لهيب عشقه أحرقني جنون سايكو قصص إدمان سيما .. Sima jarisse H. Y الجزء 3🔥 : البدايات 🥀🍷
 |
لهيب عشقه أحرقني جنون سايكو قصص إدمان سيما .. Sima jarisse H. Y الجزء 3🔥 : البدايات 🥀🍷
عائشة خرجت خبطت الباب قاتلي قربي قتلها وي عمري قاتلي اسامة منقدرش بلا بيه ولا نقبل راجل غيرو بلعت ريقي قتلها اهيه قاتلي نهرب لازم نهرب انا عيطت وااااش غلقتلي فمي قتلك وشبيييك هبلتي صح قاتلي انا منقدرش يا فيروز مكيش فاهمة ايه السيد صح شباب وطويل الله يبارك وباين كلاص من ريحتو برك لي ملات الدنيا بصح انا نحب اسامة هو راجلي وحبيب قلبي ومنيش قادرة نتقبل انو واحد يمسني من غيرو قتلها نتي تحكي منيتك كي قااالك في الصالو اذا قابلة علاه قلتي قاتلي خفت من جدي وماما راكي تعرفي جبتهم حتى هنا منبعد بدلت راي حرت فيها المهبولة واش تحكي قتلها نوضي نوضي نتي من الاول قبلتي قاتلي وهو خيرك انتي وباين عجبتيه انتي وقف في وجهنا وقال ليماه نسحق هذي البنت قتلها بلاك شافني نبان كبيرة مي علابلك هذا تلاقيتو منقبل وهو نفسو البياري لي جا المرة لي فاتت للسبيطار وحكيتلك عليه قالتي اوو قتلها ولله سكتت تخمم قاتلي راني محيرة ومنيش جايبة خبر كامل لواش يصرا حنا هكاك نهدرو تحل الباب دخلت يماه هذيك سعيدة شافت فيا طول قربت مني درت يدي على جنابي قاتلي نخبرك حاجة ديريها في مخك اذا روحت للدار ووليدي عجبتيه نتي صح نديك نتي ضحكت قتلها امم بربي نشاله قاتلي راني هدرت قربت منها حطيت يدي على كتافها ننفض قتلها ولله يا طاطا الزينة انا منيش كاميليا تسمعي فيا نبالك عاقلة بصح يقولك خاف من العاقل وغمزتلها شفت ماما دخلت قاتلها سعيدة الهدرة بيا برك بناتي خاطيين قاتلها إلياس عجباتو فيروز قاتلها وفيروز صغيرة 21 سنة وليدك داخل ل 40 شرعت عيني يا يما حكمت قلبي يبان صغيرة وليد الحرام ولله صح يقولك العز يصغر العبد قاتلها منبعد داخل الربعين الرسول وعائشة قاتلها علاه تجيبي وليدك للرسول فوتي قدامي بنت عمي تبسمت هذيك قاتلها كلامي يبقى مرفوع ومنبقاش نهدر لي عجبت وليدي ورتاح ليها هذيك هيا تخنزرت فيا وخرجت نطقت كاميليا قاتلي تخوف كي هي كي ولادها كي راجلها قتلها روماركيت حاجة شفتي راجلها كيفاه يخزر لماما ؟؟ قاتلي ولله شفتو حسبت غير انا لي تولهت قاتلي فيروز القايلي حل قتلها وشمن حل زعما تعيشي نتزوج بيه انا في بلاصتك تنهدت وسكتت تخمم سمعتهم كي خرجو روحت للصالو نلقى ماما قاعدة مع جدي وخوالي قالي ارواحي بنتي هنا قربت منو قتلو اا جدي قالي نتي ناوية تتزوجي بهذاك الطبيب لي خطبك قتلو امم حشمت هبطت راسي قالي خلاص مالا كي نزيدو نتفاهمو معاه ونديرو تاويل قتلو وين يسكنو هذو جدي قالي مشي بعاد علينا هوما من عايلتنا سعيدة بنت خويا وراجلها وليد وليد عمي قتلو اوو خالوطة قالي يسكنو قراب للعشيرة تاعنا قتلو ااا صح قالي شفتي الدار لي كنتي تجي ليها وتعجبك تقوليلي جدي حابة نوصل لهذيك الدار البعيدة قتلو اهيه قالي هذييك هيا يا بنتي قتلو منيتك جدو قالي ولله كيما نحكيلك قتلو غريبة كيفاه هذي الصدفة قالي وشمن صدفة فقت على روحي واش نحكي قتلو اا والو والو خبرت سامي يهز معانا واش جابو دخلتهم للشمبرة زوج فاليزات كبار عجبوني صراحة قتلها شوفي كاميليا وجه الشر تاع سعيدة جابت حتى قالت خلاص ستفدنا منها خيرمن لسانها السليط قاتلي وري نشوف هزيناهم نحلو فيهم الاولى كانت معمرة مكياج غالي وكوسميتيك الثانية روبات وقفطان وسمسال تاع ذهب حرت فيهم الناس في الخطبة ولا نقول الشوفة يجيبو هذا الخير ؟؟ ... انا هكاك غايسة صونا تلفوني معرفتش نميرو تاعمن كوبيت عاودلي هزيت الو نطق بصوتو الخشين والحنين في نفس الوقت الوو عضيت صبعي طرت من بلاصتي قتلو الوو قالي حبيبتي حشمت من الكلمة قتلو حليم صفا قالي لباس ونتي قتلو ولله بيا حمد لله قالي واش هدر معاك خالك قتلو ايه حكينا وصاي وماما راهي قابلة قالي مبروووك علينا قتلو اليوم كانت خطبة ختي قالي اا مبروك عليها قتلو ايماجيني شكون خطبها قالي شكوون قتلو هذاك البياري لي جا للسبيطار وقريب قتل المريض قالي اوو سيريو قتلو ولله ظهر لافامي تاع ماما ومعلابليش قالي واااعر قتلو ايه يبان للحظة تفكرت كي قالها نسحق هذي البنت تبسمت بلا وعي قتلو المهم حليم انا نروح نفرز الدار ها هي الرعدة بدات تضرب ضك يدخلنا الما كامل قالي اوكي الزينة مشي مشكل منبعد نهدرو ياك قتلو اوكي كوبيت عليه قاتلي كاميليا يا يما راكي تهدري معاه كون تسمع ماما تقطعلك وذنيك قتلها خطيبي قاتلي حبيت نشوفو هذا الخطيب الحبيب لي راكي هابلة عليه قتلها ولله زييين بصح وشنو جاي هادي بزاف قاتلي انا نعيط لاسامة نحاولو ولله راه غايضني قتلها منيتك نتي تخطبتي تحكي مع واحد خلاف نوضي هزي روحك خلينا نفرزو الدار سكتت وغطات راسها تنهدت بدلت قشي سيرفات وطلقت شعري نشوف فيه زاد طوال تحت مسلاني لدرجة نقعد عليه لميتو وخرجت خوالي راحو وعائشة في الكوزينة مع ولادها وسامي سمعت صوت الهدرة من الصالو قعدت نتسمع ماما هي ومرت بابا قاتلها شفتي يا نورة جا ورجع وقاعد يشوف فيا وهو فرحان وزيد وليدو حاب فيروز
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺