لهيب عشقه أحرقني جنون سايكو 🔥 قصص إدمان سيما .. Sima jarisse H. Y الجزء 4🔥 : البدايات 🥀🍷
 |
لهيب عشقه أحرقني جنون سايكو 🔥 قصص إدمان سيما .. Sima jarisse H. Y الجزء 4🔥 : البدايات 🥀🍷
كي قال هكاك تخيلي الرجفة حكمتني خاصة فيروز صغيرة وانا نعرف بنت عمي لي في راسها ديرو وراني خايفة على بناتي وليدها يبان انسان قاسي بزاف شفتيه قدو قد الغول وعجوزتها هذيك لي تتبسم من لتحت لتحت وهي لفعة كبيرة راح يديرو الباطل في كاميليا ياكلوها بلا ملح قاتلها اشش اسكتي متهدريش هكا قاتلها رجعو لهذيك الدار والذكريات تاع زمان عاودو رجعو وحياو في راسي وضك دالة بنتي منيش حابتها تعيش واش عشت عقدت حواجبي مش فاهمة الحكاية من اساسها دخلت احمم قاتلي ونتي يا بنت الكلبة مشي قتلك روحي ونوضي لااااه قعدتي معانا حتى شافك ولسق فيك قتلها بصح ماما واش نديرلو خطبة ختي وزيد تفاهم معاكم وانا ضك راني مخطوبة وريتلها الخاتم قاتلي فيروووز قتلها وشنووو مامااااا صاااااي خليني نشوف حياتي يا سيدي ربي راه عاجبني السيد ومشي تتحكمي فيا فهمتي لي عندو الحق يتحكم هو هذاك لي جابني وكان يحن عليا مشييي نتي فهمتي نتزوج حليم معجبكش هذيك حاجتك هزيت الطباسا وخليتها حالة فمها شفت عائشة خرجت تجري قاتلي وااش كاين واش صرا ؟؟ قتلها يماك تحب تدخل وانا كرهت منها يالله خلينا نكملو شغلنا روحت للكوزينة نطل من التاقة المطر بدات تصب حنا جايين في بلاصة هابطة شوي معانها تصب شوي يتجمع الما جيهتنا صبت صبت والرعدة تضرب خير ربي جا فرزت الكوزينة بديت نغسل في الماعين جا في بالي إلياس كي حكمني من ذراعي مديت يدي نشم في ريحتو لي مزالت فيه ولا ليطراس تاع يدو اووف فيروز واش تخممي وشبيك نتي كملت شغلي وسيقت زادت المطر دخل الما للكولوار قلقت هزيت البالي وحليت الباب نسيق وماما تقول وجوه الشر هذوك كي جاو صرا هكا عيطت على خياتي باه يسيقو معانا والجيران خارجين نفس الشي ديارهم تعمرو ما قوات الشتا وصاي تعمرت الطريق ماما عيطت علينا ولات تسب قالت لعائشة عيطييي لراجلك حالتنا ولات كارثة الما دخل للشومبرات لولاد يبكيو الطومبيلات حصلو لتحت وغرقو والناس بدات تخرج من الدار بسيف باه جا وليد خالتي ادم راجل عائشة خرج ولادو ومنبعد مرتو زادت وراه كامليا وخويا سامي وماما تهز في القش فوق الخزانة جبدت الدراهم والذهب مدتلو باه يخبيهم لفوق جدي سمع بدا يعيط خوالي نفس الشي رجعو لينا يعاونو الحالة تقلبت دخلت الحماية المدنية الليل بدا يطيح خرجت ماما وانا مزالني مع الفريز والما غطالي رجليا تفكرت الفوطو تاع بابا روحت للشمبرة نجيبها وماما تعيط عليا باه نخرج محبيتش كانت الفوطو كادر كبير معلق في شمبرتي هزيت الكرسي نرجف جاتني البكية من حالتنا هذي بديت نحي في ليشوفي من ثما بصح لاصقين بزاف قعدت معاهم دخل خالي قالي فيييرووز امشي قتلو لااا الفوطو تاع بابا منخليهاش لمحت واحد من الحماية دخل كان كبير شوي قالي بنتي امشي مكيش تشوفي الحالة قتلو جيبلي الفوطو تاع بابا نحيها قالي امشي مراحش تغرق راهي معلقة قتلو لاااا قالي البوطو راه شاعلة فيه النار امشي يا بنتي قتلو نحيلي الكادر نخرج جا هو دخل حكمني خالي هبطني وهذاك طالع يخبط فيه باه يتنحى كسرلو الزجاجة عيطت لاااااااا بديت نبكي ونقز قتلو علااااه داير روحك حااااااجة من صباح ونتي هبطي هبطي فلخر خربت جدها خالي حكمني يهدي فيا وهذاك هبط بعدت خالي وعاودت طلعت نحي فيه وخالي يحاول فيا يا بنتي يا بنتي مبغيتش نروح قالي مالااااا راني مروح كي عاد هكا هذا خالي مشي حنين كيما خالي محسن صح يحبنا يرحب بينا بصح يتقلق بلخف خرج وخلاني وحتى تاع الحماية بدا يسب وحدو وخرج نسمع في العياط والبكا برا والطومبيلات يزمرو غير قبل شوي كانت الحالة هادية وضك المطر خربت كلش نحيت الشوفي الاول تجرحت يدي مي بقيت نحاول ونخرز في بابا والوجه تاعو كل ما نفشل ويدي تتعب يعاود يطلعلي المورال بكيت وانا نشوف فيه قتلو وينك علاه روحت علاه خليتني وحدي تحل الباب وريحة شابة ضربتني لخشمي ايه نفسها تاعو درت بلخف نلقاه هو واقف عاقد حواجبو كان لابس نفس اللبسة تاع مقبيل قالي وااااش ديري قتلو ارواح نحيلي الياس تعيش ستغفر وقرب مني كنت طالعة فوق الكرسي بصح وصلني جاي ورايا قد قد قالي احكمي فيا ضك تتشمخي قتلو نحيلي الفوطو برك قالي احكمي وبلعي درت ليه ضمني لصدرو جبدت نفس منو وهو ماد يديه ورايا ينحي في الشوفي بقيت محضناتو حتى نحاه قالي ها هو شدي درت شديتو بلخف فقت على روحي واش ندير قتلو ص.. حا يعيشك خويا هبطني من الكرسي طاح الشوشو تاعي وشعري هبط بقى مركز معاه قالي وينو خمارك قتلو معرف قالي وتخرجي هكا حل الخزانة لفوق يحوس جبدلي لي لقاه طويل روبة ماما وخمار تاعها قالي البسي ازربي قتلو واش صاري كيفاه جيت قالي طاحتلي حاجة عندكم ورجعت وااااش ديري نتي وحدك هنا بهت فيه قتلو ك.. يفاه قالي وينهم داركم قتلو راهم برا بصح .. وخالي هذا وين كان هنا جرني وراه كي شاف المرا عمر الحالة بدا يسب قالي احكمي فيا نهزك قتلو لا صحيت عيط بلععييييي فمك قلت حاجة تتنفذ يالله هزني بلا مقدمات وليت نعيط هبطنييييييييييييي وشبيك نتا متفهمش
❤️🌺🌹❤️🌺🌹❤️🌺🌹❤️🌺🌹❤️🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺