ومامفر النصيب الفصل الأول بقلم الكاتبه بقلمي_سيرين_سوسو SirinSos حصريه وجديده
 |
ومامفر النصيب الفصل الأول بقلم الكاتبه بقلمي_سيرين_سوسو SirinSos حصريه وجديده
مقدمة
لكني لا أتجاهلك أنا فقط أريد أن أعفيك من الأسئلة التي لا إجابات لها، من الأخطاء التي لا أعذار لها، من الغياب الذي لا كفارة له، لكنّي لا أتجاهلك، أنا فقط أخاف أن أكتب لك: أنا أفتقدك، فتكتب لي: وأنا أفتقدك أيضًا، الإجابة التي على حجم السؤال غبية خاطئة جدًا.................................
توضيح_قبل_ما_نبداو
الاسئلة لي راح تتكرر القصة حقيقية؟ولالا؟! و اقعية ولالا؟! القصة حقيقية ومن واقعنا و صاحبة القصة راهي هنا فالقروب ربي يحفظها ويخليها يعني اي هدرة راح تهدروها راح تقراها والقصة كاملة عندي يعني مولات القصة بعثتلي كل تفاصيلها وانا نعاود نكتب و نحاول نوصل القصة للقرأ يعني ليكم نتوما حبيباتي والقصة فيها عبر كبيرة ان شاء الله تنال اعجابكم و شكرا نحبببكم كريستالاتي 💋💋
Parti_1
قاعدة في صالو نقرع فالريزولتا نتاع الباك خويا يعيط منهيك ختي مهيش مكسرة راسها بيه ماما الخلعة حكمتها وانا قلبي راح يخرج من بلاصتو حتى سمعت خويا يعيط هو و بابا ويما تبكي دخل لبابا للبيت وجهو معرفت اسكو فرحان ولا مقلق_ليليا بنتي ارواحي هنا_رحتلو باسلي راسي الف مبروك ابنتي يما تعنق فيا وتزغرت بصح انا نجحت وللاسف اختي منجحتش.
...............................
قبل ما نبدا نحكيلكم نعرفكم بروحي انا اسمي ليليا شعري اكحل توت وطويل و عينيا عسلي كل واحد واش يقولي و شفاري كحولة وغاثين و لعين كامل جايتني من شعري فيا مواصفات كل بنت يعني كان عندي لاطاي مناطق انثوية تاني نبان كبيرة على عمري حنا في دارنا الحمدلله بابا عندو جناين نتاع الفاكهة هذاك الوقت كنا ساكنين في برطما f4 و عائلتنا مكونة من خويا لكبير(ياسين) وخويا (نزار) من بعد تجي ختي (حفصة) وانا واختي توأم ليليا و هي اسمها سيليا(هههههههه اختك سبابك يا عمري تهبلو منبعد ونرجعولها) نرجعو شويا لوين كنا.
عامنا نتاع الباك ختى سيليا تلهات على قرايتها بيسك تعرفت على واحد وقرايتها هملتها و انا وصاحبتي ميرال كنا نقراو قلب ورب بيسك مكنش حطين حاجة من غير قرايتنا في راسنا (ميرال صاحبتي و ختي لي مجبتهاش يما من الابتدائي وحنا مع بعض انا وهي و سيليا فوق ما تتصورو منخبيو حاجة على بعض و مزلنا لدرك تسكن في لكارتي لي مقابلني وصلنا لترمينال عدينا مع بعض و في اخير انا وميرال جبناه و ختي مجابتوش بيسك تلهات مع العشق و الحب من نظرة الاولى هههه و خلات قرايتها وفي الاخير رحت انا معاها في الجرة_بعدما جبنا الباك كانت الفرحة وسعتني جبتو بمعدل مليح ناس تبارك و تعاود بصح كيما قلتلكم تجري المياه على مجاريها خويا امين مكانش قابل باش نروح للجامعة لفاك بما انو منجحتش ختك متروحيش و مدام لحقتى للباك يكفيك ويوفي ومتفرحيش بزاف و هدر حتى مع يما و بابا وقنعهم وصح تقبلو هدرة خويا و انو منكملش الجامعة و كون نجحت ختي كون قرينا كيف كيف في لفاك نتما كان مصيري يتعلق بنجاح ختي واش نقولكم لبكاء لي بكيتو ندبت فحمت بالبكاء لكن بدون جدوا قد ما بكيت ومزالو حكمين في هدرتهم حتى ميرال راحت في الجرة معانا بيسك ميرال تاني باباها مقبلش بيسك كان لازم نخرجو خارج الولاية وقالها الحال بعيد و مقبلهاش الاقامة حتى هي مقالتش لالا على خاطر انا و سيليا مدام مخلوناش تسما جاتها عادي والحق يقال (هذاك الوقت الليسي كان قدامنا تسما غلطة بفلقة🤣 تغلطي تخلصي مكانش اللعب بيسك كانو جيران و لافامي يدورو وتعرفو الهدرة توصل في دقيقة كي البرق 😂 ما عشقنا ما صاحبنا من الخوف سيرتو مجتمع نتاعنا حتى تيلفون كان حطبة الو وبزاف عليك و تحت المراقبة تاني ) قتلكم مخلوناش نكملو للجامعة حطونا قدام الامر الواقع قبلنا وسكتنا .
❤️🌺🌹❤️🌺🌹❤️🌺🌹❤️🌺🌹❤️سمعت رافاي يصوني او شحال ساعة هزيت تيلفون عين مفتوحة وعين مغلوقة اه يخاه نسيت ليوم نخرج مع ميرال باش نشريو زربت نضت دخلت درت دوش وتوضيت خرجت صليت لبست حيجاب غوز خيمار غوز بسكات بيضا ساك بيض درت شوي ڨلوص بيسك ملامحي تقول وحدة دايرة مكياج(احم متقولوش تشكر في روحها سقسيو سيرين تقولكم 😂) هزيت تيلفون وهبطت لقيت غير يما فدار سلمت عليها لقيتها عڨاب الكوزينة تموت عليها هبالها وهبال الكوزينة😂_وي صباح لخير بنتي وين غادية دروك(وين رايحة)وحطتلي لفطور راني خارجة مع ميرال ندورو و نشري دواء لخالتي (ام ميرال)من لفرماصين _روحي ومطولوش علابالك بخوك وهبالو لا ترقدي بطريحة ليوم ايه يما مهم كي يسقسيك عليا قوليلو راحت تشري دواء ونجيو (تقريبا امهات ديما يديرو هكذا 😂) فطرت بزربة وخرجت عيطتلها فالتيلفون قاتلي راني برا نستنا نتي طولتي راني جاية و صلت لقيتها تستنا _ صباحوو قلبي بعد تسلام و حبي ووووو طبعا مهم قعدنا ندور هملنا هذاك نهار وفى الطريق تفكرنا دواء _اسمعي مدام لقينا هذا الفرمسيان في طريقنا نشرو دوء لماما نتاع ليسطومة _ايه قطعنا طريق دخلنا شرينا هي قعدت تخلص وانا نشوف فالاعلانات داني فضول بديت نقرا فيهم نحب نعرف كلشي 😂🥹 لقينا اعلان فى الباب تاع الفرمسيانحتى جات ميرال_هي انتي ستحليتيها وتقراي 😂_اصبري دقيقة شوفي هذا كاين معهد يسجل لى عندهم الباك فى تكوين شبه طبي ومساعد طبيب ومساعد صيدلي وحاطين ارقام الهواتف _ميرال حبست اصبري اصبري مليح هذا اعلان خزرت فيها هههههههه _راكي تخممي واش راني نخمم عجبنا الاعلان هزينا الارقام و خرجنا رايحين لدار هي راحت لدار هم باش تهدر مع باباها وانا رحت لدار. .............................................................
فى الدار هدرت مع ختى حفصة قنعتها تهدر مع بابا و خويا ياسين بسك اذا عطاوني الاك نزار ميدير والو (ختي حفصة كانت كيما امنا تمدلنا نصائح لى متعطهمناش ماما توصينا هيا كانت مزوجة فى هذاك الوقت و ياسين خاطب كما كان حال ختي تموت علينا قصدتها برك لغدوا من داك جات 😂😂تجري_واش يا ختي جيتي_وكي منوقفش مع ختي شكون لي يوقف معاها _عنقتها و بستها ربي يخليك ليا نشالله _قاتلي خليني نهدر مع خوك لمشعطط مدامو مع باباك ونتي اقعدي هنا _ راحت لقاتهم ڨاع فاصالو رحت نتصنت عليهم_بديت نسمع فيهم تقولو ليليا راهي لقات اعلان مليح تقرا فالمعهد عامين والمعهد معتمد من طرف الدولة يعنى موراها تخدم بيه عادي و فيهم ثقة وكلشي موثق وووووووووو و بعد محاولات كبيرة قبلو زربت روحت لاشومبر هزيت تيلفون نعيط لميرال لقيتها عيطتلي ديجا 🤭 هزيت عليها_زغرتي راهم قبلولي نسطاجي بسيف_والله يا ميرال راكي عارفة ياسين راهو قابل بصح حتى لازم يتأكد _فيها خير حبي نشالله بعد ما هدرنا وقصرنا كوبيت _رحت لكوزينة كشما ناكل _لقيت ياسين في وجهي............................... يتبع
منقولة
الفصل الثاني والثالث والرابع والخامس من هنا
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺