رواية مامفر النصيب الحلقة الثانية والثالثة والرابعة والخامسة بقلم SirinSos حصريه وجديده وكامله جميع الفصول
 |
رواية مامفر النصيب الحلقة الثانية والثالثة والرابعة والخامسة بقلم SirinSos حصريه وجديده وكامله جميع الفصول
Parti2
وقصرنا كوبيت _رحت لكوزينة كشما ناكل _لقيت ياسين في وجهي _راكى حابة هذا الدومان _قتلو ايه انا من قبل نحب ندير لناس وعلاه منكملش ندير خدمة فى يدي وخلاص _منهدر والو حتى نشوف المعهد ونرجعلك الخبر لكان معجبنيش من دروك نقولك ممنوع راح وخلاني هكذاك (خويا متشدد علينا و عندو الحق مجتمعنا ميرحمش و راكم تشوفو لوين وصلنا للاسف)_و علابالي بيه ما تقدر تنقعو غير خطيبتوو(هداية) هزيت تيلفون عيطتها _الو مرت خويا لغالية توحشتك واش راكي 😂_منين نزلت لمحبة اواه اهدري واش كاين_ قلتلها ربي يعيسك اقنعي مقلوعك علابالي درك يقولك بلي ليليا تحوس تقرا معهد شبه طبي اقنعيه حرمونى من قرايتى خلينى نسطاجي ندير خدمة فى يدى_دك نهدر معاه و فيها خير علابالي يخليك مدام بلاصة مليحة _وصح قنعاتو و قبل رحت قعدت مع بابا _بابي _ارواحي هنا قعدت حداه_تحوسي تقراي فالمعهد قتلو وي بابا لواش نقعد فالدار و زيد مراحش تبقا نتا تصرف عليا _واشنو هذي الهدرة_كبرتي وليتي تعرفي تهدري _مشي قصدي هكذاك بابا مهم ابنتي ربي يوفقك ان شاء الله_هكذا دخلت سيليا_واش صاري هنا 😂_راح ندخل نقرا فالمعهد شبه طبي_وي مليحة _مهم قعدنا مقصرين فليل فالعشا كي قعدنا.باش نتعشاو جا ياسين ومع نزار دخلو مع بعض_هذاك يبحلق فيا نتاع منقدر نهدر والو لا مع ياسين ولا مع بابا _قالي خلاص من غدوا انا نوصلكم _فرحت بزاف كي قبل_تعشينا غسلت لماعنا كي كملت قعدنا مقسرين انا و حفيصة و سيليا مع حب قلبها هي تقول عشق الممنوع 🤭مهم سهرنا مع حفصة قصراتها ميخلصوش تحكي كلش 😂😂 عادي..................................................................
صباح بكرنا عيطت لميرال قاتلي راني واجدة نضت لبست كيما موالفة وجدت هزيت ساكي وهبطت لقيت ياسين يستنا فيا ركبنا فالطنوبيل رحنا لدار ميرال هزينها و رحنا كيما كان الحال وصلنا خويا هدر مع جماعة ثما قالولو كونفيونس مكاش واش تخاف و ماشي مخلطة سجلنا ودفعنا الدوسيات عطاونا الاكي والجدول تاع الايام لى نقراوهم كنا كما المدرسة نقراو 3 ايام فى السمانة الاثنين الثلاثاء والاربعاء والخميس تطبيقى يدونا لسبيطار ونتعلمو ثما_هذاك الوقت في سبتمبر باش نبدوا يعني كنا في صيف طبعا قبل مانبداو _سيليا ختي جاء دارو( تعينة) يعني حط عليها الكلمة محبوب القلب و خرج راجل معاها وقال وقت موجد روحو يديرو كلش مع بعض و يديها .
لحق سيبتمير ولحق وقت السطاج قريت عامي الاول عادي من الدار المعهد من المعهد لدار الصيف الثانى جدي بابات ماما مات و راكم تعرفو هذا ورث و وووو مهم خوالي قسمو ورث و ماما مدولها حقها دات (كركاسة) يعنى فيلة مهيش مكملة ڨارجات من التحت والفوق غير البوطوات كانت في بلاصة هايلة وسط لافيل بيسك حنا وين كنا نسكنو جابدين شوي كارتي غير نتاع باطيمات برك مهم قرر بابا يكمل السكنة ثما ونخلو البرطما لى حنا فيها لياسين كي يتزوج.
عامي ثاني وهنا وين بدات قصتي وكيما قاتلكم سيرين #وما_مفر_النصيب؟ و فعلا دنيا هذي كل واحد ونصيبو فيها ................................... يتبع#وما_مفر_النصيب
#الكاتبة_SirinSos
❌#مـــــمــــنـــــوُع_آلَنـــقـــــل_بــــــدوُن_إذنـــــــي❌
#Parti_3
بابا يكمل السكنة ثما ونخلو البرطما لى حنا فيها لياسين كي يتزوج.
عامي ثاني وهنا وين بدات قصتي.......
.......................................
كيما قتلكم عامي ثاني وين بدات قصتي
❤️🌺🌹❤️🌺🌹❤️🌺🌹❤️🌺🌹❤️صباح سمعت رافاي هزيت راسي لقيتها قريب 8 ليوم تاني عندنا قرايا زربت نضت توضيت صليت لبست هبطت لقيت ماما قعدة تغسل سلمت عليها و خرجت بلا فطور فتت على ميرال لقيتها كيما العادة تستنى فيا البرا _رايحة تهبليني ديما روطار من تأخر نتاعك مشكل ترقدي بكري وتنوضي روطار ما عندك صاحبك تسهؤي معاه لا حبيب لا قريب حتى تيلفون و راكي تشوفي حالتنا😂_نضت نضحك عليها اخطي جرتي وهي خلينا نفوتو مهم روحنا بعد تعب كبير خلصنا_ايا مدام خلصنا نروحو نفطرو مهم لقينا ريسطورو مليحة كنا ساعة على ساعة نروحولها مهم فطرنا كي كملنا رحنا نخلصو_وي خويا بشحال_فطوركم خالص _قتلو شكون_اشارلي بيدو_هذاك لي راهو قاعد بظهرو_واش نقولكم واحد لمقطع(من زوفر 😂 لمقطع يعني ملقط) موشم في رقبتو _راك سير هو_ايه هو واش حسبالو هذا_خزرت في ميرال نتاع متسكتينيش حسبالو طلالبة عندو زريعة لكلاب(😂لسانها ديما غالبها) مهم كي قالي ايه هزيت دراهم و رنفطرو ككملنا رحنا نخلصو قالى فطورك خالص قتلو وشكون خلصو ورالى وحد المقطع موشم فى رقبتو قتلو راك سور هوا قالى ايه رفدت دراهمي ورحت ليه كان قاعد مع واحد حطيتلو الدراهم فوق الطابلة_خزر فيا واش تسحقي نتاع واحد يستفز فيك ويخزر فيا من فوق لتحت_ قتلو هذو زوج دورو دراهمك كي تحب تصدق صدق على كاش طلاب معندوش و ملاقيش واش ياكل برا فهمت ومشيت حتى نحس جبدنى من خيمارى وشعرى بان قعدت فى لرض وغطيت شعري بيديا ونعيط ونبكى تم تم حسيت بفيستا تحطت فوق راسي والسب والتطياح داير حالة ميرال جات تزرب عندي طلعتلي الفاست عدلت خيماري (هذي العوايد تصرا و صح فعلا سيرتو خماج لي عندنا فالالجي 🤐 ياو ميخليو لا كبير لا صغير مشكل حتى شياب و يضلمو برا😂😂 خليوني نكمل نكتب) ونوضتني ميرال درت لقيت جان مقدرتش نميزو كان اسمر يضرب فالي تبلاني و نحالي خيماري مخلاش فيه (شح مح من عندي اواه يا ليليا) وهذاك يسب بلمقلوب و يكفر وندير فيك وفيك علابالك شكون انا راك غلطت وصاحبو يفرق فيهم اما هذاك كلمة ما هدرها يضرب برك يعني اليدين يخدمو في خدمتهم كل كلمة بضربة 😂حتى جاو سلكوهم لي كانو ثم و حاوزوهم مول الرسطورو وانا شادة الفاست تاعو حاكمة فيا ميرال_امشي امشي من بكري نقولك هذو يديرو اي حاجة ميحترمو لا كبير لا صغير _مهدرتش معها خرجنا _لقيت هذاك لجان جاي لعندي_سلام راكي مليحة ياك مصرالك والو_شفت فيه لاباس وشكرا ربي يعطيك ما تتمنى شفت فيه و منيش موالفة نخزر في واحد فى عينيه كانو عينية ماغو كلاغ تقول زجاجات لونهم يهبل مطراسي لحيتو زينو عادى ماشي يخلع بزين بصح عينيه وحدهم يقتلو اه ربي ربي 🫠🫠(لبنات قاتلهم مشي يخلع بزين بصح انا شفتو يهبل اسمر شعرو كحل توت و عينيه ماغو 🥰🥰 مهم متحسبونيش نكحل برك 😂😂 فكرتوني كاين تفصيل نصيتو ليليا و سيليا فوطو كوبي على بعض يعني فس زوج عطاهم ربي حقهم في زين غير سيليا عندها خانة كبيرة فوق حاجبها هنا وين يقدرو يفرقو بيناتهم )_مديتلو الفاست نتاعو و عاودت شكرتو تبسملي و خزر فيا مليح وراح بدون اي رد😬.......................... يتبع
هنا وين بدات تبان القصة ولا مزالت غامضة شوي ايا حبيباتي ارائكم و تحليلاتكم يا درا شكون هذا و كيفاش راح تكون بداية الحكاية نتاع ليليا (متسقسونيش بيسك انا علابالي 😂😂)#وما_مفر_النصيب
#الكاتبة_SirinSos
❌#مـــــمــــنـــــوُع_آلَنـــقـــــل_بــــــدوُن_إذنـــــــي❌
#Parti_4
مدتلو الفاست نتاعو و عاودت شكرتو تبسملي و خزر فيا مليح وراح بدون اي رد😬 انا وميرال زربنا روحنا بيسك لوكان شافوني خاوتي يقتلوني و يرموني برا وهي طريق كامل نتي متزيديش تهدري و لوكان مسلككش منعرف واش صرا تتفضحي وعلابالك كل دورة يوقف. واحد عند رجليك(على خاوتها وخاوتي)و لعرب تاعنا فدقيقة الهدرة توصل لدار وبعد ارواحي نتي وحليها لوكان معطوكش طريحها يوصلوك للسبيطار_يا ميرال خلاص بزاف ياك مصرا والو ستر ربي جا هذا جان بصح علابالك عجبوني عنيه وضحكتلها_امشي قودي (كاين لي عندهم هذي كلمة عيب وكاين لي لالا) عليا نتي تاني😂هم يضحك وهم يبكي مهم هي روحت لدارهم وانا رحت لدارنا و تعرفو لونكات كي توصلي وين رحتي واش درتي و كيفاش وووووووو 😂 فوتت اليوم هذاك عادي مصرا والو لا جديد لا والو غدوة من ذاك وقت الفطور ثاني خرجنا لقيت الجان لي سلكني واقف قدام وحد البلاكة مقابل باب المعهد حتى وقف قدامو خويا ياسين جاء عندي للمعهد عيطلي(ياسين عندو طنوبيل ونزار عندو موطو ياسين يخدم عند الدولة ويجى من الشهر لشهر) كى جاء وهذاك الجان يخزر فية ويعوج فى فمو سلمت عليه_توحشتك ختي_ عنقتو وحضنتو مام انا سينوو_قالي نخلصلكم لفطور رحنا فطرنا_بعد رجعنا للمعهد _حتى قاتلي ميرال_اسمعي شفتي هذاك الجان كيفاش قاعد يخزر 🤭_قتلها وانا واش دخلني فيه مهم كثر خيرو كي عاوني ومننساش فضلو_مهم عشية عاود رجع خويا دانا لدار انا وميمي بقا نفس ريتم متبدل والو لغدوا من ذاك جا هذا الخطرة نزار سامط مجاش محبتو فيا ولا لالا جا يبين روحو قدام لبنات راكم عارفين زعما شوفوني و يديرني سبة باه يجي ثم يتمعشق و يكحل على البنات و زدت شفت الجان هذاك لي مزال معرفت عليه والو لا اسمو لا زكراوي😂 قعد يشوف فينا انا ونزار كان نزار داير يدو فوق كتفي وميرال جابدة روحها شوية علينا زاد خلصلي فطور وراح و بعد رجعنا نكملو قرايتنا بعد تعب كبير من هذاك نهار مزدناش قرينا على 3 يام كنا نقراو على 8 نخرجو 11ونص نرجعو الواحدة نكملو على الرابعة كنت نروح ونرجع فى القطار ابار كيكون ياسين نروحو معاه بعد ما خلصو ثلاث يام هذو فالدار مع الخدمة و نطوياج و مع حفصة كل خطرة طل علينا وتروح كي عادت مزوجة بعيد علينا سيليا مع جهازها _لغدوا منداك نقراو من 8 ال11:30رايحين نفطرو(كنا نروحو ونرجعو فى القطار ابار كيكون ياسين نروحو معاه)..........................
خرجنا من المعهد رايحين نفطرو بيسك منرجعوش لديارنا بعيدة علينا شوي مهم روحنا مع القصرة في طريق وضحك مع ميمي هي ضحك سيرتو في هدرتها 😂_قريب نوصلو لريسطورو حتى شفت نفس الجان معاه.واحد بصح هذي المرة كان فى لوطو_معملتلوش حساب رحنا طول _اسمعي واشبيه هذا وين نروحو ديما نلقاوه_اوه متقوليليش طايح لوف فيك_ضربتني على ظهري_طايح لوف فيا دك نوريلك نجوم الليل نتي هههههه دخلنا قعدنا نفطرو وحنا نفطرو جاء عندي.................................. يتبع#وما_مفر_النصيب
#الكاتبة_SirinSos
❌#مـــــمــــنـــــوُع_آلَنـــقـــــل_بــــــدوُن_إذنـــــــي❌
#Parti_5
وحنا نفطرو جا عندي نفس الجان وقعد فى الكورسي مقابلني ميمي كانت جنبي نخلعت كفاه تجرأ و قعد معانا ولي كان معاه بقا واقف_حكمتني واحد الخلعة_واش كاين واش خصك علاه قعدت خويا راك غالط فالبلاصة(اما خيتي كيما يقولو لبساكرة💋على هذي تبهديلة ڨعرتلهاجدها يا ليليا 🥰)_اولا السلام _رجعنالو انا و ميرال وعليكم السلام_بدون مقدمات طاح بالهدرة زايدة _مكنتش عارفك ق**ة ولاعبتيها علينا رابعة العدوية _مفهمتكش و ميرال تقرص فيا من تحت_ علابالك ستر ربي كشفتك نقولك علاه يا الق**** اول مرة كفاه سترتي روحك وكفاه كنتى تبكي كي بان شعرك قلت هذي بنت اصل ومربية بصح ياحليلي خرجتى ق*** يا ر** ومن الكبار قالي مول IBIZA يرفد ومول الموطو يحط (هنا متت بضحك 😂 مول IBIZAيرفد و مول موطو يحط اوخدي 😂😂)_ميرال قاتلو _واش راك تخلط فهم روحك _انا حكمني شوك تصمرت في بلاصتي بقيت نخزر فيه كيفاش يهدر و سيريو زعم 🤭_____ معرفتش واش نهدر لساني بلعتو ناض وقف وخبط الطابلة بيدو_هنا رجعلي شاهد لعقلي كنت نتبع في تصرفاتو _يا وسمك خصارة درتك فى راسي وقلت هذي لي تكون حلالي ونجيبها لداري و قلت مدام صانت روحها اكيييد راح تكون بنت فاميليا ومزية رجعت وشفت بعينى قبل ما نتقدم والضربة لى ديتها نستاهلها باه منزيدش ندخل روحي فى حاجة متخصنيش انا ثما رجعلي شاهد العقل وتفكرت كاقال IBIZA بسك تاع ياسين والموطو تاع نزار راه يهدر عليهم عمبالو رانى نتمعشق معاهم بيسك هوما صح في زوج منبانش ختهم تقول صحبتهم مشي برك 😂هنا فرحت باه نلقا الصرف لي نرجعولو ومن جهة اخرى غاضنى الحال بسك الناس تفهم واش تحب متحاولش تحط موقف بلاك خاوتها وبلاك خوالها وووووو وقفت قابلة وجهو وقتلو احترم نفسك مكش في دار باباك هنا و ثانيا بواشمن صفة جاي لعندي و وجهك صحيح تاني _ليليا اسكتي راكي فضحتينا وسط الغاشي_واش رايحا ديرياذا محترمتكش اصلن انا نحترم ق### مصراتش هاذي وضحك😎_قتلو لق## هي ختك لعبها سيريو اما مول ل IBIZAو الموطو نفهمك في قدرك هذوك زوج خاوتي و نظن درك فهمك كفاية شديت ميرال من يدها جيت خارجة حكمني من يدي ونض................
الحلقه السادسه والسابعه والثامنه والتاسعه والعاشره من هنا
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺