيل عيلتك كلها الا الاكل تعالي يا مجنناني وشالها ودخل بيها الاوضة


هنا: انت يا عم الشيف. انت روحت فين 

عدي: فاق علي صوت هنا. ايه معلش أسف. كنتي بتقولي حاجة

هنا: حاجة ايه عم. ده صوتي اتنبح انت كنت سرحان في ايه

عدي: لا ابدا. انا قربت اخلص الفطار. تحبي اعملك قهوة معايا

هنا: لا انا هعملها كفاية عليك الفطار شكله يفتح النفس

عدي: ههههه مش قوي كدة.انا علي قدي

هنا: ازاي بس يا معلم. ده انت بتقطع الخضار ولا الشيف شيربيني

عدي: هههههههه. الشيف شيربيني مرة واحدة. ماشي يا ستي. وانتي بقي بتعرفي تدخلي المطبخ

هنا: عيب عليك. ده انا بعمل بيض مقلي ايه حاجة كدة استغفر الله العظيم متتاكلش

عدي: ههههههه. لا ده انتي كارسة. تعالي نفطر الاول وبعدين نعمل القهوة

وقعدوا الاتنين يفطروا. وبعد ما فطروا. وقعدوا يشربوا القهوة

عدي: انتي اسمك ايه

هنا: هو انا مقلتلكش

عدي: لا مقولتليش

هنا: هنا. وانت 

عدي: هو انا مقولتلكيش

هنا: ههههههه لا مقولتليش

عدي: ههههه. اسمي عدي

هنا: ده من ايام الكفار ده ولا ايه

عدي: والله انا اللي هبقي من الكفار واعذبك.  لو ما لميتي لسانك ده

هنا: هههههه خلاص يا عم بضحك معاك

عدي: هنا نتكلم جد بقي لو سمحتي. انتي امبارح مردتيش تتكلمي عن اهلك ولا ترجعلهم. وانا شايفك بنت ناس ومحترمة. وبجد عايز اعرف ايه حكايتك. خصوصا انتي نيمتي في بيتي ليلة بحالها. ولازم ابقي عارف عنك كل حاجة. محدش عارف ايه اللي ممكن يحصل. اهلك يبلغوا. وممكن حد يكون شافني وانا شايلك وجايبك هنا. فلو سامحتي فهميني 

هنا: اتنهدت. وانا ميردنيش اني اذيك. انا هحكيلك علشان انت شكلك راجل محترم. انا ماما ماتت من 7 سنين وبابا اتجوز واحدة تانيه والست دي كانت جارتنا. ومكنتش بتحب ماما مرڤت الله يرحمها. ومن اول يوم. ليها في البيت وهي مش طايقاني. وانا بعدي واتحمل واطنش. وكمان عندها ابن اسمه توتي. ده لوحده يطفش اسكندرية بحالها. وانا كان ممكن اعدي اي حاجة الا انها عايزة تجوزني توتي قصدي تامر ابنها

عدي: وباباكي فين دوره في الموضوع

هنا: بسخرية بابا. بابا مبيكسرش كلمة للهانم. واللي تقوله هو اللي يمشي. وانا مقدرتش استحمل لقتهم بيحددوا معاد كتب الكتاب. يوم الخميس. هربت امبارح وقولت اني مش هرجع تاني وان شالة حتي انزل القاهرة وادور علي شغل واعيش هناك. 

عدي: فكر شوية. اممم انا ممكن اساعدك

هنا: بجد هو انت تعرف حد في القاهرة يشغلني

عدي: ابتسم. اه انا 

هنا: انت ازاي

عدي: انا اصلا عايش في القاهرة وشغلي هناك. وباجي اسكندرية بس اسلم علي خالتوا وعلي حمايا وحماتي . وارجع تاني

هنا: ده يبقي جميل مش هنسهولك 

عدي: ولا جميل ولا حاجة. يالا اشربي قهوتك والبسي وجهزي نفسك. علشان ننزل القاهرة

هنا: نطت من علي الكرسي. هوا يا باشا  

عدي: هههههه. علي مهلك يا مجنونة


في  الفندق في جناج همس رعد خبط. عليها وفتحت واول لما رعد شافها ابتسم لما لقاها مغطية شعرها

رعد: صباح الخير

همس: ابتسمت. صباح النور. 

رعد: تعرفي شكلك حلو في الحجاب

همس: اتكسفت. اصل لقيت مع الهدوم اللي جبتهالي ايشاربات وطرح 

رعد: حط ايده في جيبه. وابتسم. اصل بصراحة كنت متأكد انك هتوافقي 

همس: الحمد لله ربنا يجعله في ميزان حسناتك. 

رعد: في نفسه.  ويجعلك انتي مراتي يا حبيبتي. احمم بقولك ايه انا رايح الشركة هخلص شوية شغل. وكمان اجهز لموضوع جوازنا. متتحركيش من الجناح ولا .. 

همس: قاطعته. ولا افتح لمخلوق. والله مش هفتح 

رعد: ههههه. شطورة بتسمعي الكلام. ولو عزتيني كلميني اتفقنا

همس: هزت راسها اتفقنا

رعد: عموما انا مش هتأخر. ان شاء الله هكون موجود علي الغدا ونتغدا سوا. سلام

همس : سلام. وقفلت الباب وهي حاطة ايديها علي قلبها. اه يا رب انا اكيد بحلم. هو رعد ده حقيقة. ياريت كان ليا نصيب اتجوز راجل زيك بس بجد مش كدة وكدة


رعد: بعد ما خرج من عند همس شاور لمروان. 

مروان: تحت امرك يا رعد بيه

رعد: تفضل واقف علي باب الجناح. متخليش مخلوق يدخل عندها. ولا هي تخرج. 

مروان: تمام بس لو حابت تخرج اعمل ايه

رعد: قولها اني امرت مفيش خروج وتكلمني فورا. واسمع انا عايزك بعد لما انزل بشوية تخبط عليها تشوف هتفتحلك ولا لا ولو فتحتلك تكلمني

مروان: طيب لو فتحت اقولها ايه

رعد: قولها اني بعتك تخلي بالك منها وتكلمني بسرعة

مروان: تمام يا باشا


ونزل رعد وركب عربيته ومشي.. ولقي تليفونه بيرن.... 

رعد: الو

همس: الو.. انا همس

رعد: ابتسم. ايوة يا همس في حاجة

همس: لا بس اصل الباب خبط ولما سألت محدش رد وانا خايفة

رعد: كان متأكد. انها هتسمع الكلام. لا متخفيش. انا هتصرف المهم انك تسمعي الكلام. 

همس: حاضر. واسفة اني عطلتك. 

رعد: لا عطلت ايه. اي حاجة تحصل كلميني بسرعة. فاهمة 

همس: ان شاء الله 


وراح رعد الڤيلا علشان يباغ توفيق ومها بقراره


توفيق: انت اكيد  اتجننت.عايز تغلط غلطة ابوك وتتجوز واحدة من الشارع 

رعد: بغضب. قولتلك متجبش سيرة امي انت فاهم. 

مها: طيب انت هتتجوزها ليه يارعد

رعد: علشان انا مليش في الحرام. ولو عملت العملية هبقي خلفت ابني من الحرام وانا مش هعمل كدة علشان خاطركم ولا خاطر حد

توفيق: وانت ليه مقولتش الكلام ده من الاول

رعد: كنت مستني لما نلاقي اللي هتعمل العملية

توفيق: بس بشرط. 

رعد: انا محدش يشرط عليا

توفيق: لا هشرط. تطلقها بمجرد ما العملية تتعمل

رعد: لا لازم تفضل تحت عيني لحد ما تولد

توفيق: بيجز علي سنانه. ماشي يا رعد. بس انا عندي شرط تاني

رعد: بنفتذ صبر. اوفففف. خير

توفيق: اول لما تولد انا اللي هربي الولد مش انت 

رعد: ليه وانت بتعرف تربي

توفيق: رعد الزم ادبك. واللي قولته يتعمل

رعد: لما يتولد ربنا يحلها

مها: انت هتتجوزها امتي 

رعد: هجهز كل حاجة وابلغكم. سلام علشان عندي شغل.


(((عندما يعشق الرعد))) بقلم ريحانة الجنة 

     (رحم للإيجار)


       (الحلقة العاشرة)#ريحانة


في عربية عدي في طريقه الي القاهرة


عدي كان بيبص لهنا اللي غالبها النوم علي الكرسي جنبه. واتنهد بتعب

عدي:في ايه يا عدي انت ازاي تعمل كدة. ازاي تتحمل مسؤليتها وانت متعرفش عنها حاجة. طيب افرض انها بتكدب. وكان وراها مصيبة. تؤتؤ. لا شكلها بنت ناس. يا سلام يعني انت كنت هتعمل كدة لو ماكنتش شبه حلا. ااه كنت هعمل كدة. لا انت بتضحك علي نفسك انت من ساعة ما شوفتها وانت مش عايزها تسيبك علشان بتفكرك بحلا.مش علشانها هي.  استغفر الله العظيم.الله يسامحك يا هنا هو انا كنت ناقص عذاب. علشان تجيني انتي وترجعي كل ذكرياتي مع حلا. يارب. 

وغمض عدي عنيه بحيرة والم. بس فجأة قلبه دق وهدي سرعة العربية. لما هنا مالت عليه براسها وهي نايمة. عدي اتفجأ. وبصلها لقاها نامت علي كتفه. عدي كان متلخبط وفي نفس الوقت لانه بيحسها حلا اتمني انه يخدها في حضنه. بس مسك نفسه. 

عدي: مالك يا عدي. اهدي وخد نفس كدة. مش انت اللي تعمل كدة. دي مهما كانت غريبة عنك. وكمان مش في وعيها. اوعي تقل عقلك. 

هدي عدي. ووقف العربية. ورفع هنا من علي كتفه. وعدلها علي الكرسي بتاعها. وفتحلها الكرسي علشان ترتاح اكتر. بس فضل يبصلها بحنين غريب. كانت خصل شعرها نازلة علي وشها. شالها براحة. وهو بيبلع ريقه بصعوبة. 

عدي: مش ممكن ده انتي هي بكل تفاصيلك. حتي نعومة شعرك. ملس علي خدها بهدوء. وبعدين اتضايق من نفسه. واتعدل في كرسيه. وطلع بالعربية. وبعدين اخد شنطة حلا وفتحها. وشاف فيها حاجة وقفلها.وطلع فونه واتصل بمروان...... 

عدي: ايوة يا مروان كنت عايز منك خدمه. 

مروان: تحت امرك يا عدي بيه 

عدي: في حد عايزك تجبلي عنه كل المعلومات اللي تخصه. بس حتحتاج رجالتك في اسكندرية علشان الحد ده من هناك

مروان: مفيش مشكلة. حضرتك قولي البيانات و في اقرب وقت كل المعلومات هتكون عند حضرتك

عدي: تمام شوف بقي........... 

فهمت يا مروان. المهم محدش يعرف عنها حاجة بس تتأكد من اللي قولتهولك. ماشي

مروان: تمام متقلقش. سلام. 


عدي قفل معاه وبص علي هنا. ورجع ساق تاني 


في القاهرة في جناح همس . تليفونها رن .. كانت هبة اختها

همس: الو ايوة يا هبة

هبة: بزعيق. انت فين يا همس وبايتة برا من امبارح من ساعة ما خرجتي مع زينب. مرجعتيش انتي فين

همس: بعتاب. ويفرق معاكي يا هبة اديني ريحتك مني زعلانة ليه

هبة: همس انتي اختي لازم اقلك عليكي انا منمتش من امبارح. وسألت زينب قالت انك مشيتي لوحدك. ومتعرفش انتي فين. طمنيني عليكي انتي كويسة

همس: اه يا هبة كويسة. وعلي فكرة انا هتجوز قريب

هبة: تتجوزي؟ مين وامتي وازاي. ردي عليا يا همس 

همس: مش مهم كل ده. المهم اني هتجوز وارتاح واريحك

هبة : لا ما انا لازم اعرف. مين ده اللي لف دماغك وخلاكي تروحي تتجوزيه من ورانا. اوعي تكوني بايته عنده. 

همس: هبة انتي عارفاني كويس. فلو سامحتي متقوليش كلام ملوش لازمة

هبة: اومال اقولك ايه يا بنت ابويا. وانتي بايته برا. وبتقوليلي هتتجوزي

همس: ايوة. هتجوز. ولما هو يجهز كل حاجة هقولك.

هبة: طيب قوليلي انتي فين. عايزة اطمن عليكي

همس:مش هينفع. بعدين

هبة: علشان خاطري يا همس. ولا انتي بتضحكي عليا والجدع ده شكله ضحك عليكي وانتي مش عايزة تقولي. ماهو انتي علي رأي منصور. محدش بقي مالي عينك

همس: بحدة. علي فكرة الراجل اللي انا هتجوزه ده. ظفره برقبة 100 زي منصور بتاعك ده

هبة:كدة. طيب انتي فين اجي اطمن اختي هتتجوز مين وفين

همس: هقولك. بس تيجي لوحدك فاهمة. متجبيش منصور معاكي

هبة: طيب ماشي. قولي بقي

همس: بصي انا في فندق........... عرفتيه هو قالي الاسم امبارح. 

هبة: خلاص مسافة السكة. وهكون عندك

قفلت هبة وكان منصور جنبها. 

منصور: هاه. قالتلك هي فين

هبة: ايوة بس عايزاني اروح لوحدي. من غيرك

منصور: مسكها من شعرها. نعم يا روح امك. اسمعي ادخلي البسي علشان نروح نجيبها. همس مش هتتجوز فاهمة

هبة: سيبها في حالها. انت عايز منها ايه. هو انا مش مالية عينك

منصور: زقها بعيد بحقارة. لا مش مالية عيني. بصي لنفسك وبصي ليها. شوفي جمالها وانا بقي خلاص معدتش قادر استحملك اكتر من كدة. احنا هنروح نجبها. وهطلقك واتجوزها. 

هبة: صرخت. يا نهار اسود انت عايز تتطلقني يا منصور. 

منصور:شدها تاني. قومي البسي بسرعة علشان نروحلها


وقامت هبة وهي بتعيط.وصعبان عليها نفسها. وراحت هي ومنصور علي عنوان الفندق اللي همس قالتلها عليه. بس طبعا رفضه يدخلوهم. هبة اتصلت بهمس.. 

همس: ايوة يا هبة انتي فين

هبة: انا تحت بس مش عايزين يدخلوني. 

همس: طيب خلاص انا هنزلك. 

وقامت همس لبست. علشان تنزل لي هبةوهي خارجة. لقت مروان واقف قصاد الباب. خافت . 

همس: انت مين وواقف هنا ليه

مروان: دي اوامر رعد باشا. 

همس: طيب وسع لو سامحت علشان اعدي

مروان: اسف ممنوع تخرجي من الجناح

همس: بس اختي تحت ومش عايزنها تطلعلي. 

مروان: طيب قوليلي اسمها وانا هجبهالك هنا

همس: اسمها هبة و........... 

مروان: تمام اتفضلي ادخلي. وهي هتجيلك 

كلم مروان رعد وقالوا علي اللي حصل

رعد: اممم. طيب خليها تطلعلها وانا اصلا جاي في الطريق

كلم مروان الاستقبال. وقالهم يطلعوا هبة. ولما طلعت.  مروان ولقي هبة معاها منصور

مروان: منع منصور بإيده. لو سامحت اختها بس اللي تدخل

منصور: بإنفعال.كلام ايه ده انا جوز اختها وهدخل يعني هدخل. 

مروان: بتحذير. احسن ليه خليك مكانك لو رجلك خطت خطوة واحدة هكسرهالك

منصور: جري ايه يا جدع انت انت مستطول نفسك. اكمنك زي الحيطة لا احنا هنخدها ونمشي والا والله ابلغ عنك واقول انك خطفتها

همس: فتحت الباب علي صوتهم العالي. واول ما شافت منصور خافت

انت ايه اللي جابك هنا. مش انا يا هبة قولتك تيجي لوحدك

منصور: بنظراته الحقيرة كالعادة. اهلا بست الحسن . ومسك ايدها وشدها. تعالي معايا

مروان: شده بقوة ولكمه لكمه وقعته علي الارض. انت تتلم بدل المك انا

رعد: وصل وشاف الوضع ولقي همس. خايفة وبتعيط. وبصوت غاضب. همس هو ده منصور

همس: هزت راسها 

رعد: مسكه من هدومه وضربه. وبغضب. لو فكرت يا حيوان تقرب منها تانى.

هيكون اخر يوم في عمرك. انت فاهم 

منصور: بسفالة. الله بقي ايه ده. اتنين يا همس مرة واحدة. ويبقي مين الاستاذ هو كمان. علشان كدة مقعدينك في المكان الفخم ده. يظهر انك عرفتي تبسطيهم. بس مش كنت انا اولي

همس: اخرس يا حيوان. انا اشرف منك 

رعد:قرب منه وبغيظ. مسكه من هدومه اسمع همس هتبقي مراتي. مرات رعد الحديدي. واحسن ليك متقربش منها تاني والا اقسم بالله هخليك تتمني الموت ومتلقيهوش. انت سامع. وزقه علي الارض. مروان شيل الزبالة ده من هنا مش عايز اشوف وشه تاني 

مروان: شاد منصور واخده تحت. 

رعد: لف لهمس. لقاها بتعيط. وهبة كمان. علي فكرة يا مدام هبة. انا هتجوز همس النهاردة بالليل. علشان تكوني عارفة. بس مش هينفع تكوني موجودة. علشان جوزك ميعرفش هي فين انا هخدها من هنا

هبة: يعني انا مش هشوفها تاني

رعد: لا هتشوفيها. بس مش دلوقتي لما اظبط الطريقة اللي تشوفيها بيها

همس: متزعليش مني يا هبة. انتي شوفتي بنفسك. هو عمل ايه 

هبة: لا يا حبيبتي مش زعلانة. المهم انك تكوني مبسوطة. انا همشي وهستناكي تكلميني وتطمنيني عليكي. والف مبروك. ارجوك يا رعد بيه خلي بالك منها. همس اتبهدلت كتير

رعد:حاوط همس بإيده. وبصلها بحنية. ماتخفيش همس في عنيا

همس: اتنفضت من لمسته واتكسفت. 

هبة : حضنت. همس ومشيت

همس ورعد دخلوا الجناح وهمس كانت بتعيط. 

رعد:قرب منها. مالك يا همس. انا مش عايزك تخافي طول ما انا معاكي

همس: انا بعيط علي حالي واللي وصلتله. 

رعد: بحزن. همس انتي مش عايزة تتجوزيني  

همس: بصتله. الحكاية مش كدة. بس مكنتش اتوقع اني ممكن اتجوز بالطريقة دي. ولا حتي اني افكر في موضوع العملية ده. بس ربنا عالم بيا وبحالي. وبصت في الارض

رعد: رفع رسها ليه. همس انا عايزك قبل ما نتجوز متكونش نيتك ان جوازنا علشان العملية. 

همس: بصتله بإستغراب. اومال احنا هنتجوز ليه

رعد:علشان انا.. انا

همس: انت ايه

رعد:احممم. علشان يكون جوازنا صحيح. لازم نيتنا تكون اننا نكمل مع بعض. 

همس: بس ازاي انا مش فاهمة

رعد:يعني شيلي العملية من دماغك. وخلي الجواز هو الاهم. 

همس: بس احنا اتفقنا تطلقني. لما اولد

رعد:بحدة.انا قولتلك سيبك من حكاية الطلاق دي. هو احنا لسة اتجوزنا علشان تفكري في الطلاق

همس: خافت لما زعق. 

رعد: طبطب. عليها. ايه مالك خوفتي ليه كدة

همس: لا بس انت بتغضب بسرعة

رعد: مرر ايده في شعره. احمم معلش يا همس. انا انفعلت. بس انتي اسمعي الكلام. جوازنا مش علشان العملية. خلاص

همس: هزت راسها. وهي مش فاهمة حاجة. وسرحت. طيب لو هو مش علشان العملية اومال. هيتجوزني ليه

رعد: همس. همس

همس: هاه. ننعم 

رعد: حضري حاجاتك. علشان نمشي احنا هنكتب الكتاب النهاردة

همس: حاضر. 


في عربية عدي

هنا :ابتدت تصحي. هو انا نمت

عدي: ههههههه. نمتي ده الاسفلت اشتكي من صوت العزف بتاعك وانتي نايمة

هنا:لا متقوليش اني بعمل الحاجات دي. 

عدي: هههههه المرة اللي جاية هسجلك. قوليلي انتي طبعا متعرفيش حد في القاهرة. علشان تنزلي عنده

هنا:لا معرفش بس معايا مبلغ كويس وكمان ذهب ممكن ابيعه واشوف اي شقة واجرها

عدي: طيب انا عندي حل. طبعا انا مش هطمن عليكي لوحدك. فاني عندي في العمارة الشقة اللي قصادي بتتأجر مفروش. هكلم البواب وهو يكلم صاحبها واهو كدة ابقي مطمن عليكي

هنا:بصتله بإعجاب وابتسمت. ولما التفت ليها. بصت الناحية التانية. احمم. طيب هي ايجارها كام

عدي: ايه اه احمم. بصي هو انا مش عارف لما نوصل هسأل البواب

هنا: تمام. بس انت مقولتليش الشغل هيبقي فين

عدي: ما انا قولتلك معايا. بصي خلي كل حاجة بوقتها

هنا:كانت من جواها. مش خايفة من عدي. ومصدقاه مع ان عقلها رافض الاستسلام ده وانها واثقة فيه بالشكل ده. بس في حاجة بتشدها ليه. مع انها عارفة انه ساعدها لانها شبه مراته اللي ماتت. بس مش عارفة متنجذبش ليه

عدي وهنا وصله للبيت عنده ونزله وعدي ابتدي ينزل الشنط من العربية و هنا لقت المكان جميل و عمارة شيك جدا. راحت لعدي وشدته من دراعه

هنا: عدي. انا مش هقدر اسكن هنا

عدي: رفع حاجبه. ليه بقي المكان مش عجبك

هنا: لا طبعا ده ولا الخيال يا معلم. بس انا مش هقدر علي ايجار الشقة هنا

عدي: لا هتقدري. المرتب اللي هتخديه. هيكفي الايجار وزيادة. تعالي بس

هنا:انت شايف كدة

عدي: ابتسم. اه شايف كدة وبعدين ممكن تسيبي دراعي بقي.

هنا: سابته. احمم. معلش مأختش بالي

عدي: سند علي العربية. ايه بقي حكاية عدي دي ده انتي اختي عليا اوي

هنا: حطت ايديها في وسطها. نعم اومال عايزني اقولك ايه. يا عمو

عدي: هههههه لا يا لمضة. قولي عدي عادي. بس في الشغل اسمي مستر عدي واضح يا ام لسانين

هنا: انا بلسانين طيب اتلم بقي بدل ما اطلقهم عليك

عدي: لا انا تعبان وعايز اطلع ارتاح مش ناقص طولة لسانك كدة مش هنخلص. اتفضلي قدامي 

ونده عدي علي البواب علشان يشيل الشنط وطلعوا الشقة اللي اجرهالها عدي 

في شقة هنا

عدي: هاه عجبتك. الشقة

هنا: دي تحفة جميلة اوي. بس والنبي يا عدي قولي الايجار انا خايفة اتصدم

عدي: سيبك بس من الكلام ده دلوقتي. انا هسيبك ترتاحي. وهكون في شقتي جنبك. لو عايزة حاجة كلميني. واتفضلي مفاتيح الشقة. انا خليت البواب يغير الكوالين كلها 

هنا: اخدتهم منه وابتسمت. شكرا 

عدي: لا انا مش واخد علي الرقة دي خليكي زي ما انتي احسن

هنا: كدة. طيب بالسلامة هوينا بقي 

عدي: هههههههه ماشي سلام. اه علي فكرة الثلاجة فيها كل حاجة انا خليت البواب جاب كل حاجة

هنا:اممممم. انا مش عارفة انت عملت كل ده امتي

عدي: لما تعرفيني. هتعرفي اني اقدر اعمل اي حاجة. سلام


رعد اخد همس ووداها الشقة اللي اشتراهلها. 

رعد: تعالي يا همس واقفة ليه

همس: خايفة تدخل معاه. لو حدها

رعد: حط ايده في جيبه واتنهد. ادخلي يا همس المأذون زمانو جاي. 

همس: هزت راسها ودخلت وقعدت 

رعد:تليفونه رن ..... توفيق.... الو

توفيق: انا جاي انا ومها علشان نحضر المهزلة اللي بتحصل دي

رعد: وانت جاي ليه. انت اللي هتتجوز

توفيق: لا بس لازم احضر الاتفاق. هو مش انا نفذت شرطك وكتبتلك نص الاملاك يبقي تسمع اللي اقول عليه

رعد: اممم عادي تنور اهو بالمرة تشهد علي جوازي. سلام

وفعلا جه توفيق ومها ومروان والمأذون ورعد اتصل بعدي وجه هو كمان. وفعلا كتب الكتاب اتكتب ورعد اتجوز همس. والماذون مشي . ورعد كان واقف مع عدي ومروان بيتكلموا. وتوفيق ومها ندهوا لهمس

توفيق: بكبرياء. اسمعي. انتي لازم تعرفي ان الجوازة دي لمجرد ان رعد يكون مرتاح علشان العملية. وهيطلقك بمجرد ما تولدي ومتنسيش اللي هيكون في بطنك ده. ابن مها ورعد وانتي ملكيش فيه حاجة فاهمة والمبلغ اللي اتفق معاكي هادي عليه اهو اتفضلي. ورمالها الفلوس علي الترابيزة. 

مها: بأرف. وخلي بالك عقلك يقولك اتضحك عليه واقضي معاه الكام شهر دول وتستغليه في اي حاجة متحلميش هو اصلا مش هيجيلك هنا. وسواء انتي او غيرك رعد كان هيتجوزها. يعني مش علشان سواد عيونك. انتي مش اكتر من رحم للإيجار سامعة

همس: كانت بتسمع ومبتردش. ودموعها مطر وصعبان عليها نفسها والاهانة اللي بتسمعها منهم. 

مها: بتعيطي ليه. هي مش شغلتك

رعد:بصوت جاهوري. مها الزمي حدودك احسنلك

توفيق: في ايه مها مغلطتش. مش دي

رعد: قاطعه. لا مش شغلتها واتفضلوا بقي مع السلامة. مش حضرتوا وباركته. اتفضلوا امشوا بقي

مها: وانت مش جاي معايا

رعد: لا انا قاعد شوية

توفيق: ماشي هنمشي. بس بكرة البنت دي تكون عند هادي علشان العملية

رعد: بحدة. همس مش هتعمل العملية الا لما تخف وتفك الجبس

مها: يعني ايه. واحنا مالنا ما تتفلق. المهم العملية

رعد: بغضب. مها متنسيش نفسك. انا لما اقول حاجة محدش يناقشني فيها. همس مش هتروح لهادي الا لما تبقي كويسة. واتفضلوا بقي من غير مطرود. واتفضل فلوسك خدها معاك. 


ومشيوا كلهم ورعد لقي همس لسة بتعيط. وشهقاتها عليت. قرب منها وقعد علي ركبته قصادها

رعد:بحنية. مسك وشها بإيده. كفاية يا همس ليه العياط ده بس

همس:اصلها قالتلي نفس كلمتك اللي قولتهالي قبل كدة. ووجعتني اوي اوي

رعد: عقد حاجبه. كلمة ايه 

همس: قالتلي انتي مش اكتر من رحم للإيجار. وعيطت زيادة

رعد: متحملش يبعد عنها اكتر من كدة. شدها لحضنه. وضمها جامد. ششش خلاص اهدي ملكيش دعوة بيها فاهمة. هي بس غيرانا اني اتجوزتك

همس: كانت مصدومة من حضنه ليها. واتكسفت. وحاولت تبعد

رعد: حس انها اتكسفت. بعدها عنه شوية. ومسح دموعها. همس بصيلي

همس: بصتله بخجل. 

رعد: انتي خلاص بقيتي مراتي يعني اي لمسة المسهالك مش حرام ولا عيب. اتفقنا. 

همس: بقلق. هو انت عايز ايه

رعد: ششش بس متخفيش. انا مش عايز حاجة. انا بس بوضحلك شكل علاقتنا الجديدة. تعالي انا عايزك جوا

همس: شدت ايديها. ججوا فين

رعد: همس قولتلك متخفيش تعالي انا هوريكي الشقة واعرفك اماكن كل حاجة

همس: هزت راسها وراحت معاه. وفرجها علي الشقة كلها ودخلها اوضة النوم. همس قلبها دق وخافت. 

رعد: تعالي يا همس. انا عايز اقولك حاجة. وتفهميها كويس انتي دلوقتي مراتي يعني طول ما انا مش موجود مفيش مخلوق يدخل البيت الا لما تقوليلي. وكمان متفتحيش لحد مهما كان فاهمة.

همس: فاهمة

رعد: مسك ايديها. واخدها عند الدولاب. وفتحه. بصي انا جبتلك كل حاجة كل اللي تتخيليه هتلاقيه. ولو محتاجة حاجة تاني قوليلي

همس: كل دول علشاني

رعد: ابتسم اه علشانك

همس: متقلقش انا هستخدمهم. بحذر علشان لما نتطلق وارجعهملك

رعد: شدها وحاوطها بإيده. وقربها وباسها بعنف وقوة لدرجة انها ماكنتش قادرة تتنفس. وبعد شوية بعدها عنه وهو لسة نفسه قريب منها. لو جبتي سيرة الطلاق تاني هيكون ده ردي عليكي

همس: كانت متلخبطة ومش مصدقة انه عمل كدة. زقته وبعدت. وهي خدودها حمرا من الكسوف

رعد: انا ماشي ولو عزتيني كلميني. 

وخرج رعد  ومشي. وهو. في العربية. مسح شعره بغيظ. الله يخربيت نصايحك يا عدي الزفت. ال خدها علي الحنين. ماكنت كملت كل حاجة  النهاردة وخلصت ده انا هموت عليها.

 

فلاااااش باك

عدي ورعد واقفين بعد ما المأذون مشي. 

عدي: مبروك اخيرا كل ده يحصل ومتقوليش

رعد:هههههه الله يبارك فيك. اعمل ايه كل حاجة جات بسرعة

عدي: ده انت شكلك فرحان. اوي

رعد: فرحان ايه بس. ده انا النهاردة هنتقم منها علي اللي عملته فيا الفترة اللي فاتت

عدي: لا استني واهدي كدة. مش من اولها يا رعد

رعد: نعم ليه مش اتجوزنا خلاص

عدي: اه بس متنساش اتجوزتها ازاي وليه. لو عملت اللي في دماغك. هتخليها تفتكر انها بالنسبة ليك واحدة بتسليك ده غير انها ممكن تقاومك والموضوع يقلب بغم

رعد: بغضب. اومال اعمل ايه

عدي: خدها بالحنية. واحدة واحدة. مع الوقت هتخدوا علي بعض وتتكلمه وتقربوا من بعض. وقتها هي كمان تكون حبيتك. فاهمني

رعد: بخنقة. فاهمك. هخدها بالحنية. لما اشوف اخرتها

بااااك

رعد: حد يقول كدة اتجوزها بعد المعاناه دي كلها واسيبها وامشي لا انا هلف وارجع بس ححاول اهدي وامسك اعصابي. حتي اخدلها عشاء. وابتسم. وكمان بصراحة انا مش هاين عليا اسيبها عايز اقعد معاها......

(((عندما يعشق الرعد)))بقلم ريحانة الجنة 

     (رحم للإيجار)


    (الحلقة الحادية عشر)#ريحانة


في شقة همس ورعد 


رعد فتح الباب ودخل. لقي همس قاعدة ونايمة علي الكنبة برا ولسة في دموع علي خدها. قرب منها. وقعد قصادها. واتنهد


رعد: حبيبتي. والله لهنتقم من كل حد ازاكي حتي لو بكلمة. واولهم مها وتوفيق.والكلاب منصور وابراهيم.  انا هعرف ازاي اخليهم يندموا انهم ضايقوكي. 

وملس علي شعرها بحب. يا تري يا همس انتي كمان بتحبيني ولا اتجوزتيني علشان مفيش قدامك حل تاني. انا مش عايزك تكوني معايا وانتي مضطرة. عايز حبك يا همس. وقرب وباسها من خدها. 

همس: فتحت عنيها واتخضت. هههههوانت جيت تاني

رعد:هههههه. اه جيت مالك اتخضيتي ليه. 

همس: بكسوف. ابدا بس اصل انت قولت ماشي 

رعد: مهنش عليا اسيبك وانتي زعلانة. وكمان جبت عشاء. وعموما لو مش عايزاني خلاص امشي

همس:بإندافاع. لا لا خليك. وبعدين اتكسفت وسكتت

رعد: ابتسم. طيب ممكن تقومي تجهزي العشاء. انا جبت الاكل

همس: حاضر. 

وقامت همس علشان تجهز  العشاء ورعد كان ناسي خالص. ان همس دراعها متجبس. ندهلها بسرعة. همس

همس:وقفت نعم. 

رعد: قرب منها انا اسف كنت ناسي انك لسة تعبانة. ودراعك متجبس. خليكي انا هجهز الاكل

همس:ابتسمت. وكانت من جواها مش مصدقة رقة رعد معاها وخوفه عليها. لا متقلقش حضرتك انا هعرف اتصرف وبعدين انا هجهزه بس. ما انت جايب الاكل جاهز

رعد: طيب خلاص هساعدك. وقلع جاكت البدلة وراح معاها المطبخ.وحك راسه بحيرة.  اممم بصي انا اصلا عمري ما دخلت مطبخ. فإنتي قوليلي عايزة ايه وانا اعمله

همس:ضحكت برقة. ههههههه. شكلك فعلا متعرفش اي حاجة عن المطبخ

رعد:ابتسم وهو بيبصلها بإعجاب بعد ما ضحكتها اللي سحرته. 

همس:اتكسفت. احمم بص هات اطباق. ومعالق 

رعد:تمام هنشوف هما فين.

 وابتدوا يدوراه علي الاطباق وجابوهم وهمس جهزت الاكل في الاطباق ورعد كان بيساعدها وهو مبسوط. وقعدوا ياكلوا

رعد:كان بيساعد همس في الاكل كمان علشان ايديها. 

همس: كانت جواها سعادة متتوصفش وهي شايفة رعد مهتم بيها كدة. كانت بتفكر في كلامه ليها وانه متجوزهاش علشان العملية بس. طيب هو اتجوزني ليه ماهو مش معقول يعني...  تؤتؤ لا طبعا هو اكيد انا صعبت عليه بس مش اكتر وبصتله بإعجاب واتنهدت. اه بس ده راجل عمري ما قابلت زيه. يجنن كله علي بعضه مفهوش غلطة. بس يرعب. ده شخط في مراته وجده فزعهم . ربنا يستر وميقلبش عليا. 

رعد:لقاها سرحانة ومبتاكلش. همس انتي كويسة

همس:هاه. اااه اه كويسة. 

رعد: طيب مبتكليش ليه

همس: ما انا هاكل اهو. 

رعد:قرب منها وقرب المعلقة من منها علشان يأكلها. 

همس: تنحت. انت هتأكلني كمان

رعد: ابتسم. فيها ايه افتحي بوقك

همس:اكلتها منه. وهي بتبتسم. شكرا 

رعد:مسك ايديها. همس انا مش عايزك تحسي اني غريب عنك انا جوزك

همس:اتحرجت.ممكن اقولك حاجة من غير ما تزعل مني

رعد: هز راسه لا مش هزعل اتكلمي

همس: انا عارفة ان حضرتك اتجوزتني. علشان العملية. وكمان علشان صعبت عليك بعد ما عرفت ظروفي. بس انا حاسة ان حضرتك يعني ... اقصد

رعد:بحنية. هاه حضرتي ايه

همس: بصراحة. انا مش من النوع اللي بتفكر فيه

رعد:عقد حاجبه مش فاهم. 

همس:يعني لو حضرتك بتفكر انك علشان بقيت جوزي انك تقضي معايا يومين لحد ما تطلقني انا مقبلش علي نفسي كدة. انا وافقت بس علشان العملية. لكن انا مش رخيصة اوي كدة

رعد:غمض عينه بألم وافتكر كلام عدي. همس انتي عمرك ما كنتي رخيصة في نظري. ولو وجودي بيضايقك. خلاص انا مش هاجي تاني. بس خلي بالك من نفسك وابقي طمنيني عليكي. وقام رعد

همس: قامت وراه. انت زعلت

رعد: لا مزعلتش. انا بس عايز اريحك

همس:بكسوف. طيب ممكن تقعد تكمل اكلك

رعد:بخبث ومش هتضايقي مني 

همس: والله انا مش مضايقة. واسفة لو قولت كلام زعلك

رعد:لا متتأسفيش. انا بس عايزك تسيبي كل حاجة لوقتها. وتحاولي تفميهني. انا عمري ما هجبرك علي حاجة. فاهمة يا همس

همس:هزت راسها فاهمة ممكن تقعد تاكل. قعد رعد وهمس تاني

واكله مع بعض ورعد مكنش عايز يسيبها بس افتكر كلامها وكلام عدي انه لازم يقرب منها خطوة خطوة

رعد: طيب انا همشي بقي واشوفك بكرة. قويلي اجبلك غدا ايه 

همس: لا متشكرة. كفاية النهاردة  حضرتك جبت اكل جاهز انا هعمل اكل

رعد: ابتسم. امم بإيد واحدة 

همس: اه صحيح انا بنسي  موضوع الجبس ده خالص

رعد: قرب منها.انا كل يوم هجبلك الاكل بنفسي.وبابتسم بخبث وبعدين يا سيتي لما تفكي الجبس. ابقي دوقيني اكلك

همس: ابتسمت. هو حضرتك هتاكل معايا كل يوم

رعد: ربع ايده وهو لسة مبتسم. ده لو ماكنش يضايقك

همس: لا خالص والله انا بسأل بس

رعد: هههههه. وقرب منها ومسك راسها بيإيده وباسها بحنيه من جبينها

خلي بالك من نفسك لحد ما اجيلك بكرة

همس: وشها احمر واتكسفت. احمم حاضر

وخرج رعد وهو مبسوط. وساب همس في حيرة من تصرفاته معاها. وهي مش عارفة هو شايفها ازاي وليه بيعاملها بحنية كدة. 


في مخزن اكتوبر بتاع رعد 


رعد وصل ودخل المخزن

رعد: كله تمام يا مروان

مروان: تمام يا باشا الاتنين مشرفين هنا وواكلين ضرب متضربهوش حرامي في مولد

رعد: براڤوا عليك. تعالي وريهوملي

دخل رعد لمنصور وإبراهيم. المضروبين ضرب مبرح

رعد: قعد قدامهم علي كرسيه وهو بيبصلهم بغضب. طبعا انت يا حيوان عارف انا مين وكان بيبص لمنصور

منصور:بصوت منهك من الضرب. طبعا البيه اللي اشتري السنيورة همس علشان مزاجه. 

رعد:لكمه لكمة قوية. لو جبت اسمها علي لسانك تاني هقطعهولك يا حيوان.همس بقت مراتي ولو فكرت تقربلها انت ولا الحيوان اللي جنبك هفرمكوا

ابراهيم:بضيق. انت اتجوزتها ليه 

رعد: وانت مال اهلك. شئ ميخصكش. وانت بالذات تحمد ربنا اني مقتلتكش علي اللي عملوا البقر اللي انت متجوزهم. انا لولا اني مبمدش ايدي علي ستات كنت جبتهم تحت رجلي وعرفتهم ازاي يضربوها بالوحشية دي. بس اديك انت اخدت نصيبهم. اسمعوا انتوا الاتنين. تنسوا همس خالص. ومفيش كلب فيكم يفكر انه حتي يجيب اسمها علي لسانه. 

وقام رعد ونده لمروان. 

 مروان : تحت امرك يا رعد بيه

رعد: الكلاب دول يفضلوا هنا اسبوع كل يوم يضربوا لحد ما يتقطع نفسهم. وبعد كدة مشيهم

مروان: تمام يا باشا.

وعدي اسبوع و رعد كل يوم يوم يروح لهمس ويتغدا معاها ولو مشغول يبعتلها الاكل مع مروان. بس كان لازم يتعشا معاها. ويتكلم معاها وحس انها مبقتش بتخاف زي اول يوم 

اما عدي وهنا. عدي اخد هنا تشتغل معاه في الشركة. ورعد وافق طبعا. 


وفي يوم في مكتب رعد


عدي: متنرفز علي الاخر. انا مش عارف انا ازاي مقتلتش الحيوان ده

رعد: بيكتم ضحكته. 

عدي: بغضب. انت بتضحك. وانا بولع

رعد:هههههههه. اصل بصراحة الواد عنده حق

عدي: انت تهزر يا رعد. بقي الحيوان ده يقول علي هنا صاروخ وقاعد يتغزل فيها وانت تقولي عنده حق

رعد: اه ماهي فعلا كدة. هو مكدبش

عدي: يا سلام يعني لو كان قال كدة علي همس كنت هتقول كدة

رعد: بحدة. نعم يا خويا ده انا كنت دفنته في مكانه. وبخبث. بس همس مراتي لكن هنا تخصك في ايه ولا مراتك ولا حبيبتك

عدي: بان عليه اللخبطة. ايه اه لا طبعا بس انا بعتبرها مسؤلة مني. 

رعد: امممم. بس 

عدي: رعد انت تقصد ايه

رعد: ابدا اصلك مش عوايدك يعني انك تهتم بأي ست كدة. اشمعن هنا

عدي: ما انا قولتلك علشان ملهاش غيري هنا. وانا لازم احافظ عليها 

رعد: انت اتأكدت من كلامها يا عدي وانها مبتكدبش

عدي: اه طبعا مروان سأل عليها وكل كلمة قالتها طلعت صح. 

رعد:عدي هسألك سؤال وتجاوب بصراحة

عدي: بعد ما حس رعد هيسأل ايه. سؤال ايه

رعد: انت ليه ساعدتها وجبتها معاك وكمان شغلتها. لا ده انت كمان اشترتلها الشقة اللي جنبك. كل ده ليه. 

عدي: رعد انت عايز توصل لإيه

رعد: قام من علي كرسيه وقرب منه. بص يا عدي انا عايزك تواجه نفسك. انت بتقرب منها ليه علشان شبه حلا ولا علشانها. وكمان متحرمش نفسك من انك تكون مبسوط. انا بعد ما جربت حبي لهمس ندمت اني ماقبلتهاش من زمان. كان نفسي اقضي معاها كل يوم فات من عمري

عدي:بس

رعد : ما بسش. فكر وشوف هتعمل ايه

عدي: بيحاول يغير الموضوع. احمم قولي عامل ايه مع همس

رعد: قعد علي كرسيه واتنهد. هعمل ايه اديني اهو ماشي علي الروشته بتاعتك. لما اشوف اخرتها. اه يا عدي نفسي يجي اليوم اللي تكون في مراتي بجد واصارحها بحبي 

عدي: بس في الاهم

رعد: قصدك ايه

عدي: انها تحبك هي كمان. مش كفاية انك بتحبها لوحدك

رعد: عندك حق بس انا حاسس انها بتكون مبسوطة من وجودي معاها 

عدي: مش كفاية. انا عايزك تخليها تحبك وتموت فيك كمان. وهي اللي تتمني قربك. علشان يوم لما تقربلها تكون مبسوط معاها ومش حاسس انها مغصوبة عليك

رعد: بحيرة. طب اعمل ايه انت عارف انا مليش في جو النحنحة ده. قولي انت بما انك خبرة

عدي:ههههههه. وهو فيه احلي من النحنحة يا حبيبي. بص انت تحاول تتكلم معاها تعرف عنها كل حاجة شاركها حياتها اللي فاتت حتي لو علي سبيل الفضفضة. كمان ممكن مرة تعزمها علي العشاء برا في مكان رومانسي. تجبلها هدية

رعد: ابتسم. عندك حق. طيب اجبلها ايه انا كنت جايبلها كل حاجة حتي المجوهرات جبتلها كل حاجة قبل ما اتجوزها

عدي: يا رعد يا حبيبي. الحب ابسط من كدة بكتير. مش شرط الهديه تكون غالية. لا ممكن وردة كلمه حلوة اغنيه جميلة. وكمان انت الحاجات دي جبتها وسيبتهالها في الشقة لكن لما تقدمهالها بنفسك في جو رومانسي تفرق كتير

رعد: ههههههه. والله ده الواحد طلع خيبة. انا عمر الكلام ده ما خطر في بالي

عدي: غمزه. عد الجمايل يا عم رعد

رعد: ههههه ماشي يا خويا. بقولك ايه انا هنزل دلوقتي اجبلها هدية واروحلها

عدي: لا استني خليها بالليل احسن. الجو بيكون اهدي افهم بقي طلعت روحي

رعد: مرر ايده في شعره. خلاص هستني بالليل

عدي: تمام اروح اشوف شغلي بقي. سلام


عدي وهو رايح مكتب هنا. لقي اتنين من الموظفين واقفين بيتكلمه. 

الاول: مش ممكن الموظفة الجديدة اللي اسمها هنا دي حته بت انا مش عارف كانت فين من زمان.

الثاني: لا وعليها قوام اسكندراني بجد انا سمعت انها اسكندرانية

الاول: شفت الچيب اللي لابساها. عليها رجلين يا نهار. دي ولا الممثلين يا اخي 

عدي: كان خلاص هيفجر. راحلهم ومسكهم الاتنين.وضربهم لكمات بغضب وغيظ.  لو واحد فيكم سمعته بيتكلم عنها تاني هررفدوا انتوا سامعين. مش مكسوفين من نفسكم وانتم بتتكلموا علي زميلتكم بالشكل ده 

الاول: احنا اسفين يا مستر عدي

الثاني. هاني: والله انا قصدي شريف انا اصلا معجب بيها من يوم ما شوفتها

عدي: عنيه بتطق شرار. نعم يا حبيبي قصدك ايه

هاني: قصدي شريف انا عايز اخطبها

عدي: مسكه من هدومه و زعق. انت هتستهبل يا خويا هو انت لحقت دي يا دوب بقالها اسبوع وكام يوم بس لحقت تعرفها علشان تخطبها

هاني: حضرتك مش مهم المهم انها عجبتني ولما اخطبها ابقي اعرفها

عدي:سابه وزقه بعيد. وانت بقي قولتلها الكلام ده

هاني:بصراحة لسة بس ناوي افاتحها 

عدي: بحدة. اتفضلوا كل واحد علي مكتبه احنا هنا في شركة محترمة. مش في مكتب جواز اللي عايز يتجوز يبقي برا الشركة مش هنا


ومشيوا من قدام عدي اللي كان خلاص هيموتهم وخصوصا هاني. ودخل لمكتب هنا ولقاها كانت واقفة بظهرها ومايلة علي المكتب. ولفت نظره الچيب بتاعها وانها فعلا قصيرة. اتغل وغضب. ورزع الباب بعنف

هنا: اتخضت ولفت . هو انت مش براحة يا عم فزعتني

عدي: بعنف. انتي ايه اللي لابساه ده

هنا: بصت علي نفسها وبلا مبالاه. ايه ماله

عدي: قرب منها. مش عارفة الچيب دي قصيرة جدا. متتلبسش تاني انتي سامعة

هنا: ابتسمت وبخبث. وانت زعلان ليه انا حرة

عدي: شدها من دراعها جامد. لا مش حرة ولا انتي عجبك الموظفين اللي ملحوسين عليكي يا هانم. 

هنا: بتسلية. ليه هو ايه اللي حصل

عدي: يعني متعرفيش ولا شايفة نظراتهم ليكي هنا هي كلمة لبس قصير كدة تاني لا فاهمة

هنا: انا عايزة اعرف انت بتؤمرني كدة بصفتك ايه

عدي: شدها من دراعها تاني وقربها منها وهو متعصب بس اول لما بص في عنيها هدي وحن وبهدوء. قرب منها ومال عليها وباسها 

هنا: اتفاجأت بس لقت نفسها استكانت ومقاومتش

عدي: زاد في قربه منها وحاوطها بإيده وقربها وهو لسة بيبوسها بشغف ولهفة

هنا: فاجأة فاقت لنفسها وبعدت وهي مكسوفة من نفسها دي اول مرة تعمل كدة وكمان مع واحد غريب

عدي: مسك شعره بغيظ وهو مش مصدق اللي عمله. وبأسف. هنا ااانا اسف بجد اسف انا مش عارف انا ازاي عملت كدة

هنا:دمعت. ممكن تسيبني لوحدي

عدي: هنا لو سامحتي انا بجد اسف ماتفهمنيش غلط. ارجوكي

هنا: بتعيط. لو سامحت يا مستر عدي سيبني لوحدي 

عدي: كور قبضة ايده وخبط المكتب بغضب وخرج وراح مكتبه

هنا:بتعيط. ايه اللي عملتيه ده انتي للدرجة دي بقيتي سهلة. اكيد قال في نفسه واحدة هربت من اهلها وعايشة لوحدها. يبقي انبسط معاها ايه اللي يمنع. للاسف كنت فاكراه غير كدة. بس انا كمان غلطانة مكنش لازم اسيبه يقرب من الاول. بس انا فعلا مشدودة ليه ومنجذبة ليه اوي. انا خايفة احبه وهو لسة بيحب مراته اللي ماتت. وانه يكون بيقرب مني بس علشان انا شبها. يعني انا هكون مجرد شبيه مش اكتر. وعيطت هنا بحسرة


في مكتب عدي

عدي رايح جاي وهو متعصب وغضبان من نفسه واللي عمله

عدي: معقول انت تعمل كدة. ده انت لسة بتنصح رعد انه ميستعجلش. تقوم انت تعمل كدة. غبي غبي. ياتري بتقول عليا ايه دلوقتي. اكيد قرفت منه. ومش هتثق فيا تاني. بس هو انا فعلا كنت غريران عليها ولا ايه. انا بس مش عارف انا ليه مش قادر اخرجها من عقلي. معقول احب تاني بعد حلا. لا لا دي كانت لحظة ضعف مش اكتر. انا لازم من هنا ورايح اقلل احتكاكي بيها وكمان كلامي معها يكون في حدود. لازم ابعدها عن حياتي.انا مش ممكن اسمح ان واحدة تانية تاخد مكان حلا مستحيل..


(((عندما يعشق الرعد))) بقلم ريحانة الجنة 

     (رحم للإيجار)


     ((الحلقة الثانية عشر)) #ريحانة

في صباح احد الايام وبعد ظهور شمس يوم جديد واحداث جديدة بتحصل لابطالنا.  


في شقة هنا الباب بيخبط 

هنا فتحت الباب وكان عدي وكان باين عليه الضيق والجدية

هنا:خير يا مستر عدي في حاجة

عدي:هنا. انا عارف انك لسة زعلانة بس انا اعتزرتلك اكتر من مرة الاسبوع اللي فات ده كله. وعموما انا مش هتخطي حدودي معاكي تاني بس علي الاقل ارجع اوصلك وارجعك معايا. انا الاسبوع اللي فات ده كله كنت بجد قلقان عليكي. مكنتش متطمن. 

هنا:بعتاب. ليه خايف حد يتحرش بيا مثلا

عدي: بغيظ من نفسه قبل ما يكون من اتهامها. خبط الباب بقبضة ايده. خلاص يا هنا كانت لحظة ضعف. انا اصلا مأنب نفسي اني لمست ست غير حلا. فأرجوكي متزوديهاش عليا. لو لسة بتحسي بالامان معايا وبتثقي فيا ولو بجزء صغير. خليني اوصلك وارجعك ممكن. انا لازم احافظ عليكي لان انا اللي جبتك هنا. ومينفعش اسيبك لوحدك. هاه هوصلك النهاردة

هنا: حست بندمه. وكمان هي كانت من جواها عارفة انها كمان غلطت.احمم. خلاص هنعتبر اللي حصل ده محصلش. ونرجع تاني .زي الاول

عدي: لانت ملامحة وابتسم. بجد يا هنا يعني خلاص هنرجع صحاب 

هنا:طبعا يا معلم عيب عليك. انا هنون ام قلب كبير

عدي:هههههههه. مش ممكن يموت الزمار ولسانة بيحدف

هنا: ايه يا عم شوهت المثل خالص

عدي: طيب ما انتي بتشوهي الكلام كله حد قالك حاجة

هنا:كدة. ماشي اتحمل اللي هيحصلك بقي

عدي: ربنا يستر. يالا يا هانم خلصي لبس بسرعة علشان منتأخرش هستناكي في العربية

هنا: لا انا جاهزة هجيب شنطتي ونازلة معاك

عدي:تنح وهو بيبص علي لبسها اللي كان عبارة عن اسكيني من القماش الناعم وعليه بلوزة قصيرة بكتف طويل والتاني قصير جدا.

عدي: نعم ياختي مين دي اللي جاهزة. انتي هتنزلي بالبيجامة

هنا: بيجامة ايه يا ابني ده لبس خروج عادي

عدي: ابنك ولبس خروج في جملة واحدة. يا مرارك يا عدي. امشي يا بنتي ربنا يهديكي غيري الزفت ده بدل ما ارتكب فيكي جناية علي الصبح

هنا: وبعدين بقي علي فكرة انا عمر ما حد قالي البس ايه وملبسش ايه. انا بتخنق بسرعة وخلقه ديق متطلعش زرابيني

عدي: يا ريت يا حلوة كان حد قالك قبل كدة بدل المرار اللي انا فيه ده. ادخلي غيري احسنلك

هنا: بعند ربعت ايديها. لا مش هغيره

عدي: زقها لداخل الشقة ودخل وقفل الباب. اقسم بالله لو ما دخلتي بدلتي اللبس ده لاكون حابسك هنا ومفيش نزول

هنا: لا بقولك ايه. 

عدي: مسكها من دراعها ودخل بيها لاوضتها. انتي لسة هتقولي تعالي غيري الهباب ده خلينا ننزل في يومك

ودخلها الاوضة وخرج وقفل الباب

عدي: من برا. انا قاعدلك بقي لما اشوف هتلبسي ايه في يومك ده

هنا: من جوا الاوضة ساندة علي الباب وبتضحك. لا وربنا بيغير انا مش عبيطة. ده كان هيتجنن لما عرف اني هنزل كدة. وبتسلية. ماشي يا عدي انا هخليك تقول حقي برقبتي. 


وبعد  شوية خرجت هنا لعدي. وبصلها لاقاها لبست بنطلون واسع اكنه چيب طويل وعليه بلوزة قصيرة جاكت شفاف قصير بكم. ولما شعرها علي هيئة زيل حصان وكانت بجد جميلة وشيك ومحتشمة الي حد ما عن الاول يعني 😒😒

عدي: ابتسم. تمام كدة يا بلية يا لا بينا

هنا: تعالي هنا مين بلية ده

عدي: الله مش انتي المساعدة بتاعتي تبقي بلية الصبي بتاعي

هنا:كدة ماشي يا ابو دومة قدامي يا معلم

عدي: هههههههه. والله شكلنا كدة قاتلين قتلة مش شاغلين في شركة محترمة

هنا: هههههه. طيب قدامي بدل ما اتاويك ومحدش يعرفلك طريق يا ولدي

عدي:هههههههه. ربنا يهدك ده انتي مصيبة وحشتني مناكفتك. 

هنا:بنظرة حب. مناكفتي بس

عدي: مسح شعره بإحراج. احمم احنا هنتأخر وسيادك عطلتينا بحكاية لبسك دي. يالا بينا ومسك ايديها وخرج 


في شقة هبة اخت همس 

منصور: انتي بتقولي ايه والله بعد اللي عمله معايا ده ما انا سايبه في حاله

هبة: خلاص يا منصور كل حاجة خلصت. ابوس ايدك انساها بقي وخليها تعيش في حالها واحنا في حالنا

منصور: ابدا انا مش هرتاح غير لما يطلقها وترجعلي هنا مكسورة ورجلها فوق رقبتها

هبة: يا منصور الله يخليك. ابعد عنه ده راجل قوي وايده طايلة احنا مش قده

منصور: لا انا قده. قسما عظما لو ما طلقها لقتله انا مش هخليه يتهني بيها


وفي الوقت ده الباب خبط وهبة فتحت وكان ابراهيم. 

هبة: اهلا يا ابراهيم. اتفضل

منصور: اهلا يا خويا خير

ابراهيم: احنا هنعدي اللي عمله معانا الراجل ده ولا ايه يا منصور

منصور: لا طبعا يستني عليا انا هوريه بس اصلب طولي من اللي عملوه فيا رجالتوا

ابراهيم: طيب قولي ايه في دماغك

منصور: بعدين مش دلوقتي. المهم اني مش هرتاح الا لما ترجع هنا تاني

ابراهيم: انا كمان عايز ارجعها محدش هيتهنا بهمس غيري

منصور: بمكر.😈طبعا ودي عايزة كلام


في الاسكندرية. في شقة فوزي والد هنا

ماجدة: يعني ايه خلاص البت طفشت كدة. مش هنعرف نرجعها

فوزي: بحزن. منك لله انتي السبب انتي وابنك. ضيعتوا مني بنتي اللي مليش غيرها انا غلطان اني سمعت كلامك

ماجدة: لا بقولك ايه مش وقت ولولة. البت دي لازم ترجع ونعرف هي هربت مع مين وقاعدة فين. انا ابني بيضيع مني الواد. هيموت نفسه عليها

فوزي: بغضب هو ده اللي همك ومش همك البنت واللي حصلها بسببك انتي وابنك. يا تري هي فين ومع مين يا تري جرالها ايه. انا مش هسامح نفسي لو البنت دي جارلها حاجة. مرڤت مش سايباني في احلامي من يوم ما هنا هربت. وهي بتجيني بتبكي وتقولي ضيعت بنتي يا فوزي هي دي الامانة اللي سيبتهالك. 

ماجدة: تلوي شفايفها. مرڤت واحلام والله انت قربت تتجنن. 

فوزي: لا انا اتجننت فعلا لما سمعت كلامك وغصبت عليها تتجوز المحروس ابنك. والنتيجة انها هربت. ودعي بخوف وقلق. يارب خليك معاها ووقفلها ولاد الحلال دي ورا ضحكها وهزرها ده غلب الدنيا. ربنا يحفظك يا هنا

ماجدة: ادعيلها يا خويا ادعيلها دي عايزة اقطم رقبتها. يا عالم هي بتعمل ايه دلوقتي

فوزي: انا بنتي متربية مش زي ما انتي بتقولي. انا خايف عليها مش منها

ماجدة: تلوي شافيفها. بكرة نشوف


في ڤيلا الحديدي

مها: يا جدو والله مش عارفة هو بيروح فين

توفيق: ازاي مش انتي مراتوا. وكمان اتصالحتوا. وبقيتوا كويسين

مها: ايوة يا جدو بس هو مش بيتكلم معايا كتير هو بس بيجي يقعد معايا في الاوضة شوية وبعدين يمشي. ولما بسألوا والح عليه يقولي عندي شغل مش فاضي

توفيق: ده بقالوا اكتر من اسبوعين مجاش علي العشاء زي عاويده كل يوم يرجع الفجر 

مها: جدو. طيب متخلي حد يراقبه

توفيق: بسخرية. هاه رعد حد يراقب رعد. ده مرة ايام الكلية كنت ببعت وراه ناس تراقبه وطبعا هو داهية واخد باله ومسك الولد ونزل فيه ضرب بغباء وكسرلوا ضلعين. تقوليلي اراقبه. لا كمان انا مش عايز اعاديه لحد ما البتاعة دي تعمل العملية واطمن ان حفيدي جاي في السكة

مها: دموعها نزلت. 

توفيق: طبطب علي ايديها. انا حاسس بيكي وانا كمان زيك كان نفسي الحفيد ده يكون منك مش من واحدة جاية من الشارع

مها:انا مش عارفة اذا كنت هحبه ولا لا وانا عارفة انه ابن رعد من واحدة تانية. 

توفيق: طبعا هتحبيه علشان انتي اللي هتربيه وبعدين شيليها من دماغك خالص. هي كلها كام شهر وتخرج من حياتنا خالص ومش هنشوفها تاني

مها:ان شاء الله

توفيق: مها كنت عايزك  تتكلمي مع رعد عن الصفقة الجديدة اللي هو داخلها وتحاولي توقعيه في الكلام انا عايز اي معلومات عن الصفقة دي

مها: حاضر يا جدوا هحاول


في بيت همس ورعد

همس كانت بتاخد حمام ورعد دخل الشقة ومعاه الغدا. وابتدا يدور علي همس مش لاقيها. دخل الاوضة بهدوء سمع صوت المياه عرف انها في الحمام. 

رعد: اتنهد بقوة. ياااه يا همس حد يقول انك  انتي تبقي جوا كدة وانا واقف برا بتلوي. منك لله يا عدي الزفت وعلي شورتك المهببة. 

وفجأة سمع المياه اتقفلت عرف انها خارجة

رعد: اخرج ولا استني. لا يا رعد لو خرجت وشافتك هتزعل. بس انا مش قادر وعايز اشوفها . بس خلاص انا هستخبي ورا الستارة دي. وفعلا وقف رعد ورا الستارة. وهمس خرجت وكانت لافة نفسها بالفوطة ووقفت تنشف شعرها. 

رعد:بيتنفس بصعوبة. وهو سرحان في جمالها لا والله كدة كتير انا ايه اللي عملته في نفسي ده. دي هتخليني واحد تاني. بقي انا اقف كدة متكتف مش قادر اقربلها. 

وفجأة همس شالت الفوطة وابتدت تلبس

رعد: يا نهار اسود. لا يا رعد امسك نفسك.وجز علي سنانه. الله يحرقك يا عدي الكلب. عليك وعلي افكارك

ولبست همس وسرحت شعرها وخرجت من الاوضة

رعد: خرج بعدها بالراحة.

همس: اول ما خرجت شافت الاكل علي السفرة. تنحت وبصت تدور علي رعد مش لاقياه وأول لما لفت. لقته واقف وراها اتخضت وجات ترجع لورا بس كانت هتقع. رعد لحقها وحاوطها بإيديه وقربها منه. وكان بيبصلها بشغف فظيع

همس: سرحت في عنيه. ونظراته اللي كل يوم بتحيرها. ومش عارفة تفهمها. دي نظرات حب ولا رغبة بس

رعد: قربها منه اكتر وملس علي خدها. بحب. اتخضيتي مني

همس:الكلام كان رايح منها. ايه اااه اصلي مسمعتكش لما جيت. انت جيت امتي

رعد :من شوية

همس:وكنت فين  

رعد: ابتسم كنت جوا

همس: تنحت. جوا فين 

رعد: بخبث.جوا في ال

همس: قلبها دق. يا نهار ده باب الاوضة كان مفتوح ليكون شافني يا نهار مش فايت. جوا فين قول لو سامحت

رعد:بمكر. جوا في الحمام الكبير

همس: حطت ايديها علي قلبها واتفست. الحمد لله

رعد: بخبث. ايه مالك كنتي خايفة من ايه

همس: لا مفيش. بس اصلي ... لا لا ولاحاجة

رعد: اه منك انتي. يا همسة قلبي بحبك بس لو تحبيني كدة زي ما انا بحبك

همس: بكسوف يالهوي هو انا كل ده في حضنه وساكته. وبعدت عنه

رعد: سابها وابتسم. احمم. تعالي ناكل بقي. 

همس: ابتسمت. حاضر

واول لما جات تجهز الاكل شمت ريحة الاكل عقدت حاجبها. هو انت جايب ايه

رعد: سمك بتحبيه

همس:ايه سمك😷. ااه اه بحبه

رعد:حس انها بتكدب. همس منغير كدب بتحبيه

همس: غمضت عنيها وبحركة طفوليه. هزت راسها لا 

رعد: ضحك علي حركتها. هههههه طيب خلاص وانتي زي الاطفال كدة. متزعليش هتصل اجبلك حاجة تانية. تحبي تاكلي ايه

همس: لا ملوش لزوم اتفضل كل انت وانا هاكل اي حاجة الثلاجة فيها حاجات كتير

رعد:تؤتؤتؤ انا مش هاكل منه خلاص هاكل معاكي. اختاري يالا عايزة ايه

همس: طيب والاكل ده خسارة

رعد: لا مش خسارة. قولي بقي تحبي تاكلي ايه

همس: طيب خلاص انا هاكل معاك سمك

رعد: مش قولتي مش بتحبيه هتاكلي منه ازاي بس

همس:لا هجرب واشوف يمكن احبه

رعد:قرب منها وبحنيه. اه بالله عليكي جربيه وانا واثق انك هتحبيه

همس:اتكسفت. هو ايه ده

رعد:بمكر السمك

همس: طيب اتفضل

وقعد رعد وهمس ورعد كان مصمم انه يأكلها بنفسه علشان ايديها. وكان مبسوط وفي منتهي السعادة. 

رعد: هاه عجبك السمك

همس: ابتسمت. بصراحة انا اول مرة اكل سمك طول عمري مش بحبه. بس لما اكلته دلوقتي لقيته فعلا ميتقاومش

رعد: ابتسم بحنية. هو ايه ده

همس: اتكسفت. احمم ااالسمك

رعد: ماشي يارب يحببك فيه اكتر واكتر

همس: هو ايه ده

رعد: قرب منها وبص في عنيها. السمك

همس: قامت واخدت الطبق انا هعملك القهوة. ولا تحب شاي

رعد: لا شاي ممكن

وراحت همس تعمل الشاي. ورعد غسل ايده وهمس فجاة سمعت صوت مزيكا ولما خرجت لقت رعد شغل سي دي. علي اغنيه عجبتها اوي خصوصا لما دخلت الشاي وقعدت ورعد كان مع كل كلمة من الاغنية يبصلها نظرات عاشق ومحب. وهي كانت مش مصدقة ولا متحملة اللي بيحصل وكانت هي كمان بتبصله بحنين غريب

وكانت أغنية (حاجة مش طبيعية)(لحماقي)(اللي انا فيه ده مش حاجة عادية . عنيها فيها حاجة مش طبيعية. دقيقة كدة وهيغمي عليا. ده اللي دخت عليه ولقيته. اتاري كدة كدة كان متشالي الاقي روحي نصي التاني كلي. ده ايه ده بقي ده في وهم حاصلي. متفصلة علي اللي اتمنيته. اللي انا فيه ده مش حاجة عادية عنيها فيها حاجة مش طبيعية ديقيقة كدة وهيغمي عليا.  ولا حلم انا فيه. ايه ده ايه ده اللي اتوهمت انا بيه قدامي وبلمسه وبلقيه ولا بهدي الا ما بس بشوف الضحكة دي. اللي انا في ده حقيقي الله اعلم. زي ما اكون من الاخر بحلم ده اللي يشوفها يقف متلصم . وانا اللي كدة شكلي هروح فيها. في حاجة تيجي في ثواني تغلبني حاجة غريبة عاملة بتجبني. عمري ما حبيت اللي تاعبني الا المرة دي)

خلصت الاغنية. ورعد كان ملاحظ توتر همس وحس انها فهمت انه عايز يسمعهالها. 

رعد: همس.. همس

همس:ااا نعم. 

رعد: ابتسم لانها كانت بصاله ومش بترد.ممكن تلبس علشان نروح للدكتور

همس: دكتور هادي 

رعد: لا الدكتور اللي هيفكلك الجبس. معاد فك الجبس النهاردة

همس: وهو حضرتك عرفت منين

رعد: ماهو لما انتي تعبتي وانا اخدتك علي الفندق. وجبتلك دكتور هو اللي قالي ان الجبس هيتفك النهاردة

همس: ابتسمت. وكانت فرحانه انه مش ناسي حاجة تخصها. حاضر هقوم البس


وفعلا همس لبست ورعد اخدها وراح للدكتور وهما هناك علشان يفكلها الجبس كانت خايفة من الالة اللي هتقطع الجبس وعيطت. رعد قلبه حن عليها وقرب منها وحاوطها بإيده. 

رعد: متخفيش يا همس. دي حاجة عادية

همس: لا ده شكله يخوف. 

رعد: طيب متبصيش. وداري عنيكي

همس: لفت وشها ودفنت راسها في حضنه ومسكت قميصه بقوة. 

رعد: علي قد ما كانت صعبانة عليه. بس كان مبسوط لان خوفها خلاها تترمي في حضنه. وتتمسك بيه كدة. وهو كمان حضنها اكتر. علشان يطمنها. وبعد فك الجبس. الدكتور كان بيعملها حركات زي العلاج الطبيعي كدة علشان يتاكد انها بقت كويسة. رعد غار من الدكتور وهو ماسك ايديها كدة

رعد: بحدة. مسك ايدها منه لوسمحت انا هعملهالها. واخد اديها وقعد قصادها وكان هو اللي بيحركهالها ويسألها بتوجعك ولا لا

همس: كانت باصة في عنيه وابتسمت. تؤتؤ مش بتوجعني

رعد: ابتسم. الحمد لله. وقرب ايديها منه وباسها حمد لله علي سلامتك

همس: كان هيغمي عليها لما باس ايديها. 

رعد: قام ومسك ايديها. يالا يا همس نروح

همس: هزت راسها وقامت وهي شايفة ايديه حاضنة ايديها

رعد وصل همس  وكالعادة طبعا اتعشي معاها واتكلموا وضحكه.وكان وقت جميل عليهم الاتنين.  وبعدين نزل رعد ورجع الڤيلا


في ڤيلا الحديدي

رعد: راجع مبسوط وبيدندن وهو طالع اوضته. ووقف علي الصوت اللي بيكره

توفيق: رعد عايزك

رعد: اوففف. بقي انا اكون مع همس وفي الاخر اختمها بيك. ربنا يريحني منك. لفله وقرب منه ببرود. نعم عايز ايه

توفيق: هي البنت دي هتفك الجبس امتي 

رعد: فكته النهاردة بتسأل ليه

توفيق: يعني ايه ليه. علشان العملية طبعا. الصبح تخدها عند هادي انت فاهم 

رعد: اولا انا لسة مدلتلوش العينة. ثانيا همس مش هتروح الا بعد يومين تكون اتحسنت وبقت كويسة

توفيق: انا عايز افهم انت بتدافع عن البنت دي ليه 

رعد: حط ايده في جيبه. وبثقة علشان هتكون ام ابني وتشيله في بطنها. لازم اتأكد ان صحتها كويسة

توفيق: لا هي مش ام ابنك. هي حتشيله في بطنها وبس. وعلي فكرة هادي مفهمها. ان مها صاحبت العينة مش هي. اوعي تقولها غير كدة

رعد: بضيق. انا طالع انام

توفيق: رعد. استني

رعد: بنفاذ صبر. نعم ايه تاني

توفيق:كنت عايزك تيجي تشوف الشغل في المجموعة. انا تعبان. ومش قادر اتابع الشغل. وكمان الشركات بتقع واحدة ورا التانية وانا مش عارف ايه اللي بيحصل

رعد: اسف مش فاضي. تصبح علي خير


وطلع رعد اوضته علشان ينام وقبل ما يدخل مها مسكت ايده. 

مها: لا تعالي نام عندي

رعد: ايه الليلة دي توفيق ومها في ليلة واحدة. ده هم والله. مها انا تعبان وعايز انام

مها: علشان خاطري انت وعدتني اني لما احتاجك القيك

رعد: بيجز علي سنانه. ده وعد مهبب. ماانا كنت عندك امبارح

مها:  وايه يعني. يالا بقي

رعد: امري لله اتفضلي

وراح رعد معاها اوضتها وبعد شوية قام من السرير. وابتدي يلبس هدومه

مها: رايح فين

رعد: هنام في أوضتي

مها: ليه خليك معايا ونام هنا. 

رعد: مها. مش عملتي اللي في دماغك. خلاص سيبيني انام انا مش برتاح غير في اوضتي. تصبحي علي خير

ودخل رعد اوضته وقلع هدومه ودخل ياخد حمام وهو تحت المياه. اتنهد بأسف. اسف يا همس كنت اتمني ملمسش ست غيرك. بس اعمل ايه. انا بحاول اريح ضميري من ناحيت مها. بس قريب اوي هكون ليكي انتي وبس يا حبيبتي. يا همسة قلبي..


ر(((عندما يعشق الرعد))))بقلم ريحانة 

      (رحم للإيجار)


     (الحلقة الثالثة عشر)( والرابعه عشر)


في مستشفي دكتور هادي

همس في اوضتها علشان تجهز للعملية. وكانت بتعيط. ورعد دخلها وراح وقعد جنبها وهو بيملس علي شعرها بحنية

م: مالك يا همس بتعيطي ليه

همس:كانت خايفة. ومش عارفة ليه الفترة اللي قعدتها ممع رعد كانت حاسة بالامان. وكانت وقتها نفسها تخبي نفسها في حضنه لانها اتعودت علي قربه منها. بس كانت مكسوفة تقرب منه.

رعد: رفع راسها ليه. بصيلي يا همس بتعيطي ليه. حد زعلك في حاجة قوليلي 

همس: بصتله وشافت في عنيه حنية ماشفتهاش من حد قبل كدة. رمت نفسها في حضنه. وعيطت زيادة

رعد:غمض عنيه وابتسم بفرحة.وحضنها اكتر وهو بيملس علي شعرها. مالك يا همس انا قلقت عليكي

همس:انا بس عايزاك تعرف. اني والله مش وحشة انا مش. 

رعد: قاطعها بس مش بالكلام. لكن بقربه منه وباسها برقة ونعومة. وبعد شوية بعد عنها. وابتسم وهو بيملس علي خدها. انتي مش محتاجة تدافعي عن نفسك لاي سبب. انا جنبك يا همس ومش هسيبك. لاني عارف انك اتظلمتي كتير وكمان انتي دلوقتي مراتي وانا عمري ماكنت هتجوز واحدة شاكك فيها حتي لو علشان العملية. مع اني قولتلك قبل كدة ان ده مش سبب جوازنا

همس:بعيون راجية وبتتمني تسمع الرد اللي بتتمناه. طيب اتجوزتني ليه 

رعد:ملس علي خدها بحب. وابتسم بعدين يا همس هتعرفي كل حاجة. 

همس: بصت في الارض. وسكتت

رعد: كان بيقرب منها تاني. بس الباب اتفتح ودخلت مها. 

همس: بعدت عن رعد واتحرجت من مها

رعد:بحدة. انتي ايه اللي جابك 

مها: جاية اشوف الهانم. واتطمن علي العملية. 

رعد: بصوت عالي ليه مقولتليش انك جاية. 

مها: لاني جيت مع جدو عادي

رعد: مسكها من دراعها بغضب. لو اتكررت تاني وخرجتي من غير ما اعرف. انتي عارفة هعقبك ازاي

مها:بغيظ من وجود همس. ممكن نتكلم بعدين مش قدام دي. 

 

في الوقت ده دخل الدكتور هادي ومعاه الممرضات  علشان ياخدو همس 

هادي: جاهزة يا همس

همس: هزت راسها. 

هادي: تمام تعالي معايا علي العمليات

همس: قامت معهم. بس من خوفها وقلقها. كانت دايخة

رعد: قلق عليها وقرب منها وسندها. همس انتي كويسة. 

مها: غارت. انت بتصدق دي بتمثل علشان تصعب علينا ونزودلها الفلوس

رعد: بصلها نظرة غضب. كانت كفيلة انها تسكتها

همس:دموعها نزلت من كلامها. 

هادي: همس ممكن تهدي علشان علشان انتي كدة ممكن ضغطك يعلي.

رعد:هادي لو في اي وقت لقتها تعبت الغي العملية انت فاهم

هادي: متقلقش يا رعد بيه ان شاء الله تتم علي خير

رعد: مسك ايديها. تعالي انا جاي معاكي لحد العمليات متخفيش

همس: لمسة رعد ليها وقربه منها اللي بيطمنها. كان كفيل انه يهديها ويحسسها بالامان. هزت راسها ومشيت معاه. 

رعد وصلها للعمليات وكان قلبه بيوجعه. عليها وكان خايف عليها من العملية مع انه عارف انها عملية سهلة بس حبه ليها كان مخليه في قلق وخوف عليها. 

رعد: ااااه يا همس كان نفسي الجنين ده. يجي طبيعي لانك مراتي مش بالعملية. بس معلش اخلص بس حسابي مع توفيق وابتدي معاكي من جديد. ووقتها هتكوني مراتي قدام كل الناس. 

مها: كانت جواها غيرة فظيعة. وهي شايفة قلق رعد علي همس. خصوصا وهي مستغربة من وجوده. هي اصلا عملت العملية دي اكتر من مرة بس عمره ما كان موجود علشان يقلق. كان جدها هو اللي بيكون معاها. 

مها: رعد. ممكن اعرف انت ايه اللي جابك. 

رعد:نعم؟ يعني مش فاهم

مها: يعني انا عملت العملية دي كتير عمرك ما كنت موجود. ليه المرة دي جيت وسيبت شغلك

رعد: حط ايده في جيبه وبجدية. علشان انتي كان جنبك جدك والمستشفي كلها تحت امرك. لكن دي ملهاش حد وانا عارف انكم كنتم هتبهدلوها. وده انامش هسمح بيه

مها: ليه وهي تهمك في ايه

رعد: طول ما هي علي ذمتي هتهمني يا مها

مها: بغيظ. ربنا يعدي الكام شهر دول ونخلص منها انسانة باردة

رعد: عنيه احمرت من الغضب. مها مسمعش صوتك لحد ما همس تخرج من العمليات سامعة

مها: ماشي يا رعد. انا وانت والزمن طويل انا هخليك تندم علي ابنك اللي فرحان بيه اوي كدة. 


وبعد شوية خرجت همس من العمليات. ورعد اول لما شافها. اخد نفسه وارتاح. وفضل معاها لحد ما دخلت اوضتها بس كانت لسة في البنج. بس لقي الممرضين الرجالة هما اللي هيشيلوها. وينيموها علي سيريرها

رعد: بغضب. استني انت وهو هتعملوا ايه

الممرض: حضرتك هنشياها من علي الترولي ونيمها علي السرير. 

رعد: لا طبعا اوعي انت. وقربة منها رعد وشالها هو ونيمها في سيريرها. وبلهجة تحزير. انا مشوفش واحد فيكم في اوضتها الممرضات بس انتوا سامعين ولا لا

الممرضين: بخوف منه ومن غضبه. حاضر عن اذن حضرتك

رعد : قعد جنبها وهو ملهوف عليها عايزها تفوق علشان يطمن عليها. 


هادي: دخل الاوضة. مبروك يا رعد بيه . كله تمام احنا عملنا العملية وهما توأم. لان احتمال بنزل واحد منهم. وده طبيعي مش عايزك تقلق

رعد:بقلق. طيب هي عاملة ايه كويسة ولا حالتها خطر

هادي: لا ابدا هي كويسة جدا. متقلقش

رعد: هي هتقعد في المستشفي قد ايه

هادي: لحد ما تولد 

رعد: بسخرية. نعم يا خويا يعني ايه

هادي: ايوة همس هتقعد معانا هنا في المستشفي لحد لما تولد. 

رعد: ازاي يعني وليه. انت مش بتقول ان انها  كويسة تقعد ليه بقي لحد الولادة

هادي: والله دي اوامر توفيق بيه ومها هانم

رعد: اندفع عليه زي العاصفة ومسكه من هدومه. اومر مين انت اتجننت انا محدش يمشي كلامه عليا. واومرك تخدها مني انا مش من حد تاني. مفهوم

هادي: بلع ريقه بصعوبة. وهو شايف رعد وعنيه اللي بتطق شرار. حاضر اللي انت عايزه هعمله بس قولي اعمل ايه 

رعد: سابه وزقه بعيد. هي هتتحسن امتي وتقدر تروح

هادي: يعني يومين تلاثة بس نطمن ان كل حاجة تمام وبعدين تخرج 

رعد: اسمع يا هادي مراتي وولادي انا بس اللي احدد تعمل معاهم ايه. ولا توفيق ولا مها يتدخله في اي حاجة تخصهم. انت سامع

هادي: اللي يريحك يا رعد باشا عن اذنك. وخرج هادي

رعد قرب من همس وقعد جنبها. ومرر ايده في خصل شعرها الاسود الجميل اللي بيعشقه وابتسم. 

رعد: حبيبتي يا همسة قلبي بقيتي حامل خلاص وشايلة حتة مني جواكي. الحمد لله انك انتي امه مش مها. وقرب منها وباسها بحب وخفة في كل حته في وشها

وقعد قصادها يتأملها وهو ماسك ايديها ومستنيها تفوق. 

وفي الوقت ده دخل توفيق ومها

رعد:بصلهم بحدة. نعم جاين ليه. ده انا افتكرتكم روحتوا. 

توفيق: بعصبية. انت ازاي يا ولد انت تكسر كلامي.انا اتفقت مع هادي ان البنت دي تقعد في المستشفي لحد ما تولد علشان تبقي تحت عنينا. وانت تقولو لا وهو يسمع كلامك انت. انت اتجننت 

رعد:ربع ايده وببرود. والله انا حر في مراتي وولادي اقعدهم امشيهم انا ومزاجي. محدش له دعوة

مها: ايه حكاية مراتي اللي ماسكها دي. مكنتش حتة بنت من الشارع دي اللي انت بتدافع عنها. انا مبقتش فهماك

رعد:مسكها من ايديها وضغط عليها. قسما عظما لو اتكلمتي عنها كدة تاني انا هربيكي من اول وجديد. اللي مش عجباكي دي هي اللي هتبقي ام ولادي. وتحققلي اللي انتي معرفتيش تحققيه

توفيق: فك قبضة رعد المؤلمة لمها. انت اتجننت  انت ازاي تعمل كدة قدامي. وبعدين مها معاها حق انت بتدافع عن البنت دي ومديها حجم اكبر من حجمها ليه.كل ده علشان العملية. وهي يعني كانت عملتها ببلاش. ما هي اخدت فلوس علي كدة. ثم هي مش ام ولادك مها هي امهم. 

مها: وبعدين مش عايزاك تفرح اوي بحكاية ولادك دي. هادي بيقول ان في واحد منهم  ممكن ينزل

رعد:مش مهم.انا راضي بواحد. وبصلها بنظرة ذات مغذا. واهو احسن من مفيش. ولا ايه يا مها

مها:غضبت. في ايه بقي انت بتعايرني اني معرفتش اخلف

رعد:ببرود. اعايرك لا وهو انا هعيرك ليه. انا خلاص نسيت الموضوع ده. وكل اللي يهمني دلوقتي مراتي وولادي يبقوا كويسين

توفيق: غضبان من رعد. انا مش عايز اسمع كلمة مراتي دي تاني. كفاية ان علي اخر الزمن واحدة زي دي بسببك اتحسبت علي عيلة الحديدي. ولو حتي كام شهر

رعد:مش مهم خلاص اللي حصل حصل. وهمس بقت مراتي شهر شهرين سنة. متفرقش كتير. المهم انها طول ماهي علي زمتي. مش هسمح لحد يهنها. 

مها:بغيظ. انا بجد مش عارفة انت ليه مهتم المرة دي اوي كدة. ماكنت تسيبني انا وجدو وهادي نتابع كل حاجة

رعد: اظن انا سيبتكم قبل كدة كتير. وكل مرة كانت العملية بتفشل والجنين يموت. وده انا مش هسمح بيه تاني.  انا اللي هخلي بالي من ولادي بنفسي. وانتوا ملكوش علاقة بهمس نهائي. ياريت كلامي يكون واضح. 

توفيق:في قمة غضبه من رعد. لانه بيتعمد يستفزهم ويخرجهم عن شعورهم. وانت بقي هتمشي معانا ولا قاعد شوية 

رعد: لا انا هستني لحد لما تفوق واطمن عليها وهمشي علشان عندي شغل مع السلامة انتوا. 

وخرج توفيق ومها. وهما في قمة غيظهم وغضبهم من رعد. 

مها: انت ازاي يا جدو سكتلوا كدة. رعد زودها اوي

توفيق:مها رعد عنيد. ومش صح اننا نقف قصاده. المهم اننا نسايسه. لحد ما البنت دي تولد.وناخد الولد ويارب يفضل التاني ويبقوا اتنين

مها: بس يا جدو ده بيتعامل معاها اكنها مراتوا بحد. ده حتي يمكن بيعاملها احسن مني

توفيق: كلام ايه ده انتي ازاي تقارني نفسك بواحدة زي دي انتي مها الحديدي. وبعدين رعد بيعاند معاكي لما لاقاكي بتغيري منها ساق فيها. انتي. عارفاه مستفز.انا عايزك تشيليها من دماغك . رعد مش ممكن يبص للبنت دي. وكمان انتي عارفة رعد طول عمره ملوش في الستات وطول حياته جد ملوش في الحاجات دي. هو بس بيغيظك مش اكتر وكمان هو عايز يطمن علي ولاده مش عليها هي. اهدي كدة وتعالي نروح


في اوضة همس. رعد لسة قاعد قصاها من غير ملل ولا زهق. وبيتنهد فوقي بقي يا همس وحشتيني ووحشتني عنيكي. وقرب من عنيها وباسهم وهي مغمضاهم. وبحب قرب من شفايفها وباسها. بس همس ابتدت تفوق وفتحت عنيها لقت رعد قريب منها وبيبوسها. قلبها دق وداخت مكنتش عارفة ده من البنج ولا منه هو 

رعد: حس ان نفسها عالي وزاد. فتح عنيه لقاها فاقت. ابتسم . حمد لله علي سلامتك يا همس

همس: متشكرة اوي. وبصت علي بطنها. هو انا كدة خلاص بقيت حامل

رعد: ابتسم. وحط ليده علي بطنها وهز راسه. اه يا همس بقيتي حامل. وقرب منها وهمس في ودنها. بقيتي حامل مني يا همس. 

همس: اتكسفت ووشها احمر. احمم هو حضرتك ما مشيتش من ساعت ما انا دخلت العمليات

رعد: لا طبعا امشي واسيبك لوحدك ازاي. مينفعش 

همس:بس كدة انت اتعطلت عن شغلك

رعد: مش مهم المهم انك تبقي كويسة. وكل حاجة تمام 

همس:بحزن. دكتور هادي قبل العملية. قالي اني هقعد هنا لحد لما اولد

رعد: ملس علي خدها بحنية. تؤتؤتؤ مش هيحصل انتي هتروحي معايا بس بعد يومين لما نتطمن عليكي 

همس: فرحت وابتسمت بسعادة. بجد يعني انا هروح معاك 

رعد: كان مبسوط من فرحتها بقربها منه. اه يا همس هتروحي معايا انا مش ممكن اسيبك تقعدي هنا انتي هترجعي بيتك

همس:؟ بيتي

رعد: ايوة شقتك مالك في ايه

همس: لا بس حضرتك قولت بيتي وانا معنديش بيت

رعد:ازاي اومال الشقة اللي انتي قاعدة فيها دي ايه

همس: ايوة بس ده بيتك انت انا ضيفة مش اكتر. 

رعد:وهو بيلعب في شعرها بحب. لا ده بيتك انتي  وكمان كتبت الشقة بإسمك علشان تطمني انك بقي ليكي بيت محدش بيشاركك فيه. وياريت تستحمليني عندك لو مش يضايقك

همس: كانت مسهمة ومش مصدقة ان رعد بيعمل معاها كل ده. وكانت كل لحظة بتعدي عليها رعد بيأكد لها ظنونها ان رعد فعلا بيحبها. بس عقلها رافض ومش مستوعب. 

رعد:وهو لسة بيملس علي شعرها. مالك يا همس سرحتي في ايه

همس: هاه لا ابدا بس مش مصدقة

رعد: ابتسم. لا صدقي. 

همس:كانت بتبصله بإعجاب بيه. واكنها بتقوله انت كنت فين من زمان

رعد:قرب منها وباسها بحب وحنيه 

همس: كانت لاول مرة متبعدوش عنها وكانت مبسوطة من قربه منها. 

رعد: حس انها مش بتقاوم. قرب اكتر ومكنش قادر يبعد عنها. كانوا غايبين في دنيا تانية دنيا حبهم وعشقهم لبعض 

بس قطع كل ده خبط الباب

رعد: بعد عنها شوية وهو بياخد نفسه.  و ابتسم لما لقا وشها احمر ومكسوفة منه وبتبص في الارض من خجلها 

رعد:لف وشها ليه وبحنية. هشوف مين وارجعلك 

همس: ابتسمت وسكتت

رعد: ادخل

زينب: دخلت. مساء الخير هاه يا همس عاملة ايه دلوقتي 

همس: الحمد لله كويسة

زينب: رعد بيه ممكن بعد اذن حضرتك تستني برا لحد لما اتطمن علي همس

رعد: ليه وانا مضايقك في ايه 

زينب: احمم لا بس اصلي هكشف عليها وحضرتك فاهم

همس: اتكسفت منه وبصت لرعد بخجل

رعد: احمم. اه طيب انا برا لحد لما تخلصي

همس:علي فكرة حضرتك ممكن تمشي ملوش لزوم تتعب نفسك اكتر من كدة

رعد:لا انا هبات معاكي لحد ما تخرجي من هنا. وغمزها من غير ما زينب تاخد بالها. وخرج وقفل الباب

همس: اتنهدت وابتسمت

زينب:بخبث. هي ايه الحكاية

همس: حكاية ايه

زينب: عليا انا. انتي عملتي ايه للراجل.علشان يتلهف عليكي كدة

همس: انتي قصدك ايه

زينب: قصدي ان رعد بيه وقع في هوي العيون السود

همس: بلخبطة. ااااانتي مجنونة. هو بس تلاقيه خايف هلي اللي بطني مش اكتر

زينب: لا والله مش عارفة اصدقك

همس: انتي حرة تصدقي متصدقيش. براحتك واخلصي بقي وشوفي كنتي جاية تعملي ايه

زينب: ولا حاجة انا بس هديكي الدوا

همس: مش انتي قولتي هتكشفي عليا

وزينب:ههههههه لا انا قولت كدة بس علشان يخرج واعرف اتكلم معاكي

همس:بغضب. تصدقي انك بايخة

زينب: ههههههه شكلك طبيتي يا هموسة

همس: ابتسمت. هو باين عليا 

زينب: ده انتي عنيكي فضحاكي 

همس: راحت منها الابتسامة. وبحزن بس انا فين وهو فين. رعد بيه ده كتير عليا اوي يا زينب ده حلم بالنسبة ليا

زينب:بصراحة. هو كتير علي اي ست. ده حته راجل يا لهوي عليه يا بختك بيه يا همس. لا وكمان اتجوزك

همس: بتحسديني علي ايه. ما هو لما اولد هيطلقني

زينب: ماهو انتي لو سمعتي كلامي مش هيطلقك. وهيمسك فيكي بإيده وسنانه

همس:بلهفة. بجد ازاي بس

زينب:سيبي الموضوع ده عليا. بس لما تخرجي من هنا. انا همشي معاكي خطوة خطوة. المهم انتي تفكي كدة شوية. وتسيبك من كسوفك ده. رعد بيه بقي جوزك. فاهمة

همس: طيب افرضي سمعت كلامك. وسيبت نفسي لقلبي. وبعد ماهو يزهق مني طلقني ابقي اعمل ايه وقتها. وانا هكون اتعلقت بيه

زينب: حتي لو ده حصل مش مهم المهم انك هتعشيلك يومين حلوين. ده غير انك هتخديلك قرشين كويسين يريحوكي بعد كدة

همس: لا طبعا. انتي عارفة ده معناه ايه معناه اني هبقي زيي زي اي واحدة. بتقضي وقت مع اي راجل وتقبض. وانا مش كدة وانتي عارفة

زينب: بقولك ايه انتي بتشيليني بمخك المقفل ده. متحبيكهاش بقي وعيشي وانبسطي. الراجل يعمل ايه اكتر من كدة. مش كفاية انه اتجوزك. 

رعد: فتح الباب ودخل. خلصتي ولا لسة

زينب: اه خلصت وكنت خارجة اهو. وغمزت همس خدي يا همس الدواء ده. ومتنسيش تنفذي التعليمات بالحرف. سلام

رعد: قفل الباب. وقعد جنب همس. هاه عاملة ايه دلوقتي. زينب طمنتك

همس: اايه ااااه اه الحمد لله

رعد: وهو بملس علي شعرها. همس انا عايزك تخلي بالك من نفسك انتي دلوقتي حامل في اتنين 

همس: ايه اتنين!! 

رعد: هو هادي وزينب مش قالولك ولا ايه

همس: لا معرفش. ومسكت بطنها بخوف

رعد: حاوطها بإيده. همس خوفي عليهم قد خوفي عليكي بالظبط. فاهماني

همس: بصت في عنيه. لا مش فهماك. انا عايزة اعرف انا بالنسبة ليك ايه انا بجد محتارة

رعد: باس ايديها. هقولك كل حاجة لما نرجع بيتنا

همس: وعد 

رعد: ابتسم.  وعد متقلقيش هفهمك كل حاجة. بس المهم دلوقتي صحتك تتحسن

همس: ابتسمت. وانا هستني علشان اعرف 

رعد: بخبث. ممكن بقي تخليني انام واخدك في حضني.انا عايز انام في حضنك. توافقي ولا لا

همس: عضت شفايفها بخجل. ايوة بس.. 

رعد: مبسش انا مش هنام بعيد عنك. انا خلاص مش متحمل ونام جنبها واخدها في حضنه

همس: كانت مكسوفة ومحرجة ومش مستوعبة اللي هو عمله. وحاولت تبعد 

رعد: ضمها اكتر ومسكها بإحكام. شششش. مش هسيبك نامي في حضني وانسي ومتفكريش في اي حاجة

همس: ابتسمت وقلبها بيدق. وسكتت ونامت في حضنه من غير مقاومة

رعد: لقاها استسلمت. ابتسم وباسها من جبينها وهو بيملس علي شعرها. لحد لما ناموا هما الاتنين في حضن بعض


#ريحانه_الجنه


(((عندما يعشق الرعد))) بقلم ريحانة الجنة 

         (رحم للإيجار)

   (الحلقه الرابعة عشر )#ريحانة

في الصباح في أوضة همس في المستشفي. 


همس ابتدت تصحي لقت رعد واقف قصاد الشباك وبيشرب قهوة. ابتسمت وكانت مبسوطة انه لسة موجود معاها

همس: صباح الخير

رعد: لف بسرعة وابتسم. وقرب منها وقعد جنبها. صباح النور . وملس علي شعرها. ايه النوم ده كله.ده انا قلقت عليكي

همس: هو انا نمت كتير. هي الساعة كام

رعد: ههههههه كتير اوي الساعة 12

همس: يا خبر. انا نمت كل ده.انا اصلا مش فاكرة انا نمت ازي . ممكن يكون من تأثير البنج. مش كدة

رعد: حاوطها بإيده وباسها من خدها. وبخبث. تفتكري انتي نمتي من تأثير البنج ولا من تأثير الحضن 

همس:اتكسفت لما افتكرت هي نامت ازاي في حضنه.وسكتت

رعد:ههههههه. انتي من ناوية تبطلي كسوف مني ولا ايه. ورفع وشها ليه.انتي من هنا ورايح لازم تتعودي علي كدة. علشان لما نرجع بيتنا مش هتنامي غير في حضني. ومال عليها و باسها.

همس:كانت سرحانة وهيمانة في كلامه. وفي قربه منه اللي ادمنته. ومبقتش عايزاه يبعد عنها. 

رعد:بعد عنها لما لاقاها تاهت منه. وحس بدقات قبلها اللي زادت. ابتسم ممكن بقي تفطري علشان تخدي دواكي

همس: ايه اااه. ايوة هفطر. وكان وشها احمر من كتر الخجل. يانهارك يا همس انتي ازاي بتسبيه يعمل. كدة دلوقتي يقول عليكي ايه.اكيد هيقول اني ماصدقت. بس طيب اعمل ايه اصل هو اول لما بيقرب مني مش بحس بنفسي. واتنهدت ليه سحر كدة بيخليني اغيب عن الدنيا ومش ببقي عايزة ابعد عنه انا شكلي حبيته بجد

رعد:لقاها سرحانة.شال خصلة شعرها اللي نازلة علي خدها. مالك يا همس سرحتي في ايه

همس: لا ولا حاجة. 

رعد: طيب يالا افطري. 

همس: حاضر هو انت مش هتفطر

رعد:لاسف انا مبفطرش. بس شربت قهوة وانتي نايمة. 

همس: بس كدة مينفعش. انت لازم تفطر وازي تشرب قهوة منغير فطار كدة مش كويس علي صحتك

رعد: قرب منها وبص في عنيها. بتخافي عليا 

همس: بإندفاع. طبعااا بخاف عليك. وبعدين عضت شفايفها وسكتت. 

رعد:حرام عليكي شفايفك دي. خلاص شوية كمان ومش هلاقيهم

همس: هههههه. 

رعد: هههههه. والله انا عمري ما شوفت ضحكة احلي من كدة

همس: ابتسمت. احمم هو انا ممكن اقولك حاجة

رعد: حاجة واحدة. قولي حاجات

همس:بصراحة.انا اوقات بخاف منك

رعد: عقد حاجبه. تخافي مني انا ليه يا همس.

همس: اصلك.ساعات بتزعق وبتغضب وساعات بتكون هادي وحنين.

رعد: اممم. هو انا فعلا سريع الغضب ولاسف ده طبع فيا ومش هعرف اغيره. بس يعني انا مش بتعصبة عليكي . ليه تخافي

همس:هو بصراحة دلوقتي لا.  بس في اول لما عرفنا بعض. كنت عصبي اوي

رعد: اممم ده انتي قلبك اسود قوي. انسي بقي

همس: ابتسمت. احمم هو حضرتك مش هتمشي

رعد: رفع حاجبة. هو انا مضايقك اوي كدة من امبارح وانتي عايزاني امشي

همس: لا ابدا والله بالعكس. بس انا مش عايزة اتعبك اكتر من كدة

رعد: مسك. ايديها. بس انا مش تعبان. انا مرتاح طول ما انتي بخير. بس هو انا فعلا همشي علشان اروح الڤيلا اخد حمام والبس علشان مضطر اروح الشركة.في حاجات مهمة في الشغل واتصلوا بيا كتير. بس انا مكنتش عايز امشي الا لما تصحي واطمن عليكي

همس:متقلقش انا هبقي كويسة. روح شوف شغلك. 

رعد: طيب افطري بقي. وانا هبعتلك زينب تديكي الدواء. 

همس: حاضر

رعد: همس.تليفونك اهو خليه جنبك علشان لما احب اكلمك واطمن عليكي. واهم حاجة لو مها او توفيق جم هنا. تكلميني علي طول. وياريت مش عايزك تزعلي منهم. هما كدة كلامهم. سم. اتفقنا

همس: هزت راسها اتفقنا

رعد: باسها من جبينها. خلي بالك من نفسك

همس:متقلقش ان شاء الله العملية تكمل علي خير

رعد:انا لو قلقان فأ انا قلقان عليكي مش علي العملية. يارب نفهم

همس: تقصد ايه

رعد:اتنهد لا ابدا.ربنا يصبرني انتي علي بال ما تفهمي. هتطلعي روحي. 

همس: بكسوف وبصوت خافت. بعد الشر عليك متقولش كدة

رعد: ابتسم. لا انا كدة مش همشي 


الباب خبط 

رعد: ادخل

زينب:صباح الخير. 

همس: صباح النور

رعد:بجدية. كويس انك جيتي. انا عايزك تخلي بالك منها لحد لما ارجع.وياريت تفضلي معاها متشيبهاش لوحدها.  مفهوم. 

زينب: حاضر مش هسيبها

رعد: بص لهمس بحنية. همس لو احتجتي اي حاجة كلميني ماشي

همس: ابتسمت.حاضر  


في ڤيلا الحديدي

مها بتتكلم في التليفون مع هادي 

مها: بصدمة. ايه!!  انت بتقول ايه يا هادي

هادي: والله ده اللي حصل يا مها هانم. رعد بيه كان بايت هنا معاها في اوضتها

مها: ازي انا مش فاهمة ليه. 

هادي: معرفش وانا مكنش ممكن اسأله ليه. حضرتك عارفة رعد باشا

مها:طيب اقفل انت دلوقتي . 


في مكتب توفيق في الڤيلا

مها: دخلت بعصبية. شوفت اللي حصل يا جدو

توفيق: مالك يا مها ايه اللي حصل

مها: رعد كان بايت مع الزبالة دي في المستشفي

توفيق: انت بتقولي ايه.مين اللي قالك كدة

مها:هادي لسة قافل معايا. وطبعا خايف ومرعوب من رعد  ليعرف انه قالنا

توفيق: بتفكير اممم. مها لازم تكوني فاهمة ان رعد. عايز يخلف واهتامه بيها علشان ولاده مش اكتر. وكمان عايزك متنفعليش ولا تحسسيه انك غيرانة. زي ما قولتلك قبل كدة رعد عنيد. ده غير اني عايز افهمك ان رعد. بيعطف علي البنت دي لسبب انا عارفه كويس

مها: سبب ايه يا جدو

توفيق: اتنهد. انا حاسس انها بتفكره بأمه علشان كانت زيها فقيرة وضعيفة

مها: جدو. انا بجد نفسي اعرف ليه رعد . بيتعامل معاك كدة وليه بحس انه. سوري بيكرهك

توفيق: بكبرياء. مش مهم يكرهني يحبني. المهم انه حفيدي غصب عنه. والاهم ان اسم العيلة مينتهيش. وانه لازم يخلف بأي طريقة. 

مها: ايوة يا جدو. بس انا خايفة البنت دي تضحك عليه وتستغل حكاية الحمل دي

توفيق: متقلقيش. انا بعد ما تولد هخلص منها بأي طريقة. سواء طلقها او لا  انا هعرف ازاي ابعدها عنه. 

مها: جدو هو رعد ممكن ميتطلقهاش

توفيق: لا طبعا هيطلقها. بس انا بقول في اسوء الظروف.

مها: ماشي يا جدو. عن اذنك


مها وهي خارجة من مكتب توفيق. لقت رعد طالع أوضته

مها: رعد. 

رعد: لفلها. خير يا مها 

مها: هو انت كنت بايت فين

رعد: حط ايده في جيبه.نعم وانتي بتسألي ليه

مها: عادي بسأل ايه مش من حقي

رعد:بعصبية. لا مش منحقك ولا من حق اي حد. انا اعمل اللي انا عايزه فاهمة. انا طالع اوضتي.

مها: كدة ماشي يارعد انا وراك انت والزبالة دي مش هسيبها تضحك عليك


في شركة رعد الحديدي

في مكتب هنا

هنا قاعدة بتشتغل ومندمجة جدا وماحاستش بعدي لما دخل المكتب . وهو اتسغل الفرصة ودخل بهدوء وقرب منها وخضها

هنا: اتخضت. وقامت من المكتب مفزوعة. منك لله يا عدي والله قطعت الخلف كدة ربنا يهدك

عدي: ههههههه. في موظفة تقول للليدر بتاعها ربنا يهدك

هنا:وهو فيه ليدر يخض الموظفين 

عدي: ههههههه. اعمل ايه لقتها فرصة. وبعدين انتي هرياني كل شوية بتخضيني. جات عليا انا

هنا: طيب حضر نفسك بقي للخضة الكبيرة

عدي: سند علي المكتب. وبص في عنيها. وانا مستعد خضيني زي ما يعجبك

هنا:اتكسفت. احمم. هو رعد بيه جه ولا لسة

عدي: ابتسم. تؤتؤ لسة بس زمانه جاي. كنتي عايزاه في حاجة 

هنا: لا انا كنت بسال بس


في الوقت ده الباب خبط. 

عدي اتعدل في وقفته 

هنا: ادخل

الموظف. هاني: بصلهم بمكر. 

عدي: اخد باله وبجدية. خير يا هاني عايز ايه

هاني: وهو بيبص لهنا. ابدا كنت بدور علي حضرتك وقلت اكيد هلاقيك هنا

هنا: اتغاظت وكانت هترد عليه

عدي: بصلها وشاورلها بإيده علشان تسكت.وببرود. وانت بتدور عليا ليه يا هاني

هاني: اصل مدام ايلين جات ومنتظرة حضرتك في المكتب. 

عدي: ايلين تمام اتفضل انت 

هاني: بصلهم. بتوعد وخرج

هنا: شوفت الحيوان ده. يقصد ايه باللي بيعمله ده

عدي: سيبك منه. هو بس متغاظ علشان رفضتيه. المهم انا هروح اشوف ايلين سلام

هنا: عدي استني. 

عدي: هاه في ايه

هنا:بتردد. هو اقصدي هي مين ايلين دي

عدي: بخبث. اممم وانتي بتسألي ليه

هنا: ابدا. خلاص لو مش عايز تقول شكلها معرفة 

عدي:هههه لا. دي تبع شركة بنتعامل معاها. وفي بينا شغل. تحبي تيجي معايا. 

هنا: اه يا ريت. وبعدين اتحرجت. اقصدي لو مش يضايقك

عدي:هههههه لا مش يضايقني تعالي معايا


في مكتب عدي 


هنا: دخلت مع عدي وشافت واحدة بشعر اصفر وعنين زرقاء وبيضاء وجسمها ممشوق جدا. وزي القمر. ولابسة چيب ميكرو چب وبلوزة مفتوحة بأكمام قصيرة. وشكلها يدوخ الستات قبل الرجالة

هنا: اول لما شافتها. قالت بصوت واطي لعدي. هي دي ايلين  

عدي: اه هي ليه

هنا:😳😳 احييييه

عدي: بيحاول يكتم ضحكته. مش قادر. ههههههههههه اتلمي حتضيعي هيبتي قصاد العملاء منك لله مش عايزك تضحكيني فاهمة

هنا: هحاول

عدي: دخل وابتسم. اهلا مدام ايلين

ايلين: ابتسمت وبدلع كعادتها.اهلا بيك مستر عدي. عن جد فرحت بشوفتك والله انت ما بتتغير كل يوم بتحلي عن اللي قبله. وباست عدي وحضنته

عدي: بيبص لهنا وبيكتم ضحكه

هنا: متنحة وعايزة تجيبها من شعرها

عدي: بعد عن ايلين. احمم تعالي يا هنا واقفة بعيد ليه

هنا: بغيظ وهي بتبص لإيلين. ابدا مستنياك لما تخلص فقرة التدليك

ايلين: شو عدي مين هاي البنت

عدي: دي هنا المساعدة بتاعتي. ودي مدام ايلين يا هنا 

هنا: اهلا مدام نافتلين

عدي: داري وشه وهو بيضحك

ايلين: مين نافتلين هاي. اسمي ايلين شو ما بتسمعي مليح

هنا: عادي ايلين نافتلين. اهو كله محصل بعضه 

عدي: بيجز علي سنانه. هنا استنيني في مكتبك وانا هبعتلك

هنا: دبت في الارض. ماشي بس ابقي خلي بالك علشان النفتلين كتره  ريحته بتخنق. وخرجت ورزعت الباب

ايلين: لا عن جد هاي مچنونة. مو طبيعية كيف بتشغل عندك واحدة مثل هاي

عدي: مدام ايلين. اظن نخلينا في الشغل. ممكن 

ايلين: اوك شو عليه نخلينا في الشغل. بس بعد الكلام في الشغل. راح اعزمك علي الغداء. 

عدي: احمم. لا معلش مش هقدر عندي شغل كتير. خلينا بس نتكلم في الشغل


وعدي يومين. وهمس خرجت من المستشفي .ورعد اتطمن عليها  


في مكتب رعد 

عدي: حمد علي سلامة المدام

رعد: الله يسلمك. 

عدي: كويس انك اتطمنت عليها. علشان نفوق لشغلنا بقي

رعد: ليه في ايه 

عدي: انت ناسي اننا عندنا مؤتمر في شارم الشبخ والوفد الايطالي جاي 

رعد: يااااه ده انا كنت ناسي. عدي ماتروح انت انا مش هينفع اسيب همس الفترة دي. كمان انا كنت ناوي اصارحها بكل حاجة لما ترجع البيت. مينفعش اسيبها واسافر

عدي: لا طبعا لازم تسافر معايا. وكمان هي محتاجة ترتاح كام يوم بعد ما روحت البيت.تكون انت سافرت ورجعت

رعد: بس انا خايف عليها. وكمان مش عايز مها ولا توفيق يروحلها ويضايقوها بكلامهم الغلس وانا مش موجود

عدي: والله انا كمان مش عارف ازاي هسيب هنا لوحدها . وتيجي الشركة وترجع لوحدها. وكمان في البيت خايف عليها تقعد لوحدها

رعد: عنيه لمعت. انا عندي فكرة تخلينا نطمن عليهم هما الاتنين  شوية

عدي: فكرة ايه

رعد: هنا تروح تقعد مع همس. ويوانسه بعض. ونطمن علي الاتنين مع بعض

عدي: اممم. تفتكر هنا هتوافق

رعد: ما انت تقنعها. وكمان تاخد اجازة لحد لما نرجع انا وانت من السفر. كلمها انت وشوف رأيها

عدي: تمام هكلمها. 


في سنتر تجميل مها

 مها قاعدة في مكتبها ودخلت نادين صاحبتها

نادين: مها. وحشتيني يا روحي

مها: وانتي كمان عاملة ايه

نادين: كويسة قوليلي بقالك كتير مش بنشوفك في النادي

مها: معلش اصلي كنت بعمل عملية

نادين: عملية ايه سلامتك

مها: لا متقلقيش. دي عملية علشان الحمل

نادين: وايه الاخبار 

مها: الحمد لله حامل

نادين: مبروك. اكيد رعد طاير من الفرح

مها: بسخرية. رعد اه اوي 

نادين: بخبث. انا معرفش ليه انتوا مش متفقين. يا بنتي. ده انتي متجوزة راجل مصر كلها بتحسدك عليه

مها: مش اوي كدة

نادين: لا اوي. شوفي لما بيجي النادي يلعب اسكواش. الستات بتبقي هتاكله بعنيها

مها:؟وهو رعد بيلعب اسكواش

نادين: نعم وانتي متعرفيش. 

مها: لا معرفش

نادين: والله الراجل ده خسارة فيكي

مها:لو عاشيرتيه يوم واحد مش هتقولي كدة

نادين: انتي اللي مش عارفة قيمة جوزك. انا لو مكانك كنت مخليهوش يتنفس بعيد عني

مها: ياااه للدرجة دي رعد يتحب

نادين: واكتر بس انتي اللي غبية. اسيبك بقي علشان اعمل شعري عندي حفلة النهاردة. باي

مها: معقول انا كنت عايشة مع رعد كل السنين دي ومش عارفة قيمته. وبدل ما اقرب منه. رحت لمعتز وضعفت معاه. بس لا انا لازم اقرب من رعد واخلي بالي من الزفتة همس دي مش ممكن اديها فرصة تخطفه مني . والله لو حصلت اني اقتلها هقتلها.


((عندما يعشق الرعد))) بقلم ريحانة الجنة 

     (رحم للإيجار)


    (الحلقة الخامسة عشر)# ريحانه الجنه


في شقة همس ورعد 


همس قاعدة علي الكنبة في اوضة النوم بتعيط. رعد شافها كان زعلان علشانها. بس في نفس الوقت مبسوط وفرحان لانها زعلانة انه هيبعد عنها ويسافر. قرب منها وقعد جنبها. وحاوطها بيإيده

رعد:ممكن اعرف بتعيطي ليه

همس:نفسها تقولوا. علشان هتبعد عني. علشان هتوحشني. علشان مش هقدر اعيش يوم من غير ما اشوفك. بس مش قادرة تقول كدة. فضلت تعيط وساكته

رعد:ابتسم. لانه عارف انها مكسوفة. اممم مش بتردي ليه. مالك يا همس

همس: بتحاول تبطل عياط. ابدا مفيش انا كويسة

رعد:لف وشها ليه وبص في عنيها. تؤتؤ مش كويسة. انتي زعلانة علشان انا مسافر صح

همس: بخجل. ااااصل يعني ااانا مليش حد غيرك وكمان اصل... 

رعد:حس بكسوفها. شششش.خلاص انا فاهم. بس مش عايزك تضايقي انا مش هتاخر هما 3 او4 ايام وارجع بسرعة. وزي ما قولتلك هنا اللي بتشتغل عندي في الشركة جاية مع عدي دلوقتي علشان تقعد معاكي . لحد ما انا ارجع

 

وهنا اتكلموا بلغة تانية غير الكلام  لغة العيون اللي فعلا بتعبر وتقول عن كلام كتير منقدرش نقوله من خوفنا او من خجلنا.بس العيون بتقدر توصفه 

 

همس:بصتله وكان نفسها تقوله. لو الدنيا كلها جنبي وانت مش. موجود حفضل حزينه وتعبانة لحد ما ترجعلي تاني

رعد:كان هو كمان بيلصلها. ونفسه يقولها.هتوحشيني يا اغلي حبيبة.يا اول حب عدي عليا. بحبك بحبك اوي

همس:اكنها سمعت كلام عنيه. وردت بعنيها. بحبك. بحبك يا رعد معرفش ازاي وامتي. لكن فجأة لقيت نفسي بحبك. 

رعد: شافها في عنيها وحس بيها. قرب منها وحضنها. 

همس: حضنته هي كمان. ودي مش عادتها لما كان رعد بيحضنها كانت بتتكسف وتبعد. بس لانها خلاص حبته وكمان عايزة تشبع منه قبل ما يسافر.مكنتش قادرة تبعد ولا تقاوم. وحضنته اوي

رعد: ضمها اكتر وهو في منتهي السعادة. وابتسم.وهو لسة حضنها.وهمس في ودنها. علي فكرة هتوحشيني يا همس

همس:قلبها دق وهي بتسمعه. وخرجت من حضنه وبصتله. وكانت عايزة تسألوا. علي الكلام اللي قالها انه هقولهولها لما يرجعوا البيت. 

رعد:وهو بيمرر ايده في شعرها. همس انا عارف انك جواكي اسألة كتير وعايزة تسأليها. بس احب اطمنك اجبات الاسألة دي كلها عندي. بس لما ارجع من شرم الشيخ. هنتقعد ونتكلم. وتفهمي كل حاجة. اتفقنا يا همس

همس: هزت راسها. اتفقنا

رعد: ابتسم. ومسح دموعها. بس عايزك توعديني انك متعيطيش تاني. حتي وانا مش موجود. ممكن

همس: ابتسمت. ممكن

رعد:قرب منها وباسها. بلهفة وشوق. كان عايز يودعها لانها فعلا هتوحشوا. 

بس تليفون رعد رن 

همس: بعدت. وهي مكسوفة وبتعدل شعرها ورار ودنها

رعد: ابتسم. واخد التليفون ورد... الو

عدي: ايوة يا رعد هنا طالعة عندك.وانا  هستناك تحت. ياريت متتأخرش عليا 

رعد:بص لهمس. علي فكرة انت اتصلت في وقت رخم زيك

همس: ضحكت. 

عدي: هههههه شكلك كنت بتتشاقا يا برنس. ماشي مين قدك. فاضل علي الحلو دقة و يلين 

رعد: ههههههه. علي فكرة البنت هنا دي عوجت لسانك اكتر ما هو معوج. 

عدي: هههههههه. او الله انت بتقول فيها دي لسنها مبرد.يالا سلام متتأخرش. وكفياك سلامات بقي لحد كدة. المدام قايمة من عملية 

رعد: ههههههه.مبلاش انت احسن انا نفسي اخنقك عليك وعلي نصايحك ربنا يخدك. اقفل انا نازلك

همس: عنيها دمعت تاني

رعد: وبعدين يا همس. مش انتي وعدتيني مش هتعيطي

همس: مسحت دموعها. خلاص والله مش هعيط.بس ممكن تخلي بالك من نفسك. 

رعد: ابتسم. حاضر انتي كمان تخلي بالك من نفسك. ولما اتصل بيكي تردي بسرعة متقلقنيش عليكي. وزي ما فهمتك لما احب اكلمك ڤيدويو كول هتعملي ايه

همس: اه ما انا فهمت.ان شاء الله تروح وترجع بالسلامة. ربنا يحفظك

رعد: ملس علي شعرها.وابتسم انتي جميلة اوي يا همس ودعوتك جميلة زيك. 

همس: ابتسمت وسمعت الجرس. 

رعد:دي اكيد هنا. زي ما فهمتك مروان هيكون موجود علي الباب 24 ساعة لحد لما انا ارجع. لو اجتاجتي حاجة خلي الشغالة تقولو. انتي متتكلميش معاه مفهوم

همس: هزت راسها. مفهوم

الشغالة:خبطت علي الباب.  رعد بيه انسة هنا برا

رعد:تمام احنا جاين. وقام رعد ومسك ايد همس. تعالي معايا علشان تتعرفي علي هنا

همس: هزت راسها. ومسكت ايده 

وخرج رعد ومعاه همس علشان يسلموا علي هنا

رعد: ازيك يا هنا عاملة ايه

هنا: ابتسمت. الحمد لله ازي حضرتك يا رعد بيه.هي دي مدام همس

رعد: حاوط همس بإيده وحضنها وابتسم. اه هي همس. شوفتي جميلة ازاي

همس: ابتسمت وبصت في الارض

هنا:اه بصراحة جميلة جدا ربنا يخليكم لبعض 

همس: ربنا يخليكي. انا مبسوطة اني شوفتك يا هنا. شكلك بنت حلال

هنا: اه وربنا بنت حلال وهتحبيني اوي لا تقلقي. 

رعد: ابتسم. تمام شكلكم كدة هتبقوا صحاب. اسيبكم انا بقي وانزل للزنان اللي تحت ده مش مبطل رن صدعني 

هنا: والله هو مش مصدع حضرتك وبس ده مصدعني انا كمان رغاي اوي

رعد: هههههه طيب انا بقي هقوله

هنا: مش اشكال. علي بال لما يرجع هيكون نسي.

همس: علي فكرة انتي لذيذة اوي يا هنا

هنا: انتي لسة شوفتي حاجة ده انا هروقك وانسيكي الدنيا سيبيلي انتي نفسك بس وملكيش دعوة 

رعد :حضن همس. خلي بالك من نفسك يا همس

همس: حاضر وانت كمان

رعد: وشوشها. علي فكرة انتي اللي لذيذة وزي العسسل مش هنا

همس:اتكسفت. هههههههه. 

هنا:احممم. ايه يا رعد بيه الوقت ينفذ. والطائرة علي وشك الصعود 

رعد: ههههههه. الله يكون في عونك يا عدي ليه حق ده انتي مصيبة 

هنا: هههههههه. هو اللي حظه وحش. وبقي جاري اعمل انا ايه

رعد: حط ايده في جيبه وبخبث. جارك بس

هنا:اتكسفت. ايه اه وكمان رئيسي في الشغل

رعد: ههههه. اه ما انا قصدي  كدة بردوا. يالا سلام وغمز همس وخرج 

همس: كانت باصة عليه لحد لما خرج وعنيها دمعت

هنا: قربت منها. اممم باين عليكم بتحبوا بعض اوي

همس: اتلخبطت. ايه ليه بتقولي كدة

هنا: اصل الحب باين عليكم اوي. 

همس: بجد باين انه بيحبني

هنا: اه طبعا رعد بيه شكله بيحبك جدا. انتي ليه مستغربة

همس: بحيرة. اصلك متعرفيش احنا اتجوزنا ازاي وليه. مش جواز زي ما انتي فاهمة

هنا: سرحت في كلام عدي ليها


فلااااااش بااااك


في شقة هنا

عدي: هاه فهمتي يا هنا كل حاجة

هنا: يااااه معقول رعد بيه. بيحب بالشكل ده انا مش مصدقة. بجد ده اللي يشوفه ميقولش كدة خالص. 

عدي: فعلا انا نفسي مكنتش مصدق. رعد طول عمره ملوش في الحب ولا البنات ولا الجو ده خالص. حتي مها مراتوا لما اتجوزها. عمره ما كان مبسوط. كان اكنه بيادي واجب مش اكتر. لكن من يوم ما شاف همس وهو بقي واحد تاني خالص. علي طول بيفكر فيها وكان هيتجنن لحد لما لقاها واول لما لاقاها صمم يتجوزها واتحجج بحكاية الخلفة والعملية دي

هنا:الله ايه الجو الرومانسي ده بس. يا بختهم

عدي: بس زي ما فهمتك همس لسة متعرفش حاجة وفاهمة ان رعد اتجوزها علشان العملية. 

هنا: تمام وانت بقي عايزني اليومين اللي انا قاعداهم معاها افهمها انه بيحبها من غير ما تعرف اني اعرف حاجة

عدي: الله ينور عليكي. ولو هي حكتلك. حاجة تبلغيني بسرعة علشان اقول لرعد. عايزين نقربهم من بعض يا هنا

هنا: ولا يهمك سيبها علي هنون. انا هخليها اول لما يرجع من شرم. تقولوا انا بحبك يا رعد. كدة هون وش

عدي: ههههههه. والله مش مستغرب تعمليها. يالا انا هروح انام تصبحي علي خير

هنا: وانت من اهل الخير

باااااك

همس: هنا ... هنا روحتي فين

هنا: فاقت من سراحانها. ايه لا انا معاكي اهو. طيب احكيلي انتي انتوا اتعرفتوا علي بعض ازاي

همس: انا حبيتك ودخلتي قلبي. وهحكيلك بس اوعي رعد يعرف اني قولتلك

هنا: عيب عليكي قولي بس

همس:بصي يا سيتي انا في يوم كنت ...... 

هنا: اممممم. بس اللي ظاهر علي رعد بيه. انه بيتعامل معاكي اكنك حبيبتوا و مراتوا. مش متجوزك علشان العملية زي ما بتقولي.. 

همس: تفتكري. ولا يكون بيعمل كدة بس علشان الحمل ولاني يعني بصعب عليه علشان ظروفي اللي حكتهالك. 

هنا: لا والله باين جدا. كمان متتخيليش كم التوصيات اللي وصهالي في المكتب. عليكي. كان بجد ملهوف عليكي

همس: اتنهدت. يا ريت يا هنا يا ريت

هنا: بقولك ايه انا من ساعة ما دخلت الولية اللي شغالة عندكم دي ماجبتليش حتي كوباية مياه. انتوا بخلاء ولا ايه. 

همس: ههههههه. لا هخليها تجبلك عصير

هنا: عصير مين يا حاجة. انا جعانة عدي نزلني من غير ما اتغذا

همس: هههههه. خلاص هتفضحينا. تعالي نحضر السفرة مع بعض. 

هنا: يا مرارك يا هنا. كمان هتشغلوني عندكم. كدة اوڤر


في الطيارة


عدي: ايه يا روميو سرحان في ايه اللي واخد عقلك 

رعد: اتنهد. وهو في غيرها. انا مش عارف يا عدي ازاي هيعدي عليا يوم من غير ما اشوفها

عدي:بتحبها اوي كدة يا رعد

رعد: بحبها بس انا بعشقها. انا حاسس ان كل الحب والمشاعر اللي كانت مدفونة جوايا من زمان طلعت بس لهمس. بس خايف متكنش بتحبني زي ما انا بحبها. 

عدي:لا ان شاء الله بتحبك. علي فكرة انا قولت لهنا توقعها في الكلام وتشوف هي بتحس بإيه نحيتك. وتبلغني. 

رعد: ابتسم. بحد يا عدي

عدي: اه والله وساعتها بقي لما ترجع تقدر تتكلم معاها وانت مطمن. 

رعد: ياااااه يا عدي لو كانت هي كمان بتحبني. هكون اسعد انسان في الدنيا

عدي: ربنا يسعدك. انت عمرك ما حبيت ولا عشت حياتك وجه اليوم اللي تستمتع بيه بحياتك مع الانسانة الوحيدة اللي بتحبها

رعد:ابتسم. انا هتجنن ونوصل علشان اكلمها واطمن عليها

عدي: انا كمان عايز اكلم هنا واطمن عليها

رعد: اممم. وحشتك

عدي: احمم. رعد انا قولتلك مفيش حاجة هنا مسؤلة مني مش اكتر

رعد:اكدب علي اي حد غير رعد اللي عجنك وخبزك

عدي: يووووه. اسكت انا عايز انام مصدع

رعد: ههههههه طيب نام واحلم بيها

عدي: هاهاها. ظريف


في شقة معتز اللي بيتقابل فيها مع مها

مها قاعدة في السرير مع معتز

معتز: بيملس علي شعرها. حبيبتي مالها مش معايا خالص

مها: لا ابدا انا كويسة

معتز: لا انتي بقالك فترة. مش معايا بنتقابل قليل. وحتي لما بتكوني معايا بحسك. في دنيا تانية

مها: ابدا مفيش يا معتز. انا بس قلقانة عندي شوية مشاكل مع رعد. وفي الشغل. دماغي فيها 100 حاجة

معتز: طيب حضرتيلي المبلغ اللي طلبتوا منك

مها: اه يا معتز اهو. عندك علي الكمود

معتز: باسها. حبيبة معتز ربنا ما يحرمني منك 

مها: بتردد. معتز عايزة اسألك علي حاجة

معتز: باسها من خدها. اسألي ياروحي

مها: هو لو الظروف اجبرتنا. اننا منتقابلش تاني هتعمل ايه

معتز: لا مش ممكن. انا مقدرش اعيش من غيرك يامها ليه بتقولي كدة

مها: اصل بصراحة انا حامل ورعد عينه عليا الفترة دي. وانا خايفة يعرف اللي بينا

معتز: ايه حامل. من مين

مها:من رعد طبعا

معتز: وانتي عرفتي ازي

مها: علشان انا بحمل بالعملية. مش طبيعي

معتز: اخد نفسه. اه قولتيلي. بس ده يمنعنا عن بعض في ايه

مها: معلش يا معتز احنا لازم نسيب بعض

معتز: بحنية. وهو بيملس علي ايديها. واهون عليكي. ده انا ميزو حبيبك اللي بيبسطك. تسيبيني 

مها:بتضعف. لا بس اصل

معتز:ششش ولا اصل ولا فصل. تعالي وانا هنسيكي كل الكلام ده. واكدلك انك متقدريش تستغني عني 

مها: معتز استني بس 

معتز:............ 


في مكتب توفيق الحديدي

توفيق:انت بتقول ايه يا امين. رعد ازاي

امين: للأسف. هو ده اللي اتوصلتله

توفيق:لا مش ممكن. اكيد المعلومات دي غلط رعد ممكن يكون بيعاندني او بيقف قصادي. لكن ميضربنيش في شغلي

امين: والله مش عارف. بس انا لازم اتاكد واجبلك الادلة علي كلامي

توفيق: لازم تتصرف. لان لو كلامك ده صح. رعد هيشوف مني توفيق تاني العن من اللي يعرفوا. 


في شرم الشيخ 


في اوضة رعد بيكلم همس ڤيديو كول

رعد: طمنيني عليكي انتي كويسة

همس:اه الحمد لله انت وصلت بالسلامة

رعد: ابتسم. اه لسة واصل الفندق. وقولت لازم اكلمك قبل ما اعمل اي حاجة. 

همس: ابتسمت. طيب ربنا معاك بس ابقي كل كويس. وبلاش تشرب قهوة من غير فطار

رعد: هههههههه. حاضر هفطر علشان خاطرك انتي بس

همس: ابتسمت وسكتت

رعد: قوليلي عاملة ايه مع هنا. 

همس: كويسين الحمد لله. دي بنت زي العسل وحبتها بسرعة

رعد: يا بختها. هنا علي حبك 

همس: اتلخبطت.ايه ليه يعني

رعد: اصل يا بختوا بجد اللي تحبيه

همس: بصتله بحب. وسكتت

رعد: ابتسم. ربنا يعدي اليومين دول بقي انا خلاص مبقتش اعرف اقعد من غيرك

همس: تنحت. من غيري انا 

رعد:ابتسم اه من غيرك انتي. 

همس: احمم. اااانا هروح اشوف هنا

رعد:ههههههه. ماشي هكلمك قبل ما انام ماشي

همس: ابتسمت. ماشي وانا هستني تليفونك

رعد: هتوحشيني يا همس

همس: بتفرك في ايديها وبتعض علي شفيفها ومش عارفة ترد

رعد: يا بنتي حرام عليكي قولتلك. شفيفك دي. لو مبطلتيش تاكلي فيهم كدة انا لما هرجع هكلهم انا اريحك منهم خالص

همس: احممم. انا هقفل علشان هنا عايزاني باي. وقفلت بسرعة

رعد: هههههه. طيب والله لما ارجع لكلهم وانتي حرة بقي. 


همس قفلت وهي قلبها بيدق ومكسوفة

هنا: خبطت علي الباب ودخلت. الجميل خلص وصلة العشق الممنوع

همس: وبعدين معاكي 

هنا: قعدت جنبها. قوليلي بس بصراحة انتي بتحبيه

همس: اتنهدت. بحبه بس رعد ده دخل قلبي وعقلي انا بحبه اوي اوي يا هنا بس يارب يكون بيحبني هو كمان

هنا: بس كل تصرفاته بتقول انه بيحبك

همس: بصراحة انا خايفة اكون انا بحبه وهو عايز يقضي معايا وقت وخلاص لحد لما اولد. وبعد كدة يسيبني لما يزهق

هنا: لا لا اللي اعرفته عن رعد بيه انه مش من النوع ده. ده راجل جد وملوش في الشمال. 

همس: خايفة يا هنا اتعلق بيه وبعد كدة افوق علي كابوس

هنا: لا متقلقيش. واسمعي كلامي وافتحي قلبك

همس: ان شاء الله هو بس يرجع بالسلامة دي اهم حاجة

هنا: ان شاء الله ربنا يطمنك عليه. 

همس: انا هقوم اخد حمام  ماشي

هنا: حمام الهنا بالسلامة

قامت همس. وهنا قفلت التسجيل وبعتته لعدي


في شرم عدي بيخبط علي رعد بطبلة عالية

رعد: فتح وهو متعصب. انت مش هتكبر بقي وتبطل شغل العيال ده

عدي: اعمل ايه من فرحتي بيك يا حبيبي

رعد: انت فايق ورايق والله  عايز ايه

عدي: اسمع كدة. وفتح التسجيل

رعد: كان بيسمع وهو مبتسم وقلبه بيدق. 

عدي: ايه رايك بقي مش قولتلك هي البنت هنا دي اللي هتجيب اخرها

رعد: حبيبتي يا همس. علشان كدة كانت بتخاف تقرب مني. فاكرة اني بتسلي بيها. بس ان شاء الله اول لما ارجع هصارحها واريح قلبها 

عدي: ان شاء الله يا لا انا هروح البس علشان معادنا مع الوفد. سلام

رعد: ابتسم. ومرر ايده في  شعره اااه يا همس. ده انا هكلك بس ارجعلك


(((عندما يعشق الرعد))) بقلم ريحانة الجنة 

     (رحم للإيجار)


    (الحلقة السادسة عشر)#ريحانه


وعدي 3 ايام علي سفر رعد وكان كل يوم يكلم همس اكتر من مرة وطبعا المكالمة مبتخلاش من كلام رعد اللي بيكسف همس ولا نظرات الحب اللي باينة عليهم الاتنين. وكمان هنا وعدي بينهم مكالمات. كلها هزار وضحك بيخبي وراه مشاعر وحب 


في شرم الشيخ 


رعد وعدي بيتغدوا. ورعد تليفونه رن

رعد: ... الو ... ايوة يا مروان في حاجة

مروان: ايوة يا رعد باشا انا بس ببلغ حضرتك ان مدام مها جات عند مدام همس

رعد: بعصبية. ايه وهي جاية ليه

مروان: والله مش عارف. هي اتفاجات بيا عند الباب. وسألتني بعمل ايه هنا. قولتلها اوامر رعد باشا. ودخلت انا ومعرفش ايه اللي بيحصل جوا 

رعد: طيب اقفل انت دلوقتي. وخلي بالك من همس اوعي حد يقربلها لو توفيق نفسه انت فاهم

مروان: متقلقش حضرتك

عدي: في ايه مالها همس

رعد: بغضب. مها راحتلها اكيد لقتها فرصة اني مسافر راحت تستفرد بيها. بس ورحمة امي لو اذتها لمحيها من علي وش الدنيا هي وجدها

عدي: اهدي بس مش هتوصل لكدة. هي بس تلاقيها غيرة ستات. 

رعد: غيرة. وهي تعرف ايه عن اللي بيني وبين همس علشان تغير

عدي: يا خلبوص انت مفضوح. اللي يشوف نظرتك لهمس بيفهم علي طول

رعد: هههههه لا بجد باين اوي اني بحبها

عدي: باين بس. ده انت عاشق والهان يا صاحبي

رعد: اتنهد. قريب ان شاء الله اخلص من توفيق. واعلن جوازي منها واعيش معاها من غير قلق

عدي: انا مش عارف دماغك الناشفة دي هتوديك فين. انسي يارعد وعيشى حياتك

رعد: علي جثتي اني اسيبه لازم ادوقه من نفس الكاس اللي شربه لامي ده عهد اختوا علي نفسي من يوم ماماتت ومش ممكن انسي ابدا

عدي: بنفاذ صبر. ربنا يهديك

رعد: بس انا قلقان علي همس. اكيد مها هتقولها كلام سم وماسخ زيها وهمس غلبانة ومش بتعرف ترد. وهتقعد تعيط وتحرق في دمها. ربنا يحرق دمك يا مها انتي وتوفيق في ساعة واحدة

عدي: ههههههه. انت ناسي حاجة مهمة جدا. 

رعد: حاجة ايه

عدي: انت ناسي ان هنا معاها

رعد: اه صحيح. تفتكر هتهدي الموقف

عدي: لا هي مش هتهدي دي هتولع الدنيا.  هنا وانا عارفها. بس لصالح همس. هي دي اللي هتظبط مها. لا تقلق

رعد:طيب انا هتصل بهمس اطمن عليها

عدي: لا مش دلوقتي متخليش مها تشك فيك اكتر من كدة. انا بعد الغدا هكلم هنا واعرف منها كل حاجة


في شقة همس. 

همس وهنا قاعدين في اليفنج بيتفرجوا علي Tv وبيضحكوا. والجرس رن والشغالة فتحت لقت مها

الشغالة: مين حضرتك. 

مها: بقرف. وانتي تبقي مين 

مروان: احمم. دي الشغالة يا مدام مها. وانتي ياسميرة. دي تبقي مها هانم الحديدي مدام  رعد بيه

سميرة: انا اسفة لحضرتك. اتفضلي. 

مها: دخلت بقرف وعصبية. كمان البيه جايبلها شغالة وموقف بادي جارد علي الباب ليه. كل ده علشان البتاعة دي. روحي اندهي للي اسمها همس دي بسرعة

سميرة: حاضر ثواني. 


في الليڤنج

سميرة: دخلت. مدام همس. مدام مها الحديدي برا وعايزة حضرتك

همس: وقفت وهي خايفة وبتفرك في ايديها. مها ربنا يستر

هنا: مالك خايفة كدة ليه

همس: انتي اصلك متعرفيهاش. كل لما تشوفني تسمعني كلام زي السم.وبصراحة انا بخاف منها اوي 

هنا: اممم. ولا يهمك المرة دي احنا اللي هنحرق دمها تعالي معايا واسعي اللي هقولك عليه. 

خرجت هنا لمها لوحدها

هنا: اهلا مدام مها 

مها: بصتلها من فوق لتحت بكبرياء. وانتي تبقي مين انتي كمان

هنا: انا هنا صاحبة همس. وقاعدة معاها علشان اطمن عليها. حضرتك عايزة حاجة ابلغهلها

مها: ليه وهي فين الهانم. 

هنا: نايمة في السرير. تعبانة حضرتك عارفة بقي الحمل وتعبه. اه اسفة حضرتك مجربتيش. مش هتعرفي

مها: اتغاظت من هنا. والله لا اذا كان كدة انا ادخلها واشوفها بنفسي

هنا: يا سلام تنوري. اتفضلي معايا


في اوضة همس

همس: قاعدة في السرير زي ما هنا فهمتها

هنا: دخلت ووراها مها. اتفضلي يا مها هانم

مها: دخلت. وبصت لهمس بغل. خير ايه اللي تاعبك يا حلوة

همس: بقلق. ابدا شوية تعب كدة

هنا: مش قادرة اقولك يا مدام مها. همس يا حبيبتي طول الوقت دوخة وتعب وترجيع. ووحم

مها: وحم؟ وهي لحقت دي يا دوب مكملتش 3اسابيع

هنا: عادي حضرتك الوحم. من اول اسبوع. ربنا يقومها بالسلامة ويفرح رعد بيه. اصله يا حرام اتحرم كتير. بس ان شاء الله قريب همس هتجبلوا البيبي اللي بيتناه. بدل الحرمان اللي كان فيه

مها: بتجز علي سنانها. اه ماهو ابني انا كمان الهانم دي شايلة ابني انا ورعد. يعني مش ابنها هي

هنا: وماله المهم. انها شايلاه. اصل هضرتك متقدريش تشيليه ربنا يشفيكي. بس متقلقيش همس هتفرحكوا. 

مها: هقول ايه. ما انتي اكيد زيها تربية شوارع

هنا: تؤتؤتؤ. وهو ينفع بردوا تخلي واحدة تربية شوارع تشيل ابنك في بطنها لا ملكيش حق.وبصوت عالي.  خديه بقي لواحدة بنت زوات تشيلهولك. علشان تقول لكل الناس وتفضحك

مها: بعصبية. انا ماشية كاتكم الارف. 

وخرجت مها وهي مش طايقة هنا ولا همس

هنا: ههههههههه. شوفتي كانت هتفرقع من الغيظ

همس: بس انا خايفة تقول لرعد ويزعل 

هنا: لا متفلقيش حتي لو قالتلوا. مش هيزعل. هو بيزعل علشانك انتي بس يا موزة

همس: ابتسمت. تفتكري يكون بيحبني زيها

هنا: يارب البت دي هتجلطني. زيها ايه بس يا همس. رعد بيه مبيحبش مها اصلا كان متجوزها علشان خاطر جدو. ده اللي سمعتوا في الشركة 

همس: بتكلمي جد 

هنا: طبعا جد جدا. هو بيحبك انتي وبس وده واضح

همس: اتنهدت اه يا هنا ياريت نفسي اسمعها منه اوي

هنا: اوعدك هتسمعيها بس المهم تعملي اللي هقولك عليه بكرة لما يرجع اتفقنا

همس: ابتسمت اتفقنا


في شرم 

عدي: ههههههههه. اه والله هو ده اللي حصل لسة قافل مع هنا

رعد: ههههههه البت هنا دي طلعت مصيبة بجد 

عدي: مش قولتلك هي دي اللي هتظبط مها. بس بتقولي همس هتموت من الرعب خايفة منك لتزعل

رعد: انا مش عارف هي بتخاف مني ليه مع اني بحاول اكون هادي معاها ومتنرفزش.وبعاملها بحب والله 

عدي: معلش اعزرها اللي حصلها في حياتها وجوازها منك بالطريقة دي اكيد ملخبطها 

رعد: ابتسم. ارجعلها بكرة بس وانا هنسيها كل حاجة. 

عدي: بتفكر في ايه يا خلبوص

رعد: ملكش دعوة خليك في هنا

عدي: اتنهد. انا تعبان اوي يارعد

رعد: انت اللي وتاعب نفسك.

عدي: خايف. خايف اكون اناني واظلمها معايا

رعد: لا انت بتخبها وهي كمان بتحبك فين الظلم

عدي: لا انا مش متاكد اني بحبها. خايف اكون بحب الشبه اللي بينها وبين حلا. خايف يكون كل ده حنين لايامي مع حلا

رعد: بس حلا غير هنا. ممكن يكونو شبه بعض. لكن شخصيتهم مختلفة. الاتنين دمهم خفيف وبيحبوا الهزار. لكن هنا مختلفة وانت حبيت شخصيتها مع شكلها. حاول ترتب افكارك وتاخد قرار

عدي: اتنهد وبحيرة. ان شاء الله


وتاني يوم هنا وهمس في اوضة النوم قصاد الدولاب ومطلعين هدوم كتير. 

هنا: بعد حيرة. طلعت فستان. وابتسمت بس هو ده

همس: هزت راسها لالا ده قصير وعريان اوي اتكسف

هنا: خبطت راسها بإيديها. الصبر يارب. يا حاجة همس رعد يبقي جوزك مش غريب وربنا

همس: ايوة بس انا عمري ما لبست كدة قدامه. 

هنا: لا من هنا ورايح تتعودي يكون ده لبسك. وكمان الراجل مدلعك وجايبلك محل ملابس هنا وحاجات تجنن خسارة فيه تلبسيله الحاجات الحلوة دي. 

همس: امري لله لما اشوف اخرت نصايحك دي ايه

هنا: اخرتها عنب وبكرة تدعيلي تعالي بقي البسي بسرعة علشان اعملك شعرك واحطلك ميكب يجنن. خلاص فاضل ساعة ويوصلو. 


وهمس فعلا لبست الفستان وكان اسود وقصير لمنتصف الفخد. وكب وهنا عملتلها شعرها هو اصلا ناعم بس بقي احلي وستبته حر من غير نا ترفعه. وكان شكله تحفة مع طوله ولمعانه. وحطتلها هنا ميكب هادي بس اضافلها سحر وانوثة جميلة 

هنا: صفرت بإعجاب. مش ممكن حته مزة جنان

همس: مكسوفة وبتبص لنفسها في المرايا. بس انا مش عارفة انا ازاي هقبله كدة. 

هنا: لا ابوس ايدك متضيعيش تعبي علي الفاضي. اهدي كدة واجمدي


في الوقت ده الجرس ضرب وطبعا رعد ضرب الجرس لوجود هنا في البيت

هنا : العب حبيب القلب وصل. اسيبك انا بقي وامشي 

همس: والله انا زعلانة علشان مش هتقعدي معايا انا حبيتك

هنا: ماانا هبقي اجيلك. وهنتكلم في الفون متقلقيش. اهم حاجة تدلعي الغلبان ده. 

همس: ضربتها في كتفها. بس عيب 

هنا: هههههه ماشي يا مكسوفة هانم. سلام

خرجت هنا لرعد. 

هنا: ازي حضرتك يا رعد بيه حمد علي السلامة

رعد: الله يسلمك. هي همس فين

هنا: همس في اوضة النوم انا همشي وحضرتك ادخلها 

رعد: ليه هي تعبانة 

هنا: لا ابدا هي كويسة متقلقش. احمم علي فكرة . سميرة الشغالة هتنزل معايا هي اجازة النهاردة. 

رعد: تمام مع السلامة وشكرا ليكي يا هنا تعبناكي معانا

هنا: لا متقولش كدة انا حبيت همس جدا. ربنا يسعدكم سلام بقي. ومشيت هنا وسميرة


ورعد دخل لهمس واول ما فتح الاوضة سهم لما شافها وفضل يبصلها بإعجاب من رجلها لحد شعرها اللي جننه. 

رعد: صفر صفارة عالية. يخرب عقلك ايه الجمال ده. 

همس: وشها احمر ومكسوفة. احمم حمد علي السلامة

رعد: ابتسم وقرب منها. وحاوطها بإيده وقربها ليه. وهو بيلعب في شعرها. ايه الجمال ده انا مش مصدق

همس: بخجل. هو انا كنت وحشةقبل كدة

رعد:تؤتؤتؤ انتي من اول ما شوفتك وانتي احلي واجمل واحدة شافتها عنيا. 

همس: انت قولتلي قبل ما تسافر انك هتتكلم معايا لما ترجع صح

رعد: وهو بيملس علي خدها ورقبتها بحنية. مع ان ده مش وقت كلام بس انا هقولك. همس انا بحبك. 

همس: بصتله بحب. بحد بتحبني

رعد: هز راسه. اه بحبك من اول يوم شوفتك فيه وانا بحبك. بعد لما خبطتك بالعربية ومشيتي كنت كل يوم اروح ادور عليكي في نفس المكان واتمني الاقيكي

همس: انا مش مصدقة بجد يا رعد

رعد: اه بجد يا قلب رعد ولما قابلتك وانتي بتجري من ناجي وقعدنا واتكلمنا. استنيتك تيجي زي ما اتفقنا بس انتي مجتيش. واول لما شوفتك عند هادي وعرفت منك كل حاجة صممت اتجوزك علشان متهربيش مني  تاني

همس: دمعت. يعني انت متجوزتنيش علشان العملية

رعد: تؤتؤ انا اتجوزتك علشان بحبك بحبك يا همسة قلبي

همس:ابتسمت بدموع همسة قلبك. 

رعد: ابتسم. ومسح دموعها. ايوة انتي همسة قلبي اللي دق لاول مرة لما شوفتك وانتي بين ايديا وانا بفوقك. همس بتحبيني 

همس: بحبك بحبك اوي اوي

رعد: قرب منها وباسها بحب وشوق ولهفة لانه يسمع الكلمة دي منها. وبعد عنها بهدوء وهو بياخد نفسه. بحبك بحبك

همس: حضنته اوي

رعد: ضمها اكتر وشالها. ونايمها في السرير. ممكن بقي تشرحيلي انتي لبستي الفستان ده ازاي. 

همس:اتكسفت. 

رعد:بخبث. خلاص انا هكتشف بنفسي ....... 


في عربية عدي 

عدي: عاملة ايه يا كارسة

هنا: انا كارسة. والله انا غلبانة

عدي: هههههه بس تعرفي وحشتيني

هنا: اتكسفت. احمم وانت كمان وحشتني غلاستك

عدي: يا بت اتلمي انا غلس ده انا عسل 

هنا: والله ومين بقي اللي كدب عليك وقالك كدة

عدي: بمكر. كل الستات اللي كانت في المؤتمر عكسوني

هنا: اتغاظت. ستات اه وانت بقي كنت رايح تشتغل ولا تتعاكس

عدي: وانا مالي هما اللي بيعاكسوا. والا جاكلين اللي مع الوفد الايطالي. اوففف صاروخ

هنا: بتبرطم. جتك صاروخ في دماغك

عدي: ابتسم سمعتك علي فكرة

هنا: وست جاكلين دي مالها هي كمان هو احنا نخلص من نافتلين ندخل في جاكلين

عدي: رفع كدفه ببراءة. وانا مالي اسأليهم 

هنا: اوففف ربنا يخدهم. 


في شقة رعد وهمس

همس: نايمة في حضن رعد. 

رعد: بيملس علي شعرها. متتخيليش انا كنت بتمني اليوم ده من امتي من اول مرة شوفتك فيها 

همس: هتصدقني لو قولتلك وانا كمان

رعد: ابتسم بس مكنش باين عليكي ليه

همس: وهي بتحضنه اوي. كنت بكدب نفسي علشان ده كان حلم بعيد. صعب يتحقق. رعد انت كنت بالنسبة ليا زي نجم في السما وانا عارفة اني مش هاطوله

رعد: رفع وشها ليه. انتي اللي نجمة في سمايا. من اول ما شوفت عنيكي وانا وسحرتني. وقتها حسيت ان نفسي اخدك في حضني واخبيكي

من يومها وانتي مغبتيش عن بالي لحظة. طول الوقت بفكر فيكي

همس: وانت كمان كنت ديما في تفكيري ومش بتغيب عني. اوقولك حاجة محدش يعرفها ابدا

رعد: ابتسم وباسها من خدها. قولي يا نور عيني

همس: انا حلمت بيك من اول يوم شوفتك فيه كنت بحلم بيك كل يوم. 

رعد: هههههه. تعرفي وانا كمان 

همس: مش معقول حلمت بيا

رعد: اه حلمت بيكي كنت دايما اشوفك في محنة وبتندهي عليا وخايفة

همس: وانا كمان كنت دايما احلم اني بجري من حد وخايفة وكل مرة الاقيك تظهرلي واجري علي حضنك. 

رعد: يااااه يا همس معقول بنحب بعض للدرجة دي. انا عمري ما كنت اتخيل اني احب وقلبي يدق. طول عمري يقولوا عليا حجر صوان. وباس ايديها. وابتسم بس الحجر ده لان علي ايدك. من اول نظرة

همس: رعد اوعي تقسي عليا ولا تسيبني انا مليش غيرك

رعد: مش ممكن اقسي عليكي انتي روحي. وحبيبتي ونور عيني وحبي اللي مصدقت الاقيه. مش ممكن اسيبك ولا ابعد عنك. 

همس: بس انا خايفة


رعد: خايفة من ايه يا حبيبتي

همس: من جدك ومن مها مراتك يضغطوا عليك بعد ما اولد تطلقني

رعد: قرب منها وباسها. لازم تعرفي ان مش رعد الحديدي اللي حد بجبروا علي حاجة ولا توفيق ولا مها. انتي هتفضلي مراتي لحد ما اموت مش هتبعدي عني ابدا

همس: بس .. 

رعد: من غير بس بصي يا روحي انا هفهمك. انا عمري ما حبيت مها ولا هي كمان حبيتني. احنا اتجوزنا بس علشان رغبة توفيق. وانا وافقت بس علشان انا ليا طار عند توفيق ومش هعرف اخده الا لما اتجوز مها. كل السنين دي بحاول اكون قريب من شغله. علشان اضربه فيه وفلوسه كلها لازم تبقي ليا. مش طمع لا بس انا لازم ازله واكسره زي ما عمل في امي

همس: امك هو جدك اذي امك. 

رعد: غمض عنيه وجز علي سنانه. اذاها بس ده بهدلها وكسرها وشغلها خدامة. لحد ما ماتت. ودمع دمعة مقدرش يخبيها. 

همس: قربت منه ومسحت دموعه. حبيبي انت شكلك موجوع قوي. 

رعد: لاول مرة يبكي بجد. 

همس: اخدت راسه في حضنها. حبيبي انا اسفة اني فكرتك  والله مش اقصد . حقك عليا

رعد: حضنها اوي وهو بيبكي. امي اتعذبت اوي يا همس توفيق ذلها اوي وانا كنت صغير و ضعيف ومش قادر اعمل حاجة. 

همس: دمعت علشانه. وطبطبت عليه خلاص يا حبيبي ربنا رحمها. المهم انت تحاول تنسي 

رعد: رفع راسه من حضنها. لا يا همس مش ممكن انسي ابدا. انا لازم انتقم منه. همس انا عايز افهمك ان محدش هيعرف ان جوازنا طبيعي ولا اللي بينا غير عدي وهنا. الكلام ده بس لحد لما تولدي وتوفيق هيكتب كل املاكه لاولادي. وساعتها انا هعرف انتقم منه. كمان انا خايف عليكي. توفيق لو عرف اني بحبك. ممكن يأذيكي. 

همس: مسكت وشه بإيديها. حبيبي انا مش مهم عندي اي حد يعرف اللي بينا. المهم عندي انك بتحبني وبس. دي عندي بالدنيا واللي فيها. انا ممكن اعيش عمري كله كدة والله مش هشتكي. المهم اكون جنبك. 

رعد: ابتسم. وباس ايديها اللي حاضنه وشه. حبيبتي يا همس ان شاء الله اخلص اللي بيني وبين توفيق. والعالم كله هيعرف اني بحبك. ومحبتش غيرك يا عمري. 

همس: ابتسمت. ولا انا عمري حبيت غيرك انت حبيبي

رعد: ابتسم. تعرفي انا سمعت الكلمة دي في حلمي بيكي قبل ما نتجوز 

همس: ههههه بجد

رعد: اه والله قولتيلي كدة بالظبط. همس اوعدك اني اعوضك عن كل التعب اللي شوفتيه. وانسيكي اي وجع واي ألم . علي فكرة انا عايز اقولك حاجة مهمة

همس: حاجة ايه

رعد: ابتسم. وحط ايده علي بطنها. اللي بطنك دول ولادك وولادي مش من مها

همس: تنحت. بجد. ولادي ازي دكتور هادي قالي ان العينة منك انت ومها

رعد:تؤتؤ كداب. مها اصلا متقدرش تخلف. وكل العمليات اللي عملتها قبل كدة. مكنتش هي صاحبة العينة. وهما كانوا بيخبوا عليا. 

همس: فرحت. وحضنت بطنها. يعني دول ولادي بجد. انا فرحانة اوي

رعد: حبيبتي. انا اللي فرحان. وبخبث. مع اني كان نفسي يجوا طبيعي مش بعملية

همس: هههههههه.معلش ملناش نصيب

رعد: نعم ليه بقي المرة الجاية يجوا طبيعي. 

همس: تاني. 

رعد:تاني وتالت ورابع. احنا ورانا حاجة

همس: ههههههههه. 

رعد: لا انا بعد الضحكة دي لازم اسلم علي ولادي حبيبي

همس: بخجل. تاني

رعد: انتي بتعدي عليا ولا ايه. واحنا ورانا ايه يعني السهرة النهاردة صباحي. دي دخلة يا قلبي.........


انتظروووووني


بداية الروايه من هنا


🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇 


أجدد وأحدث الروايات من هنا



روايات كامله وحصريه من هنا


وكمان اروع الروايات هنا 👇


روايات جديده وكامله من هنا


انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺

الوسوم:

إرسال تعليق

أحدث أقدم